KOMUNIKAZZJONI TAL-KUMMISSJONI LILL-PARLAMENT EWROPEW, LILL-KUNSILL, LILL-KUMITAT EKONOMIKU U SOĊJALI EWROPEW U LILL-KUMITAT TAR-REĠJUNI PJAN TA' AZZJONI DWAR L-INTRAPRENDITORIJA 2020 Tkebbis mill-ġdid tal-ispirtu tal-intraprendenza fl-Ewropa /* COM/2012/0795 final */
WERREJ 1........... L-Isfida tagħna – li jkollna
iżjed imprendituri fl-Ewropa.................................................... 3 2........... Il-Pilastru ta' Azzjoni 1 -
L-edukazzjoni u t-taħriġ fl-intraprendenditorija biex jissostnew
it-tkabbir u l-ħolqien tan-negozji............................................................................................................................ 6 2.1........ Sisien ġodda: inżidu
l-prevalenza u l-kwalità tat-tagħlim tal-intraprendenditorija................. 6 2.2........ ...u fruntieri ġodda:
l-edukazzjoni għolja għall-intraprendenditorija.................................... 7 3........... Il-Pilastru ta' Azzjoni 2 –
Noħolqu Ambjent fejn L-Imprendituri jkunu jistgħu Jiffjorixxu u
Jikbru 8 3.1........ Aċċess aħjar
għall-finanzi................................................................................................ 9 3.2........ Sostenn lill-intrapriżi
ġodda fil-fażijiet kruċjali taċ-ċiklu tal-ħajja
tagħhom u għajnuna biex jikbru 11 3.3........ Niftħu l-bibien
għall-opportunitajiet ġodda ta' negozju fl-era diġitali................................. 14 3.4........ Trasferimenti kummerċjali aktar
faċli.............................................................................. 16 3.5........ Inbiddlu l-falliment
f'suċċess: ċans ieħor għal negozjanti li
ġenwinament ifallu................... 18 3.6........ Piż regolatorju: regoli aktar
ċari u sempliċi..................................................................... 19 4........... Il-Pilastru ta' Azzjoni 3 -
il-mudelli eżemplari u l-Ilqugħ ta' gruppi speċifiċi...................... 22 4.1........ Perċezzjonijiet ġodda:
l-imprendituri bħala mudelli eżemplari.......................................... 22 4.2........ Orizzonti ġodda: l-indirizzar
ta’ nisa, anzjani, migranti, dawk qiegħda, żgħażagħ.............. 23 4.2.1..... In-nisa.......................................................................................................................... 24 4.2.2..... Anzjani......................................................................................................................... 25 4.2.3..... Migranti........................................................................................................................ 26 4.2.4..... Nies qiegħda, b’mod partikolari
żgħażagħ...................................................................... 27 5........... Konklużjonijiet............................................................................................................. 28 Anness: Azzjonijiet Ewlenin tal-Kummissjoni................................................................................ 29 Anness: Pjan ta’ Azzjoni dwar
l-Imprenditorija 2020 - ix-xrara tal-ispirtu imprenditorjali fl-Ewropa 29 KOMUNIKAZZJONI TAL-KUMMISSJONI
LILL-PARLAMENT EWROPEW, LILL-KUNSILL, LILL-KUMITAT EKONOMIKU U SOĊJALI
EWROPEW U LILL-KUMITAT TAR-REĠJUNI PJAN TA' AZZJONI DWAR
L-INTRAPRENDITORIJA 2020 Tkebbis mill-ġdid tal-ispirtu
tal-intraprendenza fl-Ewropa Sa mill-2008 l-Ewropa ilha tbati l-effetti
tal-iżjed kriżi serja għal dawn l-aħħar 50 sena:
għall-ewwel darba fl-Ewropa, hemm iżjed minn 25 miljun persuna
qiegħda u, fil-maġġoranza tal-Istati Membri, l-impriżi
ż-żgħar u ta' daqs medju (SMEs) għad ma rnexxilhomx
jirkupraw biex jilħqu l-livelli ta' qabel il-kriżi. Qabel il-kriżi ekonomika u finanzjarja
kurrenti, l-ekonomija Ewropea ffaċċjat sfidi strutturali
għall-kompetittività u t-tkabbir, kif ukoll tfixkil għall-intraprenditorija.
Ħafna minn dawn għadhom jeżistu, iżda l-kriżi kienet
ukoll katalist għal tibdil kbir u għall-istrutturar mill-ġdid.
L-ekonomija dinjija wkoll tbiddlet f'dawn l-aħħar għaxar snin.
Iż-żidiet mgħaġġla fid-domanda u fil-produzzjoni fis-swieq
dinjin għamlu pressjoni fuq il-provvista tar-riżorsi u
tal-enerġija li wasslet għal tibdil fl-istrutturi tal-kostijiet
għall-kumpaniji Ewropej, li ħafna minnhom jiddependu
mill-importazzjoni ta' dawn il-provvisti. L-Istrateġija Ewropa 2020
irreaġixxiet għal dan billi stabbiliet il-pedamenti għat-tkabbir
u l-kompetittività fil-ġejjieni li jkunu intelliġenti, sostenibbli u
inklussivi, u li jindirizzaw l-isfidi ewlenin tas-soċjetà. It-tiswija
tal-problemi tal-imgħoddi u l-istabbiliment tal-UE fuq direzzjoni ta'
żvilupp aktar sostenibbli fil-ġejjieni hija responsabbiltà
reċiproka tal-Istati Membri u l-Istituzzjonijiet tal-UE. L-UE, li
tirrikonoxxi li l-ekonomiji tagħna huma marbutin ma' xulxin, issa
qiegħda tagħti sura ġdida lill-governanza ekonomika biex
tiżgura reazzjonijiet politiċi aktar effikaċi għall-isfidi
kurrenti u tal-ġejjieni. Biex l-Ewropa terġa' tiġi
f'tagħha fir-rigward tat-tkabbir u ta' livelli ogħla ta' impjieg,
għandha bżonn aktar imprendituri. B'segwitu
għar-Rieżami tal-Att dwar in-Negozji ż-Żgħar
għall-Ewropa ta' April 2011 u tal-komunikazzjoni dwar il-politika
Industrijali li ġiet adottata f'Ottubru li għadda, il-Pjan ta'
Azzjoni propost jistabbilixxi viżjoni mġedda u għadd ta'
azzjonijiet li għandhom isiru kemm fil-livell tal-UE kif ukoll fil-livell
tal-Istati Membri, biex isostnu l-intraprenditorija fl-Ewropa. Dan il-pjan huwa
msejjes fuq tliet pilastri: l-iżvilupp tal-edukazzjoni u
t-taħriġ fl-intraprenditorija; il-ħolqien ta' ambjent
kummerċjali xieraq; il-mudelli eżemplari u l-mira lejn gruppi
speċifiċi. 1. L-Isfida tagħna –
li jkollna iżjed imprendituri fl-Ewropa L-Intraprenditorija hija mutur
b'saħħtu għat-tkabbir ekonomiku u għall-ħolqien
tal-impjiegi[1]: din toħloq kumpaniji u impjiegi
ġodda, tiftaħ swieq ġodda u ssostni ħiliet u abbiltajiet
ġodda. Pereżempju fil-qasam tal-industrija, l-intraprenditorija
għalhekk hija importanti b'mod partikolari għall-iżvilupp
mgħaġġel tas-sitt setturi tat-tkabbir li ġew identifikati
fl-aġġornament tal-Komunikazzjoni dwar il-Politika Industrijali tal-Kummissjoni[2]. Bis-saħħa
tal-intraprenditorija, l-ekonomiji jsiru aktar kompetittivi u innovattivi
u din għandha wkoll rwol kruċjali biex jintlaħqu l-miri ta'
bosta politiki settorjali Ewropej[3].
Il-kummerċjalizzazzjoni ta' ideat ġodda ttejjeb il-produttività u
toħloq il-ġid. Mingħajr l-impjiegi ġodda minn kumpaniji
ġodda, it-tkabbir nett medju fl-impjiegi kien ikun negattiv[4]. Il-kumpaniji ġodda,
partikolarment l-SMEs, jirrappreżentaw l-iktar sors importanti ta'
impjiegi ġodda: joħolqu aktar minn erba' miljun impjiegi
ġodda fl-Ewropa kull sena[5].
Iżda l-magna tal-irkupru qiegħda tbati: sa mill-2004 'l hawn, il-proporzjon
ta' nies li jippreferu jaħdmu għal rashom milli jkunu impjegati naqas
fi 23 fost is-27 Stat Membru tal-UE[6].
Filwaqt li tliet snin ilu, li wieħed jaħdem għal rasu kienet
l-ewwel preferenza ta' 45% tal-Ewropej, issa dan il-perċentwal
niżel għal 37%[7].
B'kuntrast ma' dan, fl-Istati Uniti u fiċ-Ċina dan il-proporzjon huwa
ħafna ikbar: 51% u 56% rispettivament. Barra minn hekk, meta jiġu
stabbiliti impriżi ġodda, fl-UE jikbru aktar bil-mod[8] milli fl-Istati Uniti
jew f'pajjiżi emerġenti, u hemm inqas minnhom li jidħlu
fil-klassifika mal-akbar kumpaniji dinjin[9].
Hemm varjazzjoni kbira fil-livell u n-natura
tal-intraprenditorija bejn Stat Membru u ieħor, u għaldaqstant huma
diversi r-raġunijiet għan-nuqqas ta' entużjażmu għal
karriera intraprenditorjali. Xi Stati Membri li għandhom livelli
ogħla ta' intraprenditorija jirnexxilhom inqas minn oħrajn li jgħinu
lill-impriżi ż-żgħar u ta' daqs medju l-ġodda biex
jikbru. Fil-biċċa l-kbira, fl-Ewropa, dawk li jixtiequ
jkunu imprendituri jsibu ruħhom f'ambjent diffiċli: l-edukazzjoni
ma toffrix sisien tajbin għal karriera imprenditorjali, l-aċċess
għall-kreditu u għas-swieq huwa diffiċli, it-trasferiment tan-negozju
huwa diffiċli, hemm il-biża ta' sanzjonijiet punittivi jekk
wieħed ma jirnexxix, u hemm proċeduri amministrattivi tqal.
L-Istħarriġ Annwali dwar it-Tkabbir tal-2013 dan l-aħħar
enfasizza l-ħtieġa li l-ambjent kummerċjali jittejjeb biex
tiżdied il-kompetittività tal-ekonomiji fl-UE. Barra minn hekk, il-miżuri
għas-sostenn tal-SMEs għadhom żbilanċjati, b'għadd
sostanzjali ta' Stati Membri tal-UE li għadhom ma bdewx jieħdu
ħsieb il-karatteristiċi tan-negozji ż-żgħar, b'mod
partikolari n-negozji mikro[10],
meta jkunu qegħdin jifformulaw il-leġiżlazzjoni tagħhom,
inkella ma jiffaċilitawx li imprendituri ġenwini li jkunu fallew
ikollhom ċans li jerġgħu jibdew mill-ġdid[11]. Mhux talli huwa
diffiċli l-ambjent, iżda hemm ukoll kultura mifruxa li ma
tirrikonoxxix u ma tippremjax biżżejjed l-isforzi imprenditorjali
u ma tfaħħarx il-merti tal-imprendituri li jkunu rnexxew, u turihom
bħala eżemplari li joħolqu l-impjiegi u l-introjtu. Biex
l-intraprenditorija ssir il-mutur għat-tkabbir tal-ekonomija tagħna, l-Ewropa
teħtieġ bidla kulturali radikali mifruxa. Fuq l-isfond tal-kriżi ekonomika kurrenti
u l-mekkaniżmu ġdid tal-governanza ekonomika, din il-komunikazzjoni
tkompli tiżviluppa u tenfasizza l-azzjoni f'dawk l-oqsma fejn
ir-Rieżami tal-Att dwar in-Negozji ż-Żgħar[12] tal-Kummissjoni identifika li
għad hemm ħtieġa ta' titjib kemm fuq livell nazzjonali kif ukoll
fuq dak Ewropew. Kull SME huwa
differenti: il-varjazzjonijiet fid-daqs, fl-oqsma tal-attivitajiet u fil-forma
legali jeħtieġu l-attenzjoni addattata ta' dawk li jfasslu l-politika[13]. Dan il-prinċipju
japplika bl-istess mod għall-professjonijiet liberali u
għall-imprendituri individwali li wkoll jikkontribwixxu b'mod
sinifikanti għall-ekonomija tal-UE[14].
Il-prinċipju li għandna "l-ewwel naħsbu
żgħir" irid ikun il-mudell għall-politiki Ewropej u
nazzjonali. Jeħtieġ
li naħdmu biex niżguraw li l-intraprenditorija ssir prospett
attraenti għall-Ewropej. Dan jinkludi wkoll l-imprendituri soċjali,
li l-potenzjal tagħhom ta' spiss ma jkunx stmat biżżejjed[15]. Dawn jiġġeneraw impjiegi
sostenibbli u wrew reżiljenza aħjar kontra l-kriżi milli kellha
l-ekonomija ġenerali. L-imprendituri soċjali huma innovaturi,
jimbuttaw l-inklużjoni soċjali u jikkontribwixxu lejn il-kisba
tal-miri tal-istrateġija UE2020. Is-sitwazzjoni
kurrenti tista' tinbidel biss permezz ta' azzjoni kuraġġuża u
kkoordinata mill-amministrazzjonijiet kollha fil-livelli Ewropej, nazzjonali u
reġjonali. Dan il-Pjan
ta' Azzjoni huwa mudell għal azzjoni deċiżiva konġunta biex
toħroġ il-potenzjal intraprendenti tal-Ewropa, biex tneħħi
t-tfixkil li jeżisti u biex tbiddel b'mod drastiku l-kultura
tal-intraprendenza fl-Ewropa. Huwa għandu l-għan li jħeffef
il-ħolqien ta' negozji ġodda u li joħloq ambjent ta' aktar
sostenn fejn l-imprendituri eżistenti jkunu jistgħu jiffjorixxu u
jikbru. Huwa
jipproponi tliet oqsma għall-intervent immedjat: 1.
L-edukazzjoni u t-taħriġ fl-intraprendenditorja biex jissostnew
it-tkabbir u l-ħolqien tan-negozji 2.
It-tisħiħ tal-kundizzjonijiet tal-qafas għall-imprendituri
bit-tneħħija tat-tfixkil strutturali eżistenti, u s-sostenn
tal-imprendituri fil-fażijiet kruċjali taċ-ċiklu
tan-negozju, 3.
Il-kultura tal-intraprendenza fl-Ewropa tingħata l-enerġija:
l-inkoraġġiment ta' ġenerazzjoni ġdida ta' imprendituri. 2. Il-Pilastru ta'
Azzjoni 1 - L-edukazzjoni u t-taħriġ fl-intraprendenditorija
biex jissostnew it-tkabbir u l-ħolqien tan-negozji 2.1. Sisien
ġodda: inżidu l-prevalenza u l-kwalità tat-tagħlim
tal-intraprendenditorija... L-investiment fl-edukazzjoni
tal-intraprendenditorija huwa wieħed mill-aqwa investimenti li jrendu li
tista' tagħmel l-Ewropa. L-istħarriġ
jagħti ħjiel li bejn 15% u 20% tal-istudenti li jipparteċipaw
f'programmi ta' kumpaniji żgħar fl-iskola sekondarja fil-futur
jiftħu l-kumpaniji tagħhom, dan huwa proporzjon ta' bejn tlieta u
ħames darbiet akbar minn dak tal-popolazzjoni ġenerali[16].
Iż-żgħażagħ li jibbenefikaw mit-tagħlim
tal-intraprendenditorija jiżviluppaw tagħrif kummerċjali
u ħiliet u attitudnijiet essenzjali li jinkludu l-kreattività,
l-inizjattiva, t-tenaċja, l-abbiltà li jaħdmu f'tim, il-fehim
tar-riskju u sens ta' responsabbiltà, kemm jekk jistabbilixxu xi
kummerċ jew itrapriża soċjali, kif ukoll jekk le, wara li
jitilqu mill-iskola. Dan huwa t-tip ta' ħsieb intraprenditorjali li
jgħin lill-imprendituri jittrasformaw l-ideat f'azzjoni u li
jżid l-impjegabbiltà b'mod sinifikanti. L-intraprendenditorija hija kompetenza
ewlenija fil-Qafas Ewropew[17],
u hija azzjoni fiż-żewġ Komunikazzjonijiet tal-Kummissjoni
riċenti dwar ir-Reviżjoni tal-Edukazzjoni[18]. Ir-rwol tal-intraprendenditorija
bħala strument biex itejjeb il-livelli tal-impjegabbiltà huwa enfasizzat
ukoll fl-Istħarriġ Annwali dwar it-Tkabbir 2013[19]. Għadd ta' Stati Membri
rrnexxielhom jintroduċu strateġiji nazzjonali għall-edukazzjoni
fl-intraprendenditorija jew għamlu t-tagħlim tal-intraprendenditorija
parti obbligatorja tal-kurrikulu, iżda jeħtieġ li jsir
iżjed. L-edukazzjoni trid tingħata l-ħajja permezz ta' mudelli
ta' tagħlim prattiċi u esperjenzjali u permezz tal-esperjenza ta'
imprendituri fid-dinja attwali. Jinħtieġu riżultati
ddefiniti tat-tagħlim tal-intraprendenditorija għall-edukaturi kollha
biex jiddaħħlu metodoloġiji effettivi tat-tagħlim
intraprendenti fil-klassi. L-esperjenza prattika tal-intraprendenditorija
tista' tinkiseb ukoll barra mill-edukazzjoni.
