MEMORANDUM TA’ SPJEGAZZJONI

Fl-24 ta’ Settembru 2012 il-Kunsill awtorizza lill-Kummissjoni biex tiftaħ negozjati, f’isem l-Unjoni Ewropea u l-Istati Membri tagħha, u r-Repubblika tal-Kroazja, mal-Montenegro sabiex tikkonkludi Protokoll mal-Ftehim ta' Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, minn naħa, u r-Repubblika tal-Montenegro, min-naħa l-oħra, sabiex titqies l-adeżjoni tar-Repubblika tal-Kroazja mal-Unjoni Ewropea.

Dawn in-negozjati bdew fl-22 ta’ Novembru 2012, wara konsultazzjonijiet tekniċi mal-Montenegro dwar il-kwistjoni. Aktar ċikli ta' negozjati saru fil-25 ta' Jannar 2013 u s-7 ta' Marzu 2013. Il-Protokoll ġie inizjalat mill-Kummissjoni u l-Gvern tal-Montenegro fis-16 ta' Mejju 2013. It-test tal-protokoll inizjalat huwa mehmuż.

Il-Kummissjoni tipproponi li l-Kunsill jiddeċiedi dwar l-iffirmar u l-applikazzjoni provviżorja tal-Protokoll f’isem l-Unjoni Ewropea u jikkonkludi l-Protokoll f’isem l-Unjoni Ewropea u l-Istati Membri tagħha. Għall-konklużjoni tal-Protokoll f’isem il-Komunità Ewropea tal-Enerġija Atomika, il-Kummissjoni tipproponi li l-Kunsill jagħti l-approvazzjoni tiegħu, skont it-tieni paragrafu tal-Artikolu 101 tat-Trattat li jistabbilixxi l-KEEA.

Il-proposta mehmuża hija għal deċiżjoni tal-Kunsill dwar l-iffirmar u l-applikazzjoni provviżorja tal-protokoll. Il-Kummissjoni tipproponi li l-Kunsill:

– jiddeċiedi dwar l-iffirmar u l-applikazzjoni provviżorja tal-Protokoll f’isem l-Unjoni Ewropea.

2013/0263 (NLE)

Proposta għal

DEĊIŻJONI TAL-KUNSILL

dwar l-iffirmar u l-applikazzjoni temporanja ta' Protokoll għall-Ftehim ta' Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, minn naħa waħda, u r-Repubblika tal-Montenegro min-naħa l-oħra, biex titqies l-adeżjoni tar-Repubblika tal-Kroazja mal-Unjoni Ewropea

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 217, flimkien mal-Artikolu 218(5) u t-tieni subparagrafu tal-Artikolu 218(8) tiegħu,

Wara li kkunsidra l-Att li jikkonċerna l-kundizzjonijiet għall-adeżjoni tar-Repubblika tal-Kroazja u b'mod partikolari l-Artikolu 6(2),tal-istess Att,

Wara li kkunsidra il-proposta mill-Kummissjoni[1],

Billi:

(1)       Fl-24 ta’ Settembru 2012 il-Kunsill awtorizza lill-Kummissjoni biex tiftaħ negozjati, f’isem l-Unjoni Ewropea u l-Istati Membri tagħha, u r-Repubblika tal-Kroazja, mal-Montenegro sabiex tikkonkludi Protokoll mal-Ftehim ta' Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, minn naħa waħda, u r-Repubblika tal-Montenegro, min-naħa l-oħra, sabiex titqies l-adeżjoni tar-Repubblika tal-Kroazja mal-Unjoni Ewropea.

(2)       Dawn in-negozjati tlestew b’suċċess u fid-dawl tal-konklużjoni possibbli tiegħu f’data aktar tard, il-Protokoll għandu jiġi ffirmat f’isem l-Unjoni Ewropea.

