13.12.2013 |
MT |
Il-Ġurnal Uffiċjali tal-Unjoni Ewropea |
C 365/120 |
RAPPORT
dwar il-kontijiet annwali tal-Awtorità Ewropea dwar is-Sigurtà fl-Ikel għas-sena finanzjarja 2012, flimkien mar-risposti tal-Awtorità
2013/C 365/17
INTRODUZZJONI
1. |
L-Awtorità Ewropea dwar is-Sigurtà fl-Ikel (minn hawn ’il quddiem “l-Awtorità”, magħrufa wkoll bħala l-“EFSA”), li tinstab f’Parma, ġiet stabbilita bir-Regolament (KE) Nru 178/2002 tal-Parlament Ewropew u tal-Kunsill (1). Ix-xogħlijiet prinċipali tal-Awtorità huma li tipprovdi t-tagħrif xjentifiku meħtieġ biex tiġi mfassla leġiżlazzjoni tal-Unjoni dwar l-ikel u s-sigurtà tal-ikel, li tiġbor u tanalizza d-data biex tippermetti l-identifikazzjoni u l-immonitorjar tar-riskji u li tipprovdi tagħrif indipendenti dwar dawn ir-riskji (2). |
INFORMAZZJONI LI TAPPOĠĠA D-DIKJARAZZJONI TA’ ASSIGURAZZJONI
2. |
L-approċċ tal-awditjar meħud mill-Qorti jinkludi proċeduri analitiċi tal-awditjar, ittestjar dirett tat-tranżazzjonijiet u valutazzjoni tal-kontrolli ewlenin tas-sistemi ta’ sorveljanza u kontroll tal-Awtorità. Dan huwa ssupplimentat b’evidenza pprovduta mix-xogħol ta’ awdituri oħrajn (fejn rilevanti) u analiżi tar-rappreżentazzjonijiet tal-maniġment. |
DIKJARAZZJONI TA’ ASSIGURAZZJONI
3. |
Skont id-dispożizzjonijiet tal-Artikolu 287 tat-Trattat dwar il-Funzjonament tal-Unjoni Ewropea (TFUE), il-Qorti awditjat:
|
Ir-responsabbiltà tal-maniġment
4. |
Skont l-Artikoli 33 u 43 tar-Regolament tal-Kummissjoni (KE, Euratom) Nru 2343/2002 (5), il-maniġment huwa responsabbli mit-tħejjija u l-preżentazzjoni ġusta tal-kontijiet annwali tal-Awtorità u mil-legalità u r-regolarità tat-tranżazzjonijiet ta’ bażi:
|
Ir-responsabbiltà tal-awditur
5. |
Ir-responsabbiltà tal-Qorti hija li, fuq il-bażi tal-awditu tagħha, tipprovdi lill-Parlament Ewropew u lill-Kunsill (7) b’dikjarazzjoni ta' assigurazzjoni dwar l-affidabbiltà tal-kontijiet annwali u dwar il-legalità u r-regolarità tat-tranżazzjonijiet ta’ bażi. Il-Qorti tmexxi l-awditu tagħha skont l-Istandards Internazzjonali tal-Awditjar u l-Kodiċijiet tal-Etika tal-IFAC u l-Istandards Internazzjonali tal-Istituzzjonijiet Supremi tal-Awditjar tal-INTOSAI. Dawn l-istandards jeżiġu li l-Qorti tippjana u twettaq l-awditu biex tikseb aċċertament raġonevoli dwar jekk il-kontijiet annwali tal-Awtorità jkunux ħielsa minn kwalunkwe dikjarazzjoni skorretta materjali u dwar jekk it-tranżazzjonijiet li fuqhom huma bbażati jkunux legali u regolari. |
6. |
L-awditu jinvolvi t-twettiq ta' proċeduri biex tinkiseb evidenza għall-awditjar dwar l-ammonti u d-divulgazzjonijiet fil-kontijiet u dwar il-legalità u r-regolarità tat-tranżazzjonijiet ta’ bażi. Il-proċeduri magħżula jiddependu fuq il-ġudizzju tal-awditur, li huwa bbażat fuq valutazzjoni tar-riskji ta’ dikjarazzjoni skorretta materjali tal-kontijiet u ta’ nuqqas ta’ konformità materjali mit-tranżazzjonijiet ta’ bażi mar-rekwiżiti fil-qafas legali tal-Unjoni Ewropea, sew jekk minħabba frodi u sew jekk minħabba xi żball. Meta jivvaluta dawn ir-riskji, l-awditur iqis kwalunkwe kontroll intern rilevanti għat-tħejjija u l-preżentazzjoni ġusta tal-kontijiet, kif ukoll is-sistemi ta’ sorveljanza u kontroll li jkunu implimentati biex jiġu żgurati l-legalità u r-regolarità tat-tranżazzjonijiet ta’ bażi, u jfassal proċeduri tal-awditjar li jkunu xierqa skont iċ-ċirkustanzi. L-awditu jinvolvi wkoll l-evalwazzjoni tal-adegwatezza tal-politiki kontabilistiċi, ir-raġonevolezza tal-istimi kontabilistiċi u l-preżentazzjoni kumplessiva tal-kontijiet. |
