MEMORANDUM TA’ SPJEGAZZJONI

1.           IL-KUNTEST TAL-PROPOSTA

Abbażi tal-awtorizzazzjoni mogħtija lilha mill-Kunsill[1], il-Kummissjoni Ewropea fetħet in-negozjati mar-Renju tal-Marokk dwar it-tiġdid tal-Protokoll tal-Ftehim ta’ Sħubija dwar is-Sajd li hemm bejn il-Komunità Ewropea u l-Unjoni tal-Komoros. Wara dawn in-negozjati, ġie inizjalat abbozz ta' Protokoll ġdid min-negozjaturi fl-05 ta' Lulju 2013. Il-Protokoll il-ġdid ikopri perjodu ta' 3 snin li jibda mid-data tal-applikazzjoni provviżorja stipulata mill-Artikolu 13, jiġifieri mill-1 ta' Jannar 2014.

L-għan ewlieni tal-Protokoll tal-Ftehim huwa li joffri opportunitajiet tas-sajd lill-bastimenti tal-Unjoni Ewropea fiż-żona tas-sajd tal-Unjoni tal-Komoros fi ħdan il-limiti tal-fdalijiet disponibbli. Il-Kummissjoni bbażat lilha nfisha, fost oħrajn, fuq ir-riżultati ta' evalwazzjoni ex-post imwettqa minn esperti esterni.

L-objettiv ġenerali huwa li tissaħħaħ il-kooperazzjoni bejn l-Unjoni Ewropea u l-Unjoni tal-Komoros favur l-istabbiliment ta’ qafas ta’ sħubija għall-iżvilupp ta’ politika tas-sajd sostenibbli u l-isfruttar responsabbli tar-riżorsi tas-sajd fiż-żona tas-sajd tal-Unjoni tal-Komoros, fl-interess taż-żewġ partijiet.

B’mod partikolari, il-Protokoll jipprevedi opportunitajiet tas-sajd fil-kategoriji li ġejjin:

– 42 bastiment tas-sajd għat-tonn bit-tartarun;

– 20 bastiment tas-sajd bil-konzijiet tal-wiċċ

Abbażi ta’ dan, il-Kummissjoni qed tipproponi li l-Kunsill jawtorizza l-iffirmar u l-applikazzjoni provviżorja ta' dan il-Protokoll il-ġdid.

2.           RIŻULTATI TA’ KONSULTAZZJONIJIET MAL-PARTIJIET INTERESSATI U VALUTAZZJONIJIET TAL-IMPATT

Il-partijiet interessati ġew ikkonsultati fil-qafas tal-evalwazzjoni tal-Protokoll 2011-2013. Ġew ikkonsultati wkoll l-esperti mill-Istati Membri waqt laqgħat tekniċi. Dawn il-konsultazzjonijiet wasslu għall-konklużjoni li jkun ta’ benefiċċju li jinżamm protokoll tas-sajd mal-Unjoni tal-Komoros.

3.           L-ELEMENTI LEGALI TAL-PROPOSTA

Din il-proċedura nbdiet b’mod parallel mal-proċeduri marbutin mad-Deċiżjoni tal-Kunsill dwar il-konklużjoni tal-Protokoll innifsu, kif ukoll mar-Regolament tal-Kunsill dwar l-allokazzjoni tal-opportunitajiet tas-sajd fost l-Istati Membri tal-UE.

4.           IMPLIKAZZJONI BAĠITARJA

Il-kontribuzzjoni finanzjarja annwali ta' EUR 600 000 hija bbażata fuq: a) tunnellaġġ ta' referenza ta' 6 000 tunnellata, għal ammont marbut mal-aċċess ta' EUR 300 000 u b) appoġġ għall-iżvilupp tal-politika settorjali tas-sajd tal-Unjoni tal-Komoros li tammonta għal EUR 300 000. Dan l-appoġġ huwa konformi mal-objettivi tal-politika nazzjonali fir-rigward tas-sajd u b'mod partikolari mal-ħtiġijiet tal-Unjoni tal-Komoros fil-ġlieda kontra s-sajd illegali.

2013/0381 (NLE)

Proposta għal

DEĊIŻJONI TAL-KUNSILL

dwar il-konklużjoni tal-Protokoll bejn l-Unjoni Ewropea u l-Unjoni tal-Komoros li jistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta’ Sħubija dwar is-Sajd fis-seħħ bejn iż-żewġ Partijiet

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 43 tiegħu, flimkien mal-Artikolu 218(5) tiegħu,

Wara li kkunsidra l-proposta tal-Kummissjoni,

Billi:

(1)       Fil-5 ta’ Ottubur 2006, il-Kunsill adotta r-Regolament (KE) Nru 1563/2006 dwar il-konklużjoni ta’ Ftehim ta’ Sħubija dwar is-Sajd bejn il-Komunità Ewropea u l-Unjoni tal-Komoros [2].

(2)       Fit-3 ta' Mejju 2007 u fis-6 ta' Marzu 2008, il-Komunità Ewropea u l-Unjoni tal-Komoros innotifikaw lil xulxin dwar it-twettiq tal-proċeduri meħtieġa għad-dħul fis-seħħ tal-Ftehim ta' Sħubija[3].

(3)       Il-Protokoll tal-Ftehim ta' Sħubija, li bħalissa jinsab fis-seħħ, jiskadi fil-31 ta' Diċembru 2013.

(4)       Il-Kunsill awtorizza lill-Kummissjoni tinnegozja protokoll ġdid li jagħti opportunitajiet tas-sajd lill-bastimenti tal-Unjoni Ewropea fiż-żona tas-sajd li fiha l-Unjoni tal-Komoros teżerċita l-ġuriżdizzjoni tagħha. Wara dawn in-negozjati, ġie inizjalat abbozz ta' Protokoll ġdid fil-05 ta’ Lulju 2013.

(5)       Huwa fl-interess tal-Unjoni li timplimenta l-Ftehim ta' sħubija fis-settur tas-sajd mal-Unjoni tal-Komoros, permezz ta' Protokoll li jistabbilixxi l-possibbiltajiet tas-sajd u l-kontribuzzjoni finanzjarja relatata u li jiddefinixxi l-kundizzjonijiet tal-promozzjoni ta' sajd responsabbli u sostenibbli fiż-żona tas-sajd tal-Unjoni tal-Komoros.

(6)       Għalhekk, il-Protokoll il-ġdid għandu jiġi ffirmat soġġett għall-konklużjoni tiegħu f'data oħra.

(7)       Biex tiġi żgurata t-tkomplija tal-attivitajiet tas-sajd tal-bastimenti tal-UE, jeħtieġ li l-Protokoll il-ġdid jiġi applikat b'mod provviżorju mill-1 ta' Jannar 2014,

ADOTTA DIN ID-DEĊIŻJONI:

Artikolu 1

L-iffirmar tal-Protokoll bejn l-Unjoni Ewropea u l-Unjoni tal-Komoros li jistabbilixxi l-opportunitajiet tas-sajd u l-kontribuzzjoni finanzjarja previsti mill-Ftehim ta’ Sħubija dwar is-Sajd fis-seħħ bejn iż-żewġ partijiet huwa għalhekk approvat f’isem l-Unjoni Ewropea, soġġett għall-konklużjoni tal-Protokoll imsemmi.

It-test tal-Protokoll huwa mehmuż ma’ din id-Deċiżjoni.

Artikolu 2

Is-Segretarjat Ġenerali tal-Kunsill għandu jistabbilixxi l-istrumenti ta' setgħa sħiħa biex il-persuna/i indikata/i min-negozjatur tiffirma/jiffirmaw il-Protokoll, soġġett għall-konklużjoni tiegħu.

Artikolu 3

Sakemm jidħol fis-seħħ, il-Protokoll għandu japplika b'mod provviżorju mill-1 ta' Jannar 2014.

Artikolu 4

Din id-Deċiżjoni għandha tidħol fis-seħħ fil-jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.

Magħmul fi Brussell,

                                                                       Għall-Kunsill

                                                                       Il-President

ANNESS

PROTOKOLL

bejn l-Unjoni Ewropea u l-Unjoni tal-Komoros li jistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta’ Sħubija dwar is-Sajd fis-seħħ bejn iż-żewġ Partijiet

Artikolu 1 Il-perjodu ta’ applikazzjoni u Opportunitajiet tas-sajd

1.           Mill-1 ta' Jannar 2014 u għal żmien ta' tliet snin, opportunitajiet ta' sajd skont l-Artikolu 5 tal-Ftehim għandhom ikunu kif ġej:

L-ispeċijiet li jpassu ħafna (l-ispeċijiet imniżżla fl-Anness 1 tal-Konvenzjoni tal-1982 tan-Nazzjonijiet Uniti dwar il-Liġi tal-Baħar) minbarra l-familji Alopiidae u Sphyrnidae, kif ukoll l-ispeċijiet li ġejjin: Cetorhinus maximus, Rhincodon typus, Carcharodon carcharias, Carcharhinus falciformis, Carcharhinus longimanus;

– bastimenti għas-sajd tat-tonn bit-tartarun: 42 bastimenti

– sajd b'bastimenti bil-konz tal-wiċċ:           20 bastiment.

2.           Il-paragrafu 1 għandu japplika suġġett għad-dispożizzjonijiet tal-Artikoli 5, 6, 7 u 8 ta’ dan il-Protokoll.

3.           Bastimenti rreġistrati taħt il-bandiera ta' Stat Membru tal-Unjoni Ewropea (minn hawn 'l quddiem imsejħa 'bastimenti tal-UE') jistgħu jwettqu attivitajiet ta' sajd fiż-żona tas-sajd tal-Unjoni tal-Komoros biss jekk ikunu fil-pussess ta' liċenzja tas-sajd valida li tkun inħarġet mill-Unjoni tal-Komoros skont dan il-Protokoll.

Artikolu 2 Il-kontribuzzjoni finanzjarja – Il-metodi ta’ ħlas

1.           Il-kontribuzzjoni finanzjarja msemmija fl-Artikolu 7 tal-Ftehim ta’ Sħubija dwar is-Sajd hija stabbilita, għall-perjodu msemmi fl-Artikolu 1, għal EUR 1 800 000.

2.           Il-kontribuzzjoni finanzjarja tinkludi:

(a) ammont annwali għall-aċċess għaż-żona tas-sajd tal-Unjoni tal-Komoros ta’ EUR 300 000 ekwivalenti għal tunnellaġġ ta’ referenza ta’ 6 000 tunnellata fis-sena;

(b) ammont speċifiku ta’ EUR 300 000 fis-sena għall-appoġġ għall-implimentazzjoni tal-politika settorjali tas-sajd tal-Unjoni tal-Komoros.

3.           Il-paragrafu 1 għandu japplika skont id-dispożizzjonijiet tal-Artikoli 5, 6, 7 u 8 ta’ dan il-Protokoll u tal-Artikoli 12 u 13 tal-Ftehim.

4.           Il-kontribuzzjoni finanzjarja msemmija fil-paragrafu 1 titħallas mill-Unjoni Ewropea bir-rata ta’ EUR 600 000 fis-sena matul il-perjodu ta’ applikazzjoni ta’ dan il-Protokoll li tikkorrispondi għat-total tal-ammonti annwali msemmija fil-paragrafu 2(a) u (b).

5.           Il-ħlas mill-Unjoni Ewropea tal-kontribuzzjoni finanzjarja kif prevista mill-paragrafu 2(a) għall-aċċess għall-bastimenti tal-Unjoni Ewropea għaż-żona tas-sajd tal-Unjoni tal-Komoros għandu jsir mhux aktar tard minn 90 jum wara d-data tal-applikazzjoni provviżorja tal-Protokoll, u mhux aktar tard minn 60 jum mid-data tal-anniversarju tal-applikazzjoni provviżorja tal-Protokoll fis-snin ta' wara.

6.           Iż-żewġ Partijiet għandhom jistabbilixxu monitoraġġ regolari tal-qabdiet tal-bastimenti tal-UE fiż-żona tas-sajd tal-Unjoni tal-Komoros. Għal dan il-għan, iż-żewġ partijiet għandhom janalizzaw fuq bażi regolari, u b'mod partikolari fi ħdan il-Kummissjoni Konġunta, il-qabdiet u l-isforzi tal-bastimenti tal-UE li jinsabu fiż-żona tas-sajd tal-Unjoni tal-Komoros.

7.           Jekk il-kwantità totali annwali tal-qabdiet li jsiru mill-bastimenti tal-UE li jkunu qed jistadu fiż-żona tal-Unjoni tal-Komoros taqbeż it-tunnellaġġ ta' referenza indikat fil-punt 2(a), l-ammont totali tal-kontribuzzjoni finanzjarja annwali għandu jiżdied bl-ammont ta' EUR 50 għal kull tunnellata żejda li tinqabad matul dik is-sena speċifika. Madankollu, l-ammont totali annwali mħallas mill-Unjoni Ewropea ma jistax ikun ogħla mid-doppju tal-ammont indikat fil-paragrafu 2(a) (EUR 600 000). Meta l-kwantitajiet maqbuda mill-bastimenti tal-Unjoni Ewropea jkunu ogħla mill-kwantitajiet li jikkorrispondu għad-doppju tal-ammont annwali totali, l-ammont dovut għall-kwantità li tkun ogħla minn dan il-limitu jitħallas is-sena ta’ wara.

8.           L-allokazzjoni tal-kontribuzzjoni finanzjarja msemmija fil-paragrafu 2(a) taqa’ taħt id-diskrezzjoni sħiħa tal-awtoritajiet Komorjani.

9.           Il-kontribuzzjoni finanzjarja indikata fl-Artikolu 2(2) ta’ dan il-Protokoll għandha tiġi ttrasferita f’kont uniku tat-Teżor Pubbliku miftuħ fil-Bank Ċentrali tal-Komoros. L-Unjoni tal-Komoros għandha tinnotifika r-referenzi ta' dan il-kont lill-Unjoni Ewropea kull sena.

10.         Minn dan il-kont uniku, l-ammont li jikkorrispondi għall-kontribuzzjoni finanzjarja msemmija fl-Artikolu 2(b) għandu jiġi ttrasferit fil-kont TR 5006 miftuħ fil-Bank Ċentrali tal-Komoros mill-Ministeru responsabbli għas-sajd.

Artikolu 3 Il-promozzjoni ta’ sajd sostenibbli u responsabbli fl-ilmijiet Komorjani

1.           Il-Partijiet għandhom jiftiehmu, fi ħdan il-Kumitat Konġunt previst fl-Artikolu 9 tal-Ftehim ta’ Sħubija dwar is-Sajd u sa mhux aktar tard minn tliet xhur wara li tibda tiddekorri l-applikazzjoni provviżorja ta’ dan il-Protokoll, dwar programm settorjali multiannwali, u l-metodi tal-applikazzjoni tiegħu, b’mod partikolari:

(a) il-linji gwida annwali u multiannwali għall-użu tal-kontribuzzjoni finanzjarja msemmija fl-Artikolu 2(2)(b);

(b) l-għanijiet, kemm dawk annwali kif ukoll dawk multiannwali, li għandhom jintlaħqu sabiex jiġu żgurati l-kundizzjonijiet għal sajd responsabbli u sostenibbli, filwaqt li jiġu kkunsidrati l-prijoritajiet espressi mill-Unjoni tal-Komoros fil-politika nazzjonali tagħha dwar is-sajd jew f'politiki oħra ta' qafas li jippromwovu prattiki ta' sajd ta' dan it-tip;

(c) il-kriterji u l-proċeduri li jridu jintużaw biex issir evalwazzjoni tar-riżultati miksuba, fuq bażi annwali.

2.           Kwalunkwe emenda proposta għall-programm settorjali pluriennali trid tiġi approvata miż-żewġ Partijiet fi ħdan il-Kumitat Konġunt.

3.           Kull sena ż-żewġ Partijiet fi ħdan il-Kumitat Konġunt, għandhom iwettqu evalwazzjoni tar-riżultati tal-implimentazzjoni tal-Programm settorjali pluriennali. Jekk ikun meħtieġ, iż-żewġ Partijiet għandhom ikomplu dan il-monitoraġġ wara li jintemm dan il-Protokoll, sakemm tintuża l-kontribuzzjoni finanzjarja speċifika kollha prevista fl-Artikolu 2(2)(b).

4.           Kull sena, l-Unjoni tal-Komoros għandha jiddeċiedu dwar l-allokazzjoni, jekk ikun il-każ, ta’ ammont addizzjonali mal-kontribuzzjoni finanzjarja msemmija fl-Artikolu 2(2)(b) bil-għan li jiġi implimentat il-Programm Settorjali Multiannwali. Din l-allokazzjoni trid tiġi kkomunikata lill-Unjoni Ewropea.

Artikolu 4  Kooperazzjoni xjentifika u teknika għal sajd responsabbli

1.           Iż-żewġ Partijiet jimpenjaw ruħhom biex jippromwovu sajd responsabbli fiż-żona tas-sajd tal-Unjoni tal-Komoros abbażi tal-prinċipju ta' non-diskriminazzjoni bejn il-flotot differenti li joperaw f'din iż-żona u tal-ġlieda kontra s-sajd illegali, mhux irrappurtat u mhux irregolat (IUU).

2.           Tul il-perjodu kopert minn dan il-Protokoll, l-Unjoni Ewropea u l-Unjoni tal-Komoros għandhom jagħmlu ħilithom biex jimmonitorjaw il-qagħda tar-riżorsi tas-sajd fiż-żona tas-sajd tal-Unjoni tal-Komoros.