(3)       L-iffirmar u l-konklużjoni tal-Protokoll hija soġġetta għal proċedura separata fir-rigward ta’ kwistjonijiet li jaqgħu taħt il-Komunità Ewropea tal-Enerġija Atomika.

(4)       Il-Protokoll għandu jkun applikat fuq bażi provviżorja b'effett mill-1 ta' Lulju 2013.

IDDEĊIEDA KIF ĠEJ:

Artikolu 1

L-iffirmar tal-Protokoll mal-Ftehim ta’ Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, min-naħa l-waħda, u r-Repubblika tal-Montenegro, min-naħa l-oħra, sabiex jittieħed kont tal-adeżjoni tar-Repubblika tal-Kroazja mal-Unjoni Ewropea (il-'Protokoll') huwa b’dan approvat f’isem l-Unjoni, suġġett għall-konklużjoni tal-Protokoll imsemmi.

It-test tal-Protokoll huwa mehmuż ma’ din id-Deċiżjoni.

Artikolu 2

Is-Segretarjat Ġenerali tal-Kunsill għandu jistabbilixxi l-istrument ta' setgħat sħaħ lill-persuna/i indikata/i min-negozjatur tal-Protokoll biex jiffirma(w) il-Protokoll, suġġett għall-konklużjoni tiegħu..

Artikolu 3

Sakemm jidħol fis-seħħ, il-Protokoll għandu jiġi applikat fuq bażi provviżorja mill-1 ta' Lulju 2013.

Magħmul fi Brussell,

                                                                       Għall-Kunsill

                                                                       Il-President

PROTOKOLL

tal-Ftehim ta’ Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, minn naħa, u r-Repubblika tal-Montenegro min-naħa l-oħra, sabiex titqies l-adeżjoni tar-Repubblika tal-Kroazja mal-Unjoni Ewropea

IR-RENJU TAL-BELĠJU,

IR-REPUBBLIKA TAL-BULGARIJA,

IR-REPUBBLIKA ĊEKA,

IR-RENJU TAD-DANIMARKA,

IR-REPUBBLIKA FEDERALI TAL-ĠERMANJA,

IR-REPUBBLIKA TAL-ESTONJA,

L-IRLANDA,

IR-REPUBBLIKA ELLENIKA,

IR-RENJU TA’ SPANJA,

IR-REPUBBLIKA FRANĊIŻA,

IR-REPUBBLIKA TAL-KROAZJA,

IR-REPUBBLIKA TALJANA,

IR-REPUBBLIKA TA’ ĊIPRU,

IR-REPUBBLIKA TAL-LATVJA,

IR-REPUBBLIKA TAL-LITWANJA,

IL-GRAN DUKAT TAL-LUSSEMBURGU,

L-UNGERIJA,

IR-REPUBBLIKA TA’ MALTA,

IR-RENJU TAL-OLANDA,

IR-REPUBBLIKA TAL-AWSTRIJA,

IR-REPUBBLIKA TAL-POLONJA,

IR-REPUBBLIKA PORTUGIŻA,

IR-RUMANIJA,

IR-REPUBBLIKA TAS-SLOVENJA,

IR-REPUBBLIKA SLOVAKKA,

IR-REPUBBLIKA TAL-FINLANDJA,

IR-RENJU TAL-IŻVEZJA,

IR-RENJU UNIT TAL-GRAN BRITTANJA U L-IRLANDA TA' FUQ

Partijiet kontraenti għat-Trattat tal-Unjoni Ewropea, it-Trattat dwar il-Funzjonament tal-Unjoni Ewropea u it-Trattat li jistabbilixxi l-Komunità Ewropea ta' l-Enerġija Atomika.,minn hawn 'il quddiem imsemmija 'Stati Membri', u

