dwar il-kontijiet annwali tal-Impriża Konġunta SESAR għas-sena finanzjarja 2011 flimkien mar-risposti tal-Impriża Konġunta

Opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet

Il-funzjoni tal-verifika interna u s-Servizz tal-Awditjar (Verifika) Intern tal-Kummissjoni

(1) Ir-Regolament tal-Kunsill (KE) Nru 219/2007 dwar it-twaqqif ta’ Impriża Konġunta biex tiżviluppa s-sistema l-ġdida ta’ ġestjoni tat-traffiku tal-ajru Ewropew (SESAR) (ĠU L 64, 2.3.2007, p. 1), emendat bir-Regolament (KE) Nru 1361/2008 (ĠU L 352, 31.12.2008, p. 12).

(2) Dawn il-kontijiet huma akkumpanjati minn rapport dwar il-ġestjoni tal-baġit u dik finanzjarja matul is-sena li jagħti aktar informazzjoni dwar l-implimentazzjoni u l-ġestjoni tal-baġit.

(3) Ir-rapporti finanzjarji jinkludu l-karta tal-bilanċ u l-kont tar-riżultat ekonomiku, it-tabella tal-likwidità, ir-rapport tat-tibdil fl-attivi netti u sommarju tal-politiki tal-kontabilità prinċipali u noti oħra ta’ spjegazzjoni.

(4) Ir-rapporti tal-implimentazzjoni tal-baġit jikkonsistu fil-kont tar-riżultat tal-baġit u fl-anness tiegħu.

(5) Ir-Regoli Finanzjarji tas-SESAR adottati mill-Bord Amministrattiv fit-28 ta’ Lulju 2009.

(7) Ir-regoli dwar il-preżentazzjoni tal-kontijiet u tal-kontabilità mill-Korpi tal-UE huma stabbiliti fil-Kapitoli 1 u 2 tat-Titolu VII tar-Regolament (KE, Euratom) Nru 2343/2002, kif l-aħħar emendat bir-Regolament (KE, Euratom) Nru 652/2008 (ĠU L 181, 10.7.2008, p. 23), u huma integrati hekk fir-Regoli Finanzjarji tal-Impriża Konġunta SESAR.

(8) Ir-Regoli tal-Kontabilità adottati mill-Uffiċjal tal-Kontabilità tal-Kummissjoni ġejjin mill-Istandards Internazzjonali tal-Kontabilità għas-Settur Pubbliku (IPSAS) jew, fin-nuqqas tagħhom, l-Istandards Internazzjonali tar-Rappurtar Finanzjarju (IFRS).

(9) Ir-Rapport dwar il-kontijiet annwali tal-Impriża Konġunta SESAR għas-sena finanzjarja 2010, flimkien mat-tweġibiet tal-Impriża Konġunta (ĠU C 368, 16.12.2011, p. 32).

ANNESS

L-Impriża Konġunta SESAR (Brussell)

Il-kompetenzi u l-attivitajiet

L-oqsma ta’ kompetenza tal-Unjoni stipulati fit-Trattat

(l-Artikolu 187)

Ir-riċerka u l-iżvilupp teknoloġiku u l-ispazju

L-eżekuzzjoni effiċjenti tal-programmi tar-riċerka, ta’ żvilupp teknoloġiku u ta’ dimostrazzjoni tal-UE.

Il-kompetenzi tal-Impriża Konġunta / Aġenzija Eżekuttiva

(Ir-Regolament tal-Kunsill (KE) Nru 219/2007, kif emendat l-aħħar bir-Regolament (KE) Nru 1361/2008)

L-objettivi prinċipali

L-għan tal-Impriża Konġunta għandu jkun li tiżgura l-modernizzazzjoni tas-sistema Ewropea ta’ ġestjoni tat-traffiku tal-ajru billi tikkoordina u tikkonċentra l-isforzi relevanti kollha ta’ riċerka u żvilupp fl-Unjoni. Hi għandha tkun responsabbli mill-eżekuzzjoni tal-Pjan Regolatorju tal-ATM u b'mod partikolari mit-twettiq tal-kompiti li ġejjin:

