Proposta għal DEĊIŻJONI TAL-KUNSILL dwar il-konklużjoni ta' Memorandum ta' Qbil Rivedut mal-Istati Uniti tal-Amerika Rigward l-Importazzjoni taċ-Ċanga ġejja minn Annimali li Ma Jkunux Ġew Ittrattati b’Ċerti Ormoni li Jinkoraġġixxu t-Tkabbir u Rigward id-Dazji Ogħla Applikati mill-Istati Uniti għal ċerti prodotti tal-Unjoni Ewropea /* COM/2013/0677 final - 2013/0324 (NLE) */
MEMORANDUM TA’ SPJEGAZZJONI 1. KUNTEST TAL-PROPOSTA Fit-13 ta' Mejju 2009 "Memorandum ta'
Qbil bejn l-Istati Uniti tal-Amerika u Kummissjoni Ewropea rigward
l-Importazzjoni taċ-Ċanga ġejja minn Annimali li Ma Jkunux
ġew Ittrattati b’Ċerti Ormoni li Jinkoraġġixxu t-Tkabbir u
rigward id-Dazji Ogħla Applikati mill-Istati Uniti għal Ċerti
Prodotti tal-Komunitajiet Ewropej" (il-MtF) ġie ffirmat
f'Ġinevra. Il-MtQ ġie approvat mill-Kunsill permezz ta’ ittra tat-12 ta’
Mejju 2009 bħala ftehim internazzjonali tal-KE. Il-MtQ jistipula l-passi differenti rigward
l-Importazzjoni taċ-ċanga li ma tkunx ġiet ittrattata b’ormoni
li jinkoraġġixxu t-tkabbir fl-UE, kif ukoll l-impożizzjoni ta’
sanzjonijiet kummerċjali mill-Istati Uniti kontra prodotti tal-UE
bħala mit-tilwima tad-WTO dwar KE — Miżuri li Jikkonċernaw
il-Laħam u Prodotti tal-Laħam (Ormoni). Dawn il-passi huma
miġbura fi tliet fażijiet. Taħt l-Ewwel Fażi, minn Awwissu 2009
sa Awwissu 2012, l-UE fetħet kwoti tariffarji awtonomi erga omnes
għal 20 000 tunnellata ta’ “Ċanga ta’ Kwalità Għolja”,[1] u l-Istati Uniti naqqset
il-livell ta’ sanzjonijiet applikati għal prodotti tal-UE. Taħt it-Tieni Fażi, mill-1 ta’
Awwissu 2012 sal-1 ta’ Awwissu 2013, l-UE fetħet kwota akbar għal
45 000 tunnellata ta’ Ċanga ta’ Kwalità Għolja,[2] u l-Istati Uniti ssospendiet
is-sanzjonijiet kummerċjali kollha fuq prodotti tal-UE li jirriżultaw
mit-tilwima dwar l-Ormoni. Il-MtQ jipprevedi li, jekk il-Partijiet ma
jilħqux ftehim li jidħlu fit-Tlielet Fażi sal-iskadenza
tat-Tieni Fażi, il-MtQ għandu jitqies li jkun ġie terminat;
madankollu, l-obbligi ċentrali tiegħu ta’ ftuħ ta' kwota
għal ċanga ta’ kwalità għolja u li jissospendi s-sanzjonijiet
kummerċjali kollha jibqgħu fis-seħħ għal sitt xhur
oħra. Bħalissa ma hemm l-ebda ftehim ta'
dħul fit-Tielet Fażi, iżda t-terminazzjoni tal-MtQ mhijiex
fl-interess tal-UE jew tal-Istati Uniti. Il-Partijiet jistgħu jaqblu li
jestendu t-Tieni Fażi sa Awwissu 2015, filwaqt li jitkomplew
id-diskussjonijiet dwar it-Tielet Fażi. L-emenda tal-MtQ tikkjarifika wkoll l-elementi
tat-Tielet Fażi, jekk il-Partijiet jaqblu li jidħlu fiha fi tmiem
it-Tieni Fażi estiża. Ir-regoli tal-MtQ dwar il-ġestjoni ta’
liċenzji ġew emendati wkoll sabiex tirrifletti s-sistema ta’ “min