L-UNJONI EWROPEA u L-KOMUNITÀ EWROPEA TAL-ENERĠIJA ATOMIKA,

minn hawn 'il quddiem imsemmija l-'Unjoni Ewropea',

minn naħa, u

IL-MONTENEGRO

min-naħa l-oħra,

Wara li kkunsidraw l-adeżjoni tar-Repubblika tal-Kroazja (minn hawn 'il quddiem imsemmija l-''Kroazja'') mal-Unjoni Ewropea fl-1 ta' Lulju 2013,

Billi:

(1) Il-Ftehim ta’ Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, minn naħa, u r-Repubblika tal-Montenegro min-naħa l-oħra, (minn hawn 'il quddiem imsemmi l-FSA) ġie ffirmat fil-Lussemburgu ful 15 ta' Ottubru 2007 u daħal fis-seħħ fl-1 ta' Mejju 2010.

(2) It-Trattat li jikkonċerna l-adeżjoni tal-Kroazja fl-Unjoni Ewropea (minn hawn 'il quddiem imsemmi "it-Trattat tal-Adeżjoni"), ġie ffirmat fi Brussell fid-9 ta' Diċembru 2011.

(3) Il-Kroazja aċċediet fl-Unjoni Ewropea fl-1 ta' Lulju 2013.

(4) Skont Artikolu 6(2) tal-Att ta' Adeżjoni tal-Kroazja, l-adeżjoni tal-Kroazja mal-FSA għandha tiġi miftiehma mill-konklużjoni ta' protokoll għall-FSA.

(5) Saru konsultazzjonijiet skont Artikolu 39(3) tal-FSA sabiex jiġi żgurat li jitqiesu l-interessi reċiproċi tal-Unjoni Ewropea u l-Montenegro msemmija f'dan il-Ftehim,

FTIEHMU KIF ĠEJ:

Taqsima I

Il-Partijiet Kontraenti

Artikolu 1

Il-Kroazja għandha tkun parti mill-Ftehim ta’ Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, minn naħa, u r-Repubblika tal-Montenegro min-naħa l-oħra, iffirmat fil-Lussemburgu fil-15 ta' Ottubru 2007 u għandha rispettivament tadotta u tieħu nota, bl-istess mod bħall-Istati Membri l-oħra tal-Unjoni Ewropea, tat-testi tal-Ftehim, kif ukoll tad-Dikjarazzjonijiet Konġunti u d-Dikjarazzjonijiet Unilaterali mehmuża mal-Att Finali iffirmat fl-istess data.

AĠĠUSTAMENTI FIT-TEST TAL-FSA INKLUŻI L-ANNESSI U L-PROTOKOLLI TIEGĦU

Taqsima II

Prodotti Agrikoli

Artikolu 2

Konċessjonijiet Montenegrini fuq prodotti agrikoli

1. F'Artikolu 27 jiddaħħal paragrafu 3 ġdid:

'3. Mid-dħul fis-seħħ ta' dan il-Protokoll, il-Montenegro għandu japplika għad-dazji doganali applikabbli fuq l-importazzjonijiet ta' ċertu prodotti agrikoli li joriġinaw fl-Unjoni Ewropea fil-kwantitajiet indikati, mniżżla f'Anness III(d).'

2. Anness I ta' dan il-Protokoll għandu jiżdied bħala Anness III(d) tal-FSA u għandu jifforma parti integrali mill-FSA.

Artikolu 3

Prodotti tas-Sajd

1. F'Artikolu 30 jiddaħħal paragrafu 3 ġdid:

'3. Minn meta jidħol fis-seħħ dan il-Protokoll, il-Montenegro għandu jneħħi d-dazji doganali u l-miżuri li jkollhom effett ekwivalenti fuq il-ħut u l-prodotti tas-sajd li joriġinaw fil-Komunità ħlief dawk elenkati fl-Anness Va. Il-prodotti elenkati fl-Anness V għandhom ikunu soġġetti għad-dispożizzjonijiet stipulati fih.'

