Proposta għal REGOLAMENT TAL-KUNSILL li jimponi dazju anti-dumping definittiv fuq importazzjonijiet tal-mekkaniżmi li jinfetħu u jingħalqu bil-lieva u li joriġinaw mir-Repubblika Popolari taċ-Ċina wara reviżjoni tal-iskadenza skont l-Artikolu 11(2) tar-Regolament tal-Kunsill (KE) Nru 1225/2009 /* COM/2012/0453 final - 2012/0218 (NLE) */
MEMORANDUM TA’ SPJEGAZZJONI 1. KUNTEST TAL-PROPOSTA Din il-proposta tikkonċerna
l-applikazzjoni tar-Regolament tal-Kunsill (KE) Nru 1225/2009
tat-30 ta’ Novembru 2009 dwar il-protezzjoni kontra
l-importazzjoni ta’ prodotti li huma l-oġġett ta’ dumping minn
pajjiżi mhux membri tal-Komunità Ewropea (“ir-Regolament bażiku”)
fir-reviżjoni tal-iskadenza fir-rigward tal-importazzjonijiet
tal-mekkaniżmi li jinfetħu u jingħalqu bil-lieva li
joriġinaw mir-Repubblika Popolari taċ-Ċina. 2. IR-RIŻULTATI TAL-KONSULTAZZJONIJIET
MAL-PARTIJIET INTERESSATI U L-VALUTAZZJONIJIET TAL-IMPATT ·
Konsultazzjoni mal-partijiet interessati Il-partijiet interessati kkonċernati
mill-proċediment kellhom il-possibbiltà li jiddefendu l-interessi
tagħhom matul l-investigazzjoni, skont id-dispożizzjonijiet
tar-Regolament bażiku. ·
Ġbir u użu tal-kompetenzi Ma kienx hemm bżonn ta' esperti esterni. ·
Il-valutazzjoni tal-impatt Din il-proposta tirriżulta
mill-implimentazzjoni tar-Regolament bażiku. Ir-Regolament bażiku ma fihx
dispożizzjonijiet għal valutazzjoni ġenerali tal-impatt
iżda fih lista eżawrjenti ta' kundizzjonijiet li jeħtieġ li
jiġu vvalutati. 3. L-ELEMENTI LEGALI TAL-PROPOSTA ·
Il-bażi legali Ir-Regolament tal-Kunsill (KE) Nru 1225/2009
tat-30 ta' Novembru 2009 dwar il-protezzjoni kontra
l-importazzjonijiet li huma l-oġġett ta' dumping minn pajjiżi
mhux membri tal-Komunità Ewropea. ·
Il-prinċipju tas-sussidjarjetà Il-proposta hija fil-kompetenza esklużiva
tal-Unjoni Ewropea. Għaldaqstant, il-prinċipju tas-sussidjarjetà ma
japplikax. ·
Il-prinċipju tal-proporzjonalità Il-proposta hija konformi mal-prinċipju
tal-proporzjonalità għar-raġunijiet li ġejjin: Il-forma tal-azzjoni hija deskritta fir-Regolament
bażiku msemmi hawn fuq u ma tħallix lok għal deċiżjoni
nazzjonali. L-indikazzjoni ta' kif il-piż finanzjarju u
amministrattiv li jaqa' fuq l-Unjoni, il-gvernijiet nazzjonali, l-awtoritajiet
reġjonali u lokali, l-operaturi ekonomiċi u ċ-ċittadini
jitnaqqas kemm jista' jkun u jkun proporzjonat meta mqabbel mal-mira tal-proposta,
mhix applikabbli. ·
L-għażla tal-istrumenti L-istrumenti proposti: regolament. Mezzi oħrajn ma jkunux adegwati minħabba
r-raġuni li ġejja: Mezzi oħrajn ma jkunux adegwati minħabba
li r-Regolament bażiku ma jipprevedix għażliet alternattivi. 4. L-IMPLIKAZZJONI BAĠITARJA Il-proposta ma għandha l-ebda
implikazzjoni għall-baġit tal-Unjoni. 5. L-ELEMENTI FAKULTATTIVI Fit-23 ta’ Lulju 2011 inbdiet
investigazzjoni dwar ir-reviżjoni tal-iskadenza fir-rigward
tal-importazzjonijiet tal-mekkaniżmi li jinfetħu u jingħalqu
bil-lieva u li joriġinaw mir-Repubblika Popolari taċ-Ċina. L-investigazzjoni żvelat probabbiltà
kbira ta’ rikorrenza tad-dumping u l-ħsara u ma kienx hemm evidenza li
l-estensjoni tal-miżuri ma tkunx fl-interess tal-Unjoni.
Għaldaqstant, huwa propost li l-miżuri jinżammu. Fit-22 ta’ Ġunju 2012,
il-Kummissjoni żvelat is-sejbiet tagħha fir-rigward
tal-investigazzjoni attwali u tat ċans lill-partijiet interessati
jikkummentaw dwarhom. Ma waslux kummenti li kienu ta’ natura li tbiddel is-sejbiet
imsemmija fiha. Ta’ min jinnota b’mod partikolari li ma kienx hemm
kooperazzjoni mill-produtturi esportaturi fir-RPĊ. Għalhekk qed jiġi propost li
l-Kummissjoni tadotta l-proposta mehmuża għal Regolament tal-Kunsill
bl-għan li jiġi trażmess lill-Kunsill u li jiġi ppubblikat
f’Il-Ġurnal Uffiċjali tal-Unjoni Ewropea mhux iktar tard minn
mill-11 ta’ Settembru 2012. 2012/0218 (NLE) Proposta għal REGOLAMENT TAL-KUNSILL li jimponi dazju anti-dumping definittiv fuq
importazzjonijiet tal-mekkaniżmi li jinfetħu u jingħalqu
bil-lieva u li joriġinaw mir-Repubblika Popolari taċ-Ċina wara
reviżjoni tal-iskadenza skont l-Artikolu 11(2) tar-Regolament
tal-Kunsill (KE) Nru 1225/2009 IL-KUNSILL TAL-UNJONI EWROPEA, Wara li kkunsidra t-Trattat dwar
il-Funzjonament tal-Unjoni Ewropea, Wara li kkunsidra r-Regolament tal-Kunsill
(KE) Nru 1225/2009 tat-30 ta' Novembru 2009 dwar
il-protezzjoni kontra l-importazzjonijiet li huma l-oġġett ta'
dumping minn pajjiżi mhux membri tal-Komunità Ewropea ("ir-Regolament
bażiku")[1]
u b'mod partikolari l-Artikoli 9(4), 11(2), 11(5) u 11(6) tiegħu, Wara li
kkunsidra l-proposta mressqa mill-Kummissjoni Ewropea
("il-Kummissjoni") wara konsultazzjoni mal-Kumitat Konsultattiv, Billi: A. PROĊEDURA 1. Il-miżuri
fis-seħħ (1) Bir-Regolament (KE)
Nru 1136/2006[2]
(“ir-Regolament oriġinali”), il-Kunsill impona dazju anti-dumping
definittiv ta’ bejn 27,1 % u 47,4 %, fuq l-importazzjonijiet
tal-mekkaniżmi li jinfetħu u jingħalqu bil-lieva (lever arch
mechanisms “LAM”) li joriġinaw mir-Repubblika Popolari taċ-Ċina
(“RPĊ”). 2. It-talba għal
reviżjoni tal-iskadenza (2) Wara l-pubblikazzjoni ta'
avviż ta’ skadenza imminenti[3]
tal-miżuri anti-dumping definittivi fis-seħħ,
fis-26 ta’ April 2011 il-Kummissjoni rċeviet talba
għall-bidu ta' reviżjoni tal-iskadenza ta' dawn il-miżuri skont
l-Artikolu 11(2) tar-Regolament bażiku. It-talba tressqet minn LAMMA
(Lever arch mechanism manufacturers association – Assoċjazzjoni
tal-manifatturi tal-mekkaniżmi li jinfetħu u jingħalqu
bil-lieva) f’isem tliet produtturi tal-Unjoni (“l-applikant”) li
jirrappreżentaw proporzjon ewlieni, f’dan il-każ ta’ aktar minn
50 %, tal-produzzjoni tal-Unjoni ta’ mekkaniżmi li jinfetħu u
jingħalqu bil-lieva. (3) It-talba tat
biżżejjed evidenza li l-iskadenza tal-miżuri imposti fuq
l-importazzjonijiet tal-LAM li joriġinaw mir-RPĊ, probabbilment
tirriżulta fi tkomplija jew rikorrenza ta' dumping u ħsara
lill-industrija tal-Unjoni. 3. Il-bidu ta’ reviżjoni
tal-iskadenza (4) Wara li ddeterminat, wara
konsultazzjoni mal-Kumitat Konsultattiv, li kien hemm biżżejjed
evidenza għall-bidu ta’ reviżjoni tal-iskadenza, il-Kummissjoni
ħabbret fit-23 ta’ Lulju 2011, permezz ta’ notifika
ppubblikata f'Il-Ġurnal Uffiċjali tal-Unjoni Ewropea[4] ("in-notifika ta’
bidu"), il-bidu ta’ reviżjoni tal-iskadenza skont
l-Artikolu 11(2) tar-Regolament bażiku. 4. L-investigazzjoni 4.1. Il-perjodu tal-investigazzjoni
tar-reviżjoni u l-perjodu kkunsidrat (5) L-investigazzjoni
tal-probabbiltà ta' tkomplija jew rikorrenza ta' dumping kopriet il-perjodu
mill-1 ta' Lulju 2010 sat-30 ta' Ġunju 2011
(“il-perjodu ta’ investigazzjoni tar-reviżjoni” jew “PIR”). L-eżami
tat-tendenzi rilevanti għall-valutazzjoni tal-probabbiltà ta’
kontinwazzjoni jew rikorrenza ta’ ħsara, kopra l-perjodu
mill-1 ta' Jannar 2008 sa tmiem il-perjodu ta' investigazzjoni
tar-reviżjoni (“il-perjodu kkunsidrat”). 4.2. Il-partijiet milquta
mill-investigazzjoni (6) Il-Kummissjoni avżat
uffiċjalment bil-ftuħ tar-reviżjoni tal-iskadenza,
lill-applikant, lil produtturi oħra magħrufa tal-Unjoni,
lill-produtturi esportaturi fil-pajjiż ikkonċernat, lill-importaturi
mhux relatati, lill-utenti fl-Unjoni li hu magħruf li huma
kkonċernati, kif ukoll lir-rappreżentanti tal-pajjiż
ikkonċernat. (7) Il-partijiet
interessati ngħataw l-opportunità li jressqu l-opinjonijiet tagħhom
bil-miktub u li jitolbu seduta ta’ smigħ fil-limitu taż-żmien
stipulat fin-notifika ta’ bidu. Il-partijiet interessati kollha, li talbu dan u
wrew li kien hemm raġunijiet partikolari għaliex għandhom
jinstemgħu, ingħataw seduta ta’ smigħ. (8) Fid-dawl tal-għadd
apparentement kbir ta' produtturi esportaturi fir-RPĊ, importaturi mhux
relatati u produtturi tal-Unjoni, fin-notifika ta’ bidu ġie previst
it-teħid ta' kampjuni skont l-Artikolu 17 tar-Regolament bażiku.
