15.4.2014 |
MT |
Il-Ġurnal Uffiċjali tal-Unjoni Ewropea |
C 114/48 |
Opinjoni tal-Kumitat tar-Reġjuni – Il-Fond ta’ Solidarjetà tal-Unjoni Ewropea
2014/C 114/10
I. RAKKOMANDAZZJONIJIET TA' POLITIKA
IL-KUMITAT TAR-REĠJUNI
Kummenti ġenerali
1. |
iqis li l-Fond ta' Solidarjetà tal-Unjoni Ewropea (minn issa 'l quddiem imsejjaħ “il-Fond”) huwa l-istrument ewlieni li jippermetti lill-Unjoni tirreaġixxi meta jseħħu diżastri naturali fl-Istati Membri jew pajjiżi kandidati għas-sħubija, b'turija ta' solidarjetà mal-pajjiżi, ir-reġjuni u l-komunitajiet milquta (b'konformità mal-Artikolu 222 tat-Trattat dwar il-Funzjonament tal-Unjoni Ewropea); |
2. |
jinnota li fis-sura attwali tiegħu, b'mod ġenerali, il-Fond wera li hu effikaċi, iżda li l-mod kif jaħdem jista' jitjieb, speċjalment billi jiġu ssemplifikati l-proċeduri amministrattivi indispensabbli għall-mobilizzazzjoni tal-Fond sabiex jitnaqqas b'mod sinifikanti l-ammont ta' żmien li jgħaddi bejn id-diżastru u l-għoti tal-għajnuna. Ir-regoli tal-mod kif jaħdem il-Fond jistgħu jkunu aktar ċari u l-Fond innifsu jista' jkun immirat biex jindirizza aħjar il-ħtiġijiet taż-żoni milquta; |
3. |
jiddispjaċih li l-Kummissjoni Ewropea tipproponi EUR 500 miljun (prezzijiet tal-2011) għall-allokazzjoni annwali massima għall-Fond, l-istess ammont sa mill-2002, u dan jipperikola l-għajnuna li titwassal malli jseħħ diżastru mdaqqas, speċjalment issa li dawn id-diżastri qed iseħħu dejjem aktar ta' sikwit; |
Is-sussidjarjetà u l-proporzjonalità
4. |
jemmen li r-Regolament eżistenti kif ukoll l-emendi proposti huma konformi mal-prinċipji tas-sussidjarjetà u l-proporzjonalità; |
Rilevanza għal-livelli lokali u reġjonali
5. |
jiġbed l-attenzjoni għall-fatt li d-diżastri naturali l-kbar ikissru l-ewwel u qabel kollox lill-komunitajiet u lir-reġjuni milqutin. Fiż-żoni milquta, ta' sikwit ħafna, iġarrbu ħsarat gravi l-infrastrutturi bażiċi kif ukoll il-wirt naturali u kulturali; |
6. |
ifakkar li l-awtoritajiet lokali u reġjonali normalment ikunu s-sidien ta' din l-infrastruttura mkissra, u li għaldaqstant huma jkunu responsabbli li jerġgħu jwaqqfuhom fuq saqajhom. Huma jridu wkoll jieħdu ħsieb is-servizzi ta' salvataġġ, il-kenn temporanju tal-persuni evakwati u t-tindif taż-żoni milquta; |
7. |
għaldaqstant huwa jqis li minkejja li l-Istati Membri jew il-pajjiżi kandidati huma l-benefiċjarji ewlenin tal-appoġġ tal-Fond, l-għajnuna mogħtija minn dan il-Fond fl-aħħar mill-aħħar tippermetti l-finanzjament ta' miżuri li jitwettqu mil-livelli reġjonali u lokali; |
8. |
jisħaq li għall-awtoritajiet reġjonali u lokali, l-aktar aspetti importanti huma r-rapidità tar-reazzjoni tal-Fond u l-possibbiltà li r-riżorsi disponibbli jiġu mmirati b'mod li jwieġbu bl-aħjar mod għal ħtiġijiet reali; |
9. |
jilqa' bi pjaċir kbir il-proposti tal-Kummissjoni li jgħinu biex l-għajnuna tal-Fond tasal aktar malajr u tkun immirata aħjar, u jissuġġerixxi xi rakkomandazzjonijiet importanti, speċjalment għall-awtoritajiet lokali u reġjonali; |
10. |
jiġbed l-attenzjoni għall-bżonn li tiġi kkunsidrata s-sitwazzjoni partikolari tar-reġjuni ultraperiferiċi, li huma iktar vulnerabbli għall-fenomeni metereoloġiċi estremi; |
Kamp ta’ applikazzjoni tal-Fond (Artikolu 2)
11. |
jifraħ li l-kamp ta' applikazzjoni tal-Fond ġie ċċarat, għax dan inaqqas l-inċertezza legali ezistenti u b'hekk jiġi evitat li jitressqu talbiet li ma jobdux il-kundizzjonijiet; |
