Proposta għal REGOLAMENT TAL-PARLAMENT EWROPEW U TAL-KUNSILL dwar finanzjament pluriennali għall-azzjoni tal-Aġenzija Ewropea għas-Sigurtà Marittima fil-qasam tar-reazzjoni għat-tniġġis ikkawżat minn vapuri u għat-tniġġis tal-baħar ikkawżat minn installazzjonijiet taż-żejt u tal-gass /* COM/2013/0174 final - 2013/0092 (COD) */
MEMORANDUM
TA’ SPJEGAZZJONI 1.
GĦAN TAL-PROPOSTA L-Aġenzija Ewropea għas-Sigurtà
Marittima ("l-Aġenzija" jew "l-EMSA") li ġiet
stabbilita fl-2002[1], ġiet assenjata, fl-2004[2], kompiti
fil-qasam tar-reazzjoni għat-tniġġis tal-baħar. Meta
titqies in-natura fuq terminu twil tar-responsabbiltà tal-Aġenzija
għar-reazzjoni għat-tniġġis, it-tlestija effiċjenti u
bir-reqqa tal-kompiti involuti teżiġi sigurtà finanzjarja xierqa
abbażi ta' impenn pluriennali. Għalhekk, fl-2006
l-leġiżlatur tal-UE stabbilixxa finanzjament pluriennali
għall-azzjoni tal-Aġenzija fil-qasam tar-reazzjoni
għat-tniġġis ikkawżat minn vapuri għall-perjodu
mill-2007 sal-2013[3]. Din il-proposta leġiżlattiva tfittex li ġġedded
il-finanzjament pluriennali għall-perjodu mill-2014 sal-2020 fil-qafas
tal-perspettivi finanzjarji l-ġodda[4]. 2.
ĠUSTIFIKAZZJONI GĦALL-MIŻURA PROPOSTA 2.1. Kuntest L-aċċident tal-baħar fuq skala
kbira tat-tanker taż-żejt ERIKA f'Diċembru 1999 li kien
jinvolvi tixrid estensiv ta' żejt wassal għall-ħolqien
tal-Aġenzija fl-2002. Fid-dawl tat-tixrid taż-żejt ikkawżat
mill-aċċident tat-tanker taż-żejt PRESTIGE
f'Novembru 2002, l-Aġenzija ġiet fdata b'kompiti u obbligi
speċifiċi fil-qasam tar-reazzjoni għat-tniġġis
ikkawżat minn vapuri. L-Aġenzija adottat Pjan ta' Azzjoni
f'Ottubru 2004 għal stat ta' tħejjija u reazzjoni
għat-tniġġis miż-żejt (minn hawn 'il quddiem
"il-Pjan ta' Azzjoni taż-Żejt"). F'Ġunju 2007,
ġie adottat it-tieni Pjan ta' Azzjoni għal stat ta' tħejjija u
reazzjoni għat-tniġġis minn sustanzi perikolużi u
noċivi (minn hawn 'il quddiem "il-Pjan ta' Azzjoni HNS")[5]. Il-Bord Amministrattiv tal-EMSA jaġġorna
ż-żewġ Pjanijiet ta' Azzjoni bħala parti mill-Programmi ta'
Ħidma annwali tal-Aġenzija. F'Marzu 2010, il-Bord Amministrattiv
approva strateġija fuq ħames snin[6] li fiha
żewġ temi rilevanti għar-reazzjoni għat-tniġġis
ikkawżat mill-vapuri. L-ewwel nett, it-tema nru 8 tiżviluppa
r-rwol tal-EMSA fir-rigward ta' rimi illegali minn vapuri (kwistjonijiet ta'
infurzar, titjib ulterjuri tal-CleanSeaNet bl-integrazzjoni tal-informazzjoni
dwar il-pożizzjoni tal-vapuri). It-tieni nett, it-tema nru 12
tittratta l-istat tat-tħejjija u r-reazzjoni għat-tniġġis
tal-baħar. Fl-aħħar nett, il-Kummissjoni
pproponiet modifika għar-Regolament dwar l-EMSA f'Ottubru 2010 li,
fost oħrajn, jipprevedi estensjoni espliċita tal-attivitajiet ta'
reazzjoni għat-tniġġis biex jiġu koperti
aċċidenti minn installazzjonijiet taż-żejt u l-gass lil
hinn mill-kosta[7]. Barra minn hekk, f'din il-proposta ssuġġeriet ukoll biex
l-assistenza tal-EMSA tiġi estiża għall-pajjiżi ġirien
tal-UE inklużi l-attivitajiet ta' reazzjoni għat-tniġġis.
Il-Parlament Ewropew u l-Kunsill laħqu ftehim dwar il-proposta
f'April 2012, u r-Regolament ġie adottat f'Jannar 2013[8] jikkonferma d-dispożizzjonijet imsemmija qabel. . 2.2. Ħidmiet attwali tal-EMSA
fil-qasam tar-reazzjoni għat-tniġġis F’konformità mar-Regolament 2038/2006 u
mad-Direttiva 2005/35/KE dwar it-tniġġis ikkawżat minn
vapuri[9], it-tliet kompiti ewlenin tal-Aġenzija fil-qasam tar-reazzjoni
għal tniġġis ikkawżat minn vapuri huma dawn: (a) Assistenza operazzjonali lill-Istati
Membri L-Aġenzija toffri netwerk ta’ bastimenti
lesti biex jintużaw b’reazzjoni għal tixrid ta' żejt biex
jikkumplimentaw il-kapaċità tal-Istati Membri meta jiġu affettwati
minn dan it-tip ta' tixrid. Tipprovdi wkoll is-servizz “CleanSeaNet” li huwa
servizz ta’ individwazzjoni u monitoraġġ ta’ tixrid ta’ żejt,
bl-użu tas-satellita, u n-netwerk “MAR-ICE” li jipprovdi informazzjoni
dwar it-tixrid ta’ sustanzi kimiċi. L-istati kostali affettwati
jistgħu jitolbu l-intervemt ta' bastimenti ta' reazzjoni f'każ ta'
tixrid ta' żejt permezz tal-Mekkaniżmu Komunitarju tal-Protezzjoni
Ċivili[10]. Integrazzjoni mingħajr xkiel mal-mekkaniżmi ta' reazzjoni
tal-Istati Membri titwettaq permezz ta' parteċipazjoni regolari f'eżerċizzji
nazzjonali u reġjonali. (b) Kooperazzjoni u koordinazzjoni L-Aġenzija tikkoordina mal-esperti
mill-Istati Membri li huma responsabbli għal reazzjoni f'każ ta'
tniġġis, kif ukoll ma' Ftehimiet Reġjonali eżistenti u
mal-Organizzazzjoni Marittima Internazzjonali (IMO). (c) Informazzjoni L-Aġenżija tiġbor, tanalizza u
xxerred informazzjoni dwar l-aqwa prattiki, tekniki u innovazzjonijiet
fil-qasam tar-reazzjoni għat-tniġġis tal-baħar. Sommarju tar-riżultati (2007 - Settembru 2012) L-istat tat-tħejjija għat-tniġġis tal-baħar u s-servizz ta' reazzjoni tal-EMSA kif ukoll ir-riżultati assoċjati ewlenin li saru disponibbli bl-użu tal-qafas ta' finanzjament pluriennali eżistenti huma murija hawn taħt. Netwerk ta’ bastimenti lesti biex jintużaw b’reazzjoni għal tixrid ta' żejt: Attwalment hemm 16-il kuntratt attiv biex tiġi pprovduta kopertura għall-baċini tal-ibħra reġjonali kollha madwar l-Unjoni Ewropea. 