MEMORANDUM TA’ SPJEGAZZJONI

1.           KUNTEST TAL-PROPOSTA

Kuntest ġenerali

Wieħed mill-għanijiet ewlenin ta' Orizzont 2020, il-Programm Qafas għar-Riċerka u l-Innovazzjoni li jkopri l-perjodu 2014-2020, huwa li jsaħħaħ l-industrija Ewropea permezz ta' azzjonijiet li jappoġġjaw ir-rieċerka u l-innovazzjoni tul firxa ta' setturi industrijali. Orizzont 2020 jipprovdi, b'mod partikolari, għall-ħolqien ta' sħubijiet pubbliċi-privati li jikkontribwixxu biex jingħelbu ċerti sfidi ewlenin li l-Ewropa qed taffaċċja.

L-industriji b'bażi bijoloġika fl-UE jistgħu jagħtu kontribut sinifikanti għall-għanijiet tal-Istrateġija Ewropa 2020, u l-inizjattivi ewlenin tagħha "L-Unjoni tal-Innovazzjoni", "Ewropa Effiċjenti fl-Użu tar-Riżorsi" u "Politika Industrijali għall-Era tal-Globalizzazzjoni". Dan ġie rikonoxxut f'diversi inizjattivi ta' politika riċenti tal-UE, bħall-Isħubija Ewropea għall-Innovazzjoni għall-Produttività u s-Sostenibbiltà Agrikola[1], l-Istrateġija Intelliġenti għall-Ispeċjalizzazzjoni għall-Istati Membri u r-Reġjuni[2] u l-proposta għas-Seba' Programm ta' Azzjoni Ambjentali. Il-Komunikazzjoni li tiddeskrivi l-Istrateġija Ewropea tal-Bijoekonomija, adottata fit-13 ta' Frar 2012[3], tipproponi l-ħolqien ta' Sħubija Pubblika-Privata (PPP) għall-industriji b'bażi bijoloġika (PPP b'bażi bijoloġika) bħala parti mill-Pjan ta' Azzjoni tagħha. Il-Komunikazzjoni tal-Kummissjoni li tipproponi industrija Ewropea aktar b'saħħitha għat-tkabbir u l-irkupru ekonomiku[4], ittenni l-importanza tat-twaqqif ta' PPP b'bażi bijoloġika fil-forma ta' Inizjattiva Teknoloġika Konġunta (ITK) fil-kuntest tal-politika industrijali tal-UE, li hija konformi wkoll mal-Komunikazzjoni tal-Kummussjoni "Sħubijiet pubbliċi-privati, f'Orizzont 2020: għodda b'saħħitha sabiex twettaq l-innovazzjoni u t-tkabbir fl-Ewropa."[5]

Fi tmiem Novembru 2012, fl-opinjoni tiegħu dwar l-Istrateġija Ewropea tal-Bijoekonomija, il-Kumitat tar-Reġjuni saħaq ukoll fuq ir-rwol importanti ta' prodotti b'bażi bijoloġika u soċjetà b'bażi bijoloġika fl-Ewropa[6]. Fid-dawl tal-kwistjonijiet ta' sostenibbiltà soċjali u ekonomika usa' u l-implikazzjonijiet għall-konsumaturi, il-Kummissjoni bħalissa qed tistudja l-bijofjuwils mill-perspettiva tal-konsumaturi bħala parti minn studju usa' dwar il-funzjonament tas-suq tal-fjuwils[7].

Raġunijiet u għanijiet għal ITK fil-qasam tal-industriji b'bażi bijoloġika

L-industriji b'bażi bijoloġika huma industriji li jużaw riżorsi bijoloġiċi rinnovabbli għall-produzzjoni ta' prodotti b'bażi bijoloġika u bijofjuwils. Il-produzzjoni normalment isseħħ f'bijoraffineriji u ħafna drabi tiddependi fuq proċessi b'bażi bijoloġika. L-industriji b'bażi bijoloġika jwasslu għall-ħolqien ta' katini ta' valur ġodda, li jorbtu l-produtturi primarji li qabel ma kinux relatati (u pereżempju amministraturi tal-iskart ograniku) u l-industriji, u b'hekk jagħtu lok għal opportunitajiet ġodda għal firxa wiesgħa ta' atturi stabbiliti. Għadd dejjem jikber ta' industriji tal-ipproċessar, bħall-kimiċi, il-bijofjuwils, il-polpa u l-karta, iz-zokkor u l-lamtu, u l-fornituri tat-teknoloġija (b'mod partikolari rigward il-bijoteknoloġija industrijali u l-inġinerija) huma interessati parzjalment jew kompletament li jaqilbu għal riżorsi jew prodotti b'bażi bijoloġika rinnovabbli u sostenibbli.

L-enfasi ewlenija ta' din l-ITK se tkun il-bidla ta' partijiet tal-pjanti (eż. l-injam u r-residwi agrikoli u forestrali) u l-iskart bijodegradabbli li mhumiex tajbin għall-ikel fi prodotti b'bażi bijoloġika u bijofjuwils. Il-parti tal-pjanta li mhix tajba għall-ikel, li tissejjaħ ukoll materjal linjoċellulożiku, normalment tkun eteroġenja u tinkludi taħlita ta' tipi differenti ta' bijomolekuli kumplessi (jiġifieri ċ-ċelluloża, l-emiċelluloża u l-lignin). It-teknoloġija meħtieġa għat-trasformazzjoni tal-materjal linjoċellulożiku, u li għadha qed tiġi żviluppata, titqies bħala "aktar avvanżata" meta kkumparata ma' teknoloġiji attwali li jibdlu l-partijiet tal-pjanti li huma tajbin għall-ikel. Għalhekk, il-prodotti u l-proċessi li jirriżulataw jissejħu "avvanzati".

L-industriji b'bażi bijoloġika huma s-sinsla tal-bijoekonomija tal-UE fil-ħolqien tat-tkabbir u l-impjiegi. Għalkemm bħalissa jirrappreżentaw biss 3 % mill-EUR 2 triljun fi dħul annwali u 1 % mit-22 miljun impjieg iġġenerati mill-bijoekonomija Ewropea llum[8], l-industriji b'bażi bijoloġika huma mistennija li jikbru aktar bil-ħeffa u b'mod sostanzjali minn setturi bijoekonomiċi aktar tradizzjonali[9] [10]. Stimi minn sorsi differenti jqsiu li:

· Id-dħul globali potenzjali tal-katina ta' valur tal-bijomassa kollha għall-bijoraffineriji, sal-2020 jista' jaqbeż il-EUR 200 biljun[11];

· Aktarx li s-sehem tal-proċessi b'bażi bijoloġika fil-produzzjoni tal-kimiċi kollha waħidha se jiżdied minn anqas minn 2 % fl-2005 għal 25 % fl-2025[12];

· It-tkabbir tal-volum tal-prodotti kimiċi b'bażi bijoloġika tal-UE sal-2020 (inklużi l-bijoplastika, il-bijolubrikanti, il-bijosolventi, il-bijoaġenti tensjoattivi u l-bażi kimika) huwa stmat għal 5,3 % fis-sena, li jirriżulta f'suq li jiswa EUR 40 biljun u li jipprovdi aktar minn 90 000 impjieg fi ħdan l-industrija tal-bijokimiċi waħidha[13];

· Sal-2020, sa 75 biljun litru ta' bijoetanol jistgħu jiġu prodotti b'mod sostenibbli bi prezz kompetittiv. Dan ikun jirrappreżenta madwar EUR 15 biljun fi dħul addizzjonali għas-settur tal-agrikoltura[14].

Sabiex jitwettaq dan il-potenzjal u biex tkun żgurata l-kompetittività tal-industriji b'bażi bijoloġika tal-Ewropa u l-katini tal-valur tagħhom fis-swieq globali, jeħtieġ li jiġu megħluba għadd ta' ostakli.

· Il-bażi tal-bijomassa jeħtieġ li tinkiseb fl-Ewropa b'mod sostenibbli u mingħajr konsegwenzi negattivi li mhumiex intenzjonati, bħat-telf tal-bijodiversità, it-tibdil indiriett tal-użu tal-art (ILUC) jew l-effetti negattivi għas-sikurezza tal-ikel.

· L-atturi differenti, inklużi l-amministraturi tal-agrikoltura u tal-forestrija u l-amministraturi tal-iskart u tal-industriji jeħtieġ li jwaqqfu kooperazzjonijiet tul katini tal-valur sħaħ, bil-għan li jżidu l-effiċjenza fl-użu tar-riżorsi billi jnaqqsu l-frammentazzjoni u l-iżolament attwali ta' dawn is-setturi.

· Jeħtieġ li jiġu żviluppati proċessi ġodda għas-separazzjoni, it-trattament minn qabel u l-konverżjoni tal-bażi fi prodotti b'bażi bijoloġika u bijofjuwils. Biex tissaħħaħ l-effiċjenza tal-proċessi u sabiex jiġi ottimizzat il-qligħ, se jkun meħtieġ li jiġu avvanzati simultanjament fi sforz tar-riċerka b'saħħtu u b'diversi aspetti, firxa wiesgħa ta' alternattivi teknoloġiċi radikalment differenti (eż. proċessi abbażi ta' enzima kontra proċessi termokimiċi).

· Huwa meħtieġ investiment sinifikanti għat-tisħiħ tat-teknoloġija u l-infrastruttura biex jiġu vvalutati l-merti relattivi ta' alternattivi teknoloġiċi radikalment differenti u biex tiġi identifikata/jiġu identifikati l-aqwa alternattiva/i. Dan ifisser l-aġġornament ta' industriji eżistenti b'bażi bijoloġika (eż. l-imtieħen tal-polpa u tal-karta, il-bijofjuwils, il-lamtu, il-kimiċi, eċċ.) u l-iżvilupp ta' mudelli ta' bijoraffineriji integrati skalabbli u ġodda.

· L-adozzjoni b'suċċess ta' prodotti b'bażi bijoloġika u bijoenerġija/fjuwils tkun teħtieġ l-iżvilupp ta' sistemi ta' standards, tikkettar u ċertifikazzjoni u l-kisba tal-aċċettazzjoni tal-konsumaturi. Il-prezzijiet tal-prodotti għandhom jirriflettu l-esternalitajiet kif xieraq u l-konsumaturi għandhom ikunu kapaċi jagħmlu għażliet tal-prodotti infurmati, eż. abbażi ta' dejta dwar il-benefiċċji ta' dawn il-prodotti fuq iċ-ċiklu tal-ħajja kollu tal-prodott mill-ġenesi sa t-tmiem tiegħu.

Il-katini ta' valur tal-industriji b'bażi bijoloġika (li jinkludu produzzjoni primarja, bijoraffineriji, utenti industrijali sa marki tal-konsumatur) huma kumplessi, u l-istess huma l-isfidi teknoloġiċi u tal-innovazzjoni li jeħtieġ li jiġu megħluba sabiex ikun jista' jiġi sfruttat il-potenzjal ambjentali u soċjoekonomiku tagħhom. Viżjoni strateġika b'saħħitha, aġenda tar-riċerka u l-innovazzjoni definita u strutturata sew u impenn finanzjarju fuq terminu twil biss jistgħu jlaqqgħu flimkien fi programm wieħed il-kompetenzi differenti minn madwar l-Ewropa sabiex isiru l-avvanzi meħtieġa u biex tingħata biżżejjed ċertezza u massa kritika għall-ingranaġġ ta' investimenti privati sinifikanti.

L-għanijiet tal-ITK proposta dwar l-industriji b'bażi bijoloġika huma li:

· tikkontribwixxi għal ekonomija sostenibbli u effiċjenti fl-użu tal-karbonju u aktar effiċjenti fl-użu tar-riżorsi u biex jiżdied it-tkabbir ekonomiku u l-impjiegi, b'mod partikolari f'żoni rurali, permezz tal-iżvilupp ta' industriji b'bażi bijoloġika sostenibbli u kompetittivi fl-Ewropa, ibbażati fuq bijoraffineriji li jiksbu l-bijomassa tagħhom b'mod sostenibbli; u b' mod partikulari li:

· turi teknoloġiji li jippermettu moduli kimiċi ġodda, materjali ġodda, u prodotti ġodda għall-konsumatur minn bijomassa Ewropea u li jissostitwixxu l-ħtieġa għal inputs ibbażati fuq il-fossili;

· tiżviluppa mudelli ta' negozju li jintegraw l-atturi ekonomiċi tul il-katina ta' valur kollha mill-provvista tal-bijomassa għall-bijoraffineriji għall-konsumaturi ta' materjali, kimiċi u fjuwils b'bażi bijoloġika, inkluż permezz tal-ħolqien ta' interkonnessjonijiet transsettorjali ġodda u l-appoġġ għal raggruppamenti transindustrijali; u wkoll

· twaqqaf bijoraffineriji ewlenin li jużaw it-teknoloġiji u l-mudelli ta' negozju għall-materjali, il-kimiċi u l-fjuwils b'bażi bijoloġika u juru l-kost u t-titjib fil-prestazzjoni sa livelli li huma kompetittivi mal-alternattivi b'bażi ta' fossili.

Nibnu fuq l-esperjenza tal-passat

Matul id-deċennji li għaddew, l-UE ffinanzjat firxa wiesgħa ta' proġetti li jikkontribwixxu għall-avvanz tal-industriji b'bażi bijoloġika. Il-Programmi Qafas għar-Riċerka u l-Iżvilupp Teknoloġiku tal-UE (FPs) ikopru kważi 6 % tal-investiment totali għar-R&Ż tal-UE u 15 % tar-R&Ż Ewropew iffinanzjat mill-pubbliku, iffinanzjat b'mod kollaborattiv u transfruntier. Bl-FP7, il-Programm Speċifiku dwar il-"Kooperazzjoni", it-Tema 2 "Ikel, Agrikoltura u Sajd, Bijoteknoloġija" bħalissa qed tiffinanzja 100 proġett fil-qasam tal-bijoteknoloġija b'kontribuzzjoni tal-UE ta' madwar EUR 400 miljun.

Fid-dawl tan-natura multidixxiplinarja tal-bijoraffineriji, fl-2008, id-DĠ RTD organizza Sejħa Konġunta għal bijoraffineriji li jinvolvu erba' Temi tal-Programm ta' "Kooperazzjoni (Tema 2, Tema 5, Tema 4 "Nanoxjenzi, Nanoteknoloġiji, Materjali u Teknoloġiji tal-Produzzjoni Ġodda, u Tema 6 "l-Ambjent"). Tliet proġetti kollaborattivi ewlenin (BIOCORE, EUROBIOREF u SUPRABIO) intgħażlu għall-finanzjament fl-2009 flimkien ma' kontribuzzjoni kkombinata tal-UE ta' madwar EUR 50 miljun.

L-esperjenza tal-aħħar snin tikkonferma li l-Ewropa għandha bażi tar-riċerka b'saħħitha fil-qasam tal-industriji b'bażi bijoloġika b'diversi proġetti ta' bijoraffineriji li rnexxew, fil-livell tal-UE u fil-livelli reġjonali u nazzjonali.

Il-mekkaniżmi ta' finanzjament applikati fil-livell tal-UE u dak reġjonali, b'mod partikolari proġetti ta' bijoraffineriji kbar u integrati u raggruppamenti tal-bijoekonomija reġjonali, huma pass fid-direzzjoni t-tajba, billi japplikaw approċċ ta' katina ta' valur li jkopri r-riċerka, l-attivitajiet ta' turija u ta' mobilizzazzjoni u jinkoraġġixxu l-kollaborazzjoni transfruntiera. Minkejja dan, għadu ma rnexxilhomx jilħqu l-massa kritika suffiċjenti biex tingħeleb il-frammentazzjoni u jinħolqu katini ta' valuri tal-industriji b'bażi bijoloġika integrati fl-Ewropa. Madanakollu, l-impatt ta' dawn il-proġetti saħansitra seta' kien aħjar kieku dawn kienu jiffurmaw parti minn strateġija integrata fit-tul għall-industriji b'bażi bijoloġika u li kieku ngħata aktar appoġġ għall-attivitajiet tat-turija u tal-mobilizzazzjoni.

2.           RIŻULTATI TAL-KONSULTAZZJONIJIET MAL-PARTIJIET INTERESSATI U L-VALUTAZZJONIJIET TAL-IMPATT

Bi tħejjija għal din l-ITK ġew ikkonsulati firxa wiesgħa ta' sorsi:

· Bejn il-21 ta' Settembru u l-14 ta' Diċembru 2012 saret konsultazzjoni pubblika dwar il-PPP b'bażi bijoloġika proposta, li rċeviet 638 tweġiba valida. 64.6 % tat-tweġibiet waslu mis-settur privat, 24.6 % mill-akkademja, 8.8 % mis-settur pubbliku u 2 % waslu mill-NGOs. Waslu tweġibiet minn 19 mis-27 Stat Membru, b'ħafna minnhom jaslu mill-Polonja, segwita mill-Pajjiżi l-Baxxi, mill-Ġermanja, Spanja, Franza, il-Belġju, l-Isvezja, il-Finlandja, l-Italja, l-Awstrija, ir-Renju Unit, ir-Rumanija, ir-Repubblika Ċeka, il-Portugall, id-Danimarka, l-Irlanda, l-Ungerija, il-Greċja u l-Islovakkja. Kważi dawk kollha li wieġbu (94.3 %) talbu għall-intervent tal-UE u 86.9 % qiesu l-PPP bħala l-aktar mekkaniżmu xieraq għall-implimentazzjoni tal-programm tar-R&Ż għall-industriji b'bażi bijoloġika taħt Orizzont 2020, u qiesu li jkollha impatti soċjoekonomiċi pożittivi. Messaġġi ewlenin oħra kienu rigward il-ħtieġa li tissaħħaħ l-innovazzjoni tal-UE, li titjieb il-kompetittività u li jiġu fformulati għanijiet ta' intervent ċari għall-industriji b'bażi bijoloġika. Ir-riżultati mill-konsultazzjoni ġew ippreżentati u diskussi f'avveniment tal-partijiet interessati fid-9 ta' Jannar 2013 fi Brussell, u li attendew għalih 162 persuna. Ir-rapport komplut tal-konsultazzjoni ppubblikat onlajn jifforma parti mill-Valutazzjoni tal-Impatt: huwa ppjanat li jiġi ppubblikat f'verżjoni stampata f'Ġunju 2013.

· Diversi avvenimenti organizzati fi ħdan il-qafas tal-implimentazzjoni tal-Istrateġija tal-Bijoekonomija ippermetta kuntatti regolari mifruxin mal-partijiet interessati matul it-tħejjija tal-Valutazzjoni tal-Impatt. Dan kien jinkludi l-konferenza "Partnering for the Bioeconomy in European Regions" tat-12 ta' Ottubru 2012, koorganizzata minn DĠ RTD u l-Kumitat tar-Reġjuni. Matul il-konferenza, ġiet ipprovduta l-informazzjoni dwar il-PPP potenzjali b'bażi bijoloġika u eżempji tal-attivitajiet reġjonali enfasizzaw il-benefiċċji possibbli tal-isħubijiet tal-bijoekonomija. DĠ REGIO speċifikament informa lill-parteċipanti tal-konferenza rigward l-Istrateġija dwar l-Ispeċjalizzazzjoni Intelliġenti, minħabba li tifforma parti mill-politika dwar l-iżvilupp rurali tal-UE. DĠ REGIO ppropona li, fejn xieraq, l-investimenti jiġu ffukati fuq il-bijoekonomija.

· Ġew ikkonsultati diversi studji mwettqa b'konnessjoni mal-bijoekonomija, il-prodotti b'bażi bijoloġika u l-bijofjuwils.

· Grupp ta' għaxar analisti esterni b'għarfien espert rilevanti għall-partijiet differenti tal-katina ta' valur tal-industriji b'bażi bijoloġika ġew mistiedna biex jgħinu lil DĠ RTD fil-ġbir u l-analiżi tad-dejta hawn fuq u t-tħejjija tal-Valutazzjoni tal-Impatt.

Valutazzjoni tal-Impatt

Ir-Regolament propost huwa appoġġjat minn Valutazzjoni tal-Impatt tal-Kummissjoni, li qed takkumpanja l-proposta.