Il-mobilizzazzjoni tal-Fond f'każ ta' diżastru reġjonali mhux tas-soltu (Artikolu 2)
12. |
japprova l-isforzi tal-Kummissjoni biex tissemplifika d-definizzjoni tal-kunċett ta' “diżastru reġjonali” billi ddaħħal il-kriterju tal-PDG. Din id-definizzjoni ġdida ser tiffaċilita l-valutazzjoni tat-talbiet mill-Kummissjoni Ewropea u tikkontribwixxi għat-titjib tat-trasparenza u l-effikaċja tal-Fond. Għal dawk li potenzjalment jitolbu l-għajnuna mill-Fond, ser ikun aktar faċli li jiġi valutat minn qabel jekk id-diżastru inkwistjoni jkollux dritt għall-miżuri ta' għajnuna; |
13. |
jipproponi li jitwaqqaf il-kriterju li għandu jippermetti l-klassifikazzjoni ta' diżastru bħala “diżastru naturali reġjonali” għal 1,0 % tal-PDG reġjonali għar-reġjuni fil-livell NUTS 2. Fil-fehma tal-Kumitat, dan il-kriterju għandu jirrifletti aħjar ir-rieda li, f'każ ta' diżastru naturali reġjonali, tingħata għajnuna li d-daqs tagħha ma jvarjax wisq; |
14. |
iqis li l-indikaturi kkwotati għandhom jiġu aġġustati fil-każ ta' diżastri naturali li jseħħu fi kwalunkwe waħda mill-gżejjer fir-reġjuni tal-arċipelagu, tal-livell NUTS 2, sabiex jiġi evitat li xi kunsiderazzjoni purament reġjonali twassal biex il-Fond ma jaħdimx f'każijiet bħal dawn; |
Definizzjoni ta' kriterju reġjonali għall-mobilizzazzjoni tal-Fond fil-livell NUTS 3 (Artikolu 2)
15. |
jiġbed l-attenzjoni għall-fatt li dejjem aktar ta' sikwit, id-diżastri qed jolqtu żoni li jkunu differenti ħafna mir-reġjuni fil-livell NUTS 2 (f'ċerti Stati Membri dawn jiġu definiti biss b'mod amministrattiv), u li saħansitra jaqbżu l-fruntieri ta' diversi reġjuni mmarkati bħala tali; għaldaqstant, jekk il-kriterju reġjonali ma jqisx ħlief il-limitu tar-reġjuni fil-livell NUTS 2, ikun fil-periklu li ma jkunx oġġettiv; |
16. |
jipproponi li jiddaħħal kriterju għad-diżastri reġjonali li jolqtu żoni fil-livell NUTS 3 għal każijiet fejn diversi reġjuni ġirien fil-livell NUTS 3 li jkunu ntlaqtu minn diżastru, flimkien jiffurmaw territorju li d-daqs tiegħu jilħaq il-livell tan-NUTS 2 (li jgħodd għal mill-inqas 800 000 abitant). F'dan il-każ, il-persentaġġ tal-PDG li jirriżulta jiġi kkalkulat mill-medja peżata taċ-ċifri tad-diversi reġjuni fil-livell NUTS 3; |
Diżastri naturali transkonfinali ta' natura eċċezzjonali (Artikolu 2)
17. |
jiġbed l-attenzjoni għall-fatt li minħabba n-natura transkonfinali ta' għadd kbir ta' diżastri, f'dawn il-każijiet, l-intervent tal-UE jkollu valur miżjud kbir u jagħti sinjal pożittiv ħafna liċ-ċittadini; |
18. |
jissuġġerixxi li, għad-definizzjoni tal-kunċett ta' “diżastru naturali transkonfinali ta' natura eċċezzjonali”, jintuża l-kriterju tal-livell NUTS 3 li ssemma aktar qabel, li għalih ir-reġjuni ġirien fil-livell NUTS 3 jistgħu jkunu parti minn Stati Membri differenti; |
Definizzjoni tal-miżuri eliġibbli (Artikolu 3)
19. |
jifraħ bil-possibbiltà li jsir użu mill-Fond mhux biss għal miżuri “immedjati”, iżda anke għal dawk li huma marbutin direttament mad-diżastru, iżda li n-natura nnifisha tagħhom teħtieġ implimentazzjoni aktar fit-tul; |
20. |
jisħaq li wara d-diżastri, fil-livelli lokali u reġjonali jkun hemm bżonn ġenwin li l-infrastrutturi jerġgħu jitqajmu fuq saqajhom b'mod li jkunu jistgħu jiffaċċjaw diżastri futuri oħrajn; f'xi każijiet jista' jkun hemm bżonn li dawn l-infrastruttri jitressqu f'post aktar adegwat; |
21. |