3.           Iż-żewġ Partijiet għandhom jirrispettaw ir-rakkomandazzjonijiet u r-riżoluzzjonijiet tal-Kummissjoni għat-Tonn tal-Oċean Indjan (KTOI) u jintrabtu li jippromwovu l-kooperazzjoni fil-livell tas-subreġjun rigward il-ġestjoni responsabbli tal-attivitajiet tas-sajd.

4.           Skont l-Artikolu 4 tal-Ftehim, fuq il-bażi tar-rakkomandazzjonijiet u r-riżoluzzjonijiet adottati fi ħdan l-KTOI u fid-dawl tal-aqwa pariri xjentifiċi disponibbli, il-Partijiet għandhom jikkonsultaw flimkien fi ħdan il-Kumitat Konġunt previst fl-Artikolu 9 tal-Ftehim sabiex jadottaw, jekk ikun meħtieġ wara laqgħa xjentifika u bi qbil komuni, miżuri tekniċi ta' konservazzjoni li għandhom jiġu implimentati minn bastimenti tal-Unjoni Ewropea sabiex tiġi żgurata l-ġestjoni sostenibbli tar-riżorsi tas-sajd.

Artikolu 5 Reviżjoni tal-opportunitajiet tas-sajd u ta' miżuri tekniċi bi qbil komuni fi ħdan il-Kumitat Konġunt

1.           Kif previst mill-Artikolu 9 tal-Ftehim ta' Sħubija dwar is-Sajd, il-Kumitat Konġunt jista' jirrevedi l-opportunitajiet tas-sajd imsemmija fl-Artikolu 1 u jaġġustahom bi qbil reċiproku, sakemm dawn jibqgħu konformi mal-pariri u mar-rakkomandazzjonijiet xjentifiċi tal-KTOI.

2.           F’dan il-każ, il-kontribuzzjoni finanzjarja msemmija fl-Artikolu 2(2a) għandha tiġi aġġustata proporzjonalment u pro rata temporis. Madankollu, l-ammont annwali totali tal-kontribuzzjoni finanzjarja mħallsa mill-Unjoni Ewropea ma jistax ikun ogħla mid-doppju tal-ammont imsemmi fl-Artikolu 2(2a).

3.           Meta jkun meħtieġ, il-Kumitat Konġunt jista' jeżamina u jadatta, bi qbil reċiproku, id-dispożizzjonijiet li jirregolaw l-twettiq ta' attivitajiet tas-sajd u r-regoli dwar l-implimentazzjoni ta' dan il-Protokoll u tal-Annessi tiegħu.

Artikolu 6 Sajd sperimentali u opportunitajiet tas-sajd ġodda

1.           Fejn il-bastimenti tal-UE juru interess fl-attivitajiet tas-sajd li mhumiex previsti fl-Artikolu 1 għall-fini ta' ttestjar tal-fattibbiltà teknika u l-vijabbiltà ekonomika ta' tipi ta' sajd ġodda, il-liċenzji għat-twettiq ta' attivitajiet bħal dawn fuq bażi esploratorja jistgħu jiġu allokati b'konformità mal-leġislazzjoni rilevanti tal-Unjoni tal-Komoros. Fejn ikun possibbli, sajd esploratorju ta' dan it-tip għandu jitwettaq bl-appoġġ ta' kompetenza xjentifika u teknika disponibbli fuq livell lokali.

2.           Għal dan il-għan, l-Unjoni Ewropea għandha tikkomunika lill-awtoritajiet tal-Unjoni tal-Komoros it-talbiet għal-liċenzji tas-sajd sperimentali fuq il-bażi ta’ fajl tekniku li jispeċifika:

– l-ispeċi fil-mira,

– il-karatteristiċi tekniċi tal-bastiment;

– l-esperjenza tal-uffiċjali tal-bastiment fir-rigward tal-attivitajiet ta' sajd ikkonċernati,

– il-parametri tekniċi tal-kampanja tas-sajd sperimentali (dewmien, tagħmir, reġjuni għall-esplorazzjoni, eċċ.);

– it-tip ta' dejta miġbura sabiex jiġi żgurat monitoraġġ xjentifiku tal-impatt tal-attivitajiet tas-sajd fuq ir-riżorsi u fuq l-ekosistemi.

3.           L-awtorizzazzjonijiet għas-sajd sperimentali għandhom jiġu miftiehma għal perjodu massimu ta’ 12-il xahar. Dawn huma soġġetti għall-pagament ta’ tariffa ffissata mill-awtoritajiet tal-Unjoni tal-Komoros.

4.           Il-qabdiet li jsiru skont u matul il-kampanja ta’ esplorazzjoni jibqgħu l-proprjetà ta’ sid il-bastiment.

5.           Id-dettalji tar-riżultati tal-kampanja għandhom jiġu kkomunikati lill-Kumitat Konġunt għall-analiżi.

6.           F’każ li l-Partijiet jikkunsidraw li l-kampanji sperimentali jkunu taw riżultati pożittivi, l-awtoritajiet Komorjani, waqt laqgħa tal-Kumitat Konġunt, jistgħu jallokaw opportunitajiet ta’ sajd ta’ speċijiet ġodda lill-flotta tal-Unjoni Eworpea sakemm jiskadi dan il-Protokoll. Il-kontribuzzjoni finanzjarja msemmija fl-Artikolu 2(2a) ta’ dan il-Protokoll tiżdied b’konsegwenza ta’ dan. Il-pagamenti u l-kundizzjonijiet applikabbli għas-sidien tal-bastimenti kif previsti fl-Anness għandhom jiġu emendati skont dan.

Artikolu 7 Is-sospensjoni u r-reviżjoni tal-ħlas tal-kontribuzzjoni finanzjarja

1.           Il-kontribuzzjoni finanzjarja msemmija fl-Artikolu 2(2)(a) u (b) tista’ tiġi riveduta jew sospiża wara konsultazzjoni fi ħdan il-Kumitat Konġunt f’każ li tapplika kundizzjoni waħda jew aktar minn dawn li ġejjin:

(a) jekk fiż-żona tal-Unjoni tal-Komoros ma jkunux jistgħu jsiru attivitajiet tas-sajd għal raġunijiet mhux previsti minbarra fenomeni naturali;

(b) Tibdil sinifikanti fid-definizzjoni u l-implimentazzjoni tal-politika tas-sajd ta' waħda mill-Partijiet li jaffettwa d-dispożizzjonijiet ta' dan il-Protokoll;

(c) Fil-każ tal-iskattar ta' mekkaniżmi ta' konsultazzjoni previsti mill-Artikolu 96 tal-Ftehim ta' Cotonou fir-rigward ta' ksur tal-elementi essenzjali u fundamentali tad-drittijiet tal-bniedem kif definiti skont l-Artikolu 9 tal-istess Ftehim;

2.           L-Unjoni Ewropea tista' tissospendi jew tirrevedi parti minn jew il-ħlas kollu tal-kontribuzzjoni finanzjarja speċifika prevista fl-Artikolu 2(2)(b) ta’ dan il-Protokoll:

(a) Meta r-riżultati miksuba ma jkunux konformi mal-ipprogrammar wara evalwazzjoni mwettqa mill-Kumitat Konġunt;

(b) F’każ li ma tiġix implimentata l-kontribuzzjoni finanzjarja.

3.           Il-ħlas tal-kontribuzzjoni finanzjarja jibda mill-ġdid wara konsultazzjoni u ftehim bejn iż-żewġ Partijiet malli tiġi stabbilita mill-ġdid is-sitwazzjoni ta’ qabel l-avvenimenti msemmija fil-paragrafu 1, u/jew meta r-riżultati tal-implimentazzjoni finanzjarja msemmija fil-paragrafu 2 jiġġustifikawh.

Artikolu 8 Is-sospensjoni tal-implimentazzjoni tal-Protokoll

1.           L-implimentazzjoni ta’ dan il-Protokoll tista’ tiġi sospiża fuq inizjattiva ta’ waħda miż-żewġ Partijiet wara konsultazzjoni fi ħdan il-Kumitat Konġunt jekk isseħħ xi waħda jew aktar mill-kondizzjonijiet li ġejjin:

(a) Jekk fiż-żona tal-Unjoni tal-Komoros ma jkunux jistgħu jsiru attivitajiet tas-sajd għal raġunijiet mhux previsti minbarra fenomeni naturali;

(b) Tibdil sinifikanti fid-definizzjoni u l-implimentazzjoni tal-politika tas-sajd ta' waħda mill-Partijiet li jaffettwa d-dispożizzjonijiet ta' dan il-Protokoll;

(c) Fil-każ tal-iskattar ta' mekkaniżmi ta' konsultazzjoni previsti mill-Artikolu 96 tal-Ftehim ta' Cotonou fir-rigward ta' ksur tal-elementi essenzjali u fundamentali tad-drittijiet tal-bniedem kif definiti skont l-Artikolu 9 tal-istess Ftehim;

(d) L-Unjoni Ewropea tonqos li tħallas il-kontribuzzjoni finanzjarja prevista fl-Artikolu 2(2)(a), għal raġunijiet oħrajn minbarra dawk previsti fl-Artikolu 7 ta’ dan il-Protokoll;

(e) Tilwima serja u mingħajr soluzzjoni bejn iż-żewġ Partijiet dwar l-applikazzjoni jew l-interpretazzjoni ta' dan il-Protokoll.

2.           Meta l-applikazzjoni tal-Protokoll tiġi sospiża għal raġunijiet oħrajn minbarra dawk imsemmija fil-punt 1(c) hawn fuq, din is-sospensjoni hija soġġetta għan-notifika mill-Parti interessata tal-intenzjoni tagħha bil-miktub u tal-inqas tliet xhur qabel id-data li fiha għandha tidħol fis-seħħ din is-sospensjoni. Is-sospensjoni tal-Protokoll għar-raġunijiet stabbiliti fil-punt 1(c) tkun applikata minnufih wara li tittieħed id-deċiżjoni ta’ sospensjoni.

3.           F’każ ta’ sospensjoni, il-Partijiet għandhom ikomplu bil-konsultazzjonijiet sabiex isibu soluzzjoni bonarja għat-tilwima ta’ bejniethom. Meta tinkiseb it-tali soluzzjoni, il-Protokoll jibda japplika mill-ġdid u l-ammont tal-kontribuzzjoni finanzjarja għandu jitnaqqas b’mod proporzjonali u pro rata temporis skont it-tul ta’ żmien li matulu l-applikazzjoni tal-Protokoll kienet sospiża.

Artikolu 9 Leġiżlazzjoni applikabbli

1.           L-attivitajiet tal-bastimenti tas-sajd tal-UE li joperaw fiż-żona tas-sajd tal-Unjoni tal-Komoros għandhom ikunu rregolati mil-liġi applikabbli fl-Unjoni tal-Komoros, sakemm il-Ftehim ta' Sħubija dwar is-Sajd jew dan il-Protokoll ma jistabbilixxix mod ieħor.

2.           Iż-żewġ partijiet għandhom jinnotifikaw lil xulxin bil-miktub rigward kwalunkwe bidla fil-politika jew fil-leġiżlazzjoni tagħhom dwar is-sajd.

Artikolu 10 Il-kompjuterizzazzjoni tal-iskambji

1.           L-Unjoni tal-Komoros u l-Unjoni Ewropea se jimpenjaw rwieħhom li jimplimentaw mingħajr dewmien is-sistemi kompjuterizzati meħtieġa għall-iskambju elettroniku tal-informazzjoni u d-dokumenti kollha marbutin mal-implimentazzjoni tal-Ftehim.

2.           F’kull waqt, il-forma elettronika ta’ dokumenti previsti f'dan il-Protokoll għandha titqies bħala li hi ekwivalenti għall-verżjoni stampata tagħhom.

3.           L-Unjoni tal-Komoros u l-Unjoni Ewropea għandhom jinnotifikaw lil xulxin minnufih rigward kwalunkwe ħsara fis-sistema kompjuterizzata. F’dan il-każ l-informazzjoni u d-dokumenti marbuta mal-implimentazzjoni tal-Ftehim jiġu awtomatikament sostitwiti mill-verżjoni stampata tagħhom.

Artikolu 11 Kunfidenzjalità tad-dejta

L-Unjoni tal-Komoros u l-Unjoni Ewropea jimpenjaw rwieħhom sabiex id-dejta personali kollha dwar il-bastimenti tal-UE u dwar l-attivitajiet tagħhom tas-sajd miksuba fil-kuntest tal-Ftehim tiġi ttrattata f’kull ħin b’mod kunfidenzjali, skont il-prinċipji ta’ kunfidenzjalità u tal-protezzjoni tad-dejta.

Artikolu 12 It-terminazzjoni

1.           Fil-każ ta’ terminazzjoni ta’ dan il-Protokoll, il-Parti kkonċernata għandha tinnotifika bil-miktub lill-Parti l-oħra bl-intenzjoni tagħha li ttemm il-Protokoll mill-inqas sitt xhur qabel id-data li fiha sseħħ it-terminazzjoni.

2.           Kif tintbagħat in-notifika msemmija fil-paragrafu ta’ qabel il-Partijiet għandhom jibdew il-konsultazzjonijiet.

Artikolu 13 Applikazzjoni provviżorja

Dan il-Protokoll u l-Anness tiegħu għandhom japplikaw b’mod provviżorju mit-1 ta’ Jannar 2014.

Artikolu 14 Dħul fis-seħħ

Dan il-Protokoll u l-Anness tiegħu jidħlu fis-seħħ fid-data li fiha l-Partijiet jinnotifikaw lil xulxin bit-tlestija tal-proċeduri meħtieġa f’dan ir-rigward.

ANNESS

KUNDIZZJONIJIET LI JIRREGOLAW L-ATTIVITAJIET TAS-SAJD TAL-BASTIMENTI TAL-UNJONI EWROPEA

Kapitolu I - Dispożizzjonijiet Ġenerali

1.           Għażla tal-awtorità kompetenti

Għall-finijiet ta’ dan l-Anness u sakemm ma’ jkunx indikat mod ieħor, kull referenza għall-Unjoni Ewropea (l-UE) jew għall-Unjoni tal-Komoros bħala awtorità kompetenti għandha tfisser:

– Għall-Unjoni Ewropea: il-Kummissjoni Ewropea, fejn xieraq permezz tad-delegazzjoni tal-UE fil-Mawrizju;

– għall-Unjoni tal-Komoros: Ministeru responsabbli għas-sajd fl-Unjoni tal-Komoros.

2.           Żona ta' sajd

Sabiex ma jiġix affettwat is-sajd fuq skala żgħira, il-bastimenti tal-UE ma jistgħux joperaw akter 'l ġewwa minn 10 mili nawtiċi madwar kull gżira.

Barra minn hekk, it-tbaħħir u s-sajd minn bastimenti tal-UE għandhom ikunu pprojbiti f'raġġ ta' 3 mili nawtiċi minn unitajiet ta' irkaptu biex jinġema' l-ħut (FADs) ankrati li jkunu ġew installati mill-Ministeru tas-Sajd tal-Unjoni tal-Komoros. Dan il-Ministeru għandu jgħarraf lis-sidien bil-koordinati u għandu jindika l-pożizzjoni tal-FADs ankrati meta tinħareġ il-liċenzja tas-sajd.

Iż-żoni pprojbiti għat-tbaħħir u s-sajd għandhom jiġu kkomunikati lill-UE għal finijiet ta' informazzjoni, kif għandu jsir ukoll fil-każ ta' kwalunkwe bidliet oħra li jikkonċernaw lil dawn iż-żoni. Dawn għandhom jiġu mħabbra tal-inqas xahrejn qabel l-applikazzjoni tagħhom.

3.           Kontijiet Bankarji

l-Unjoni tal-Komoros għandha tgħarraf lill-UE, qabel l-applikazzjoni provviżorja tal-Protokoll, id-dettalji tal-kont bankarju tal-Bank Ċentrali tal-Unjoni tal-Komoros li fih għandhom jitħallsu l-ammonti finanzjarji dovuti mill-bastimenti tal-UE skont il-Ftehim. L-ispejjeż marbutin mat-trasferimenti bankarji għandhom jitħallsu mis-sidien tal-bastimenti.

Kapitolu II - awtorizzazjonijiet għas-sajd

Għall-finijiet tal-applikazzjoni tad-dispożizzjonijiet ta' dan l-Anness, it-terminu 'awtorizzazzjoni għas-sajd' huwa definit bħala d-dritt li wieħed iwettaq attivitajiet tas-sajd tul perjodu speċifiku, f'żona speċifika jew bħala parti minn tip ta' sajd speċifiku.

1.           Kundizzjoni għall-ksib ta’ awtorizzazzjoni tas-sajd għat-tonn – bastimenti eliġibbli

1.1.        L-awtorizzazzjonijiet tas-sajd għat-tonn imsemmija fl-Artikolu 7 tal-Ftehim għandhom jinħarġu bil-kundizzjoni li l-bastiment huwa inkluż fir-reġistru tal-bastimenti tas-sajd tal-UE u fil-lista tal-bastimenti tas-sajd awtorizzati tal-KTOI u li jkunu ntlaħqu l-obbligi l-oħra kollha ta’ qabel tas-sid tal-bastiment, tal-kaptan, jew tal-bastiment innifsu li jirriżultaw mill-attivitajiet tas-sajd fl-Unjoni tal-Komoros skont il-Ftehim u skont il-leġiżlazzjoni tal-Unjoni tal-Komoros dwar is-sajd.