3.           ELEMENTI LEGALI TAL-PROPOSTA

Sommarju tal-azzjoni proposta

Il-proposta tikkonċerna t-twaqqif ta' Impriża Konġunta tal-Industriji b'bażi bijoloġika (IK BBI) skont l-Artikolu 187 tat-Trattat dwar il-Funzjonament tal-Unjoni Ewropea (TFUE) għall-implimentazzjoni tal-Inizjattiva Teknoloġika Konġunta dwar l-Industriji b'bażi bijoloġika (ITK BBI).

L-IK BBI għandha tiġi stabbilita għal perjodu li jintemm fil-31 ta' Diċembru 2024. Se jkollha s-sede tagħha fi Brussell, il-Belġju.

Se titwaqqaf mill-UE, se tkun irrappreżentata mill-Kummissjoni Ewropea, u l-Konsorzju għall-Industriji b'bażi bijoloġika (BIC). L-attivitajiet tal-IK BBI se jiġu ffinanzjati b'mod konġunt mill-fundaturi tagħha. Il-Komunità Ewropea u l-BIC se jikkontribwixxu f'ammonti ugwali għall-kostijiet operattivi tal-IK BBI. L-attivitajiet ta' riċerka u turija se jkunu ffinanzjati permezz ta' kontribuzzjonijiet mill-kumpaniji membri tal-BIC b'riżorsi monetarji jew mhux monetarji (persunal, tagħmir, oġġetti konsumibbli, eċċ) u riżorsi monetarji mill-UE. Il-livell ta' riżorsi tal-UE se jvarja, f'konformità mar-regoli tal-Orizzont 2020, jiddependi fuq it-tip ta' attività kkunsidrata.

L-IK BBI se tkun miftuħa għal membri ġodda, sakemm dawn jikkontribwixxu permezz ta' fondi sabiex jintlaħqu l-għanijiet tagħha.

Il-Kummissjoni se tkun irrappreżentata fil-Bord ta' Tmexxija bi drittijiet u voti bħala l-membri tal-BIC industrijali.

Bażi legali

Il-bażi legali tal-proposta huwa l-Artikolu 187 tat-TFUE.

Ir-Regoli għall-Parteċipazzjoni u d-Disseminazzjoni ta' Orizzont 2020 se japplikaw. Madanakollu, minħabba l-ħtieġa operattiva ta' din l-inizjattiva, hija meħtieġa deroga minn dawn ir-Regoli. Minkejja dan, f'dan l-istadju, id-deroga speċifika mhix inkluża fil-proposta preżenti, sabiex id-diskussjonijiet interistituzzjonali rigward il-bażi legali/il-modalitajiet proċedurali xierqa għall-adozzjoni tagħhom, li għadhom pendenti fil-kuntest tal-ħidmiet leġiżlattivi rigward il-proposta tal-Kummissjoni għal Regolament tal-Parlament Ewropew u tal-Kunsill li jistabbilixxi r-regoli għall-parteċipazzjoni u d-disseminazzjoni f'Orizzont 2020 (COM(2011) 0810 – 2011/0399 (COD)) ma jkunux ippreġudikati. Id-deroga speċifika se tiġi introdotta fi stadju aktar tard fid-dawl tal-eżitu tad-diskussjonijiet imsemmija hawn fuq.

Id-deroga se tippermetti l-limitu għall-azzjonijiet, ħlief azzjonijiet ta' innovazzjoni, l-eliġibilità għall-finanzjament lil entitajiet bħall-SMEs jew l-istabbilimenti tal-edukazzjoni sekondarja jew tal-edukazzjoni ogħla filwaqt li fl-istess ħin tikseb il-livell ottimu ta' effett ta' ingranaġġ fl-investiment privat.

Sussidjarjetà u proporzjonalità

Il-proposta tikkonċerna qasam li ma jaqax taħt il-kompetenza esklussiva tal-UE, u minħabba f'hekk japplika l-prinċipju tas-sussidjarjetà.

L-għanijiet tal-politika abbażi ta' din il-proposta jistgħu jintlaħqu biss permezz ta' azzjoni tal-UE u dan għar-raġunijiet ewlenin li ġejjin:

(1) In-natura transnazzjonali u kumplessa ta' din l-isfida ta' riċerka u innovazzjoni ġdida identifikata, li teħtieġ il-ġbir ta' għarfien kumplimentari u riżorsi finanzjarji tul is-setturi u l-fruntieri. Din il-problema ma tistax tissolva minn l-ebda Stat Membru, impriża jew parti interessata waħdu jew waħedha.

(2) L-isforz ta' koordinazzjoni u r-riżorsi meħtieġa tant huma ta' skala kbira li jistgħu jiġu implimentati b'mod kredibbli fuq livell Ewropew biss.

(3) Minħabba inizjattivi simili u kompetittivi għaddejjin jew li qed jitniedu f'ekonomiji oħra ewlenin (l-Istati Uniti, il-Brażil, iċ-Ċina, il-Kanada) azzjoni fuq skala kbira biss implimentata fil-livell Ewropew hija attraenti biżżejjed biex l-industriji jinvestu fl-Ewropa.

Skont il-prinċipju tal-proporzjonalità, id-dispożizzjonijiet ta’ dan ir-Regolament ma jmorrux lil hinn minn dak li huwa neċessarju għall-kisba tal-għanijiet tiegħu.

Għażla tal-istrument

Ir-Regolament propost se jagħti spinta sinifikanti lill-investiment pubbliku u privat fl-attivitajiet tar-riċerka u l-innovazzjoni li għandhom l-għan li jtejbu l-kompetittività tal-industriji b'bażi bijoloġika Ewropej u joħolqu l-impjiegi, b'mod partikolari f'żoni rurali. L-IK BBI tista' ssaħħaħ ir-riżorsi privati permezz ta' fondi tal-UE f'livell li ma jistax jinkiseb permezz ta' strumenti tradizzjonali, li jonqoshom l-approċċ strateġiku fit-tul rigward il-programmar u l-finanzjament. Matul l-operazzjoni tal-Impriża Konġunta, kull EUR 1 ta' fondi tal-UE se jingrana EUR 2.8 ta' fondi privati.

4.           IMPLIKAZZJONI BAĠITARJA

Il-baġit totali tal-IK BBI se jkun ta' EUR 2 000 miljun (inkluż fi flus u kontribuzzjonijiet materjali). Barra minn hekk, l-industrija impenjat ruħha li tinvesti EUR 1 800 miljun fit-twaqqif ta' impjanti ewlenin u ta' turija kbar li jikkontribwixxu għall-għanijiet ta' din l-ITK.

Il-kontribuzzjoni massima mill-Unjoni Ewropea (inkluż l-EFTA) se tkun ta' EUR 1 000 miljun[15], imħallsa mill-baġit ta' Orizzont 2020.

Il-kostijiet operattivi tal-IK BBI se jkunu koperti f'partijiet bejn wieħed u ieħor indaqs mill-UE u l-BIC mill-bidu nett. Il-kostijiet amministrattivi ma għandhomx jaqbżu s-EUR 60 miljun għat-tul tal-IK.

L-attivitajiet ta' riċerka u turija implimentati mill-IK BBI u eliġibbli għall-kofinanzjament taħt Orizzont 2020 se jkunu ffinanzjati b'mod konġunt mill-UE u l-BIC.

5.           ELEMENTI FAKULTATTIVI

Analiżi

L-UE se tippreżenta rapport annwali dwar il-progress li sar mill-IK BBI u sal-31 ta' Diċembru 2017 se tkun wettqet analiżi ta' nofs it-terminu. Ir-rilaxx tal-implimentazzjoni tal-kontribuzzjoni tal-UE għandu jkun parti mir-rilaxx mogħti mill-Parlament Ewropew, fuq rakkomandazzjoni tal-Kunsill lill-Kummissjoni skont il-proċedura stipulata fl-Artikolu 319 tat-TFUE.

2013/0241 (NLE)

Proposta għal

REGOLAMENT TAL-KUNSILL

dwar l-Impriża Konġunta tal-Industriji b'bażi bijoloġika

(Test b'rilevanza għaż-ŻEE)

IL-KUNSILL TAL-UNJONI EWROPEA

Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 187 u l-ewwel paragrafu tal-Artikolu 188 tiegħu,

Wara li kkunsidra l-proposta mill-Kummissjoni Ewropea,

Wara li kkunsidra l-opinjoni tal-Parlament Ewropew[16],

Wara li kkunsidra l-opinjoni tal-Kumitat Ekonomiku u Soċjali[17],

Billi:

(1)       Inizjalment sar provvediment għal sħubijiet pubbliċi-privati fil-forma ta’ Inizjattivi Teknoloġiċi Konġunti fid-Deċiżjoni Nru 1982/2006/KE tal-Parlament Ewropew u tal-Kunsill tat-18 ta’ Diċembru 2006 dwar is-Seba’ Programm Kwadru tal-Komunità Ewropea għall-attivitajiet ta’ riċerka, ta' żvilupp teknoloġiku u ta' dimostrazzjoni (2007-2013)[18].

(2)       Id-Deċiżjoni tal-Kunsill Nru 2006/971/KE tad-19 ta’ Diċembru 2006 dwar il-Programm Speċifiku Kooperazzjoni li jimplimenta s-Seba’ Programm Kwadru tal-Komunità Ewropea għall-attivitajiet ta’ riċerka, żvilupp teknoloġiku u dimostrazzjoni (2007-2013)[19] identifikat sħubijiet pubbliċi-privati li għandhom ikunu appoġġjati.

(3)       Ir-Regolament (UE) Nru …/2013 tal-Parlament Ewropew u tal-Kunsill tal- … 2013 li jistabbilixxi Orizzont 2020 – Il-Programm Qafas għar-Riċerka u l-Innovazzjoni (2014-2020)[20] għandu l-għan li jkollu impatt ikbar fuq ir-riċerka u l-innovazzjoni billi jikkombina l-Programm Qafas Orizzont 2020 u fondi tas-settur privat fi sħubijiet pubbliċi-privati f’oqsma ewlenin fejn ir-riċerka u l-innovazzjoni jistgħu jikkontribwixxu għall-għanijiet usa’ fil-kompetittività tal-Unjoni u jgħinu biex jingħelbu sfidi soċjetali. L-involviment tal-UE f’dawn is-sħubijiet jista’ jieħu l-forma ta’ kontribuzzjonijiet finanzjarji għal intrapriżi konġunti stabbiliti abbażi tal-Artikolu 187 tat-Trattat taħt id-Deċiżjoni Nru 1982/2006/KE.

(4)       Skont id-Deċiżjoni (UE) Nru …/2013 tal-Kunsill ta’ … 2013 li tistabbilixxi l-Programm Speċifiku li jimplimenta Orizzont 2020 (2014-2020)[21] għandu jingħata iktar appoġġ lill-impriżi konġunti kif stabbilit fil-Programm Qafas Orizzont 2020 taħt il-kundizzjonijiet speċifikati f'dik id-Deċiżjoni.

(5)       L-Istrateġija Ewropa 2020[22] tisħaq fuq il-ħtieġa li jiġu żviluppati kundizzjonijiet favorevoli għall-investiment fl-għarfien u l-innovazzjoni biex fl-Unjoni jinkiseb tkabbir intelliġenti, sostenibbli u inklussiv. Kemm il-Parlament Ewropew kif ukoll il-Kunsill approvaw din l-istrateġija.

(6)       Il-Konsorzju tal-Industriji b'bażi bijoloġika (minn issa 'l quddiem il-"BIC") żviluppa vision paper u Aġenda Strateġika għall-Innovazzjoni u r-Riċerka abbażi ta' konsultazzjoni estensiva mal-partijiet interessati pubbliċi u privati. L-Aġenda Strateġika għall-Innovazzjoni u r-Riċerka tiddeskrivi l-isfidi teknoloġiċi u tal-innovazzjoni ewlenin li jeħtieġ li jiġu megħluba sabiex jiġu żviluppati industriji b'bażi bijoloġika sostenibbli u kompetittivi fl-Ewropa u tidentifika attivitajiet ta' riċerka, turija u mobilizzazzjoni li għandhom jitwettqu minn Inizjattiva Teknoloġika Konġunta dwar l-"Industriji b'bażi bijoloġika".

(7)       Il-BIC hija organizzazzjoni bla skop ta' qligħ li twaqqfet biex tirrappreżenta l-grupp indurstrijali li jappoġġja l-Inizjattiva Teknoloġika Konġunta dwar l-Industriji b'bażi bijoloġika. Il-membri tagħha jkopru l-katina ta' valur b'bażi bijoloġika kollha u jikkonsistu minn industriji kbar, intrapriżi żgħar u ta' daqs medju (SMEs), raggruppamenti reġjonali, assoċċjazzjonijiet Ewropej tal-kummerċ, u Pjattaformi Ewropej Teknoloġiċi. L-għan tal-BIC huwa li jiżgura u jippromwovi l-iżvilupp teknoloġiku u ekonomiku tal-industriji b'bażi bijoloġika fl-Ewropa. Kwalunkwe parti interessata tul il-katina ta' valur b'bażi bijoloġika tista' tapplika għas-sħubija. Il-BIC japplika l-prinċipji ġenerali ta' ftuħ u trasparenza għal sħubija li tiżgura involviment industrijali wiesa'.

(8)       Il-Komunikazzjoni tal-Kummissjoni tat-13 ta' Frar 2012 "Ninnovaw għal Tkabbir Sostenibbli: Bijoekonomija għall-Ewropa"[23], u b'mod partikolari l-Pjan ta' Azzjoni tagħha, jitlob sħubija pubblika-privata biex tappoġġja t-twaqqif ta' industriji u katini ta' valur b'bażi bijoloġika sostenibbli u kompetittivi fl-Ewropa. Bil-ħsieb li nimxu lejn soċjetà fejn nifirxu lil hinn mill-użu taż-żejt, il-Komunikazzjoni għandha l-għan li tintegra aħjar is-setturi tal-produzzjoni u l-ipproċessar tal-bijomassa sabiex tirrikonċilja s-sikurezza tal-ikel u l-iskarsezza tar-riżorsi naturali u l-għanijiet ambjentali bil-użu ta' bijomassa għal għanijiet industrijali u tal-enerġija.

(9)       Il-Komunikazzjoni tal-Kummissjoni tal-10 ta' Ottubru 2012 "Industrija Ewropea aktar b'saħħitha għat-Tkabbir u l-Irkupru Ekonomiku"[24] tikkonferma l-importanza strateġika tal-industriji b'bażi bijoloġika għall-kompetittività futura tal-Ewropa, kif identifikat fil-Komunikazzjoni tal-Kummissjoni tal-21 ta' Diċembru 2007 "Inizjattiva tas-Suq Ewlieni għall-Ewropa"[25] u tisħaq fuq il-ħtieġa għal Inizjattiva Teknoloġika Konġunta dwar l-"Industriji b'bażi bijoloġika".

(10)     L-industriji b'bażi bijoloġika u l-katini ta' valur tagħhom qed jaffaċċjaw sfidi teknoloġiċi u tal-innovazzjoni sostanzjali u kumplessi. Bħala settur ġdid, l-industriji b'bażi bijoloġika se jkollhom jegħlbu t-tixrid tal-kompetenzi tekniċi u d-dejta limitata disponibbli pubblikament dwar id-disponibbiltà tar-riżorsi reali sabiex jibnu katini ta' valur kompetittivi u sostenibbli. Sabiex dawn l-isfidi jisfaw megħluba, fil-livell Ewropew trid tinkiseb massa kritika b'mod iffukat u koerenti, f'termini ta' daqs tal-attività, eċċellenza u potenzjal għall-innovazzjoni.

(11)     L-Inizjattiva Teknoloġika Konġunta dwar l-industriji b'bażi bijoloġika għandha tnaqqas it-tipi differenti ta' fallimenti tas-suq li jiskoraġġixxu l-investiment privat f'attivitajiet ta' riċerka, turija u mobilizzazzjoni prekompetittivi għall-industriji b'bażi bijoloġika fl-Ewropa. B'mod partikolari għandha taċċerta d-disponibbiltà ta' bijomassa affidabbli, filwaqt li tqis domandi soċjali u ambjentali kompetittivi oħrajn, u tappoġġja l-iżvilupp ta' teknoloġiji tal-ipproċessar avvanzati, attivitajiet ta' turija u strumenti ta' politika fuq skala kbira, u b'hekk tnaqqas ir-riskju għall-investiment privat tar-riċerka u l-innovazzjoni fl-iżvilupp ta' prodotti b'bażi bijoloġika u bijofjuwils sostenibbli u kompetittivi.

(12)     L-Inizjattiva Teknoloġika Konġunta dwar l-industriji b'bażi bijoloġika għandha tkun sħubija pubblika-privata li timmira lejn l-investiment dejjem jiżdied fl-iżvilupp ta' settur sostenibbli tal-industriji b'bażi bijoloġika fl-Ewropa. Għandha tipprovdi benefiċċji ambjentali u soċjoekonomiċi għaċ-ċittadini Ewropej, iżżid il-kompetittività fl-Ewropa u tikkontribwixxi għat-twaqqif tal-Ewropa bħala attur ewlieni fir-riċerka, it-turija u l-mobilizzazzjoni ta' prodotti b'bażi bijoloġika u bijofjuwils.

(13)     L-għan tal-Inizjattiva Teknoloġika Konġunta dwar l-industriji b'bażi bijoloġika huwa li timplimenta programm ta' attivitajiet ta' riċerka u innovazzjoni fl-Ewropa li jivvaluta d-disponibbiltà ta' riżorsi bijoloġiċi rinnovabbli li jistgħu jintużaw għall-produzzjoni ta' materjali b'bażi bijoloġika u abbażi ta' dak jappoġġjaw it-twaqqif ta' katini ta' valur b'bażi bijoloġika sostenibbli.. Dawn l-attivitajiet għandhom jitwettqu b'kollaborazzjoni bejn il-partijiet interessati tul il-katini ta' valur b'bażi bijoloġika kollha, inkluż l-industriji tal-produzzjoni u tal-ipproċessar ewlenin, il-marki tal-konsumaturi, l-SMEs, iċ-ċentri u l-universitajiet teknoloġiċi u ta' riċerka.

(14)     L-ambizzjoni u l-ambitu tal-għanijet tal-Inizjattiva Teknoloġika Konġunta dwar l-Industriji b'bażi bijoloġika, id-daqs tar-riżorsi finanzjarji u tekniċi li jeħtieġ li jiġu mmobilizzati, u l-ħtieġa li tinkiseb koordinazzjoni u sinerġija effettiva tar-riżorsi u l-finanzjament, jeħtieġ l-involviment tal-Unjoni. Għalhekk Impriża Konġunta għall-implimentazzjoni tal-Inizjattiva Teknoloġika Konġunta dwar l-Industriji b'bażi bijoloġika (minn hawn 'il quddiem "l-IK BBI") għandha titwaqqaf bħala entità legali.

(15)     L-għan tal-Impriża Konġunta BBI għandu jinkiseb permezz ta' appoġġ għall-attivitajiet ta' riċerka bl-użu ta' riżorsi mis-setturi pubbliċi u dawk privati. Għal dan il-għan, l-Impriża Konġunta BBI għandha torganizza sejħiet għal proposti għall-appoġġ għall-attivitajiet ta' riċerka, turija u mobilizzazzjoni.

(16)     Sabiex tikseb l-impatt massimu, l-Impriża Konġunta tal-Industriji b'bażi bijoloġika għandha tiżviluppa sinerġiji mill-qrib ma' programmi oħrajn tal-Unjoni f'oqsma bħall-edukazzjoni, l-ambjent, il-kompetittività u l-SMEs, u mal-fondi tal-Politika ta’ Koeżjoni u tal-Politika dwar l-Iżvilupp Rurali, li jistgħu jgħinu speċifikament fit-tisħiħ tal-kapaċitajiet nazzjonali u reġjonali tar-riċerka u l-innovazzjoni fil-kuntest ta’ strateġiji intelliġenti ta’ speċjalizzazzjoni.

(17)     Il-membri fundaturi tal-Impriża Konġunta BBI għandhom ikunu l-Unjoni u l-BIC.

(18)     Ir-regoli għall-organizzazzjoni u t-tħaddim tal-Impriża Konġunta BBI għandhom jiġu stipulati fl-Istatuti tal-Impriża Konġunta BBI bħala parti minn dan ir-Regolament.

