MEMORANDUM TA’ SPJEGAZZJONI

1.           KUNTEST TAL-PROPOSTA

Is-sistemi bbażati fl-ispazju jippermettu medda wiesgħa ta’ applikazzjonijiet li għandhom rwol fundamentali fil-ħajja ta’ kuljum (it-TV, l-Internet jew il-ġeolokalizzazzjoni), huma kruċjali għall-oqsma ewlenin tal-ekonomija, u jgħinu biex jiżguraw is-sigurtà tagħna. L-applikazzjonijiet ibbażati fl-ispazju u s-servizzi derivati kif ukoll ir-riċerka dwar l-ispazju saru kruċjali għall-implimentazzjoni tal-politiki tal-UE, bħall-ambjent, il-bidla fil-klima, il-politiki marittimi, l-iżvilupp, l-agrikoltura, il-politiki relatati mas-sigurtà inklużi l-PESK/PSDK, kif ukoll it-tisħiħ tal-progress tekniku u l-innovazzjoni industrijali u l-kompetittività.

Billi d-dipendenza fuq is-servizzi bbażati fl-ispazju dejjem qiegħda tiżdied, l-abbità li wieħed jipproteġi l-infrastruttura spazjali saret essenzjali għas-soċjetà tagħna. Kwalunkwe waqfien saħansitra anke ta' parti mill-infrastrutturi spazjali jista’ jkollu konsegwenzi sinifikanti għall-funzjonament tajjeb tal-attivitajiet ekonomiċi u s-sikurezza taċ-ċittadini tagħna, u jfixkel il-provvista tas-servizzi tal-emerġenza.

Madankollu, l-infrastrutturi spazjali qed jiġu mhedda aktar u aktar mir-riskju ta’ kolliżjoni bejn inġenji tal-ispazju u b'mod aktar importanti, bejn l-inġenji tal-ispazju u r-residwu spazjali. Fil-fatt, ir-residwu spazjali sar it-theddida l-aktar serja għas-sostenibbiltà ta’ ċerti attivitajiet tal-ispazju.

Sabiex jiġi mmitigat ir-riskju ta’ kolliżjoni huwa meħtieġ li jiġu identifikati u mmonitorjati s-satelliti u r-residwu spazjali, jiġu kkatagolati l-pożizzjonijiet tagħhom, u jiġu segwiti l-movimenti tagħhom (trajettorja) meta jiġi identifikat riskju potenzjali ta’ kolliżjoni, sabiex l-operaturi tas-satelliti jiġu mwissija biex iċaqilqu s-satelliti tagħhom. Din l-attività hija magħrufa bħala s-sorveljanza u l-insegwiment fl-ispazju (space surveillance and tracking - SST), u llum hija bbażata l-aktar fuq sensers fl-art bħal pereżempju teleskopji u radars.

Hemm azzjonijiet oħrajn biex jiġi mmitigat ir-riskju mill-kolliżjonijiet jew il-konsegwenzi tagħhom. Dawn jinkludu l-isforzi ta’ riċerka biex is-satelliti jiġu protetti aħjar kontra l-impatti tal-kolliżjonijiet u biex jiġu żviluppati teknoloġiji biex jitneħħa r-residwu spazjali mill-orbiti. Barra minn hekk, hemm bosta inizjattivi li jippruvaw jiżguraw l-impenn tan-nazzjonijiet li jivvjaġġaw fl-ispazju biex inaqqsu l-produzzjoni tar-residwu spazjali meta jkunu qed iwettqu attivitajiet fl-ispazju fil-livell internazzjonali. Il-Kodiċi tal-Kondotta internazzjonali għall-Attivitajiet fl-Ispazju propost mill-Unjoni u li bħalissa qed jiġi nnegozjat man-nazzjonijiet li jivvaġġjaw fl-ispazju s’issa ġie appoġġat ħafna internazzjonalment. Madankollu, ikunu kemm ikunu importanti dawn l-istrumenti jekk id-dispożizzjonijiet tagħhom jiġu implimentati, dawn mhux se jeliminaw il-problema li joħloq ir-residwu spazjali eżistenti u dak futur, iżda se jnaqqsu biss it-tkabbir esponenzjali tar-residwu spazjali fil-futur. L-unika soluzzjoni llum hija li jiġu evitati l-kolliżjonijiet u jiġi mmonitorjat id-dħul mill-ġdid mhux kontrollat tal-inġenji tal-ispazju jew ir-residwi tagħhom fl-atmosfera tad-Dinja.

Madankollu, fl-Ewropa llum hemm kapaċitajiet limitati għall-monitoraġġ u s-sorveljanza tas-satelliti u r-residwu spazjali kif ukoll id-dħul mill-ġdid tal-oġġetti spazjali fl-atmosfera tad-Dinja. Barra minn hekk, ma jeżistu l-ebda servizzi apposta li jipprovdu twissijiet tal-kolliżjonijiet lill-operaturi tas-satelliti.

Il-Komunikazzjoni tal-Kummissjoni “Lejn strateġija tal-ispazju tal-Unjoni Ewropea” (COM(2011)152) li tirrikonoxxi kemm l-importanza tal-infrastrutturi tal-ispazju u s-servizzi derivati kif ukoll il-ħtieġa li tkun żgurata l-protezzjoni tagħhom, tenfasizza li l-Unjoni għandha tiddefinixxi l-organizzazzjoni u l-governanza ta’ sistema Ewropea għas-sorveljanza u l-insegwiment ta’ inġenji tal-ispazju filwaqt li titqies in-natura doppja tagħha u l-ħtieġa li jiġi żgurat l-użu sostenibbli tagħha kif indikat fil-Komunikazzjoni dwar il-Politika Industrijali adottata f’Ottubru 2010.

L-azzjoni tal-UE f’dan il-qasam hija ġġustifikata bid-dħul fis-seħħ tat-Trattat ta’ Lisbona fl-1.12.2009 li jespandi l-kompetenzi tal-UE fl-ispazju. L-Artikolu 189 tat-Trattat dwar il-Funzjonament tal-Unjoni Ewropea jagħti s-setgħa lill-UE li tippromwovi inizjattivi konġunti, tappoġġa r-Riċerka u l-Iżvilupp teknoloġiku u tikkoordina l-isforzi meħtieġa għall-esplorazzjoni u l-użu tal-ispazju fil-kuntest ta’ Politika Spazjali Ewropea.

Il-ħtieġa ta' azzjoni mill-UE f'dan il-qasam ġiet appoġġata mill-Istati Membri f'bosta Riżoluzzjonijiet u Konklużjonijiet tal-Kunsill[1]. Mill-2008, il-ħames Kunsill tal-Ispazju kkonferma li l-Ewropa għandha “tiżviluppa kapaċità Ewropea għall-monitoraġġ u s-sorveljanza tal-infrastruttura spazjali tagħha u tal-fdalijiet spazjali"[2]. Ikkonferma wkoll li l-Unjoni għandu jkollha rwol attiv fl-implimentazzjoni tas-sistema SSA u l-mekkaniżmi ta' governanza tagħha. L-aktar reċentement, il-konklużjonijiet tal-Kunsill ta’ Mejju 2011 dwar il-Komunikazzjoni tal-UE dwar l-istrateġija spazjali jikkonfermaw il-ħtieġa għal kapaċità ta’ SST Ewropea biex tissaħħaħ is-sikurezza tal-assi spazjali Ewropej u l-varar tagħhom. Dawn jistipulaw li għal dan l-għan, “l-Unjoni Ewropea għandha tagħmel l-usa' użu possibbli ta' assi, kompetenzi u ħiliet li diġà huma eżistenti jew li qed jiġu żviluppati fl-Istati Membri, fil-livell Ewropew u kif adatt internazzjonalment". Ir-Riżoluzzjoni talbet lill-UE [il-Kummissjoni Ewropea u l-EEAS], b’kooperazzjoni mill-qrib mal-ESA u l-Istati Membri, biex tagħti l-proposti tagħha għal skema ta’ governanza u politika dwar id-dejta li tieħu ħsieb is-sensittività għolja tad-dejta tal-SST. Dawn l-opinjonijiet huma kondiviżi wkoll mill-Parlament Ewropew fir-rapport tiegħu dwar l-istrateġija tal-ispazju għall-UE adottata fit-30 ta' Novembru 2011[3].

Il-progress f’żewġ programmi Ewropej ewlenin, Galileo u Copernicus (l-isem il-ġdid tal-GMES, il-programm ta’ Monitoraġġ Globali għall-Ambjent u s-Sigurtà), ukoll tejjeb l-għarfien dwar il-ħtieġa li tiġi protetta l-infrastruttura spazjali tal-UE. Galileo huwa l-ewwel proġett spazjali ewlieni tal-UE u se jibqa’ wieħed mill-bażijiet ewlenin tal-intervent tal-UE fl-ispazju u Copernicus għandu komponent kbir ibbażat fl-ispazju (is-satelliti Sentinel). Copernicus beda bħala proġett tar-riċerka u l-iżvilupp u reċentement daħal fil-fażi operattiva inizjali tiegħu.

B’mod konformi ma’ dak li ntqal hawn fuq, il-proposta attwali għal Deċiżjoni tikkonċerna t-twaqqif ta’ servizz Ewropew li l-għan tiegħu jkun li jevita l-kolliżjonijiet bejn l-inġenji tal-ispazju jew bejn l-inġenji tal-ispazju u r-residwu spazjali u jimmonitorja d-dħul mill-ġdid mhux ikkontrollat ta’ inġenji tal-ispazju sħaħ jew partijiet minnhom. F’termini tekniċi dan is-servizz jissejjaħ servizz Ewropew tal-SST.

Skont l-approċċ previst fil-Komunikazzjoni tal-Kummissjoni “Lejn strateġija tal-ispazju tal-Unjoni Ewropea għas-servizz taċ-ċittadini” tal-2011[4], din id-Deċiżjoni tippermetti li tiġi definita sħubija, li permezz tagħha l-Istati Membri se jikkontribwixxu bl-assi eżistenti u futuri tagħhom fil-kapaċità tal-SST fil-livell Ewropew u l-Unjoni se tipprovdi qafas legali u kontribuzzjoni finanzjarja għall-implimentazzjoni tal-azzjonijiet definiti. Il-qafas legali jiddefinixxi l-iskema ta’ governanza u l-politika tad-dejta skont il-konklużjonijiet rilevanti tal-Kunsill.

Fl-aħħar iżda mhux l-anqas, is-servizzi Ewropej tal-SST proposti jaħdmu lejn objettiv essenzjali tal-politika industrijali spazjali tal-UE (identifikat fil-Komunikazzjoni tal-Kummissjoni dwar l-Elementi għal Politika Industrijali Spazjali tal-UE li għandha toħroġ fl-2013), jiġifieri li tinkiseb in-nondipendenza teknoloġika Ewropea f’oqsma kruċjali, u li l-aċċess għall-ispazju jibqa’ indipendenti .

2.           RIŻULTATI TAL-KONSULTAZZJONIJIET MAL-PARTIJIET INTERESSATI U VALUTAZZJONIJIET TAL-IMPATT

Il-proposta ssegwi konsultazzjoni estensiva mal-partijiet interessati u mal-pubbliku. Hija akkumpanjata minn valutazzjoni tal-impatt.

Matul dawn l-aħħar snin, id-DĠ għall-Intrapriża u l-Industrija kkonsulta bosta partijiet interessati u involuti fl-affarijiet tal-ispazju dwar oqsma varji ta’ attivitajiet potenzjali futuri tal-UE fl-ispazju u l-aktar dwar l-iżvilupp ta’ servizz Ewropew għas-Sorveljanza u l-Insegwiment fl-Ispazju (SST). L-iżvilupp ta’ tali servizz kien ukoll is-suġġett ta' dibattitu politiku fost il-Ministri tal-UE responsabbli għall-ispazju.

Il-konklużjonijiet ewlenin ta’ dawn il-konsultazzjonijiet jistgħu jiġu deskritti fil-qosor kif ġej:

– Hemm kunsens fost il-Ministri tal-Istati Membri tal-UE u tal-ESA responsabbli għall-ispazju li l-iżvilupp ta’ servizz Ewropew tal-STT għandu jitmexxa mill-UE u mhux mill-Aġenzija Spazjali Ewropea (ESA). Dan il-kunsens huwa rifless fir-Riżoluzzjonijiet tal-Kunsill imsemmija hawn fuq. Ir-raġuni sottostanti għal dan ħarġet f’bosta diskussjonijiet: Is-servizz Ewropew tal-SST għandu dimensjoni ta’ sigurtà (jippermetti l-ġbir ta’ intelliġenza dwar l-infrastruttura u l-operazzjonijiet tal-ispazju ċivili u militari tal-Istati) li l-UE, għall-kuntrarju tal-ESA, għandha l-kompetenza u hija mgħammra biex tindirizzaha. It-TFUE tagħti lill-UE l-kompetenza biex tikkoordina l-użu tas-sistemi spazjali u għandha wkoll kompetenza u mekkaniżmi stabbiliti biex tindirizza d-dimensjoni tas-sigurtà ta’ tali servizz; L-Istati Membri jqisu li l-ESA għandha tappoġġa lill-UE f’dan il-kompitu (u qed tappoġġaha permezz tal-programm ta’ tħejjija SSA tagħha) iżda, bħala organizzazzjoni tar-Riċerka u l-Iżvilupp, ma għandhiex il-kompetenza u l-mekkaniżmi meħtieġa biex tistabbilixxi u tmexxi servizzi Ewropew tal-SST waħedha.

– B’mod partikolari, l-Istati Membri jitolbu lill-UE biex tiddefinixxi l-politika tal-governanza u tad-dejta għal servizz Ewropew tal-SST, biex ikollha rwol attiv fit-twaqqif tas-servizz, u biex tuża s-sensers u l-għarfien espert eżistenti bl-aħjar mod possibbli. L-Istati Membri huma wkoll espliċiti dwar kif għandu jitqies it-tħassib dwar is-sigurtà: is-sensers tal-SST għandhom jibqgħu taħt kontroll nazzjonali. Il-kunfidenzjalità tal-informazzjoni tal-SST ġiet definita bħala prinċipju ewlieni għall-politika tad-dejta tal-SST. L-informazzjoni tal-SST għandha tiġi deklassifikata biss skont il-każ meta jkun hemm il-ħtieġa.