1.2.        Kull bastiment tal-Unjoni li jitlob liċenzja tas-sajd jista' jkun irrappreżentat minn aġent residenti fil-Ginea Bissaw.

2.           Applikazzjoni għal-liċenzja tas-sajd

2.1.        L-awtoritajiet kompetenti tal-UE għandhom jissottomettu lill-awtoritajiet kompetenti tal-Unjoni tal-Komoros applikazzjoni għal kull bastiment li jixtieq jistad skont il-Ftehim, mill-anqas 20 jum qabel id-data tal-bidu tal-validità mitluba.

2.2.        Għal kull applikazzjoni tal-bidu għal awtorizzazzjoni tas-sajd abbażi tal-Protokoll fis-seħħ, jew wara tibdil tekniku fil-bastiment ikkonċernat, l-applikazzjoni għandu jkollha magħha:

i.        il-prova tal-pagament tat-tariffa tal-ħlas minn qabel għall-perjodu ta’ validità tal-awtorizzazzjoni tas-sajd mitluba;

ii.       l-isem, l-indirizz u d-dettalji ta’ kuntatt:

– ta’ sid il-bastiment tas-sajd;

– tal-operatur tal-bastiment tas-sajd;

– tal-aġent lokali tal-bastiment;

iii.      ritratt riċenti bil-kulur tal-bastiment, li juri veduta laterali tiegħu, li jkun kbir mill-inqas 15-il ċentimetru b’10 ċentimetri;

iv.      iċ-ċertifikat ta’ kemm il-bastiment ikun f'kundizzjoni tajba għat-tbaħħir;

v.       in-numru ta’ reġistrazzjoni tal-bastiment;

vi.      il-koordinati tat-transponder VMS;

vii.     id-dettalji ta’ kuntatt tal-bastiment tas-sajd (in-numru tal-faks, l-indirizz elettroniku, eċċ.).

2.3.        Għat-tiġdid ta’ awtorizzazzjoni tas-sajd skont il-Protokoll fis-seħħ għal bastiment li l-ispeċifikazzjonijiet tekniċi tiegħu ma jkunux inbidlu, l-applikazzjoni għat-tiġdid għandu jkollha magħha biss il-prova tal-ħlas tat-tariffa.

3.           Ħlasijiet

3.1.        L-awtorizzazzjonijiet tas-sajd għandhom jingħataw meta dawn l-ammonti jkunu tħallsu lill-awtoritajiet nazzjonali kompetenti:

– EUR 4 235 għal kull bastiment tas-sajd għat-tonn bit-tartarun, ekwivalenti għall-ħlasijiet dovuti għal 77 tunnellata tonn maqbuda fiż-żona tas-sajd tal-Unjoni tal-Komoros,

– EUR 2 475 għal kull bastiment tas-sajd bil-konzijiet tal-wiċċ, ekwivalenti għall-ħlasijiet dovuti għal 45 tunnellata tonn maqbuda fiż-żona tas-sajd tal-Unjoni tal-Komoros,

3.2.        Il-ħlasijiet għandhom ikunu ta' EUR 55 għal kull tunnellata maqbuda fiż-żona tas-sajd tal-Unjoni tal-Komoros.

4.           Lista provviżorja tal-bastimenti awtorizzati li jistadu

Ladarba tkun irċeviet l-applikazzjonijiet għal-liċenzji tas-sajd u n-notifika tal-ħlas bil-quddiem, l-Unjoni tal-Komoros għandha tfassal minnufih il-lista provviżorja, għal kull kategorija ta' bastiment, tal-bastimenti li jkunu applikaw. Din il-lista għandha tiġi kkomunikata minnufih lill-awtorità nazzjonali kompetenti responsabbli għall-kontroll tas-sajd tal-Unjoni tal-Komoros u lill-UE.

L-UE għandha tgħaddi l-lista provviżorja lil sid il-bastiment jew lill-aġent lokali. Jekk l-uffiċċji tal-UE jkunu magħluqa, l-Unjoni tal-Komoros tista’ tibgħat il-lista provviżorja direttament lil sid il-bastiment jew lid-destinatarju tiegħu u jibgħat kopja lill-UE.

Il-bastimenti li huma inklużi fil-lista provviżorja għandhom jingħataw awtorizzazzjoni biex jibdew jistadu sakemm tinħareġ l-awtorizzazzjoni għas-sajd. Dawn il-bastimenti għandhom dejjem iżommu kopja tal-lista provviżorja abbord sa ma tinħareġ l-awtorizzazzjoni tas-sajd tagħhom.

5.           Ħruġ tal-awtorizzazzjoni tas-sajd

L-awtorizzazzjonijiet tas-sajd għall-bastimenti kollha għandhom jinħarġu mill-awtorità kompetenti għas-sidien tal-bastimenti jew għad-destinatarji tagħhom fi żmien 15-il jum minn meta tasal l-applikazzjoni sħiħa.

Kopja ta’ din l-awtorizzazzjoni tas-sajd għandha tintbagħat minnufih mill-awtorità kompetenti tad-Delegazzjoni tal-UE fil-Mawrizju.

Wara li l-awtorizzazzjoni tas-sajd tkun intbagħtet u tkun waslet għand l-applikant, din għandha tinżamm dejjem abbord il-bastiment.

6.           Lista tal-bastimenti li jkunu awtorizzati jistadu

Ladarba tinħareġ l-awtorizzazzjoni tas-sajd, il-korp nazzjonali responsabbli għas-superviżjoni tal-attivitajiet tas-sajd għandu jistabbilixxi minnufih għal kull kategorija ta’ bastimenti, il-lista finali ta’ bastimenti li jkunu awtorizzati jistadu fiż-żona tas-sajd tal-Unjoni tal-Komoros. Din il-lista għandha tintbagħat minnufih lill-UE u għandha tieħu post il-lista provviżorja msemmija hawn fuq.

7.           Perjodu ta’ validità tal-awtorizzazzjoni tas-sajd.

L-awtorizzazzjonijiet għas-sajd għandhom ikunu validi għal sena u għandhom ikunu jistgħu jiġġeddu.

8.           Trasferiment tal-awtorizzazzjoni tas-sajd

L-awtorizzazzjoni tas-sajd għandha tinħareġ għal bastiment partikolari u ma għandhiex tkun trasferibbli. Madankollu, fejn ikun hemm provi ta’ force majeure, wara talba tal-UE, l-awtorizzazzjoni tas-sajd ta’ bastiment tista’ tinbidel b’awtorizzazzjoni ġdida maħruġa għal bastiment tal-istess kategorija, mingħajr ma jkun hemm għalfejn isir ħlas ġdid minn qabel.

9.           Bastimenti ta’ appoġġ

9.1.        Il-bastimenti ta’ appoġġ għandhom ikunu awtorizzati skont id-dispożizzjonijiet u l-kundizzjonijiet previsti fil-leġiżlazzjoni Komorjana.

9.2.        Ma għandu jintalab l-ebda ħlas għall-awtorizzazzjonijiet maħruġa lill-bastimenti ta’ appoġġ. Dawn għandhom itajru l-bandiera ta’ Stat Membru tal-UE jew ikunu parti minn kumpanija Ewropea.

9.3.        L-awtoritajiet kompetenti Komorjani għandhom jibagħtu regolarment il-lista ta’ dawn l-awtorizzazzjonijiet lill-Kummissjoni permezz tad-Delegazzjoni tal-UE fil-Mawrizju.

Kapitolu III – Rappurtar dwar il-qbid

1.           Il-ġurnal ta' abbord

1.1.        Il-kaptan ta' bastiment tas-sajd tal-UE li jkun qed jistad b'konformità mal-Ftehim għandu jżomm ġurnal ta' abbord tal-KTOI, li għandu jkun konformi mar-riżoluzzjonijiet rilevanti tal-KTOI dwar il-ġbir u t-trażmissjoni tad-dejta fir-rigward tal-attivitajiet tas-sajd.

1.2.        Il-ġurnal ta' abbord għandu jimtela mill-kaptan għal kull jum li l-bastiment ikun fiż-żona tas-sajd tal-Unjoni tal-Komoros.

1.3.        Il-ġurnal ta’ abbord tas-sajd għandu jimtela b’mod li jkun jista’ jinqara, b’ittri kapitali, u għandu jiġi ffirmat mill-kaptan.

1.4.        Il-kaptan għandu jkun responsabbli għall-preċiżjoni tad-dejta rreġistrata fil-ġurnal ta’ abbord tas-sajd.

2.           Dikjarazzjoni dwar il-qbid

2.1.        Il-kaptan għandu jiddikjara l-qabdiet tal-bastiment billi jibgħat il-ġurnali ta' abbord tiegħu lill-Unjoni tal-Komoros għall-perjodu tal-preżenza tiegħu fiż-żona tas-sajd tal-Unjoni tal-Komoros.

2.2.        Il-ġurnali ta’ abbord tas-sajd għandhom jintbagħtu b’wieħed mill-modi li ġejjin:

i.        meta l-bastiment iżur port tal-Unjoni tal-Komoros, l-oriġinal ta' kull ġurnal ta' abbord għandu jiġi ppreżentat lil rappreżentant lokali tal-Unjoni tal-Komoros, li għandu jikkonferma li jkun irċeviha bil-miktub; għandha wkoll tingħata kopja tal-ġurnal ta' abbord lill-grupp ta' spezzjoni tal-Unjoni tal-Komoros;

ii.       meta bastiment tas-sajd ikun ħiereġ miż-żona tas-sajd tal-Unjoni tal-Komoros mingħajr ma jgħaddi l-ewwel minn port tal-Unjoni tal-Komoros, l-oriġinali ta’ kull ġurnal ta’ abbord tas-sajd għandha tintbagħat fi żmien 7 ijiem tax-xogħol wara l-wasla fi kwalunkwe port ieħor, u f’kull każ fi żmien 15-il jum tax-xogħol wara t-tluq miż-żona tas-sajd tal-Unjoni tal-Komoros:

– bil-posta elettronika, fl-indirizz tal-posta elettronika mogħti mill-korp nazzjonali li jkun qed jissorvelja l-attivitajiet tas-sajd;

– jew permezz ta’ faks, lin-numru mogħti mill-korp nazzjonali li jkun qed jissorvelja l-attivitajiet tas-sajd;

– jew permezz ta’ ittra mibgħuta lill-korp nazzjonali li jkun qed jissorvelja l-attivitajiet tas-sajd.

2.3.        Ir-ritorn tal-bastiment fiż-żona tas-sajd tal-Unjoni tal-Komoros fil-perjodu ta’ validità tal-awtorizzazzjoni tas-sajd tiegħu għandu jwassal għal dikjarazzjoni dwar il-qbid ġdida.

2.4.        Il-kaptan għandu jibgħat kopja tal-ġurnali kollha tas-sajd lid-delegazzjoni tal-UE fil-Mawrizju, liċ-Ċentru ta’ Monitoraġġ tas-Sajd tal-Komoros (ĊNMSS) u lill-istituti xjentifiċi li ġejjin:

i.        IRD (Institut de recherche pour le développement);

ii.       IEO (Instituto Español de Oceanografía);

iii.      IPMA (Instituto Português do Mar e da Atmosfèra).

2.5.        Fejn id-dispożizzjonijiet dwar ir-rappurtar tal-qbid ma jiġux irrispettati, l-Unjoni tal-Komoros tista’ tissospendi l-awtorizzazzjoni għas-sajd tal-bastiment ikkonċernat sakemm jinkiseb ir-rapport dwar il-qbid li jkun nieqes, u tista’ wkoll tippenalizza lil sid il-bastiment skont id-dispożizzjonijiet rilevanti b'konformità mal-leġiżlazzjoni nazzjonali fis-seħħ. F’każ ta’ ksur ripetut, l-Unjoni tal-Komoros tista’ tirrifjuta li ġġedded il-liċenzja tas-sajd. L-Unjoni tal-Komoros għandha tinforma minnufih lill-UE dwar kwalunkwe sanzjoni applikata f’dan il-kuntest.

3.           Tranżizzjoni lejn sistema elettronika

Iż-żewġ Partijiet jaqblu li jintroduċu sistema ta' ġurnal ta' abbord tas-sajd elettroniku u sistema elettronika għar-rappurtar tad-dejta dwar il-qbid (ERS), skont il-linji gwida stabbiliti fl-Anness 3. Il-Partijiet għandhom jiddeterminaw b'mod konġunt il-modalitajiet għall-implimentazzjoni tas-sistema, bl-għan li din issir operattiva mill-1 ta' Lulju 2015.

4.           Dikjarazzjoni finali tat-tariffi għall-bastimenti tas-sajd għat-tonn u għall-bastimenti tas-sajd bil-konz tal-wiċċ

4.1.        Sakemm tiġi implimentata s-sistema elettronika prevista fil-punt 3, l-UE għandha tistabbilixxi għal kull bastiment tas-sajd għat-tonn bit-tartarun u bil-konzijiet tal-wiċċ, stqarrija finali tal-ħlasijiet dovuti mill-bastiment għas-sena kalendarja preċedenti bbażata fuq id-dikjarazzjonijiet dwar il-qbid tiegħu kkonfermati mill-istituti xjentifiċi msemmija hawn fuq.

4.2.        L-UE għandha tibgħat din id-dikjarazzjoni finali lill-Unjoni tal-Komoros u lil sid il-bastiment qabel il-31 ta’ Lulju tas-sena li tkun għaddejja.

4.3.        Mid-data tal-implimentazzjoni effettiva tas-sistema elettronika prevista mill-punt 3, l-UE għandha tistabbilixxi għal kull bastiment tas-sajd għat-tonn bit-tartarun u bil-konzijiet tal-wiċċ, stqarrija finali tal-ħlasijiet dovuti mill-bastiment għall-perjodu annwali ta’ attività tas-sena kalendarja preċedenti bbażata fuq il-ġurnali ta' abbord arkivjati fiċ-Ċentru ta' Monitoraġġ tas-Sajd (ĊMS) tal-Istat tal-bandiera.

4.4.        L-UE għandha tibgħat din l-istqarrija finali lill-Unjoni tal-Komoros u lil sid il-bastiment qabel il-31 ta’ Marzu tas-sena li tkun għaddejja.

4.5.        Fejn id-dikjarazzjoni finali tkun inqas mit-tariffa b’rata fissa mistennija, l-ammont li jifdal ma jistax jiġi kklejmjat mill-ġdid minn sid il-bastiment.

4.6.        Fejn id-dikjarazzjoni finali tkun ikbar mit-tariffa b’rata fissa antiċipata mħallsa biex tinkiseb l-awtorizzazzjoni tas-sajd, sid il-bastiment għandu jħallas il-bilanċ pendenti lill-awtoritajiet nazzjonali kompetenti tal-Unjoni tal-Komoros billi jgħaddi l-pagament fil-kont insemmi fil-paragrafu 3 tal-Kapitolu I ta' dan l-Anness sat-30 ta’ Settembru tas-sena li tkun għaddejja.

Kapitolu IV – Trażbord u Ħatt

1.           It-trażbord fuq il-baħar huwa pprojbit. Il-bastimenti tal-UE li jkunu jixtiequ jwettqu t-trażbord jew il-ħatt tal-qabdiet li jkunu saru fiż-żona tas-sajd tal-Unjoni tal-Komoros għandhom jagħmlu dan fil-portijiet tal-Unjoni tal-Komoros.

2.           Il-kaptan ta’ bastiment tal-UE li jkun jixtieq iħott l-art il-qabdiet jew jagħmel operazzjoni ta’ trażbord għandu jinnotifika liċ-ĊNMSS u, fl-istess ħin, lill-awtorità tal-port tal-Unjoni tal-Komoros, mill-inqas 24 siegħa qabel il-ħatt l-art jew it-trażbord, b’dan li ġej:

– l-ismijiet tal-bastimenti tas-sajd involuti fit-trażbord jew fil-ħatt l-art;

– l-isem tal-bastimenti tal-merkanzija;

– it-tunnellaġġ, għal kull speċi, li jkun se jiġi ttrażbordat jew li se jinħatt l-art;

– il-jum tat-trażbord jew tal-ħatt l-art;

– min ikun se jirċievi l-qabdiet li jkunu se jinħattu l-art.

3.           It-trażbord u l-ħatt l-art jitqiesu bħala ħruġ miż-żona tas-sajd tal-Unjoni tal-Komoros. Il-bastimenti għandhom għalhekk jagħtu d-dikjarazzjonijiet tal-qabdiet lill-awtoritajiet kompetenti tal-Unjoni tal-Komoros u jinnotifikawhom bl-intenzjoni tagħhom, jiġifieri jew li jkomplu jistadu jew li joħorġu miż-żona tas-sajd tal-Unjoni tal-Komoros.

4.           Operazzjonijiet ta' trażbord jew ta' ħatt tal-qabdiet li mhumiex koperti mill-punti ta' hawn fuq għandhom ikunu pprojbiti fiż-żona tas-sajd tal-Unjoni tal-Komoros. Kwalunkwe persuna li tikser din id-dispożizzjoni għandha tkun suġġetta għas-sanzjonijiet previsti fir-regolamenti attwali tal-Komoros.

