dwar il-kontijiet annwali tal-Aġenzija Ewropea għas-Sustanzi Kimiċi għas-sena finanzjarja 2012, flimkien mar-risposti tal-Aġenzija

Opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet

(2) L-Anness II jagħti sommarju tal-kompetenzi u l-attivitajiet tal-Aġenzija. Huwa ppreżentat għal skopijiet ta’ informazzjoni.

(3) Dawn jinkludu l-karta tal-bilanċ u l-kont tar-riżultat ekonomiku, it-tabella tal-flussi tal-flus, ir-rapport tat-tibdil fl-assi netti u sommarju tal-politiki kontabilistiċi sinifikanti u noti oħra ta’ spjegazzjoni.

(4) Dawn jinkludu l-kont tar-riżultat baġitarju u l-anness għall-kont tar-riżultat baġitarju.

(6) Ir-regoli kontabilistiċi adottati mill-uffiċjal tal-kontabbiltà tal-Kummissjoni ġejjin mill-Istandards Internazzjonali tal-Kontabbiltà għas-Settur Pubbliku (IPSAS) maħruġa mill-Federazzjoni Internazzjonali tal-Kontabilisti jew, fejn rilevanti, l-Istandards Internazzjonali tal-Kontabbiltà (IAS)/l-Istandards Internazzjonali tar-Rappurtar Finanzjarju (IFRS) maħruġa mill-Bord dwar l-Istandards Internazzjonali tal-Kontabbiltà.

ANNESS II

Aġenzija Ewropea għas-Sustanzi Kimiċi (Ħelsinki)

Kompetenzi u attivitajiet

Oqsma ta’ kompetenza tal-Unjoni stipulati fit-Trattat

Ġbir ta’ informazzjoni

—	Il-bażi legali tar-regolament li fuqu hija msejsa l-ECHA – ir-Regolament REACH (KE) Nru 1907/2006 – hija l-Artikolu 114 tat-Trattat dwar il-Funzjonament tal-UE.

Kompetenzi tal-Aġenzija

(kif definiti fir-Regolament (KE) Nru 1907/2006 tal-Parlament Ewropew u tal-Kunsill (ir-Regolament REACH), fir-Regolament (KE) Nru 1272/2008 tal-Parlament Ewropew u tal-Kunsill (Il-klassifikazzjoni,l-ittikkettar u l-imballaġġ ta’ sustanzi u taħlitiet), fir-Regolament (UE) Nru 528/2012 tal-Parlament Ewropew u tal-Kunsill (ir-Regolament dwar il-Prodotti Bijoċidali) u fir-Regolament (UE) Nru 649/2012 tal-Parlament Ewropew u tal-Kunsill (Kunsens informat minn qabel)

Objettivi

—

L-għan tar-Regolamenti REACH u CLP huwa li jiġi żgurat livell għoli ta' protezzjoni tas-saħħa tal-bniedem u tal-ambjent, inkluża l-promozzjoni ta' metodi alternattivi għall-istima ta' perikli ta' sustanzi, kif ukoll il-moviment liberu tas-sustanzi fis-suq intern filwaqt li tittejjeb il-kompetittività u l-innovazzjoni (l-Artikolu 1(1) tar-Regolament REACH, l-Artikolu 1 tar-Regolament CLP).

—

L-ECHA hija stabbilita għall-finijiet tal-ġestjoni, u f'xi każijiet, għat-twettiq tal-aspetti tekniċi, xjentifiċi u amministrattivi tar-Regolament REACH u sabiex tiġi żgurata konsistenza fil-livell tal-Unjoni fir-rigward ta' dawn l-aspetti (l-Artikolu 75 tar-Regolament REACH) u għall-ġestjoni ta’ kompiti relatati mal-klassifikazzjoni u l-ittikkettar ta' sustanzi kimiċi li ġejjin mir-Regolament CLP.

Kompiti

—	Li tirċievi reġistrazzjonijiet u dossiers oħra ta’ sustanzi kimiċi u twettaq kontroll tal-kompletezza tagħhom (it-Titolu II tar-Regolament REACH).

—	Li tipproċessa domandi fir-rigward tar-reġistrazzjonijiet u tieħu deċiżjonijiet fuq kwistjonijiet dwar kondiviżjoni ta’ data (it-Titolu III tar-Regolament REACH).