– Hemm kunsens fost l-Istati Membri u l-esperti tal-UE u tal-ESA li servizz Ewropew futur tal-SST għandu jikkapitalizza u jibni fuq l-assi eżistenti tas-sensers li għandhom jitlaqqgħu flimkien u jiġu operati bħala netwerk. Hemm ukoll qbil fir-rigward tal-fatt li l-assi attwali mhumiex biżżejjed biex jiżguraw il-livell mixtieq ta' prestazzjoni. Biex jintlaħaq il-livell mixtieq se jkun hemm bżonn li jinbnew u jiġu integrati assi ġodda (bħal pereżempju radars u teleskopji għall-insegwiment u s-sorveljanza) f’sistema Ewropea tal-SST. L-Istati Membri li għandhom kapaċità f’termini ta’ sensers u dawk li jixtiequ jiżviluppawha għandu jkollhom rwol ewlieni fit-twaqqif tas-servizz Ewropew tal-SST.

– Hemm ukoll kunsens fost l-Istati Membri u l-esperti f’dan il-qasam li t-twaqqif u t-tħaddim ta’ servizz Ewropew tal-SST, jeħtieġ minn tal-inqas li:

· Jitlaqqgħu l-assi limitati eżistenti (l-aktar it-teleskopji u r-radars bbażati fl-art biex jiġbru l-informazzjoni dwar il-pożizzjoni tas-satelliti) u jiżdiedu dawn il-kapaċitajiet billi jinbnew u jitlaqqgħu assi ġodda (funzjoni tas-sensers);

· Tiġi żviluppata funzjoni tal-ipproċessar li tgħaqqad u tanalizza d-dejta tal-SST miġbura (funzjoni tal-ipproċessar);

· Jiġi stabbilit front desk 24/7 li jifforma r-rabta mal-utenti u joħroġ twissijiet dwar ir-riskji ta’ kolliżjonijiet u dħul mill-ġdid lill-operaturi tas-satelliti u lill-awtoritajiet pubbliċi rilevanti.

– Matul diskussjonijiet li ħadu s-snin, l-Istati Membri li huma fil-pussess ta' assi rilevanti għall-SST insistew fuq aspett ta' governanza kruċjali wieħed: Minħabba t-tħassib dwar is-sigurtà, il-funzjonijiet tas-sensers u tal-ipproċessar ta’ sistema Ewropea futura tal-SST għandhom jibqgħu taħt il-kontroll tal-awtoritajiet nazzjonali kompetenti (f’xi każijiet l-awtoritajiet militari). Il-maġġoranza tal-Istati Membri jappoġġaw l-idea li, għall-iskop li jiġi stabbilit servizz Ewropew tal-SST, dawk l-Istati Membri li għandhom assi eżistenti jew ġodda jistgħu jiffurmaw konsorzju biex imexxi, bħala netwerk, il-funzjoni tas-sensers u l-funzjoni tal-ipproċessar. L-Istati Membri huma wkoll tal-opinjoni li l-funzjoni tal-front desk għandha titmexxa mill-konsorzju nnifsu jew minn korp ieħor bi kredenzjali xierqa tas-sigurtà, bħal pereżempju ċ-Ċentru Satellitari tal-Unjoni Ewropea. Fl-istess ħin, għal raġunijiet ta’ sigurtà nazzjonali, l-Istati Membri għamluha ċara li mhux se jikkollaboraw ma’ attur kummerċjali f’dan il-qasam.

– Hemm kunsens li l-iżvilupp ta’ servizz Ewropew tal-SST għandu jsir b’kooperazzjoni mill-qrib mal-Istati Uniti tal-Amerika.

– L-Istati Membri huma lesti li jagħmlu l-assi tagħhom disponibbli għat-twaqqif tas-servizz Ewropew tal-SST. Huma tal-opinjoni li, bħala azzjoni reċiproka, l-iżvilupp tas-servizz għandu jinvolvi l-finanzjament tal-UE u għandu, minn tal-inqas, ikopri l-operazzjonijiet marbuta direttament mat-twaqqif tas-servizz. Apparti li jagħmlu l-assi tagħhom disponibbli, l-Istati Membri huma lesti li jikkontribwixxu għalih finanzjarjament.

Il-konsultazzjoni wriet ukoll li l-opinjoni pubblika hija konxja bil-ħtieġa li tiġi protetta l-infrastruttura spazjali u tappoġġaha.

3.           ELEMENTI LEGALI TAL-PROPOSTA

Il-bażi legali għall-proposta tal-Kummissjoni hija l-Artikolu 189(2) TFUE.

Il-proposta tieħu l-forma ta’ Deċiżjoni tal-Parlament Ewropew u tal-Kunsill, li jaġixxu skont il-proċedura leġiżlattiva ordinarja. It-test għandu ambitu ġenerali u l-kontenut tiegħu għandu japplika direttament fl-Istati Membri kollha, għalkemm il-parteċipazzjoni fit-twaqqif u t-tħaddim tas-sistema Ewropea tal-SST mhumiex obbligatorji.

Il-proposta tiddefinixxi l-objettivi tal-azzjoni proposta, jiġifieri, il-provvista ta’ servizzi tas-Sorveljanza u l-Insegwiment fl-Ispazju, l-ambitu tas-servizzi li għandhom jiġu pprovduti, l-aspetti tal-governanza, kif ukoll ir-riżorsi baġitarji. It-test ewlieni jinkludi anness dwar il-prinċipji tal-politika tad-dejta tal-SST li jifforma parti integrali minnu.

Il-proposta tikkonforma mal-prinċipji tas-sussidjarjetà u l-proporzjonalità. L-objettiv tal-proposta, jiġifieri li tappoġġa it-twaqqif ta’ servizzi Ewropej tal-SST permezz tal-federazzjoni tal-assi nazzjonali eżistenti, jmur lil hinn mill-kapaċitajiet finanzjarji u tekniċi ta’ Stat Membru li jaġixxi waħdu u jista’ biss jinkiseb b’mod sodisfaċenti fil-livell tal-Unjoni. Fir-rigward tal-proporzjonalità, l-azzjoni tal-Unjoni ma tmurx lil hinn minn dak li huwa meħtieġ biex jinkiseb l-objettiv tal-proposta sakemm il-baġit ippjanat jikkorrispondi mal-kostijiet stmati wara analiżijiet estensivi u meta l-mudell ta’ governanza użat jidher li jkun l-aktar xieraq.

4.           IMPLIKAZZJONI BAĠITARJA

Il-programm tal-SST jidħol fil-pakkett baġitarju globali tal-UE propost mill-Kummissjoni għall-QFP li jmiss. Ma jsiru l-ebda talbiet għal finanzjament lil hinn mill-proposta tal-QFP. L-Artikolu 11(1) tal-proposta jispeċifika li l-finanzjament għall-programm ta’ appoġġ għall-SST għandu jittieħed minn programmi rilevanti oħra li jikkonformaw bis-sħiħ mal-bażi legali tagħhom.

L-Unjoni se tappoġġa l-attivitajiet permezz ta’ għotjiet (inklużi somom fissi). Il-benefiċjarji ta’ tali għotjiet se jkunu l-Istati Membri parteċipanti li jikkontribwixxu lis-sistema Ewropea tal-SST permezz tal-assi nazzjonali kif ukoll l-EUSC li jikkoopera mal-Istati Membri parteċipanti fit-twaqqif u t-tħaddim tal-funzjoni tas-servizz tal-SST kif imsemmi fl-Artikolu 3(c) li jkollu l-funzjoni ta’ “Front Desk” tal-UE. Il-kontribuzzjoni globali indikattiva tal-Unjoni għall-implimentazzjoni tal-programm ta’ appoġġ hija ta’ EUR 70 miljun matul il-perjodu mill-2014 sal-2020 bil-prezzijiet attwali. Madankollu, din il-kontribuzzjoni globali tiddependi fuq ir-riżultat tal-proċess ta’ kodeċiżjoni li għaddej dwar l-QFP u l-programmi relatati tal-QFP li minnhom jista’ jittieħed il-finanzjament għall-programm ta’ appoġġ għall-SST. Barra minn hekk, il-kontribuzzjoni se tiddependi fuq deċiżjonijiet li għandhom jittieħdu f’kull wieħed mill-programmi rilevanti li jikkonċernaw l-użu tal-finanzjament għall-attivitajiet li għandhom jiġu kofinanzjati mill-programm ta’ appoġġ għall-SST.

Il-kostijiet stmati tal-programmi huma r-riżultat ta’ analiżijiet u diskussjonijiet estensivi ma’ esperti, b’mod partikolari mill-aġenziji spazjali jew korpi simili mill-Istati Membri u mill-ESA.

2013/0064 (COD)

Proposta għal

DEĊIŻJONI TAL-PARLAMENT EWROPEW U TAL-KUNSILL

Li tistabbilixxi programm ta’ appoġġ għas-sorveljanza u l-insegwiment fl-ispazju

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b'mod partikolari l-Artikolu 189(2) tiegħu,

Wara li kkunsidraw il-proposta tal-Kummissjoni Ewropea,

Wara t-trażmissjoni tal-abbozz tal-att leġiżlattiv lill-Parlamenti nazzjonali,

Wara li kkunsidraw l-opinjoni tal-Kumitat Ekonomiku u Soċjali Ewropew[5],

Wara li kkunsidraw l-opinjoni tal-Kumitat tar-Reġjuni[6],

Filwaqt li jaġixxu skont il-proċedura leġiżlattiva ordinarja,

Billi:

(1)       Fil-Komunikazzjoni tagħha msejħa “Lejn strateġija tal-ispazju tal-Unjoni Ewropea għas-servizz taċ-ċittadini”[7], il-Kummissjoni enfasizzat li l-kompetenza kondiviża fil-qasam tal-ispazju mogħtija lill-Unjoni bit-Trattat dwar il-Funzjonament tal-Unjoni Ewropea (TFUE) hija marbuta mill-qrib ma’ sħubija msaħħa mal-Istati Membri. Il-Kummissjoni enfasizzat ukoll li l-azzjonijiet ġodda kollha għandhom ikunu bbażati fuq ir-riżorsi eżistenti u fuq l-indentifikazzjoni konġunta ta' fejn huma meħtieġa riżorsi ġodda.

(2)       Fir-Riżoluzzjoni tiegħu tas-26 ta’ Settembru 2008, “Jitwettaq progress fil-Politika Spazjali Ewropea”[8], il-Kunsill ifakkar li l-assi spazjali saru indispensabbli għall-ekonomija tagħna u li s-sigurtà tagħhom għandha tiġi żgurata. Huwa jenfasizza l-“ħtieġa għall-Ewropa […] li tiżviluppa kapaċità Ewropea għall-monitoraġġ u s-sorveljanza tal-infrastruttura spazjali tagħha u tal-fdalijiet spazjali, inizjalment ibbażata fuq assi eżistenti nazzjonali u Ewropej, waqt li tibbenefika minn relazzjonijiet li setgħu kienu diġà stabbiliti ma' nazzjonijiet sħab oħrajn u l-kapaċitajiet tagħhom”.

(3)       Fir-Riżoluzzjoni tiegħu “Sfidi globali: nieħdu vantaġġ sħiħ mis-sistemi spazjali Ewropej”[9] tal-25 ta’ Novembru 2010, il-Kunsill jirrikonoxxi l-ħtieġa għal kapaċità futura ta’ għarfien tas-sitwazzjonijiet fl-ispazju (aktar 'il quddiem imsejjaħ “SSA”) bħala attività fil-livell Ewropew għall-iżvilupp u l-użu tal-assi ċivili u militari nazzjonali u Ewropej eżistenti, u tistieden lill-Kummissjoni Ewropea u lill-Kunsill biex jipproponu skema ta’ governanza u politika tad-dejta li jippermettu lill-Istati Membri jikkontribwixxu permezz tal-kapaċitajiet nazzjonali rilevanti skont ir-rekwiżiti u r-regolamenti ta’ sigurtà applikabbli. Tistieden ukoll “lill-atturi istituzzjonali Ewropej kollha biex jesploraw miżuri adatti” li jkunu bbażati fuq rekwiżiti ċivili u militari tal-utenti definiti, jużaw l-assi rilevanti skont ir-rekwiżiti ta’ sigurtà applikabbli, u jqisu l-iżviluppi bikrija mill-programm ta’ tħejjija tal-SSA tal-Aġenzija Spazjali Ewropea (ESA).

(4)       Il-konklużjonijiet tal-Kunsill tal-31 ta’ Mejju 2011 dwar il-Komunikazzjoni tal-Kummissjoni “Lejn strateġija tal-ispazju tal-Unjoni Ewropea għas-servizz taċ-ċittadini”[10] u r-Riżoluzzjoni tal-Kunsill tas-6 ta’ Diċembru 2011 “Orjentazzjonijiet dwar il-valur miżjud u l-benefiċċji tal-ispazju għas-sigurtà taċ-ċittadini Ewropej”[11] tennew il-“ħtieġa għal kapaċità effettiva għal Għarfien tas-Sitwazzjoni Spazjali (SSA) bħala attività fil-livell Ewropew”, u talbet lill-Unjoni biex “tagħmel l-usa' użu possibbli ta' assi, kompetenzi u ħiliet li diġà huma eżistenti jew li qed jiġu żviluppati fl-Istati Membri, fil-livell Ewropew u kif adatt internazzjonalment”. Filwaqt li rrikonoxxa n-natura ta’ użu doppju ta’ tali sistema u qies id-dimensjoni ta’ sigurtà partikolari tagħha, il-Kunsill appella lill-Kummissjoni “f'kollaborazzjoni mar-Rappreżentant Għoli [tal-Unjoni għall-Affarijiet Barranin u l-Politika ta’ Sigurtà], f'kooperazzjoni mill-qrib mal-ESA u l-Istati Membri, li huma s-sidien ta' tali assi u għandhom kapaċitajiet u f'konsultazzjoni mal-atturi kollha involuti, biex jippreżentaw proposti għall-isfruttament ta' u l-bini fuq dawn l-assi u l-kapaċitajiet sabiex tiġi żviluppata kapaċità għal Għarfien tas-Sitwazzjoni Spazjali (SSA) bħala attività fil-livell Ewropew u f'dak il-kuntest, biex jiddefinixxu politika adatta ta' governanza u dejta b'kont meħud tas-sensittività kbira tad-dejta tas-SSA”.