2. Anness II ta' dan il-Protokoll għandu jiżdied bħala Anness Va tal-FSA u għandu jifforma parti integrali mill-FSA.

Artikolu 4

Konċessjonijiet Montenegrini fuq Prodotti Agrikoli Proċessati

Anness II ta' dan il-Protokoll għandu jiżdied bħala Anness IIa tal-Protokoll 1 tal-FSA u għandu jifforma parti integrali mill-FSA.

Taqsima III

Regoli tal-Oriġini

Artikolu 5

L-Anness IV ta' Protokoll 3 tal-FSA għandu jinbidel bit-test tal-Anness IV ta' dan il-Protokoll.

DISPOŻIZZJONIJIET TRANŻITORJI

Taqsima IV

Artikolu 6

WTO

Il-Montenegro jimpenja ruħu li la jagħmel pretensjonijiet, talbiet jew referenzi u lanqas jibdel jew jirtira konċessjonijiet skond l-Artikoli XXIV.6 u XXVIII ta' GATT tal-1994 dwar dan it-tkabbir tal-Unjoni Ewropea.

Artikolu 7

Provi ta’ oriġini u kooperazzjoni amministrattiva

1.           Il-provi ta’ oriġini maħruġa kif suppost mill-Montenegro jew mill-Kroazja fil-qafas ta' ftehim preferenzjali jew arranġamenti awtonomi applikati bejniethom għandhom ikunu aċċettati fil-pajjiżi rispettivi, sakemm:

(a) il-ksib ta’ l-oriġini jagħti trattament b'tariffi preferenzjali abbażi tal-miżuri dwar tariffi preferenzjali fil-FSA;

(b) il-prova tal-oriġini u d-dokumenti tat-trasport inħarġu mhux aktar tard mill-jum ta' qabel id-data ta' l-adeżjoni;

(c) il-prova tal-oriġini titressaq lill-awtoritajiet doganali matul il-perjodu ta' erba' xhur mid-data tal-adeżjoni.

Meta l-merkanżija tiġi ddikjarata għall-finijiet ta’ importazzjoni fil-Montenegro jew fil-Kroazja, qabel id-data tal-adeżjoni, fil-qafas ta’ ftehim preferenzjali jew arranġamenti awtonomi applikati f’dak il-mument bejn il-Montenegro u l-Kroazja il-prova ta’ oriġini li ġiet maħruġa minn qabel fil-qafas ta’ dan il-ftehim jew skemi tista’ wkoll tiġi aċċettata b’kundizzjoni li tkun ippreżentata lill-awtoritajiet doganali fi żmien erba’ xhur mid-data tal-adeżjoni

2.           Il-Montenegro u l-Kroazja huma awtorizzati li jżommu l-awtorizzazzjonijiet li bihom ingħata l-istatus ta’ “esportaturi approvati” fil-qafas ta’ ftehimiet preferenzjali jew arranġamenti awtonomi applikati bejniethom sakemm:

(a) li jsir provvediment għal dispożizzjoni ta’ dan it-tip fil-ftehim konkluż qabel id-data tal-adeżjoni tal-Kroazja bejn il-Montenegro u l-Unjoni Ewropea;  u

(b) l-esportaturi approvati japplikaw ir-regoli tal-oriġini fis-seħħ skont dak il-ftehim.

Dawn l-awtorizzazzjonijiet għandhom jinbidlu, sa mhux aktar tard minn sena wara d-data tal-adeżjoni, tal-Kroazja b’awtorizzazzjonijiet ġodda maħruġa skont il-kundizzjonijiet tal-FSA.

3.           Talbiet għall-verifika sussegwenti tal-provi tal-oriġini maħruġin taħt il-ftehimiet preferenzjali jew l-arranġamenti awtonomi msemmija fil-paragrafi 1 u 2 għandhom jiġu aċċettati mill-awtoritajiet doganali kompetenti jew tal-Montenegro jew tal-Kroazja għal perjodu ta’ tliet snin wara li tkun inħarġet il-prova tal-oriġini kkonċernata u jistgħu jsiru minn dawk l-awtoritajiet għal perjodu ta’ tliet snin wara l-aċċettazzjoni tal-prova tal-oriġini ppreżentata lil dawk l-awtoritajiet favur dikjarazzjoni ta’ importazzjoni.

