RAPPORT TAL-KUMMISSJONI LILL-PARLAMENT EWROPEW U LILL-KUNSILL dwar l-applikazzjoni tar-Regolament (KE) 2006/2004 tal-Parlament Ewropew u tal-Kunsill tas-27 ta’ Ottubru 2004 dwar il-kooperazzjoni bejn l-awtoritajiet nazzjonali responsabbli għall-infurzar tal-liġijiet tal-protezzjoni tal-konsumaturi (ir-Regolament dwar kooperazzjoni fil-protezzjoni tal-konsumaturi) /* COM/2012/0100 final */
WERREJ 1........... Daħla............................................................................................................................. 3 2........... In-Netwerk CPC: L-iżviluppi
riċenti fil-qafas legali u istituzzjonali..................................... 4 2.1........ Il-qafas ġuridiku.............................................................................................................. 4 2.2........ L-iżviluppi riċenti
fil-qafas istituzzjonali............................................................................. 4 2.3........ Is-sistema CPC.............................................................................................................. 5 2.4........ Riżorsi allokati lin-Netwerk
CPC.................................................................................... 6 2.5........ Il-Kumitat CPC.............................................................................................................. 6 3........... In-Netwerk CPC: Ħafna titjib
iżda għad baqa' ħafna xi jsir............................................... 7 3.1........ Xejriet Statistiċi matul
il-perjodu ta' referenza.................................................................. 7 3.2........ Valutazzjoni ġenerali....................................................................................................... 8 3.3........ In-Netwerk CPC: sforzi ulterjuri
meħtieġa....................................................................... 9 4........... Oqsma oħra ta' kooperazzjoni:
Attivitajiet komuni u l-iskambju ta’ uffiċjali...................... 11 4.1........ Attivitajiet komuni u l-iskambju ta’
uffiċjali..................................................................... 11 4.2........ Kooperazzjoni internazzjonali........................................................................................ 11 5........... Konklużjonijiet u prospettivi
għall-ġejjieni...................................................................... 12 5.1........ Konklużjonijiet............................................................................................................. 12 5.2........ Prospettivi għall-ġejjieni................................................................................................ 13 ANNESS................................................................................................................................... 15 RAPPORT TAL-KUMMISSJONI LILL-PARLAMENT
EWROPEW U LILL-KUNSILL dwar l-applikazzjoni
tar-Regolament (KE) 2006/2004 tal-Parlament Ewropew u tal-Kunsill tas-27 ta’ Ottubru 2004
dwar il-kooperazzjoni bejn l-awtoritajiet nazzjonali responsabbli
għall-infurzar tal-liġijiet tal-protezzjoni tal-konsumaturi
(ir-Regolament dwar kooperazzjoni fil-protezzjoni tal-konsumaturi)
1.
daħla
Is-suq intern sar parti mill-ħajja ta' kuljum
tal-konsumaturi kull meta jixtru oġġetti u servizzi. Sabiex jiġu
sfruttati bis-sħiħ il-benefiċċji potenzjali u
l-opportunitajiet ġodda li dan joffri f'termini ta' għażla,
kwalità u prezz, il-konsumaturi Ewropej iridu jħossuhom
fiduċjużi dwar il-fatt li d-drittijiet tagħhom qed jiġu
protetti kull fejn jagħżlu li jixtru. Dan huwa partikolarment minnu
għad-dimensjoni onlajn tas-suq intern. Ir-Regolament dwar il-kooperazzjoni
fil-protezzjoni tal-konsumatur[1]
("ir-Regolament") ġie adottat fl-2004 b'dak l-iskop. Huwa
jistabbilixxi qafas li jippermetti l-infurzaturi fl-Istati Membri biex
jaħdmu mill-qrib flimkien sabiex malajr u effettivament iwaqqfu l-prattiki
kummerċjali li jiksru l-liġijiet dwar il-konsumatur kull meta
l-konsumaturi u l-kummerċjanti huma stabbiliti f'pajjiżi differenti.
Lin-negozji, ir-Regolament jiggarantixxilhom kundizzjonijiet indaqs u
joffrilhom l-assigurazzjoni li negozjanti diżonesti jitkeċċew
mis-suq. Ir-rapport preżenti huwa mitlub
mill-Artikolu 21 tar-Regolament li jipprovdi għal evalwazzjoni
tal-applikazzjoni tiegħu fuq bażi biennali. Ir-rapport preżenti
jkopri s-snin 2009 u 2010. Huwa t-tieni rapport biennali stabbiliti
mill-Kummissjoni[2]. Ir-rapport jorbot kemm l-istima tal-Kummissjoni
tal-iżviluppi kif ukoll ir-rispons li jasal mingħand l-Istati Membri
fil-forma ta' rapporti nazzjonali mressqa lill-Kummissjoni matul l-ewwel kwart
tal-2011. Jiffoka fuq l-operazzjonijiet tan-netwerk CPC stabbilit
bir-Regolament u jeżamina, b'mod partikolari, jekk in-nuqqasijiet
identifikati fir-rapport biennali tal-Kummissjoni tal-2009 ġewx
rettifikati kif xieraq. Ir-rapport għandu wkoll jinqara fil-kuntest
ta' riflessjoni kontinwa dwar is-suċċess tar-Regolament
fir-realizzazzjoni tal-għan tiegħu li jtejjeb il-protezzjoni
tal-interessi ekonomiċi tal-konsumaturi[3].
2.
In-Netwerk CPC: L-iżviluppi riċenti fil-qafas legali u istituzzjonali
2.1.
Il-qafas ġuridiku
Il-mekkaniżmi ta’ kooperazzjoni
tar-Regolament japplikaw biss għall-infurzar tal-atti ġuridiċi
elenkati fl-Anness tiegħu. Mill-adozzjoni tar-Regolament fl-2004, diversi
proposti leġiżlattivi rriżultaw f'bidliet lill-Anness,
prinċipalment sabiex il-lista ta' atti ġuridiċi tespandi
(eż. l-inklużjoni f'Novembru tal-2009 tal-Artikolu 13
tad-Direttiva dwar il-privatezza u l-komunikazzjonijiet elettroniċi[4]).
Ġew introdotti aktar tibdiliet bil-bidla fil-kamp ta' applikazzjoni tad-Direttiva
dwar reklamar qarrieqi u komparattiv[5] u r-revoka tad-Direttiva 87/102/KEE
dwar krediti tal-konsumatur. Biex telimina kull ambigwità potenzjali dwar
il-kamp ta' applikazzjoni tar-Regolament, il-Kummissjoni ressqet proposta
leġiżlattiva[6] fl-2010 li ġiet
adottata fl-14 ta’ Settembru 2011 u li mmodifikat l-Anness
tar-Regolament sabiex jirrifletti l-bidliet kollha li seħħew mill-2004
'l quddiem. Din għandha ġġib ċarezza legali, b'mod
partikolari, dwar l-inklużjoni tad-Direttiva l-ġdida 2008/48/KE[7]
dwar ftehim ta' kreditu għall-konsumatur[8].
2.2.
L-iżviluppi riċenti fil-qafas
istituzzjonali
In-Netwerk CPC huwa magħmul mill-awtoritajiet
nazzjonali tal-infurzar li huma notifikati lill-Kummissjoni mill-Istati Membri.