(5)       Ir-residwu spazjali sar l-aktar theddida serja għas-sostenibbiltà tal-attivitajiet fl-ispazju. Għaldaqstant, għandu jiġi stabbilit programm ta’ appoġġ għas-sorveljanza u l-insegwiment fl-ispazju (aktar ’il quddiem imsejjaħ l-“SST”) bl-għan li jappoġġa t-twaqqif u t-tħaddim ta’ servizzi li jikkonsistu mill-monitoraġġ u l-ispezzjoni ta’ oġġetti spazjali bl-għan li tiġi evitata l-ħsara lill-inġenji tal-ispazju li tirriżulta minn kolliżjonijiet, kif ukoll biex tiġi evitata l-ħsara lill-infrastruttura fl-art jew lill-popolazzjoni umana bħala riżultat ta’ dħul mill-ġdid mhux kontrollat ta’ inġenji tal-ispazju sħaħ jew ir-residwu spazjali tagħhom fl-atmosfera tad-Dinja.

(6)       Il-provvista ta’ servizzi tal-SST se jibbenefikaw minnha l-operaturi pubbliċi u privati kollha tal-infrastruttura bbażata fl-ispazju, inkluża l-Unjoni fid-dawl tar-responsabbiltajiet tagħha għall-programmi tal-ispazju tal-EU - is-Sistema Ewropea ta' Navigazzjoni b'Kopertura Ġeostazzjonarja (EGNOS) u Galileo implimentati permezz tar-Regolament (KE) Nru 683/2008 tal-Parlament Ewropew u tal-Kunsill tad-9 ta' Lulju 2008 dwar implimentazzjoni ulterjuri tal-programmi Ewropej ta' navigazzjoni bis-satellita (EGNOS u Galileo)[12] u Copernicus/GMES stabbilit bir-Regolament (UE) Nru 911/2010 tal-Parlament Ewropew u tal-Kunsill tat-22 ta’ Settembru 2010 dwar il-programm Ewropew ta’ monitoraġġ tad-dinja (GMES) u l-operazzjonijiet inizjali tiegħu (2011-2013)[13]. It-twissijiet ta’ dħul mill-ġdid se jgawdu wkoll minnhom l-awtoritajiet pubbliċi responsabbli għall-protezzjoni ċivili.

(7)       Is-servizzi tal-SST għandhom ikunu kumplimentari għall-attivitajiet tar-riċerka relatati mal-protezzjoni tal-infrastruttura bbażata fl-ispazju mwettqa taħt il-programm Horizon 2020 stabbilit mir-[referenza għar-Regolament tal-Horizon 2020 li għandha tiġi miżjuda ladarba jiġi adottat ir-Regolament], kif ukoll għall-attivitajiet tal-Aġenzija Spazjali Ewropea f’dan il-qasam.

(8)       Il-programm ta’ appoġġ għall-SST għandu wkoll ikun kumplimentari għall-miżuri ta’ mitigazzjoni eżistenti bħal pereżempju l-linji gwida tan-Nazzjonjiet Uniti (NU) għall-mitigazzjoni tar-residwu spazjali jew inizjattivi oħra, bħal pereżempju l-proposta tal-Unjoni għal Kodiċi ta’ Kondotta internazzjonali dwar l-attivitajiet tal-ispazju.

(9)       Ir-rekwiżiti tal-utent ċivili u militari tal-SSA ġew definiti fid-dokument ta’ ħidma tal-persunal “Rekwiżiti tal-utenti ċivili-militari ta’ livell għoli għall-għarfien tas-sitwazzjonijiet fl-ispazju Ewropew"[14] approvati mill-Istati Membri fil-Kumitat Politiku u ta’ Sigurtà tal-Kunsill tat-18 ta’ Novembru 2011[15]. Il-provvista tas-servizzi tal-SST għandha sservi skopijiet ċivili biss. Ir-rekwiżiti purament militari ma għandhomx jiġu indirizzati b’din id-Deċiżjoni.

(10)     It-tħaddim tas-servizzi tal-SST għandu jkun ibbażat fuq sħubija bejn l-Unjoni u l-Istati Membri u għandu juża l-għarfien espert u l-assi nazzjonali eżistenti kif ukoll dawk futuri, bħal pereżempju l-kompetenza fir-rigward tal-analiżi u l-immudellar matematiċi, radars jew teleskopji bbażati fl-art magħmula disponibbli mill-Istati Membri parteċipanti. L-Istati Membri iżommu l-pussess u l-kontroll tal-assi tagħhom u jibqgħu disponibbli għall-operazzjonijiet, il-manutenzjoni u t-tiġdid tagħhom.

(11)     Iċ-Ċentru Satellitari tal-Unjoni Ewropea (EUSC), aġenzija tal-Unjoni li twaqqfet permezz tal-Azzjoni Konġunta tal-Kunsill tal-20 ta' Lulju 2001 dwar l-istabbiliment ta' Ċentru Satellitari tal-Unjoni Ewropea (2001/555/CFSP)[16] li tipprovdi servizzi u prodotti ta’ informazzjoni dwar l-immaġini ġeospazjali b’livelli varji ta’ klassifikazzjoni lill-utenti ċivili u militari, jista’ jkun responsabbli għat-tħaddim u l-provvista tas-servizzi tal-SST. L-għarfien espert tiegħu fl-immaniġġjar tal-informazzjoni kunfidenzjali f’ambjent sigur u r-rabtiet istituzzjonali stretti mal-Istati Membri huwa vantaġġ li jiffaċilita l-provvista tas-servizzi tal-SST. Prekundizzjoni għall-parteċipazzjoni tal-EUSC fil-programm ta’ appoġġ għall-SST hija l-emenda tal-Azzjoni Konġunta tal-Kunsill li attwalment ma tipprevedix azzjoni tal-EUSC fil-qasam tal-SST.

(12)     Informazzjoni preċiża dwar in-natura, l-ispeċifikazzjonijiet u l-pożizzjoni ta’ ċerti oġġetti spazjali tista’ taffettwa s-sigurtà tal-Unjoni Ewropea jew l-Istati Membri tagħha. Għalhekk, għandhom jitqiesu kunsiderazzjonijiet xierqa dwar is-sigurtà fit-twaqqif u t-tħaddim tan-netwerk tas-sensers tal-SST, il-kapaċità li tiġi pproċessata u analizzata d-dejta tal-SST u l-provvista tas-servizzi tal-SST. Għalhekk huwa meħtieġ li jiġu stabbiliti dispożizzjonijiet ġenerali dwar l-użu u l-iskambju sigur tad-dejta u l-informazzjoni tal-SST bejn l-Istati Membri, l-EUSC u dawk li jirċievu s-servizzi tal-SST f'din id-Deċiżjoni. Barra minn hekk, il-Kummissjoni Ewropea u s-Servizz Ewropew għall-Azzjoni Esterna għandhom jiddefinixxu l-mekkaniżmi ta’ koordinazzjoni meħtieġa biex jiġu indirizzati l-kwisjonijiet relatati mas-sigurtà tal-programm ta’ appoġġ għall-SST.

(13)     L-Istati Membri parteċipanti u l-EUSC għandhom ikunu responsabbli għan-negozjati u l-implimentazzjoni tad-dispożizzjonijeit dwar l-użu u l-iskambju sigur tad-dejta u l-informazzjoni tal-SST. Id-dispożizzjonijiet dwar l-użu u l-iskambju tad-dejta u l-informazzjoni tal-SST stabbiliti f'din id-Deċiżjoni u fil-ftehim bejn l-Istati Membri parteċipanti u l-EUSC għandhom iqisu r-rakkomandazzjonijiet dwar is-sigurtà tad-dejta tal-SST approvati mill-Kumitat dwar is-Sigurtà tal-Kunsill. [17]

(14)     Il-Kumitat dwar is-Sigurtà tal-Kunsill irrakkomanda l-ħolqien ta’ struttura għall-immaniġġjar tar-riskji sabiex jiġi żgurat li l-kwistjonijiet dwar is-sigurtà tad-dejta jitqiesu kif dovut fl-implimentazzjoni tal-programm ta’ appoġġ għall-SST. Għal dan l-iskop, l-istrutturi u l-proċeduri xierqa għall-immaniġġjar tar-riskji għandhom jiġu stabbiliti mill-Istati Membri parteċipanti u l-EUSC.

(15)     Il-programm ta’ appoġġ għall-SST għandu jiġi ffinanzjat mill-Unjoni skont ir-Regolament (EU, Euratom) Nru 966/2012 tal-Parlament Ewropew u tal-Kunsill tal-25 ta’ Ottubru 2012 dwar ir-regoli finanzjarji applikabbli għall-baġit ġenerali tal-Unjoni[18]. Il-finanzjament tal-Unjoni għall-programm ta’ appoġġ għall-SST għandu jittieħed mill-programmi rilevanti previsti fil-qafas finanzjarju pluriennali għall-2014-2020.

(16)     L-interessi finanzjarji tal-Unjoni għandhom jiġu protetti permezz ta' miżuri proporzjonali tul iċ-ċiklu tal-infiq kollu kemm hu, li jinkludu l-prevenzjoni, il-kxif u l-investigazzjoni ta' irregolaritajiet, l-irkupru ta' fondi mitlufa, imħallsa bi żball jew użati b’mod ħażin u, fejn xieraq, sanzjonijiet.

(17)     Sabiex jiġu żgurati kundizzjonijiet uniformi għall-implimentazzjoni ta’ din id-Deċiżjoni fir-rigward l-adozzjoni ta’ programm ta’ ħidma pluriennali u l-konformità tal-Istati Membri mal-kriterji għall-parteċipazzjoni tagħhom fil-programm ta’ appoġġ għall-SST, għandhom jingħataw setgħat ta’ implimentazzjoni lill-Kummissjoni. Dawn is-setgħat għandhom jiġu eżerċitati skont ir-Regolament (UE) Nru 182/2011 tal-Parlament Ewropew u tal-Kunsill tas-16 ta' Frar 2011 li jistabbilixxi r-regoli u l-prinċipji ġenerali dwar il-modalitajiet ta’ kontroll mill-Istati Membri tal-eżerċizzju mill-Kummissjoni tas-setgħat ta’ implimentazzjoni[19].

(18)     Billi l-objettivi ta’ din id-Deċiżjoni, jiġifieri l-appoġġ tal-azzjonijiet li fil-mira għandhom it-twaqqif u t-tħaddim tan-netwerk ta' sensers, l-istabbiliment tal-kapaċità li tiġi pproċessata u analizzata d-dejta tal-SST, u t-twaqqif u t-tħaddim tas-servizzi tal-SST, ma jistgħux jinkisbu sa livell sodisfaċenti mill-Istati Membri minħabba li jmorru lil hinn mill-kapaċitajiet finanzjarji u tekniċi tal-Istati Membri li jaġixxu waħedhom, u għalhekk, minħabba l-iskala tad-Deċiżjoni, jistgħu jinkisbu aħjar fil-livell tal-Unjoni, l-Unjoni tista' tadotta miżuri, skont il-prinċipju tas-sussidjarjetà kif stabbilit fl-Artikolu 5 tat-Trattat tal-Unjoni Ewropea.

ADOTTAW DIN ID-DEĊIŻJONI:

Artikolu 1

Stabbiliment tal-programm

Programm ta’ appoġġ għas-sorveljanza u l-insegwiment fl-ispazju (aktar ’il quddiem imsejjaħ l-“SST”) huwa stabbilit għall-perjodu mill-1 ta’ Jannar 2014 sal-31 ta’ Diċembru 2020.

Artikolu 2

Definizzjonijiet

Għall-finijiet ta’ din id-Deċiżjoni, għandhom japplikaw id-definizzjonijiet li ġejjin:

(1) “Oġġett spazjali” tfisser kwalunkwe oġġett magħmul mill-bniedem jew naturali fl-ispazju.

(2) “Inġenju tal-ispazju” tfisser kwalunkwe oġġett magħmul mill-bniedem li jkollu skop speċifiku, inklużi s-satelliti artifiċjali;

(3) “Residwu spazjali” tfisser l-inġenji tal-ispazju jew il-partijiet tagħhom li ma għadx għandhom skop speċifiku, inklużi l-partijiet ta’ rokits jew satelliti artifiċjali, jew satelliti artifiċjali inattivi;

(4) “Senser tal-SST” tfisser mezz jew kumbinazzjoni ta’ mezzi, bħal pereżempju radars u teleskopji bbażati fl-art jew fl-ispazju, bil-kapaċità li jkejlu parametri fiżiċi relatati mal-oġġetti spazjali, bħad-daqs, il-pożizzjoni u l-veloċità;

(5) “Dejta tal-SST” tfisser parametri fiżiċi tal-oġġetti spazjali miksuba mis-sensers tal-SST.

(6) “Informazzjoni tal-SST” tfisser dejta tal-SST ipproċessata li tkun tista’ tinftiehem malajr minn min qed jirċeviha.

Artikolu 3

Objettivi tal-programm ta’ appoġġ għall-SST

L-objettivi tal-Programm ta’ Appoġġ għall-SST għandhom ikunu l-appoġġ ta’ azzjonijiet immirati lejn l-istabbiliment ta’ kapaċità tal-SST u, b’mod partikolari:

(a) it-twaqqif u t-tħaddim ta’ funzjoni tas-sensers li tikkonsisti minn netwerk ta’ sensers nazzjonali eżistenti bbażati fl-art jew fl-ispazju biex jispezzjonaw u jsegwu l-oġġetti spazjali;

(b) it-twaqqif u t-tħaddim ta’ funzjoni tal-ipproċessar għall-ipproċessar u l-analiżi tad-dejta tal-SST miġbura mis-sensers, inkluża l-kapaċità li tikxef u tidentifika l-oġġetti spazjali u li tibni u żżomm katalogu tagħhom;

(c) it-twaqqif u t-tħaddim ta’ funzjoni tas-servizzi biex tipprovdi s-servizzi tal-SST lill-operaturi tal-inġenji tal-ispazju u lill-awtoritajiet pubbliċi.