—

l-organizzazzjoni u l-koordinazzjoni tal-attivitajiet tal-fażi ta’ żvilupp tal-proġett SESAR, skont il-Pjan Regolatorju tal-ATM, li jirriżultaw mill-fażi ta’ definizzjoni tal-proġett amministrat mill-Eurocontrol, billi tikkombina u tamministra taħt struttura unika l-finanzjament tas-settur pubbliku u ta’ dak privat,

—	l-iżgurar tal-finanzjament meħtieġ għall-attivitajiet tal-fażi ta’ żvilupp tal-proġett SESAR skont il-Pjan Regolatorju tal-ATM,

—

l-iżgurar tal-involviment tal-partijiet interessati tas-settur tal-ġestjoni tat-traffiku tal-ajru fl-Ewropa, b’mod partikolari: il-fornituri ta’ servizzi ta’ navigazzjoni bl-ajru, l-utenti tal-ispazji tal-ajru, l-assoċjazzjonijiet professjonali tal-persunal, l-ajruporti, u l-industrija tal-manifattura; kif ukoll l-istituzzjonijiet xjentifiċi relevanti jew il-komunità xjentifika relevanti,

—	l-organizzazzjoni tal-ħidma teknika ta’ riċerka u żvilupp, ta’ validazzjoni u studju, li għandha titwettaq taħt l-awtorità tagħha waqt li tiġi evitata l-frammentazzjoni ta’ tali attivitajiet,

—	l-iżgurar tas-superviżjoni ta’ attivitajiet relatati mal-iżvilupp ta’ prodotti komuni debitament identifikati fil-Pjan Regolatorju tal-ATM u jekk ikun meħtieġ, l-organizzazzjoni ta’ sejħiet speċifiċi għall-offerti.

It-tmexxija

Il-Bord Amministrattiv

Il-Bord Amministrattiv huwa responsabbli milli:

(a)	jadotta l-Pjan Regolatorju tal-ATM approvat mill-Kunsill kif imsemmi fl-Artikolu 1(2) ta’ dan ir-Regolament u japprova kwalunkwe proposta għall-modifika tiegħu;

(b)	jagħti linji gwida u jieħu d-deċiżjonijiet meħtieġa għall-implimentazzjoni tal-fażi ta’ żvilupp tal-proġett SESAR u jeżerċita kontroll ġenerali fuq l-implimentazzjoni tiegħu;

(c)	japprova l-programm ta’ ħidma u l-programmi annwali ta’ ħidma tal-Impriża Konġunta msemmijin fl-Artikolu 16(1) kif ukoll il-baġit annwali, inkluż il-pjan ta’ stabbiliment tal-persunal (tabella tal-persunal);

(d)	jawtorizza n-negozjati u jiddeċiedi dwar l-adeżjoni ta’ membri ġodda u dwar il-ftehimiet relatati kif imsemmija fl-Artikolu 1(3);

(e)	jissorvelja l-eżekuzzjoni tal-ftehimiet bejn il-membri u l-Impriża Konġunta;

(f)	jaħtar u jneħħi lid-Direttur Eżekuttiv u japprova l-iskema tal-organizzazzjoni u jimmonitorja l-prestazzjoni tad-Direttur Eżekuttiv;

(g)	jiddeċiedi dwar l-ammonti u l-proċeduri għall-pagament tal-kontributi finanzjarji tal-membri u l-evalwazzjoni tal-kontributi mhux finanzjarji;

(h)	jadotta r-regoli finanzjarji tal-Impriża Konġunta;

(i)	japprova l-kontijiet u l-karta tal-bilanċ annwali;

(j)	jadotta r-rapport annwali dwar il-progress tal-fażi ta’ żvilupp tal-proġett SESAR u s-sitwazzjoni finanzjarja tiegħu msemmi fl-Artikolu 16(2);