(19)     Il-BIC esprima bil-miktub l-approvazzjoni tiegħu biex isegwi l-attivitajiet ta' riċerka fil-qasam tal-Impriża Konġinta BBI fi ħdan l-istruttura adattata sew għan-natura ta' sħubija pubblika-privata. Huwa xieraq li l-BIC jaderixxi għall-Istatuti stabbiliti fl-Anness ta' dan ir-Regolament billi jiffirma l-ittra ta' konferma.

(20)     Biex tilħaq l-għanijiet tagħha, l-Impriża Konġunta BBI għandha tipprovdi appoġġ finanzjarju prinċipalment f’forma ta’ għotjiet lill-parteċipanti wara sejħiet miftuħa u kompetittivi għall-proposti.

(21)     Il-kontribuzzjonijiet mill-Membri privati ma għandhomx ikunu marbuta biss mal-kostijiet amministrattivi tal-Impriża Konġunta BBI u mal-kofinanzjament meħtieġ biex jitwettqu azzjonijiet ta’ riċerka u ta' innovazzjoni appoġġjati mill-Impriża Konġunta BBI.

(22)     Il-kontribuzzjonijiet tagħhom għandhom ikunu relatati wkoll ma' attivitajiet addizzjonali li għandhom jitwettqu mill-Membri privati, kif speċifikat fi pjan tal-attivitajiet addizzjonali; u sabiex ikollhom opinjoni xierqa tal-effett ta' ingranaġġ, dawk l-attivitajiet addizzjonali jridu jirrappreżentaw il-kontribuzzjonijiet lill-Inizjattiva Teknoloġika Konġunta usa' dwar l-Industriji b'bażi bijoloġika.

(23)     Il-parteċipazzjoni f’azzjonijiet indiretti ffinanzjati mill-Impriża Konġunta BBI għandha tkun konformi mar-Regolament (UE) Nru … /2013 tal-Parlament Ewropew u tal-Kunsill ta’ … 2013 li jistabbilixxi r-regoli għall-parteċipazzjoni u d-disseminazzjoni f’"Orizzont 2020 – il-Programm Qafas għar-Riċerka u l-Innovazzjoni (2014-2020)"[26].

(24)     Il-kontribuzzjoni finanzjarja tal-Unjoni għall-Impriża Konġunta BBI għandha titmexxa skont il-prinċipju ta’ ġestjoni finanzjarja tajba u bir-regoli rilevanti dwar ġestjoni indiretta stabbiliti fir-Regolament (UE, Euratom) Nru 966/2012 u r-Regolament delegat mill-Kummissjoni (UE) Nru 1268/2012 tad-29 ta’ Ottubru 2012 dwar ir-regoli tal-applikazzjoni tar-Regolament (UE, Euratom) Nru 966/2012[27].

(25)     Il-verifiki tal-benefiċjarji tal-fondi tal-UE skont dan ir-Regolament għandhom isiru b’tali mod li l-piż amministrattiv jitnaqqas, f'konformità mar-Regolament (UE) Nru […]/2013 [il-Programm Qafas Orizzont 2020].

(26)     L-interessi finanzjarji tal-Unjoni u tal-membri l-oħra tal-Impriża Konġunta BBI għandhom ikunu mħarsa permezz ta’ miżuri proporzjonati matul iċ-ċiklu tan-nefqa, inkluż il-prevenzjoni, l-individwazzjoni u l-investigazzjoni ta’ irregolaritajiet, l-irkuprar ta’ fondi mitlufa, imħallsa ħażin jew użati ħażin, u fejn huwa meħtieġ, penali amministrattivi u finanzjarji xierqa skont ir-Regolament (UE, Euratom) Nru 966/2012.

(27)     L-awditur intern tal-Kummissjoni għandu jeżerċita l-istess setgħat fuq l-Impriża Konġunta BBI bħal dawk eżerċitati fir-rigward tal-Kummissjoni.

(28)     Skont l-Artikolu 287(1) tat-Trattat, l-istrument kostitwenti ta' korpi, uffiċċji jew aġenziji mwaqqfa mill-Unjoni jista’ jipprekludi l-eżami tal-kontijiet tad-dħul u l-ispiża kollha ta’ dawk il-korpi, l-uffiċċji jew l-aġenziji mill-Qorti tal-Awdituri. Skont l-Artikolu 60(5) tar-Regolament (UE, Euratom) Nru 966/2012, il-kontijiet tal-korpi taħt l-Artikolu 209 tar-Regolament (UE, Euratom) Nru 966/2012 għandhom jiġu eżaminati minn korp ta’ verifika indipendenti li inter alia għandu jagħti opinjoni dwar il-kredibilità tal-kontijiet u l-legalità u r-regolarità tat-tranżazzjonijiet sottostanti. L-evitar tad-duplikazzjoni tal-eżami tal-kontijiet jiġġustifika li l-kontijiet tal-Impriża Konġunta BBI ma għandhomx ikunu soġġetti għal eżami mill-Qorti tal-Awdituri.

(29)     Sabiex tiffaċilita t-twaqqif tagħha, il-Kummissjoni għandha tkun responsabbli mit-twaqqif u t-tħaddim inizjali tal-Impriża Konġunta BBI sakemm ikollha l-kapaċità operattiva biex timplimenta l-baġit tagħha.

(30)     Skont il-prinċipji tas-sussidjarjetà u l-proporzjonalità kif stabbiliti fl-Artikolu 5 tat-Trattat dwar il-Funzjonament tal-Unjoni Ewropea, l-għanijiet tal-Impriża Konġunta BBI fit-tisħiħ tar-riċerka industrijali u l-innovazzjoni madwar l-Unjoni ma jistgħux jinkisbu b'mod suffiċjenti mill-Istati Membri u għalhekk biex tiġi evitata d-duplikazzjoni, jistgħu jżommu l-massa kritika u jiżguraw li l-finanzjament pubbliku jintuża bl-aqwa mod, u jinkiseb aħjar mill-Unjoni. Dan ir-Regolament jillimita lilu nnifsu għall-minimu mitlub biex jintlaħqu dawk l-għanijiet u ma jmurx lil hinn minn dak li huwa meħtieġ għal dak il-għan,

ADOTTA DAN IR-REGOLAMENT:

Artikolu 1

Stabbiliment

1.           Għall-implimentazzjoni tal-Inizjattiva Teknoloġika Konġunta dwar il-Industriji b'bażi bijoloġika, impriża konġunta fis-sens tal-Artikolu 187 tat-Trattat (minn issa ’l quddiem ''l-Impriża Konġunta BBI''), tiġi stabbilita għal perjodu mill-1 ta’ Jannar 2014 sal-31 ta’ Diċembru 2024.

2.           L-Impriża Konġunta BBI għandha tikkostitwixxi korp responsabbli bl-implimentazzjoni ta’ sħubija pubblika-privata li hemm referenza għaliha fl-Artikolu 209 tar-Regolament (UE, Euratom) Nru 966/2012 tal-Parlament Ewropew u tal-Kunsill[28].

3.           L-Impriża Konġunta BBI għandu jkollha personalità ġuridika. F'kull wieħed mill-Istati Membri, għandha tgawdi mill-aktar kapaċità legali estensiva mogħtija lill-persuni ġuridiċi skont il-liġijiet ta' dawk l-Istati Membri. Tista', b' mod partikolari, takkwista jew tiddisponi minn proprjetà mobbli u immobbli, u tista' tkun parti fi proċeduri legali.

4.           Is-sede tal-Impriża Konġunta BBI għandha tkun fi Brussell, il-Belġju.

5.           L-Istatuti tal-Impriża Konġunta BBI huma stabbiliti fl-Anness.

Artikolu 2

Għanijiet

L-Impriża Konġunta BBI għandu jkollha l-għanijiet li ġejjin:

(a) li tikkontribwixxi għall-implimentazzjoni tar-Regolament (UE) Nru .../2013 tal-Parlament Ewropew u tal-Kunsill tal-... 2013 li jistabbilixxu l-Programm Qafas Orizzont 2020 u b'mod partikolari parti ... mid-Deċiżjoni Nru ... /2013 tal-UE tal-Kunsill ta' ... 2013 li tistabbilixxi l-Programm Speċifiku Orizzont 2020.

(b) tikkontribwixxi għall-għanijiet tal-Inizzjattiva Teknoloġika Konġunta għall-Industriji b'bażi bijoloġika għal ekonomija aktar sostenibbli u effiċjenti fl-użu tal-karbonju u żżid it-tkabbir ekonomiku u l-impjiegi, b'mod partikolari f'żoni rurali, permezz tal-iżvilupp ta' industriji b'bażi bijoloġika sostenibbli u kompetittivi fl-Ewropa, ibbażati fuq bijoraffineriji li jiksbu l-bijomassa tagħhom b'mod sostenibbli; u b'mod partikulari biex:

(c) turi teknoloġiji li jippermettu moduli kimiċi ġidda, materjali ġodda, u prodotti ġodda għall-konsumatur minn bijomassa Ewropea u li jissostitwixxu l-ħtieġa għal inputs b'bażi ta' fossili;

(d) tiżviluppa mudelli ta' negozju li jintegraw l-atturi ekonomiċi tul il-katina ta' valur kollha mill-provvista tal-bijomassa għall-bijoraffineriji għall-konsumaturi ta' materjali, kimiċi u fjuwils b'bażi bijoloġika, inkluż permezz tal-ħolqien ta' interkonnessjonijiet transsettorjali ġodda u l-appoġġ għal raggruppamenti transindustrijali; kif ukoll

(e) twaqqaf bijoraffineriji ewlenin li jużaw it-teknoloġiji u l-mudelli ta' negozju għall-materjali, il-kimiċi u l-fjuwils b'bażi bijoloġika u juru l-kost u t-titjib fil-prestazzjoni sa livelli li huma kompetittivi mal-alternattivi b'bażi ta' fossili.

Artikolu 3

Il-kontribuzzjoni finanzjarja tal-Unjoni

1.           Il-kontribuzzjoni massima tal-Unjoni, inkluż l-approprjazzjonijiet tal-EFTA għall-Impriża Konġunta BBI biex tkopri l-kostijiet u l-kostijiet operattivi għandha tkun EUR 1 000 miljun. Il-kontribuzzjoni għandha titħallas mill-approprjazzjonijiet rilevanti fil-baġit ġenerali tal-Unjoni allokat lill-Programm Speċifiku Orizzont 2020 li jimplimenta l-Programm Qafas Orizzont 2020 skont l-Artikolu 58(1)(c)(iv) u l-Artikoli 60 u 61 tar-Regolament (UE, Euratom) Nru 966/2012 għall-korpi msemmija fl-Artikolu 209 ta’ dak ir-Regolament.

2.           L-arranġamenti għall-kontribuzzjoni finanzjarja tal-Unjoni għandhom ikunu stabbiliti fi ftehim ta’ delegazzjoni u ftehimiet ta’ trasferiment annwali ta’ fondi li għandhom jiġu konklużi bejn il-Kummissjoni, f’isem l-Unjoni, u l-Impriża Konġunta BBI.

3.           Il-ftehim ta’ delegazzjoni msemmi fil-paragrafu 2 għandu jindirizza l-elementi stabbiliti fl-Artikolu 58(3) u l-Artikoli 60 u 61 tar-Regolament (UE, Euratom) Nru 966/2012 u fl-Artikolu 40 tar-Regolament delegat tal-Kummissjoni (UE) Nru 1268/2012 kif ukoll, fost l-oħrajn, dawn li ġejjin:

(a)     ir-rekwiżiti għall-kontribuzzjoni tal-Impriża Konġunta BBI rigward indikaturi tal-prestazzjoni rilevanti li hemm referenza għalihom fl-Anness II tad-Deċiżjoni (UE) Nru … [il-Programm Speċifiku li jimplimenta l-Programm Qafas Orizzont 2020];

(b)     ir-rekwiżiti għall-kontribuzzjoni tal-Impriża Konġunta BBI fid-dawl tal-monitoraġġ msemmi fl-Anness III tad-Deċiżjoni (UE) Nru … [il-Programm Speċifiku li jimplimenta l-Programm Qafas Orizzont 2020];

(c)     l-indikaturi tal-prestazzjoni speċifiċi relatati mal-funzjonament tal-Impriża Konġunta BBI;

(d)     l-arranġamenti rigward l-għoti tad-dejta neċessarja biex ikun żgurat li l-Kummissjoni tkun kapaċi taqdi l-obbligi tagħha ta’ disseminazzjoni u rappurtaġġ;

(e)     l-użu ta’ riżorsi umani u l-bidliet fihom, b’mod partikolari r-reklutaġġ bil-grupp, il-grad u l-kategorija ta' funzjoni, l-eżerċizzju ta’ klassifikazzjoni mill-ġdid u kwalunkwe bidla għan-numru ta’ membri tal-persunal.

Artikolu 4

Kontribuzzjonijiet tal-Membri minbarra l-Unjoni

1.           Il-Membri tal-Impriża Konġunta BBI minbarra l-Unjoni għandhom iġiegħlu jew jiftiehmu biex l-entitajiet kostitwenti u/jew affiljati tagħhom jagħmlu kontribuzzjoni totali ta’ mill-inqas EUR 2 800 miljun fuq perjodu definit fl-Artikolu 1.

2.           Il-kontribuzzjoni msemmija fil-paragrafu 1 għandha tikkonsisti minn dan li ġej:

(a) il-kontribuzzjonijiet għall-Impriża Konġunta BBI kif stabbilit fil-Klawżola 12(2), il-Klawżola 12(3)(b) u l-Klawżola 12(3)(c) tal-Istatuti inklużi fl-Anness.

(b) kontribuzzjonijiet mhux finanzjarji ta' mill-anqas EUR 1 800 miljun matul il-perjodu definit fl-Artikolu 1 mill-Membri minbarra l-Unjoni jew l-entitajiet kostitwenti tagħhom li jikkonsistu mill-kostijiet li huma ġarrbu fl-implimentazzjoni ta' attivitajiet addizzjonali minbarra l-pjan ta' ħidma tal-Inizjattiva Teknoloġika Konġunta BBI li tikkontribwixxi għall-għanijiet tal-Inizjattiva Teknoloġika Konġunta BBI. Programmi ta' finanzjament tal-Unjoni oħra jistgħu jappoġġjaw dawk il-kostijiet f'konformità mar-regoli u l-proċeduri applikabbli. F'tali każijiet, il-finanzjament tal-Unjoni ma għandux ikun sostitut għall-kontribuzzjonijiet mhux finanzjarji għall-Membri minbarra l-Unjoni jew l-entitajiet kostitwenti tagħhom.

Dawk il-kostijiet msemmija fil-punt (b) ma għandhomx ikunu eleġibbli għall-appoġġ finanzjarju mill-Impriża Konġunta BBI. L-attivitajiet korrispondenti għandhom ikunu stabbiliti fi pjan ta' attivitajiet addizzjonali annwali li għandu jindika l-valur stmat ta' dawk il-kontribuzzjonijiet.

3.           Il-Membri tal-Impriża Konġunta BBI minbarra l-Unjoni għandhom jirrappurtaw kull sena sal-31 ta’ Jannar lill-Bord ta' Tmexxija tal-Impriża Konġunta BBI rigward il-valur tal-kontribuzzjonijiet li hemm referenza għalihom fil-paragrafu 2 li saru f’kull sena finanzjarja preċedenti.

4.           Għall-finijiet tal-evalwazzjoni tal-kontribuzzjonijiet imsemmija fil-Punt (b) tal-paragrafu 2 u l-Klawżola 12(3)(c) tal-Istatuti inklużi fl-Anness, il-kostijiet għandhom ikunu ddeterminati skont il-prattiċi normali tal-kontabbiltà tal-kostijiet tal-entitajiet ikkonċernati, skont l-istandards tal-kontabbiltà applikabbli tal-pajjiż fejn hija stabbilita kull entità, u skont l-Istandards Internazzjonali tal-Kontabbiltà / l-Istandards Internazzjonali tar-Rappurtaġġ Finanzjarju. Il-kostijiet għandhom ikunu ċċertifikati minn awditur estern indipendenti maħtur mill-entità kkonċernata. L-evalwazzjoni tal-kontribuzzjonijiet għandha tiġi vverifikata mill-Impriża Konġunta BBI. Fil-każ tal-inċertezzi li jkun għad fadal, tista' tiġi vverifikata mill-Impriża Konġunta BBI.

5.           Il-Kummissjoni tista’ ttemm, tnaqqas proporzjonalment jew tissospendi l-kontribuzzjoni finanzjarja lill-Impriża Konġunta BBI jew tiskatta l-proċedura tal-proċess ta’ stralċ li tissemma fi Klawżola 20(2) tal-Istatuti inklużi fl-Anness jekk dawk il-Membri jew l-entitajiet kostitwenti tagħhom ma jikkontribwixxux, jikkontribwixxu parzjalment jew jikkontribwixxu tard fir-rigward tal-kontribuzzjonijiet li jissemmew fil-paragrafu 2.

Artikolu 5

Regoli finanzjarji

L-Impriża Konġunta BBI għandha tadotta r-regoli finanzjarji speċifiċi tagħha skont l-Artikolu 209 tar-Regolament (UE, Euratom) Nru 966/2012 u r-Regolament (UE) Nru … [Regolament Delegat dwar il-mudell tar-Regolament Finanzjarju għall-PPPs].

Artikolu 6

Persunal

1.           Ir-Regolamenti dwar il-Persunal għal Uffiċjali tal-Unjoni u l-Kundizzjonijiet tal-Impjieg ta' Aġenti Oħra tal-Unjoni Ewropea kif stipulati fir-Regolament tal-Kunsill (KEE, Euratom, KESE) Nru 259/68[29] u r-regoli adottati fi ftehim bejn l-istituzzjonijiet tal-Unjoni biex jagħtu effett lil dawk ir-Regolamenti tal-Persunal u dawk il-Kundizzjonijiet tal-Impjieg ta’ Aġenti Oħra għandhom japplikaw għall-persunal impjegat mill-Impriża Konġunta BBI.

2.           Il-Bord ta' Tmexxija għandu jeżerċita, fir-rigward tal-persunal tal-Impriża Konġunta BBI, is-setgħat mogħtija lilu mir-Regolamenti tal-Persunal dwar l-Awtorità li taħtar u mill-Kundizzjonijiet tal-Impjieg fuq l-Awtorità li tingħata s-Setgħa li Tikkonkludi Kuntratt ta’ Impjieg (minn issa ’l quddiem "is-setgħat tal-awtorità li taħtar").

Skont l-Artikolu 110 tar-Regolamenti tal-Persunal, il-Bord ta' Tmexxija għandu jadotta Deċiżjoni, abbażi tal-Artikolu 2(1) tar-Regolamenti tal-Persunal u tal-Artikolu 6 tal-Kundizzjonijiet tal-Impjieg ta' Aġenti Oħra, li tiddelega s-setgħat rilevanti ta' awtorità li taħtar lid-Direttur Eżekuttiv u li tiddefinixxi l-kundizzjonijiet skont liema din il-delega ta' setgħat tista' tiġi sospiża. Id-Direttur Eżekuttiv huwa awtorizzat li jissottodelega dawk is-setgħat.

F'każ ta’ ċirkostanzi eċċezzjonali u permezz ta’ Deċiżjoni, il-Bord ta' Tmexxija jista’ jissospendi temporanjament id-delegazzjoni tas-setgħat tal-awtorità li taħtar lid-Direttur Eżekuttiv u dawk sottodelegati minn tal-aħħar u jeżerċitahom huwa stess jew jiddelegahom lil wieħed mill-membri tiegħu jew lil membru tal-persunal tal-Impriża Konġunta minbarra d-Direttur Eżekuttiv.

3.           Il-Bord ta' Tmexxija għandu jadotta r-regoli ta’ implimentazzjoni xierqa għar-Regolamenti tal-Persunal u l-Kundizzjonijiet ta’ Impjieg ta’ Aġenti Oħra, skont l-Artikolu 110 tar-Regolamenti tal-Persunal.

4.           Ir-riżorsi tal-persunal għandhom jiġu determinati mill-pjan tal-istabbiliment tal-persunal tal-Impriża Konġunta BBI u dan għandu jindika l-għadd ta’ postijiet temporanji bil-grupp tal-funzjoni u bil-grad u n-numru ta’ persunal kuntrattwali espress f’ekwivalenti full-time, skont il-baġit annwali tiegħu.