Artikolu 4

Servizzi tal-SST

1.           Is-servizzi msemmija fil-punt (c) tal-Artikolu 3 għandhom jikkonsistu f’dawn li ġejjin:

(a) il-valutazzjoni tar-riskji ta’ kolliżjoni bejn inġenji tal-ispazju jew bejn inġenju tal-ispazju u r-residwu spazjali u l-ġenerazzjoni ta’ twissijiet għall-evitar tal-kolliżjonijiet matul il-varar u t-tħaddim fl-orbita tal-inġenji tal-ispazju;

(b) il-kxif u l-valutazzjoni tar-riskji tal-esplożjonijiet, it-tifrik jew il-kolliżjonijiet fl-orbita;

(c) il-valutazzjoni tar-riskji u t-twissijiet relatati mad-dħul mill-ġdid ta’ oġġetti spazjali u residwu spazjali fl-atmosfera tad-Dinja u l-previżjoni tal-ħin u l-pożizzjoni tal-impatt;

2.           Is-servizzi tal-SST għandhom jiġu pprovduti lill-Istati Membri, lill-Kunsill, lill-Kummissjoni, lill-EEAS, lill-operaturi tal-inġenji tal-ispazju pubbliċi u privati u lill-awtoritajiet pubbliċi li huma responsabbli għall-protezzjoni ċivili. Is-servizzi tal-SST għandhom jiġu pprovduti b’mod konformi mad-dispożizzjonijiet dwar l-użu u l-iskambju tad-dejta u l-informazzjoni tal-SST stabbiliti fl-Artikolu 9.

3.           L-Istati Membri parteċipanti, l-EUSC u l-Kummissjoni ma għandhomx ikunu responsabbli għal kwalunkwe ħsara li tirriżulta min-nuqqas jew l-interruzzjoni tal-provvista tas-servizzi tal-SST, minn dewmien fil-provvista tagħhom jew min-nuqqas ta' eżattezza tal-informazzjoni pprovduta permezz tas-servizzi tal-SST.

Artikolu 5

Azzjonijiet li għandhom jiġu appoġġati mill-programm

4.           Il-programm ta’ appoġġ għall-SST għandu jipprovdi appoġġ għall-azzjonijiet immirati lejn il-kisba tal-objettivi stabbiliti fl-Artikolu 3, previsti fil-programm ta’ ħidma msemmi fl-Artikolu 6(2) u bil-kundizzjonijiet speċifiċi msemmijin fl-Artikolu 7.

5.           Il-Programm ta’ Appoġġ għall-SST ma għandux jipprovdu appoġġ għall-iżvilupp ta’ sensers tal-SST ġodda.

6.           L-Unjoni għandha tikkofinanza l-azzjonijiet imsemmijin fil-paragrafu 1, inkluż permezz ta’ għotjiet skont ir-Regolament (UE) Nru XXX/2012.

Artikolu 6

Rwol tal-Kummissjoni Ewropea

1.           Il-Kummissjoni għandha:

(a) tamministra l-fondi li għandhom jingħataw lill-programm ta’ appoġġ għall-SST u tiżgura l-implimentazzjoni tal-programm ta’ appoġġ għall-SST;

(b) tieħu l-miżuri meħtieġa biex tidentifika, tikkontrolla, timmitiga u timmonitorja r-riskji assoċjati mal-programm;

(c) tistabbilixxi, b’kooperazzjoni mas-Servizzi Ewropew għall-Azzjoni Esterna, il-mekkaniżmi ta’ koordinazzjoni meħtieġa biex tiġi żgurata s-sigurtà tal-programm.

2.           Il-Kummissjoni għandha tadotta atti ta’ implimentazzjoni li jistabbilixxu programm ta’ ħidma pluriennali għall-programm ta’ appoġġ għall-SST li jikkumplimenta, kif xieraq, il-programmi ta’ ħidma previsti fil-programmi msemmijin fl-Artikolu 11(1). Il-programm ta’ ħidma għandu jispeċifika l-objettivi li għandhom jinkisbu, ir-riżultati mistennija, l-azzjonijiet li għandhom jiġu ffinanzjati, l-iskeda ta' żmien għall-implimentazzjoni ta' dawn l-azzjonijiet, il-metodu tal-implimentazzjoni, ir-rata massima tal-kofinanzjament tal-Unjoni u l-kundizzjonijiet speċifiċi applikabbli għall-għotjiet tal-Unjoni fil-programm ta’ appoġġ għall-SST. Dawk l-atti ta' implimentazzjoni għandhom jiġu adottati skont il-proċedura ta' eżami msemmija fl-Artikolu 14(2).

Artikolu 7

Parteċipazzjoni tal-Istati Membri

1.           L-Istati Membri li jixtiequ jipparteċipaw fl-implimentazzjoni tal-objettivi stabbiliti fl-Artikolu 3 għandhom iressqu applikazzjoni lill-Kummissjoni li turi l-konformità mal-kriterji li ġejjin:

(d) il-pussess ta’ sensers tal-SST u riżorsi umani u tekniċi xierqa biex iħaddmuhom jew kapaċitajiet tal-ipproċessar tad-dejta;

(e) it-twaqqif ta’ pjan ta’ azzjoni għall-implimentazzjoni tal-objettivi stabbiliti fl-Artikolu 3.

2.           Il-Kummissjoni għandha tadotta deċiżjonijiet ta’ implimentazzjoni fir-rigward tal-konformità tal-Istati Membri mal-kriterji stabbiliti fil-paragrafu 1. Dawk l-atti ta' implimentazzjoni għandhom jiġu adottati skont il-proċedura ta' eżami msemmija fl-Artikolu 14(2).

3.           L-Istati Membri li jikkonformaw mal-kriterji stabbiliti fil-paragrafu 1 għandhom jikkonkludu l-ftehim imsemmi fl-Artikolu 10.

4.           L-Istati Membri li jikkonformaw mal-kriterji stabbiliti fil-paragrafu 1 u li huma partijiet fil-ftehim imsemmi fl-Artikolu 10 għandhom ikunu eliġibbli għal kontribuzzjoni finanzjarja mill-programm ta’ appoġġ għall-SST. Il-Kummissjoni għandha tippubblika u taġġorna l-lista tal-Istati Membri fil-websajt tagħha.

Artikolu 8

Parteċipazzjoni taċ-Ċentru Satellitari tal-Unjoni Ewropea

Iċ-Ċentru Satellitari tal-Unjoni Ewropea (EUSC) għandu jipparteċipa fl-implimentazzjoni tal-objettiv stabbilit fil-punt (c) tal-Artikolu 3 u għandu jkun eliġibbli għall-kontribuzzjoni finanzjarja mill-programm ta’ appoġġ għall-SST bil-kundizzjoni li jiġi konkluż il-ftehim imsemmi fl-Artikolu 10.

Artikolu 9

Użu u skambju tad-dejta u l-informazzjoni tal-SST

L-użu u l-iskambju tad-dejta u l-informazzjoni tal-SST għall-iskopijiet tal-implimentazzjoni tal-objettivi msemmijin fl-Artikolu 3 għandhom ikunu soġġetti għar-regoli li ġejjin:

(d) Il-kxif mhux awtorizzat ta’ dejta u informazzjoni għandu jiġi evitat filwaqt li jitħallew isiru biżżejjed operazzjonijiet u jiġi massimizzat l-użu tal-informazzjoni ġġenerata;

(e) is-sigurtà tad-dejta tal-SST għandha tiġi żgurata;

(f) L-informazzjoni ġġenerata fil-qafas tal-programm ta’ appoġġ għall-SST għandha tkun disponibbli fuq bażi ta' x'hemm bżonn li jiġi magħruf, skont l-istruzzjonijiet u r-regoli ta' sigurtà ta' min jagħti l-informazzjoni u tas-sid tal-oġġett spazjali kkonċernat.

Artikolu 10

Koordinazzjoni tal-attivitajiet operattivi

L-Istati Membri li jikkonformaw mal-kriterji stabbiliti fl-Artikolu 7(1) u l-EUSC għandhom jikkonkludu ftehim li jistabbilixxi r-regoli u l-mekkaniżmi għall-kooperazzjoni tagħhom fl-implimentazzjoni tal-objettivi stabbiliti fl-Artikolu 3. B’mod partikolari, dak il-ftehim għandu jinkludi dispożizzjonijiet dwar dan li ġej:

(g) l-użu u l-iskambju tad-dejta u l-informazzjoni tal-SST filwaqt li jitqiesu r-rakkomandazzjonijiet "Politika tad-dejta dwar l-Għarfien tas-Sitwazzjonijiet fl-Ispazju - Rakkomandazzjonijiet dwar l-aspetti tas-sigurtà” approvati mill-Kumitat dwar is-Sigurtà tal-Kunsill[20];

(h) it-twaqqif ta’ struttura għall-immaniġġjar tar-riskji biex tiġi żgurata l-implimentazzjoni tad-dispożizzjonijiet dwar l-użu u l-iskambju sigur tad-dejta u l-informazzjoni tal-SST.

Artikolu 11

Finanzjament tal-programm ta’ appoġġ għall-SST

1.           Il-finanzjament tal-Unjoni għall-programm ta’ appoġġ għall-SST għandu jittieħed minn programmi oħra previsti fil-qafas finanzjarju pluriennali għall-2014-2020 b’konformità sħiħa mal-bażi legali tagħhom.

Il-programmi rilevanti li minnhom jista’ jittieħed il-finanzjament jinkludu l-programmi stabbiliti permezz ta’ dawn l-atti li ġejjin:

(a) Ir-Regolament (UE) Nru […] tal-Parlament Ewropew u tal-Kunsill dwar l-implimentazzjoni u l-esplojtazzjoni tas-sistemi Ewropej tar-radjunavigazzjoni bis-satellita[21], l-Artikoli 1, 3(c) u (d) u 4;

(b) Id-Deċiżjoni tal-Kunsill Nru […] li tistabbilixxi l-Programm Speċifiku li jimplimenta Orizzont 2020[22], l-Artikolu 2(2)(b) u (c), il-Parti II tal-Anness, il-punt 1.6.2(d) u il-Parti III tal-Anness, il-punt 6.3.4;

(c) ir-Regolament (UE) Nru […] tal-Parlament Ewropew u tal-Kunsill li jistabbilixxi, bħala parti mill-Fond għas-Sigurtà Interna, l-istrument għal appoġġ finanzjarju għall-kooperazzjoni tal-pulizija, il-prevenzjoni u l-ġlieda kontra l-kriminalità u l-ġestjoni tar-riskji[23], l-Artikolu 3(2)(b) u (3)(e).

2.           L-approprjazzjonijiet annwali għandhom jiġu awtorizzati mill-awtorità baġitarja fil-limiti previsti għal din l-attività fil-programmi li minnhom ittieħed il-finanzjament.

Artikolu 12

Protezzjoni tal-interessi finanzjarji tal-Unjoni

1.           Il-Kummissjoni għandha tieħu l-miżuri xierqa biex tiżgura li, meta jiġu implementati l-azzjonijiet iffinanzjati skont din id-Deċiżjoni, l-interessi finanzjarji tal-Unjoni jkunu protetti bl-applikazzjoni ta' miżuri preventivi kontra l-frodi, il-korruzzjoni u kontra kwalunkwe attività illegali oħra, permezz ta' kontrolli effettivi u, fejn jinqabdu irregolaritajiet, permezz tal-irkupru tal-ammonti mħallsa bi żball u, fejn xieraq, b'pieni effettivi, proporzjonati u dissważivi.

2.           Il-Kummissjoni jew ir-rappreżentanti tagħha u l-Qorti tal-Awdituri għandu jkollhom is-setgħa ta’ awditjar, abbażi ta’ dokumenti u kontrolli fuq il-post, fuq il-benefiċjarji, il-kuntratturi u s-sottokuntratturi kollha li rċevew fondi tal-Unjoni skont il-Programm.

L-Uffiċċju Ewropew Kontra l-Frodi (OLAF) jista’ jwettaq kontrolli u spezzjonijiet fuq il-post fil-konfront ta’ operaturi ekonomiċi li huma direttament jew indirettament ikkonċernati minn dak il-finanzjament b’konformità mal-proċeduri stabbiliti fir-Regolament tal-Kunsill (Euratom, KE) Nru 2185/96[24] bil-ħsieb li jiġi stabbilit jekk kienx hemm frodi, korruzzjoni jew kwalunkwe attività oħra illegali li taffettwa l-interessi finanzjarji tal-Unjoni Ewropea b’konnessjoni ma’ ftehim ta’ għotja jew deċiżjoni ta’ għotja jew kuntratt li jikkonċerna l-finanzjament tal-Unjoni.

Bla ħsara għall-ewwel u t-tieni sottoparagrafi, il-ftehimiet ta’ kooperazzjoni ma’ pajjiżi terzi u organizzazzjonijiet internazzjonali u l-ftehimiet ta’ għotja, id-deċiżjonijiet ta’ għotja u l-kuntratti li jirriżultaw mill-implementazzjoni ta' din id-Deċiżjoni għandhom espressament jagħtu s-setgħa lill-Kummissjoni, lill-Qorti tal-Awdituri u lill-OLAF biex iwettqu t-tali awditjar, kontrolli u spezzjonijiet fuq il-post.

3.           Il-benefiċjarju tal-appoġġ finanzjarju għall-azzjonijiet imsemmija fl-Artikolu 3 għandu jżomm disponibbli għall-Kummissjoni, għal perjodu ta' ħames snin wara l-aħħar ħlas fir-rigward ta' kwalunkwe azzjoni, id-dokumenti ta' appoġġ kollha li jirrigwardaw in-nefqa għal dik l-azzjoni.

Artikolu 13

Monitoraġġ u evalwazzjoni

1.           Il-Kummissjoni għandha timmonitorja l-implimentazzjoni tal-Programm ta' Appoġġ għall-SST.

2.           Sal-1 ta’ Lulju 2018, il-Kummissjoni għandha tippreżenta rapport ta’ evalwazzjoni dwar l-implimentazzjoni tal-Programm ta’ Appoġġ għall-SST lill-Parlament Ewropew u lill-Kunsill. Dan ir-rapport għandu jinkludi r-rakkomandazzjonijiet dwar it-tiġdid, it-tibdil jew is-sospensjoni tal-azzjonijiet appoġġati mill-Programm ta' Appoġġ għall-SST filwaqt li jitqies dan li ġej:

(d) il-kisba tal-objettivi tal-Programm ta’ Appoġġ għall-SST, mill-perspettiva tar-riżultat u tal-impatti tal-azzjonijiet appoġġati mill-Programm ta’ Appoġġ għall-SST;

(e) l-effettività tal-użu tar-riżorsi.

Artikolu 14

Proċedura ta’ Kumitat

1.           Il-Kummissjoni għandha tkun megħjuna minn kumitat. Dak il-kumitat għandu jkun kumitat skont it-tifsira tar-Regolament (UE) Nru 182/2011.

2.           Meta ssir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.

Artikolu 15

Dħul fis-seħħ

Din id-Deċiżjoni għandha tidħol fis-seħħ fl-għoxrin jum wara dak tal-pubblikazzjoni tagħha f'Il-Ġurnal Uffiċjali tal-Unjoni Ewropea.

