Ir-Rapport dwar il-Mekkaniżmu ta' Twissija (AMR) huwa l-punt tat-tluq fiċ-ċiklu annwali tal-proċedura ta' żbilanċ makroekonomiku (MIP), li għandu l-għan li jidentifika u jindirizza l-iżbilanċi li jistgħu jfixklu l-funzjonament tajjeb tal-ekonomiji tal-UE u jistgħu jipperikolaw il-funzjonament tajjeb tal-Unjoni Ekonomika u Monetarja. L-AMR jidentifika l-Istati Membri li għalihom tkun meħtieġa aktar analiżi ( fil-xejra ta' reviżjoni fil-fond) sabiex jiġi deċiż jekk hemmx xi żbilanċ li jeħtieġ azzjoni politika. F'dan ir-rigward, l-AMP huwa l-ewwel strument li jgħarbel, abbażi ta' tabella ta' valutazzjoni ta' indikaturi b'livelli indikattivi, kif ukoll ta' sett ta' indikaturi awżiljarji. L-AMR mhuwiex eżerċizzju awtomatiku, u reviżjoni fil-fond ma tinbediex għax xi Stat Membru jirrapporta indikatur li jaqbeż il-limitu indikattiv, peress li l-Kummissjoni tieħu kont tal-istampa ekonomika kollha.

Huwa biss abbażi tar-reviżjonijiet fil-fond li l-Kummissjoni tikkonkludi jekk jeżistux żbilanċi u hemmx il-potenzjal għal żbilanċi eċċessivi, u tagħmel ir-rakkomandazzjonijiet ta' politika adattati. Ir-reviżjonijiet fil-fond se jiġu ppubblikati fil-ħarifa tal-2014 u se jikkontribwixxu għall-analiżi abbażi tar- rakkomandazzjonijiet speċifiċi għall-pajjiżi tas-sena d-dieħla, taħt "is-Semestru Ewropew" għall-koordinazzjoni tal-politika ekonomika.

1.         Sommarju Eżekuttiv

L-ekonomiji tal-UE qed ikomplu jagħmlu progress fil-korrezzjoni tal-iżbilanċi esterni u interni tagħhom. Dawn l-iżbilanċi, speċjalment kreditu abbundanti, defiċits u surpluses persistenti tal-kont kurrenti, telf ta' kompettitività u akkumulazzjoni ta' dejn ikkontribwew għall-kriżi. Matul l-aħħar snin, sar progress f'diversi oqsma. Partikolarment, tnaqqis fid-defiċits tal-gvern u titjib sinifikanti fil-kost tal-kompettitività, stimulati minn riformi strutturali u pressjoni tas-suq, ġew irreġistrati f'għadd ta' Stati Membri.

Madankollu, huwa meħtieġ aktar progress biex jiġu indirizzati l-iżbilanċi. L-iżbilanċi, li aggravaw il-kriżi, akkumulati għal xi diċennju, jieħdu ż-żmiem biex jingħelbu u l-politiki meħtieġa għandhom jikkontribwixxu għall-bidla strutturali tal-ekonomiji. Sa issa ftit kien hemm progress fit-tnaqqis tad-dejn privat eċċessiv, għalkemm il-flussi tal-kreditu kienu baxxi ħafna u saħansitra negattivi f'ħafna pajjiżi, it-titjib fil-pożizzjoni ta' investiment internazzjonali netta (PIIN) tal-pajjiż l-iktar imdejna kien kajman. Barra minn dan, seħħ wisq inqas bilanċjar mill-ġdid fl-Istat Membri b'surplus għoli, ħaġa li tindika livelli ineffiċjenti ta' tfaddil u investment; kif kienet rakkomandat il-Kummissjoni, tisħiħ tal-kontribuzzjoni lejn it-tkabbir tad-domanda domestika tagħhom tiffaċilita l-aġġustament kumplessiv fiż-Żona tal-Euro. Diversi pajjiżi fejn l-iżbilanċ jirrikjedi aġġustament urġenti esperjenzaw deterjorament gravi fl-impjiegi u fis-sitwazzjoni soċjali tagħhom, li żied il-qgħad u l-faqar u wassal għal diverġenzi kbar bejn l-Istati Membri

Dan ir-rapport jibda t-tielet ċiklu ta' implimentazzjoni tal-proċedura ta' żbilanċ makroekonomiku (MIP)[1]. Il-proċedura timmira lejn li tidentifika u tindirizza l-iżbilanċi li jostakolaw il-funzjonament bla intoppi tal-ekonomiji tal-Istati Membri, taż-Żona tal-Euro jew tal-UE kollha kemm hi. L-implimentazzjoni tal-MIP hija integrata fis-"Semestru Ewropew," bil-għan li tiżgura l-konsistenza mal-għodod l-oħra ta' sorveljanza ekonomika. B'dan il-mod, ingħataw rakkomandazzjonijiet xierqa lill-Istati Membri. L-Istħarriġ Annwali dwar it-Tkabbir (SAT)[2], li jiġi adottat fl-istess żmien ta' dan ir-rapport, jelabora fuq l-interkonessjonijiet bejn il-korrezzjoni tal-iżbilanċi makroekonomiċi skont il-MIP, u l-isfidi urġenti li jiġu żgurati politiki fiskali sostennibbli, jiġi restawrat is-self, jiġu promossi t-tkabbir u l-kompetittività, jiġi miġġieled il-qgħad u l-konsegwenzi soċjali tal-kriżi, u l-immodernizzar tal-amministrazzjoni pubblika. Fil-jiem li ġejjin il-Kummissjoni qiegħda wkoll tadotta opinjonijiet dwar l-abbozz tal-pjanijiet baġitarji tal-Istati Membri taż-Żona tal-Euro (ħlief dawk li huma soġġetti għal programm ta' aġġustament makroekonomiku), u fuq il-pożizzjoni fiskali taż-Żona tal-Euro. Tittrasmetti wkoll lill-Kunsill proposta għal opinjonijiet dwar il-programmi ta' sħubija ekonomika ta' diversi Stati Membri.

Ir-Rapport tal-Mekkaniżmu ta' Twissija (AMR) jidentifika l-Istati Membri li jistgħu jkunu affettwati bi żbilanċi, u li fil-konfront tagħhom għandha titwettaq aktar analiżi qabel tiġi konkluża l-eżistenza u l-persistenza ta' żbilanċi u n-natura tagħhom. F'dan ir-rigward, l-AMR hija mezz ta' tgħarbil iniżjali, ibbażat fuq tabella ta' valutazzjoni ta' indikatur b'limiti indikattivi, flimkien ma' sett awżiljarju ta' indikaturi, fil-bidu taċ-ċiklu annwali tal-koordinazzjoni tal-politika ekonomika. F'konformità mal-Komunikazzjoni "It-Tisħiħ tad-Dimensjoni Soċjali tal-Unjoni Ekonomika u Monetarja"[3], dan ir-rapport jinkludi għall-ewwel darba sett ta' indikaturi soċjali li huma utli għall-interpretazzjoni tat-tabella ta' valutazzjoni. L-analiżi aktar dettaljata se titwettaq fl-istudji fil-fond sussegwenti (IDRs). Il-Kummissjoni se tikkonkludi jekk jeżistux żbilanċi u żbilanċi eċċessivi u tagħmel ir-rakkomandazzjonijiet politiċi xierqa fuq il-bażi tal-IDRs.

Dan ir-rapport juri li huwa neċessarju li l-akkumulazzjoni u kif se jiġu riżolti l-iżbilanċi, u r-riskji relatati, fis-16-il Stat Membru jiġu analizzati f'aktar dettall. Għal xi pajjiżi l-IDRs se jelaboraw dwar is-selbiet taċ-ċiklu tal-MIP preċedenti[4], filwaqt li għal oħrajn din se tkun l-ewwel darba li l-Kummissjoni se tħejji IDR. Id-diversi Stati Membri li għalihom il-Kummissjoni beħsiebha tħejji IDR għandhom sfidi differenti u riskji potenzjali inklużi effetti li tifrix fuq sħabhom.

· Għal Spanja u s-Slovenja, l-IDRs se jivvalutaw jekk l-iżbilanċ eċċessiv jippersistix jew jissolvix, u l-kontribuzzjoni tal-politiki strutturali implimentati minn dawn il-pajjiżi biex jingħelbu dawn l-iżbilanċi;

· Għal Franza, l-Italja u l-Ungerija, Stati Membri bi żbilanċi u li għalihom il-Kummissjoni indikat il-ħtieġa li jiġu adottati azzjonijiet politiċi deċiżivi, l-IDR rispettiv se jivvaluta l-persistenza tal-iżbilanċi;

· Għall-Istati Membri l-oħra identifikati qabel bħala li qed jesperjenzaw żbilanċi (il-Belġju, il-Bulgarija, id-Danimarka, Malta, il-Pajjiżi l-Baxxi, il-Finlandja, l-Isvezja u r-Renju Unit), l-IDR se jikkontribwixxi biex jiġi vvalutat f'liema Stati Membri għadhom jippersistu l-iżbilanċi jew fejn ingħelbu. Il-Kummissjoni hija tal-fehma li ladarba l-iżbilanċi jiġu identifikati wara analiżijiet dettaljati fl-IDRs preċedenti, il-konkliżjoni li żbilanċ ingħeleb għandha wkoll issir biss wara li jitqiesu kif dovut il-fatturi rilevanti kollha f'analiżi fil-fond oħra, li potenzjalment twassal għall-għeluq tal-MIP għal xi Stati Membri;

· Se jitħejjew ukoll IDRs għall-Ġermanja u l-Lussemburgu sabiex tiġi skrutinata aħjar il-pożizzjoni esterna tagħhom u jiġu analizzati l-iżviluppi interni, u jiġi vvalutat jekk xi wieħed minn dawn il-pajjiżi huwiex jesperjenza żbilanċ;

· Finalment, huwa wkoll ġustifikat IDR għall-Kroazja, Membru ġdid tal-UE, minħabba l-ħtieġa li jinftiehmu n-natura u r-riskji potenzjali relatati mal-pożizzjoni esterna tiegħu, il-prestazzjoni kummerċjali u l-kompetittività, kif ukoll l-iżviluppi interni. 

Għall-Istati Membri li huma soġġetti għal programmi ta' aġġustamenti makroekonomiċi u li jibbenefikaw minn għajnuna finanzjarja, is-sorveljanza tal-iżbilanċi tagħhom u l-monitoraġġ tal-miżuri korrettivi ser isiru fil-kuntest tal-programmi tagħhom. Dan jikkonċerna l-Irlanda, il-Greċja, Ċipru, il-Portugall u r-Rumanija; u s-sitwazzjoni tal-Irlanda fil-kuntest tal-MIP se tiġi vvalutata wara l-konklużjoni tal-programm.

Fil-kuntest ta’ sorveljanza multilaterali u f’konformità mal-Artikolu 3(5) tar-Regolament Nru 1176/2011[5], il-Kummissjoni tistieden lill-Kunsill u lill-Grupp tal-Euro sabiex jiddiskutu dan ir-rapport. Il-Kummissjoni hija wkoll ħerqana għar-reazzjonijiet tal-Parlament Ewropew u li tikkollega kif xieraq ma’ partijiet interessati rilevanti. Il-Kummissjoni se tqis id-diskussjonijiet fil-Kunsill u l-Grupp tal-euro biex tħejji l-analiżijiet fil-fond għall-Istati Membri Dawn huma mistennija jiġu ppubblikati fir-rebbiegħa 2014, qabel il-preparazzjoni tal-Programmi Nazzjonali ta' Riforma u tar-rakkomandazzjonijiet speċifiċi għall-pajjiżi tas-"Semestru Ewropew".

2.         Progress fil-Korrezzjoni tal-Iżbilanċi

Fl-aħħar sena, il-biċċa l-kbira tal-Istati Membri tal-UE għamlu progress fil-korrezzjoni tal-iżbilanċi tagħhom. Dan ma jikkonċernax biss id-defiċits tal-kontijiet kurrenti u l-indikaturi ewlenin tal-kompetittività, iżda wkoll il-kontijiet fiskali, il-karti bilanċjali privati u s-setturi finanzjarji. Madankollu, il-pressjonijiet tad-diżingranaġġ affrontati mis-setturi privati u tal-gvern ta' ħafna Stati Membri għadhom qed ixekklu l-attività ekonomika; id-domanda domestika f'diversi ekonomiji hija mxekkla mill-ħtieġa li jiżdied it-tfaddil tal-unitajiet domestiċi u f'xi każijiet mill-iżviluppi fil-pagi, u li l-kumpaniji jnaqqsu d-dejn. Barra minn dan, il-livell baxx ta’ attività ekonomika b'konsegwenza tal-kriżi żied ir-rati tal-qgħad, u ddeterjora għadd ta' indikaturi soċjali oħra.

Il-korrezzjoni tal-iżbilanċi tikkontribwixxi biex jitjiebu l-fundamenti u għal irkupru gradwali. Fl-istess ħin, in-normalizzazzjoni progressiva fil-kundizzjonijiet ekonomiċi tgħin biex jitnaqqsu r-riskji makroekonomiċi marbuta mal-iżbilanċ. Il-prospettiva tat-tkabbir[6] issa hija aħjar milli kienet sena ilu, u l-progress fil-korrezzjoni tal-iżbilanċi makroekonomiċi esterni u interni se tiftaħ it-triq tat-tkabbir u l-konverġenza. Matul l-aħħar ftit xhur, l-aħbarijiet ekonomiċi kienu inkoraġġanti. Wara diversi kwartijiet ta' kontrazzjoni, il-PDG fit-tieni kwart kiber b'0,3 fil-mija kemm fiż-Żona tal-Euro kif ukoll fl-UE. Għat-tieni nofs tas-sena, indikaturi ewlenin qed juru sinjali ta' kontinwazzjoni f'din id-direzzjoni minkejja b'pass kajman. L-irkupru gradwali tad-domanda domestika u, sostnuta minn żidiet fil-kompetittività, l-espansjoni tal-esportazzjonijiet ukoll jikkonfermaw il-prospettiva ta' spinta fl-irkupru s-sena d-dieħla. Rigward l-oqsma differenti koperti mill-ambitu tal-MIP jistgħu jsiru dawn l-osservazzjonijiet bejn il-pajjiżi:

· Kien hemm titjib rimarkabbli fil-kontijiet kurrenti tal-Istati Membri li kien ikollhom defiċits kbar (il-Grafika 1) Dan kien partikolarment il-każ fl-Istati Membri li qed jimplimentaw programm ta' aġġustament makroekonomiku sostnut b'għanjuna finanzjarja (EL, IE, CY, PT u RO), kif ukoll fil-BG, EE, ES, LT, LV, SI u SK, jiġifieri Stati Membri li sa ftit snin ilu rreġistraw l-akbar defiċits fil-kontijiet kurrenti u kien għaddejjin minn żviluppi mhux sostennibbli. Minkejja li titjib konsiderevoli fil-kontijiet esterni tagħhom irriżulta minn tnaqqis fl-importazzjonijiet, li oriġina minn tnaqqis fid-domanda domestika u bdil fl-infiq, kien hemm ukoll riżultati tajbin f'termini ta' esportazzjoni. It-titjib fil-pożizzjoni esterna tal-Istati Membri li kienu jirreġistraw defiċits kbar jinkludi komponenti ċikliċi u mhux ċikliċi. Hemm evidenza li t-titjib fil-kont kurrenti fih komponent mhux ċikliku kbir, kemm minħabba l-espansjoni fl-esportazzjonijiet kif ukoll minħabba telf fid-dħul u għalhekk tnaqqis fl-importazzjonijiet, li mhuwiex mistenni jispiċċa hekk kif jissaħħaħ l-irkupru[7]. L-aħħar aġġornament tat-tabella ta' valutazzjoni għadu juri indikatur għad-defiċit fil-kontijiet kurrenti (medja ta' 3 snin għall-2010-2) 'il fuq minn 4 fil-mija tal-PDG għall-PL, kif ukoll għall EL, CY, PT u RO. Madankollu, fl-2013 ES, PT, SK u SI huma mistennija jkunu f'surplus, u fl-2012 kienu biss CY u RO li kellhom defiċit ta' 4 fil-mija tal-PDG jew aktar. Fost il-pajjiżi li rreġistraw deterjorazzjoni fil-pożizzjoni esterna tagħhom fis-snin riċenti, għandha tingħata attenzjoni speċifika lil FR u UK, li issa qed jirreġistraw fost l-akbar defiċits fl-UE, għalkemm id-defiċits tagħhom huma taħt il-limitu.

Grafika 1: Defiċits (-) u Surpluses (+) tal-Kontijiet Kurrenti 2008, 2012 u 2014 (previżjoni)  (% tal-PDG)

Sors: Eurostat, servizzi tal-Kummissjoni.

· Madankollu, is-sostennibbiltà esterna tal-aktar ekonomiji vulnerabbli għadha ma ġietx ristabbilita sew (il-Grafika 2). Il-biċċa l-kbira tal-Istati Membri rreġistraw PIIN negattivi kbar. Fiż-Żona tal-Euro, dan huwa partikolarment il-każ ta' ES u EE, kif ukoll tal-erba' pajjiżi tal-programm PT, EL, IE u CY, u għal BG, HR, HU, LV li mhumiex fiż-Żona tal-Euro: kull wieħed minnhom għandu PIIN negattiv ta' aktar minn 50 fil-mija tal-PDG, u f'xi każijiet (IE, EL, PT u HU) ta' aktar mill-PDG annwali. Partikolarment il-PIIN ta' CY iddeterjora b'pass mgħaġġel ħafna fl-aħħar snin. Il-PIIN ta' CZ, LT, PL, SK u SI, kif ukoll ta' RO wkoll huma aktar negattivi mil-limitu indikattiv, iżda huma stabbli. Dawn il-Istati Membri kollha (bl-eċċezzjoni tal-EL u CY) irreġistraw fil-kontijiet kurrenti tal-2013 bilanċi 'l fuq minn dawk li jistabbilizzaw l-obbligazzjonijiet esterni tagħhom fit-termini medju. Madankollu, defiċits iżgħar jekk mhux surpluses għal perjodu fit-tul u attività ekonomika dinamika aktar attiva huma meħtieġa biex inaqqsu l-PIIN f'livelli aktar sikuri[8]. Barra minn dan, it-titjib fil-proporzjonijiet tal-PIIN għadhom ma mmaterjalizzawx fid-dejta reali f'xi pajjiż minħabba t-tkabbir nominali baxx ħafna. PIIN negattivi kbar jagħmlu l-kundizzjonijiet tal-finanzjament ta' dawn il-pajjiżi sensittivi għall-bidliet fil-prostetti ekonomiċi u għall-iskossi tas-suq. Ir-riskji relatati ma' PIIN negattiv, fosthom l-impatt fuq l-attività ekonomika u l-istabbiltà finanzjarja, jiddependu ħafna fuq il-kompożizzjoni tal-obbligazzjonijiet; f'dak ir-rigward, pajjiżi bi stokkijiet kbar ta' investiment dirett barrani eżoġenu (speċjalment BG, CZ, EE, SK, LT, LV u IE) jinsabu f'pożizzjoni aħjar minn dawk li l-PIIN negattiv tagħhom jirrifletti l-aktar dejn estern[9].