Artikolu 8

Merkanzija fi tranżitu

1.           Id-dispożizzjonijiet tal-FSA jistgħu jiġu applikati għal oġġetti esportati jew mill-Montenegro għall-Kroazja jew mill-Kroazja għall-Montenegro, li jaqblu mad-dispożizzjonijiet ta' Protokoll 3 tal-FSA u li fid-data tal-adeżjoni tal-Kroazja huma jew en routejew maħżuna temporanjament f'maħżen doganali jew f'zona ħielsa fil-Montenegro jew fil-Kroazja.

2.           F’każijiet bħal dawn jista’ jingħata trattament preferenzjali, soġġett għas-sottomissjoni lill-awtoritajiet doganali tal-pajjiż li qed jimporta, fi żmien erba’ xhur mid-data tal-adeżjoni tal-Kroazja ta' prova ta’ oriġini maħruġa retrospettivament mill-awtoritajiet doganali tal-pajjiż li qed jesporta.

Artikolu 9

Kwoti fl-2013

Għas-sena 2013, il-volumi tal-kwoti l-ġodda tat-tariffi u ż-żidiet fil-volumi tal-kwoti tat-tariffi eżistenti għandhom ikunu kalkulati bħala pro rata tal-volumi bażiċi, billi titqies il-parti tal-perjodu li għadda qabel l-1 ta' Lulju 2013.

DISPOŻIZZJONIJIET ĠENERALI U FINALI

Taqsima V

Artikolu 10

Dan il-Protokoll u l-Annessi tiegħu għandhom ikunu parti integrali mill-FSA.

Artikolu 11

1.           Dan il-Protokoll għandu jkun approvat mill-Unjoni Ewropea u l-Istati Membri tagħha u mill-Montenegro skont il-proċeduri tagħhom stess.

2.           Il-Partijiet għandhom jinnotifikaw lil xulxin bit-twettiq tal-proċeduri korrispondenti msemmija fil-paragrafu 1. L-istrumenti ta' approvazzjoni għandhom jiġu depożitati mas-Segretarjat Ġenerali tal-Kunsill tal-Unjoni Ewropea.

Artikolu 12

1.           Dan il-Protokoll jidħol fis-seħħ fl-ewwel jum tal-ewwel xahar wara d-data tad-depożitu tal-aħħar strument ta' approvazzjoni.

2.           Jekk sa l-1 ta' Lulju 2013 ma jkunux ġew iddepożitati l-istrumenti kollha ta' approvazzjoni, dan il-Protokoll għandu japplika b'mod temporanju b'effett mill-1 ta' Lulju 2013.

Artikolu 13

Dan il-Protokoll huwa abbozzat f'żewġ kopji fil-lingwa Bulgara, Kroata, Ċeka, Daniża, Olandiża, Ingliża, Estonjana, Irlandiża, Finlandiża, Franċiża, Ġermaniża, Griega, Ungeriża, Taljana, Latvjana, Litwana, Maltija, Pollakka, Portugiża, Rumena, Slovakka, Slovena, Spanjola, u Svediża u fil-lingwa uffiċjali użata fil-Montenegro, u kull wieħed minn dawn it-testi huwa ugwalment awtentiku.

