MEMORANDUM TA’ SPJEGAZZJONI

1.           IL-KUNTEST TAL-PROPOSTA

Il-Ftehim Intern u r-Regolament Finanzjarju (RF) tal-Għaxar FEŻ jipprevedu proċedura ta’ sejħiet għal kontribuzzjonijiet biex jitħallsu mill-Istati Membri għall-finanzjament tal-FEŻ. Skont l-Artikolu 57(2) tar-Regolament Finanzjarju tal-Għaxar FEŻ, din il-proposta tkopri:

– il-limitu massimu tal-ammont annwali tal-kontribuzzjoni għas-sena 2015;

– l-ammont annwali tal-kontribuzzjoni għas-sena 2014;

– l-ammont tal-ewwel rata ta' pagament tal-kontribuzzjoni għas-sena 2014.

2.           L-ELEMENTI LEGALI TAL-PROPOSTA

Skont l-Artikolu 57(2) tar-Regolament Finanzjarju tal-Għaxar FEŻ, il-Kunsill irid jiddeċiedi dwar din il-proposta sal-15 ta' Novembru 2013 u l-Istati Membri jridu jħallsu l-ewwel rata ta’ pagament tal-kontribuzzjoni sa mhux aktar tard mill-21 ta' Jannar 2014.

Skont l-Artikolu 57(7) tar-Regolament Finanzjarju tal-Għaxar FEŻ, l-ammont ġestit mill-Kummissjoni u l-ammont ġestit mill-BEI huma speċifikati kemm għal waħda kif ukoll għall-ieħor.

Skont l-Artikolu 58(2) tar-Regolament Finanzjarju tal-Għaxar FEŻ, is-sejħiet għall-kontribuzzjonijiet għandhom l-ewwel jużaw l-ammonti disponibbli minn FEŻ preċedenti, wieħed wara l-ieħor. Meta wieħed jikkunsidra li l-BEI ma sejjaħx għal kontribuzzjonijiet għall-ewwel rata ta' pagament, din il-proposta għaldaqstant tikkonċerna biss l-ammonti tal-Għaxar FEŻ fir-rigward tal-Kummissjoni.

B'konformità mal-Artikolu 145 tar-Regolament Finanzjarju tal-Għaxar FEŻ, il-BEI bagħat lill-Kummissjoni l-estimi aġġornati tiegħu ta' impenji u ħlasijiet skont l-istrumenti li jamministra.

B'konformità mal-Artikolu 40(60) tar-Regolament Finanzjarju tal-Għaxar FEŻ, Stat Membru li jonqos milli jħallas ir-rata ta' pagament tal-kontribuzzjoni dovuta sal-iskadenza stabbilita, ikun meħtieġ iħallas l-interessi fuq l-ammont mhux imħallas; l-arranġamenti għall-ħlas tal-interessi huma stipulat fl-istess Artikolu.

2013/0352 (NLE)

Proposta għal

DEĊIŻJONI TAL-KUNSILL

dwar il-kontribuzzjonijiet finanzjarji li għandhom jitħallsu minn Stati Membri għall-finanzjament tal-Fond Ewropew għall-Iżvilupp, inkluż il-limitu għall-2015 l-ammont għall-2014 u l-ewwel rata ta' pagament għall-2014

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea,

Wara li kkunsidra l-Ftehim Intern bejn ir-Rappreżentanti tal-Gvernijiet tal-Istati Membri, li ltaqgħu fil-Kunsill, dwar il-finanzjament tal-għajnuna Komunitarja skont il-qafas finanzjarju pluriennali għall-perjodu bejn l-2008 u l-2013 skont il-Ftehim ta' Sħubija tal-AKP-KE u dwar l-allokazzjoni tal-assistenza finanzjarja għall-Pajjiżi u għat-Territorji extra Ewropej li għalihom tapplika r-Raba’ Parti tat-Trattat tal-KE, u b’mod partikolari l-Artikolu 7 tiegħu,

Wara li kkunsidra r-Regolament tal-Kunsill (KE) Nru 215/2008 tat-18 ta’ Frar 2008 dwar ir-Regolament Finanzjarju applikabbli għall-Għaxar Fond Ewropew għall-Iżvilupp (minn hawn 'il quddiem imsejjaħ "ir-Regolament Finanzjarju tal-Għaxar FEŻ"), u b’mod partikolari l-Artikolu 57 (5) tiegħu,

Wara li kkunsidra l-proposta mill-Kummissjoni Ewropea,

Billi:

(1)       Skont il-proċedura stipulata fl-Artikoli 57 sa 61 tar-Regolament Finanzjarju tal-Għaxar FEŻ, il-Kummissjoni għandha tippreżenta proposta sal-15 ta' Ottubru 2013 fejn tispeċifika l-limiti tal-ammont annwali tal-kontribuzzjoni tal-Fond Ewropew għall-Iżvilupp (FEŻ) tal-Istati Membri għall-2015, l-ammont tal-kontribuzzjoni għall-2014 u l-ammont tal-ewwel rata ta' pagament tal-kontribuzzjoni għall-2014.