18-il bastiment, b'kapaċità medja ta' ħżin ta' żejt irkuprat ta' madwar 3500m3 jistgħu jiġu mmobilizzati simultanjament u jkunu lesti biex ibaħħru fi żmien 24 siegħa. || Il-bastimenti tal-EMSA pparteċipaw f'36 eżerċizzju operazzjonali internazzjonali (transfruntier) mill-2007 s'issa. Il-parteċipazzjoni f'eżerċizzji tiffaċilita l-integrazzjoni tas-servizzi tal-EMSA mal-mekkaniżmi ta' reazzjoni tal-Istati Membri. CleanSeaNet Ġew ipprovduti iktar minn 12 000 immaġni bis-satellita minn meta tnieda s-servizz f'April 2007, medja ta' iktar minn 2000 immaġni fis-sena. || Ġew immonitorjati iktar minn 1 000 miljun km2. || Madwar 200 okkorrenza ta' rimi fis-sena ġew ikkonfermati mill-Istati Membri wara sorveljanza "fuq il-post". Reazzjoni għal Inċidenti Is-servizzi ta' reazzjoni għat-tniġġis tal-EMSA ntużaw f'total ta' 25 inċident mill-2007 s'issa. L-appoġġ ta' emerġenza mogħti lill-istati kostali milquta inkluda: Bastimenti ta' reazzjoni, Immaġnijiet bis-satellita, Attivazzjoni tal-MAR-ICE, u Għarfien espert fuq is-sit. || L-appoġġ ta' emerġenza jinkludi erba' mobilizzazzjonijiet ta' bastimenti ta' reazzjoni fl-Ewropa. || L-appoġġ ta' emerġenza jinkludi pakkett wieħed ta' assistenza lill-Istati Uniti tal-Amerika matul l-inċident tad-Deepwater Horizon. L-aqwa prattika: Żvilupp u promozzjoni L-EMSA ospitat 20 laqgħa u grupp ta' ħidma ta' esperti. (Dan minbarra t-taħriġ regolari mal-uffiċjali ta' servizz tal-Istati Membri fir-rigward ta' CleanSeaNet u/jew laqgħat mal-operaturi tal-bastimenti tan-Netwerk.) || Ippubblikat seba' inventarji dwar aspetti differenti tal-istat ta' tħejjija tal-Istati Membri u l-politiki u l-kapaċitajiet ta' reazzjoni tagħhom. || Ħadet ħsieb il-ġestjoni tal-programm ta' skambju ta' uffiċjali pubbliċi "EMPOLLEX" li ffaċilita l-iskambju ta' 21 espert bejn l-Istati Membri minn meta nbeda f'Ġunju 2008. || Żviluppat għodda waħda ta' deċiżjoni ta' reazzjoni għall-applikazzjoni ta' aġenti dispersivi matul inċident. Ikkoordinat studji speċifiċi meta kienu meħtieġa (eż. Studju dwar il-faċilitajiet tar-rimi, Studju dwar Pjattaforma sikura: l-iżvilupp ta' rekwiżiti għall-bastimenti biex joperaw f'atmosferi perikolużi) 2.3. Kompiti futuri Kif spjegat hawn fuq, bid-dħul
fis-seħħ tal-emendi għar-Regolament Kostituttiv f’Jannar 2013,
l-EMSA rċeviet il-kompiti l-ġodda li ġejjin fil-qasam
tar-reazzjoni għat-tniġġis. a) L-azzjonijiet attwali ta' reazzjoni
tal-EMSA f'każ ta' "tniġġis ikkawżat mill-vapuri"
se jkopri wkoll "tniġġis tal-baħar ikkawżat minn
installazzjonijiet taż-żejt u tal-gass", b) Is-servizz eżistenti tal-EMSA,
il-CleanSeaNet se "jimmonitorja wkoll id-daqs u l-impatt ambjentali
tat-tniġġis tal-baħar miż-żejt ikkawżat minn
installazzjonijiet taż-żejt u tal-gass", c) Il-kopertura ġeografika attwali
(l-Istati Membri u l-pajjiżi ta' adeżjoni) hija estiża
għall-"Pajjiżi sħab tal-Viċinat Ewropew u
għall-pajjiżi li qed jipparteċipaw fil-Memorandum ta' Qbil dwar
il-Kontroll mill-Istat tal-Port". Permezz ta' dan, il-bastimenti tal-EMSA
jistgħu jintużaw fiż-żona kollha tal-baċini
tal-ibħra reġjonali tal-Unjoni. Il-Kummissjoni tipproponi li l-ammont allokat
għandu jestendi biss għall-ewwel żewġ kompiti
b’finanzjament inizjali biex jibdew jitwettqu ż-żewġ kompiti
mingħajr ma jiġu kompromessi dawk eżistenti. It-tielet kompitu
għandu jiġi ffinanzjat minn programmi eżistenti tal-UE
għall-pajjiżi koperti bil-politika tat-tkabbir u bil-Politika Ewropea
tal-Viċinat (il-programm SAFEMED għall-Baħar Mediterran u
l-programmi fl-ambitu tal-inizjattiva TRACECA għall-Baħar l-Iswed).
Mil-lat baġitarju u ta' ġestjoni tal-programmi jitqies iktar xieraq
li dan il-kompitu l-ġdid jiġi ffinanzjat mill-qafas eżistenti
ta' appoġġ tal-UE għal dawn il-pajjiżi. 2.4. Evalwazzjoni tal-attivitajiet
attwali tal-EMSA fil-qasam tar-reazzjoni għat-tniġġis Skont ir-Regolament 1406/2002,
l-Aġenzija ressqet rapporti dwar l-eżekuzzjoni finanzjarja
tal-pjanijiet ta' azzjoni sal-31 ta' Jannar ta' kull sena sal-2012.
Dawn ir-rapporti huma disponibbli fuq is-sit elettroniku tal-aġenzija.
Mill-2013, ir-rappurtar se jiġi integrat fir-Rapport Annwali tal-Attività
tal-Aġenzija. Barra minn hekk, f'Mejju 2011
il-Kummissjoni ressqet rapport dwar l-implimentazzjoni tar-Regolament 2038/2006[11]. Dan ir-rapport huwa bbażat fuq kontribuzzjoni komprensiva
mill-Aġenzija, kif approvat mill-Bord Amministrattiv tal-EMSA,
inklużi konsultazzjoni mal-partijiet interessati u xenarji dettaljati[12]. Il-Bord Amministrattiv tal-EMSA - b'mod partikolari permezz
tal-adozzjoni tal-programm ta' ħidma, il-baġit u r-rapport annwali -
il-Qorti tal-Awdituri u l-Awtorità Baġitarja permezz tal-proċedura
ta' kwittanza qed jissuperviżaw u jimmonitorjaw l-azzjoni
tal-Aġenzija. Iż-żewġ konklużjonijiet
ewlenin minn dawn l-attivitajiet ta' evalwazzjoni huma: (1) Il-baġit iddedikat
għar-reazzjoni għat-tniġġis huwa adegwat u (2) Il-miżuri ffinanzjati huma
kosteffiċjenti, jipprovdu valur miżjud u l-ġestjoni tagħhom
hija xierqa. 2.5. Evalwazzjoni ex ante
tal-attivitajiet proposti Twettqet evalwazzjoni ex ante li hija
mehmuża ma' din il-proposta (dokument SEC(2013)xxx). Tikkonferma
l-utilità u l-effiċjenza tal-qafas finanzjarju pluriennali u tiddetermina
l-ammont li għandu jiġi allokat. 3. Elementi
ġuridiċi tal-proposta 3.1. Bażi ġuridika Il-bażi ġuridika għall-proposta
hija l-Artikolu 100(2) tat-TFUE, li serva ta’ bażi ġuridika
għar-Regolament 2038/2006 skont il-verżjoni preċedenti
tat-Trattat. 3.2. Prinċipji
tas-sussidjarjetà u tal-proporzjonalità Il-prinċipji tas-sussidjarjetà u
tal-proporzjonalità huma rrispettati bis-sħiħ, peress li l-azzjoni
tal-Aġenzija tippreżenta l-livell Ewropew ta' sistema ddifferenzjata
ta' reazzjoni għat-tniġġis ikkawżat minn vapuri u minn
installazzjonijiet lil hinn mill-kosta. Il-biċċa l-kbira tal-attivitajiet
jinbdew minħabba talbiet li jsiru mill-Istati kostali milquta. Il-fatt li
l-UE hija parti kontraenti għall-organizzazzjonijiet reġjonali li
ġejjin jista' jispjega l-koordinazzjoni mill-qrib fil-livell
reġjonali: ·
il-Konvenzjoni dwar il-Protezzjoni tal-Ambjent
tal-Baħar taż-Żona tal-Baħar Baltiku (il-Konvenzjoni ta'
Ħelsinki kif irriveduta fl-1992); ·
il-Konvenzjoni għall-Protezzjoni
tal-Baħar Mediterran kontra t-Tniġġis (il-Konvenzjoni ta'
Barċellona) u għal għadd ta' protokolli tagħha; ·
il-Ftehim għall-kooperazzjoni dwar kif
għandu jiġi trattat it-tniġġis tal-Baħar
tat-Tramuntana minn żejt u sustanzi oħra perikolużi (il-Ftehim