jissuġġerixxi li l-miżuri eliġibbli tal-Fond jiġu kompletati u li tiġi inkluża l-possibbiltà li jiġi finanzjat mhux biss ir-restawr tal-infrastrutturi, iżda anke t-tħaddim mill-ġdid f'sura li tista' tilqa' aħjar għal xi diżastri naturali oħrajn. Jipproponi wkoll li mal-miżuri eliġibbli għall-Fond jiżdied ukoll iċ-ċaqliq tal-infrastrutturi li jinsabu f'post li fil-ġejjieni jista' jerġa' jkun mhedded minn diżastri naturali; |
Assistenza teknika (Artikolu 3)
22. |
jiġbed l-attenzjoni għall-fatt li għal ċerti awtoritajiet lokali u reġjonali, l-assistenza teknika esterna ta' sikwit tkun indispensabbli biex jiffaċċjaw id-diżastru u biex iwettqu sew il-miżuri marbutin mar-restawr taż-żoni milqutin; |
23. |
jipproponi li l-ispejjeż marbutin mal-assistenza teknika esterna jiġu inklużi mal-ispejjeż eliġibbli għall-Fond, u sal-ogħla livell ta' 2 % tal-kontribut totali tal-Fond; |
Skadenza għat-tressiq tat-talbiet (Artikolu 4)
24. |
jiġbed l-attenzjoni għall-fatt li t-tħejjija tat-talba mill-awtoritajiet pubbliċi tieħu ħafna żmien, speċjalment minħabba l-valutazzjoni tal-ħsarat u l-ġbir tal-elementi ta' prova għall-appoġġ tat-talba, u li din trid issir sew fl-istess żmien meta l-awtoritajiet pubbliċi jridu jieħdu l-miżuri neċessarji biex jirrimedjaw għall-konsegwenzi tad-diżastru. Id-diffikultà hija terġa' ikbar meta jkun il-każ ta' diżastru li qed jevolvi bil-mod, bħan-nixfiet, iżda anke fenomeni bħall-għargħar li xi kultant jistgħu jdumu diversi ġimgħat, u saħansitra diversi xhur. F'dan il-każ, il-ħsarat jistgħu jiġu valutati biss wara li jbattu l-ilmijiet. Għaldaqstant il-gravità tad-diżastru titkejjel aktar tard; |
25. |
għalhekk japprova l-proposta tal-Kummissjoni li tqis l-ispeċifiċitajiet tad-diżastri li jevolvu bil-mod; |
26. |
jiġbed ukoll l-attenzjoni għall-fatt li għad-diżastri naturali l-oħra, il-proposta leġislattiva żżomm id-dispożizzjonijiet eżistenti u li ma ssolvix il-problemi marbutin mat-tħejjija tat-talba f'każ ta' għargħar fuq żmien twil; |
27. |
jipproponi għalhekk li f'każ ta' għargħar fuq żmien twil, tinfetaħ il-possibbiltà li t-talba tiġi introdotta fi skadenza ta' għaxar ġimgħat mit-tmiem tad-diżastru naturali (pereżempju meta jitneħħa l-istat ta' emerġenza ddikjarat mill-Istat Membru jew l-awtorità reġjonali, eċċ.); |
Dispożizzjonijiet li jiffavorixxu l-prevenzjoni tad-diżastri (Artikolu 4)
28. |
jaqbel mal-fehma tal-Kummissjoni Ewropea li fil-każ tad-diżastri naturali, l-adozzjoni tal-miżuri ta' prevenzjoni neċessarji hija indispensabbli u li dejjem għandu jsir sforz biex dawn jitjiebu; |
29. |
jibża' li l-obbligu li fit-talba għal informazzjoni dwar il-prevenzjoni jiġu inklużi r-riskji ta' diżastri tista' tkun piż amministrattiv żejjed, u ttawwal it-tfassil u t-trattament tat-talbiet, u dan imur kontra l-għan ewlieni, jiġifieri li jiġu ssemplifikati l-proċeduri amministrattivi għall-mobilizzazzjoni ta' dan il-Fond; |
30. |
jipproponi li fil-fażi tat-trattament tat-talba, dawk li jressqu t-talbiet jipprovdu biss deskrizzjoni qasira tal-implimentazzjoni tal-leġislazzjoni Ewropea (Artikolu 4 (1)(e)), billi jitħassar l-obbligu li tiġi ppreżentata informazzjoni komplementarja (Artikolu 4 (1)(f)) għax din trid tidher fir-rapport dwar l-implimentazzjoni tal-kontribut tal-Fond; |
Possibbiltà ta' ħlas bil-quddiem (Artikolu 4(a))
31. |
jaqbel mal-proposta tal-Kummissjoni li tiġi introdotta l-possibbiltà li jingħataw flus bil-quddiem biex il-Fond ikun jista' jirreaġixxi malajr; madankollu jissuġġerixxi li s-sistema tal-ħlas bil-quddiem tibqa' 'l barra mill-qafas finanzjarju pluriennali u mill-fondi strutturali proposti b'mod konkret; |
