Proposta għal REGOLAMENT TAL-PARLAMENT EWROPEW U TAL-KUNSILL li jistabbilixxi l-Programm Copernicus u jħassar ir-Regolament (UE) Nru 911/2010 /* COM/2013/0312 final - 2013/0164 (COD) */
MEMORANDUM TA’ SPJEGAZZJONI 1. KUNTEST TAL-PROPOSTA Copernicus huwa l-isem il-ġdid
tal-Programm Ewropew ta’ Osservazzjoni tad-Dinja, GMES (Monitoraġġ
Globali tal-Ambjent u s-Sigurtà). Copernicus jew aħjar il-predeċessur
tiegħu ġie stabbilit bħala programm tal-UE bir-Regolament tal-GMES
(UE) Nru 911/2010. Dan ikopri l-attivitajiet kollha biex tkun żgurata
provvista mingħajr interruzzjoni ta’ dejta u informazzjoni
preċiżi u affidabbli dwar kwistjonijiet ambjentali u kwistjonijiet
ta’ sigurtà lill-utenti responsabbli għat-tfassil tal-politika,
l-implimentazzjoni u l-monitoraġġ fl-UE u fl-Istati Membri
tagħha. Copernicus għandu l-għan li jipprovdi lill-Ewropa b'aċċess
kontinwu, indipendenti u affidabbli għal dejta u informazzjoni ta' osservazzjoni.
L-investiment tal-UE għandu l-għan li jneħħi d-diskrepanzi
fl-osservazzjoni, filwaqt li jipprovdi aċċess għall-assi
eżistenti u jiżviluppa servizzi operattivi. Copernicus huwa strutturat f’sitt Servizzi:
il-monitoraġġ tal-Baħar, tal-Atmosfera, tal-Art u tat-Tibdil fil-Klima
kif ukoll l-appoġġ għall-Emerġenza u s-Sigurtà. Copernicus
juża dejta minn satelliti u sensuri fil-post bħal bagi, blalen jew
sensuri tal-ajru li jipprovdu informazzjoni u tbassir ta’ valur miżjud
f’waqtu u affidabbli għas-sostenn ta’, pereżempju, l-agrikoltura u
s-sajd, l-użu tal-art u l-ippjanar urban, il-ġlieda kontra n-nirien
fil-foresti, ir-reazzjoni għad-diżastri, it-trasport marittimu jew
il-monitoraġġ tat-tniġġis tal-arja. Copernicus jikkontribwixxi wkoll
għall-istabbiltà u t-tkabbir ekonomiku billi jagħti spinta
lill-applikazzjonijiet kummerċjali (dawk li jissejħu servizzi
downstream) f’ħafna setturi differenti permezz ta’ aċċess
sħiħ u miftuħ għal prodotti ta’ dejta u informazzjoni
tal-osservazzjoni Copernicus. Huwa wieħed mill-programmi li għandhom
jiġu pprovduti skont l-istrateġija Ewropa 2020 għal tkabbir
intelliġenti, sostenibbli u inklużiv u ġie inkluż
fl-inizjattiva tal-politika industrijali tal-Ewropa 2020, minħabba
l-benefiċċji tiegħu għal firxa wiesgħa ta’ politiki
tal-Unjoni. Ir-responsabbiltà għall-finanzjament
tal-isfruttament u t-tiġdid tal-infrastruttura spazjali żviluppata
bil-fondi tal-UE u dawk intergovernattivi ma tistax tintlaħaq
bl-aħjar mod mill-Istati Membri individwali minħabba l-ispejjeż
imġarrba. Fil-qasam tal-osservazzjoni bbażata fl-ispazju
għall-meteoroloġija operattiva, l-Istati Ewropej ġabru
r-riżorsi tagħhom biex jiżviluppaw u jisfruttaw satelliti
meteoroloġiċi fil-qafas tal-Organizzazzjoni Ewropea għall-Esplojtazzjoni
u Satelliti Meteoroloġiċi (EUMETSAT). L-Istati Ewropej żviluppaw
ukoll dimostraturi ta’ satelliti ambjentali permezz tal-Aġenzija Spazjali
Ewropea (ESA) jew permezz ta’ aġenziji spazjali nazzjonali. Madankollu, ma
setgħux isibu mezz biex jikkooperaw fir-rigward tal-finanzjament
tal-programmi operattivi sostnuti fil-qasam tal-monitoraġġ
ambjentali. Il-ħtieġa għat-tkomplija ta’ osservazzjonijiet
bħal dawn qed issir kritika, meta wieħed iqis il-pressjoni politika
dejjem tiżdied fuq l-awtoritajiet pubbliċi biex jieħdu
deċiżjonijiet infurmati fil-qasam tal-ambjent, is-sigurtà u t-tibdil
fil-klima u l-ħtieġa li jiġu rrispettati l-ftehimiet
internazzjonali. Għas-servizzi b’kopertura pan-Ewropea u
globali, l-Istati Membri ma jistgħux jiksbu l-objettivi tal-azzjoni
proposta b’mod suffiċjenti, peress li l-kontribuzzjonijiet mill-Istati
Membri differenti jridu jiġu aggregati fil-livell Ewropew. Il-forniment
ta’ servizzi oħrajn (eż. mapep ta’ emerġenza jew mapep
tematiċi ta’ monitoraġġ tal-art b’ambitu ġeografiku aktar
limitat) jista’ jinkiseb aħjar fil-livell tal-UE għal żewġ
raġunijiet. L-ewwel nett, ġestjoni iktar koerenti u
ċentralizzata tad-dejta tal-input, minn sensuri bbażati fl-ispazju
jew fil-post se tippermetti ekonomiji ta’ skala. It-tieni nett, provvista koordinata ta’
servizzi ta’ monitoraġġ tad-Dinja fil-livell tal-Istati Membri
tgħin biex jiġu evitati d-duplikazzjonijiet u ssaħħaħ
il-monitoraġġ tal-implimentazzjoni tal-leġiżlazzjoni
ambjentali tal-UE abbażi ta’ kriterji trasparenti u oġġettivi.
Hija biss l-informazzjoni komparabbli prodotta fil-livell tal-Istati Membri li
tagħmel possibbli l-iżgurar ta’ implimentazzjoni effettiva
tal-leġiżlazzjoni ambjentali li f’ħafna każijiet tindirizza
problemi tassew mingħajr fruntieri u għalhekk problemi
internazzjonali. Barra minn hekk, azzjoni fil-livell Ewropew se
toħloq ekonomiji ta’ skala li jwasslu għal valur aħjar
għall-flus pubbliċi. Azzjoni fil-livell tal-UE għalhekk twassal
għal valur miżjud ċar. Sa mill-bidu, il-finanzjament globali allokat
għall-iżvilupp tiegħu mill-UE u l-ESA laħaq aktar minn
EUR 3.2 biljun. Parti kbira mill-baġit tal-GMES kienet
iddedikata għall-iżvilupp ta’ satelliti ta’ osservazzjoni:
is-Sentinelli. Dan sar permezz ta’ kontribuzzjoni mill-Kummissjoni ta’
EUR 738 miljun għall-programm tal-komponent spazjali tal-ESA
GMES (GSC). Sal-aħħar tal-2013, Copernicus huwa
ffinanzjat mit-tema spazjali tal-FP7 u l-GMES u l-programm tal-Operazzjonijiet
Inizjali tiegħu. Peress li Copernicus se jkun lest biex jidħol
fil-fażi operattiva tiegħu, huwa meħtieġ Regolament
ġdid mill-2014 ’il quddiem. B’mod konformi mal-objettivi
tal-Komunikazzjoni “Aġenda ta’ Simplifikazzjoni għall-QFM 2014-2020” [1], dan ir-Regolament il-ġdid
se jiddefinixxi aħjar il-governanza tal-programm, b’mod partikolari r-rwol
tal-Kummissjoni, l-objettivi tal-programm u l-indikaturi li se jippermettu
monitoraġġ effettiv tal-implimentazzjoni tiegħu, u jiżgura
tranżizzjoni bla xkiel mill-attivitajiet attwali. Ir-Regolament propost
jinkludi wkoll dispożizzjonijiet għat-twaqqif ta’ proċeduri
finanzjarji proporzjonati b’mod partikolari għall-parti l-kbira
tal-programm li għandha tiġi implimentata indirettament. Fil-kuntest
ta’ simplifikazzjoni u “regolamentazzjoni intelliġenti”, għandu
jiġi nnutat li Copernicus jimmira li jtejjeb il-kwalità
tal-leġiżlazzjoni billi jipprovdi għodod ta’ monitoraġġ
ibbażati fuq l-evidenza. Fil-Komunikazzjoni tagħha intitolata
“Baġit għall-Ewropa 2020”, (COM (2011) 500 finali tad-29.06.2011)
il-Kummissjoni indikat li minħabba l-limiti tal-baġit tal-UE,
ġie propost li l-GMES jiġi ffinanzjat barra mill-qafas finanzjarju
pluriennali fil-perjodu ta' bejn l-2014 u l-2020. Din il-proposta ġiet
miċħuda mill-Parlament fir-riżoluzzjoni tiegħu P7_TA(2012)0062
tas-16 ta’ Frar 2012. Il-konklużjonijiet tal-Kunsill
Ewropew tas-7 u t-8 ta’ Frar 2013, dwar il-Qafas Finanzjarju Pluriennali
(QFP) jipprevedu li l-programm għandu jiġi ffinanzjat taħt
is-subintestatura 1a tal-qafas finanzjarju, b'livell massimu ta' impenji
ta' EUR 3,768 miljun (prezzijiet tal-2011) li jridu jiġu stabbiliti
fir-Regolament tal-QFP. 2. IR-RIŻULTATI TA’ KONSULTAZZJONIJIET
MAL-PARTIJIET INTERESSATI U VALUTAZZJONIJIET TAL-IMPATT Sa mill-ħolqien tal-Uffiċċju
tal-GMES tal-Kummissjoni Ewropea fl-2006 kien fis-seħħ proċess
kontinwu ta’ konsultazzjoni mal-partijiet interessati dwar il-GMES. Dan
il-proċess ta’ konsultazzjoni, imniedi bil-Komunikazzjoni intitolata
“Monitoraġġ globali għall-Ambjent u s-Sigurtà (GMES):
Mill-Kunċett għar-Realtà” [2],
wassal l-ewwel nett għall-adozzjoni tal-Komunikazzjoni tal-2008 intitolata
“Monitoraġġ Globali għall-Ambjent u għas-Sigurtà (MGAS):
Għal Qalbna Dinja iżjed Protetta” [3]. Saru aktar konsultazzjonijiet
bi tħejjija għall-proposta tal-Kummissjoni għal Regolament dwar
il-programm Ewropew ta’ osservazzjoni tad-Dinja (GMES) u l-operazzjonijiet
inizjali tiegħu (2011-2013) [4]
u l-Komunikazzjoni intitolata “Monitoraġġ Globali tal-Ambjent u
s-Sigurtà (GMES): L-Isfidi u l-Passi li Jmiss għall-Komponent
Spazjali” [5]. Mad-dħul fis-seħħ
tar-Regolament tal-GMES fl-2010, il-konsultazzjoni tal-Istati Membri u l-utenti
kompliet permezz ta’ korpi tat-tmexxija ġodda stabbiliti bir-Regolament
innifsu: il-Kumitat tal-GMES u l-Forum tal-Utenti magħmul minn
rappreżentanti tal-utenti tas-settur pubbliku. Il-konsultazzjoni kkonfermat l-interess
fil-Programm Copernicus u l-ħtieġa tiegħu, u – issa li fil-fatt
sar programm tal-UE – tiffoka fuq għażliet ta’ disinn differenti,
b’mod partikolari għas-Servizzi Copernicus. Il-partijiet interessati
indikaw li d-disponibbiltà mingħajr interruzzjoni u garantita
tal-informazzjoni li ġejja mis-servizzi Copernicus hija l-pedament biex
il-programm ikun suċċess u biex il-benefiċċji tiegħu
jimmaterjalizzaw b’mod sħiħ. Saret valutazzjoni tal-impatt fl-2011 u
l-konklużjonijiet ewlenin ġew ippubblikati fid-Dokument SEC (2011) 867
finali tat-28.06.2011, li akkumpanja l-proposta tal-Kummissjoni dwar il-Qafas
Finanzjarju Pluriennali, COM (2011) 500. Il-valutazzjoni tal-impatt issa
ġiet adattata u r-rakkomandazzjonijiet tal-Bord tal-Valutazzjoni
tal-Impatt ġew ikkunsidrati. Dak li nbidel mill-2011 huwa
l-kunsiderazzjoni politika tal-utilità tal-finanzjament tal-programm Copernicus
fil-Qafas Finanzjarju Pluriennali. Il-Kummissjoni għalhekk tikkunsidra li
issa huwa ż-żmien biex tagħmel proposta formali. Għandu jiġi nnutat, madankollu, li
din il-proposta kellha tiġi aġġustata mill-ġdid skont
l-ammont miftiehem taħt il-limitu ta’ Qafas Finanzjarju Pluriennali, li
naqqas il-proposta inizjali tal-Kummissjoni b’iktar minn EUR 2 biljun.
Sabiex tippreserva l-għoti tas-servizz, il-Kummissjoni kellha tnaqqas
l-iżviluppi ġodda fil-komponent spazjali għat-tiġdid u
l-modernizzazzjoni tal-kapaċità ta’ osservazzjoni. L-ESA se tieħu
r-responsabbiltà għall-iżvilupp tal-ġenerazzjoni li jmiss
tas-Sentinelli. Il-kwistjoni tal-proprjetà tal-assi
tal-komponent spazjali ta’ Copernicus hija importanti u ma tistax titqies b’mod
iżolat mid-drittijiet u r-responsabbiltajiet li tali proprjetà tagħti
lill-proprjetarju. Il-proprjetarju għandu d-drittijiet kollha possibbli
inkluż id-dritt għall-użu, it-trasferiment u r-rimi. Biex jiġi ddeterminat jekk tiġix
aċċettata s-sjieda tal-komponent spazjali, trid issir distinzjoni
bejn żewġ fażijiet: Matul l-ewwel fażi, jiġifieri
fil-Qafas Finanzjarju Pluriennali preżenti, l-UE kienet biss kontributur
tal-programm ESA b'rata ta' madwar 30 % u ma kellix fondi
biżżejjed biex tieħu r-rwol ewlieni sabiex tifforma l-komponent
spazjali ta' Copernicus. Barra minn hekk, il-fondi tal-UE kienu
fil-biċċa l-kbira approprjazzjonijiet tal-FP7 u ma kinux imfassla
biex jiffinanzjaw programm operattiv fuq bażi permanenti. Għalhekk,
l-UE ma setgħetx tassumi s-sjieda matul din il-fażi. It-tieni
fażi se tibda bil-Qafas Finanzjarju Pluriennali li jmiss. Dan se jġib
bidla fundamentali billi l-UE se tkun tista' tiffinanzja kompletament
ħafna mill-partijiet tal-komponent spazjali Copernicus, inklużi s-segment
fl-art u l-ispejjeż tal-operazzjonijiet tas-satelliti. F'dan il-kuntest il-ġdid, kif imsemmi
fl-Artikolu 19, jeħtieġ li tiġi rriveduta s-sjieda
tas-satelliti. Ir-Regolament jipprevedi l-għażla li l-UE jew korp jew
fond magħżul b'mod speċifiku jista' jieħu s-sjieda
mill-ESA. Fid-dawl tat-trasferiment tas-sjieda, jeħtieġ li
l-għażliet jiġu vvalutati, billi jitqisu l-fatturi rilevanti
inklużi l-operazzjoni tas-satelliti; is-sjieda legali tad-dejta; il-kundizzjonijiet
ta' aċċess tad-dejta; u l-valur tal-assi. Dawn l-għażliet
se jitqisu biss jekk l-iżvantaġġi tas-sjieda tal-UE jidhru li
qed jegħlbu l-vantaġġi tagħha. It-trasferiment tas-sjieda
mill-UE tista' ssir biss permezz ta' att delegat. Tista' titqis ukoll l-għażla ta'
skema ta' xiri ta' dejta. 3. ELEMENTI LEGALI TAL-PROPOSTA B’kunsiderazzjoni għall-Artikolu 189
tat-Trattat dwar il-Funzjonament tal-Unjoni Ewropea, il-proposta hija għal
Regolament ġdid tal-Parlament Ewropew u tal-Kunsill li jistabbilixxi
l-Programm Copernicus. Dan jiffoka fuq l-aspetti ewlenin li ġejjin (1)
Bidla fl-isem għal Copernicus; (2)
Governanza tal-GMES fil-fażi operattiva
tiegħu, bil-għan li jippermetti lill-Kummissjoni tiddelega
l-attivitajiet lil numru ta’ operaturi; (3)
Finanzjament bejn l-2014 u l-2020. 4. IMPLIKAZZJONI BAĠITARJA Id-dikjarazzjoni finanzjarja li takkumpanja
din il-proposta għal Regolament tistabbilixxi approprjazzjonijiet
indikattivi baġitarji, li huma kompatibbli mal-qafas finanzjarju
pluriennali 2014 - 2020, b’livell massimu ta’ impenji ta’ EUR 3 786 miljun,
fi prezzijiet tal-2011, ekwivalenti għal EUR 4 291 miljun
fi prezzijiet attwali. 5. ELEMENTI FAKULTATTIVI Il-Kummissjoni tista’ tadotta atti delegati biex
jintlaħqu ċerti objettivi stipulati fil-proposta. 2013/0164 (COD) Proposta għal REGOLAMENT TAL-PARLAMENT EWROPEW U
TAL-KUNSILL li jistabbilixxi l-Programm Copernicus u
jħassar ir-Regolament (UE) Nru 911/2010 (Test b’rilevanza għaż-ŻEE) IL-PARLAMENT EWROPEW U L-KUNSILL
TAL-UNJONI EWROPEA, Wara li kkunsidraw it-Trattat dwar
il-Funzjonament tal-Unjoni Ewropea, u b’mod partikolari l-Artikolu 189(2)
tiegħu, Wara li kkunsidraw il-proposta
mill-Kummissjoni Ewropea, Wara t-trażmissjoni tal-abbozz tal-att
leġiżlattiv lill-Parlamenti nazzjonali, Wara li kkunsidraw l-opinjoni tal-Kumitat
Ekonomiku u Soċjali Ewropew[6],
Wara li kkunsidraw l-opinjoni tal-Kumitat
tar-Reġjuni[7],
Filwaqt li jaġixxu skont
il-proċedura leġiżlattiva ordinarja, Billi: (1) Il-Monitoraġġ
Globali tal-Ambjent u s-Sigurtà (GMES) kienet inizjattiva
għall-monitoraġġ tad-Dinja mmexxija mill-Unjoni u mwettqa bi
sħubija mal-Istati Membri u l-Aġenzija Spazjali Ewropea (ESA).
L-oriġini tal-GMES tmur lura għal Mejju 1998, meta
l-istituzzjonijiet involuti fl-iżvilupp ta’ attivitajiet spazjali
fl-Ewropa għamlu dikjarazzjoni konġunta magħrufa bħala
“Il-Manifest ta’ Baveno”. Il-Manifest talab impenn fit-tul
għall-iżvilupp ta’ servizzi ta’ monitoraġġ ambjentali bbażati
fl-ispazju, permezz tal-użu tal-ħiliet u t-teknoloġiji Ewropej,
u l-iżvilupp ulterjuri tagħhom. Fl-2005, l-Unjoni għamlet
l-għażla strateġika li tiżviluppa kapaċità
indipendenti Ewropea ta’ osservazzjoni tad-Dinja biex tipprovdi servizzi
fl-oqsma ambjentali u tas-sigurtà[8],
li finalment irriżultaw fir-Regolament (UE) Nru 911/2010
tal-Parlament Ewropew u tal-Kunsill tat-22 ta’ Settembru 2010
dwar il-programm Ewropew ta’ monitoraġġ tad-dinja (GMES) u
l-operazzjonijiet inizjali tiegħu (2011-2013)[9]. (2) Copernicus għandu
jitqies bħala kontribuzzjoni Ewropea għall-bini tas-Sistema
tas-Sistemi Globali tal-Osservazzjoni tad-Dinja (GEOSS) żviluppata
fil-qafas tal-Grupp fuq l-Osservazzjonijiet tad-Dinja (GEO). (3) Abbażi
tar-riżultati ta’ din l-inizjattiva, ir-Regolament (UE) Nru 911/2010
stabbilixxa l-programm Ewropew ta’ monitoraġġ tad-Dinja (GMES) u
r-regoli għall-implimentazzjoni tal-operazzjonijiet inizjali tiegħu. (4) Filwaqt li l-programm
stabbilit skont ir-Regolament (UE) Nru 911/2010 għandu jkompli skont
il-qafas finanzjarju pluriennali l-ġdid, l-akronimu “GMES” għandu
jinbidel għal “Copernicus” biex jiffaċilita l-komunikazzjoni
mal-pubbliku in ġenerali. Il-Kummissjoni rreġistrat il-marka
kummerċjali biex tkun tista’ tintuża mill-istituzzjonijiet tal-Unjoni
u tiġi liċenzjata lil utenti interessati oħrajn, b’mod
partikolari lill-fornituri ta’ servizzi ewlenin. (5) L-objettivi tal-programm
Copernicus huma li jipprovdi informazzjoni preċiża u affidabbli
fil-qasam tal-ambjent u s-sigurtà, imfassla skont il-bżonnijiet tal-utenti
u li tappoġġja politiki oħra tal-Unjoni, b’mod partikolari
rigward is-suq intern, it-trasport, l-ambjent, l-enerġija, il-protezzjoni
ċivili, il-kooperazzjoni ma’ pajjiżi terzi u l-għajnuna
umanitarja. Dan jibni fuq il-kapaċitajiet eżistenti fl-Ewropa,
kumplimentati minn assi ġodda żviluppati b’mod komuni. (6) Il-programm Copernicus
għandu jiġi implimentat b’mod konsistenti ma’ strumenti u azzjonijiet
rilevanti oħra tal-Unjoni, b’mod partikolari azzjonijiet ambjentali u
tat-tibdil fil-klima, u strumenti fil-qasam tas-sigurtà, il-protezzjoni
tad-dejta personali, il-kompetittività u l-innovazzjoni, il-koeżjoni,
ir-riċerka, it-trasport, il-kompetizzjoni u l-kooperazzjoni
internazzjonali, mal-programm Ewropew tas-Sistemi Globali ta' Navigazzjoni
bis-Satellita (GNSS). Id-dejta Copernicus għandha tkun koerenti mad-dejta
ta’ referenza spazjali tal-Istati Membri u tappoġġja l-iżvilupp
tal-infrastruttura għall-informazzjoni spazjali fl-Unjoni stabbilita bid-Direttiva 2007/2/KE
tal-Parlament Ewropew u tal-Kunsill tal-14 ta’ Marzu 2007 li
tistabbilixxi Infrastruttura għall-Informazzjoni Ġeografika
fil-Komunità Ewropea (Inspire)[10].