(9) Fir-rigward tal-produtturi
esportaturi fir-RPĊ u l-importaturi mhux relatati, sabiex il-Kummissjoni
tkun tista' tiddeċiedi jekk ikunx meħtieġ li jittieħdu
kampjuni u, jekk dan ikun il-każ, biex jintgħażel kampjun
rappreżentattiv, dawk il-partijiet intalbu jippreżentaw ruħhom
fi żmien 15-il jum mill-bidu tar-reviżjoni u jipprovdu l-informazzjoni
mitluba fin-notifika ta’ bidu lill-Kummissjoni. Minħabba li l-ebda
produttur esportatur fir-RPĊ ma ppreżenta ruħu u ressaq quddiem
il-Kummissjoni l-informazzjoni mitluba fin-notifika ta' bidu u li importatur
mhux relatat wieħed biss ippreżenta ruħu, iżda ma ressaqx
l-informazzjoni mitluba fin-notifika ta’ bidu lill-Kummissjoni, it-teħid
ta' kampjuni ma kienx ikkunsidrat neċessarju fiż-żewġ
każijiet. (10) Fin-notifika ta’ bidu,
il-Kummissjoni ħabbret li kienet għażlet provviżorjament
kampjun ta’ produtturi tal-Unjoni. Dan il-kampjun kien magħmul minn
żewġ kumpaniji, mis-sitt produtturi tal-Unjoni li kienu magħrufa
qabel ma ngħata bidu għal din l-investigazzjoni, magħżula
abbażi tal-volum tal-bejgħ u l-produzzjoni tagħhom tal-prodott
ikkonċernat fl-2010, kif ukoll il-pożizzjoni ġeografika
tagħhom fl-Unjoni. Il-kampjun irrappreżenta aktar minn 50 %
tat-total stmat tal-produzzjoni u l-bejgħ tal-Unjoni tul il-PIR.
Il-partijiet interessati ġew mistiedna jikkonsultaw il-fajl u jikkumentaw
dwar l-adegwatezza ta’ din l-għażla fi żmien 15-il ġurnata
mid-data tal-pubblikazzjoni tan-notifika ta’ bidu. L-ebda parti ma opponiet
il-kampjun propost. (11) Il-Kummissarju bagħat
kwestjonarji liż-żewġ produtturi tal-Unjoni li
ntgħażlu għall-kampjun, l-importatur li ppreżenta ruħu
u l-utenti kollha magħrufa li kienu kkonċernati. (12) It-tweġibiet
għall-kwestjonarji waslu miż-żewġ produtturi tal-Unjoni li
ntgħażlu għall-kampjun u liż-żewġ utenti.
L-importatur mhux relatat li ssemma fil-premessa (9) hawn fuq u li ppreżenta
ruħu, la wieġeb il-mistoqsijiet dwar it-teħid tal-kampjun u
lanqas ma mela kwestjonarju. (13) Il-Kummissjoni fittxet u
vverifikat l-informazzjoni kollha li qieset li kienet neċessarja
għad-determinazzjoni tal-probabbiltà tat-tkomplija jew ir-rikorrenza ta'
dumping u l-ħsara li tirriżulta minnu u tal-interess tal-Unjoni.
Twettqu żjarat ta’ verifika fuq il-post tal-partijiet interessati li
ġejjin: (a)
Produtturi tal-Unjoni –
Industria Meccanica Lombarda S.r.l., Offanengo,
l-Italja –
NIKO Metallurgical company, d.d. Zelezniki,
is-Slovenja (b)
utent –
HIT OFFICE s.r.o. Teplice, ir-Repubblika Ċeka B. IL-PRODOTT IKKONĊERNAT U
L-PRODOTT SIMILI (14) Il-prodott milqut minn din
ir-reviżjoni huwa l-istess bħal dak fir-Regolament oriġinali,
jiġifieri mekkaniżmi li jinfetħu u jingħalqu bil-lieva u li
ġeneralment jintużaw għall-arkivjar tal-karti u dokumenti
oħra f’binders jew f’fajls li attwalment għandhom il-kodiċi NM
ex 8305 10 00 (il-kodiċi TARIC 8305 10 00 50)
(“il-prodott ikkonċernat”) u li joriġinaw mir-Repubblika Popolari
taċ-Ċina. Dawn il-mekkaniżmi li jinfetħu u jingħalqu
bil-lieva jkunu magħmulin minn elementi tal-metall robusti (normalment
tnejn) f’forma ta’ arkata fuq pjanċa tad-dahar u li jkollhom tal-anqas
molla waħda tal-ftuħ li tippermetti li jiddaħħlu u
jiġu ffajljati l-karti u d-dokumenti l-oħra. Il-mekkaniżmi
għall-binding forma ta’ ċirku li huma klassifikati bl-istess
kodiċi NM, mhumiex inklużi fil-kamp ta’ applikazzjoni tal-prodott
ikkonċernat għall-fini ta’ din l-investigazzjoni. (15) L-investigazzjoni ta’
reviżjoni attwali kkonfermat li, bħal fl-investigazzjoni
oriġinali, il-prodott ikkonċernat u dak prodott fl-Unjoni
mill-produtturi tal-Unjoni għandhom l-istess karatteristiċi
bażiċi tekniċi u fiżiċi u l-istess użu.