Il-lista ta’ dawn l-awtoritajiet hija ppubblikata kull sena fil-Ġurnal
Uffiċjali[9]. Mill-2009, in-Netwerk f’termini ġenerali
laħaq fażi aktar stabbli f'termini tal-qafas istituzzjonali
tiegħu, filwaqt li l-ewwel sentejn tal-operat kienu mmarkati mill-isforzi
magħmula mill-Istati Membri biex jistabbilixxu kompletament in-Netwerk
CPC. Xi bidliet fl-Anness tar-Regolament deskritti hawn
fuq kellhom impatt fuq in-Netwerk: (1) l-awtoritajiet responsabbli
għall-infurzar tad-Direttiva 2008/48/KE dwar ftehim ta' kreditu għal
konsumatur kienu esklużi temporanjament sakemm l-emenda
għar-Regolament tiġi adottata u (2) awtoritajiet ġodda
responsabbli għall-infurzar tal-Artikolu 13 tad-Direttiva dwar
il-privatezza u l-komunikazzjonijiet elettroniċi qed jiġu konnessi
kif notifikat lill-Kummissjoni. Aġġustamenti oħra għan-netwerk
notifikati lill-Kummissjoni wara pereżempju ċaqliq f’portfolji
Ministerjali fil-livell nazzjonali, setgħu kollha jiġu implimentati
mingħajr ma jaffettwaw ħażin lin-Netwerk,
bl-eċċezzjoni ta' Stat Membru wieħed li rrapporta li kellu
diffikultajiet u dewmien sinifikanti fil-livell nazzjonali għal awtorità
waħda. In-nuqqas ta' kwalunkwe rabta mal-għodda
tal-IT komuni użata min-Netwerk issa sar marġinali u jinsab
ġeneralment f’oqsma fejn il-koperazzjoni għadha okkażjonali
(eż. l-infurzar tal-Artikoli 86–100 tad-Direttiva 2001/83/KE).
Il-Kummissjoni qed tkompli ssegwi dawn is-sitwazzjonijiet mill-qrib.
2.3.
Is-sistema CPC
Element ċentrali tan-Netwerk CPC huwa
s-Sistema-CPC, l-għodda komuni tal-IT użata mill-awtoritajiet
għall-iskambju tat-tagħrif. Matul il-perjodu ta' referenza, il-Kummissjoni
kompliet bl-isforzi tagħha biex ittejjeb din l-għodda u
ssaħħaħ il-faċilità tal-użu tagħha
bl-għajnuna tal-grupp ta’ utenti prinċipali stabbilit fl-2006. Ix-xogħol preparatorju estensiv li
jippreċedi l-iżvilupp tal-karatteristiċi l-ġodda tal-IT
kien iffinalizzat għall-Artikolu 9 tar-Regolament. Il-ftehim dwar
l-implimentazzjoni ta’ dan l-Artikolu fl-għodda tal-IT ittardja
fil-fażi tal-ftehim mal-Istati Membri sabiex tinkiseb biżżejjed
esperjenza prattika fil-qafas tal-"kontrolli", l-ewwel attivitajiet
miftiehma ta' sorveljanza u infurzar fis-suq imwettqa min-Netwerk CPC. Fl-2012
l-implimentazzjoni ta’ dawn il-funzjonalitajiet il-ġodda se
tiffaċilita l-koordinazzjoni ta' attivitajiet ta' infurzar li jinvolvu
diversi awtoritajiet. Titjib ieħor ippjanat issuġġerit
mill-utenti jinkludi t-titjib tal-funzjonalità tat-tiftix u l-iżvilupp
tas-Sistema CPC f'għodda multilingwi. L-utenti nnutaw ukoll li dan ħa
pjuttost ħafna ħin biex jirreaġixxi. Din il-kwistjoni ġiet
investigata mis-servizzi tal-IT tal-Kummissjoni u qed tiġi indirizzata. Il-kunsiderazzjonijiet tal-protezzjoni tad-dejta
wkoll kienu sinifikanti fil-perjodu ta' referenza. Il-prijorità prinċipali
tal-Kummissjoni hija li timplimenta l-parti l-kbira tar-rakkomandazzjonijiet
magħmula f’Settembru 2007 mill-Grupp ta' Ħidma
tal-Artikolu 29, li jinkludi l-awtoritajiet nazzjonali tal-protezzjoni
tad-dejta. Id-Deċiżjoni rilevanti tal-Kummissjoni[10]
u r-Rakkomandazzjoni[11] kienu abbozzati u
diskussi mal-Istati Membri fl-2010 u formalment adottati fl-1 ta' Marzu 2011.
Salvagwardji addizzjonali tal-protezzjoni tad-dejta fis-Sistema CPC,
pereżempju fil-forma ta' twissijiet lill-utenti permezz ta'
messaġġi li jitilgħu fuq l-iskrin fl-istadji ewlenin tal-fluss
tax-xogħol, kienu ġew implimentati fl-2009. Il-Kummissjoni ħadmet ukoll mill-qrib
mal-Kontrollur Ewropew għall-Protezzjoni tad-Dejta (EDPS) matul dan
il-perjodu biex tiffinalizza l-proċedura verifika minn qabel. Fl-opinjoni
tiegħu[12] l-EDPS jikkonferma li
r-Regolament jipprovdi bażi legali soda għall-iskambju
tat-tagħrif u jilqa' l-isforzi magħmula mill-Kummissjoni biex
tintegra l-protezzjoni tad-dejta fit-tfassil tal-għodda tal-IT kif ukoll
fil-proċeduri tal-immaniġġjar komuni stabbiliti
għan-Netwerk. Iżda l-EDPS jirrakkomanda li jiġi kkunsidrat aktar
titjib. L-aktar kwistjoni urġenti li
jeħtieġ li tiġi indirizzata hija s-sejba ta' mekkaniżmu li
jkun jista' jitħaddem għall-ittrattar ta’ talbiet li jidħlu
mingħand suġġetti tad-dejta dwar id-drittijiet ta' aċċess
u t-tweġibiet għal dawn it-talbiet. L-istabbiliment ta’ tali
mekkaniżmu ta’ koordinazzjoni jidher li hu partikolarment kumpless.
L-isfida prinċipali se tkun li jinħoloq bilanċ ġust bejn
id-dritt għall-privatezza u l-protezzjoni tad-dejta personali u
l-ħtieġa tal-iskambju tat-tagħrif fil-qafas tal-infurzar u
tal-kooperazzjoni investigattiva skont ir-Regolament sabiex jitwaqqaf il-ksur
fir-rigward tal-leġiżlazzjoni tal-UE tal-konsumaturi. Il-fatt li
l-konsumaturi nazzjonali u l-leġiżlazzjoni dwar il-protezzjoni
tad-dejta tvarja b’mod sinifikanti bejn l-Istati Membri tkompli tikkomplika
l-kwistjoni. L-implimentazzjoni tal-passi l-oħra
rakkomandati mill-EDPS, bħall-iżvilupp ta' funzjonijiet ġodda
tal-IT, se jiġu evalwati fit-tieni fażi ladarba l-prinċipji ta’
mekkaniżmi ta’ koordinazzjoni komuni jkun miftiehem bejn l-awtoritajiet
tan-Netwerk u l-Kummissjoni.
2.4.
Riżorsi allokati lin-Netwerk CPC
Bħal fl-2009, ir-rapporti nazzjonali biennali
jipprovdu dejta limitata dwar ir-riżorsi allokati mill-awtoritajiet
nazzjonali għall-applikazzjoni tar-Regolament. Fil-maġġoranza
tal-każijiet l-Istati Membri jirrapportaw li l-attivitajiet tas-CPC huma
inkorporati fl-attivitajiet ġenerali u fil-baġit tal-awtoritajiet;
għalhekk, il-ġbir ta' dejta speċifika tas-CPC jidher li huwa
imprattikabbli. Bosta rapporti jenfasizzaw, filwaqt li ma
jipprovdux ċifri konkreti dwar ir-riżorsi, li l-awtoritajiet ikunu
interessati li jżidu l-involviment tagħhom fl-attivitajiet tas-CPC
imma ta' sikwit huma kostretti fid-deċiżjonijiet tagħhom
fir-rigward tar-riżorsi disponibbli għalihom. Dan jikkonċerna
b'mod partikolari, iżda mhux biss, l-attivitajiet komuni tan-Netwerk kif
ukoll l-iskambji ta’ uffiċjali, li huma t-tnejn proġetti kofinanzjati
mill-baġit tal-UE. Fuq il-bażi tad-dejta disponibbli
bħalissa lill-Kummissjoni, mhuwiex possibbli li jiġi evalwat b'mod
adegwat jekk l-Istati Membri humiex kompletament konformi mal-obbligu
tagħhom skont l-Artikolu 4 (7) tar-Regolament li jitlob li
l-awtoritajiet jingħataw ir-riżorsi kif xieraq. Ir-rapporti nazzjonali madankollu jagħtu xi
evidenza li l-effiċjenza (u għalhekk l-effettività wkoll) tan-Netwerk
jistgħu jkunu qed jintlaqtu minn limitazzjonijiet fir-riżorsi
tal-awtoritajiet. F'xi każijiet, dan jikkonċerna l-Uffiċċji
Uniċi ta’ Kooperazzjoni li, bħala koordinaturi fil-livell nazzjonali,
għandhom rwol kruċjali x’jaqdu fl-applikazzjoni tar-Regolament,
speċjalment f'pajjiżi fejn il-kompiti ta' infurzar skont
ir-Regolament huma maqsuma bejn bosta awtoritajiet. Il-kwistjoni se tiġi
analizzata f'aktar dettall fil-qafas tal-valutazzjoni globali attwali
tan-Netwerk CPC.