Kapitolu V – Imbark tal-baħrin

1.           Kull bastiment tal-UE għandu jtella' abbord, bi spejjeż għalih, mill-inqas baħri wieħed (1) ikkwalifikat mill-Komoros waqt vjaġġ fiż-żona tas-sajd tal-Unjoni tal-Komoros.

2.           Is-sidien jistgħu jagħżlu liberament il-baħrin li jridu jtellgħu abbord il-bastiment tagħhom fost dawk magħżula f’lista ppreżentata mill-awtorità kompetenti tal-Unjoni tal-Komoros.

3.           Is-sid jew ir-rappreżentant tiegħu għandu jikkomunika l-ismijiet tal-baħrin lokali mtellgħin abbord il-bastiment ikkonċernat lill-awtorità kompetenti tal-Unjoni tal-Komoros, b’referenza għall-pożizzjoni tagħhom fl-ekwipaġġ.

4.           Id-Dikjarazzjoni tal-Organizzazzjoni Internazzjonali tax-Xogħol (ILO) dwar il-prinċipji u d-drittijiet fundamentali tax-xogħol, tapplika kollha kemm hi għall-baħrin li jittellgħu abbord il-bastimenti tal-UE. B'mod partikolari l-applikazzjoni tad-dritt ta' assoċjazzjoni u ta’ l-għarfien effettiv tad-dritt għan-negozjar kollettiv tal-ħaddiema u l-eliminazzjoni tad-diskriminazzjoni fil-qasam ta’ l-impjiegi u tal-professjonijiet.

5.           Il-kuntratti tax-xogħol tal-baħrin, li kopja tagħhom għandha tingħata lill-firmatarji, għandhom isiru bejn ir-rappreżentant(i) tas-sidien u l-baħrin u/jew it-trejdjunjins tagħhom jew ir-rappreżentanti tagħhom flimkien mal-awtorità kompetenti tal-Unjoni tal-Komoros. Dawn il-kuntratti għandhom jiggarantixxu lill-baħrin il-benefiċċju ta’ sistema ta’ sigurtà soċjali applikabbli għalihom, li tinkludi assigurazzjoni f’każ ta’ mewt, mard u f'każ ta' inċident.

6.           Is-salarju tal-baħrin tal-AKP għandu jitħallas mis-sidien tal-bastimenti. Dan għandu jiġi stabbilit, bi qbil komuni bejn is-sidien jew ir-rappreżentanti tagħhom u l-baħrin u/jew il-junjins jew ir-rappreżentanti tagħhom. Madankollu, il-kundizzjonijiet tar-remunerazzjoni tal-baħrin AKP ma għandhomx ikunu inferjuri għal dawk applikabbli għall-ekwipaġġi tal-pajjiżi rispettivi tagħhom u fi kwalunkwe każ mhux inqas mill-istandards tal-ILO.

7.           Kull baħri impjegat mill-bastimenti tal-UE għandu jirrapporta lill-kaptan maħtur tal-bastiment lejliet id-data proposta għall-imbark tiegħu. Jekk il-baħri ma jkunx preżenti fid-data u l-ħin previsti għall-imbark, sid il-bastiment jinħeles awtomatikament mill-obbligu li jtella' abbord lil dak il-baħri.

8.           F’każ li l-obbligu stabbilit fil-paragrafu 1 ma jiġix osservat għal raġunijiet differenti minn dawk imsemmija fil-punt preċedenti, is-sidien tal-bastimenti kkonċernati jridu jħallsu ammont fiss ta’ EUR 20 kuljum għal kull bastiment minn tagħhom li jkun jinsab fiż-żona tas-sajd tal-Unjoni tal-Komoros. Il-ħlas ta’ din is-somma għandu jseħħ sa mhux aktar tard mil-limiti stabbiliti fil-Kapitolu III, iTaqsima 4, punt 6 ta’ dan l-Anness.

9.           Dan l-ammont għandu jintuża għat-taħriġ ta’ baħrin‑-sajjieda lokali u għandu jiġi ddepożitat fil-kont indikat mill-awtoritajiet Komorjani.

Kapitolu VI – L-Osservaturi Fil-mument li l-bastiment jiġi rreġistrat, il-bastimenti Komunitarji kollha għandhom jagħtu kontribuzzjoni ta;

1.           Il-bastimenti awtorizzati biex jistadu fl-ilmijiet tal-Unjoni tal-Komoros skont il-Ftehim għandhom itellgħu abbord osservaturi, li preferibbilment ikunu akkreditati fuq livell reġjonali u jkunu maħtura mill-awtoritajiet tal-Unjoni tal-Komoros responsabbli għas-sajd, skont it-termini stabbiliti hawn taħt.

1.1.        Fuq talba tal-Ministeru responsabbli għas-sajd fl-Unjoni tal-Komoros, il-bastimenti tas-sajd għat-tonn għandhom itellgħu abbord osservatur maħtur mill-Ministeru, li l-kompitu tiegħu jkun li jivverifika l-qabdiet li jsiru fl-ilmijiet Komorjani.

1.2.        L-awtorità kompetenti tal-Unjoni tal-Komoros għandha tistabbilixxi lista tal-bastimenti magħżula biex fuqhom jittella’ osservatur, kif ukoll il-lista tal-osservaturi maħtura sabiex jitilgħu abbord. Dawn il-listi għandhom jinżammu aġġornati. Dawn għandhom jiġu nnotifikati lill-UE hekk kif jiġu mfassla, u mbagħad kull tliet xhur wara li jiġu aġġornati.

1.3.        L-awtorità kompetenti tal-Unjoni tal-Komoros għandha tikkomunika lis-sidien ikkonċernati jew lir-rappreżentanti tagħhom l-isem tal-osservatur maħtur sabiex jitla’ abbord il-bastiment mal-ħruġ tal-liċenzja, jew sa mhux aktar tard minn 15-il jum qabel id-data prevista tal-imbark tal-osservatur. Għandu jiġi komunikat ukoll il-ħin li l-osservatur iqatta' abbord il-bastiment

2.           Il-kundizzjonijiet tal-imbark tal-osservatur huma definiti bi ftehim komuni bejn sid il-bastiment jew ir-rappreżentant tiegħu u l-awtoritajiet Komorjani.

3.           It-tlugħ abbord tal-osservatur għandu jseħħ fil-port magħżul minn sid il-bastiment. Is-sidien tal-bastimenti kkonċernati għandhom jgħarrfu lill-awtoritajiet kompetenti dwar id-dati u l-portijiet magħżula għall-imbark tal-osservaturi.

4.           Fil-każ li l-osservatur jiġi imbarkat f'pajjiż barrani, l-ispejjeż tal-vjaġġ ta' l-osservatur jitħallsu mill-operatur. Jekk bastiment li jkollu osservatur Komorjan abbord joħroġ miż-żona tas-sajd tal-Unjoni tal-Komoros, għandhom jittieħdu l-miżuri kollha biex jiġi assigurat li l-osservatur jittieħed lura f’pajjiżu malajr kemm jista’ jkun, bl-ispejjeż jitħallsu minn sid il-bastiment.

5.           Jekk l-osservatur ma jkunx preżenti fil-ħin u fil-post miftiehem u matul it-12-il siegħa mill-ħin miftiehem, sid il-bastiment ikun awtomatikament meħlus mill-obbligu tiegħu li jtella' lil dak l-osservatur abbord.

6.           Waqt li jkun abbord, l-osservatur għandu jiġi ttrattat bħala uffiċjal. Huwa għandu jwettaq il-kompiti li ġejjin:

– josserva l-attivitajiet tas-sajd tal-bastimenti;

– jivverifika l-pożizzjoni tal-bastimenti involuti fl-attivitajiet tas-sajd;

– jieħu nota tal-irkaptu tas-sajd użat;

– jivverifika l-informazzjoni li tidher fil-ġurnal ta' abbord dwar il-qabdiet li jkunu saru fiż-żona tas-sajd tal-Unjoni tal-Komoros;

– jivverifika l-persentaġġi tal-qbid aċċidentali u jivvaluta l-volum tal-ħut li jintrema tal-ispeċijiet ta’ ħut, krustaċji u ċefalopodi li jistgħu jiġu kkummerċjalizzati;

– jikkomunika bir-radju l-informazzjoni tas-sajd inkluż il-volum abbord tal-qabdiet prinċipali u inċidentali.

7.           Il-kaptan għandu jagħmel kull ma jista' biex jiżgura s-sikurezza fiżika u morali tal-osservatur waqt li jkun qed jaqdi dmirijietu.

8.           L-osservaturi għandhom jingħataw aċċess għal kull faċilita meħtieġa sabiex iwettqu dmirijiethom. Il-kaptan għandu jagħtih aċċess għall-mezzi ta' komunikazzjoni meħtieġa għall-qadi tax-xogħol tiegħu, għad-dokumenti marbuta direttament mal-attivitajiet tas-sajd tal-bastiment, li jinkludu b'mod partikolari l-ġurnal ta' abbord u l-ġurnal tan-navigazzjoni, kif ukoll għall-partijiet tal-bastiment meħtieġa sabiex jiffaċilitaw it-twettiq tal-kompiti tiegħu.

9.           Waqt li jkun abbord, l-osservatur għandu:

– jieħu l-miżuri kollha xierqa sabiex il-kundizzjonijiet tat-tlugħ tiegħu abbord, kif ukoll il-preżenza tiegħu fuq il-bastiment, ma jinterrompux u lanqas itellfu l-ħidmiet tas-sajd,

– jirrispetta l-proprjetà u t-tagħmir li jinstabu fuq il-bastiment, kif ukoll il-kunfidenzjalità ta’ kull dokument tal-imsemmi bastiment.

10.         Fit-tmiem tal-perjodu ta’ osservazzjoni u qabel ma jħalli l-bastiment, l-osservatur għandu jħejji rapport tal-attivitajiet li jintbagħat lill-awtoritajiet kompetenti tal-Unjoni tal-Komoros b’kopja lid-Delegazzjoni tal-Unjoni Ewropea fil-Mawrizju. Huwa għandu jiffirmah fil-preżenza tal-kaptan li jista’ jżid jew jara li jiżdiedu l-osservazzjonijiet kollha li jidhirlu li jkunu utli u jiffirmahom. Kopja tar-rapport tingħata lill-kaptan qabel ma l-osservatur xjentifiku jitniżżel l-art.

11.         Sid il-bastiment għandu jħallas għall-akkomodazzjoni u l-ikel tal-osservaturi bl-istess kundizzjonijiet li jingħataw lill-uffiċjali, b'kunsiderazzjoni għall-possibiltajiet tal-bastiment.

12.         Is-salarju u l-kontribuzzjonijiet soċjali tal-osservatur għandhom jinġarru mill-awtoritajiet kompetenti tal-Unjoni tal-Komoros.

Kapitolu VII – Monitoraġġ u spezzjoni

1.           Dħul fiż-żona tas-sajd u ħruġ minnha

1.1.        Il-bastimenti Ewropej għandhom jinnotifikaw, mill-inqas tliet sigħat qabel, lill-awtoritajiet kompetenti tal-Unjoni tal-Komoros inkarigati mill-kontroll tas-sajd, bl-intenzjoni tagħhom li jidħlu jew joħorġu miż-żona tas-sajd tal-Unjoni tal-Komoros.

1.2.        Meta jkun qed jinnotifika d-dħul jew il-ħruġ tiegħu, il-bastiment għandu jinnotifika b’mod partikolari:

i.        id-data, il-ħin u l-punt tal-passaġġ skedati;

il-kwantità ta’ kull speċi miżmuma abbord, identifikata permezz tal-Kodiċi Alfa 3 tal-FAO tagħha u espressa f’kilogrammi ta’ piż tal-ħut ħaj jew, jekk ikun il-każ, f’numri individwali;

iii.      in-natura u l-preżentazzjoni tal-prodotti.

1.3.        Dawn il-komunikazzjonijiet għandhom jitwettqu preferibbilment permezz tal-posta elettronika, jew fin-nuqqas ta' dan, permezz ta' faks. L-Unjoni tal-Komoros għandha tikkonferma li rċieviet din in-notifika minnufih permezz tal-posta elettronika jew permezz ta' faks.

1.4.        Bastiment li jinqabad jistad mingħajr ma jkun avża lill-awtorità kompetenti tal-Unjoni tal-Komoros jitqies bħala bastiment li kiser il-liġi.

2.           Kooperazzjoni fil-ġlieda kontra s-sajd IUU

Bil-għan li jissaħħaħ il-monitoraġġ tas-sajd u li tissaħħaħ il-ġlieda kontra s-sajd IUU, il-kaptani tal-bastimenti tas-sajd tal-Unjoni Ewropea għandhom jissenjalaw il-preżenza ta' kull bastiment fiż-żona tas-sajd tal-Unjoni tal-Komoros li mhuwiex fil-lista tal-bastimenti awtorizzati biex jistadu fl-Unjoni tal-Komoros.

Jekk il-kaptan ta' bastiment tas-sajd tal-UE josserva bastiment tas-sajd iwettaq attivitajiet tas-sajd u jkollu s-suspett li dik tista' tkun attività tas-sajd IUU jista' jniżżel l-akbar ammont possibbli ta' informazzjoni li jista' joħroġ minn din l-osservazzjoni. Ir-rapporti ta' osservazzjoni għandhom jintbagħtu minnufih lill-awtorità kompetenti tal-Istat Membru tal-bandiera tal-bastiment li wettaq l-osservazzjoni li min-naħa tagħha għandha tittrażmettiha lill-Unjoni Ewropea jew lill-awtorità maħtura minnha. L-UE għandha tgħaddi din l-informazzjoni lill-Unjoni tal-Komoros.

L-Unjoni tal-Komoros għandha tikkomunika malajr kemm jista' jkun lill-UE kull rapport ta' osservazzjoni fil-pussess tagħha fir-rigward ta' bastimenti tas-sajd li jwettqu attivitajiet suspettati li jkunu attivitajiet tas-sajd IUU fiż-żona tas-sajd tal-Unjoni tal-Komoros.

3.           Sistema ta’ monitoraġġ bis-satellita (VMS)

3.1.        Messaġġi dwar il-pożizzjoni tal-bastimenti – is-sistema tal-VMS

Il-bastimenti tal-UE li jkollhom awtorizzazzjoni tas-sajd għandhom ikunu mgħammra b’sistema ta’ monitoraġġ bis-satellita (Sistema ta’ Monitoraġġ tal-Bastimenti – VMS) li tippermetti l-komunikazzjoni awtomatika u kontinwa tal-pożizzjoni tagħhom, f’kull ħin, liċ-ċentru għall-kontroll tas-sajd (iċ-Ċentru għall-Monitoraġġ tas-Sajd – ĊMS) tal-Istat tal-bandiera tagħhom.

Kull messaġġ dwar il-pożizzjoni għandu jinkludi:

a.       l-identifikazzjoni tal-bastiment;

b.      il-pożizzjoni ġeografika l-iżjed riċenti tal-bastiment (il-lonġitudni, il-latitudni), b’marġni ta’ żball tal-pożizzjoni ta’ inqas minn 500 metru, u b’intervall ta’ fiduċja ta’ 99 %;

c.       id-data u l-ħin li fiha tkun ġiet irreġistrata l-pożizzjoni;

d.       il-veloċità u r-rotta tal-bastiment.

Kull messaġġ dwar il-pożizzjoni għandu jiġi kkonfigurat skont il-format inkluż fl-Appendiċi 2 ta’ dan l-Anness.

L-ewwel pożizzjoni rreġistrata wara d-dħul fiż-żona tas-sajd tal-Unjoni tal-Komoros għandha tkun identifikata bil-kodiċi “ENT”; Il-pożizzjonijiet kollha ta’ wara għandhom jiġu identifikati bil-kodiċi “POS”, bl-eċċezzjoni tal-ewwel pożizzjoni rreġistrata wara l-ħruġ miż-żona tas-sajd tal-Unjoni tal-Komoros, li għandha tiġi identifikata bil-kodiċi “EXI”. Iċ-ĊMS tal-Istat tal-bandiera għandu jiżgura l-ipproċessar awtomatiku u, jekk ikun meħtieġ, it-trażmissjoni elettronika tal-messaġġi dwar il-pożizzjoni. Il-messaġġi dwar il-pożizzjoni għandhom jiġu rreġistrati b’mod sigur u għandhom jinżammu għal perjodu ta’ tliet snin.

3.2.        Trażmissjoni min-naħa tal-bastiment f’każ ta’ ħsara fis-sistema tal-VMS

Il-kaptan għandu jiżgura f’kull ħin li s-sistema tal-VMS tal-bastiment tiegħu tkun qed taħdem bis-sħiħ u li l-messaġġi dwar il-pożizzjoni jkunu qed jiġu trażmessi b’mod korrett liċ-ĊMS tal-Istat tal-bandiera.

Il-bastimenti tal-UE li jistadu b’sistemi tal-VMS difettużi mhumiex awtorizzati jidħlu fiż-żona tas-sajd tal-Unjoni tal-Komoros .

Jekk il-bastiment diġà qed iwettaq attività tas-sajd ġewwa ż-żona tas-sajd tal-Unjoni tal-Komoros, fil-każ ta’ ħsara, is-sistema tal-VMS tal-bastimenti għandha tissewwa jew tiġi sostitwita mill-aktar fis possibbli, u mhux aktar tard minn 15-il jum. Wara dak il-perjodu, il-bastiment ma għandux jibqa’ awtorizzat jistad fiż-żona tas-sajd tal-Unjoni tal-Komoros.