Grafika 2: Pożizzjonijiet tal-Investiment Internazzjonali Netti 2008, 2012 u 2014 (projezzjoni) (% tal-PDG)

Nota:  il-projezzjonijiet tal-2014 ma jassumu l-ebda żieda/tnaqqis fil-valwazzjoni.

Sors: Eurostat, servizzi tal-Kummissjoni.

· Għal xi Stati Membri, is-surpluses fil-kontijiet kurrenti jibqgħu għoljin ħafna, u 'l fuq sew mil-limitu indikattiv ta' 6 fil-mija tal-PDG (il-Grafika 1 u l-Kaxxa 1). Dan huwa l-każ ta' DE, LU u NL u xi ftit inqas ta' SE wkoll. Il-previżjonijiet disponibbli jissuġġerixxu li dawn is-surpluses mhux se jonqsu sostanzjalment fiż-żmien qrib. Minkejja li l-karatteristiċi strutturali jiġġustifikaw surpluses moderati persistenti f'kull wieħed minn dawn il-pajjiżi, il-livelli reġistrati fl-aħħar snin u l-previżjoni għall-2014 kollha huma 'l fuq sew mil-livelli storiċi u iżjed mill-biċċa l-kbira tal-estimi ta' x'jiġġustifikaw il-fundamenti tagħhom[10]. Peress li l-attività ekonomika fi DE soffriet inqas mill-biċċa l-kbira tal-isħab, wieħed jista' jissuspetta li s-surplus aġġustat ċiklikament tagħha huwa aktar miċ-ċifri reali, iżda dan ma jidhirx li huwa l-każ ta' NL. Is-surpluses huma riżultat ta' kompetittività qawwija u speċjalizzazzjoni f'setturi li d-domanda dinjija għalihom hija aktar b'saħħitha - li huma żviluppi mixtieqa -, iżda li jirriflettu wkoll domanda domestika kajmana, li fiha nfisha tirrifletti xkiel strutturali għat-tkabbir iġġenerat domestikament[11]. Żieda fl-investiment u tnaqqis fit-tfaddil kumplessiv tagħhom itejbu l-benessri ta' dawn il-pajjiżi, jikkontribwixxu għat-tkabbir sostennibbli, mingħajr ma jtellfu l-kompetittività tagħhom, aktar u aktar peress li l-pajjiżi b'surplus għandhom tendenza jkollhom proporzjonijiet ta' investiment mal-PDG inqas mill-medja tal-UE. Fl-istess ħin, is-surpluses kbar jistgħu wkoll jirriflettu ineffeċenzi fl-intermedjazzjoni finanzjarja. It-taħlita ta' dawn is-surpluses kbar u t-tnaqqis fid-defiċits deskritt hawn fuq ifissru li ż-Żona tal-Euro, li kien ikollha pożizzjoni esterna bilanċjata ċċaqalqet lejn surplus ta' aktar minn 2 fil-mija tal-PDG[12]. Dan jista' jpoġġi pressjoni fuq l-euro biex iżid il-valur vis-à-vis muniti internazzjonali oħra u jeħtieġ sforzi aktar b'saħħithom mill-pajjiż vulnerabbli biex jiddiżingranaw u jirkupraw il-kompetittività billi jaġġustaw il-kost.

· Kien hemm żidiet fil-kompetittività tal-prezzijiet u mhux tal-prezzijiet f'diversi pajjiżi, partikolarment l-aktar vulnerabbli. Fl-aħħar aġġornament tat-tabella ta' valutazzjoni tal-MIP, għall-kuntrarju tas-sitwazzjoni ta' ftit snin ilu biss, l-ebda Stat Membru (ħlief LU) ma rreġistra żieda fl-ispiża ta' unità lavorattiva nominali (ULC) lil hinn mil-limitu indikattiv[13]. Fil-pajjiżi bl-ikbar żidiet dinamiċi fil-passat, kien hemm tnaqqis tanġibbli fi ES, LV u LT, kif ukoll fi IE u EL[14]. L-irkupru fil-kompetittività huwa fundamentali għall-proċess ta’ aġġustament tal-ekonomiji bl-ikbar sfidi fis-sostennibbiltà esterna. Mingħajr dawn iż-żidiet, it-tnaqqis fid-defiċits tagħhom iseħħ l-aktar permezz tat-tnaqqis fl-importazzjonijiet u tnaqqis fil-livell tal-għixien. Barra minn dan, l-ebda pajjiż ma rreġistra żieda fir-rata reali effettiva tal-kambju (REER) ogħla mil-limitu indikattiv. Għal diversi Stati Membri, ir-rata ta' deprezzament tar-REER kienet lil hinn mil-limitu, minħabba l-iżviluppi fir-rata tal-kambju nominali tal-euro (u, barra ż-Żona tal-Euro, tal-muniti nazzjonali oħra). Il-kompetittività mhux tal-prezzijiet hija aktar kumplessa biex tiġi vvalutata; madankollu hemm ukoll evidenza ta' żidiet f'diversi pajjiżi, b'espansjoni tal-esportazzjonijiet tagħhom fi swieq ġodda u setturi ġodda.

· Il-prestazzjoni tal-esportazzjonijiet tjiebet f'diversi pajjiżi, iżda l-biċċa l-kbira tal-Istati Membri għadhom qed jitilfu partijiet mis-suq globalment. Matul l-aħħar ħames snin, BG, EE, LV, LT, MT, PL u wkoll RO, li flimkien ma jgħoddux għal aktar minn 5½ fil-mija tal-esportazzjonijiet tal-UE, żiedu sehemhom fis-suq, u fl-2012 LV u LT biss żiedu l-parti tagħhom. It-telf mis-suq ta' HR, CY, IT, FI kif ukoll EL kien partikolarment gravi. Madankollu, matul l-aħħar snin, il-prestazzjoni tal-esportazzjoni saret inqas eteroġenja fost il-pajjiżi tal-UE, u kien hemm titjib fil-prestazzjoni tal-esportazzjoni ta' pajjiż bħal ES u PT. Il-valutazzjoni tal-iżviluppi fis-sehem tas-suq tal-esportazzjoni għandha tqis li t-telf relattiv huwa relatat mal-espansjoni ta' ekonomiji kbar bħaċ-Ċina, il-Brażil, ir-Russja, l-Indja fost l-oħrajn. Madankollu, anki meta l-prestazzjoni titqabbel ma' ekonomiji avvanzati oħra, bħall-pajjiż tal-OECD, il-prestazzjoni tal-esportazzjoni fil-biċċa l-kbira tal-Istati Membri matul l-aħħar ħames snin ma kinitx favorevoli.

· Għadhom isiru aġġustamenti fil-karta bilanċjali f'ħafna Stati Membri iżda l-istokkijiet tad-dejn privat għadhom kbar (il-Grafika 3) Minkejja l-isforzi li għaddejjin ta' diżingranaġġ, id-dejn tas-settur privat għadu jaqbeż il-limitu indikattiv fil-biċċa l-kbira tal-Istati Membri[15]. Il-pass u l-grad tal-aġġustament li għaddej madankollu jvarja bejn il-pajjiżi. Aġġustamenti drastiċi fi ES, HU, LT u SI seħħew flimkien ma' żidiet fil-proporzjonijiet tad-dejn privat konsolidat mal-PDG fi BE, FR u FI kif ukoll fi CY u IE. L-akbar sehem mill-aġġustament tas-settur privat fl-2012 kien attribwit għad-diżingranaġġ fl-unitajiet domestiċi (l-aktar fi DK, EE u UK kif ukoll fi PT)[16].

 

· Id-dinamiki tad-diżingranaġġ huma influwenzati mill-kundizzjonijiet sottostanti tas-suq tal-kreditu u l-aċċess għall-finanzjament. Fl-2012, it-tkabbir tal-kreditu kien ġeneralment taħt il-limitu. Dan huwa relatat kemm ma fatturi tal-provvista kif ukoll tad-domanda, li mhux faċli tiddistingwixxihom. Il-banek naqqsu l-karta bilanċjali tagħhom f'diversi pajjiżi, kif rifless fl-indikatur tal-obbligazzjonijiet tas-settur finanzjarju. Kreditu nett li kien qed jonqos fl-2012 fil-pajjiżi tal-programm EL, IE u PT ippreżenta waqfa addizzjonali fl-attività ekonomika, b'hekk żied temporarjament il-proporzjon tad-dejn tagħhom permezz ta' effett ta' denominatur; cirkwit ta' feedback negattiv bejn pressjonijiet ta' diżingranaġġ meħtieġ u attività ekonomika għadhom jikkostitwixxu sors ta' tħassib f'xi pajjiżi. Għall-kuntrarju, l-aġġustament fi BG, DE, AT, PL u UK sar bis-saħħa ta' inqas pressjonijiet tas-suq tal-kreditu u tkabbir tal-PDG nominali akbar. L-analiżi skont is-setturi turi li fost il-pajjiżi li għaddejjin minn diżingranaġġ fis-settur tal-korporattivi, il-flussi negattivi netti ta' kreditu jidhru li huma kontributuri sinifikanti fl-ES, HU u SI kif ukoll fi EL. Diffikultajiet finanzjarji jistgħu fl-aħħar mill-aħħar iwasslu għal sottoinvestiment fl-Istati Membri vulnerabbli, idewmu l-irkupru u l-ibbilanċjar mill-ġdid tal-ekonomija lejn industriji aktar produttivi orjentati lejn l-esportazzjoni[17].

Grafika 3: Dejn mhux finanzjarju tal-Korporattivi, l-Unitajiet Domestiċi u l-Amministrazzjoni Pubblika 2012 (% tal-PDG)

Nota: L-aggregati tal-UE28 u taż-ŻE17 tad-dejn privat kostruwiti bħala medja ppeżata tad-dejta konsolidata fil-livell ta' pajjiż.

Sors: Eurostat.

· It-tnaqqis fil-prezzijiet tad-djar infirex u qabad il-pass (il-Grafika 4) Il-prezzijiet reali tad-djar[18] aġġustaw ruħhom aktar fl-2012, fejn BG, DK, ES, HU, IT, NL, SI u SK kif ukoll IE, PT u RO kellhom rati ta' tkabbir negattivi, f'konformità mal-kundizzjonijiet tal-kreditu aktar iebsa u sforzi ta' diżingranaġġ tal-unitjiet domestiċi. Fi DE, EE, LU, MT u AT biss żiedu l-prezzijiet deflatati tad-djar. Madankollu, il-korrezzjoni aċċellerat ruħha fl-2012 f'pajjiżi li diġà qed jaffrontaw waqgħa kumulata kbira wara li kienu laħqu l-quċċata tagħhom bħal BG, ES, NL, SI u wkoll CY. It-tiċkin tas-suq tal-proprjetà qed iseħħ flimkien ma' politiki lejn inċentivi ta' bbilanċjar mill-ġdid lil hinn mis-sjieda tad-djar u l-finanzjament tad-dejn tiegħu. Riformi importanti li jimmiraw lejn li jrawwmu s-swieq tal-kiri, inaqqsu l-inċentivi fiskali għal strumenti relatati mal-ipoteki jew inaqqsu l-vulnerabbiltà tal-karta bilanċjali tal-unitajiet domestiċi għax-xokkijiet fid-dħul u tar-rati tal-interessi jistgħu jikkontribwixxu biex titnaqqas il-volatilità fis-swieq tad-djar u jimmitigaw l-impatt ekonomiku tal-perjodi tajbin u ħżiena tagħhom[19].

Grafika 4: Prezzijiet tad-djar (deflatati) 2008, 2010 u 2012 (indiċi 2000=100, u.o.i.)

Nota: Minħabba d-dejta nieqsa, is-snin ta' bażi huma l-2004 għal CZ, l-2003 għal EE u SI, l-2002 għal CY, l-2006 għal SK, l-2007 għal HU u l-2008 għal PL, AT u RO. Barra minn hekk, minħabba dejta mhux sħiħa għal AT, id-djamant aħmar jirreferi għall-2011; l-informazzjoni disponibbli tindika tkabbir b'saħħtu fl-2012.

Sors: Eurostat, BĊE, OECD, BIS.

· Is-sitwazzjoni tal-impjiegi u soċjali ħżienet f'għadd ta' pajjiżi matul il-proċess ta' bbilanċjar mill-ġdid. Partikolarment, il-qgħad tassew kiber sostanzjalment f'diversi Stati Membri. ES, HR, LV, LT u SK, u wkoll EL, IE, CY u PT rreġistraw rati ta' qgħad għoljin jew għoljin ħafna (il-Grafika 5). Fi DE biss ir-rata tal-qgħad fl-2012 kienet inqas milli kienet fl-2008, u ftit Stati Membri biss irreġistraw tnaqqis fil-qgħad fl-aħħar snin. Kejl ieħor tal-qgħad, bħall-qgħad fost iż-żgħażagħ u l-qgħad għal perjodu twil ta' zmien ukoll żdied sostanzjalment, partikolarment fl-EL u ES u wassal għal diverġenzi kbar fl-UE. Attività ekonomika dgħajfa u, f’ċerti każijiet, it-tiċkin ta' setturi importanti li jirrikjedu ħafna ħaddiema bħall-kostruzzjoni (pereż. fi ES u SI, u IE) huma parti mill-proċess ta’ aġġustament li jwassal għal ċaqliq fir-riżorsi mis-settur mhux kummerċjabbli għal dak kummerċjabbli u l-bidla tan-nefqa għal oġġetti prodotti lokalment. Xorta, filwaqt li r-riallokazzjoni tar-riżorsi ma tistax tiġi evitata u hija mixtieqa, il-proċess mhuwiex bla spejjeż. Ma' dan, il-livell għoli tal-qgħad jindika sottoprestazzjoni tal-ekonomija kumplessiva, id-deprezzament tal-kapital uman u prosettivi ta' tkabbir potenzjali aktar baxxi. Riformi f'diversi direzzjonijiet, kemm fis-suq tax-xogħol u fis-swieq tal-produzzjoni jgħinu biex jagħmlu l-proċess eħfef, iżda ż-żidiet fil-qgħad kienu sustanzjali sew u qabżu l-quċċata preċedenti f'ħafna Stati Membri. Biex jitqiesu aħjar l-impatt tal-iżbilanċi u tal-aġġustament, żdiedu għadd ta' indikaturi soċjali mal-indikaturi awżiljarji għall-qari ekonomiku tat-tabella ta' valutazzjoni. Ir-rata tal-qgħad turi deterjorament fit-tqabbil fis-suq tax-xogħol; rati dejjem ogħla ta' qgħad fuq perjodu twil ta' żmien u taż-żgħażagħ, inattività, faqar u esklużjoni soċjali jindikaw sottoużu tar-riżorsi u deterjorament tal-koeżjoni soċjali.

Grafika 5: Rata tal-qgħad 2008, 2012 u 2014 (previżjoni)

Sors: Servizzi tal-Kummissjoni.

· Il-mobbiltà tax-xogħol intra-UE qed tiżdied. Fl-2012, il-migrazzjoni intra UE kienet ta' 6½ miljuni, żieda ta' 200 000 meta mqabbel mal-2011, li dejjem aktar tirrifletti s-sitwazzjoni tas-suq tax-xogħol. Fi LV u LT, b'rilfessjoni ta' xi titjieb fis-suq tax-xogħol, il-migrazzjoni negattiva netta kienet aktar moderata mis-snin ta' qabel. B'kuntrast, fi PT u ES, żidiet fir-rati tal-qgħad wasslu għal aċċellerazzjoni tal-flussi netti ta' migrazzjoni 'l barra fiż-żewġ pajjiżi, għalkemm dan jinkludi sa grad konsiderevoli r-ritorn ta' migranti mhux mill-UE. Fl-istess waqt, pajjiżi b'rati ta' qgħad relattivament baxxi bħal DE, AT u SE komplew jirreġistraw żidiet fl-immigrazzjoni netta. Il-migrazzjoni jista' jkollha rwol fl-aġġustament billi tiffaċilita r-riallokazzjoni tal-ħaddiema minn żoni affettwati mill-qgħad lejn żoni fejn id-domanda għall-ħaddiema hija b'saħħitha. Madankollu, pajjiżi li qed jesperjenzaw flussi netti ta' migrazzjoni 'l barra għandhom bżonn ikomplu jimplimentaw politiki biex itejbu t-tkabbir potenzjali tagħhom ħalli fuq perjodu medju ta' żmien, jiksbu l-ħila jiġbdu lejnhom ħaddiema b'ħiliet speċjalizzati li jista' jkun li qed jitilfu matul din il-fażi ta' aġġustament.

3.         Kummentarji speċifiċi għall-pajjiżi dwar il-qari tat-tabella ta’ valutazzjoni

Il-kummentarji ta’ hawn taħt ma jkoprux l-Istati Membri li huma suġġetti għas-sorveljanza skont il-programmi ta’ aġġustament makroekonomiku appoġġati minn assistenza finanzjarja[20]. Dawn jirrigwardaw il-Greċja, Ċipru, il-Portugall u r-Rumanija, il-każ tal-Irlanda huwa dikuss f'dan ir-rapport, madankollu s-sitwazzjoni tagħha fil-kuntest tal-MIP se tiġi vvalutata fi tmiem l-assistenza finanzjarja li għaddejja attwalment, li tiġi fi Frar 2014.