Għalhekk, tqiesu bħala prodotti simili skont it-tifsira
tal-Artikolu 1(4) tar-Regolament bażiku. C. IL-PROBABBILTÀ TA’ TKOMPLIJA JEW TA' RIKORRENZA TAD-DUMPING (16) Ġie eżaminat jekk
l-iskadenza tal-miżuri eżistenti hux probabbli li twassal
għat-tkomplija jew ir-rikorrenza tad-dumping, skont l-Artikolu 11(2)
tar-Regolament bażiku. 1. Il-kummenti preliminari (17) Kif intqal hawn fuq,
fil-premessa (9), fl-investigazzjoni ma kien hemm kooperazzjoni mill-ebda
esportatur Ċiniż li ġie kkuntattjat fil-bidu. L-awtoritajiet
Ċiniżi ġew innotifikati b'dan il-fatt, l-applikazzjoni possibbli
tal-Artikolu 18(1) tar-Regolament bażiku u ngħataw l-opportunità
li jressqu l-kummenti tagħhom. Ma waslux kummenti f'dan ir-rigward. (18) Għaldaqstant,
u skont l-Artikolu 18(1) tar-Regolament bażiku, is-sejbiet fir-rigward
tal-probabbiltà tat-tkomplija jew ir-rikorrenza tad-dumping stabbiliti hawn
taħt kellhom jiġu msejsa fuq il-fatti disponibbli, partikolarment
l-informazzjoni disponibbli għall-pubbliku pereżempju fuq siti
elettroniċi uffiċjali ta’ kumpaniji u l-magni tat-tiftix għal
prodotti fuq il-web, l-informazzjoni fit-talba għar-reviżjoni u
l-informazzjoni miksuba mill-partijiet li kkooperaw tul l-investigazzjoni ta’
reviżjoni (jiġifieri l-applikanti u l-produtturi tal-Unjoni magħżula
għall-kampjun). 2. Id-dumping ta'
importazzjonijiet matul il-PIR (19) In-notifika ta' bidu għamlet referenza
għall-użu ta' pajjiż analogu, sabiex ikun jista' jiġi
stabbilit il-valur normali. (20) Fir-rigward tal-prezz
tal-esportazzjoni, minħabba n-nuqqas ta’ kooperazzjoni kemm min-naħa tal-produtturi
esportaturi fir-RPĊ u min-naħa tal-importaturi mhux relatati fis-suq
tal-Unjoni, il-Kummissjoni ma setgħetx tistabbilixxi l-kwantità ta'
bejgħ għall-esportazzjoni jew il-prezzijiet abbażi
tat-tranżazzjonijiet. F’dan ir-rigward, il-Kummissjoni kkunsidrat mezzi
alternattivi biex tiddetermina l-prezz tal-esportazzjoni. (21) L-ewwel
nett, ġie kkunsidrat jekk il-Eurostat, imqabbel ma’ dejta oħra
disponibbli, setax jintuża bħala mezz alternattiv biex jiġu
stabbiliti l-prezzijiet tal-esportazzjoni. Dawn ma kinux meqjusin bħala
adegwati minħabba li wieħed mis-sorsi kien ikopri wkoll
importazzjonijiet oħra barra mill-prodott ikkonċernat u s-sorsi
l-oħrajn ma kinux jippermettu l-possibbiltà li jkun hemm tqabbil
tal-prezzijiet tal-esportazzjoni ma’ dawk tal-industrija tal-Unjoni skont
it-tip. (22) It-tieni nett, il-Kummissjoni
kkunsidrat ukoll li tirreferi għall-prezzijiet tal-esportazzjoni
inklużi fit-talba għal reviżjoni. Ta’ min ifakkar li din
il-metodoloġija ntużat fl-investigazzjoni oriġinali u li tippermetti
tqabbil skont it-tip. Madankollu, il-fatturi inklużi fit-talba għal
reviżjoni kienu għall-prezzijiet ta’ esportazzjoni lejn pajjiżi
terzi oħra. (23) Konsegwentement, id-dumping ma
setax jiġi kkalkolat abbażi tal-prezzijiet tal-esportazzjoni lejn l-Unjoni
u ma kienx possibbli li tiġi stabbilita determinazzjoni affermativa
tad-dumping. L-investigazzjoni, għalhekk, iffukat fuq il-probabbiltà ta’
rikorrenza tad-dumping. 3. Il-probabbiltà ta’ rikorrenza
tad-dumping (24) Fir-rigward
tal-investigazzjoni tal-probabbiltà ta’ rikorrenza tad-dumping, ġew
analizzati l-elementi li ġejjin: ir-relazzjoni bejn il-valur normali u
l-prezzijiet ta' esportazzjoni lejn pajjiżi terzi; il-kapaċità ta’
produzzjoni, il-produzzjoni u l-kapaċità żejda fir-RPĊ; u kemm
hu attraenti s-suq tal-Unjoni fir-rigward tal-importazzjonijiet mir-RPĊ. 3.1 Ir-relazzjoni bejn il-valur normali u
l-prezzijiet ta' esportazzjoni lejn pajjiżi terzi (25) Fid-dawl
tan-nuqqas ta’ kooperazzjoni mill-produtturi esportaturi fir-RPĊ, il-valur
normali tqabbel mal-prezzijiet tal-esportazzjoni mir-RPĊ skont
l-Artikolu 2(7) tar-Regolament bażiku. 3.1.1 Il-bażi għad-determinazzjoni
tal-valur normali (26) Billi r-RPĊ hija
ekonomija fi tranżizzjoni, skont l-Artikolu 2(7)(a) tar-Regolament
bażiku, il-valur normali kellu jiġi ddeterminat abbażi tal-prezz
jew tal-valur maħdum f'pajjiż terz b'ekonomija tas-suq xieraq
(il-pajjiż analogu), jew il-prezz mill-pajjiż analogu għal
pajjiżi oħra, inkluża l-Unjoni jew, fejn dawn ma jkunux
possibbli fuq kwalunkwe bażi raġonevoli oħra, inkluż
il-prezz imħallas realment jew li għandu jitħallas fl-Unjoni
għall-prodott simili, aġġustat b'mod xieraq jekk
meħtieġ biex jinkludi marġni ta’ profitt raġonevoli. (27) It-talba għal
reviżjoni mill-industrija tal-Unjoni semmiet għadd ta’ produtturi
f’pajjiżi b’ekonomija ts-suq barra l-Unjoni (jiġifieri l-Indja,
l-Iran u t-Tajlandja). Fil-bidu dawn il-produtturi, kif ukoll produtturi
potenzjali oħrajn f’pajjiżi li setgħu jiġu identifikati
permezz ta’ sorsi disponibbli għall-pubbliku, ġew ikkuntattjati kif
xieraq mill-Kummissjoni. (28) In-notifika
ta’ bidu speċifikat li jekk il-Kummissjoni ma kinitx se ssib kooperazzjoni
mill-produtturi fil-pajjiżi b'ekonomija tas-suq barra l-Unjoni, hija kien
beħsiebha tuża l-prezzijiet li fil-fatt jitħallsu jew
għandhom jitħallsu fl-Unjoni bħala bażi
għad-determinazzjoni tal-valur normali. Tabilħaqq, il-prezzijiet li
jitħallsu jew li għandhom jitħallsu attwalment fl-Unjoni servew
ta' bażi għad-determinazzjoni tal-valur normali fl-investigazzjoni
oriġinali. (29) L-ebda
parti interessata ma kkumentat dwar l-adegwatezza tal-bażi msemmija hawn
fuq għad-determinazzjoni tal-valur normali. (30) L-ebda produttur
fil-pajjiżi b’ekonomija tas-suq barra l-Unjoni u li ġie kkuntattjat
mill-Kummissjoni ma kkoopera fir-reviżjoni attwali. (31) Fil-kuntest ta’ hawn fuq,
il-Kummissjoni ma kellhiex alternattivi oħrajn ħlief li tibbaża
fuq il-prezzijiet li jitħallsu jew li għandhom jitħallsu
attwalment fl-Unjoni, bħala l-bażi għad-determinazzjoni tal-valur
normali. 3.1.2 Il-valur normali (32) Skont l-Artikolu 2(7)(a)
tar-Regolament bażiku u kif spjegat fil-premessi (26) sa (31) hawn fuq,
il-valur normali kien stabbilit bl-użu tal-prezz li jitħallas jew li
għandu jitħallas attwalment fl-Unjoni għall-prodott simili,
f’kundizzjonijiet normali tal-kummerċ. (33) B'riżultat ta’ dan,
il-valur normali ġie stabbilit bħala l-prezz tal-bejgħ domestiku
medju peżat għal klijenti li mhumiex relatati tal-produtturi
tal-Unjoni magħżula għall-kampjun. (34) L-ewwel ġie stabbilit
jekk il-bejgħ domestiku totali tal-prodott simili lill-klijenti
indipendenti tal-produtturi tal-Unjoni magħżula għall-kampjun
kienx rappreżentattiv, skont l-Artikolu 2(2) tar-Regolament
bażiku, jiġifieri jekk il-volum totali ta’ dan il-bejgħ
irrappreżentax tal-anqas 5 % tal-volum tal-bejgħ totali
tal-prodott ikkonċernat esportat lejn l-Unjoni. Minħabba n-nuqqas ta’
kooperazzjoni mill-produtturi esportaturi fir-RPĊ, l-informazzjoni
fir-rigward tal-volum totali tal-bejgħ esportat lejn l-Unjoni kellha tiġi
determinata skont il-fatti disponibbli. Kif intqal fil-premessa (21) ta’ hawn
fuq, il-Eurostat u statistika oħra ma kinux ikkunsidrati adattati biex
tiġi stabbilita tkomplija tad-dumping, madankollu, dawn jistgħu
jintużaw biex jiġi indikat il-livell tal-importazzjonijiet
(meħtieġ għall-volum totali esportat mir-RPĊ) lejn
l-Unjoni. Abbażi ta’ dan, il-bejgħ domestiku tal-produtturi
tal-Unjoni magħżula għall-kampjun b'mod ġenerali tqiesu
bħala rappreżentattivi biżżejjed tul il-PIR. Fid-dawl
tan-nuqqas ta’ kooperazzjoni mill-esportaturi fir-RPĊ, ma kienx possibbli
li r-rappreżentattività tiġi analizzata skont it-tip. (35) Wara dan il-Kummissjoni
eżaminat jekk il-bejgħ domestiku ta’ kull produttur tal-Unjoni
magħżul għall-kampjun jistax jiġi kkunsidrat bħala
bejgħ li sar f’kundizzjonijiet normali tal-kummerċ, jiġifieri
jekk għal kull produttur tal-Unjoni magħżul għall-kampjun