Copernicus għandu jikkumplimenta wkoll is-Sistema Komuni ta’ Informazzjoni
Ambjentali (SEIS) u l-attivitajiet tal-Unjoni fil-qasam tar-rispons ta’
emerġenza. (7) Copernicus huwa programm li
għandu jiġi pprovdut skont l-istrateġija Ewropa 2020
għal tkabbir intelliġenti, sostenibbli u inklużiv. Dan
għandu jkun ta’ benefiċċju għal firxa wiesgħa ta’
politiki tal-Unjoni u jikkontribwixxi biex jintlaħqu l-objettivi ta’
Ewropa 2020, b’mod partikolari billi tiġi żviluppata politika
spazjali effettiva li tipprovdi l-istrumenti biex jiġu indirizzati
uħud mill-isfidi globali ewlenin u jintlaħqu l-miri dwar it-tibdil
fil-klima u s-sostenibbiltà tal-enerġija. (8) Il-programm Copernicus
għandu jibbenefika mir-riżultati pprovduti minn Orizzont 2020,
il-Programm Qafas tal-Unjoni għar-Riċerka u l-Innovazzjoni 2014-2020,
b’mod partikolari permezz tal-attivitajiet tiegħu ta’ riċerka u
innovazzjoni għal teknoloġiji u applikazzjonijiet futuri
għall-Osservazzjoni tad-Dinja permezz ta’ telerilevament, teknoloġiji
tal-ajru u fil-post, u dejta ta’ rispons għall-isfidi soċjetali
l-kbar. (9) Sabiex jikseb l-objettivi
tiegħu, il-programm Copernicus għandu jistrieħ fuq
il-kapaċità awtonoma tal-Unjoni għall-osservazzjonijiet li jkunu saru
fl-ispazju u jipprovdi servizzi operattivi fil-qasam tal-ambjent, il-protezzjoni
ċivili u s-sigurtà. Għandu jagħmel ukoll użu mid-dejta
disponibbli pprovduta fil-post, jiġifieri, mill-Istati Membri.
Il-forniment ta’ servizzi operattivi jiddependi fuq il-funzjonament tajjeb u
s-sigurtà tal-komponent spazjali Copernicus. Ir-riskju dejjem jiżdied ta’
kolliżjoni ma’ satelliti oħrajn u residwu spazjali huma l-aktar
theddida serja għall-komponent spazjali Copernicus. Għalhekk,
il-programm Copernicus għandu jappoġġja azzjonijiet immirati
biex inaqqsu dawn ir-riskji, b’mod partikolari billi jikkontribwixxi
għall-programm stabbilit bid-Deċiżjoni [XXX] tal-Parlament
Ewropew u tal-Kunsill li tistabbilixxi Programm ta’ Appoġġ
għas-Sorveljanza u l-Insegwiment fl-Ispazju[11]. (10) Il-pakkett finanzjarju massimu
meħtieġ għall-azzjonijiet Copernicus (2014-2020) huwa ta’
EUR 3 786 miljun fi prezzijiet tal-2011, allokati f’kapitolu
separat tal-baġit skont it-Titolu 2 tal-Intestatura 1a
tal-Baġit Ġenerali tal-Unjoni. In-nefqiet tal-persunal u dawk amministrattivi
mġarrba mill-Kummissjoni fil-koordinazzjoni tal-programm Copernicus
għandhom jiġu ffinanzjati mill-baġit tal-Unjoni. (11) Bil-ħsieb li jiġu
mtejba l-implimentazzjoni ta’ Copernicus u l-ippjanar fit-tul tiegħu,
il-Kummissjoni għandha tadotta l-programm ta’ ħidma annwali b’mod
konformi mal-prijoritajiet, l-objettivi u l-istrateġiji ta’ pjan
pluriennali, (12) Copernicus għandu jkun indirizzat
għall-utent, u għalhekk jeħtieġ l-involviment kontinwu u
effettiv tal-utenti, b’mod partikolari rigward id-definizzjoni u l-validazzjoni
ta’ rekwiżiti tas-servizz. (13) Id-dimensjoni internazzjonali
ta’ Copernicus hija ta’ rilevanza partikolari fl-iskambju tad-dejta u
l-informazzjoni, kif ukoll fl-aċċess għall-infrastruttura ta’
osservazzjoni. Sistema ta’ skambju bħal din hija aktar kosteffiċjenti
minn skemi ta’ xiri ta’ dejta u ssaħħaħ id-dimensjoni globali
tal-programm. (14) Il-Ftehim ŻEE u
l-Ftehimiet ta’ Qafas mal-pajjiżi kandidati u l-pajjiżi potenzjalment
kandidati jipprovdu għall-parteċipazzjoni ta’ dawk il-pajjiżi
fil-programmi tal-Unjoni. Il-parteċipazzjoni ta’ pajjiżi terzi
oħrajn u organizzazzjonijiet internazzjonali għandha ssir possibbli
billi jiġu konklużi ftehimiet internazzjonali għal dan
il-għan. (15) L-Istati Membri,
il-pajjiżi terzi u l-organizzazzjonijiet internazzjonali għandhom
ikunu liberi li jikkontribwixxu għall-programmi abbażi ta’ ftehimiet
xierqa. (16) Il-Kummissjoni għandu
jkollha r-responsabbiltà globali għall-programm Copernicus. Għandha
tiddefinixxi l-prijoritajiet u l-objettivi tiegħu u tiżgura
l-koordinazzjoni u s-sorveljanza ġenerali tal-programm. (17) B’kunsiderazzjoni
tad-dimensjoni ta’ sħubija ta’ Copernicus u sabiex tiġi evitata
d-duplikazzjoni tal-kompetenza teknika, l-implimentazzjoni tal-programm
għandha tiġi ddelegata lil entitajiet b’kapaċità teknika u
professjonali xierqa. (18) Fl-implimentazzjoni
tal-programm Copernicus, il-Kummissjoni tista’ tistrieħ, fejn xieraq, fuq
aġenziji kompetenti tal-Unjoni, bħall-Aġenzija Ewropea
għall-Ambjent (EEA), l-Aġenzija Ewropea għall-Ġestjoni
tal-Kooperazzjoni Operattiva fil-Fruntieri Esterni tal-Istati Membri tal-Unjoni
Ewropea (FRONTEX), l-Aġenzija Ewropea għas-Sigurtà Marittima (EMSA) u
ċ-Ċentru Satellitari tal-Unjoni Ewropea (EUSC) jew kwalunkwe korp
rilevanti potenzjalment eliġibbli għal delegazzjoni skont
l-Artikolu 58 tar-Regolament (UE, Euratom) Nru 966/2012 tal-Parlament
Ewropew u tal-Kunsill tal-25 ta’ Ottubru 2012 dwar ir-regoli
finanzjarji applikabbli għall-baġit ġenerali tal-Unjoni[12]. (19) Skont l-Artikolu 61(2)
tar-Regolament (UE, Euratom) Nru 966/2012, l-għażla ta’
entitajiet (l-“operaturi”) li l-Kummissjoni tista’ tafdalhom kompiti ta’
implimentazzjoni, għandha ssegwi proċedura trasparenti
ġġustifikata b’motivazzjonijiet oġġettivi u ma
għandhiex twassal għal kunflitt ta’ interess. Minħabba n-natura
partikolari tal-kompiti involuti, ġiet magħżula proċedura ad
hoc ibbażata fuq sejħa għal espressjoni ta’ interess biex
jiġu identifikati l-aktar operaturi potenzjalment adatti biex ikunu fdati
bil-ġestjoni indiretta tal-programm Copernicus. (20) L-operaturi tal-programm
Copernicus għandhom ikunu suġġetti għal sorveljanza
mill-Kummissjoni, filwaqt li jgawdu l-awtonomija meħtieġa biex
jimplimentaw il-kompiti li jkunu fdati bihom. Huma għandhom jissottomettu
programm ta’ ħidma annwali lill-Kummissjoni permezz ta’ rapport annwali
ta’ implimentazzjoni. (21) Huwa importanti li, sabiex
tissodisfa l-obbligi tagħha skont l-Artikolu 317 TFUE,
il-Kummissjoni jkollha l-mezzi meħtieġa għad-dispożizzjoni
tagħha biex tissorvelja l-atti tal-entitajiet li tafda bil-kompiti ta’
implimentazzjoni skont il-programm Copernicus. Dan ma jinkludix biss
is-setgħat diġà mogħtija lilha mir-Regolament (UE, Euratom)
Nru 966/2012, iżda wkoll il-possibbiltà li tagħti
istruzzjonijiet lill-operatur u twettaq spezzjonijiet. B’mod partikolari,
f’każ ta’ urġenza jew ta’ avvenimenti mhux mistennija, u f’kull
sitwazzjoni oħra fejn l-operatur ma jkunx jista’ jwettaq dawk il-kompiti,
il-Kummissjoni għandha tkun tista’ titlob id-delegazzjoni lura u
taġixxi minflok l-operatur. L-eżerċizzju ta’ din il-fakultà
għandu jkun proporzjonali għall-għanijiet li għandhom
jinkisbu u għalhekk il-ftehim ta’ delegazzjoni għandu jiġi
sospiż għaż-żmien meħtieġ biex jiġu mwettqa
l-atti meħtieġa. (22) Sabiex jintlaħaq
l-objettiv ta’ Copernicus fuq bażi sostenibbli, huwa meħtieġ li
jiġu kkoordinati l-attivitajiet tad-diversi sħab involuti
f’Copernicus, u li tiġi żviluppata, stabbilita u operata
kapaċità ta’ servizz u osservazzjoni li tissodisfa d-domandi tal-utenti.
F’dan il-kuntest, kumitat għandu jassisti lill-Kummissjoni fl-iżgurar
tal-koordinazzjoni tal-kontribuzzjonijiet għal Copernicus mill-Unjoni,
l-Istati Membri u l-aġenziji intergovernattivi, billi jagħmel
l-aħjar użu tal-kapaċitajiet eżistenti u jidentifika lakuni
li għandhom jiġu indirizzati fil-livell tal-Unjoni. Għandu
jgħin ukoll lill-Kummissjoni fil-monitoraġġ tal-implimentazzjoni
koerenti ta’ Copernicus. (23) Il-ħidma tal-operaturi li
l-Kummissjoni tkun iddelegatilhom il-kompiti għandha tiġi mkejla
skont indikaturi tal-prestazzjoni. Dan jipprovdi lill-Parlament Ewropew u
lill-Kunsill indikazzjoni tal-progress tal-operazzjonijiet u l-implimentazzjoni
tal-programm Copernicus. (24) Id-dejta u l-informazzjoni
prodotti fil-qafas tal-programm Copernicus għandhom ikunu disponibbli
għall-utenti fuq bażi sħiħa, miftuħa u mingħajr
ħlas, sabiex jippromwovu l-użu u l-kondiviżjoni tagħhom, u
sabiex jissaħħu s-swieq tal-osservazzjoni tad-Dinja fl-Ewropa, b’mod
partikolari s-settur downstream, biex b’hekk jippermettu t-tkabbir u
l-ħolqien ta’ impjiegi. (25) Kull meta l-aċċess
jew l-użu ta’ Copernicus jew ta’ dejta jew informazzjoni minn partijiet
terzi jista’ jipperikola s-sigurtà tal-Unjoni u l-Istati Membri tagħha jew
jhedded ir-relazzjonijiet esterni tagħhom, il-Kummissjoni għandha
tillimita d-disponibbilità tagħhom jew tillimita l-liċenzji
mogħtija. (26) Il-kwistjoni ta’ proprjetà
tal-komponent spazjali Copernicus hija importanti u ma tistax titqies b’mod
iżolat mid-drittijiet u r-responsabbiltajiet li tali proprjetà tagħti
lill-proprjetarju. Sabiex ikollha d-dritt għall-użu, it-trasferiment
u r-rimi, l-Unjoni għandha ssir il-proprjetarju. Fil-każ
tas-satelliti Sentinella, is-sjieda timplika b’mod partikolari d-dritt li
tieħu deċiżjoni fuq il-politika tad-dejta u li tmexxi
l-implimentazzjoni tagħha, li tagħżel il-mudell ta’
esplojtazzjoni u l-operatur tas-Sentinelli, u li tikkonkludi ftehimiet
internazzjonali ma’ pajjiżi terzi dwar, fost affarijiet oħra, qsim
ta’ dejta dwar is-satelliti. (27) L-interessi finanzjarji
tal-Unjoni għandhom jiġu protetti permezz ta’ miżuri
proporzjonati matul iċ-ċiklu kollu tan-nefqa, inklużi
l-prevenzjoni, l-individwazzjoni u l-investigazzjoni ta’ irregolaritajiet,
l-irkupru ta’ fondi mitlufa, imħallsa ħażin jew użati
ħażin u, fejn xieraq, penali amministrattivi u finanzjarji skont
ir-Regolament (UE, Euratom) Nru 966/2012. (28) Sabiex jiżdied il-valur
ta’ Copernicus għall-utenti, il-Kummissjoni għandha tiġi
assistita minn rappreżentanti ta’ utenti tan-nofs u utenti finali, esperti
mill-Istati Membri, inklużi minn aġenziji nazzjonali rilevanti, jew
minn esperti indipendenti. (29) Sabiex jiġu żgurati
kundizzjonijiet uniformi għall-implimentazzjoni ta’ dan ir-Regolament
rigward l-adozzjoni tal-programm ta’ ħidma annwali, il-pjan pluriennali
għall-perjodu 2014-2020 u l-miżuri għall-promozzjoni
tal-konverġenza tal-Istati Membri fl-użu ta’ dejta u informazzjoni
Copernicus u l-aċċess tagħhom għat-teknoloġija u
l-iżvilupp fl-Osservazzjoni tad-Dinja, għandhom jingħataw
setgħat ta’ implimentazzjoni lill-Kummissjoni. Dawk is-setgħat
għandhom jiġu eżerċitati skont ir-Regolament (UE) Nru 182/2011
tal-Parlament Ewropew u tal-Kunsill tas-16 ta’ Frar 2011 li
jistabbilixxi r-regoli u l-prinċipji ġenerali dwar il-modalitajiet
ta’ kontroll mill-Istati Membri tal-eżerċizzju mill-Kummissjoni
tas-setgħat ta’ implimentazzjoni [13]. (30) Sabiex l-Istati Membri
jiġu infurmati u tiġi rrispettata l-imparzjalità fit-teħid
tad-deċiżjonijiet, il-proċedura konsultattiva għandha
tintuża għall-adozzjoni ta’ miżuri biex jippromwovu
l-konverġenza tal-Istati Membri fl-użu ta’ dejta u informazzjoni
Copernicus u l-aċċess tagħhom għat-teknoloġija u
l-iżvilupp fl-Osservazzjoni tad-Dinja. Il-proċedura ta’ eżami
għandha tintuża għall-adozzjoni tal-programm ta’ ħidma
annwali u l-pjan pluriennali għall-perjodu 2014-2020 peress li dak l-att
jirrigwarda programm b’implikazzjonijiet sostanzjali. (31) Sabiex jiġu meqjusa
riskji possibbli għas-sigurtà kif ukoll il-medda ta’ frekwenzi u
limitazzjonijiet tekniċi oħrajn, is-setgħa tal-adozzjoni
tal-atti skont l-Artikolu 290 tat-Trattat dwar il-Funzjonament tal-Unjoni
Ewropea għandha tiġi ddelegata lill-Kummissjoni fir-rigward ta’
rekwiżiti tad-dejta meħtieġa għas-servizzi operattivi,
il-kundizzjonijiet u l-proċeduri rigward l-aċċess għal
dejta u informazzjoni Copernicus u r-reġistrazzjoni u l-użu
tagħha, il-kundizzjonijiet u l-proċeduri għat-trażmissjoni
u l-użu ta’ dejta satellitari trażmessa lil stazzjonijiet
riċevituri li mhumiex parti mill-programm Copernicus u għall-arkivjar
ta’ dejta u informazzjoni Copernicus, il-kriterji tekniċi
speċifiċi meħtieġa sabiex jipprevjenu t-tfixkil tas-sistema
tad-dejta u informazzjoni Copernicus u l-kriterji għar-restrizzjoni tat-tixrid
ta’ dejta u informazzjoni Copernicus minħabba drittijiet
konfliġġenti jew interessi ta’ sigurtà, kif ukoll il-kriterji
għat-twettiq tal-valutazzjoni tas-sigurtà. Huwa ta’ importanza partikolari
li l-Kummissjoni twettaq konsultazzjonijiet xierqa matul ix-xogħol
preparatorju tagħha, inkluż fuq livell espert. Il-Kummissjoni, meta
tħejji u tfassal atti delegati, għandha tiżgura
trażmissjoni simultanja, f’waqtha u xierqa tad-dokumenti rilevanti
lill-Parlament Ewropew u lill-Kunsill. (32) L-azzjonijiet iffinanzjati
skont dan ir-Regolament għandhom jiġu mmonitorjati u evalwati sabiex
ikunu jistgħu jippermettu aġġustamenti mill-ġdid u
evoluzzjonijiet ġodda. (33) Peress li l-objettiv ta’ dan
ir-Regolament, jiġifieri t-twaqqif tal-programm Copernicus, ma jistax
jinkiseb b’mod suffiċjenti mill-Istati Membri minħabba li jinkludi
wkoll il-kapaċità pan-Ewropea u jiddependi fuq l-għoti kkoordinat ta’
servizzi fl-Istati Membri kollha li għandu jiġi kkoordinat fil-livell
tal-Unjoni u jista’ għalhekk, minħabba l-iskala tal-azzjoni,
jintlaħaq aħjar fil-livell tal-Unjoni, l-Unjoni tista’ tadotta
miżuri, skont il-prinċipju tas-sussidjarjetà kif stipulat fl-Artikolu 5
tat-Trattat dwar l-Unjoni Ewropea. Skont il-prinċipju tal-proporzjonalità,
kif stabbilit f’dak l-Artikolu, dan ir-Regolament ma jmurx lil hinn minn dak li
hu meħtieġ sabiex jinkiseb dak l-objettiv. (34) Għalhekk, huwa
meħtieġ li r-Regolament (UE) Nru 911/2010 jiġi mħassar
sabiex jiġi stabbilit qafas xieraq għall-governanza u l-finanzjament
u sabiex jiġi żgurat programm Copernicus kompletament operattiv mill-2014
’il quddiem, ADOTTAW DAN IR-REGOLAMENT: Artikolu 1
Suġġett Dan ir-Regolament jistabbilixxi l-programm
tal-Unjoni ta’ osservazzjoni tad-Dinja msejjaħ Copernicus u jistabbilixxi
r-regoli għall-eżekuzzjoni tiegħu. Artikolu 2
Objettivi ġenerali 1. Il-programm Copernicus
għandu jikkontribwixxi għall-objettivi ġenerali li ġejjin: (a)
il-protezzjoni tal-ambjent u l-għoti ta’
appoġġ lill-protezzjoni ċivili u l-isforzi tas-sigurtà; (b)
l-appoġġ tal-istrateġija
għat-tkabbir Ewropa 2020 permezz tal-kontribuzzjoni
għall-objettivi ta’ tkabbir intelliġenti, sostenibbli u
inklużiv; b’mod partikolari, għandu jikkontribwixxi
għall-istabbiltà ekonomika u t-tkabbir billi jixpruna l-applikazzjonijiet
kummerċjali. 2. Id-dejta u l-informazzjoni
oriġinali prodotti minn osservazzjonijiet li jkunu saru fl-ispazju, kif
ukoll minn dejta disponibbli fil-post (“dejta u informazzjoni Copernicus”)
għandhom ikunu preċiżi u affidabbli, ipprovduti fuq bażi
fit-tul u sostenibbli, u li jirrispondu għall-ħtiġijiet ta’
komunitajiet ta’ utenti ta’ Copernicus. L-aċċess għal dik
id-dejta għandha tkun sħiħa, miftuħa u mingħajr
ħlas, soġġetta għall-kundizzjonijiet definiti f’dan ir-Regolament
jew abbażi ta’ dan ir-Regolament. 3. Għall-finijiet
tal-paragrafu 2, il-komunitajiet ta’ utenti ta’ Copernicus huma definiti