2.5.
Il-Kumitat CPC
Ir-Regolament jistabbilixxi Kumitat ta'
rappreżentanti mill-Istati Membri, il-Kumitat CPC, biex jgħin
lill-Kummissjoni fil-ħidmiet ta’ implimentazzjoni tagħha. Matul il-perjodu ta' referenza l-Kumitat iltaqa’
bejn tliet (3) u erba' (4) darbiet fis-sena. Fis-6 ta' Diċembru 2010
dan ħareġ opinjoni favorevoli dwar abbozz ta' emenda
għad-Deċiżjoni tal-Kummissjoni[13] li timplementa
r-Regolament, li ġiet adottata mill-Kummissjoni fl-1 ta' Marzu 2011.
L-emenda stabbiliet regoli ġodda għall-implimentazzjoni
tal-Artikolu 9 tar-Regolament u naqqset xi distakki billi ċċarat
il-bażi għat-tħassir ta' tagħrif fis-sistema CPC. Il-Kumitat għandu
rwol ċentrali fin-Netwerk CPC. Jipprovdi b'mod partikolari, pjattaforma
għad-diskussjoni dwar it-tendenzi fil-protezzjoni tal-konsumaturi;
jikkontribwixxi fl-iżvilupp ta' approċċ komuni fl-infurzar fi
ħdan in-Netwerk CPC permezz tal-approvazzjoni ta' standards u linji gwida
komuni (eż. il-Manwal għall-investigazzjonijiet tal-internet,
il-linji gwida operattivi tas-CPC) u jagħti orjentazzjonijiet operattivi
għan-Netwerk CPC fil-forma ta' Pjanijiet ta’ Azzjoni ta’ Infurzar annwali.
Il-Pjanijiet ta' Azzjoni ta' Infurzar jiffokaw fuq l-attivitajiet komuni
mwettqa min-Netwerk, bħall-verifiki tal-internet annwali tiegħu,
l-hekk imsejħa "kontrolli" (sweeps). Is-suċċess tan-Netwerk CPC jiddependi
ħafna mill-impetu u l-appoġġ meħtieġa li jagħti
l-Kumitat biex jintlaħqu l-għanijiet tan-Netwerk. Il-Kummissjoni qed tesplora wkoll jekk in-Netwerk
tal-Politika tal-Konsumatur (CPN), li jlaqqa’ lid-Diretturi Ġenerali
tal-ministeri nazzjonali tal-konsumaturi, jistax ukoll ikollu rwol f'dan.
3.
In-Netwerk CPC: Ħafna titjib iżda għad baqa'
ħafna xi jsir
3.1.
Xejriet Statistiċi matul il-perjodu ta' referenza
Globalment, in-Netwerk ittratta ammont ta'
każijiet li huwa komparabbli mal-perjodu ta' referenza preċedenti,
jiġifieri madwar 540 talba, jew għal tagħrif jew biex
jittieħdu miżuri ta’ infurzar biex jitwaqqaf ksur osservat[14].
In-numru ta' allerti madankollu naqsu b’mod sinifikanti, jiġifieri n-numru
ta' messaġġi unilaterali mibgħuta minn awtorità waħda
lill-awtoritajiet l-oħra kkonċernati biex iwissu dwar ksur
tal-liġijiet tal-konsumaturi li ġie osservat jew li jidher li
għalih hemm raġunijiet validi għalfejn għandu jiġi
ssuspettat. Rigward id-direttivi
miksura, il-ksur tad-dispożizzjonijiet dwar prattiki skorretti u/jew
qarrieqa oħrajn ta' riklamar, koperti mid-Direttiva 2005/29/KE dwar
prattiki kummerċjali żleali[15] huwa l-iktar tip komuni
ta’ ksur trattat min-Netwerk, segwit minn ksur tad-dispożizzjonijiet
tad-Direttiva dwar il-kummerċ elettroniku[16]. Sa mill-bidu, il-parti l-kbira ta' każijiet
trattati min-Netwerk dejjem kienet relata mal-prattiki li jużaw mezzi ta'
reklamar onlajn: fl-2010, 45 % tat-talbiet għal tagħrif kienu
jirreferu għal messaġġi mmirati lejn il-konsumaturi permezz
tal-posta elettronika, messaġġi testwali fuq it-telefon
ċellulari jew permezz tal-internet. Iċ-ċifra ekwivalenti għat-talbiet
għall-infurzar qed tiżdied għal 77 %. Dan huwa parzjalment
minħabba l-"kontrolli" annwali mwettqa permezz tan-Netwerk CPC.
F'dawn il-"kontrolli" l-awtoritajiet iwettqu verifiki simultanji ta’
siti onlajn ta' settur magħżul għall-konformità
mar-rekwiżiti legali. Is-segwitu tal-ksur traskonfinali osservat fil-qafas
ta' dawn l-eżerċizzji miftiehma naturalment iwassal għal aktar
skambji bejn l-awtoritajiet. Barra minn hekk it-teknoloġiji ġodda
(eż. l-internet) joffru opportunitajiet biex faċilment jintlaħaq
għadd potenzjalment importanti ta’ konsumaturi u huma, f’dan is-sens,
aktar probabbli li jipproduċu "ksur CPC" tipiku tal-interessi
kollettivi. Mit-tieni nofs tal-2009, l-attivitajiet
tat-trattament tal-każijiet tan-Netwerk naqsu b'mod relattiv f’dak li
għandu x'jaqsam mal-għadd ta’ każijiet ġodda maħluqa
mill-awtoritajiet. (Jekk jogħġbok irreferi għall-Anness ta' dan
ir-rapport għad-dejta tal-istatistika għal bejn l-2009 u l-2010).
S'issa ix-xejra ma laqtitx it-talbiet għall-infurzar li baqgħu
pjuttost stabbli, b’120 każ ġdid irreġistrati fis-Sistema-CPC
fi tmiem l-2010. Il-kawżi
preċiżi għal din ix-xejra għadhom ma ġewx identifikati
u huwa probabbli li hemm diversi fatturi fix-xena. L-awtoritajiet ma
rrappurtawx tnaqqis f’kemm kien hemm ksur transkonfinali tal-liġijiet
tal-konsumaturi, iżda enfasizzaw fir-rapporti tagħhom
il-ħtieġa li jaqblu aktar dwar il-prijoritajiet tal-infurzar.
Għandha tinġibed ukoll l-attenzjoni f'dan il-kuntest, għall-fatt
li fil-"kontrolli" li twettqu dan l-aħħar ġew osservati
inqas kwistjonijiet transkonfinali milli kienu osservati fil-bidu. Ta' min
ifakkar ukoll li l-awtoritajiet qed isiru aktar familjari mar-regoli ta'
kooperazzjoni fir-Regolament CPC. Dan wassal għal inqas każijiet li
madankollu qed ikunu mħejjija aħjar, kif ukoll għal użu aktar
razzjonali tal-mekkaniżmi ta’ kooperazzjoni skont ir-Regolament. It-titjib
fit-trattament tal-każijiet huwa rifless ukoll fit-tnaqqis fil-medja
taż-żmien għat-trattament tat-talbiet għall-assistenza
reċiproka li għat-talbiet għall-infurzar, pereżempju,
niżlet minn 177 jum fl-2008 għal 92 jum fl-2010.
Fl-aħħar nett, hemm ċerti aspetti tekniċi li għandhom
jitqiesu: id-dejtabejż issa tippermetti t-trattament ta' każijiet
b’iktar minn ksur wieħed, filwaqt li fl-ewwel sena kellhom jinħolqu
diversi każijiet paralleli mill-awtoritajiet, jiġifieri każ
għal kull ksur.