5.           Il-persunal tal-Impriża Konġunta BBI għandu jikkonsisti minn persunal temporanju u persunal kuntrattwali.

6.           L-Impriża Konġunta BBI għandha ġġarrab il-kostijiet kollha relatati mal-persunal.

Artikolu 7

Esperti nazzjonali sekondati u persuni li qed jitħarrġu

1.           L-Impriża Konġunta BBI tista’ tagħmel użu minn esperti nazzjonali sekondati u persuni li qed jitħarrġu li mhumiex impjegati mill-Impriża Konġunta. In-numru ta’ esperti nazzjonali sekondati espressi f’ekwivalenti full-time għandu jiżdied mal-informazzjoni dwar il-persunal kif imsemmi fl-Artikolu 6(4) ta’ dan ir-Regolament skont il-baġit annwali.

2.           Il-Bord ta' Tmexxija għandu jadotta deċiżjoni li tistipula regoli dwar is-sekondar ta’ esperti nazzjonali lill-Impriża Konġunta BBI u dwar l-użu ta’ persuni li qed jitħarrġu.

Artikolu 8

Privileġġi u Immunitajiet

Il-Protokoll dwar il-Privileġġi u l-Immunitajiet tal-Unjoni għandu japplika għall-Impriża Konġunta BBI u l-persunal tagħha.

Artikolu 9

L-obbligu tal-Impriża Konġunta BBI

1.           L-obbligi kuntrattwali tal-Impriża Konġunta BBI għandhom jitmexxew mid-dispożizzjonijiet kuntrattwali rilevanti u mil-liġi applikabbli għall-ftehim, deċiżjoni jew kuntratt inkwistjoni.

2.           Fil-każ ta’ obbligu mhux kuntrattwali, l-Impriża Konġunta BBI, f’konformità mal-prinċipji ġenerali komuni għal-liġijiet tal-Istati Membri, għandha tagħmel tajjeb għad-danni kollha kkawżati mill-persunal tagħha fil-qadi ta’ dmirijiethom.

3.           Kull pagament mill-Impriża Konġunta BBI fir-rigward tal-obbligu msemmi fil-paragrafi 1 u 2 u l-kostijiet u l-infiq imġarraba b’rabta magħhom għandhom jitqiesu bħala nefqa tal-Impriża Konġunta BBI u għandhom jiġu koperti mir-riżorsi tal-Impriża Konġunta BBI.

4.           L-Impriża Konġunta BBI għandha tkun responsabbli biss biex tissodisfa l-obbligi tagħha.

Artikolu 10

Ġurisdizzjoni tal-Qorti tal-Ġustizzja u l-liġi applikabbli

1.           Il-Qorti tal-Ġustizzja għandu jkollha ġurisdizzjoni skont il-kundizzjonijiet stipulati fit-Trattat kif ukoll fil-każijiet li ġejjin:

(a)     fi kwalunkwe tilwima bejn il-Membri li tkun relatata mal-materja tas-suġġett ta’ dan ir-Regolament;

(b)     skont kwalunkwe Klawżola ta’ arbitraġġ inkluża fi ftehimiet, deċiżjonijiet jew kuntratti konklużi mill-Impriża Konġunta BBI;

(c)     f'tilwim relatat mal-kumpens għal danni kkawżati mill-persunal tal-Impriża Konġunta BBI waqt il-qadi ta’ dmirijiethom;

(d)     fi kwalunkwe tilwima bejn l-Impriża Konġunta BBI u l-ħaddiema tagħha fil-limiti u skont il-kundizzjonijiet stipulati fir-Regolamenti tal-Persunal għal Uffiċjali u l-Kundizzjonijiet tal-Impjieg ta’ Aġenti Oħra tal-Unjoni Ewropea.

2.           Fir-rigward ta’ kwalunkwe kwistjoni oħra mhux koperta minn dan ir-Regolament jew minn atti oħra tal-liġi tal-Unjoni, għandha tapplika l-liġi tal-Istat fejn tkun tinsab is-sede tal-Impriża Konġunta BBI.

Artikolu 11

Evalwazzjoni

1.           Sal-31 ta’ Diċembru 2017, il-Kummissjoni għandha tagħmel evalwazzjoni interim tal-Impriża Konġunta BBI. Il-Kummissjoni għandha tikkomunika l-konklużjonijiet tagħha, flimkien mal-osservazzjonijiet tagħha, lill-Parlament Ewropew u l-Kunsill sat-30 ta’ Ġunju 2018.

2.           Abbażi tal-konklużjonijiet tal-evalwazzjoni interim li hemm referenza għaliha fil-paragrafu 1, il-Kummissjoni tista’ taġixxi skont l-Artikolu 4(5) jew tieħu kwalunkwe azzjoni xierqa oħra.

3.           Fi żmien sitt xhur wara l-proċess ta’ stralċ tal-Impriża Konġunta BBI, iżda mhux iktar tard minn sentejn wara li tinbeda l-proċedura tal-proċess ta’ stralċ li hemm referenza għaliha fi Klawżola 20 tal-Istatuti inklużi fl-Anness, il-Kummissjoni għandha tagħmel evalwazzjoni finali tal-Impriża Konġunta BBI. Ir-riżultati ta’ dik l-evalwazzjoni finali għandhom ikunu ppreżentati lill-Parlament Ewropew u lill-Kunsill.

Artikolu 12

Rilaxx

1.           Ir-rilaxx tal-implimentazzjoni tal-baġit fir-rigward tal-kontribuzzjoni tal-Unjoni lill-Impriża Konġunta BBI għandha tkun parti mir-rilaxx mogħti mill-Parlament Ewropew, fuq rakkomandazzjoni tal-Kunsill, lill-Kummissjoni skont il-proċedura stipulata fl-Artikolu 319 tat-Trattat.

2.           L-Impriża Konġunta BBI għandha tikkoopera b’mod sħiħ mal-istituzzjonijiet involuti fil-proċedura tar-rilaxx u tipprovdi, kif xieraq, kwalunkwe informazzjoni addizzjonali meħtieġa. F’dan il-kuntest, tista’ tintalab li tkun rappreżentata f’laqgħat mal-istituzzjonijiet jew il-korpi rilevanti u tgħin lill-Kummissjoni tawtorizza uffiċjal b'delega.

Artikolu 13

Verifiki ex-post

1.           Il-Verifiki ex-post tal-ispiża fuq azzjonijiet indiretti għandhom isiru mill-Impriża Konġunta BBI skont l-Artikolu 23 tar-Regolament (UE) Nru … [Il-Programm Qafas Orizzont 2020] bħala parti mill-azzjonijiet indiretti tal-Programm Qafas Orizzont 2020.

2.           Sabiex tiżgura l-koerenza, il-Kummissjoni tista’ tiddeċiedi li twettaq il-verifiki msemmija fil-paragrafu 1.

Artikolu 14

Protezzjoni tal-interessi finanzjarji tal-Membri

1.           Mingħajr preġudizzju għall-Klawżola 16(4) tal-Istatuti inklużi fl-Anness, l-Impriża Konġunta BBI għandha tagħti lill-persunal tal-Kummissjoni u lil persuni oħrajn awtorizzati minnha, kif ukoll lill-Qorti tal-Awdituri, aċċess għas-siti u l-bini tagħha u għall-informazzjoni kollha, inkluż informazzjoni f’format elettroniku, meħtieġa biex iwettqu l-verifiki tagħhom.

2.           L-Uffiċċju Ewropew Kontra l-Frodi (OLAF) jista’ jagħmel investigazzjonijiet, inklużi verifiki fuq il-post u spezzjonijiet, skont id-dispożizzjonijiet u l-proċeduri stipulati fir-Regolament (KE) Nru 1073/1999 tal-Parlament Ewropew u tal-Kunsill tal-25 ta’ Mejju 1999 dwar investigazzjonijiet immexxija mill-Uffiċċju Ewropew Kontra l-Frodi (OLAF)[30] u r-Regolament tal-Kunsill (Euratom, KE) Nru 2185/96 tal-11 ta’ Novembru 1996 dwar il-verifiki u l-ispezzjonijiet fuq il-post li jsiru mill-Kummissjoni biex tipproteġi l-interessi finanzjarji tal-Komunità Ewropea kontra l-frodi u irregolaritajiet oħra[31] bil-għan li jiġi stabbilit kienx hemm frodi, korruzzjoni jew kwalunkwe attività illegali oħra li taffettwa l-interessi finanzjarji tal-Unjoni b’rabta ma’ ftehim jew deċiżjoni jew kuntratt iffinanzjat skont dan ir-Regolament.

3.           Mingħajr preġudizzju għall-paragrafi 1 u 2, il-kuntratti, il-ftehimiet u d-deċiżjonijiet, li jirriżultaw mill-implimentazzjoni ta' dan ir-Regolament għandhom jinkludu dispożizzjonijiet li b'mod espliċitu jagħtu s-setgħa lill-Kummissjoni, l-Impriża Konġunta BBI, il-Qorti tal-Awdituri u l-OLAF biex iwettqu tali verifiki u investigazzjonijiet, skont il-kompetenzi rispettivi tagħhom.

4.           L-Impriża Konġunta BBI għandha tiżgura li l-interessi finanzjarji tal-Membri tagħha jitħarsu b'mod xieraq billi twettaq jew tqabbad lil min iwettaq kontrolli interni u esterni xierqa.

5.           L-Impriża Konġunta BBI għandha tilqa’ l-Ftehim Interistituzzjonali tal-25 ta’ Mejju 1999 bejn il-Parlament Ewropew, il-Kunsill u l-Kummissjoni dwar investigazzjonijiet interni mill-OLAF[32] L-Impriża Konġunta BBI għandha tadotta l-miżuri meħtieġa biex jiġu ffaċilitati l-investigazzjonijiet interni mwettqa mill-OLAF.

Artikolu 15

Kunfidenzjalità

Mingħajr preġudizzju għall-Artikolu 16, l-Impriża Konġunta BBI għandha tiżgura l-protezzjoni ta’ informazzjoni sensittiva, li d-divulgazzjoni tagħha tista’ tippreġudika l-interessi tal-membri tagħha jew tal-parteċipanti fl-attivitajiet tal-Impriża Konġunta BBI.

Artikolu 16

Trasparenza

1.           Ir-Regolament (KE) Nru 1049/2001 tal-Parlament Ewropew u tal-Kunsill dwar l-aċċess pubbliku għad-dokumenti tal-Parlament Ewropew, tal-Kunsill u tal-Kummissjoni[33], għandu japplika għal dokumenti miżmuma mill-Impriża Konġunta BBI.

2.           Il-Bord ta' Tmexxija tal-Impriża Konġunta BBI jista’ jadotta arranġamenti prattiċi għall-implimentazzjoni tar-Regolament (KE) Nru 1049/2001.

3.           Mingħajr preġudizzju għall-Artikolu 10, deċiżjonijiet meħuda mill-Impriża Konġunta BBI skont l-Artikolu 8 tar-Regolament (KE) Nru 1049/2001 jistgħu jiffurmaw is-suġġett ta’ ilment għall-Ombudsman taħt il-kundizzjonijiet stipulati fl-Artikolu 228 tat-Trattat.

Artikolu 17

Regoli għall-parteċipazzjoni u d-disseminazzjoni

Ir-Regolament (UE) Nru … [Regoli għall-parteċipazzjoni u d-disseminazzjoni f’Orizzont 2020] għandu japplika għall-azzjonijiet ffinanzjati mill-Impriża Konġunta BBI. Skont dak ir-Regolament, l-Impriża Konġunta BBI għandha titqies bħala korp tal-iffinanzjar u għandha tipprovdi appoġġ finanzjarju għal azzjonijiet indiretti kif stabbilit fi Klawżola 1 tal-Istatuti inklużi fl-Anness.

Artikolu 18

Appoġġ mill-Istat ospitanti

Jista' jiġi konkluż ftehim amministrattiv bejn l-Impriża Konġunta BBI u l-Istat fejn hija lokalizzata s-sede tagħha dwar privileġġi u immunitajiet u appoġġ ieħor li għandu jiġi pprovdut minn dan l-Istat lill-Impriża Konġunta BBI.

Artikolu 19

L-azzjonijiet tal-bidu

1.           Il-Kummissjoni hi responsabbli għall-istabbiliment u l-operazzjoni inizjali tal-Impriża Konġunta BBI sakemm din ikollha l-kapaċità operattiva biex timplimenta l-baġit tagħha stess. Il-Kummissjoni, f'konformità mal-liġi tal-Unjoni, għandha twettaq l-azzjonijiet neċessarji kollha f'kollaborazzjoni mal-Membri l-oħra bl-involviment tal-korpi kompetenti tal-Impriż Konġunta BBI.

2.           Għal dak il-għan,

(a) sakemm id-Direttur Eżekuttiv jassumi d-doveri tiegħu wara l-ħatra tiegħu mill-Bord ta' Tmexxija skont il-Klawżola 8 tal-Anness, il-Kummissjoni tista' taħtar aġent tal-Kummissjoni biex jaġixxi bħala Direttur Eżekuttiv interim u jeżerċita d-dmirijiet assenjati lid-Direttur Eżekuttiv li jista' jiġi megħjun minn numru limitat ta' aġenti tal-Kummissjoni:

(b) b'deroga mill-Artikolu 6(2) ta' dan ir-Regolament, id-Direttur interim għandu jeżerċita s-setgħat tal-awtorità li taħtar;

(c) il-Kummissjoni tista' tassenja numru limitat ta' uffiċjali tagħha fuq bażi interim.

3.           Id-Direttur Eżekuttiv interim jista' jawtorizza l-pagamenti kollha koperti mill-approprjazzjonijiet ipprovduti fil-baġit annwali tal-Impriża Konġunta BBI malli jkunu approvati mill-Bord ta' Tmexxija, u jista' jikkonkludi kuntratti, inklużi kuntratti tal-persunal wara l-adozzjoni tal-pjan ta' stabbiliment tal-Impriża Konġunta BBI.

4.           Id-Direttur Eżekuttiv interim, bi ftehim komuni mad-Direttur Eżekuttiv tal-Impriża Konġunta BBI u soġġett għall-approvazzjoni tal-Bord ta' Tmexxija jiddetermina l-jum li fih l-Impriża Konġunta BBI ikollha l-kapaċità timplimenta l-baġit tagħha. Minn dak il-jum, il-Kummissjoni għandha tastjeni milli timpenja ruħha u teżegwixxi l-ħlasijiet għall-attivitajiet tal-Impriża Konġunta BBI.

Artikolu 20

Dħul fis-seħħ

Dan ir-Regolament għandu jidħol fis-seħħ fl-20 jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell,

                                                                       Għall-Kunsill

                                                                       Il-President

ANNESS

STATUTI TAL-IMPRIŻA KONĠUNTA BBI

1 - Kompiti

L-Impriża Konġunta BBI għandha twettaq dawn il-kompti:

(a) tiżgura l-istabbiliment u l-ġestjoni sostenibbli tal-Inizjattiva Teknoloġika Konġunta dwar Industriji b'bażi bijoloġika;

(b) timmobilizza r-riżorsi meħtieġa tas-settur pubbliku u privat;

(c) tistabbilixxi u tiżviluppa kooperazzjoni mill-qrib u fit-tul bejn l-Unjoni, l-industrija u l-partijiet interessati l-oħra;

(d) tiżgura l-effiċjenza tal-Inizjattiva Teknoloġika Konġunta dwar Industriji b'bażi bijoloġika;

(e) tilħaq il-massa kritika tal-isforz tar-riċerka sabiex tidħol għal programm fit-tul;

(f) timmonitorja l-progress lejn il-kisba tal-għanijiet tal-Impriża Konġunta BBI;

(g) tappoġġja l-azzjonijiet indiretti ta’ riċerka u innovazzjoni finanzjarji prinċipalment permezz ta’ għotjiet;

(h) attivitajiet ta’ informazzjoni, komunikazzjoni, esplojtazzjoni u disseminazzjoni billi tapplika mutatis mutandis id-dispożizzjonijiet tal-Artikolu 22 tar-Regolament (UE) Nru […]/2013 [il-Programm Qafas Orizzont 2020];

(i) kwalunkwe kompitu ieħor meħtieġ biex jintlaħqu l-għanijiet imsemmija fl-Artikolu 2 ta’ dan ir-Regolament.

2 - Membri

1.           Il-Membri tal-Impriża Konġunta BBI għandhom ikunu dawn li ġejjin:

(a) l-Unjoni, irrappreżentata mill-Kummissjoni;

(b) wara l-aċċettazzjoni ta' dawn l-Istatuti, permezz ta' ittra ta' konferma, il-Konsorzju tal-Industriji b'bażi bijoloġika Aisbl (li minn issa 'l quddiem jissejjaħ BIC), organizzazzjoni li ma tagħmilx qligħ u li twaqqfet taħt il-liġi Belġjana (numru tar-reġistrazzjoni: 0521-857-822), bl-uffiċju permanenti tagħha fi Brussell, il-Belġju.

3 - Tibdiliet fis-sħubija

1.           Sakemm tikkontribwixxi għall-iffinanzjar imsemmi fi Klawżola 12 biex jintlaħqu l-għanijiet tal-Impriża Konġunta BBI stabbiliti fl-Artikolu 2 ta’ dan ir-Regolament u taċċetta l-Istatuti tal-Impriża Konġunta BBI, kwalunkwe enitità legali li direttament jew indirettament tappoġġja r-riċerka u l-innovazzjoni fi Stat Membru jew f’pajjiż assoċjat mal-Programm Qafas Orizzont 2020 tista’ tapplika biex tkun Membru tal-Impriża Konġunta BBI.

2.           Kwalunkwe applikazzjoni għal sħubija ġdida mal-Impriża Konġunta BBI se tiġi indirizzata lill-Bord ta' Tmexxija, akkumpanjata minn proposta biex tadatta l-kompożizzjoni tal-Bord ta' Tmexxija stabbilita fi Klawżola 5.

3.           Il-Bord ta' Tmexxija għandu jivvaluta l-applikazzjoni u jqis ir-rilevanza u l-potenzjal tal-valur miżjud tal-applikant biex jintlaħqu l-għanijiet tal-Impriża Konġunta BBI. Huwa għandu mbagħad jiddeċiedi rigward l-applikazzjoni.

4.           Kwalunkwe membru jista' jtemm l-isħubija tiegħu fl-Impriża Konġunta BBI. It-terminazzjoni għandha ssir effettiva u revokabbli sitt xhur wara n-notifika lill-Membri l-oħra. Minn hemmhekk, l-ex-Membru għandu jinħeles minn kwalunkwe obbligu minbarra dawk approvati jew imġarrba mill-Impriża Konġunta BBI qabel it-terminazzjoni tas-sħubija.

5.           Is-sħubija tal-Impriża Konġunta BBI ma tistax tkun trasferita għal parti terza mingħajr ftehim minn qabel mal-Bord ta' Tmexxija.

6.           L-Impriża Konġunta BBI għandha tippubblika lista aġġornata tal-Membri tal-Impriża Konġunta BBI flimkien mad-data meta sseħħ din il-bidla fuq is-sit elettroniku tagħha skont din il-Klawżola.

4 - Organizzazzjoni tal-Impriża Konġunta BBI

1.           Il-korpi tal-Impriża Konġunta BBI għandhom ikunu:

(a) il-Bord ta' Tmexxija;

(b) id-Direttur Eżekuttiv;

(c) il-Kumitat Xjentifiku;

(d) il-Grupp tar-Rappreżentanti tal-Istati.

2.           Il-Kumitat Xjentifiku u l-Grupp tar-Rappreżentanti tal-Istati għandhom ikunu korpi konsultattivi għall-Impriża Konġunta BBI.

5 - Kompożizzjoni tal-Bord ta' Tmexxija

1.           Il-Bord ta' Tmexxija għandu jkun magħmul minn dawn li ġejjin:

– ħames rappreżentanti tal-Kummissjoni;

– ħames rappreżentanti tal-Membri privati, li mill-anqas wieħed minnhom għandu jkun rappreżentant tal-Intrapriżi Żgħar u Medji.

6 - Funzjonament tal-Bord ta' Tmexxija

1.           Il-Kummissjoni għanda żżomm 50 % tad-drittijiet tal-vot. Il-vot tal-Kummissjoni għandu jkun indiviżibbli. Il-Membri privati għandu jkollhom numru ugwali ta' voti. Il-Membri għandhom jagħmlu l-aqwa sforz biex jiksbu kunsens. Jekk ma jintlaħaqx kunsens, il-Bord ta' Tmexxija għandu jieħu d-deċiżjonijiet tiegħu b’maġġoranza ta’ mill-inqas 75 % tal-voti kollha eliġibbli, inklużi l-voti ta’ dawk li ma jkunux preżenti.