Iż-żgħażagħ għandhom ikunu inkoraġġuti
li jiżviluppaw il-ħiliet intraprenditorjali permezz tal-edukazzjoni
informali u mhux formali, bħall-volontarjat. Din l-esperjenza għandha
tiġi vvalidata u rikonoxxuta, skont ir-rakkomandazzjoni proposta għal
dan il-qasam mill-Kummissjoni[20]. Is-sħubiji man-negozji jistgħu
jiżguraw li l-kurrikuli tal-edukazzjoni u t-taħriġ ikunu
rilevanti għad-dinja attwali. Inizjattivi bħall-VET[21] - Forum kummerċjali u
Alleanzi għall-Ħiliet Settorjali[22]
jipprovdu mezz biex jiġu involuti n-negozji. L-istituzzjonijiet edukattivi
għandhom jiġu inkoraġġuti li jsiru aktar imprenditorjali
fl-approċċ usa tagħhom, biex ikun żgurat li
jiżviluppaw u jgħixu kultura ta' intraprendenza u innovazzjoni
permezz tal-missjonijiet, tat-tmexxija, tal-involviment tal-partijiet
interessati, tal-kurrikuli u tar-riżultati tat-tagħlim tagħhom. 2.2. ...u
fruntieri ġodda: l-edukazzjoni għolja għall-intraprendenditorija Ir-rwol tal-edukazzjoni għolja
fl-intraprendenditorija huwa ħafna aktar mis-sempliċi twassil tal-għarfien,
huwa l-parteċipazzjoni fl-ekosistemi, fis-sħubiji u fl-alleanzi
industrijali. Minħabba li l-intrapriżi b'teknoloġija avvanzata u
bi tkabbir kbir qegħdin dejjem iżjed jinsabu fiċ-ċentru ta'
politiki pubbliċi marbuta mal-intraprendenditorija, l-istituzzjonijiet
tal-edukazzjoni għolja huma komponent attiv tal-politiki ta' innovazzjoni
tal-Istati Membri u tal-UE. L-Istitut Ewropew tal-Innovazzjoni u
t-Teknoloġija (EIT) fetaħ it-triq għar-rwol
tal-intraprendenditorija bħala abilitanta ewlenija tal-innovazzjoni
f'livell tal-UE u qed jgħin biex jgħaqqad aħjar l-edukazzjoni
mal-innovazzjoni għall-industrija. Għadd ta' negozji ġodda
diġà nħalqu permezz tal-Komunitajiet ta' Konoxxenza u Innovazzjoni
(KKI) tal-EIT. Il-programmi tal-EIT jiżguraw li l-istudenti jkunu esposti
għal edukazzjoni ta' xjenza mal-intraprendenditorija spinta
mill-eċċellenza, għal servizzi ta' ħolqien ta' negozji u
għal skemi ta' mobbiltà. Is-sħubiji jistgħu jipprovdu
pjattaforma b'saħħitha biex jiġu indirizzati l-ħiliet ta'
intraprendenditorija ta' diversi setturi billi jagħtu involviment dirett
fil-provvista, fl-applikazzjoni u fl-aġġornament tal-ħiliet. L-universitajiet
iridu jsiru aktar intraprenditorjali[23].
Fuq dan l-isfond, il-Kummissjoni Ewropea, b'kollaborazzjoni mal-OECD diġà
żviluppat qafas għall-universitajiet intraprenditorjali. Il-qasam
huwa maħsub biex jgħin lil dawk l-universitajiet li jkunu interessati
biex jivvalutaw ruħhom u jtejbu l-kapaċità tagħhom b'moduli ta'
tagħlim mfassla każ b'każ. L-aċċess għall-qafas
se jitwessa' bil-mod il-mod. Il-Kummissjoni
se: ·
Tiżviluppa inizjattiva ta' tagħlim
intraprenditorjali pan-Ewropea li tgħaqqad flimkien il-kompetenzi
eżistenti Ewropej u nazzjonali tal-valutazzjoni tal-impatt, tal-iskambju
tal-għarfien, tal-iżvilupp ta' metodoloġiji u ta' ggwidar
tal-pari fost prattikanti professjonisti mill-Istati Membri. ·
Tirrinforza l-kooperazzjoni mal-Istati Membri
biex tivvaluta l-introduzzjoni tal-edukazzjoni intraprenditorjali f'kull
pajjiż ibbażata fuq l-esperjenza attwali u biex issostni l-amministrazzjonijiet
pubbliċi li jkunu jridu jitgħallmu mill-pari tagħhom li rnexxew. ·
Tistabbilixxi, flimkien mal-OECD, qafas ta'
gwida li jinkoraġġixxi l-iżvilupp ta' skejjel u istituzzjonijiet
VET intraprenditorjali[24]. ·
Tippromwovi r-rikonoxximent u l-validazzjoni
tat-tagħlim intraprenditorjali f'ambjenti ta' tagħlim informali jew
mhux formali[25]. ·
Twassal il-qafas tal-gwida
għall-universitajiet intraprenditorjali lejn il-bidu tal-2013;
tiffaċilita l-iskambji bejn universitajiet li jkunu interessati li japplikaw
il-qafas; tippromwovih bil-mod il-mod mal-Istituzzjonijiet ta' Edukazzjoni
Għolja fl-UE; ·
Tapprova mekkaniżmi li jirnexxu mmexxija
minn universitajiet, għall-ħolqien tan-negozji (spin-offs
eċċ) u ekosistemi università-negozju emerġenti mibnijin madwar
l-isfidi ewlenin soċjali. L-Istati
Membri huma mistiedna li: ·
Jiżguraw li l-kompetenza ewlenija
"intraprendenditorija" tkun imdaħħla fil-kurrikuli kollha
tal-edukazzjoni primarja, sekondarja, vokazzjonali, għolja u tal-adulti
qabel tmiem l-2015. ·
Joffru l-opportunità
liż-żgħażagħ li jkollhom mill-inqas esperjenza
waħda prattika ta' intraprendenditorija[26] qabel
ma jlestu l-edukazzjoni obbligatorja, pereżempju li jmexxu kumpanija
żgħira, jew ikunu responsabbli minn proġett intraprenditorjali
għal xi kumpanija, jew proġett soċjali ·
Jagħtu spinta lit-taħriġ
intraprenditorjali għaż-żgħażagħ u
għall-adulti fl-edukazzjoni permezz ta' riżorsi ta' Fondi Strutturali
konformi mal-pjan nazzjonali tal-impjiegi, jiġifieri l-Fond
Soċjali Ewropew (ESF) konformi mal-Pjanijiet Nazzjonali tal-Impjiegi,
b'mod speċjali bħala għodda biex tagħti opportunità
oħra ta' edukazzjoni lil dawk li mhumiex fl-edukazzjoni, fl-impjieg jew
fit-taħriġ. Jieħdu l-vantaġġ kollu tal-possibbiltajiet ta'
taħriġ disponibbli skont il-fond għall-iżvilupp rurali –
Il-Fond Agrikolu Ewropew għall-Iżvilupp Rurali (FAEŻR). ·
Jippromwovu l-moduli ta' tagħlim
intraprenditorjali għaż-żgħażagħ li jkunu
qegħdin jipparteċipaw fi skemi nazzjonali ta' Garanzija
għaż-Żgħażagħ[27]. 3. Il-Pilastru ta'
Azzjoni 2 – Noħolqu Ambjent fejn L-Imprendituri jkunu jistgħu
Jiffjorixxu u Jikbru In-negozji l-ġodda għandhom
bżonn ta' attenzjoni speċifika. Jeżistu sitt oqsma ewlenin
fejn tinħtieġ l-azzjoni biex jitneħħa t-tfixkil
eżistenzi għall-ħolqien u t-tkabbir tagħhom: ·
L-aċċess għall-finanzi ·
L-appoġġ għall-imprendituri
fil-fażijiet kruċjali fiċ-ċiklu tal-ħajja tan-negozju
u tat-tkabbir ·
Opportunitajiet ġodda ta’
negozju fl-era diġitali ·
Trasferiment ta’ negozju ·
Proċeduri ta’ falliment u
opportunitajiet alternattivi għall-imprendituri ġenwini ·
Tnaqqis tal-piż
regolatorju. 3.1. Aċċess
aħjar għall-finanzi Mingħajr finanzjament xieraq u
mingħajr flus kontanti ebda negozju ma jista’ jopera, jinvesti u jikber –
tabilħaqq l-aċċess għall-finanzi huwa wieħed
mill-istrumenti ewlenin għat-tkabbir għall-SMEs[28]. Skont konsultazzjoni pubblika
mnedija mill-Kummissjoni f’Lulju 2012, l-aċċess
għall-finanzji jikkostitwixxi waħda mill-limitazzjonijiet sinifikanti
għat-tkabbir u l-intraprenditorija fl-Ewropa. L-SMEs dejjem iddependew fuq
is-self mill-banek u għaldaqstant il-limitazzjonijiet ta’ kreditu bankarju
attwali li ġejjin mill-kriżi għandhom impatt sproporzjonat fuq
l-SMEs. Barra minn dan, l-imprendituri b’mod partikolari jsibuha
diffiċli biex isibu finanzjament fl-istadji bikrija tan-negozju
tagħhom. F’Diċembru 2011 il-Kummissjoni Ewropea ppreżentat
Pjan ta’ Azzjoni biex ittejjeb l-aċċess għall-SMEs[29] u proposti dwar fondi ta’
kapitali ta’ riskju u fondi ta’ intraprenditorija soċjali[30]. Ingħatat attenzjoni
partikolari wkoll lill-SMEs fid-Direttiva dwar l-Istrumenti Finanzjarji[31] u fin-negozjati finali dwar
id-Direttiva dwar ir-Rekwiżiti ta’ Kapital[32]. Iżda, jeħtieġ
li jsir aktar minn hekk kemm fil-livell Ewropew kif ukoll f’dak nazzjonali biex
jiġu megħluba n-nuqqasijiet tas-suq, inkluż it-tkixxif dwar
alternattivi għal self mill-banek għall-SMEs, biex jkun
ikkomplementat il-finanzjament privat limitat disponibbli u biex
l-informazzjoni dwar il-finanzjament tkun iktar faċilment disponibbli. Huwa importanti wkoll li jiżdiedu
l-kwalità u r-redditi finanzjarji tal-proġetti tal-istart-ups.
L-appoġġ finanzjarju għall-ittestjar, id-dimostrazzjoni u
l-iggwidar tat-teknoloġiji ġodda, it-tisħiħ tal-kapital ta’
riskju, l-investiment minn individwi privati,
l-inkubaturi u s-self għal SMEs b’potenzjal kbir huma wħud
mill-oqsma fejn l-azzjoni hi possibbli. L-imprendituri jeħtieġu l-fondi
biex jikkummerċjalizzaw ir-riċerka u l-iżvilupp u biex
jittestjaw mudelli ta’ negozju innovattivi. L-appoġġ f’dawn
l-oqsma huwa propost mill-Kummissjoni fil-Programm għall-Kompetittività
tal-Intrapriżi u tal-SMEs (COSME)[33]
tagħha kif ukoll fil-Programm Horizon 2020, u huma rinfurzati
fil-Fondi Strutturali Ewropej[34]. L-atturi tal-ekonomija soċjali u
l-intrapriżi soċjali huma katalisti importanti
għall-ħolqien tax-xogħol inklużiv u tal-innovazzjoni
soċjali. Filwaqt li dawn jiffaċċjaw problemi simili għal
ta’ ħafna mill-SMEs, jistgħu jiltaqgħu wkoll ma’ diffikultajiet
addizzjonali biex ikollhom aċċess għall-finanzjament,
diffikulatjiet li l-Kummissjoni indirizzathom fil-Programm għall-Bidla
Soċjali u l-Innovazzjoni (PSCI) tal-ġejjieni kif ukoll
fir-regolamenti dwar il-Fondi Strutturali[35].
Komponent importanti ta’ ekosistema
intraprenditorjali li tirnexxi jikkonsisti minn firxa ta’ investituri fi stadju
bikri (kapitali ta’ riskju u investituri privati) li jipprovdu investimenti ta'
ekwità seminali u tal-ewwel turn. Dawn
l-investituri jużaw netwerk estensiv tal-pari u jipprovdu għarfien
siewi kif ukoll sostenn dwar is-suq u l-iżvilupp tal-“flejjes
intelliġenti" ta' riskju. Dawn
l-investimenti jistgħu wkoll jkunu xprunati permezz ta’ inċentivi
fiskali. Fl-2008, il-Kummissjoni ħolqot l-Enterprise
Europe Network, sħubija b’aktar minn 600 organizzazzjoni
ospitanti, b’wieħed mill-kompiti tagħha jkun li tipprovdi lin-negozji
u lil dawk li jixtiequ jkunu imprendituri bl-informazzjoni meħtieġa
dwar l-aċċess għall-finanzjament mill-UE u għall-finanzi
tal-UE. Sal-lum, it-talba biex tingħata informazzjoni aħjar dwar
l-appoġġ mill-UE għadha waħda mill-akbar talbiet imressqa
min-negozji. Il-Kummissjoni qed taħdem, flimkien mal-partijiet
interessati, biex in-Netwerk jissaħħaħ hekk li
jsir aktar attiv u effettiv. Il-Kummissjoni
se: ·
Tiffinanzja programmi mmirati lejn
l-iżvilupp ta' suq għall-mikrofinanzjament fl-Ewropa, permezz ta’
inizjattivi bħalma huma l-Progress Microfinance u l-inizjattiva Joint
Action to Support Microfinance Institutions (JASMINE) u tagħmel
disponibbli riżorsi għall-mikroffinanzjar għall-Istati Membri u
r-reġjuni permezz tal-Fond Soċjali Ewropew u l-Fond Ewropew għall-Iżvilupp
Reġjonali. ·
Tiffaċilita l-aċċess dirett
tal-SMEs għas-suq kapitali permezz tal-iżvilupp ta’ sistema tal-UE
għal kuntesti speċjalizzati fil-bejgħ u x-xiri ta' ishma u bonds
maħruġa minn SMEs ("swieq għat-tkabbir tal-SMEs"),
fil-kuntest tar-reviżjoni tad-Direttiva dwar is-Suq fl-Istrumenti
Finanzjarji (MiFID) L-Istati
Membri huma mistiedna li: ·
Jivvalutaw il-ħtieġa li tiġi
mmodifikata l-leġiżlazzjoni finanzjarja nazzjonali attwali
bil-għan li jkunu ffaċilitati forom ġodda u alternattivi ta’
finanzjament għal negozji ġodda u SMEs b’mod ġenerali, b'mod
partikolari fir-rigward ta' pjattaformi għal finanzjament
parteċipattiv, kif ukoll jikkunsidraw il-ħtieġa li tiġi
ssimplifikata l-leġiżlazzjoni tat-taxxa biex ikompli jiġi
stimulat l-iżvilupp ta’ swieq finanzjarji alternattivi bħal pereżempju
investituri privati fin-negozju. ·
Jużaw ir-riżorsi mill-fondi
strutturali biex jistabbilixxu skemi ta’ sostenn għall-mikrofinanzi skont
il-prijoritajiet rispettivi ta’ investiment tal-Fond Soċjali Ewropew (FSE)
u tal-Fond Ewropew għall-Iżvilupp Reġjonali (FEŻR). ·
Jużaw il-potenzjal kollu disponibbli
permezz tal-FAEŻR biex jiżguraw aċċess
għall-finanzjament tal-intraprenditorija, b’mod partikolari fl-istadju
bikri tan-negozju fl-agrikultura (bħala ma l-istabbiliment tal-bdiewa żgħażagħ)
u fiż-żoni rurali inġenerali, anki permezz ta’ strumenti
finanzjarji. 3.2. Sostenn
lill-intrapriżi ġodda fil-fażijiet kruċjali
taċ-ċiklu tal-ħajja tagħhom u għajnuna biex jikbru Madwar 50 % tan-negozji l-ġodda
jfallu fl-ewwel ħames snin tagħhom. Jekk
irridu li l-imprendituri Ewropej jiġġeneraw it-tkabbir li qed
nistennew minnhom, irridu niddedikaw aktar riżorsi biex jgħinuhom
jegħlbu dan il-perjodu. In-negozji ta’ spiss ikun jonqoshom ekosistema
adegwata li tippermettilhom jikbru. Assistenza vitali tista’ tingħata minn
servizzi ta' appoġġ li jkunu jafu s-swieq tagħhom u b’hekk
iżidu b’mod sinifikanti r-rata ta’suċċess tal-intrapriżi
ġodda. Appoġġ effettiv ikun jikkonsisti minn programmi
olistiċi li jintegraw l-elementi essenzjali bħalma hu
t-taħriġ fil-management, l-ikkowċjar fir-riċerka u
l-iżvilupp, u n-netwerkjar mal-fornituri u l-klijenti potenzjali.