—	Li teżamina dossiers tar-reġistrazzjoni għal konformità mar-Regolament REACH u l-proposti ta’ ttestjar fihom, u li tikkoordina l-proċess ta’ evalwazzjoni tas-sustanza (it-Titolu VI tar-Regolament REACH).

—	Li tipproċessa proposti dwar sustanzi ta' tħassib serju ħafna għal-Lista ta’ Kandidati u tagħmel rakkomandazzjonijiet biex xi wħud minn dawn is-sustanzi jiġu inklużi fil-Lista ta’ Awtorizzazzjoni u li tittratta applikazzjonijiet tal-awtorizzazzjoni (it-Titolu VII tar-Regolament REACH).

—	Li tipproċessa dossiers ta’ restrizzjonijiet (it-Titolu VIII tar-Regolament REACH).

—	Li tistabbilixxi u żżomm database(s) pubbliċi b’informazzjoni dwar is-sustanzi reġistrati kollha u tagħmel ċerta informazzjoni disponibbli għall-pubbliku fuq l-Internet (l-Artikoli 77, 119 tar-Regolament REACH).

—	Li tipprovdi gwida u għodda tekniċi u xjentifiċi fejn ikun il-każ (l-Artikolu 77 tar-Regolament REACH, l-Artikolu 50(2) tar-Regolament CLP).

—

Li tipprovdi lill-Istati Membri u lill-istituzzjonijiet tal-UE bl-aqwa parir xjentifiċi u tekniċi possibbli dwar kwistjonijiet relatati ma’ sustanzi kimiċi li jaqgħu taħt ir-responsabbiltà tagħha u li jiġu riferuti lilha skont id-dispożizzjonijiet tar-Regolamenti REACH u CLP (l-Artikolu 77(1) tar-Regolament REACH, l-Artikolu 50(1) tar-Regolament CLP).

—	Li tirċievi notifiki C&L (klassifikazzjoni u ttikkettar), iżżomm inventarju pubbliku C&L, tittratta talbiet għal ismijiet alternattivi u tipproċessa proposti għall-klassifikazzjoni u għall-ittikkettar armonizzati ta' sustanzi (CLP).

—	Li timplimenta kompiti tekniċi u xjentifiċi b’konformità mar-Regolament dwar il-Prodotti Bijoċidali meta dan jiġi fis-seħħ.

—	Li timplimenta kompiti taħt ir-Regolament PIC (‘Kunsens Informat minn Qabel’) meta dan jiġi fis-seħħ.

Tmexxija

Bord ta’ Tmexxija

Rappreżentant minn kull Stat Membru maħtur mill-Kunsill u massimu ta' sitt rappreżentanti maħtura mill-Kummissjoni, inklużi tliet individwi mill-partijiet interessati mingħajr drittijiet ta' votazzjoni, kif ukoll żewġ persuni indipendenti maħtura mill-Parlament Ewropew. (l-Artikolu 79 tar-Regolament REACH).

Kompiti

L-Artikolu 78 tar-Regolament REACH u r-regolament finanzjarju qafas għall-aġenziji, prinċipalment li jadotta l-programmi ta’ ħidma annwali u pluriennali, il-baġit finali, rapport ġenerali, ir-regoli ta’ proċedura interni u li jaħtar id-Direttur Eżekuttiv u jeżerċita awtorità dixxiplinarja fuqu. Barra minn dan, jaħtar il-Bord tal-Appell u l-membri tal-Kumitati.

Direttur Eżekuttiv

Kompiti

L-Artikolu 83 tar-Regolament REACH.

Kumitati

L-Aġenzija tinkludi tliet Kumitati Xjentifiċi (tal-Istima tar-Riskji, tal-Istati Membri u ta’ Analiżi Soċjo-Ekonomika).

Kompiti

L-Artikolu 76(1)(c-e) tar-Regolament REACH.

Forum għall-Iskambju ta’ Informazzjoni dwar l-Infurzar

Kompiti

L-Artikolu 76(1)(f) tar-Regolament REACH.

Segretarjat

Kompiti

L-Artikolu 76(1)(g) tar-Regolament REACH.

Bord tal-Appell

Kompiti

L-Artikolu 76(1)(h) tar-Regolament REACH.

Awditu estern

Il-Qorti Ewropea tal-Awdituri.