3.2.
Valutazzjoni ġenerali
Il-perjodu ta’ referenza ta’ dan ir-rapport jista'
fil-qosor jitqies bħala wieħed ta' stabbilizzazzjoni u
konsolidazzjoni tal-attivitajiet tan-Netwerk, minkejja l-limitazzjonijiet
rappurtati mill-awtoritajiet minħabba l-ambjent ekonomiku u finanzjarju
diffiċli li kellhom joperaw fih. Din hija l-konklużjoni ġenerali
li tirriżulta mir-rapporti Biennali tal-Istati Membri u mill-esperjenza
tal-Kummissjoni stess fis-sorveljanza tan-Netwerk. Il-maġġoranza tal-awtoritajiet tqis li
n-Netwerk għeleb il-problemi tal-bidu li kkaratterizzaw l-ewwel sentejn
tal-operat. It-tnaqqis fit-tul medju ta' żmien (jekk jogħġbok
irreferi għat-Tabella 4 fl-Anness) tal-każijiet juri li
l-uffiċjali kompetenti tal-awtoritajiet qed jiksbu aktar esperjenza
fl-immaniġġjar tat-talbiet għall-assistenza reċiproka
rreferuti lilhom permezz tan-Netwerk. Barra minn hekk, in-Netwerk CPC żviluppa
qalba soda ta' attivitajiet konġunti, flimkien mal-kooperazzjoni ta'
infurzar bilaterali. L-għan ta' din il-ħidma konġunta huwa li
tagħti dimensjoni ġdida mifruxa mal-UE kollha lill-infurzar u wkoll
fl-aħħar mill-aħħar li ttejjeb il-protezzjoni
tal-konsumaturi fis-suq intern. Fl-aħħar sentejn, dan ix-xogħol
ta' infurzar komuni sar parti integrali mill-attivitajiet tan-Netwerk.
L-investigazzjonijiet fuq l-internet li n-Netwerk iwettaq kull sena,
jiġifieri l-"kontrolli", huma l-element ċentrali ta' din
il-ħidma. Dawn jipproduċu riżultati konkreti
għall-konsumaturi permezz tal-fażi ta' infurzar komuni li matulha
l-awtoritajiet jkomplu jsegwu l-ksur osservat sabiex jiżguraw
il-konformità. Fi tmiem l-2010, grupp ta' awtoritajiet kien involut fi
proġett ġdid (ikkofinanzjat mill-Kummissjoni) li jesplora
l-possibbiltajiet għal aktar titjib fil-kapaċitajiet ta' infurzar
tan-Netwerk onlajn permezz ta' tekniki mtejba u skambju aktar sistematiku ta'
għarfien u ta' kompetenza. L-evoluzzjoni riċenti tan-Netwerk tista’
tiġi spjegata parzjalment mill-fatt li f'dawn l-aħħar sentejn,
l-awtoritajiet tgħallmu jikkooperaw permezz tan-Netwerk, jiġifieri
saru (aktar) familjari mal-mekkaniżmi ta’ kooperazzjoni introdotti
bir-Regolament CPC u permezz tal-għodda tal-IT żviluppata
mill-Kummissjoni għall-iskambji tat-tagħrif tan-Netwerk. Ix-xejra madankollu turi wkoll, kif enfasizzat
f'ħafna mir-rapporti Biennali nazzjonali, li l-miżuri li ttieħdu
biex jiġu indirizzati n-nuqqasijiet identifikati fl-2009 fl-ewwel Rapport
Biennali kellhom riżultati pożittivi. Il-ħtiġijiet tat-taħriġ qed
jintlaħqu b'mod aktar effettiv billi qed jiġi stabbilit pjan ta’
taħriġ kull sena flimkien mal-awtoritajiet. Fl-2009, ġie
stabbilita netwerk ta’ trejners nazzjonali biex jespandu l-ħiliet ta'
taħriġ tal-Kummissjoni. L-Uffiċċju Ċentrali
għall-Għajnuna (central Help Desk) ġie organizzat mill-ġdid
matul il-perjodu ta' referenza biex jirrispondi aktar malajr
għall-mistoqsijiet tal-utenti. L-ippjanar ta’ attivitajiet komuni (u
għalhekk tar-riżorsi) bl-adozzjoni ta' Pjanijiet ta’ Azzjoni ta’
Infurzar annwali, jipprovdi proċess ta' programmar sod, strutturat u trasparenti.
Dawn il-pjanijiet jikkontribwixxi għall-identifikazzjoni tal-oqsma ta'
interess komuni u jinkludu l-attivitajiet komuni kollha mwettqa min-Netwerk
flimkien mal-qalba soda tal-attivitajiet ta' kooperazzjoni (ġeneralment
bilaterali). Il-produzzjoni ta' dokumenti ta' gwida għenet
biex tiżviluppa fehim aktar komuni dwar kif wieħed għandu
jikkoopera fi ħdan in-Netwerk CPC. Dawn id-dokumenti jinkludu b'mod
partikolari "linji gwida operattivi CPC" imħejjija mill-Kummissjoni
li jipprovdu gwida prattika dwar l-applikazzjoni tal-mekkaniżmi ta’
kooperazzjoni CPC ibbażati fuq il-prattika komuni li ħarġet
mit-taħditiet mal-awtoritajiet f’workshop dwar l-operat tan-Netwerk
f'Diċembru 2009. Il-workshops li ilhom jiġu organizzati
regolarment mill-2009 joffru opportunità ulterjuri għall-awtoritajiet biex
jiskambjaw fehmiet, l-aħjar prattika u b'hekk jaħdmu lejn fehim u/jew
approċċ lejn l-infurzar komuni. Is-suġġetti diskussi f'dawn
il-laqgħat ta' ħidma jiġu miftiehma flimkien mal-awtoritajiet
fil-qafas tad-diskussjonijiet tal-Pjan ta’ Azzjoni ta’ Infurzar annwali. Dawn
ivarjaw minn diskussjonijiet pjuttost legali rigward l-infurzar tal-acquis
tal-konsumaturi, jew parti minnu, elenkat fl-Anness tar-Regolament għal
diskussjonijiet aktar operattivi dwar kif titħejja talba għal
miżuri ta’ infurzar. Filwaqt li n-Netwerk CPC bla dubju kkonsolida
l-attivitajiet tiegħu fl-aħħar sentejn, hemm ukoll evidenza
ċara li n-netwerk għad irid jilħaq il-quċċata
tal-potenzjal tiegħu. Għad hemm xi ftit Stati Membri li qatt ma
ressqu talba għall-assistenza reċiproka (jew biss twissija) kif ukoll
numru mhux negliġibbli li ttratta inqas minn ħames (5) talbiet
bit-tipi kollha inklużi. Kif inhuma l-affarijiet, massimu ta’ disa’(9)
Stati Membri jistgħu jiġu kkunsidrati bħala utenti attivi tas-sistema
mill-bidu.
3.3.
In-Netwerk CPC: sforzi ulterjuri meħtieġa
Matul l-ewwel snin ta' operat, l-awtoritajiet
iddedikaw l-isforzi tagħhom primarjament biex jiżguraw li
l-aċċess għall-għodda tal-IT kien operattiv u biex isiru
familjari mal-mekkaniżmi ġodda ta’ koperazzjoni. Il-pass li jmiss
issa jkun li wieħed jieħu vantaġġ sħiħ
mill-opportunitajiet offruti min-Netwerk biex dan ikun effiċjenti kemm
kien maħsub. Aktar xogħol huwa partikolarment
meħtieġ fl-oqsma deskritti hawn taħt. L-għadd ta' awtoritajiet li ma jużawx
b'mod attiv il-mekkaniżmi ta' kooperazzjoni stabbiliti mir-Regolament CPC
jibqa’ sinifikanti. Dan japplika b'mod partikolari għall-infurzar
tal-leġiżlazzjoni settorjali elenkata fl-Anness tar-Regolament CPC
iżda mhux esklużivament. Kif enfasizzat fl-ewwel Rapport Biennali,
l-eżistenza ta' netwerks paralleli f'dawn l-oqsma[17]
setgħet kellha impatt fuq l-effettività tan-Netwerk CPC, iżda dan
għad irid jiġi kkonfermat. Barra minn hekk ħafna awtoritajiet
tal-konsumaturi fl-Istati Membri rari jużaw in-Netwerk CPC. Hija
għalhekk meħtieġa analiżi ulterjuri. Ma hemm l-ebda fehim uniformi dwar kif
tintuża l-għodda ta' kooperazzjoni stabbilita mir-Regolament minkejja
l-iżvilupp ta' regoli u ta' dokumenti ta' gwida maqbula b’mod komuni.