Magħmul fi Brussell,

Għall-Parlament Ewropew                           Għall-Kunsill

Il-President                                                    Il-President

DIKJARAZZJONI FINANZJARJA LEĠIŻLATTIVA GĦALL-PROPOSTI

1.           QAFAS TAL-PROPOSTA/INIZJATTIVA

              1.1.    Titolu tal-proposta/inizjattiva

              1.2.    Qasam/oqsma tal-politika kkonċernata/i fl-istruttura ABM/ABB

              1.3.    Natura tal-proposta/inizjattiva

              1.4.    Objettiv/i

              1.5.    Bażi għall-proposta/inizjattiva

              1.6.    Tul taż-żmien u impatt finanzjarju

              1.7.    Metodu/i ta’ ġestjoni previst(i)

2.           MIŻURI TA’ ĠESTJONI

              2.1.    Regoli ta’ monitoraġġ u rappurtar

              2.2.    Sistema ta' ġestjoni u kontroll

              2.3.    Miżuri għall-prevenzjoni ta’ frodi u irregolaritajiet

3.           IMPATT FINANZJARJU STMAT TAL-PROPOSTA/INIZJATTIVA

              3.1.    Intestatura/i tal-qafas finanzjarju pluriennali u tal-linja/i baġitarja/i tan-nefqa affettwata/i

              3.2.    Impatt stmat fuq in-nefqa

              3.2.1. Sommarju tal-impatt stmat fuq in-nefqa

              3.2.2. Impatt stmat fuq l-approprjazzjonijiet operattivi

              3.2.3. Impatt stmat fuq l-approprjazzjonijiet ta’ natura amministrattiva

              3.2.4. Kompatibbiltà mal-qafas finanzjarju pluriennali attwali

              3.2.5. Parteċipazzjoni minn partijiet terzi fil-finanzjament

              3.3.    Impatt stmat fuq id-dħul

DIKJARAZZJONI FINANZJARJA LEĠIŻLATTIVA GĦALL-PROPOSTI

1.           QAFAS TAL-PROPOSTA/INIZJATTIVA

1.1.        Titolu tal-proposta/inizjattiva

Deċiżjoni tal-Parlament Ewropew u tal-Kunsill li tistabbilixxi programm ta’ appoġġ għas-sorveljanza u l-insegwiment fl-ispazju (SST)

1.2.        Qasam/oqsma tal-politika kkonċernata/i fl-istruttura ABM/ABB[25]

Titolu XX – Nefqa amministrattiva

Titolu 02 – Intrapriża u Industrija

Titolu 18 – Affarijiet Interni

1.3.        Natura tal-proposta/inizjattiva

ý Il-proposta/inizjattiva hija relatata ma’ azzjoni ġdida

¨ Il-proposta/inizjattiva hija relatata ma’ azzjoni ġdida li ssegwi proġett pilota/azzjoni ta’ tħejjija[26]

¨ Il-proposta/inizjattiva hija relatata mal-estensjoni ta’ azzjoni eżistenti

¨ Il-proposta/inizjattiva hija relatata ma’ azzjoni diretta mill-ġdid lejn azzjoni ġdida

1.4.        Objettivi

1.4.1.     L-objettiv(i) strateġiku/ċi pluriennali tal-Kummissjoni fil-mira tal-proposta/inizjattiva

L-objettiv tal-proposta huwa li jiġi stabbilit qafas għall-istabbiliment tal-istrutturi meħtieġa għas-salvagwardja tad-disponibbiltà u s-sigurtà fuq żmien twil tal-infrastrutturi u s-servizzi tal-ispazju Ewropej u dawk nazzjonali li huma essenzjali għat-tħaddim bla tfixkil tal-ekonomiji u s-soċjetajiet tal-Ewropa u għas-sigurtà taċ-ċittadini Ewropej permezz tal-għotja ta’ servizz ta’ “sorveljanza u insegwiment fl-ispazju” (SST).

B’mod aktar speċifiku, l-istruttura stabbilita għandha l-għan li żżid il-kapaċità tal-UE li

i) Tnaqqas ir-riskji relatati mal-varar ta’ inġenji tal-ispazju Ewropej;

ii) Tivvaluta u tnaqqas ir-riskji għall-operazzjonijiet fl-orbita tal-inġenji tal-ispazju Ewropej f’termini ta’ kolliżjonijiet, u biex l-operaturi tal-inġenji tal-ispazju jkunu jistgħu jippjanaw u jwettqu l-miżuri ta’ mitigazzjoni b’mod aktar effiċjenti (pereżempju manuvri aktar preċiżi għall-evitar tal-kolliżjonijiet; l-evitar ta’ manuvri mhux meħtieġa li huma riskjużi u li jnaqqsu it-tul tal-ħajja tas-satellita);

iii) Tikkontrolla d-dħul mill-ġdid mhux kontrollat tal-inġenji tal-ispazju jew tar-residwu spazjali tagħhom fl-atmosfera tad-Dinja u tipprovdi twissijiet bikrija aktar preċiżi u effiċjenti lill-amministrazzjonijiet nazzjonali ta’ sigurtà u ta’ protezzjoni ċivili/ġestjoni tad-diżastri, sabiex jitnaqqsu r-riskji potenzjali għas-sigurtà u s-saħħa taċ-ċittadini Ewropej u tiġi mitigata l-ħsara potenzjali lill-infrastruttura terrestri kruċjali.

Għalhekk, din il-proposta tikkontribwixxi għall-iżgurar tas-suċċess tal-programmi ewlenin tal-UE Galileo, EGNOS u Copernicus/GMES li huma parti integrali mill-Istrateġija Ewropa 2020 u l-politiki għat-tkabbir sostenibbli.

1.4.2.     Objettiv/i speċifiku/ċi u l-attività/ajiet ABM/ABB ikkonċernata/i

Objettiv speċifiku Nru 1

Jiġi stabbilit il-qafas regolatorju għat-twaqqif u t-tħaddim ta’ funzjoni tas-sensers tal-SST (netwerk ta’ sensers tal-SST fil-pussess tal-Istati Membri), u ta’ funzjoni tal-ipproċessar

Objettiv speċifiku Nru 2

Jiġi stabbilit il-qafas regolatorju għat-twaqqif u t-tħaddim tas-servizzi tal-SST lill-operaturi pubbliċi u privati tal-inġenji tal-ispazju u lill-awtoritajiet pubbliċi kkonċernati

Attività/ attivitajiet tal-ABM/ABB ikkonċernata/i

Kapitolu XX 01 – Nefqa amministrattiva allokata lill-oqsma tal-politika

1.4.3.     Riżultat(i) u impatt(i) mistenni/ja

Speċifika l-effetti li l-proposta/inizjattiva għandu jkollha fuq il-benefiċjarji/gruppi fil-mira.

Huwa mistenni li, bħala konsegwenza tal-proposta, se jiġu pprovduti servizzi effettivi u fil-ħin lill-operaturi pubbliċi u privati tal-inġenji tal-ispazju kif ukoll lill-Istati Membri li se jippermettulhom jevitaw l-impatt ekonomiku, soċjali u ambjentali li jirriżulta minn:

i) ħsarat jew tkissir ta’ inġenji tal-ispazju minħabba kolliżjonijiet bejn l-inġenji tal-ispazju u oġġetti spazjali oħra, kif ukoll dħul mill-ġdid mhux kontrollat;

ii) kostijiet minħabba mitigazzjoni mhux meħtieġa jew manuvri għall-evitar tal-kolliżjonijiet minħabba l-inċertezza tal-valutazzjonijiet tar-riskji (kull manuvra għall-evitar tal-kolliżjonijiet tqassar it-tul tal-ħajja tas-satellita);

iii) ħsarat jew tkissir fid-Dinja minħabba dħul mill-ġdid mhux kontrollat tal-inġenji tal-ispazju jew ir-residwi tagħhom.

1.4.4.     Indikaturi tar-riżultati u tal-impatt

Speċifika l-indikaturi għall-monitoraġġ tal-implimentazzjoni tal-proposta/inizjattiva.

L-indikaturi tar-riżultati u tal-impatt tal-programmi li minnhom se jittieħed il-finanzjament għall-programm ta’ appoġġ għall-SST se japplikaw kif xieraq. Meta dawn ma jkunux speċifiċi biżżejjed biex jimmonitorjaw l-implimentazzjoni tal-proposta, jistgħu jiġu applikati l-indikaturi ta’ hawn taħt:

Skont il-qafas regolatorju stabbilit b’din il-proposta, grupp ta’ Stati Membri parteċipanti li għandhom kapaċitajiet rilevanti għandu jieħu azzjoni biex jimplimenta l-objettivi tal-programm ta’ appoġġ stabbilit fl-Artikolu (3)(a) u (b), jiġifieri t-twaqqif u t-tħaddim tal-funzjoni tas-sensers tal-SST u l-funzjoni tal-ipproċessar tal-SST skont struttura ta’ governanza xierqa.

Objettiv speċifiku Nru 1:

Indikaturi tar-riżultati relatati mat-twaqqif u t-tħaddim tas-sensers tal-SST u l-funzjoni tal-ipproċessar:

-        Il-lista tal-Istati Membri parteċipanti hija stabbilita skont l-Artikolu 7 tad-Deċiżjoni sat-tmiem tal-2014;

-        Il-funzjoni tas-sensers tal-SST (ibbażata fuq sensers fil-pussess tal-Istati Membri parteċipanti u magħmula disponibbli minnhom): it-tnedija tal-fażi operattiva inizjali sat-tmiem tal-2015;

-        Il-funzjoni tal-ipproċessar ibbażata fuq il-kapaċitajiet eżistenti tal-Istati Membri (pereżempju ċentri tad-dejta eżistenti): it-tnedija tal-fażi operattiva inizjali sat-tmiem tal-2015;

-        Katalogu ta’ oġġetti spazjali huwa stabbilit sat-tmiem tal-2015;

-        Il-funzjoni tas-sensers u tal-ipproċessar: it-tnedija tal-fażi operattiva sħiħa sat-tmiem tal-2016;

Objettiv speċifiku Nru 2:

Skont il-qafas regolatorju stabbilit b’din il-proposta, is-servizzi reali tal-SST huma pprovduti b’mod effettiv u fil-ħin lil għadd wiesa’ ta’ atturi kummerċjali/pubbliċi u privati nazzjonali u Ewropej li jkollhom bżonn informazzjoni tal-SST. Għal dan l-għan, l-Istati Membri parteċipanti msemmija fl-Artikolu 7, u ċ-Ċentru Satellitari tal-Unjoni Ewropea kif imsemmi fl-Artikolu 8, għandhom jieħdu azzjoni biex jimplimentaw l-objettiv tal-programm stabbilit fl-Artikolu 3(c), jiġifieri it-twaqqif u t-tħaddim tal-funzjoni tas-servizzi tal-SST.

Indikaturi tar-riżultati relatati mat-twaqqif u t-tħaddim tal-funzjoni tas-servizzi tal-SST:

-        Il-kapaċitajiet meħtieġa għat-twaqqif u t-tħaddim tal-funzjoni tas-servizzi tal-SST u s-servizzi tal-SST huma definiti u mifthiema b'mod formali sat-tmiem tal-2014;

-        Il-ftehim li jistipula r-regoli u l-mekkaniżmi għall-kooperazzjoni bejn l-Istati Membri u ċ-Ċentru Satellitari tal-Unjoni Ewropea jitfassal sat-tmiem tal-2014;

-        L-istandards tal-kwalità u l-mekkaniżmi għall-ġbir tar-reazzjonijiet mill-operaturi dwar il-kwalità tas-servizzi tal-SST huma stabbiliti sat-tmiem tal-2014;

-        Is-servizzi tal-SST: bidu tal-fażi operattiva inizjali fit-tmiem tal-2015 u l-fażi operattiva finali fit-tmiem tal-2016;

L-indikaturi tal-impatt għall-objettivi 1 u 2 jistgħu jinkludu:

-        In-nuqqas ta’ kolliżjonijiet;

-        In-nuqqas ta’ tfixkil għas-satelliti jew fl-operazzjonijiet tal-varar minħabba diffikultajiet jew inċertezzi fl-analiżi tar-riskji;

-        L-indikaturi tal-impatt jistgħu jinkludu r-reazzjoni pożittiva tal-operaturi u l-awtoritajiet pubbliċi fir-rigward tal-informazzjoni pprovduta permezz tas-servizzi tal-SST u l-azzjonijiet għall-mitigazzjoni tal-kolliżjonijiet imwettqa fuq il-bażi tal-informazzjoni tal-SST ipprovduta.

1.5.        Bażi għall-proposta/inizjattiva

1.5.1.     Rekwiżit(i) li jrid(u) jiġi/u ssodisfat(i) fuq medda qasira jew medda twila ta’ żmien

Is-settur tal-ispazju huwa settur strateġiku għall-Ewropa. L-ekonomija, is-soċjetà, is-sigurtà u l-indipendenza politika tal-UE jiddependu ħafna fuq sistemi u infrastrutturi bbażati fl-ispazju. Din hija r-raġuni għaliex l-UE ħadet l-impenn li twettaq proġetti tal-ispazju għaljin u fuq skala kbira bħal pereżempju Galileo, EGNOS u Copernicus. Dawn is-sistemi u l-infrastrutturi għandhom jiġu protetti kontra l-ħsara jew it-tkissir li jirriżulta minn kolliżjonijiet jew dħul mill-ġdid mhux kontrollat sabiex jiġu żgurati t-tħaddim tanġibbli tagħhom u l-għotja tas-servizzi. Tali protezzjoni hija rekwiżit permanenti.

1.5.2.     Valur miżjud tal-involviment tal-UE

Minn diskussjonijiet mal-partijiet interessati matul dawn l-aħħar snin, deher ċar li t-twaqqif ta’ servizzi tal-SST Ewropej operattivi se jirrikjedu l-intervent tal-UE.