il-prezzijiet tal-bejgħ medji kinux ekwivalenti jew ogħla
mill-ispejjeż medji tal-produzzjoni u għaldaqstant profittabbli. (36) Abbażi ta’ dan ġie stabbilit li l-bejgħ
tal-produtturi tal-Unjoni fuq medja kienu profittabbli u konsegwentement
il-valur normali ġie determinat abbażi tal-prezzijiet tal-bejgħ
medji peżati tal-produtturi tal-Unjoni magħżula
għall-kampjun. 3.1.3 Il-prezz tal-esportazzjoni (37) Fin-nuqqas
ta’ kooperazzjoni mill-produtturi esportaturi, l-aktar bażi adattata nstab
li kienet l-informazzjoni dwar il-prezzijiet tal-esportazzjoni mir-RPĊ
lejn il-pajjiżi terzi inklużi fit-talba għal reviżjoni. 3.1.4 It-tqabbil (38) It-tqabbil bejn il-valur
normali medju peżat u l-prezz tal-esportazzjoni medju peżat sar fuq
bażi ex-works. Dan it-tqabbil wera li l-prezz tal-esportazzjoni lejn
il-pajjiżi terzi fit-talba għar-reviżjoni kien sinifikattivament
aktar baxx mill-valur normali (’il fuq minn 30 %). Dan jindika li
l-prezzijiet tal-Unjoni wisq probabbli se jkunu l-oġġett ta’ dumping
jekk il-miżuri jiġu revokati. 3.2 Il-kapaċità
tal-produzzjoni tal-produtturi esportaturi (39) Billi
ma kienx hemm kooperazzjoni min-naħa tal-produtturi esportaturi,
il-konklużjonijiet li ġejjin kienu msejsin prinċipalment fuq
l-informazzjoni inkluża fit-talba għal reviżjoni, li fejn kien
possibbli tqabblet ma’ informazzjoni disponibbli għall-pubbliku. (40) Abbażi ta’ dan, instab li
l-kapaċità tal-produzzjoni tar-RPĊ tal-LAM huwa stmat li hi tal-anqas
fil-medda ta’ bejn is-600 miljun u s-700 miljun biċċa,
liema stima hija bbażata fuq l-informazzjoni mogħtija mill-industrija
tal-Unjoni. (41) Barra
minn hekk, l-informazzjoni miksuba waqt l-investigazzjoni turi li
l-kapaċità tal-produzzjoni fir-RPĊ għal-LAM tista’ tiżdied
faċilment, inter alia, permezz tal-impjegar ta’ forza
tax-xogħol addizzjonali u b’investiment limitat fl-għodod użati,
fil-każ ta’ domanda akbar. (42) L-ebda parti interessata ma
ressqet kummenti u/jew informazzjoni relatata mal-kapaċità tal-produzzjoni
fir-RPĊ. (43) Abbażi
ta’ dan, il-kapaċità tal-produzzjoni fir-RPĊ hija madwar 170 % u
350 % ogħla mill-konsum tal-Unjoni u sinifikattivament akbar
mill-produzzjoni tal-Unjoni. 3.3 Il-produzzjoni
u l-kapaċità żejda tal-produtturi esportaturi fir-RPĊ (44) Billi ma kienx hemm
kooperazzjoni min-naħa tal-produtturi esportaturi, l-informazzjoni
fir-rigward tal-produzzjoni attwali u l-kapaċità żejda kienet imsejsa
prinċipalment fuq l-informazzjoni inkluża fit-talba għal
reviżjoni, li fejn kien possibbli tqabblet ma’ informazzjoni disponibbli
għall-pubbliku. (45) Fit-talba
għar-reviżjoni, il-produzzjoni tal-LAM kien stmat li kienet ta’ bejn
il-200 u l-400 miljun biċċa u l-kapaċità żejda kienet
ta' bejn il-200 u l-500 miljun biċċa. Din il-kapaċità
żejda bejn wieħed u ieħor hija ekwivalenti għall-konsum
tal-Unjoni. (46) L-istimi
ppreżentati nstab li kienu raġonevoli wara li, fejn kien possibbli,
saret referenza għal sorsi disponibbli għall-pubbliku. (47) Fir-rigward tal-kapaċità
żejda, kif intqal fil-premessa (41) hawn fuq, l-informazzjoni miksuba waqt
l-investigazzjoni turi li l-kapaċità tal-produzzjoni fir-RPĊ
għal-LAM tista’ tiżdied faċilment, inter alia, permezz
tal-impjegar ta’ forza tax-xogħol addizzjonali u b’investiment limitat fl-għodod
użati, fil-każ ta’ domanda akbar. (48) Abbażi ta’ dak li ntqal fuq,
tista’ tinsilet il-konklużjoni raġonevoli li teżisti
kapaċità żejda sostanzjali fir-RPĊ. Kif inhu spjegat
fil-premessi (49) sa (55) hawn taħt, hemm probabbiltà kbira li tali
kapaċità żejda tkun immirata lejn is-suq tal-Unjoni jekk
il-miżuri jiġu revokati. 3.4 Kemm hu attraenti s-suq tal-Unjoni (49) L-informazzjoni miġbura
waqt ir-reviżjoni attwali tiżvela li s-suq tal-Unjoni jkun suq
attraenti għall-importazzjonijiet tal-LAM mir-RPĊ, jekk
il-miżuri jiġu revokati. Ta’ min ifakkar li qabel l-impożizzjoni
tal-miżuri fis-seħħ, il-konsum fl-Unjoni kien sostanzjali u qrib
l-400 miljun biċċa. Fl-istess waqt, l-importazzjonijiet mir-RPĊ
kienu aktar minn 200 miljun biċċa ekwivalenti għal aktar
minn 50 % tal-konsum totali tal-Unjoni. (50) L-investigazzjoni
wriet li d-domanda tal-Unjoni għal-LAM baqgħet waħda
sostanzjali. Il-konsum tal-Unjoni naqas biss bi ftit tul il-perjodu kkunsidrat
kif inhu determinat fil-premessi (63) sa (64) u (98) hawn taħt u s-suq
tal-Unjoni jibqa’ l-akbar suq dinji għal-LAM, li jirrappreżenta
50 % tas-suq dinji. (51) Barra
minn hekk, hemm biss ftit swieq oħra għal-LAM, li probabbilment ma
jakkomodawx il-kapaċità żejda tar-RPĊ. (52) Barra minn hekk, kif inhu
stabbilit fil-premessa (38) hawn fuq, it-tqabbil bejn il-prezzijiet
tal-esportazzjoni ta’ importazzjonijiet mir-RPĊ lejn il-pajjiżi terzi
mal-prezzijiet fis-suq tal-Unjoni, juri li s-suq tal-Unjoni jkun wieħed
attraenti għal tali importazzjonijiet bi prezz baxx jekk il-miżuri
jiġu revokati. Dan huwa wkoll minħabba l-fatt li l-prezzijiet
prevalenti ġeneralment ikunu ogħla fis-suq tal-Unjoni milli fi swieq
oħrajn tal-esportazzjoni. (53) Fid-dawl tal-kunsiderazzjonijiet li ssemmew hawn fuq, jekk
il-miżuri jiġu revokati, il-probabbiltà tkun li l-esportazzjonijiet
mir-RPĊ jiġu mmirati lejn is-suq tal-Unjoni. (54) L-informazzjoni disponibbli
għall-pubbliku fir-rigward tal-produtturi fir-RPĊ, tiżvela li
tali kumpaniji ġeneralment primarjament jew esklużivament jimmiraw
il-bejgħ tagħhom lejn is-suq tal-esportazzjoni. (55) Fl-aħħar nett,
għandu jiġi osservat li mill-impożizzjoni tal-miżuri
definittivi għadd ta’ każijiet ta’ klassifikazzjoni inkorretta ta'
importazzjonijiet tal-LAM ġew osservati, fejn volumi kbar ta’ LAM u covers
separati ġew iddikjarati bħala fajls kompluti b’mekkaniżmu li
jinfetaħ u jingħalaq bil-lieva. Minn dan irriżulta li ma
tħallsux dazji għal tali importazzjonijiet. Din il-klassifikazzjoni
inkorretta ġiegħlet lill-Kumitat dwar il-Kodiċi Doganali
(f’Novembru 2010) biex f'dikjarazzjoni jiċċara li l-LAM
impurtati f'dawn iċ-ċirkostanzi għandhom jiġu ddikjarati
b'mod separat. Għadu kmieni wisq biex jiġi ddeterminat jekk tali
dikjarazzjoni kellhiex l-effett mixtieq u l-Kummisjoni beħsiebha
timmonitorja s-sitwazzjoni mill-qrib. Madankollu, il-prattika tikkostitwixxi
aktar evidenza li, minkejja l-miżuri, is-suq tal-Unjoni jibqa' attraenti
għall-produtturi esportaturi fir-RPĊ. 3.5. Il-konklużjoni dwar il-probabbiltà
ta’ rikorrenza tad-dumping (56) Kif intqal fil-premessa (38)
hawn fuq, it-tqabbil bejn il-prezzijiet tal-esportazzjoni lejn pajjiżi
terzi oħrajn inklużi fit-talba għal reviżjoni mal-prezz
fis-suq tal-Unjoni, juri probabbiltà kbira ta’ rikorrenza tad-dumping. (57) Barra
minn hekk, meta wieħed jikkunsidra l-kapaċità tal-produzzjoni
sinifikanti disponibbli fir-RPĊ, l-abbiltà tal-produtturi Ċiniżi
li jżidu b’mod rapidu l-volumi tal-produzzjoni tagħhom u jimmirawhom
għall-esportazzjoni, il-prezzijiet probabbilment baxxi ta’ tali
esportazzjonijiet u l-attraenza tas-suq tal-Unjoni għal tali
esportazzjonijiet, huwa raġonevoli li wieħed jassumi li r-revoka
tal-miżuri tirriżulta f'esportazzjonijiet miżjuda b’livelli li
jkunu l-oġġett ta’ dumping tal-LAM mir-RPĊ lejn l-Unjoni. E. ID-DEFINIZZJONI TAL-INDUSTRIJA TAL-UNJONI (58) Tul il-PIR il-LAM ġew
manifatturati fl-Unjoni minn sitt produtturi magħrufin, li tlieta minnhom
kienu l-applikanti fil-każ attwali. L-ebda kumpanija oħra ma
ppreżentat ruħha bħala produttur tal-Unjoni tul din
l-investigazzjoni. Għalhekk huwa kkunsidrat li dawn is-sitt produtturi
jirrappreżentaw l-industrija tal-Unjoni skont it-tifsira
tal-Artikoli 4(1) u 5(4) tar-Regolament bażiku (minn hawn ’il quddiem
imsejħin “l-industrija tal-Unjoni”). F.