ta' Bonn); ·
il-Konvenzjoni għall-protezzjoni tal-ambjent
tal-baħar tal-Atlantiku tal-Grigal (il-Konvenzjoni OSPAR); ·
il-Ftehim ta' Kooperazzjoni għall-protezzjoni
tax-xtut u l-ilmijiet tal-Atlantiku tal-Grigal kontra t-tniġġis,
(il-Ftehim ta' Lisbona), flimkien mal-Protokoll Addizzjonali tiegħu, li
għadhom ma daħlux fis-seħħ. L-Unjoni qed tinnegozja wkoll adeżjoni
mal-Konvenzjoni dwar il-Protezzjoni tal-Baħar l-Iswed kontra
t-Tniġġis (il-Konvenzjoni ta' Bukarest). 3.3. Għażla
tal-istrument Regolament huwa l-istrument ġuridiku
l-iktar xieraq biex jiġi stabbilit qafas finanzjarju pluriennali. Dan
l-istrument kien diġà ntgħażel fl-2006. 4. Implikazzjoni
Baġitarja Fid-dawl ta' dan ta' hawn fuq il-Kummissjoni
tipproponi li terġa' tipprovdi għal pakkett finanzjarju pluriennali
biex jiddaħħal fil-baġit tal-Unjoni għall-perjodu
mill-1 ta' Jannar 2014 sal-31 ta' Diċembru 2020
li jikkoinċidi mal-qafas finanzjarju pluriennali l-ġdid. Skont
il-pakkett tal-Kummissjoni ta' Ġunju 2011 "Baġit
għall-Ewropa 2020" u l-prattika attwali l-ammont għandu
jittieħed mill-Intestatura 1 "Tkabbir Intelliġenti u
Inklużiv". Għalhekk il-Kummissjoni tipproponi l-allokazzjoni ta'
ammont ta' EUR 160.5 miljun għall-perjodu ta' referenza. Iktar
dettalji jingħataw fid-dikjarazzjoni finanzjarja leġiżlattiva u
fl-evalwazzjoni ex ante mehmuża. L-ammonti annwali għandhom jiġu
awtorizzati mill-Awtorità Baġitarja skont il-proċedura
baġitarja. 5. Kontenut
tal-proposta Il-proposta ssegwi mill-qrib l-istruttura
tar-Regolament 2038/2006 bl-adattamenti meħtieġa. Tikkonsisti
mit-tmien Artikoli li ġejjin: ·
Artikolu 1: Għan ·
Artikolu 2: Definizzjonijiet ·
Artikolu 3: Kamp ta' Applikazzjoni ·
Artikolu 4: Finanzjament tal-Unjoni ·
Artikolu 5: Monitoraġġ ta'
kapaċitajiet eżistenti ·
Artikolu 6: Protezzjoni tal-interessi
finanzjarji tal-Unjoni ·
Artikolu 7: Evalwazzjoni ta’ nofs it-terminu ·
Artikolu 8: Dħul fis-seħħ 2013/0092 (COD) Proposta għal REGOLAMENT TAL-PARLAMENT EWROPEW U
TAL-KUNSILL dwar finanzjament pluriennali
għall-azzjoni tal-Aġenzija Ewropea għas-Sigurtà Marittima
fil-qasam tar-reazzjoni għat-tniġġis ikkawżat minn vapuri u
għat-tniġġis tal-baħar ikkawżat minn installazzjonijiet
taż-żejt u tal-gass (Test b’rilevanza għaż-ŻEE) IL-PARLAMENT EWROPEW U L-KUNSILL
TAL-UNJONI EWROPEA, Wara li kkunsidraw it-Trattat dwar
il-Funzjonament tal-Unjoni Ewropea, u b’mod partikolari l-Artikolu 100(2)
tiegħu, Wara li kkunsidraw il-proposta tal-Kummissjoni
Ewropea, Wara li l-proposta ntbagħtet
lill-Parlamenti nazzjonali, Wara li kkunsidraw l-opinjoni tal-Kumitat
Ekonomiku u Soċjali Ewropew[13], Wara li kkunsidraw l-opinjoni tal-Kumitat
tar-Reġjuni[14], Filwaqt li jaġixxu skont
il-proċedura leġiżlattiva ordinarja[15], Billi: (1) Ir-Regolament (KE) Nru
1406/2002 tal-Parlament Ewropew u tal-Kunsill
tas-27 ta’ Ġunju 2002[16]
stabbilixxa Aġenzija Marittima Ewropea tas-Sigurtà (minn hawn ’il quddiem
l-“Aġenzija”) sabiex ikun żgurat livell għoli, uniformi u
effettiv ta’ sikurezza marittima u ta’ prevenzjoni ta’ tniġġis
mill-vapuri. (2) Ir-Regolament (KE)
Nru 724/2004 tal-Parlament Ewropew u tal-Kunsill
tal-31 ta' Marzu 2004[17], li
emenda r-Regolament (KE) Nru 1406/2002, assenja lill-Aġenzija kompiti
ġodda fl-oqsma tal-prevenzjoni u tar-reazzjoni għat-tniġġis
ikkawżat minn vapuri, wara l-aċċidenti li seħħu
f'ilmijiet Ewropej, b'mod partikolari dawk tat-tankers taż-żejt
"Erika" u "Prestige". (3) Ir-Regolament (UE)
Nru 100/2013 tal-Parlament Ewropew u tal-Kunsill tal-15 ta' Jannar 2013[18], li jemenda r-Regolament (KE) Nru 1406/2002, assenja
lill-Aġenzija kompiti fir-rigward tar-reazzjoni
għat-tniġġis tal-baħar ikkawżat minn
installazzjonijiet taż-żejt u tal-gass u estenda s-servizzi tal-Aġenzija
lill-pajjiżi koperti bil-politika tat-tkabbir u bil-Politika Ewropea
tal-Viċinat. (4) Ir-Regolament (KE)
Nru 2038/2006 tal-Parlament Ewropew u tal-Kunsill
tat-18 ta' Diċembru 2006[19]
stabbilixxa finanzjament pluriennali għall-azzjonijiet tal-Aġenzija
Ewropea għas-Sigurtà Marittima fil-qasam tar-rispons għal
tniġġis ikkaġunat minn bastimenti li jiskadi
fil-31 ta' Diċembru 2013. (5) Għall-finijiet li
jiġu implimentati l-kompiti ta’ prevenzjoni u ta' reazzjoni
għat-tniġġis mill-vapuri, fit-22 ta’ Ottubru 2004
l-Bord Amministrattiv tal-Aġenzija adotta Pjan ta’ Azzjoni għal stat
ta' tħejjija u reazzjoni għat-tniġġis miż-żejt,
li jiddetermina l-attivitajiet tal-Aġenzija b'reazzjoni
għat-tniġġis miż-żejt u huwa maħsub għal
użu ideali tar-riżorsi finanzjarji disponibbli
għall-Aġenzija. Fit-12 ta' Ġunju 2007, il-Bord
Amministrattiv adotta Pjan ta' Azzjoni għal Stat ta' Tħejjija u
Reazzjoni għat-Tniġġis minn Sustanzi Perikolużi u
Noċivi. Skont l-Artikolu 15 tar-Regolament 1406/2002,
iż-żewġ pjanijiet ta' azzjoni jiġu aġġornati kull
sena permezz ta' programm ta' ħidma annwali tal-Aġenzija. (6) L-azzjoni ta' reazzjoni
kontra t-tniġġis tal-Aġenzija, kif speċifikata
fil-Pjanijiet ta’ Azzjoni, hija marbuta mal-attivitajiet fl-oqsma
tal-informazzjoni, tal-kooperazzjoni u tal-koordinazzjoni u fuq kollox mal-provvediment
ta' assistenza operazzjonali lill-Istati milquta billi jingħataw, fuq
talba, bastimenti addizzjonali kontra t-tniġġis biex
jiġġieldu kontra t-tniggis taż-żejt u tipi oħra ta'
tniġġis, bħal dak ikkawżat minn sustanzi perikolużi u
noċivi. L-Aġenzija għandha tagħti attenzjoni partikolari
lil dawk iż-żoni identifikati bħala l-iktar vulnerabbli
mingħajr preġudizzju għal kwalunkwe żona oħra
fil-bżonn. (7) L-attivitajiet
tal-Aġenzija f'dan il-qasam ma għandhomx jeżoneraw lill-Istati
kostali mir-responsabbiltà tagħhom li jkollhom għal-lest
mekkaniżmi xierqa ta' reazzjoni għat-tniġġis u
għandhom jikkonformaw mal-arranġamenti eżistenti ta'
kooperazzjoni billi jipprovdu għal assistenza reċiproka f'każ