L-imprendituri qegħdin jiġu dejjem iktar bżonn ta’ pariri u ta’
sostenn biex jittrattaw il-limitazzjonijiet f’dawk li huma riżorsi u
nuqqas ta’ sikurezza ta’ provvista f’dawk li huma investimenti
strateġiċi u żviluppi fil-prodotti. Bosta intrapriżi
iżgħar fid-daqs ukoll huma dejjem taħt iktar pressjoni
mill-kumpaniji li jfornulhom il-prodotti biex jilħqu standards ġodda
u jissodisfaw rekwiżiti ġodda fejn jidħol id-diżinn li huma
marbuta ma’ effiċjenza aħjar u mar-riċiklabbiltà
tar-riżorsi. Tnaqqis fl-ispejjeż marbuta
mal-konformità mat-taxxa jtejjeb l-ambjent tan-negozju, b'mod partikolari
għall-kumpaniji ż-żgħar. Minħabba l-esperjenza u
r-riżorsi limitati tagħhom, in-negozji ż-żgħar u dawk
ġodda jsofru aktar minn korporazzjonijiet kbar fejn jidħlu
l-ispejjeż għolja marbuta mal-konformità li jirriżultaw minn
leġiżlazzjoni kumplessa dwar it-taxxa u minn proċeduri kkumplikati
ta’ rappurtar. L-Istati Membri għandhom jikkunsidraw li jissimplifikaw
il-proċeduri tar-reġistrazzjoni tal-VAT u joħolqu punt uniku
għar-reġistrazzjoni elettronika biex jiġi ffaċilitat
il-kummerċ diġitali transkonfini min-negozji żgħar. Mix-xjenza u mir-riċerka jaslu bosta
ideat ġodda għal negozji li jirnexxu, iżda hemm aktar x’jista'
jsir biex in-negozji jibdew jużaw ir-riżultati tar-riċerka.
Għaldaqstant, man-negozji trid tibda tinqasam iktar informazzjoni dwar
l-indikazzjonijiet li joħorġu minn proġetti ffinanzjati
mill-Programmi ta’ Qafas għar-Riċerka u l-Iżvilupp. In-negozji l-ġodda spiss jisfaw vittmi
ta’ prattiki kummerċjali qarrieqa. Dawn ivarjaw minn għoti ta’
informazzjoni falza jew qarrieqa dwar is-servizz, sat-tressiq ta’ offerti
mogħtija l-libsa ta’ fattura jew ta’ formoli qarrieqa li jitolbu lil dak
li jkun jaġġorna l-entrata tiegħu fid-direttorji tan-negozju.
Il-Kummissjoni ippubblikat strateġija[36]
b’lista dettaljata ta’ azzjonijiet għall-ġejjieni sabiex tiżdied
il-protezzjoni tan-negozji, u għandha l-ħsieb li tippreżenta
proposta leġiżlattiva matul l-2013. It-tneħħija tal-ostakli fis-Suq
Uniku b’mod li jinħoloq ambjent ekwu għandu jgħin lin-negozji
ż-żgħar jiżviluppaw attivitajiet transkonfini. Dan jinkludi li tiġi indirizzata t-tassazzjoni doppja u jiġu
eliminati d-diskrepanzi fit-taxxi, kif ukoll miżuri oħra marbuta
mat-taxxa li jikkostitwixxu ostakli transkonfini fis-suq uniku u
għall-investiment barrani fl-UE. Barra minn hekk, f'ħafna
mill-pajjiżi tal-UE, l-oqfsa legali għas-sigurtà soċjali ta'
dawk li jaħdmu għal rashom huma sostanzjalment differenti minn ta’
dawk li huma impjegati, u dan joħloq ostakli addizzjonali
għall-imprendituri. L-appoġġ lin-negozji ġodda huwa
partikolarment importanti fil-mogħdija minn stat ta’ qgħad għal
wieħed fejn tarma għal rasek. L-arranġamenti biex ikun aktar
faċli għan-nies li jiddependu fuq il-benefiċċji
soċjali (bħal benefiċċji tal-qgħad) biex jiftħu
negozju għal rashom u jsiru ekonomikament indipendenti (pontijiet
tal-welfer) jistgħu jkunu ta’għajnuna. Għaldaqstant, l-Istati
Membri jistgħu jesploraw il-possibbiltà li min jaħdem għal rasu
jirċievi benefiċċji (eż. tas-saħħa, tal-irtirar,
tad-diżabbiltà, tal-qgħad, fil-każ li n-negozju
jingħalaq/ifalli, eċċ.) li jkunu komparabbli mal-benefiċċji
għall-ħaddiema impjegati mingħajr ma jitnaqqas xejn lil dawn. Biex jirnexxu, l-imprendituri u l-SMEs
jeħtieġu għarfien espert speċifiku, wieħed iffukat
għalihom, li jkun jista’ jgħinhom jiżviluppaw
vantaġġi kompetittivi kif ukoll jibbenefikaw minn katini ta’ valur
globali u minn immaniġġjar kondiviż ta’ riżorsi umani. Raggruppamenti,
networks tan-negozju u tipi oħra ta’ assoċjazzjoni ta’
intrapriżi jistgħu jipprovdu ambjenti ta' sostenn bħal dawn
peress li jġibu flimkien l-atturi rilevanti mill-komunità tan-negozju,
l-edukazzjoni, ir-riċerka u s-settur pubbliku[37]. Fost
l-SMEs, xi kumpaniji, bħalma huma l-intrapriżi soċjali,
ħafna drabi jkollhom mudelli ta’ negozju speċifiċi li jkunu
jirrikjedu skemi ta’ sostenn apposta għalihom. Ir-raggruppar
tal-SMEs jista’ jwassal għal żieda fil-kompetittività.[38] Għalhekk, l-Istati Membri
jistgħu jikkunsidraw jekk ir-reġimi fiskali tagħhom
jistgħux jittejbu b’mod li jippermetti aktar gruppi tal-SMEs ta’ dan
it-tip. Barra minn dan, l-imprendituri jistgħu
jibbenefikaw bil-kbir mis-Suq Uniku. Madankollu, fil-preżent,
it-tħaddim tajjeb tas-Suq Uniku għadu mxekkel minn xi ostakli. Fit-3 ta’ Ottubru 2012,
il-Kummissjoni Ewropea ħarġet l-Att dwar is-Suq Uniku II[39] biex jitnaqqsu l-ostakli
attwali. L-implimentazzjoni effettiva ta’ dawn il-miżuri tista'
tippromwovi l-intraprenditorija fl-Ewropa f'oqsma bħalma hu dak
tas-servizzi transkonfini, ir-rikonoxximent ta’ diplomi u kwalifiki, u d-dritt
ta’ stabbiliment. Barra minn dan, għandhom jiġu
inkoraġġuti l-iskambji ma’ imprendituri b’għarfien
tajjeb fi ħdan l-UE, fosthom permezz tal-iskema tal-Kummissjoni
Erasmus għall-Imprendituri Żgħażagħ (Erasmus for Young
Entrepreneurs, EYE). Il-Kummissjoni
sejra: ·
Tidentifika u tippromwovi l-aqwa prassi
mħaddma mill-Istati Membri bil-għan li joħolqu ambjent fiskali
li jkun aktar aċċessibbli għall-imprendituri. ·
Tappoġġja l-kooperazzjoni bejn
ir-raggruppamenti u netwerks tan-negozji; ·
Tappoġġja n-netwerking u l-iskambji
tal-aqwa prassi bejn l-aġenziji li jmexxu l-iskemi dwar l-effiċjenza
tar-riżorsi fl-SMEs; ·
Issaħħaħ is-sħubija
tan-Netwerk Ewropew għall-Intrapriżi ma’ organizzazzjonijiet
ospitanti, mal-Punti Uniċi ta’ Kuntatt u mal-organizzazzjonijiet kollha li
jappoġġaw lill-SMEs biex (i) jinfirex waħda u sew
it-tagħrif dwar l-inizjattivi tal-UE, dwar is-sorsi tal-finanzi, u dwar
l-appoġġ għall-innovazzjoni, (ii) l-Istati Membri jiġu
inkoraġġuti jsaħħu l-miżuri sabiex tiżdied
id-disponibbiltà tal-imprendituri u tal-SMEs li jinvestu u (iii) tingħata
assistenza effettiva biex tgħin lin-negozji jibbenefikaw bis-sħiħ
mis-Suq Uniku u biex jaċċessaw is-swieq f'pajjiżi terzi. ·
Tirrevedi r-regoli li jipprojbixxu ċerti
prattiki kummerċjali qarrieqa[40]
u tagħmilhom iktar sodi filwaqt li ssaħħaħ l-infurzar
kontra tali prattiki f'każijiet transkonfini. ·
Tiftaħ il-bibien beraħ
għall-potenzjal sħiħ tas-Suq Uniku Diġitali għall-SMEs
billi tindirizza l-ostakli eżistenti tan-negozju onlajn transkonfini[41]. ·
Tkompli tiżviluppa l-programm Erasmus
għall-Imprendituri Żgħażagħ biex tissodisfa
ż-żieda fid-domanda għal parteċipazzjoni minn imprendituri
ġodda fis-Suq Uniku[42]
·
Tinkoraġġixxi l-iskambji ta’
imprendituri żgħażagħ bejn l-UE u pajjiżi terzi ·
Tgħin lill-Istati Membri jiżviluppaw
skemi ta’ appoġġ integrat permezz ta’ seminars dwar il-bini
tal-kapaċità ffinanzjati mill-assistenza teknika tal-FSE, b’mod li jkunu
involuti l-partijiet interessati, inklużi dawk li jipprovdu l-edukazzjoni
u t-taħriġ biex jiżviluppaw strateġiji integrati u billi
jiġu stabbiliti azzjonijiet speċifiċi, l-aktar
għall-imprendituri żgħażagħ. ·
Tkompli tiżviluppa l-portal L-Ewropa
Tiegħek ‑ In-Negozju, b’informazzjoni dwar is-Suq Uniku kemm
mill-Kummissjoni u kemm mill-Istati Membri. L-Istati
Membri huma mistiedna li: ·
Jagħmlu l-ambjent tal-amministrazzjoni
fiskali nazzjonali aktar favorevoli għall-istadju bikri tan-negozji.
Inaqqsu l-ispejjeż tal-konformità mat-taxxa billi jissimplifikaw
id-dikjarazzjonijiet tat-taxxa u l-ħlas tagħha, billi jestendu
l-użu ta’ mezzi elettroniċi, inkluż it-tħaffif
tal-implimentazzjoni sħiħa tas-Suq Uniku Diġitali. ·
Jippromwovu l-koordinazzjoni tat-taxxa biex
jiżguraw li l-inkonsistenzi fit-trattament tat-taxxa ma jwasslux għal
tassazzjoni doppja jew għal prattiki oħra, marbuta mat-taxxa, li
jkunu ta’ ħsara u li jfixklu s-Suq Uniku billi jxekklu n-negozji
transkonfini u l-investimenti transkonfini f’kapital tar-riskju. ·
Jevalwaw mill-ġdid ir-reġimi tat-taxxa
fuq id-dħul tal-kumpaniji b’mod li jikkunsidraw li jestendu l-istatut
tal-limitazzjoni tat-telf u tat-tnaqqis fit-Taxxa fuq id-Dħul
tal-Kumpaniji. ·
Jikkunsidraw li mill-2013 jimplimentaw
l-għażla offruta lin-negozji ż-żgħar ta’ skema ta’
kontabilità bbażata fuq il-ħlasijiet għall-VAT. ·
Jadottaw il-miżuri meħtieġa biex
jappoġġjaw il-kummerċjalizzazzjoni tal-innovazzjoni,
ir-riċerka u l-proġetti ta' żvilupp filwaqt li jqisu l-isfidi
speċjali tal-kumpaniji li jkunu għadhom kif twaqqfu. ·
Jikkunsidraw l-għażla li s-sidien ta’
intrapriżi ġodda jitolbu aġġustamenti possibbli fl-iskedi
tal-ħlas tal-kontribuzzjonijiet soċjali għal żmien limitat
u abbażi tas-sitwazzjoni speċifika tal-impriża u ta’ ġustifikazzjonijiet
sodi. ·
Jieħdu l-vantaġġ kollu possibbli
tal-għażliet ta’ sostess ġodda li ġew introdotti skont
il-Fond Agrikolu għall-Iżvilupp Rurali (FAEŻR) biex
jinfetħu n-negozji u biex jiġu żviluppati skemi komprensivi
għal skambji professjonali ta’ imprendituri u għal żjajjar
fil-farms, u jsostnu wkoll ir-raggruppamenti, in-netwerks tan-negozji u
l-attivitajiet ta’ kooperazzjoni fl-agrikoltura, il-forestrija,
l-ipproċessar tal-ikel agrikolu u fost in-negozji nonagrikoli rurali. 3.3. Niftħu
l-bibien għall-opportunitajiet ġodda ta' negozju fl-era diġitali Użu aħjar tat-teknoloġija
tal-informazzjoni u l-komunikazzjoni (ICT) jista’ jgħin b’mod sinifikanti
biex in-negozji ġodda jirnexxu. L-ICT huwa s-sors ewlieni tat-tkabbir
għall-ekonomiji nazzjonali, u l-SMEs Ewropej jikbru bejn darbtejn sa tliet
darbiet aktar malajr meta jħaddnu l-ICT. Kif indikat fil-Komunikazzjoni
tal-Kummissjoni dwar il-Politika Industrijali[43],
“l-imprendituri jeħtieġ jisfruttaw il-potenzjal sħiħ
tas-suq uniku diġitali fl-UE li huwa mistenni li jikber b’10 %
fis-sena sal-2016." Abbażi tal-Aġenda Diġitali
u l-Inizjattivi ewlenin ta' politika industrijali, il-Kummissjoni se
tgħin lill-imprendituri u lill-SMEs biex jiġi sfruttat
bis-sħiħ il-potenzjal tal-ICT, kemm f’termini ta’ provvista
ta’prodotti u servizzi diġitali ġodda, u kemm f’termini ta’ domanda
u ta’ użu intelliġenti ta' dawn it-teknoloġiji. Fuq in-naħa tal-provvista, l-imprendituri
tal-web jikkostitwixxu kategorija speċifika ta’ imprendituri li
joħolqu prodotti u servizzi diġitali ġodda li jużaw il-web
bħala komponent indispensabbli. Negozji ġodda bbażati fuq il-web
għandhom tendenza li jikbru u jfallu aktar malajr minn negozji oħra u
l-iżvolti li jieħdu jkunu qawwija u f’salt, li jfisser riżultati
ogħla iżda wkoll riskji ogħla. Dawn joperaw f’ekosistema
kumplessa u li tevolvi malajr, fejn in-netwerking u l-esperimentazzjoni huma
ferm importanti. Negozji ġodda bbażati fuq il-web jiswew inqas flus
biex jitwaqqfu u l-ostakli għad-dħul fis-suq huma baxxi, hekk li huma
mezz attraenti biex wieħed jibda karriera intraprenditorjali.
L-imprendituri tal-web, għal din ir-raġuni, jeħtieġu
miżuri ta’ appoġġ speċifiċi għalihom li
jsaħħu, strutturalment, l-ekosistema ta’ negozju ġdid
ibbażat fuq il-web. Fuq in-naħa tad-domanda, l-investiment
f’teknoloġiji diġitali ma għadux kwistjoni ta’ għażla:
il-kumpaniji llum il-ġurnata jistgħu jkunu kompetittivi biss jekk
iħaddnu d-dinja diġitali. Dan
joħloq opportunitajiet u sfidi, b'mod partikolari għall-SMEs, billi
ħafna drabi dawn ikunu inqas mgħammra biex jittrattaw
iż-żieda fis-sofistikazzjoni ta' mudelli ġodda ta’ negozju. L-imprendituri diġitali huma dawk
l-imprendituri li jisfruttaw bis-sħiħ prodotti u servizzi
diġitali, inkluż il-“cloud computing”, biex jagħtu ħajja
ġdida lill-mudelli ta’ negozju tagħhom u biex ikunu aktar kompetittivi[44]. L-inizjattivi tal-UE “Smart
use of information technologies and the integration of SMEs in global
industrial value chains” u e-Skills se jippromwovu l-adozzjoni ta'
teknoloġiji diġitali u jqarrbu l-SMEs lejn id-dinja diġitali. Il-potenzjal tal-kummerċ elettroniku
bħala parti mill-opportunitajiet imwassla mis-Suq Uniku Diġitali
għall-imprendituri għadu mhux qed jiġi sfruttat għalkollox.Numru ta’ azzjonijiet speċifiċi iwassal
għal qabża pożittiva lejn il-kummerċ onlajn.[45] Il-Kummissjoni
se tkun qiegħda: ·
Ssaħħaħ il-bażi
tal-għarfien dwar ix-xejriet ewlenin
tas-suq u l-mudelli ta’ negozju innovattiv billi tistabbilixxi Mekkaniżmi
ta' Monitoraġġ tas-Suq u Skeda ta’ Gradazzjoni (Scoreboard) onlajn,
b'koperazzjoni mal-partijiet interessati ewlenin, biex jiffaċilitaw id-djalogu
u jwasslu għal aġenda kondiviża għal azzjoni. ·
Trawwem kuxjenza permezz ta’ kampanja ta' informazzjoni fl-Ewropa kollha
għall-imprendituri u l-SMEs dwar il-benefiċċji
mill-evoluzzjonijiet diġitali ġodda; il-kampanja se tippromwovi
stejjer ta’ suċċess mill-Ewropa, kompetizzjonijiet panEwropej u skemi
ta’ għoti ta’ premijiet biex tissensibilizza lill-imprendituri dwar
l-evoluzzjoni tal-kuntest tan-negozju u dwar opportunitajiet ġodda ta'
negozju. ·
Tiffaċilita n-netwerking biex titfa’ d-dawl fuq ideat ġodda għan-negozju u
ssostnihom, fosthom billi: Toħloq netwerk Ewropew ta' Mentors
għal taħriġ, pariri u kowċing prattiku dwar kif għandu
jsir in-negozju fl-era diġitali, u avvenimenti intiżi li
jlaqqgħu l-partijiet interessati biex jesploraw sħubijiet ġodda.