IS-SITWAZZJONI FIS-SUQ TAL-UNJONI 1. Il-kumment preliminari (59) Għall-finijiet tad-dejta
għall-analiżi tal-ħsara miksuba mill-istatistika tal-Eurostat u
minn sorsi oħra tal-istatistika disponibbli għall-Kummissjoni,
it-talba għal reviżjoni, it-tweġibiet għall-kwestjonarju u
l-informazzjoni miġbura waqt iż-żjarat ta’ verifika. (60) L-indikaturi
makroekonomiċi, jiġifieri l-produzzjoni, il-kapaċità
tal-produzzjoni, l-utilizzazzjoni tal-kapaċità, il-bejgħ fl-UE u fi
swieq terzi, il-proporzjon tas-suq, it-tkabbir, l-impjieg u l-produttività,
id-daqs tal-marġni tad-dumping attwali u l-irkupru minn dumping passat
huma bbażati fuq id-dejta mressqa mill-industrija tal-Unjoni. F’dan
il-kuntest it-tweġibiet għall-kwestjonarju miksubin
miż-żewġ produtturi tal-Unjoni magħżula
għall-kampjun, ġew ikkumplementati minn informazzjoni mogħtija
mill-produtturi tal-Unjoni l-oħra kollha. (61) L-indikaturi
mikroekonomiċi, jiġifieri l-istokkijiet, il-pagi, il-prezzijiet
tal-bejgħ, il-profittabbiltà, l-investiment, ir-redditu fuq
l-investimenti, il-fluss tal-flus u l-abbiltà li jiżdied il-kapital
jirreferu għad-dejta mogħtija miż-żewġ produtturi
tal-Unjoni magħżula għall-kampjun. Minħabba l-fatt li
l-kumpaniji magħżula għall-kampjun jirrappreżentaw aktar
minn 50 % tat-total stmat ta’ produzzjoni u bejgħ tal-Unjoni,
il-produtturi tal-Unjoni magħżula għall-kampjun tqies li kienu
jirrappreżentaw l-industrija tal-Unjoni għall-finijiet ta' din
ir-reviżjoni. Id-dejta marbuta maż-żewġ kumpaniji
magħżula għall-kampjun tista’ tingħata biss f’forma ta’
indiċi, biex b’hekk tinżamm il-kunfidenzjalità tal-informazzjoni
sesittiva għan-negozju skont l-Artikolu 19 tar-Regolament
bażiku. (62) Minħabba
n-nuqqas ta’ kooperazzjoni mill-produtturi esportaturi Ċiniżi u
l-importaturi mhux relatati, l-iffissar ta’ prezz tal-importazzjoni u
t-twaqqigħ tal-prezzijiet huwa bbażat fuq sorsi alternattivi
bħal pereżempju t-talba għal reviżjoni, il-Eurostat u
statistika kunfidenzjali oħra disponibbli għall-Kummissjoni, kif
ukoll l-informazzjoni miġbura waqt iż-żjarat ta’ verifika.
Id-dejta dwar l-importazzjoni kienet imsejsa fuq it-talba għal
reviżjoni li kienet ibbażata fuq id-dejta tal-Eurostat. Minħabba
li din id-dejta kienet tkopri wkoll importazzjonijiet oħra barra
mill-prodott ikkonċernat, hija ġiet ivverifikata u
aġġustata kif xieraq wara li tqabblet ma' sorsi statistiċi
kunfidenzjali oħra disponibbli għall-Kummissjoni. Għaldaqstant,
ċerti ċifri hawn taħt ingħataw f’forma ta’ indiċi jew
f’intervalli biex tiġi protetta l-istatistika kunfidenzjali. 2. Il-konsum
fis-suq tal-Unjoni (63) Il-konsum tal-Unjoni ġie
stabbilit abbażi tal-volumi tal-bejgħ tal-industrija tal-Unjoni
fis-suq tal-Unjoni u tal-importazzjonijiet. Ġie stabbilit li l-konsum tul
il-PIR kien fil-medda ta’ bejn il-200 u t-350 miljun biċċa. (64) Il-konsum tal-LAM fl-Unjoni
naqas bi 12 % tul il-perjodu kkunsidrat. Dan jista’ jiġi parzjalment
attribwit għall-kriżi ekonomika, kif ukoll għax-xejriet li qed
jinbidlu fil-konsum (pereżempju l-promozzjoni ta’ uffiċċji
ekoloġiċi u l-iffajljar elettroniku, it-tnaqqis ġenerali
fix-xogħlijiet amministrattivi). Tabella 1 Konsum || 2008 || 2009 || 2010 || PIR Il-volum || || || || L-indiċi (2008=100) || 100 || 84 || 90 || 88 Sors : Tweġibiet għall-kwestjonarju, Talba
għal reviżjoni, il-Eurostat u sorsi statistiċi oħra
disponibbli għall-Kummissjoni 3. Il-volum u s-sehem mis-suq
tal-importazzjonijiet mir-RPĊ (65) Kif inhu deskritt
fit-Tabella 2 hawn taħt, is-sehem mis-suq naqas b'54 % tul
il-perjodu kkunsidrat. (66) Barra minn hekk,
mill-impożizzjoni tad-dażji tal-anti-dumping fl-2006,
l-importazzjonijiet Ċiniżi naqsu konsiderevolment minn sehem mis-suq
ta' 51 % fil-PI tal-investigazzjoni oriġinali għal bejn 7 u
15 % tul il-PIR. Fir-rigward tal-volumi tal-importazzjoni mir-RPĊ,
dawn baqgħu baxxi tul il-perjodu kkunsidrat minħabba l-miżuri
tal-anti-dumping fis-seħħ. Madankollu, l-importazzjonijiet
Ċiniżi baqgħu sors prinċipali (bejn 85 % u 95 %
fil-PIR) tal-importazzjonijiet totali tal-Unjoni, minħabba l-esportazzjoni
limitata tal-LAM minn pajjiżi terzi oħra. Fil-perjodu kkunsidrat
l-importazzjonijiet naqsu b’59 %. Tabella 2 Importazzjonijiet mir-RPĊ || 2008 || 2009 || 2010 || PIR Il-volum tal-importazzjonijiet Indiċi (2008=100) || 100 || 56 || 44 || 41 Is-sehem mis-suq tal-importazzjonijiet Indiċi (2008=100) || 100 || 66 || 48 || 46 Sors : Tweġibiet
għall-kwestjonarju, Talba għal reviżjoni, il-Eurostat u sorsi
statistiċi oħra disponibbli għall-Kummissjoni 4. Ix-xejra fil-prezzijiet
tal-importazzjoni mir-RPĊ u t-twaqqigħ tal-prezzijiet 4.1 Xejriet fil-prezzijiet (67) Minħabba n-nuqqas ta’
kooperazzjoni tal-produtturi esportaturi Ċiniżi u nuqqas ta’ sorsi
alternattivi, ma kienx possibbli li jiġi stabbilit prezz tal-importazzjoni
preċiż. Dan minħabba li, kif ġie spjegat fil-premessa (21)
hawn fuq, l-istatistika ma kinitx meqjusa adegwata minħabba li wieħed
mis-sorsi kien ikopri wkoll importazzjonijiet oħra barra mill-prodott
ikkonċernat u s-sorsi l-oħrajn ma kinux jippermettu l-possibbiltà li
jkun hemm tqabbil tal-prezzijiet tal-esportazzjoni ma’ dawk tal-industrija
tal-Unjoni skont it-tip. (68) Madankollu, is-sorsi
statistiċi kunfidenzjali l-oħra disponibbli għall-Kummissjoni
huma meqjusa bħala adattati biex jindikaw ix-xejra ġenerali
fil-prezzijiet tal-importazzjoni mir-RPĊ. Ix-xejra fil-prezzijiet
tal-importazzjoni turi żieda fil-prezzijiet tul il-perjodu kkunsidrat. Tabella 3 Il-prezzijiet tal-importazzjoni tal-prodott ikkonċernat || 2008 || 2009 || 2010 || PIR ir-RPĊ || || || || L-indiċi || 100 || 102 || 118 || 118 Sors : Tweġibiet għall-kwestjonarju,
Talba għal reviżjoni, il-Eurostat u sorsi statistiċi oħra
disponibbli għall-Kummissjoni 4.2 It-twaqqigħ tal-prezzijiet (69) Minħabba n-nuqqas ta’
kooperazzjoni tal-produtturi esportaturi Ċiniżi u minħabba
n-nuqqas ta’ sorsi alternattivi, il-kalkolazzjoni tat-twaqqigħ
tal-prezzijiet, minħabba r-raġunijiet stabbiliti fil-premessa (37)
hawn fuq, kienet ibbażata fuq il-prezzijiet tal-esportazzjoni
għall-pajjiżi terzi inklużi fit-talba għal reviżjoni.
