MEMORANDUM TA’ SPJEGAZZJONI

Il-Ftehim Interistituzzjonali tas-17 ta’ Mejju 2006[1] jippermetti l-mobilizzazzjoni tal-Fond ta' Solidarjetà tal-Unjoni Ewropea, fil-limitu massimu annwali ta' EUR 1 biljun, minbarra l-intestaturi relevanti tal-qafas finanzjarju. Il-kundizzjonijiet tal-eliġibilità għall-Fond huma ppreżentati fid-dettall fir-Regolament tal-Kunsill (KE) Nru 2012/2002[2].

Abbażi tal-applikazzjoni mis-Slovenja, il-Kroazja u l-Awstrija għal assistenza mill-Fond b’rabta ma’ għargħar fil-ħarifa 2012, il-kalkolu ta’ għajnuna mill-Fond ta' Solidarjetà bbażata fuq l-estima tal-ħsara totali kkawżata huwa kif ġej:

|| || || || || (EUR) ||

|| Diżastru || Ħsara diretta aċċettata || Limitu minimu  (f'miljuni) || Ammont ibbażat fuq 2,5 % || Ammont ibbażat fuq 6 % || Ammont totali ta' għajnuna proposta

|| Slovenia flooding || 359 534 838 || 214,021 || 5 350 525 || 8 730 830 || 14 081 355

|| Għargħar fil-Kroazja || 11 463 479 || 259,805 || 286 587 || ~ || 286 587

|| Għargħar fl-Awstrija || 9 600 000 || 1 798,112 || 240 000 || ~ || 240 000

|| TOTALI || || 14 607 942

Fid-dawl tal-valutazzjoni tal-applikazzjonijiet[3], u meta titqies l-għotja massima possibbli mill-Fond flimkien mal-possibilità ta' riallokazzjoni tal-approprjazzjonijiet taħt l-intestatura li tirrikjedi nefqa addizzjonali, il-Kummissjoni tipproponi li timmobilizza l-Fond ta' Solidarjetà tal-Unjoni Ewropea għal ammont totali ta' EUR 14 607 942, li għandu jkun allokat taħt l-intestatura 3b tal-qafas finanzjarju.

Bil-preżentazzjoni ta' din il-proposta sabiex jiġi mobilizzat il-Fond, il-Kummissjoni qiegħda tagħti bidu għall-proċedura ssimplifikata tat-trilogu, kif mitlub mill-Punt 26 tal-Ftehim Interistituzzjonali tas-17 ta' Mejju 2006, sabiex jinkiseb il-ftehim taż-żewġ fergħat tal-Awtorità tal-Baġit dwar il-ħtieġa li jiġi użat il-Fond u l-ammont meħtieġ. Il-Kummissjoni tistieden lil kull fergħa tal-awtorità tal-baġit li tinforma lill-oħra u lill-Kummissjoni dwar l-intenzjonijiet tagħha.

Fil-każ li jkun hemm nuqqas ta' qbil minn waħda miż-żewġ fergħat tal-Awtorità tal-Baġit, għandha tissejjaħ laqgħa formali tat-trilogu.

Il-Kummissjoni ser tressaq abbozz ta’ baġit emendatorju (ABE) sabiex, kif mitlub mill-Punt 26 tal-Ftehim Interistituzzjonali tas-17 ta’ Mejju 2006, fil-baġit tal-2013 jiddaħħlu approprjazzjonijiet speċifiċi għall-impenji u għall-ħlasijiet.

Proposta għal

DEĊIŻJONI TAL-PARLAMENT EWROPEW U TAL-KUNSILL

dwar il-mobilizzazzjoni tal-Fond ta' Solidarjetà tal-UE

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw il-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-amministrazzjoni finanzjarja soda[4], u b'mod partikolari l-Punt 26 tiegħu,

Wara li kkunsidraw ir-Regolament tal-Kunsill (KE) Nru 2012/2002 tal-11 ta’ Novembru 2002 li jistabbilixxi l-Fond ta’ Solidarjetà tal-Unjoni Ewropea[5],

Wara li kkunsidraw il-proposta mill-Kummissjoni,[6]

Billi:

(1)       L-Unjoni Ewropea ħolqot il-Fond ta' Solidarjetà tal-Unjoni Ewropea (il-"Fond") sabiex turi solidarjetà mal-popolazzjoni ta’ reġjuni milquta minn diżastri.

(2)       Il-Ftehim Interistituzzjonali tas-17 ta’ Mejju 2006 jippermetti l-mobilizzazzjoni tal-Fond sal-limitu annwali ta’ EUR 1 biljun.

(3)       Ir-Regolament (KE) Nru 2012/2002 fih id-dispożizzjonijiet li permezz tagħhom il-Fond jista’ jiġi mmobilizzat,

(4)       Is-Slovenja, il-Kroazja u l-Awstrija ressqu applikazzjoni biex il-Fond jiġi mobilizzat, fir-rigward ta’ diżastru tal-għargħar.

ADOTTAW DIN ID-DEĊIŻJONI:

Artikolu 1

Għall-baġit ġenerali tal-Unjoni Ewropea għas-sena finanzjarja 2013, il-Fond ta' Solidarjetà tal-Unjoni Ewropea għandu jkun mobilizzat sabiex jipprovdi s-somma ta’ EUR 14 607 942 f’approprjazzjonijiet għall-impenji u għall-ħlasijiet.

Artikolu 2

Din id-Deċiżjoni tiġi ppubblikata f'Il-Ġurnal Uffiċjali tal-Unjoni Ewropea.

Magħmul fi Brussell,

Għall-Parlament Ewropew                           Għall-Kunsill

Il-President                                                    Il-President

[1]               ĠU C 139, 14.06.2006, p. 1.

[2]               ĠU L 311, 14.11.2002, p. 3

[3]               Komunikazzjoni lill-KummissjoniC(2013) XXXdwar it-tliet applikazzjonijiet biex jiġi mobilizzat il-Fond ta' Solidarjetà tal-Unjoni Ewropea ppreżentati mis-Slovenja, mill-Kroazja u .mill-Awstrija

[4]               ĠU C 139, 14.06.2006, p. 1.

[5]               ĠU L 311, 14.11.2002, p. 3

[6]               ĠU C […], […], p. […].