·
Tniedi azzjonijiet speċifiċi
għall-imprendituri tal-web bħal: i)
Start-up Europe Partnership li jkebbes l-għarfien espert, il-mentoring,
it-teknoloġija u s-servizzi, u, ii) Web Entrepreneurs Leaders Club biex
iġib flimkien imprendituri tal-web ta’ klassi dinjija u jsaħħaħ
il-kultura intraprenditorjali fuq il-web fl-Ewropa; iii) Netwerk Ewropew ta’
aċċeleraturi ta’ negozji fuq il-web; iv) taħdem mal-investituri
Ewropej sabiex jiżdied il-fluss tal-kapital ta’ riskju u tal-crowd funding
f’negozji ġodda bbażati fuq il-web; u v) Issaħħaħ
it-talent fuq il-web billi tistimula l-ħolqien ta’ Bosta Korsijiet
Miftuħa Onlajn[46]
u t-twaqqif ta’ pjattaformi għal-mentoring u t-trawwim tal-ħiliet. ·
Issaħħaħ il-kompetenzi u
l-ħiliet billi tintensifika l-azzjonijiet
tagħha tal-E-skills biex tara titjib fil-ħiliet tal-e-leadership
id-dixxiplini xjentifiċi u kreattivi, u l-ħiliet maniġerjali u
intraprenditorjali biex tindirizza s-swieq teknoloġiċi ġodda. L-Istati
Membri huma mistiedna: ·
Isaħħu l-appoġġ nazzjonali
jew reġjonali għal negozji ġodda bbażati fuq il-web u dawk
diġitali u jiżviluppaw finanzjament alternattiv fl-istadji bikrija
ta’ start-ups fil-qasam tat-teknoloġija, bħalma huma l-iskemi
f’vouchers għall-innovazzjonif l-ICT. ·
Jippromwovu l-aċċess
għall-imprendituri għall-Open Data u għall-Big Data miġbura
pubblikament jew għal programmi appoġġjati mill-industrija
bħal pereżempju s-sett tad-dejta kulturali Europeana.[47] ·
Isostnu lill-imprendituri tal-akbar talent,
eż. billi l-aqwa gradwati jiġu inkoraġġuti jibdew
il-karriera tagħhom bil-ftuħ ta’ negozju ġdid. ·
Isostnu l-adozzjoni, fil-pront, ta’ inizjattivi
ta’ politika li jkunu għaddejjin fil-mument bħalma hi dik tar-riforma
marbuta mal-ħarsien tad-dejta kif ukoll il-proposta għal Liġi
Ewropea Komuni dwar il-Bejgħ li jwasslu biex inaqqsu x-xkiel
għall-iżvilupp tal-cloud computing fl-UE. ·
Jiżguraw l-aħjar użu tal-fondi
Ewropej għall-intraprenditorija fuq il-web u dik diġitali skont
ir-regoli u l-prijoritajiet li jkunu japplikaw 3.4. Trasferimenti
kummerċjali aktar faċli Ta' kull sena jiġu ttrasferiti mal-Ewropa
madwar 450 000 negozji li jimpjegaw żewġ miljuni ta'
ħaddiema. Iżda tant
jista' jkun diffiċli biex isir it-trasferiment li huwa smat li kull
sena jintilfu madwar 150 000 negozji li jħaddmu 600 000 ruħ[48]. Ir-raġunijiet
ewlenin għal dan huma l-piżijiet regolatorji jew tat-taxxi, nuqqas
ta' għarfien tal-preparazzjonijiet meħtieġa u ta' swieq
trasparenti għal dawn it-transazzjonijiet, u t-tul ta' żmien
meħtieġ biex wieħed jikkonforma mal-formalitajiet. Barra minn
hekk, il-forma legali ta' kumpanija (propretarji uniċi) kif ukoll l-età
tagħha (b'mod speċjali għal dawk il-kumpaniji li jkollhom inqas
minn tliet snin) huma elementi addizzjonali ta' vulnerabbiltà. Huwa
għalhekk li l-iżgħar negozji huma l-iżjed vulnerabbli
għal trasferimenti li ma jirnexxux. Dawn il-kumpaniji huma "negozji
attivi" bi prodotti, swieq u klijenti stabbiliti u għaldaqstant
għandhom probabbiltà ikbar ta' sopravvivenza minn kumpaniji ġodda.
Dawk li qed jitħajru jsiru imprendituri għandhom ikunu jafu li l-akkwist
ta' "negozju attiv" jista' jkun alternattiva attraenti
għall-ħolqien ta' kumpanija ġdida. It-trasferimenti
għandhom isiru iżjed faċli kemm għall-imprenditur li
jixtieq jgħaddi l-kumpanija tiegħu lil ħaddieħor, kif ukoll
għal min jakkwista l-kumpanija. It-trasferiment ta' kumpanija minn
ġenerazzjoni għal oħra huwa l-karatteristika li tiddefinixxi
negozju tal-familja u huwa l-akbar sfida li dan jista' jiffaċċja.
Trasferiment ta' negozju tal-familja jrid jitqies bħala trasferiment ta'
proprjetà, fejn il-proprjetà mhijiex assi likwida iżda ħaġa li
nbniet u ġiet żviluppata mill-familja tul il-ġenerazzjonijiet, u
tinkludi l-valuri, it-tradizzjonijiet u l-għarfien. L-ambitu u l-iskala
ta' approċċi diversi għat-taxxi tas-suċċessjoni u
t-taxxi fuq il-beni immobbli madwar l-UE juru li għad fadal ħafna lok
għal titjib fil-klima legali dwar it-trasferimenti ta' negozji
tal-familja. Il-qasam
tat-trasferimenti tan-negozji ġie indirizzat b'mod speċifiku mill-Att
dwar in-Negozji ż-Żgħar (SBA)[49] u r-Reviżjoni tal-Att
dwar in-Negozji ż-Żgħar għall-Ewropa tal-2011[50] u ġie indirizzat b'mod
speċifiku fil-Komunikazzjoni tal-Kummissjoni tal-2006,
"L-implimentazzjoni tal-Programm Komunitarju ta’ Liżbona
għat-Tkabbir u l-Impjiegi : Trasferiment
tan-negozju – Kontinwità bis-saħħa ta’ bidu ġdid[51]. Minkejja li xi pajjiżi Ewropej
għamlu progress u ġie żviluppat qafas regolatorju li
jagħmilha aktar faċli li jsiru t-trasferimenti, anki f’dawn
il-pajjiżi jista’ jkun għad fadal għarfien baxx min-naħa
tal-komunità intraprenditorjali u tal-partijiet interessati
(assoċjazzjonijiet professjonali, ditti legali u konsulenti
tal-imprendituri) dwar il-possibilitajiet ta’ trasferimenti u dwar
il-preparattivi meħtieġa. Billi l-ostakoli għat-trasferimenti
kummerċjali jinsabu l-aktar fil-livelli lokali, reġjonali u nazzjonali,
ikun żgur siewi li wieħed iqabbel l-approċċi adottati
mal-Ewropa bil-ħsieb li jsir skambju tal-aqwa prassi u jittieħdu
azzjonijiet, l-aktar f’termini ta’ sensibilizzazzjoni dwar it-trasferimenti
kummerċjali, faċilitajiet finanzjarji speċjali
intiżi biex jiffinanzjaw it-trasferimenti, trasformazzjoni legali
(l-iktar il-possibbiltà li jinħolqu kumpaniji pubbliċi b’kapital
limitat għall-faċilitazzjoni ta’ bejgħ ta’ ditta) u swieq
trasparenti għat-trasferimenti kummerċjali.[52] Il-Kummissjoni
se: ·
Tiżviluppa linji gwida dwar l-aktar
programmi effettivi u l-aqwa prassi biex it-trasferimenti tal-impriżi
jkunu eħfef, inklużi miżuri għat-twessiegħ u
l-espansjoni tas-swieq għall-impriżi, identifikazzjoni tal-programmi
disponibbli fl-Ewropa u proposta ta’ azzjonijiet meħtieġ biex
jitneħħew l-ostakoli possibbli li jifdal għat-trasferimenti
tal-impriżi transkonfinali. F’dan ir-rigward, il-Kummissjoni qed
torganizza grupp ta’ ħidma espert bir-rappreżentanti tal-Istati
Membri li fl-2013 se jkollu l-għan li jwettaq rendikont u analiżi
tar-raġunijiet għala fadal ostakoli f’dan il-qasam u li jipproponi
rakkomandazzjonijiet u miżuri ta’ appoġġ li jindirizzaw dawn
l-ostakoli. L-Istati
Membri huma mistiedna: ·
Itejbu d-dispożizzjonijiet legali,
amministrattivi u fiskali għat-trasferimenti tal-impriżi filwaqt li
jikkunsidraw il-Komunikazzjoni tal-Kummissjoni tal-2006 dwar it-trasferimenti
tal-impriżi u l-Komunikazzjoni tal-Kummissjoni tal-2011 dwar l-indirizzar
tal-ostakoli transkonfinali tat-taxxa tas-suċċessjoni fi ħdan
l-UE[53]. ·
Jużaw il-fondi Ewropej attwali skont
ir-regoli u l-prijoritajiet applikabbli tagħhom
għall-appoġġ tat-trasferimenti ta’ SMEs għall-imprendituri
li jkollhom ħsieb ikomplu imexxu l-impriża. ·
Itejbu s-servizzi ta’ informazzjoni u
notifikazzjoni għat-trasferimenti tal-impriżi kif ukoll itejbu
l-ġbir tad-dejta u l-monitoraġġ tat-trasferimenti
tal-impriżi. ·
Ixandru b’mod effettiv il-pjattaformi
tat-trasferimenti tal-impriżi u s-swieq u jniedu kampanji biex
jiżdied l-għarfien fost il-bejjiegħa u x-xerrejja potenzjali ta’
impriżi vijabbli. ·
Jikkunsidraw li jirrevedu r-regolamentazzjoni
fiskali fir-rigward tal-impatti tagħha fuq il-likwidità tal-SMEs immexxija mill-familji f’każ ta’
suċċessjoni ta' proprjetà mingħajr ma jkun hemm impatt negattiv
fuq id-dħul fiskali. 3.5. Inbiddlu
l-falliment f'suċċess: ċans ieħor għal negozjanti li
ġenwinament ifallu Il-falliment fin-negozju,
bħall-ħolqien tan-negozju, huwa parti integrali minn suq dinamiku u
b'saħħtu. Il-provi juru li l-maġġoranza (96%)
tal-fallimenti huma kkawżati minn sensiela ta' pagamenti b'lura jew
problemi oġġettivi oħra – fi kliem ieħor dawn huma
"fallimenti ġenwini", li ma jiġrux minħabba li
l-imprenditur jagħmel frodi[54].
B'danakollu, l-imprendituri jiġu ttrattati minn bosta liġijiet dwar
il-falliment daqs li kieku kienu huma frodulenti, u jkollhom jgħaddu minn
proċeduri komplessi qabel ma jinħelsu. F'xi Stati Membri
l-proċedura tant tieħu żmien li l-imprendituri ma jikkunsidrawx
li jibdew impriża oħra[55].
F'ċerti każi dawn jistgħu jiġu preskritti legalment milli jibdew
impriża ġdida għal għomorhom jew kważi għal
għomorhom. Anki wara li jinħelsu, dawk li jkunu
fallew jiġu stimmatizzati u jiffaċċjaw id-diffikultajiet biex
isibu l-finanzi għal impriża ġdida. Għalhekk, bosta
imprendituri potenzjali sempliċiment jaqtgħu qalbhom u ma
jikkunsidrawx li jerġgħu jippruvaw. Iżda r-riċerka turi li n-negozji
li jibdew mill-ġdid ("second starters") jirnexxu iżjed u
jibqgħu iżjed fit-tul mill-medja tan-negozji l-ġodda; dawn
jikbru iżjed malajr u jimpjegaw aktar ħaddiema[56]. Għaldaqstant, falliment
imprenditorjali ma għandux ikun "sentenza tal-mewt" li
jipprojbixxi kull attività imprenditorjali fil-ġejjieni, iżda
għandu jintgħaraf bħala opportunità biex wieħed
jitgħallem u jittejjeb – perspettiva li llum il-ġurnata diġà
naċċettawha bħala l-bażi tal-progress fir-riċerka
xjentifika. B'konsegwenza ta' dan, kull sforz biex ninkoraġġixxu
ġenerazzjoni ġdida ta' imprendituri jrid jinkludi s-serħan
il-moħħ li, jekk l-ewwel idea tagħhom ma tirnexxix, mhux se
jkunu preskritti għal dejjem milli jerġgħu jippruvaw jirnexxu
darba oħra. Għaldaqstant, il-liġijiet dwar il-falliment iridu
jipprevedu modi ħfief biex wieħed jippreżenta u jirkupra
t-talbiet għall-impriżi kredituri, filwaqt li għandhom jiġu
stabbiliti proċeduri aktar ħfief u aktar affordabbli
għall-għeluq ta' negozju u għall-ħelsien mill-falliment. F'Diċembru li għadda l-Kummissjoni
adottat Komunikazzjoni dwar approċċ ġdid Ewropew lejn
il-falliment u l-insolvenza[57]
biex dan joħloq ambjent aktar faċli għall-kummerċ,
pereżempju billi jsiru aktar effiċjenti l-liġijiet nazzjonali
dwar l-insolvenza, inklużi t-tul taż-żmien u l-kosti tal-perjodu
ta' ħelsien mill-falliment. Bħala l-ewwel pass li jrid isir,
il-Kummissjoni adottat ukoll fl-istess ħin proposta għall-modernizzazzjoni
tar-Regolament dwar il-proċeduri tal-insolvenza[58] li se jiżgura
ir-rikonoxximent transkonfinali tas-salvataġġ ta' impriżi u
jinkludi wkoll il-faċilitazzjoni tal-preżentazzjoni ta' talbiet fi
Stat Membru ieħor. Il-Kummissjoni
se: ·
Tniedi konsultazzjoni pubblika biex
tirċievi l-fehmiet tal-partijiet interessati dwar il-kwistjonijiet
identifikati fil-Komunikazzjoni dwar approċċ Ewropew ġdid lejn
il-falliment u l-insolvenza tan-negozji, din tkun tinkludi l-fehmiet dwar
l-għotja ta' ċans ieħor lill-imprendituri ġenwini li jfallu
u dwar it-taqsir u l-allinjament taż-"żmien
għall-ħelsien". L-Istati
Membri huma mistiedna li: ·
Inaqqsu fejn possibbli ż-żmien
għall-ħelsien tal-falliment u tal-ħlas tad-dejn għal
imprenditur ġenwin wara li dan ikun falla għal massmu ta' tliet snin
sal-2013.[59] ·
Joffru s-servizzi ta' sostenn lill-impriżi
għal ristrutturar bikri, il-pariri biex jipprevjenu l-fallimenti u
s-sostenn għall-SMEs biex jirristrutturaw u jibdew mill-ġdid. ·
Jipprovdu s-servizzi ta' konsulenza
lill-imprendituri li jkunu fallew għall-amministrazzjoni tad-dejn u biex
jiffaċilitaw l-inklużjoni ekonomika u soċjali u jiżviluppaw
il-programmi għal min jibda mill-ġdid ("second starters")
ta' mentoraġġ, taħriġ u netwerking kummerċjali. 3.6. Piż
regolatorju: regoli aktar ċari u sempliċi L-imprendituri għandhom ikunu
"l-klijent normali" li fuqhom l-amministrazzjonijiet jagħmlu
l-punt ta' riferiment tar-rekwiżiti proċedurali u b'danakollu,
kważi tliet kwarti tal-Ewropej iqisuha diffiċli wisq biex jibdew
negozju minħabba l-kumplessitajiet amministrattivi[60]. Bosta oħrajn gergru dwar
il-piżijiet regolatorji tqal li jiġu imposti fuq it-tmexxija ta'
negozju. Minħabba li taf b'dan kollu, fl-2007 il-Kummissjoni kkommettiet
ruħha għal Programm ta' Azzjoni biex tinqata' l-burokrazija
kkawżata mil-leġiżlazzjoni tal-UE b'25% qabel tmiem l-2012[61]. F'Novembru 2011,
il-Kummissjoni adottat ir-Rapport tagħha dwar il-minimizzazzjoni
tal-piż regolatorju għall-SMEs – u addattat ir-regolamenti tal-UE
għall-ħtiġiet tal-mikrointrapriżi[62], u dan wessa' l-fokus
għal firxa ħafna aktar wiesgħa tal-piżijiet regolatorji
kollha lil hinn mill-piż amministrattiv li jirrappurtaw lill-awtoritajiet,
u introduċiet il-prinċipju tal-obbligu tal-provi bil-kontra għal
kull piż regolatorju ġdid. Dan impenja wkoll lill-Kummissjoni biex
ittejjeb il-konsultazzjoni man-negozji ż-żgħar u tadotta tabella
ta' valutazzjoni annwali dwar il-progress lejn l-implimentazzjoni fl-Istati
Membri. Il-Kummissjoni ppreżentat il-proposti
li jmorru lil hinn mill-mira ta' tnaqqis ta' 25%. Miżuri
li jiswew EUR 30,8 biljun ta' frankizz annwali għan-negozji
diġà ġew adottati mil-leġiżlaturi tal-UE. Dan
jirrappreżenta 25% tal-piż regolatorju, li ġie stmat għal
EUR 123,8 biljun. Jista' jinkiseb tnaqqis ieħor ta' 5,5%
tal-piż jekk il-proposti addizzjonali ppreżentati mill-Kummissjoni
jiġu adottati mill-Parlament Ewropew u mill-Kunsill. Sar frankizz notevoli fl-oqsma tal-liġijiet
tat-taxxa (il-bidla mill-kontijiet fuq il-karta għall-kontijiet
elettroniċi) u l-liġijiet dwar in-negozju (eċċezzjonijiet
għall-mikrointrapriżi minn xi dispożizzjonijiet dwar l-obbligi
ta' rappurtar finanzjarju). Pereżempju, id-Direttiva dwar il-Fatturazzjoni[63] ħolqot trattament ugwali
ta' fatturati fuq il-karta u fatturati elettroniċi u ma għadhiex
tippermetti li l-Istati Membri jippreskrivu teknoloġija partikolari
għall-fatturati elettroniċi[64].