Titwil tal-iskadenza għall-użu tal-kontribut mill-Fond (Artikolu 8)
32. |
jilqa' bi pjaċir l-intenzjoni tal-Kummissjoni li żżid il-pass tal-proċedura amministrattiva għall-approvazzjoni tal-finanzjament mill-Fond, sabiex l-għajnuna tasal aktar malajr għand ir-reġjuni milquta; f'dan ir-rigward, xorta waħda jiġbed l-attenzjoni għall-fatt li hemm skadenza reali iqsar għall-użu tal-kontribut mill-Fond; |
33. |
jipproponi li l-iskadenza għall-użu tal-kontribut mill-Fond tittawwal għal sentejn, l-aktar minħabba raġunijiet tal-ħin li jirrikjedi r-restawr tal-infrastrutturi bażiċi, tal-obbligu li tiġi pprovduta d-dokumentazzjoni neċessarja u tar-rispett tar-regoli dwar l-akkwist pubbliku kif ukoll l-istabbiliment mill-ġdid tas-servizzi u l-provvisti essenzjali. |
Użu tal-istrumenti ta' semplifikazzjoni
34. |
Il-korpi Ewropej u l-awtoritajiet nazzjonali, reġjonali u lokali tkellmu diversi drabi dwar il-bżonn li l-ġestjoni tiġi semplifikata kemm jista' jkun sabiex ikun hemm orjentazzjoni tal-prestazzjoni (1). Din is-semplifikazzjoni hemm bżonnha aktar u aktar fil-każ tal-Fond tas-Solidarjetà li jopera f'sitwazzjonijiet ta' emerġenza estrema u li fost l-ispejjeż ammissibbli tiegħu hemm dawk intiżi sabiex jintlaħqu l-bżonnijiet personali immedjati. Għalhekk ikun mixtieq li jiġi permess l-użu ta' spejjeż ta' unità fin-nefqa għall-bżonnijiet tal-individwi milqutin u li mhumiex maħsuba għar-restawr tal-infrastrutturi. |
II. RAKKOMANDAZZJONIJIET SABIEX JITRESSQU EMENDI
Emenda 1
Premessa 11
Test propost mill-Kummissjoni |
Emenda tal-KtR |
Il-Fond għandu jikkontribwixxi għar-restawr tal-infrastruttura biex terġa' tiġi tiffunzjona, għat-tindif taż-żoni milquta mid-diżastru u għall-ispejjeż tas-servizzi tas-salvataġġ u għall-akkomodazzjoni temporanja għall-popolazzjoni kkonċernata matul il-perjodu sħiħ ta' implimentazzjoni. Il-firxa ta' żmien li matulu l-akkomodazzjoni kkunsidrata temporanja għall-persuni li jkunu spiċċaw bla dar, għandu jiġi definit ukoll. |
Il-Fond għandu jikkontribwixxi għar-restawr tal-infrastruttura biex terġa' tiġi tiffunzjona jew f'sura li tista' tilqa' aħjar għal xi diżastri naturali, inkluża r-rilokazzjoni, għat-tindif taż-żoni milquta mid-diżastru u għall-ispejjeż tas-servizzi tas-salvataġġ u għall-akkomodazzjoni temporanja għall-popolazzjoni kkonċernata matul il-perjodu sħiħ ta' implimentazzjoni. Il-firxa ta' żmien li matulu l-akkomodazzjoni kkunsidrata temporanja għall-persuni li jkunu spiċċaw bla dar, għandu jiġi definit ukoll. |
Raġuni
Tirrifletti l-emenda proposta mir-relatur għal Artikolu 3(2).
Emenda 2
Premessa 13
Test propost mill-Kummissjoni |
Emenda tal-KtR |
Għandu jiġi speċifikat ukoll li operazzjonijiet eliġibbli ma għandhomx jinkludu nefqa għal assistenza teknika. |
Għandu jiġi speċifikat ukoll li operazzjonijiet eliġibbli ma għandhomx jinkludu nefqa għal assistenza teknika. |
Raġuni
Għal ċerti awtoritajiet lokali u reġjonali, l-assistenza teknika esterna ta' sikwit tkun indispensabbli biex jiffaċċjaw id-diżastru u biex iwettqu sew il-miżuri marbutin mar-restawr taż-żoni milqutin. Għaldaqstant il-Kumitat tar-Reġjuni jipproponi li l-ispejjeż marbutin mal-assistenza teknika esterna jiġu inklużi mal-ispejjeż eliġibbli għall-Fond, u sal-ogħla livell ta' 2 % tal-kontribut totali tal-Fond. L-emenda li qed tiġi proposta għall-Artikolu 3(5) hija marbuta ma' din l-emenda.
