Rakkomandazzjoni għal DEĊIŻJONI TAL-KUNSILL li tabroga d-Deċiżjoni 2010/422/UE dwar l-eżistenza ta’ defiċit eċċessiv fil-Bulgarija /* COM/2012/0273 final - 2012/ () */
Rakkomandazzjoni għal DEĊIŻJONI TAL-KUNSILL li tabroga d-Deċiżjoni 2010/422/UE dwar
l-eżistenza ta’ defiċit eċċessiv fil-Bulgarija IL-KUNSILL TAL-UNJONI EWROPEA, Wara li kkunsidra t-Trattat dwar
il-Funzjonament tal-Unjoni Ewropea, u b’mod partikolari l-Artikolu 126(12)
tiegħu, Wara li kkunsidra r-rakkomandazzjoni
mill-Kummissjoni, Billi: (1) Permezz tad-Deċiżjoni
tal-Kunsill 2010/422/KE tat-13 ta' Lulju 2010[1], li ssegwi proposta
mill-Kummissjoni skont l-Artikolu 126(6) tat-Trattat, kien ġie deċiż li fil-Bulgarija
kien jeżisti defiċit eċċessiv. Il-Kunsill innota li d-defiċit pubbliku laħaq
it-3,9 % tal-PDG fl-2009, li kien ogħla mit-3% tal-Valur ta' Referenza
tal-PDG skont it-Trattat, filwaqt li d-dejn gross tal-amministrazzjoni pubblika
kien ta’ 14,8 % tal-PDG, li huwa ferm taħt is-60 % tal-valur ta'
referenza tal-PDG skont it-Trattat[2].
(2) Fit-13 ta' Lulju 2010,
skont l-Artikolu 126(7) tat-Trattat u l-Artikolu 3(4) tar-Regolament
tal-Kunsill (KE) 1467/97 tas-7 ta' Lulju 1997 dwar li
titħaffef u tiġi ċċarata l-implimentazzjoni tal-proċedura ta’ defiċit eċċessiv,
il-Kunsill, fuq il-bażi tar-rakkomandazzjoni tal-Kummissjoni, għamel
rakkomandazzjoni indirizzata lill-Bulgarija bil-għan li s-sitwazzjoni
tad-defiċit eċċessiv[3]
tinġieb fi tmiemha sa mhux aktar tard mill-2011. Ir-rakkomandazzjoni ġiet
ippubblikata. (3) Skont l-Artikolu 4
tal-Protokoll dwar il-proċedura ta’ żbilanċ [defiċit] eċċessiv anness
mat-Trattati, il-Kummissjoni tipprovdi d-dejta għall-implimentazzjoni ta' din
il-proċedura. Bħala parti mill-applikazzjoni ta’ dan il-Protokoll, l-Istati
Membri għandhom jirrappurtaw dejta dwar l-iżbilanċi u d-dejn tal-gvern tagħhom
u dwar varjabbli assoċjati oħra darbtejn fis-sena, jiġifieri qabel
l-1 ta’ April u qabel l-1 ta' Ottubru, skont
Artikolu 3 tar-Regolament tal-Kunsill (KE) Nru 479/2009
tal-25 ta’ Mejju 2009 dwar l-applikazzjoni tal-Protokoll dwar
il-proċedura ta’ żbilanċ eċċessiv anness mat-Trattat li jistabilixxi l-Komunità
Ewropea[4].
(4) Meta jikkunsidraw jekk
deċiżjoni dwar l-eżistenza ta’ defiċit eċċessiv għandhiex tiġi abrogata,
il-Kunsill għandu jieħu deċiżjoni fuq il-bażi tad-dejta notifikata. Barra minn
hekk, deċiżjoni dwar l-eżistenza ta’ defiċit eċċessiv għandha tiġi abrogata
biss jekk il-previżjonijiet tal-Kummissjoni jindikaw li d-defiċit mhux se
jaqbeż il-limitu ta' 3 % tal-PDG sat-tul taż-żmien previst[5]. (5) Fuq il-bażi tad-dejta
pprovduta mill-Kummissjoni (Eurostat) skont l-Artikolu 14 tar-Regolament
(KE) Nru 479/2009 wara n-notifka mill-Bulgarija qabel l-1 ta’
April 2012 u fuq il-bażi tat-tbassir tar-rebbiegħa 2012 tas-servizzi
tal-Kummissjoni, il-konklużjonijiet li ġejjin huma ġġustifikati: –
Il-miri baġitarji b’mod konsistenti qabżu l-miri
fil-perjodu wara s-sena tad-defiċit eċċessiv. Id-defiċit tal-amministrazzjoni
pubblika ġie mnaqqas għal 3,1 % tal-PDG fl-2010 u reġa naqas għal 2,1%
tal-PDG fl-2011, meta imqabbel mal-miri stabbiliti inizjalment ta’ 3,8% u 2,5%
rispettivament. Il-korrezzjoni tad-defiċit seħħet l-aktar bis-saħħa ta’
kontroll strett tat-tkabbir fl-infiq, inkluż permezz tal-iffriżar tal-pagi u
tal-pensjonijiet tas-settur tal-amministrazzjoni pubblika, fejn il-proporzjon
tan-nefqa mal-PDG waqa’ b’5.5 punti perċentwali bejn l-2009 u l-2011.