(k)	jiddeċiedi dwar proposti lill-Kummissjoni dwar l-estensjoni u x-xoljiment tal-Impriża Konġunta;

(l)	jistabbilixxi proċeduri għall-għoti ta’ drittijiet ta’ aċċess għall-assi tanġibbli u intanġibbli li jkunu l-proprjetà tal-Impriża Konġunta u t-trasferiment ta’ tali assi;

(m)	jistabbilixxi r-regoli u l-proċeduri għall-għoti tal-kuntratti meħtieġa għall-implimentazzjoni tal-Pjan Regolatorju tal-ATM, inklużi l-proċeduri speċifiċi għall-konflitti ta’ interess;

(n)	jiddeċiedi dwar il-proposti lill-Kummissjoni għall-emendament tal-Istatuti skont l-Artikolu 24;

(o)	jeżerċita tali poteri oħrajn u jwettaq tali funzjonijiet oħrajn, inkluż l-istabbiliment ta’ korpi sussidjarji, kif jista' jkun meħtieġ għall-finijiet tal-fażi ta’ żvilupp tal-proġett SESAR;

(p)	jadotta l-arranġamenti għall-implimentazzjoni tal-Artikolu 8.

Id-Direttur Eżekuttiv

Id-Direttur Eżekuttiv għandu jwettaq il-kompiti tiegħu b'independenza sħiħa fil-poteri assenjati lilu.

Id-Direttur Eżekuttiv għandu jiddirieġi l-eżekuzzjoni tal-proġett SESAR fil-linji gwida stabbiliti mill-Bord Amministrattiv li għalih huwa għandu jkun responsabbli. Huwa għandu jipprovdi lill-Bord Amministrattiv bl-informazzjoni kollha meħtieġa għall-eżekuzzjoni tal-funzjonijiet tiegħu.

Id-Direttur Eżekuttiv għandu:

‘(a)	jimpjega, imexxi u jissorvelja l-persunal tal-Impriża Konġunta, inkluż il-persunal imsemmi fl-Artikolu 8;’;

(b)	jorganizza, imexxi u jissorvelja l-attivitajiet tal-Impriża Konġunta;

(c)	jippreżenta lill-Bord Amministrattiv il-proposti tiegħu dwar il-iskema tal-organizzazzjoni;

(d)	ifassal u jaġġorna regolarment il-programm ta’ ħidma globali u dak annwali tal-Impriża Konġunta, inkluż estimu dwar l-ispejjeż tal-programm, u jippreżentahom lill-Bord Amministrattiv;

(e)	ifassal, skont ir-Regolamenti Finanzjarji, l-abbozz tal-baġit annwali, inkluż it-tabella tal-persunal, u jippreżentahom lill-Bord Amministrattiv;

(f)	jiżgura li jitwettqu l-obbligi tal-Impriża Konġunta, fir-rigward tal-kuntratti u l-ftehimiet li hija tikkonkludi;

(g)	jiżgura li l-attivitajiet tal-Impriża Konġunta jitwettqu b'indipendenza sħiħa u mingħajr kwalunkwe konflitt ta’ interess;

(h)	ifassal ir-rapport annwali dwar il-progress tal-proġett SESAR u s-sitwazzjoni finanzjarja tiegħu, u tali rapporti oħrajn li jistgħu jintalbu mill-Bord Amministrattiv, u jippreżentahom lil dan tal-aħħar;

(i)	jippreżenta l-kontijiet annwali u l-karta tal-bilanċ lill-Bord Amministrattiv;

(j)	jippreżenta lill-Bord Amministrattiv kwalunkwe proposta li tinvolvi tibdiliet fit-tfassil tal-proġett SESAR.

Il-Verifika Interna

L-Awditur Intern tal-Kummissjoni Ewropea.

Il-verifika esterna

Il-Qorti Ewropea tal-Awdituri.