2.           Il-Bord ta' Tmexxija għandu jaħtar il-president tiegħu għal perjodu ta' sentejn.

3.           Il-Bord ta' Tmexxija għandu jsejjaħ il-laqgħat ordinarji tiegħu darbtejn fis-sena. Huwa jista’ jsejjaħ laqgħat straordinarji fuq talba tal-Kummissjoni jew tal-maġġoranza tar-rappreżentanti tal-Grupp Industrijali jew fuq talba tal-President. Il-laqgħat tal-Bord ta' Tmexxija għandhom jissejħu mill-president tiegħu u għandhom normalment isiru fis-sede tal-Impriża Konġunta BBI.

Id-Direttur Eżekuttiv għandu jieħu sehem fid-deliberazzjonijiet, iżda ma għandux ikollu drittijiet tal-vot.

Il-President tal-Grupp tar-Rappreżentanti tal-Istati għandu jkollu d-dritt jattendi l-laqgħat tal-Bord ta' Tmexxija bħala osservatur.

Il-Bord ta' Tmexxija jista’ jistieden, fuq bażi ta’ każ b’każ, persuni oħrajn biex jattendu l-laqgħat tiegħu bħala osservaturi, b’mod partikolari rappreżentanti minn awtoritajiet reġjonali tal-Unjoni u rappreżentanti tas-soċjetà ċivili.

Ir-rappreżentanti tal-Membri ma għandhomx ikunu responsabbli personalment għal azzjonijiet li jkunu ħadu fil-kapaċità tagħhom bħala rappreżentanti fuq il-Bord ta' Tmexxija.

Il-Bord ta' Tmexxija għandu jadotta r-regoli tal-proċedura tiegħu stess.

7 – Kompiti tal-Bord ta' Tmexxija

1.           Il-Bord ta' Tmexxija għandu jkollu r-responsabbiltà globali għad-direzzjoni strateġika u l-operazzjonijiet tal-Impriża Konġunta BBI u għandu jissorvelja l-implimentazzjoni tal-attivitajiet tiegħu.

2.           Il-Bord ta' Tmexxija għandu jwettaq, b’mod partikolari, il-kompiti li ġejjin:

(a) jivvaluta, jaċċetta jew jiċħad applikazzjonijiet għal sħubija jew parteċipazzjoni ġdida skont il-Klawżola 3;

(b) jiddeċiedi dwar it-terminazzjoni tas-sħubija fl-Impriza Konġunta BBI ta’ kwalunkwe Membru li ma jissodisfax l-obbligi tiegħu;

(c) jadotta r-regoli finanzjarji tal-Impriża Konġunta BBI skond l-Artikolu 5 ta’ dan ir-Regolament;

(d) jadotta l-baġit annwali tal-Impriża Konġunta BBI, inkluż il-pjan tal-istabbiliment tal-persunal li jindika n-numru ta’ postijiet temporanji bil-grupp ta’ funzjoni u bil-grad kif ukoll in-numru ta’ persunal bil-kuntratt u esperti nazzjonali sekondati espressi f’ekwivalenti full-time;

(e) jeżerċita s-setgħat tal-awtorità li taħtar fir-rigward tal-persunal, skont l-Artikolu 6(2) ta' dan ir-Regolament;

(f) jaħtar, ikeċċi, jestendi t-terminu tal-uffiċċju, jaġixxi ta' gwida għad-Direttur Eżekuttiv lil u jimmonitorja l-prestazzjoni tad-Direttur Eżekuttiv;

(g) japprova l-istruttura organizzazzjonali tal-Uffiċċju tal-Programm li hemm referenza għaliha fi Klawżola 9(5) fuq rakkomandazzjoni tad-Direttur Eżekuttiv;

(h) jadotta l-pjan ta' ħidma annwali u l-istimi ta' nefqa korrispondenti, kif propost mid-Direttur Eżekuttiva wara li jkun ikkonsulta mal-Kumitat Xjentifiku u l-Grupp ta' Rappreżentanti tal-Istati;

(i) japprova l-pjan ta' attivitajiet addizzjonali annwali msemmi fl-Artikolu 4(2)(b) ta' dan ir-Regolament abbażi ta' proposta mill-Membri privati u wara li jkun ikkonsulta, fejn xieraq, grupp ta' konsulenza ad hoc;

(j) japprova l-kontijiet annwali;

(k) japprova r-rapport tal-attività annwali, inkluż in-nefqa korrispondenti;

(l) jagħmel l-arranġamenti kif xieraq għall-istabbiliment ta’ kapaċità ta’ verifika interna tal-Impriża Konġunta BBI;

(m) japprova s-sejħiet kif ukoll, fejn xieraq, ir-regoli relatati għas-sottomissjoni, l-evalwazzjoni, l-għażla, il-premjazzjoni u l-proċeduri ta' reviżjoni;

(n) japprova l-lista ta’ azzjonijiet magħżula għall-iffinanzjar;

(o) jistabbilixxi l-politika tal-komunikazzjoni tal-Impriża Konġunta BBI dwar rakkomandazzjoni mid-Direttur Eżekuttiv;

(p) fejn huwa xieraq jistabbilixxi regoli ta’ implimentazzjoni skont l-Artikolu 6(3) ta' dan ir-Regolament;

(q) fejn huwa xieraq, jistabbilixxi regoli dwar is-sekondar ta’ esperti nazzjonali lill-Impriża Konġunta BBI u dwar l-użu ta’ persuni li qed jitħarrġu skont l-Artikolu 7 ta' dan ir-Regolament;

(r) fejn huwa xieraq, jistabbilixxi gruppi konsultattivi minbarra l-korpi tal-Impriża Konġunta BBI;

(s) fejn huwa xieraq, japprova u jissottometti lill-Kummissjoni kwalunkwe talba biex ikun emendat dan ir-Regolament proposta minn kwalunkwe Membru tal-Impriża Konġunta BBI;

(t) jkun responsabbli minn kwalunkwe kompitu li mhuwiex speċifikament allokat lil wieħed mill-korpi tal-Impriża Konġunta BBI li huwa jista’ jagħti lil wieħed minn dawn il-korpi.

8 – Ħatra, tkeċċija jew estensjoni tal-mandat tad-Direttur Eżekuttiv

1.           Id-Direttur Eżekuttiv għandu jinħatar mill-Bord ta' Tmexxija minn lista ta’ kandidati proposti mill-Kummissjoni, wara proċedura ta' għażla miftuħa u trasparenti. Il-Kummissjoni għandha tassoċja r-rappreżentazzjoni mill-Istati Membri l-oħra tal-Impriża Konġunta BBI fil-proċedura ta' għażla kif xieraq.

B'mod partikolari, għandha tiġi żgurata rappreżentazzjoni xierqa mill-Istati Membri l-oħra tal-Impriża Konġunta BBI fl-istadju ta' qabel is-selezzjoni tal-proċedura tal-għażla. Għal dak il-għan, il-Membri privati, bi qbil komuni, għandhom jaħtru rappreżentant kif ukoll osservatur f'isem il-Bord ta' Tmexxija.

2.           Id-Direttur Eżekuttiv huwa membru tal-persunal u għandu jiġi ingaġġat bħala aġent temporanju tal-Impriża Konġunta BBI taħt punt (a) tal-Artikolu 2 tal-Kundizzjonijiet tal-Impjieg ta’ Aġenti Oħra tal-Unjoni.

Għall-għan li jiġi konkluż il-kuntratt tad-Direttur Eżekuttiv, l-Impriża Konġunta BBI għandha tkun irrappreżentata mill-President tal-Bord ta' Tmexxija.

3.           Il-mandat tad-Direttur Eżekuttiv għandu jkun ta’ tliet snin. Sa tmiem dak il-perjodu, il-Kummissjoni li tassoċċja l-Membri privati bħala xierqa għandha tagħmel valuazzjoni tal-prestazzjoni tad-Direttur Eżekuttiv u tal-kompiti u l-isfidi tal-Impriża Konġunta BBI.

4.           Il-Bord ta' Tmexxija, li jaġixxi fuq proposta tal-Kummissjoni li tqis il-valutazzjoni msemmija fil-paragrafu 3, jista’ jestendi l-mandat tad-Direttur Eżekuttiv darba, għal mhux aktar minn erba' snin.

5.           Direttur Eżekuttiv li l-mandat tiegħu ġie estiż, jista' ma jipparteċipax fi proċedura tal-għażla oħra għall-istess post fi tmiem il-perjodu kollu.

6.           Id-Direttur Eżekuttiv jista' jitkeċċa biss b'deċiżjoni tal-Bord ta' Tmexxija li jaġixxi fuq proposta mill-Kummissjoni li tassoċċja l-Membri privati bħala xierqa.

9 - Kompiti tad-Direttur Eżekuttiv

1.           Id-Direttur Eżekuttiv għandu jkun il-kap eżekuttiv responsabbli mit-tmexxija ta’ kuljum tal-Impriża Konġunta BBI skont id-deċiżjonijiet tal-Bord ta' Tmexxija.

2.           Id-Direttur Eżekuttiv għandu jkun ir-rappreżentant legali tal-Impriża Konġunta BBI. Hu/Hi għandu/għandha j/tirrispondi għall-Bord ta' Tmexxija.

3.           Id-Direttur Eżekuttiv għandu jimplimenta l-baġit tal-Impriża Konġunta BBI.

4.           Id-Direttur Eżekuttiv għandu b’mod partikolari jwettaq dawn il-kompiti li ġejjin b’mod indipendenti:

(a) jipprepara u jissottometti għall-adozzjoni lill-Bord ta' Tmexxija l-abbozz tal-baġit annwali, inkluż il-pjan tal-istabbiliment tal-persunal relatat li jindika n-numru ta’ postijiet temporanji f’kull grad u grupp ta’ funzjoni u n-numru ta’ persunal bil-kuntratt u esperti nazzjonali sekondati espressi f’ekwivalenti full-time;

(b) jipprepara u jissottometti l-pjan ta' ħidma annwali u l-estimi tal-ispiża relatata għall-valutazzjoni lill-Bord ta' Tmexxija;

(c) jipprepara u jissottometti l-kontijiet annwali għall-approvazzjoni lill-Bord ta' Tmexxija;

(d) jipprepara u jissottometti għall-valutazzjoni r-rapport ta’ attività annwali, inkluż l-ispiża relatata lill-Bord ta' Tmexxija;

(e) jissottometti għall-approvazzjoni lill-Bord ta' Tmexxija l-lista ta’ azzjonijiet magħżula għall-iffinanzjar;

(f) jiffirma ftehimiet jew deċiżjonijiet individwali;

(g) jiffirma kuntratti ta’ xiri;

(h) jimplimenta l-politika tal-komunikazzjoni tal-Impriża Konġunta BBI;

(i) jorganizza, jidderieġi u jissorvelja l-operazzjonijiet u l-persunal tal-Impriża Konġunta BBI fil-limiti tad-delegazzjoni mill-Bord ta' Tmexxija kif mitlub fl-Artikolu 6(2) ta’ dan ir-Regolament;

(j) jistabbilixxi u jiżgura l-funzjonament ta' sistema ta' kontroll interna effettiva u effiċjenti u jirraporta kwalunkwe bidla sinifikanti li ssirlu lill-Bord ta' Tmexxija.

(k) jiżgura li jitwettqu l-valutazzjoni tar-riskju u l-ġestjoni tar-riskju;

(l) jieħu kwalunkwe miżura oħra meħtieġa għall-valutazzjoni tal-progress tal-Impriża Konġunta BBI biex tilħaq l-għanijiet tagħha;

(m) iwettaq kompiti oħra mogħtija jew delegati lid-Direttur Eżekuttiv mill-Bord ta' Tmexxija.

5.           Id-Direttur Eżekuttiv għandu jistabbilixxi Uffiċċju tal-Programm għall-eżekuzzjoni, taħt ir-responsabilità tiegħu/tagħha, ta’ kull kompitu ta’ appoġġ li joħorġu minn dan ir-Regolament. L-Uffiċċju tal-Programm għandu jkun magħmul mill-persunal tal-Impriża Konġunta BBI u għandu b’mod partikolari jwettaq dawn il-kompiti li ġejjin:

(a) jipprovdi appoġġ għall-istabbiliment u l-ġestjoni ta’ sistema ta' kontabilità xierqa skont ir-Regoli Finanzjarji tal-Impriża Konġunta BBI;

(b) jimmaniġġja s-sejħiet kif mitlub fil-pjan ta’ ħidma annwali u l-amminstrazzjoni tal-ftehimiet jew id-deċiżjonijiet, inkluż il-kordinazzjoni tagħhom;

(c) jipprovdi lill-Membri u lill-korpi l-oħra tal-Impriża Konġunta BBI l-informazzjoni rilevanti kollha u l-appoġġ meħtieġ minnhom biex iwettqu l-obbligi tagħhom kif ukoll biex iwieġbu għat-talbiet speċifiċi tagħhom;

(d) jaġixxi bħala s-segretarjat tal-korpi tal-Impriża Konġunta BBI u jipprovdi appoġġ lil kwalunkwe korp konsultattiv stabbilit mill-Bord ta' Tmexxija.

10 - Kumitat Xjentifiku

1.           Il-Kumitat Xjentifiku għandu jkun magħmul minn mhux iktar minn għaxar membri. Huwa għandu jaħtar president minn fost il-membri tiegħu.

2.           Il-membri għandhom jirriflettu rappreżentazzjoni bbilanċjata ta' esperti rikonoxxuti mad-dinja kollha mill-akkademja, l-industrija, intrapriżi żgħar u medji, organizzazzjonijiet non-governattivi u korpi regolatorji. Kollettivament, il-membri tal-Kumitat Xjentifiku għandu jkollhom il-kompetenzi xjentifiċi u l-esperjenza meħtieġa li jkopru d-dominju tekniku meħtieġ biex jagħmlu rakkomandazzjonijiet strateġiċi bbażati fuq ix-xjenza lill-Impriża Konġunta BBI.

3.           Il-Bord ta' Tmexxija għandu jistabbilixxi l-kriterji speċifiċi u l-proċess tal-għażla għall-kompożizzjoni tal-Kumitat Xjentifiku u għandu jaħtar il-membri tiegħu. Il-Bord ta' Tmexxija għandu jqis il-kandidati potenzjali proposti mill-Grupp tar-Rappreżentanti tal-Istati tal-BBI.

4.           Il-Kumitat Xjentifiku għandu jwettaq il-kompiti li ġejjin:

(a) joffri konsulenza dwar il-prijoritajiet xjentifiċi li għandhom ikunu indirizzati fil-pjani ta’ ħidma annwali;

(b) Joffri konsulenza dwar il-kisbiet xjentifiċi spjegati fir-rapport dwar l-attività annwali.

5.           Il-Kumitat Xjentifiku għandu jiltaqa’ mill-inqas darba f’sena. Il-laqgħat għandhom jissejħu mill-president tal-Kumitat.

6.           Il-Kumitat Xjentifiku, jekk jaqbel il-president, jista' jistieden persuni oħra biex jattendu l-laqgħat tiegħu.

7.           Il-Kumitat Xjentifiku għandu jadotta r-regoli ta’ proċedura tiegħu.

11- Grupp tar-Rappreżentanti tal-Istati

1.           Il-Grupp tar-Rappreżentanti tal-Istati tal-BBI għandu jikkonsisti minn rappreżentant minn kull Stat Membru u ta' kull pajjiż assoċjat mal-Programm Qafas Orizzont 2020. Huwa għandu jaħtar president minn fost il-membri tiegħu.

2.           Il-Grupp tar-Rappreżentanti tal-Istati għandu jiltaqa’ mill-inqas darba fis-sena. Il-laqgħat għandhom jissejħu mill-president tiegħu. Id-Direttur Eżekuttiv u l-president tal-Bord ta' Tmexxija u/jew ir-rappreżentanti tagħhom għandhom jattendu l-laqgħat.

Il-president tal-Grupp tar-Rappreżentanti tal-Istati jista’ jistieden persuni oħra biex jattendu l-laqgħat tiegħu bħala osservaturi, b’mod partikolari rappreżentanti ta’ awtoritajiet reġjonali tal-Unjoni, u rappreżentanti tas-soċjetà ċivili jew rappreżentanti tal-assoċjazzjonijiet tal-SMEs.

3.           Il-Grupp tar-Rappreżentanti tal-Istati għandu b’mod partikolari jirrevedi l-informazzjoni u jipprovdi pariri dwar il-kwistjonijiet li ġejjin:

(a) progress tal-programm fl-Impriża Konġunta BBI u l-ksib tal-għanijiet tiegħu;

(b) aġġornament tal-orjentazzjoni strateġika;

(c) rabtiet mal-Programm Qafas Orizzont 2020;

(d) pjanijiet ta’ ħidma annwali;

(e) involviment tal-SMEs.

4.           Il-Grupp tar-Rappreżentanti tal-Istati għandu wkoll jipprovdi informazzjoni lill–Impriża Konġunta BBI u jaġixxi bħala intefaċċa magħha fuq il-kwistjonijiet li ġejjin:

(a) l-istatus ta’ programmi ta’ riċerka u innovazzjoni nazzjonali jew reġjonali u l-identifikazzjoni ta’ oqsma potenzjali ta’ kooperazzjoni, inkluż l-użu effettiv tagħhom;

(b) miżuri speċifiċi meħuda fuq livell nazzjonali jew reġjonali fir-rigward ta’ avvenimenti ta’ disseminazzjoni, gruppi ta’ ħidma tekniċi dedikati u attivitajiet ta’ komunikazzjoni.

(c) miżuri speċifiċi meħuda fil-livell nazzjonali jew reġjonali fir-rigward tal-attivitajiet ta' mobilizzazzjoni fir-rigward tal-Inizjattiva Teknoloġika Konġunta dwar l-Industriji b'bażi bijoloġika.

5.           Il-Grupp tar-Rappreżentanti tal-Istati jista’ joħroġ, fuq inizjattiva tiegħu stess, rakkomandazzjonijiet lill-Impriża Konġunta BBI rigward kwistjonijiet tekniċi, maniġerjali u finanzjarji, b’mod partikolari meta dawk il-kwistjonijiet jaffettwaw interessi nazzjonali jew reġjonali.

L-Impriża Konġunta BBI għandha tinforma lill-Grupp tar-Rappreżentanti tal-Istati bis-segwitu li tat lil tali rakkomandazzjonijiet.

6.           Il-Grupp tar-Rappreżentanti tal-Istati għandu jadotta r-regoli ta’ proċedura tiegħu stess.

12 - Sorsi ta’ ffinanzjar

1.           L-Impriża Konġunta BBI għandha tiġi ffinanzjata b’mod konġunt mill-Unjoni u l-Membri minbarra l-Unjoni jew l-entitajiet kostitwenti tagħhom permezz ta’ kontribuzzjonijiet finanzjarji mħallsa f’installazzjonijiet u kontribuzzjonijiet li jikkonsistu mill-kostijiet imġarrba minnhom u li mhumiex rimborsati mill-Impriża Konġunta BBI.

2.           Il-kostijiet amministrattivi tal-Impriża Konġunta BBI ma għandhomx jaqbżu s-EUR 60 miljun u għandhom ikunu koperti minn kontribuzzjonijiet finanzjarji maqsuma ugwalment fuq bażi annwali bejn l-Unjoni u l-Membri minbarra l-Unjoni. Jekk parti mill-kostijiet amministrattivi ma tintużax, tista’ tkun disponibbli biex tkopri l-kostijiet operattivi tal-Impriża Konġunta BBI.

3.           Il-kostijiet operattivi tal-Impriża Konġunta BBI għandhom jiġu koperti permezz ta':

(a) kontribuzzjoni finanzjarja mill-Unjoni;

(b) kontribuzzjoni finanzjarja mill-Membri minbarra l-Unjoni;

(c) kontribuzzjonijiet mhux finanzjarji mill-Membri minbarra l-Unjoni jew l-entitajiet kostitwenti tagħhom li jikkonsistu mill-kostijiet mġarrba minnhom fl-implimentazzjonijiet ta’ azzjonijiet indiretti li minnhom titnaqqas il-kontribuzzjoni tal-Impriża Konġunta BBI u kwalunkwe kontribuzzjoni oħra tal-Unjoni għal dawk il-kostijiet.