bħala dawk li jinkludu l-korpi Ewropej nazzjonali, reġjonali jew
lokali fdati bid-definizzjoni, l-implimentazzjoni, l-infurzar jew
il-monitoraġġ ta’ servizz pubbliku jew politika fl-oqsma msemmija
fil-punt (1) tal-Artikolu 4. 4. Il-kisba tal-objettivi
msemmija fil-paragrafu 1 għandha titkejjel permezz tal-indikaturi
tar-riżultati li ġejjin: (a)
id-dejta u l-informazzjoni jkunu disponibbli skont
ir-rekwiżiti rispettivi ta’ għoti ta’ livell ta’ servizz
għall-ambjent, il-protezzjoni ċivili u s-sigurtà; (b)
il-penetrazzjoni fis-suq u l-kompetittività
tal-operaturi downstream Ewropej.. Artikolu 3
Objettivi speċifiċi 1. Sabiex jintlaħqu
l-objettivi ġenerali deskritti fl-Artikolu 2, il-programm Copernicus
għandu jindirizza l-ħtiġijiet tal-utenti u jipprovdi s-servizzi
operattivi msemmija fil-punt (1) tal-Artikolu 4. Dan l-objettiv
għandu jitkejjel bl-użu tad-dejta u l-informazzjoni mkejla
bil-progressjoni fl-għadd ta' utenti, bil-volum ta' dejta
aċċessata u informazzjoni ta' valur miżjud, u bit-twessigħ
tad-distribuzzjoni fl-Istati Membri; 2. Il-programm Copernicus
għandu jipprovdi aċċess sostenibbli u affidabbli
għall-osservazzjonijiet li jkunu saru fl-ispazju minn kapaċità
awtonoma tal-Unjoni għall- Osservazzjoni tad-Dinja, u jibni fuq l-assi u
l-kapaċitajiet eżistenti, filwaqt li jikkumplimentahom kull meta jkun
meħtieġ. Dan l-objettiv għandu jitkejjel bit-twettiq
tal-infrastruttura spazjali f'termini tas-satelliti allokati u d-dejta li
tipproduċi. Artikolu 4
Ambitu tas-servizzi Copernicus Is-servizzi Copernicus, kif imsemmija fil-punt
(1) tal-Artikolu 3 għandhom jinkludu: 1. Servizzi operattivi: (a)
Is-servizz ta’ monitoraġġ tal-atmosfera għandu
jipprovdi informazzjoni fuq il-kwalità tal-arja fuq skala Ewropea u
l-kompożizzjoni kimika tal-atmosfera fuq skala globali. Dan għandu
b’mod partikolari jipprovdi informazzjoni għas-sistemi ta’
monitoraġġ tal-kwalità tal-arja fl-iskali lokali sa dawk nazzjonali,
u għandu jikkontribwixxi għall-monitoraġġ tal-parametri
klimatiċi tal-kimika atmosferika; (b)
Is-servizz ta’ monitoraġġ tal-baħar
għandu jipprovdi informazzjoni dwar l-istat u d-dinamika ta’ ekosistemi
fiżiċi tal-oċean u tal-baħar għall-oċeani globali
u ż-żoni reġjonali Ewropej; (c)
Is-servizz ta’ monitoraġġ tal-art
għandu jipprovdi informazzjoni b’appoġġ
għall-monitoraġġ ambjentali minn perspettiva globali sa dik
lokali tal-bijodiversità, il-ħamrija, l-ilma, il-foresti u r-riżorsi
naturali, kif ukoll fl-implimentazzjoni ġenerali ta’ politiki tal-ambjent,
tal-agrikoltura, tal-iżvilupp, tal-enerġija, tal-ippjanar urban,
tal-infrastruttura u tat-trasport; (d)
Is-servizz ta’ monitoraġġ tat-tibdil
fil-klima għandu jipprovdi informazzjoni biex tiżdied il-bażi ta’
għarfien għall-appoġġ ta’ politiki ta’ adattament u
mitigazzjoni. Dan għandu jikkontribwixxi b’mod partikolari
għall-provvista ta’ Parametri Essenzjali tal-Klima (ECVs), l-analiżi
tal-klima u projezzjonijiet fuq skali temporali u spazjali rilevanti għall-istrateġiji
ta’ adattament u mitigazzjoni għad-diversi oqsma ta’ benefiċċju
settorjali u soċjetali tal-Unjoni; (e)
Is-servizz ta’ rispons ta’ emerġenza
għandu jipprovdi informazzjoni għal rispons ta’ emerġenza
rigward tipi ta’ diżastri differenti, inklużi perikli
meteoroloġiċi, perikli ġeofiżiċi, diżastri
magħmula mill-bniedem intenzjonalment u aċċidentalment u
diżastri umanitarji oħrajn, kif ukoll l-attivitajiet ta’ prevenzjoni,
tħejjija, rispons u rkupru; (f)
Is-servizz tas-sigurtà għandu jipprovdi
informazzjoni b’appoġġ għall-isfidi tas-sigurtà tal-Ewropa biex
jittejbu l-kapaċitajiet tal-prevenzjoni tal-kriżijiet, ta’
tħejjija u ta’ reazzjoni, b’mod partikolari għal sorveljanza fuq
il-fruntiera u marittima, iżda wkoll b’appoġġ għall-azzjoni
esterna tal-Unjoni, permezz ta’ individwazzjoni u monitoraġġ ta’
theddid għas-sigurtà transreġjonali, valutazzjoni tar-riskju u
sistemi ta’ twissija bikrija, immappjar u monitoraġġ ta’ żoni
tal-fruntiera; 2. Attivitajiet ta’ żvilupp
li jikkonsistu fit-titjib tal-kwalità u l-prestazzjoni tas-servizzi operattivi,
inklużi l-evoluzzjoni u l-adattament tagħhom, u fl-evitar jew
il-mitigazzjoni tar-riskji operattivi; 3. Attivitajiet ta’
appoġġ li jikkonsistu f’miżuri għall-promozzjoni
tal-użu ta’ servizzi operattiv minn utenti u l-użu ta' applikazzjonijiet
downstream, kif ukoll attivitajiet ta’ komunikazzjoni u tixrid. Artikolu 5
Komponent spazjali Il-komponent spazjali Copernicus għandu
jipprovdi osservazzjonijiet li jsiru fl-ispazju biex jintlaħqu l-objettivi
msemmija fl-Artikoli 2 u 3, li jservu primarjament lis-servizzi operattivi
msemmija fil-punt (1) tal-Artikolu 4. Il-komponent spazjali Copernicus
għandu jinkludi l-attivitajiet li ġejjin: (a)
Il-forniment ta’ osservazzjonijiet li jsiru
fl-ispazju, inkluż: –
l-operazzjoni tal-infrastruttura spazjali
Copernicus, inkluż governanza tas-satelliti, monitoraġġ u
kontroll tas-satelliti, riċeviment u pproċessar, arkivjar u tixrid
ta’ dejta, u kalibrazzjoni u validazzjoni permanenti; –
il-forniment ta’ dejta fil-post
għall-kalibrazzjoni u l-validazzjoni ta’ osservazzjonijiet li jsiru
fl-ispazju; –
il-forniment, l-arkivjar u t-tixrid ta’ dejta ta’
missjoni li ssir fl-ispazju minn parti terza li tikkumplimenta l-infrastruttura
spazjali Copernicus; –
il-manutenzjoni tal-infrastruttura spazjali
Copernicus (b)
Attivitajiet b’rispons għall-bżonnijiet
li jevolvu tal-utenti, inklużi: –
l-identifikazzjoni ta’ lakuni ta’ osservazzjoni u
l-ispeċifikazzjoni ta’ missjonijiet spazjali ġodda fuq il-bażi
tar-rekwiżiti tal-utent. –
żviluppi li jimmiraw lejn l-immodernizzar u
l-ikkumplimentar tal-komponent spazjali Copernicus, inkluż id-disinn u
l-akkwist ta’ elementi ġodda tal-infrastruttura spazjali; (c)
Kontribuzzjoni għall-protezzjoni tas-satelliti
kontra r-riskju ta’ kolliżjoni. Artikolu 6
Komponent fil-post Il-komponent fil-post tal-programm Copernicus
għandu jinkludi l-attivitajiet li ġejjin: (a)
koordinazzjoni u armonizzazzjoni tal-ġbir u
forniment ta’ dejta fil-post, forniment ta’ dejta fil-post għas-servizzi
operattivi, inkluża dejta fil-post minn parti terza fil-livell
internazzjonali; (b)
assistenza teknika lill-Kummissjoni dwar
ir-rekwiżiti tas-servizz għal dejta ta’ osservazzjoni fil-post; (c)
kooperazzjoni ma’ operaturi fil-post
għall-promozzjoni tal-konsistenza ta’ attivitajiet ta’ żvilupp
relatati mal-infrastruttura u n-netwerks tal-osservazzjoni fil-post. Artikolu 7
Finanzjament 1. Il-pakkett finanzjarju
allokat għall-programm Copernicus għall-perjodu 2014 – 2020
għandu ammont massimu ta’ EUR 3 786 miljun fi prezzijiet
tal-2011. 2. L-approprjazzjonijiet
għandhom jiġu awtorizzati kull sena mill-awtorità baġitarja
fil-limiti stabbiliti fil-qafas finanzjarju pluriennali. L-impenji
baġitarji għal attivitajiet li jestendu fuq aktar minn sena
finanzjarja waħda jistgħu jiġu maqsuma fuq diversi snin f’rati
annwali. 3. L-allokazzjoni finanzjarja
għall-programm Copernicus tista’ tkopri wkoll spejjeż relatati ma’
attivitajiet ta' tħejjija, ta’ monitoraġġ, ta’ kontroll, ta’
verifika u ta’ evalwazzjoni li huma meħtieġa direttament
għall-ġestjoni tal-programm Copernicus u l-kisba tal-objettivi
tiegħu, u b’mod partikolari studji, laqgħat, azzjonijiet ta' informazzjoni
u ta’ komunikazzjoni, kif ukoll spejjeż marbuta ma’ netwerks tal-IT li
jiffukaw fuq l-ipproċessar ta’ informazzjoni u l-iskambju ta’ dejta.
Ir-riżorsi allokati għall-azzjonijiet ta’ komunikazzjoni skont dan
ir-Regolament jistgħu jikkontribwixxu wkoll b’mod proporzjonali biex
ikopru l-komunikazzjoni istituzzjonali tal-prijoritajiet politiċi
tal-Unjoni. 4. Il-kompiti fdati lil korpi
oħrajn għandhom jkunu suġġetti għall-proċedura
msemmija fl-Artikoli 164 u 165 tar-Regolament (UE, Euratom) Nru 966/2012. Artikolu 8
Programm ta’ ħidma tal-Kummissjoni Il-Kummissjoni għandha tadotta programm
ta’ ħidma għal kull sena tal-implimentazzjoni tal-programm Copernicus
skont l-Artikolu 84 tar-Regolament (UE, Euratom) Nru 966/2012. Dak
l-att implimentattiv għandu jiġi adottat skont il-proċedura ta’
eżami msemmija fil-punt (3) tal-Artikolu 21 ta’ dan
ir-Regolament. Artikolu 9
Kooperazzjoni mal-Istati Membri 1. Il-Kummissjoni għandha
tikkoopera mal-Istati Membri sabiex ittejjeb l-iskambju tad-dejta u
l-informazzjoni bejniethom u żżid il-volum tad-dejta u
l-informazzjoni disponibbli għall-programm Copernicus. 2. Il-Kummissjoni tista’ tadotta
miżuri biex tippromwovi l-konverġenza tal-Istati Membri fl-użu
ta’ dejta u informazzjoni Copernicus u l-aċċess tagħhom
għat-teknoloġija u l-iżvilupp fl-Osservazzjoni tad-Dinja. Dawn
il-miżuri m’għandux ikollhom l-effett li jgħawġu
l-kompetizzjoni ħielsa. Dawk l-atti implimentattivi għandhom
jiġu adottati skont il-proċedura konsultattiva msemmija fil-punt (2)
tal-Artikolu 21. Artikolu 10
Kooperazzjoni internazzjonali 1. L-Unjoni,
irrappreżentata mill-Kummissjoni, tista’ tagħmel ftehimiet
mal-pajjiżi terzi li ġejjin: (a)
il-pajjiżi tal-Assoċjazzjoni Ewropea
tal-Kummerċ Ħieles (EFTA) li huma Partijiet Kontraenti
għall-Ftehim ŻEE b’mod konformi mal-kundizzjonijiet stipulati
fil-Ftehim ŻEE; (b)
il-pajjiżi kandidati, kif ukoll pajjiżi
potenzjalment kandidati, skont il-Ftehimiet ta’ Qafas rispettivi jew skont
Protokoll għal Ftehim ta’ Assoċjazzjoni li jistabbilixxi
l-prinċipji ġenerali u l-kundizzjonijiet
għall-parteċipazzjoni ta’ dawk il-pajjiżi fil-programmi
tal-Unjoni; (c)
l-Isvizzera, pajjiżi terzi oħrajn mhux
imsemmija fil-punti (a) u (b), u organizzazzjonijiet internazzjonali,
skont il-ftehimiet konklużi mill-Unjoni ma’ dawn il-pajjiżi terzi jew
organizzazzjonijiet internazzjonali skont l-Artikolu 218 tat-TFUE, li
għandu jistabbilixxi l-kundizzjonijiet u r-regoli dettaljati
għall-involviment tagħhom. 2. Il-pajjiżi terzi jew
organizzazzjonijiet internazzjonali jistgħu jipprovdu appoġġ
finanzjarju jew kontribuzzjonijiet in natura għall-programm.
L-appoġġ finanzjarju għandu jiġi ttrattat bħala
dħul estern assenjat, skont il-punt 2 tal-Artikolu 21
tar-Regolament (UE, Euratom) Nru 966/2012. L-appoġġ finanzjarju
u l-kontribuzzjonijiet in natura għandhom ikunu ammissibbli skont
it-termini u l-kundizzjonijiet tal-ftehim konkluż mal-pajjiż terz jew
organizzazzjoni internazzjonali rispettiva. Artikolu 11
Ir-rwol tal-Kummissjoni 1. Il-Kummissjoni għandu
jkollha r-responsabbiltà globali tal-programm. Għandha tiddefinixxi
l-prijoritajiet u l-objettivi tal-programm u tissorvelja l-implimentazzjoni
tiegħu, b’mod partikolari rigward l-ispiża, l-iskeda u l-prestazzjoni.
2. Il-Kummissjoni għandha
tamministra, f’isem l-Unjoni u fil-qasam tal-kompetenza tagħha,
ir-relazzjonijiet ma’ pajjiżi terzi u organizzazzjonijiet internazzjonali,
filwaqt li tiżgura l-koordinazzjoni tal-programm Copernicus ma’
attivitajiet fil-livelli nazzjonali, tal-Unjoni u internazzjonali. 3. Il-Kummissjoni għandha
tikkoordina l-kontribuzzjonijiet tal-Istati Membri mmirati lejn l-għoti
operattiv ta’ servizzi u d-disponibbiltà fit-tul tad-dejta mill-infrastrutturi
ta’ osservazzjoni meħtieġa biex jiġu operati s-servizzi. 4. Il-Kummissjoni għandha
tiżgura l-kumplementarjetà u l-konsistenza tal-programm Copernicus ma’
politiki, strumenti, programmi u azzjonijiet oħrajn rilevanti tal-Unjoni. 5. Il-Kummissjoni għandha
żżomm involviment u konsultazzjoni trasparenti u regolari mal-utenti,
sabiex tippermetti l-identifikazzjoni ta’ rekwiżiti tal-utent fil-livelli
tal-Unjoni u nazzjonali. 6. Il-Kummissjoni għandha
tadotta atti delegati skont l-Artikolu 22 dwar l-istabbiliment
tar-rekwiżiti tad-dejta meħtieġa għas-servizzi operattivi,
filwaqt li tipprovdi għall-evoluzzjoni tagħhom. 7. Il-Kummissjoni għandha
tagħmel ir-riżorsi finanzjarji disponibbli għall-finanzjament
tal-programm Copernicus. Artikolu 12
Operaturi 1. Il-Kummissjoni tista’ tafda,
parzjalment jew kompletament, fejn ikun debitament ġustifikat min-natura
speċjali tal-azzjoni u l-kompetenza speċifika tal-korp tal-Unjoni,
il-kompiti tal-implimentazzjoni deskritti fl-Artikolu 4 lil korpi
kompetenti tal-Unjoni. Fost dawn l-aġenziji hemm: (a)
l-Aġenzija Ewropea għall-Ambjent (EEA); (b)
l-Aġenzija Ewropea għall-Ġestjoni
tal-Kooperazzjoni Operattiva fil-Fruntieri Esterni tal-Istati Membri tal-Unjoni
Ewropea (FRONTEX); (c)
l-Aġenzija Ewropea għas-Sigurtà Marittima
(EMSA); (d)
iċ-Ċentru Satellitari tal-Unjoni Ewropea
(EUSC). 2. L-għażla tal-korp
tal-Unjoni għandha tqis il-kosteffiċjenza li jiġu fdati dawk
il-kompiti u l-impatt fuq l-istruttura ta' governanza tal-korp u fuq
ir-riżorsi finanzjarji u umani tiegħu. 3. Il-kompiti ta'
implimentazzjoni tal-baġit fdati b'mod eċċezzjoniali f'idejn
il-korpi kompetenti tal-Unjoni taħt dan l-Artikolu, għandhom
jiġu inklużi fil-programm ta' ħidma ta' dan il-korp tal-Unjoni
għall-finijiet tal-informazzjoni. 4. Il-Kummissjoni tista’ tafda,
parzjalment jew kompletament, lill-Aġenzija Spazjali Ewropea (ESA),
il-kompiti ta’ żvilupp tal-komponent spazjali deskritti fil-punt (b)
tal-Artikolu 5. 5. Il-Kummissjoni tista’ tafda,
parzjalment jew kompletament, il-kompiti operattivi tal-komponent spazjali
deskritti fil-punt (a) tal-Artikolu 5 lill-ESA u lill-Organizzazzjoni
Ewropea għall-Esplojtazzjoni ta’ Satelliti Meteoroloġiċi
(EUMETSAT). 6. Il-Kummissjoni tista’ tafda,
parzjalment jew kompletament, l-attivitajiet tal-komponent fil-post deskritti
fl-Artikolu 6 lill-operaturi tas-servizzi deskritti fl-Artikolu 4. Artikolu 13
Għażla tal-operaturi 1. Bl-eċċezzjoni tal-operaturi
identifikati fl-Artikolu 12, il-Kummissjoni għandha tagħżel
l-operaturi li tiddelega lilhom il-kompiti li għandhom jiġu
implimentati skont il-proċedura deskritta fil-paragrafi 2, 3 u 4 ta’
dan l-Artikolu. 2. Il-Kummissjoni għandha
tippubblika sejħa għal espressjoni ta’ interess għall-operaturi
potenzjali. Dik is-sejħa għandha tinkludi l-kriterji ta’
esklużjoni u ta’ għażla skont il-proċedura stabbilita hawn
taħt. 3. Il-Kummissjoni għandha
tiftaħ djalogu mal-entitajiet li jissodisfaw il-kriterji
tal-għażla b’mod trasparenti, oġġettiv u mingħajr ma
twassal għal kunflitt ta’ interess. Wara d-djalogu, il-Kummissjoni
għandha tiffirma ftehimiet ta’ delega mal-entità jew l-entitajiet li
jkollhom esperjenza ppruvata u kapaċità operattiva u finanzjarja. 4. Il-Kummissjoni tista’ tibda
negozjati diretti qabel l-iffirmar tal-ftehimiet ta’ delega mal-entitajiet
elenkati fl-Artikolu 12, jew f’każijiet eċċezzjonali
debitament iġġustifikati u dokumentati kif suppost, b’mod partikolari
meta: (a)
ma jkunu ġew ippreżentati l-ebda proposti
xierqa wara sejħa ta’ espressjoni ta’ interess għall-operaturi
potenzjali; (b)
il-kompiti li għandhom jiġu implimentati
jkollhom karatteristiċi speċifiċi li jeħtieġu operatur