L-awtorità ta’ kwittanza

Il-Parlament Ewropew, il-Kunsill Ewropew u l-Bord Amministrattiv tal-IKS.

Ir-riżorsi disponibbli għall-Impriża Konġunta fl-2011 (2010)

Il-Bagit

EUR 147,7 miljun

(EUR 129,5 miljun)

Il-persunal fil-31 ta’ Diċembru 2011

Il-baġit operattiv għall-2011 jipprevedi tabella tal-persunal ta’ 39 Aġent Temporanju (TA) u 3 Esperti Nazzjonali Ssekondati (SNE), li jwassal għal total ta’ 42 kariga tal-persunal, li minnhom 35 kienu okkupati fl-aħħar tas-sena tal-2011 meta mqabbel ma’ 37 fl-2010):

—	23 membru tal-persunal temporanju, irreklutati esternament,

—	8 membri tal-persunal issekondati mill-Membri tal-IKS skont l-Artikolu 8 tar-Regolament (KE) Nru 219/2007,

—	3 membri tal-persunal b’kuntratt,

—

1 SNE.

Allokati lil

Kompiti operazzjonali: 19

Kompiti amministrattivi u ta’ sostenn: 15

Kompiti mħallta: 1

Il-prodotti u s-servizzi fl-2011

L-2011 tikkostitwixxi sena ewlenija fil-progress lejn l-ilħuq tal-Objettivi ta’ Nofs it-Terminu u l-Viżjoni 2012. Partikolarment:

L-Objettiv Nru 1 – It-trajettorja 4D tal-bidu tiġi validata f’ambjent operazzjonali appoġġata minn teknoloġija bbażata fuq is-satelliti

L-operazzjonijiet ibbażati fuq it-trajettorja 4D tal-bidu huma ppjanati li jiġu validati matul l-ewwel eżerċizzju ta’ validazzjoni li qiegħed iseħħ bħala parti mir-Release 1 fi Frar 2012 fl-ambjent tat-traffiku tal-MUAC, in-NUAC u l-Approċċ ta’ Stokkolma. Għadd ta’ attivitajiet ta’ tħejjija twettqu fl-2011, inklużi l-iżvilupp u l-integrazzjoni taż-żewġ prototipi FMS kif ukoll għadd ta’ attivitajiet ta’ simulazzjoni li jikkollegaw bejn il-pjattaformi ta’ simulazzjoni tal-art u tal-ajru. It-tieni iterazzjoni, parti mir-Release 2, hija ppjanata għal tard fl-2012 u t-tielet waħda għall-2013. Il-mira se tkun li tiġi validata l-proċedura operazzjonali għat-titjir skont CTA fl-ispazju tal-ajru En-route u TMA.

Huwa mistenni li, kif ippjanat, l-objettiv se jintlaħaq fil-parti l-kbira fl-2012, għalkemm l-użu ta’ teknoloġiji bbażati fuq is-satelliti qiegħed jiġi introdott wara l-iskeda ta’ żmien tal-2013.

L-Objettiv Nru 2 – 10 000 titjira, inklużi 500 militari, ikollhom it-tikketta SESAR

Fl-2011, 9 366 titjira kummerċjali wrew benefiċċji bikrin tas-SESAR (inklużi dimostrazzjonijiet ta’ titjiriet AIRE u OPTIMI). Madankollu ta’ min jinnota li għalissa l-għadd ta’ titjiriet militari għadu limitat. Minbarra l-attivitajiet tal-Programm li għadhom għaddejjin, il-Bord Amministrattiv tal-IKS iddeċieda li titvara s-sejħa għal “Attivitajiet ta’ Dimostrazzjoni” fejn testijiet integrati matul l-2012 se jippermettu lill-IKS tilħaq il-mira u ddaħħal id-dimensjoni militari fil-parti l-kbira matul l-2013 ukoll.