Sar progress ukoll fil-modernizzazzjoni tal-leġiżlazzjoni
tad-dwana, li naqqset l-obbligi tar-rappurtar statistiku minn fuq l-SMEs. u
f'firxa wiesgħa ta' oqsma madwar l-Istati Membri[65]. It-tnaqqis ta' piż regolatorju bla
bżonn jew eċċessiv għadu fil-qofol tal-aġenda politika
tal-Kummissjoni. Għal dan il-għan, apparti milli jsiru l-konferenzi fl-Istati
Membri, fl-1 ta' Ottubru 2012 tnediet konsultazzjoni pubblika
biex jiġu identifikati l-10 biċċiet leġiżlattivi
tal-UE li jimponu l-aktar piż[66].
Ir-riżultat ta' din il-konsultazzjoni, flimkien ma' analiżi aktar
speċifika, se jitqiesu meta tiġi vvalutata l-ħtieġa
għal reviżjoni tar-regolamenti tal-UE f'oqsma speċifiċi. L-obbligi regolatorji tan-negozji
għandhom ikunu ċari u sempliċi. Apparti
milli jipproteġu s-saħħa u s-sikurezza pubbliċi u fuq
il-post tax-xogħol u l-ambjent, oqfsa regolatorji ċari jiżguraw
kundizzjonijiet ekwi, kompetizzjoni ġusta u ħielsa, ċertezza kummerċjali
u l-prevedibbiltà tas-swieq. Regolamentamentazzjoni intelliġenti tista'
wkoll tagħti spinta lill-innovazzjoni li ġġib lill-Kumpaniji
Ewropej fil-post ewlieni fl-aktar teknoloġiji u servizzi importanti.
Iżda l-liċenzjar doppju jew mhux ikkoordinat għandu jiġi
eliminat. Bl-istess mod, formalitajiet peżanti, bħalma hi t-talba li
wieħed juri provi tal-awtentiċità ta' dokumenti pubbliċi
(eż. rekords korporattivi), għandhom jiġu eliminati
għall-attivitajiet kummerċjali fis-Suq Intern. Għandha tiġi eliminata jew
imnaqqsa l-burokrazija żejda fejn hu possibbli għan-negozji
kollha u b'mod partikolari għall-intrapriżi mikro li jinkludu
lil min jaħdem għal rasu u l-professjonijiet liberi, li huma
partikolarment vulnerabbli għall-piżijiet tal-burokrazija minħabba
d-daqs żgħir tagħhom u r-riżorsi umani u finanzjarji
limitati tagħhom. Fl-istess ħin, għandhom jitneħħew
l-ostakoli żejda u mhux ġustifikati biex dak li jkun jidħol
f'professjoni libera. Fil-qasam tal-akkwist pubbliku l-SMEs u
offerenti transkonfinali huma mxekkla mir-rekwiżiti amministrattivi
(pereżempju l-presentazzjoni ta' dokumenti ta' provi), mill-problemi biex
jiksbu l-informazzjoni u xi kultant mir-rekwiżiti sproporzjonati
tal-awtoritajiet kontraenti. Il-proporżjon ta' SMEs li jirbħu
l-kuntratti ta' akkwist pubbliku ma tbiddilx b'mod sinifikanti mill-2002 'l
hawn. L-iżjed fattur sinifikanti li jaffettwa l-parteċipazzjoni
tal-SMEs huwa d-daqs tal-kuntratti – l-SMEs ma għandhomx il-kapaċità
li jagħmlu l-offerti għal kuntratti pubbliċi kbar jew li jissodisfaw
ir-rekwiżiti tagħhom, u b'mod ġenerali, il-kuntratti li jkunu
akbar minn EUR 300 000 jidher li huma barra mill-kapaċità
tagħhom. L-użu tal-lottijiet għal kuntratti b'valur totali
ogħla minn ċerti limiti jżid l-għadd ta’ kuntratti
aċċessibbli għall-SMEs. Barra minn hekk, il-Kummissjoni tirrakkomanda
lill-Istati Membri biex ikomplu jimmodernizzaw is-swieq tax-xogħol billi
jissimplifikaw il-leġiżlazzjoni dwar l-impjieg u jiżviluppaw
arranġamenti ta' xogħol flessibbli li jkunu jinkludu
arranġamenti ta' xogħol fuq żmien qasir[67]. Apparti dan, in-negozji għandhom ikunu
jistgħu jafdaw fuq il-parir u l-għajnuna tal-esperti kull meta
jkollhom jiffaċċaw il-liġi tas-Suq Intern applikata
ħażin, qasam li fih in-netwerk (SOLVIT) tal-Kummissjoni ilhu attiv
għal dawn l-aħħar 10 snin. L-imprendituri għandhom ikunu
jistgħu wkoll jorbtu fuq punt ta' kuntatt wieħed minn fejn
jieħdu l-informazzjoni komprensiva dwar liċenzji, proċeduri
amministrattivi, finanzi u appoġġ pubbliku.
Il-"Punti uniċi ta' servizz" għall-imprendituri bħal
"Barcelonactiva", ir-rebbiegħ tal-Premju Ewropew
għall-Promozzjoni tal-Intrapriża 2011, għandu jkollhom
ambitu usa. Barra minn hekk, il-Kummissjoni dan l-aħħar varat portal
ġdid "L-Ewropa Tiegħek" li jinkludi punt ta'
aċċess wieħed dwar l-istrumenti finanzjarji tal-UE[68]. Għandhom isiru
disponibbi onlajn għan-negozji aktar proċeduri amministrattivi, anki
minn naħa ta' fruntiera għal oħra. L-Istati Membri huma
mħeġġin li jestendu l-Punti ta' Kuntatt Uniku tagħhom li ġew
stabbiliti skont id-Direttiva dwar is-Servizzi għal aktar proċeduri,
li dawn isegwu l-approċċ taċ-ċiklu ta' ħajja
tan-negozji, li jkunu multilingwi u aktar faċli għall-utent. Il-Kummissjoni
se: ·
Tkompli bl-isforzi kollha tagħha t-tnaqqis
tal-piż regolatorju fil-leġiżlazzjoni proposta tal-UE, b'mod
speċjali f'oqsma fejn dan il-piż huwa l-itqal. ·
Tindika kif se torganizza l-eżami u
r-reviżjoni tar-regolamenti tal-UE biex tnaqqas il-piż bla
ħtieġa jew eċċessiv f'oqsma li huma identifikati bħala
"l-itqal għaxra". Se jiġu proposti wkoll inizjattivi
leġiżlattivi li jnaqqsu l-piż amministrattiv f'oqsma oħra,
bħal dawk li jipprommwovu l-fatturazzjoni elettronika fil-qasam
tal-akkwisti pubbliċi u dawk li jiffaċilitaw in-negozju permezz ta'
dikjarazzjoni standard tal-VAT[69]. ·
Tipproponi leġiżlazzjoni li tabbolixxi
r-rekwiżiti diffiċli ta' awtentikazzjoni għal dokumenti
pubbliċi li jridu jippreżentaw l-SMEs biex iwettqu l-kummerċ
transkonfinali fis-Suq Uniku. ·
Tistabbilixxi grupp ta' ħidma li jivvaluta
l-ħtiġiet tal-imprendituri ta' professjoni libera rigward
kwistjonijiet bħas-simplifikazzjoni, l-internazzjonalizzazzjoni jew
l-aċċess għall-finanzi. ·
Tissorvelja l-progress permezz tal-Punti
Uniċi ta' Kuntatt skont id-Direttiva dwar is-Servizzi u
tħeġġeġ lill-Istati Membri biex jieħdu
approċċ li jkun aktar orjentat lejn il-kummerċ. ·
Taġixxi biex tiżgura li jkun hemm
aktar negozji li jsibu l-għajnuna permezz tas-SOLVIT meta d-drittijiet
tagħhom fis-suq uniku jiġu nnegati mill-awtoritajiet pubbliċi. In-Netwerk Enterprise Europe għandu jgħin
lin-negozji bil-għan li jiżgura li dawn ikunu jistgħu
effettivament jaċċessaw u jutilizzaw lis-SOLVIT. Tgħarbel ir-riżorsi kollha li
jeżistu għall-imprendituri fil-livell tal-UE biex tiżgura
ċ-ċarezza u l-aċċessibbiltà tagħhom u biex jiġu
evitati l-irduppjar u kull-informazzjoni li ma tkunx għadha tiswa. L-Istati
Membri huma mistiedna li: ·
Sal-aħħar tal-2015 inaqqsu
ż-żmien għal xahar, għall-ħruġ ta' liċenzji
u awtorizzazzjonijiet oħra meħtieġa minn min irid jibda'
attività kummerċjali[70] ·
Jimplimentaw kompletament il-"Kodiċi
Ewropew tal-Aqwa Prattiki li jiffaċilitaw l-aċċess tal-SMEs
għall-akkwist pubbliku" sal-2013. ·
Ikomplu jimmodernizzaw is-swieq tas-suq billi
jissimplifikaw il-leġiżlazzjoni dwar l-impjieg u jiżviluppaw
arranġamenti ta' xogħol flessibbli, li jinkludu arranġamenti ta'
xogħol fuq żmien qasir.[71] ·
Jestendu l-ambitu tal-Punti Uniċi ta'
Kuntatt għal aktar attivitajiet ekonomiċi u jirrenduhom aktar
faċli għall-utent; ·
Jistabbilixxu "punti uniċi ta' servizz
għall-imprendituri" biex jiġbru flimkien is-servizzi kollha ta' sostenn
għan-negozji, inklużi l-mentoraġġ, il-faċilitazzjoni u
l-għotja ta' pariri dwar l-aċċess għall-finanzjament
konvenzjonali u mhux konvenzjonali, dwar l-aċċess
għall-"inkubaturi" u "aċċelleraturi
tan-negozju" u għas-sostenn ta' internazzjonalizzazzjoni bikrija ta'
intrapriżi ġodda. Il-partijiet interessati rilevanti kollha
għandhom jiġu involuti biex jiġi żgurat approċċ
ta' sħubija, dawn jinkludu lil min jipprovdi l-edukazzjoni u
t-taħriġ. 4. Il-Pilastru ta'
Azzjoni 3 - il-mudelli eżemplari u l-Ilqugħ ta' gruppi
speċifiċi. 4.1. Perċezzjonijiet
ġodda: l-imprendituri bħala mudelli eżemplari L-Ewropa għandha għadd limitat
ta' stejjer ta' suċċess magħrufin. Dan
minħabba li l-intraprenditorija qatt ma ġiet ipperċepita
bħala karriera ppreferuta. Huwa rari biex issib fl-Ewropa li x-xogħol
ta' imprenditur ikun stmat fost l-aħjar professjonijiet. Minkejja l-fatt
li l-imprendituri joħolqu l-impjiegi u jmexxu lill-ekonomija,
is-suċċessi tagħhom mhumiex murijin mill-midja bħala mudelli
ta' min wieħed jimxi fuqhom. B'hekk
għaż-żgħażagħ, karriera intraprenditorjali
pjuttost tidher fost l-inqas attraenti, u dan għandu effett dissważiv
fuq dawk li forsi jkunu jixtiequ jsiru imprendituri. Għaldaqstant, element importanti biex
tinbidel il-kultura dwar l-intraprendenza huwa bidla fil-perċezzjoni
tal-imprendituri permezz ta' komunikazzjoni prattika u pożittiva dwar
il-kisbiet ta' suċċess tal-imprendituri, dwar il-valur tagħhom
għas-soċjetà u dwar l-opportunitajiet li hemm għall-ħolqien
jew l-akkwist ta' negozji ġodda bħala karriera. Biex jintlaħaq
dan l-għan, il-viżibbiltà tagħhom bħala mudelli
eżemplari trid tiżdied, u trid tintwera wkoll id-diversità
tal-profili intraprenditorjali u l-mezzi diversi biex wieħed jikseb
suċċess. L-informazzjoni ċara u interessanti dwar l-isfidi u
s-sodisfazzjon ta' karriera intraprenditorjali tista' tpatti
għall-impressjonijiet negattivi. Għalhekk, diskussjoni korrispondenti
usa fil-pubbliku, b'mod speċjali fil-midja, hija essenzjali biex issir
revoluzzjoni intraprenditorjali. L-istituzzjonijiet pubbliċi u privati
għandhom jitħeġġew li jenfasizzaw l-importanza soċjali
u ekonomika tal-intraprenditorija, mhux biss bħala karriera leġittma,
iżda wkoll bħala kwistjoni ta' importanza għall-interessi
nazzjonali, Ewropew u internazzjonali. Il-Kummissjoni
se: ·
Fil-qafas tal-"Ġimgħa
tal-SMEs", tistabbilixxi madwar l-Ewropa "Jum tal-UE
għall-Intraprenditorija" għall-istudenti li jkunu
fl-aħħar sena tal-ekukazzjoni sekondarja. L-avvenimenti jistgħu
jinkludu laqgħat mal-imprendituri, studji tal-każijiet, lekċers,
sessjonijiet ta' ħidma u "ġranet bil-bibien miftuħa"
tan-negozji. L-Istati
Membri huma mistiedna li: ·
Jagħtu spinta lill-attivitajiet ta'
prommozzjoni tal-intraprenditorija u jaħtru lil imprendituri li jkunu
magħrufin bħala Ambaxxaturi tal-Imprenditorija nazzjonali, biex dawn
isiru "l-uċuħ tal-intraprenditorija" f'pajjiżhom.
Ir-rwol tagħhom ikun li jipprommwovu l-valur tal-intraprenditorija
għas-soċjetà, li jenfasizzaw l-importanza li jiġu
żviluppati ħiliet u esperjenzi intraprenditorjali fl-edukazzjoni, u
li jenfasizzaw lill-intraprenditorija bħala opportunità għal
karriera. ·
Iqisu aħjar id-diversità tal-mudelli
kummerċjali u l-istatus legali fl-iskemi nazzjonali tagħhom ta'
sostenn għan-negozji, u jiżviluppaw l-edukazzjoni u
t-taħriġ intraprenditorjali. 4.2. Orizzonti
ġodda: l-indirizzar ta’ nisa, anzjani, migranti, dawk qiegħda,
żgħażagħ Il-gruppi demografiċi li mhumiex
irrappreżentati biżżejjed fi ħdan il-popolazzjoni
imprenditorjali u speċjalment bħala fundaturi ta’ impriżi
ġodda huma dawk taż-żgħażagħ, n-nisa, l-persuni
b’diżabilità u/jew il-migranti. L-Ewropa jeħtieġ li tiftaħ
toroq għalihom fil-qasam tal-intrapriża biex toħloqilhom
impjiegi, issaħħaħhom ekonomikament u soċjalment u tagħti
spinta lill-kapaċitajiet kreattivi u innovattivi tagħhom. Dawn
it-toroq iridu jkunu sensittivi għall-ħtiġijiet tal-gruppi
differenti, l-aspettattivi u d-drawwiet tagħhom għal dak li huwa
l-mod kif jitwasslu u jaslu l-pariri u t-tagħrif. L-azzjonijiet
għandhom ikunu msejsa fuq skema integrata ta’ appoġġ li
ġġib ’il quddiem il-kapital tal-bniedem kif ukoll tipprovdi
appoġġ finanzjarju. Apparti mill-attivitajiet speċifiċi
adattati għall-ħtiġijiet ta' kull wieħed minn dawn
il-gruppi, huma għandhom kollha jiġu inklużi fi programmi ta'
taħriġ dwar l-imprenditorija li huma ddisinjati u offruti bi
sħubija ma' dawk li jipprovdu l-edukazzjoni u t-taħriġ,
l-organizzazzjonijiet taż-żgħażagħ, konsulenti ewlenin
fil-qasam tan-negozju u istituzzjonijiet finanzjarji. 4.2.1. In-nisa In-nisa jikkostitwixxu 52 %
tal-popolazzjoni totali tal-Ewropa iżda jammontaw għal terz biss
fil-każ ta’ dawk li jaħdmu għal rashom jew dawk kollha li
jwaqqfu azjenda fl-UE[72].