Il-livell tat-twaqqigħ tal-prezzijiet stabbilit b’mod indikattiv jammonta
għal madwar 20 %. 5. Il-volumi
tal-importazzjonijiet u s-sehem mis-suq tal-importazzjonijiet minn pajjiżi
terzi oħra (70) Il-produtturi prinċipali
tal-LAM fid-dinja jinsabu fl-Unjoni u fir-RPĊ. Instab li
l-importazzjonijiet minn pajjiżi terzi oħra bħall-Indja huma
negliġibbli, aktar baxxi minn 1 %. 6. Il-qagħda
ekonomika tal-industrija tal-Unjoni (71) Skont l-Artikolu 3(5)
tar-Regolament bażiku, il-Kummissjoni eżaminat il-fatturi
ekonomiċi u l-indiċi rilevanti kollha li jaffettwaw l-istat
tal-industrija tal-Unjoni. 6.1. L-elementi makroekonomiċi (a)
Il-produzzjoni (72) Il-volum tal-produzzjoni
fl-Unjoni baqa’ fl-istess medda tul il-perjodu kkunsidrat,
bl-eċċezzjoni tal-2009. It-tnaqqis fl-2009, li sa ċertu punt
kien riżultat tal-kriżi ekonomika globali, kien ikkumpensat
b'żieda fl-2010. (73) Minkejja x-xejra ’l isfel
fil-bejgħ fl-Unjoni, kif inhu spjegat fil-premessi (75) sa (77) hawn
taħt, il-produtturi tal-Unjoni setgħu jżommu l-livelli
tal-produzzjoni tul il-perjodu kkunsidrat peress li setgħu jżidu
l-esportazzjonijiet tagħhom lejn is-swieq terzi kif inhu spjegat
fil-premessa (78). Tabella 4 Il-produzzjoni totali tal-Unjoni || 2008 || 2009 || 2010 || PIR Il-volum ('000 biċċa) || || || || Il-produzzjoni || 351,480 || 301,661 || 360,007 || 354,646 L-indiċi (2008=100) || 100 || 86 || 102 || 101 Sors : Tweġibiet għall-kwestjonarju. (b)
Il-kapaċità tal-produzzjoni u
l-użu tal-kapaċità (74) Il-kapaċità
tal-produzzjoni żdiedet bi ftit minħabba l-investimenti li kien hemm
fil-kapaċità żejda u l-modernizzazzjoni li wettqu l-produtturi
tal-Unjoni tul il-perjodu kkunsidrat. L-użu tal-kapaċità baqa’
pjuttost stabbli, u wera ftit tnaqqis fis-sena 2009. Dan it-tnaqqis
żgħir huwa primarjament attribwibbli għall-effetti
tal-kriżi ekonomika globali tul dik is-sena. Tabella 5 Il-kapaċità tal-produzzjoni u l-użu tal-kapaċità || 2008 || 2009 || 2010 || PIR Il-volum ('000 biċċa) || || || || Il-kapaċità ta’ produzzjoni || 452,407 || 453,323 || 465,984 || 465,401 L-indiċi (2008=100) || 100 || 100 || 103 || 103 L-użu tal-kapaċità || 77.7% || 66.5% || 77.3% || 76.2% L-indiċi (2008=100) || 100 || 86 || 99 || 98 Sors : Tweġibiet għall-kwestjonarju. (c)
Il-volum tal-bejgħ fl-Unjoni (75) Iċ-ċifri hawn
taħt jirrappreżentaw il-volum tal-bejgħ tal-industrija
tal-Unjoni lill-klijenti indipendenti fis-suq tal-Unjoni. Tabella 6 Bejgħ lil klijenti mhux relatati || 2008 || 2009 || 2010 || PIR Il-volum ('000 biċċa) || 315,715 || 281,281 || 309,941 || 304,444 L-indiċi (2008=100) || 100 || 89 || 98 || 96 Sors : Tweġibiet
għall-kwestjonarju. (76) Il-bejgħ fl-Unjoni naqas
b'4 % tul il-perjodu kkunsidrat. (77) Fl-2009,
il-bejgħ waqa’ bi 11 %. Dan it-tnaqqis għandu jiġi
attribwit lill-effetti tal-kriżi ekonomika globali. Fis-snin sussegwenti,
il-bejgħ irkupra u kien qrib iċ-ċifri għall-2008 tul
il-PIR. (d)
Il-bejgħ lil swieq terzi (78) Iċ-ċifri hawn
taħt jirrappreżentaw il-volum tal-bejgħ tal-industrija tal-Unjoni
lil swieq terzi u juru żieda kbira f’dan il-bejgħ tul il-perjodu
kkunsidrat. Tabella 7 Bejgħ lil pajjiżi terzi || 2008 || 2009 || 2010 || PIR Il-volum ('000 biċċa) || 26,750 || 42,105 || 59,221 || 57,148 L-indiċi (2008=100) || 100 || 157 || 221 || 214 Sors : Tweġibiet għall-kwestjonarju. (e)
Is-sehem mis-suq (79) Minkejja t-tnaqqis
fil-bejgħ tal-Unjoni, is-sehem mis-suq tal-industrija tal-Unjoni
żdied b’9 % tul il-perjodu kkunsidrat biex laħaq medda ta’
80 % sa 93 % tul il-PIR. Iż-żieda tas-sehem mis-suq
tal-Unjoni kienet riżultat tat-tnaqqis fil-konsum fl-Unjoni, kif ukoll
tat-tnaqqis tas-sehem mis-suq tal-importazzjonijiet mir-RPĊ. Tabella 8 Is-sehem mis-suq tal-UE || 2008 || 2009 || 2010 || PIR L-indiċi (2008=100) || 100 || 106 || 109 || 109 Sors : Tweġibiet
għall-kwestjonarju, Talba għal reviżjoni, il-Eurostat u sorsi
statistiċi oħra disponibbli għall-Kummissjoni (f)
It-tkabbir (80) Bejn l-2008 u l-PIR, il-konsum
tal-Unjoni naqas bi 12 %. Il-volum tal-bejgħ mill-produtturi
tal-Unjoni fis-suq tal-Unjoni naqas b’4 %. Is-sehem mis-suq tal-produtturi
tal-Unjoni żdied b’9 %. (g)
L-impjiegi (81) L-impjiegi fis-settur
fl-Unjoni naqsu tul il-perjodu kkunsidrat. Dan it-tnaqqis kien marbut
mal-modernizzazzjoni u l-mekkanizzazzjoni tal-proċess ta’ produzzjoni
mill-industrija tal-Unjoni. Tabella 9 L-impjiegi fl-Unjoni || 2008 || 2009 || 2010 || PIR In-numru ta’ impjegati || 710 || 588 || 561 || 552 L-indiċi (2008=100) || 100 || 83 || 79 || 78 Sors
: Tweġibiet
għall-kwestjonarju. (h)
Il-produttività (82) Il-produttività tal-forza
tax-xogħol tal-industrija tal-Unjoni, imkejla bħala produzzjoni fis-sena
għal kull persuna impjegata, żviluppat b'mod pożittiv matul
il-perjodu kkunsidrat, u baqgħet stabbli tul l-2010 u l-PIR. (83) Din iż-żieda
fil-produttività kienet marbuta mal-proċess ta’ modernizzazzjoni li
twettaq, li huwa deskritt fil-premessa (93). Tabella 10 Il-produttività || 2008 || 2009 || 2010 || PIR Il-produttività ('000 biċċa/sena) || 495 || 513 || 642 || 642 L-indiċi (2008=100) || 100 || 104 || 130 || 130 Sors : Tweġibiet għall-kwestjonarju. (i)
Id-daqs tal-marġni ta’ dumping attwali
u l-irkupru minn dumping fil-passat (84) Ta’ min ifakkar li
minħabba ċ-ċirkostanzi msemmija fil-premessi (19) sa (23), ma
setax jiġi kkalkolat id-dumping. Madankollu, ġiet stabbilita
probabbiltà ta’ rikorrenza tad-dumping ibbażata fuq tqabbil bejn il-valur
normali stabbilit abbażi tal-prezzijiet medji tal-bejgħ
tal-industrija tal-Unjoni u l-prezz tal-esportazzjoni stabbilit abbażi
tal-prezzijiet għal pajjiżi terzi. (85) L-analiżi turi li
l-industrija tal-Unjoni rkuprat, sa ċertu punt, minħabba
l-impożizzjoni tal-miżuri kontra l-importazzjonijiet li jkunu
oġġett tad-dumping u l-miżuri fis-seħħ qed juru li
huma effettivi. 6.2 L-elementi mikroekonomiċi (j)
L-istokkijiet (86) Iċ-ċifri ta’ hawn
taћt jirrappreżentaw il-volum tal-istokkijiet fi tmiem kull perjodu. Tabella 11 L-Istokkijiet tal-Għeluq || 2008 || 2009 || 2010 || PIR L-indiċi (2008=100) || 100 || 43 || 61 || 83 Sors : Tweġibiet
għall-kwestjonarju. (87) L-investigazzjoni wriet li
l-istokkijiet tal-industrija tal-Unjoni ma kinux indikatur rilevanti