Il-Belġju: F'April 2013, il-Kummissjoni kkonkludiet li l-Belġju kien qed jesperjenza żbilanċi makroekonomiċi b'mod partikolari fil-kompetittività u fil-livelli ta' dejn, marbutin b'mod speċjali mal-implikazzjonijiet għall-ekonomija reali tad-dejn għoli tal-gvern. Fit-tabella ta' valutazzjoni aġġornata, xi indikaturi, l-istess bħas-sena li għaddiet, qabżu l-livelli indikattivi tagħhom, u dawn huma t-telf f'ishma tas-suq tal-esportazzjoni, kif ukoll fis-settur tad-dejn privat u pubbliku. It-tendenza fuq terminu twil ta' telf f'ishma tas-suq tal-esportazzjoni kompliet tikber fl-2012, b'implikazzjonijiet fuq l-iżvilupp kontinwu negattiv fil-bilanċ kummerċjali. Il-pożizzjoni tal-kont kurrenti kompliet tiddeterjora, u issa tagħmel ftit telf. Madankollu l-NIIP għadha stabbli u pożittiva. Dwar il-kompetittività tal-ispiża, l-indikaturi disponibbli juru naqra stabbiltà. Madankollu, filwaqt li l-ULC huwa taħt il-livell indikattiv, reġa' kiber fl-2012, għalkemm huwa mistenni li jimmodera ruħu fl-2013. Ir-REER iddeprezzaw kemxejn ruħhom fl-2012 skont ir-rata tal-kambju tal-euro. Fl-2012, id-dejn privat żdied u għadu 'l fuq sew mil-livell stabbilit, anki meta jiġi kkonsolidat is-self korporattiv domestiku. Id-dejn tal-gvern kompla jiżdied u huwa mistenni li jaqbeż il-100 fil-mija tal-PDG fl-2013, għalkemm huwa previst li kollox ma kollox jistabbilizza ruħu fis-snin li ġejjin. Barra minn hekk, għandhom jiġu segwiti wkoll l-obbligazzjonijiet kontinġenti għax jistgħu jħallu impatt fuq il-pożizzjoni tal-finanzi pubbliċi kif ukoll fuq l-ekonomija reali. L-obbligazzjonijiet tas-settur finanzjarju naqsu fl-2012, filwaqt li l-influwenza tas-settur niżlet għall-inqas livell f'ħames snin. Il-prezzijiet tad-djar naqsu kemm kemm fl-2012 wara li kienu ilhom stabbli sa mill-2008, u dan jindika li gradwalment qed iseħħ aġġustament. Kollox ma' kollox il-Kummissjoni taraha utli, anki meta tqis l-identifikazzjoni tal-iżbilanċi f'April, li teżamina aktar il-persitenza tal-iżbilanċi jew l-aġġustament tagħhom.

Il-Bulgarija: F'April 2013, il-Kummissjoni kkonkludiet li l-Bularija kienet qed tesperjenza żbilanċi makroekonomiċi li jinvolvu b'mod partikolari l-impatt tat-tnaqqis fl-ingranaġġ tas-settur korporattiv kif ukoll l-aġġustament kontinwu tal-pożizzjonijiet esterni, tal-kompetittività u s-swieq tax-xogħol. Fit-tabella ta' valutazzjoni aġġornata, uħud mill-indikaturi huma ogħla mil-limiti indikattivi, u dawn huma n-NIIP u l-qgħad. Ir-riskji mill-pożizzjoni esterna jidher li tnaqqsu meta mqabbel ma' ftit snin ilu. In-NIIP negattiva għadha għolja, filwaqt li d-dejn estern nett huwa sostanzjalment anqas, minħabba l-ammont ta' investiment dirett barrani (FDI). Barra minn hekk, kemm in-NIIP kif ukoll id-dejn nett estern għandhom l-istess tendenza 'l isfel, xprunata mill-aġġustament tal-kont kurrenti lejn bilanċ u mill-kontribuzzjoni pożittiva kontinwa tat-trasferimenti tal-kapital. Il-korrezzjoni tal-kont kurrenti tidher li fil-biċċa l-kbira mhix ċiklika, u kellha impatt relattivament żgħir fuq l-attività ekonomika. L-indikaturi dwar il-kompetittività tal-prezzijiet u tal-ispiża komplew jitjiebu, u jidhru li fil-ġejjieni se jsostnu t-tkabbir fl-esportazzjoni. L-indikatur nominali tal-ULC allinja ruħu mal-limiti stabbiliti tat-tabella ta' valutazzjoni sa mill-2012, abbażi ta' tnaqqis fit-tkabbir tas-salarji u żidiet fil-produzzjoni b'mod sostnut, filwaqt li juri wkoll it-tnaqqis fl-għadd tal-impjegati. It-tnaqqis fl-ingranaġġ tas-settur privat għadu għaddej. Id-dejn korporattiv mhux finanzjarju huwa relattivament għoli fil-Bulgarija meta pparagunat ma' dak ta' pajjiżi bħalha, għalkemm il-biċċa l-kbira tiegħu jirriżulta minn self transfruntier ta' bejn il-kumpaniji. Il-kreditu li għadu baxx jirrifletti l-irkupru ekonomiku kajman. Is-suq tax-xogħol għadu dgħajjef u l-qgħad, inkluż dak taż-żgħażagħ u dak fuq terminu twil, kompla jiżdied, għalkemm jidher li fl-2013 qed ibatti. Il-faqar u l-esklużjoni soċjali żdiedu wkoll f'dawn l-aħħar snin, u r-rata tal-NEET[21] hija l-ogħla fl-UE. Kollox ma' kollox il-Kummissjoni taraha utli, anki meta tqis l-identifikazzjoni tal-iżbilanċi f'April, li teżamina aktar il-persistenza tal-iżbilanċi jew l-aġġustament tagħhom.

Ir-Repubblika Ċeka: Fis-sessjonijiet preċedenti tal-MIP, ma nstabx li r-Repubblika Ċeka kienet qed tesperjenza xi żbilanċ. Fit-tabella ta' valutazzjoni aġġornata, l-NIIP hija negattiva u għadha ma laħqitx il-livell indikattiv. Dan l-indikatur kompla jiddeterjora minħabba defiċit fil-kont kurrenti, li kien bejn 2½-3 fil-mija tal-PDG, iżda huwa mistenni jonqos fis-snin li ġejjin. Ir-riskji relatati mal-pożizzjoni esterna għadhom limitati billi l-obbligazzjonijiet barranin huma ġġustifikati mill-FDI, u bħala konsegwenza d-dejn nett estern huwa baxx ħafna. Filwaqt li l-FDI għen sabiex titjieb il-prestazzjoni tal-esportazzjoni fil-bidu tas-seklu, iż-żieda fl-ishma tas-suq tal-esportazzjoni naqsu b'mod sostanzjali u saħansitra saru telf moderat fl-2010-2. Indikaturi mal-ekonomija kollha tal-kompetittività bħall-REER u l-UCL sa issa għadhom ma tjibux biżżejjed sabiex ikun hemm prospetti aħjar għall-prestazzjoni tal-esportazzjoni fis-snin li ġejjin. Mill-aspett intern, il-fluss 'il ġewwa ta' kapital barrani kkontribwixxa għal tkabbir rapidu fil-prezz reali tad-djar qabel il-kriżi. Filwaqt li l-korrezzjoni kontinwa fil-prezzijiet ma affettwatx is-sodizza tas-settur finanzjarju, it-tkabbir fil-kreditu kien kajman għal numru ta' snin. Madankollu, il-proporzjon tad-dejn tas-settur privat għadu konsiderevolment taħt il-limitu tal-indikatur. Kollox ma kollox is-suq tax-xogħol irreżista sew id-dgħufija reċenti fl-atttivita ekonomika, bir-rata tal-qgħad togħla għal 7 fil-mija fl-2012. Madankollu, il-qgħad taż-żgħażagħ (19½ fil-mija fl-2012), għalkemm anqas sew mill-medja tal-UE, aktar minn irdoppja sa mill-2008 u mhux mistenni li jitjieb qabel mal-attività ekonomika terġa' tirranka. Kollox ma' kollox, il-Kummissjoni f'dan l-istadju mhix sejra twettaq aktar analiżi approfondita fil-każ tal-MIP.

Id-Danimarka: F'April 2013, il-Kummissjoni kkonkludiet li d-Danimarka kienet qed tesperjenza żbilanċi makroekonomiċi li jinvolvu livell għoli ta' dejn fuq id-djar u aġġustament kontinwu fis-suq tad-djar. Fit-tabella ta' valutazzjoni aġġornata, l-istess indikaturi bħal tas-sena li għaddiet huma ogħla mil-livell indikattiv, u dawn huma d-dejn tas-settur privat u t-telf fl-ishma tas-suq tal-esportazzjoni. Tal-aħħar għandhom x'jaqsmu mad-deterjorament tal-kompetittività tul l-aħħar deċennju. Madankollu l-moderazzjoni attwali fit-tkabbir tal-pagi u fil-UCL nominali, kif ukoll id-deprezzament fir-REER, huma mistennija jsostnu l-irkupru li diġà beda għaddej tal-kompetittività. Il-kont kurrenti kien f'livell pożittiv għal aktar minn żweġ deċennji, u s-surplus attwalment qiegħed viċin il-livell għoli tat-tabella ta' valutazzjoni, filwaqt li l-NIIP kompliet tissaħħaħ. Iż-żieda fil-prezzijiet tad-djar fis-snin ta' qabel l-2008 ressqet id-dejn tad-djar lejn livelli għoljin. Id-dejn tas-settur privat għaldaqstant huwa ogħla sew mil-livell limitu, iżda qabad nieżel 'l isfel sa mill-2009. Barra minn hekk, il-konċentrazzjoni tad-dejn f'unitajiet domestiċi bi dħul għoli jnaqqas ir-riskji relatati ma' xokkijiet fir-rata tal-imgħax. Is-suq tad-djar għadu kajman, għalkemm il-prezzijiet reġgħu kemxejn telgħu tul l-aħħar sena. Kollox ma' kollox il-Kummissjoni taraha utli, anki meta tqis l-identifikazzjoni tal-iżbilanċi f'April, li teżamina aktar il-persistenza tal-iżbilanċi jew l-aġġustament tagħhom.

Il-Ġermanja: Fis-sessjonijiet preċedenti tal-MIP, il-Ġermanja ma nstabx li għandha xi żbilanċ. Fit-tabella ta' valutazzjoni aġġornata, għadd ta' indikaturi jeċċedu l-limiti indikattivi rispettivi, l-iktar is-surplus fil-kont kurrenti, id-deprezzament tar-REER, it-telf fl-ishma tas-suq tal-esportazzjoni u d-dejn tas-settur pubbliku. Fuq in-naħa esterna, l-indikatur li għandu x'jaqsam mal-bilanċ tal-kont kurrenti huwa ogħla sew mil-livell indikattiv u s-surplus fil-kont kurrenti Ġermaniż jikkorrispondi għas-surplus taż-Żona tal-Euro kollha, meta jiġi meqjus il-kobor tal-Ġermanja. Skont reviżjonijiet tal-istatistika, l-indikatur eċċeda l-livell limitu kull sena sa mill-2007. L-aħħar dejta trimenstrali kif ukoll il-previżjoni tal-ħarifa tal-Kummissjoni jindikaw surplus fl-2013 fl-istess livell tal-2012: 7 fil-mija tal-PDG. Għall-ġejjieni, skont l-aħħar previżjonijiet tas-servizzi tal-Kummissjoni, is-surplus mistenni jibqa' fuq il-livell indikattiv sa fejn jista' jkun previst, u dan jissuġġerixxi li mhuwiex fenomenu ċikliku b'ħajja qasira. Is-surpluses kbar huma riflessi f'NIIP pożittiva ħafna u li qed tiżdied kif ukoll f'bilanċi ta' introjtu pożittivi. Jistgħu jagħmlu pressjoni fuq l-euro biex vis-à-vis muniti oħra jogħla. Jekk din il-pressjoni sseħħ, din tagħmilha aktar diffiċli għall-pajjiżi periferiċi sabiex jirkupraw il-kompetittivita permezz ta' deprezzament intern. Is-surplus kbir jirrifletti li hemm aktar tfaddil milli investiment fil-Ġermanja. Ir-rata tat-tfaddil tal-unitajiet domestiċi hija waħda mill-ogħla fiż-Żona tal-Euro. Minkejja li d-dejn tas-settur privat (l-impriżi u l-unitajiet domestiċi) bħala kwota tal-PDG fiż-Żona tal-Euro hija t-tieni l-anqas kif ukoll hemm kundizzjonijiet favorevoli tar-rati tal-imgħax, it-tnaqqis fl-ingranaġġ tas-settur privat kompla, u għaldaqstant ma jsostnix domanda privata aktar sostnuta. Il-flussi tal-kreditu privat baqgħu moderati filwaqt li l-formazzjoni grossa tal-kapital fiss is-sena li għaddiet naqset. Rakkomandazzjonijiet preċedenti ffukaw fuq il-bżonn li jissaħħu s-sorsi domestiċi tat-tkabbir potenzjali fil-kuntest ta' prospetti demografiċi mhux favorevoli. Id-dinamika tal-pożizzjoni esterna tal-Ġermanja tirrikjedi aktar investigazzjoni sabiex jiġi mifhum aħjar fost l-oħrajn ir-rwol ta' certi fatturi domestiċi, inklużi l-flussi finanzjarji tal-bilanċi settorjali tat-tfaddil u l-investiment kif ukoll l-iżviluppi tal-kont kurrenti. L-REER li huma bbażati fuq l-HCIP iddepprezzaw fl-2010-12, l-aktar vis-à-vis imsieħba li mhumiex fiż-Żona tal-Euro, u dan jirrifletti d-deprezzament nominali tal-euro, iżda anqas vis-à-vis pari tal-euro. Dan ikkontribwixxa biex l-impriżi Ġermaniżi jkunu kompetittivi vis-à-vis il-kompetituri tagħhom mhux tal-euro. L-UCL kompla jiżdied aktar mill-medja taż-Żona tal-Euro minħabba suq tax-xogħol robust, b'żieda fil-pagi u tkabbir produttiv relattivament baxx. L-apprezzament assoċjat mal-REER korrispondenti huwa madankollu żgħir meta mqabbel mal-qligħ li kien hemm fid-deċennju ta' qabel il-kriżi. Id-dejn tas-settur tal-amministrazzjoni pubblika huwa ogħla mil-livell indikattiv iżda huwa previst li jonqos mill-2013. Il-prezzijiet tad-djar żdiedu b’mod moderat b’żidiet aktar qawwija f’ċerti żoni urbani. Kumplessivament il-Kummissjoni taraha utli li twettaq analiżi approfindta sabiex tivvaluta jekk jeżitux żbilanċi.

L-Estonja: Fis-sessjonijiet preċedenti tal-MIP, l-Estonja ma nstabx li għandha xi żbilanċ. Fit-tabella ta' valutazzjoni aġġornata, uħud mill-indikaturi għadhom ogħla mil-limiti indikattivi, fosthom l-NIIP negattiva u l-qgħad. Filwaqt li l-NIIP għadha taħt il-livell limitu b'mod sinifikanti (-54 fil-mija tal-PDG fl-2012), din qed titjieb, minkejja defiċit żgħir fil-kont kurrenti. Tal-aħħar jista' jiġi spjegat minħabba surplus kummerċjali li qed jonqos, li ġej minn xi telf fl-ishma tal-esportazzjoni, li parzjalment juri li l-UCL nominali qed jiżdied, u li d-domanda domestika qed tirkupra. Madankollu, minħabba li nofs l-obbligazzjonijiet esterni jikkonsistu f'FDI, għad hemm riskju limitat. F'termini ta' dejn estern, l-Estonja saret kreditur nett. B'mod parallel, filwaqt li l-indikatur tal-qgħad jeċċedi l-livell limitu tat-tabella ta' valutazzjoni, qed jonqos malajr, għal 9¼ fil-mija sal-aħħar tal-2013. Minkejja dan, il-qgħad fuq terminu twil għadu relattivament għoli kif għadhom ukoll indikaturi oħra relatati mal-faqar, l-esklużjoni soċjali, it-tiċħid materjali gravi u l-intensità baxxa tax-xogħol. Il-livelli ta' dejn tas-settur privat tal-pajjiż komplew jonqsu, għal 129 fil-mija tal-PDG fl-2012, sostnuti minn tkabbir nominali tal-PDG robust. Madankollu, it-tnaqqis fl-ingranaġġ tas-settur privat kważi waqaf; il-kwota ta' dejn privat li għadha relattivament għolja probabbilment fil-futur tillimita t-tkabbir tal-kreditu u se trażżan l-output tat-tkabbir fit-terminu medju. Kollox ma' kollox, il-Kummissjoni f'dan l-istadju mhix sejra twettaq aktar analiżi approfondita fil-każ tal-MIP.

L-Irlanda Sa minn Diċembru 2010 l-Irlanda kienet qed timplimenta programm ta' aġġustament makroekonomiku permezz ta' assistenza finanzjarja; il-kontroll tal-iżbilanċi u l-monitoraġġ tal-miżuri korrettivi seħħew skont dan il-kuntest u mhux skont l-MIP. Skont il-programm, l-Irlanda għamlet passi 'l quddiem biex tikkoreġi l-iżbilanċi eċċessivi tagħha. Fit-tabella ta' valutazzjoni aġġornata, diversi indikaturi huma taħt il-livell limitu, fosthom l-NIIP negattiva, id-deprezzament tal-REER, it-telf fl-ishma tas-suq tal-esportazzjoni, is-settur tad-dejn privat u pubbliku kif ukoll il-qgħad. Fir-rigward tal-iżbilanċi esterni, il-kont kurrenti ilu b'surplus sa mill-2010, iżda dan għad irid jissarraf f'titjib fl-NIIP, l-aktar bħala riżultat tal-effetti tal-valwazzjoni li huma madankollu, huma stess, sinjal ta' fiduċja fl-ekonomija. Barra minn hekk ir-riskji relatati mal-obbligazzjonijiet eserni għandhom jitpoġġew fil-perspettiva tal-istokk eżoġenu tal-FDI kbir. Il-waqgħa fil-UCL u d-deprezzament tal-REER ikkoreġew l-eċċessi tas-snin tal-prosperità u ssarfu fi qligħ kompetittiv. Bħala konsegwenza, it-telf fl-ishma tas-suq naqqas fl-2012, bil-kumplament tat-telf li jseħħ fl-isfond ta' bidla sinifikanti fix-xejra tal-esportazzjonijiet tal-merkanzija, tal-effetti ta' mediċini għall-esportazzjoni ewlenin, li se tispiċċalhom il-privattiva kif ukoll ta' bidla lejn l-esportazzjoni ta' servizzi. Fir-rigward ta' żbilanċi interni, il-prezzijiet tad-djar, li waqgħu għal ħames snin u li bħalissa huma ssottovalutati skont diversi metriċi stabbilizzaw ruħhom jew bdew jogħlew bi prudenza. Għalkemm id-dejn tas-settur privat jibqa' 'l fuq mil-livell limitu, it-tnaqqis fl-ingranaġġ għamel progress minkejja d-diffikultajiet kbar minħabba tnaqqis fl-introjtu disponibbli. B'mod parallel, il-banek kellhom iżidu l-isforzi tagħhom sabiex inaqqsu l-portafoll tas-self improduttiv, b'mod partikolari billi jikkompletaw soluzzjonijiet sostenibbli għal self ipotekarju arretrat. Is-saħħa sottostanti tal-karta bilanċjali tal-banek qed tiġi ukoll ivvalutata permezz tal-valutazzjoni komprensiva tal-programm. L-aderenza stretta mal-miri fiskali li ġew miftiehma skont il-programm tfisser li d-dejn tas-settur tal-amministrazzjoni pubblika bħala persentaġġ tal-PDG huwa previst li jilħaq il-massimu fl-2013 u wara jinżel. Għalkemm ir-rata tal-qgħad tibqa' ogħla mil-livell limitu, bdiet nieżla sa min-nofs tal-2012, meta waqgħet għal 13¼ fil-mija f'Settembru 2013 mill-massimu ta' 15 fil-mija fil-bidu tal-2012. Madankollu, il-qgħad fuq terminu twil u dak taż-żgħażagħ jibqgħu kwistjonijiet b'mod partikolari kritiċi, u l-faqar u l-esklużjoni soċjali żdiedu sew matul dawn l-aħħar ħames snin. L-assistenza finanzjarja li għaddejja u l-programm ta' aġġustament ikkontribwixxew biex inaqqsu l-iżbilanċi makroekonomiċi u biex jimmaniġġaw ir-riskji relatati. Is-sitwazzjoni tal-Irlanda fil-kuntest tal-MIP se tkun ivvalutata wara l-konklużjoni tal-programm.