ikun l-ewwel, jinqeda l-ewwel”, introdotti fl-2012[3]. Il-MtQ rivedut ġie ffirmat f’ [xxx] 2. ELEMENTI LEGALI TAL-PROPOSTA Il-proposta tikkonsisti minn proposta
tal-Kummissjoni għal Deċiżjoni tal-Kunsill li tikkonkludi
l-Memorandum ta’ Qbil Rivedut. 3. IMPLIKAZZJONI BAĠITARJA Xejn. 2013/0324 (NLE) Proposta għal DEĊIŻJONI TAL-KUNSILL dwar il-konklużjoni ta' Memorandum ta'
Qbil Rivedut mal-Istati Uniti tal-Amerika Rigward l-Importazzjoni
taċ-Ċanga ġejja minn Annimali li Ma Jkunux Ġew Ittrattati
b’Ċerti Ormoni li Jinkoraġġixxu t-Tkabbir u Rigward id-Dazji
Ogħla Applikati mill-Istati Uniti għal ċerti prodotti tal-Unjoni
Ewropea IL-KUNSILL TAL-UNJONI EWROPEA, Wara li kkunsidra t-Trattat dwar
il-Funzjonament tal-Unjoni Ewropea, u b’mod partikolari l-Artikolu 207
flimkien mal-Artikolu 218(6)(a) tiegħu, Wara li kkunsidra l-proposta mill-Kummissjoni
Ewropea, Wara li kkunsidra l-opinjoni tal-Parlament
Ewropew, Billi: (1) Skont id-Deċiżjoni
tal-Kunsill [XXX] ta' [4],
il-Memorandum ta' Qbil Rivedut mal-Istati Uniti tal-Amerika Rigward
l-Importazzjoni taċ-Ċanga ġejja minn Annimali li Ma Jkunux
Ġew Ittrattati b’Ċerti Ormoni li Jinkoraġġixxu t-Tkabbir u
Rigward id-Dazji Ogħla Applikati mill-Istati Uniti għal ċerti
prodotti tal-Unjoni Ewropea ġie ffirmat f', suġġett għall-konklużjoni
tiegħu f'data iktar tard. (2) Il-ftehim għandu
jiġi approvat f’isem l-Unjoni Ewropea, ADOTTAT DIN ID-DEĊIŻJONI: Artikolu 1 Il-Memorandum ta' Qbil Rivedut mal-Istati
Uniti tal-Amerika Rigward l-Importazzjoni taċ-Ċanga ġejja minn
Annimali li Ma Jkunux ġew Ittrattati b’Ċerti Ormoni li Jinkoraġġixxu
t-Tkabbir u rigward id-Dazji Ogħla Applikati mill-Istati Uniti għal
Ċerti Prodotti tal-Unjoni Ewropea huwa b'dan approvat f'isem l-Unjoni. It-test tal-Ftehim huwa mehmuż ma' din
id-Deċiżjoni. Artikolu 2 Din
id-Deċiżjoni għandha tidħol fis-seħħ fi [5]. Magħmul fi Brussell, Għall-Kunsill Il-President ANNESS Il-Memorandum ta' Qbil Rivedut mal-Istati
Uniti tal-Amerika Rigward l-Importazzjoni taċ-Ċanga ġejja minn
Annimali li Ma Jkunux Ġew Ittrattati b’Ċerti Ormoni li
Jinkoraġġixxu t-Tkabbir u Rigward id-Dazji Ogħla Applikati
mill-Istati Uniti għal ċerti prodotti tal-Unjoni Ewropea Artikolu I
Ambitu u Għanijiet Permezz ta'
dan il-Qbil, l-Istati Uniti u l-Unjoni Ewropea biħsiebhom jilħqu
l-għanijiet li ġejjin: 1. Li jipprovdu, fl-ewwel
fażi (“Fażi 1”), għal temporanji u parzjali: (a)
Espansjoni mill-UE ta’ aċċess
għas-suq għal Ċanga ta’ Kwalità Għolja u (b)
Tnaqqis fil-livell ta’ dazji ogħla applikati
mill-Istati Uniti għal ċerti prodotti tal-UE awtorizzati mid-WTO
fl-1999 (“id-dazji ogħla”) sabiex il-Partijiet jiksbu esperjenza
f’kummerċ addizzjonali f’Ċanga ta’ Kwalità Għolja u
jiffaċilitaw tranżizzjoni lejn kundizzjonijiet fit-tul; 2. Biex jipprovdu l-opportunità
