KOMUNIKAZZJONI TAL-KUMMISSJONI LILL-PARLAMENT EWROPEW skont l-Artikolu 294(6) tat-Trattat dwar il-Funzjonament tal-Unjoni Ewropea dwar il-pożizzjoni tal-Kunsill dwar l-adozzjoni tar-Regolament (UE) Nru .../2013 tal-Parlament Ewropew u tal-Kunsill dwar l-organizzazzjoni komuni tas-swieq fil-prodotti tas-sajd u l-akkwakultura, li jemenda r-Regolamenti tal-Kunsill (KE) Nru 1184/2006 u (KE) Nru 1224/2009 u li jħassar ir-Regolament tal-Kunsill (KE) Nru 104/2000 /* COM/2013/0732 final - 2011/0194 (COD) */
2011/0194 (COD) KOMUNIKAZZJONI TAL-KUMMISSJONI
LILL-PARLAMENT EWROPEW
skont l-Artikolu 294(6) tat-Trattat dwar il-Funzjonament tal-Unjoni Ewropea
dwar il-pożizzjoni tal-Kunsill dwar
l-adozzjoni tar-Regolament (UE) Nru .../2013 tal-Parlament Ewropew u tal-Kunsill
dwar l-organizzazzjoni komuni tas-swieq fil-prodotti tas-sajd u l-akkwakultura,
li jemenda r-Regolamenti tal-Kunsill (KE) Nru 1184/2006 u (KE) Nru 1224/2009
u li jħassar ir-Regolament tal-Kunsill (KE) Nru 104/2000 1. Sfond Data tat-trażmissjoni tal-proposta lill-Parlament Ewropew u lill-Kunsill (dokument COM(2011) 416 finali – 2011/0194(COD): || it-13 ta' Lulju 2011. Data tal-opinjoni tal-Kumitat Ekonomiku u Soċjali Ewropew: || it-28 ta' Marzu 2012. Data tal-opinjoni tal-Kumitat tar-Reġjuni: || l-4 ta' Mejju 2012. Data tal-pożizzjoni tal-Parlament Ewropew, l-ewwel qari: || it-12 ta' Settembru 2012. Data tat-trażmissjoni tal-proposta emendata: || . Data tal-adozzjoni tal-pożizzjoni tal-Kunsill: || is-17 ta' Ottubru 2013. 2. Objettiv tal-proposta
tal-Kummissjoni L-għan ta'
din il-proposta huwa li tikkontribwixxi għall-objettivi tar-riforma
tal-Politika Komuni tas-Sajd, u b'mod partikolari għall-ġestjoni
sostenibbli tar-riżorsi tas-sajd u l-akkwakultura. L-Organizzazzjoni
Komuni tas-Suq (OKS) fil-prodotti tas-Sajd u tal-Akkwakultura beħsiebha
tissimplifika l-leġiżlazzjoni attwali u tnaqqas il-piż
amministrattiv, biex timplimenta loġika ġdida ta' intervent, biex
issaħħaħ ir-rwol tal-Organizzazzjonijiet tal-Produtturi (OP) u
biex tinforma aħjar lill-konsumaturi. 3. Kummenti dwar
il-pożizzjoni tal-Kunsill 3.1 Kummenti ġenerali dwar
il-pożizzjoni tal-Kunsill: Il-Kummissjoni
taqbel mal-pożizzjoni tal-Kunsill, li l-ftehim politiku ta' kompromess
bejn il-Parlament Ewropew u l-Kunsill iżomm il-punti prinċipali
tal-proposta tal-Kummissjoni, jiġifieri, 1) is-simplifikazzjoni
tal-leġiżlazzjoni, tal-proċeduri u tal-obbligi ta' rappurtar,
kif ukoll it-tnaqqis tal-piż ammininistrattiv għall-operaturi,
l-amministrazzjonijiet nazzjonali u l-Kummissjoni, 2) l-eliminazzjoni immedjata
tal-mekkaniżmi għall-irtirar ta' ħut mis-suq u l-introduzzjoni
ta' mekkaniżmu għal għajnuna unika għall-ħażna
ta' prodotti tas-sajd maħsuba għall-konsum mill-bniedem, 3)
l-għoti ta' setgħa lill-Organizzazzjonijiet tal-Produtturi biex
ikollhom rwol ikbar fl-ippjanar u l-ġestjoni kollettiva tal-attivitajiet
tas-sajd u l-akkwakultura biex tinkiseb politika sostenibbli tas-sajd u
tal-akkwakultura, inkluża l-eliminazzjoni tal-iskart. 3.2 Emendi magħmula
mill-Parlament Ewropew fl-ewwel qari: Il-Parlament Ewropew introduċa
146 emenda fil-partijiet kollha tal-proposta tal-Kummissjoni. Waqt
it-trijalogi, l-emendi tal-Parlament Ewropew ġew irriveduti u nnegozjati.