Spanja: F'April 2013, il-Kummissjoni kkonkludiet li Spanja kienet qed tesperjenza żbilanċi makroekonomiċi eċċessivi, b'mod partikolai għax il-livell ta' dejn domestiku u estern għoli ħafna kompla jkun ta' theddida għat-tkabbir u għall-istabbiltà finanzjarja[22]. Barra minn hekk, minkejja ekonomija li għadha qed terġa' ssib il-bilanċ, il-kobor tal-aġġustament neċessarju u l-vulnerabilitajiet addizzjonali marbutin mal-qgħad għoli u mad-dejn tas-settur tal-amministazzjoni pubblika rrappreżentaw sfida sostanzjali sabiex tipprogredixxi, li ħtieġet kontinwament azzjoni fil-politiki. Fit-tabella ta' valutazzjoni aġġornata, diversi indikaturi huma fuq il-livell indikattiv, fosthom l-NIIP negattiva, id-deprezzament tal-REER, it-telf fl-ishma tas-suq tal-esportazzjoni, is-settur tad-dejn privat u pubbliku kif ukoll il-qgħad. L-aġġustament sinifikanti fil-kont kurrenti, misjuq minn tkabbir robust fl-esportazzjoni u minn importazzjonijiet li qed jonqsu, ġab l-indikatur tat-tabella ta' valutazzjoni taħt il-livell limitu. Fl-2013, il-kont kurrenti qed jagħti surplus, li huwa mistenn li jikber fis-snin li ġejjin. Madankollu, l-NIIP negattiv għadu ma stabbilizzax ruħu; fl-2012 iddeterjora prinċipalment minħabba l-effetti ta' valwazzjoni, u dan jista' jitqies bħala sinjal ta' fiduċja fl-ekonomija. L-irkupru fil-kompettittività kompla jaċċellera fl-2012 hekk kif il-moderazzjoni fil-pagi kompliet iżżid mal-avvanzi b'saħħithom li saru fil-produttività (għalkemm seħħew prinċipalment billi tnaqqsu l-ħaddiema) biex naqqset l-UCL. It-titjib kumulattiv fl-REER qabeż il-limitu indikattiv u qed ipaċi l-apprezzament irreġistrat fil-perjodi preċedenti. It-telf fl-ishma tas-suq tal-esportazzjoni kompla. Id-deterjorament relattiv huwa, madankollu aktar moderat meta mqabbel ma' pajjiżi aktar avvanzati. Id-dejn tal-gvern qed jiżdied b'mod rapidu minħabba d-defiċit pubbliku, ir-rikapitalizzazzjoni tal-bank u s-saldu ta' arretrati mal-fornituri. It-tnaqqis fl-ingranaġġ tas-settur privat kompla, primarjament permezz ta' flussi ta' kreditu negattivi, it-tnaqqis fl-ingranaġġ tal-unitajiet domestiċi kien kemxejn aktar kajman minn dak tal-korporattivi li jirrifletti l-maturitajiet itwal tad-dejn predominantement relatat mal-mutwu ipotekarju u inqas rikors għal proċeduri ta' insolvenza. Il-proċess ta' aġġustament fis-suq tad-djar aċċellera minħabba ammont żejjed kbir ta' proprjetajiet mhux mibjugħa u fatturi fundamentali dgħajfin. Il-prezz soċjali tal-kriżi huwa aktar u aktar dixxernibbli. Kwoti għoljin ta' qgħad fuq terminu twil kif ukoll taż-żgħażagħ u għadd dejjem jiżdied ta' unitajiet domestiċi b'intensità ta' xogħol baxxa ħafna, flimkien ma' familji bi dħul li qed jitbaxxielhom, qed ikollhom l-effett tagħhom, u qed iwasslu għall-faqar u għall-esklużjoni soċjali. Kollox ma' kollox il-Kummissjoni taraha utli, anki meta tqis l-identifikazzjoni tal-iżbilanċi f'April, li teżamina aktar il-persistenza tal-iżbilanċi tar-riskji makroekonomiċi u li tagħmel monitoraġġ fuq l-aġġustament tal-iżbilanċi.

Franza: F'April 2013, il-Kummissjoni kkonkludiet li Franza kienet qed tesperjenza żbilanċi makroekonomiċi u indikat il-ħtieġa li jiġu adottati azzjonijiet ta' politika deċiżivi. L-iżbilanċi rrigwardaw b'mod partikolari d-deterjorament fil-kont kurrenti u fil-kompetittività u fid-dejn għoli tas-settur tal-amministrazzjoni pubblika  Fit-tabella ta' valutazzjoni aġġornata, numru ta' indikaturi huma ogħla mil-livelli indikattivi tagħhom, fosthom bħas-sena li għaddiet, it-telf fl-ishma tas-suq tal-esportazzjoni, id-dejn privat u l-indikatur tad-dejn tas-settur tal-amministrazzjoni pubblika, u issa wkoll id-deprezzament tal-indikatur tal-REER. Il-kontenut tat-tabella ta' valutazzjoni għadu jindika kwistjonijiet kemm fuq in-naħa esterna kif ukoll dik interna. Franza, globalment, għadha qed titlef ishma mis-suq għalkemm ftit inqas mill-UE (jew iż-żona tal-euro). Dan it-telf huwa rifless fid-deterjorament tal-bilanċ tal-kont kurrenti u fl-NIIP negattiv, għalkemm dawn għadhom taħt il-livelli indikattivi taħhom. Din l-evoluzzjoni seħħet minkejja d-deprezzament tal-REER u UCL relattivament ikkontrollat, u din tkompli żżid l-enfasi fuq il-kompetittività mhux tal-prezz. Tabilħaqq, analiżi preċedenti ppuntaw lejn l-impatt negattiv li l-profittabilità fqira tal-kumpaniji Franċiżi qed ikollha fuq il-potenzjal ta' investiment, kif ukoll fuq il-kapaċità għall-innovazzjoni, b'detriment għall-kompetittività tagħhom. Il-profittabilità fqira tal-impriżi taffettwa wkoll fuq il-kapaċità għal tnaqqis fl-ingranaġġ, u għalhekk tikkontribwixxi għal żieda fil-livelli ta' dejn privat. Fl-istess waqt, id-dejn tal-unitajiet domestiċi għadu relattivament baxx għalkemm il-kredibbiltà kreditizja ġiet imxellfa minn tnaqqis fl-introjtu disponibbli tal-unitajiet domestiċi fil-kuntest ta' qgħad li kull ma jmur qed jiżdied. Iż-żieda fil-livell tad-dejn privat hija inkwetanti fil-kuntest tad-dejn tas-settur tal-amministrazzjoni pubblika li għadu qed jiżdied, li issa huwa aktar minn 90 % tal-PDG. Kollox ma' kollox il-Kummissjoni taraha utli, anki meta tqis l-identifikazzjoni tal-iżbilanċi f'April, li teżamina aktar ir-riskji involuti jekk jippersistu l-iżbilanċi.

Il-Kroazja ssieħbet mal-UE fl-1 ta' Lulju 2013. Fit-tabella ta' valutazzjoni tal-MIP għadd ta' indikaturi huma ogħla mil-livelli indikattivi, l-iktar l-NIIP, it-telf fis-sehem tas-suq tal-esportazzjoni u r-rata tal-qgħad. L-NIIP negattiv viċin id-90 fil-mija tal-PDG fl-aħħar tal-2012 huwa prinċipalment ir-riżultat ta' akkumulazzjoni ta' defiċit fil-kont kurrenti qabel il-kriżi globali. Sa mill-bidu tal-kriżi globali, il-kont kurrenti fl-2012 gradwalment aġġusta ruħu għal pożizzjoni kważi bbilanċjata, u dan jirrifletti fil-biċċa l-kbira tnaqqis fid-domanda domestika, filwaqt li l-prestazzjoni tal-esportazzjoni kienet dgħajfa. Żieda fil-ULC, flimkien ma' speċjalizzazzjoni fi prodott li mhux favorevoli u orjentazzjoni ġeografika tal-esportazzjonijiet, wasslu għal tnaqqis sostanzjali fl-ishma tas-suq tal-esportazzjoni. Il-flussi 'l ġewwa tal-kapital fil-perjodu ta' qabel il-kriżi akkumulaw id-dejn tas-settur privat, għalkemm reċentement il-proporzjon tad-dejn privat beda jillivella ruħu u niżel għal taħt il-livell indikattiv fl-aħħar tal-2012. Is-sehem tas-self improduttiv żdied b'mod sinifikanti mill-2008, prinċipalment fis-settur korporattiv, kif ukoll minħabba servizz tad-dejn ogħla għall-unitajiet domestiċi li kienu esposti għas-self denominat mill-Frank Svizzeru Il-pressjoni tat-tnaqqis fl-ingranaġġ hija ta' piż għall-prospetti ta' rkupru ekonomiku. Fl-istess waqt, minħabba ekonomija li qiegħda tiċkien u n-nuqqas ta' xi aġġustament fiskali sostanzjali, id-dejn tas-settur tal-amministrazzjoni pubblika żdied malajr. Barra minn hekk, id-dejn eċċessiv tal-impriżi pubbliċi jimplika obbligazzjonijiet kontinġenti għall-gvern. Il-piż regolatorju u n-nuqqas ta' kompetizzjoni f'ħafna setturi tal-ekonomija jibqgħu impediment serju għat-tkabbir u għall-ħolqien tax-xogħol. Ir-riċessjoni fit-tul, flimkien mar-riġiditajiet fis-suq tax-xogħol kif ukoll l-ostakoli fis-sigurtà soċjali wasslu għal nuqqas fl-impjiegi, l-aktar fis-settur privat, waqt li r-rata tal-qgħad żdiedet sostanzjalment għal kważi 16 fil-mija fl-2012. Il-qgħad taż-żgħażagħ li jaqbeż il-proporzjon ta' 40 fil-mija huwa problema partikolari. Il-kwota għolja ta' qgħad fuq terminu twil tindika problemi ta' natura strutturali. L-ammont ta' nies fir-riskju tal-faqar qed jiżdied, u huwa fost l-ogħla tal-UE. Kumplessivament il-Kummissjoni taraha utli li twettaq analiżi approfondita sabiex tivvaluta jekk jeżitux żbilanċi.

L-Italja: F'April 2013, il-Kummissjoni kkonkludiet li l-Italja kienet qed tesperjenza żbilanċi makroekonomiċi u indikat il-ħtieġa li jiġu adottati azzjonijiet ta' politika deċiżivi. L-iżbilanċi kellhom x'jaqsmu b'mod partikolari mal-prestazzjoni tal-esportazzjoni u t-telf sottostanti tal-kompetittività, kif ukoll mal-livelli ta' dejn tas-settur tal-amministrazzjoni pubblika għoljin. Fit-tabella ta' valutazzjoni aġġornata uħud mill-indikaturi huma ogħla mil-livell indikattiv: it-telf tas-sehem mis-suq tal-esportazzjoni, id-deprezzament tal-REER u d-dejn tas-settur tal-amministrazzjoni pubblika. It-telf fis-sehem mis-suq għadu ogħla mil-livell indikattiv b'mod sinifikanti, u l-prestazzjoni tal-esportazzjoni titqabbel b'mod mhux favorevoli ma' dik ta' ekonomiji oħra avvanzati. L-esportazzjonijiet lejn imsieħba kummeċjali mhux taż-Żona tal-Euro ġew sostnuti permezz ta' tnaqqis sinifikanti fl-REER sa nofs l-2012, misjuqa prinċipalment mid-deprezzament nominali tal-euro. Fl-istess waqt, prestazzjoni produttiva negattiva tkompli ssostni l-UCL nominali li fl-2012 għola għall-maġġor parti tal-imsieħba kummerċjali. Tnaqqis fid-domanda domestika u tnaqqis b'mod partikolari fl-investiment, kienu l-mutur ewlieni li tejjeb il-bilanċ tal-kont kurrenti, li huwa previst li jiġi surplus fl-2013. Fuq in-naħa interna, il-livell għoli ta' dejn tas-settur tal-amministrazzjoni pubblika jibqa' dgħufija sinifikanti għall-pajjiż, b'mod partikolari meta huwa previst tkabbir dgħajjef. Fl-2012, id-dejn tas-settur tal-amministrazzjoni pubblika, bħala kwota tal-PDG għola għal 127 fil-mija minħabba tnaqqis fl-attività ekonomika u żieda fin-nefqa tal-imgħax, filwaqt li s-surplus (bi 2½ fil-mija tal-PDG) primarju taffa ż-żieda. Huwa kruċjali li jintlaħaq u jinżamm surplus primarju elevat sabiex il-proporzjon tad-dejn jaqbad sew it-triq tan-niżla. Il-livell ta' dejn tas-settur privat għadu taħt il-livell limitu, huwa kkonċentrat fis-settur korporattiv li, fil-kuntest tar-riċessjoni fit-tul, kien il-mutur ewlieni għal żieda qawwija f'self improdutiv. Għalkemm l-indikatur tal-qgħad (medja ta' tliet snin) għadu taħt il-livell limitu, il-qgħad żdied sostanzjalment għal kważi 11 fil-mija fl-2012, u kompla jiżdied għal 12¼ fil-mija f'Awwissu 2013, filwaqt li l-qgħad fost iż-żgħażagħ u r-rati tal-NEET huma għoljin ħafna. Il-faqar u l-esklużjoni soċjali (speċjalment it-tiċħid materjali sever) żdiedu b'mod konsiderevoli. Kollox ma' kollox il-Kummissjoni taraha utli, anki meta tqis l-identifikazzjoni tal-iżbilanċi f'April, li teżamina aktar ir-riskji involuti jekk jippersistu l-iżbilanċi.

Il-Latvja: Fis-sessjonijiet preċedenti tal-MIP, il-Latvja ma nstabx li għandha xi żbilanċ. Fit-tabella ta' valutazzjoni aġġornata, xi indikaturi jeċċedu l-limiti indikattivi tagħhom: l-NIIP u l-qgħad. Madankollu, iż-żewġ indikaturi mexjin fid-direzzjoni t-tajba u t-titjib huwa sostanzjali.  Il-pożizzjoni esterna għadha soda għax l-indikaturi tal-kompetittività u l-ishma tas-suq tal-esportazzjoni għadhom telgħin, u d-defiċit tal-kont kurrenti stabbilizza ruħu f'livell baxx. Filwaqt li l-NIIP negattiva tibqa' ogħla mil-livell indikattiv, il-parti l-kbira tal-obbligazzjonijiet esterni hija magħmula minn FDI eżoġenu, u għaldaqstant joffri anqas riskji makroekonomiċi mid-dejn. Kemm l-NIIP kif ukoll id-dejn estern neżlin b'rata mgħaġġla, u t-tendenza pożittiva mistenni li tkun sostnuta sa fejn jista' jkun previst.  Fuq in-naħa tal-indikaturi interni, id-dejn tas-settur tal-amministrazzjoni pubblika għadu b'mod sinifikanti taħt il-livell limitu u huwa previst li jinżel taħt l-40 fil-mija tal-PDG fl-2015, meta huwa mistenni li l-Latvja tkun ħallset ¾ tas-self mogħti mill-UE bejn l-2009 u l-2011. Anki l-livelli tad-dejn privat qegħdin taħt il-livell limitu. Il-prezzijiet tad-djar u l-flussi tal-kreditu bil-mod il-mod qed jirkupraw mill-korrezzjoni qawwija ta' waqt il-kriżi; mhuwiex mistenni ċaqliq kbir fuq terminu medju, billi t-tnaqqis fl-ingranaġġ, li fil-qasam tal-unitajiet domestiċi għadu għaddej, huwa previst li jkompli. L-indikatur tal-qgħad (fuq medja ta' tliet snin) tjieb marġinalment, madankollu l-aħħar dinamika tas-suq tax-xogħol hija aktar pożittiva u l-qgħad qed jonqos malajr; ir-rata tal-qgħad issa hija mistennija tinżel taħt il-medja tal-UE fl-2014 u taħt l-10 fil-mija fl-2015. It-titjib fis-suq tax-xogħol beda jikkontribwixxi biex il-faqar u l-esklużjoni soċjali, li għadhom f'livelli għoljin ħafna, jonqsu. Kollox ma' kollox, il-Kummissjoni f'dan l-istadju mhix sejra twettaq aktar analiżi approfondita fil-kuntest tal-MIP.

Il-Litwanja: Fis-sessjonijiet preċedenti tal-MIP, il-Litwanja ma nstabx li għandha xi żbilanċ makroekonomiku. Fit-tabella ta' valutazzjoni aġġornata, uħud mill-indikaturi huma ogħla mil-limiti indikattivi, fosthom l-NIIP u l-qgħad. L-NIIP hija biċ-ċar negattiva, anki jekk sa mill-2009 gradwalment tjiebet. Madankollu, id-dejn nett estern huwa sostanzjalment anqas billi l-FDI eżoġenu juri bosta obbligazzjonijiet esterni. Il-kont kurrenti ssarraf f'surplus żgħir fl-ewwel nofs tal-2013, madankollu huwa mistenni li jerġa' jaqleb għal defiċit żgħir hekk kif id-domanda domestika tkompli tiżdied. Id-defiċit huwa mistenni li jkun iffinanzjat prinċipalment permezz tal-flussi 'l ġewwa tal-FDI u l-investiment tal-portafoll. L-esportazzjonijiet komplew jiksbu sehem mis-suq, sostnuti minn deprezzament fl-REER u tnaqqis fil-UCL. Madankollu, tal-aħħar reċentement reġa' qabad jiżdied minħabba li reġgħu bdew iż-żidiet fil-pagi. Min-naħa interna, id-dejn tas-settur privat huwa relattivament baxx, kif inhu d-dejn tas-settur tal-amministrazzjoni pubblika; barra minn hekk dan tal-aħħar huwa mistenni li jibda jonqos fis-snin li ġejjin. It-tkabbir ta' kreditu ġdid għal korporattivi mhux finanzjarji rriżulta pożittiv u, għalhekk, it-tnaqqis fl-ingranaġġ tas-settur privat naqqas ir-ritmu. Il-prezzijiet tad-djar baqgħu relattivament stabbli tul dawn l-aħħar snin. Il-qgħad naqas b'mod sinfikanti u huwa mistenni li jonqos taħt il-11 fil-mija fl-2014. It-titjib fis-suq tax-xogħol qed jikkontribwixxi biex il-faqar u l-esklużjoni soċjali, li għadhom f'livelli għoljin ħafna, jonqsu. Kollox ma' kollox, il-Kummissjoni f'dan l-istadju mhix sejra twettaq aktar analiżi approfondita fil-kuntest tal-MIP.