Għarfien parzjali tar-regoli flimkien ma' ċertu nuqqas ta’ dixxiplina
fl-applikazzjoni tagħhom huma fatturi f'dan il-kuntest (eż. ftit
mill-awtoritajiet jipprovdu rispons regolari dwar il-progress li jkun sar
fl-attivitajiet investigattivi u ta’ infurzar tagħhom kif stabbilit)
iżda hemm ukoll diverġenzi aktar fundamentali li jxekklu l-użu
aktar effiċjenti tal-mekkaniżmi CPC. Partikolarment għal
allerti, fejn ma jeżisti l-ebda approċċ komuni fost
l-awtoritajiet dwar kif u meta għandhom jintużaw, kif ukoll
għat-talbiet għal miżuri ta’ infurzar, li għalihom
l-awtoritajiet għandhom standards differenti (ħafna) ta' analiżi
legali u ta' evidenza. Ma jeżisti l-ebda approċċ komuni
għall-prijoritajiet ta' infurzar tan-Netwerk. Il-Pjanijiet ta’ Azzjoni ta'
Infurzar annwali jidentifikaw oqsma ta' interess komuni iżda ma jkoprux
l-attivitajiet kollha tan-Netwerk. L-isfida ewlenija se tkun li wieħed
ikompli jaħdem biex jintlaħaq fehim komuni tal-kwistjonijiet
rilevanti tal-konsumatur u, possibbilment, ta' qbil ta' standards komuni li
jiżguraw li n-Netwerk CPC jintuża b'mod kumparabbli mill-awtoritajiet
kollha mingħajr ma jiġi nnegat l-obbligu li wieħed jirrispondi
għat-talbiet għall-assistenza. In-Netwerk ma rnexxilux jiżviluppa
"identità korporattiva" u għadu netwerk pjuttost virtwali marbut
b'għodda tal-IT komuni. Il-kuntatti bejn l-awtoritajiet li jittrattaw
il-każijiet jekk mhux relatati mat-trattament ta' każ partikolari
jibqgħu l-eċċezzjoni u forsi jistgħu jispjegaw
għalfejn in-Netwerk qatt ma uża l-forum fis-Sistema CPC. L-ostakli
tal-lingwa x'aktarx li għandhom rwol f'dan il-kuntest iżda mhumiex
biżżejjed biex jispjegaw l-assenza ta’ skambji bejn l-awtoritajiet. Xi kwistjonijiet orizzontali, ħafna minnhom
diġà identifikati fir-rapport Biennali tal-2009, ikomplu wkoll jaffettwaw
in-Netwerk CPC: ·
Id-differenzi fil-leġiżlazzjoni
nazzjonali tal-konsumaturi fl-UE jikkontribwixxu biex itawlu
l-proċedimenti u jżidu l-kumplessitajiet fil-koperazzjoni billi
l-awtoritajiet iridu l-ewwel jivverifikaw jekk il-kooperazzjoni tistax tkun
prevista u sa liema punt. ·
Il-kwistjoni tal-liġi applikabbli tkompli
taqsam in-Netwerk; attwalment inqalgħu mistoqsijiet ġodda fil-qafas
tal-workshops dedikati għal dan is-suġġett f'dak li għandu
x'jaqsam mal-liġi applikabbli u r-regoli proċedurali nazzjonali. ·
Ftit huwa komunikat dwar il-każijiet ta'
suċċess tan-Netwerk, anki fi ħdan in-Netwerk stess u dan jista'
jkun li qed jiġġenera l-perċezzjoni li n-netwerk mhuwiex
jilħaq l-aspettattivi. Fl-istess ħin l-awtoritajiet mhumiex disposti
li jaqsmu dan it-tip ta' tagħrif: xi żewġ rapporti biennali
nazzjonali biss jinkludu eżempji ta' każijiet ta' suċċess,
minkejja li din kienet parti mill-istruttura komuni maqbula. ·
Kien hemm opinjonijiet differenti rigward ir-rwol
li l-Kummissjoni għandu jkollha fil-qafas tal-kooperazzjoni dwar
l-infurzar.
4.
Oqsma oħra ta' kooperazzjoni: Attivitajiet komuni u l-iskambju
ta’ uffiċjali
4.1.
Attivitajiet komuni u l-iskambju ta’ uffiċjali
Matul il-perjodu ta' referenza, il-Kummissjoni
kompliet tipprovdi finanzjament għaż-żewġ attivitajiet
komuni kif ukoll skema tal-iskambji tal-uffiċjali. L-għan
prinċipali ta’ dawn l-attivitajiet huwa li jipprovdu lill-awtoritajiet
tas-CPC b'qafas għal skambju tal-aħjar prattika u b'ħidma komuni
li tgħin biex tevita d-duplikazzjoni tal-isforzi u, aktar importanti minn
hekk, tiffaċilita kif dawn isiru jafu lil xulxin u jitgħallmu minn
xulxin. Bħal fir-rapporti tal-2009, ir-rispons
fir-rapporti biennali nazzjonali rigward dawn l-attivitajiet huwa
pożittiv: l-awtoritajiet jagħmlu użu modest iżda konsistenti
tal-fondi disponibbli għalihom kull sena. Minkejja l-isforzi li jsiru biex l-attivitajiet
ikunu aktar attraenti għall-awtoritajiet, dawn tal-aħħar
jenfasizzaw fir-rapporti tagħhom diffikultajiet komparabbli għal dawk
identifikati fl-2009: Il-limitazzjonijiet tar-riżorsi jipprevjenu
bosta awtoritajiet milli jipparteċipaw fl-iskambji tal-uffiċjali jew
fi proġetti konġunti Ir-regoli kumplessi li jirregolaw
il-proċedura tal-applikazzjoni u l-ġestjoni sussegwenti tal-fondi
jiddiswadu lill-awtoritajiet kompetenti milli jinvolvu ruħhom f’dan it-tip
ta’ attivitajiet. L-ostakli lingwistiċi huma fattur ieħor li jispjega
l-għadd relattivament baxx ta’skambji ta' uffiċjali L-iskema għall-uffiċjali ma
għandhiex il-flessibilità meħtieġa biex tirrispondi malajr
għal ħtiġijiet fuq żmien qasir li jinqalgħu waqt
l-investigazzjonijiet
4.2.
Kooperazzjoni internazzjonali
Il-Kunsill ta l-awtorizzazzjoni lill-Kummissjoni
biex tiftaħ negozjati mal-Istati Uniti sabiex tinnegozja ftehim ta'
kooperazzjoni dwar l-infurzar ta' leġiżlazzjoni tal-konsumaturi
f’Mejju 2009. Matul il-perjodu kopert mir-rapport saru għadd ta'
laqgħat mal-Kummissjoni Federali tal-Kummerċ, il-kontroparti
kompetenti tal-Istati Uniti, iżda l-progress baqa' diffiċli
minħabba approċċi differenti lejn il-protezzjoni tad-dejta.
5.
Konklużjonijiet u prospettivi għall-ġejjieni
5.1.