In-nisa għaldaqstant jirrappreżentaw sors kbir mhux utilizzat ta'
potenzjal intraprenditorjali fl-Ewropa. Meta jistabbilixxu jew imexxu azjenda
n-nisa jħabbtu wiċċhom ma' aktar diffikultajiet
mill-irġiel, l-aktar f’dak li huwa aċċess għal finanzi,
taħriġ, netwerking, u rikonċiljazzjoni ta' negozju mal-familja[73]. L-imprendituri nisa potenzjali għandu
jkollhom għarfien dwar programmi ta' appoġġ u opportunitajiet
ta' finanzjament. Fl-2009 il-Kummissjoni inawgurat in-Netwerk
Ewropew tal-Ambaxxaturi tal-Imprenditorija fost in-Nisa biex iservu bħala
mudell ta’ ispirazzjoni għall-imprendituri nisa potenzjali. Fl-2011 dan
in-netwerk kellu bħala segwitu n-Netwerk Ewropew ta’ Konsulenti
għall-Imprendituri Nisa, li minn rajhom jagħtu pariri lin-nisa li
jibdew u jmexxu azjenda ġdida. Fl-2012, il-Kummissjoni għamlet
proposta biex ittejjeb il-bilanċ bejn in-nisa u l-irġiel
fil-bordijiet ta’ kumpaniji fl-elenku pubbliku. Anki jekk is-sħubija
fil-bordijiet teħtieġ kompetenzi u ħiliet differenti minn dawk
tal-imprenditorija, li jkun hemm aktar nisa fil-pożizzjonijiet għolja
ta’ tmexxija jista’ jservi ta’ mudell għan-nisa inġenerali. Li jkun
hemm għadd ikbar ta’ nisa professjonisti importanti jibgħat
messaġġ lin-nisa l-oħra li huma wkoll għandhom ċans li
jirnexxu fis-suq tax-xogħol. L-implimentazzjoni effettiva
tal-leġiżlazzjoni attwali dwar l-ugwaljanza tas-sessi, b’mod
partikolari d-Direttiva 2010/41/KE[74]
għandha tkompli tistimula l-imprenditorija fost in-nisa. Il-Kummissjoni
se: ·
Toħloq pjattaforma ta’ netwerking onlajn
ta’ mentoraġġ, pariri, edukazzjoni u imprenditorija mal-Ewropa kollha
għall-imprendituri nisa li lin-netwerks attwali ta' ambaxxaturi u konsulenti
se tqiegħdhom onlajn, twessa’ l-offerta tagħhom u tespandi
r-raġġ ta’ applikazzjoni tagħhom u tappoġġja
l-imprendituri nisa fil-livell nazzjonali u reġjonali billi ġġib
'il quddiem l-iskambju ta’ prassi tajba bejn l-Istati Membri. L-Istati
Membri huma mistiedna biex: ·
Jiddisinjaw u jimplimentaw strateġiji
nazzjonali għall-imprenditorija fost in-nisa li għandhom l-għan
li jżidu s-sehem ta' kumpaniji mmexxija min-nisa. ·
Jiġbru dejta li tiddistigwi nisa minn
irġiel u jipproduċu aġġornamenti annwali dwar l-istat
tal-imprendituri nisa b’mod nazzjonali. ·
Jissoktaw u jespandu n-netwerks attwali ta’
Ambaxxaturi u Konsulenti Imprenditorjali Nisa għan-Nisa Imprenditorjali. ·
Jimplimentaw politika li tippermetti li n-nisa
jiksbu bilanċ xieraq bejn il-ħajja u x-xogħol billi
jistabbilixxu ċentri xierqa u għall-but ta’ kulħadd għal
tfal u anzjani dipendenti. 4.2.2. Anzjani L-anzjani huma riżorsa ta’ valur
għall-imprenditorija. Bejn l-1990 u l-2010
is-sehem taċ-ċittadini ’l fuq minn 50 żdied fl-Ewropa minn 32,1 %
għal 36,5 % u l-età medja tal-popolazzjoni Ewropea mistennija
tiżdied fid-deċenni li jmiss. Grupp dejjem jikber ta’ adulti
b’esperjenza kbira u mħarrġin tajjeb qed jirtira kull sena u
sal-ġurnata tal-lum is-soċjetà ma għamlet xejn ġdid biex
tirrendihom attivi u tibbenefika mill-għarfien u l-ħiliet
tagħhom. Li jiġu involuti kemm fil-ħolqien tal-impriżi kif
ukoll fl-appoġġ tal-imprendituri ġodda u attwali jimmassimalizza
r-rikkezza ta’ esperjenza li għandhom li tista’ tintilef malli jirtiraw,
trawwem tagħlim interġenerazzjonali u tiżgura trasferiment ta’
għarfien. Billi n-nies qed jgħixu aktar u huma
aktar sani, il-mudelli tradizzjonali ta’ għażliet ta’ pensjoni bdew
jinbidlu. Dawk l-anzjani li jixtiequ jibdew impriża għall-ewwel darba
għandhom jibbenefikaw mill-medda sħiħa ta’ servizzi attwali ta’
appoġġ. L-imprendituri anzjani jistgħu wkoll
ikunu sorsa ta' valur għal imprendituri oħra.
L-imprendituri pensjonanti għandhom għarfien u esperjenza
prezzjuża li tista’ tiffaċilita ħafna lil xi ħadd
mingħajr esperjenza li jixtieq jibda u jmexxi kumpanija. Dan
l-għarfien jirrappreżenta kapital intellettwali Ewropew ta’ valur u
għandu jiġi sfruttat sal-aħħar. L-Ewropa tista’ tkun
ispirata minn programmi bħal “Senior Enterprise” (Irlanda) u “Maillages”
(Franza) li jħeġġu l-anzjani motivati biex jagħmluha ta’
konsulenti volontarji, xerrejja potenzjali jew investituri f’azjendi, jew
maniġers temporanji biex jgħinu impriżi ġodda vulnerabbli
jew negozji fi tranżizzjoni[75].
Il-Kummissjoni
se: ·
Tgħin fl-iskambju tal-aqwa prassi li
jgħin lill-eżekuttivi anzjani u lill-imprendituri jagħtu pariri
lill-imprendituri ġodda kif ukoll tappoġġa mentoraġġ
reċiproku u interġenerazzjonali bejn l-imprendituri, biex jiskambjaw
ħiliet vitali, bħall-edukazzjoni fl-ICT u l-esperjenza tal-anzjani. L-Istati
Membri huma mistiedna li: ·
Jrawwmu imprendituri anzjani interessati
fit-trasferiment tal-għarfien lejn l-imprendituri ġodda u
jlaqqgħu flimkien l-imprendituri anzjani mal-imprendituri mingħajr
esperjenza biex joħolqu tims b’settijiet ta’ ħiliet usa’. ·
Jiżguraw li l-parteċipazzjoni
tal-imprendituri anzjani u l-eżekuttivi pensjonanti fi proġetti tkun
kompatibbli mal-prospetti tagħhom ta’ pensjoni. 4.2.3. Migranti L-immigranti waqqfu 52 % tal-kumpaniji
ġodda li nħolqu f’Silicon Valley bejn l-1995 u l-2005 u
l-biċċa l-kbira tas-suċċess ta’ Iżrael hija dovuta
għall-popolazzjoni ta’ immigranti. Skont l-OECD, l-immigranti
għandhom daqsxejn aktar sens ta’ imprenditorija min-nies tal-post u
wieħed li jaħdem għal rasu mwieled barra u li għandu
azjenda żgħira jew ta’ daqs medju joħloq bejn 1,4 u 2,1 impjieg
addizzjonali[76].
L-immigranti jirrappreżentaw riżerva ta’ imprendituri importanti
potenzjali fl-Ewropa. Iżda, illum l-impriżi migranti Ewropej huma
mikroimpriżi li jimpjegaw ftit nies jew xejn affattu. Huma wkoll żgħar
meta jitqabblu ma' impriżi tal-post għal dak li huwa fatturat u
profitt. Il-popolazzjonijiet migranti kkwalifikati ta’ sikwit jiltaqgħu
ma’ diffikultajiet legali, swieq tax-xogħol limitati u opportunitajiet ta’
karriera li jġgħeluhom jidħlu fil-qasam tax-xogħol
awtonomu. B’kuntrast ma’ dan, xi pajjiżi terzi għandhom politika ta’
migrazzjoni partikolarment attraenti biex jiffaċilitaw id-dħul
tal-imprendituri. Il-gruppi l-aktar vulnerabbli ta’ migranti anqas
ikkwalifikati wkoll għandhom jiġu indirizzati. Minkejja li l-migranti
għandhom rati ogħla ta’ ħolqien ta’ azjendi mill-bqija
tal-popolazzjoni ifallu aktar minħabba nuqqas ta’ informazzjoni,
għarfien u ħiliet lingwistiċi[77]. l-UE għarfet pubblikament il-kontribut
ewlieni li l-imprendituri migranti jistgħu jagħmlu għat-tkabbir
sostenibbli u u l-impjieg. L-Aġenda Ewropea għall-Integrazzjoni
taċ-Ċittadini ta’ Pajjiżi Terzi[78]
tenfasizza r-rwol importanti tal-migranti bħala imprendituri u tiddikjara
li “il-kreattività tagħhom u l-kapaċità ta’ innovazzjoni għandhom
ukoll jissaħħu”. Huwa importanti li l-politika li tinkoraġixxi
l-impriża fl-Ewropa tqis bis-sħiħ il-potenzjal imprenditorjali
rrappreżentat minn dan il-grupp. Ċittadini mhux tal-UE bi kwalifiki
għoljin diġà jistgħu jiġu aċċettati bħala
ħaddiema skont id-Direttiva tal-Blue Card[79].
Il-politika nazzjonali u Ewropea għandha wkoll tikkunsidra l-potenzjal
tal-migranti kkwalifikati għall-ħolqien tal-impriżi u
l-impjiegi. B’mod partikolari, miżuri ta’ appoġġ u inizjattivi
ta’ politika għandhom jgħinu biex jiġbdu imprendituri potenzjali
bit-talent li jixtiequ joħolqu kumpaniji globali bbażati fl-Ewropa. Il-Kummissjoni
se: ·
Tipproponi inizjattivi ta’ politika biex
tiġbed l-imprendituri migranti u tiffaċilita l-imprenditorija fost
il-migranti li diġà jinsabu fl-UE jew li jidħlu għal
raġunijiet li mhumiex ta’ negozju, dejjem fuq il-bażi tal-aħjar
prassi li tiżviluppa fl-Istati Membri, inkluż mill-awtoritajiet
lokali. ·
Tanalizza l-opportunità li tipproponi
leġiżlazzjoni li għandha l-għan li tneħħi
l-ostakoli legali għat-twaqqif tal-impriżi u tagħti
lill-imprendituri immigranti kkwalifikati permessi stabbli. L-Istati
Membri huma mistiedna li: ·
Jneħħu l-ostakoli legali
għat-twaqqif tal-impriżi mill-imprendituri legali migranti, bħal
billi jikkunsidraw inizjattivi biex jagħtu permessi stabbli
lill-imprendituri immigranti kkwalifikati jew lill-immigranti gradwati minn
istituzzjoni ta’ livell universitarju Ewreopew biex ikunu jistgħu jwaqqfu
negozju fl-Ewropa, li jistgħu jiġu estiżi jekk jinkisbu miri
predefiniti f’termini ta’ ħolqien ta’ impjieg, fatturat jew ġbir ta’
fondi ġodda. ·
Jiffaċilitaw l-aċċess
għall-informazzjoni u n-netwerking għall-imprendituri migranti u
imprendituri prospettivi migranti billi, pereżempju, joħolqu
ċentri ta’ informazzjoni rilevanti f’żoni li għandhom
popolazzjoni numeruża ta’ migranti. 4.2.4. Nies
qiegħda, b’mod partikolari żgħażagħ Minħabba l-għadd sinifikanti ta’
nies qiegħda mal-Ewropa kollha, l-iskemi ta’ appoġġ
għall-imprenditorija għandhom jiġu stabbiliti biex jiġi
inkoraġġit il-ħolqien tal-impriżi bħala soluzzjoni
għall-qgħad[80].
Ftit huma dawk l-iskemi ta’ appoġġ għall-iżvilupp
tan-negozju li għandhom fil-mira ż-żgħażagħ b’mod
speċfiku[81]. L-appoġġ kollu tal-iżvilupp
tan-negozju għandu jinkludi possibilitajiet ta’ informazzjoni u jipprovdi
ħoloq għal servizzi ta’ appoġġ, pariri u konsulenza,
ikkowċjar imprenditorjali u mentoraġġ. Din l-għajnuna
tista' tiġi estiża wkoll għall-forniment ta' ħiliet
partikolari (pereżempju l-għarfien tal-opportunitajiet, ippjanar ta'
negozju, amministrazzjoni finanzjarja, bejgħ u kummerċjalizzazzjoni),
b'mod jew informali (pereżempju skema ta' mentoraġġ) jew b’mod
aktar formali, billi jattendu kors. Is-sostenn għandu jkun immirat lejn
gruppi li għandhom l-aktar potenzjal, (bħalma huma ħaddiema
qiegħda li jkollhom ħiliet professjonali, nisa jew
żgħażagħ), u għandu jiddependi fuq kooperazzjoni
mill-qrib bejn is-servizzi tal-impjieg, l-appoġġ għan-negozju u
l-fornituri tal-finanzjament. L-għan huwa li dawk li huma qiegħda jsibu
għajnuna biex iwettqu tranżizzjoni effettiva fil-qasam
tax-xogħol awtonomu, jżidu s-sostenibbiltà tan-negozju tagħhom,
u li l-appoġġ jiġi indirizzat lejn gruppi li jistgħu
jkollhom bżonn ta’ riżorsi addizzjonali bħal
żgħażagħ jew dawk li jistgħu ma jintlaħqux
bl-aħjar mod b’mezzi tradizzjonali ta’ appoġġ imprenditorjali. Għandha ssir ukoll attenzjoni għal
dawk li huma bla xogħol inġenerali, b’mod partikolari dawk li
diġà għandhom ħiliet u kompetenzi li jistgħu jiġu
trasferiti permezz ta’ kkowċjar imprenditorjali u mentoraġġ lejn
il-qasam tal-imprenditorija awtonoma. Il-Kummissjoni
se: ·
Tniedi fl-2014 il-faċilità mikrofinanzjarja
tal-ġejjieni skont il-PSCI li se jkollha fil-mira l-gruppi vulnerabbli,
inklużi persuni li tilfu xogħolhom jew qegħdin f’riskju li
jitilfuh, jew li għandhom diffikultà biex jidħlu, jew jidħlu
lura, fis-suq tax-xogħol. ·
Tipprovdi, permezz tal-Fond Soċjali
Ewropew, għajnuna teknika li tiffoka, fost l-oħrajn, fuq it-twaqqif
ta’ skemi ta’ appoġġ għaż-żgħażagħ
imprendituri ġodda u l-imprendituri soċjali. ·
Torganizza, fil-kuntest tal-Faċilità
Mikrofinazjarja għall-Progress, forum għall-partijiet interessati
dwar il-mikrofinanzjament u l-intraprenditorija soċjali
f’Ġunju 2013 biex tinvolvi lill-intermedjarji finanzjarji lokali
fil-promozzjoni tal-attivitajiet imprenditorjali fl-ekonomija li tirrispetta
l-ambjent. ·
Tanalizza fir-Rapport Annwali dwar
l-Imprenditorija tagħha tal-2013, imtella’ b’mod konġunt mal-OECD,
il-qagħda tal-imprenditorija għal dawk li huma bla xogħol. Ir-rapport se jippreżenta analiżi
tas-sitwazzjoni attwali, joffri eżempji ta’ prassi tajba fis-soluzzjoni
tal-kwistjoni u jipproponi rakkomandazzjonijiet rilevanti ta’ politika. ·
Tanalizza r-riżultati tal-istudju dwar
“Ix-xogħol awtonomu u l-imprenditorija: il-kontribut tas-Servizzi
Pubbliċi tal-Impjieg għall-ħolqien tal-impjiegi”, u torganizza
avveniment ta’ tixrid għas-Servizzi Pubbliċi tal-Impjieg
f’Ġunju 2013. L-Istati
Membri huma mistiedna li: ·
Jorbtu flimkien is-Servizzi Pubbliċi
tal-Impjieg mas-servizzi ta’ appoġġ imprenditorjali u l-fornituri
tal-(mikro)finanzi biex jgħinu lil min huwa bla xogħol jidħol
fil-qasam tal-imprenditorija. ·
Jfittxu li jsolvu l-problema tal-qgħad
billi joħolqu programmi ta’ taħriġ imprenditorjali għal
żgħażagħ qiegħda li jinkludu stadji ddefiniti b'mod
ċar: l-elaborazzjoni tal-profili,
impriżi ġodda, konsolidament u tkabbir, kull stadju joffri
għażla ta’ servizzi varjabbli (konsulenza, taħriġ u
kwalifikazzjoni, mentoraġġ u aċċess
għall-mikrokreditu), bi sħubija ma’ organizzazzjonijiet taż-żgħażagħ
u organizzazzjonijiet oħra, konsulenti imprenditorjali ewlenin u
istituzzjonijiet finanzjarji. ·
Jniedu programmi attivi tas-suq tax-xogħol
li jipprovdu appoġġ finanzjarju lin-nies qiegħda kollha biex
jibdew impriża. ·
Jistabbilixxu u jmexxu skemi ta’ edukazzjoni
fl-imprenditorija għal dawk bla xogħol biex ikunu jistgħu
jidħlu (jidħlu mill-ġdid) fil-qasam tal-imprenditorija
bħala imprendituri abbażi ta’ mudelli ta’ suċċess minn
għadd ta’ Stati Membri, bi sħubija ma’ sistemi ta’ edukazzjoni u
taħriġ bħala mezz ta’ involviment fl-edukazzjoni li toffri
opportunità alternattiva. 5. Konklużjonijiet Fil-kriżi ekonomika attwali l-impriżi
ġodda u reċenti jirrappreżentaw ingredjent ewlieni
fil-ħolqien ta’ Ewropa li tirkupra bis-saħħa tal-ħolqien
ta’ ħafna postijiet tax-xogħol. Il-problemi marbuta mar-rata
baxxa ta’ ħolqien ta’ kumpaniji, rata għolja ta’ flutwazzjonijiet u
tkabbir baxx ta’ kumpaniji fl-Ewropa huma magħrufa sew. Jeħtieġ
li tittieħed azzjoni li permezz tagħha l-imprendituri Ewropej, u
l-Ewropa kollha kemm hi, jistgħu jkunu aktar flessibbli, kreattivi u jkollhom
impatt ikbar fil-kompetizzjoni globalizzata li hija dejjem iktar
eżiġenti u rapida minn qatt qabel. Biex isaħħu l-imprendituri
tal-Ewropa u jġibu ’l quddiem l-attività imprenditorjali tagħha,
il-Kummissjoni u l-Istati Membri jridu jaħdmu flimkien biex jirkupraw
il-fiduċja, joħolqu l-aqwa ambjent possibbli għall-imprendituri
billi jqegħduhom fil-qalba nett tal-politika u l-prassi imprenditorjali u
jbiddlu radikalment il-kultura tal-imprenditorija. Il-każijiet ta’ suċċess
mill-Ewropa kollha juru li jeżistu prassijiet tajba li permezz
tagħhom l-imprendituri jistgħu jikbru u jistgħanew. L-Ewropa
trid tħaddan u tisfrutta bis-sħiħ ir-rikkezza ta’ dawn
l-esperjenzi biex teħles mill-ostakli u twarrab għal kollox ir-rekwiżiti
ta’ xkiel li jxekklu l-operazzjonijiet kummerċjali. L-għarfien
tal-imprendituri bħala sors ta’ impjiegi u prosperità għandu jkun
mifrux mal-amministrazzjonijiet tal-Istati Membri kollha. Barra minn hekk,
l-Ewropa trid tiġbed lejha l-aqwa mħuħ imprenditorjali fuq
livell internazzjonali: oqfsa regolatorji u ta’ appoġġ għandhom
jiġbdu l-imprendituri li jwaqqfu kumpaniji ġodda minn bnadi oħra
tad-dinja lejn l-Ewropa minflok ma jitħallew imorru, pereżempju, lejn
l-Istati Uniti jew l-Asja tal-Lvant. B’dan il-mod biss jista’ jinkiseb progress
li jkollu segwitu fit-tul fl-oqsma essenzjali: rekwiżiti regolatorji aktar
proporzonati u sempliċi, aċċess għall-finanzjament,
appoġġ għall-impriżi ġodda, proċeduri
effiċjenti ta’ trasferiment ta’ impriżi u li jirrigwardaw
il-falliment u opportunità oħra ġusta għall-imprendituri li
ġenwinament ifallu. Madankollu, għalkemm dawn l-elementi huma
meħtieġa, mhumiex biżżejjed, waħedhom, biex
jerġgħu jagħtu s-saħħa lill-imprenditorija Ewropea.