Il-Lussemburgu: Fis-sessjonijiet preċedenti tal-MIP, il-Lussemburgu ma nstabx li għandu xi żbilanċ makroekonomiku. Fit-tabella ta' valutazzjoni aġġornata, għadd ta' indikaturi huma ogħla mil-livell indikattiv tagħhom, l-iktar is-surplus fil-kont kurrenti, l-ispiża ta' unità lavorattiva, id-dejn tas-settur privat u t-telf ta' ishma mis-suq tal-esportazzjoni. Is-surplus kbir ħafna jaħbi defiċit persistenti fil-bilanċ tal-kummerċ. Barra minn hekk, it-telf reċenti fl-ishma mis-suq tal-esportazzjoni sar sors ta' tħassib. Mhux biss il-bilanċ kummerċjali laħaq defiċit storiku ġdid, iżda l-pajjiż tilef ukoll ishma (il-biċċa l-kbira finanzjarji) mis-suq tas-servizzi sa mill-2007. Barra minn hekk, l-UCL nominali għola sostanzjalment aktar malajr milli dak taż-Żona tal-Euro sa mill-2008, u qabeż il-livell limitu minkejja l-miżuri reċenti sabiex il-pagi ma jogħlewx, u dgħajjef il-pożizzjoni kompetittiva tal-industrija domestika. Il-livelli ta' dejn privati għoljin, fil-biċċa l-kbira tal-korporattivi nonfinanzjarji, ikabbru l-vulnerabbiltà tal-intrapriżi u jista' jkun li dan jiġri minħabba li hemm tendenza favur id-dejn aktar milli favur l-ekwità fil-leġiżlazjoni tat-taxxa. Filwaqt li s-settur finanzjarju għadu kollox ma' kollox sod, il-kriżi finanzjarja xellfet il-potenzjal tat-tkabbir tas-settur, u tqajjem tħassib dwar l-impatt fuq is-settur inqas dinamiku tal-impjiegi kif ukoll dak tas-sostenibbiltà tal-finanzi pubbliċi, filwaqt li tqis l-ispiża relatata ma' popolazzjoni li qed tixjieħ. Kollox ma' kollox il-Kummissjoni taraha utli li twettaq analiżi approfondita sabiex tivvaluta jekk jeżistux żbilanċi.

L-Ungerija: F'April 2013, il-Kummissjoni kkonkludiet li l-Ungerija kienet qed tesperjenza żbilanċi makroekonomiċi u indikat il-ħtieġa li jiġu adottati azzjonijiet ta' politika deċiżivi. L-NIIP ferm negattiv, b'mod partikolari qajjem tħassib. Fit-tabella ta' valutazzjoni aġġornata, dan l-indikatur għadu jeċċedi l-livell indikattiv b'marġini kbir minħabba li huwa ogħla mill-PDG annwali. Barra minn hekk, l-indikaturi dwar it-telf fis-sehem tas-suq tal-esportazzjoni, id-dejn tas-settur tal-amministrazzjoni pubblika, u r-rata tal-qgħad, qegħdin ukoll 'il fuq mil-limiti. Fir-rigward tal-iżbilanċi esterni, is-surplus sostnut f'kontijiet kurrenti kkontribwixxa għal titjib fl-NIIP sa mill-2009. Madankollu, is-surplus jirrifletti d-dgħufija persistenti fid-domanda domestika waqt li l-prestazzjoni tal-esportazzjoni kienet dgħajfa; it-telf fl-ishma tas-suq tal-esportazzjoni kompla jiggrava anki jekk mhemmx sinjali b'saħħithom ta' telf fil-kompetittività tal-ispiża. Dan ipoġġi f'dubju s-sostenibblità tal-korrezzjoni esterna. Rigward l-iżbilanċi interni, minkejja aġġustament estern qawwi li jirriflettti t-tnaqqis fl-ingranaġġ li hemm fis-settur privat u fl-amministrazzjoni pubblika, għad hemm vulnerabbiltajiet importanti. Fi sfond ta' inċertezza dwar politiki, it-tnaqqis rapidu fil-kreditu korporattiv ikkontribwixxa għal rati ta' investiment storikament baxxi, li jistgħu jdgħajjfu l-potenzjal tat-tkabbir. It-tnaqqis kontinwu fil-prezzijiet nominali tad-djar, flimkien ma' piż eċċessiv fuq is-settur finanzjarju, jtellfu milli s-self normali lill-ekonomija jerġa' lura għan-normal, u huwa ta' riskju għall-istabbiltà finanzjarja. Id-dejn tas-settur tal-amministrazzjoni pubblika naqas xi ftit, madankollu għadu ogħla mil-livell limitu; flimkien ma' potenzjal dgħajjef tat-tkabbir, jagħmel lill-Ungerija vulnerabbli, u dan jidher fi spejjeż sovrani relattivament gholjin tal-finanzjament. Ir-rata tal-qgħad hija ogħla mil-livell limitu, iżda l-qgħad fost iż-żgħażagħ u r-rata ta' tiċħid materjali sever għolew b'mod sostanzjali sa mill-bidu tal-kriżi. Kollox ma' kollox il-Kummissjoni taraha utli, anki meta tqis l-identifikazzjoni tal-iżbilanċi f'April, li teżamina aktar ir-riskji involuti jekk jippersistu l-iżbilanċi.

Malta: F'April 2013, il-Kummissjoni kkonkludiet li Malta kienet qed tesperjenza żbilanċi makroekonomiċi li jiġu minn skopertura sinifikanti tas-settur finanzjarju għas-suq tal-proprjetà kif ukoll mir-riskji għas-sostenibbiltà fuq terminu twil tal-finanzi pubbliċi. It-tabella ta' valutazzjoni aġġornata turi titjib f'diversi oqsma, għalkemm numru ta' indikaturi għadhom qed jeċċedu l-livelli indikattivi tagħhom, fosthom id-deprezzament tal-REER u d-dejn tas-settur tal-amministrazzjoni pubblika u ta' dak privat. Il-pożizzjoni esterna tal-ekonomija tjiebet u l-indikaturi tal-kont kurrenti reġgħu daħlu taħt il-livell limitu, filwaqt li l-NIIP pożittiva żdiedet. Id-deprezzament tal-REER għal taħt il-livell limitu l-baxx, fil-biċċa l-kbira minħabba d-deprezzament tal-euro għen. Madankollu, t-telf fl-ishma tas-suq tal-esportazzjoni fis-snin reċenti jista' jindika tnaqqis fil-kompetittività, anki jekk l-indikatur li jkejjel it-tibdil fuq ħames (5) snin għadu fil-livell limitu. Min-naħa interna, id-dejn privat għadu jaqbeż il-livell limitu, għalkemm mill-aspett ta' assi, il-karta bilanċjali tas-settur privat tidher soda. Id-dejn tal-gvern ukoll jaqbeż il-livell limitu u qabad xejra 'l fuq minħabba defiċit primarju persistenti, filwaqt li r-riskji għas-sostenibbiltà fuq terminu twil tal-finanzi pubbliċi marbutin ma' popolazzjoni li qed tixjieħ għad iridu jiġu indirizzati. Is-suq tad-djar jidher li stabbilizza ruħu, għalkemm jeħtieġ li jibqa' taħt monitoraġġ ġaladarba huwa marbut mas-settur bankarju domestiku. Hija meħtieġa azzjoni konkreta sabiex jissaħħu l-politiki ta’ provviżjonament għat-telf mis-self, minħabba ż-żieda kontinwa ta' self improduttiv, anki fl-ewwel nofs tal-2013. Kollox ma' kollox il-Kummissjoni taraha utli, anki meta tqis l-identifikazzjoni tal-iżbilanċi f'April, li teżamina aktar il-persistenza tal-iżbilanċi jew l-aġġustament tagħhom.

Il-Pajjiżi l-Baxxi: F'April 2013, il-Kummissjoni kkonkludiet li l-Pajjiżi l-Baxxi kienu għaddejjin minn żbilanċi makroekonomiċi, b'mod partikolari li kienu jinvolvu l-aġġustament kontinwu fis-suq tal-akkomodazzjoni u l-livell għoli ta' djun fejn jolqot is-settur tal-unitajiet domestiċi. Fit-tabella ta' valutazzjoni aġġornata, hemn għadd ta' indikaturi li jeċċedu l-limiti indikattivi tagħhom, jiġifieri s-surplus fil-kont kurrenti, kbir u li qed ikompli jiżdied, id-deprezzament fir-REER, it-telf fis-sehem tas-suq tal-esportazzjoni, u d-dejn tas-settur privat u dak tal-gvern ġenerali. Fuq in-naħa esterna, surpluses persistentement kbar tal-kont kurrenti, ferm ogħla mil-limitu indikattiv, huwa primarjament immexxija mil-bilanċ fil-kummerċ, inklużi riesportazzjonijiet pożittivi u esportazzjoni tal-gass. Is-surplus kbir jirrifletti livell għoli ta' tifdil mhux assorbit minn investiment domestiku. Għall-quddiem, it-tnaqqis ta' ingranaġġ fis-settur tal-unitajiet domestiċi, li għaddej, u li huwa neċessarju biex jitnaqqas il-livell għoli ta' dejn tal-unitajiet domestiċi, flimkien ma' investiment kajman ċikliku (b'mod partikolari fis-settur tal-kostruzzjoni) jistgħu jimplikaw żieda ulterjuri fil-bilanċ favorevoli. Telf moderat fil-kompetittività ta’ oġġetti u servizzi prodotti lokalment ġie ġeneralment ikkompensat mid-dinamiżmu tal-esportazzjonijiet mill-ġdid. It-telf fis-sehem tas-suq għall-esportazzjoni huma konformi ma' dawk ta' ekonomiji oħra avvanzati b'mod ġenerali. Ir-riskji għall-ekonomija fil-biċċa l-kbira jeżistu fis-suq tal-akkomodazzjoni u fil-livell għoli ta' dejn tal-unitajiet domestiċi. Il-livell għoli ta' self ipotekarju tal-unitajiet domestiċi meta wieħed iqis l-introjtu disponibbli tagħhom huwa dovut l-aktar għal inċentivi fiskali li jiffavorixxu self ipotekarju kbir u aċċess faċli għall-kreditu. Sa minn mindu bdiet il-kriżi, il-prezzijiet tad-djar kienu qed jonqsu u bħalissa qed jidhru l-ewwel sinjali li dawn qed jistabilizzaw. Barra minn dan, ċerti bidliet riċenti fil-politika, pereż. il-leġiżlazzjoni rigward it-trattament fiskali tal-mutwi ipotekarji, il-bidla minn mutwi ipotekarji bbażati biss fuq l-interessi għal dawk ibbażati fuq l-annwità, u t-tnaqqis gradwali tal-proporzjon tas-self mal-valur jistgħu jkunu ta' kontribut għal tnaqqis gradwali tad-dejn tal-unitajiet domestiċi u jitnaqsu l-vulnerabbiltajiet fis-settur finanzjarju fuq perjodu medju ta' żmien. It-tnaqqis fl-ingranaġġ tal-unitajiet domestiċi li għaddej, bil-proporzjoni tad-dejn tal-unitajiet domestiċi mal-PDG li diġà qed jonqos fil-każ ta' kwarti, flimkien ma' prospetti negattivi għall-qgħad u l-introjtu disponibbli li qegħdin iżommu lura l-konsum privat, kif ukoll l-impatt ta' dawn il-miżuri fuq is-settur finanzjarju, jeħtieġu li jiġu analizzati aktar. Globalment, il-Kummissjoni tarah utli, anki billi tqis l-identifikazzjoni ta' żbilanċi f'April, li tkompli teżamina l-persitenza tal-iżbilanċi jew it-taħlil tagħhom.

L-Awstrija: Fis-serje preċedenti tal-MIP, l-Awstrija ma kinitx identifikata bħala li kellha xi żbilanċ. Fit-tabella ta' valutazzjoni aġġornata, xi wħud mill-indikaturi jeċċedu l-livelli indikattivi, jiġifieri t-telf fl-ishma tas-suq tal-esportazzjoni u d-dejn tas-settur privat u dak tal-gvern ġenerali. Jezżistu wkoll indikazzjonijiet li l-prezzijiet tad-djar żdied b'mod qawwi biex qarrbu, jew anki eċċedew, il-limiti indikattivi fl-2012. It-telf fis-sehem tas-suq jirrifletti prinċipalment tnaqqis qawwi fl-esportazzjoni lejn iż-Żona tal-Euro fl-2007-10. Il-prestazzjoni l-aktar reċenti fejn tidħol l-esportazzjoni, madankollu, hija b'mod ġenerali konformi ma' dik tas-sħab tagħha tal-UE, u tibbenefika mill-integrazzjoni stretta fil-katina tal-provvista mal-Ġermanja u l-Ewropea Ċentrali. Kollox ma' kollox, il-pożizzjoni esterna ftit li xejn ġiet affettwata ħażin mit-telf fis-sehem mis-suq u, bis-saħħa tal-fatt li reġa' beda jsir l-investiment, is-surplus tal-kont kurrent stabbilizza f'livell moderat. L-NIIP għadha qrib iż-żero. Barra minn dan, l-indikaturi REER u ULC ma jindikawx li hemm xi problemi fejn tidħol il-kompetittività tal-kosti. Madankollu, it-tnaqqis fis-sehem mis-suq jistgħu jindikaw li hemm il-ħtieġa ta' esplojtazzjoni aħjar tal-kapaċità innovattiva tal-ekonomija. Fuq in-naħa interna, il-proporzjon ta' dejn privat mal-PDG ilu jeċċedi l-limitu sa mill-2007, meta xi kumpaniji mhux finanzjarji qalbu parti mill-iffinanzjar tagħhom mill-ekwità għal dejn fuq perjodu twil f'ambjent ta' tkabbir dgħajjef, iżda issa qed jonqos gradwalment. Il-flussi tal-kreditu lejn is-settur privat għadhom fuq livell moderat, iżda pożittiv. Id-dejn tas-settur tal-gvern ġenerali għadu qiegħed jeċċedi l-limitu iżda ma kibirx b'mod sinifikanti matul il-kriżi, u il-previżjoni hija li dan jonqos mill-2014 'l quddiem. 'Il quddiem, jista' jkun li l-finanzi pubbliċi jkunu suġġetti għal riskji marbuta mad-dewmien fir-ristrutturar tal-bank nazzjonalizzati. Jidher li qiegħed jitrażżan iċ-ċiklu vizzjuż bejn il-gvern ġenerali u s-settur finanzjarju, għalkemm l-integrazzjoni tas-settur bankarju mal-ġirien tal-Ewropea Ċentrali tirrekjedi attenzjoni kontinwa. Globalment, il-Kummissjoni f'dan l-istadju mhix sejra twettaq aktar analiżi approfondita fil-każ tal-MIP.

Il-Polonja: Fis-serje preċedenti tal-MIP, il-Polonja ma kinitx identifikata li kellha xi żbilanċi makroekonomiċi. Fit-tabella ta' valutazzjoni aġġornata, xi indikaturi jeċċedu l-limiti indikattivi, jipifieri d-defiċit fl-kont kurrenti u l-pożizjoni netta negattiva ta' investiment internazzjonali. Sa mill-2004, id-defiċit tal-kont kurrenti, li jinsab kemm kemm 'l fuq mil-limitu, ġie fil-biċċa l-kbira ffinanzjat permezz ta' flussi 'l ġewwa ta' investiment barrani dirett (FDI). Il-previżjoni hija li dan għandu jiċkien b'mod sostanzjali fl-2013 bis-saħħa ta' titjieb qawwi fil-bilanċ kummerċjali, appoġġjat kemm min fatturi ċikliki (b'domanda domestika dgħajfa li jkollha effett 'l isfel fuq l-importazzjoni) u dawk mhux ċikliki (id-diversifikazzjoni tal-esportazzjoni lejn ekonomiji mhux fl-UE, li tikkupensa b'mod parzjali għal telf li kien hemm reċentement fis-sehem tas-suq tal-esportazzjoni). Fatturi oħra li x'aktarx jikkontribwixxu għal titjib fil-kont kurrenti huma d-deprezzament fir-rata nominali tal-kambju u l-konteniment tal-ULC nominali li tirrifletti s-suq dgħajjef tax-xogħol. Minkejja n-NIIP negattiva lil hinn mil-limitu, id-dejn estern nett huwa baxx. Madankollu, jista' jkun li jkun hemm riskji ġejjin mid-dipendenza li qed tikber fuq id-detenturi ta' dejn sovran barrani, sitwazzjoni aggravata bit-tibdil imħabbar tas-sistema tal-pensjoni. Fejn jidħlu l-iżviluppi interni, is-sehem tad-dejn privat fil-PDG għadu moderat. Is-sehem għoli ta' mutwi ipotekarji denominati f'munita barranija, li kien jitqies bħala riskju maġġuri għall-ekonomija, qed jonqos hekk kif il-provvista ta' self ġdid bħal dan twaqqfet fl-2011-12. Il-prezzijiet tad-djar ilhom jonqsu sa mill-2008, anki jekk b'pass moderat, u r-riperkussjonijiet fuq is-settur finanzjarju ġew kontenuti. Il-moderazzjoni tal-pagi, u r-regolamenti flessibbli fejn jidħol is-suq tax-xogħol rażżnu ż-żieda fir-rata tal-qgħad fl-2012 u l-ewwel nofs tal-2013 fil-kuntest tat-tnaqqis ekonomiku mdaqqas. Globalment, il-Kummissjoni f'dan l-istadju mhix sejra twettaq aktar analiżi approfondita fil-każ tal-MIP.