(2)       Skont l-ewwel paragrafu tal-Artikolu 145 tar-Regolament Finanzjarju tal-Għaxar FEŻ, il-Bank Ewropew tal-Investiment bagħat lill-Kummissjoni l-istimi aġġornati tiegħu tal-impenji u tal-ħlasijiet għall-istrumenti li jamministra.

(3)       B'konformità mal-Artikolu 58(2) tar-Regolament Finanzjarju tal-Għaxar FEŻ, is-sejħiet għall-kontribuzzjonijiet għandhom l-ewwel jużaw l-ammonti disponibbli minn FEŻ preċedenti, wieħed wara l-ieħor. Meta wieħed jikkunsidra li l-BEI ma sejjaħx għal kontribuzzjonijiet għall-ewwel rata ta' pagament, din il-proposta għaldaqstant tikkonċerna biss l-ammonti tal-Għaxar FEŻ fir-rigward tal-Kummissjoni.

(4)       Fid-19 ta’ Novembru 2012, wara proposta magħmula mill-Kummissjoni, il-Kunsill adotta deċiżjoni li tiffissa s-somma ta' EUR 3 250 000 000 bħala sehem il-Kummissjoni u EUR 360 000 000 bħala sehem il-BEI mil-limitu tal-kontribuzzjonijiet tal-Istati Membri għall-FEŻ għall-2014.

ADOTTAT DIN ID-DEĊIŻJONI:

Artikolu 1

Il-limitu tal-ammont annwali tal-kontribuzzjonijiet tal-Istati Membri lill-FEŻ għas-sena 2015 qed jiġi stabbilit għal EUR 3 300 000,000 fir-rigward tal-Kummissjoni, u għal EUR 300 000 000 fir-rigward tal-Bank Ewropew tal-Investiment.

Artikolu 2

L-ammont annwali tal-kontribuzzjonijiet tal-Istati Membri lill-FEŻ għas-sena 2014 qed jiġi stabbilit għal EUR 3 100 000 000 fir-rigward tal-Kummissjoni, u għal EUR 150 000 000 fir-rigward tal-Bank Ewropew tal-Investiment.

Artikolu 3

Il-kontribuzzjonijiet individwali għall-FEŻ li jridu jitħallsu mill-Istati Membri lill-Kummissjoni u lill-Bank Ewropew tal-Investiment bħala l-ewwel rata ta' pagament għall-2014 huma stabbiliti fit-tabella fl-Anness.

Artikolu 4

Din id-Deċiżjoni hija indirizzata lill-Istati Membri.

Magħmul fi Brussell,

                                                                       Għall-Kunsill

                                                                       Il-President

ANNESS

L-ewwel rata ta' pagament tal-Kontribuzzjonijiet tal-FEŻ għall-2013 (f'eluf ta' euro)

|| || Tifsira || Tifsira || l-ewwel rata ta' pagament

|| || 9 || 10 || mħallas lill- || mħallas lill-

|| STATI MEMBRI || FEŻ || FEŻ || BEI || il-Kummissjoni

|| || % || % || 9 FEŻ || 10 FEŻ

|| IL-BELĠJU || 3,92 || 3,53 || 0 || 70 600

|| ID-DANIMARKA || 2,14 || 2,00 || 0 || 40 000

|| IL-ĠERMANJA || 23,36 || 20,50 || 0 || 410 000

|| IL-GREĊJA || 1,25 || 1,47 || 0 || 29 400

|| SPANJA || 5,84 || 7,85 || 0 || 157 000

|| FRANZA || 24,30 || 19,55 || 0 || 391 000

|| L-IRLANDA || 0,62 || 0,91 || 0 || 18 200

|| L-ITALJA || 12,54 || 12,86 || 0 || 257 200

|| IL-LUSSEMBURGU || 0,29 || 0,27 || 0 || 5 400

|| IL-PAJJIŻI L-BAXXI || 5,22 || 4,85 || 0 || 97 000

|| L-AWSTRIJA || 2,65 || 2,41 || 0 || 48 200

|| IL-PORTUGALL || 0,97 || 1,15 || 0 || 23 000

|| IL-FINLANDJA || 1,48 || 1,47 || 0 || 29 400

|| L-ISVEZJA || 2,73 || 2,74 || 0 || 54 800

|| IR-RENJU UNIT || 12,69 || 14,82 || 0 || 296 400

|| Subtotal EUR-15 || 100 || 96,38 || 0 || 1 927 600

|| IL-BULGARIJA || || 0,14 || || 2 800

|| IR-REPUBBLIKA ĊEKA || || 0,51 || || 10 200

|| L-ESTONJA || || 0,05 || || 1 000

|| ĊIPRU || || 0,09 || || 1 800

|| IL-LATVJA || || 0,07 || || 1 400

|| IL-LITWANJA || || 0,12 || || 2,400

|| L-UNGERIJA || || 0,55 || || 11 000

|| MALTA || || 0,03 || || 600

|| IL-POLONJA || || 1,30 || || 26 000

|| IR-RUMANIJA || || 0,37 || || 7 400

|| IS-SLOVENJA || || 0,18 || || 3 600

|| IS-SLOVAKKJA || || 0,21 || || 4 200

|| Subtotal EUR-12 || || 3,62 || || 72 400

|| TOTAL EUR-27 || 100 || 100 || || 2 000 000