ta' inċident ta' tniġġis marittimu. L-Unjoni ngħaqdet ma'
organizzazzjonijiet reġjonali varji u qed tħejji l-adeżjoni ma'
organizzazzjonijiet reġjonali oħra. (8) L-azzjoni tal-Aġenzija
għandha tiġi kkoordinata mal-attivitajiet tal-ftehimiet bilaterali u
reġjonali li l-Unjoni ngħaqdet magħhom. Fil-każ ta'
inċident ta' tniġġis marittimu, l-Aġenzija għandha
tassisti lill-Istat(i) milqut(a), u l-operazzjoni ta' tindif għandha
titmexxa taħt l-awtorità ta' dan/dawn l-Istat(i). (9) L-Aġenzija għandu
jkollha rwol attiv fiż-żamma u l-iżvilupp tas-servizz ta'
immaġnijet bis-satellita għas-sorveljanza, l-individwazzjoni bikrija
tat-tniġġis u l-identifikazzjoni tal-vapuri jew
tal-installazzjonijiet taż-żejt u tal-gass responsabbli. Din
is-sistema għandha ttejjeb id-disponibbiltà tad-dejta u l-effikaċja
tar-reazzjoni għat-tniġġis. (10) Il-mezzi addizzjonali li
għandhom jiġu pprovduti mill-Aġenzija lill-Istati affettwati
għandhom ikunu disponibbli permezz tal-Mekkaniżmu Komunitarju
tal-Protezzjoni Ċivili stabbilit bid-Deċiżjoni
tal-Kunsill 2007/779/KE, Euratom tat-8 ta' Novembru 2007[20]. (11) Sabiex tkun żgurata
l-implimentazzjoni, l-Aġenzija għandha tiġi pprovduta b’sistema
vijabbli u kosteffettiva għall-finanzjament, b’mod partikolari,
l-assistenza operazzjonali lill-Istati milquta. (12) Għalhekk għandha
tiġi pprovduta sigurtà finanzjarja għall-finanzjament tal-kompiti
fdati lill-Aġenzija fil-qasam tar-reazzjoni għat-tniġġis u
ta' azzjonijiet oħra assoċjati abbażi ta' impenn pluriennali.
L-ammonti annwali tal-kontribuzzjoni tal-Unjoni għandhom jiġu
ddeterminati mill-Awtorità Baġitarja skont il-proċedura
baġitarja annwali. (13) L-ammonti li għandhom
jiġu impenjati għall-finanzjament għar-reazzjoni kontra
t-tniġġis għandhom ikopru l-perjodu
mill-1 ta' Jannar 2014 sal-31 ta' Diċembru 2020,
skond il-qafas finanzjarju pluriennali l-ġdid. Għalhekk għandu
jiġi pprovdut pakkett finanzjarju li jkopri l-istess perjodu. (14) L-appoġġ
tal-Aġenzija għall-pajjiżi koperti bil-politika tat-tkabbir u
bil-Politika Ewropea tal-Viċinat għandu jiġi ffinanzjat permezz
ta' programmi eżistenti tal-Unjoni għal dawn il-pajjiżi u
għalhekk ma għandux jagħmel parti minn dan il-qafas finanzjarju
pluriennali. (15) Sabiex ikun hemm allokazzjoni
ideali tal-impenji u titqies kwalunkwe bidla li jkollha x'taqsam ma'
attivitajiet b'reazzjoni għat-tniġġis ikkawżat minn vapuri,
jeħtieġ li jiġi żgurat monitoraġġ kontinwu
tal-bżonnijiet partikolari għal azzjoni sabiex ikun hemm lok
għal addattament tal-impenji finanzjarji annwali. (16) Skont ir-Regolament (UE)
Nru 100/2013 li jemenda r-Regolament 1406/2002, l-Aġenzija
għandha tirrapporta dwar l-eżekuzzjoni finanzjarja tal-qafas
pluriennali fir-rapport annwali tagħha. ADOTTAW DAN IR-REGOLAMENT: Artikolu 1 Suġġett Dan ir-Regolament jistipula
l-arranġamenti dettaljati għall-kontribuzzjoni finanzjarja tal-Unjoni
għall-baġit tal-Aġenzija Ewropea għas-Sigurtà Marittima
għall-implimentazzjoni tal-kompiti assenjati lilha fil-qasam tar-reazzjoni
għat-tniġġis ikkawżat minn vapuri u installazzjonijiet
taż-żejt u tal-gass lil hinn mill-kosta, skont l-Artikoli 1 u 2
tar-Regolament (KE) Nru 1406/2002. Artikolu 2 Definizzjonijiet Għall-finijiet ta' dan ir-Regolament
id-definizzjonijiet li ġejjin għandhom japplikaw: (a) "żejt" tfisser żejt
mhux maħdum fi kwalunkwe forma inkluż żejt mhux raffinat,
żejt kombustibbli, ħama, skart ta' żejt u prodotti raffinati kif
stabbilit mill-Konvenzjoni Internazzjonali dwar l-istat ta' Tħejjija,
Reazzjoni u Kooperazzjoni għat-Tniġġis miż-Żejt, 1990; (b) "sustanzi perikolużi u
noċivi" tfisser kwalunkwe sustanza minbarra ż-żejt li, jekk
tiġi introdotta fl-ambjent tal-baħar, x'aktarx li toħloq perikli
għas-saħħa tal-bniedem, tagħmel ħsara lir-riżorsi
ħajjin u lill-ħajja tal-baħar, tagħmel ħsara lil
faċilitajiet jew tinterferixxi ma' użi leġittimi oħra
tal-baħar, kif stabbilit mill-Protokoll dwar l-istat ta' Tħejjija,
Reazzjoni u Kooperazzjoni għal Inċidenti ta' Tniġġis minn
Sustanzi Perikolużi u Noċivi, 2000. Artikolu 3 Kamp ta' applikazzjoni Il-kontribuzzjoni finanzjarja tal-Unjoni
msemmija fl-Artikolu 1 għandha tiġi allokata lill-Aġenzija
bl-għan li tiffinanzja l-azzjonijiet fil-qasam tar-reazzjoni
għat-tniġġis ikkawżat minn vapuri u minn tniġġis
tal-baħar ikkawżat minn installazzjonijiet taż-żejt u
tal-gass lil hinn mill-kosta bħal dawk imsemmija fil-Pjanijiet ta' Azzjoni
tal-Aġenzija għall-istat ta' tħejjija u reazzjoni
għat-tniġġis miż-żejt u għall-istat ta'
tħejjija u reazzjoni għat-tniġġis minn sustanzi
perikolużi u noċivi, b'mod partikolari dawk relatati ma': (a) informazzjoni, b'mod partikolari
l-ġbir, l-analiżi u t-tixrid tal-aqwa prattiki, tekniki u innovazzjonijiet,
bħal strumenti għall-monitoraġġ tat-tbattil tat-tankijiet
tal-vapuri u għall-monitoraġġ ta' pjattaformi lil hinn
mill-kosta għal rilaxxi operazzjonali u tixrid aċċidentali; (b) kooperazzjoni u koordinazzjoni u
l-provvediment lill-Istati Membri u lill-Kummissjoni ta' assistenza teknika u
xjentifika fil-qafas tal-attivitajiet rilevanti tal-Mekkaniżmu tal-UE
tal-Protezzjoni Ċivili, tal-Organizzazzjoni Marittima Internazzjonali u
tal-ftehimiet reġjonali rilevanti; (c) assistenza operazzjonali u appoġġ,
fuq talba, b'mezzi addizzjonali, bħal vapuri kontra t-tniġġis
lesti biex jintużaw, tagħmir tas-satellita u immaġnijiet
bis-satellita, azzjonijiet ta' reazzjoni għat-tniġġis tal-Istati
milquta fil-każ ta' tniġġis aċċidentali jew apposta
ikkawżat minn vapuri jew tniġġis tal-baħar minn
installazzjonijiet taż-żejt u tal-gass lil hinn mill-kosta. Artikolu 4 Finanzjament tal-Unjoni Il-pakkett finanzjarju
għall-implimentazzjoni tal-kompiti msemmija fl-Artikolu 3
għall-perjodu mill-1 ta' Jannar 2014 sal-31 ta' Diċembru 2020
għandu jkun ta' EUR 160.500.00 espress fi prezzijiet attwali. L-approprjazzjonijiet annwali għandhom