Is-Slovenja: F'April 2013, il-Kummissjoni kkonkludiet li s-Slovenja kienet għaddejja minn żbilanċi makroekonomiċi eċċessivi[23], b'mod partikolari b'riskji għall-istabbilita finanzjarja ġejjin minn karti tal-bilanċ korporati fraġli, aggravati b'riġidità fis-suq tax-xogħol u dak tal-kapital u b'sjieda qawwija tal-istat li tillimita l-ħila tal-ekonomija li taġġusta ruħha. Fit-tabella ta' valutazzjoni aġġornata, l-NIIP u t-telf fis-sehem tas-suq tal-esportazjzoni huma lil hinn mil-limiti indikattivi tagħhom. Fuq in-naħa esterna, sar aġġustament qawwi fejn jidħol il-kont kurrenti mmexxi l-aktar minn domanda domestika dgħajfa, b'mod partikolari bi tnaqqis fl-investiment, biex b'hekk l-indikatur kellu bilanċ pożittiv żgħir. Madankollu, l-NIIP kompliet tiddeterjora, immexxija l-aktar minn effetti ta' valwazzjoni. Il-ULC stabbilizza ruħu wara żidiet qawwija fis-snin li jwasslu sal-2009. Is-sehem tas-suq tal-esportazzjoni mar lura b'mod qawwi, id-dinamiċi tal-esportazzjoni huma agħar b'mod sinifikanti meta mqabbla mal-ekonomiji avvanzati, ħaġa li tpoġġi lis-Slovenja b'mod ċar f'sitwazzjoni unika fost l-Istati Membri l-ġodda tal-UE. Fuq in-naħa interna, id-dejn tas-settur privat naqas, immexxi minn flussi negattivi ta' kreditu kemm lejn l-unitajiet domestiċi kif ukoll lejn kumpaniji mhux kummerċjali. Minkejja l-fatt li d-dejn privat huwa anqas mil-limitu, id-dejn qed ikun ta' piż partikolarment b'saħħtu għall-kumpaniji. Id-dħul fqir domestiku u mill-esportazzjoni li għandhom, flimkien mal-kosti elevati tax-xogħol u tal-kapital, ma jħalluhomx jiġġeneraw il-flussi ta' flus kontanti meħtieġa biex imantnu l-kapital operattiv u biex jitħallas id-dejn. L-aġġustament fis-suq tal-akkomodazzjoni kompla, ħaġa li se tagħmel pressjoni 'l isfel fuq il-valur tal-kollaterali li għandhom il-banek. Is-settur finanzjarju kompla jnaqqas l-obbligazzjonijiet totali għat-tliet sena konsekuttiva, hekk kif il-problemi tas-settur korporattiv jinqgħu jbaxxu l-kwalità tal-portafolli tal-kreditu tal-banek u jagħmlu pressjoni fuq il-bafers kapitali ċkejkna. Id-dejn tas-settur pubbliku qiegħed jiżdied bil-ħeffa u se jeċċedi s-60 fil-mija tal-PDG sa tmiem l-2013, b'aktar rikapitalizzazzjonijiet tal-banek li għad iridu jsiru. L-indikatur tal-qgħad kompla tiela', ħaġa li qed twassal għal kosti soċjali għall-aġġustament dejjem jiżdiedu. Globalment, il-Kummissjoni tarah utli, anki billi tqis l-identifikazzjoni ta' żbilanċ eċċessiv f'April, li teżamina aktar il-persitenza ta' riskji makroekonomiċi u biex tagħmel monitoraġġ tat-taħlil tal-iżbilanċi.

Is-Slovakkja: Fis-serje preċedenti tal-MIP, is-Slovakkja ma kinitx identifikata li kellha xi żbilanċi makroekonomiċi. Fit-tabella ta' valutazzjoni aġġornata, uħud mill-indikaturi għadhom ogħla mil-limiti indikattivi: NIIP regattiva u r-rata tal-qgħad. L-indikatur dwar id-defiċit tal-kont kurrenti (medja ta' tliet snin) tjieb u issa huwa biss kemm kemm negattiv, minħabba bilanċ favorevoli fl-2012. Abbażi ta' esportazzjoni qawwija fil-manifattura fl-2013, u ta' aspettattivi tajba għall-2014 huwa mistenni titjib ulterjuri fil-bilanċi esterni. L-NIIP tjiebet biss b'mod marġinali fl-2012, meta mqabbla mal-2011. Madankollu, id-dejn estern għadu baxx u relattivament stabbli, peress li l-biċċa l-kbira tal-obbligazzjonijiet esterni mhumiex strument ta’ dejn. L-iżviluppi fil-kompetittività tal-prezzijiet jidhru pożittivi, peress li l-indikatur REER niżel, għalkemm anqas milli għamel bil-biċċa l-kbira tal-pajjiżi l-oħra taż-Żona tal-Euro, u għadu fi ħdan il-limiti tiegħu. Minħabba l-kisbiet fil-produttività tax-xogħol, il-ULC naqas kemm kemm. Il-kisbiet fl-ishma tas-suq tal-esportazzjoni battew fir-ritmu tagħhom meta mqabbla mas-snin preċedenti. Id-dejn tas-settur privat baqa' stabbli, bis-saħħa ta' flussi ta' kreditu moderatament pożittivi. Is-settur bankarju huwa stabbli u l-obbligazzjonijiet totali espandew biss kemm kemm. Id-dejn tas-settur tal-gvern ġenerali żdied b'mod sinfikanti fl-2012 iżda għadu taħt il-limitu. Il-prezzijiet tad-djar komplew jaġġustaw ruħhom u niżlu għar-raba' sena waħda wara l-oħra. Il-prestazzjoni tas-suq tax-xogħol tirrifletti l-persistenza ta' differenzi reġjonali maġġuri fit-tkabbir ekonomiku u l-impjieg. Il-qgħad jibqa' l-aktar kwistjoni pressanti li qed taffettwa l-ekonomija domestika. Il-biċċa l-kbira tal-qgħad huwa għat-tul, li jindika li n-natura tiegħu hija strutturali aktar milli ċiklika u tikkostitwixxi vulnerabbiltà. Il-qgħad fost iż-żgħażagħ huwa wkoll problema serja bis-sitt l-ogħla rata ta' qgħad fost iż-żgħażagħ fl-UE. Globalment, il-Kummissjoni f'dan l-istadju mhix sejra twettaq aktar analiżi approfondita fil-każ tal-MIP.

Il-Finlandja: F’April 2013, il-Kummissjoni kkonkludiet li l-Finlandja kellha żbilanċi makroekonomiċi, b’mod partikolari fir-rigward ta’ żviluppi marbuta mal-kompetittività. Fit-tabella ta' valutazzjoni aġġornata, għadd ta' indikaturi huma ogħla mil-limiti indikattivi tagħhom, jiġifieri d-deprezzament tar-REER, telf fl-ishma tas-suq tal-esportazzjoni u l-livell tad-dejn tas-settur privat. L-aktar kwistjonijiet pressanti għadhom dawk fuq in-naħa esterna. Il-Finlandja qiegħda titlef is-sehem tagħha fis-suq, b'mod kontinwu, bl-aktar rata mgħaġġla fl-UE. It-telf kien ukoll kbir meta mqabbel mal-prestazzjoni b'mod ġenerali tal-pajjiżi avvanzati. Għalkemm il-biċċa l-kbira tat-telf seħħ fl-2009-10, it-telf fl-esportazzjoni għadu għaddej. Il-kont kurrenti, li tradizzjonalment ikollu bilanċ favorevoli, ilu f'defiċit sa mill-2011 u kompla nieżel 'l isfel fl-2012. Il-kompetittività tal-kosti permezz ta' żieda qawwija fil-ULC fuq perjodu estensiv għandha rwol f'dan anki jekk l-indikatur niżel taħt il-limitu fl-2012. Qiegħed jidher ukoll telf f'dak li għandu x'jaqsam mal-kummerċ. Fl-istess ħin, ir-REER, aġġustat għall-HCIP iddeprezza fl-2009-12, fil-biċċa l-kbira mmexxi mir-rata tal-kambju nominali tal-euro. Madankollu, matul l-istess perjodu, ir-REER żdiedet kemm kemm meta mqabbla ma' dik tal-pajjiżi taż-Żona tal-Euro. Fuq in-naħa interna, il-proporzjon tad-dejn tas-settur privat mal-PDG għadu 'l fuq mil-limitu, ddominat mid-dejn korporattiv, u kompla jiżdied fl-2012, parzjalment dovut għall-kontrazzjoni fil-PDG. It-tkabbir fl-obbligazzjonijiet tas-settur finanzjarju innormalizza, ħaġa li ssostni l-konklużjoni fis-serje preċedenti tal-MIP li dan kien dovut għal ċirkostanzi uniċi ġejjin mill-istruttura tal-iswieq finanzjarji Nordiċi. Il-prezzijet reali tad-djar komplew jonqsu fl-2012, biex b'hekk naqas ir-riskju ta' inflazzjoni żejda fis-suq tad-djar. Globalment, il-Kummissjoni tarah utli, anki billi tqis l-identifikazzjoni ta' żbilanċi f'April, li tkompli teżamina l-persitenza tal-iżbilanċi jew it-taħlil tagħhom.

L-Isvezja: F’April 2013, il-Kummissjoni kkonkludiet li l-Isvezja kellha żbilanċi makorekonomiċi, b’mod partikolari fir-rigward tad-dejn tas-settur privat u tat-tnaqqis fl-ingranaġġ, flimkien ma' ineffiċjenzi fis-suq tal-akkomodazzjoni. Fit-tabella ta' valutazzjoni aġġornata, għadd ta' indikaturi huma ogħla mil-limiti indikattivi tagħhom, jiġifieri l-bilanċ favorevoli fil-kont kurrenti, it-telf fis-sehem mis-suq tal-esportazzjoni u d-dejn tas-settur privat. Għar-rigward tal-pożizzjoni esterna, l-Isvezja għandha diversi indikaturi li qegħdin juru lejn direzzjonijiet opposti. It-telf fis-sehem mis-suq tal-esportazzjoni naqqsu mir-ritmu tagħhom bil-mod fl-2010-1, iżda reġgħu qabdu l-pass fl-2012, u jinsabu ferm 'l fuq mil-limitu indikattiv. Meta mqabbla mal-ekonomiji avvanzati, l-Isvezja wkoll tilfet ishma mis-suq, iżda f'livell aktar baxx. L-iżviluppi fejn jidħlu l-prezzijiet domestiċi u l-kosti lavorattivi ma jispjegawx dan għal kollox peress li l-prezzijiet u l-ULC kienu qed jiżdiedu b'rata aktar kajmana milli fis-sħab kummerċjali prinċipali. Madankollu, ir-REER żdiedet mill-2010 lil hawn minħabba s-saħħa tal-krona. Intant, l-Isvezja kellha bilanċi favorevoli mdaqqsa sa mill-2001. Fuq in-naħa interna, id-dejn privat għoli għadu jistħoqqlu attenzjoni filwaqt li d-dejn tal-gvern għadu baxx. Id-dejn korporattiv aġġusta ruħu xi ftit fl-2009-12, iżda għadu għoli. Minħabba tnaqqis fir-rata ta' tkabbir tal-kreditu, ikkawżat minħabba limitu massimu tas-self mal-valur ta' 85 fil-mija fuq il-mutwi ipotekarji, il-livelli tad-dejn tal-unitajiet domestiċi ilhom fil-proċess li jistabbilizzaw ruħhom sa mill-2010 iżda għadhom għolja. Il-prezzijiet tad-djar stabilizzaw ruħhom fil-livelli għolja tal-2011-12. Minkejja xi miżuri reċenti, is-suq tal-akkomodazzjoni għadu qiegħed ibati minn xi żviluppi sfavorevoli. Il-provvista tal-akkomodazzjoni għadha mtellfa minħabba proċessi kkomplikati tal-ippjanar, kompetizzjoni limitata fi ħdan is-settur tal-kostruzzjoni u r-regolamentazzjoni tas-swieq tal-kiri. Flimkien ma' tassazzjoni fuq l-akkomodazzjoni mxaqilba lejn id-dejn, dawn l-ineffiċjenzi għandhom tendenza li jimbuttaw 'l fuq il-prezzijiet tad-djar u tad-dejn tal-unitajiet domestiċi, ħaġa li timplika riskji għall-istabbilità makroekonomika. Fuq terminu ta' żmien qasir u medju, id-dejn korporattiv mistenni jonqos, bħala konsegwenza tar-riformi reċenti fit-tassazzjoni tal-kumpaniji, filwaqt li d-dejn tal-unitajiet domestiċi u l-prezzjonijiet nominali tad-djar x'aktarx jogħlew b'mod moderat. Ir-riskji għall-banek jidher li kollox ma' kollox jinsabu kkontrollati iżda l-livell għoli tad-dejn tal-unitajiet domestiċi ifisser li l-banek Svediżi huma aktar vulnerabbli li jesperjenzaw telf tal-fiduċja jekk il-prezzijiet tad-djar jaqgħu b'mod qawwi. Globalment, il-Kummissjoni tarah utli, anki billi tqis l-identifikazzjoni ta' żbilanċi f'April, li tkompli teżamina l-persitenza tal-iżbilanċi jew it-taħlil tagħhom.

Ir-Renju Unit: F’April 2013, il-Kummissjoni kkonkludiet li r-Renju Unit kien qed ikollu żbilanċi makroekonomiċi, b’mod partikolari fir-rigward tad-dejn tal-unitajiet domestiċi, is-suq tal-akkomodazzjoni u l-kompetittività esterna. Fit-tabella ta' valutazzjoni aġġornata, uħud mill-indikaturi huma ogħla mil-limitu indikattiv, jiġifieri t-telf fis-sehem mis-suq tal-esportazzjoni u d-dejn tas-settur privat kif ukoll tal-gvern. Fuq in-naħa esterna, l-indikatur tal-kont kurrenti kompla sejjer lura iżda għadu fi ħdan il-limitu. Id-defiċit tal-kont kurrenti ta' qrib l-4 fil-mija tal-PDG fl-2012 seta' kien qed jiġi mmexxi minn fatturi temporanju, jiġifieri d-dgħjufija fil-bilanċ tal-introjtu u t-tħarbit tal-produzzjoni taż-żejt u kundizzjonijiet sfavorevoli fost is-sħab kummerċjali. L-NIIP għadha kemm kemm negattiva, għalkemm kien hemm titjib fl-2011-12. It-telf fis-sehem mis-suq tal-esportazzjoni naqqsu mir-ritmu tagħhom fl-2012. Filwaqt li kien hemm sinjali ta' titjib gradwali fit-tieni nofs tal-2012, ir-Renju Unit għad għandu quddiemu sfidi strutturali importanti biex itejjeb il-prestazzjoni tiegħu fejn jidħol il-kummerċ. Dawn jinkludu l-ħtieġa li tingħata imbuttatura lill-produttività u l-kompetittività mhux marbuta mal-prezzijiet fis-settur tal-produzzjoni tal-prodotti, u l-irkupru tas-dinamiżmu li kellha l-esportazzjoni tas-servizzi qabel il-kriżi. Fuq in-naħa interna, id-dejn tas-settur privat għadu ogħla sew mil-limitu rilevanti. Kemm l-unitajiet domestiċi kif ukoll il-korporazzjonijiet mhux finanzjarji qed inaqqsu fl-ingranaġġ b'pass kajman ħafna, filwaqt li l-flussi tal-kreditu għadhom kemm kemm fuq in-naħa pożittiva. Ir-ritmu ta' tnaqqis fl-ingranaġġ tal-unitajiet domestiċi jista' jibda' jbatti minħabba żieda fil-prezzijiet tad-djar, immexxija minn kombinazzjoni ta' provvista limitata ta' djar u linji ta' politika li x'aktarx jerġgħu iqajmu d-domanda. Dejta reċenti turi żieda konsistenti fl-approvazzjonijiet ta' mutwi ipotekarji u sinjali ta'  żieda fil-prezzijiet madwar il-pajjiż. Il-livell għoli, u li qed jiżdied, tad-dejn tas-settur governattiv għadu wieħed li jnissel preokupazzjoni peress li żdied b'mod sostanzjali fl-2009-12. Fejn jidħlu xejriet preżenti, id-dejn tas-settur governattiv mistenni jiżdied fuq perjodu qasit iżda għandu jerġa' jaqa' lura wara dan hekk kif it-tkabbir jaqbad ritmu tajjeb u jibda' jonqos id-defiċit. Fl-aħħar nett, it-tiswija tal-karti bilanċjali tas-settur finanzjarju li għaddejja u l-iskarsezza persistenti tal-kreditu għal ditti żgħar tista' tkompli żżomm lura t-tkabbir ekonomiku. Globalment, anki meta wieħed jikkunsidra l-identifikazzjoni ta' żbilanċi f'April, il-Kummissjoni tqis li jkun utli li tkompli teżamina l-presistenza ta' żbilanċi, jew it-taħlil tagħhom.

______________________

Kaxxa 1 Is-Sorveljanza tas-surpluses tal-kontijiet kurrenti fil-MIP[24]

Is-sorveljanza fl-MIP tkopri sew id-defiċits kif ukoll is-surpluses tal-kont kurrenti Madankollu, hemm differenzi sinifikanti bejn in-natura, l-importanza u l-urġenza tal-isfidi ta' politika minn Stat Membru għall-ieħor. Meta wieħed iqis il-vulnerabbiltajiet u l-estensjoni tal-aġġustament meħtieġ, il-ħtieġa li jkun hemm azzjoni ta' politika hija pressanti b'mod partikolari f'dawk l-Istati Membri fejn hemm defiċits kbar fil-kont kurrenti kif ukoll telf fil-kompetittività Ċerti prinċipji fundamentali jistgħu jiġġustifikaw li jkun hemm surpluses persistenti. Madankollu, surpluses kbar u persistenti fil-kont kurrenti jistgħu wkoll ikunu kkawżat minn fallimenti tas-suq jew inkella minn kuntesti ta' politika li jillimitaw id-domanda domestika u l-opportunitajiet ta' investiment. Madankollu, is-surpluses tal-kont kurrenti ma joħolqux preokkupazzjonijiet dwar is-sostenibbiltà tad-dejn estern jew tal-kapaċità fl-iffinanzjar.

Id-defiċits u s-surpluses tal-kont kurrenti mhumiex neċessarjament żbilanċi makroekonomiċi fis-sens ta' żviluppi li jkunu qed jaffettwaw b'mod ħażin, jew li jkollhom il-potenzjal li jaffettwaw il-funzjonament korrett tal-ekonomiji, tal-unjoni monetarja, jew fuq skala usa'. Id-defiċits u s-surpluses huma konsegwenza naturali tal-interazzjonijiet ekonomiċi bejn il-pajjiżi. Juru sa liema livell pajjiż jiddependi fuq is-self mill-bqija tad-dinja jew kemm isellef mir-riżorsi tiegħu f'pajjiżi oħra. B'dan il-mod, is-self estern jippermetti lill-pajjiżi li jagħmlu kummerċ tal-konsum matul perjodu ta' żmien: pajjiż b'surplus fil-kont kurrenti jittrasferixxi l-konsum mil-lum għall-għada billi jinvesti barra. Bil-kontra, pajjiż li jkollu defiċit fil-kont kurrenti jista' jżid il-konsum jew l-investiment tiegħu illum iżda jkun irid jittrasferixxi barra l-introjtu li jkollu fil-futur biex jifdi d-dejn estern tiegħu. Id-defiċits u s-surpluses għalhekk jistgħu sempliċement ikunu r-riżultat ta' allokazzjoni xierqa tat-tifdil, bil-kunsiderazzjoni ta' opportunitajiet ta' investiment differenti madwar il-pajjiżi. Id-differenzi fil-prospetti ekonomiċi jwasslu għal differenzi fl-imġieba fejn jidħol it-tifdil, b'mod li meta jkun hemm aspettattivi aktar pożittivi dan inaqqas it-tendenza ta' aġendi ekonomiċi li jiffrankaw u għalhekk jikkontribwixxu fl-akkumulazzjoni tad-defiċits. B'mod partikolari huma pajjiżi li jkollhom popolazzjoni li qed tixjieħ b'ħeffa li jikkunsidrawha ħaġa opportuna li jfaddlu llum (jiġifieri jżommu s-surpluses) biex jirrazzjonalizzaw il-konsum fuq medda ta' żmien.