Konklużjonijiet
In-Netwerk CPC daħal f'fażi ta'
konsolidazzjoni u stabbilizzazzjoni tal-attivitajiet tiegħu. Il-kisbiet
ewlenin matul il-perjodu kopert mir-rapport preżenti huma kif ġej: ·
Il-problemi tal-bidu tal-ewwel ftit snin (eż.
diffikultajiet ta' konnessjoni jew kwistjonijiet tekniċi oħra
relatati mal-użu tad-dejtabejż) ġew indirizzati. ·
L-awtoritajiet tgħallmu jużaw
l-għodda ta' kooperazzjoni stabbilita mir-Regolament CPC b'mod aktar
effettiv billi saru aktar familjari mal-għodda tal-IT u mal-proċeduri
l-ġodda. ·
Il-"kontrolli", ikkoordinati u
ssorveljati mill-Kummissjoni, saru parti mill-attivitajiet regolari tan-Netwerk
u żguraw xi ftit viżibbiltà f'dak li għandu x'jaqsam man-netwerk
permezz tal-attivitajiet tal-istampa relatati. ·
In-Netwerk jiddiskuti u jippjana l-attivitajiet
miftiehma tiegħu fil-pjanijiet tal-attivitajiet annwali ta' infurzar. ·
Il-korsijiet ta' taħriġ huma organizzati
b'mod aktar effiċjenti fuq il-bażi ta' pjanijiet ta' taħriġ
annwali u permezz tan-netwerk ta’ trejners nazzjonali. ·
Qed ifiġġ bil-mod il-mod
approċċ komuni biex wieħed jaħdem flimkien permezz ta'
diskussjonijiet fil-workshops kif ukoll permezz tal-esperjenza prattika miksuba
matul l-ewwel erba' snin tal-operat. ·
Il-linji gwida operattivi, elaborati
mill-Kummissjoni fuq il-bażi tal-konklużjonijiet tal-workshops
f’Diċembru 2009, jipprovdu gwida prattika għal uffiċjali
kompetenti dwar kif in-netwerk jaħdem u kif għandhom jitħejjew
it-talbiet għall-assistenza reċiproka skont ir-Regolament CPC. Il-valutazzjoni tal-aħħar sentejn ta’
operazzjonijiet madankollu turi wkoll li n-nuqqasijiet jippersistu u li
n-Netwerk għad irid jilħaq il-potenzjal sħiħ tiegħu.
Bosta awtoritajiet rari jew qatt ma jużaw il-mekkaniżmi tal-kooperazzjoni
CPC u xi wħud mill-aktar atturi attivi tal-ewwel snin naqqsu l-involviment
tagħhom, li parzjalment jispjega għaliex l-attivitajiet tan-Netwerk
qed jimxu b’ħeffa relattivament imnaqqsa f’dak li għandu x'jaqsam ma'
każijiet ġodda mill-2010 'l hawn. Il-komplessitajiet ta' infurzar transkonfinali li
jirriżultaw minn leġiżlazzjoni nazzjonali diverġenti
tal-konsumaturi u d-differenzi bejn ir-regoli proċedurali applikabbli
fl-Istati Membri saru aktar evidenti meta mqabbla mal-ewwel snin tan-Netwerk,
meta l-awtoritajiet kienu jiffukaw primarjament fuq it-tagħlim dwar kif
tintuża s-sistema. Il-proċeduri twal, l-istrateġiji differenti
għall-infurzar kif ukoll il-livelli ta' esperjenza komplew eżaminaw
kemm l-awtoritajiet huma lesti biex jaħdmu permezz tan-Netwerk CPC. F’xi każijiet, id-diffikultajiet li
ltaqgħu magħhom l-awtoritajiet jistgħu jkunu l-ewwel
indikazzjoni li l-qafas leġiżlattiv stabbilit mir-Regolament CPC
jeħtieġ li jiġi adattat sabiex itejjeb l-infurzar transkonfinali.
Dan jista’ jissuġġerixxi wkoll li l-proċeduri nazzjonali
jeħtieġ li jkomplu jiġu reveduti fid-dawl tal-qafas ta'
koperazzjoni tas-CPC biex jiżguraw li l-awtoritajiet huma kapaċi
jilħqu l-għanijiet tar-Regolament bis-sħiħ. L-emenda teknika tal-anness tar-Regolament CPC,
adottata fl-2011, ġabet iktar ċarezza legali fir-rigward tal-lista
tad-dispożizzjonijiet li għalihom japplikaw il-mekkaniżmi ta'
kooperazzjoni. Sal-lum iżda ma hemmx biżżejjed evidenza biex
wieħed jinbeda proċess leġiżlattiv li jirrevedi
r-Regolament b'mod aktar sostanzjali. L-evalwazzjoni tal-Kummissjoni tas-snin
koperti mir-rapport preżenti turi, għall-kuntrarju, li ħafna
mid-diffikultajiet iffaċċjati min-Network jistgħu jiġu
indirizzati fil-qafas legali eżistenti. Jeħtieġ, għalhekk, li jinġabru
aktar esperjenza u tagħrif biex jifformaw idea aħjar dwar jekk
ir-Regolament għandux jiġu rivedut u jekk iva, kif. B'mod partikolari
l-kwistjoni dwar il-kamp ta' applikazzjoni tar-Regolament jeħtieġ li
tiġi evalwata fil-fond, inkluża l-kwistjoni li possibbilment
jiddaħħlu liġijiet sostantivi oħra fl-Anness. Barra minn
hekk, l-iżgurar li jkunu allokati riżorsi adegwati lill-awtoritajiet
se tibqa' sfida ewlenija fil-ġejjieni kif ukoll fattur kritiku
għas-suċċess tan-Netwerk.
5.2.
Prospettivi għall-ġejjieni
F’dan l-isfond, l-ewwel prijorità tal-Kummissjoni
se tkun li taħdem mill-qrib flimkien mal-Istati Membri biex tindirizza
n-nuqqasijiet identifikati fi ħdan il-qafas leġiżlattiv
eżistenti. Il-Kummissjoni identifikat l-oqsma li ġejjin
li fuqhom għandhom jiġu kkonċentrati l-isforzi fit-terminu
l-qasir u l-medju: ·
Is-segwitu tal-isforzi għall-konsolidazzjoni
tan-Netwerk permezz tat-titjib tal-funzjonalitajiet tal-għodda tal-IT
tan-Netwerk, l-iżgurar ta' taħriġ għal uffiċjali
kompetenti permezz tan-netwerk tat-trejners u l-iżgurar li r-regoli ta’
implimentazzjoni jiffaċilitaw it-trattament konsistenti u aktar
veloċi tat-talbiet għall-assistenza reċiproka. ·
Iż-żamma tal-finanzjament ta’
attivitajiet komuni għall-inkoraġġiment addizzjonali
tal-iskambju tal-aħjar prattika u l-esperjenza, iżda wkoll
l-evalwazzjoni mill-ġdid tal-iskema ta' skambju tal-uffiċjali attwali
fid-dawl tal-esperjenza miksuba u l-kummenti mill-awtoritajiet nazzjonali. ·
Il-prosegwiment tal-ħidma mal-awtoritajiet
għall-iżvilupp ta' approċċ komuni lejn l-infurzar permezz
ta' diskussjonijiet f'workshops, l-attivitajiet komuni u
l-"kontrolli." In-Netwerk jista’ jibbenefika wkoll mill-esplorazzjoni
ta' metodi ġodda biex jitwettqu l-attivitajiet miftiehma ta' sorveljanza
tas-suq u ta' infurzar kif stabbilit fl-Artikolu 9 tar-Regolament. Dan
kien jidher fil-"kontrolli" tal-2009 u l-2010, fejn grupp ta'
awtoritajiet rabtu l-"kontroll" flimkien ma' attivitajiet oħra
ta' infurzar biex l-impatt jilħaq l-ogħla livell tiegħu.