Hemm kunsens fost il-Ministri tal-Istati Membri tal-UE u tal-Aġenzija Spazjali Ewropea (ESA) responsabbli għall-ispazju li l-iżvilupp ta’ dan is-servizz għandu jitmexxa mill-UE u mhux mill-ESA. Dan il-kunsens huwa rifless f’bosta Riżoluzzjonijiet tal-Kunsill dwar l-Ispazju (ir-Riżoluzzjoni tal-Kunsill dwar l-Ispazju tas-26 ta’ Novembru 2010, il-punt 24; il-Konklużjonijiet tal-Kunsill dwar il-Kompetittività tal-31 ta’ Mejju 2011, il-punti 14-15; ir-Riżoluzzjoni tal-Kunsill dwar l-Ispazju tas-6 ta’ Diċembru 2011, il-Kapitolu II). B’mod partikolari, l-Istati Membri jitolbu lill-UE biex tiddefinixxi l-politika tal-governanza u tad-dejta għal servizz Ewropew tal-SST, biex ikollha rwol attiv fit-twaqqif tas-servizz Ewropew, u biex tuża bl-aħjar mod is-sensers u l-għarfien espert diġà eżistenti fil-livell nazzjonali u Ewropew. L-Istati Membri kienu wkoll espliċiti ħafna dwar kif għandu jitqies it-tħassib dwar is-sigurtà: is-sensers tal-SST għandhom jibqgħu taħt kontroll nazzjonali. Il-kunfidenzjalità tal-informazzjoni tal-SST ġiet definita bħala l-prinċipju ewlieni għall-politika tad-dejta tal-SST (pereżempju l-informazzjoni kollha għandha tiġi kklassifikata u għandha tiġi deklassifikata biss fuq bażi skont il-każ).

Ir-raġuni għal tali pożizzjoni mhijiex irreġistrata b’mod formali iżda ħarġet f'bosta diskussjonijiet: Is-servizz Ewropew tal-SST għandu dimensjoni ta’ sigurtà (jippermetti li jkun hemm ġbir tal-intelliġenza dwar l-infrastruttura u l-operazzjonijiet tal-ispazju ċivili u militari tal-Istati) li l-UE, bil-kuntrarju għall-ESA, għandha l-kompetenza u hija mgħammra biex tindirizzaha. It-TFUE tagħti lill-UE l-kompetenza li tikkoordina l-ġestjoni tal-attivitajiet spazjali u t-TUE tagħti lill-UE l-kompetenza fil-kwistjonijiet tas-sigurtà bħal pereżempju dawk li jitqajmu fil-kuntest tal-SST. L-UE għandha l-kapaċità leġiżlattiva meħtieġa biex tistabbilixxi mekkaniżmi ta’ governanza u politika tad-dejta għall-SST.

L-ESA, min-naħa l-oħra, hija aġenzija tar-Riċerka u l-Iżvilupp fuq klassi dinjija mfassla biex tiddefinixxi u timplimenta programmi għall-iżvilupp tal-applikazzjonijiet xjentifiċi, teknoloġiċi u spazjali. L-ESA la hija ideata biex tagħmel ix-xogħol kumpless ta’ leġiżlazzjoni u ta’ politika li huwa meħtieġ biex tiġi stabbilita sistema tal-SST fejn l-assi huma l-aktar f’idejn il-militar, u lanqas ma tfasslet biex topera s-servizzi bbażati fl-ispazju (fatt li l-ESA nnifisha tenfasizza fid-dokumenti ta’ politika tagħha).

Possibbilment, l-Istati Membri jistgħu jistabbilixxu organizzazzjoni ġdida biex timmaniġġja l-SSA. Tali organizzazzjoni jrid ikollha ħafna mill-karatteristiċi li diġà għandha l-UE. Għalhekk tali organizzazzjoni ġdida se tiġġenera duplikazzjonijiet u ineffiċjenza. Barra minn hekk, xi Stati Membri esprimew it-tħassib li kwalunkwe soluzzjoni 'l barra mill-qafas tal-UE tista' tiġi ddominata minn dawk l-Istati Membri li llum diġà għandhom xi kapaċità f’termini ta’ sensers u ma jħallux lill-oħrajn jiżviluppaw il-kapaċità tagħhom fil-qafas ta’ servizz ġenwinament Ewropew.

Fl-aħħar nett, l-UE ma tipprovax tissostitwixxi l-inizjattivi meħuda mill-Istati Membri individwalment jew fil-qafas tal-ESA. Hija tipprova tikkumplimenta l-azzjonijiet meħuda fil-livell tagħhom u ssaħħaħ il-koordinazzjoni meta tali koordinazzjoni tkun meħtieġa biex jinkisbu l-objettivi komuni.

L-involviment tal-UE huwa meħtieġ biex jiġi aggregat l-investiment meħtieġ għall-finanzjament ta’ ċerti proġetti tal-ispazju, biex jiġu stabbiliti l-arranġamenti tal-governanza, tiġi definita politika tad-dejta u jiġi żgurat li l-kapaċitajiet eżistenti u futuri jintużaw b’mod ikkoordinat u effiċjenti filwaqt li tiġi żgurata sistema soda u interoperabbli li jibbenefikaw minnha l-partijiet interessati Ewropej rilevanti kollha.

Barra minn hekk, l-azzjoni proposta tal-UE ma tipprovax tissostitwixxi jew tirdoppja l-miżuri ta’ mitigazzjoni eżistenti fil-livell internazzjonali jew multilaterali, bħal pereżempju l-linji gwida tan-Nazzjonijiet Uniti għall-mitigazzjoni tar-residwu spazjali jew il-proposta tal-UE għal Kodiċi ta’ Kondotta internazzjonali dwar l-attivitajiet tal-ispazju. Dawn il-miżuri mhux se jsolvu l-problema, iżda jnaqqsu ż-żieda tar-residwu spazjali fit-tul.

1.5.3.     Tagħlimiet miksuba minn esperjenzi simili fil-passat

Ma hemm l-ebda esperjenza preċedenti f’dan il-qasam. Madankolu, kull fejn l-informazzjoni u d-dejta jkunu kondiviżi, il-valur miżjud huwa inkontestabbli.

1.5.4.     Koerenza u sinerġija possibbli ma’ strumenti rilevanti oħrajn

Il-proposta COM(2011) 814 finali għal Regolament dwar l-implimentazzjoni u l-esplojtazzjoni tas-sistemi Ewropej tar-radjunavigazzjoni bis-satellita ssemmi l-ħtieġa li tiġi protetta s-sistema permezz ta’ sistema tal-SSA (il-premessa 15 tal-Artikolu 3c) u tipprevedi l-finanzjament għal tali attivitajiet (Artikolu 7.1a), mingħajr ħsara għall-eżitu tal-proċedura leġiżlattiva u tal-QFP li jmiss.

Is-segment tal-ispazju ta’ Copernicus għandu ħtiġijiet simili ta’ protezzjoni. Għalhekk, Copernicus jista’ jikkontribwixxi għall-finanzjament tal-attivitajiet tal-SST skont l-eżitu tal-QFP li jmiss.

Barra minn hekk, din il-proposta hija koerenti u se toħloq sinerġiji mal-objettivi tar-riċerka dwar l-ispazju u s-sigurtà fil-qafas propost "Orizzont 2020" (COM(2011) 809 final), kif ukoll ma’ dawk dwar il-protezzjoni tal-infrastruttura kruċjali fil-“Fond għas-Sigurtà Interna” (COM(2011)753 final). Il-finanzjament huwa disponibbli għall-attivitajiet tal-SST biż-żewġ strumenti, mingħajr ħsara għall-eżitu tal-proċedura leġiżlattiva u tal-QFP li jmiss.

1.6.        Tul taż-żmien u impatt finanzjarju

ý Proposta/inizjattiva ta’ tul ta’ żmien limitat

– ý  Proposta/inizjattiva fis-seħħ mill-01/01/2014 sal-31/12/2020

– ý  Impatt finanzjarju mill-2014 sal-2020.

¨ Proposta/inizjattiva ta’ tul ta’ żmien mhux limitat

– Implimentazzjoni b’perjodu ta’ bidu minn SSSS sa SSSS,

– segwita bi tħaddim fuq skala sħiħa.

1.7.        Metodu/metodi ta’ ġestjoni previst(i)[27]

ý Ġestjoni diretta ċentralizzata mill-Kummissjoni

¨ Ġestjoni indiretta ċentralizzata b’delega tal-kompiti tal-implimentazzjoni lil:

– ¨  l-aġenziji eżekuttivi

– ¨  il-korpi stabbiliti mill-Komunitajiet[28]

– ¨  il-korpi nazzjonali tas-settur pubbliku/korpi b’missjoni ta' servizz pubbliku

– ¨  persuni fdati bl-implimentazzjoni ta' azzjonijiet speċifiċi skont it-Titolu V tat-Trattat dwar l-Unjoni Ewropea u identifikati fl-att bażiku rilevanti skont it-tifsira tal-Artikolu 49 tar-Regolament Finanzjarju

¨ Ġestjoni kondiviża mal-Istati Membri

¨ Ġestjoni deċentralizzata ma’ pajjiżi terzi

¨ Ġestjoni konġunta ma’ organizzazzjonijiet internazzjonali (li jridu jiġu speċifikati)

Jekk jiġi indikat aktar minn metodu wieħed ta’ ġestjoni, jekk jogħġbok agħti d-dettalji fit-taqsima "Kummenti".

Kummenti

2.           MIŻURI TA’ ĠESTJONI

2.1.        Regoli ta’ monitoraġġ u rappurtar

Speċifika l-frekwenza u l-kundizzjonijiet.

Il-finanzjament tal-Unjoni għall-programm ta’ appoġġ għall-SST se jittieħed minn programmi rilevanti oħra previsti fil-QFP b’konformità sħiħa mal-bażi legali tagħhom. Il-programmi rilevanti jistgħu jinkludu Galileo, Orizzont 2020 u l-Fond għas-Sigurtà Interna. Se japplikaw ir-rekwiżiti ta’ rappurtar ta’ dawn il-programmi.

Irrispettivament mir-rekwiżiti ta' monitoraġġ u rappurtar tal-programmi li jipprovdu finanzjament għall-programm tal-SST, se tiġi stabbilita sistema ta’ monitoraġġ speċifika biex tiżgura riżultati tal-aħjar kwalità u l-użu l-aktar effiċjenti tar-riżorsi. Il-monitoraġġ se jibqa' għaddej tul il-perjodu kollu tal-programm. Se jkun ibbażat fuq ir-reazzjonijiet dwar il-programm mill-benefiċjarji.

Twettqet valutazzjoni tal-impatt estiża li tintegra r-rekwiżiti ta' evalwazzjoni ex-ante. Wara li saret valutazzjoni komparattiva tal-għażliet politiċi disponibbli, l-għażla politika preferuta ġiet identifikata u ġew ivvalutati l-impatt, ir-riskji, is-suppożizzjonijiet u l-kost-effettività assoċjati magħha. Din il-proposta hija konsistenti għalkollox mal-konklużjonijiet tal-valutazzjoni.

Se titwettaq evalwazzjoni ta’ nofs is-sena tal-programm fil-ħames sena tal-implimentazzjoni tiegħu, jiġifieri fil-ħin għat-tħejjija tal-qafas finanzjarju pluriennali li jmiss. L-evalwazzjoni se tiffoka fuq ir-riżultati miksuba u l-aspetti kwalitattivi tal-implimentazzjoni tal-programm. Se titwettaq ukoll evalwazzjoni ex-post.

2.2.        Sistema ta' ġestjoni u kontroll

2.2.1.     Riskju/i identifikat/i

L-implimentazzjoni tal-ftehimiet tal-għotja ffirmati mal-Istati Membri parteċipanti u l-EUSC: Il-livell tar-riskju huwa meqjus baxx, billi l-benefiċjarji huma amministrazzjonijiet pubbliċi.

2.2.2.     Metodu/i ta’ kontroll previst(i)

Billi l-finanzjament għall-implimentazzjoni tal-programm ta’ appoġġ għall-SST se jittieħed mill-programmi eżistenti fil-QFP li jmiss, se japplikaw il-mekkaniżmi ta’ kontroll previsti f’dawn il-programmi. Irrispettivament minn dawn il-mekkaniżmi, il-ftehim tal-għotja ffirmat mal-benefiċjarji tal-programm ta’ appoġġ (l-amministrazzjonijiet pubbliċi tal-Istati Membri parteċipanti u l-EUSC) jiddefinixxi l-kundizzjonijiet li japplikaw għall-finanzjament ta’ dawn l-attivitajiet li jibbenefikaw mill-għotja, inkluż kapitolu dwar il-metodi ta’ kontroll. L-amministrazzjonijiet parteċipanti kollha impenjaw ruħhom li jirrispettaw ir-regoli finanzjarji u amministrattivi tal-Kummissjoni dwar l-ispejjeż.

Għall-Kummissjoni, id-dispożizzjonijiet tar-Regolament Finanzjarju japplikaw fir-rigward tal-verifika ex-ante tal-impenji u l-ħlasijiet mill-unità finanzjarja, kif ukoll id-dikjarazzjonijiet bil-miktub li għandhom jagħtu l-AOSD. Il-monitoraġġ amministrattiv tal-għotjiet u l-ħlasijiet relatati se jkunu r-responsabbiltà tas-servizzi ċentrali tal-Kummissjoni. Se tingħata attenzjoni partikolari għan-natura tan-nefqa (eliġibbiltà) u għall-verifika tad-dokumenti ta’ appoġġ u d-dokumentazzjoni rilevanti.

2.3.        Miżuri għall-prevenzjoni ta’ frodi u irregolaritajiet

Speċifika l-miżuri ta’ prevenzjoni u ta’ protezzjoni eżistenti jew previsti.

Billi l-finanzjament għall-implimentazzjoni tal-programm ta’ appoġġ għall-SST se jittieħed mill-programmi eżistenti fil-QFP li jmiss, il-miżuri għall-prevenzjoni ta’ frodi u irregolaritajiet previsti f’dawn il-programmi se jiġu japplikati kif xieraq. Irrispettivament minn dawn il-miżuri, il-ftehimiet li jirriżultaw minn din id-Deċiżjoni jipprevedu s-segwitu u l-kontroll finanzjarju mill-Kummissjoni jew minn kwalunkwe rappreżentant bis-setgħa, kif ukoll l-awditjar imwettaq mill-Qorti tal-Awdituri jew l-OLAF, jekk ikun meħtieġ anke fil-post.

3.           IMPATT FINANZJARJU STMAT TAL-PROPOSTA/INIZJATTIVA

3.1.        Intestatura/i tal-qafas finanzjarju pluriennali u tal-linja/i baġitarja/i tan-nefqa affettwata/i

· Linji baġitarji tan-nefqa eżistenti (mhux applikabbli)

Skont l-ordni tal-intestaturi u l-linji baġitarji tal-qafas finanzjarju pluriennali.