Artikolu 15

It-test ta' l-FSA, inklużi l-Annessi u l-Protokolli li huma parti integrali minnu, kif ukoll l-Att Finali flimkien mad-dikjarazzjonijiet annessi miegħu huma mfassla bil-lingwa Kroata u huma t-tnejn awtentiċi bl-istess mod bħat-testi oriġinali.  Il-Kunsill ta' Stabbilizzazzjoni u Assoċjazzjoni għandu japprova dawn it-testi

ANNESS I

'Anness III(d)

Konċessjonijiet tariffarji Montenegrini għal prodotti primarji tal-agrikoltura li joriġinaw fl-Unjoni Ewropea

(imsemmija f'Artikolu 27(3))

(Dazji doganali (ad valorem u/jew dazji partikolari)) kif indikat ser jiġu applikati għall-prodotti msemmija f'dan l-anness fil-kwantitajiet indikati għal kull prodott mid-data tad-dħul fis-seħħ ta' dan il-Protokoll)

Kodiċi NM 2013 || Deskrizzjoni || Kwantità annwali (f’tunnellati) || Rata ta' dazju ġewwa l-kwota (% tal-MFN)

0207 11 90 0207 12 90 0207 13 10 0207 13 30 0207 13 60 0207 13 99 0207 14 10 0207 14 30 0207 14 50 0207 14 60 0207 14 99 || Tjur || 500 || 20%

0406 10 20 0406 10 80 0406 30 31 0406 40 50 0406 90 78 0406 90 88 0406 90 99 || Ġobon || 65 || 30 %

1602 20 90 1602 32 11 1602 32 19 1602 32 30 1602 32 90 1602 41 10 1602 49 15 1602 49 30 1602 50 31 1602 50 95 || Preparazzjonijiet tal-laħam || 130 || 30 %

'

ANNESS II

'Anness Va

Konċessjonijiet Montenegrini għall-Prodotti tas-Sajd imsemmija f'Artikolu 30(3) ta' dan il-ftehim.

Importazzjoni fil-Montenegro tal-prodotti li ġejjin li joriġinaw fil-Komunità għandhom ikunu suġġetti għall-kwoti ta' hawn taħt:

Kodiċi NM 2013 || Deskrizzjoni || Kwantità annwali (f’tunnellati) || Rata ta’ dazju ta' ġewwa l-kwota

1604 13 11 1604 13 19 1604 13 90 || Sardin ippreparat jew ippreservat || 200 || 0% (bla dazju)

1604 14 11 1604 14 16 1604 14 18 || tonn u palamit preparat u preservat; filletti tat-tonn magħrufa bħala 'loins' || 75 || 0% (bla dazju)

1604 15 11 1604 15 19 || kavalli ppreparati jew ippreservati || 30 || 0% (bla dazju)

'

ANNESS III

(Prodotti msemmija fl-Artikolu 25 tal-FSA)

'Anness IIa għall-Protokoll 1

Kwoti ta' tariffi applikabbli għal oġġetti li joriġinaw mill-Unjoni Ewropea fuq importazzjoni fil-Montenegro

Kodiċi NM 2013 || Deskrizzjoni || Kwantità annwali (f’litri) || Rata ta’ dazju ta' ġewwa l-kwota

2201 2201 10 Ex 2201 90 2201 90 00 10 || Ilma, inkluż naturali jew artifiċjali ilma minerali u bil-gass, li ma fihomx zokkor miżjud, jew xi sustanzi tal-ħlewwa oħra jew bit-togħma; Ilma minerali u ilmijiet bil-gass Oħrajn Ilma naturali regolari fil-pakkett || 240 000 430 000 || 0 %

2202 || Ilma, inluż ilmijiet minerali u ilma effervexxenti, li fih zokkor jew xi sustanza oħra ta’ ħlewwa jew togħma miżjuda, u xorb ieħor mhux alkoħoliku, għajr meraq tal-frott jew tal-ħxejjex tal-intestatura 2009 || 810 000 || 0 %

'

ANNESS IV

Anness IV

TEST TAD-DIKJARAZZJONI TAL-FATTURA

Id-dikjarazzjoni tal-fattura, li t-test tagħha huwa mogħti hawn taħt, trid issir skont in-noti ta’ qiegħ il-paġna. Madankollu, in-noti ta’ qiegħ il-paġna m’għandhomx għalfejn ikunu riprodotti.