Diskussjoni dwar kif wieħed jista' jagħmel l-aħjar użu mill-allerti
fin-Netwerk hija meħtieġa wkoll. ·
It-titjib ulterjuri tal-ippjanar tal-attivitajiet
tan-Netwerk. Il-Pjanijiet ta' Azzjoni ta' Infurzar annwali jikkostitwixxu
l-ewwel pass 'il quddiem lejn l-identifikazzjoni ta' oqsma ta’ interess komuni
għall-awtoritajiet tan-Netwerk iżda dan ix-xogħol irid jimxi 'l
quddiem. Dan sar saħansitra iktar importanti billi l-awtoritajiet
qegħdin joperaw fi klima kkaratterizzat minn restrizzjonijiet ta'
riżorsi u jesperjenzaw diffikultajiet fir-rikonċiljazzjoni tal-prijoritajiet
nazzjonali ma' dawk tas-CPC. L-awtoritajiet kellhom l-ewwel diskussjoni dwar
il-kwistjoni fil-qafas ta' workshop dwar il-prijoritizzazzjoni tal=attivitajiet
fi tmiem l-2011. ·
Bl-istess mod, in-Netwerk hemm bżonn li
jiżviluppa modi aktar effettivi biex jidentifika l-prijoritajiet ta'
infurzar f'livell Ewropew, li jgħaqqad l-ewwel tagħrif li jasal
mingħand il-konsumaturi li huwa disponibbli f'livell nazzjonali flimkien
mad-dejta li ġejja minn għodod bħat-Tabella ta' Valutazzjoni
tas-Swieq tal-Konsumaturi, id-dejtabejż dwar l-ilmenti l-ġodda jew
id-dejtabejż tan-Netwerk ECC. Rigward il-"kontrolli" (sweeps)
tal-UE, grupp ta' awtoritajiet bħalissa qed jesplora kif jista' jiġi
identifikat aħjar it-theddid emerġenti fuq l-internet filwaqt li
sussegwentement jiżgura li tiġi identifikata azzjoni ta' segwitu
adegwata min-Netwerk. ·
L-iżvilupp ta' sforzi biex jgħollu
l-profil pubbliku tan-Netwerk CPC. L-attivitajiet tal-istampa relatati
mal-"konrolli" jagħtu ċerta viżibbiltà lill-kisbiet
tan-Netwerk, iżda ftit wisq huwa magħruf dwar ir-riżultat
tal-kooperazzjoni fl-infurzar (ġeneralment) bilaterali. Ir-rapporti
biennali nazzjonali jindikaw li x-xogħol fis-CPC qed jipproduċi
riżultati tanġibbli għall-konsumaturi iżda t-tagħrif
ipprovdut għadu limitat. Mill-ġdid, grupp ta' awtoritajiet
bħalissa qed jaħdem fuq il-ħolqien ta’ strateġija ta’
komunikazzjoni interna u esterna li tiġi implimentata fil-forma ta'
pjanijiet ta' komunikazzjoni approvati mill-Kumitat tas-CPC. Il-grupp diġà
pproduċa l-ewwel riżultati tanġibbli fil-forma ta’ newsletter li
qed tintbagħat lill-awtoritajiet darbtejn fis-sena. F'perspettiva aktar fit-tul, il-Kummissjoni qed
tkompli tivvaluta l-qafas ta' kooperazzjoni u l-proċeduri stabbiliti
mir-Regolament CPC bil-ħsieb li tevalwa jekk xi wħud mid-diffikultajiet
li ltaqa' magħhom in-Netwerk jistgħux jeħtieġu rispons
leġiżlattiv. Is-sejbiet tar-rapport preżenti
jikkostitwixxu l-ewwel pass f 'dan il-proċess u kienu l-bażi
għat-tħejjija tat-termini ta’ referenza ta’ evalwazzjoni esterna li
l-Kummissjoni se tniedi dalwaqt, u li se tagħti r-riżultati fl-2012.
Kwistjoni li jeħtieġ li tiġi eżaminata f’dan il-kuntest
hija l-impatt li l-kamp ta' applikazzjoni pjuttost wiesa' tal-anness
tar-Regolament CPC qed ikollu fuq l-effikaċja u l-effiċjenza
tan-Netwerk, speċjalment f’oqsma fejn jeżistu oqfsa kooperattivi
oħra. Jeħtieġ ukoll li r-rwol tal-Kummissjoni fl-attivitajiet
tan-Netwerk jiġi studjat. ANNESS 1. Għadd totali ta’
talbiet għall-assistenza reċiproka Sena || Allerti (Art. 7) || Talbiet għat-Tagħrif (Art. 6) || Talbiet għall-Infurzar (Art. 8) || TOTAL 2007 || 71 || 161 || 95 || 327 2008 || 100 || 122 || 170 || 392 2009 || 44 || 150 || 170 || 364 2010 || 37 || 89 || 134 || 260 TOTALI || 252 || 522 || 569 || 2. Talbiet
għall-assistenza reċiproka għal kull direttiva miksura (2007 – 2010) || Art. 6 Tagħrif || Art. 7 allerti || Art. 8 Infurzar || TOTAL 2007 || 2008 || 2009 || 2010 || 2007 || 2008 || 2009 || 2010 || 2007 || 2008 || 2009 || 2010 Direttiva 2005/29/KE dwar prattiki kummerċjali żleali || 1 || 86 || 125 || 68 || 0 || 40 || 30 || 29 || 4 || 73 || 112 || 86 || 654 Direttiva 84/450/KEE dwar reklamar qarrieqi || 48 || 0 || 0 || 0 || 34 || 0 || 0 || 0 || 35 || 0 || 0 || 0 || 117 Direttiva 2000/31/KE dwar il-kummerċ elettroniku || 3 || 9 || 13 || 16 || 7 || 20 || 14 || 8 || 15 || 48 || 54 || 40 || 247 Direttiva 93/13/KE dwar klawżoli inġusti f’kuntratti mal-konsumatur || 21 || 10 || 30 || 6 || 15 || 7 || 6 || 1 || 10 || 14 || 14 || 37 || 171 Direttiva 97/7/KE dwar kuntratti li jsiru mill-bogħod || 11 || 4 || 18 || 22 || 4 || 11 || 2 || 4 || 9 || 22 || 35 || 19 || 161 Direttiva 97/55/KE li temenda d-Direttiva 84/450/KEE dwar reklamar qarrieqi sabiex tinkludi reklamar komparattiv || 40 || 0 || 0 || 0 || 4 || 0 || 0 || 0 || 3 || 0 || 0 || 0 || 47 Direttiva 94/47/KE dwar it-timesharing || 27 || 0 || 0 || 0 || 1 || 1 || 0 || 0 || 0 || 0 || 0 || 1 || 30 Direttiva 85/577/KE dwar kuntratti nnegozjati barra mil-lok tan-negozju || 1 || 10 || 2 || 3 || 0 || 6 || 0 || 1 || 1 || 0 || 7 || 5 || 36 Direttiva 2001/83/KE dwar prodotti mediċinali għall-użu mill-bniedem || 2 || 0 || 3 || 0 || 3 || 2 || 0 || 0 || 6 || 2 || 4 || 7 || 29 Direttiva 1999/44/KE dwar il-bejgħ ta’ oġġetti tal-konsum u garanziji assoċjati magħhom || 2 || 1 || 2 || 1 || 1 || 3 || 4 || 2 || 3 || 4 || 8 || 8 || 39 Regolament (KE) Nru 261/2004 dwar imbarkazzjoni miċħuda u kanċellazzjoni jew dewmien twil fit-titjiriet || 1 || 1 || 0 || 0 || 1 || 2 || 0 || 0 || 3 || 4 || 7 || 1 || 20 Direttiva 98/6/KE dwar l-indikazzjoni tal-prezzijiet || 0 || 0 || 1 || 2 || 0 || 1 || 0 || 0 || 2 || 3 || 5 || 1 || 15 Direttiva 90/314/KE dwar il-vjaġġi kollox kompriż (package travel), il-vaganzi kollox kompriż u t-tours kollox kompriż || 2 || 1 || 1 || 1 || 0 || 2 || 1 || 2 || 1 || 0 || 0 || 5 || 16 Direttiva 2002/65/KE dwar it-tqegħid fis-suq b’distanza ta’ servizzi finanzjarji ta' konsumaturi || 0 || 0 || 1 || 0 || 1 || 3 || 0 || 0 || 1 || 0 || 2 || 1 || 9 Direttiva 87/102 dwar il-kreditu lill-konsumatur || 1 || 0 || 1 || 1 || 0 || 1 || 1 || 0 || 0 || 0 || 0 || 0 || 5 Direttiva 89/552 dwar it-twettiq ta' attivitjiet ta' xandir bit-televiżjoni || 0 || 0 || 0 || 0 || 1 || 1 || 0 || 0 || 0 || 0 || 0 || 0 || 2 3. Talbiet