L-għanijiet ewlenin tal-Ewropej biex jibdew impriża huma
s-suċċess personali u l-flessibbiltà tal-ħin u l-post
tax-xogħol, mhux qafas tajjeb ta’ kondizzjonijiet[82]. Għaldaqstant jeħtieġ
bidla mill-għeruq tal-kultura Ewropea lejn nozzjonijiet ġodda dwar
l-imprenditorija, li tkun waħda li xxandar pubblikament
is-suċċess, tenfasizza l-kontribut tal-imprendituri
għall-prosperità Ewropea u tesponi l-frott ta’ karriera imprenditorjali. Għal dawn ir-raġunijiet kollha, jekk
irridu noħolqu bidla fit-tul ma nistgħux ma ninvestux fit-tibdil
tal-perċezzjoni pubblika tal-imprenditorija, fl-edukazzjoni
imprenditorjali u fl-appoġġ ta’ gruppi li ma humiex
irrappreżentati biżżejjed fost l-imprendituri. L-attività
imprenditorjali fit-tul fl-Ewropa tista’ tiffjorixxi biss jekk għadd kbir
ta’ Ewropej jagħrfu li karriera imprenditorjali hija għażla
attraenti u li tagħti l-frott. Il-bidla mill-għeruq fl-imprenditorija
hija ħidma bejn tnejn tal-Kummissjoni u tal-Istati Membri li jridu jidħlu għaliha bil-ħsieb fit-tul. Dan il-Pjan ta’ azzjoni u l-azzjonijiet
ewlenin tiegħu se jkollhom segwitu fi ħdan il-Kummissjoni permezz
tal-politika dwar il-kompetittività u l-industrija u l-mekkaniżmi ta’
governanza tal-Att dwar in-Negozji ż-Żgħar, inkluż
fid-dimensjoni esterna tagħhom mal-pajjiżi kandidati, potenzjalment
kandidati u tal-viċinat. In-netwerk tal-Mibgħuta Nazzjonali tal-SMEs,
flimkien mal-Mibgħut tal-UE tal-SMEs, għandu jkollhom rwol
partikolari fl-iżgurar li jsir progress fir-rigward tal-miżuri
proposti. L-Istati Membri huma mistiedna jirrappurtaw dwar il-progress
fl-azzjonijiet ewlenin ta’ din il-Komunikazzjoni fil-livell nazzjonali
fil-kuntest tal-Programmi ta’ Riforma Nazzjonali tagħhom fil-qafas
tas-Semestru Ewropew. Annex: Anness: Azzjonijiet Ewlenin
tal-Kummissjoni Anness: Pjan ta’ Azzjoni dwar l-Imprenditorija 2020 - ix-xrara tal-ispirtu imprenditorjali fl-Ewropa Oqsma ewlenin || Proposti mill-Kummissjoni || Data ta’ implimentazzjoni Edukazzjoni u taħriġ imprenditorjali għall-appoġġ tal-ħolqien tat-tkabbir u n-negozju Edukazzjoni u taħriġ || · L-iżvilupp ta’ inizjattiva ta’ tagħlim imprenditorjali pan-Ewropea li tlaqqa’ flimkien l-għarfien espert attwali nazzjonali u Ewropew u tagħmlu disponibbli fir-rigward tal-analiżi tal-impatt, l-għarfien, l-iżvilupp ta’ metodoloġiji u l-iskambju ta’ appoġġ bejn il-professjonisti mill-Istati Membri. · . · It-twaqqif, bejn tnejn mal-OECD, ta’ qafas ta’ gwida biex jitħeġġeġ l-iżvilupp tal-iskejjel imprenditorjali u l-istituzzjonijiet VET. · . · It-tixrid tal-qafas ta’ gwida imprenditorjali universitarju; l-iffaċilitar tal-iskambju bejn l-universitajiet interessati fl-applikazzjoni tal-qafas; il-promozzjoni gradwali lejn l-Istituzzjonijiet ta’ Edukazzjoni Ogħla tal-UE; · l-approvazzjoni ta’ mekkaniżmi li kellhom riżultati tajba ta’ ħolqien ta’ negozju mmexxi mill-universitajiet (impriżi ġodda li qabdu tajjeb eċċ) u ekosistemi università-negozju li jappoġġjaw dan il-ħolqien || · 2013-15 · 2013-2014 · 2012 - 2013 Ħolqien ta’ Ambjent fejn l-Imprendituri jistgħu Jikbru u Jiffjorixxu Aċċess għall-finanzi || · L-iffinanzjar ta’ programmi li għandhom l-għan li jiżviluppaw aktar suq għall-mikrofinanzjar fl-Ewropa, permezz ta’ inizjattivi bħall-PSCI u l-Azzjoni Konġunta għall-Appoġġ tal-Istituzzjonijiet ta’ Mikrofinanzjar (JASMINE) u l-forniment ta’ riżorsi għall-mikrofinanzjar lill-Istati Membri u r-reġjuni permezz tal-Fond Soċjali Ewropew jew il-Fond tal-Iżvilupp Reġjonali Ewropew. · L-iżvilupp ta’ reġim ta’ skambju tal-UE li jinnegozja fl-ishma u l-bonds maħruġa mill-SME’s (“Swieq ta’ tkabbir tal-SMEs”) biex jiġi ffaċilitat l-aċċess dirett tal-SMEs għas-suq kapitali fil-kuntest tar-reviżjoni tad-Direttiva dwar is-Suq fl-Istrumenti Finanzjarji (MiFID) || · Għaddej bħalissa, u li jrid jissaħħaħ f’MFF ġdid mill-2014 · Għaddej bħalissa L-appoġġ ta’ negozji ġodda fil-fażijiet kruċjali taċ-ċiklu ta’ ħajja tagħhom u l-għajnuna biex jikbru || · L-identifikazzjoni u l-promozzjoni tal-aqwa prassi tal-Istati Membri bil-ħsieb li jinħoloq ambjent fiskali aktar favur l-intrapriża. · Ir-reviżjoni tar-regoli li jipprojbixxu ċerta prassi qarrieqa ta’ kummerċjalizzazzjoni biex jingħataw aktar saħħa u jiżdied l-infurzar kontra prassi bħal din f’każijiet transkonfinali. · L-għajnuna lill-Istati Membri biex jiżviluppaw skemi u azzjonijiet ta' appoġġ integrati għall-imprendituri ġodda, l-aktar għall-imprendituri żgħażagħ permezz ta’ seminars dwar il-bini tal-kapaċità ffinanzjati mill-għajnuna teknika tal-ESF, bl-involviment fost l-oħrajn ta’ fornituri rilevanti mill-qasam tal-edukazzjoni u t-taħriġ għall-iżvilupp ta’ strateġiji integrati. · || · Għaddej bħalissa · 2013 · 2013 || Opportunitajiet ġodda ta’ negozju fl-era diġitali || · It-trawwim ta' bini ta’ bażi ta' għarfien dwar it-tendenzi ewlenin u l-mudelli innovattivi ta’ negozju fis-settur diġitali. · It-trawwim tal-għarfien permezz ta’ kampanja ta’ informazzjoni mal-Ewropa kollha favur l-SMEs dwar il-benefiċċji mill-ICT u bl-inklużjoni tal-ħolqien ta' netwerk Ewropew tal-kummerċ bl-internet. · L-iffaċilitar tan-netwerking permezz tal-ħolqien ta’ Netwerk ta’ Konsulenti Ewropej għat-taħriġ u l-pariri u t-tlaqqigħ ta’ sħubiji ġodda. · Se jitniedu inizjattivi speċifiċi għall-imprendituri li jaħdmu bl-internet bħall-ħolqien ta’ Sħubija Ewropea għall-Imprenditorija Ġdida biex ikunu disponibbli l-għarfien, il-mentoraġġ, it-teknoloġija u s-servizzi, kif ukoll ħolqien ta’ Klabb ta’ Mexxejja Imprendituri li Jaħdmu bl-Internet biex jitlaqqgħu flimkien imprendituri ta’ klassi mondjali li jaħdmu bl-internet u tissaħħaħ il-kultura intraprenditorjali tal-internet fl-Ewropa u l-emerġenza ta’ Korsijiet Miftuħa Massivi Onlajn għat-trawwim tat-talent mill-internet u t-twaqqif ta’ pjattaformi għall-konsulenza, u t-tiswir tal-ħiliet · It-tisħiħ tal-kompetenzi u l-ħiliet, jiġifieri l-intensifikazzjoni tal-ħolqien u l-ksib tal-E-ħiliet, ħiliet xjentifiċi u kreattivi u ħiliet maniġerjali u intraprenditorjali biex jittieħdu fil-mira swieq ġodda. · || · 2013-bidu · 2013-bidu · 2014 · 2013 · Għaddej bħalissa || Trasferimenti kummerċjali || · L-iżvilupp ta’ linji gwida dwar l-aktar programmi effettivi u l-aqwa prassi biex it-trasferimenti kummerċjali jsiru aktar faċli, inklużi miżuri għat-twessigħ u t-tkabbir tas-swieq għall-intrapriżi, l-individwazzjoni ta’ programmi disponibbli fl-Ewropa u l-proposta ta’ azzjonijiet meħtieġa biex jitwarrbu l-ostakli possibbli li fadal għat-trasferimenti kummerċjali transkonfinali abbażi tal-ħidma ta’ grupp ta’ ħidma espert u ta’ studju. || · 2013-14 || Opportunità oħra għall-fallimenti ġenwini || · It-tnedija ta’ konsultazzjoni pubblika għall-opinjonijiet mill-partijiet interessati dwar kwistjonijiet identifikati fil-Komunikazzjoni dwar approċċ ġdid Ewropew għall-falliment kummerċjali u l-insolvenza, inkluż l-għoti ta’ opportunità oħra lill-fallimenti ġenwini u dwar li jiqsar u jiġi allinjat iż-“żmien tat-tneħħija tal-obbligi". · || · 2013 || Piż regolatorju: regoli aktar ċari u sempliċi || · Proposta ta’ leġiżlazzjoni li tabolixxi rekwiżiti ta’ awtentifikazzjoni ta’ piż għal dokumenti pubbliċi li l-SMEs jridu jippreżentaw għat-twettiq ta’ kummerċ transkonfinali fi ħdan is-Suq Intern. · It-twaqqif ta’ grupp ta’ ħidma biex jivvaluta l-ħtiġijiet speċifiċi tal-imprendituri ta’ professjoni libera fir-rigward ta’ kwistjonijiet bħas-simplifikazzjoni, l-l-internazzjonalizzazzjoni jew l-aċċess għall-finanzi. · Teħid ta’ azzjoni biex jiġi żgurat li aktar impriżi jirċievu għajnuna permezz ta’ SOLVIT meta l-jeddijiet tagħhom jiġu miċħuda fis-suq uniku mill-awtoritajiet pubbliċi. || · 2013 · 2013 · 2013 || Mudelli u l-indirizzar ta’ gruppi speċifiċi || Perċezzjonijiet ġodda: L-imprendituri bħala mudelli || · It-twaqqif, fil-qafas tal-“Ġimgħa tal-SMEs”, ta’ “Jum l-Imprenditorija tal-UE” mal-Ewropa kollha għall-istudenti fl-aħħar sena tagħhom tal-edukazzjoni sekondarja. || · 2013 || In-nisa || · Il-ħolqien ta’ pjattaforma ta’ netwerking ta’ konsulenza, pariri, edukazzjoni u imprenditorija għall-imprendituri nisa li se tqiegħed onlajn in-netwerk tal-ambaxxaturi u l-konsulenti nazzjonali attwali, twessa’ l-offerta tagħhom u tespandi l-ilħuq tagħhom fil-livell nazzjonali u reġjonali. || · 2013-15 || L-anzjani || · Għajnuna lill-eżekuttivi anzjani u lill-imprendituri biex jagħtu pariri lill-imprendituri l-ġodda kif ukoll appoġġ għall-konsulenza reċiproka u interġenerazzjonali bejn l-imprendituri, għall-iskambju tal-ħiliet vitali. || · 2013-15 || Il-migranti || · Proposta ta’ inizjattivi ta’ politika biex jiġu attirati l-imprendituri migranti u biex tkun iffaċilitata l-imprenditorija fost il-migranti li huma diġà preżenti fl-UE jew li jaslu fl-Unjoni għal raġunijiet differenti u mhux biex iwaqqfu azjenda, abbażi ta’ prassi tajba milll-Istati Membri. · Analiżi tal-opportunità ta’ proposta ta’ leġiżlazzjoni biex jitneħħew l-ostakoli legali għall-imprendituri immigranti kwalifikati milli jwaqqfu azjenda u jiksbu permess ta’ residenza stabbli. || · 2014-2017 · 2014-2017 || Il-qegħda || · Tnedija tal-faċilità futura tal-mikrofinanza skont il-PSCI li jkollha fil-mira tagħha l-gruppi vulnerabbli, inklużi persuni li tilfu x-xogħol jew jinsabu f’riskju li jitilfu x-xogħol, jew li jsibuha iebsa li jidħlu (jidħlu lura) fis-suq tax-xogħol. · Permezz tal-Fond Soċjali Ewropew, għoti ta’ għajnuna teknika li tikkonċentra fuq it-twaqqif ta’ skemi ta’ appoġġ għall-imprendituri kummerċjali żgħażagħ u imprendituri soċjali. · B’rabta mal-Faċilità ta’ Mikrofinanza għall-Progress, l-organizzazzjoni ta’ forum għall-partijiet interessati dwar il-mikrofinanza u l-imprenditorija soċjali biex l-intermedjarji finanzjarji lokali jidħlu għall-promozzjoni tal-imprenditorija fl-ekonomija li tirrispetta l-ambjent. · Analiżi tal-indikazzjonijiet mill-istudju dwar “L-impjieg awtonomu u l-imprenditorija: il-kontribut tas-Servizzi Pubbliċi tal-Impjieg għall-ħolqien tal-impjieg”, u l-organizzazzjoni ta’ avveniment ta’ tixrid biex it-tagħlimiet miksuba mis-Servizzi Pubbliċi tal-Impjieg jinqasmu ma' kulħadd. || · 2013 · Marzu 2013 · 2013 · 2013 || [1] Biex issir taf iżjed dwar il-potenzjal
tal-intraprenditorija biex toħloq l-impjiegi ara l-Komunikazzjoni
tal-Kummissjoni "Lejn irkupru li jwassal għall-ħolqien
abbundanti ta’ impjiegi", 18.4.2012, COM(2012) 173 finali [2] COM(2012) 582 finali ta' Ottubru 2012 identifikat: teknoloġiji
tal-manifattura avvanzati u produzzjoni nadifa, teknoloġiji abilitanti
essenzjali, bijoprodotti, politika sostenibbli fil-qasam tal-industrija,
il-kostruzzjoni u l-materja prima, vetturi nodfa, grilji intelliġenti. [3] Pereżempju il-COM "It-Tkabbir Blu: opportunitajiet
għal tkabbir sostenibbli fis-settur tal-baħar u dak marittimu" -
COM(2012) 494 finali. [4] Kauffman Foundation "Business Dynamics Statistics
Briefing: Jobs created from business start-ups in the United States" http://www.kauffman.org/uploadedFiles/BDS_Jobs_Created_011209b.pdf [5] Kalkolu tal-Kummissjoni bbażat fuq dejta
tal-Eurostat (2009) [6] Il-pajjiżi fejn żdiedet il-preferenza li
wieħed jaħdem għal rasu bejn l-2004 u l-2012 kienu r-Repubblika
Ċeka (minn 30% għal 34%), il-Latvja (42% għal 49%), il-Litwanja
(52% għal 58%) u s-Slovakkja (30% għal 33%). http://ec.europa.eu/enterprise/policies/sme/facts-figures-analysis/eurobarometer/index_en.htm [7] Flash EB tal-Kummissjoni Ewropea Nru 354 "
Entrepreneurship" [8] Albert Bravo-Biosca "The dynamics of Europe's
industrial structure and the growth of innovative firms", Konferenza
tal-JRC f'Sevilja, Ottubru 2011. [9] Huwa notevoli li l-ġganti korporattivi tal-Ewropa
huma biss 12-il kumpanija li ġew stabbiliti fit-tieni nofs tas-seklu 20,
mqabbla mal-51 fl-Istati Uniti u s-46 fil-pajjiżi emerġenti. minn
dawn, tlieta biss inħalqu fl-Ewropa wara l-1975, imqabbla ma' 26 fl-Istati
Uniti u 21 fi swieq emerġenti. T Philippon, N Veron, Bruegel Policy Brief 2008/1. [10] Kif jidher fil-Komunikazzjoni tal-Kummissjoni: "Inizjattiva