Id-defiċits u s-surpluses tal-kont kurrenti huma parti mill-proċess ta' aġġustament f'unjoni monetarja Huma jassorbu x-xokkijiet asimetriċi fin-nuqqas ta' politika monetarja indipendenti u ta' aġġustament nominali fir-rata tal-kambju. It-tibdil, immexxi mis-suq, fil-kompetittività tal-kosti u tal-prezzijiet, jiffaċilita l-aġġustament, u fil-pajjiżi fejn ikun hemm tkabbir eċċessiv iseħħ telf fil-kompetittività, u jkun hemm żieda fil-kompetittività f'pajjiżi li jkunu għaddejjin minn tnaqqis ċikliku u li jkollhom qgħad għoli. Minbarra l-varjazzjonijiet ċikliki, hemm ukoll ir-rwol tal-fatturi strutturali. Pajjiżi li jkunu qed jilħqu lill-oħrajn u li jkollhom prospetti aħjar ta' tkabbir għandhom tendenza li jkollhom defiċits tal-kont kurrenti hekk kif ikunu qed jissellfu r-riżorsi minn barra, ħaġa li twassal ukoll għal xejra li togħla r-rata tal-kambju reali tagħhom. Flussi "'l isfel" bħal dawn mill-ekonomiċi fil-qalba tal-UE lejn dawk fil-periferija huma karatteristika normali tat-tifdil li jkun qed ifittex l-ogħla ritorn. Mandankollu, l-iżbilanċi esterni jistgħu jkunu problematiċi jekk irabbu l-għeruq, jew minħabba tibdil strutturali fl-ekonomija jew inkella minħabba ipprezzar mhux adwgwat tar-riskji u stima ottimista żżejjed fuq ir-ritorn.

Is-surpluses jistgħu jkunu r-riżultat ta' distorsjonijiet minħabba aspettattivi mhux tajba, ipprezzat ħażin tar-riskji, distorsjonijiet fis-suq jew inkella jekk jirriflettu interventi żbaljati ta' politika jew superviżjoni finanzjarja dgħajfa Dawn il-fallimenti tas-suq jew ta' politika jimplikaw misallokazzjoni tar-riżorsi u akkumulazzjoni ta' żbilanċi u vulnerabbiltajiet kemm fil-pajjiżi li għandhom surplus kif ukoll f'dawk li għandhom defiċit. L-allokazzjoni żbaljata tar-riżorsi twassal għal telf fil-benessri anki fil-pajjiżi li jkollom surplus. F'dawk il-każijiet, ikun fl-interess tal-pajjiżi li jkollhom surplus li jnaqqsu s-surpluses tagħhom, billi jneħħu l-ostakoli li jtellfu d-domanda domestika tagħhom. It-telf kbir ta' valwazzjoni li sofew xi pajjiżi li għandhom surplus mill-bidu tal-kriżi finanzjarja minħabba investiment ineffiċjenti tat-tifdil eċċessiv tagħhom jindika li l-aspettattivi fejn jidħol ir-ritorn futur mill-investiment kienu kbar iżżejjed u jimplika tnaqqis fl-opportunitajiet ta' konsum mistennija kif ukoll telf fil-benessri. Biex dawn l-ineffiċjenzi jiġu evitati, huwa importanti li jiġi żgurat li s-swieq finanzjarji jieħdu deċiżjonijiet abbażi tar-ritorni fuq l-investiment aġġustati tajjeb għar-riskju u li jkun hemm superviżjoni xierqa makroprudenzjali biex ma tħallix  li jkun hemm konċentrazzjoni eċċessiva ta' riskji sew fil-pajjiżi fejn joriġina l-kapital kif ukoll f'dawk li jirċevuh. Il-predominanza ta' strumenti ta’ dejn fl-iffinanzjar tad-defiċits f'pajjiżi vulnerabbli kien fattur partikolari li kkontribwixxa għall-konċentrazjzoni tar-riskji.

L-implikazzjonijiet negattivi ta' defiċits u surpluses eċċessivi fil-kont kurrenti jaffettwaw kemm lill-pajjiż ikkonċernat kif ukoll lis-sħab tiegħu Dan huwa minnu b'mod partikolari f'unjoni monetarja, fejn ir-rata tal-kambju tal-kambju unika u l-politika monetarja komuni ma jistgħux jirrispondu għall-ħtiġijiet ta' aġġustament tal-ekonomiji individwali. Jekk parti kbira tal-unjoni monetarja żżid it-tifdil jew tnaqqas l-investiment, u għalhekk iżżid is-surplus u l-kapital tal-esportazzjoni, id-defiċit tal-kont kurrenti fil-bqija taż-żona monetarja x'aktarx jiddeterjora, jew permezz ta' flussi finanzjarji bilaterali, jew inkella permezz tal-impatt fuq ir-rata tal-kambju komuni. Sakemm ir-rata tal-kambju effettiva reali ma tiżdiedx fil-pajjiżi li għandhom surplus minħabba żidiet relattivament aktar qawwija fil-livelli tal-pagi u tal-prezzijiet, ir-rata tal-kambju nominali tal-euro jkollha tendenza li togħla. Dan jista' jkollu effetti fuq il-kompetittività kif ukoll effetti deflazzjonarji fuq il-bqija taż-żona, b'mod partikolari f'pajjiżi li jkollhom prodotti esportati li jkunu sensittivi fejn jidħol il-prezz. F'dan is-sens, il-kontijiet kurrenti tal-pajjiżi taż-Żona tal-Euro bħala tali, iżda wkoll ta' kull wieħed minnhom individwalment, huma kwistjonijiet li jinteressaw lil kulħadd.

Mhux possibbli li tiġi stabbilita l-każwalità bejn id-defiċits u s-surpluses bejn xi par pajjiżi, iżda d-defiċits u s-surpluses fiż-Żona tal-Euro (u fl-UE) huma konessi mill-qrib ma' xulxin minħabba rabtiet intensivi transfruntiera kummerċjali u finanzjarji. B'mod partikolari, it-tifdil eċċessiv tal-pajjiżi li għandhom surplus iffinanzja d-defiċits fil-periferija taż-Żona tal-Euro. Barra minn dan, xi wħud mill-ekonomiji ċentrali intermedjaw flussi finanzjarji kbar minn investituri mhux mill-UE lejn pajjjiżi periferiċi tal-UE. Fin-nuqqas ta' superviżjoni finanzjarja adegwata, li kienet tkun ta' għajnuna fl-identifikazzjoni u fil-limitazzjoni tar-riskji involuti, dan wassal għal perjodi ta' espansjoni qawwija mmexxija mill-kreditu, għal tnaqqis ta' tifdil u għal investiment eċċessiv f'attivitajiet mhux produttivi fil-periferija, u għal konċentrazzjoni eċċessiva ta' riskji fis-sistemi finanzjarji tal-pajjiżi ċentrali. Analiżi tal-korrelazzjoni spazjali tikkonferma li, fl-UE, pajjiż ikun aktar proballi li jkollu defiċit fil-kont finanzjarji tiegħu jekk is-sħab ewlenin tiegħu jkollhom surpluses, u bil-kontra. Min-naħa l-oħra, it-tixrid tal-effetti permezz ta' relazzjonijiet kummerċjali bilaterali jkunu dominati minn interazzjonijiet pożittivi bejn pajjiżi li jkunu integrati mill-qrib fil-katina tal-provvista: ikun aktar probabbli li pajjiż ikollu surplus kummerċjali jekk is-sħab ewlenin tiegħu wkoll ikolllhom surplus. Ma hemmx provi li juri li l-prestazzjoni fl-esportazzjoni tal-pajjiżi li jkollhom surplus tgerrex b'xi mod sinifikanti l-esportazzjoni tal-periferija taż-Żona tal-Euro.

Żieda fid-domanda fl-ekonomijiet li jkollhom surplus fiż-żona tal-eurp ittejjeb il-bilanċ kummerċjali tal-ekonomiji periferali taż-Żona tal-Euro Madankollu, l-impatt ta' żvilupp bħal dan fuq ir-ribilanċjar tas-surpluses u d-defiċits u fuq l-attività ekonomika tal-ekonomiji li jkollhom defiċit m'għandhux jiġi sottovalutat. L-ewwel nett, meta jitqiesu r-rabtiet settorjali u ġeografiċi, żieda fid-domanda domestika ta' pajjiż li jkollu surplus kbir ħafna, bħal ma hi l-Ġermanja, jkollha impatt ħafna aktar qawwi fuq l-esportazzjoni tal-pajjiżi ġirien, inklużi dawk li jkollhom surplus, aktar milli fuq l-ekonomiji periferali tal-UE. Madankollu, dan l-impatt jista' jkun akbar jekk iż-żieda fid-domanda tkun tapplika wkoll għal ekonomiji oħra li jkollhom surplus. It-tieni, l-impatt ikun aktar qawwi kieku din iż-żieda fid-domanda (u t-tnaqqis bil-bilanċ kummerċjali) tal-pajjiżi li għandhom surplus isseħħ b'mod parallel ma' dgħjufija fir-rata tal-kambju tal-euro.

Kaxxa 2 X'ikun żbilanċ?

Ir-Regolament (KE) Nru 1176/2011 dwar il-prevenzjoni u l-korrezzjoni tal-iżbilanċi makroekonomiċi jiddefinixxi żbilanċ makroekonomiku bħala "kwalunkwe xejra li tagħti bidu għal żviluppi makroekonomiċi li qed jaffettwaw negattivament jew għandhom il-potenzjali li jaffettwaw negattivament, il-funzjonament korrett tal-ekonomija ta’ Stat Membru jew tal-unjoni ekonomika u monetarja, jew tal-Unjoni b’mod ġenerali" filwaqt li l-iżbilanċi eċċessivi huma "żbilanċi severi, inklużi żbilanċi li jxekklu jew li jistgħu jxekklu l-funzjonament korrett tal-unjoni ekonomika u monetarja."

B'mod ġenerali, kwalunkwe devjazzjoni minn livell mixtieq tista' tiġi kkunsidrata bħala żbilanċ. Madankollu, mhux l-iżbilanċi kollha huma preokkupanti jew jirrekjedu interventi ta' politika peress li jistgħu jkunu parti mill-aġġustament dinamiku tal-ekonomija. Żbilanċi li jkunu jirrekjedu monitoraġġ mill-qrib u possibilment interventi ta' politika huma marbuta ma' żviluppi li jistgħu jimpedixxu b'mod sinifikanti l-funzjonament korrett tal-ekonomija ta' Stat Membru, taż-Żona tal-Euro jew tal-UE.  Fil-prattika, l-iżbilanċi jirrekjedu monitoraġġ mill-qrib jekk ikunu jew f'livell perikoluż (pereż. livelli għolja ta' dejn) jew ikunu jirriflettu dinamiċi insostenibbli (pereż. prezzijiet tad-djar jew krediti dinamiċi ħafna), li jheddu li jwassli għal aġġustament għal għarrieda u kbir, u għalhekk li jagħmel il-ħsara. Pereżempju, l-eżistenza ta' defiċit kbir u persistenti jiqies bħala żbilanċ jekk iwassal għar-riskju li jkun hemm "waqfien għal għarrieda" u kosti għolja fil-benefiċċji soċjali.

L-estensjoni ta' żbilanċ tirreferi għall-grad ta' tfixkil tal-funzjonament korrett tal-attività ekonomija u għar-riskju ta' aġġustament għal għarrieda, jiġifieri, il-probabbiltà li jkollu jsir aġġustament fi ħdan perjodu partikolari. B'mod ġenerali, wieħed jista' jirreferi għal kwalunkwe varjabbli ekonomiku u jevalwa l-probabbiltà ta' bidla kbira (jew ta' bidla f'numru minnhom meħuda flimkien) fil-perjodu li jkun imiss. Pereżempju, il-probabbiltà li d-defiċit tal-kont kurrenti jew il-prezzijiet tad-djar jonqsu tinżel b'ammont ta; punti perċentwali partikolari matul is-sena ta' wara. Fil-biċċa l-kbira tal-każijiet, madankollu, il-preokkupazzjoni ewlenija hija dwar l-implikazzjonijiet ta' aġġustament għal għarrieda fuq l-attività ekonomika u l-impjiegi.

Il-kitbiet teoretiċi u empiriċi jipprovdu l-isfond għall-identifikazzjoni ta' varjabbli li jindikaw l-iżbilanċi. Il-mudelli teoretiċi ipprovdew il-bażi tal-evalwazzjoni dwar jekk l-iżviluppi jkunux sostenibbli u għalhekk jekk jikkostitwux żbilanċ. L-istudji empiriċi kienu ta' għajnuna biex ikun jista' jittejjeb il-mudell teoretiku u taw prominenza lill-valuri li jistgħu jirriflettu u jindikaw il-possibbiltà ta' żviluppi mhux sostenibbli. Filwaqt li din is-serje ta' varjabbli taqbad l-iżbilanċi b'mod kwalitattiv pjuttost tajjeb, id-diffikultà qiegħda fil-provvista ta' evalwazzjonijiet aktar kwantitattivi. Jiġigieri, b'mod kwalitattiv wieħed jista' jgħid li jekk pajjiż ikollu dinamiċi insostenibbli bħal ma hu defiċit kbir u persistenti, ikun probabbli li dan f'xi mument se jkollhom jħabbat wiċċu ma' aġġustament għal għarrieda. Madankollu, il-mument preċiż u t-trasmissjoni huma affarijiet ħafna aktar diffiċli biex jiġu stmati.

Quddiem dan l-isfond, fl-identifikazzjoni tar-riskji ta' żbilanċi potenzjali u fl-għażla tal-Istati Membri li għandhom jgħaddu minn IDR, il-ħidma tal-Kummissjoni ġiet iggwidata mill-prinċipji ġenerali li ġejjin fil-qarii tat-tabella ta' valutazzjoni u tal-indikaturi awżiljari tagħha:

Is-sostenibbiltà tad-dejn estern L-indikaturi kruċjali fit-tabella ta' valutazzjoni huma l-NIIP (stokk) u d-defiċit jew surplus fil-kont kurrenti (fluss) NIIP negattiva kbira u defiċit kbir fil-kont kurrenti huma fatturi li jnisslu preokupazzjoni partikolari. Fil-każ ta' NIIP negattiva, din trid tkun kwalifikata bid-dejn estern nett biex jittieħed kont tal-istokkijiet li jkunu deħlin ta' investiment dirett barrani, peress li dawk l-obbligazzjonijiet iġorru anqas risji mid-dejn[25]. Is-surpluses ma jġorux l-istess riskji bħad-defiċit, iżda jista' jkunu wkoll żbilanċi jekk ikunu eċċessivi u jkunu jirriflettu distorsjonijiet tas-suq jew ta' politika li jwasslu għal misallokazzjoni ta' riżorsi u għal telf fil-benefiċċji socjali fil-pajjiż jew fis-sħab tiegħu.

Il-prestazzjoni kummerċjali u l-kompetittività L-indikatur kruċjali fit-tabella ta' valutazzjoni huwa s-sehem fis-suq tal-esportazzjoni, iżda wkoll l-indikaturi tal-kompetittività tal-prezz, ir-REER u l-ULC nominali. Prestazzjoni kummerċjali dgħajfa u telf fil-kompetittività jnisslu preokupazzjoni minnhom infushom, b'mod partikolari jekk ikun hemm ukoll kwistjonijiet esterni ta' sostenibbiltà, ħtieġa għal prestazzjoni esterna aktar pożittiva biex issostni sforz usa ta' tnaqqis ta' ingranaġġ jew riallokazzjoni tar-riżorsi. L-indikaturi aużiljarji relevanti huma l-bilanċ kummerċjali nett tal-prodotti tal-enerġija[26], il-bidla tar-REER fil-konfront taż-Żona tal-Euro, u indikaturi alternattivi tal-ULC Indikatur dwar il-prestazzjoni tal-esportazzjoni fil-konfront tal-ekonomija avvanzati wkoll ikun utli. Barra minn dan, l-aspetti relatati mal-kompetittività li ma tirrigwardax il-prezz tista' tittieħed in konsiderazzjoni bħala kwalifikanti, bħal ma huma l-informazjzoni dwar l-ispeċjalizzazzjoni tal-prodott u dik ġeografika, għalkemm dawn il-kwistjonijiet fil-prinċipju għandhom jitqiesu fil-passi sussegwenti tal-MIP. L-iżviluppi fil-prestazzjoni kummerċjali u l-kompetittività jeħtieġ li jiġu interpretati fid-dawl tal-kwistjonijiet ta' sostenibbiltà. Għalkemm wieħed ma jistax jistenna li jseħħ tnaqqis f'surpluses kbar ħafna fundamentalment permezz ta' tnaqqis fl-esportazzjoni u telf fis-sehem tas-suq, it-telf tas-sehem tas-suq f'pajjiż li jkollu defiċit, b'NIIP negattiva ħafna jew b'deterjorazzjoni profonda reċenti tal-bilanċ tal-kont kurrenti ma jistax jiġi interpretat bl-istess mod bħal fil-każ ta' telf fis-sehem tas-suq f'pajjiżi li jkollhom surplus.