li jmorru lejn it-tieni fażi (“Fażi 2”), għal: (a)
Espansjoni ulterjuri mill-UE ta’ aċċess
għas-suq għal Ċanga ta’ Kwalità Għolja u (b)
Tnaqqis għal żero ta' dazji ogħla sabiex il-Partijiet jiksbu esperjenza
f’kummerċ addizzjonali f’Ċanga ta’ Kwalità Għolja u
jiffaċilitaw tranżizzjoni lejn kundizzjonijiet fit-tul; kif ukoll 3. Li jkun hemm aktar
opportunità għad-dħul ft-tielet fażi (“Fażi 3”) fir-rigward
tat-tilwim tad-WTO bejn il-Partijiet, KE — Miżuri li Jikkonċernaw
il-Laħam u Prodotti tal-Laħam (Ormoni). Artikolu II
L-Obbligi Ċentrali 1. Fil-bidu tal-Fażi 1,
l-UE se twaqqaf kwota tar-rata tariffarja awtonoma għal Ċanga ta’
Kwalità Għolja ta’ kwantità annwali ta’ 20 000 Tunnellata Metrika
piż tal-prodott, u li għalihom ir-rata tariffarja fi ħdan
il-kwota hija żero (0) fil-mija. 2. L-UE se tiftaħ kwota ta’
rata tariffarja awtonoma msemmija fil-paragrafu 1 sat-3 ta’ Awwissu 2009. 3. Fir-rigward rigward id-dazji
ogħla, l-Istati Uniti mhux se żżid mal-ambitu tiegħu,
tibdel l-oriġini ta’ prodotti suġġetti għal dazji
ogħla jew iżżid il-livell ta’ dawn id-dazji kif kien
fis-seħħ fit-23 ta’ Marzu 2009. 4. Kemm-il darba l-Istati Uniti
u l-UE jidħlu fit-Tieni Fażi, kif deskritt fl-Artikolu I.2, u
nnegozjat taħt l-Artikolu IV.2: (a)
L-UE se żżid il-kwantità ta’ kwota ta’
rata tariffarja awtonoma msemmija fil-paragrafu 1 għal 45 000
tunnellati metriċi piż tal-prodott u (b)
L-Istati Uniti għandha tissospendi kull dazji
miżjudin imposti f’konnessjoni ma’ proċeduri ta’ soluzzjoni ta’
tilwim tad-WTO fil-KE — Miżuri li Jikkonċernaw il-Laħam u
Prodotti tal-Laħam (Ormoni). 5. Kemm-il darba l-Istati Uniti
u l-UE jidħlu fit-Tielet Fażi, kif deskritt fl-Artikolu I.3, u
nnegozjat taħt l-Artikolu IV.3: (a)
L-UE se żżid il-kwantità ta’ kwota ta’
rata tariffarja awtonoma msemmija fil-paragrafu 1, għal-livell
speċifikat fil-paragrafu 4(a) u (b)
L-Istati Uniti tissospendi kull dazji
miżjudin imposti f’konnessjoni ma’ proċeduri ta’ soluzzjoni ta’
tilwim tad-WTO fil-KE — Miżuri li Jikkonċernaw il-Laħam u
Prodotti tal-Laħam (Ormoni). Artikolu III
Ġestjoni tal-Kwota 1. Il-Partijiet jaqblu li
l-kwota tar-rata tariffarja msemmija fl-Artikolu II se tiġi amministrats
mill-Kummissjoni fuq bażi ta’ min jiġi l-ewwel jinqeda l-ewwel. 2. Il-Kummissjoni se timplimenta
u tamministra kwota tar-rata tariffarja stipulata f’dan il-Qbil skont
l-Artikolu XIII tal-Ftehim Ġenerali dwar it-Tariffi u l-Kummerċ
(GATT) 1994, inklużi n-noti interpretattivi tiegħu. Il-Kummissjoni se
tagħmel kull sforz biex tamministra l-kwota tar-rata tariffarja msemmija
fl-Artikolu II b’mod li jippermetti lill-importaturi li jutilizzawha b’mod
sħiħ. Artikolu IV
Monitoraġġ u Konsultazzjonijiet 1.