4.           Il-kontribuzzjoni finanzjarja mill-Membri minbarra l-Unjoni għall-kostijiet operattivi msemmija fil-paragrafu 3(b) għandha tkun mill-anqas EUR 182.50 miljun matul il-perjodu stipulat fl-Artikolu 1 ta' dan ir-Regolament.

5.           Ir-riżorsi tal-Impriża Konġunta BBI imdaħħla fil-baġit tagħha għandhom ikunu magħmula mill-kontribuzzjonijiet li ġejjin:

(a) il-kontribuzzjonijiet finanzjarji tal-Membri għall-kostijiet amministrattivi;

(b) il-kontribuzzjonijiet finanzjarji tal-Membri għall-kostijiet operattivi;

(c) kwalunkwe dħul iġġenerat mill-Impriża Konġunta BBI;

(d) kwalunkwe kontribuzzjoni finanzjarja, riżorsi u dħul;

kwalunkwe interess miġbur mill-kontribuzzjonijiet imħallsa lill-Impriża Konġunta BBI mill-Membri tagħha għandu jitqies bħala d-dħul tagħha.

6.           Ir-riżorsi kollha tal-Impriża Konġunta BBI u l-attivitajiet tagħha għandhom ikunu dovuti għall-għanijiet stabbiliti fl-Artikolu 2 ta’ dan ir-Regolament.

7.           L-Impriża Konġunta BBI għandu jkollha l-assi kollha ġġenerati minnha jew trasferiti lilha sabiex jintlaħqu l-għanijiet tagħha previsti fl-Artikolu 2 ta’ dan ir-Regolament.

8.           Minbarra meta l-Impriża Konġunta BBI tgħaddi minn proċess ta' stralċ skont l-Artikolu 20, kwalunkwe dħul żejjed fuq l-infiq ma għandux jitħallas lill-Membri tal-Impriża Konġunta BBI.

13 - Impenji finanzjarji

L-impenji finanzjarji tal-Impriża Konġunta BBI ma għandhomx jaqbżu l-ammont ta’ riżorsi finanzjarji disponibbli jew impenjati għall-baġit mill-Membri tagħha.

14 - Sena finanzjarja

Is-sena finanzjarja għandha tibda mill-1 ta’ Jannar u tibqa' sejra sal-31 ta’ Diċembru.

15 - Ippjanar operattiv u finanzjarju

1.           Id-Direttur Eżekuttiv għandu jressaq abozz ta' pjan ta' ħidma annwali lill-Bord ta' Tmexxija, li għandu jinkludi pjan dettaljat tal-attivitajiet ta’ riċerka u innovazzjoni, l-attivitajiet amministrattivi u l-istimi tal-ispejjeż relatati għas-sena li jmiss. L-abbozz ta’ pjan ta’ ħidma għandu jinkludi wkoll il-valur stmat tal-kontribuzzjonijiet li għandhom isiru skont il-Klawżola 12(3)(c).

2.           Il-programm ta’ ħidma annwali għal sena partikolari għandu jiġi adottat sa tmiem is-sena preċedenti. Il-programm ta’ ħidma annwali għandu jkun disponibbli pubblikament.

3.           Id-Direttur Eżekuttiv għandu jipprepara l-abbozz tal-baġit annwali għas-sena segwenti u jissottomettih lill-Bord ta' Tmexxija għall-approvazzjoni.

4.           Il-baġit annwali għal sena partikolari għandu jiġi adottat mill-Bord ta' Tmexxija sa tmiem is-sena preċedenti.

5.           Il-baġit annwali għandu jkun adottat biex iqis l-ammont tal-kontribuzzjoni tal-Unjoni kif stabbilit fil-baġit tal-Unjoni.

16 - Rappurtar operattiv u finanzjarju

1.           Id-Direttur Eżekuttiv għandu jirrapporta annwalment lill-Bord ta' Tmexxija dwar it-twettiq tad-dmirijiet tiegħu skont ir-regoli Finanzjarji tal-Impriża Konġunta BBI.

Sal-15 ta’ Frar kull sena d-Direttur Eżekuttiv għandu jissottometti lill-Bord ta' Tmexxija għall-approvazzjoni rapport ta' ħidma annwali dwar il-progress li sar mill-Impriża Konġunta BBI fis-sena kalendarja preċedenti, b’mod partikolari b’rabta mal-pjan ta’ ħidma annwali għal dik is-sena. Ir-rapport għandu jinkludi, inter alia, informazzjoni dwar il-kwistjonijiet li ġejjin:

(a) riċerka, innovazzjoni u azzjonijiet oħra mwettqa u l-ispiża relatata;

(b) l-azzjonijiet sottomessi, inkluż analiżi statistika skont it-tip ta’ parteċipant, inklużi l-SMEs, u skont il-pajjiż;

(c) l-azzjonijiet magħżula għall-iffinanzjar inkluż analiżi statistika skont it-tip ta’ parteċipant, inkluż SMEs, u bil-pajjiż u li tindika l-kontribuzzjoni tal-Impriża Konġunta BBI lill-parteċipanti u l-azzjonijiet individwali.

2.           Meta jkun approvat mill-Bord ta' Tmexxija, ir-rapport ta’ attività annwali għandu jkun disponibbli pubblikament.

3.           L-Impriża Konġunta BBI għandha tirrapporta annwalment lill-Kummissjoni skont l-Artikolu 60(5) tar-Regolament (UE, Euratom) Nru 966/2012.

4.           Il-kontijiet tal-Impriża Konġunta BBI għandhom jiġu eżaminati minn korp indipendenti ta’ verifika kif stipulat fl-Artikolu 60(5) tar-Regolament (UE, Euratom) Nru 966/2012.

Il-kontijiet tal-Impriża Konġunta BBI ma għandhomx ikunu soġġetti għal eżami mill-Qorti tal-Awdituri.

17 - Verifika interna

L-awditur intern tal-Kummissjoni għandu jeżerċita l-istess setgħat fuq l-Impriża Konġunta BBI bħal dawk eżerċitati fir-rigward tal-Kummissjoni.

18 - Obbligu tal-Membri u assigurazzjoni

1.           L-obbligu finanzjarju tal-Membri għad-djun tal-Impriża Konġunta BBI għandu jkun limitat għall-kontribuzzjoni tagħhom li huma jkunu diġà għamlu għall-kostijiet amministrattivi.

2.           L-Impriża Konġunta BBI għandha tieħu u żżomm assigurazzjoni xierqa.

19 - Kunflitt ta’ interess

1.           L-Impriża Konġunta BBI, il-korpi tagħha u l-persunal għandhom jevitaw kunflitt ta’ interess fl-implimentazzjoni tal-attivitajiet tagħhom.

2.           Il-Bord ta' Tmexxija tal-Impriża Konġunta BBI jista’ jadotta regoli għall-prevenzjoni u l-kontroll ta’ kunflitti ta’ interess fir-rigward tal-Membri, il-korpi u l-persunal. F’dawk ir-regoli, għandu jsir provvediment biex jiġi evitat kwalunkwe kunflitt ta’ interess għar-rappreżentanti tal-Membri li jservu fil-Bord ta' Tmexxija.

20 - Proċess ta’ stralċ

1.           Il-proċess ta’ stralċ tal-Impriża Konġunta BBI għandu jibda fi tmiem il-perjodu definit fl-Artikolu 1 ta’ dan ir-Regolament.

2.           Il-proċedura tal-proċess ta’ stralċ għandha tinbeda awtomatikament jekk il-Kummissjoni jew il-Membri l-oħra kollha privati jirtiraw mill-Impriża Konġunta BBI.

3.           Bil-għan li jitmexxew il-proċeduri biex jinbeda l-proċess ta’ stralċ tal-Impriża Konġunta BBI, il-Bord ta' Tmexxija għandu jaħtar likwidatur wieħed jew iktar, li għandhom ikunu konformi mad-deċiżjonijiet tal-Bord ta' Tmexxija.

4.           Meta l-Impriża Konġunta BBI tkun għaddejja mill-proċess ta’ stralċ, l-assi tagħha għandhom jintużaw biex ikopru l-obbligi tagħha u n-nefqa relatata mal-proċess ta’ stralċ. Kwalunkwe eċċess għandu jitqassam fost il-Membri fiż-żmien tal-proċess ta’ stralċ b'mod proporzjonali mal-kontribuzzjoni finanzjarja tagħhom lill-Impriża Konġunta BBI. Kwalunkwe eċċess bħal dan imqassam lill-Unjoni għandu jiġi ritornat lill-baġit tal-Unjoni.

5.           Għandha tiġi stabbilita proċedura ad hoc li tiżgura l-ġestjoni xierqa ta’ kwalunkwe ftehim konkluż jew deċiżjoni adottata mill-Impriża Konġunta BBI kif ukoll kwalunkwe kuntratt ta’ akkwist b’tul ta’ żmien itwal mit-tul ta’ żmien tagħha.

DIKJARAZZJONI FINANZJARJA LEĠISLATTIVA

1.           IL-QAFAS TAL-PROPOSTA/INIZJATTIVA

1.1.        It-titolu tal-proposta / inizjattiva

Proposta għal Regolament tal-Kunsill dwar l-Impriża Konġunta dwar l-Industriji b'bażi bijoloġika

1.2.        Qasam/oqsma ta' politika kkonċernat/i fl-istruttura ABM/ABB[34]

Qasam Politiku: Orizzont 2020 - il-Programm Qafas għar-Riċerka u l-Innovazzjoni

Attività: Sfidi soċjetali "Is-sikurezza tal-ikel, agrikoltura sostenibbli, ir-riċerka tal-baħar u dik marittima u l-bijoekonomija" u t-Tmexxija Industrijali "Teknoloġiji Abilitanti Essenzjali (BIOKET)"

1.3.        In-natura tal-proposta / inizjattiva

X       Il-proposta / inizjattiva hija relatata ma’ azzjoni ġdida

¨      Il-proposta / inizjattiva tirrigwarda azzjoni ġdida li ssegwi proġett pilota/azzjoni ta' tħejjija[35]

¨      Il-proposta / inizjattiva tirrigwarda l-estensjoni ta' azzjoni eżistenti

¨      Il-proposta/l-inizjattiva hija relatata ma' azzjoni diretta mill-ġdid lejn azzjoni ġdida

1.4.        Għan(ijiet)

1.4.1.     L-għan(ijieti) strateġiku/strateġiċi multiannwali tal-Kummissjoni fil-mira tal-proposta / inizjattiva

Li titwaqqaf Impriża Konġunta BBI bħala skema ġdida ta' Sħubija Pubblika Privata bejn il-Kummissjoni u l-industrija għal finanzjament ta' riċerka u innovazzjoni.

Li jiġu organizzati sejħiet kompetittivi għal proposti, l-evalwazzjoni u s-selezzjoni ta' proġetti fejn l-industrija se tikkofinanzja l-proġetti ta' riċerka kollaborattivi li jsiru fi Stat Membru jew f'pajjiż assoċjat ma' Orizzont 2020, flimkien ma' sħab akkademiċi, SMEs u sħab oħra appoġġjati mill-fondi li ġejjin mill-Impriża Konġunta BBI;

1.4.2.     Għan(ijiet) speċifiku/speċifiċi u l-attività(jiet) ABM/ABB ikkonċernata/i

(a) jintwerew teknoloġiji li jippermettu moduli kimiċi ġodda, materjali ġodda, u prodotti ġodda għall-konsumatur minn bijomassa Ewropea u li jissostitwixxu l-ħtieġa għal inputs b'bażi ta' fossili;

(b) jiġu żviluppati mudelli ta' negozju li jintegraw l-atturi ekonomiċi tul il-katina ta' valur kollha mill-provvista tal-bijomassa sal-bijoraffineriji għall-konsumaturi ta' materjali, kimiċi u fjuwils b'bażi bijoloġika, inkluż permezz tal-ħolqien ta' interkonnessjonijiet transsettorjali ġodda u l-appoġġ għal raggruppamenti transindustrijali; kif ukoll

(c) jitwaqqfu bijoraffineriji li jimmobilizzaw it-teknoloġiji u l-mudelli ta' negozju għall-materjali, il-kimiċi u l-fjuwils b'bażi bijoloġika u juru l-kost u t-titjib fil-prestazzjoni sa livelli li huma kompetittivi ma' alternattivi b'bażi ta' fossili.

Attività/attivitajiet ABM/ABB kkonċernata/i

(a) jiġu mmonitorjati u segwiti l-aspetti finanzjarji u xjentifiċi tal-proġetti li jkunu kkonkludew ftehim ta’ għotja mal-Impriża Konġunta BBI;

(b) jiġu organizzati s-sejħiet għal offerti meħtieġa għall-operazzjonijiet tal-Impriza Konġunta BBI;

(c) jiġu stabbiliti u implimentati l-proċeduri kollha tal-Impriża Konġunta BBI;

(d) jiġu organizzati l-attivitajiet ta' disseminazzjoni tal-Impriża Konġunta BBI;

(e) tiġi organizzata kwalunkwe attività oħra marbuta mal-Impriża Konġunta BBI.

1.4.3.     Ir-riżultat(i) mistennija u l-impatt

Speċifika l-effetti li l-proposta / inizjattiva għandu jkollha fuq il-benefiċjarji / gruppi fil-mira.

Żieda sinifikanti fl-investiment fir-riċerka privata permezz ta':

– Ħames moduli ġodda għall-industrija tal-kimiċi sal-2020

– Ħamsin materjal b'bażi bijoloġika sal-2020

– Ħames bijoraffineriji ewlenin sal-2020

Inqas ħin biex isir negozju ma':

– Tletin prodott tal-konsumatur ġdid sal-2020

– Għaxar katini ta' valur ġodda b'bażi bijoloġika sal-2020

– Parteċipazzjoni wiesgħa tal-SMEs

1.4.4.     Indikaturi tar-riżultati u tal-impatt

Speċifika l-indikaturi għall-moniteraġġ tal-implimentazzjoni tal-proposta / inizjattiva.

Se jiġi stabbilit sett ta' indikaturi kwantitattivi u kwalitattivi tar-rendiment (KPI, indikaturi elwenin tar-rendiment) bħala segwitu għall-implimentazzjoni tal-Impriża Konġunta BBI. Dawn l-indikaturi ewlenin se jkejlu l-impatt tal-Impriża Konġunta dwar il-kompetittività tal-UE u l-ambjent ta' riċerka għall-industriji rinnovabbli u b'bażi bijoloġika. L-indikaturi kwantitattivi se jitkejlu fuq skala kbira b’mod komparattiv u sistematiku, filwaqt li l-approċċ kwalitattiv se jinkludi studji ta’ każijiet u verifiki tekniċi. L-indikaturi ewlenin tar-rendiment għandhom jiġu vvalutati fid-dawl tal-linja bażi tal-istat attwali fis-snin qabel il-bidu tal-Impriża Konġunta biex jgħinu fil-valutazzjoni ta' effetti addizjonali matul il-ħajja tagħha.

Il-progress tal-Impriża Konġunta se jkun immonitorjat kontinwament billi jitqabbel ma’ sett ta’ indikaturi verifikabbli oġġettivament li jinkludu:

– il-monitoraġġ tal-finanzjament pubbliku (mill-KE u ieħor) u privat;

– is-segwitu tal-addizzjonalità;

– l-għażla ta’ proġetti u l-allokazzjoni tal-fondi;

– il-monitoraġġ tekniku skont stadji speċifiċi tal-programm definiti sew;

– l-aderenza mal-iskeda taż-żmien;

– il-monitoraġġ kwantitattiv tal-penetrazzjoni tas-suq f’setturi fil-mira;

– il-livell ta’ parteċipazzjoni ta’ SMEs u ta’ parteċipazzjoni minn Stati Membri aktar ġodda;

– l-indikaturi ta’ sostenibbiltà.

F'nofs it-terminu, l-Impriża Konġunta se tiġi evalwata minn esperti indipendenti f'isem il-Kummissjoni. Din l-evalwazzjoni għandha tkopri l-kwalità u l-effiċjenza tal-Impriża Konġunta u l-progress tagħha lejn l-għanijiet tagħha u tagħmel rakkomandazzjonijiet għal kwalunkwe aġġustament meħtieġ fil-programm u jekk huwa applikabbli, tieħu inkonsiderazzjoni strateġija ta’ ħruġ.

1.5.        Bażi għall-proposta / inizjattiva

1.5.1.     Rekwiżiti(i) li għandhom jintlaħqu tul terminu qasir jew twil

Li ttitwaqqaf l-Impriża Konġunta bħala struttura ġdida ta’ sħubija bejn il-Kummissjoni u l-Industrija għall-finanzjament tar-riċerka u l-innovazzjoni.

Li jiġu organizzati sejħiet kompetittivi għall-proposti, l-evalwazzjoni u l-għażla tal-proġetti fejn l-industrija se tikkoofinanzja l-proġetti ta' riċerka kollaborattivi magħżula.

Li jiġu mmonitorjati u segwiti l-aspetti finanzjarji u xjentifiċi tal-proġetti wara li jkun ġie konkluż ftehim ta’ għotja mal-Impriża Konġunta BBI.

Li jiġu stabbiliti u implimentati l-proċeduri kollha tal-Impriża Konġunta BBI, inklużi l-verifiki finanzjarji;

li jiġu organizzati l-attivitajiet ta' disseminazzjoni tal-Impriża Konġunta BBI.

Li tiġi organizzata kwalunkwe attività oħra marbuta mal-Impriża Konġunta BBI.

1.5.2.     Il-valur miżjud tal-involviment tal-UE

Approċċ koordinat fil-livell tal-UE huwa wkoll importanti għall-iżvilupp tal-industriji b'bażi bijoloġika, għaliex it-twaqqif tal-katini ta' valur tagħhom jitlob ir-rabta tal-partijiet interessati f'żoni b'setturi agrikoli u forestrali b'saħħithom ma' partijiet interessati b'bażi industrijali u teknoloġika b'saħħitha. Dawn jistgħu ma jkunux lokalizzati fl-istess Reġjun jew Stat Membru, u dan jista' jżid aktar kumplikazzjonijiet f'xenarju li huwa diġà kumpless.

1.5.3.     Tagħlimiet minn esperjenzi simili fil-passat

Għadd ta' inizjattivi żgħar minn Stati Membri jew Reġjuni rrikonoxxew li l-iżvilupp b'suċċess tal-bijoekonomija jiddependi ħafna fuq kooperazzjoni transnazzjonali effettiva. Dan huwa rifless f'għadd dejjem jikber ta' kollaborazzjonijiet bejn raggruppamenti bijoekonomiċi nazzjonali u reġjonali, pereżempju bejn IAR u Wagralim, jew CLIB2021 u BE-BASIC. Għalkemm dawk il-kollaborazzjonijiet bejn ir-Reġjuni u r-raggruppamenti jidhru promettenti mal-ewwel daqqa t'għajn, ħafna drabi huma affettwati mid-differenzi fil-livelli ta' finanzjament u regoli ta' finanzjament.

1.5.4.     Kompatibilità u possibilità ta’ sinerġija ma’ strumenti oħra xierqa

Jista' jkun hemm kompatibilità fl-orjentazzjonijiet f'Orizzont 2020 u fil-Fondi Strutturali, għall-appoġġ ta' attivitajiet RTD speċjalment dwar l-innovazzjoni. L-oqfsa legali ġodda differenti, il-mekkaniżmi ta' programmar u l-approċċi f'termini ta' parteċipazzjoni iridu jittieħdu inkonsiderazzjoni. Sinerġiji bejn l-azzjonijiet ta' finanzjament f'Orizzont 2020 u l-fondi tal-Istati Membri u r-reġjuni jistgħu jkunu possibbli. Minħabba li l-PPP hija strument ewlieni biex jitnaqqas id-distakk bejn l-attivitajiet ta' Riċerka u Żvilupp mar-raggruppamenti reġjonali organizzati taħt l-Istrateġija ta' Speċjalizzazzjoni Intelliġenti, tista' tkun strumentali biex tiffaċilita r-rabta bejn dawn is-sorsi ta' effiċjenza ta' finanzjament u żieda tal-azzjoni. Is-sinerġiji wkoll jistgħu jitqiesu għall-aċċess ta' strumenti finanzjarji ġodda bħall-RSFF (Faċilità ta' Finanzjament tal-Qsim tar-Riskju) tal-BEI, għall-mobilizzazzjoni.