Uħud minnhom ġew integrati bis-sħiħ fil-pożizzjoni
tal-Kunsill fl-ewwel qari. Dan kien il-każ għall-emendi 1, 7,
30, 89, 104, 130, 131 u 134, kif ukoll l-emenda li tikkonċerna l-irkaptu
tas-sajd. Għall-biċċa l-kbira tal-emendi
tal-Parlament Ewropew, il-pożizzjoni tal-Kunsill ġiet ifformulata
b'tali mod li tirrappreżenta l-punti prinċipali tal-pożizzjoni
tal-Parlament. Dan kien il-każ għall-emendi 2, 3, 23, 27, 29,
32, 36, 38, 39, 74, 97, 111, 113, 128, 133, 135 u 139. L-emenda 123
toħloq l-obbligu għall-Kummissjoni li tressaq rapport ta' fattibbiltà
dwar l-għażliet għal skema tal-ekotikketta. L-emendi 43 u 44 eliminaw il-miżura
li tikkonċerna t-tqassim mingħajr ħlas, mill-Organizzazzjonijiet
tal-Produtturi, ta' prodotti li jkunu nħattu l-art għal finijiet
filantropiċi jew karitatevoli. 3.3 Dispożizzjonijiet
ġodda introdotti mill-pożizzjoni tal-Kunsill u l-Kummissjoni f’dan
ir-rigward Il-Kunsill introduċa
dispożizzjonijiet ġodda li jikkonċernaw il-funzjonament ta'
Organizzazzjonijiet tal-Produtturi u ta' organizzazzjonijiet interprofessjonali
(l-Artikolu 18a il-ġdid), l-informazzjoni obbligatorja (l-Artikolu 42,
il-punti 2 sa 5) u d-deżinjazzjoni kummerċjali
(l-Artikolu 43, il-punti 2 u 3). Il-Kunsill elimina l-Artikolu 38 relatat
mal-fond kollettiv. Il-Kummissjoni tista' taċċetta dawn
il-bidliet peress li ma jbiddlux l-objettiv prinċipali tal-proposta
tal-Kummissjoni. Madankollu, tinnota b'dispjaċir l-eliminazzjoni ta'
4 Artikoli li jipprevedu atti delegati li kellhom jippermettu
lill-Kummissjoni tirreaġixxi b'mod flessibbli għas-sitwazzjonijiet
tas-suq li jinbidlu b'mod stabbli u li kellhom jippermettu wkoll lill-Kummissjoni
tipprovdi aktar dettalji ta' natura teknika fir-regoli li jridu jiġu
adottati biex jipprovdu lis-settur b'aktar preċiżjoni dwar l-obbligi
li dawn iridu josservaw (L-Artikolu 24 jikkonċerna l-kundizzjonijiet
għar-rikonoxximent ta' Organizzazzjonijiet tal-Produtturi u r-regoli dwar
il-verifiki li jridu jsiru mill-Istati Membri, l-Artikolu 33 relatat
mal-kontenut tal-pjanijiet ta' produzzjoni u ta' kummerċjalizzazzjoni,
l-Artikolu 41 dwar id-definizzjoni tal-istandards komuni ta'
kummerċjalizzazzjoni u l-Artikolu 46 jikkonċerna l-informazzjoni
obbligatorja għall-konsumaturi u d-definizzjoni tal-kriterji minimi
għall-informazzjoni volontarja). Il-Kunsill introduċa wkoll
Artikolu 53a ġdid li jikkonċerna t-tkomplija tar-regoli attwali
li jistabbilixxu standards komuni ta' kummerċjalizzazzjoni. Fin-nuqqas ta'
atti delegati dwar id-definizzjoni tal-istandards, din id-dispożizzjoni
hija xierqa biex tispeċifika li se jibqgħu japplikaw l-atti li
attwalment huma fis-seħħ. 3.4 Problemi li nqalgħu
fl-adozzjoni tal-pożizzjoni fl-ewwel qari u l-pożizzjoni
tal-Kummissjoni f’dan ir-rigward: Matul il-finalizzazzjoni tan-negozjati,
il-koleġiżlaturi estendew is-setgħat ta' implimentazzjoni
għall-formula ta' applikazzjonijiet għar-rikonoxximent
tal-Organizzazzjonijiet tal-Produrtturi u għall-format u l-istruttura
tal-pjanijiet ta' produzzjoni u ta' kummerċjalizzazzjoni, rispettivament.