partikolari minħabba l-kompetenza teknika tiegħu, il-grad għoli
ta’ speċjalizzazzjoni tiegħu jew is-setgħa amministrattiva
tiegħu; (c)
għal raġunijiet ta’ urġenza estrema
kkawżata minn avvenimenti mhux mistennija li mhumiex attribwibbli
lill-Unjoni, il-konformità mal-proċedura msemmija fil-paragrafi 2 u 3
tikkomprometti indebitament l-eżekuzzjoni tal-kompiti li għandhom
jiġu implimentati. Artikolu 14
Supervision of operators 1. Kompiti addizzjonali mhux
previsti fil-ftehim ta’ delega għandhom jitwettqu mill-operaturi biss wara
awtorizzazzjoni mill-Kummissjoni. L-operatur mhuwiex intitolat li jitlob
indennizz jew kumpens għall-kompiti addizzjonali jew supplimentari
oħrajn minbarra r-rimborż tal-ispejjeż. 2. Il-Kummissjoni għandha
tiżgura li l-operaturi għandhom jippermettu l-iżvelar
sħiħ tal-kontijiet u tad-dokumenti u l-informazzjoni kollha
tagħhom. Il-Kummissjoni tista’ twettaq kwalunkwe spezzjoni
meħtieġa, inkluża fuq il-post, biex tivverifika l-konformità
mar-Regolament preżenti u l-ftehimiet ta’ delega rilevanti. 3. Kull meta urġenza jew
avvenimenti imprevedibbli jitolbu hekk, jew fuq talba ġustifikata
mill-operatur, il-Kummissjoni tista’ taġixxi minflok l-operatur u
tissospendi l-ftehim ta’ delega għall-ħin u l-atti meħtieġa
biex jiġu mwettqa l-atti li jkun hemm bżonn. 4. Ilmenti dwar l-għoti ta’
kuntratti u għotjiet minn operaturi fit-twettiq tal-ftehim ta’ delega jew
il-programm ta’ ħidma jistgħu jiġu ppreżentati
lill-Kummissjoni. Madankollu, dawk l-ilmenti jistgħu jikkonċernaw
biss imġiba ħażina intenzjonata, negliġenza serja jew
frodi, u għandhom jiġu ppreżentati biss wara li l-mezzi kollha
ta’ rikors quddiem l-operatur ikunu ġew eżawriti. Artikolu 15
Il-Politika tad-Dejta u l-Informazzjoni Copernicus 1. Id-dejta u l-informazzjoni
Copernicus għandha tkun disponibbli fuq bażi sħiħa,
miftuħa u mingħajr ħlas, suġġetta għal-limitazzjonijiet
li ġejjin: (a)
kundizzjonijiet ta’ liċenzjar marbuta ma’
dejta u informazzjoni ta’ partijiet terzi; (b)
formati ta’ tixrid, karatteristiċi u mezzi ta’
distribuzzjoni; (c)
l-interessi tas-sigurtà u r-relazzjonijiet esterni
tal-Unjoni jew tal-Istati Membri tagħha; (d)
riskju ta’ tfixkil, għal raġunijiet ta’
sigurtà jew tekniċi, tas-sistema li tipproduċi dejta u informazzjoni
Copernicus. Artikolu 16
Limitazzjonijet u kundizzjonijiet għall-aċċess u l-użu 1. Il-Kummissjoni tista’ tadotta
atti delegati skont l-Artikolu 22 rigward: (a)
il-kundizzjonijiet u l-proċeduri f’dak li
jirrigwarda l-aċċess għal dejta u informazzjoni Copernicus, u
r-reġistrazzjoni u l-użu tagħhom, inklużi l-formati,
il-mezzi karatteristiċi u ta’ tixrid; (b)
il-kundizzjonijiet u l-proċeduri għat-trażmissjoni
u l-użu ta’ dejta satellitari trażmessa lil stazzjonijiet
riċevituri li mhumiex parti mill-programm Copernicus; (c)
il-kundizzjonijiet u l-proċeduri
għall-arkivjar ta’ dejta u informazzjoni Copernicus; (d)
il-kriterji tekniċi speċifiċi
meħtieġa sabiex wieħed jipprevjeni t-tfixkil tas-sistema ta’
dejta u informazzjoni Copernicus, inkluża il-prijorità ta’
aċċess; (e)
il-kriterji għar-restrizzjoni tat-tixrid ta’
dejta u informazzjoni Copernicus minħabba d-drittijiet
konfliġġenti jew l-interessi ta’ sigurtà; (f)
il-kriterji għat-twettiq tal-valutazzjoni
tas-sigurtà. 2. Il-Kummissjoni għandha
tistabbilixxi l-liċenzji rilevanti għal dejta u informazzjoni
Copernicus u ta’ partijiet terzi, u t-tniżżil ta’ dejta satellitari
għal stazzjonijiet riċevituri li mhumiex parti mill-programm
Copernicus b’mod konformi ma’ dan ir-Regolament u l-atti delegati msemmija
fil-paragrafu 1. Artikolu 17
Protezzjoni tal-interessi ta’ sigurtà 1. Il-Kummissjoni għandha
twettaq valutazzjoni tas-sigurtà minn qabel fuq id-dejta u l-informazzjoni
Copernicus biex tidentifika dejta u informazzjoni li huma vitali
għall-protezzjoni tal-interessi tal-Unjoni jew tas-sigurtà nazzjonali. 2. L-Istati Membri u
l-pajjiżi terzi li jipparteċipaw fil-programm Copernicus skont
l-Artikolu 10 jistgħu jitolbu lill-Kummissjoni biex twettaq
valutazzjoni tas-sigurtà ġdida meta l-iżviluppi tas-sigurtà
jiġġustifikaw tali valutazzjoni ġdida. 3. Meta l-valutazzjoni
tas-sigurtà minn qabel ma tkunx possibbli fil-qafas ta’ żmien
għall-ġbir u l-produzzjoni tad-dejta u informazzjoni Copernicus,
il-Kummissjoni tista’ twettaq valutazzjoni tas-sigurtà fuq il-post. 4. Il-Kummissjoni għandha
toħroġ struzzjonijiet dwar ir-restrizzjonijiet tat-tixrid ta’ dejta u
informazzjoni Copernicus f’każijiet individwali abbażi tal-kriterji adottati
skont il-punt (1), subparagrafu (f) tal-Artikolu 16. F’każ
ta’ urġenza, l-istruzzjonijiet tal-Kummissjoni għandhom jiġu
adottati f’perjodu ta’ żmien qasir kemm hemm bżonn biex ikun
effettiv. Il-Kummissjoni għandha tieħu l-inqas miżura ta’
tfixkil fid-dawl tal-objettivi tal-programm Copernicus u l-politika tad-dejta u
informazzjoni Copernicus. L-istruzzjonijiet tagħha għandhom ikunu
proporzjonati, inkluż fir-rigward tal-puntwalità u l-ambitu territorjali,
u jqisu l-protezzjoni tal-interess tas-sigurtà fil-periklu kontra
d-disponibbiltà ta’ dejta u informazzjoni minn sorsi oħrajn. Artikolu 18
Protezzjoni tal-interessi finanzjarji tal-Unjoni 1. Il-Kummissjoni għandha
tieħu l-miżuri xierqa biex tiżgura li, meta l-azzjonijiet
iffinanzjati skont dan il-Programm jiġu implimentati, l-interessi
finanzjarji tal-Unjoni jiġu protetti bl-applikazzjoni ta’ miżuri
preventivi kontra l-frodi, il-korruzzjoni u kwalunkwe attivitajiet illegali
oħrajn, b’kontrolli effettivi u, jekk jinstabu irregolaritajiet,
bl-irkupru tal-ammonti li jkunu tħallsu b’mod żbaljat u, fejn xieraq,
b’pieni amministrattivi u finanzjarji effettivi, proporzjonati u
dissważivi. 2. Il-Kummissjoni jew
ir-rappreżentanti tagħha u l-Qorti tal-Awdituri għandu jkollhom
is-setgħa ta’ verifika, abbażi ta’ dokumenti u fuq il-post, fuq
il-benefiċjarji tal-għotjiet, il-kuntratturi u s-sottokuntratturi
kollha li rċevew fondi tal-Unjoni skont il-Programm. 3. L-Uffiċċju Ewropew
Kontra l-Frodi (OLAF) jista’ jwettaq investigazzjonijiet, inklużi verifiki
u spezzjonijiet fuq il-post, skont id-dispożizzjonijiet u l-proċeduri
stipulati fir-Regolament (KE) Nru 1073/1999 tal-Parlament Ewropew u
tal-Kunsill tal-25 ta’ Mejju 1999 dwar investigazzjonijiet
immexxija mill-Uffiċċju Ewropew ta’ Kontra l-Frodi (OLAF) u
r-Regolament tal-Kunsill (Euratom, KE) Nru 2185/96 tal-11 ta' Novembru 1996
dwar il-verifiki u l-ispezzjonijiet fuq il-post imwettqa mill-Kummissjoni
sabiex tipproteġi l-interessi finanzjarji tal-Komunità Ewropea kontra
l-frodi u irregolarijiet oħra bil-għan li jistabbilixxi jekk kienx
hemm frodi, korruzzjoni jew kwalunkwe attività illegali oħra li taffettwa
l-interessi finanzjarji tal-Unjoni b’rabta ma’ ftehim ta’ għotja jew
deċiżjoni ta’ għotja jew kuntratt iffinanzjat skont il-Programm. 4. Mingħajr
preġudizzju għall-paragrafi 1, 2 u 3, il-ftehimiet ta’
kooperazzjoni ma’ pajjiżi terzi u ma’ organizzazzjonijiet internazzjonali,
kuntratti, ftehimiet ta’ għotja u deċiżjonijiet ta’ għotja,
li jirriżultaw mill-implimentazzjoni ta’ dan il-Programm għandu jkun
fihom dispożizzjonijiet li espressament jagħtu s-setgħa
lill-Kummissjoni, lill-Qorti tal-Awdituri u lill-OLAF biex iwettqu tali
awditjar u investigazzjonijiet, skont il-kompetenzi rispettivi tagħhom. Artikolu 19
Sjieda 1. L-Unjoni jew korp jew fond
magħżul b’mod speċifiku għandhom ikunu l-proprjetarji
tal-assi tanġibbli u intanġibbli kollha maħluqa jew
żviluppati skont il-programm Copernicus suġġett għal
ftehimiet konklużi ma’ partijiet terzi, kull fejn ikun xieraq, rigward
drittijiet ta’ proprjetà eżistenti. 2. It-termini u
l-kundizzjonijiet relatati mat-trasferiment tas-sjieda lill-Unjoni
għandhom ikunu stabbiliti fil-ftehimiet imsemmija fil-paragrafu 1. 3. Il-Kummissjoni għandha
tadotta atti delegati skont l-Artikolu 22 biex tistabbilixxi t-termini u
l-kundizzjonijiet ta’ kwalunkwe trasferiment sussegwenti ta’ sjieda
mill-Unjoni. L-att delegat għandu jaħtar il-korp jew il-fond
sussegwenti abbażi ta’ raġunijiet trasparenti u oġġettivi,
li ma għandhomx jagħtu lok għal kunflitt ta’ interessi. Artikolu 20
Assistenza lill-Kummissjoni 1. Il-Kummissjoni tista’
tiġi assistita minn rappreżentanti ta’ utenti finali, esperti
indipendenti, b’mod partikolari dwar kwistjonijiet ta’ sigurtà, u minn
rappreżentanti tal-aġenziji nazzjonali rilevanti, b’mod partikolari
aġenziji spazjali nazzjonali, biex jipprovduha bil-kompetenza teknika u
xjentifika meħtieġa u bir-reazzjoni tal-utenti. Artikolu 21
Proċedura ta' kumitat 1. Il-Kummissjoni għandha
tkun assistita minn kumitat (il-“Kumitat Copernicus”). Dan il-kumitat
għandu jkun kumitat skont it-tifsira tar-Regolament (UE) Nru 182/2011. 2. Fejn issir referenza
għal dan il-paragrafu, għandu japplika l-Artikolu 4
tar-Regolament (UE) Nru 182/2011. 3. Fejn issir referenza
għal dan il-paragrafu, għandu japplika l-Artikolu 5
tar-Regolament (UE) Nru 182/2011. Artikolu 22
Eżerċizzju tad-delega 1. Is-setgħa li tadotta
atti delegati hija mogħtija lill-Kummissjoni suġġett
għall-kundizzjonijiet stabbiliti f’dan l-Artikolu. 2. Is-setgħa li tadotta
atti delegati msemmija fil-punt (1) tal-Artikolu 16 u l-punt (3)
tal-Artikolu 19 għandha tingħata lill-Kummissjoni għal
perjodu indeterminat mill-1 ta’ Jannar 2014. 3. Id-delega ta’ setgħa
tista’ tiġi rrevokata fi kwalunkwe ħin mill-Parlament Ewropew jew
mill-Kunsill. Deċiżjoni ta’ revoka għandha ttemm id-delega
tas-setgħa speċifikata f’dik id-deċiżjoni. Ir-revoka
għandha tidħol fis-seħħ fil-jum ta’ wara l-pubblikazzjoni
tad-deċiżjoni f’Il-Ġurnal Uffiċjali tal-Unjoni Ewropea jew
f’data aktar tard speċifikata fih. Dan m’għandux jaffettwa l-validità
ta’ kwalunkwe atti delegati diġà fis-seħħ. 4. Hekk kif tadotta att delegat,
il-Kummissjoni għandha tinnotifikah simultanjament lill-Parlament Ewropew
u lill-Kunsill. 5. Atti delegati adottati skont il-punt (1)
tal-Artikolu 16 u l-punt (3) tal-Artikolu 19 għandhom
jidħlu fis-seħħ biss jekk ma tkun ġiet espressa ebda
oġġezzjoni la mill-Parlament Ewropew u lanqas mill-Kunsill f’perjodu
ta’ xahrejn min-notifika ta’ dak l-att lill-Parlament Ewropew u lill-Kunsill
jew jekk, qabel ma jiskadi dak il-perjodu, il-Parlament Ewropew u l-Kunsill
ikunu infurmaw it-tnejn li huma lill-Kummissjoni li mhumiex se
joġġezzjonaw. Dak il-perjodu għandu jiġi estiż
b’xahrejn fuq inizjattiva tal-Parlament Ewropew jew tal-Kunsill. Artikolu 23
Evalwazzjoni 1. Samhux aktar tard mit-30 ta’ Ġunju 2018,
għandu jiġi stabbilit rapport ta’ evalwazzjoni mill-Kummissjoni fuq
il-kisba tal-objettivi tal-kompiti kollha ffinanzjati mill-programm Copernicus
fil-livell tar-riżultati u l-impatti tagħhom, fuq il-valur
miżjud Ewropew tagħhom u fuq l-effiċjenza tal-użu
tar-riżorsi. B’mod partikolari, l-evalwazzjoni għandha tindirizza
r-rilevanza kontinwa tal-objettivi kollha, kif ukoll il-kontribut
tal-miżuri għall-objettivi deskritti fl-Artikoli 2 u 3. 2. Il-Kummissjoni għandha
twettaq l-evalwazzjoni msemmija fil-paragrafu 1 f’kooperazzjoni mill-qrib
mal-operaturi u l-komunitajiet ta’ utenti tal-programm Copernicus li għandhom
jeżaminaw l-effettività u l-effiċjenza tal-programm Copernicus u
l-kontribut tiegħu għall-objettivi msemmija fl-Artikoli 2 u 3.
Il-Kummissjoni għandha tikkomunika r-riżultat ta’ dawn
l-evalwazzjonijiet lill-Parlament Ewropew, lill-Kunsill, lill-Kumitat Ekonomiku
u Soċjali Ewropew u lill-Kumitat tar-Reġjuni. 3. Il-Kummissjoni tista’, kull
meta jkun meħtieġ, tiġi assistita minn entitajiet indipendenti,
twettaq evalwazzjoni tal-metodi għat-twettiq tal-proġetti kif ukoll
l-impatt tal-implimentazzjoni tagħhom, sabiex tevalwa jekk l-objettivi,
inklużi dawk relatati mal-protezzjoni tal-ambjent, ikunux intlaħqu. 4. Il-Kummissjoni tista’ titlob
lil Stat Membru biex jipprovdi evalwazzjoni speċifika tal-azzjonijiet u
l-proġetti marbuta ffinanzjati skont dan ir-Regolament jew, fejn xieraq,
biex jagħtiha l-informazzjoni u l-assistenza meħtieġa biex
twettaq evalwazzjoni ta’ tali proġetti. Artikolu 24
Revoka Ir-Regolament (UE)
Nru 911/2010 huwa mħassar. Ir-referenzi
għar-Regolament imħassar għandhom jinftiehmu bħala
referenzi għal dan ir-Regolament. Artikolu 25
Dħul fis-seħħ Dan ir-Regolament għandu jidħol
fis-seħħ fl-għoxrin jum wara dak tal-pubblikazzjoni tiegħu
f’Il-Ġurnal Uffiċjali tal-Unjoni Ewropea. Għandu japplika mill-1 ta’ Jannar 2014. Dan ir-Regolament għandu jorbot
fl-intier tiegħu u japplika direttament fl-Istati Membri kollha. Magħmul fi Brussell, Għall-Parlament Ewropew Għall-Kunsill Il-President Il-President DIKJARAZZJONI FINANZJARJA
LEĠIŻLATTIVA 1. QAFAS TAL-PROPOSTA 1.1. Titolu tal-proposta 1.2. Qasam
ta’ politika kkonċernat fl-istruttura ABM/ABB 1.3. Natura
tal-proposta 1.4. Objettivi
1.5. Bażi
għall-proposta 1.6. Tul
ta’ żmien u impatt finanzjarju 1.7. Metodi
ta' ġestjoni previsti 2. MIŻURI TA’ ĠESTJONI 2.1. Regoli
dwar il-monitoraġġ u r-rappurtar 2.2. Sistema
ta’ ġestjoni u ta' kontroll 2.3. Miżuri
għall-prevenzjoni ta' frodi u irregolaritajiet 3. IMPATT FINANZJARJU STMAT TAL-PROPOSTA/INIZJATTIVA
3.1. Intestatura/i
tal-qafas finanzjarju pluriennali u l-linja/i tal-baġit tan-nefqa
affettwata/i 3.2. Impatt
stmat fuq in-nefqa 3.2.1. Sommarju tal-impatt stmat fuq in-nefqa 3.2.2. Impatt
stmat fuq l-approprjazzjonijiet operattivi 3.2.3. Impatt
stmat fuq approprjazzjonijiet ta’ natura amministrattiva 3.2.4. Kompatibbiltà
mal-qafas finanzjarju pluriennali preżenti 3.2.5. Parteċipazzjoni
ta’ partijiet terzi fil-finanzjament 3.3. Impatt stmat fuq id-dħul DIKJARAZZJONI
FINANZJARJA LEĠIŻLATTIVA GĦAL PROPOSTI 1. QAFAS TAL-PROPOSTA 1.1. Titolu tal-proposta Proposta
għal Regolament tal-Parlament Ewropew u tal-Kunsill li jistabbilixxi
Programm Ewropew ta’ Osservazzjoni tad-Dinja (Copernicus) 1.2. Qasam ta’ politika
kkonċernat fl-Istruttura ABM/ABB[14] Titolu 02:
Intrapriża Kapitolu
02 06: Copernicus 1.3. Natura tal-proposta ¨ Il-proposta/l-inizjattiva
hija relatata ma’ azzjoni ġdida ¨ Il-proposta/l-inizjattiva
hija relatata ma’ azzjoni ġdida li ssegwi proġett pilota/azzjoni ta'
tħejjija[15]
þ Il-proposta/l-inizjattiva
hija relatata ma’ estensjoni ta’ azzjoni eżistenti ¨ Il-proposta/l-inizjattiva
hija relatata ma’ azzjoni diretta mill-ġdid lejn azzjoni ġdida 1.4. Objettivi Copernicus huwa l-isem il-ġdid
tal-Programm Ewropew ta’ Osservazzjoni tad-Dinja, GMES (Monitoraġġ
Globali tal-Ambjent u s-Sigurtà). Huwa jkopri l-attivitajiet kollha
għall-iżgurar ta’ provvista mingħajr interruzzjoni ta’ dejta u
informazzjoni preċiżi u affidabbli dwar kwistjonijiet ambjentali u
kwistjonijiet ta’ sigurtà lill-utenti responsabbli għat-tfassil ta’
politiki, implimentazzjoni u sorveljanza, fl-UE u l-Istati Membri tagħha.