Awditu intern

Is-Servizz tal-Awditjar Intern tal-Kummissjoni Ewropea (IAS).

Awtorità ta' kwittanza

Il-Parlament Ewropew, fuq rakkomandazzjoni mill-Kunsill (l-Artikolu 97(10) tar-Regolament REACH).

Riżorsi disponibbli għall-Aġenzija fl-2012 (2011)

Baġit (inklużi l-baġits emendatorji)

—

EUR 98,9 (93,2) miljun, inklużi:

—	Dħul mit-tariffi: EUR 26,6 (33,5) miljun;

—

Kontribuzzjoni mill-Unjoni: EUR 4,9 (0,0) miljun għall-appoġġ tal-implimentazzjoni tar-Regolament (UE) Nru 528/2012 dwar it-tqegħid fis-suq u l-użu tal-prodotti bijoċidali (EUR 3,2 miljun), ir-Regolament (UE) Nru 649/2012 tal-Parlament Ewropew u tal-Kunsill tal-4 ta’ Lulju 2012 dwar l-esportazzjoni u l-importazzjoni ta’ sustanzi kimiċi perikolużi (EUR 1,5 miljun) u l-istrument ta’ qabel l-adeżjoni – IPA (EUR 0,2 miljun).

Persunal fil-31 ta’ Diċembru 2012

—	Għadd ta’ postijiet fit-tabella tal-persunal: 470 (456)

—	Għadd ta' postijiet okkupati: 447 (441)

—	Persunal ieħor: 65 (90) (aġenti kuntrattwali u esperti nazzjonali sekondati)

—

Total tal-persunal: 506 (537), assenjati għall-kompiti li ġejjin:

—	Kompiti operazzjonali: 352 (333);

—	Kompiti amministrattivi u ta’ sostenn: 185 (173)

Attivitajiet u servizzi pprovduti fl-2012 (2011)

Il-Programm ta’ Ħidma tal-ECHA kien maqsum fis-16-il Attività li ġejjin:

Reġistrazzjoni, Prereġistrazzjoni u Kondiviżjoni ta' data

—	Għadd ta’ dossiers tar-reġistrazzjoni pproċessati: 9 773(6 100)

—	Għadd ta’ valutazzjonijiet ta’ talbiet ta’ kunfidenzjalità kkompletati: 871 (630) [nota: 639 (229) talba ta’ kunfidenzjalità b’konformità mal-Artikolu 119(2)]

—	Għadd ta’ domandi milqugħa: 1 632(1 970)

—	Għadd ta’ deċiżjonijiet maħruġa fuq tilwim dwar il-kondiviżjoni ta’ data: 1 (3)

—	Għadd ta’ sustanzi li l-informazzjoni dwarhom ġiet disponibbli għall-pubbliku (għajr informazzjoni kunfidenzjali): 7 884(4 100)

Evalwazzjoni

—	Għadd ta’ kontrolli ta’ konformità kkompletati: 198 (146)

—	Għadd ta’ deċiżjonijiet finali dwar proposti ta’ ttestjar: 171 (22)

Ġestjoni tar-Riskju

—	Għadd ta’ sustanzi identifikati għall-inklużjoni fil-Lista tal-Kandidati: 67 (28)

—	Għadd ta’ rakkomandazzjonijiet ta’ sustanzi biex jiġu inklużi fil-Lista ta’ Awtorizzazzjoni: 0 (1)

—	Għadd ta’ dossiers ta’ restrizzjonijiet ppreżentati għal deċiżjoni mill-Kummissjoni: 1 (4)

—	Għadd ta’ applikazzjonijet għal awtorizzazzjoni milqugħa: 0 (0)

—	Għadd ta’ notifiki dwar sustanzi tal-Lista tal-Kandidati f’artikli: 31 (203)

Klassifikazzjoni u Ttikkettar (C&L)

—	Għadd ta’ notifiki C&L milqugħa: 5,7 miljun għal aktar minn 120 000 sustanza

—	Għadd ta’ proposti milqugħa għal klassifikazzjoni u ttikkettar armonizzati: 27 (56)

—	Għadd ta’ talbiet għal ismijiet alternattivi għal sustanzi f’taħlitiet: 13 (0)

Pariri u assistenza

—	Għadd ta’ mistoqsijiet imwieġba mill-helpdesk: 5 684

—	Għadd ta’ dokumenti ta’ gwida ġodda maħruġa: 0 (3) u l-għadd ta’ aġġornamenti ta’ gwida maħruġa: 30 inklużi 17-il rettifika (14)

Għodod Xjentifiċi tal-IT

—	Modifiki ta’ REACH-IT għall-iskadenza tal-2013.