Il-verżjoni bil-Bulgaru

Износителят на продуктите, обхванати от този документ (митническо разрешение № … (1[2])) декларира, че освен където ясно е отбелязано друго, тези продукти са с … преференциален произход [2].

Il-Verżjoni bl-Ispanjol

El exportador de los productos incluidos en el presente documento (autorización aduanera n° ...(1)) declara que, salvo indicación en sentido contrario, estos productos gozan de un origen preferencial ...(2).

Il-verżjoni biċ-Ċek

Vývozce výrobků uvedených v tomto dokumentu (číslo povolení … (1)) prohlašuje, že kromě zřetelně označených, mají tyto výrobky preferenční původ v … (2)

Il-verżjoni bid-Daniż

Eksportøren af varer, der er omfattet af nærværende dokument, (toldmyndighedernes tilladelse nr. … (1)), erklærer, at varerne, medmindre andet tydeligt er angivet, har præferenceoprindelse i … (2).

Il-verżjoni bil-Ġermaniż

Der Ausführer (Ermächtigter Ausführer; Bewilligungs-Nr. ...(1)) der Waren, auf die sich dieses Handelspapier bezieht, erklärt, dass diese Waren, soweit nicht anderes angegeben, präferenzbegünstigte ...(2) Ursprungswaren sind.

Il-verżjoni bl-Estonjan

Käesoleva dokumendiga hõlmatud toodete eksportija (tolli kinnitus nr. … (1)) deklareerib, et need tooted on … (2) sooduspäritoluga, välja arvatud juhul, kui on selgelt näidatud teisiti.

Il-verżjoni bil-Grieg

L'exportateur des produits couverts par le présent document [autorisation douanière no … (1)) déclare que, sauf indication claire du contraire, ces produits ont l'origine préférentielle … (2).

Il-verżjoni bl-Ingliż

The exporter of the products covered by this document (customs authorization No ... (1)) declares that, except where otherwise clearly indicated, these products are of ... (2) preferential origin.

Il-verżjoni bil-Franċiż

L'exportateur des produits couverts par le présent document (autorisation douanière n° ...(1)) déclare que, sauf indication claire du contraire, ces produits ont l'origine préférentielle ...(2).

Il-Verżjoni bil-Kroat

Izvoznik proizvoda obuhvaćenih ovom ispravom (carinsko ovlaštenje br. ... (1)) izjavljuje da su, osim ako je drukčije izričito navedeno, ovi proizvodi ... (2) preferencijalnog podrijetla.

Il-verżjoni bit-Taljan

L'esportatore delle merci contemplate nel presente documento (autorizzazione doganale n. … (1)) dichiara che, salvo indicazione contraria, le merci sono di origine preferenziale … (2).

Il-verżjoni bil-Latvjan

To produktu eksportētājs, kuri ietverti šajā dokumentā (muitas atļauja Nr. … (1)), deklarē, ka, izņemot tur, kur ir citādi skaidri noteikts, šiem produktiem ir preferenciāla izcelsme … (2).

Il-verżjoni bil-Litwan

Šiame dokumente išvardytų prekių eksportuotojas (muitinės liudijimo Nr. … (1)) deklaruoja, kad, jeigu kitaip nenurodyta, tai yra … (2) preferencinės kilmės prekės.

Il-verżjoni bl-Ungeriż

A jelen okmányban szereplő áruk exportőre (vámfelhatalmazási szám: … (1)) kijelentem, hogy eltérő egyértelmű jelzés hiányában az áruk preferenciális … (2) származásúak.

Il-verżjoni bil-Malti

L-esportatur tal-prodotti koperti b’dan id-dokument (awtorizzazzjoni tad-dwana nru …(1)) jiddikjara li, ħlief fejn indikat b’mod ċar li mhux hekk, dawn il-prodotti huma ta’ oriġini preferenzjali …(2).