7. |
Il-Qorti tqis li l-evidenza għall-awditjar miksuba hija suffiċjenti u xierqa biex tipprovdi bażi għad-dikjarazzjoni ta’ assigurazzjoni tagħha. |
Opinjoni dwar l-affidabbiltà tal-kontijiet
8. |
Fl-opinjoni tal-Qorti, il-kontijiet annwali tal-Awtorità jippreżentaw b’mod ġust, fl-aspetti materjali kollha, il-pożizzjoni finanzjarja tagħha fil-31 ta’ Diċembru 2012 u r-riżultati tal-operazzjonijiet tagħha u l-flussi tal-flus tagħha għas-sena li ntemmet dakinhar, skont id-dispożizzjonijiet tar-Regolament Finanzjarju tagħha u r-regoli kontabilistiċi adottati mill-uffiċjal tal-kontabbiltà tal-Kummissjoni. |
Opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet
9. |
Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali għas-sena li ntemmet fil-31 ta’ Diċembru 2012 huma legali u regolari fl-aspetti materjali kollha. |
10. |
Il-kummenti li ġejjin ma jixħtux dubju fuq l-opinjonijiet tal-Qorti. |
KUMMENTI DWAR L-AFFIDABBILTÀ TAL-KONTIJIET
11. |
Il-validazzjoni tas-sistemi kontabilistiċi mill-uffiċjal tal-kontabbiltà tal-Awtorità tkopri s-sistemi ċentrali tal-ABAC u tas-SAP, iżda mhux is-sistemi lokali u l-affidabbiltà ta’ skambji tad-data bejn sistemi ċentrali u lokali. Dan jirrappreżenta riskju fir-rigward tal-affidabbiltà tad-data tal-kontabbiltà. |
KUMMENTI DWAR IL-KONTROLLI INTERNI
12. |
Wara li twettqu valutazzjonijiet tar-riskji ta’ livell għoli minn konsulent estern fl-2012 u mis-Servizz tal-Awditjar Intern tal-Kummissjoni fi Frar 2013, ġie identifikat għadd ta’ riskji kritiċi potenzjali fl-operat tal-kontrolli interni tal-Awtorità, b’mod partikolari fl-oqsma tal-ġestjoni tad-data, tal-kontinwità tan-negozju u tas-sigurtà tal-IT. L-Awtorità bdiet awtovalutazzjoni komprensiva tas-sistema ta’ kontroll intern tagħha fl-2012. Il-proċess għadu għaddej u l-implimentazzjoni tal-azzjonijiet korrettivi hija ppjanata għall-2013. |
KUMMENTI DWAR IL-ĠESTJONI BAĠITARJA
13. |
Il-livell kumplessiv ta’ approprjazzjonijiet impenjati kien ta’ 99 %. Madankollu, il-livell ta’ approprjazzjonijiet impenjati riportati għat-Titolu II (nefqa amministrattiva) kien għoli f’livell ta’ EUR 2,3 miljun (22 % tal-approprjazzjonijiet tat-Titolu II) u għat-Titolu III (nefqa operazzjonali) f’livell ta’ EUR 5,6 miljun (30 % tal-approprjazzjonijiet tat-Titolu III). Għat-Titolu II, l-ammonti riportati li jammontaw għal EUR 1,1 miljun saru b’konformità mal-pjan ta’ ġestjoni tal-EFSA jew kienu relatati ma’ pagamenti sospiżi għal raġunijiet lil hinn mill-kontroll tal-Awtorità. Fil-każ tat-Titolu III, l-ammonti riportati ta’ EUR 2,1 miljun saru b’konformità mal-pjan ta’ ġestjoni tal-EFSA u ammont ta’ EUR 0,83 miljun kien riportat għal raġunijiet lil hinn mill-kontroll tal-Awtorità. |
SEGWITU GĦALL-KUMMENTI MIS-SENA PREĊEDENTI
14. |
Ħarsa ġenerali lejn l-azzjonijiet korrettivi li ttieħdu b’rispons għall-kummenti tal-Qorti mis-sena preċedenti tingħata fl-Anness I. |
Dan ir-Rapport ġie adottat mill-Awla IV, immexxija minn Dr Louis GALEA, Membru tal-Qorti tal-Awdituri, fil-Lussemburgu fil-laqgħa tagħha tas-17 ta’ Settembru 2013.