Intestatura tal-qafas finanzjarju pluriennali || Linja baġitarja || Tip ta' nefqa || Kontribuzzjoni

Numru [Intestatura……………………………………..] || Diff./mhux diff. || minn pajjiżi tal-EFTA || minn pajjiżi kandidati || minn pajjiżi terzi || skont it-tifsira tal-Artikolu 18(1)(aa) tar-Regolament Finanzjarju

|| [XX.YY.YY.YY] || || IVA/LE || IVA/LE || IVA/LE || IVA/LE

· Linji baġitarji ġodda mitluba

Skont l-ordni tal-intestaturi u l-linji baġitarji tal-qafas finanzjarju pluriennali.

Intestatura tal-qafas finanzjarju pluriennali || Linja baġitarja * || Tip ta' nefqa || Kontribuzzjoni

Numru [Deskrizzjoni………………………...……….] || Diff./mhux Diff. ([29]) || minn pajjiżi tal-EFTA[30] || minn pajjiżi kandidati[31] || minn pajjiżi terzi || skont it-tifsira tal-Artikolu 18(1)(aa) tar-Regolament Finanzjarju

1.1 || 02.04.01.01 [02.02.02.01] Riċerka dwar l-ispazju || Diff. || IVA || LE || IVA || LE

1.1 || 02.04.01.02 [02.02.03.02] Riċerka dwar is-sigurtà || Diff. || IVA || LE || IVA || LE

1.1 || 02.05.01 Programmi Ewropej tan-navigazzjoni bis-satellita (EGNOS u Galileo) || Diff. || IVA || LE || IVA || LE

1.1 || 02.01.05.03 Nefqa oħra ta' ġestjoni għar-riċerka || Mhux diff. || IVA || LE || IVA || LE

1.1 || 02.01.04.05 Programmi Ewropej tan-navigazzjoni bis-satellita (EGNOS u Galileo) - nefqa għall-ġestjoni amministrattiva || Mhux diff. || IVA || LE || IVA || LE

3.1 || 18.05.08 Prevenzjoni, tħejjija u ġestjoni tal-konsegwenzi tat-terroriżmu || Diff. || IVA || LE || LE || LE

5 || XX.01.01.01 Nefqa relatata mall-persunal f’impjieg attiv li jaħdmu mal-istituzzjoni || Mhux diff. || IVA || LE || LE || LE

5 || XX.01.02.01 Persunal estern li jaħdem mal-istituzzjoni || Mhux diff || IVA || LE || LE || LE

5 || XX.01.02.11 Nefqa oħra għall-ġestjoni tal-istituzzjoni || Mhux diff || IVA || LE || LE || LE

5 || XX.01.03.01 Nefqa relatata mat-tagħmir, l-għamara u s-servizzi tal-Kummissjoni || Mhux diff || IVA || LE || LE || LE

*          Il-linji baġitarji huma indikati skont il-qafas finanzjarju pluriennali 2007-2013 u bla ħsara għall-qafas finanzjarju pluriennali li ġej 2014-2020. Barra minn hekk, il-linji baġitarji tan-nomenklatura huma indikati skont il-proposti leġiżlattivi għall-Orizzont 2020, Galileo u l-Fond għas-Sigurtà Interna u jista’ jkun li jinbidlu għal dawk ekwivalenti skont in-nomenklatura finali tal-baġit.

3.2.        Impatt stmat fuq in-nefqa

3.2.1.     Sommarju tal-impatt stmat fuq in-nefqa

miljuni ta' EUR (sa tliet ċifri wara l-punt deċimali)

Intestatura tal-qafas finanzjarju pluriennali: || 1.1 || “Tkabbir Intelliġenti u Inklużiv”

DĠ: ENTR * || || || 2014 || 2015 || 2016 || 2017 || 2018 || 2019 || 2020 || TOTAL ||

Ÿ Approprjazzjonijiet operattivi || || || || || || || || ||

02.04.01.01 [02.02.02.01] || Impenji || (1) || 0,640 || 0,960 || 1,280 || 1,600 || 1,760 || 1,920 || 1,920 || 10,080 ||

Ħlasijiet || (2) || 0,640 || 0,960 || 1,280 || 1,600 || 1,760 || 1,920 || 1,920 || 10,080 ||

02.04.01.02 [02.02.03.02] || Impenji || (1) || 0,480 || 0,720 || 0,960 || 1,200 || 1,320 || 1,440 || 1,440 || 7,560 ||

Ħlasijiet || (2) || 0,480 || 0,720 || 0,960 || 1,200 || 1,320 || 1,440 || 1,440 || 7,560 ||

02.05.01 || Impenji || (1) || 2,880 || 4,320 || 5,760 || 7,200 || 7,920 || 8,640 || 8,640 || 45,360 ||

Ħlasijiet || (2) || 2,880 || 4,320 || 5,760 || 7,200 || 7,920 || 8,640 || 8,640 || 45,360 ||

Approprjazzjonijiet ta' natura amministrattiva ffinanzjati mill-pakkett għall-programmi speċifiċi[32].** || || || || || || || || ||

02.01.05.03 || || (3) || 0,072 || 0,072 || 0,072 || 0,072 || 0,072 || 0,072 || 0,072 || 0,504

02.01.04.05 || || || 0,028 || 0,028 || 0,028 || 0,028 || 0,028 || 0,028 || 0,028 || 0,196

TOTAL tal-approprjazzjonijiet għad-DĠ ENTR || Impenji || =1+1a +3 || 4,100 || 6,100 || 8,100 || 10,100 || 11,100 || 12,100 || 12,100 || 63,700 ||

Ħlasijiet || =2+2a +3 || 4,100 || 6,100 || 8,100 || 10,100 || 11,100 || 12,100 || 12,100 || 63,700 ||

* It-tabella tindika l-finanzjament għall-programm ta’ appoġġ għall-SST li għandu jittieħed mill-programmi rilevanti previsti fil-QFP li jmiss. Dawn iċ-ċifri huma indikattivi u bla ħsara għall-ftehim finali dwar id-distribuzzjoni tal-fondi fl-oqsma ta’ riċerka u l-attivitajiet tal-Orizzont 2020. Ma huwa previst l-ebda programmar mill-ġdid. L-ammonti annwali indikati għal kull linja baġitarja jirriżultaw minn tqassim tal-ammonti totali annwali meħtieġa għal din il-proposta. It-tqassim huwa bbażat fuq il-piż relattiv ta’ kull programm fir-rigward tal-ammont totali previst fil-proposti tal-Kummissjoni rispettivi (Galileo 72 %, ir-riċerka dwar l-ispazju 16 %, ir-riċerka dwar is-sigurtà 12 %). Madankollu, l-ammonti kollha huma indikattivi. Dawn jistgħu jkollhom bżonn jiġu aġġustati skont l-eżitu finali tal-proċedura leġiżlattiva dwar il-programmi rilevanti u d-diskussjonijiet dwar il-QFP li jmiss. Fl-istess linja, il-finanzjament jista’ wkoll jittieħed mill-programm Copernicus skont l-eżitu finali tad-diskussjonijiet dwar il-QFP.

** Analiżi bejn il-linji baġitarji: 72 % 02.01.05.03 u 28 % 02.01.04.05.

Intestatura tal-qafas finanzjarju pluriennali: || 3.1 || “Libertà, sigurtà u ġustizzja”

DĠ: HOME * || || || 2014 || 2015 || 2016 || 2017 || 2018 || 2019 || 2020 || TOTAL

Ÿ Approprjazzjonijiet operattivi || || || || || || || ||

18.05.08 || Impenji || (1) || 1,000 || 1,000 || 1,000 || 1,000 || 1,000 || 1,000 || 1,000 || 7,000

Ħlasijiet || (2) || 1,000 || 1,000 || 1,000 || 1,000 || 1,000 || 1,000 || 1,000 || 7,000

Approprjazzjonijiet ta' natura amministrattiva ffinanzjati mill-pakkett għall-programmi speċifiċi[33]. || || || || || || || ||

Numru tal-linja baġitarja || || (3) || 0 || 0 || 0 || 0 || 0 || 0 || 0 || 0

TOTAL tal-approprjazzjonijiet għad-DĠ HOME || Impenji || =1+1a +3 || 1,000 || 1,000 || 1,000 || 1,000 || 1,000 || 1,000 || 1,000 || 7,000

Ħlasijiet || =2+2a +3 || 1,000 || 1,000 || 1,000 || 1,000 || 1,000 || 1,000 || 1,000 || 7,000

* Il-proposta tal-Kummissjoni għal Regolament tal-Parlament Ewropew u tal-Kunsill li jistabbilixxi “bħala parti mill-Fond għas-Sigurtà Interna, l-istrument għal appoġġ finanzjarju għall-kooperazzjoni tal-pulizija, il-prevenzjoni u l-ġlieda kontra l-kriminalità u l-ġestjoni tar-riskji” (COM(2011) 753 final of 15.11.2011) tipprevedi l-finanzjament għall-protezzjoni tal-infrastruttura kruċjali. Għalhekk, il-finanzjament għall-programm ta’ appoġġ għall-SST jista’ wkoll jittieħed mill-Fond għas-Sigurtà Interna. Ma huwa previst l-ebda programmar mill-ġdid. Barra minn hekk, l-ammonti huma biss indikattivi. Jista’ jkun li jkollhom jiġu aġġustati, b’rabta mill-qrib mad-DĠ HOME, fid-dawl tal-eżitu finali tal-proċedura leġiżlattiv dwar il-programm u d-diskussjoni dwar il-QFP li jmiss.

Ÿ TOTAL tal-approprjazzjonijet operattivi || Impenji || (4) || 5,000 || 7,000 || 9,000 || 11,000 || 12,000 || 13,000 || 13,000 || 70,000

Ħlasijiet || (5) || 5,000 || 7,000 || 9,000 || 11,000 || 12,000 || 13,000 || 13,000 || 70,000

Ÿ TOTAL tal-approprjazzjonijiet ta’ natura amministrattiva ffinanzjati mill-pakkett għall-programmi speċifiċi || (6) || 0,100 || 0,100 || 0,100 || 0,100 || 0,100 || 0,100 || 0,100 || 0,700

TOTAL tal-approprjazzjonijiet taħt l-INTESTATURI minn 1 sa 4 tal-qafas finanzjarju pluriennali (Ammont ta’ referenza) || Impenji || =4+ 6 || 5,100 || 7,100 || 9,100 || 11,100 || 12,100 || 13,100 || 13,100 || 70,700

Ħlasijiet || =5+ 6 || 5,100 || 7,100 || 9,100 || 11,100 || 12,100 || 13,100 || 13,100 || 70,700

Intestatura tal-qafas finanzjarju pluriennali: || 5 || “Nefqa amministrattiva”

miljuni ta' EUR (sa tliet ċifri wara l-punt deċimali)

|| || || 2014 || 2015 || 2016 || 2017 || 2018 || 2019 || 2020 || TOTAL

DĠ: ENTR ||

Ÿ Riżorsi umani || 0.096 || 0.191 || 0.0191 || 0.0191 || 0.0191 || 0.0191 || 0.0191 || 1.242

Ÿ Nefqa amministrattiva oħra || 0.059 || 0.167 || 0.167 || 0.167 || 0.167 || 0.167 || 0.167 || 1.061

TOTAL DĠ ENTR || Approprjazzjonijiet || 0.155 || 0.358 || 0.358 || 0.358 || 0.358 || 0.358 || 0.358 || 2.303

TOTAL tal-approprjazzjonijiet taħt l-INTESTATURA 5 tal-qafas finanzjarju pluriennali || (Total tal-impenji = Total tal-ħlasijiet) || 0.155 || 0.358 || 0.358 || 0.358 || 0.358 || 0.358 || 0.358 || 2.303

miljuni ta' EUR (sa tliet ċifri wara l-punt deċimali)

|| || || 2014 || 2015 || 2016 || 2017 || 2018 || 2019 || 2020 || TOTAL

TOTAL tal-approprjazzjonijiet taħt l-INTESTATURI minn 1 sa 5 tal-qafas finanzjarju pluriennali || Impenji || 5.255 || 7.458 || 9.458 || 11.458 || 12.458 || 13.458 || 13.458 || 73.003

Ħlasijiet || 5.255 || 7.458 || 9.458 || 11.458 || 12.458 || 13.458 || 13.458 || 73.003

3.2.2.     Impatt stmat fuq l-approprjazzjonijiet operattivi

– ¨  Il-proposta/inizjattiva ma teħtieġx l-użu ta' approprazzjonijiet operattivi

– ý  Il-proposta/inizjattiva teħtieġ l-użu ta’ approprjazzjonijiet operattivi, kif spjegat hawn taħt:

Approprjazzjonijiet għall-impenji f’miljuni ta’ EUR (sa tliet ċifri wara l-punt deċimali)

Indika l-objettivi u r-riżultati ò || || || 2014 || 2015 || 2016 || 2017 || 2018 || 2019 || 2020 || TOTAL

RIŻULTATI

Tip ta’ riżultat || Kost medju tar-riżultat || Numru ta’ riżultati || Kost || Numru ta’ riżultati || Kost || Numru ta’ riżultati || Kost || Numru ta’ riżultati || Kost || Numru ta’ riżultati || Kost || Numru ta’ riżultati || Kost || Numru ta’ riżultati || Kost || Għadd totali ta’ riżultati || Kost totali

OBJETTIV SPEĊIFIKU Nru 1 It-twaqqif u t-tħaddim ta' netwerk ta' sensers u ta' funzjoni tal-ipproċessar || || || || || || || || || || || || || || || ||

- funżjoni tas-sensers || Prodott || || || 4,000 || || 5,500 || || 7,000 || || 9,000 || || 9,500 || || 10,000 || || 10,000 || || 55,000

- ipproċessar tad-dejta || Servizz || || || || || || || || ||

Sottototal tal-objettiv speċifiku Nru 1 || || || || || || || || || || || || || || || ||

OBJETTIV SPEĊIFIKU Nru 2 It-twaqqif u t-tħaddim ta’ servizzi tal-SST || || || || || || || || || || || || || || || ||

- Provvista tas-servizzi || Servizz || || || 1,000 || || 1,500 || || 2,000 || || 2,000 || || 2,500 || || 3,000 || || 3,000 || || 15,000

Sottototal tal-objettiv speċifiku Nru 2 || || || || || || || || || || || || || || || ||