Il-bastimenti li jistadu fiż-żona tas-sajd tal-Unjoni tal-Komoros b’sistema tal-VMS difettuża għandhom jikkomunikaw il-messaġġi dwar il-pożizzjoni tagħhom permezz tal-posta elettronika jew permezz tal-faks liċ-ĊMS tal-Istat tal-bandiera taċ-Ċentru Nazzjonali tal-Monitoraġġ u Spezzjoni tas-Sajd (ĊNMSS) tal-Unjoni tal-Komoros, mill-inqas kull sitt sigħat, u għandhom jipprovdu l-informazzjoni obbligatorja kollha.

3.3.        Komunikazzjoni sigura tal-messaġġi dwar il-pożizzjoni lill-Unjoni tal-Komoros

Iċ-ĊMS tal-Istat tal-bandiera għandu jibgħat awtomatikament il-messaġġi dwar il-pożizzjoni tal-bastimenti kkonċernati liċ-ĊNMSS tal-Unjoni tal-Komoros Iċ-ĊMS tal-Istat tal-bandiera u ċ-ĊNMSS għandhom jiskambjaw l-indirizzi elettroniċi ta’ kuntatt tagħhom u għandhom jgħarrfu minnufih lil xulxin b’kull tibdil f’dawn l-indirizzi.

It-trażmissjoni tal-messaġġi dwar il-pożizzjoni bejn iċ-ĊMS tal-Istat tal-bandiera u ċ-ĊNMSS għandha ssir b’mod elettroniku bl-użu ta’ sistema sigura tal-komunikazzjoni.

Iċ-ĊNMSS għandu jgħarraf liċ-ĊMS tal-Istat tal-bandiera u lill-UE b’kull interruzzjoni fil-wasla tal-messaġġi konsekuttivi dwar il-pożizzjoni minn bastiment li jkollu awtorizzazzjoni għas-sajd, meta l-bastiment ikkonċernat ma jkunx innotifika l-ħruġ tiegħu miż-żona.

3.4.        Funzjonament ħażin tas-sistema ta’ komunikazzjoni

L-Unjoni tal-Komoros għandha tiżgura li t-tagħmir elettroniku tagħha jkun kompatibbli ma’ dak taċ-ĊMS tal-Istat tal-bandiera u għandha tgħarraf lill-UE minnufih b’kull nuqqas ta’ funzjonament rigward il-komunikazzjoni u l-wasla tal-messaġġi dwar il-pożizzjoni bil-għan li tinstab soluzzjoni teknika mill-aktar fis possibbli. Il-Kumitat Konġunt għandu jipprova jsolvi kwalunkwe tilwim li jista’ jirriżulta minn dan.

Il-kaptan għandu jitqies bħala responsabbli għal kull manipulazzjoni ppruvata tas-sistema tal-VMS tal-bastiment li jkollha l-għan li tfixkel l-operat tagħha jew li tiffalsifika l-messaġġi tagħha dwar il-pożizzjoni tal-bastiment. Kull ksur għandu jkun suġġett għall-pieni previsti mil-leġiżlazzjoni tal-Unjoni tal-Komoros li tkun fis-seħħ.

3.5.        Reviżjoni tal-frekwenza tal-messaġġi dwar il-pożizzjoni

Abbażi ta’ evidenza dokumentata li tipprova ksur, iċ-ĊNMSS jista’ jsaqsi liċ-ĊMS tal-Istat tal-bandiera, filwaqt li jibgħat kopja wkoll lill-UE, li jnaqqas l-intervall biex il-bastiment jibgħat il-messaġġi dwar il-pożizzjoni għal kull tletin minuta għall-perjodu stabbilit tal-investigazzjoni. Iċ-ĊNMSS għandu jibgħat din l-evidenza dokumentata liċ-ĊMS tal-Istat tal-bandiera u lill-UE. Iċ-ĊMS tal-Istat tal-bandiera għandu jibgħat minnufih il-messaġġi dwar il-pożizzjoni liċ-ĊNMSS fuq il-frekwenza l-ġdida.

Wara, iċ-ĊNMSS għandu jinnotifika minnufih liċ-Ċentru tal-Kontroll tal-Istat tal-bandiera u lill-UE bit-tmiem tal-proċedura ta’ spezzjoni.

Fi tmiem il-perjodu stabbilit tal-investigazzjoni, iċ-ĊNMSS għandu jgħarraf liċ-ĊMS tal-Istat tal-bandiera u lill-UE b’kull monitoraġġ li jkun meħtieġ.

4.           Spezzjoni fuq il-baħar

L-ispezzjoni fuq il-baħar fiż-żona tas-sajd tal-Unjoni tal-Komoros tal-bastimenti tal-UE li jkollhom awtorizzazzjoni tas-sajd għandha ssir minn spetturi tal-Unjoni tal-Komoros li jkunu identifikati b’mod ċar bħala dawk maħtura sabiex iwettqu verifiki tas-sajd.

Qabel ma jitilgħu abbord, l-ispetturi awtorizzati għandhom jgħarrfu lill-bastiment tal-UE bid-deċiżjoni tagħhom li jwettqu spezzjoni. L-ispezzjoni għandha ssir mill-ispetturi tas-sajd, li jridu jipprovdu evidenza tal-identità u l-pożizzjoni uffiċjali tagħhom bħala spetturi qabel ma jwettqu l-ispezzjoni.

L-ispetturi awtorizzati għandhom jibqgħu abbord il-bastiment tal-UE għall-ħin meħtieġ sabiex iwettqu l-kompiti marbutin mal-ispezzjoni biss. Għandhom iwettqu l-ispezzjoni b’mod li jnaqqas kemm jista’ jkun l-impatt fuq il-bastiment, l-attività tas-sajd u l-merkanzija tiegħu.

Fi tmiem kull spezzjoni, l-ispetturi awtorizzati għandhom ifasslu rapport tal-ispezzjoni. Il-kaptan tal-bastiment tal-UE għandu d-dritt jinkludi l-kummenti tiegħu fir-rapport tal-ispezzjoni. Ir-rapport tal-ispezzjoni għandu jiġi ffirmat mill-ispettur li jkun qed ifasslu u mill-kaptan tal-bastiment tal-UE.

L-iffirmar tar-rapport ta’ spezzjoni mill-kaptan ma jippreġudikax id-dritt għad-difiża ta’ sid il-bastiment matul il-proċedura marbuta mal-ksur. Jekk il-kaptan tal-bastiment tas-sajd jirrifjuta li jiffirma id-dokument, irid jagħti r-raġunijiet preċiżi għal dan bil-miktub u l-ispettur irid iniżżel ir-referenza "irrifjuta li jiffirma".

L-ispetturi awtorizzati għandhom jagħtu kopja tar-rapport tal-ispezzjoni lill-kaptan tal-bastiment tal-UE qabel ma jħallu l-bastiment.

F’każ ta’ ksur, kopja tan-notifika tal-ksur għandha tiġi trażmessa wkoll lill-UE kif previst fil-Kapitolu VIII.

5.           Spezzjoni fil-port

L-ispezzjoni f’port tal-Unjoni tal-Komoros ta’ bastimenti tas-sajd tal-UE li jħottu l-art jew jittrażbordaw il-qabda tagħhom għandha ssir minn spetturi tal-Unjoni tal-Komoros li jkunu identifikati b’mod ċar bħala spetturi maħtura sabiex iwettqu verifiki tas-sajd.

L-ispetturi għandhom jipprovdu evidenza tal-identità u l-pożizzjoni uffiċjali tagħhom bħala spetturi qabel ma jwettqu l-ispezzjoni. L-ispetturi tal-Unjoni tal-Komoros għandhom jibqgħu abbord il-bastiment tal-UE għall-ħin meħtieġ sabiex iwettqu l-kompiti marbutin mal-ispezzjoni biss u għandhom iwettqu l-ispezzjoni b’mod li jnaqqas kemm jista’ jkun l-impatt fuq il-bastiment, il-ħatt l-art jew l-operazzjoni tat-trasbord u l-merkanzija.

Fl-aħħar ta’ kull spezzjoni, l-ispetturi tal-Unjoni tal-Komoros għandhom jagħmlu rapport dwar l-ispezzjoni. Il-kaptan tal-bastiment tal-UE għandu d-dritt jinkludi l-kummenti tiegħu fir-rapport tal-ispezzjoni. Ir-rapport tal-ispezzjoni għandu jiġi ffirmat mill-ispettur li jkun qed ifasslu u mill-kaptan tal-bastiment tal-UE.

L-iffirmar tar-rapport ta’ spezzjoni mill-kaptan ma jippreġudikax id-dritt għad-difiża ta’ sid il-bastiment matul il-proċedura marbuta mal-ksur. Jekk il-kaptan tal-bastiment tas-sajd jirrifjuta li jiffirma id-dokument, irid jagħti r-raġunijiet preċiżi għal dan bil-miktub u l-ispettur irid iniżżel ir-referenza "irrifjuta li jiffirma".

Fi tmiem l-ispezzjoni l-ispetturi tal-Unjoni tal-Komoros għandhom jagħtu kopja tar-rapport tal-ispezzjoni lill-kaptan tal-bastiment tal-UE.

F’każ ta’ ksur, kopja tan-notifika tal-ksur għandha tiġi trażmessa wkoll lill-UE kif previst fil-Kapitolu VIII.

KAPITOLU VIII - KSUR

1.           Trattament tal-ksur

Kull ksur imwettaq fiż-żona tas-sajd tal-Unjoni tal-Komoros minn bastiment tal-UE li jkollu awtorizzazzjoni tas-sajd skont id-dispożizzjonijiet ta’ dan l-Anness għandu jkun soġġett għal rapport ta' spezzjoni.

2.           Detenzjoni tal-bastiment

F’każ ta’ ksur misjub, kull bastiment tal-UE li jkun wettaq ksur jista’ jiġi mġiegħel iwaqqaf l-attività tas-sajd tiegħu u, jekk il-bastiment ikun fuq il-baħar, jirritorna lejn port tal-Unjoni tal-Komoros, skont il-leġiżlazzjoni tal-Unjoni tal-Komoros fis-seħħ.

L-Unjoni tal-Komoros għandha tinnotifika lill-UE, b’mod elettroniku, fi żmien 24 siegħa b’kull detenzjoni ta’ bastiment tal-UE li jkollu awtorizzazzjoni tas-sajd. In-notifika għandha tipprovdi r-raġunijiet għall-arrest u/jew għad-detenzjoni.

Qabel ma tittieħed kwalunkwe miżura kontra l-bastiment, il-kaptan, l-ekwipaġġ jew il-merkanzija, bl-eċċezzjoni ta’ miżuri mmirati għall-ħarsien tal-evidenza, iċ-ĊNMSS għandu jorganizza, mhux aktar tard minn jum ta’ xogħol wara n-notifika ta’ detenzjoni tal-bastiment, laqgħa ta’ informazzjoni sabiex jiġu ċċarati l-fatti li jkunu wasslu għad-detenzjoni tal-bastiment u sabiex jiġi spjegat x’azzjoni oħra tista’ tittieħed. Rappreżentant tal-Istat tal-bandiera u ta’ sid il-bastiment jista’ jattendi din il-laqgħa ta’ informazzjoni.

3.           Sanzjonijiet għall-ksur – Proċedura ta’ kompromess

Il-penalità għall-ksur stabbilit għandha tiġi ffissata mill-iċ-ĊNMSS skont id-dispożizzjonijiet tal-leġiżlazzjoni fis-seħħ.

Għandha tinbeda proċedura ta’ kompromess qabel il-proċeduri ġudizzjarji bejn l-awtoritajiet tal-Unjoni tal-Komoros u sid il-bastiment tal-UE sabiex tinstab soluzzjoni amikevoli. Rappreżentant tal-Istat tal-bandiera tal-bastiment jista’ jipparteċipa f’din il-proċedura ta’ kompromess. Il-proċedura ta’ kompromess għandha tintemm mhux aktar tard minn 72 siegħa wara n-notifika tad-detenzjoni tal-bastiment.

4.           Proċedimenti legali – Garanzija bankarja

Jekk il-proċedura ta’ kompromess imsemmija hawn fuq tfalli u l-ksur jitressaq quddiem il-qorti kompetenti, sid il-bastiment li jkun wettaq il-ksur għandu jiddepożita garanzija bankarja, li l-ammont tagħha, kif stabbilit mill-Unjoni tal-Komoros, ikun ikopri l-ispejjeż marbutin mad-detenzjoni tal-bastiment, il-multa stmata u kwalunkwe kumpens. Il-garanzija bankarja ma tistax tiġi rkuprata qabel ma jkunu ġew konklużi l-proċedimenti legali.

Il-garanzija bankarja għandha tiġi rrilaxxata u mogħtija lura lil sid il-bastiment mingħajr dewmien wara l-qtugħ tas-sentenza:

a.       kollha kemm hi, jekk ma tkun ġiet imposta l-ebda piena;

b.      skont l-ammont tal-bilanċ li jkun fadal, jekk il-penalità tkun multa li tkun iżjed baxxa mill-ammont tal-garanzija bankarja.

L-Unjoni tal-Komoros għandha tinforma lill-UE dwar ir-riżultati tal-proċedura ġudizzjarja fi żmien 8 ijiem mill-għoti tas-sentenza.

5.           Rilaxx tal-bastiment u tal-ekwipaġġ

Il-bastiment u l-ekwipaġġ tiegħu għandhom jiġu awtorizzati jħallu l-port ladarba l-multa tkun tħallset fi proċedura ta’ kompromess, jew ladarba l-garanzija bankarja tkun ġiet iddepożitata.

Appendiċi

1.           Formola għat-talba għall-awtorizzazzjoni tas-sajd

2.           Komunikazzjoni tal-messaġġi VMS lill-Komoros – Rapport tal-pożizzjoni

3.           Linji gwida għall-qafas u l-implimentazzjoni ta' sistema elettronika ta' komunikazzjoni tad-dejta relatata mal-attivitajiet tas-sajd (Sistema ERS)

Appendiċi 1

TALBA GĦALL-AWTORIZZAZZJONI TAS-SAJD GĦAL BASTIMENT TAS-SAJD BARRANI

I- APPLIKANT

1.     Isem is-sid tal-bastiment : .....................................................................................................................................................................................

2.     L-indirizz tas-sid: .....................................................................................................................................................................................

3.     Isem l-assoċjazzjoni jew ir-rappreżentant tas-sid tal-bastiment : .....................................................................................................................................................................................

4.     Indirizz tal-assoċjazzjoni jew tar-rappreżentant tas-sid tal-bastiment : .....................................................................................................................................................................................

4.     Numru tat-telefown:............................................      Numru tal-faks: ........................         Posta elettronika: …………………………….…

6.     Isem il-kaptan: ...............................          Nazzjonalità: ......................  Posta elettronika: ………………...……………..

II-IL-BASTIMENT U L-IDENTIFIKAZZJONI TIEGĦU

1.     Isem il-bastiment: .................................................................................................................................................

2.     Pajjiż tal-bandiera: ....................................................................................................................................

3.     Numru tar-reġistrazzjoni esterna: ..................................................................................................................

4.     Port tar-reġistrazzjoni: ……………...      MMSI: ……………….…    Numru IMO:……………….………….

5.     Data li fiha nkisbet il-bandiera attwali : ........../........./........    Bandiera ta' qabel (jekk kien hemm): …………….

6.     Sena u post tal-kostruzzjoni: ....../......./............      fi:……………....    Sinjal tar-Radju: ...........................

7.     Frekwenza tas-sinjal tar-radju: ………………………………..           Numru tat-telefown bis-satellita: ……………..…...

8.     Tip ta’ buq: Ħadid ¨ - Injam ¨ - Poliester ¨ - Materjal ieħor ¨ :…………………………………………….

III- KARATTERISTIĊI TEKNIĊI TAL-BASTIMENT U T-TAGĦMIR

1.     Tul totali : .................................................................  Wisa’: ................................................................

2.     Tunnellaġġ gross (espress f'TG): .....................................     Tunellaġġ nett: ………………………………..

3.     Qawwa tal-magna prinċipali f’KW: ............................          Ditta: ...........................        Tip: ..........................

4.     Tip ta’ bastiment:      ¨ Għat-Tonn bit-Tartarun         ¨ Bil-qasab u x-xlief         ¨ Bastiment ta' Appoġġ (*)

5.     Tagħmir tas-sajd: ...............................................................................................................................................

6.     Żoni tas-sajd: …………………………………………          Speċi fil-mira: …………………………………..

7.     Port magħżul għall-operazzjoni tal-iżbark: …………………………………………………………..

8.     Għadd totali tal-ekwipaġġ abbord: ....................................................................................................................

9.     Metodu ta’ konservazzjoni abbord: Frisk ¨ - Tkessiħ ¨ - Imħallat ¨ - Iffriżar ¨

10.   Kapaċità tal-friża kull 24 siegħa (f’tunnellati): .........           Kapaċità tal-istivi: .........................     Numru: ......

11.   Transponder VMS:

            Manifattur: ……………………………………… Mudell: …………………. Numru tas-serje : ……….

            Verżjoni tas-softwer : ...........................................................     Operatur tas-satellita : …………………………

(*) Il-lista tal-bastimenti tas-sajd li jkunu responsabbiltà tal-bastiment tal-appoġġ għandha tkun mehmuża. Il-lista għandu jkollha l-isem u n-numru tal-Organizzazzjoni Reġjonali tal-Ġestjoni tas-Sajd (KTOI).