jiġu ddeterminati mill-awtorità baġitarja fil-limiti tal-qafas
finanzjarju. F'dan ir-rigward, il-finanzjament meħtieġ tal-assistenza
operazzjonali lill-Istati Membri skont l-Artikolu 3(c) għandu
jiġi ggarantit. Artikolu 5 Monitoraġġ ta' kapaċitajiet
eżistenti Sabiex jiġu ddefiniti r-rekwiżiti
għall-provvediment ta' assistenza operazzjonali mill-Aġenzija,
bħal bastimenti addizzjonali kontra t-tniġġis, l-Aġenzija
għandha tistabbilixxi fuq bażi regolari lista tal-mekkaniżmi
pubbliċi u, fejn disponibbli, dawk privati ta' reazzjoni
għat-tniġġis u l-kapaċitajiet ta' reazzjoni assoċjati
fir-reġjuni varji tal-Unjoni. L-Istati Membri għandhom jipprovdu lill-Aġenzija
bl-informazzjoni meħtieġa biex jitsabbilixxu din il-lista. Il-Bord Amministrattiv tal-Aġenzija
għandu jqis din il-lista qabel ma jiddeċiedi dwar l-attivitajiet
tal-Aġenzija ta' reazzjoni għat-tniġġis fil-qafas
tal-programmi ta' ħidma annwali. Artikolu 6 Protezzjoni tal-interessi finanzjarji
tal-Unjoni 1. Il-Kummissjoni u l-Aġenzija
għandhom jiżguraw li, meta l-azzjonijiet iffinanzjati skont dan
ir-Regolament jiġu implimentati, l-interessi finanzjarji tal-Unjoni jkunu
protetti bl-applikazzjoni ta’ miżuri preventivi kontra l-frodi,
il-korruzzjoni u kwalunkwe attività illegali oħra, permezz ta’ kontrolli
effikaċi u bl-irkupru ta’ kwalunkwe ammont imħallas mhux kif dovut u,
fejn jinstabu xi irregolaritajiet, b’penali effikaċi, proporzjonali u dissważivi,
skont ir-Regolamenti tal-Kunsill (KE, Euratom) Nru 2988/95[21] u (Euratom, KE) Nru 2185/96[22], u
r-Regolament (KE) Nru 1073/1999[23]
tal-Parlament Ewropew u tal-Kunsill. 2. Għall-azzjonijiet tal-Unjoni
ffinanzjati skont dan ir-Regolament, il-kunċett ta’ irregolarità msemmi
fl-Artikolu 1(2) tar-Regolament (KE, Euratom) Nru 2988/95 għandu
jfisser kwalunkwe ksur ta’ dispożizzjoni tal-liġi tal-Unjoni jew
kwalunkwe ksur ta’ obbligu kuntrattwali li jirriżulta minn att jew
ommissjoni minn operatur ekonomiku, li għandu, jew ikollu, l-effett li
jippreġudika l-baġit ġenerali tal-Unjoni Ewropea jew baġits
fejn il-ġestjoni tkun f'idejn l-Unjoni Ewropea, minħabba entrata jew
nefqa mhux iġġustifikata. 3. Il-Kummissjoni u l-Aġenzija
għandhom, kull waħda fl-isfera tal-kompetenza rispettiva tagħha,
jiżguraw li jinkiseb l-aqwa valur meta mqabbel mal-ammont minfuq
fil-finanzjament ta' azzjonijiet tal-Unjoni skont dan ir-Regolament. Artikolu 7 Evalwazzjoni ta’ nofs it-terminu Abbażi tal-informazzjoni pprovduta
mill-Aġenzija, il-Kummissjoni għandha tressaq quddiem il-Parlament
Ewropew u l-Kunsill rapport dwar l-implimentazzjoni ta’ dan ir-Regolament mhux
iktar tard mill-31 ta' Diċembru 2017. Ir-rapport, li
għandu jiġi stabbilit mingħajr preġudizzju għar-rwol
tal-Bord Amministrattiv tal-Aġenzija, għandu jistabbilixxi
r-riżultati tal-użu tal-kontribuzzjoni tal-Unjoni msemmija
fl-Artikolu 4 fir-rigward tal-impenji u n-nefqa li jkopru l-perjodu bejn
l-1 ta’ Jannar 2014 u l-31 ta’ Diċembru 2016. Abbażi ta' dan ir-rapport, il-Kummisjoni
għandha, jekk ikun xieraq, tipproponi emendi għal dan ir-Regolament
b'mod partikolari sabiex jitqies il-progress xjentifiku fil-qasam
tal-ġlieda kontra t-tniġġis ikkawżat mill-vapuri u
t-tniġġis tal-baħar ikkawżat mill-installazzjonijet
taż-żejt u tal-gass, speċjalment it-tniġġis
ikkawżat miż-żejt jew minn sustanzi perikolużi u
noċivi. Artikolu 8 Dħul fis-seħħ Dan ir-Regolament għandu jidħol
fis-seħħ fl-għoxrin jum wara dak tal-pubblikazzjoni tiegħu
f’Il-Ġurnal Uffiċjali tal-Unjoni Ewropea. Dan
ir-Regolament għandu jorbot fl-intier tiegħu u japplika direttament
fl-Istati Membri kollha. Magħmul fi Brussell, Għall-Parlament Ewropew Għall-Kunsill Il-President Il-President
[…] […] DIKJARAZZJONI FINANZJARJA
LEĠIŻLATTIVA GĦALL-PROPOSTI 1. QAFAS TAL-PROPOSTA/INIZJATTIVA 1.1. Titolu
tal-proposta/inizjattiva Proposta
għal Regolament (UE) tal-Parlament Ewropew u tal-Kunsill dwar finanzjament
pluriennali għall-azzjoni tal-Aġenzija Ewropea għas-Sigurtà
Marittima fil-qasam tar-reazzjoni għat-tniġġis ikkawżat
minn vapuri u għat-tniġġis tal-baħar ikkawżat minn
installazzjonijiet taż-żejt u tal-gass 1.2. Qasam/oqsma tal-politika
kkonċernata/i fl-istruttura ABM/ABB[24] 06:
Enerġija u Trasport 0602:
Politika tat-trasport intern, bl-ajru u marittimu 060203:
Aġenzija Ewropea għas-Sigurtà Marittima 06020302:
Aġenzija Ewropea għas-Sigurtà Marittima, Miżuri kontra
t-tniġġis Implimentazzjoni
tad-dispożizzjonijiet relatati mar-reazzjoni għat-tniġġis
ikkawżat minn vapuri u għat-tniġġis ikkawżat minn
installazzjonijiet taż-żejt u tal-gass 1.3. Natura
tal-proposta/inizjattiva x Il-proposta/inizjattiva
hija relatata ma’ azzjoni ġdida ¨ Il-proposta/inizjattiva
hija relatata ma’ azzjoni ġdida li ssegwi proġett pilota/azzjoni
preparatorja[25] ¨ Il-proposta/inizjattiva hija relatata mal-estensjoni ta’ azzjoni
eżistenti ¨ Il-proposta/inizjattiva
hija relatata ma’ azzjoni diretta mill-ġdid lejn azzjoni ġdida 1.4. Għanijiet 1.4.1. L-għan(ijiet)
strateġiku/ċi pluriennali tal-Kummissjoni fil-mira
tal-proposta/inizjattiva Għanijiet/valur
miżjud tal-UE skont Ewropa 2020. L-Aġenzija
tikkontribwixxi għal trasport marittimu sikur u sostenibbli
għall-ekonomija tal-UE u għaċ-ċittadini tal-UE. Dan huwa
konformi b'mod sħiħ mat-tliet prijoritajiet ta' Ewropa 2020: -
Tkabbir intelliġenti: l-iżvilupp ta' ekonomija bbażata fuq
l-għarfien u l-innovazzjoni. L-Aġenzija tikkontribwixxi
għall-iżvilupp tal-ogħla standards tekniċi possibbli
għall-bastimenti, b'hekk tippromwovi l-għarfien u l-innovazzjoni. -
Tkabbir sostenibbli: il-promozzjoni ta' ekonomija iktar effiċjenti
fir-riżorsi, iktar ekoloġika u iktar kompetittiva. L-Aġenzija
tikkontribwixxi għall-prevenzjoni tat-tniġġis minn bastimenti u
r-reazzjoni għat-tniġġis tal-baħar f'oqsma differenti.