L-Objettiv Nru 3 – 80 % tal-proġetti SESAR ittestjaw il-prodotti tagħhom f’ambjent ta’ realtà

Sabiex jintlaħaq l-objettiv ta’ 80 % ta’ eżerċizzji ta’ validazzjoni f’ambjent ta’ realtà, ġiet stabbilita Strateġija ta’ Validazzjoni. B’mod partikolari, il-prodotti tar-Release 1 u dawk ippjanati għar-Release 2 fl-2012 se jorbtu l-Proġetti primarji mal-eżerċizzji differenti mwettqa fi ħdan l-Oqsma ta’ Fokus Operazzjonali u ma’ sistemi jew ambjent reali.

L-Objettiv Nru 4 – L-ewwel piloti SWIM huma stabbiliti biex ipartu d-data madwar tal-inqas ħames dominji

Bħalma ġie diġà rrappurtat lill-Bord Amministrattiv (minn hawn ’il quddiem ukoll l-ADB), fl-2011 ġie introdott Pjan ta’ Azzjoni SWIM biex iwieġeb għar-riskji identifikati fil-Proġetti relatati, fost l-oħrajn, in-nuqqas ta’ qafas legali għas-SWIM. Inkiseb xi progress u dan intwera fl-Avveniment ta’ Dimostrazzjoni SWIM, li sar f’Novembru 2011 b’parteċipazzjoni tajba mill-programm ġenerali. Madankollu għadd ta’ kwistjonijiet u prijoritajiet li għadhom mhux riżolti s’issa dewmu l-ilħuq ta’ dan l-objettiv ta’ nofs it-terminu. Minkejja l-progress miksub sa tmiem is-sena 2011 u l-implimentazzjoni tal-pjan ta’ azzjoni bil-kontributi tal-eżerċizzju ta’ validazzjoni li għadu għaddej, x’aktarx li l-objettiv ma jintlaħaqx fl-iskeda ta’ żmien stabbilita.

L-Objettiv Nru 5 – L-ewwel torri remot huwa lest biex jibda jopera

L-ewwel eżerċizzji ta’ validazzjoni għat-Torri Remot, parti mir-Release 1, twettqu kif ippjanat u se jitlestew matul l-2012 biex jintlaħaq dan l-objettiv ta’ nofs it-terminu. L-eżerċizzju tar-Release 1 ikkonferma:

—	il-fattibbiltà li jingħata Servizzi tat-Traffiku tal-Ajru lill-ajruport ta’ Ängelholm miċ-Ċentru tat-Torri Remot ATCC R&D f’Malmö;

—	il-fattibbiltà tat-twettiq ta’ operazzjonijiet nominali u mhux nominali b’mod remot;

—	il-fattibbiltà teknika li tinqabad is-sitwazzjoni tat-traffiku u l-ambjent operazzjonali “out of window” minn ajruport wieħed u li tintwera din l-istampa fis-sit remot.

L-Awtoritajiet Regolatorji ħadu sehem f’dawn il-provi.

L-Objettiv Nru 6 – Jintwerew il-benefiċċji tas-SESAR fi bliet pari li jikkollegaw bejn tmien ajruporti Ewropej

Wara s-suċċess tal-ewwel ċiklu AIRE fl-2009, l-Impriża Konġunta SESAR aktar estendiet din il-green branch tal-Programm SESAR. Permezz tal-kollegament ta’ ajruporti Ewropej prinċipali (Pariġi, Vjenna, Madrid, Kolonja, Dusseldorf, Praga, Brussell, Toulouse, …) u l-involviment ta’ madwar 40 sieħeb fl-Ewropa u lil hinn minnha, l-AIRE wriet benefiċċji sinifikanti f’dak li jirrigwarda t-tnaqqis tal-emissjonijiet. Il-kwalità ta’ dawn ir-riżultati hija għolja mhux biss f’dak li jirrigwarda t-tnaqqis ta’ konsum tal-fjuwil u b’hekk l-emissjonijiet ta’ CO2, iżda minħabba r-rata ta’ konverżjoni għolja minn proġetti għal prattika tal-ATM ta’ kuljum.