għall-valutazzjoni tas-sitwazzjoni ekonomika tal-industrija tal-Unjoni
minħabba li l-livell tal-istokkijiet ivarja fuq bażi staġjonali. (k)
Il-pagi (88) Tul il-perjodu kkunsidrat
il-paga medja żdiedet bi 33 % għal kull impjegat. Tabella 12 Pagi (spiża għal kull impjegat) || 2008 || 2009 || 2010 || PIR L-indiċi (2008=100) || 100 || 116 || 133 || 133 Sors
: Tweġibiet għall-kwestjonarju. (l)
Prezzijiet tal-bejgħ (89) Il-prezzijiet medji ta’ kull
unità ta’ LAM fl-Unjoni żdiedu kemxejn bejn l-2008 u l-PIR. It-tnaqqis
relattiv fl-2010 meta mqabbel mal-2009, huwa marbut mal-flutwazzjoni
fil-prezzijiet tal-materja prima. Tabella 13 Il-prezz unitarju tas-suq tal-UE (EUR għal 000 biċċa) || 2008 || 2009 || 2010 || PIR L-indiċi (2008=100) || 100 || 103 || 101 || 104 Sors : Tweġibiet għall-kwestjonarju. (m)
Il-profittabbiltà (90) Il-marġnijiet
tal-profittabbiltà li jidhru hawn taħt ġew stabbiliti billi ġie
espress ir-riżultat finanzjarju miksub mill-industrija tal-Unjoni
bħala perċentwali tal-fatturat miksub fis-suq tal-Unjoni. Tabella 14 Il-Profittabbiltà || 2008 || 2009 || 2010 || PIR L-indiċi (2008=100) || 100 || 107 || 105 || 104 Sors : Tweġibiet għall-kwestjonarju. (91) Qabel l-impożizzjoni ta’
miżuri definittivi fl-2006, l-industrija tal-Unjoni kienet qed
tagħmel telf kbir. Minn dakinhar, is-sitwazzjoni ekonomika tal-industrija
tal-LAM tjiebet tul il-perjodu kkunsidrat, iżda madankollu baqgħet
taħt il-profitt fil-mira ta’ 5 % stabbilit fl-investigazzjoni
oriġinali tul il-PIR. (n)
Investimenti, redditu fuq l-investimenti u
fluss tal-flus (92) Ix-xejriet tal-investimenti,
ir-redditu fuq l-investimenti u l-fluss tal-flus jidhru fit-tabella ta’ hawn taħt. Tabella 15 Investimenti, redditu fuq l-investimenti u fluss tal-flus || 2008 || 2009 || 2010 || PIR L-investimenti || || || || L-indiċi (2008=100) || 100 || 152 || 41 || 51 Ir-redditu fuq l-investiment || || || || L-indiċi (2008=100) || 100 || 111 || 109 || 108 Il-fluss tal-flus || || || || L-indiċi (2008=100) || 100 || 291 || 247 || 236 Sors :
Tweġibiet għall-kwestjonarju. (93) Minħabba l-irkupru wara
l-impożizzjoni tal-miżuri fl-2006, l-industrija għamlet
investimenti sinifikanti fil-modernizzazzjoni u l-espansjoni tal-faċilità
tal-produzzjoni, partikolarment fl-2008 u l-2009. Il-profittabbiltà mtejba hija
riflessa wkoll fil-fluss tal-flus imtejjeb. (o)
L-abbiltà li jiżdied il-kapital (94) L-investigazzjoni ma
żvelatx problemi partikolari fl-abbiltà tal-industrija tal-Unjoni li
żżid il-kapital. 6.3. Il-konklużjoni dwar is-sitwazzjoni
ekonomika tal-industrija tal-Unjoni (95) Skont l-analiżi msemmija
hawn fuq, is-sitwazzjoni ekonomika tal-industrija tal-Unjoni tjiebet u
l-industrija qed turi li hi vijabbli wara l-impożizzjoni tal-miżuri
tal-2006. Madankollu, meta wieħed jikkunsidra li l-iżviluppi
pożittivi li ssemmew hawn fuq seħħew biss wara
l-impożizzjoni tal-miżuri, l-impjiegi qed jonqsu u l-profittabbiltà
għadha aktar baxxa mil-livell fil-mira għaliha, huwa kkunsidrat li
s-sitwazzjoni ekonomika tal-industrija għadha fraġli u vulnerabbli.
Jista' għalhekk jiġi konkluż li l-evidenza
tissuġġerixxi li t-tneħħija tal-ħsara hija parzjalment
jew esklużivament minħabba l-eżistenza tal-miżuri. G. IL-PROBABBILTÀ TA' RIKORRENZA
TAL-ĦSARA (96) Mill-impożizzjoni
tal-miżuri fis-seħħ, is-sitwazzjoni tal-industrija tjiebet
kunsiderevolment. Madankollu, is-sejbiet tal-analiżi attwali juru li
l-industrija tal-Unjoni għadha fraġli u vulnerabbli. (97) Taħt ċirkostanzi
bħal dawn huwa xieraq li ssir analiżi tal-probabbiltà ta’ rikorrenza
tal-ħsara materjali sabiex jiġi eżaminat jekk – f’każ li
l-miżuri jiġu revokati – l-iżviluppi maħsuba f’termini ta’
volumi u prezzijiet ta’ importazzjonijiet li joriġinaw mir-RPĊ
ikomplux jiddeterjoraw is-sitwazzjoni attwali, kif inhu spjegat hawn taħt
fil-premessi (98) sa (106). (98) Jeżistu żewġ
produtturi ewlenin tal-LAM fid-dinja – ir-RPĊ u l-Unjoni. L-Unjoni hija
l-akbar suq dinji għal-LAM, segwita mill-Amerika t’Isfel u r-Russja.
Jeżistu produtturi żgħar f'pajjiżi oħrajn, bħall-Indja,
iżda dawn jikkonċentraw fuq is-swieq domestiċi rispettivi
tagħhom. L-Istati Uniti u l-Kanada jużaw sistemi ta’ ffajljar
differenti. (99) Ta’ min ifakkar li
teżisti kapaċità żejda sinifikanti fir-RPĊ u li
l-produzzjoni tal-LAM fir-RPĊ tista’ tiżdied faċilment kif spjegat
fil-premessi (45) sa (48) hawn fuq. (100) Huwa mfakkar ukoll li
l-kapaċità żejda disponibbli fir-RPĊ, bejn wieħed u
ieħor, tikkorrispondi għall-konsum tal-Unjoni (ara l-premessa (45)
hawn fuq). (101) Kien stabbilit ukoll li
ż-żieda fil-produzzjoni tal-LAM fir-RPĊ probabbilment tiġi
esportata lejn l-Unjoni, jekk il-miżuri jiġu revokati (ara l-premessa
(53) hawn fuq). Dan huwa bbażat fuq il-fatt li s-suq tal-UE għadu
l-akbar suq dinji għal-LAM, b’konsum relattivament stabbli u minħabba
l-fatt li l-prezzijiet prevalenti huma ġeneralment ogħla fis-suq
tal-Unjoni milli fi swieq tal-esportazzjoni oħra (ara l-premessa (52) hawn
fuq). Għandu jiġi kkunsidrat ukoll li barra mill-Unjoni u r-RPĊ,
m’hemmx pajjiżi esportaturi sinifikanti oħra li jipproduċu
l-LAM. (102) Barra minn hekk, kif intqal
fil-premessa (41) hawn fuq, il-kapaċità tal-produzzjoni fir-RPĊ
tista’ tiżdied faċilment bis-sempliċi forniment ta’
ħaddiema addizzjonali. Għalhekk, l-esportazzjonijiet tar-RPĊ
ikunu jistgħu jakkomodaw kull żieda fil-konsum tal-Unjoni. Fid-dawl
tal-prezz potenzjalment baxx tal-importazzjonijiet Ċiniżi, kif jidher
mit-tqabbil mal-prezzijiet tagħhom għal swieq ta’ pajjiżi terzi,
l-abbiltà li jidher li hija bla limitu ta’ provvista bi prezzijiet baxxi, huwa
probabbli ħafna li l-industrija tal-Unjoni ma tkunx tista’ tibbenefika
miż-żieda fid-domanda, li jwassal għal telf importanti mis-sehem
tas-suq, jekk il-miżuri jiġu revokati. (103) Abbażi ta’ dan,
wieħed jista’ jistenna li ċ-ċirkostanzi ta’ kwalunkwe żieda
sinifikanti futura ta' importazzjonijiet tal-LAM mir-RPĊ fl-Unjoni,
ikollhom konsegwenzi negattivi serji fuq is-sitwazzjoni tal-industrija
tal-Unjoni. Kif imsemmi hawn fuq, jekk il-miżuri jiġu revokati,
il-volum tal-importazzjoni tal-LAM mir-RPĊ hu mistenni li jkun importanti.