It-trasport marittimu se jikkontribwixxi għall-inizjattiva ewlenija
"Ewropa effiċjenti fir-riżorsi". L-Aġenzija se jkollha
r-rwol tagħha fl-implimentazzjoni tas-settur. -
Tkabbir inklużiv: it-trawwim ta' ekonomija b'ħafna impjiegi li
twassal għal koeżjoni soċjali u territorjali. Fir-rigward
tal-gżejjer u tar-reġjuni ultraperiferiċi, it-trasport marittimu
huwa element essenzjali biex jiġu żgurati l-integrazzjoni u
l-koeżjoni territorjali fl-UE. L-Aġenzija tikkontribwixxi biex
it-trasport marittimu jkun sikur u sostenibbli għall-UE. 1.4.2. Għan(ijiet)
speċifiku/ċi u l-attività/ajiet ABM/ABB ikkonċernata/i Qasam tal-baġit 06 02 Għan speċifiku Nru 3 Titjib fis-sikurezza tat-trasport Attività/ajiet ABM/ABB ikkonċernata/i
06020302 Aġenzija Ewropea għas-Sigurtà Marittima 1.4.3. Riżultat(i) u impatt(i)
mistenni/ja Speċifika l-effetti
li l-proposta/inizjattiva għandu jkollha fuq il-benefiċjarji/gruppi
fil-mira. Tipprovdi
sigurtà finanzjarja f'perspettiva pluriennali lill-azzjoni tal-Aġenzija
fil-qasam tar-reazzjoni għat-tniġġis. 1.4.4. Indikaturi tar-riżultati
u tal-impatt Speċifika
l-indikaturi għall-monitoraġġ tal-implimentazzjoni
tal-proposta/inizjattiva. L-EMSA
żviluppat indikaturi tal-prestazzjoni, li jiġu ppubblikati
fil-programmi ta' ħidma annwali tagħha. Dawn jiġu mmonitorjati
b'mod kostanti mill-Bord Amministrattiv. Ir-rapporti annwali tal-Aġenzija
huma l-għodda ewlenija ta' monitoraġġ. 1.5. Bażi
għall-proposta/inizjattiva 1.5.1. Rekwiżit(i) li jrid(u)
jiġi/u ssodisfat(i) fuq medda qasira jew medda twila ta’ żmien Li
l-EMSA tkun tista' tikkonkludi l-kuntratti pluriennali u tagħmel
l-ippjanar baġitarju meħtieġ. 1.5.2. Il-valur miżjud
tal-involviment tal-UE L-involviment
tal-UE huwa stipulat fir-Regolament Kostituttiv tal-EMSA 1406/2002 kif
emendat; din il-proposta se tipprovdi valur miżjud billi tippermetti
ppjanar u nfiq aħjar tal-flus tal-UE. 1.5.3. Tagħlimiet miksuba minn
esperjenzi simili fil-passat L-evalwazzjoni
speċifika tal-EMSA fl-2008 kif ukoll l-evalwazzjoni ġenerali
tal-Aġenziji tal-UE fl-2009 t-tnejn li huma wrew valur miżjud
ipprovdut mill-Aġenzija. F’Mejju 2011
il-Kummissjoni ssottomettiet ir-rapport tagħha ta' nofs it-terminu
bir-referenza COM(2011)286 kif previst bl-Artikolu 8
tar-Regolament 2038/2006. Is-Servizz
tal-Awditjar Intern (IAS) tal-Kummissjoni wettaq awditu għal dan
il-għan fl-2009 fir-rigward tan-netwerk ta' bastimenti ta' reazzjoni lesti
f'każ ta' tixrid ta' żejt. 1.5.4. Koerenza u sinerġija
possibbli ma’ strumenti rilevanti oħrajn Il-proposta
hija koerenti mal-politika u l-leġiżlazzjoni dwar is-sikurezza
marittima tal-UE, b'mod partikolari mar-Regolament Kostituttiv
tal-EMSA 100/2013 għar-rieżami tal-mandat tal-Aġenzija.
Il-proposta hija segwitu għar-Regolament 2038/2006 li se jiskadi
fl-aħħar tal-2013. 1.6. Tul taż-żmien u
impatt finanzjarju x Proposta/inizjattiva ta’ tul ta’
żmien limitat –
x Proposta/inizjattiva fis-seħħ mill-01/01/2014 sal-31/12/2020 –
x Impatt finanzjarju mill-2014 sal-2020 (flimien ma' pagamenti pendenti) o Proposta/inizjattiva ta’ tul ta’
żmien illimitat 1.7. Metodu/i ta’ ġestjoni
previst(i)[26] ¨ Ġestjoni diretta ċentralizzata mill-Kummissjoni x Ġestjoni indiretta ċentralizzata bid-delega tal-kompiti ta' implimentazzjoni lil: –
¨ aġenziji eżekuttivi –
x korpi stabbiliti mill-Komunitajiet[27] –
¨ korpi nazzjonali tas-settur pubbliku/korpi b’missjoni ta' servizz
pubbliku –
¨ persuni fdati bl-implimentazzjoni ta’ azzjonijiet speċifiċi
skont it-Titolu V tat-Trattat dwar l-Unjoni Ewropea u identifikati fl-att
bażiku rilevanti fi ħdan it-tifsira tal-Artikolu 49
tar-Regolament Finanzjarju ¨ Ġestjoni kondiviża mal-Istati Membri ¨ Ġestjoni deċentralizzata ma’ pajjiżi terzi ¨ Ġestjoni konġunta ma’ organizzazzjonijiet internazzjonali (li jridu jiġu
speċifikati) 2. MIŻURI TA’ ĠESTJONI 2.1. Regoli ta’
monitoraġġ u rappurtar Speċifika
l-frekwenza u l-kundizzjonijiet. L-aġenziji
kollha tal-UE jaħdmu skont sistema stretta ta' monitoraġġ li
tinvolvi kapaċità ta' awditjar intern, is-Servizz tal-Awditjar Intern
tal-Kummissjoni, il-Bord Amministrattiv, il-Kummissjoni, il-Qorti tal-Awdituri
u l-Awtorità Baġitarja. Din is-sistema stipulata fir-Regolament
Kostituttiv tal-EMSA se tibqa' tapplika. 2.2. Sistema ta' ġestjoni u
kontroll 2.2.1. Riskju/i identifikat(i) L-ebda
riskju. 2.2.2. Metodu/i ta’ kontroll
previst(i) Mhux
applikabbli 2.3. Miżuri
għall-prevenzjoni ta’ frodi u irregolaritajiet Speċifika l-miżuri
ta’ prevenzjoni u protezzjoni eżistenti jew previsti. Il-miżuri
kontra l-frodi skont l-Artikolu 20 tar-Regolament Kostituttiv tal-EMSA
jibqgħu japplikaw. Barra minn hekk, il-proposta għandha Artikolu
speċifiku dwar il-protezzjoni tal-interessi finanzjarji tal-Unjoni. 3. IMPATT FINANZJARJU STMAT
TAL-PROPOSTA/INIZJATTIVA 3.1. Intestatura/i tal-qafas
finanzjarju pluriennali u tal-linja/i tal-baġit tan-nefqa affettwata/i · Linji tal-baġit tan-nefqa eżistenti Skont l-ordni
tal-intestaturi u l-linji tal-baġit tal-qafas finanzjarju pluriennali. Intestatura tal-qafas finanzjarju pluriennali || Linja tal-baġit || Tip ta' nefqa || Kontribuzzjoni Numru [Deskrizzjoni………………………...…….] || AD/AMD ([28]) || mill-pajjiżi tal-EFTA[29] || mill-pajjiżi kandidati[30] || minn pajjiżi terzi || fi ħdan it-tifsira tal-Artikolu 18(1)(aa) tar-Regolament Finanzjarju 1a || 06.02.03.02 [Kontribuzzjoni lill-EMSA Titolu III Miżuri kontra t-Tniġġis] || AD || IVA || LE || LE || LE 3.2. Impatt stmat fuq in-nefqa 3.2.1. Sommarju tal-impatt stmat fuq