Jien, hawn taħt iffirmat, niċċertifika illi t-tagħrif ipprovdut f'din l-applikazzjoni huwa veru u ġenwin.

                                       

Magħmul fi ..............................................., il-......................................

Firma tal-applikant ...................................................................

Appendiċi 2

KOMUNIKAZZJONI TAL-MESSAĠĠI VMS LILL-KOMOROS

IR-RAPPORT TAL-POŻIZZJONI

Element tad-Dejta || Kodiċi || Obbligatorju/Fakultattiv || Rimarki

Bidu tar-reġistrazzjoni || SR || O || Dettall dwar is-sistema – jindika l-bidu tar-reġistrazzjoni

Destinatarju || AD || O || Dettall dwar il-messaġġ – destinatarju. Kodiċi ISO Alpha 3 tal-pajjiż

Mibgħut minn || FS || O || Dettall dwar il-messaġġ – min qed jinbgħat. Kodiċi ISO Alpha 3 tal-pajjiż

Tip ta’ messaġġ || TM || O || Dejta dwar il-messaġġ ‑ Tip ta’ messaġġ “POS”

Kodiċi tar-Radju || RC || O || Dettall dwar il-bastiment – kodiċi internazzjonali tar-radju tal-bastiment

Numru ta’ referenza intern tal-Parti Kontraenti || IR || F || Dettall dwar il-bastiment – numru uniku tal-Parti Kontraenti (kodiċi ISO‑3 tal-Istat tal-bandiera segwit b'numru)

Numru tar-reġistrazzjoni esterna || XR || F || Dettall dwar il-bastiment – numru li jidher fuq il-ġenb tal-bastiment

Stat tal-bandiera || FS || F || Dejta dwar l-Istat tar-reġistrazzjoni

Latitudni || LA || O || Dettall dwar il-pożizzjoni tal-bastiment – pożizzjoni fi gradi u minuti N/S DDMM (WGS ‑84)

Lonġitudni || LO || O || Dettall dwar il-pożizzjoni tal-bastiment – pożizzjoni fi gradi u minuti E/W DDDMM (WGS‑84)

Data || DA || O || Dettall dwar il-pożizzjoni tal-bastiment – data tar-reġistrazzjoni tal-pożizzjoni UTC (SSSSXXJJ)

Ħin || TI || O || Dettall dwar il-pożizzjoni tal-bastiment – ħin tar-reġistrazzjoni tal-pożizzjoni UTC (SSMM)

Tmiem tar-reġistrazzjoni || ER || O || Dettall tas-sistema ‑ jindika t-tmiem tar-reġistrazzjoni

Sett tal-karattri: ISO 8859.1

It-trażmissjoni ta’ l-informazzjoni hija strutturata kif ġej:

linja mmejla doppja (//) u l-kodiċi “SR” jindikaw il-bidu tat-trażmissjoni,

linja mmejla doppja (//) u kodiċi jimmarkaw il-bidu ta’ element ta’ dejta,

linja mmejla waħda (/) tifred il-kodiċi u d-dejta,

il-gruppi ta’ dejta huma separati bi spazju;

il-kodiċi “ER” u linja mmejla doppja doppja (//) fl-aħħar jindikaw it-tmiem tar-reġistrazzjoni.

L-informazzjoni li mhix obbligatorja trid tiddaħħal bejn il-bidu u t-tmiem tar-reġistrazzjoni.

Appendiċi 3 Linji gwida għall-qafas u l-implimentazzjoni ta' sistema elettronika ta' komunikazzjoni tad-dejta relatata mal-attivitajiet tas-sajd (Sistema ERS)

Dispożizzjonijiet ġenerali

1.           Kull bastiment tas-sajd tal-UE għandu jkun mgħammar b'sistema elettronika, minn hawn 'il quddiem imsejħa "sistema ERS", li tkun kapaċi tirreġistra u tittrażmetti dejta relatata mal-attività tas-sajd tal-bastiment, minn hawn 'il quddiem imsejħa "dejta ERS", waqt li l-bastiment ikun qed jopera fiż-żona tas-sajd tal-Unjoni tal-Komoros.

2.           Bastiment tal-UE li ma jkunx mgħammar b'sistema ERS, jew li s-sistema ERS tiegħu ma tkunx qed taħdem, mhuwiex awtorizzat jidħol fiż-żona tas-sajd tal-Unjoni tal-Komoros biex iwettaq attivitajiet tas-sajd fiha.         

3.           Id-dejta ERS għandha tiġi trażmessa liċ-Ċentru ta' Monitoraġġ tas-Sajd (minn hawn 'il quddiem imsejjaħ ĊMS) tal-Istat tal-bandiera tal-bastiment, li jiżgura li din tkun awtomatikament disponibbli għaċ-ĊMS tal-Unjoni tal-Komoros.

4.           L-Istat tal-bandiera u l-Unjoni tal-Komoros għandhom jiżguraw li ċ-ĊMS tagħhom ikunu mgħammra bit-tagħmir tal-informatika u s-softwer meħtieġa biex isseħħ it-trażmissjoni awtomatika tad-dejta ERS fil-format XMS [http://ec.europa.eu/cfp/control/codes/index_en.htm] disponibbli fi u li għandha proċedura ta' salvagwardja kapaċi li tirreġistra u taħżen id-dejta ERS f'forma li tinqara minn kompjuter għal perjodu ta' mhux anqas minn 3 snin.

5.           Kull modifika jew aġġornament tal-format imsemmi fil-punt 3 għandu jkun identifikat u datat, u għandu jsir operattiv sitt xhur wara li jiġi applikat.

6.           It-trażmissjoni tad-dejta ERS għandha tuża l-mezzi elettroniċi ta' komunikazzjoni mmaniġġjati mill-Kummissjoni Ewropea f'isem l-UE, identifikati bħala DEH ('Data Exchange Highway').

7.           L-Istat tal-bandiera u l-Unjoni tal-Komoros għandhom jagħżlu korrispondent ERS kull wieħed li jkun il-punt ta' kuntatt.

(a) Il-korrispondenti ERS għandhom jintgħażlu għal perjodu ta' mhux inqas minn sitt xhur;

(b) Iċ-ĊMS tal-Istat tal-bandiera u tal-Unjoni tal-Komoros għandhom jikkomunikaw b'mod reċiproku l-koordinati (ismijiet, indirizzi, numri tat-telefown, tal-faks u tal-posta elettronika) tal-korrispondenti ERS tagħhom;

(c) Kull modifika fil-koordinati tal-korrispondent ERS għandha tiġi kkomunikata mingħajr dewmien.

Stabbiliment u komunikazzjoni tad-dejta ERS

1.           Il-bastiment tas-sajd tal-UE għandu:

(a) ta' kuljum jikkomunika d-dejta ERS għal kull jum li jagħmel fiż-żona tas-sajd tal-Unjoni tal-Komoros;

(b) jirreġistra għal kull qabda bit-tartarun jew bil-konz, il-kwantitajiet ta' kull speċi maqbuda jew miżmuma abbord bħala l-ispeċi fil-mira kif ukoll jekk tkun parti mill-qbid inċidentali, jew skartata;

(c) għal kull speċi identifikata fl-awtorizzazzjoni tas-sajd mogħtija mill-Unjoni tal-Komoros, għandhom jiġu ddikjarati wkoll il-qabdiet b'valur ta' żero;

(d) kull speċi għandha tkun identifikata mill-kodiċi alfa-3 tal-FAO;

(e) il-kwantitajiet huma espressi f'kilogrammi ta' piż ħaj, jew jekk ikun meħtieġ, f'għadd ta' ħut individwali;

(f) fid-dejta ERS jirreġistra, għal kull speċi identifikata fl-awtorizzazjoni tas-sajd mogħtija mill-Unjoni tal-Komoros, il-kwantitajiet li jkunu ġew trażbordati jew imħatta l-art;

(g) fid-dejta ERS jirreġistra, waqt kull dħul (messaġġ COE) u ħruġ (messaġġ COX) miż-żona tas-sajd tal-Unjoni tal-Komoros, messaġġ speċifiku li jkun fih, għal kull speċi identifikata fl-awtorizzazjoni tas-sajd mogħtija mill-Unjoni tal-Komoros, il-kwantitajiet li jkunu qed jinżammu abbord fil-mument ta' kull dħul/ħruġ;

(h) jittrażmetti kuljum id-dejta ERS liċ-ĊMS tal-Istat tal-bandiera, skont il-format previst fil-paragrafu 3 hawn fuq, mhux aktar tard minn 23:59 UTC.

2.           Il-kaptan huwa responsabbli għall-preċiżjoni tad-dejta ERS irreġistrata u trażmessa.

3.           Iċ-ĊMS tal-Istat tal-bandiera għandu jibgħat awtomatikament u b'mod immedjat id-dejta ERS liċ-ĊMS tal-Unjoni tal-Komoros.

4.           Iċ-ĊMS tal-Unjoni tal-Komoros għandu jikkonferma li tkun waslet id-dejta ERS b'messaġġ ta' ritorn u jittratta kull dejta ERS b'mod kunfidenzjali.

Nuqqas fis-sistema ERS abbord bastiment, u/jew fit-trażmissjoni tad-dejta ERS bejn il-bastiment u ċ-ĊMS tal-Istat tal-bandiera

1.           L-Istat tal-bandiera għandu jinforma mingħajr dewmien lill-kaptan u/jew lil sid il-bastiment li jtajjar il-bandiera tiegħu, jew lir-rappreżentant tiegħu, b'kull nuqqas tekniku tas-sistema ERS installata abbord bastiment jew b'nuqqas fil-funzjonament tat-trażmissjoni tad-dejta ERS bejn bastiment u ċ-ĊMS tal-Istat tal-bandiera.

2.           L-Istat tal-bandiera għandu jinforma lill-Unjoni tal-Komoros bin-nuqqas skopert u bil-miżuri korrettivi li jkunu ttieħdu.

3.           F'każ ta' ħsara tas-sistema ERS abbord il-bastiment, il-kaptan u/jew is-sid għandhom jiżguraw li l-ħsara titranġa jew li s-sistema ERS tinbidel f'mhux aktar tard minn 10 ijiem wara. Jekk il-bastiment jagħmel waqfa f'port f'dak il-perjodu ta' 10 ijiem, huwa jista' jkompli biss bl-attivitajiet tas-sajd tiegħu fiż-żona tas-sajd tal-Unjoni tal-Komoros ladarba s-sistema ERS tiegħu tkun fi stat perfett ta' funzjonament, għajr jekk l-Unjoni tal-Komoros tawtorizzah mod ieħor.

4.           Bastiment tas-sajd ma jistax jitlaq minn port wara li jkun instab nuqqas tekniku fis-sistema ERS tiegħu qabel ma:

(a) is-sistema ERS tiegħu tkun funzjonali mill-ġdid għas-sodisfazzjoni tal-Istat tal-bandiera u tal-Unjoni tal-Komoros, jew

(b) f'każ li l-bastiment ma jkomplix bl-attivitajiet tas-sajd tiegħu fiż-żona tas-sajd tal-Unjoni tal-Komoros, jekk jirċievi l-awtorizzazzjoni mill-Istat tal-bandiera. Fil-każ tal-aħħar, l-Istat tal-bandiera għandu jinforma lill-Unjoni tal-Komoros bid-deċiżjoni tiegħu qabel it-tluq tal-bastiment.

5.           Kull bastiment tal-UE li jopera fiż-żona tas-sajd tal-Unjoni tal-Komoros b'sistema ERS difettuża għandu jittrażmetti kuljum u mhux aktar tard minn 23:59 UTC id-dejta ERS kollha liċ-ĊMS tal-Istat tal-bandiera b'mezz ieħor ta' komunikazzjoni elettronika li jkun disponibbli u aċċessibbli miċ-ĊMS tal-Unjoni tal-Komoros.

6.           Id-dejta ERS li ma tkunx tista' tkun magħmula disponibbli għall-Unjoni tal-Komoros permezz tas-sistema ERS minħabba nuqqas kif imsemmi fil-paragrafu 12 għandha tintbagħat miċ-ĊMS tal-Istat tal-bandiera liċ-ĊMS tal-Unjoni tal-Komoros b'mezz ieħor elettroniku li jkun tajjeb b'mod reċiproku. Din it-trażmissjoni alternattiva għandha titqies bħala prijoritarja, filwaqt li jiġi kkunsidrat li l-iskadenzi normalment applikabbli għat-trażmissjoni jistgħu ma jiġux rispettati.

7.           Jekk iċ-ĊMS tal-Unjoni tal-Komoros ma jirċevix id-dejta ERS mingħand bastiment matul 3 ijiem konsekuttivi, l-Unjoni tal-Komoros tista' toħroġ struzzjonijiet lill-bastiment biex imur immedjatament f'port magħżul mill-Unjoni tal-Komoros għal investigazzjoni.

Nuqqasijiet taċ-ĊMS - Dejta ERS mhux riċevuta miċ-ĊMS tal-Unjoni tal-Komoros

1.           Jekk ĊMS ma jirċevix id-dejta ERS, il-korrispondent ERS tiegħu għandu jinforma minnufih lill-korrispondent ERS taċ-ĊMS l-ieħor u, jekk ikun meħtieġ, jikkollabora sabiex tinstab soluzzjoni għall-problema.

2.           Iċ-ĊMS tal-Istat tal-bandiera u ċ-ĊMS tal-Unjoni tal-Komoros għandhom jaqblu b'mod reċiproku dwar mezzi ta' komunikazzjoni elettroniċi alternattivi li għandhom jintużaw sabiex tiġi trażmessa d-dejta ERS f'każ ta' nuqqas ta' ĊMS, u għandhom jinfurmaw lil xulxin minnufih b'kull modifika.

3.           Jekk iċ-ĊMS tal-Unjoni tal-Komoros  jirrapporta li d-dejta ERS ma tkunx waslet, iċ-ĊMS tal-Istat tal-bandiera għandu jidentifika l-kawżi tal-problema u jieħu l-miżuri xierqa sabiex tinstab soluzzjoni għall-problema. Iċ-ĊMS tal-Istat tal-bandiera għandu jinforma liċ-ĊMS tal-Unjoni tal-Komoros u tal-UE bir-riżultati u l-miżuri li jkunu ttieħdu fi żmien 24 siegħa wara li jkun ġie skopert in-nuqqas.

4.           Jekk ikun hemm bżonn ta' iktar minn 24 siegħa biex tinstab soluzzjoni għall-problema, iċ-ĊMS tal-Istat tal-bandiera għandu jittrażmetti id-dejta ERS li tkun nieqsa liċ-ĊMS tal-Unjoni tal-Komoros bl-użu ta' wieħed mill-mezzi elettroniċi alternattivi previsti fil-punt 17.

5.           L-Unjoni tal-Komoros għandu jinforma lis-servizzi ta' kontroll kompetenti tiegħu (MCS) sabiex il-bastimenti tal-UE ma jkunux meqjusa li qed iwettqu ksur minħabba n-nuqqas ta' trażmissjoni tad-dejta ERS miċ-ĊMS tal-Unjoni tal-Komoros minħabba nuqqas ta' wieħed miċ-ĊMS.

Manutenzjoni ta' ĊMS

1.           L-operazzjonijiet ta' manutenzjoni ppjanifikati ta' ĊMS (programmi ta' manutenzjoni) u li probabbli jaffettwaw l-iskambju tad-dejta ERS għandhom jiġu nnotifikati liċ-ĊMS l-ieħor mhux inqas minn 72 siegħa qabel, b'indikazzjoni, jekk dan ikun possibbli, tad-data u t-tul ta' żmien tal-manutenzjoni. L-informazzjoni, għall-operazzjonijiet ta' manutenzjoni mhux ippjanati, għandha tintbagħat mill-iktar fis possibbli liċ-ĊMS l-ieħor.

2.           Matul l-operazzjoni ta' manutenzjoni, id-disponibbiltà tad-dejta ERS tista' titpoġġa fi stat ta' stennija sakemm is-sistema tiġi operattiva mill-ġdid. Imbagħad, id-dejta ERS ikkonċernata terġa' titpoġġa għad-dispożizzjoni immedjatament wara t-tmiem tal-operazzjoni ta' manutenzjoni.

3.           Jekk l-operazzjoni ta' manutenzjoni ddum iktar minn 24 siegħa, id-dejta ERS għandha tiġi trażmessa liċ-ĊMS l-ieħor b'wieħed mill-mezzi elettroniċi alternattivi kif previst fil-punt 17.

4.           L-Unjoni tal-Komoros għandha tinforma lis-servizzi ta' kontroll kompetenti tagħha (MCS) sabiex il-bastimenti tal-UE ma jkunux meqjusa li qed iwettqu ksur minħabba n-nuqqas ta' trażmissjoni tad-dejta ERS kawża ta' operazzjoni ta' manutenzjoni ta' ĊMS.