Copernicus jimmira li jipprovdi lill-Ewropa b'aċċess kontinwu,
indipendenti u affidabbli għal dejta u informazzjoni ta’ osservazzjoni. Copernicus huwa programm li għandu
jitwassal skont l-istrateġija Ewropa 2020 għal tkabbir
intelliġenti, sostenibbli u inklużiv. Il-kontribut tiegħu
għat-tkabbir u l-istabbiltà ekonomika, li għandu jinkiseb billi
tingħata spinta lill-applikazzjonijiet kummerċjali ta’ valur
miżjud, jagħmluh komponent tal-inizjattiva ewlenija tal-politika
industrijali fid-dawl tal-istrateġija Ewropa 2020[16]. Copernicus għandu jikkontribwixxi
għall-objettivi ġenerali li ġejjin: (a)
il-protezzjoni tal-ambjent u l-għoti ta’
appoġġ lill-isforzi għall-protezzjoni ċivili u s-sigurtà; (b)
l-appoġġ għall-istrateġija ta’
tkabbir Ewropa 2020 permezz tal-kontribuzzjoni għall-objettivi ta’
tkabbir intelliġenti, sostenibbli u inklużiv; b’mod partikolari,
għandu jikkontribwixxi għall-istabbiltà u t-tkabbir ekonomiku billi
jagħti spinta lill-applikazzjonijiet kummerċjali. Il-komunitajiet tal-utenti Copernicus huma
definiti bħala dawk li jinkludu l-korpi nazzjonali, reġjonali jew
lokali Ewropej fdati bid-definizzjoni, l-implimentazzjoni, l-infurzar jew il-monitoraġġ
ta’ servizz pubbliku jew politika fl-oqsma msemmija fl-Artikolu 4(1)
tar-Regolament. Il-gruppi l-aktar affettwati jinkludu: –
l-awtoritajiet pubbliċi fil-livelli Ewropej,
nazzjonali, reġjonali u lokali (bħala utenti u kontributuri),
inkluż f’pajjiżi terzi (bħal pajjiżi parteċipanti u
dawk li jibbenefikaw minn eż. il-GMES u l-inizjattiva Afrika); –
l-industrija downstream, b’mod partikolari l-SMEs;
u –
l-utenti finali (awtoritajiet reġjonali u
lokali, istituzzjonijiet pubbliċi li jinkludu universitajiet, ċentri
ta’ riċerka, saħansitra ċittadini uniċi li jużaw
servizzi pubbliċi ffaċilitati permezz ta’ Copernicus), klijenti
tas-settur downstream. 1.4.1. Objettivi strateġiċi
pluriennali tal-Kummissjoni fil-mira tal-proposta Copernicus għandu l-għan li
jikkontribwixxi għall-objettivi tal-Ewropa 2020 bil-modi li
ġejjin: –
« ekonomija iktar effiċjenti
fir-riżorsi u iktar ekoloġika », jiġifieri
b’mod partikolari l-preservazzjoni u l-ġestjoni tar-riżorsi
ambjentali u l-ekosistemi u l-bijodiversità; il-kisba ta’ titjib
fl-effiċjenza bħala riżultat ta’ infurzar aħjar
tal-politiki tal-UE bħat-trasport, pereżempju, permezz
tal-monitoraġġ tas-silġ li jippermetti titjib fir-rotot
tal-vapuri; l-agrikoltura, pereżempju, permezz tal-appoġġ
għal biedja intelliġenti li tnaqqas il-ħtiġijiet ta' parteċipanti;
l-enerġija, permezz tal-kejl tar-radjazzjoni solari meħtieġa
għall-produzzjoni ta’ enerġija fotovoltajka; –
« ekonomija iktar kompetittiva », bħala inizjattiva fuq politiki industrijali u spazjali,
Copernicus jimmira li jrawwem il-kompetittività tal-industrija tal-UE u
l-vantaġġ teknoloġiku tagħha fl-ispazju u lil hinn minnu;
huwa speċifikament jimmira li joħloq potenzjal kummerċjali
għall-SMEs billi jagħti spinta lill-innovazzjoni fis-settur
downstream, waqt li jiżviluppa servizzi ġodda li jiddependu fuq
informazzjoni Copernicus; –
« ekonomija bbażata fuq l-għarfien »,
Copernicus jimmira li jikkontribwixxi għal fehim aħjar tal-isfidi
globali; huwa jappoġġa l-iżvilupp tar-riċerka/ix-xjenza
permezz tal-forniment ta’ dejta kritika; –
« ekonomija bbażata fuq l-innovazzjoni »,
Copernicus jippermetti l-ħolqien ta’ servizzi downstream innovattivi
ħafna. Dan il-progrann jimmira li joħloq sħubiji bejn
komunitajiet ta’ riċerka u negozju u jista’ jistabbilixxi punti ta’
riferiment għar-riċerka u l-iżvilupp fin-negozju; –
« ekonomija b’rata għolja ta’ impjiegi »,
Copernicus joħloq potenzjal addizzjonali għal impjiegi ġodda
billi jagħti spinta lid-domanda addizzjonali għal ħaddiema bi
kwalifiki għoljin; –
« koeżjoni ekonomika, soċjali u
territorjali », jiġifieri l-ħtieġa għal infrastruttura
ġdida fuq l-art b’mod partikolari fl-UE-12; permezz tal-ħolqien ta’
potenzjal ġdid tan-negozju għall-SMEs fl-Istati Membri kollha tal-UE,
Copernicus se jagħti spinta lil dawk il-pajjiżi li għadhom lura
fis-servizzi tal-art jew ta’ emerġenza u għalhekk se jikkontribwixxi
għall-objettiv ta’ koeżjoni akbar bejn l-Istati Membri. Is-servizzi
Copernicus huma pan-Ewropej skont id-definizzjoni tagħhom u jirrispondu
għall-ħtiġijiet Ewropej. 1.4.2. Objettivi speċifiċi
u attivitajiet ABM/ABB ikkonċernati Il-programm Copernicus jinkludi l-għanijiet
speċifiċi li ġejjin: Objettiv speċifiku Nru 1: Servizzi
Copernicus Is-servizz ta’ monitoraġġ tal-art
Copernicus se jiffoka fuq servizz ta’ mmappjar ta’ Kopertura Perjodika tal-Art
fuq il-livell Ewropew, reġjonali u nazzjonali, u attivitajiet
dinamiċi ta’ monitoraġġ tal-Art. Is-servizz ta’ monitoraġġ tal-ambjent
tal-baħar Copernicus se jipprovdi informazzjoni dwar l-istat
tal-oċeani fiżiċi u l-ekosistemi tal-baħar
għall-oċean fuq skala globali u ż-żoni reġjonali
Ewropej. L-oqsma ta’ applikazzjoni tas-servizzi tal-baħar Copernicus
jinkludu s-sigurtà fuq il-baħar, l-ambjent tal-baħar u r-reġjuni
kostali, ir-riżorsi tal-baħar kif ukoll it-tbassir meteoroloġiku
staġjonali u l-monitoraġġ tal-klima. Is-servizz ambjentali tal-atmosfera Copernicus
se jiżgura l-monitoraġġ tal-kwalità tal-arja fuq skala Ewropea u
tal-kompożizzjoni kimika tal-atmosfera fuq skala globali. Dan għandu
jipprovdi informazzjoni, b’mod partikolari, għas-sistemi ta’
monitoraġġ tal-kwalità tal-arja fl-iskali lokali sa nazzjonali, u
għandu jikkontribwixxi għall-monitoraġġ tal-parametri
atmosferiċi klimatiċi tal-kimika. Is-servizz ta’ monitoraġġ tat-tibdil
fil-klima Copernicus se jippermetti l-adattament u l-mitigazzjoni tal-effetti
tiegħu. Dan għandu jikkontribwixxi, b’mod partikolari,
għall-provvista ta’ ECVs (il-Parametri Essenzjali tal-Klima),
l-analiżi tal-klima u l-projezzjonijiet fuq skala rilevanti għall-adattament
u l-mitigazzjoni u l-kunsinna tas-servizz rilevanti. Is-servizz ta’ rispons ta’ emerġenza
Copernicus se joffri taħlita ta’ mapep u/jew livelli differenti ta’ dejta
pproċessata minn qabel magħmula biex tappoġġja
l-parteċipanti fir-rispons ta’ emerġenza fil-livelli internazzjonali,
Ewropej, nazzjonali jew reġjonali f’diżastri bħal maltempati,
nirien, għargħar, terremoti, eruzzjonijiet vulkaniċi,
diżastri intenzjonati jew ikkaġunati mill-bniedem jew diżastri
umanitarji oħrajn. Is-servizz jista’ jindirizza ċ-ċiklu kollu
tal-ġestjoni ta’ kriżi: attivitajiet ta’ prevenzjoni, preparazzjoni, rispons
jew irkupru. Is-servizz tas-sigurtà Copernicus se jipprovdi
informazzjoni b’appoġġ għall-isfidi li qiegħda
tiffaċċja l-Ewropa fil-qasam tas-sigurtà, b'mod partikolari l-kontroll
tal-fruntieri, is-sorveljanza tal-baħar u l-appoġġ
għall-azzjonijiet esterni tal-UE. Il-komponent fil-post Copernicus se jiżgura
osservazzjonijiet li jsiru permezz ta’ installazzjonjiet fl-arja,
fil-baħar u bbażati fuq l-art għall-oqsma tas-servizz.
L-aċċess għad-dejta ta’ referenza huwa meħtieġ
għat-tħaddim tas-servizzi. Filwaqt li dan huwa prinċipalment
ir-responsabbiltà tal-Istati Membri, il-programm jista’ jikkontribwixxi
għall-armonizzazzjoni transfruntiera ta’ dejta fil-post fl-UE u
l-ġbir addizzjonali ta’ dejta fil-post barra l-UE. L-attivitajiet se
jiġu fdati lil entitajiet responsabbli għas-Servizzi. Attivitajiet orizzontali huma inklużi
wkoll, permezz tal-appoġġ għall-ġestjoni ġenerali
tal-fondi allokati skont dan ir-Regolament, is-sorveljanza tal-implimentazzjoni
tal-attivitajiet kollha tal-programm, b’mod partikolari rigward l-ispiża,
l-iskeda u l-prestazzjoni, l-istabbiliment ta’ strumenti xierqa u miżuri
strutturali meħtieġa biex jidentifikaw, jikkontrollaw, itaffu u
jimmonitorjaw ir-riskji assoċjati mal-programm; ir-relazzjonijiet ma’
pajjiżi terzi u organizzazzjonijiet internazzjonali; ir-rappurtar ta’
attivitajiet lill-Istati Membri; il-koordinazzjoni ma’ attivitajiet fil-livelli
nazzjonali, tal-Unjoni u internazzjonali, b'mod partikolari l-GEOSS;
il-koordinazzjoni tal-kontribuzzjonijiet volontarji tal-Istati Membri;
l-iżgurar tal-komplementarjetà u l-konsistenza tal-programm ma’ politiki,
strumenti u azzjonijiet rilevanti oħra tal-Unjoni; l-istabbiliment ta’
ħtiġijiet tal-utenti u l-monitoraġġ tal-implimentazzjoni
tagħhom. Objettiv speċifiku Nru 2:
L-osservazzjoni spazjali Il-komponent spazjali Copernicus se jiżgura
osservazzjonijiet sostenibbli li jsiru fl-ispazju għas-servizzi
Copernicus. Dan jinkludi l-operazzjonijiet tal-infrastruttura
spazjali ddedikata (jiġifieri s-satelliti Sentinelli); aċċess
għal missjonijiet ta’ partijiet terzi; distribuzzjoni ta’ dejta;
assistenza teknika lill-Kummissjoni biex tiġbor u torganizza
r-rekwiżiti tad-dejta tas-servizzi, identifikazzjoni tad-diskrepanzi
fl-osservazzjoni, li jikkontribwixxu għall-ispeċifikazzjoni ta’
missjonijiet ġodda fl-ispazju. L-attivitajiet ta’ żvilupp jinkludu
d-disinn u l-akkwist ta’ elementi ġodda tal-infrastruttura spazjali; il-forniment
ta’ appoġġ tekniku lill-Kummissjoni għat-traduzzjoni ta’
rekwiżiti ta’ servizz fi speċifikazzjonijiet ta’ missjonijiet
spazjali ġodda bl-appoġġ ta’ operaturi tal-infrastruttura
spazjali; il-koordinazzjoni tal-iżvilupp ta’ attivitajiet spazjali, inklużi
l-iżviluppi mmirati lejn il-modernizzazzjoni u l-ikkumplimentar
tal-Komponent Spazjali Copernicus. 1.4.3. Riżultati u impatt
mistennija Huwa previst l-iżvilupp tas-servizzi
għall-iżgurar tas-sostenibbiltà fit-tul tas-sistema u
għall-kopertura tal-ħtiġijiet tal-utenti l-ġodda li
għadhom ma ġewx espressi s’issa. Il-vantaġġ huwa li
Copernicus jibqa’ kapaċi jirrispondi konsistentement b’mod sostenibbli
għall-ħtiġijiet tal-utenti, u b’hekk jiżdied l-użu
tal-utenti u l-iżvilupp tas-suq downstream. Impatt ekonomiku:
l-iżvilupp ta’ prodotti ġodda u servizzi ġodda se jistimola
l-innovazzjoni tal-prodott u tal-proċess u għalhekk ikollu impatt
fit-tul fuq l-industrija Ewropea. Il-kontinwità sħiħa tas-servizzi
Copernicus għandha ttejjeb b’mod sinifikanti l-ispinta għall-kompetittività
tal-industrija u l-ħolqien ta’ negozji kummerċjalment vijabbli. Impatt ambjentali:
id-disponibbiltà ta’ Servizzi Copernicus fit-tul tappoġġja l-objettiv
li l-Ewropa tkun attur ewlieni fit-tibdil fil-klima. Din se tiżgura wkoll
sħubija reali fil-GEOSS. Impatt soċjali: se jinħolqu impjiegi ġodda, mhux biss fl-industrija
satellitari u fir-riċerka u l-iżvilupp, iżda wkoll fin-negozji
marbuta mal-iżvilupp ta’ tekniki ġodda għall-osservazzjoni
tad-Dinja u l-industriji u s-servizzi relatati. B’mod aktar importanti,
l-impenn sostenibbli se jiffaċilita l-iżvilupp tas-servizzi
downstream fejn l-impatt f’termini ta’ impjieg ikun sinifikanti. 1.4.4. Indikaturi ta’ riżultati
u impatt Il-kisba tal-objettivi se titkejjel
bl-indikaturi li ġejjin: (a)
dejta u informazzjoni ta’ valur miżjud
magħmula disponibbli skont ir-rekwiżiti ta’ kunsinna ta’ livell ta’
servizz; (b)
l-użu ta’ dejta u informazzjoni mkejjel
mill-progressjoni fl-għadd ta’ utenti, mill-volum ta’ dejta
aċċessata u ta' informazzjoni ta’ valur miżjud, u
mit-twessigħ tad-distribuzzjoni fl-Istati Membri; (c)
il-penetrazzjoni fis-suq u l-kompetittività
tal-operaturi downstream Ewropej. Għodod speċifiċi se
jiddaħħlu fis-seħħ għall-kejl regolari ta’ dawn
il-parametri, b’mod partikolari billi jiġu inklużi rekwiżiti
speċifiċi fil-ftehimiet ta’ delega u/jew kuntratti li għandhom
jiġu stabbiliti mal-operaturi. Se jsiru studji ad hoc f’diversi
stadji tal-programm biex jitkejjel il-grad ta’ sodisfazzjon tal-utenti
(potenzjali), kif ukoll il-penetrazzjoni fis-suq u l-effett ta’ Copernicus
fil-kompetittività tas-settur downstream. Barra minn hekk, huwa mistenni li parti kbira
mill-implimentazzjoni tal-programm se tiġi ddelegata lil partijiet terzi.
Ftehimiet ta’ delega se jinkludu objettivi u indikaturi li jippermettu
l-monitoraġġ tal-prestazzjoni tal-operaturi. Dawn l-indikaturi se
jservu wkoll għall-monitoraġġ globali tal-programm. Dawn
jinkludu: –
l-istabbiliment fil-livell operattiv tas-sitt
servizzi li jridu jkunu fis-seħħ b’mod operattiv sal-2017; –
il-kunsinna skont il-baġit u l-informazzjoni
dwar l-ippjanar tas-servizz kif stabbilit fil-ftehimiet ta’ delega u/jew
kuntratti ma’ operaturi; –
l-għadd ta’ utenti tas-servizzi u l-grad ta’
sodisfazzjon tagħhom; –
l-iżvilupp tas-settur downstream permezz ta’
dejta u informazzjoni Copernicus; –
it-tnedija u l-esplojtazzjoni tas-satelliti jew
strumenti ippjanati, inkluż it-twassil f’waqtu ta’ dejta ta’ osservazzjoni
fil-format adegwat għall-utenti identifikati, skont l-ippjanar li
għandu jiġi miftiehem fid-dokument tax-Xenarju fit-Tul
għall-komponent spazjali; –
id-definizzjoni u l-iżvilupp fil-baġit u
l-ippjanar ta’ satelliti ġodda u segment fl-art rispettiv, kif definit
fix-Xenarju fit-Tul u fil-ftehim ta’ delega li għandu jiġi stabbilit
mal-ESA; 1.5. Bażi għall-proposta/inizjattiva
1.5.1. Rekwiżit(i) li jridu jintlaħqu
f’perjodu qasir jew fit-tul Informazzjoni mhux suffiċjentement
affidabbli dwar l-istat tad-dinja għall-utenti pubbliċi Fl-aħħar tletin sena, saru sforzi
sostanzjali ta’ riċerka u żvilupp fil-qasam tal-osservazzjoni
tad-Dinja mill-UE, l-Aġenzija Spazjali Ewropea (ESA) u l-Istati Membri
rispettivi tagħhom, bil-għan li jiżviluppaw l-infrastruttura u
s-servizzi preoperattivi ta’ osservazzjoni tad-Dinja. Madankollu, ħafna
mis-servizzi eżistenti ta’ osservazzjoni tad-Dinja fl-Ewropa mhumiex
suffiċjenti minħabba diskrepanzi infrastrutturali u nuqqas ta’
garanziji fuq id-disponibbiltà tagħhom fit-tul. Id-dejta pprovduta permezz
tas-servizzi li jeżistu bħalissa ma tkoprix il-parametri kollha
meħtieġa minn dawk li jfasslu l-politika[17] jew inkella mhix ipprovduta
fuq bażi kontinwa u sostenibbli, b’mod partikolari minħabba li
l-ħajja tas-servizz jew l-infrastruttura sottostanti tal-osservazzjoni
hija limitata minħabba restrizzjonijiet baġitarji u/jew tekniċi.
In-nuqqas ta’ indirizzar ta’ din il-problema se jkollu konsegwenzi f’perjodu
qasir u fit-tul. Pereżempju, fuq perjodu qasir, ebda mappa ma tkun
disponibbli għall-protezzjoni ċivili fil-każ ta’ diżastri
naturali, filwaqt li fit-tul, id-dejta essenzjali dwar it-tibdil fil-klima mhix
se tkun disponibbli għal dawk li jfasslu d-deċiżjonijiet. Investimenti downstream fir-riskju Il-programm Copernicus ibbaża sett ta’
attivitajiet operattivi fuq il-finanzi tar-Regolament tal-Operazzjoni Inizjali,
matul il-perjodu 2011 – 2013. Permezz tal-programm eżistenti, li jkopri l-operazzjonijiet
inizjali, sar l-ewwel pass lejn sistema ta’ osservazzjoni tad-Dinja.
Madankollu, xorta għadu limitat fiż-żmien (jiġifieri 2011-2013). Dan ir-riskju ta’ tfixkil jirrappreżenta
tħassib kbir għall-utenti finali bħalma huma l-awtoritajiet pubbliċi,
iżda wkoll għall-fornituri tas-servizzi downstream, peress li dawn
x’aktarx ma jinvestux b’mod sinifikanti fi swieq mhux maturi u riskjużi u
jiffaċċjaw diffikultajiet addizzjonali fil-ġbir tal-kapital. Potenzjal għall-innovazzjoni
fir-riskju It-tfixkil jimplika wkoll li l-investimenti
ta’ riċerka u żvilupp mhumiex tradotti f’innovazzjoni. Għalhekk,
il-potenzjal li tiġi lliberata l-kapaċità ta’ innovazzjoni marbuta
ma’ Copernicus, li hija primarjament innovazzjoni relatata mas-servizzi, mhux
se jiġi sfruttat. Dan ikun ta’ dispjaċir speċjalment meta
jitqies li l-politika tal-innovazzjoni tal-UE għandha tkun aktar immirata
għas-settur tas-servizzi, kif juru studji differenti[18]. Impatt fuq l-impjiegi Fl-aħħar nett, is-sistemi ta’
applikazzjoni tas-satellita huma s-sors ewlieni ta’ dħul
għall-industrija spazjali Ewropea (EUR 3.1 biljun), u huma
d-dominju prinċipali għall-esportazzjonijiet (b’EUR 1.13 biljun).[19] Wieħed
miż-żewġ segmenti l-iktar sinifikanti f’termini ta’ dħul
huwa l-osservazzjoni tad-Dinja (eż. is-Sentinelli Copernicus).
Bħalissa, is-sistemi ta’ osservazzjoni tad-Dinja jammontaw għal
madwar 30 % tad-dħul totali għall-industrija spazjali Ewropea.
Minbarra dan l-impatt dirett fuq il-bejgħ industrijali, Copernicus
għandu impatt sinifikanti fuq il-kompetittività u l-profitabbiltà
tal-industrija Ewropea tal-manifattura spazjali. L-esportazzjoni u
l-kummerċ jiddependu ferm fuq il-pożizzjoni kompetittiva relattiva
tas-settur. Għal dawn ir-raġunijiet, l-impatt Copernicus fuq l-impjiegi
fis-settur għandu jkun sinifikanti bi stima 35 000 impjieg matul
il-perjodu 2015-2030. 1.5.2. Valur miżjud
tal-involviment tal-UE Il-bażi legali għal programm Ewropew
ta’ osservazzjoni tad-Dinja (Copernicus) hija l-Artikolu 189 tat-TFUE, li
jippermetti lill-UE tiżviluppa l-programm spazjali tagħha stess.
L-Artikolu 2 tar-Regolament 911/2010 dwar il-programm Ewropew ta’
Monitoraġġ tad-Dinja (GMES) u l-operazzjonijiet inizjali tiegħu
diġà jelenka l-attivitajiet inklużi fil-programm. Barra minn hekk,
l-għoti ta’ Copernicus huwa objettiv strateġiku tal-Ewropa 2020. Ir-responsabbiltà għall-finanzjament
tal-esplojtazzjoni u t-tiġdid tal-infrastruttura spazjali żviluppata
b’fondi tal-UE u intergovernattivi ma tistax tintlaħaq bl-aħjar mod
mill-Istati Membri individwali minħabba l-ispejjeż imġarrba.
Fil-qasam tal-osservazzjoni bbażata fl-ispazju għal
meteoroloġija operattiva, l-Istati Ewropej ġabru r-riżorsi
tagħhom biex jiżviluppaw u jisfruttaw satelliti
meteoroloġiċi fil-qafas tal-Organizzazzjoni Ewropea
għall-Esplojtazzjoni ta’ Satelliti Meteoroloġiċi (EUMETSAT).