Emenda 3
Premessa 15
Test propost mill-Kummissjoni |
Emenda tal-KtR |
Ċerti tipi ta’ diżastri naturali, bħal nixfiet, qed jiżviluppaw fuq perjodu ta’ żmien itwal qabel ma jinħassu l-effetti diżastrużi tagħhom. Għandha ssir dispożizzjoni li tippermetti l-użu tal-Fond f’każijiet bħal dawn. |
Ċerti tipi ta’ diżastri naturali, bħal nixfiet, qed jiżviluppaw fuq perjodu ta’ żmien itwal qabel ma jinħassu l-effetti diżastrużi tagħhom. jew bħal fil-każ tal-għargħar, diżastru li jestendi fuq perjodi twal, u għalhekk g Għandha ssir dispożizzjoni li tippermetti l-użu tal-Fond f’każijiet bħal dawn. |
Raġuni
It-tħejjija tat-talba mill-awtoritajiet pubbliċi tieħu ħafna żmien, speċjalment minħabba l-valutazzjoni tal-ħsarat u l-ġbir tal-elementi ta' prova għall-appoġġ tat-talba, u trid issir fl-istess żmien meta l-awtoritajiet pubbliċi jridu jieħdu l-miżuri neċessarji biex jirrimedjaw għall-konsegwenzi tad-diżastru. Id-diffikultà hija terġa' ikbar meta jkun il-każ ta' diżastru li qed jevolvi bil-mod, bħan-nixfiet, iżda anke fenomeni bħall-għargħar li xi kultant jistgħu jdumu diversi ġimgħat, u saħansitra diversi xhur. F'dan il-każ, il-ħsarat jistgħu jiġu valutati biss wara li jbattu l-ilmijiet u l-gravità tad-diżastru tista' titkejjel biss aktar tard. Għalkemm il-proposta għal Regolament tqis il-karatteristiċi speċifiċi tad-diżastri li jevolvu bil-mod, fil-każ tad-diżastri naturali l-oħra żżomm id-dispożizzjonijiet eżistenti u ma ssolvix il-problemi marbutin mat-tħejjija tat-talba f'każ ta' għargħar fuq żmien twil; F'dan ir-rigward qed jiġi propost li jiżdied paragrafu ġdid fl-Artikolu 4.
Emenda 4
Artikolu 2(3)
Test propost mill-Kummissjoni |
Emenda tal-KtR |
Għall-finijiet ta’ dan ir-Regolament, “diżastru naturali reġjonali” tfisser kwalunkwe diżastru naturali li jirriżulta, f’reġjun ta’ Stat Membru jew kwalunkwe pajjiż involut fin-negozjati tal-adeżjoni mal-Unjoni fil-livell NUTS 2, involut fi ħsara diretta li taqbeż il-1,5 % tal-prodott domestiku gross (PDG). Meta d-diżastru jikkonċerna diversi reġjuni fil-livell NUTS 2, jiġi applikat il-limitu minimu tal-medja peżata tal-PDG ta’ dawk ir-reġjuni. |
Għall-finijiet ta’ dan ir-Regolament, “diżastru naturali reġjonali” tfisser kwalunkwe diżastru naturali li jirriżulta, f’reġjun ta’ Stat Membru jew kwalunkwe pajjiż involut fin-negozjati tal-adeżjoni mal-Unjoni fil-livell NUTS 2, jew diversi reġjuni qraba immedjati fil-livell NUTS 3 li jiffurmaw flimkien territorju li jikkorrispondi għall-kriterji minimi tal-livell NUTS 2, involut fi ħsara diretta li taqbeż il-1,5 % 1 % tal-prodott domestiku gross (PDG). Meta d-diżastru jikkonċerna diversi reġjuni fil-livell NUTS 2 jew NUTS 3, jiġi applikat il-limitu minimu tal-medja peżata tal-PDG ta’ dawk ir-reġjuni. |
Raġuni
Ir-raġuni prinċipali għalfejn il-limitu tad-diżastru naturali reġjonali ġie stabbilit għal 1,5 % kienet ix-xewqa li jinkisbu riżultati kważi identiċi għad-deċiżjonijiet li ttieħdu fil-passat abbażi ta' kriterji relattivament impreċiżi. L-applikazzjoni ta' dan il-kriterju madanakollu ma kinitx tippermetti li tingħata għajnuna fil-każ ta' żewġ diżastri naturali reġjonali fejn it-talba għall-għajnuna kienet intlaqgħet (fil-każ tal-eruzzjoni ta' vulkan fi Sqallija fl-2003 fejn l-ammont ta' ħsara tela' għal 1,36 % tal-PDG tar-reġjun u l-għargħar fid-delta tar-Rhône fl-2004 bi ħsara ta' 1,05 % tal-PDG). Limiti tant għoljin ma jippermettux garanzija tar-riżultati li jistennew li jaraw iċ-ċittadini vittmi tad-diżastri. Il-Kumitat jitlob għalhekk li jitnaqqas il-limitu għal 1 % tal-PDG.