Il-verżjoni bl-Olandiż

De exporteur van de goederen waarop dit document van toepassing is (douanevergunning nr. … (1)), verklaart dat, behoudens uitdrukkelijke andersluidende vermelding, deze goederen van preferentiële … oorsprong zijn (2).

Il-verżjoni bil-Pollakk

Eksporter produktów objętych tym dokumentem (upoważnienie władz celnych nr … (1)) deklaruje, że z wyjątkiem gdzie jest to wyraźnie określone, produkty te mają … (2) preferencyjne pochodzenie.

Il-verżjoni bil-Portugiż

O abaixo-assinado, exportador dos produtos abrangidos pelo presente documento (autorização aduaneira no. … (1)), declara que, salvo indicação expressa em contrário, estes produtos são de origem preferencial … (2).

Il-verżjoni bir-Rumen

Exportatorul produselor ce fac obiectul acestui document (autorizația vamală nr. …(1)) declară că, exceptând cazul în care în mod expres este indicat altfel, aceste produse sunt de origine preferențială…(2).

Il-verżjoni bis-Slovakk

Vývozca výrobkov uvedených v tomto dokumente (číslo povolenia … (1)) vyhlasuje, že okrem zreteľne označených, majú tieto výrobky preferenčný pôvod v … (2).

Il-verżjoni bis-Sloven

Izvoznik blaga, zajetega s tem dokumentom (pooblastilo carinskih organov štr. … (1)) izjavlja, da, razen če ni drugače jasno navedeno, ima to blago preferencialno … (2) poreklo.

Il-verżjoni bil-Finlandiż

Tässä asiakirjassa mainittujen tuotteiden viejä (tullin lupa n:o ... (1)) ilmoittaa, että nämä tuotteet ovat, ellei toisin ole selvästi merkitty, etuuskohteluun oikeutettuja ... alkuperätuotteita (2).

Il-verżjoni bl-Isvediż

Exportören av de varor som omfattas av detta dokument (tullmyndighetens tillstånd nr. … (1)) försäkrar att dessa varor, om inte annat tydligt markerats, har förmånsberättigande … ursprung (2).

Il-verżjoni Montenegrina

Izvoznik proizvoda obuhvaćenih ovim dokumentom (carinsko odoborenje br.. (1)) izjavljuje da, osim u slučaju kada je drugačije naznačeno, ovi proizvodi su … (2) preferencijalnog porijekla.

(3)

(Il-post u d-data)

(4)

(Firma tal-esportatur. (Barra minn dan, l-isem tal-persuna li ttiffirma d-dikjarazzjoni għandu jkun indikat b’mod ċar.)

[1]               ĠU C […], […], p. […].

[2]              

(1)           Meta d-dikjarazzjoni tal-fattura ssir minn esportatur approvat, in-numru ta' awtorizzazzjoni tal-esportatur approvat għandu jitniżżel f'dan l-ispazju. Meta d-dikjarazzjoni fuq il-fattura ma ssirx minn esportatur approvat, il-kliem fil-parenteżi għandu jinqabeż jew l-ispazju jitħalla vojt

(2)           Għandha tiġi indikata l-oriġini tal-prodotti. Meta d-dikjarazzjoni tal-fattura tirrigwarda, kompletement jew parzjalment, prodotti li joriġinaw f'Ceura u Melilla, l-esportatur għandu jindikahom b'mod ċar fid-dokument li fih issir id-dikjarazzjoni permezz tas-simbolu “CM”.

(3)           Dawn l-indikazzjonijiet jistgħu jitħallew barra jekk l-informazzjoni tkun inkluża fid-dokument innifsu.

(4)           F’każijiet fejn l-esportatur m’għandux għalfejn jiffirma, l-eżenzjoni mill-firma timplika wkoll eżenzjoni mill-isem tal-firmatarju.'