DIKJARAZZJONI FINANZJARJA LEĠIŻLATTIVA

1.           QAFAS TAL-PROPOSTA/INIZJATTIVA

              1.1.    Titolu tal-proposta/inizjattiva

              1.2.    Qasam/oqsma ta' politika kkonċernata/i fl-istruttura ABM/ABB

              1.3.    Natura tal-proposta/inizjattiva

              1.4.    Objettivi

              1.5.    Raġuni(jiet) għall-proposta/inizjattiva

              1.6.    Tul taż-żmien u impatt finanzjarju:

              1.7.    Metodu(i) ta' ġestjoni previst(i)

2.           MIŻURI TA’ ĠESTJONI

              2.1.    Regoli ta' monitoraġġ u rappurtar

              2.2.    Sistema ta’ ġestjoni u kontroll

              2.3.    Miżuri għall-prevenzjoni ta’ frodi u irregolaritajiet

3.           STIMA TAL-IMPATT FINANZJARJU TAL-PROPOSTA/INIZJATTIVA

              3.1.    Intestatura/i tal-qafas finanzjarju pluriennali u tal-linja/i baġitarja/i tan-nefqa affettwata/i:

              3.2.    Impatt stmat fuq in-nefqa

              3.2/1  Sommarju tal-istima tal-impatt fuq in-nefqa

              3.2/2  Impatt stmat fuq l-approprjazzjonijiet operazzjonali

              3.2/3  L-impatt stmat fuq l-approprjazzjonijiet ta’ natura amministrattiva

              3.2/4  Kompatibbiltà mal-qafas finanzjarju pluriennali attwali

              3.2/5  Kontribuzzjonijiet minn partijiet terzi fil-finanzjament

              3.3.    Impatt stmat fuq id-dħul

DIKJARAZZJONI FINANZJARJA LEĠIŻLATTIVA

6.           QAFAS TAL-PROPOSTA/INIZJATTIVA

6.1.        Titolu tal-proposta/inizjattiva

Propożizzjoni għal Deċiżjoni tal-Kunsill dwar il-konklużjoni tal-Protokoll bejn l-Unjoni Ewropea u l-Unjoni tal-Komoros li tistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta’ Sħubija dwar is-Sajd fis-seħħ bejn iż-żewġ partijiet

6.2.        Qasam/oqsma ta' politika kkonċernata/i fl-istruttura ABM/ABB[4]

11. Affarijiet Marittimi u Sajd

11.03 – Sajd internazzjonali u d-Dritt Marittimu

6.3.        Natura tal-proposta/inizjattiva

¨Il-proposta/l-inizjattiva hija relatata ma' azzjoni ġdida

¨Il-proposta/l-inizjattiva hija relatata ma’ azzjoni ġdida b'segwitu għal proġett pilota/azzjoni preparatorja[5]

X Il-proposta/l-inizjattiva hija relatata mal-estensjoni ta’ azzjoni eżistenti

¨Il-proposta/l-inizjattiva hija relatata ma' azzjoni diretta mill-ġdid lejn azzjoni ġdida

6.4.        Objettivi

6.4.1.     L-għan (għanijiet) strateġiku (strateġiċi) pluriennali tal-Kummissjoni mmirati mill-proposta/inizjattiva

In-negozjati u l-konklużjoni ta' Ftehimet dwar is-Sajd ma' pajjiżi terzi jissodisfaw l-għan ġenerali li jkun permess l-aċċess għall-bastimenti tas-sajd tal-Unjoni Ewropea f'żoni tas-sajd li jinsabu taħt il-ġuriżdizzjoni ta' pajjiżi terzi u li tiġi żviluppata sħubija ma' dawn il-pajjiżi bil-ħsieb li jissaħħaħ l-isfruttar sostenibbli tar-riżorsi tas-sajd barra mill-ilmijiet tal-UE.

Il-Ftehimiet ta’ Sħubija dwar is-Sajd (FPAs) jiżguraw ukoll il-koerenza bejn il-prinċipji li jirregolaw il-Politika Komuni tas-Sajd u l-impenji li jittieħdu f'politiki oħra Ewropej (l-isfruttar sostenibbli ta' riżorsi ta' Stati terzi, il-ġlieda kontra s-sajd illegali, mhux rappurtat u mhux regolat (IUU), l-integrazzjoni tal-pajjiżi sħab fl-ekonomija globali, kif ukoll governanza aħjar tas-sajd fuq il-livell politiku u finanzjarju).

6.4.2.     Għan (għanijiet) speċifiku (speċifiċi) u attività (attivitajiet) ABM/ABB ikkonċernati

Għan speċifiku Nru 1

Sabiex jingħata kontribut għas-sajd sostenibbli fl-ilmijiet li mhumiex tal-Unjoni Ewropea, tinżamm preżenza Ewropea fis-sajd fl-ilmijiet imbiegħda u jitħarsu l-interessi tas-settur tas-sajd Ewropew u tal-konsumaturi billi jiġu nnegozjati u konklużi FPAs ma’ Stati kostali, b’mod li jkunu konsistenti ma’ politiki Ewropej oħrajn.

Attività (attivitajiet) ABM/ABB ikkonċernata (ikkonċernati)

L-affarijiet marittimi u s-sajd, is-sajd internazzjonali u l-liġi tal-baħar, il-ftehimiet internazzjonali dwar is-sajd (il-linja tal-baġit 11.0301)

6.4.3.     Riżultat(i) u impatt(i) mistennija

Speċifika l-effetti li l-proposta/inizjattiva mistennija għandu jkollha fuq il-benefiċjarji/gruppi fil-mira.

Il-konklużjoni tal-Protokoll se tgħin sabiex jinżamm livell sostenibbli ta’ opportunitajiet tas-sajd għall-bastimenti Ewropej fiż-żona tas-sajd tal-Unjoni tal-Komoros.

Il-Protokoll se jikkontribwixxi wkoll għall-ġestjoni u l-konservazzjoni aħjar tar-riżorsi tas-sajd, permezz tal-appoġġ finanzjarju (appoġġ settorjali) għall-implimentazzjoni tal-programmi adottati fuq il-livell nazzjonali mill-pajjiżi sħab u b'mod partikolari fir-rigward tal-kontroll u l-ġlieda kontra s-sajd illegali.

6.4.4.     Indikaturi tar-riżultati u tal-impatti

Speċifika l-indikaturi għall-monitoraġġ tal-implimentazzjoni tal-proposta/inizjattiva.

Ir-rata tal-użu tal-opportunitajiet tas-sajd (% tal-awtorizzazzjonijiet tas-sajd użati meta mqabbla mad-disponibbiltà offruta mill-Protokoll);

Il-ġbir u l-analiżi tad-dejta dwar il-qabdiet u l-valur kummerċjali tal-Ftehim;

Il-kontribuzzjoni għall-impjiegi u għall-valur miżjud fl-UE u għall-istabbilizzazzjoni tas-suq tal-UE (fuq livell aggregat ma’ FPAs oħra);

Għadd ta’ laqgħat tekniċi u ta’ laqgħat tal-Kumitati konġunti.

6.5.        Raġuni(jiet) għall-proposta/inizjattiva

6.5.1.     Rekwiżit/i li jrid/u jiġu ssodisfat/i fuq medda qasira jew medda twila ta' żmien

Il-Protokoll għall-perjodu 2011-2013 jiskadi fil-31 ta’ Diċembru 2013. Huwa previst li l-protokoll il-ġdid jiġi applikat b'mod provviżorju mill-1 ta' Jannar 2014. Sabiex tkun żgurata l-kontinwazzjoni tal-operazzjonijiet tas-sajd, qed jingħata bidu għal proċedura rigward l-adozzjoni mill-Kunsill ta' deċiżjoni fir-rigward tal-firma u l-applikazzjoni provviżorja tal-Protokoll b'mod parallel ma' din il-proċedura.

Il-Protokoll il-ġdid se jipprovdi qafas għall-attivitajiet tas-sajd tal-flotta tal-Unjoni Ewropea fiż-żona tas-sajd tal-Unjoni tal-Komoros, u se jawtorizza lis-sidien tal-bastimenti Ewropej biex jitolbu awtorizzazzjonijiet tas-sajd li permezz tagħhom jistgħu jistadu fiż-żona tas-sajd tal-Unjoni tal-Komoros. Barra minn hekk, il-Protokoll il-ġdid isaħħaħ il-kooperazzjoni bejn l-UE u l-Unjoni tal-Komoros bil-għan li jippromwovi l-iżvilupp ta’ politika ta’ sajd sostenibbli. Huwa jipprovdi, b’mod partikolari, il-kontroll tal-bastimenti bil-VMS u l-komunikazzjoni tal-informazzjoni dwar il-qabdiet b’mod elettroniku. L-appoġġ settorjali ġie mtejjeb sabiex l-Unjoni tal-Komoros tingħata għajnuna biex tissodisfa l-obbligi internazzjonali tagħha f'dak li għandu x'jaqsam mal-kontroll tal-port mill-Istat.

6.5.2.     Valur miżjud tal-involviment tal-UE

Fir-rigward ta’ dan il-Protokoll il-ġdid, in-nuqqas ta’ azzjoni mill-UE twassal għal ftehimiet privati li ma jagħtux garanzija ta’ sajd sostenibbli. L-Unjoni Ewropea tispera wkoll li b'dan il-Protokoll, l-Unjoni tal-Komoros tkompli tikkoopera b'mod effettiv mal-UE b'mod partikolari fir-rigward tal-ġlieda kontra s-sajd illegali.

6.5.3.     Tagħlimiet minn esperjenzi simili fl-imgħoddi

In-nuqqas ta' utilizzazzjoni tal-Protokoll preċedenti wassal biex il-Partijiet naqqsu l-opportunitajiet tas-sajd. L-appoġġ settorjali inżamm filwaqt li ġew ikkunsidrati l-ħtiġijiet tal-amministrazzjoni tas-sajd tal-Unjoni tal-Komoros.

6.5.4.     Kompatibilità u sinerġija possibbli ma' strumenti oħra rilevanti

Il-fondi mħallsa skont l-FPAs jikkonsistu fi dħul funġibbli fil-baġits tal-pajjiżi terzi sħab. Madankollu, l-allokazzjoni ta’ wħud minn dawn il-fondi għall-implimentazzjoni tal-miżuri fil-qafas tal-politika settorjali tal-pajjiż hija kundizzjoni għall-konklużjoni u l-monitoraġġ tal-FPAs. Dawn ir-riżorsi finanzjarji huma kompatibbli ma' sorsi oħra ta' finanzjament minn donaturi oħra ta’ fondi internazzjonali għat-twettiq ta’ proġetti u/jew programmi fuq livell nazzjonali fis-settur tas-sajd.

6.6.        Tul taż-żmien u impatt finanzjarju:

X Proposta/inizjattiva ta’ tul ta’ żmien limitat

– X  Proposta/inizjattiva fis-seħħ mill-01/01/2014 sal-31/12/2016

– X  Impatt finanzjarju mill-2014 sal-2016.

¨Proposta/inizjattiva ta' tul taż-żmien illimitat

– Implimentazzjoni b'perjodu ta’ bidu minn SSSS sa SSSS,

– segwita minn operazzjoni fuq skala sħiħa.

6.7.        Metodu(i) ta' ġestjoni previst(i)[6]

X Ġestjoni ċentralizzata diretta mill-Kummissjoni

¨ Ġestjoni ċentralizzata indiretta bid-delega tal-kompiti tal-implimentazzjoni lil:

– ¨  aġenziji eżekuttivi

– ¨  entitatjiet stabbiliti mill-Komunitajiet[7]

– ¨  korpi nazzjonali tas-settur pubbliku/korpi b’missjoni tas-servizz pubbliku

– ¨  persuni fdati bl-implimentazzjoni ta' azzjonijiet speċifiċi skont it-Titolu V tat-Trattat dwar l-Unjoni Ewropea u identifikati fl-att bażiku rilevanti fis-sens tal-Artikolu 49 tar-Regolament Finanzjarju

¨ Ġestjoni kondiviża mal-Istati Membri

¨ Ġestjoni deċentralizzata ma' pajjiżi terzi

¨ Ġestjoni konġunta ma' organizzazzjonijiet internazzjonali

7.           MIŻURI TA’ ĠESTJONI

7.1.        Regoli ta' monitoraġġ u rappurtar

Speċifika l-frekwenza u l-kundizzjonijiet ta' dawn ir-regoli

Il-Kummissjoni (DĠ MARE, b’kollaborazzjoni mal-espert tas-sajd tagħha bbażat fil-Mawrizju u d-Delegazzjoni tal-Unjoni Ewropea fil-Mawrizju) se tiżgura l-monitoraġġ regolari tal-implimentazzjoni ta’ dan il-Protokoll, partikolarment fir-rigward tal-użu tal-opportunitajiet tas-sajd mill-operaturi u f’termini ta’ dejta dwar il-qbid.

Barra minn hekk, l-FPA jipprevedi mill-inqas laqgħa annwali waħda tal-Kumitat Konġunt li matulha l-Kummissjoni u l-pajjiż terz jevalwaw l-implimentazzjoni tal-Ftehim u tal-Protokoll tiegħu u jagħmlu, fejn ikun meħtieġ, aġġustamenti fil-programmar u, fejn xieraq, fil-kontribuzzjoni finanzjarja.

7.2.        Sistema ta’ ġestjoni u kontroll

7.2.1.     Riskju/i identifikat/i

Jeżistu għadd ta' riskji fit-twaqqif ta’ protokoll dwar is-sajd, b’mod partikolari rigward l-ammonti maħsuba għall-finanzjament tal-politika settorjali tas-sajd (sottoprogrammar). Dawn id-diffikultajiet ma rriżultawx wara t-twettiq tal-Protokoll tal-2011-2013 mal-Unjoni tal-Komoros.

7.2.2.     Metodu/i ta’ kontroll previst/i

Huwa previst djalogu bbażat fuq l-ipprogrammar u l-implimentazzjoni tal-politika settorjali. L-analiżi konġunta tar-riżultati li hemm referenza għaliha fl-Artikolu 3 tifforma parti wkoll minn dawn il-metodi ta’ kontroll.

Barra minn hekk, il-Protokoll fih klawżoli speċifiċi għas-sospensjoni tiegħu, taħt ċerti kundizzjonijiet u f’ċirkostanzi partikolari.

7.3.        Miżuri għall-prevenzjoni ta’ frodi u irregolaritajiet

Speċifika l-miżuri ta’ prevenzjoni u ta' protezzjoni eżistenti jew previsti.

Il-Kummissjoni tintrabat li tistabbilixxi djalogu politiku u konsultazzjoni permanenti mal-Unjoni tal-Komoros sabiex tkun tista’ ttejjeb il-ġestjoni tal-Ftehim u ssaħħaħ il-kontribuzzjoni tal-UE għall-ġestjoni sostenibbli tar-riżorsi. F’kull każ, kull pagament li jsir mill-Kummissjoni fil-qafas ta’ FPA huwa soġġett għar-regoli u l-proċeduri baġitarji u finanzjarji standard tal-Kummissjoni. Dan jippermetti, b’mod partikolari, li jiġu identifikati b’mod sħiħ il-kontijiet bankarji tal-Istati terzi li fihom jitħallsu l-ammonti tal-kontribuzzjoni finanzjarja. Għal dan il-Protokoll partikolari, il-paragrafu 9 tal-Artikolu 2 jistabbilixxi li l-kontribuzzjoni finanzjarja kollha għandha titħallas f'kont bankarju uniku tat-Teżor pubbliku tal-Unjoni tal-Komoros.

8.           STIMA TAL-IMPATT FINANZJARJU TAL-PROPOSTA/INIZJATTIVA

8.1.        Intestatura/i tal-qafas finanzjarju pluriennali u tal-linja/i baġitarja/i tan-nefqa affettwata/i:

· Linji baġitarji eżistenti

Skont l-ordni tal-intestaturi tal-qafas finanzjarju pluriennali u l-linji baġitarji.

Intestatura tal-qafas finanzjarju pluriennali || Linja baġitarja || Tip ta’ nefqa || Kontribuzzjoni

Numru … [Deskrizzjoni………………………...……………] || Diff/mhux diff. ([8]) || mill-pajjiżi tal-EFTA[9] || mill-pajjiżi kandidati[10] || minn pajjiżi terzi || skont it-tifsira tal-paragrafu 1, punt a a), tal-Artikolu 18 tar-Regolament Finanzjarju

2 || 11.0301 Ftehimiet internazzjonali dwar is-sajd || CD || EBDA || EBDA || EBDA || EBDA

· Linji baġitarji ġodda mitluba

(mhux applikabbli)

Skont l-ordni tal-intestaturi tal-qafas finanzjarju pluriennali u l-linji baġitarji.