Ir-riżultati tal-AIRE u r-riżultati mistennija fis-sejħa għal “attivitajiet ta’ dimostrazzjoni” varata u li għandha titwettaq matul l-2012 se jippermettu l-ilħuq tal-objettiv.

L-Objettiv Nru 7 – L-utenti tal-ispazju tal-ajru ngħaqdu mal-mudell ekonomiku SESAR għal operazzjonijiet ibbażati fuq il-ħin

Dan l-objettiv għandu ħafna dimensjonijiet u l-proċess ta’ żvilupp tal-mudell ekonomiku għad mhuwiex matur biex iħaddan il-perspettivi kollha tal-partijiet interessati differenti. Minkejja dan, ġie investit sforz sostanzjali fl-iżvilupp ta’ metodoloġiji tal-mudell ekonomiku għal ANSPs, utenti tal-ispazju tal-ajru u ajruporti. Fl-2011 ġew validati l-prodotti tal-Pass 1 tal-Operazzjonijet 4D Ibbażati fuq il-Ħin u se jkomplu jiġu validati fl-2012 u se jsir progress fl-attivitajiet ta’ standardizzazzjoni wkoll. Sa ċertu punt u f’xi oqsma, il-mudell ekonomiku se jiġi approvat sal-livell ta’ prontezza għall-industrijalizzazzjoni, fejn se tinħtieġ aktar ħidma mal-partijiet interessati fuq l-iskjerament tiegħu. L-objettiv mhuwiex se jintlaħaq fl-iskeda ta’ żmien stabbilita għalkemm informazzjoni preliminari dwar il-mudell ekonomiku se tkun disponibbli biex titħejja t-tranżizzjoni għall-iskjerament għall-ewwel soluzzjonijiet SESAR mill-2013.

Barra minn hekk, dan li ġej jagħti stampa usa’ dwar il-progress u l-kisbiet għall-2011:

—

l-ewwel kontenut tar-Release tas-SESAR, ir-Release 1, ġie konsolidat permezz ta’ reviżjoni inizjali tal-Inġinerija tas-Sistemi u approvat mill-Bord Amministrattiv bħala parti mill-AWP 2011. Dan kien magħmul minn 29 Eżerċizzju ta’ Validazzjoni li indirizzaw elementi ta’ kunċett f’16-il Qasam ta’ Fokus Operazzjonali;

—

f’Ġunju 2011, seħħet it-tieni analiżi tal-Inġinerija tas-Sistemi biex jiġi vvalutat il-progress tar-Release 1 lejn il-validazzjoni tal-pass V3 u, b’mod partikolari, tal-pjanijiet ta’ validazzjoni u tal-prontezza tal-pjattaformi. L-analiżi rriżultat f’għadd ta’ azzjonijiet korrettivi biex jiġu mitigati r-riskji relatati mal-eżekuzzjoni tar-Release. L-analiżi kkonkludiet li l-progress ġenerali kien adegwat, filwaqt li ġew innutati xi dgħufijiet f’dak li jirrigwarda l-konsum tar-riżorsi u l-allinjament tal-prodotti. B’mod partikolari, il-livell ta’ maturità tal-proġetti fis-segwitu tal-metodoloġija EOCVM, għalkemm tjieb meta mqabbel mal-2010, kien għadu mhux biżżejjed;

—	ir-Release 1 beda jwassal riżultati tanġibbli u jindika punt ta’ bidla fl-iżvilupp tas-sistema ġdida tal-ATM;

—	fi tmiem l-2011, twettqu 26 attività ta’ validazzjoni, li jfisser li nkiseb 90 % tar-Release 1 u li tliet eżerċizzji jiġu posposti għall-2012;