Il-programm ta’ konverġenza 2012 jipprevedi li d-defiċit ikompli jonqos
għal 1,6% tal-PDG fl-2012 u għal 1,3% tal-PDG fl-2013. Skont it-tbassir
tar-rebbiegħa 2012 tas-servizzi tal-Kummissjoni id-defiċit
tal-amministrazzjoni pubblika huwa mbassar li jitjieb għal 1,9% tal-PDG fl-2012
u għal 1,7% tal-PDG fl-2013, bis-saħħa tat-tkomplija tal-iffriżar tal-pagi
fis-settur tal-amministrazzjoni pubblika, kif ukoll ta’ titjib ċikliku
fid-dħul. –
It-tbassir tar-rebbiegħa 2012 tas-servizzi
tal-Kummissjoni jipprevedu bilanċ aġġustat ċiklikament wara tnaqqis tal-miżuri
ta’ darba biss u temporanji, ta’ 0,7 % fl-2012 u ta’ 0,8 % tal-PDG
fl-2013, skont il-preżunzjoni ta’ ebda bidla fil-politika. Sadanittant, fl-2012
u fl-2013, ir-rata tat-tkabbir tan-nefqa tal-amministrazzjoni pubblika wara tnaqqis
tal-miżuri diskrezzjonali ta' dħul hija mbassra li tibqa’ taħt il-valur
referenzjarju tar-rata tat-tkabbir potenzjali tal-PDG fuq terminu ta’ żmien
medju, kif speċifikat fl-Artikolu 5(1) tar-Regolament (KE)
Nru 1466/97 tas-7 ta’ Lulju 1997 dwar it-tisħiħ tas-sorveljanza
ta' pożizzjonijiet ta' budget u s-sorveljanza u l-koordinazzjoni ta' politika
ekonomika. –
It-tbassir tar-rebbiegħa 2012 tas-servizzi
tal-Kummissjoni jipprevedu li d-dejn gross tal-amministrazzjoni pubblika
jiżdied moderatament minn 16,3 % tal-PDG fl-2011 għal 18,5 % tal-PDG
fl-2013. Dan it-tbassir tad-dejn ma jinkludix il-ħruġ possibbli ta’ dejn estern
fl-2012 biex jiffinanzja minn qabel il-ħlas lura ta’ bonds iddenominati bl-euro
ta’ madwar 2 % tal-PDG f'Jannar 2013. Bl-istess mod, l-aħħar programm
ta' konverġenza jipprevedi li l-proporzjon tad-dejn għandu jiżdied għal
18,4 % sal-2013. (6) F’konformità
mal-Artikolu 126(12) tat-Trattat, Deċiżjoni tal-Kunsill dwar l-eżistenza
ta’ żbilanċ [defiċit] eċċessiv għandha tkun abrogata meta d-defiċit eċċessiv
tal-Istat Membru konċernat, fil-fehma tal-Kunsill ġie kkorreġut. (7) Fil-fehma tal-Kunsill,
id-defiċit eċċessiv fil-Bulgarija ġie kkoreġut u d-Deċiżjoni 2010/422/KE
għalhekk għandha tiġi abrogata. ADOTTA DIN ID-DEĊIŻJONI: Artikolu 1 Minn valutazzjoni globali jsegwi li
s-sitwazzjoni ta' defiċit eċċessiv fil-Bulgarija ġiet ikkorreġuta. Artikolu 2 Id-Deċiżjoni 2010/422/UE hija b’dan abrogata. Artikolu 3 Din id-Deċiżjoni hija indirizzata
lir-Repubblika tal-Bulgarija. Magħmul fi Brussell, Għall-Kunsill Il-President [1] ĠU L 199, 31.7.2010, p. 26. [2] Id-defiċit u d-dejn tal-amministrazzjoni pubblika
għall-2009 sussegwentament ġew riveduti u attwalment qiegħdin 4,3 %
tal-PDG u 14,6 % tal-PDG rispettivament. [3] ĠU L 209, 2.8.1997, p. 6. [4] ĠU L 145, 10.6.2009, p. 1. [5] Skont il-“Specifications on the implementation of the
Stability and Growth Pact and Guidelines on the format and content of Stability
and Convergence Programmes”, kif miftiehma mill-Kunsill fl-24 ta'
Jannar 2012. Ara:
http://ec.europa.eu/economy_finance/economic_governance/sgp/pdf/coc/code_of_conduct_en.pdf