1. L-Istati Uniti u l-UE se: (a)
Jimmonitorjaw u jirrivedu t-tħaddim ta’ dan
il-Qbil u, (b)
Fuq talba ta’ waħda mill-Partijiet, imexxu
konsultazzjonijiet bilaterali addizzjonali rigward it-tħaddim ta’ dan
il-Qbil, inklużi kwistjonijiet ta’ ġestjoni tal-kwota, sa mhux iktar
tard minn tletin (30) jum mill-wasla tat-talba bil-miktub għal
konsultazzjonijiet. 2. L-Istati Uniti u l-UE se,
mhux aktar tard minn tmintax-il (18) xahar mid-data speċifikata
fl-Artikolu II.2, jiltaqgħu sabiex jirrevedu t-tħaddim tal-Ewwel
Fażi bl-għan li jidħlu fit-Tieni Fażi. 3. Kemm-il darba l-Istati Uniti
u l-UE jidħlu fit-Tieni Fażi, l-Istati Uniti u l-UE se, mhux aktar
tard minn sitt (6) xhur mid-data li fiha l-UE timplimenta l-obbligu stabbilit
fl-Artikolu II.4(a), jiltaqgħu sabiex jirrevedu t-tħaddim tat-Tieni
Fażi bil-għan li jidħlu fit-Tielet Fażi. Din
ir-reviżjoni għandha b’mod partikolari tkopri, inter alia,
il-kwistjonijiet li ġejjin: (a)
It-tul tat-Tielet Fażi, (b)
L-istatus u l-effetti tal-Qbil fir-rigward tal-Qbi;
dwar Regoli u Proċeduri li Jirregolaw is-Soluzzjoni ta’ Tilwim (DSU), (c)
Il-konsegwenzi tan-nuqqas ta’ konformità
mat-termini tal-Qbil minn waħda mill-Partijiet, u (d)
L-istatus u d-disposizzjoni ta’ kwalunkwe
proċedura għas-soluzzjoni tat-tilwima KE — Miżuri li
Jikkonċernaw il-Laħam u Prodotti tal-Laħam (Ormoni). 4. Wara l-konklużjoni
tar-reviżjoni msemmija fil-paragrafu 3, jekk il-Partijiet jaqblu dwar
il-kundizzjonijiet għad-dħul fit-Tielet Fażi, il-Partijiet
jistgħu, billi tiġi applikata l-proċedura stipulata fl-Artikolu
V.5, jemendaw il-Qbil sabiex jirrifletti l-konklużjonijiet miftiehma ta’
dik ir-reviżjoni. Din l-emenda mhix se tibdel l-obbligi ewlenin kif
imsemmijin fl-Artikolu II.5. 5. Bħala parti minn din
ir-reviżjoni, il-partijiet qablu li jimmodifikaw dan il-Qbil f' [data
tal-firma]. Artikolu V
Tul ta’ żmien, Irtirar u Emendar 1. L-Ewwel Fażi se ddum
tliet (3) snin mid-data speċifikata fl-Artikolu II.2. 2. It-Tieni
Fażi se ddum tliet (3) snin mid-data li fiha l-Partijiet ikunu daħlu
fit-Tieni Fażi. 3. It-Tielet Fażi
għandha tibda fuq notifika lill-Korp tas-Soluzzjoni għat-Tilwim
tad-WTO f’dan is-sens. 4. Jew l-Istati Uniti jew l-UE
jistgħu jirtiraw minn dan il-Qbil billi javżaw bil-miktub lill-Parti
l-oħra. F’każ li naħa miż-żewġ partijiet tkun
ipprovdiet tali avviż bil-miktub, dan il-Qbil għandu jiskadi sitt (6)
xhur mid-data tal-wasla ta’ tali avviż. F’każ li
ż-żewġ partijiet ikunu pprovdew tali avviż bil-miktub, dan
il-Qbil għandu jiskadi sitt (6) xhur mid-data l-iktar bikrija tal-wasla
ta’ tali avviż. Matul dawn sitt (6) xhur, l-obbligi ewlenin, kif definiti
fl-Artikolu II, applikabbli fiż-żmien tal-għoti tal-irtirar
l-avviż, se jinżamm miż-żewġ Partijiet. 5. L-Istati Uniti u l-UE
jistgħu jemendaw dan il-Qbil bi ftehim reċiproku bil-miktub. Artikolu VI
Definizzjonijiet Għall-finijiet ta’ dan il-Qbil,
“Ċanga ta’ Kwalità Għolja” tfisser: Il-qatgħat
taċ-ċanga li jinkisbu minn karkassi ta’ erieħ u
għoġġiela b’età ta’ inqas minn 30 xahar li, tal-anqas matul
l-aħħar 100 jum qabel il-qatla, ikunu ngħalfu b’dieta li
tinkludi mhux inqas minn 62 fil-mija ta’ konċentrati u/jew koprodotti
tal-għalf tal-qamħ, abbażi ta’ materja niexfa, li jilħqu