KOST TOTALI || || 5,000 || || 7,000 || || 9,000 || || 11,000 || || 12,000 || || 13,000 || || 13,000 || || 70,000

3.2.3.     Impatt stmat fuq l-approprjazzjonijiet ta’ natura amministrattiva

3.2.3.1.  Sommarju

– ¨  Il-proposta/inizjattiva ma teħtieġx l-użu ta' approprazzjonijiet amministrattivi

– ý  Il-proposta/inizjattiva teħtieġ l-użu ta’ approprjazzjonijiet amministrattivi, kif spjegat hawn taħt:

miljuni ta' EUR (sa tliet ċifri wara l-punt deċimali)

|| 2014 || 2015 || 2016 || 2017 || 2018 || 2019 || 2020 || TOTAL

INTESTATURA 5 tal-qafas finanzjarju pluriennali || || || || || || || ||

Riżorsi umani || 0.096 || 0.191 || 0.191 || 0.191 || 0.191 || 0.191 || 0.191 || 1.242

Nefqa amministrattiva oħra || 0.059 || 0.167 || 0.167 || 0.167 || 0.167 || 0.167 || 0.167 || 1.061

Sottototal tal-INTESTATURA 5 tal-qafas finanzjarju pluriennali || 0.155 || 0.358 || 0.358 || 0.358 || 0.358 || 0.358 || 0.358 || 2.303

Barra mill-INTESTATURA 5[34] tal-qafas finanzjarju pluriennali || || || || || || || ||

Riżorsi umani || || || || || || || ||

Nefqa oħra ta' natura amministrattiva || || || || || || || ||

Sottototal barra mill- INTESTATURA 5 tal-qafas finanzjarju pluriennali || || || || || || || ||

TOTAL || 0.155 || 0.358 || 0.358 || 0.358 || 0.358 || 0.358 || 0.358 || 2.303

3.2.3.2.  Rekwiżiti stmati ta' riżorsi umani

– ¨  Il-proposta/inizjattiva ma teħtieġx l-użu ta' riżorsi umani

– ý  Il-proposta/inizjattiva teħtieġ l-użu ta’ riżorsi umani, kif spjegat hawn taħt:

L-istima għandha titfisser f’ammonti sħaħ (jew l-aktar sa ċifra waħda wara l-punt deċimali)

|| || 2014 || 2015 || 2016 || 2017 || 2018 || 2019 || 2020

Ÿ Karigi fil-pjan ta’ stabbiliment (uffiċjali u aġenti temporanji) ||

|| XX 01 01 01 (Kwartieri Ġenerali u Uffiċċji tar-Rappreżentanza tal-Kummissjoni) || 1 || 1 || 1 || 1 || 1 || 1 || 1

|| XX 01 01 02 (Delegazzjonijiet) || || || || || || ||

|| XX 01 05 01 (Riċerka indiretta) || || || || || || ||

|| 10 01 05 01 (Riċerka diretta) || || || || || || ||

|| Ÿ Persunal estern (f’unità Ekwivalenti għall-Full-Time: FTE)[35] ||

|| XX 01 02 01 (CA, INT, ENS mill-"pakkett globali") || 1 || 1 || 1 || 1 || 1 || 1 || 1

|| XX 01 02 02 (CA, INT, JED, LA u SNE fid-delegazzjonijiet) || || || || || || ||

|| XX 01 04 yy [36] || - fil-Kwartieri ġenerali[37] || || || || || || ||

|| - fid-delegazzjonijiet || || || || || || ||

|| XX 01 05 02 (CA, INT, SNE - Riċerka indiretta) || || || || || || ||

|| 10 01 05 02 (CA, INT, SNE - Riċerka diretta) || || || || || || ||

|| Linji baġitarji oħra (speċifika) || || || || || || ||

|| TOTAL || 2 || 2 || 2 || 2 || 2 || 2 || 2

XX huwa l-qasam tal-politika jew it-titolu tal-baġit ikkonċernat.

Ir-riżorsi umani meħtieġa se jiġu ssodisfati mill-persunal tad-DĠ li diġà huma assenjati għall-ġestjoni tal-azzjoni u/jew ġew allokati mill-ġdid fid-DĠ, flimkien ma', jekk ikun meħtieġ, kwalunkwe allokazzjoni addizzjonali li tista' tingħata lid-DĠ tal-ġestjoni taħt il-proċedura ta' allokazzjoni annwali u fid-dawl tal-limiti baġitarji.

Deskrizzjoni tal-kompiti li jridu jsiru:

Uffiċjali u aġenti temporanji || Uffiċjal AD wieħed biex imexxi l-funzjonijiet tal-Kummissjoni fil-programm bħal pereżempju l-provvista tas-segretarjat taż-żewġ kumitati (inkluża t-tħejjija tad-dokumenti li għandhom jiġu adottati), it-tħejjija tal-programm ta’ ħidma u l-baġit annwali, it-tmexxija tal-proċedura annwali tas-sussidji, l-immaniġġjar tar-relazzjonijiet internazzjonali.

Persunal estern || Aġent Kuntrattwali wieħed biex jipprovdi l-appoġġ meħtieġ lill-uffiċjal AD.

3.2.4.     Kompatibbiltà mal-qafas finanzjarju plurienneali attwali

– ý  Il-proposta/inizjattiva hija kompatibbli mal-qafas finanzjarju pluriennali attwali.

– ¨  Il-proposta/inizjattiva se tinvolvi riprogrammazzjoni tal-intestatura rilevanti fil-qafas finanzjarju pluriennali.

Spjega r-riprogrammazzjoni meħtieġa, billi tispeċifika l-linji baġitarji kkonċernati u l-ammonti korrispondenti.

– ¨  Il-proposta/inizjattiva teħtieġ l-applikazzjoni tal-istrument tal-flessibilità jew ir-reviżjoni tal-qafas finanzjarju pluriennali[38].

Spjega dak li hu meħtieġ, billi tispeċifika l-intestaturi u l-linji baġitarji kkonċernati u l-ammonti korrispondenti.

3.2.5.     Kontribuzzjonijiet minn partijiet terzi

– ¨  Il-proposta/inizjattiva ma tipprevedix kofinanzjament minn partijiet terzi

– ý  Il-proposta/inizjattiva tipprevedi l-kofinanzjament stmat hawn taħt:

Il-programm ta’ appoġġ għall-SST jipprevedi kofinanzjament mill-Istati Membri inklużi l-kontribuzzjonijiet in natura. L-ammonti eżatti jiddependu fuq l-Istati Membri parteċipanti u jridu jiġu definiti fi stadju aktar tard.

Approprjazzjonijiet f’miljuni ta' EUR (sa tliet ċifri wara l-punt deċimali)

|| Sena N || Sena N+1 || Sena N+2 || Sena N+3 || … daħħal snin daqskemm ikun meħtieġ sabiex turi t-tul ta’ żmien tal-impatt (ara l-punt 1.6) || Total

Speċifika l-korp ta' kofinanzjament || || || || || || || ||

TOTAL ta’ approprjazzjonijiet kofinanzjati || || || || || || || ||

3.3.        Impatt stmat fuq id-dħul

– ý  Il-proposta/inizjattiva ma għandha l-ebda impatt finanzjarju fuq id-dħul.

– ¨  Il-proposta/inizjattiva għandha l-impatt finanzjarju li ġej:

– ¨         fuq ir-riżorsi proprji

– ¨         fuq id-dħul mixxellanju

miljuni ta' EUR (sa tliet ċifri wara l-punt deċimali)

Linja baġitarja tad-dħul: || Approprjazzjonijiet disponibbli għas-sena baġitarja attwali || Impatt tal-proposta/inizjattiva[39]

Sena N || Sena N+1 || Sena N+2 || Sena N+3 || … daħħal il-kolonni li hemm bżonn biex turi t-tul taż-żmien tal-impatt (ara l-punt 1.6)

Artikolu …………. || || || || || || || ||

Għad-dħul mixxellanju assenjat, speċifika l-linja/i baġitarja tan-nefqa affettwat/i.

Speċifika l-metodu għall-kalkolu tal-impatt fuq id-dħul.

[1]               Ara l-Kunsill tal-Unjoni Ewropew, Riżoluzzjoni dwar il-Politika Spazjali Ewropea, Brussell, il-25 ta’ Mejju 2007, 10037/07 li nediet il-Politika Spazjali Ewropea; Riżoluzzjoni tal-Kunsill “Jitwettaq progress fil-Politika Spazjali Ewropea” tas-26 ta’ Settembru 2008 (Dokument tal-Kunsill 13569/08); Riżoluzzjoni tal-Kunsill dwar “Il-Kontribut tal-ispazju għall-innovazzjoni u l-kompetittività fil-kuntest tal-Pjan Ewropew ta' Rilanċ Ekonomiku, u aktar passi” tad-29 ta’ Mejju 2009 (10500/09); Riżoluzzjoni tal-Kunsill “Sfidi globali: Nieħdu vantaġġ sħiħ mis-sistemi spazjali Ewropej” tal-25 ta’ Novembru 2010 (16864/10); Konklużjonijiet tal-Kunsill "Lejn strateġija spazjali tal-Unjoni Ewropea għas-servizz taċ-ċittadini” tal-31 ta’ Mejju 2011; u l-Konklużjonijiet tal-Kunsill “Orjentazzjonijiet dwar il-valur miżjud u l-benefiċċji tal-ispazju għas-sigurtà taċ-ċittadini Ewropej” tas-6 ta’ Diċembru 2011 (18232/11).

[2]               Il-Kunsill tal-Unjoni Ewropea, Riżoluzzjoni “Jitwettaq progress fil-Politika Spazjali Ewropea”, Brussell, is-26 ta’ Settembru 2008, 13569/08.

[3]               Rapport tal-Parlament Ewropew dwar il-Komunikazzjoni tal-Kummissjoni dwar strateġija tal-ispazju għall-Unjoni Ewropea li hija ta’ benefiċċju għaċ-ċittadini tagħha (2011/2148(INI)).

[4]               Komunikazzjoni mill-Kummissjoni lill-Kunsill, lill-Parlament Ewropew, lill-Kumitat Ekonomiku u Soċjali Ewropew u lill-Kumitat tar-Reġjuni: “Lejn strateġija tal-ispazju tal-Unjoni Ewropea għas-servizz taċ-ċittadini”, COM(2011) 152 final tal-4.4.2011.

[5]               ĠU C , , p. .

[6]               ĠU C , , p. .

[7]               COM(2011) 152 tal-4 ta’ April 2011.

[8]               CS 13569/08, 29.09.2008.

[9]               CS 16864/10, 26.11.2010.

[10]             CS 10901/11, 31.05.2011.

[11]             ĠU C 377, 23.12.2011, p. 1.

[12]             ĠU L 196, 27.4.2008, p. 1.

[13]             ĠU L 276, 20.10.2010, p. 1.

[14]             SEC(2011) 1247 final, 12.10.2011.

[15]             Dokument tal-Kunsill 15715/11, 24.10.2011.

[16]             ĠU L 200, 25.7.2001, p. 5.

[17]             Dokument tal-Kunsill 14698/12, 09.10.2012

[18]             ĠU L 298, 26.10.2012, p. 1.

[19]             ĠU L 55, 28.2.2011, p. 13.

[20]             CS 14698/12, 09.10.2012

[21]             COM (2011) 814 final, 31.11.2011. Ir-referenza għandha tiġi aġġornata wara l-adozzjoni.

[22]             COM(2011) 811 final, 30.11.2011. Ir-referenza għandha tiġi aġġornata wara l-adozzjoni.

[23]             COM(2011) 753 final, 15.11.2011. Ir-referenza għandha tiġi aġġornata wara l-adozzjoni.

[24]             ĠU L 292, 15.11.1996, p. 2.

[25]             ABM: Ġestjoni Bbażata fuq l-Attività – ABB: Ibbaġittjar Ibbażat fuq l-Attività.

[26]             Kif imsemmi fl-Artikolu 49(6)(a) jew (b) tar-Regolament Finanzjarju.

[27]             Id-dettalji dwar il-metodi ta’ ġestjoni u r-referenzi għar-Regolament Finanzjarju jinsabu fuq is-sit tal-internet tal-baġit (BudgWeb): http://www.cc.cec/budg/man/budgmanag/budgmanag_en.html

[28]             Kif imsemmi fl-Artikolu 185 tar-Regolament Finanzjarju.

[29]             Diff. = Approprjazzjonijiet differenzjati / Mhux Diff.= Approprjazzjonijiet mhux differenzjati

[30]             EFTA: Assoċjazzjoni Ewropea tal-Kummerċ Ħieles.

[31]             Il-pajjiżi kandidati u, fejn huwa applikabbli, il-pajjiżi kandidati potenzjali mill-Balkani tal-Punent.

[32]             L-għajnuna u n-nefqa teknika u/jew amministrattiva b’appoġġ għall-implimentazzjoni ta’ programmi u/jew ta’ azzjonijiet tal-UE (dawk li kienu l-linji "BA"), ta’ riċerka indiretta, ta’ riċerka diretta.

[33]             L-għajnuna u n-nefqa teknika u/jew amministrattiva b’appoġġ għall-implimentazzjoni ta’ programmi u/jew ta’ azzjonijiet tal-UE (dawk li kienu l-linji "BA"), ta’ riċerka indiretta, ta’ riċerka diretta.

[34]             L-għajnuna u n-nefqa teknika u/jew amministrattiva b’appoġġ għall-implimentazzjoni ta’ programmi u/jew ta’ azzjonijiet tal-UE (dawk li kienu l-linji "BA"), ta’ riċerka indiretta, ta’ riċerka diretta.

[35]             CA= Aġent Kuntrattwali; INT= Persunal ta’ Aġenzija ("Intérimaire"); JED = espert żagħżugħ fid-delegazzjonijiet (“Jeune Expert en Délégation”) LA= Aġent Lokali; SNE= Espert Nazzjonali Sekondat;

[36]             Taħt il-limitu massimu għall-persunal estern skont l-approprjazzjonijiet operattivi (dawk li qabel kienu l-linji “BA”).

[37]             Essenzjalment għall-Fondi Strutturali, għall-Fond Agrikolu Ewropew għall-Iżvilupp Rurali (FAEŻR) u għall-Fond Ewropew għas-Sajd (FES).

[38]             Ara l-punti 19 u 24 tal-Ftehim Interistituzzjonali.

[39]             Fir-rigward tar-riżorsi proprji tradizzjonali (id-dazji doganali, imposti fuq iz-zokkor), l-ammonti indikati jridu jkunu ammonti netti, jiġifieri ammonti grossi wara tnaqqqis ta’ 25 % tal-kostijiet tal-ġbir.