Id-djun tas-settur privat, it-tnaqqis tal-ingranaġġ u l-kreditu: It-tabella ta' valutazzjoni tfasslet biex jiġi identifikat l-ingranaġġ eċċessiv u t-tkabbir tal-kreditu. Quddiem is-sitwazzjoni ekonomika preżenti, l-attenzjoni daret lejn it-tnaqqis tal-pressjonijiet tal-ingranaġġ (jiġifieri l-istokkijiet għolja tad-dejn, u mhux daqstant fuq il-flussi ta' kreditu eċċessivi). Dan jinqabad billi jiġi osservat l-istokk tad-dejn tas-settur privat, tiġi rikonoxxuta d-distinzjoni bejn l-unitajiet domestiċi u l-korporazzjonijiet mhux finanzjarji, u d-dinamiċi tad-djun tagħhom , u l-interazzjoni mal-obbligazzjonijiet tal-gvern ġenerali. L-istokk ta' djun settorjali jista' jiġi kkwalifikat b'ħarsa kemm lejn iċ-ċifri kkonsolidati kif ukoll dawk mhux konsolidati (biex jittieħed kont tas-self domestiku bejn il-kumpaniji). Il-pressjonijiet ta' tnaqqis tal-ingranaġġ tas-settur privat għandhom ikunu kkwalifikati wkoll billi jittieħed kont tal-internazzjoni tagħhom mas-settur tal-gvern ġenerali[27], għar-rigward tal-impatt ikkombinat fuq l-attività ekonomika.

Ir-riskji tas-settur finanzjarju għall-ekonomija reali L-indikatur fit-tabella ta' valutazzjoni hija r-rata ta' tkabbir tal-obbligazzjonijiet tas-settur finanzjarju filwaqt li fost l-indikaturi awżiljarji jidher indikatur tal-ingranaġġ. Peressli l-għan huwa li jinqabdu ż-żidiet fir-riskji relatati mas-settur finanzjarju u l-mod kif dawn jistgħu jamplifikaw ix-xokkijiet fl-ekonomija reali, iż-żewġ indikaturi għandhom jiġu evalwati flimkien. Huwa relevanti ħafna jekk ikunx hemm espożizzjoni għal riskji ġejjin minn dejn sovran jew riskji minn dejn privat eċċessiv (mutwi ipotekarji u rabta mal-prezzijiet tad-djar). Setturi b'livell għoli ta' ingranaġġ jistgħu jkunu sinjal ta' espansjoni eċċessiv tal-karta bilanċjali tal-banek, b'mod li din talimenta l-bżieżaq ta' kreditu u tamplifika kwalunkwe żvilupp ekonomiku sfavorevoli.

Il-qgħad Ir-rata tal-qgħad tidher fit-tabella ta' valutazzjoni bħala varjabbli kuntestwali, li tgħin biex tinftiehem l-interazzjoni bejn id-diversi oqsma ta' ekonomija li tindika lejn misallokazzjoni tar-riżorsi (nuqqas ta' konformità) u nuqqas ġenerali ta' kapaċità ta' aġġustament.

Is-swieq tad-djar u tal-mutwi ipotekarji L-objettivi kriċjali huma li jinqabad ir-riskju ta' żieda qawwija fil-preżżijiet tad-djar u r-riskji ġejjin minn korezzjonijiet addizzjonali kbar, inkluż implikazzjonijiet ta' pożizzjonijiet ta' ekwità negattiva tal-unitajiet domestiċi u fuq il-kundizzjonijiet tat-tkabbir permezz tal-effetti tal-ġid. L-indikatur ewlieni huwa t-tibdil kull sena ta' prezzijiet reali tad-djar imqiegħed fil-perspettiva ta' tibdil akkumulat fil-prezzijiet. Jistgħu jintużaw indikaturi differenti ta' valwazzjoni eċċessiva/sottovalwazzjoni bħala prova, għalkemm dawn mhumiex parti mit-tabella ta' valutazzjoni. Ir-riskji ġejjin minn aġġustament ulterjuri jeħtieġ li jiġu kkwalifikati bil-livell ta' dejn tal-unitajiet domestiċi u r-rabtiet mas-sistema finanzjarja. Il-provvista tal-kreditu hija f'dan il-kuntest relevanti. F'ċerti każijiet, jista' wkoll ikun relevanti li jittieħdu f'kunsiderazzjoni l-pressjonijiet ta' aġġustament min-naħa tal-provvista. Meta wieħed iqis iċ-ċirkostanzi finanzjarji ta' diversi Stati Membri, l-objettiv għandu jkun mhux biss li wieħed jidher jekk hux qed jikbru b'rata qawwija l-prezzijiet tad-djar, iżda wkoll kif it-tnaqqis tal-prezzijiet ikun għaddej u r-riskji ta' żviluppi li jkunu jew kajmani jew inkella mgħaġġla żżejjed.

______________________

Tabella A1. L-indikaturi tat-tabella ta’ valutazzjoni u l-limiti indikattivi tagħhom

|| Żbilanċi esterni u kompetittività || Żbilanċi interni

Indikatur || Medja ta’ 3 snin tal-bilanċ tal-kont kurrenti bħala % tal-PDG || Pożizzjoni tal-Investiment Nett Internazzjonali bħala % tal-PDG || % ta’ bidla (3 snin) tar- rata tal-kambju reali effettiva, deflaturi tal-HICP relattivi għal 41 pajjiż industrijali (a) || % ta’ bidla (5 snin) tar- ishma fis-suq tal-esportazzjoni || % ta’ bidla (3 snin) f’kost nominali ta’ unità lavorattiva (b) || bidla fil-% sena wara sena bidla fil-prezzijiet tad-djar deflazzjonati (c) || Fluss tal-kreditu tas-settur privat (konsolidat) bħala % tal-PDG (d), (e) || Rata tal-qgħad - medja ta' 3 snin || Dejn tas-settur privat (konsolditat) bħala % tal-PDG (d), (e) || Settur tal-gvern ġenerali dejn bħala % tal-PDG || Bidla f'% sena wara sena fl-obbligazzjonijiet totali tas-settur finanzjarju, dejta mhux ikkonsolidata

Sors tad-dejta || EUROSTAT (Statistika tal-Bilanċ tal-Pagamenti) || EUROSTAT (Statistika tal-Bilanċ tal-Pagamenti). || DĠ ECFIN (database dwar il-kompetittivitàmarbuta mal-prezzijiet u l-Ispejjeż). || EUROSTAT (Statistika tal-Bilanċ tal-Pagamenti). || EUROSTAT (Kontijiet Nazzjonali) || EUROSTAT || EUROSTAT (Kontijiet Nazzjonali) || EUROSTAT (Stħarriġ tal-Forza Lavorattiva) || , EUROSTAT (Kontijiet Nazzjonali) || EUROSTAT (EDP – definizzjoni tat-Trattat). || , EUROSTAT (Kontijiet Nazzjonali)

Limiti indikattivi || -4/+6% Il-kwart ta' isfel (użat ukoll bħala referenza għall-ogħla limitu) || -35 % Il-kwart ta' isfel || +/-5%  għal €A +/-11%  non€A Il-kwarti ta' isfel u ta' fuq ta' EA -/+ s.d. tal-EA || -6 % Il-kwart ta' isfel || +9% €A +12% mhux €A Il-kwart ta' fuq €A +3% || +6 % Il-kwart ta' fuq || +15 % Il-kwart ta' fuq || +10 % || 133 % Il-kwart ta' fuq || +60 % || 16.5 %

Xi indikaturi addizzjonali li għandhom jintużaw fil-qari ekonomiku || Għoti ta’ self/teħid ta’ self nett vis-à-vis ROW bħala % tal-PDG || Dejn Estern Nett bħala % tal-PDG Flussi 'l ġewwa ta' FDI u stokkijiet bħala % ta' PDG || Rata tal-kambju reali effettiva vis-à-vis il-bqija taż-Żona tal-Euro || Sehem mis-suq tal-esportazzjoni fil-konfront tal-ekonomiji avvanzati; Produttività tax-xogħol; Xejra tat-tkabbir TFP || Kosti nominali tal-unita lavorattiva (bidliet fuq sena, 5 snin u 10 snin); Kost effettiv tal-unità lavorattiva fil-konfront tal-bqija taż-Żona tal-Euro. || Tibdil fil-prezzijiet reali tad-djar (akkumulati fuq 3 snin); Indiċi tal-prezz nominali tad-djar Valur miżjud fil-kostruzzjoni residenzjali || Tibdil fid-dejn privat || Rata tal-parteċipazzjoni, qgħad għat-tul u fost iż-żgħażagħ indikaturi tal-faqar || Dejn tas-settur privat ibbażat fuq dejta mhux ikkonsolidata || || Proporzjon ta’ dejn fuq l-ekwità

Noti:         (a) Fil-każ tas-sħab kummerċjali tal-UE jintuża l-HCIP filwaqt li għal sħab kummerċjali mhux tal-UE, id-deflatur huwa bbażat fuq CPI; (b) Indiċi li jipprovdi proporzjon tal-kumpens nominali għal kull impjegat mal-PDG reali kull persuna impjegata; (c) Tibdil fil-prezzijiet tad-djar fil-konfront tad-deflatur tal-konsum; (d) Is-settur privat huwa definit bħala korporazzjonijiet mhux finanzjarji; unitajiet domestiċi u istituzzjonijiet mhux għal profitt li jservu l-unitajiet domestiċi; (e) It-total tas-self u s-sigurtajiet apparti ishma.

[1]       Dan ir-Rapport huwa akkumpanjat minn żewġ dokumenti ta' ħidma: nota ta' ftuħ telabora fuq għadd ta' bidliet tekniċi fl-indikaturi użati fit-tabella ta' valutazzjoni u fl-indikaturi awżiljarji It-tieni dokument fih kwantità ta' statistika li fuq il-bażi tagħha tħejja dan ir-rapport. Ara wkoll l-Istqarrija għall-Istampa tal-Eurostat 166/2013, u l-proposta riċenti għal Regolament dwar l-għoti ta' statistika għall-proċedura tal-iżbilanċi makroekonomiċi - COM(2013) 342, 7.6.2013. Tal-aħħar timmira lejn li tiżgura monitoraġġ xieraq mill-Eurostat tal-kwalità tad-dejta, kif ukoll lejn kwistjonijiet marbuta mal-kompilazzjoni u t-trażmissjoni ta' dejta u metadejta.

[2]       COM(2013) 800, 13.11.2013. Ara wkoll l-abbozz tal-Kummissjoni għal Rapport Konġunt dwar ix-Xogħol.

[3]       COM(2013) 690, 2.10.2013. Il-Komunikazzjoni tipproponi wkoll tabella ta' valutazzjoni ta' indikaturi ewlenin li għandhom jintużaw fir-Rapport Konġunt dwar ix-Xogħol biex issegwi l-impjiegi u l-iżviluppi soċjali u tidentifika problemi f'dawn l-oqsma fi stadju bikri. F'Diċembru l-Kunsill se jivvaluta jekk jużahx fis-Simestru Ewropew 2014.

[4]       F'April 2013, il-Kummissjoni identifikat żbilanċi fil-Belġju, il-Bulgarija, id-Danimarka, Spanja, Franza, l-Italja, l-Ungerija, Malta, il-Pajjiżi l-Baxxi, is-Slovenja, il-Finlandja, l-Isvezja u r-Renju Unit, li minnhom Spanja u s-Slovenja kellhom żbilanċ eċċessiv (cf. "Riżultati ta’ reviżjonijiet fil-fond," - COM(2013) 199, 10.4.2013, u "Macroeconomic Imbalances," European Economy-Occasional Papers, 132-144). Għas-sett sħiħ ta' rakkomandazzjonijiet speċifiċi għall-pajjiżi adottati mill-Kunsill, inklużi dawk li huma rilevanti biex jingħelbu l-iżbilanċi, ara ĠU C 217, 30.7.2013, p. 1.

[5]       ĠU L 306, 23.11.2011, p. 25.

[6]       Cf. "European Economic Forecast-Autumn 2013," European Economy, 2013(7).

[7]       Fi kliem ieħor, dan ifisser li t-tnaqqis fid-defiċits tal-kontijiet kurrenti ġeneralment kien aktar milli wieħed seta' jistenna minħabba d-distakk estimat fl-output fl-Istati Membri konċernati u s-sħab kummerċjali tagħhom. Ara Salto, M. u A. Turrini (2010), "Comparing Alternative Methodologies for Real Exchange Rate Assessment," European Economy-Economic Papers, 427 għal metodu ta' kif jiġi estimat il-komponent ċikliku tal-bilanċi tal-kontijiet kurrenti.

[8]       Cf. "The Dynamics of International Investment Positions," Quarterly Report on the Euro Area, 2012(3):7-20.

[9]       Cf. "The Role of FDI in Preventing Imbalances in the Euro Area," Quarterly Report on the Euro Area, 2013(2): 17-25.

[10]     Ara pereż. IMF (2013), "Multilateral Policy Issues Report - 2013 Pilot External Sector Report," (Ġunju), u "Germany-Staff Report for the 2013 Article IV Consultation," (Awwissu).

[11]     Dawn il-kwistjonijiet kienu diġà indirizzati fir-rakkomandazzjonijiet tas-snin preċedenti (CSRs) lil dawn l-Istati Membri.

[12]     Cf. 'Current Account Surpluses in the EU", European Economy, 2012(9).

[13]     Dwar ir-rabta bejn l-KUL, il-prezzijiet tal-esportazzjoni u l-bilanċjar mill-ġdid cf. "Labour Costs Pass-Through, Profits and Rebalancing in Vulnerable Member States," Quarterly Report on the Euro Area, 2013(3):19-25. 19-25.

[14]     Cf. "Labour Market Developments in Europe-2013," European Economy, 2013(6) u "Benchmarks for the Assessment of Wage Developments," European Economy-Occasional Papers, 146.

[15]     Cf. "Refining the MIP Scoreboard - Technical Changes to the Scoreboard and Auxiliary Indicators," op. cit., on changes in the definition of private sector debt in the scoreboard.

[16]     Cf. 'Assessing the Private Sector Deleveraging Dynamics,' Quarterly Report on the Euro Area, 2013 (1): 26-32, kif ukoll Cuerpo, C. et al. (2013), 'Indebtedness, Deleveraging Dynamics and Macroeconomic Adjustment,' European Economy-Economic Papers, 477.

[17]     Cf. "Product Market Review-2013," European Economy, 2013(forthcoming), u "Drivers of Diverging Financing Conditions across Member States," Quarterly Report on the Euro Area, 2013(1):19-25. 19-25.

[18]     Prezzijiet tad-djar relattivi (jew reali) jiġifieri prezzijiet deflattati mid-diflattur tal-konsum.

[19]     Cf. "Assessing the dynamics of house prices in the euro area," Quarterly Report on the Euro Area, 2012(4): 7-18, "Taxation of Housing," Quarterly Report on the Euro Area, 2012(4): 25-30 u "Tax Reforms in EU Member States 2013," European Economy, 2013(5), partikolarment it-Taqsima 2.6. Dwar ir-riskji relatati mad-djar, ara Pataracchia, B., R. Raciborski, M. Ratto u W. Röger (2013), "Endogenous Housing Risk in an Estimated DSGE Model of the Euro Area", European Economy-Economic Papers, 505.

[20]     Dan l-approċċ, li jevita x-xogħol doppju tal-proċeduri u tal-obbligi tar-rappurtar ġie stabbilit fir-Regolament (UE) Nru 472/2013 (ĠU L 140, 27.5.2013, p. 1), li huwa parti minn dak li jissejjaħ "two-pack". Huwa wkoll konformi mal-proposta tal-Kummissjoni dwar faċilità li tipprovdi l-assistenza finanzjarja lill-Istati Membri li mhumiex fiż-Żona tal-Euro - COM(2012) 336, 22.6.2012.  Għad-diskussjonijiet dettaljati dwar s-sitwazzjoni ekonomika u l-progress ekonomiku fit-tneħħija tal-iżbilanċi f'dawn l-Istati Membri, ara l-aħħar rapporti ta' konformità fi: European Economy-Occasional Papers, 162 (l-Irlanda), 159 (il-Greċja), 161 (Ċipru), 156 (ir-Rumanija) u 153 (il-Portugall). Spanja hija diskussa f’dan ir-rapport għalkemm il-benefiċċji tagħha mill-finanzjament uffiċjali għall-kapitalizzazzjoni mill-ġdid tal-banek; cf. European Economy-Occasional Papers, 155. Dwar "it-two-pack" ara "It-two-pack dwar il-governanza ekonomika", European Economy-Occasional Papers, 147.

[21]     Iż-żgħażagħ qiegħda, l-edukazzjoni jew it-taħriġ.

[22]     Madankollu, il-parti korrettiva tal-MIP ma skattatx minħabba l-ambizzjoni tal-programm ta' riforma nazzjonali (NRP) u tal-programm ta' stabbiltà (SP) ta' Spanja. Il-Kummissjoni qed tagħmel monitoraġġ mill-qrib tal-implimentazzjoni tar-riformi ta' politika u tal-konformità mar-rakkomandazzjonijiet adottati mill-Kunsill f'Lulju, li huma relevanti għall-MIP. Dan il-monitoraġġ juri li kien hemm żieda viżibbli fir-ritmu tar-riformi f'dawn l-aħħar xhur. Minkejja xi dewmien, kien qed isir progress fir-riformi skont l-impenji tal-NRPu tal-SP u r-rakkomandazzjonijiet relevanti għall-NIP adottati mill-Kunsill f'Lulju.

[23]     Madankollu, id-driegħ korrettiv tal-MIP ma skattax, u dan bis-saħħa tal-ambizzjoni tal-programm nazzjonali ta' riforma u tal-programm ta' stabbilità li għandha s-Slovenja. Il-Kummisjsoni qiegħda timmonitorja mill-qrib l-implimentazzjoni tar-riformi ta' politika u l-konformità mar-rakkomandazzjonijiet relevanti għall-MIP adottati mill-Kunsill f'Lulju. Dan il-monitoraġġ juri li tul l-aħħar xhur tħaffef il-pass tar-riformi strutturali relevanti għall-aġġustament tal-iżbilanċi, u nkiseb progress kruċjali fil-qasam tas-settur bankarju.

[24]     Din il-kaxxa hija estratt tas-sejbiet ewlenin tas-"Surpluses tal-Kont Kurrenti fl-UE", op.cit.

[25]     Meta wieħed iħares lejn kif jiżviluppaw minn sena għall-oħra l-NIIP u d-dejn estern, wieħed għandu jieħu f'kunsiderazzjoni li dawn il-varjabbli jitkejlu bil-valur tas-suq: kwalunkwe titjib jew deterjorament f'dawn il-varjabbli jista' jiddependi fuq titjib (jew deterjorament) tal-prinċipji fundamentali, kif ukoll daqstant ieħor fuq il-perċezzjonijiet tas-suq tal-affidabbiltà kreditizja tal-pajjiżi.

[26]     F'dan ir-rigward ara 'Member States' Energy Dependence: An Indicator-Based Assessment,' European Economy-Occasional Papers, 145, kif ukoll 'Energy Economic Developments in Europe,' European Economy, (għad irid joħroġ).

[27]     Dwar is-sostenibbiltà tad-dejn tal-gvern, ara 'Fiscal Sustainability Report-2012,' European Economy, 2012 (8). Għal deskrizzjoni dettaljata tas-sorveljanza fiskali, ara 'Report on Public Finances in EMU,' European Economy, 2013 (3).