—

282 proġett jinsabu fil-fażi ta’ eżekuzzjoni, u jirrappreżentaw aktar minn 90 % tal-Programm kollu, iżda l-progressjoni tal-Programm mhijiex imqassma b’mod indaqs. Fil-fatt, id-derivazzjoni tal-kunċett ta’ livell għoli għal rekwiżiti operazzjonali qed iddum aktar milli mistenni u dan għandu impatt fuq il-perkors kritiku ta’ bosta proġetti tekniċi. Għadd ta’ azzjonijiet ta’ mitigazzjoni kellhom jiġu stabbiliti u qegħdin jiġu monitorjati fil-livell tal-Grupp ta’ Kontroll tal-Programm. Is-SWIM huwa qasam ieħor ta’ tħassib fejn ġie mfassal pjan ta’ azzjoni dedikat biex jingħelbu l-kwistjonijiet identifikati matul l-2011.

—

F’dak li jirrigwarda l-konsum tar-riżorsi (FTE), l-ewwel estimi fi tmiem l-2011 mogħtija mill-Membri jindikaw sottokonsum ġenerali ta’ madwar 20 %. Minkejja dan, ta’ min jinnota li għal ħafna Proġetti t-tqassim ippjanat tar-riżorsi matul il-fażi ta’ eżekuzzjoni jinsab taħt reviżjoni u għadu mhuwiex rifless fil-bażi użata għall-kejl tal-progressjoni tal-Programm. Wara r-riallokazzjoni tal-IBAFO I u II adottata mill-Bord Amministrattiv fil-15 ta’ Diċembru 2011, wieħed jista’ jikkonkludi li hemm sottokonsum tar-riżorsi fl-istadji bikrin tal-Programm li jidher li qed jiġi kkumpensat minn livell ogħla ta’ riżorsi sa tmiem il-Programm.

—

Xejra simili iżda inqas evidenti – maturità u riżorsi – donnha tidher f’dak li jirrigwarda l-prodotti, peress li f’xi oqsma l-IKS nnutat forniment aktar tal-prodotti bil-mod f’konformità mas-sottokonsum tar-riżorsi. Sabiex tiġi indirizzata s-sitwazzjoni f’terminu ta’ żmien qasir, ittieħdu miżuri differenti, fost l-oħrajn, talba lill-membri tal-Kumitat tal-Programm biex iwettqu aktar verifikazzjonijiet fil-livell tal-imsieħba, analiżi tar-raġunijiet prinċipali għas-sottokonsum, ir-riallokazzjoni tal-IBAFO I u II, it-terminazzjoni ta’ xi Proġetti, eċċ. Il-miżuri kollha huma monitorjati fil-livell tal-ġestjoni tar-riskju u konsolidati fil-livell tal-IKS. Barra minn hekk, titwettaq ħidma mal-Membri biex jiġu identifikati l-kawżi fundamentali ewlenin. Xi wħud minnhom jistgħu jissemmew diġà, bħall-organizzazzjoni tal-ħidma f’xi Proġetti, xi kontributi desinkronizzati madwar il-Programm, in-nuqqas ta’ identifikazzjoni ċara tal-prodotti u ta’ kriterji tal-kwalità li jkunu aktar speċifiċi.

Fir-rigward tat-310 proġetti R&D u ta’ Ġestjoni taħt ir-responsabbiltà tal-IKS (minbarra l-Proġetti WP E tar-Riċerka fuq Żmien Twil) it-tabella hawn taħt tagħti sommarju tas-sitwazzjoni skont l-istatus tal-proġett fi tmiem l-2011.

Fil- 31.12.2010

Implimentati fl-2011

Fil- 31.12.2011

Għadd totali ta’ Proġetti fil- Programm SESAR

304

310

li minnhom

—	Proġetti mibdija

285

301

proġetti kanċellati

0,9 %

proġetti sospiżi

–1

3,2 %

proġetti li għadhom qegħdin jinbdew

–20

2 %

proġetti fil-fażi ta’ eżekuzzjoni

246

282

91 %

—	Proġetti li għandhom jinbdew

–10

2,9 %

Sors: Informazzjoni mogħtija mill-Impriża Konġunta SESAR.