Fir-rigward tad-definizzjoni ta' diżastru naturali reġjonali il-proposta għal regolament tuża l-unità ta' referenza NUTS 2. Billi dejjem aktar spiss, id-diżastri qed jolqtu żoni li jvarjaw ħafna mir-reġjuni fil-livell NUTS 2 (f'ċerti Stati Membri dawn jiġu definiti biss b'mod amministrattiv) u li saħansitra jaqbżu l-fruntieri ta' diversi reġjuni mmarkati bħala tali; jekk il-kriterju reġjonali ma jqisx ħlief il-limitu tar-reġjuni fil-livell NUTS 2, ikun fil-periklu li ma jkunx oġġettiv. Hija fil-fatt ir-raġuni għalfejn il-Kumitat qed jipproponi li l-kriterju jiġi estiż għal-livell NUTS 3 u billi bosta reġjuni qraba immedjati fil-livell NUTS 3 flimkien jiffurmaw territorji b'karattersitiċi li jikkorrispondu tal-anqas għall-kriterju minimu tal-livell NUTS 2 (popolazzjoni b'minn tal-inqas 800 000 abitant). F'dan il-każ, il-persentaġġ tal-PDG li jirriżulta jiġi kkalkulat mill-medja peżata taċ-ċifri tad-diversi reġjuni differenti fil-livell NUTS 3;
Emenda 5
Artikolu 2, paragrafu ġdid wara l-paragrafu (3)
Test propost mill-Kummissjoni |
Emenda tal-KtR |
|
Għall-finijiet ta’ dan ir-Regolament, “diżastru naturali transkonfinali” tfisser kwalunkwe diżastru naturali li jirriżulta, fit-territorju ta’ Stat Membru jew kwalunkwe pajjiż involut fin-negozjati tal-adeżjoni mal-Unjoni fil-livell ta' diversi reġjuni qraba immedjati fil-qafas tan- NUTS 3 li flimkien jiffurmaw territorji li jikkorrispondu għall-kriterju minimu tal-livell NUTS 2, fi ħsara diretta li taqbeż il-1,0 % tal-medja peżata tal-prodott domestiku gross (PDG) ta' dawn ir-reġjuni. |
Raġuni
Bosta diżastri għandhom natura transkonfinali. F'dawn il-każijiet, l-intervent tal-UE jkollu valur miżjud kbir u jagħti sinjal pożittiv ħafna liċ-ċittadini; Huwa għalhekk li l-Kumitat tar-Reġjuni jixtieq jinkludi l-kriterju ġdid li jiddefinixxi “diżastru naturali transkonfinali” Dan il-kriterju jiġi evalwat fil-livell tar-reġjuni tan-NUTS 3 minn Stati Membri differenti jew pajjiżi li qed jinnegozjaw l-adeżjoni tagħhom mal-UE. F'dan il-każ, l-effett tad-diżastru jiġi evalwat fil-livell ta' bosta reġjuni qraba immedjati fil-livell NUTS 3 li jiffurmaw territorju li jikkorrispondi għall-kriterju li jiddefinixxi reġjun fil-livell NUTS 2 (popolazzjoni ta' mill-inqas 800 000 abitant). F'dan il-każ, il-persentaġġ tal-PDG li jirriżulta jiġi kkalkulat mill-medja peżata taċ-ċifri tad-diversi reġjuni fil-livell NUTS 3; Il-benefiċjarji jkunu l-Istati Membri li jinsabu fit-territorju li fih jinstab ir-reġjun stabbilit.
Emenda 6
Artikolu 2 (4)
Test propost mill-Kummissjoni |
Emenda tal-KtR |
L-assistenza mill-Fond tista' tkun mobilizzata wkoll għal kwalunkwe diżastru naturali fi Stat eliġibbli li huwa diżastru naturali maġġuri fi Stat Membru tal-viċinat jew pajjiż involut f'negozjati tal-adeżjoni mal-Unjoni. |
L-assistenza mill-Fond tista' tkun mobilizzata wkoll għal kwalunkwe diżastru naturali fi Stat eliġibbli li huwa diżastru naturali maġġuri jew diżastru naturali reġjonali fi Stat Membru tal-viċinat jew pajjiż involut f'negozjati tal-adeżjoni mal-Unjoni. |
Raġuni
Il-possibblità li Stat Membru tal-viċinat jitlob kumpens għad-danni kkawżati minn “diżastru naturali maġġuri” mingħajr ma jkun eliġibbli għall-kriterji għandha tapplika wkoll għal “diżastru naturali reġjonali”. Jekk dan ma jkunx il-każ ma jkunx kompatibbli ma' dak li tirrappreżenta l-UE.