Barra minn hekk, dawk l-importazzjonijiet x’aktarx iwasslu għal pressjoni
sinifikanti fuq il-prezzijiet fis-suq tal-Unjoni, u għaldaqstant fuq
l-industrija tal-Unjoni, kif issuġġerit mid-dejta dwar il-livell
tal-prezzijiet fis-swieq ta’ pajjiżi terzi. Tabilħaqq, skont id-dejta
disponibbli huwa stmat li huwa minnu li l-prezzijiet attwali taċ-Ċina
jwaqqgħu l-prezzijiet tal-Unjoni b’madwar 20 % kif ġie deskritt
fil-premessa (69) hawn fuq, li tenfasizza probabbiltà kbira li l-importazzjonijiet
taċ-Ċina jsiru bi prezzijiet sostanzjalment aktar baxxi
mill-prezzijiet tal-Unjoni, f’każ li l-miżuri jitneħħew. (104) Il-ġibda
tal-esportaturi Ċiniżi għas-suq tal-Unjoni hija enfasizzata
wkoll minn tentattivi ta’ klassifikazzjoni inkorretta biex jiġu evitati
l-miżuri tal-anti-dumping fis-seħħ (premessa (55) hawn fuq). (105) Abbażi ta' dak li ntqal
hawn fuq, huwa probabbli li l-iskadenza tal-miżuri tal-anti-dumping fuq
importazzjonijiet tal-LAM li joriġinaw mir-RPĊ tirriżulta
f’żieda sostanzjali fil-volum ta’ importazzjonijiet fl-UE bi prezzijiet
baxxi ħafna, u li huwa probabbli ħafna li dan iwaqqa’ b’mod
sostanzjali l-prezzijiet tal-bejgħ tal-Unjoni. Dan jista’ jikkawża
ħsara materjali u jikkanċella l-investiment u l-isforzi
għall-irkupru li saru mill-industrija fil-passat. (106) Fuq din il-bażi, huwa
konkluż li r-revoka tal-miżuri fis-seħħ
għall-importazzjonijiet tal-LAM li joriġinaw mir-RPĊ,
probabbilment tirriżulta fir-rikorrenza tal-ħsara lill-industrija
tal-Unjoni.. H. L-INTERESS TAL-UNJONI 1. Il-kumment preliminari (107) Skont l-Artikolu 21
tar-Regolament bażiku, ġie eżaminat jekk iż-żamma
tal-miżuri tal-anti-dumping eżistenti tmurx kontra l-interess
tal-Unjoni b’mod ġenerali. (108) Id-determinazzjoni tal-interess
tal-Unjoni kienet ibbażat fuq l-apprezzament tal-bosta interessi involuti,
jiġifieri dawk tal-industrija tal-Unjoni, tal-importaturi u tal-utenti. (109) Fl-investigazzjonijiet
oriġinali, l-adozzjoni tal-miżuri ma kinitx meqjusa li hija kontra
l-interess tal-Unjoni. Barra minn hekk, din l-investigazzjoni hija
reviżjoni ta’ skadenza, u b'hekk tanalizza sitwazzjoni fejn il-miżuri
tal-anti-dumping qegħdin fis-seħħ. (110) Abbażi ta' dan kien
mistħarreġ jekk, minkejja l-konklużjoni dwar il-probabbiltà
tar-rikorrenza ta' dumping u ta' ħsara, kienx hemm raġunijiet b'saħħithom
li jwasslu għall-konklużjoni li mhuwiex fl-interess tal-Unjoni li
jinżammu l-miżuri f'dan il-każ partikolari. 2. L-interess tal-industrija
tal-Unjoni (111) It-tkomplija tal-miżuri
tal-anti-dumping fuq l-importazzjonijiet mill-pajjiż ikkonċernat iżżid
il-possibbiltà għall-industrija tal-Unjoni li tilħaq livell
raġonevoli ta' profittabbiltà, billi tgħin sabiex ikun evitat li
l-industrija tal-Unjoni titkeċċa mis-suq minn volumi sostanzjali ta'
importazzjonijiet mir-RPĊ. (112) Tabilħaqq, hemm probabbiltà
ċara ta’ rikorrenza ta' dumping ta’ ħsara f'volumi sostanzjali, li
huwa żgur li l-industrija tal-Unjoni ma tiflaħx għalih.
Għaldaqstant, l-industrija tal-Unjoni tkompli tibbenefika
miż-żamma tal-miżuri tal-anti-dumping attwali. (113) Għalhekk ġie konkluż
li huwa ċar li ż-żamma tal-miżuri tal-anti-dumping kontra
r-RPĊ, tkun fl-interess ċar tal-industrija tal-Unjoni. 3. L-interess tal-importaturi u
l-utenti (114) Kif inhu indikat hawn fuq,
l-ebda importaturi minn dawk mhux relatati u identifikati ma ressaq
tweġibiet għall-kwestjonarji. L-importaturi tal-LAM, normalment ikunu
wkoll utenti tal-prodott ikkonċernat billi jużawh
għall-produzzjoni tal-fajls li jinfetħu u jingħalqu bil-lieva
(“LAF”). (115) Diversi utenti, jiġifieri
produtturi tal-LAF, ippreżentaw ruħhom tul l-investigazzjoni. Utent
wieħed biss provda tweġiba għall-kwestjonarju li, minħabba
l-kwalità tad-dejta mressqa, setgħet tiġi vverifikata biss sa
ċertu punt waqt iż-żjara ta’ verifika. (116) L-utent li ġie verifikat,
iddikjara li l-miżuri anti-dumping għandhom jiġu imposti wkoll
fuq l-importazzjonijiet tal-LAF mir-RPĊ. Iżda, dawn
id-dikjarazzjonijiet ma kinux issostanzjati b’evidenza ta’ appoġġ. (117) Żewġ utenti esprimew
l-oppożizzjoni tagħhom għaż-żamma tal-miżuri.
Madankollu, l-allegazzjonijiet tagħhom ma kinux sostanzjati. (118) Min-naħa l-oħra,
l-analiżi wriet ukoll li jekk iċ-Ċina ssir l-uniku fornitur
tal-LAM minħabba r-revoka tal-miżuri, il-pożizzjoni
tal-produtturi tal-fajls li jinfetħu u jingħalqu bil-lieva tkun
ipperikolata wkoll minħabba li ma jkunx hemm kompetizzjoni fis-suq dinji
tal-LAM. Kien għalhekk ikkunsidrat li l-miżuri eżistenti
jikkontribwixxu għall-varjetà fil-provvista u l-kompetizzjoni fis-suq
dinji tal-LAM, li fl-aħħar mill-aħħar huma fl-interess
tal-utenti. (119) Tliet utenti oħra li
jużaw biss il-LAM prodotti fl-Unjoni baqgħu newtrali u wieħed
minnhom esprima l-appoġġ tiegħu għaż-żamma
tal-miżuri. (120) Minħabba li l-ispiża
tal-LAM tirrappreżenta perċentwal minimu tal-prezz bl-imnut tal-LAF,
il-miżuri prattikament ma għandhomx effett, jekk ikun hemm effett,
fuq il-prezz tal-prodott finali (LAF), u għaldaqstant ma għandhomx
impatt fuq il-konsumaturi finali. 4. Il-konklużjoni dwar
l-interess tal-Unjoni (121) Wara li ġew ikkunsidrati
l-fatturi kollha deskritti hawn fuq, ġie konkluż li ma hemmx
raġunijiet sodi biżżejjed kontra ż-żamma
tal-miżuri anti-dumping attwali. I. IL-MIŻURI ANTI-DUMPING (122) Il-partijiet kollha ġew
mgħarrfa bil-fatti essenzjali u l-kunsiderazzjonijiet, li abbażi
tagħhom kien maħsub li jiġi rakkomandat li jinżammu
l-miżuri eżistenti. Dawn ingħataw ukoll perjodu li fih
setgħu jagħmlu rappreżentazzjonijiet wara dan l-iżvelar.
Il-kummenti u s-sottomissjonijiet ġew analizzati iżda ma wasslux
għal bidla fil-fatti u l-kunsiderazzjonijiet essenzjali, li abbażi
tagħhom ġie deċiż li jinżammu l-miżuri
tal-anti-dumping. (123) Minn dak li ntqal fuq
jirriżulta, skont l-Artikolu 11(2) tar-Regolament bażiku, li
l-miżuri tal-anti-dumping applikabbli għall-importazzjonijiet
tal-mekkaniżmi li jinfetħu u jingħalqu bil-lieva u li
joriġinaw mir-RPĊ għandhom jinżammu, ADOTTA DAN IR-REGOLAMENT: Artikolu 1 1. B’dan qed jiġi impost
dazju anti-dumping definittiv fuq l-importazzjonijiet tal-mekkaniżmi li
jinfetħu u jingħalqu bil-lieva u li ġeneralment jintużaw
għall-arkivjar ta’ karti u dokumenti oħra f’binders jew f’fajls li
attwalment għandhom il-kodiċi NM ex 8305 10 00
(il-kodiċi TARIC 8305 10 00 50) u li joriġinaw
mir-Repubblika Popolari taċ-Ċina. Dawn il-mekkaniżmi li
jinfetħu u jingħalqu bil-lieva jkunu magħmulin minn elementi
tal-metall robusti (normalment tnejn) f’forma ta’ arkata fuq pjanċa
tad-dahar u li jkollhom tal-anqas molla waħda tal-ftuħ li tippermetti
li jiddaħħlu u jiġu ffajljati l-karti u d-dokumenti l-oħra. 2. Ir-rata tad-dazju
tal-anti-dumping definittiv applikabbli għall-prezz nett, ħieles
fil-fruntiera tal-Unjoni, qabel id-dazju, tal-prodotti deskritti
fil-paragrafu 1 u manifatturati mill-kumpaniji elenkati hawn taħt
għandha tkun din li ġejja: Il-Manifattur || Id-dazju anti-dumping || Il-Kodiċi addizzjonali TARIC Dongguan Nanzha Leco Stationary The First Industrial Camp, Nanzha, Humen, Dongguan, iċ-Ċina || 27,1% || A729 Il-kumpaniji l-oħra kollha || 47,4% || A999 3. Sakemm ma jkunx
speċifikat mod ieħor, japplikaw id-dispożizzjonijiet
fis-seħħ fir-rigward tad-dazji doganali. Artikolu 2 Dan ir-Regolament għandu jidħol
fis-seħħ l-għada tal-pubblikazzjoni tiegħu f'Il-Ġurnal
Uffiċjali tal-Unjoni Ewropea. Dan ir-Regolament għandu jorbot
fl-intier tiegħu u japplika direttament fl-Istati Membri kollha. Magħmul fi Brussell, Għall-Kunsill Il-President [1] ĠU L 343, 22.12.2009,
p. 51. [2] ĠU L 205, 27.7.2006, p. 1. [3] ĠU C 5, 8.1.2011, p. 11. [4] ĠU C 217, 23.7.2011, p. 35.