L-Istati Ewropej żviluppaw ukoll dimostraturi ta’ satelliti ambjentali
permezz tal-ESA jew permezz ta’ aġenziji spazjali nazzjonali. Madankollu,
ma setgħux isibu mod biex jikkooperaw rigward l-iffinanzjar ta’ programmi
operattivi sostnuti fil-qasam tal-monitoraġġ ambjentali simili
għal dawk fil-meteoroloġija. Il-ħtieġa għat-tkomplija
ta’ dawn l-osservazzjonijiet qiegħda ssir kritika, meta wieħed iqis
iż-żieda fil-pressjoni politika fuq l-awtoritajiet pubbliċi biex
jieħdu deċiżjonijiet infurmati fil-qasam tal-ambjent, is-sigurtà
u t-tibdil fil-klima u l-ħtieġa li jiġu rrispettati l-ftehimiet
internazzjonali. Għas-servizzi b’kopertura pan-Ewropea jew
globali, l-Istati Membri ma jistgħux jiksbu l-objettivi tal-azzjoni
proposta b’mod suffiċjenti, peress li l-inputs minn Stati Membri
differenti għandhom jiġu aggregati fil-livell Ewropew. Il-forniment
ta’ servizzi oħrajn (eż. mapep ta’ emerġenza jew mapep
tematiċi ta’ monitoraġġ tal-art ta’ ambitu ġeografiku aktar
limitat) jista’ jinkiseb aħjar fil-livell tal-UE għal żewġ
raġunijiet. L-ewwel, ġestjoni aktar koerenti u ċentralizzata
tad-dejta tal-input, minn sensuri bbażati fl-ispazju jew fil-post se
tippermetti ekonomiji ta’ skala. It-tieni, forniment mhux ikkoordinat ta’
servizzi ta’ osservazzjoni tad-Dinja fil-livell tal-Istati Membri għandu
jwassal għal duplikazzjonijiet u jagħmel il-monitoraġġ
tal-implimentazzjoni tal-leġiżlazzjoni ambjentali tal-UE abbażi
ta’ kriterji trasparenti u oġġettivi diffiċli jew
saħansitra impossibbli. Jekk l-informazzjoni prodotta fil-livell
tal-Istati Membri ma tkunx komparabbli, ma jkunx possibbli li l-Kummissjoni
tevalwa jekk il-leġiżlazzjoni ambjentali tkunx ġiet implimentata
b’mod korrett fl-Istati Membri kollha. Barra minn hekk, l-azzjoni fil-livell
Ewropew se toħloq ekonomiji ta’ skala li jwasslu għal valur
aħjar għall-flus pubbliċi. L-azzjoni fil-livell tal-UE b’hekk
twassal għal valur miżjud ċar. 1.5.3. It-tagħlim miksuba minn
esperjenzi simili fil-passat Din il-proposta tibni fuq l-esperjenza miksuba
matul l-iżvilupp ta’ Copernicus bħala inizjattiva tar-riċerka
matul l-aħħar tnax-il sena u l-fażi ta’ operazzjonijiet inizjali
fl-2011-2013. Din l-esperjenza turi li, filwaqt li l-finanzjament
għar-riċerka għadu meħtieġ biex jitkompla
l-iżvilupp ta’ Copernicus, sar meħtieġ l-appoġġ
għall-forniment ta’ servizzi ta’ osservazzjoni tad-Dinja u
għall-operazzjonijiet tas-satelliti biex jinkisbu l-benefiċċji
sħaħ tal-investimenti li saru s’issa u biex jiġu indirizzati
l-ħtiġijiet identifikati hawn fuq. 1.5.4. Koerenza u sinerġija
possibbli ma’ strumenti rilevanti oħrajn Fil-fażi operattiva, Copernicus se jkun
jista’ jagħti informazzjoni lil dawk li jfasslu l-politika,
lill-awtoritajiet pubbliċi, lin-negozji u liċ-ċittadini Ewropej.
Dan ifisser li Copernicus, bħala sors awtonomu ta’ informazzjoni tal-UE,
għandu l-għan li jappoġġja l-politiki, l-istrumenti u
l-azzjonijiet rilevanti kollha tal-Unjoni, fejn il-fehim dwar il-mod kif
il-pjaneta tagħna tinbidel huwa kruċjali. Eżempji tal-kontribuzzjoni ta’ Copernicus
għal politiki oħrajn tal-UE huma dawn li ġejjin: ·
Politiki ta’ kooperazzjoni internazzjonali:
l-estensjoni tas-servizzi Copernicus lejn l-Afrika tirrappreżenta
kontribut konkret għall-politiki ta’ żvilupp tal-UE. L-Osservazzjoni
tad-Dinja bis-Satellita, pereżempju, tippermetti l-monitoraġġ
tal-kundizzjonijiet tal-għelejjel matul l-istaġun tal-agrikoltura u
l-iżvilupp ta’ Sistema ta’ Twissija Bikrija dwar is-Sigurtà tal-Ikel
għar-reġjuni li huma fir-riskju madwar id-dinja. Barra minn hekk xi
applikazzjonijiet ta’ Copernicus jistgħu jipprovdu informazzjoni lil dawk
li jfasslu l-politika dwar ir-riżorsi naturali fl-Afrika. ·
Politika tat-trasport: permezz tal-ottimizzazzjoni
tar-rotot tal-bastimenti, is-servizz tal-Baħar Copernicus jista’
jimminimizza l-konsum tal-fjuwil u l-emissjonijiet. ·
Politiki ambjentali: is-servizzi Copernicus
jipprovdu informazzjoni sistematika jew perjodika fuq skali differenti li huma
meħtieġa għall-monitoraġġ fuq bażi kontinwa
tal-istat tal-ambjent tal-Baħar, tal-Atmosfera u tal-Art. F’dan
il-kuntest, immaġni ambjentali miġbura permezz ta’ Copernicus
jistgħu jipprovdu l-bażi għall-monitoraġġ tal-miri
tal-istrateġija Ewropea tal-bijodiversità l-ġdida, jew bħala
għodda għall-monitoraġġ tal-użu effiċjenti ta’
riżorsi bħal injam, ilma, minerali, art, (il-kwalità) arja u
ħafna oħrajn fuq skala Ewropea u globali. ·
Għajnuna umanitarja: is-servizzi Copernicus
għandhom ukoll rwol importanti fl-attivitajiet ta’ rispons għal
emerġenza fl-UE u barra minnha, billi jipprovdi informazzjoni
aġġornata li hija kruċjali għal dawk li jieħdu
d-deċiżjonijiet, dawk li jippjanaw l-operazzjonijiet u t-timijiet fuq
il-post. ·
Enerġija: Copernicus jista’ jipprovdi
lill-Ewropa b'sors ta’ informazzjoni affidabbli dwar l-enerġija solari u
jista’ jikkontribwixxi għall-monitoraġġ tal-proliferazzjoni
nukleari u d-dekummissjonar ta’ siti nukleari. ·
Politika reġjonali: fil-livell pan-Ewropew
is-Servizz tal-Art Copernicus jipprovdi kopertura tal-art armonizzata u
prodotti għal tibdil ta’ kopertura tal-art. Din l-informazzjoni hija
essenzjali għall-użu tal-art u skopijiet politiki urbani. ·
Il-politika tat-tibdil fil-klima: hemm diversi
servizzi Copernicus li jinvolvu kwistjonijiet relatati mal-klima
bħall-monitoraġġ tal-foresti u l-informazzjoni dwar il-karbonju
tal-art, il-monitoraġġ tal-livell tal-baħar u tas-silġ,
l-analiżi ta’ gassijiet b’effett serra u tal-flussi tagħhom. ·
Sigurtà: Copernicus jista’ jikkontribwixxi
għas-sorveljanza tal-fruntieri u s-sorveljanza tal-baħar. F’dan
il-qafas mill-2008, id-DĠ Intrapriża u Industrija u d-DĠ
Affarijiet Interni waqqfu kooperazzjoni mill-qrib. ·
Agrikoltura: Copernicus jista’ jikkontribwixxi
għat-titjib tal-monitoraġġ f’waqtu u preċiż
tal-użu tal-art agrikola u l-bidliet tiegħu fil-livelli Ewropej,
nazzjonali u reġjonali billi jipprovdi metodoloġiji komuni u
indikaturi li jkopru diversi skali temporali, spazjali u tematiċi.
Il-politika agrikola komuni tista’ tuża Copernicus biex tissorvelja
l-politika “ta’ twarrib”. ·
Politiki relatati mal-baħar: Copernicus
jippermetti fehim dwar l-oċean, id-dinamika u l-impatt tiegħu fuq
it-tibdil fil-klima. L-applikazzjonijiet f’dan il-qasam jinkludu: Is-Sigurtà
tal-Baħar, it-Tixrid taż-Żejt, il-ġestjoni tar-Riżorsi
tal-Baħar, it-Tibdil fil-Klima, it-Tbassir Staġjonali, l-Attivitajiet
Kostali, l-Istħarriġ dwar is-Silġ u l-Kwalità tal-Ilma. 1.6. Tul ta’ żmien u impatt
finanzjarju þ Proposta/inizjattiva ta’ tul ta’
żmien limitat –
þ Proposta/inizjattiva fis-seħħ mill-2014 sal-2020 –
þ Impatt finanzjarju mill-2014 sal-2020 ¨ Proposta/inizjattiva ta’ tul ta’
żmien mhux limitat –
Implimentazzjoni b’perjodu tat-twaqqif minn SSSS sa
SSSS, –
segwita b’operazzjoni ta’ skala sħiħa. 1.7. Metodi ta’ ġestjoni
previsti[20] þ Ġestjoni diretta mill-Kummissjoni þ Ġestjoni indiretta b’delega tal-kompiti ta’ implimentazzjoni lil –
¨ aġenziji eżekuttivi –
þ korpi stabbiliti mill-Komunitajiet[21]
–
þ korpi mis-settur pubbliku nazzjonali/korpi b’missjoni ta’ servizz
pubbliku –
¨ persuni fdati bl-implimentazzjoni ta’ azzjonijiet speċifiċi
skont it-Titolu V tat-Trattat dwar l-Unjoni Ewropea u identifikati fl-att
bażiku rilevanti skont it-tifsira tal-Artikolu 49 tar-Regolament
Finanzjarju ¨ Ġestjoni kondiviża mal-Istati Membri ¨ Ġestjoni deċentralizzata ma’ pajjiżi terzi þ Organizzazzjonijiet internazzjonali Jekk tindika aktar minn
metodu wieħed ta’ ġestjoni, jekk jogħġbok ipprovdi dettalji
fit-taqsima “Kummenti”. Kummenti: Copernicus jibni fuq il-kapaċitajiet li
jeżistu fl-Ewropa, filwaqt li jevita d-duplikazzjoni bla bżonn u,
għall-kuntrarju, ifittex sinerġiji fost il-kapaċitajiet
nazzjonali jew internazzjonali eżistenti. Barra minn hekk, huwa kkunsidrat
li l-Kummissjoni la għandha l-forza tax-xogħol interna u lanqas
il-kompetenza biex timmaniġġja din is-sistema operattiva kumplessa
ħafna tas-sistemi waħedha. Dan għaliex, b’mod konformi
mal-objettivi ta’ simplifikazzjoni u titjib tal-prestazzjoni tal-programmi ta’
nfiq tal-UE, qed jiġi propost li jiġu implimentati partijiet kbar
mill-programm indirettament, skont it-tifsira tal-Artikolu 58
tar-Regolament Finanzjarju, li jiddelega setgħat implimentattivi lil numru
ta’ korpi rilevanti, fil-qasam tal-kompetenza tagħhom. Bil-ftehimiet ta’
delega, il-Kummissjoni tibqa’ tkun responsabbli għall-programm iżda
tittrasferixxi r-responsabbiltajiet tal-implimentazzjoni lil numru ta’
operaturi. Il-Kummissjoni, appoġġjata mill-kumitat u l-esperti
indipendenti, għandha tiffoka fuq id-definizzjoni
tad-deċiżjonijiet programmatiċi ta’ livell għoli u fuq
il-monitoraġġ tal-implimentazzjoni tagħhom. L-operaturi se
jintalbu jissottomettu Programmi ta’ Ħidma annwali u Rapporti ta’ Attività
Annwali flimkien ma’ ċertifikati ta’ verifika. Sal-2013, l-iżvilupp tal-Komponent
spazjali kien kofinanzjat mill-UE u l-ESA permezz ta’ kontribuzzjoni tal-FP7
dwar it-tema tal-ispazju u l-GMES u r-Regolament tiegħu dwar
l-operazzjonijiet inizjali għall-programm tal-ESA dwar il-Komponent
Spazjali GMES. Il-Kummissjoni, f’isem l-UE, ikkontribwiet terz mill-baġit
ġenerali tal-programm GSC, jiġifieri madwar 780 miljun minn
EUR 2.4 biljun. Għal dan il-għan, ġie stabbilit ftehim
ta’ delega fl-2008 bejn l-UE, rappreżentat mill-Kummissjoni, u l-ESA. Dan
il-ftehim ġie stabbilit skont il-ftehim qafas bejn l-UE u l-ESA. Filwaqt
li jiġi rikonoxxut li l-ESA għandha kompetenza unika u hija l-unika
aġenzija għall-attivitajiet ta’ riċerka u żvilupp ta’
programmi relatati mal-ispazju fil-livell Ewropew, huwa propost li tkompli
tiġi fdata l-attivitajiet ta’ żvilupp, jiġifieri d-disinn,
il-kostruzzjoni u l-akkwist tas-satelliti u s-segment tal-art relatat, ta’
Copernicus. Huwa meqjus li l-ESA tista’ tkompli tikkofinanzja l-attivitajiet
ta’ żvilupp, u b’mod partikolari l-iżviluppi ta’ ġenerazzjoni
ġdida ta’ satelliti, li tkun opposta għall-akkwist ta’ unitajiet
rikorrenti li jirreplikaw id-disinn tal-unitajiet diġà żviluppati. Huwa propost ukoll li l-operazzjonijiet
tal-infrastruttura żviluppata tiġi fdata kemm lill-ESA u
lill-EUMETSAT. L-ESA se tkun responsabbli għall-operazzjonijiet ta’
Sentinelli 1, 2 u l-ipproċessar tal-parti tal-Art ta’ Sentinella 3.
Permezz tad-disinn u l-koordinazzjoni tad-disinn u l-akkwist tas-segment
tal-art, b’rikonoxximent tal-kompetenza tagħha akkwistata
mill-operazzjonijiet ta’ ħafna missjonijiet xjentifiċi, l-ESA
qiegħda f’pożizzjoni tajba biex timmaniġġja dawn
il-kompiti. EUMETSAT se tkun fdata bl-operazzjonijiet ta’ satelliti u strumenti
rilevanti b’mod partikolari għall-komunitajiet tal-atmosfera u
tal-baħar, li huma qrib ħafna tal-qasam ta’ kompetenzi tagħha
stess, ħafna drabi identiċi. Għandu jiġi mfakkar li
Sentinelli 4 u 5 huma strumenti li jinġarru fuq satelliti tal-EUMETSTAT
stess. Barra minn hekk, l-akkoljiment, it-trattament u d-distribuzzjoni
tad-dejta se jsiru l-aktar permezz ta’ kapaċitajiet ta’ ħafna
missjonijiet tal-EUMETSAT. Iż-żewġ organizzazzjonijiet se jkunu
responsabbli għall-aċċess u l-għoti ta’ osservazzjonijiet
mill-missjonijiet li jikkontribwixxu, fl-oqsma ta’ kompetenza rispettivi
tagħhom. Wieħed mill-prodotti ewlenin tas-servizz
tal-Art huwa l-valutazzjoni komprensiva u f’waqtha ta’ kopertura tal-art u
kopertura tal-bidla fuq l-art. Is-settijiet tad-dejta Corine Land Cover (CLC)
ipprovdew serje kronoloġika ta’ informazzjoni tal-kopertura tal-art u
l-użu tal-art fil-kontinent Ewropew mill-1990. Dawn jippermettu tibdil
tal-monitoraġġ fuq is-superfiċje terrestri li tirriżulta
mill-interazzjoni kemm tal-proċessi naturali kif ukoll tal-attivitajiet
umani. Sa mill-1994, Corine ġiet implimentata mill-Aġenzija Ewropea
għall-Ambjent. L-EEA hija aġenzija tal-Unjoni Ewropea, li
xogħolha hu li tipprovdi informazzjoni tajba u indipendenti dwar l-ambjent
lil dawk involuti fl-iżvilupp, l-adozzjoni, l-implimentazzjoni u
l-evalwazzjoni tal-politika ambjentali, kif ukoll lill-pubbliku ġenerali.
L-EEA hija responsabbli wkoll biex tikkoordina n-Netwerk Ewropew
tal-Informazzjoni u Osservazzjoni tal-Ambjent (Eionet) fejn l-esperti nazzjonali
jikkontribwixxu għall-ġabra u l-validazzjoni tad-dejta ambjentali.
Waqt l-operazzjonijiet inizjali tal-GMES (2011-2013), il-koordinazzjoni
tal-komponenti pan-Ewropej u lokali tas-servizz tal-Art ġiet fdata
lill-EEA u implimentata permezz ta’ implimentazzjoni ċentralizzata,
bl-akkwist permezz ta’ kuntratti qafas u ta’ servizz lil fornituri
tas-servizzi; u l-implimentazzjoni deċentralizzata, permezz ta’ ftehimiet
ta’ għoti lill-aġenziji nazzjonali li huma partijiet interessati
diretti tal-EEA. Barra minn hekk, għandu jiġi nnutat li s-servizz
tal-Art jiddependi bis-sħiħ fuq kejl fil-post u dejta ta’ referenza
ġeografika. L-EEA qiegħda f’pożizzjoni tajba biex tirranġa
l-għamara tagħha permezz ta’ aġenziji nazzjonali ambjentali
u/jew tal-immappjar. Dan għaliex, filwaqt li jiġu rikonoxxuti
s-sinerġiji ovvji possibbli bejn Copernicus u r-responsabbiltajiet ewlenin
tal-EEA, u l-pożizzjoni unika tal-EEA, bħala koordinatur tal-Eionet,
vis-à-vis partijiet interessati Copernicus li huma l-aġenziji ambjentali
nazzjonali, qed jiġi propost li l-implimentazzjoni ta’ dawn
iż-żewġ komponenti tas-servizz tal-Art tkompli tiġi fdata
lill-EEA. Mill-2008, sar xogħol kontinwu biex
tiġi stabbilita Sistema Ewropea ta’ Sorveljanza (EUROSUR) biex
isaħħaħ il-kontroll tal-fruntiera esterna ta’ Schengen,
speċjalment il- fruntieri tal-baħar tan-Nofsinhar u tal-art
tal-Lvant. L-EUROSUR se tipprovdi lill-Istati Membri b’qafas tekniku komuni
(l-infrastruttura) u operattiv (fluss tax-xogħol) sabiex iżżid
l-għarfien tas-sitwazzjoni fil-fruntieri esterni tagħhom u ttejjeb
il-kapaċitajiet ta’ reazzjoni tal-awtoritajiet nazzjonali tagħhom li
jissorveljaw il-fruntieri tal-UE. Wieħed mill-objettivi miftiehma huwa li
ssir applikazzjoni komuni ta’ għodda ta’ sorveljanza (satelliti, UAVs,
aerostats, eċċ.), fejn Frontex taġixxi bħala
faċilitatur. Il-Frontex hija l-Aġenzija Ewropea
għall-Ġestjoni tal-Kooperazzjoni Operattiva fil-Fruntieri Esterni
tal-Istati Membri tal-Unjoni Ewropea. Hija tippromwovi, tikkoordina u
tiżviluppa l-ġestjoni tal-fruntieri Ewropej. Għat-taqsima dwar
il-kontroll tal-fruntieri tas-servizz tas-Sigurtà, il-kooperazzjoni attiva
tal-Frontex hija strumentali. Frontex kienet involuta fil-proġetti kollha
tal-FP7 li jippreparaw it-taqsima, kif ukoll proġetti relatati oħrajn
tat-tema tas-Sigurtà tal-FP7. Jista’ jiġi osservat li l-ħtieġa
li l-FRONTEX tistrieħ fuq GMES/Copernicus għal dawk l-attivitajiet
hija rikonoxxuta fil-proposta tal-Kummissjoni għar-Regolament EUROSUR[22]. Għalhekk huwa propost li
l-implimentazzjoni ta’ din it-taqsima tiġi ddelegata lil Frontex. Fir-rigward tat-taqsima tas-Sigurtà dwar
is-sorveljanza tal-baħar, huwa propost li l-implimentazzjoni tagħha
tiġi ddelegata lill-EMSA, l-Aġenzija Ewropea għas-Sigurtà
Marittima. Fil-fatt, il-mandat tal-EMSA jinkludi xi responsabbiltajiet
fis-sigurtà marittima u obbligu li tgħin lill-Kummissjoni f’attivitajiet
relatati. L-EMSA għandha kompetenza rikonoxxuta b’mod wiesa’
fl-implimentazzjoni ta’ CLEANSeaNET, programm operattiv tas-sigurtà
tal-baħar permezz tad-dipendenza fuq l-osservazzjonijiet tad-Dinja. Hija
involuta wkoll b’mod attiv f’diversi proġetti ta’ riċerka u
żvilupp bi tħejjija għas-servizz tas-Sigurtà Copernicus. 2. MIŻURI TA’ ĠESTJONI 2.1. Regoli dwar il-monitoraġġ
u r-rappurtar Se titqiegħed fis-seħħ sistema
ta’ monitoraġġ sabiex jiġu żgurati l-outputs tal-ogħla
kwalità u l-aktar użu effiċjenti tar-riżorsi.
Il-monitoraġġ se jsir matul il-ħajja tal-programm. Dan se jibni
fuq rapporti regolari mis-sħab ta’ implimentazzjoni. 2.2. Sistema ta’ ġestjoni u ta'
kontroll 2.2.1. Riskju/riskji identifikat/i Ir-riskji kollha relatati mal-programm se
jiġu rreġistrati b’mod ċentrali f’reġistru. Kull riskju
għandu jiġi allokat livell ta’ probabbiltà u rata ta’ impatt.