1.6.        Dewmien u impatt finanzjarju

X       Proposta / inizjattiva ta' tul limitat

X       Proposta / inizjattiva fis-seħħ mill-1 ta' Jannar 2014 sal-31 ta' Diċembru 2024

X       Impatt finanzjarju mill-1 ta' Jannar 2014 sal-31 ta' Diċembru 2020 għall-approprjazzjonijiet għall-impenji

X       Impatt finanzjarju mill-1 ta' Jannar 2014 sal-31 ta' Diċembru 2024 għall-approprjazzjonijiet għall-impenji

¨      Il-proposta / inizjattiva ta' terminu illimitat

Implimentazzjoni b’perjodu ta’ bidu minn SSSS sa SSSS,

Segwita minn operazzjoni sħiħa.

1.7.        Mod(i) ta’ ġestjoni previsti[36]

¨      Ġestjoni diretta mill-Kummissjoni permezz ta':

¨      Aġenziji eżekuttivi

¨      Ġestjoni kondiviża mal-Istati Membri:

X       Ġestjoni indiretta billi l-kompiti ta’ implimentazzjoni tal-baġit ikunu fdati lil:

¨      Organizzazzjonijet internazzjonali u l-aġenziji tagħhom (jekk jogħġbok speċifika);

¨      Il-Bank Ewropew tal-investiment;

X       korpi msemmija fl-Artikolu 209 FR;

¨      Korpi regolatorji pubbliċi;

¨      Il-korpi rregolati mil-liġi privata b'missjoni ta’ servizz pubbliku safejn jipprovdu garanziji finanzjarji adegwati;

¨      Korpi rregolati mil-liġi privata ta’ Stat Membru li huma fdati bl-implimentazzjoni ta’ sħubija pubblika privata u li jipprovdu garanziji finanzjarji adegwati;

¨      Persuni fdati bl-implimentazzjoni ta’ azzjonijiet speċifiċi fil-PESK skont it-Titolu V tat-TUE, u identifikati fl-att bażiku rilevanti.

2.           MIŻURI AMMINISTRATTIVI

2.1.        Regoli dwar moniteraġġ u rappurtaġġ

Speċifika l-frekwenza u l-kundizzjonijiet.

L-Impriża Konġunta BBI se tiġi mmonitorjata permezz ta' kuntatti intermedjarji u kif previst fi Klawsoli 6 u 16 tal-Istatuti.

2.2.        Sistema ta’ ġestjoni u kontroll

2.2.1.     Qafas ta’ kontroll intern

Il-Kummissjoni, permezz tal-Uffiċjal għall-Awtorizzazzjoni b'delega se tiżgura li r-regoli applikabbli għall-Impriża Konġunta għall-Implimentazzjoni tal-Inizjattiva Teknoloġika Konġunta BBI huma konformi bi sħiħ mal-Artikoli 60 u 61 tar-Regolament Finanzjarju. Arranġamenti ta’ monitoraġġ, inkluż is-sħubija tal-Bord ta' Tmexxija, tal-IK ITK BBI u arranġamenti ta’ rappurtaġġ se jiżguraw li s-servizzi tal-Kummissjoni jkunu jistgħu jilħqu r-rekwiżiti tal-kontabilità kemm għall-Kulleġġ kif ukoll għall-Awtorità Baġitarja.

Il-qafas ta’ kontroll intern għall-IK ITK BBI huwa mibni fuq:

-l-implimentazzjoni tal-Istandards għall-Kontroll Intern li joffru għallinqas garanziji ekwivalenti għal dawk tal-Kummissjoni;

-proċeduri għall-għażla tal-aqwa proġetti permezz ta’ evalwazzjoni indipendenti, u biex dawn jinbidlu fi strumenti legali;

-il-ġestjoni tal-proġetti u tal-kuntratti matul il-ħajja ta' kull proġett;

-il-kontrolli ex-ante fuq 100 % tat-talbiet, li jinkludu l-preżentazzjoni ta’ ċertifikati ta’ verifika u ċertifikazzjoni ex-ante tal-metodoloġiji tal-kostijiet;

- verifiki ex-post fuq kampjun ta’ talbiet bħala parti mill-verifiki ex-post tal-Orizzont 2020;

- u evalwazzjoni xjentifika tar-riżultati tal-proġett.

Ġew stabbiliti miżuri varji biex itaffu r-riskju inerenti ta’ kunflitt ta’ interess fi ħdan l-Impriża Konġunta għall-Implimentazzjoni tal-Inizjattiva Teknoloġika Konġunta BBI, speċjalment voti ugwali għall-Kummissjoni u għas-sħab industrijali fil-Bord ta' Tmexxija, l-għażla tad-Direttur mill-Bord ta' Tmexxija abbażi ta' proposta mill-Kummissjoni, l-indipendenza tal-persunal, evalwazzjonijiet minn esperti indipendenti bbażati fuq kriterji tal-għażla ppubblikati flimkien ma’ mekkaniżmi tal-appell u dikjarazzjonijiet sħaħ ta’ kwalunkwe interess. L-istabbiliment ta’ valuri etiċi u organizzattivi se jkun wieħed mir-rwoli prinċipali tal-Impriża Konġunta għall-Implimentazzjoni tal-Inizjattiva Teknoloġika Konġunta, u se jkun immonitorjat mill-Kummissjoni.

2.2.2.     Kostijiet u benefiċċji tal-kontrolli

L-awditur intern tal-Kummissjoni għandu jeżerċita l-istess setgħat fuq l-Impriża Konġunta BBI bħal dawk eżerċitati fir-rigward tal-Kummissjoni. Barra minn hekk, il-Bord ta' Tmexxija jista' jirranġa, kif inhu xieraq, għall-istabbiliment ta' kapaċità interna tal-Impriża Konġunta. Id-Direttur Eżekuttiv tal-Impriża Konġunta għall-Implimentazzjoni tal-Inizjattiva Teknoloġika Konġunta BBI, bħala Uffiċjal Awtoritattiv, se jkun mitlub li jintroduċi sistema interna ta’ kontroll u ġestjoni kosteffettiva. Huwa se jkun mitlub li jirrapporta lill-Kummissjoni dwar il-qafas ta’ kontroll adottat.

Il-Kummissjoni se tagħmel monitoraġġ tar-riskju ta’ nuqqas ta’ konformità permezz tas-sistema ta’ rappurtaġġ li tiżviluppa hi stess, kif ukoll billi ssegwi r-riżultati tal-verifiki ex-post dwar il-benefiċjarji tal-fondi tal-UE mill-Inizjattiva Teknoloġika Konġunta BBI, bħala parti mill-verifiki ex-post li jkopru l-Orizzont 2020 kollu.

Is-sistema ta’ kontroll stabbilita teħtieġ li tqis il-fehma qawwija, fost il-benefiċjarji tal-fondi tal-UE kif ukoll fost l-awtorità leġiżlattiva, li l-piż ta’ kontroll meħtieġ biex jinkiseb limitu ta’ żball ta’ 2% sar kbir wisq. Dan jista' jwassal biex il-programm ta' Riċerka tal-Unjoni ma jibqax daqsehkk attraenti, u għalhekk jaffettwa b’mod negattiv ir-riċerka u l-innovazzjoni fl-Unjoni.

Il-Kunsill Ewropew tal-4 ta’ Frar 2011 ikkonkluda li “huwa kruċjali li l-istrumenti tal-UE li għandhom l-għan li jrawmu r-riċerka, l-iżvilupp u l-innovazzjoni jiġu ssimplifikati sabiex jiġi ffaċilitat l-użu tagħhom mill-aħjar xjentisti u l-aktar kumpaniji innovattivi, b’mod partikolari billi jintlaħaq qbil bejn l-istituzzjonijiet rilevanti dwar ekwilibriju ġdid bejn il-fiduċja u l-kontroll u bejn it-teħid ta’ riskji u l-evitar ta’ riskji” (ara EUCO 2/1/11 REV1, Brussell 8 ta’ Marzu 2011).

Il-Parlament Ewropew, fir-Riżoluzzjoni tiegħu tal-11 ta’ Novemberu 2010 (P7_TA(2010)0401) dwar l-issimplifikar tal-implimentazzjoni tal-Programm Qafas ta’ Riċerka jappoġġja b'mod espliċitu riskju ogħla ta’ żbalji għall-iffinanzjar tar-riċerka u "jesprimi t-tħassib tiegħu li s-sistema attwali u l-prattika tal-ġestjoni tas-Seba’ Programm Kwadru huma orjentati żżejjed lejn il-kontroll, li jwassal għal ħela ta’ riżorsi, parteċipazzjoni iktar baxxa, u xenarji ta’ riċerka inqas attraenti; jinnota bi tħassib li s-sistema attwali ta’ ġestjoni ta’ "tolleranza tar-riskju żero" tidher li tevita aktar milli tikkontrolla r-riskji".

Għalhekk il-partijiet interessati u l-Istituzzjonijiet aċċettaw li l-firxa kollha tal-għanijiet u l-interessi, b’mod speċjali s-suċċess tal-politika dwar ir-Riċerka, il-kompetittività internazzjonali u l-eċċellenza xjentifika, għandhom ikunu ikkunsidrati, flimkien mar-rata tal-iżbalji. Fl-istess ħin, hemm ħtieġa ċara ta’ ġestjoni tal-baġit b'mod effiċjenti u effettiv, u li jkun hemm prevenzjoni tal-frodi u l-ħela.

Kif jingħad hawn fuq, il-Kummissjoni se tagħmel monitoraġġ tar-riskju tan-nuqqas ta’ konformità permezz ta’ sistema ta’ rappurtaġġ li se tistabbilixxi, kif ukoll billi ssegwi r-riżultati tal-verifiki ex-post fuq il-benefiċjarji tal-fondi tal-UE mill-Impriża Konġunta għall-Implimentazzjoni tal-Inizjattiva Teknoloġika Konġunta dwar BBI, bħala parti mill-verifiki ex-post li jkopru l-Orizzont 2020 kollu.

2.2.3.     Livell mistenni ta’ riskju ta’ nuqqas ta’ konformità

Kif il-Kummissjoni rrappurtat fl-Istqarrija Finanzjarja Leġislattiva għal Orizzont 2020, l-għan aħħari jibqa’ li tintlaħaq rata residwali ta’ żball ta’ inqas minn 2 % tan-nefqa totali matul il-ħajja tal-programm, u għal dak il-għan, hija introduċiet għadd ta’ miżuri ta' simplifikazzjoni. Madanakollu, l-għanijiet l-oħra stabbiliti hawn fuq kif ukoll l-kostijiet tal-kontrolli għandhom jiġu kkunsidrati.

Minħabba li r-regoli għall-parteċipazzjoni tal-Impriża Konġunta għall-Implimentazzjoni tal-Inizjattiva Teknoloġika Konġunta BBI huma bażikament bħal dawk li se tuża l-Kummissjoni, u b’popolazzjoni ta’ benefiċjarji bi profil ta’ riskju simili għal dawk tal-Kummissjoni, huwa mistenni li l-livell tal-iżball ikun simili għal dak stabbilit mill-Kummissjoni għal Orizzont 2020, jiġifieri. biex tingħata assigurazzjoni raġjonevoli li r-riskju tal-iżball matul il-perjodu tal-ispiża multiannwali jkun, fuq bażi annwali, fil-medda ta’ 2-5 %, bl-għan aħħari li jintlaħaq livell residwu ta’ żball viċin kemm jista’ jkun possibli lejn it-2 % fi tmiem il-programmi multiannwali, ladarba l-impatt finanzjarju tal-verifiki, u tal-miżuri ta' korrezzjoni u rkupru kollha jkunu ttieħdu inkonsiderazzjoni.

Ara l-Istqarrija Finanzjarja Leġislattiva għal Orizzont 2020 għad-dettalji kollha tar-rata tal-iżball mistennija fir-rigward tal-parteċipanti.

2.3.        Il-miżuri biex jiġu evitati l-frodi u l-irregolaritajiet

Il-Kummissjoni se tiżgura li l-proċeduri fil-ġlieda kontra l-frodi fl-istadji kollha tal-proċess ta’ ġestjoni jkunu applikati mill-IK ITK BBI. Il-proposti għal Orizzont 2020 kienu soġġetti għal provi ta’ frodi u valutazzjoni tal-impatt tagħhom. B’mod ġenerali, il-miżuri proposti għandu jkollhom impatt pożittiv fuq il-ġlieda kontra l-frodi, b’mod speċjali l-enfasi ikbar fuq verifiki bbażati fuq ir-riskju u evalwazzjoni u kontroll xjentifiku rinfurzat.

Il-Kummissjoni se tiżgura li miżuri xierqa jkunu fis-seħħ biex jiżguraw li, meta azzjonijiet ffinanzjati taħt dan ir-Regolament jiġu implimentati, l-interessi finanzjarji tal-Unjoni jkunu protetti bl-applikazzjoni ta’ miżuri preventivi kontra l-frodi, il-korruzzjoni u kwalunkwe attivitajiet illegali oħra, b’kontrolli effettivi, u jekk jinstabu xi irregolaritajiet bl-irkupru tal-ammonti mħallsa ħażin u, fejn huwa xieraq, b’penali effettivi, proporzjonati u deterrenti.

Il-Kummissjoni se tiżgura li l-kooperazzjoni mas-servizzi tagħha mill-Impriża Konġunta għall-Implimentazzjoni tal-IK ITK BBI fi kwistjonijiet relatati ma' frodi u irregolaritajiet se tkun b'saħħitha.

Il-Qorti tal-Awdituri għandu jkollha s-setgħa li twettaq verifiki abbażi ta’ dokumenti u fuq il-post, fuq il-benefiċjarji ta' għotjiet, il-kuntratturi u s-sottokuntratturi kollha li rċivew fondi tal-Unjoni taħt il-Programm.

L-Uffiċċju Ewropew Kontra l-Frodi (OLAF) jista' jwettaq verifiki fuq il-post u spezzjonijiet fuq operaturi ekonomiċi kkonċernati direttament jew indirettament minn tali finanzjament skont il-proċedura stabbilita fir-Regolament (Euratom, KE) Nru 2185/96 bl-għan li jiġi stabbilit jekk kienx hemm frodi, korruzzjoni jew kwalunkwe attività illegali oħra li taffettwa l-interessi finanzjarji tal-Unjoni b'rabta mal-ftehim tal-għotja jew id-deċiżjoni tal-għotja jew kuntratt li jikkonċerna l-finanzjament tal-Unjoni.         

3.           L-IMPATT FINANZJARJU STMAT TAL-PROPOSTA / INIZJATTIVA

3.1.        Intestatura(i) tal-qafas finanzjarju pluriennali u intestatura(i) baġitarja(i) tan-nefqa

· Intestaturi baġitarji ġodda mitluba

Fl-ordni tal-intestaturi tal-qafas finanzjarju pluriennali u l-intestaturi baġitarji.

L-intestatura tal-qafas finanzjaju pluriennali || Intestatura baġitarja || Tip ta' nefqa || Kontribuzzjoni

L-intestatura 1A – Kompetittività għat-tkabbir u l-impjiegi || Diff./Mhux-diff. || minn pajjiżi tal- EFTA || minn pajjiżi kandidati || minn pajjiżi terzi || skont l-Artikolu 18(1)(aa) tar-Regolament Finanzjarju

1A || 08 02 07 32 – Sfidi soċjetali –l-ITK BBI || Diff. || IVA || IVA || IVA || IVA

Il-baġit annwali tal-impenn tal-Impriża Konġunta u l-approprjazzjonijiet ta' ħlas ta' Industriji b'bażi bijoloġika huwa ffinanzjat permezz ta':

- 08.020201 Tmexxija fin-nanoteknoloġiji, il-materjali avvanzati, il-bijoteknoloġija u l-manifattura u l-ipproċessar avvanzat: 15%

- 08.020302 Titjib fis-sikurezza tal-ikel, l-iżvilupp ta' agrikoltura, riċerka tal-baħar u dik marittima sostenibbli u l-bijoekonomija: 85%

Il-kontribuzzjoni finanzjarja annwali għal kull intestatura baġitarja hija indikata fit-tabella hawn taħt.

EUR miljuni (sa tliet postijiet deċimali)

Intestatura baġitarja || 2014 || 2015 || 2016 || 2017 || 2018 || 2019 || 2020 || Għadd totali

08.020201 Tmexxija fin-nanoteknoloġiji, il-materjali avvanzati, il-bijoteknoloġija u l-manifattura u l-ipproċessar avvanzat: || 7,793 || 30,314 || 24,411 || 20,768 || 21, 318 || 21,529 || 23,867 || 150,000

 08.020302 Titjib fis-sikurezza tal-ikel, l-iżvilupp ta' agrikoltura, riċerka tal-baħar u dik marittima sostenibbli u l-bijoekonomija || 44,162 || 171,782 || 138,332 || 117,685 || 120,803 || 121,998 || 135,238 || 850,000

Total || 51,955 || 202,096 || 162,743 || 138,453 || 142,121 || 143,527 || 159,105 || 1.000,000

3.2.        L-impatt stmat fuq in-nefqa

3.2.1.     Sommarju tal-istima tal-impatt fuq in-nefqa

Intestatura tal-qafas finanzjarju pluriennali Qafas: || 1A || L-intestatura 1A – Kompetittività għat-tkabbir u l-impjiegi L-intestatura baġitarja: 08 02 07 32 – Sfidi soċjetali – ITK BBI

EUR miljuni (sa tliet postijiet deċimali)

Impriża Konġunta BBI || || Sena 2014 || Sena 2015 || Sena 2016 || Sena 2017 || Sena 2018 || Sena 2019 || Sena 2020 || Sena 2021 to 2024 || TOTAL

Titolu 1 Nefqa tal-Persunal || Impenji || (1) || 0,498 || 0,651 || 0,664 || 0,678 || 0,691 || 0,705 || 3,745 || 0 || 7,632

Pagamenti || (2) || 0,498 || 0,651 || 0,664 || 0,678 || 0,691 || 0,705 || 0,719 || 3,026 || 7,632

Titolu 2 Nefqa infrastrutturali u operattiva || Impenji || (1a) || 1,457 || 1,445 || 1,579 || 1,775 || 1,930 || 1,822 || 2,36 || 0 || 12,368

Pagamenti || (2a) || 1,457 || 1,445 || 1,579 || 1,775 || 1,930 || 1,822 || 1,292 || 1,068 || 12,368

Titolu 3 Nefqa operattiva || Impenji || (3a) || 50,000 || 200,000 || 160,500 || 136,000 || 139,500 || 141,000 || 153,.000 || 0 || 980,000

Pagamenti || (3b) || 0 || 130,000 || 94,660 || 95,680 || 106,996 || 119,776 || 216,444 || 216,444 || 980,000

TOTAL ta' approprjazzjonijiet għall-Impriża Konġunta BBI || Impenji || =1+1a +3a || 51,955 || 202,096 || 162,743 || 138,453 || 142,121 || 143,527 || 159,105 || 0 || 1.000,000

Pagamenti || =2+2a +3b || 1,955 || 132,096 || 96,903 || 98,133 || 109,617 || 122,303 || 218,455 || 220,538 || 1.000,000

L-Impriża Konġunta tal-Industriji b'bażi bijoloġika hija bbażata fuq bażi ta' kostijiet komuni mal-industrija.