—	Titjib ulterjuri u rilaxx ta’ Għodod tal-IT: IUCLID, CHESAR, Odyssey.

—	Soluzzjonijiet tal-IT għal Stati Membri biex ikollhom aċċess għad-data tad-dossier u tas-sustanzi.

—	Tkabbir ulterjuri tal-ambitu tal-informazzjoni mxerrda dwar is-sustanzi.

—	Rilaxx u manutenzjoni tal-Inventarju C&L.

—	Żvilupp ta’ pjattaforma C&L għall-kollaborazzjoni.

—	Rilaxx tal-appoġġ mill-IT għall-proċess ta’ ħidma tal-proċessi ta’ evalwazzjoni.

Pariri Xjentifiċi u Tekniċi lill-istituzzjonijiet u lill-korpi tal-UE

—	Kuntratt iffirmat għall-appoġġ ta’ żvilupp ulterjuri ta’ metodoloġiji tal-ġestjoni tar-riskju għal sustanzi ‘kumplessi’.

—	Metodi komputazzjonali jiġu applikati fuq bażi regolari b’appoġġ tal-proċessi differenti.

—	Ġiet organizzata l-ewwel laqgħa tal-GAARN (Grupp ta’ Valutazzjoni ta’ Nanomaterjali li huma diġà Reġistrati).

—	Pubblikazzjoni ta’ “Best Practices on physicochemical and substance identity information for nanomaterials” (L-Aħjar Prattiki fir-rigward ta’ informazzjoni fiżikokimika u dwar l-identità tas-sustanzi għal nanomaterjali) u aġġornament ta’ dokumenti oħra ta’ gwida.

—	Laqgħa tal-esperti tal-OECD saret fejn l-istrateġija tal-ittestjar għal irritanti tal-ġilda ġiet abbozzata.

—	Kontributi pprovduti għall-iżvilupp ta’ metodi ewlenin ta’ ttestjar tal-ġenotossiċità previsti fir-REACH ITS (Strateġija tal-Ittestjar Integrat) u għax-xogħol ta’ PARERE (Analiżi Preliminari ta’ Rilevanza Regolatorja).

Kumitati u Forum

—	Għadd ta’ ftehimiet unanimi tal- MSC: 179 (2)

—	Għadd ta’ opinjonijiet tar-RAC: 34 (36)

—	Għadd ta’ opinjonijiet tas-SEAC: 1 (0)

Bord tal-Appell

—	Għadd ta’ appelli mressqa: 8 (6)

—	Għadd ta’ deċiżjonijiet fuq appelli: 1 (6) u Għadd ta’ deċiżjonijiet ta’ proċedura: 6 (10)

Komunikazzjoni

—

4 Avvenimenti tal-partijiet interessati organizzati:

—	L-Ewwel Sessjoni Pilota ta’ Ħidma għar-Reġistranti fi Frar (74 + 175 permezz ta’ web-stream),

—	It-Tieni Sessjoni Pilota ta’ Ħidma għar-Reġistranti f’Ottubru (76 + 200 permezz ta’ web-stream),

—	Is-Seba’ edizzjoni ta’ Jum il-Partijiet Interessati f’Mejju (287 parteċipant estern + 353 permezz ta’ web-stream),

—	Sessjoni ta’ Ħidma għal Partijiet Interessati Akkreditati f’Novembru (21 parteċipant).

—	16-il webinar organizzati b’2 999 parteċipant.

—	276 dokument tradotti.

—	92 pubblikazzjoni;

—	39 stqarrija għall-istampa, 62 avviż tal-aħbarijiet, 6 bullettini.

—	3 miljun viżitatur tal-websajt.

Kooperazzjoni Internazzjonali

—	Kooperazzjoni xjentifika u teknika mal-OECD (eż. ChemPortal; Sett ta’ għodod QSAR).

Ġestjoni

—	Żvilupp u titjib kontinwu tas-sistemi amministrattivi u ta’ ġestjoni, inkluża l-IQMS.