in-nefqa miljuni ta' EUR (sa 3 ċifri wara l-punt
deċimali) espressi fi prezzijiet attwali Intestatura tal-qafas finanzjarju pluriennali li jmiss: || 1 || Tkabbir Intelliġenti u Inklużiv || || DĠ: MOVE || || || 2014 || 2015 || 2016 || 2017 || 2018 || 2019 || 2020 || TOTAL || Approprjazzjonijiet operazzjonali || || || || || || || || || Numru tal-linja tal-baġit 06.02.03.02 || Impenji || (1) || 19,675 || 20,600 || 21,600 || 22,800 || 24,675 || 25,050 || 26,100 || 160,500 || Pagamenti || (2) || 19,926 || 22,239 || 23,318 || 20,245 || 23,268 || 23,833 || 25,175 || 158,004 || Approprjazzjonijiet iffinanzjati ta' natura amministrattiva Mill-pakkett ta' programm speċifiċi[31] || || || || || || || || || Numru tal-linja tal-baġit: Mhux applikabbli || || (3) || 0 || 0 || 0 || 0 || 0 || 0 || 0 || 0 || TOTAL tal-approprjazzjonijet għal DĠ MOVE || Impenji || = 1 + 3 || 19,675 || 20,600 || 21,600 || 22,800 || 24,675 || 25,050 || 26,100 || 160,500 || Pagamenti || = 2 + 3 || 19,926 || 22,239 || 23,318 || 20,245 || 23,268 || 23,833 || 25,175 || 158,004 || TOTAL tal-approprjazzjonijet operazzjonali || Impenji || (4) || 19,675 || 20,600 || 21,600 || 22,800 || 24,675 || 25,050 || 26,100 || 160,500 || Pagamenti || (5) || 19,926 || 22,239 || 23,318 || 20,245 || 23,268 || 23,833 || 25,175 || 158,004 || TOTAL tal-approprazzjonijiet ta' natura amministrattiva ffinanzjati mill-pakkett ta' programmi speċifiċi || (6) || 0 || 0 || 0 || 0 || 0 || 0 || 0 || 0 || TOTAL tal-approprjazzjonijet taħt l-INTESTAURA 1 tal-qafas finanzjarju pluriennali || Impenji || = 4 + 6 || 19,675 || 20,600 || 21,600 || 22,800 || 24,675 || 25,050 || 26,100 || 160,500 || Pagamenti || = 5 + 6 || 19,926 || 22,239 || 23,318 || 20,245 || 23,268 || 23,833 || 25,175 || 158,004 Intestatura tal-qafas finanzjarju pluriennali: || 5 || “ Nefqa amministrattiva ” miljuni ta' EUR (sa 3 ċifri wara l-punt
deċimali) || || || 2014 || 2015 || 2016 || 2017 || 2018 || 2019 || 2020 || TOTAL DĠ: MOVE || Riżorsi umani || 0 || 0 || 0 || 0 || 0 || 0 || 0 || 0 Nefqa amministrattiva oħra || 0 || 0 || 0 || 0 || 0 || 0 || 0 || 0 TOTAL DĠ MOVE || Approprjazzjonijiet || 0 || 0 || 0 || 0 || 0 || 0 || 0 || 0 TOTAL tal-approprjazzjonijet taħt l-INTESTAURA 5 tal-qafas finanzjarju pluriennali || (Impenji totali = Pagamenti totali) || 0 || 0 || 0 || 0 || 0 || 0 || 0 || 0 miljuni ta' EUR (sa 3 ċifri wara l-punt
deċimali) || || || 2014 || 2015 || 2016 || 2017 || 2018 || 2019 || 2020 || TOTAL TOTAL tal-approprjazzjonijet taħt l-INTESTATURI 1 sa 5 tal-qafas finanzjarju pluriennali || Impenji || 19,675 || 20,600 || 21,600 || 22,800 || 24,675 || 25,050 || 26,100 || 160,500 Pagamenti || 19,926 || 22,239 || 23,318 || 20,245 || 23,268 || 23,833 || 25,175 || 158,004 3.2.2. Impatt stmat fuq
l-approprjazzjonijiet operazzjonali –
¨ Il-proposta/inizjattiva ma teħtieġx l-użu ta'
approprazzjonijiet operazzjonali –
x Il-proposta/inizjattiva teħtieġ l-użu ta’
approprjazzjonijiet operazzjonali, kif spjegat hawn taħt: L-approprazzjonijiet tal-impenn f’miljuni ta' EUR (sa
3 ċifri wara l-punt deċimali) Indika għanijiet u riżultati ò || || || 2014 || 2015 || 2016 || 2017 || 2018 || 2019 || 2020 || TOTAL RIŻULTATI Tip ta’ riżultat || Kost medju tar-riżultat || Għadd ta' riżultati || Kost || Għadd ta' riżultati || Kost || Għadd ta' riżultati || Kost || Għadd ta' riżultati || Kost || Għadd ta' riżultati || Kost || Għadd ta' riżultati || Kost || Għadd ta' riżultati || Kost || Għadd totali ta' riżultati || Kost totali Titjib fis-Sikurezza tat-Trasport || || || || || || || || || || || || || || || || Netwerk ta' Bastimenti ta' Reazzjoni[32] || Għadd ta' bastimenti disponibbli għal mobilizzazzjoni simultanja || Madwar EUR 0.95 M/bastiment/sena || 19 || 15,620 || 19 || 16,150 || 19 || 17,100 || 19 || 17,600 || 19 || 19,975 || 19 || 20,000 || 19 || 21,000 || 19 || 127,445 CleanSeaNet || Għadd ta' immaġnijiet bis-satellita pproċessati fis-sena || Madwar EUR 2.05 / immaġni bis-satellita || 2000 || 3,605 || 2000 || 3,850 || 2000 || 3,900 || 2000 || 4,550 || 2000 || 4,050 || 2000 || 4,350 || 2000 || 4,400 || 14,000 || 28,705 Kooperazzjoni u koordinazzjoni / Informazzjoni || Attivitajiet mal-Istati Membri inklużi t-taħriġ u l-istudji || Mhux kwantifikabbli || MHUX APPLIKABBLI || 0,450 || MHUX APPLIKABBLI || 0,600 || MHUX APPLIKABBLI || 0,600 || MHUX APPLIKABBLI || 0,650 || MHUX APPLIKABBLI || 0,650 || MHUX APPLIKABBLI || 0,700 || MHUX APPLIKABBLI || 0,700 || MHUX APPLIKABBLI || 4,350 KOST TOTALI || || 19,675 || || 20,600 || || 21,600 || || 22,800 || || 24,675 || || 25,050 || || 26,100 || || 160,500 3.2.3. Impatt stmat fuq
l-approprjazzjonijiet ta’ natura amministrattiva 3.2.3.1. Sommarju –
x Il-proposta/inizjattiva ma teħtieġx l-użu ta'
approprazzjonijiet amministrattivi –
o Il-proposta/inizjattiva teħtieġ l-użu ta’
approprjazzjonijiet amministrattivi, kif spjegat hawn taħt: miljuni ta' EUR (sa 3