Intestatura tal-qafas finanzjarju pluriennali || 1A || "Nefqa amministrattiva"

|| || || Sena 2014 || Sena 2015 || Sena 2016 || Sena 2017 || Sena 2018 || Sena 2019 || Sena 2020 || Sena 2021-2024 || TOTAL

DĠ: RTD || ||

Ÿ Riżorsi umani || 0,393 || 0,400 || 0,408 || 0,417 || 0,425 || 0,433 || 0,441 || p.m. || 2,917

Ÿ Nefqa amministrattiva oħra || 0 || 0 || 0 || 0 || 0 || 0 || 0 || 0 || 0

TOTAL ta' approprjazzjonijiet || ta' DĠ RTD || 0,393 || 0,400 || 0,408 || 0,417 || 0,425 || 0,433 || 0,441 || p.m. || 2,917

TOTAL ta' approprjazzjonijiet taħt INTESTATURA 1A tal-qafas finanzjarju plurieannali || (Total ta' impenji = Total ta' pagamenti) || 0,393 || 0,400 || 0,408 || 0,417 || 0,425 || 0,433 || 0,441 || p.m. || 2,917

|| || || Sena 2014 || Sena 2015 || Sena 2016 || Sena 2017 || Sena 2018 || Sena 2019 || Sena 2020 || Sena 2021-2024 || TOTAL

TOTAL ta' approprjazzjonijiet taħt INTESTATURI 1 sa 5 tal-qafas finanzjarju plurieannali || Impenji || 52,348 || 202,496 || 163,151 || 138,870 || 142,546 || 143,960 || 159,546 || || 1.002,917

Pagamenti || 2,348 || 132,496 || 97,311 || 98,550 || 110,042 || 122,736 || 218,896 || 220,538 || 1.002,917

3.2.2.     Stima tal-impatt tal-approprjazzjonijiet tal-Impriża Konġunta BBI

¨         Il-proposta/inzjattiva ma teħtieġx l-użu ta’ approprjazzjonijiet operattivi

X         Il-proposta / inizjattiva teħtieġ l-użu ta’ approprjazzjonijiet operattivi, kif deskritt hawn taħt:

Indika l-għanijiet u r-riżultati ò || || Sena 2014 || Sena 2015 || Sena 2016 || Sena 2017 || Sena 2018 || Sena 2019 || Sena 2020-2024 || total

|| || || ||

Tip[37] || Spiża medja || Numr u || Kost || Numru || Kost || Numru || Kost || Numru || Kost || Numru || Kost || Numru || Kost || Numru || kostijiet ||

GĦAN SPEĊIFIKU NUMRU 1[38] Għall-iskalar 'il fuq u l-validazzjoni mal-iskala ta' dimostrazzjoni, moduli ġodda għall-industrija tal-kimiċi || || || || || || || || || || || || || || ||

- Riżultat Ħames moduli ġodda għall-industrija tal-kimiċi || Moduli || 30,000 || || 22,000 || || 75,000 || || 57,500 || || 52,000 || || 50,000 || || 50,000 || || 83,000 || 389,500

Subtotal għall-għan speċifiku Nru 1 || || 22,000 || || 75,000 || || 57,500 || || 52,000 || || 50,000 || || 50,000 || || 83,000 || 389,500

GĦAN SPEĊIFIKU Nru 2 Għall-iżvilupp ta' materjali ġodda b'bażi bijoloġika || || || || || || || || || || || || || || ||

- Riżultat Ħamesin materjal ġdid b'bażi bijoloġika || Materjali || 2,500 || || 9,000 || || 35,000 || || 36,500 || || 24,000 || || 27,000 || || 29,500 || || 36,000 || 197,000

Subtotal għall-għan speċifiku Nr 2 || || 9,000 || || 35,000 || || 36,500 || || 24,000 || || 27,000 || || 29,500 || || 36,000 || 197,000

GĦAN SPEĊIFIKU Nru 3 Biex jiġu ppreżentati prodotti tal-konsumatur ġodda qrib tas-suq || || || || || || || || || || || || || || ||

- Riżultat Tletin prodott tal-konsumatur ġdid || Prodotti || 2,500 || || 10,000 || || 21,500 || || 21,500 || || 15,500 || || 17,500 || || 19,000 || || 31,500 || 136,500

Subtotal għall-għan speċifiku Nru 3 || || 10,000 || || 21,500 || || 21,500 || || 15,500 || || 17,500 || || 19,000 || || 31,500 || 136,500

GĦAN SPEĊIFIKU Nru 4 Biex jitwaqqfu bijoraffineriji ewlenin || || || || || || || || || || || || || || ||

- Riżultat Ħames raffineriji ewlenin || raffineriji || 25,000 || || 19,000 || || 70,000 || || 47,000 || || 51,000 || || 53,000 || || 51,000 || || 65,000 || 356,000 ||

Subtotal għall-għan speċifiku Nru 4 || || 19,000 || || 70,000 || || 47,000 || || 51,000 || || 53,000 || || 51,000 || || 65,000 || 356,000 ||

GĦAN SPEĊIFIKU Nru 5 Biex jiġu stabbiliti katini ta' valur ġodda b'bażi bijoloġika || || || || || || || || || || || || || || ||

- Riżultat Għaxar katini ta' valur ġodda b'bażi bijoloġika || Katini ta' valur b'bażi bijoloġika || 4,000 || || 7,500 || || 16,000 || || 15,500 || || 11,000 || || 9,500 || || 9,000 || || 15,000 || 83,500 ||

Subtotal għall-għan speċifiku N°5 || || 7,500 || || 16,000 || || 15,500 || || 11,000 || || 9,500 || || 9,000 || || 15,000 || 83,500 ||

|| || || || || || || || || || || || || || ||

KOST TOTALI || 67,500 || 217,500 || 178,000 || 153,500 || 157,000 || 158,500 || 230,500 || 1.162,500 ||

Il-kontribut tal-UE għall-kostijiet operattivi jammonta għal EUR 980 miljun.

3.2.3.     L-impatt stmat fuq ir-riżorsi umani

3.2.3.1.  Sommarju tal-Impriża Konġunta BBI

¨         Il-proposta / inizjattiva ma teħtieġx l-użu ta’ approprjazzjonijiet ta’ natura amministrattiva

X Il-proposta / inizjattiva teħtieġ l-użu ta’ approprjazzjonijiet ta’ natura amministrattiva, kif deskritt hawn taħt:

Għadd ta' persunal (f'FTE)[39]

|| Sena 2014 || Sena 2015 || Sena 2016 || Sena 2017 || Sena 2018 || Sena 2019 || Sena 2020 || Sena 2021 || Sena 2022 || Sena 2023 || Sena 2024*

Uffiċjali (Gradi AD) || 2 || 2 || 2 || 2 || 2 || 2 || 2 || 2 || 2 || 2 || 2

Uffiċjali (Gradi AST) || 2 || 2 || 2 || 2 || 2 || 2 || 2 || 2 || 2 || 2 || 2

Aġenti kuntrattwali || 12 || 18 || 18 || 18 || 18 || 18 || 18 || 18 || 18 || 18 || 18

Aġenti Temporanji ||   ||   ||   ||   ||   ||   ||   || ||   || ||

Esperti Nazzjonali Sekondati || || || || || || || || || || ||

TOTAL || 16 || 22 || 22 || 22 || 22 || 22 || 22 || 22 || 22 || 22 || 22

*F'każ tal-ebda tiġdid tal-Implimentazzjoni Teknoloġika Kongunta, l-għadd ta' persuni se jonqos skont il-perjodu ta' tneħħija gradwali (wara l-2020), waqt li jitqiesu l-impenji finanzjarji. Din it-tabell tirrappreżenta x-xenarju massimu.

EUR miljuni (sa tliet postijiet deċimali)

|| Sena 2014 || Sena 2015 || Sena 2016 || Sena 2017 || Sena 2018 || Sena 2019 || Sena 2020 || Sena 2021 || Sena 2022 || Sena 2023 || Sena 2024

Uffiċjali (Gradi AD) || 0.216 || 0.220 || 0.224 || 0.229 || 0.233 || 0.238 || 0.243 || 0.247 || 0.252 || 0.257 || 0.263

Uffiċjali (Gradi AST) || 0.216 || 0.220 || 0.224 || 0.229 || 0.233 || 0.238 || 0.243 || 0.247 || 0.252 || 0.257 || 0.263

Aġenti kuntrattwali || 0.564 || 0.863 || 0.880 || 0.898 || 0.916 || 0.934 || 0.953 || 0.972 || 0.991 || 1.011 || 1.031

Aġenti Temporanji || || || || || || || || || || ||

Esperti Nazzjonali Sekondati || || || || || || || || || || ||

TOTAL || 0.996 || 1.303 || 1.328 || 1.356 || 1.382 || 1.410 || 1.439 || 1.466 || 1.495 || 1.525 || 1.557

3.2.3.2.  Ir-rekwiżiti stmati tar-riżorsi umani għad-DĠ prinċipali (DĠ RTD)

-           Il-proposta / inizjattiva ma teħtieġx l-użu ta’ riżorsi umani.

X         Il-proposta / inizjattiva teħtieġ l-użu ta’ riżorsi umani, kif deskritt hawn taħt:

L-istima għandha tiġi espressa f'numri

|| Sena 2014 || Sena 2015 || Sena 2016 || Sena 2017 || Sena 2018 || Sena 2019 || Sena 2020*

Ÿ Postijiet tat-tabella tal-persunal (uffiċjali u persunal temporanju)

XX 01 01 01 (Uffiċċju Prinċipali u Uffiċċji tar-Rappreżentanza tal-Kummissjoni) || || || || || || ||

XX 01 01 02 (Id-delegazzjonijiet) || || || || || || ||

08 01 05 01 (Riċerka indiretta) || 3 || 3 || 3 || 3 || 3 || 3 || 3

10 01 05 01 (Riċerka diretta) || || || || || || ||

Ÿ Persunal estern (f'Ekwivalenti għal Full Time: FTE)[40]

XX 01 02 01 (CA, SNE, INT mill-"pakkett globali") || || || || || || ||

XX 01 02 02 (CA, LA, SNE, INT u JED fid-delegazzjonijiet) || || || || || || ||

XX 01 04 ss[41] || - fil-Kwartieri Ġenerali[42] || || || || || || ||

- fid-delegazzjonijiet || || || || || || ||

XX 01 05 02 (CA, SNE, INT – Riċerka indiretta) || || || || || || ||

10 01 05 02 (CA, SNE, INT – Riċerka diretta) || || || || || || ||

Intestaturi baġitarji oħra (speċifika) || || || || || || ||

TOTAL || 3 || 3 || 3 || 3 || 3 || 3 || 3

*In-numru tal-persunal għall-perjodu wara l-2020 jkun deċiż fi stadju iktar tard.

Ir-riżorsi umani meħtieġa se jagħmel tajjeb għalihom il-persunal mid-DĠ, li huwa diġà assenjat għall-ġestjoni tal-azzjoni u/jew li ntbagħat jaħdem mad-DĠ, flimkien, jekk ikun neċessarju, ma' kwalunkwe allokazzjoni addizzjonali li tista' tingħata lid-DĠ tal-ġestjoni skont il-proċedura ta' allokazzjoni annwali u fid-dawl tar-restrizzjonijiet baġitarji.

Id-deskrizzjoni tal-kompiti li għandhom jitwettqu:

Uffiċjali u persunal temporanju || Kif deskritt fl-Istatuti tal-Impriża Konġunta BBI, il-Klawsoli 4 u 6

Il-persunal estern || Mhux applikabbli

Għandha tiġi inkluża deskrizzjoni tal-kalkolu tal-kost għall-ekwivalent tal-FTE fl-Anness, it-Taqsima 3.

Ir-rekwiżiti stmati tar-riżorsi umani għall-Impriża Konġunta BBI[43]

¨         Il-proposta / inizjattiva ma teħtieġx l-użu ta’ riżorsi umani.

X         Il-proposta / inizjattiva teħtieġ l-użu ta’ riżorsi umani, kif deskritt hawn taħt:

a. Rekwiżiti stmati ta’ riżorsi umani li għandhom ikunu ffinanzjati minn approprijazzjonijiet skont il-Qafas Finanzjarju Pluriennali 2020

L-istima għandha tiġi espressa f'numri

|| Sena 2014 || Sena 2015 || Sena 2016 || Sena 2017 || Sena 2018 || Sena 2019 || Sena 2020*

Ÿ Postijiet tal-pjan ta' stabbiliment (persunal temporanju)

|| || || || || || ||

  08 02 07 32 – Sfidi soċjetali –l-ITK BBI || ||   ||   ||   ||   ||   ||  

Uffiċjali (Gradi AD) || 2 || 2 || 2 || 2 || 2 || 2 || 2

Uffiċjali (Gradi AST) || 2 || 2 || 2 || 2 || 2 || 2 || 2

Ÿ Persunal estern (f'Ekwivalenti għal Full Time: FTE)[44]

08 02 07 32 – Sfidi soċjetali –l-ITK BBI || || || || || || ||

TA || || || || || || ||

CA || 12 || 18 || 18 || 18 || 18 || 18 || 18

SNE || || || || || || ||

INT || || || || || || ||

TOTAL || 16 || 22 || 22 || 22 || 22 || 22 || 22

* għall-2021-2024, jekk jogħġbok irreferi għat-tabella 3.2.3.1

Id-deskrizzjoni tal-kompiti li għandhom jitwettqu:

Uffiċjali u persunal temporanju || Kif deskritt fl-Istatuti tal-Impriża Konġunta BBI, il-Klawsoli 4 u 6

Il-persunal estern || Kif deskritt fl-Istatuti tal-Impriża Konġunta BBI, il-Klawsoli 4 u 6

Għandha tiġi inkluża deskrizzjoni tal-kalkolu tal-kost għall-ekwivalent tal-FTE fl-Anness, it-Taqsima 3.

3.2.4.     Il-kompatibbiltà mal-qafas finanzjarju pluriennali

X         Il-proposta / inizjattiva hija kompatibbli mal-qafas finanzjarju pluriennali attwali (MFF 2014-2020).

¨         Il-proposta / inizjattiva titlob riprogrammar tat-intestatura rilevanti fil-qafas finanzjarju pluriennali attwali.

Spjega x’riprogrammazzjoni hija meħtieġa, billi tispeċifika l-intestaturi baġitarji kkonċernati u l-ammonti korrispondenti.

¨         Il-proposta/l-inizjattiva teżiġi l-applikazzjoni tal-istrument tal-flessibbiltà jew i—reviżjoni tal-qafas finanzjarju pluriennali[45]

Spjega x’inhuwa meħtieġ, billi tispeċifika l-intestaturi u l-intestaturi baġitarji kkonċernati u l-ammonti korrispondenti.

3.2.5.     Il-kontribuzzjonijiet minn partijiet terzi

¨ Il-proposta / inizjattiva ma tipprevedix kofinanzjament minn partijiet terzi.

X Il-proposta / inizjattiva tipprovdi għall-kofinanzjament kif stmat hawn taħt:

Approprjazzjonijiet f’EUR miljun (sa tliet punti deċimali)

|| Sena 2014 || Sena 2015 || Sena 2016 || Sena 2017 || Sena 2018 || Sena 2019 || Sena 2020 -2024 || Total

Speċifika l-korp ta' kofinanzjament – kontribuzzjoni fi flus kontanti għall-kostijiet amministrattivi || 1,955 || 2,096 || 2,243 || 2,453 || 2,621 || 2,527 || 6,105 || 20,000

Speċifika l-korp ta' kofinanzjament – kontribuzzjoni fi flus kontanti għall-kostijiet amministrattivi || 17,500 || 17,500 || 17,500 || 17,500 || 17,500 || 17,500 || 77,500 || 182,500

IT-TOTAL ta’ approprjazzjonijiet kofinanzjati || 19,455 || 19,596 || 19,743 || 19,953 || 20,121 || 20,027 || 83,605 || 202,500

Il-kontribuzzjonijiet fi flus kontanti se jinkludu minimu ta' EUR 182.5 miljuni mill-Industrija għall-kostijiet operattivi.

Il-kontribuzzjoni totali mill-membri minbarra l-Unjoni huma stipulati fl-Artikolu 4 tar-Regolament tal-Kunsill tal-Impriża Konġunta BBI.

3.3.        Stima tal-impatt fuq id-dħul

X         Il-proposta / inizjattiva ma għandha l-ebda impatt fuq id-dħul.

[1]               COM(2012) 79

[2]               DĠ REGIO (2012) Norbtu t-tkabbir intelliġenti ma’ dak sostenibbli permezz tal-ispeċjalizzazzjoni intelliġenti. Gwida prattiku għall-awtoritajiet maniġerjali tal-ERDF.

[3]               COM(2012) 60

[4]               COM(2012) 582

[5]               COM(2013) […]

[6]               CDR1112-2012

[7]               L-istudju (li għandu jkun ippubblikat sa tmiem l-2013) jistħarreġ jekk il-konsumaturi humiex kapaċi jagħmlu għażliet informati, billi janalizza l-fehim tal-konsumaturi u t-trasparenza tal-informazzjoni. Mistenni li jiġġenera rakkomandazzjonijiet dwar it-titjib u l-armonizzazzjoni tat-tikkettar tal-fjuwils fil-pompi fl-Istati Membri tal-UE. L-istudju jindirizza wkoll il-kwistjoni tad-disponibbiltà ta’ fjuwils u bejjiegħa bl-imnut differenti, u l-prezzijiet bl-imnut.

[8]               COM(2012) 60 u SEC(2012) 11.

[9]               OCED (2009) Il-bijoekonomija għall-2030: It-tfassil ta' Aġenda ta' Politika.

[10]             Festel, G. (2011) Presentation at the 4th Annual European Forum for Industrial Biotechnology & The Biobased Economy, Amsterdam, l-20 ta' Ottubru 2011.

[11]             WEF (2020) Il-futur tal-Bijoraffineriji Industrijali.

[12]             OCED (2009) Il-bijoekonomija għall-2030: It-tfassil ta' Aġenda ta' Politika.

[13]             COM(2012) 582.

[14]             Bloomberg New Energy Finance (2010) Next-generation ethanol and biochemicals: What's in it for Europe

[15]             Bi prezzijiet attwali

[16]             ĠU … [Opinjoni tal-PE]

[17]             ĠU … [Opinjoni tal-ESC]

[18]             ĠU L 412, 30.12.2006, p. 1.

[19]             ĠU L 400, 30.12.2006, p. 86.

[20]             ĠU … [H2020 FP]

[21]             ĠU … [H2020 SP]

[22]             COM(2010) 2020 finali.

[23]             COM(2012) 60.

[24]             COM(2012) 582 finali.

[25]             COM(2007) 860 finali.

[26]             ĠU … [H2020 RfP]

[27]             ĠU L 362, 31.12.2012, p. 1.

[28]             ĠU L 298, 26.10.2012, p. 1.

[29]             ĠU 56, 4.3.1968, p. 1.

[30]             ĠU L 136, 31.05.1999, p. 1.

[31]             ĠU L 292, 15.11.1996, p. 2-5.

[32]             ĠU L 136, 31.5.1999, p. 15.

[33]             ĠU L 145, 31.5.2011, p. 43.

[34]             ABM: Immaniġġjar Ibbażat fuq l-Attività – ABB: Ibbaġittjar Ibbażat fuq l-Attività.

[35]             Kif jissemma fl-Artikolu 54(2)(a) jew (b) tar-Regolament Finanzjarju.

[36]             Id-dettalji tal-metodi ta' ġestjoni u r-referenzi għar-Regolament Finanzjarju huma disponibbli fis-sit tal-BudgWeb: http://www.cc.cec/budg/man/budgmanag/budgmanag_en.html

[37]             Ir-riżultati huma prodotti jew servizzi li għandhom jiġu fornuti (eż. għadd ta’ skambji ta’ studenti ffinanzjati, numru ta’ km ta’ toroq mibnija, eċċ.).

[38]             Kif deskritt fil-punt 1.4.2. “L-għan/ijiet speċifiku/iċi...”

[39]             Fil-każ ta’ korpi ta’ sħubija pubblika-privata skont l-Artikolu 209 FR, din it-taqsima hija inkluża għal skopijiet ta’ informazzjoni.

[40]             CA= Aġent Kuntrattwali; LA= Aġent Lokali; ENS= Espert Nazzjonali Ssekondat; INT = Persunal tal-Aġenziji ('Intérimaire').

[41]             Sublimitu għall-persunal estern kopert mill-approprjazzjonijiet operattivi (l-eks linji "BA").

[42]             Prinċipalment għal Fondi Strutturali, il-Fond Agrikolu Ewropew għall-Iżvilupp Rurali (EAFRD) u l-Fond Ewropew għas-Sajd (EFF).

[43]             Fil-każ ta’ korpi ta’ sħubija pubblika-privata skont l-Artikolu 209 FR, din it-taqsima hija inkluża għal għanijiet ta’ informazzjoni.

[44]             CA = Aġent Kuntrattwali; LA = Aġent Lokali; ENS = Espert Nazzjonali Sekondat; INT = Persunal tal-aġenziji ('Intérimaire').

[45]             Ara punti 19 sa 24 tal-Ftehim Interistituzzjonali.