jew jisbqu kontenut tal-enerġija metabolizzabbli ta’ ’l fuq minn 12.26
megajoules kull kilogramm ta’ materja niexfa. L-erieħ u
l-għoġiela li jingħalfu d-dieta deskritta fil-punt 1
għandhom jingħalfu, bħala medja, mhux inqas minn
1.4 fil-mija ta' piż ħaj tal-ġisem kuljum abbażi ta’
materja niexfa. Il-karkassi li minnhom ġejjin
il-qatgħat taċ-ċanga għandhom jiġu evalwati minn
evalwatur impjegat mill-gvern nazzjonali, li jibbaża l-evalwazzjoni, u
l-klassifikazzjoni tal-karkassi li tirriżulta minnha fuq metodu approvat
mill-gvern nazzjonali. Il-metodu ta’ evalwazzjoni u l-klassifikazzjoni
tal-gvern nazzjonali għandhom jevalwaw il-kwalità mistennija tal-karkassa
bl-użu ta’ kombinazzjoni ta’ karatteristiċi rigward il-maturità
tal-karkassa u rigward kemm il-qatgħat taċ-ċanga jkunu xierqa
għall-palat. Tali metodu ta’ evalwazzjoni tal-karkassa għandu
jinkludi, iżda ma għandux ikun limitat għal, evalwazzjoni
tal-karatteristiċi ta’ maturità tal-lewn u tal-konsistenza tal-muskolu
longissimus dorsi, tal-għadam u tal-qarquċa, kif ukoll evalwazzjoni
ta’ kemm il-laħam mistenni li jkun xieraq għall-palat,
b’kombinazzjoni tal-ispeċifikazzjonijiet definiti tax-xaħam ta’ bejn
il-muskoli u tas-sodizza tal-muskolu longissimus dorsi. Il-qatgħat għandhom
jiġu ttikkettjati skont l-Artikolu 13 tar-Regolament (KE) Nru 1760/2000. L-indikazzjoni “High Quality Beef”
tista’ tiżdied mal-informazzjoni fuq it-tikketta. Artikolu VII
Riżervazzjoni ta’ Drittijiet 1. L-ebda Parti ma għandha
titlob l-istabbiliment ta’ panel skont l-Artikolu 21.5 tad-DSU f’KE —
Miżuri li Jikkonċernaw il-Laħam u Prodotti tal-Laħam
(Ormoni) matul il-Fażi 2 jew il-Fażi 3 ta’ dan il-Qbil. 2. La dan il-Qbil u lanqas
it-teħid ta' kwalunkwe passi mill-Partijiet maħsuba b’dan il-Qbil ma
jippreġudikaw nuqqas ta’ qbil bejn il-Partijiet rigward jekk
ir-rakkomandazzjonijiet u d-deċiżjonijiet tad-DSB f’KE —
Miżuri li Jikkonċernaw il-Laħam u Prodotti tal-Laħam
(Ormoni) ġewx implimentati. 3. Minbarra kif
speċifikament imsemmi hawnhekk, dan il-Qbil huwa mingħajr
preġudizzju għad-drittijiet u l-obbligi tal-Istati Uniti u tal-UE
skont il-Ftehimiet tad-WTO. Artikolu VIII
Relazzjoni ma’ drittijiet tad-WTO 1. Il-Partijiet jipprevedu li
Fażi 3 tkun tinvolvi t-terminazzjoni tal-awtorizzazzjoni skont l-Artikolu
22.7 tad-DSB, magħmula mid-DSB fil-laqgħa tiegħu tas-26 ta’
Lulju, 1999, u li ma tittieħed l-ebda azzjoni oħra taħt id-DSU
fir-rigward ta' DS26. 2. Dan il-Qbil u l-pass
taħt id-DSU msemmi fil-paragrafu 1 huma mingħajr preġudizzju
għal xi drittijiet ta’ xi parti sabiex tibda tilwima ġdida skont
id-DSU. [1] Ir-Regolament tal-Kunsill (KE) Nru 617/2009 tat-13 ta’
Lulju 2009 li jiftaħ kwota tariffarja awtonoma
għall-importazzjonijiet tal-laħam taċ-ċanga ta’ kwalità
għolja, ĠU L 182, 15.7.2009, p. 1. [2] Ir-Regolament (UE) Nru 464/2012 tal-Parlament
Ewropew u tal-Kunsill tal-22 ta' Mejju 2012, ĠU L 149,
8.6.2012, p. 1. [3] Ir-Regolament ta’ Implimentazzjoni tal-Kummissjoni (UE)
Nru 481/2012 tas-7 ta’ Ġunju 2012 li jistipula regoli
għall-ġestjoni ta’ kwota tariffarja għal ċanga ta’ kwalità
għolja, ĠU L 148, 8.6.2012, p. 9. [4] ĠU L , , p. . [5] Id-data ta’ dħul fis-seħħ tal-Ftehim se
tkun ippubblikata f'Il-Ġurnal Uffiċjali tal-Unjoni Ewropea
mis-Segretarjat Ġenerali tal-Kunsill.