ċifri wara l-punt deċimali) || 2014 || 2015 || 2016 || 2017 || 2018 || 2019 || 2020 || TOTAL INTESTATURA 5 tal-qafas finanzjarju pluriennali || || || || || || || || Riżorsi umani || 0 || 0 || 0 || 0 || 0 || 0 || 0 || 0 Nefqa amministrattiva oħra || 0 || 0 || 0 || 0 || 0 || 0 || 0 || 0 Subtotal INTESTATURA 5 tal-qafas finanzjarju pluriennali || 0 || 0 || 0 || 0 || 0 || 0 || 0 || 0 TOTAL || 0 || 0 || 0 || 0 || 0 || 0 || 0 || 0 3.2.3.2. Rekwiżiti stmati ta'
riżorsi umani –
x Il-proposta/inizjattiva ma teħtieġx l-użu ta'
riżorsi umani –
o Il-proposta/inizjattiva teħtieġ l-użu ta’ riżorsi
umani, kif spjegat hawn taħt: 3.2.4. Kompatibbiltà mal-qafas
finanzjarju pluriennali attwali –
o Il-proposta/inizjattiva hija kompatibbli mal-qafas finanzjarju pluriennali
attwali. –
¨ Il-proposta/inizjattiva se tinvolvi riprogrammazzjoni tal-intestatura
rilevanti fil-qafas finanzjarju pluriennali. Spjega r-riprogrammazzjoni meħtieġa, billi
tispeċifika l-linji tal-baġit ikkonċernati u l-ammonti
korrispondenti. Il-proposta tikkonċerna l-qafas finanzjarju
pluriennali għall-perjodu 2014-2020. –
¨ Il-proposta/inizjattiva teħtieġ l-applikazzjoni
tal-istrument tal-flessibilità jew reviżjoni tal-qafas finanzjarju
pluriennali[33]. Spjega dak li hu meħtieġ, billi
tispeċifika l-intestaturi u l-linji tal-baġit ikkonċernati u
l-ammonti korrispondenti. 3.2.5. Kontribuzzjonijiet minn
partijiet terzi –
Il-proposta/inizjattiva tipprovdi l-kofinanzjament
stmat hawn taħt: Approprjazzjonijiet f’miljuni ta' EUR (sa 3 ċifri
wara l-punt deċimali) || 2014 || 2015 || 2016 || 2017 || 2018 || 2019 || 2020 || Total Kontribuzzjoni tal-EFTA min-Norveġja u l-Islanda kkalkulata bħala 2 % tal-baġit || 0,472 || 0,407 || 0,466 || 0,407 || 0,481 || 0,481 || 0,496 || 3,210 TOTAL tal-approprjazzjonijiet kofinanzjati || 20,147 || 21,007 || 22,066 || 23,207 || 25,156 || 25,531 || 26,596 || 163,710 3.3. Impatt stmat fuq id-dħul
–
Il-proposta/inizjattiva ma għandha l-ebda
impatt finanzjarju fuq id-dħul. [1] Ir-Regolament (KE) Nru 1406/2002 tal-Parlament
Ewropew u tal-Kunsill tas-27 ta' Ġunju 2002 li
jistabbilixxi l-Aġenzija Marittima Ewropea tas-Sigurtà
(ĠU L 208, 5.8.2002, p. 1). [2] Ir-Regolament (KE) Nru 724/2004 tal-Parlament
Ewropew u tal-Kunsill tal-31 ta' Marzu 2004
(ĠU L 129, 31.4.2004, p. 1). [3] Ir-Regolament (KE) Nru 2038/2006 tal-Parlament
Ewropew u tal-Kunsill tat-18 ta' Diċembru 2006 dwar
finanzjament pluriennali għall-azzjonijiet tal-Aġenzija Ewropea
għas-Sigurtà Marittima fil-qasam tar-rispons għal tniġġis
ikkaġunat minn bastimenti u li jemenda r-Regolament (KE) Nru 1406/2002
(ĠU L 394, 30.12.2006, p. 1. Ara wkoll ir-rettifika fil-ĠU
L 30, 3.2.2007, p. 12). [4] "Baġit għall-Ewropa 2020" COM(2011)500
u COM(2011)398, it-tnejn bid-data 29.6.2011. [5] Iż-żewġ
pjanijiet ta' azzjoni huma disponibbli fuq is-sit elettroniku tal-EMSA
taħt:
http://www.emsa.europa.eu/opr-documents/action-plans.html
[6] Id-dokument
huwa disponibbli fuq is-sit elettroniku tal-EMSA fil-link li ġej:
http://www.emsa.europa.eu/documents/item/145-emsa-5-year-strategy.html
[7] COM(2010)611,
28.10.2010. [8] Regolament
(UE) Nru 100/2013 tal-Parlament Ewropew u tal-Kunsill tal-15 ta’ Jannar 2013 li
jemenda r-Regolament (KE) Nru 1406/2002 li jistabbilixxi l-Aġenzija Marittima
Ewropea tas-Sigurtà (ĠU L 39, 9.2.2013, p. 30). [9] Id-Direttiva 2005/35/KE
tal-Parlament Ewropew u tal-Kunsill tas-7 ta' Settembru 2005
dwar it-tniġġis ikkawżat minn vapuri u l-introduzzjoni ta'
sanzjonijiet għal ksur (ĠU L 255, 30.9.2005, p. 11). [10] Id-Deċiżjoni
tal-Kunsill 2007/779/KE tat-8 ta’ Novembru 2007 li tistabbilixxi
Mekkaniżmu Komunitarju tal-Protezzjoni Ċivili (ĠU L 314,
1.12.2007, p. 9). [11] COM(2011)
286, 23.5.2011. [12] Il-kontribuzzjoni
tal-EMSA hija disponibbli fuq: http://www.emsa.europa.eu/opr-documents/item/617-multi-annual-funding-mid-term-report-emsas-contribution.html [13] ĠU
C , , p. . [14] ĠU
C , , p. . [15] ĠU
C , , p. . [16] ĠU L 208, 5.8.2002, p. 1. [17] ĠU L 129, 31.4.2004, p. 1. [18] ĠU L 39 of 9.2.2013, p.30. . [19] ĠU L 394, 30.12.2006, p. 1. [20] ĠU L 314, 1.12.2007, p. 9. [21] ĠU L 312, 23.12.1995, p. 1. [22] ĠU L 292, 15.11.1996, p. 2. [23] ĠU L 136, 31.5.1999, p. 1. [24] ABM: Ġestjoni Bbażata fuq l-Attività – ABB:
Ibbaġittjar Ibbażat fuq l-Attività. [25] Kif imsemmi fl-Artikolu 49(6)(a)
jew (b) tar-Regolament Finanzjarju. [26] Id-dettalji tal-metodi ta'
ġestjoni u r-referenzi għar-Regolament Finanzjarju huma disponibbli
fis-sit tal-BudgWeb: http://www.cc.cec/budg/man/budgmanag/budgmanag_en.html [27] Kif imsemmi fl-Artikolu 185 tar-Regolament
Finanzjarju. [28] AD= Approprjazzjonijiet differenzjati / AMD =
Approprjazzjonijiet Mhux Differenzjati [29] EFTA: Assoċjazzjoni Ewropea tal-Kummerċ
Ħieles. [30] Pajjiżi kandidati u, fejn applikabbli, pajjiżi
kandidati potenzjali mill-Balkani tal-Punent. [31] Assistenza u nefqa teknika u/jew amministrattiva
b’appoġġ għall-implimentazzjoni ta’ programmi u/jew azzjonijiet
tal-UE (ex-linji “BA”), riċerka indiretta, riċerka diretta. [32] Dan jinkludi ammonti għal eżerċizzji fuq
il-baħar kif ukoll EUR 6.02 M
għall-adattament ta' għadd ta' bastimenti eżistenti
għall-ġlieda kontra t-tniġġis tal-baħar ikkawżat
minn installazzjonijiet taż-żejt u tal-gass. [33] Ara l-punti 19 u 24 tal-Ftehim
Interistituzzjonali.