2011/0153 (COD)

KOMUNIKAZZJONI TAL-KUMMISSJONI LILL-PARLAMENT EWROPEW skont l-Artikolu 294(6) tat-Trattat dwar il-Funzjonament tal-Unjoni Ewropea dwar

pożizzjoni tal-Kunsill dwar l-adozzjoni ta' regolament tal-Parlament Ewropew u tal-Kunsill li jemenda ċerti regolamenti relatati mal-politika kummerċjali komuni fir-rigward tal-għoti ta' setgħat iddelegati għall-adozzjoni ta' ċerti miżuri (2011/0153 (COD))

1.           SFOND

Data tat-trażmissjoni tal-proposta lill-Parlament Ewropew u lill-Kunsill (dokument COM (2011) 349 finali - 2011/0153 (COD): || Il-15 ta’ Ġunju 2011

Data tal-opinjoni tal-Kumitat Ekonomiku u Soċjali Ewropew: || m.d.

Data tal-pożizzjoni tal-Parlament Ewropew, l-ewwel qari: || It-22 ta’ Novembru 2012

Data tal-adozzjoni tal-pożizzjoni tal-Kunsill: || Il-15 ta’ Novembru 2013

2.           GĦAN TAL-PROPOSTA TAL-KUMMISSJONI

Il-Proposta tirrifletti l-bidliet li seħħew fil-qafas legali tal-Unjoni u l-ekwilibrju istituzzjonali li ġew fis-seħħ bid-dħul fis-seħħ tat-Trattat ta’ Lisbona. Hija tallinja r-regolamenti li hemm fih mal-Artikoli 290 u 291 tat-TFUE u mar-Regolament (UE) Nru 182/2011 tal-Parlament Ewropew u tal-Kunsill li jistabbilixxi r-regoli u l-prinċipji ġenerali dwar il-modalitajiet ta’ kontroll mill-Istati Membri tal-eżerċizzju mill-Kummissjoni tas-setgħat ta’ implimentazzjoni.

Din il-proposta takkumpanja proposta inizjali li saret mill-Kummissjoni dwar il-politika tal-kummerċ, imsejħa "Trade Omnibus I" (2011/0039 (COD) u teżamina l-proċeduri kollha li jifdal ta’ teħid ta’ deċiżjoni li jinsabu fil-leġiżlazzjoni tal-politika kummerċjali sabiex tadattahom, skont il-każ, għar-reġim għall-atti ddelegati stipulat fl-Artikolu 290.

Bl-allinjament tal-proċeduri mal-proċeduri standard, il-proposta sejra wkoll tippermetti għarfien aħjar tal-proċeduri li japplikaw fil-politika kummerċjali u d-dispożizzjonijiet dwar trasparenza tar-regolament orizzontali se jżidu t-trasparenza ġenerali ta' kif issir il-politika kummerċjali.

3.           KUMMENTI DWAR IL-POŻIZZJONI TAL-KUNSILL

Il-pożizzjoni tal-Kunsill fl-ewwel qari hija konformi mar-riżultati tal-aħħar trilogu bejn il-PE u l-Kunsill li sar fil-5 ta’ Ġunju 2013 u kkonfermati sussegwentement miż-żewġ istituzzjonijiet fil-livelli ta' COREPER u ta' INTA f’Lulju 2013.

4.           KONKLUŻJONI

Il-Kummissjoni tista’ taċċetta l-emendi introdotti mill-Kunsill għall-proposta tagħha.