Emenda 7
Artikolu 3(2)
Test propost mill-Kummissjoni |
Emenda tal-KtR |
||||||||||||||||
L-għan tal-Fond huwa li jikkumplimenta l-isforzi tal-Istati kkonċernati u li jkopri parti min-nefqa pubblika tagħhom sabiex jgħinu lill-Istat eliġibbli jwettaq l-emerġenza essenzjali u l-operazzjonijiet ta’ rkupru li ġejjin, skont it-tip ta’ diżastru: |
L-għan tal-Fond huwa li jikkumplimenta l-isforzi tal-Istati kkonċernati u li jkopri parti min-nefqa pubblika tagħhom sabiex jgħinu lill-Istat eliġibbli jwettaq l-emerġenza essenzjali u l-operazzjonijiet ta’ rkupru li ġejjin, skont it-tip ta’ diżastru: |
||||||||||||||||
|
|
||||||||||||||||
|
Għall-finijiet ta' punt (a) “ir-restawr” ifisser ħidma għal reżistenza aħjar f'każ ta' diżastri naturali inkluża l-eliminazzjoni ta' proġetti ta' infrastruttura fuq siti li fil-futur ser jisfaw mil-ġdid mhedda minn diżastru naturali. |
||||||||||||||||
Għall-finijiet tal-punt (b), “akkomodazzjoni temporanja” tfisser akkomodazzjoni li ddum sakemm il-popolazzjoni kkonċernata tkun tista’ tmur lura għad-djar oriġinali tagħhom wara li jkunu ssewwew jew inbnew mill-ġdid. |
Għall-finijiet tal-punt (b), “akkomodazzjoni temporanja” tfisser akkomodazzjoni li ddum sakemm il-popolazzjoni kkonċernata tkun tista’ tmur lura għad-djar oriġinali tagħhom wara li jkunu ssewwew jew inbnew mill-ġdid. |
Raġuni
Il-Fond jippermetti ġeneralment ir-ristawr ta' infrastruttura li ġarrbet ħsara sabiex din terġa' tieħu l-forma oriġinali tagħha. L-esperjenza tar-reġjuni tindika li l-proġetti differenti ta' infrastruttura bħat-toroq jew rabtiet ferrovjarji prinċipali li għandhom importanza sovrareġjonali għandhom jiġu spustati b'kunsiderazzjoni tal-informazzjoni l-ġdida dwar miżuri neċessarji ta' protezzjoni kontra d-diżastri. Barra minn hekk it-tiswija ta' ċerti elementi ta' infrastruttura li ġarrbet ħsara kbira bħal pontijjiet tirrikjedi investimenti li jistgħu jeliminaw ir-riskju ta' ħsara f'diżastru naturali ieħor fil-ġejjieni. Sempliċiment restawr tal-infrastruttura ikun għalhekk insuffiċjenti u kontraproduttiv.
Emenda 8
Artikolu 3(5)
Test propost mill-Kummissjoni |
Emenda tal-KtR |
L-assistenza teknika, inklużi l-immaniġġar, il-monitoraġġ, l-informazzjoni u l-komunikazzjoni, is-soluzzjoni għall-ilmenti, u l-kontroll u l-awditjar, mhijiex eliġibbli għal kontribuzzjoni mill-Fond. |
L-assistenza teknika esterna, inklużi l-immaniġġar, il-monitoraġġ, l-informazzjoni u l-komunikazzjoni, is-soluzzjoni għall-ilmenti, u l-kontroll u l-awditjar, mhijiex hija eliġibbli għal kontribuzzjoni mill-Fond sa massimu ta' 2 % tal-kontribuzzjoni totali tal-Fond. |
Raġuni
Għal ċerti awtoritajiet lokali u reġjonali, l-assistenza teknika esterna ta' sikwit tkun indispensabbli biex jiffaċċjaw id-diżastru u biex iwettqu sew il-miżuri marbutin mar-restawr taż-żoni milqutin. Għaldaqstant il-Kumitat tar-Reġjuni jipproponi li l-ispejjeż marbutin mal-assistenza teknika esterna jiġu inklużi mal-ispejjeż eliġibbli għall-Fond, u sal-ogħla livell ta' 2 % tal-kontribuzzjoni totali tal-Fond.
Emenda 9
Artikolu 4(1)
Test propost mill-Kummissjoni |
Emenda tal-KtR |
||||||||||||||||||||||||
Malajr kemm jista’ jkun u mhux iktar tard minn għaxar ġimgħat wara l-ewwel okkorrenza tal-ħsara bħala konsegwenza ta’ diżastru naturali, Stat Membru jista’ jissottometti applikazzjoni għal kontribuzzjoni mill-Fond lill-Kummissjoni u jipprovdi l-informazzjoni disponibbli kollha dwar, mill-inqas:
|
Malajr kemm jista’ jkun u mhux iktar tard minn għaxar ġimgħat wara l-ewwel okkorrenza tal-ħsara bħala konsegwenza ta’ diżastru naturali, Stat Membru jista’ jissottometti applikazzjoni għal kontribuzzjoni mill-Fond lill-Kummissjoni u jipprovdi l-informazzjoni disponibbli kollha dwar, mill-inqas:
|
Raġuni
L-obbligu li fit-talba għal informazzjoni dwar il-prevenzjoni jiġu inklużi r-riskji ta' diżastri tista' tkun piż amministrattiv żejjed, u ttawwal it-tfassil u t-trattament tat-talbiet, u dan imur kontra l-għan ewlieni jiġifieri li jiġu ssemplifikati l-proċeduri amministrattivi għall-mobilizzazzjoni ta' dan il-Fond; Il-Kumitat tar-Reġjuni jissuġġerixxi għalhekk li jinżamm punt e) tal-artikolu 4 iżda li tintalab biss deskrizzjoni qasira tal-implimentazzjoni tal-leġislazzjoni Ewropea u li jitħassar punt f) tal-istess artikolu billi l-istess informazzjoni għandha tidher fir-rapport dwar l-implimentazzjoni tal-kontribuzzjoni tal-Fond (Artikolu 8(3)).