Il-Kummissjoni tista' taċetta din l-estensjoni fuq il-bażi li ma
tissupplimenta l-ebda dispożizzjoni tal-att ta' kodeċiżjoni
iżda pjuttost tiffaċilita l-implimentazzjoni uniformi tal-OKS. Il-Kummissjoni
tqis li r-riforma tal-OKS naqset milli ttejjeb aktar l-informazzjoni
għall-konsumaturi dwar il-prodotti tas-sajd u tal-akkwakultura billi
telimina d-dispożizzjonijiet għad-"data
tal-qabda/tal-ħsad" u għar-rekwiżiti ta' tikkettar
għall-prodotti ppreservati u ppreparati (id-deżinjazzjoni
kummerċjali u l-provenjenza). 4. Konklużjoni Il-Kummissjoni tista' taqbel
mal-pożizzjoni tal-Kunsill li hija r-riżultat tan-negozjati
mal-Parlament Ewropew. Minkejja dan, il-Kummissjoni
tagħmel id-dikjarazzjoni li ġejja fir-rigward ta' ċerti
dispożizzjonijiet dwar it-tikkettar: Il-Kummissjoni tinnota b'dispjaċir li
l-ftehim bejn il-koleġiżlaturi elimina mill-proposta tal-Kummissjoni
l-obbligu li tiġi indikata d-"data tal-qabda" u d-"data
tal-ħsad" għall-prodotti tas-sajd u tal-akkwakultura,
rispettivament. Il-Kummissjoni tqis li dawn id-dati jipprovdu informazzjoni
essenzjali għall-konsumaturi. L-indikazzjoni tad-dati tal-qabda u
l-ħsad huma b'mod ċar ta' benefiċċju għas-sajjieda u
l-bdiewa fuq skala żgħira tal-Unjoni, u jippromwovu kanali ta'
distribuzzjoni qosra għall-prodotti tas-sajd u tal-akkwakultura.
Il-Kummissjoni tinnota wkoll b'dispjaċir li l-koleġiżlaturi
eliminaw mill-proposta tal-Kummissjoni l-applikazzjoni ta' ċerti
rekwiżiti ta' tikkettar għall-prodotti ppreservati u ppreperati,
jiġifieri l-isem kummerċjali, il-metodu ta' produzzjoni u
l-provenjenza. Il-Kummissjoni temmen li dawn ir-rekwiżiti jwieġbu
għad-domanda pubblika li dejjem tikber ta' informazzjoni dwar il-kontenut
ta' prodotti ppreservati u ppreparati. Din hija wkoll kwistjoni essenzjali
għall-kredibbiltà u l-valur tal-produzzjoni tal-Unjoni. Il-Kummissjoni tixtieq tisħaq li t-titjib
fit-tikkettar propost hawn fuq mill-Kummissjoni, mhux se jimponi l-ebda
piż sproporzjonat fuq l-industrija tas-sajd peress li dawn ikomplu jibnu
fuq ir-rekwiżiti ta' traċċabbiltà eżistenti. Il-Kummissjoni ma taqbilx mal-bidla introdotta
mill-ġuristi lingwisti fl-Artikolu 42(1)(e) dwar it-test tal-ftehim
politiku li ntlaħaq fit-tijalogu informali
tat-8 ta' Mejju 2013 dwar il-proposta tal-Kummissjoni għal
Regolament dwar l-organizzazzjoni komuni tas-swieq għall-prodotti tas-sajd
u l-akkwakultura (l-Artikolu 35(1)(e) il-ġdid tad-dokument 12005/13).
Il-pożizzjoni tal-Kummissjoni hija li, kif ġie maqbul matul
it-trijalogu informali tat-8 ta' Mejju 2013, l-immarkar jew
it-tikkettar xieraq għandu jindika d-data ta' durabbiltà minima,
mingħajr l-ebda kwalifika addizzjonali, għall-prodotti kollha tas-sajd
u tal-akkwakultura msemmija fl-Artikolu 42(1) (l-Artikolu 35(1)
il-ġdid tad-dokument 12005/13) li jinbiegħu lill-konsumatur
finali. L-introduzzjoni tal-kliem "fejn xieraq" fl-aħħar
tal-Artikolu 42(1)(e) (l-Artikolu 35(1)(e) il-ġdid
tad-dokument 12005/13) se toħloq nuqqas ta' ċertezza legali u se
tipperikola l-kisba tal-objettiv li titjieb it-trasparenza
għall-konsumaturi.