Ir-reġistru tar-riskju se jinkludi wkoll lista ta’ miżuri
maħsuba biex inaqqsu l-probabbiltà ta’ materjalizzazzjoni ta’ riskju.
Ir-riskji huma kklassifikati kif ġej: ·
Riskji teknoloġiċi: eż. satellita li
tuża teknoloġija avvanzata li għad trid tiġi vvalidata u li
l-ispeċifikazzjonijiet tagħha kontinwament qed jevolvu. ·
Riskji industrijali: l-istabbiliment
tal-infrastrutturi jinvolvi ħafna atturi industrijali, f’għadd ta’
pajjiżi, li xogħolhom għandu jiġi kkoordinat b’mod effettiv
sabiex jaslu għal sistemi li huma affidabbli u integrati b’mod
sħiħ, b’mod partikolari rigward is-sigurtà. ·
Riskju tas-suq: dak li għandha tiġi
evitata prestazzjoni teknika li hija inferjuri għal dik imwiegħda u li
jkollha impatt negattiv fost l-utenti, u bħala riżultat ta’ dan ma
tintużax l-infrastruttura. ·
Riskju ta' dewmien: kull dewmien ta’ implimentazzjoni
jpoġġi l-ambitu ta’ opportunità fil-periklu. ·
Riskju ta’ governanza: il-governanza tal-programmi
timplika entitajiet diversi li jaħdmu flimkien, u livell xieraq ta’
stabbiltà u organizzazzjoni għandu jkun garantit. Barra minn hekk,
wieħed għandu jqis id-differenzi fl-opinjonijiet bejn il-partijiet
differenti involuti rigward diversi kwistjonijiet ewlenin. F’dan il-kuntest
għandu jiġi kkunsidrat it-tqassim ta’ ċerti riskji, inklużi
riskji finanzjarji u relatati mas-sigurtà, fost dawk l-atturi li huma
fl-aħjar pożizzjoni biex ilaħħqu magħhom. Barra minn hekk, il-baġit tal-Programm se
jiġi implimentat, għall-parti l-kbira, f’ġestjoni indiretta,
permezz ta’ ftehimiet ta’ delega, u, f’parti marġinali, f’modalità
ċentralizzata, fejn il-Kummissjoni se tagħmel użu ta’
għotjiet u akkwist pubbliku. Ir-riskji huma differenti għal kull
wieħed minn dawn it-tipi differenti ta’ nefqa. Awditjar imwettaq
mill-Qorti Ewropea tal-Awdituri u mill-awditjar ex post tal-Kummissjoni
stess identifikaw ir-riskji ewlenin li ġejjin li jibqgħu
potenzjalment validi għal dan il-Programm: Għal ftehimiet ta’ delega: Ir-riskji
ewlenin identifikati jirreferu għall-eliġibbiltà tal-operaturi
(l-entità li l-Kummissjoni tikkonkludi magħha ftehim ta’ delega),
il-konformità kuntrattwali (traspożizzjoni tar-rekwiżiti
tal-Kummissjoni fid-dokumentazzjoni kuntrattwali), il-konformità
tal-proċess (nuqqas ta’ osservanza tal-proċessi preskritti
mill-Kummissjoni) u l-prestazzjoni (nuqqas ta’ kisba tal-miri/objettivi
definiti minn qabel). Dawn it-tipi ta’ riskji se jiġu
indirizzati billi jitqiesu l-fatturi li ġejjin: ·
Aspetti sinifikanti tal-proċess ta’
ġestjoni u ta' kontroll huma mwettqa mill-operaturi. ·
Il-Kummissjoni għandha tistrieħ b’mod
sinifikanti fuq is-sistemi ta’ kontroll tal-ġestjoni tal-operaturi. ·
Huwa importanti li jiġi żgurat il-livell
xieraq ta’ kontrolli tul il-katina ta’ implimentazzjoni b’responsabbiltajiet
ċari għas-sħab kollha involuti. Għall-għotjiet: Ir-regoli kumplessi
tal-eliġibbiltà tal-ispejjeż u l-kompetenza relattivament limitata
fil-ġestjoni finanzjarja ta’ ċerti benefiċjarji jistgħu
jwasslu għal riskju għoli ta’ spejjeż iddikjarati b’mod
żbaljat (eż. spejjeż ġenerali u spejjeż
tat-tagħmir). In-nuqqas ta’ bażi ta' dejta kompluta
b’informazzjoni dwar il-benefiċjarji, il-proġetti u l-ispejjeż
iddikjarati jista’ jagħmel diffiċli l-individwazzjoni ta’
benefiċjarji riskjużi u ta’ ħlasijiet possibbilment doppji ta’
spejjeż jew irregolaritajiet oħra u għalhekk jirriżulta
f’attività ineffettiva kontra l-frodi. Għall-akkwist pubbliku: Żbalji li ma
jinqabdux jew impreċiżjonijiet mhux korretti f’offerti jew
speċifikazzjonijiet tal-offerti jistgħu jwasslu għal
eżekuzzjoni ħażina ta’ kuntratt. 2.2.2. Metodu/i ta’ kontroll
previst(i) Huma previsti metodi ta’ kontroll differenti
biex jindirizzaw ir-riskji differenti identifikati hawn fuq 2.2.2.1. Ftehimiet ta’ Delega Informazzjoni dwar l-istabbiliment
tas-sistema ta’ kontroll interna Sistema ta’ ġestjoni u kontroll
ibbażata fuq il-miżuri li ġejjin għandha tkun stabbilita: ·
valutazzjoni ex ante tal-operatur ·
monitoraġġ ibbażat fuq ir-riskju,
inkluż fuq il-bażi ta’ rappurtar standardizzat, ·
azzjoni preventiva permezz tad-disinn
tal-eliġibbiltà xierqa, il-konformità kuntrattwali, il-konformità
tal-proċess u r-rekwiżiti tal-prestazzjoni; ·
rimedji kuntrattwali li jippermettu azzjoni
korrettiva fil-każ ta’ żball fl-implimentazzjoni rigward
l-eliġibbiltà, il-konformità kuntrattwali, il-konformità tal-proċess
u r-rekwiżiti tal-prestazzjoni; ·
kontrolli ex ante fuq il-pagamenti
mid-DĠ għall-kont fiduċjarju tal-operatur; ·
allinjament ta’ miżuri ta’ interess; ·
parteċipazzjoni fil-governanza ·
drittijiet għall-aċċess għall-awditjar
rigward l-operaturi, l-entitajiet affiljati u l-benefiċjarji finali; ·
rendikont sħiħ tal-entrati li jkopri
l-katina tal-implimentazzjoni; ·
awditjar tal-konformità u tal-prestazzjoni
mill-aġenti tal-Kummissjoni ·
żieda fl-assigurazzjoni integrata li tqis
is-sistema tal-kontrolli interni u l-verifiki interni miżmuma
mill-operaturi u l-entitajiet affiljati li tindirizza l-eliġibbiltà,
il-konformità kuntrattwali, il-konformità tal-proċess u r-rekwiżiti
tal-prestazzjoni; ·
dikjarazzjonijiet finanzjarji vverifikati minn
awdituri esterni; ·
dikjarazzjonijiet ta’ assigurazzjoni pprovduti minn
operaturi fuq bażi annwali. Il-verifika li l-proċessi qegħdin
jaħdmu kif iddisinjati se tkun żgurata permezz ta’ diversi mezzi ta’
informazzjoni: l-għarfien tal-ġestjoni dwar l-istat
tas-sistemi ta’ kontroll intern tad-DĠ, miġbura permezz
tal-ħidma minn jum għal jum u l-esperjenzi; is-superviżjoni formali tad-DĠ,
l-arranġamenti ta’ segwitu u ta’ monitoraġġ; ·
ir-riżultati mir-reviżjoni annwali
tal-ICS (“konformità sħiħa mar-rekwiżiti bażiċi”); ·
ir-riżultati tal-eżerċizzju
tal-Valutazzjoni tar-Riskju; ·
il-kontrolli ex ante u ex post,
inkluż rapporti ta’ eċċezzjonijiet u/jew dgħufijiet
fil-kontroll intern; ·
ir-riżultati minn awditjar finanzjarji esterni
tad-DĠ; ·
il-ħidma ta’ verifika u ta’ konsulenza mwettqa
mill-Kapaċità tal-Verifika Interna tad-DĠs; l-evalwazzjonijiet tal-Programmi mwettqa minn
evalwaturi esterni. Il-verifika mill-IAC, l-IAS jew l-ECA se
tipprovdi aktar rispons dwar l-adegwatezza tas-sistema ta’ kontroll. L-istima tal-ispejjeż u
tal-benefiċċji tal-kontroll implikata mis-sistema ta’ kontroll Il-kontrolli previsti ġew meqjusa f’sens
wiesa’ f’konformità mad-definizzjoni tal-mudell COSO tal-kontroll intern
definit bħala “proċess imfassal biex jipprovdi assigurazzjoni
raġonevoli fir-rigward tal-kisba tal-objettivi fl-effikaċja u
fl-effiċjenza tal-operazzjonijiet, l-affidabbiltà tar-rappurtar finanzjarju,
u l-konformità mal-liġijiet u r-regolamenti applikabbli”. L-ispejjeż
tal-kontrolli huma stmati fuq bażi komprensiva li tkopri kwalunkwe
attivitajiet li huma direttament jew indirettament marbuta mal-verifika
tad-drittijiet tal-operaturi u r-regolarità tan-nefqa. Fejn ikun possibbli dawn
huma ddettaljati matul id-diversi stadji ta’ ġestjoni, u skont
id-deskrizzjoni tas-sistema tal-kontroll prevista. L-aġġustamenti biex jitqiesu
t-tibdiliet mistennija tal-proposta l-ġdida jinkludu dejta
għall-allinjament ta’ miżuri ta’ interess u aktar rimedji
kuntrattwali li jippermettu azzjoni korrettiva fil-każ ta’ żball
fl-implimentazzjoni rigward ir-rekwiżiti. Valutazzjoni tal-livell ta’ riskju mistenni
ta’ nuqqas ta’ konformità mar-regoli applikabbli Skont is-sistema ta’ kontroll prevista,
il-livell mistenni ta’ riskju ta’ nuqqas ta’ konformità (definit bħala
r-riskju mistenni ta’ żbalji tal-legalità u r-regolarità li
jseħħu fil-livell ta’ tranżazzjonijiet) se jinżamm
taħt 2 % fuq bażi pluriennali, iżda bi spiża aktar
baxxa minħabba l-mitigazzjoni tal-frekwenza tar-riskju u l-impatt
tar-riskju, li jirriżultaw mill-miżuri addizzjonali introdotti. Ir-rata tal-iżbalji hija mistennija li
tonqos minħabba l-kjarifika tar-regoli applikabbli inklużi
r-rekwiżiti SMART, minħabba aktar riinfurzar tar-rimedji kuntrattwali
u minħabba ż-żieda fl-allinjament ta’ interess. Huwa previst li parti żgħira
mill-baġit ta’ dan il-Programm tista’ tiġi implimentata skont
il-ġestjoni diretta ċentralizzata (ara hawn taħt) permezz ta’
għotjiet u akkwist pubbliku. 2.2.2.2. Għotjiet Informazzjoni dwar l-istruttura tas-sistema
tal-kontroll intern Il-qafas ta’ kontroll intern attwali huwa
mibni fuq l-implimentazzjoni tal-Istandards tal-Kontroll Intern
tal-Kummissjoni, il-proċeduri għall-għażla tal-aħjar
proġetti u t-traduzzjoni tagħhom fi strumenti legali, f’ġestjoni
tal-proġett u tal-kuntratt matul il-proġett kollu, f’kontrolli ex
ante fuq il-klejms, li jinkludu r-riċevuta ta’ ċertifikati
tal-verifiki, ċertifikazzjoni ex ante tal-metodoloġiji
tal-ispejjeż, awditjar u korrezzjonijiet ex post, u evalwazzjoni. Id-dokumentazzjoni ta’ sejħiet
għall-proposta tinkludi gwida ddettaljata dwar ir-regoli
tal-eliġibbiltà u notevolment dwar l-iktar żbalji frekwenti
fir-rigward tal-ispejjeż tal-persunal. Il-benefiċjarji huma mistiedna
jipprovdu, diġà meta jagħmlu proposta, biżżejjed dettalji
dwar l-ispejjeż previsti li jippermettu verifika ex ante u l-kixfa
ta’ żbalji possibbli jew miżinterpretazzjonijiet u fejn
meħtieġ bidliet tal-implimentazzjoni jew l-adattament tal-ftehim dwar
l-għotja. Dan se jżid b’mod sinifikanti ċ-ċertezza legali
tal-benefiċjarji u jnaqqas ir-riskju ta’ żbalji. Kontrolli ex post se jitwettqu sabiex
jiddeterminaw il-medja rappreżentattiva tar-rata ta’ żbalji li se
jibqa’ minkejja t-taħriġ, il-verifiki ex ante u l-korrezzjonijiet.
L-istrateġija tal-awditjar ex post għan-nefqa skont
il-Programm se tkun ibbażata fuq l-awditjar finanzjarju
tat-tranżazzjonijiet definiti mit-Teħid ta’ Kampjuni ta’ Unità
Monetarja, flimkien ma’ kampjun ibbażat fuq ir-riskju. L-istrateġija
tal-awditjar ex post fir-rigward tal-legalità u r-regolarità se
tiġi kkumplementata minn evalwazzjoni operattiva riinfurzata u
l-istrateġija ta’ kontra l-frodi. L-istima tal-ispejjeż u
tal-benefiċċji tal-kontrolli implikat mis-sistema ta’ kontroll Irid jinstab bilanċ bejn,
iż-żieda fl-attrazzjoni tal-Programm billi jitnaqqas il-piż ta’
kontroll għall-benefiċjarji (aktar fiduċja u teħid ta’
riskju bl-użu akbar ta’ rati fissi, somom f’daqqa u skali ta’ unità),
min-naħa, u l-assigurazzjoni li r-rata ta’ żbalji mhux
ikkoreġuti tibqa’ baxxa kemm hu raġonevolment fattibbli,
min-naħa l-oħra. Id-Direttorat Ġenerali
għall-Intrapriża u l-Industrija se jistabbilixxi sistema ta’ kontroll
intern kost-effettiv li se tagħti assigurazzjoni raġonevoli li
r-riskju ta’ żball, matul il-perjodu ta’ nefqa pluriennali ikun, fuq
bażi annwali, fil-marġni ta’ 2-5 %; bl-għan
aħħari li jinkiseb livell residwu ta’ żbalji kemm jista’jkun
qrib it-2 % fl-għeluq tal-programmi pluriennali, ladarba l-impatt
finanzjarju tal-awditjar kollu, il-miżuri ta’ korrezzjoni u rkupru jkunu
ġew ikkunsidrati. L-istrateġija tal-awditjar għandha
timmira li tipprovdi rappreżentazzjoni ġusta u affidabbli tar-riskju
ta’ żbalji u teżamina b’mod effikaċi u effettiv
l-indikazzjonijiet ta’ frodi. Il-kontrolli ex ante tal-proposti qabel
l-iffirmar tal-ftehim tal-għotja u l-kjarifika tar-regoli
tal-eliġibbiltà ma għandhomx iżidu b’mod sinifikanti
ż-żmien għall-kuntratt. L-uffiċjali li jawtorizzaw permezz
ta’ delega għandhom jirrappurtaw kull sena l-ispejjeż u l-benefiċċji
tal-kontroll u l-Kummissjoni għandha tirrapporta lill-awtorità
leġiżlattiva fil-qafas tar-Reviżjoni Intermedja dwar il-livell
tan-nuqqas ta’ konformità li jista’ jinkiseb. Valutazzjoni tal-livell ta’ riskju mistenni
ta’ nuqqas ta’ konformità mar-regoli applikabbli A. Is-sorsi attwali tal-iżbalji Abbażi tar-riżultati, s’issa,
ġew identifikati żbalji rikorrenti fir-rigward ta’ dan li ġej: ·
spejjeż tal-persunal: jintalab ħlas għall-medja tal-ispejjeż jew inkella
għall-ispejjeż ibbaġitjati (minflok l-ispejjeż attwali),
in-nuqqas li jinżammu rekords adegwati tal-ħin involut fuq
il-programm, jintalab ħlas għal oġġetti li mhumiex
eliġibbli (spejjeż tal-maniġer proprjetarju tal-SME. ·
spejjeż diretti oħrajn: żbalji regolari identifikati huma s-sottokuntrattar mingħajr
awtorizzazzjoni minn qabel, jew mingħajr ma jiġu rrispettati r-regoli
tal-valur għall-flus, eċċ. ·
spejjeż indiretti:
f’għadd ta’ każijiet l-ispejjeż indiretti huma perċentwal
b’rata fissa tal-ispejjeż diretti, u għaldaqstant l-iżball
fl-ispejjeż indiretti huwa proporzjonat mal-iżball fl-ispejjeż
diretti. B. Opportunitajiet ta’ simplifikazzjoni
proposti Il-programm se jibbenefika mill-miżuri
ta’ simplifikazzjoni inklużi fir-reviżjoni trijennali tar-Regolament
Finanzjarju. F’dan il-qafas il-Kummissjoni se tuża l-possibbiltà li
jiġu adottati miżuri ta’ simplifikazzjoni bħal pereżempju
skali ta’ spejjeż tal-unità għall-maniġer proprjetarju tal-SME
jew l-użu ta’ rati standard għall-ispejjeż tal-persunal
b’konformità mal-prinċipji tal-kont tas-soltu tal-benefiċjarji. C. Kontribuzzjoni ta’ tibdil fil-kontroll
għat-tnaqqis tal-livell ta’ nuqqas ta’ konformità mistenni Il-punt ta’ bidu huwa status quo, abbażi
tal-awditjar tal-għotja tal-FP7 imwettqa s’issa. Abbażi
tas-suppożizzjonijiet li: ·
il-benefiċjarji tal-għotjiet skont
il-Programm Copernicus tal-ġejjieni huma simili għal dawk li
pparteċipaw fl-FP7, u li ·
terz tas-sorsi tal-iżbalji huma stmati li huma
dawk elenkati taħt il-punt B hawn fuq, il-miżuri ta’ simplifikazzjoni
inklużi fir-Regolament Finanzjarju huma mistennija jwasslu għal
tnaqqis fir-rata ta’ żbalji. Tnaqqis ieħor tal-iżbalji huwa
mistenni minn kjarifika ex ante tar-regoli tal-eliġibbiltà. Konklużjoni: b’kunsiderazzjoni
tal-miżuri kollha msemmija hawn fuq meħuda flimkien, l-għan
aħħari huwa li jintlaħaq livell residwu ta’ żbalji kemm
jista’ jkun qrib it-2 % sal-aħħar taċ-ċiklu
tal-ħajja. Dan ix-xenarju huwa bbażat fuq
il-preżunzjoni li l-miżuri ta’ simplifikazzjoni mhumiex
suġġetti għall-modifiki sostanzjali fil-proċess
tat-teħid tad-deċiżjonijiet. 2.2.2.3. Akkwist Pubbliku Il-qafas tal-kontroll intern mibni fuq
l-implimentazzjoni tal-Istandards tal-Kontroll Intern tal-Kummissjoni,
il-proċeduri tal-akkwist pubbliku għall-għażla
tal-aħjar proposti u għall-ġestjoni tal-kuntratt matul il-proġett/kuntratt,
u kontrolli ex ante fuq il-fatturi u l-ħlasijiet għandhom
jevitaw żbalji residwi li jkunu aktar minn 2 %. 2.3. Il-miżuri
għall-prevenzjoni ta’ frodi u irregolaritajiet Speċifika l-miżuri ta’
prevenzjoni u protezzjoni eżistenti jew maħsuba. Fil-qafas tal-Istrateġija tal-Kummissjoni
Kontra l-Frodi (CAFS)[23] u bl-għajnuna tal-OLAF permezz tal-konsultazzjoni u
l-parteċipazzjoni fin-Netwerk tal-OLAF għall-Prevenzjoni u
d-Detezzjoni tal-Frodi (FPDNet), id-DĠ Intrapriża u Industrija
żviluppa abbozz tiegħu tal-Istrateġija Kontra l-Frodi (AFS) li
jkopri l-miżuri għall-prevenzjoni u l-kixfa ta’ frodi u
irregolaritajiet kemm interni, kif ukoll dawk fir-rigward tal-benefiċjarji
u l-kuntratturi. L-AFS se tiġi aġġornata kull sena. B’mod partikolari għall-għotjiet,
il-Pjan ta’ Azzjoni tal-AFS tad-DĠ Intrapriża u Industrija jipprevedi
l-ħolqien ta’ reġistru ċentrali tal-benefiċjarji kollha
tiegħu (koordinaturi, imsieħba, sottokuntratturi u parteċipanti
oħrajn) u tal-proġetti (rapporti u dikjarazzjonijiet
tal-ispejjeż). Din id-database, flimkien mal-akkwist ippjanat
tal-għodod b’saħħithom għall-analiżi tad-dejta
għall-kixfa tal-indikaturi tal-frodi jew ‘sinjali ta’ periklu’, se ttejjeb
b’mod sinifikanti l-funzjonijiet ta’ kontroll u l-kapaċitajiet ta’
awditjar tagħha. Sabiex iżid l-għarfien u
l-kapaċità għat-twettiq ta’ kontrolli preventivi u effettivi, il-Pjan