Għall-Qorti tal-Awdituri
Vítor Manuel da SILVA CALDEIRA
President
(2) L-Anness II jagħti sommarju tal-kompetenzi u l-attivitajiet tal-Awtorità. Huwa ppreżentat għal skopijiet ta’ informazzjoni.
(3) Dawn jinkludu l-karta tal-bilanċ u l-kont tar-riżultat ekonomiku, it-tabella tal-flussi tal-flus, ir-rapport tat-tibdil fl-assi netti u sommarju tal-politiki kontabilistiċi sinifikanti u noti oħra ta’ spjegazzjoni.
(4) Dawn jinkludu l-kont tar-riżultat baġitarju u l-anness għall-kont tar-riżultat baġitarju.
(5) ĠU L 357, 31.12.2002, p. 72.
(6) Ir-regoli kontabilistiċi adottati mill-uffiċjal tal-kontabbiltà tal-Kummissjoni ġejjin mill-Istandards Internazzjonali tal-Kontabbiltà għas-Settur Pubbliku (IPSAS) maħruġa mill-Federazzjoni Internazzjonali tal-Kontabilisti jew, fejn rilevanti, l-Istandards Internazzjonali tal-Kontabbiltà (IAS)/l-Istandards Internazzjonali tar-Rappurtar Finanzjarju (IFRS) maħruġa mill-Bord dwar l-Istandards Internazzjonali tal-Kontabbiltà.
(7) L-Artikolu 185(2) tar-Regolament tal-Kunsill (KE, Euratom) Nru 1605/2002 (ĠU L 248, 16.9.2002, p. 1).
ANNESS I
Segwitu għall-kummenti mis-sena preċedenti
Sena |
Kumment tal-Qorti |
Status tal-azzjoni korrettiva (Ikkompletata / Għadha għaddejja / Pendenti / M/A) |
2011 |
Dan l-għadd għoli ta’ trasferimenti fil-baġit jindika dgħufijiet fl-ippjanar u fl-implimentazzjoni tal-baġit u jmur kontra l-prinċipju tal-ispeċifikazzjoni. |
Għadha għaddejja |
2011 |
L-Awtorità xtrat bini ġdid għall-kwartieri ġenerali f’Diċembru 2011 għal EUR 36,8 miljun li se jitħallsu bin-nifs kull tliet xhur fuq 25 sena, li jfisser li l-pagamenti tal-interessi jammontaw għal EUR 18,5 miljun. Il-Qorti tistaqsi jekk setgħetx tinstab alternattiva iktar ekonomika mill-awtoritajiet baġitarji skont il-prinċipju tal-ġestjoni finanzjarja tajba u li tiżgura rispett sħiħ tar-Regolament Finanzjarju. |
Għadha għaddejja (Il-Kummissjoni ma aċċettatx li tipprovdi fondi addizzjonali biex jitħallas lura s-self kollu). |
2011 |
Hemm lok għal titjib fit-trasparenza tal-proċedura tar-reklutaġġ. Il-mistoqsijiet għat-testijiet bil-kitba u għall-intervisti ġew stabbiliti wara li l-applikazzjoniijet kienu ġew eżaminati mill-bord tal-għażla u d-dikjarazzjonijiet dwar il-kunfidenzjalità u n-nuqqas ta’ kunflitt ta’ interess ġew iffirmati biss mill-membri tal-bord tal-għażla, matul u mhux qabel l-evalwazzjoni tal-applikazzjonijiet tal-kandidati. |
Għadha għaddejja (F’Marzu 2012 ġew stabbiliti linji gwida ġodda ta’ reklutaġġ biex jirrimedjaw dawn id-dgħufijiet fil-futur). |
ANNESS II
Awtorità Ewropea dwar is-Sigurtà fl-Ikel (Parma)
Kompetenzi u attivitajiet
Oqsma ta’ kompetenza tal-Unjoni stipulati fit-Trattat |
Ġbir ta’ informazzjoni
|
||||||||||||||||||||||||||||||||||||||||||||||||||||||||
Kompetenzi tal-Awtorità (Ir-Regolament (KE) Nru 178/2002 tal-Parlament Ewropew u tal-Kunsill) |
Għanijiet
Xogħlijiet
|
||||||||||||||||||||||||||||||||||||||||||||||||||||||||
Tmexxija |