Emenda 10
Artikolu 4, paragrafu ġdid wara l-paragrafu (3)
Test propost mill-Kummissjoni |
Emenda tal-KtR |
|
Għad-diżastri naturali fuq żmien twil (bħall-għargħar) il-limitu ta' għaxar ġimgħat previst għat-tressiq tat-talba msemmija fl-ewwel paragrafu jibda jgħodd dakinhar li l-awtoritajiet pubbliċi tal-Istat eliġibbli jwaqqfu t-theddida tad-diżastru naturali (pereżempju meta jitneħħa l-istat ta' emerġenza dikjarat mill-Istati Membri jew mill-awtorità reġjonali eċċ). |
Raġuni
It-tħejjija tat-talba mill-awtoritajiet pubbliċi tieħu ħafna żmien, speċjalment minħabba l-valutazzjoni tal-ħsarat u l-ġbir tal-elementi ta' prova għall-appoġġ tat-talba, u din trid issir sew fl-istess żmien meta l-awtoritajiet pubbliċi jridu jieħdu l-miżuri neċessarji biex jirrimedjaw għall-konsegwenzi tad-diżastru. Id-diffikultà tiżdied fil-każ ta' għargħar li jista' jtawwal fuq bosta ġimgħat jew xhur. F'dan il-każ, il-ħsarat jistgħu jiġu valutati biss wara li jbattu l-ilmijiet. Għaldaqstant il-gravità tad-diżastru tista' titkejjel biss aktar tard. Għalkemm il-proposta għal Regolament tqis il-karatteristiċi speċifiċi tad-diżastru li jevolvu bil-mod, fil-każ tad-diżastri naturali l-oħra żżomm id-dispożizzjonijiet eżistenti u ma ssolvix il-problemi marbutin mat-tħejjija tat-talba f'każ ta' għargħar fuq żmien twil;
Il-Kumitat jipproponi għalhekk li f'każ ta' għargħar fuq żmien twil, tinfetaħ il-possibbiltà li t-talba tiġi introdotta fi skadenza ta' għaxar ġimgħat mit-tmiem tad-diżastru naturali (pereżempju meta jitneħħa l-istat ta' emerġenza ddikjarat mill-Istat Membru jew l-awtorità reġjonali, eċċ.);
Emenda 11
Artikolu 8(1)
Test propost mill-Kummissjoni |
Emenda tal-KtR |
Il-kontribuzzjoni mill-Fond għandha tintuża fi żmien sena mid-data li fiha l-Kummissjoni tkun ħallset l-ammont sħiħ ta’ assistenza. Kwalunkwe parti tal-kontribuzzjoni li tibqa’ ma tintużax sa dik l-iskadenza jew jinstab li tintuża għal operazzjonijiet mhux eliġibbli, jiġu rkuprati mill-Kummissjoni mill-Istat benefiċjarju. |
Il-kontribuzzjoni mill-Fond għandha tintuża fi żmien sena sentejn mid-data li fiha l-Kummissjoni tkun ħallset l-ammont sħiħ ta’ assistenza. Kwalunkwe parti tal-kontribuzzjoni li tibqa’ ma tintużax sa dik l-iskadenza jew jinstab li tintuża għal operazzjonijiet mhux eliġibbli, jiġu rkuprati mill-Kummissjoni mill-Istat benefiċjarju. |
Raġuni
Jekk titħaffef il-proċedura amministrattiva tal-approvazzjoni tal-intervent tal-Fond ir-reġjuni ser jirċievu l-għajnuna iktar malajr. Jeħtieġ madanakollu li nenfasizzaw li hemm limitu reali iqsar għall-użu tal-kontribuzzjoni mill-Fond. Il-Kumitat tar-Reġjuni jipproponi li l-iskadenza għall-użu tal-kontribuzzjoni mill-Fond tittawwal għal sentejn, l-aktar minħabba raġunijiet tal-ħin li jirrikjedi r-restawr tal-infrastrutturi bażiċi, tal-obbligu li tiġi pprovduta d-dokumentazzjoni neċessarja u tar-rispett tar-regoli dwar l-akkwist pubbliku.
Brussell, 28 ta' Novembru 2013
Il-President tal-Kumitat tar-Reġjuni
Ramón Luis VALCÁRCEL SISO
(1) Fost affarijiet oħra, l-Opinjoni tal-Kumitat tar-Reġjuni dwar “Rakkomandazzjonijiet għal infiq aħjar”. Ottubru 2013.