Intestatura tal-qafas finanzjarju pluriennali || Linja baġitarja || Tip ta’ nefqa || Kontribuzzjoni

Numru … [Deskrizzjoni………………………………………] || Diff/mhux diff. || mill-pajjiżi tal-EFTA || mill-pajjiżi kandidati || minn pajjiżi terzi || skont it-tifsira tal-paragrafu 1, punt a a), tal-Artikolu 18 tar-Regolament Finanzjarju

|| [XX.YY.YY.YY] || || IVA/LE || IVA/LE || IVA/LE || IVA/LE

8.2.        Impatt stmat fuq in-nefqa

8.2.1.     Sommarju tal-istima tal-impatt fuq in-nefqa

F'EUR miljun (sa 3 ċifri wara l-punt deċimali)

Intestatura tal-qafas finanzjarju multiannwali || Numru 2 || Preservazzjoni u ġestjoni tar-riżorsi naturali

DĠ: MARE || || || Sena N[11] 2014 || Sena N+1 2015 || Sena N+2 2016 || TOTAL

Ÿ L-approprjazzjonijiet operazzjonali || || || ||

Numru tal-linja baġitarja: 11.0301 || Impenji || (1) || 0.600 || 0.600 || 0.600 || 1.800

Ħlasijiet || (2) || 0.600 || 0.600 || 0.600 || 1 800

Numru tal-linja tal-baġit || Impenji || (1a) || || || ||

Ħlasijiet || (2 a) || || || ||

Approprjazzjonijiet ta’ natura amministrattiva ffinanzjati mill-pakkett ta’ programmi speċifiċi[12] || || || ||

Numru tal-linja baġitarja: 11.010401 || || (3) || 0.024 || 0.024 || 0.074 || 0.122

TOTAL tal-approprjazzjonijiet għal DĠ MARE || Impenji || =1+1a +3 || 0.624 || 0.624 || 0.674 || 1.922

Ħlasijiet || =2+2a +3 || 0.624 || 0.624 || 0.674 || 1.922

Ÿ TOTAL tal-approprjazzjonijiet operazzjonali || Impenji || (4) || 0.600 || 0.600 || 0.600 || 1.800

Ħlasijiet || (5) || 0.600 || 0.600 || 0.600 || 1.800

Ÿ TOTAL ta' approprjazzjonijiet ta’ natura amministrattiva ffinanzjati mill-pakkett għall-programmi speċifiċi || (6) || 0.024 || 0.024 || 0.074 || 0.922

TOTAL tal-approprjazzjonijiet taħt l-INTESTATURA 2 tal-qafas finanzjarju multiannwali || Impenji || =4+ 6 || 0.624 || 0.624 || 0.674 || 1.922

Ħlasijiet || =5+ 6 || 0.624 || 0.624 || 0.674 || 1.922

Jekk aktar minn intestatura waħda hija affetwata mill-proposta/inizjattiva: (mhux applikabbli)

Ÿ TOTAL tal-approprjazzjonijiet operazzjonali || Impenji || (4) || || || ||

Ħlasijiet || (5) || || || ||

Ÿ TOTAL ta' approprjazzjonijiet ta’ natura amministrattiva ffinanzjati mill-pakkett għall-programmi speċifiċi || (6) || || || ||

TOTAL tal-approprjazzjonijiet taħt l-INTESTATURI 1 sa 4 tal-qafas finanzjarju multiannwali (ammont ta’ referenza) || Impenji || =4+ 6 || || || ||

Ħlasijiet || =5+ 6 || || || ||

Intestatura tal-qafas finanzjarju multiannwali || 5 || "Nefqa amministrattiva"

F'EUR miljun (sa 3 ċifri wara l-punt deċimali)

|| || || Sena N[13] 2014 || Sena N+1 2015 || Sena N+2 2016 || TOTAL

DĠ MARE

Ÿ Riżorsi umani || 0.060 || 0.060 || 0.060 || 0.180

Ÿ Infiq amministrattiv ieħor || 0.010 || 0.010 || 0.010 || 0.030

TOTAL DĠ MARE || Approprjazzjonijiet || 0.070 || 0.070 || 0.070 || 0.210

TOTAL tal-approprjazzjonijiet taħt l-INTESTATURA 5 tal-qafas finanzjarju multiannwali || (Total tal-impenji = Total tal-ħlasijiet) || 0.070 || 0.070 || 0.070 || 0.210

F'EUR miljun (sa 3 ċifri wara l-punt deċimali)

|| || || Sena N[14] 2014 || Sena N+1 2015 || Sena N+2 2016 || TOTAL

TOTAL tal-approprjazzjonijiet taħt l-INTESTATURI 1 sa 5 tal-qafas finanzjarju multiannwali || Impenji || 0.694 || 0.694 || 0.744 || 2.132

Ħlasijiet || 0.694 || 0.694 || 0.744 || 2.132

8.2.2.     Impatt stmat fuq l-approprjazzjonijiet operazzjonali

– ¨  Il-proposta/inizjattiva ma teħtieġ l-ebda użu ta’ approprjazzjonijiet operazzjonali

– X  Il-proposta/l-inizjattiva teħtieġ l-użu ta’ approprjazzjonijiet operattivi, kif spjegat hawn taħt:

Approprjazzjonijiet għall-impenji f'miljuni ta' EUR (sa 3 punti deċimali)

Indika l-għanijiet u r-riżultati || || Sena N 2014 || Sena N+1 2015 || Sena N+2 2016 || TOTAL

RIŻULTATI (tipi ta’ riżultati)

Tip[15] || Spiża medja || Għadd || Kost || Għadd || Kost || Għadd || Kost || Għadd totali ta’ riżultati || Spiża totali

GĦAN SPEĊIFIKU Nru 1...[16] || || || || || || || ||

- Liċenzji għall-bastimenti tas-sajd għat-tonn || Volum (tunnellati) || EUR 50/tunnellata || 6 000 || 0.300 || 6 000 || 0.300 || 6 000 || 0.300 || 18 000 || 0.900

- Appoġġ settorjali || || 0.300 || 1 || 0.300 || 1 || 0.300 || 1 || 0.300 || 3 || 0.900

Subtotali tal-għan speċifiku Nru 1 || || 0.600 || || 0.600 || || 0.600 || || 1.800

GĦAN SPEĊIFIKU Nru 2... || || || || || || || ||

- Implementation || || || || || || || || || ||

Subtotali tal-għan speċifiku Nru 2 || || || || || || || ||

KOST TOTALI || || 0.600 || || 0.600 || || 0.600 || || 1.800

8.2.3.     L-impatt stmat fuq l-approprjazzjonijiet ta’ natura amministrattiva

8.2.3.1.  Sommarju

– ¨  Il-proposta/l-inizjattiva ma teħtieġ l-ebda użu ta' approprazzjonijiet ta’ natura amministrattiva

– X  Il-proposta/l-inizjattiva teħtieġ l-użu ta’ approprjazzjonijiet amministrattivi, kif spjegat hawn taħt:

F'EUR miljun (sa 3 ċifri wara l-punt deċimali)

|| Sena N [17] 2014 || Sena N+1 2015 || Sena N+2 2016 || TOTAL

INTESTATURA 5 tal-qafas finanzjarju multiannwali || || || ||

Riżorsi umani || 0.060 || 0.060 || 0.060 || 0.180

Infiq amministrattiv ieħor || 0.010 || 0.010 || 0.010 || 0.030

Subtotal tal-INTESTATURA 5 tal-qafas finanzjarju multiannwali || 0.070 || 0.070 || 0.070 || 0.210

Subtotal tal-INTESTATURA 5[18] tal-qafas finanzjarju multiannwali || || || ||

Riżorsi umani || 0.018 || 0.018 || 0.018 || 0.054

Infiq amministrattiv ieħor ta’ natura amministrattiva || 0.006 || 0.006 || 0.056 || 0.068

Subtotal Barra l-INTESTATURA 5 tal-qafas finanzjarju multiannwali || 0.024 || 0.024 || 0.074 || 0.122

TOTAL || 0.094 || 0.094 || 0.144 || 0.332

L-approprjazzjonijiet ta' riżorsi umani meħtieġa jagħmlu tajjeb għalihom l-approprjazzjonijiet mid-DĠ li huma diġà assenjati għall-ġestjoni tal-azzjoni u/jew li ġew imqassma mill-ġdid fi ħdan id-DĠ, flimkien, fejn meħtieġ, ma' allokazzjoni addizzjonali li tista’ tingħata lid-DĠ ta' ġestjoni skont il-proċedura ta' allokazzjoni annwali u fid-dawl ta' restrizzjonijiet baġitarji.

8.2.3.2.  Stima tar-riżorsi umani meħtieġa

– ¨  Il-proposta/l-inizjattiva ma teħtieġx l-użu ta’ riżorsi umani

– X  Il-proposta/l-inizjattiva teħtieġ l-użu ta’ riżorsi umani, kif spjegat hawn taħt:

L-istima għandha tingħata f’ammonti sħaħ (jew sa mhux aktar minn ċifra waħda wara l-punt deċimali)

|| Sena N 2014 || Sena N+1 2015 || Sena N+2 2016

Ÿ Karigi fil-pjan ta' stabbiliment (uffiċjali u aġenti temporanji) || || ||

|| || ||

11 01 01 01 (fil-Kwartieri Ġenerali u fl-Uffiċċji tar-Rappreżentanza tal-Kummissjoni) || 0.45 || 0.45 || 0.45

11 01 01 02 (Delegazzjonijiet) || || ||

11 01 05 01 (Riċerka indiretta) || || ||

10 01 05 01 (Riċerka diretta) || || ||

ŸPersunal estern (f’ekwivalenti għall-full-time – FTE)[19] || || ||

11 01 02 01 (AK, INT, ENS mill-"pakkett globali") || || ||

11 01 02 02 (CA, INT, JED, LA u SNE fid-delegazzjonijiet) || || ||

11 01 04 01 [20] || fil-kwartieri ġenerali[21] || || ||

- fid-Delegazzjoni || 0.25 || 0.25 || 0.25

11 01 05 02 (AK, INT, ENS fuq Riċerka indiretta) || || ||

10 01 05 02 (AK, INT, ENS fuq Riċerka diretta) || || ||

Linji baġitarji oħra (speċifika) || || ||

TOTAL || 0.7 || 0.7 || 0.7

11 hija l-qasam tal-politika jew it-titolu tal-baġit ikkonċernat.

Ir-riżorsi umani meħtieġa se jiġu koperti mill-persunal tad-DĠ li diġà ġie assenjat għall-ġestjoni tal-azzjoni u/jew ġie mqassam mill-ġdid fi ħdan id-DĠ, flimkien ma', jekk ikun meħtieġ, kwalunkwe allokazzjoni addizzjonali li tista' tingħata lid-DĠ ta' ġestjoni skont il-proċedura ta' allokazzjoni annwali u fid-dawl ta' restrizzjonijiet baġitarji.

Deskrizzjoni tal-kompiti li jridu jitwettqu:

Uffiċjali u Aġenti Temporanji || Il-ġestjoni u l-monitoraġġ tal-proċess tan-negozjar jew in-negozjar mill-ġdid tal-FPA u tal-approvazzjoni tar-riżultat tan-negozjati mill-istituzzjonijiet; il-ġestjoni tal-FPA fis-seħħ, inkluż il-monitoraġġ finanzjarju u operattiv permanenti; il-ġestjoni tal-liċenzji. Uffiċjal wieħed minn DĠ MARE + Kap tal-unità/deputat kap tal-unità = 0.30 FTE/sena Is-Segretarjat: 0.15 FTE/sena Kalkolu tal-ispejjeż: 0.30 FTE/sena x EUR 132 000/sena = EUR 39 600/sena => EUR 0.040 miljun fis-sena 0.15 FTE/sena x EUR 132 000/sena = EUR 39 600/sena => EUR 0.020 miljun fis-sena

Persunal estern || Il-monitoraġġ tal-implimentazzjoni tal-appoġġ settorjali – AK f’Delegazzjoni (il-Mawrizju): stima ġenerali ta' 0.25 FTE/sena Kalkolu tal-ispejjeż: 0.25 FTE/sena x EUR 70 000/sena =  EUR 19 800/sena => EUR 0.018 miljun fis-sena

8.2.4.     Kompatibbiltà mal-qafas finanzjarju pluriennali attwali

– X  Il-proposta/l-inizjattiva hija kompatibbli mal-qafas finanzjarju multiannwali attwali.

– ¨  Il-proposta/l-inizjattiva se tinvolvi programmar mill-ġdid tal-intestatura rilevanti fil-qafas finanzjarju pluriennali.

Spjega liema programmazzjoni mill-ġdid hija meħtieġa, billi tispeċifika l-linji baġitarji kkonċernati u l-ammonti korrispondenti.

– ¨  Il-proposta/l-inizjattiva teħtieġ l-applikazzjoni tal-istrument tal-flessibilità jew ir-reviżjoni tal-qafas finanzjarju pluriennali[22].

Spjega dak li huwa meħtieġ, billi tispeċifika l-intestaturi u l-linji baġitarji kkonċernati u l-ammonti korrispondenti.

8.2.5.     Kontribuzzjonijiet minn partijiet terzi fil-finanzjament

– X Il-proposta/l-inizjattiva ma tipprevedix kofinanzjament minn partijiet terzi.

– ¨ Il-proposta/l-inizjattiva tipprevedi l-kofinanzjament stmat hawn taħt:

Approprjazzjonijiet għall-impenji f'miljuni ta' EUR (sa 3 punti deċimali)

|| Sena N || Sena N+1 || Sena N+2 || daħħal kemm il-sena jkun hemm bżonn biex turi t-tul taż-żmien tal-impatt (ara l-punt 1.6) || Ammont totali

Speċifika l-korp ta' kofinanzjament || || || || || || ||

TOTAL tal-approprjazzjonijiet kofinanzjati || || || || || || ||

8.3.        Impatt stmat fuq id-dħul

– X  Il-proposta/l-inizjattiva ma għandha l-ebda impatt finanzjarju fuq id-dħul.

– ¨  Il-proposta/l-inizjattiva għandha l-impatt finanzjarju li ġej:

– ¨         sfuq ir-riżorsi proprji

– ¨         fuq id-dħul mixxellanju

F'EUR miljun (sa 3 ċifri wara l-punt deċimali)

Linja baġitarja tad-dħul: || Ammonti disponibbli għas-sena baġitarja attwali || Impatt tal-proposta / inizjattiva[23]

Sena N || Sena N+1 || Sena N+2 || daħħal kemm il-sena jkun hemm bżonn biex turi t-tul taż-żmien tal-impatt (ara l-punt 1.6)

Artikolu …………. || || || || || || ||

Għad-dħul mixxellanju "assenjat", speċifika l-linja/i baġitarja/i tan-nefqa affettwata/i.

Speċifika l-metodu tal-kalkolu tal-impatt fuq id-dħul.

[1]               Adottat fl-18 ta’ Marzu 2013 mill-Kunsill għall-Agrikoltura u s-Sajd.

[2]               ĠU L 290 tas-20.10.2006.

[3]               ĠU L 125 tas-09.05.2008.

[4]               ABM: Ġestjoni Bbażata fuq l-Attività ('Activity-Based Management') – ABB: Baġit Ibbażat fuq l-Attività (Activity-Based Budgeting).

[5]               Kif previst fil-paragrafu 6, il-Punt a) jew b) tal-Artikolu 49 tar-Regolament Finanzjarju.

[6]               Id-dettalji tal-metodi ta' ġestjoni u r-referenzi tar-Regolament Finanzjarju huma disponibbli fuq is-sit elettroniku tal-BudgWeb: http://www.cc.cec/budg/man/budgmanag/budgmanag_en.html

[7]               Kif imsemmi fl-Artikolu 185 tar-Regolament Finanzjarju.

[8]               Diff. = Approprjazzjonijiet Differenzjati/ Mhux Diff. = Approprjazzjonijiet Mhux Differenzjati

[9]               EFTA: Assoċjazzjoni Ewropea tal-Kummerċ Ħieles.

[10]             Pajjiżi kandidati u fejn applikabbli, kandidati potenzjali mill-Balkani tal-Punent.

[11]             Is-sena N hija s-sena li fiha tibda l-implimentazzjoni tal-proposta/inizjattiva.

[12]             Assistenza teknika u/jew amministrattiva u nefqa b’appoġġ għall-implimentazzjoni tal-programmi u/jew l-azzjonijiet tal-UE (dawk li qabel kienu linji “BA”), ir-riċerka indiretta u r-riċerka diretta.

[13]             Is-sena N hija s-sena li fiha tibda l-implimentazzjoni tal-proposta/inizjattiva.

[14]             Is-sena N hija s-sena li fiha tibda l-implimentazzjoni tal-proposta/inizjattiva.

[15]             Ir-riżultati huma prodotti jew servizzi li jridu jiġu fornuti (pereż.: numru ta’ skambji ta’ studenti ffinanzjati, numru ta’ km ta’ toroq mibnija, eċċ.).

[16]             Kif ġie deskritt fit-Taqsima 1.4.2. “Għan(ijiet) speċifiku/speċifiċi...”.

[17]             Is-sena N hija s-sena li fiha tibda l-implimentazzjoni tal-proposta/inizjattiva.

[18]             Assistenza teknika u/jew amministrattiva u nefqa b’appoġġ għall-implimentazzjoni tal-programmi u/jew l-azzjonijiet tal-UE (dawk li qabel kienu linji “BA”), ir-riċerka indiretta u r-riċerka diretta.

[19]             CA= Persunal Kuntrattwali; AL = Aġent Lokali; SNE = espert nazzjonali ssekondat; INT = persunal tal-aġenziji; JED= ’Jeune Expert en Délégation’ (Espert Żagħżugħ fid-Delegazzjoni ).

[20]             Sublimitu massimu għal persunal estern minn approprjazzjonijiet operattivi (dawk li qabel kienu linji "BA").

[21]             Għall-Fondi Strutturali, il-Fond Agrikolu Ewropew għall-Iżvilupp Rurali (FAEŻR) u l-Fond Ewropew għas-Sajd (FES).

[22]             Ara l-punti 19 u 24 tal-Ftehim Interistituzzjonali.

[23]             Fir-rigward tar-riżorsi proprji tradizzjonali (id-dazji tad-dwana, il-konstribuzzjonijiet fuq iz-zokkor), l-ammonti indikati għandhom ikunu ammonti netti, jiġifieri l-ammonti gross wara t-tnaqqis ta’ 25 % għall-ispejjeż tal-ġbir.