Bord tal-Amministrazzjoni Kompożizzjoni 14-il membru maħtura mill-Kunsill (b’kooperazzjoni mal-Parlament Ewropew u l-Kummissjoni) u rappreżentant wieħed tal-Kummissjoni. Xogħol Li jadotta l-programm tax-xogħol u l-baġit u jiżgura li jiġu implimentati. Direttur Eżekuttiv Maħtur mill-Bord tal-Amministrazzjoni abbażi ta’ lista ta’ kandidati proposti mill-Kummissjoni, wara seduta quddiem il-Parlament Ewropew. Forum ta’ Konsulenza Kompożizzjoni Rappreżentant wieħed minn kull Stat Membru. Xogħol Li jagħti konsulenza lid-Direttur Eżekuttiv. Kumitat Xjentifiku u bordijiet xjentifiċi Li jħejju l-opinjonijiet xjentifiċi tal-Awtorità. Awditu estern Il-Qorti Ewropea tal-Awdituri. Awditu intern L-Unità tal-Awditjar Intern tal-EFSA. Is-Servizz tal-Awditjar Intern tal-Kummissjoni Ewropea (IAS). Awtorità ta’ kwittanza Il-Parlament Ewropew li jaġixxi fuq rakkomandazzjoni mill-Kunsill. |
||||||||||||||||||||||||||||||||||||||||||||||||||||||||
Riżorsi disponibbli għall-Awtorità fl-2012 (2011) |
Baġit EUR 78,3 (78,8) miljun li minnhom 100 % (100 %) huma sussidju mill-Unjoni Ewropea. Persunal fil-31 ta' Diċembru 2012 Postijiet fit-tabella tal-persunal: 355 (355), li minnhom hemm postijiet okkupati:
Total tal-persunal (inklużi disa’ ittri ta’ offerta mibgħuta fil-31.12.2012): 466 (443), li minnhom għal:
|
||||||||||||||||||||||||||||||||||||||||||||||||||||||||
Prodotti u servizzi fl-2012 (2011) |
Prodotti xjentifiċi u pubblikazzjonijiet ta’ sostenn 2012 (2011) Attività 1: Għoti ta’ opinjonijiet xjentifiċi u konsulenza u approċċi għall-analiżi tar-riskju
Total tal-prodotti xjentifiċi għall-attività nru 1 = 65 (57) Attività 2: Evalwazzjoni ta’ prodotti, sustanzi u klejms soġġetti għal awtorizzazzjoni
Total tal-prodotti xjentifiċi għall-attività 2 = 320 (384) Attività 3: Ġbir ta’ Data, kooperazzjoni xjentifika u netwerking
Total tal-prodotti xjentifiċi għall-attività 3 = 131 (107) Pubblikazzjonijiet ta’ Sostenn
Total ta’ Pubblikazzjonijiet ta’ Sostenn = 162 (110) Total ta' prodotti = 678 (658)
|
||||||||||||||||||||||||||||||||||||||||||||||||||||||||
Sors: Informazzjoni mogħtija mill-Awtorità. |
IT-TWEĠIBIET TAL-AWTORITÀ
11. |
Ir-riskju msemmi mill-Qorti ma mmaterjalizzax fl-użu ta’ dejta mhux preċiża mill-Uffiċċju tal-Kontabilist tal-EFSA. Madankollu l-Awtorità se tintegra s-sistemi lokali tagħha fil-proċess ta’ validazzjoni mill-Kontabilist tagħha. |
12. |
Bħala parti mill-ġestjoni u l-proċeduri ta’ kontroll intern tagħha l-Awtorità twettaq valutazzjoniet tar-riskju ta’ livell għoli fuq bażi regolari sabiex tidentifika u tadotta miżuri adegwati ta’ mitigazzjoni għar-riskji potenzjali. Dan l-eżerċizzju huwa kontroll intern prinċipali stabbilit biex tiżdied il-probabilità li jinkisbu l-objettivi tal-Awtorità. L-Awtorità se tkompli ttejjeb tali approċċ preventiv ta’ ġestjoni bbażata fuq ir-riskju. |
13. |
L-Awtorità se tkompli ttejjeb il-monitoraġġ tal-implimentazzjoni tal-baġit sabiex iżżomm ir-riport konformi mal-objettivi tal-implimentazzjoni tal-baġit stipulati għal attivitajiet operazzjonali. |