Finanzi, Akkwist u Kontabbiltà

—	Ġestjoni rigoruża tal-baġit u tar-riżervi tal-flus kontanti.

—	Għadd kbir ta’ azzjonijiet ta’ akkwist imwettqa, eż. biex tiġi stabbilita ġenerazzjoni ġdida ta’ kuntratti qafas għal servizzi tal-IT u kuntratti qafas fl-oqsma ta’ servizzi xjentifiċi, komunikazzjoni u servizzi amministrattivi.

—	Għadd totali ta’ kumpaniji vverifikati fir-rigward tal-istatus SME: 315.

Riżorsi umani u servizzi korporattivi

—	23 (24) proċeduri tal-għażla ffinalizzati; 65 (93) membru tal-persunal reklutati (TA u CA).

Teknoloġija tal-Informatika u tal-Komunikazzjoni

—	Forniment ta’ servizzi biex l-infrastruttura tal-ICT u r-riżorsi tal-ICT jibqgħu operazzjonali u fil-livell xieraq ta’ prestazzjoni.

—	Stabbiliment ta’ soluzzjoni għall-Kontinwità tan-Negozju għal sistemi tal-IT kritiċi għall-missjoni li jiddependu fuq servizzi esternalizzati ta’ hosting.

—	Tnedija ta’ sistema għar-reġistrazzjoni tal-ħin.

—	Migrazzjoni tas-softwer tal-istazzjonijiet tax-xogħol kollha għal verżjonijiet aġġornati.

Bijoċidi

—	Analiżi, tfassil u implimentazzjoni tar-Reġistru għall-Prodotti Bijoċidali (R4BP).

—	Żvilupp tal-ewwel abbozz ta’ dokumenti ewlenin ta’ gwida.

—	Pjan preliminari ta’ ħidma għall-Kumitat dwar il-Prodotti Bijoċidali.

—	L-Istati Membri ġew mistiedna biex jaħtru Membri, jipprovdu l-President u s-Segretarjat għall-Kumitat il-ġdid u biex jibdew jippreparaw għall-Grupp ta’ Koordinazzjoni.

PIC

—	Attivitajiet preparatorji.

Sors: Informazzjoni mogħtija mill-Aġenzija.

Sena	Kumment tal-Qorti	Status tal-azzjoni korrettiva (Ikkompletata / Għadha għaddejja / Pendenti / M/A)
2011	Il-baġit 2011 tal-Aġenzija ammonta għal EUR 93,2 miljun, li minnhom EUR 14,9 miljun (16 %) ġew riportati għall-2012. Ir-riporti relatati mat-Titolu III (nefqa operazzjonali) ammontaw għal EUR 11,5 miljun (55 %). Il-livell ta’ riporti huwa eċċessiv u jmur kontra l-prinċipju baġitarju tal-annwalità.	Għadha għaddejja
2011	Ir-riżultati tal-inventarju fiżiku l-aktar reċenti mwettaq fl-2011 juru bosta nuqqasijiet, speċjalment fir-rigward tal-proporzjon baxx ta’ assi tal-ICT iċċekkjati fir-rigward tal-valur. Ma hemm l-ebda politika formali fis-seħħ dwar l-inventarju ta’ assi fissi.	Għadha għaddejja
2011	L-Aġenzija tirreġistra bħala nefqa dawk l-ispejjeż relatati ma’ proġetti tal-ICT li diġà qegħdin jintużaw minflok ma tirrikonoxxihom bħala assi fissi.	Ikkompletata
2011	Il-Qorti identifikat nuqqasijiet fil-proċeduri tar-reklutaġġ. Ma hemm l-ebda evidenza li l-limiti minimi biex wieħed jgħaddi d-diversi stadji tal-proċeduri jew il-mistoqsijiet għal intervisti jew testijiet bil-miktub kienu ġew stabbiliti qabel ma ġew eżaminati l-applikazzjonijiet. Id-dikjarazzjonijiet ta’ interessi kienu inadegwati għall-qbid u l-prevenzjoni ta’ kunflitti ta’ interessi ta’ membri tal-bord ta’ għażla. F’każ minnhom il-proċedura tal-għażla kienet irregolari peress li l-aġent ġie rreklutat għal post differenti minn dik ippubblikata.	Ikkompletata