Ewropea għall-iżvilupp ta’ mikro kreditu b’appoġġ
għat-tkabbir u l-impjiegi" COM(2007)0708 finali (adottata fl-20/12/2007). [11] 'Business Dynamics: Start-ups, Business Transfers and
Bankruptcy' http://ec.europa.eu/enterprise/policies/sme/business-environment/files/business_dynamics_final_report_en.pdf [12] COM(2011) 78 finali, (adottat 23.02.2011), Rieżami
tal-"Att dwar in-Negozji ż-Żgħar" għall-Ewropa. [13] Idem [14] Id-Direttiva 2005/36/KE: "Sal-punt li dawn huma rregolati, …
il-professjonijiet liberali, … skont din id-Direttiva, huma dawk li jiġu
pprattikati fuq il-bażi ta' kwalifiki professjonali relevanti
f'kapaċità personali, responsabbli u professjonalment indipendenti minn
dawk li jipprovdu servizzi intellettwali u konċettwali fl-interess
tal-klijent u tal-pubbliku." [15] COM(2011)682 finali (adottat 25/102011)
"Il-ħolqien ta' klima favorevoli għall intrapriżi
soċjali, il-partijiet interessati ewlenin fl-ekonomija soċjali u
l-innovazzjoni". Intrapriża soċjali hija operatur fl-ekonomija
soċjali li l-mira ewlenija tagħha hija li jkollha impatt soċjali
u mhux li tagħmel il-profitti għas-sidien jew l-azzjonisti
tagħha. [16] C. Jenner, 'Business and Education: Powerful Social
Innovation Partners', Stanford Social Innovation Review (Awwissu 27, 2012). [17] Rakkomandazzjoni tal-Parlament Ewropew u tal-Kunsill tat-18 ta' Diċembru 2006
dwar il-kompetenzi ewlenin għat-tagħlim tul il-ħajja. [18] COM (2012) 669 http://ec.europa.eu/education/news/rethinking_en.htm [19] Ara l-p. 11 tal-Istħarriġ Annwali dwar it-Tkabbir
COM(2012) 750 http://ec.europa.eu/europe2020/pdf/ags2013_mt.pdf [20] COM(2012) 485 [21] Edukazzjoni u taħriġ vokazzjonali (VET –
vocational education and training). [22] http://ec.europa.eu/education/news/20120425_en.htm [23] Cf. Gibb A, Haskins G, Robertson I, Leading the
Entrepreneurial University, University of Oxford, 2009. [24] Ara t-taqsima 2.1 tal-Komunikazzjoni dwar ir-Reviżjoni
tal-Edukazzjoni COM(2012) 669. [25] COM(2012) 485 finali, 05.09.2012 [26] Ara t-taqsima 2.1 tal-Komunikazzjoni dwar
ir-Reviżjoni tal-Edukazzjoni COM(2012) 669. [27] Proposta għal Rakkomandazzjoni tal-Kunsill dwar
l-Istabbiliment ta' Garanzija għaż-Żgħażagħ, COM(2012)729 [28] COM(2011)206 finali, "Att
tas-Suq Uniku. Tnax il-lieva
għat-tkabbir u t-tisħiħ tal-fiduċja. Naħdmu flimkien biex noħolqu tkabbir ġdid" [29] COM(2011) 870 Finali, Pjan ta’
Azzjoni għat-titjib ta’ aċċess għall-finanzi
għall-SMEs [30] Proposta għal Regolament tal-Parlament Ewropew u
tal-Kunsill dwar il-Fondi Kapitali Ewropej ta’ Riskju, COM(2011)860 finali; Proposta
għal Regolament tal-Parlament Ewropew u tal-Kunsill dwar il-Fondi
għall-Imprenditorija Soċjali Ewropea, COM(2011)862 finali. [31] Id-Direttiva 2004/39/EC tal-Parlament Ewropew u
tal-Kunsill tal-21 ta’ April 2004 dwar is-swieq fl-istrumenti finanzjarji li
temenda d-Direttivi tal-Kunsill 85/611/EEC u 93/6/EEC u d-Direttiva 2000/12/EC
tal-Parlament Ewropew u tal-Kunsill u li tabroga d-Direttiva tal-Kunsill 93/22/EEC. [32] Proposta għal Direttiva tal-Parlament Ewropew u
tal-Kunsill dwar l-aċċess għall-attività tal-istituzzjonijiet
ta’ kreditu u ditti ta’ investiment u li temenda d-Direttiva 2002/87/EC
tal-Parlament Ewropew u tal-Kunsill dwar is-sorveljanza supplementari
tal-istituzzjonijiet ta’ kreditu, impriżi ta’ assikurazzjoni u ditti ta’
investiment f’konglomerat finanzjarju. [33] Proposta għal Regolament tal-Parlament Ewropew u
tal-Kunsill li jistabbilixxi Programm għall-Kompetittività
tal-intrapriżi u l-intrapriżi ż-żgħar u ta’ daqs medju
(2014 - 2020), COM(2011) 834 finali [34] Skont
il-proposta tal-Kummissjoni għall-Fondi Strutturali tal-ġejjieni,
irid ikun hemm strateġiji komprensivi fis-seħħ għal
appoġġ inklużiv b’mod li l-istart-ups ikunu jistgħu jibbenfikaw
minn investimenti mill-FSE u mill-FEŻR fl-intraprenditorija. (COM/2012/0496 finali - 2011/0276 (COD) [35] Ara l-proposta leġiżlattiva: http://eur-lex.europa.eu/LexUriServ/LexUriServ.do?uri=CELEX:52011PC0609:MT:NOT
[36] COM(2012)702 "Il-protezzjoni ta’ negozji kontra
prattiki qarrieqa ta’ kummerċjalizzazzjoni u biex jiġi garantit
infurzar effettiv; Analiżi tad-Direttiva 2006/114/KE dwar reklamar
qarrieqi u komparattiv". [37] The Concept
Of Clusters And Cluster Policies And Their Role For Competitiveness And
Innovation: Main Statistical Results And Lessons Learned, Commission
Staff Working Document SEC (2008) 2637 [38] European Cluster Policy Group Final Recommendations,
il-ħames rakkomandazzjoni, f’http://www.proinno-europe.eu/sites/default/files/newsroom/2010/09/ECPG_Final_Report_web-low1.pdf, segwitu għar-rakkomandazzjonijiet tal-European Cluster Alliance. [39] COM (2012) 573 finali, "Att dwar is-Suq Uniku II –
Flimkien għal tkabbir ġdid" [40] Id-Direttiva 2006/114/KE dwar reklamar qarrieqi u
komparattiv. [41] Fosthom, pereżempju, "punt ta' servizz
uniku" mini għal reġistrazzjoni tal-VAT, id-dikjarazzjoni u
ħlas bħal fil-Komunikazzjoni tal-Kummissjoni dwar il-ġejjieni
tal-VAT (IP/11/1508) [42] Fl-2013 id-domanda minn Imprendituri Ġodda se
taqbeż il-baġit disponibbli: mill-aħħar ta’
Diċembru 2012 kien hemm madwar 950 Imprendituri Ġdid
eliġibbli għal skambju filwaqt li l-baġit disponibbli seta’
jippermetti madwar 930 skambju. Minħabba li l-pool ta’ imprendituri
ġodda eliġibbli għal skambju qed jikber b'medja ta' 25 imprenditur
kull ġimgħa, huwa ovvju li d-domanda se teċċedi l-provvista
fl-2013. Sa mill-2012, għadd ta' Organizzazzjonijiet Intermedjarji kienu
diġà użaw il-baġit allokat tagħhom u ma setgħux
jistabbilixxu aktar skambji. [43] Industrija Ewropea Aktar B’saħħitha
għat-Tkabbir u l-Irkupru Ekonomiku Aġġornament tal-Komunikazzjoni
dwar il-Politika Industrijali, COM(2012)582 tal-10 ta' Ottubru 2012. [44] COM(2012)529 "L-Isfruttar
tal-Potenzjal tal-Cloud Computing fl-Ewropa”. [45] COM(2011)942 tal-11 ta’Jannar 2012. Qafas
koerenti għall-bini ta’ fiduċja fis-Suq Uniku Diġitali
tal-kummerċ elettroniku u tas-servizzi online. [46] Ara,
pereżempju, http://www.radicalsocialentreps.org/, http://www.youtube.com/watch?v=iE7YRHxwoDs
u http://www.academicmatters.ca/2012/05/the-massive-open-online-professor/ [47] http://Europeana.eu huwa portal kulturali,
maħluq bl-appoġġ tal-Kummissjoni Ewropea, li huwa
interfaċċa għal miljuni ta' kotba, pitturi, filmati,
oġġetti tal-mużew u rekords arkivjali li ġew
diġitalizzati madwar l-Ewropa. [48] 'Business Dynamics: Start-ups, Business Transfers and
Bankruptcy' (2011) http://ec.europa.eu/enterprise/policies/sme/business-environment/files/business_dynamics_final_report_en.pdf [49] COM(2008) 394 finali. - "Aħseb l-Ewwel
fiż-Żgħir" “Att dwar in-Negozji ż-Żgħar”
għall-Ewropa. [50] COM(2011) 78 finali, Reviżjoni tal-"Att dwar
in-Negozji ż-Żgħar" għall-Ewropa [51] COM(2006) 117 finali. [52] Pereżempju, skont l-istudju tal-'Business Dynamics',
terz biss tal-Istati Membri mistħarrġa joffru prodotti finanzjarji speċjali
biex jappoġġjaw it-trasferimenti u fi tnax l-Istat Membru ma hemm
disponibbli ebda mentoraġġ jew taħriġ, jew hemm ftit wisq,
dwar dan is-suġġett. [53] COM/2011/864 u r-rakkomandazzjoni assoċjata 2011/856/EU
dwar it-taxxa doppja tas-suċċessjoni. [54] http://eur-lex.europa.eu/LexUriServ/LexUriServ.do?uri=COM:2007:0584:FIN:mt:PDF [55] F'xi Stati Membri l-proċedura ta' likwidazzjoni ta'
negozju ddum bejn sena u sentejn. Imbagħad jinħtieġu bejn tlieta
u disa' snin oħra biex wieħed jerġa' jibda negozju. [56] E. Stam, D. B. Audretsch and J. Meijaard, "Renascent
Entrepreneurship", Erasmus Research Institute of Management, 2006. [57] COM(2012) 742 "Approċċ Ewropew ġdid
għall-falliment u l-insolvenza". [58] COM(2012) 744 [59] Kif mitlub fil-Konklużjonijiet tal-Kunsill dwar il-Kompetittività
ta’ Mejju 2011. [60] Il-Flash EB Nru 354 "Entrepreneurship"
tal-Kummissjoni Ewropea. [61] Il-Programm ta' Azzjoni biex jelimina l-piżijiet
amministrattivi minn fuq in-negozji fl-UE identifika oqsma prijoritarji li
ġġeneraw madwar 80% tal-piż amministrattiv
mil-leġiżlazzjoni tal-UE, inklużi r-regoli nazzjonali li
jimplimentaw jew jittraspondu din il-leġiżlazzjoni. B'kollaborazzjoni
mallGrupp Stoiber, li għamilha ta' konsulent indipendenti, ġew
proposti mijiet ta' addattazzjonijiet li diġà ġġeneraw aktar
minn EUR 40 biljun ta' frankizz annwali għall-intrapriżi. Il-proposti
involvew oqsma differenti, mill-agrikoltura, l-ambjent, u s-sajd
għal-leġiżlazzjoni tal-kumpaniji, it-taxxi, l-istatistika,
is-sikurezza fl-ikel u fil-prodotti farmċewtiċi. L-akbar "kontributuri"
għal dan il-frankizz huma l-liġijiet tat-taxxi (il-bidla minn
kontijiet stampati fuq il-karta għal kontijiet elettroniċi) u
l-liġijiet tal-kumpaniji (eċċezzjonijiet
għall-intrapriżi mikro minn xi dispożizzjonijiet li jirrigwardaw
il-karta tal-bilanċ u l-obbligazzjonijiet ta' pubblikazzjoni). [62] COM(2011)803 u il-Komunikazzjoni dwar l-Idoneità
Regolatorja tal-UE (REFIT!) ara: http://ec.europa.eu/governance/better_regulation/index_mt.htm [63] Id-Direttiva 2010/45/UE tal-Kunsill tat-13 ta’ Lulju 2010
li temenda d-Direttiva 2006/112/KE dwar is-sistema komuni ta’ taxxa fuq
il-valur miżjud fir-rigward tar-regoli dwar il-fatturazzjoni [64] Huwa stmat li kieku n-negozji kollha kellhom jadottaw
il-fatturazzjoni elettronika, il-frankizz li jirriżulta jkun jammonta
għal EUR18-il biljun fuq terminu medju ta' żmien. [65] Għal ġabra tal-aħjar prattiċi ara
l-annessi estensivi ta' 'Europe can do better', adottat mill-Grupp ta' Livell
Għoli dwar it-tnaqqis tal-piżijiet amministrattivi (Novembru 2011),
fuq
http://ec.europa.eu/dgs/secretariat_general/admin_burden/best_practice_report/docs/bp_report_signature_en.pdf
[66] Konsultazzjoni: "Which are the TOP10 most burdensome
EU legislative acts for SMEs?"
http://ec.europa.eu/enterprise/policies/sme/public-consultation-new/index_en.htm [67] "Lejn irkupru li jwassal għall-ħolqien
abbundanti ta’ impjiegi", 18.4.2012, COM(2012) 173 finali. Ara wkoll
"Ostakli għat-tkabbir - Reklutaġġ tal-ewwel impjegat"
rapport tal-grupp ta' esperti dwar L-ewwel Impjegat,
http://ec.europa.eu/enterprise/policies/sme/files/support_measures/first_emp/1st_emp_mt.pdf [68] Dan huwa r-riżultat tal-Pjan ta' Azzjoni tal-Kummissjoni
biex jiffaċilita l-aċċess għall-finanzjament mill-SMEs,
(COM(2011) 870 finali. [69] Il-Programm ta' Ħidma tal-Kummissjoni 2013 (COM
(2012) 629 finali) [70] L-istudju "Business Dynamics" tal-2010 sab li
f'seba' minn 33 pajjiż Ewropew li ġew mistħarrġa, kien possibbli
li ħames kumpaniji mudell jiksbu l-liċenzji kollha meħtieġa
fi żmien 30 jum. [71] http://ec.europa.eu/europe2020/pdf/ags2013_mt.pdf, , p. 10 [72] Eurostat, 'Statistics in focus: the entrepreneurial gap
between men and women' (30/2007). [73] Ara, pereżempju, O. Bekh, ETF Women's
Entrepreneurship Development, Policy Brief (2012); A. Lesina, F. Lotti, 'Do
Women Pay More for Credit? Evidence from Italy', NBER Working Paper (2008); 'women
in business and decision-making', Eurochambres (2004). [74] Ġ.U. L180/1 tal-15.7.2010 [75] Eżempju ieħor ta’ dak li jista’ jinkiseb huwa
evidenti fil-Korpi ta’ Servizz ta’ Eżekuttivi Irtirati (SCORE)
ibbażati fl-Istati Uniti li waqqfu netwerk ta' 13,000 volontiera li bis-saħħa
tal-konsulenza esperta tagħhom inħolqu 67 000 impjieg fl-2011. [76] OECD(2010), Open for Business; Migrant Entrepreneurshi in
OECD Countries, OECD Publishing, http://dx.doi.org/10.1787/9789264095830-en [77] Rath, J., Eurofound (2011), Promoting ethnic entrepreneurship
in European cities, Publications Office of the European Union, Luxembourg. Europe, disponibbli fuq : http://www.eurofound.europa.eu/pubdocs/2011/38/en/2/EF1138EN.pdf [78] COM(2011) 455 finali u SEC(2011) 957 finali [79] Direttiva tal-Kunsill 2009/50/KE [80] "Inressqu ż-Żgħażagħ lejn
l-Impjieg", COM (2012) 727 [81] Ara b’mod partikolari l-European Commission-OECD Policy
Brief on Youth Entrepreneurship in Europe, li tinsab fuq: http://ec.europa.eu/youth/news/20120504-youth-entrepreurship-employment_en.htm [82] http://ec.europa.eu/enterprise/policies/sme/facts-figures-analysis/eurobarometer/