ta’ Azzjoni tal-AFS tad-DĠ Intrapriża u Industrija jipprevedi
l-offerta ta’ korsijiet speċifiċi ta’ taħriġ u materjal ta’
gwida. Barra minn hekk, se tiġi żviluppata u implimentata
strateġija ta’ kontroll għall-evalwazzjoni tal-kapaċità
finanzjarja u teknika tal-benefiċjarji flimkien ma’ kategorizzazzjoni
tar-riskju tal-benefiċjarji abbażi tal-indikaturi tal-frodi,
ir-reġistrazzjoni tal-għodod tal-IT u l-immarkar għall-awditjar ex
ante/ex post. Barra minn hekk, se jiġu żviluppati
proċeduri tal-awditjar u gwida għall-awditjar ex post
ibbażati fuq ir-riskju u b’enfasi fuq każijiet possibbli ta’ frodi u
irregolaritajiet. Din l-AFS se tkun allinjata aħjar mal-istandards tal-kontroll
intern, b’mod partikolari mal-eżerċizzju tal-valutazzjoni tar-riskju,
u mal-AFS ta’ DĠs oħra u ma’ entitajiet sottodelegati. 3. IMPATT FINANZJARJU STMAT TAL-PROPOSTA/INIZJATTIVA
3.1. Intestatura/i tal-qafas
finanzjarju pluriennali u linja/i tal-baġit tan-nefqa affettwata/i Intestaturi tal-baġit eżistenti
tan-nefqa kif mitluba Fl-ordni tal-intestaturi tal-qafas finanzjarju
pluriennali u tal-linji tal-baġit. Intestatura tal-qafas finanzjarju pluriennalii || Linja tal-baġit || Tip ta’ nefqa || Kontribuzzjoni Numru [Intestatura……………………………………..] || Diff./mhux diff. || minn pajjiżi tal-EFTA || minn pajjiżi kandidati || minn pajjiżi terzi || skont it-tifsira tal-Artikolu 21(2)(b) tar-Regolament Finanzjarju [1] || 02010404 – Nefqa ta’ appoġġ għall-programm Ewropew ta’ ossevazzjoni tad-Dinja (Copernicus) || Mhux Diff || IVA || LE || IVA || LE [1] || 020601 - Servizzi operattivi (Copernicus) || Diff || IVA || LE || IVA || LE [1] || 020602 - Osservazzjonijiet li jkunu saru fl-ispazju (Copernicus) || Diff || IVA || LE || IVA || LE 3.2. Impatt stmat fuq in-nefqa 3.2.1. Sommarju
tal-impatt stmat fuq in-nefqa miljuni ta’ EUR (sa 3
postijiet deċimali) Intestatura tal-impatt stmat fuq in-nefqa: || 1 || Tkabbir Intelliġenti u Inklużiv DĠ Intrapriża || || || Sena 2014 || Sena 2015 || Sena 2016 || Sena 2017 || Sena 2018 || Sena 2019 || Sena 2020 || Sena 2021 || TOTAL Approprazzjonijiet operattivi || || || || || || || || || 020601 || Impenji || (1) || 58,500 || 179,721 || 189,426 || 197,952 || 208,610 || 283,691 || 210,291 || || 1,328,191 Pagamenti || (2) || 29,215 || 195,417 || 188,779 || 197,673 || 207,871 || 266,906 || 231,030 || 11,300 || 1,328,191 020602 || Impenji || (1) || 301,933 || 373,949 || 394,141 || 411,880 || 434,051 || 590,279 || 437,566 || || 2,943,799 Pagamenti || (2) || 150,785 || 406,608 || 392,796 || 412,159 || 434,790 || 555,362 || 480,717 || 110,582 || 2,943,799 Approprjazzjonijiet ta’ natura amministrattiva ffinanzjati mill-pakkett għal programmi speċifiċi[24] || || || || || || || || || 02010404 || || (3) || 2,500 || 2,700 || 2,700 || 2,800 || 2,900 || 2,900 || 3,000 || || 19,500 TOTAL ta’ approprjazzjonijiet għad-DĠ Intrapriża || Impenji || =1+1a +3 || 362,933 || 556,370 || 586,267 || 612,632 || 645,561 || 876,870 || 650,847 || || 4,291,480 Pagamenti || =2+2a+3 || 182,500 || 604,725 || 584,275 || 612,632 || 645,561 || 825,168 || 714,737 || 121,882 || 4,291,480 Intestura tal-qafas finanzjarju pluriennali: || 5 || “ Nefqa amministrattiva” miljuni ta’ EUR (sa 3
postijiet deċimali) || || || Sena 2014 || Sena 2015 || Sena 2016 || Sena 2017 || Sena 2018 || Sena 2019 || Sena 2020 || TOTAL DĠ: Intrapriża || Riżorsi umani || 4,497 || 5,259 || 5,894 || 5,894 || 5,894 || 5,894 || 5,894 || 39,226 Nefqa amministrattiva oħra || 0,343 || 0,343 || 0,343 || 0,343 || 0,343 || 0,343 || 0,343 || 2,401 TOTAL DĠ INTRAPRIŻA || Approprjazzjonijiet || 4,840 || 5,602 || 6,237 || 6,237 || 6,237 || 6,237 || 6,237 || 41,627 TOTAL ta’ approprjazzjonijiet taħt l-INTESTATURA 5 tal-qafas finanzjarju pluriennali || (Total ta’ impenji = Total ta’ pagamenti) || 4,840 || 5,602 || 6,237 || 6,237 || 6,237 || 6,237 || 6,237 || 41,627 miljuni ta’ EUR (sa 3
postijiet deċimali) || || || Sena 2014 || Sena 2015 || Sena 2016 || Sena 2017 || Sena 2018 || Sena 2019 || Sena 2020 || Sena 2021 || TOTAL TOTAL ta’ approprjazzjonijiet taħt l-INTESTATURI 1 sa 5 tal-qafas finanzjarju pluriennali || Impenji || 367,773 || 561,972 || 592,504 || 618,869 || 651,798 || 883,107 || 657,084 || || 4.333,107 Pagamenti || 187,340 || 610,327 || 590,512 || 618,869 || 651,798 || 831,405 || 720,974 || 121,882 || 4,333,107 3.2.2. Impatt stmat fuq
l-approprjazzjonijiet operattivi –
¨ Il-proposta/l-inizjattiva ma teħtieġx l-użu ta’
approprjazzjonijiet operattivi –
þ Il-proposta/l-inizjattiva teħtieġ l-użu ta’
approprjazzjonijiet operattivi, kif spjegat hawn taħt: L-approprjazzjonijiet
għall-impenji f’miljuni ta’ EUR (sa 3 punti deċimali) Objettivi || SENA 2014 || SENA 2015 || SENA 2016 || SENA 2017 || SENA 2018 || SENA 2019 || SENA 2020 || TOTAL OBJETTIV SPEĊIFIKU Nru 1 Servizzi || 58,500 || 179,721 || 189,426 || 197,952 || 208,610 || 283,691 || 210,291 || 1,328,191 OBJETTIV SPEĊIFIKU Nru 2 Spazju || 301,933 || 373,949 || 394,141 || 411,880 || 434,051 || 590,279 || 437,566 || 2,943,799 TOTAL TAL-ISPEJJEŻ || 360,433 || 553,670 || 583,567 || 609,832 || 642,661 || 873,970 || 647,857 || 4.271,990 3.2.3. Impatt stmat fuq
approprjazzjonijiet ta’ natura amministrattiva 3.2.3.1. Sommarju ¨ Il-proposta/l-inizjattiva ma teħtieġx l-użu ta’
approprjazzjonijiet amministrattivi þ Il-proposta/l-inizjattiva teħtieġ l-użu ta’
approprjazzjonijiet amministrattivi, kif spjegat hawn taħt: miljuni ta’ EUR (sa 3
postijiet deċimali) || Sena 2014 || Sena 2015 || Sena 2016 || Sena 2017 || Sena 2018 || Sena 2019 || Sena 2020 || TOTAL INTESTATURA 5 tal-qafas finanzjarju pluriennali || || || || || || || || Riżorsi umani || 4,497 || 5,259 || 5,894 || 5,894 || 5,894 || 5,894 || 5,894 || 39,226 Nefqa amministrattiva oħra || 0,343 || 0,343 || 0,343 || 0,343 || 0,343 || 0,343 || 0,343 || 2,401 Is-subtotal tal-INTESTATURA 5 tal-qafas finanzjarju pluriennali || 4,840 || 5,602 || 6,237 || 6,237 || 6,237 || 6,237 || 6,237 || 41,627 || || || || || || || || Barra l-INTESTATURA 5 [25] tal-qafas finanzjarju pluriennali || || || || || || || || Riżorsi umani || || || || || || || || Nefqa oħra ta’ natura amministrattiva || 2,500 || 2,700 || 2,700 || 2,800 || 2,900 || 2,900 || 3,000 || 19,500 Subtotal barra mill-INTESTATURA 5 tal-qafas finanzjarju pluriennali || || || || || || || || || || || || || || || || TOTAL || 7,340 || 8,302 || 8,937 || 9,037 || 9,137 || 9,137 || 9,237 || 61,127 3.2.3.2. Ħtiġijiet stmati ta’
riżorsi umani –
¨ Il-proposta/inizjattiva ma teħtieġx l-użu ta’
riżorsi umani –
þ Il-proposta/l-inizjattiva teħtieġ l-użu ta’
riżorsi umani, kif spjegat hawn taħt: Stima li għandha
tiġi espressa f’ammonti sħaħ (jew sa mhux aktar minn punt
deċimali wieħed) || 2014 || 2015 || 2016 || 2017 || 2018 || 2019 || 2020 Il-karigi tal-pjan ta' stabbiliment (uffiċjali u agenti temporanji) 02 01 01 01 (Kwartieri Ġenerali u l-Uffiċċji tar-Rappreżentanza tal-Kummissjoni) || 28 || 34 || 39 || 39 || 39 || 39 || 39 02 01 01 02 (Delegazzjonijiet) || - || - || - || - || - || - || - 02 01 05 01 (Riċerka indiretta) || - || - || - || - || - || - || - 10 01 05 01 (Riċerka diretta) || || || || || || || Persunal estern (f’unità Ekwivalenti għal Full-Time: UEF)[26] 02 01 02 01 (AK, INT, ENS mill-“pakkett globali”) || 14 || 14 || 14 || 14 || 14 || 14 || 14 02 01 02 02 (AK, INT, JED, AL u ENS fid-delegazzjonijiet) || - || - || - || - || - || - || - 02 01 04 yy [27] || - || - || - || - || - || - || - || 0 - || - || - || - || - || - || - || 0 02 01 05 02 (AK, INT, ENS - Riċerka indiretta) || - || - || - || - || - || - || - 10 01 05 02 (AK, INT, ENS - Riċerka diretta) || - || - || - || - || - || - || - Linji tal-baġit oħrajn (speċifika) || - || - || - || - || - || - || - TOTAL || 42 || 48 || 53 || 53 || 53 || 53 || 53 Ir-riżorsi umani
meħtieġa għandhom jiġu milqugħa mill-persunal
tad-DĠ, li huwa diġà assenjat għall-ġestjoni tal-azzjoni
u/jew ġie allokat mill-ġdid fid-DĠ, flimkien, jekk ikun neċessarju,
ma’ kwalunkwe allokazzjoni addizzjonali li tista’ tingħata lid-DĠ
tal-ġestjoni taħt il-proċedura ta’ allokazzjoni annwali u
fid-dawl tar-restrizzjonijiet baġitarji. Ir-riżorsi umani
attwali fl-2013 huma ta' 29UEF (17-il Kariga tal-pjan ta’ stabbiliment u 12-il-Membru
tal-Persunal estern): iż-żieda progressiva sa 53 UEF (+ 22 Kariga
tal-pjan ta’ stabbiliment u + 2 Membri tal-Persunal estern) għandhom ikunu
koperti kif ġej: Wara r-reviżjoni fuq l-2016 tal-ftehimiet ta’ delega
eżistenti kollha, valutazzjoni mill-ġdid tar-riżorsi allokati hija
meħtieġa biex jiġi żgurat li l-objettivi jistgħu
jintlaħqu bil-persunal fil-kariga. Iċ-ċifri attwali għall-2016-2019
huma indikattivi u jistgħu jiġu riveduti. –
għat-22 kariga addizzjonali tal-pjan ta’
stabbiliment (EPP); 8 jkunu koperti permezz ta’ skjerament mill-ġdid
ġewwa d-Direttorat G tad-DĠ Intrapriża (huwa previst li ssir
organizzazzjoni mill-ġdid biex l-attivitajiet tal-politika tal-Ispazju
jingħaqdu mal-attivitajiet tar-riċerka u l-iżvilupp
tal-Ispazju), 4 EPP oħrajn ikunu koperti permezz ta’ riallokazzjoni
ġewwa d-DĠ Intrapriża. L-10 EPP addizzjonali li jifdal
għandhom ikunu koperti mir-raggruppament ta’ allokazzjoni mill-ġdid mill-Kummissjoni
u/jew minn persunal issekondat (mis à disposition) minn DĠs involuti
fil-programm Copernicus kif kien previst bid-deċiżjoni
tal-Kummissjoni dwar il-ħolqien tal-GMES mill-2006 (C(2006)673). Se
tiġi ppreżentata proposta ta’ emenda ta’ din id-deċiżjoni. –
għall-persunal estern: 2 UEF addizzjonali
mitluba fl-2014 se jkunu koperti minn riallokazzjoni intern; u, jekk
meħtieġ; riżorsi addizzjonali jistgħu jintalbu wara
r-reviżjoni tal-2016 u għandhom jingħataw lid-DĠ
Intrapriża skont il-proċedura ta’ allokazzjoni annwali Deskrizzjoni tal-kompiti li
għandhom jitwettqu: Uffiċjali u aġenti temporanji || - Jippreparaw u jimmonitorjaw l-implimentazzjoni tal-programm inkluża d-definizzjoni tar-rekwiżiti tal-utenti; - Jagħżlu korpi delegati; - Jinnegozjaw ftehimiet ta’ delega (żieda ta’ 6 darbiet) - Jissorveljaw korpi ta’ delega (żieda ta’ 4 darbiet); - Jimmonitorjaw l-implimentazzjoni tal-baġit b’mod indirett - Jipprovdu analiżi legali u regolatorja li tappoġġja l-proċess ta’ tfassil tal-politika; - Jiżguraw il-konformità ta’ soluzzjonijiet proposti mar-regoli applikabbli; - Jiggarantixxu ġestjoni finanzjarja tajba u jlestu t-tranżazzjonijiet finanzjarji relatati mal-ġestjoni tal-kuntratti; - Iwettqu attivitajiet meħtieġa biex jiġi żgurat il-kontroll effiċjenti tal-ispejjeż; - Isegwu l-kooperazzjoni internazzjonali u jinnegozjaw ftehimiet internazzjonali - Jimmonitorjaw aspetti ta’ sigurtà Copernicus - Iżommu relazzjonijiet ma’ Stati Membri, b’mod partikolari l-komponent fil-post - Valutazzjoni u mitigazzjoni tar-riskju (akkumulat minħabba l-esponiment finanzjarja tal-pakkett imsaħħaħ) - Relazzjonijiet mal-Parlament Ewropew u mal-Kunsill skont l-Artikoli 58, 60-61 tar-Regolament Finanzjarju - Il-prevenzjoni ta’ frodi u irregolaritajiet u r-relazzjonijiet mal-OLAF u l-Qorti tal-Awdituri - Il-Politika tad-dejta u l-infurzar tagħha mill-partijiet interessati kollha - Jippromwovu l-adozzjoni tal-utent fl-Istati Membri Persunal estern || Appoġġ għall-kompiti deskritti hawn fuq 3.2.4. Kompatibbiltà mal-qafas
finanzjarju pluriennali preżenti –
þ Il-proposta/inizjattiva hija kompatibbli mal-qafas finanzjarju
pluriennali kurrenti. –
¨ Il-proposta/inizjattiva se tinvolvi l-ipprogrammar mill-ġdid
tal-intestatura rilevanti fil-qafas finanzjarju pluriennali. –
¨ Il-proposta/inizjattiva teħtieġ l-applikazzjoni ta’
strumenti ta’ flessibilità jew ir-reviżjoni tal-qafas finanzjarju
pluriennali[28]. 3.2.5. Kontribuzzjonijiet minn
partijiet terzi –
¨ Il-proposta/inizjattiva ma tipprovdix għall-kofinanzjament minn
partijiet terzi –
þ Il-proposta/inizjattiva tipprovdi għall-kofinanzjament stmat hawn
taħt: –
¨ Il-programm se jkun miftuħ għal parteċipazzjoni
iżda għadu ma ġie konkluż ebda ftehim formali sa issa. Approprjazzjonijiet f’miljuni
ta’ EUR (sa 3 punti decimali) || 2014 || 2015 || 2016 || 2017 || 2018 || 2019 || 2020 || Total Speċifika l-entità ta’ kofinanzjament || || || || || || || || TOTAL ta’ approprjazzjonijiet kofinanzjati || || || || || || || || 3.3. Impatt stmat fuq id-dħul –
þ Il-proposta/inizjattiva ma għandhiex impatt finanzjarju fuq
id-dħul. –
¨ Il-proposta/inizjattiva għandha l-impatt finanzjarju li ġej: –
¨ fuq ir-riżorsi proprji –
¨ fuq dħul mixxellanju EUR miljuni (sa 3 postijiet
decimali) Linja tad-dħul tal-baġit: || Approprazzjonijiet disponibbli għas-sena baġitarja li għaddejja bħalissa || Impatt tal-proposta/tal-inizjattiva [29] Sena N || Sena N+1 || Sena N+2 || Sena N+3 || … daħħal kemm hemm bżonn kolonni biex jiġi rifless it-tul ta’ żmien tal-impatt (ara l-punt 1.6) Artikolu …………. || || || || || || || || Għal dħul
mixxelanju assenjat, speċifika l-linja/i tan-nefqa tal-baġit
affettwat(i). . Speċifika
l-metodu għall-ikkalkular tal-impatt fuq id-dħul. . [1] COM (2012) 42 final tat-8 ta’ Frar 2012 [2] COM
(2005) 565 finali tal-10 ta’ Novembru 2005 [3] COM
(2008) 748 finali tal-11.12.2008 [4] COM
(2009) 223 finali tal-20.5.2009. Ir-Regolament (UE) nru 911/2010
tal-Parlament Ewropew u tal-Kunsill tat-22 ta’ Settembru 2010
dwar il-programm Ewropew ta’ monitoraġġ tad-dinja (GMES) u l-operazzjonijiet
inizjali tiegħu (2011-2013) – ĠU L 276 tal-20.10.2010,
paġna 1. [5] COM
(2009) 589 finali tat-28.10.2009 [6] ĠU C , , p. . [7] ĠU C , , p. . [8] COM(2005) 565 finali tal-10 ta’ Novembru 2005. [9] ĠU L 276, 20.10.2010, p. 1. [10] ĠU L 108, 25.4.2007, p. 1. [11] ĠU L , , p. . [12] ĠU L 298, 26.10.2012, p. 1. [13] ĠU L 55, 28.2.2011, p. 13. [14] ABM: Immaniġġjar Ibbażat fuq l-Attività –
ABB: Ibbaġitjar Ibbażat fuq l-Attività. [15] Kif imsemmi fl-Artikolu 49(6)(a) jew (b)
tar-Regolament Finanzjarju. [16] COM(2013) 108 final tat-28.2.2013 [17] B’mod
partikolari, informazzjoni aggregata fil-livell Ewropew jew globali bi kwalità
suffiċjenti attwalment mhix disponibbli għal dawk li jfasslu
l-politika Ewropea. [18] Ara pereżempju “Next generation innovation policy,
the future of EU innovation policy to support market growth”, CEPS u Ernst & Young, 2011. [19] “The European Space Industry in 2010”,
ASD-Eurospace, il-15-il edizzjoni, Ġunju 2011. [20] Id-dettalji dwar il-modi ta’ ġestjoni u r-referenzi
għar-Regolament Finanzjarju jistgħu jinstabu fuq is-sit tal-BudgWeb: http://www.cc.cec/budg/man/budgmanag/budgmanag_en.html [21] Kif imsemmi fl-Artikolu 185 tar-Regolament
Finanzjarju. [22] COM(2011) 873 finali [23] COM(2011)376, 24.06.2011 [24] L-assistenza u n-nefqa teknika u/jew amministrattiva
b’appoġġ għall-implimentazzjoni ta’ programmi u/jew azzjonijiet
tal-UE (il-linji “BA” preċedenti), riċerka indiretta, riċerka
diretta. [25] L-assistenza u n-nefqa teknika u/jew amministrattiva
bħala appoġġ għall-implimentazzjoni tal-programmi tal-UE u/jew
l-azzjonijiet (linji “BA” preċedenti), ir-riċerka indiretta,
ir-riċerka diretta. [26] AK= Aġent Kuntrattwali; INT= persunal
tal-aġenzija (“Intérimaire”); JED= “Jeune Expert en Délégation”
(Esperti Żgħażagħ f’Delegazzjonijiet); AL= Aġent
Lokali; ENS = Esperti Nazzjonali Sekondati; [27] Taħt
il-limitu ta’ persunal estern minn approprjazzjonijiet operattivi (dawk li
kienu linji “BA”). [28] Ara l-punti 19 u 24 tal-Ftehim Interistituzzjonali. [29] Fir-rigward tar-riżorsi proprji tradizzjonali (dazju,
imposti fuq iz-zokkor), l-ammonti indikati għandhom ikunu ammonti netti,
jiġifieri ammonti gross wara t-tnaqqis ta’ 25 % għall-ispejjeż
tal-ġbir.