għall-assistenza reċiproka għal kull settur (2007 – 2010) || 2007 || 2008 || 2009 || 2010 || Total Art 6 || Art 8 || Art 7 || Art 6 || Art 8 || Art 7 || Art 6 || Art 8 || Art 7 || Art 6 || Art 8 || Art 7 Ilbies u żraben || 1 || 0 || 0 || 0 || 5 || 0 || 1 || 3 || 1 || 2 || 0 || 1 || 14 Komunikazzjoni || 0 || 2 || 1 || 4 || 25 || 15 || 9 || 24 || 4 || 3 || 8 || 2 || 97 Edukazzjoni || 1 || 0 || 0 || 0 || 2 || 0 || 0 || 0 || 0 || 0 || 0 || 0 || 3 Ikel u xorb mhux alkoħoliku || 1 || 1 || 1 || 2 || 0 || 0 || 4 || 2 || 0 || 2 || 3 || 3 || 19 Għamara, tagħmir tad-dar u manutenzjoni ta’ rutina tad-dar || 0 || 1 || 0 || 1 || 1 || 1 || 9 || 6 || 1 || 5 || 4 || 1 || 30 Saħħa || 6 || 11 || 6 || 5 || 14 || 6 || 6 || 11 || 1 || 9 || 10 || 2 || 87 Akkomodazzjoni, ilma, elettriku, gass u fjuwils oħrajn || 0 || 0 || 0 || 1 || 0 || 0 || 4 || 0 || 0 || 2 || 0 || 0 || 7 Servizzi u oġġetti mixxellanji || 30 || 10 || 9 || 8 || 24 || 12 || 24 || 27 || 18 || 17 || 27 || 6 || 212 Mhux klassifikabbli || 10 || 9 || 4 || 59 || 39 || 35 || 37 || 23 || 5 || 11 || 9 || 6 || 247 Rikreazzjoni u kultura || 35 || 13 || 4 || 15 || 13 || 17 || 23 || 33 || 7 || 26 || 39 || 9 || 234 Ristoranti u lukandi || 5 || 2 || 1 || 19 || 0 || 8 || 6 || 5 || 0 || 7 || 4 || 3 || 60 Trasport || 72 || 46 || 45 || 8 || 47 || 6 || 26 || 36 || 7 || 5 || 30 || 4 || 332 TOTAL || 161 || 95 || 71 || 122 || 170 || 100 || 149 || 170 || 44 || 89 || 134 || 37 || 4. Għadd ta’ jiem (medja)
biex talba għall-assistenza reċiproka tkun magħluqa fis-CPCS || 2008 || 2009 || 2010 Talbiet għal tagħrif (art. 6) || 148 || 208 || 125 Talbiet għall-Infurzar (art. 8) || 177 || 283 || 128 5. Talbiet
għall-assistenza reċiproka għal kull metodu ta' bejgħ (2007
– 2010) || 2007 || 2008 || 2009 || 2010 || Total Art 6 || Art 8 || Art 7 || Art 6 || Art 8 || Art 7 || Art 6 || Art 8 || Art 7 || Art 6 || Art 8 || Art 7 Bejgħ lil hinn mill-postijiet tan-negozju || 0 || 5 || 0 || 11 || 3 || 8 || 6 || 3 || 0 || 3 || 3 || 3 || 45 Katalgu || 6 || 4 || 0 || 0 || 2 || 1 || 1 || 3 || 0 || 1 || 0 || 1 || 19 Bejgħ bieb bieb || 0 || 0 || 0 || 4 || 1 || 2 || 0 || 2 || 0 || 0 || 0 || 1 || 10 posta elettronika || 1 || 3 || 2 || 0 || 0 || 0 || 7 || 2 || 0 || 0 || 1 || 3 || 19 Wiċċ imb'wiċċ || 44 || 2 || 0 || 27 || 3 || 12 || 5 || 6 || 3 || 17 || 8 || 4 || 131 Faks || 0 || 1 || 0 || 0 || 0 || 0 || 4 || 1 || 1 || 58 || 0 || 1 || 66 Internet || 91 || 63 || 54 || 32 || 136 || 72 || 89 || 137 || 34 || 9 || 110 || 25 || 852 Posta || 14 || 5 || 6 || 36 || 13 || 3 || 38 || 10 || 4 || 2 || 10 || 5 || 146 Gazzetta || 0 || 2 || 2 || 0 || 0 || 1 || 2 || 2 || 1 || 7 || 0 || 7 || 24 Mhux magħruf || 0 || 1 || 1 || 5 || 3 || 2 || 1 || 1 || 2 || 2 || 0 || 1 || 19 Nru tat-telefon || 6 || 11 || 7 || 15 || 8 || 2 || 9 || 10 || 3 || 4 || 5 || 1 || 81 Ħanut || 0 || 4 || 2 || 1 || 6 || 0 || 0 || 0 || 0 || 0 || 0 || 0 || 13 Messaġġi testwali || 0 || 1 || 1 || 0 || 2 || 1 || 4 || 7 || 0 || 17 || 0 || 2 || 35 6. Talbiet
għall-assistenza reċiproka maħruġa/irċevuti
(Art. 6-7-8) minn kull Stat Membru bejn l-2007 u l-2010 || 2007 || 2008 || 2009 || 2010 || maħruġa || irċevuti || maħruġa || irċevuti || maħruġa || irċevuti || maħruġa || irċevuti l-Awstrija || 2 || 67 || 3 || 72 || 7 || 44 || 7 || 29 il-Belġju || 128 || 67 || 119 || 85 || 84 || 51 || 29 || 28 il-Bulgarija || 12 || 57 || 2 || 63 || 1 || 34 || 4 || 21 Ċipru || 0 || 60 || 0 || 64 || 0 || 34 || 1 || 26 ir-Repubblika Ċeka || 2 || 59 || 0 || 66 || 4 || 36 || 4 || 27 il-Ġermanja || 5 || 72 || 12 || 101 || 16 || 64 || 13 || 59 id-Danimarka || 12 || 64 || 14 || 66 || 10 || 37 || 10 || 23 l-Estonja || 8 || 57 || 12 || 71 || 6 || 40 || 1 || 21 Spanja || 0 || 72 || 8 || 98 || 23 || 65 || 28 || 50 il-Finlandja || 5 || 58 || 31 || 75 || 2 || 33 || 2 || 23 Franza || 40 || 65 || 16 || 88 || 56 || 81 || 60 || 38 il-Greċja || 0 || 58 || 0 || 68 || 0 || 31 || 1 || 23 l-Ungerija || 70 || 63 || 30 || 61 || 23 || 32 || 22 || 28 l-Irlanda || 0 || 72 || 0 || 84 || 2 || 48 || 0 || 36 l-Italja || 2 || 59 || 2 || 62 || 4 || 42 || 2 || 33 il-Litwanja || 0 || 57 || 0 || 67 || 4 || 33 || 4 || 22 il-Lussemburgu || 0 || 62 || 0 || 70 || 1 || 39 || 2 || 27 il-Latvja || 4 || 63 || 11 || 66 || 6 || 36 || 6 || 24 Malta || 0 || 55 || 0 || 55 || 3 || 34 || 8 || 23 il-Pajjiżi l-Baxxi || 3 || 102 || 13 || 120 || 28 || 82 || 9 || 61 il-Polonja || 1 || 61 || 9 || 65 || 3 || 35 || 5 || 28 il-Portugall || 0 || 60 || 1 || 68 || 3 || 39 || 0 || 29 ir-Rumanija || 0 || 53 || 0 || 53 || 1 || 35 || 0 || 25 l-Isvezja || 7 || 65 || 33 || 79 || 12 || 44 || 6 || 30 is-Slovenja || 0 || 59 || 0 || 67 || 0 || 31 || 1 || 21 is-Slovakkja || 2 || 65 || 3 || 72 || 11 || 36 || 6 || 28 ir-Renju Unit || 14 || 90 || 65 || 84 || 45 || 84 || 27 || 54 TOTAL || 317 || || 384 || || 355 || || 258 || 7. Talbiet
għall-assistenza reċiproka rċevuti minn kull Stat Membru fl-2007 || Talbiet għat-Tagħrif Art. 6 || Allerti Art. 7 || Talbiet għall-Infurzar Art. 8 || TOTAL || maħruġa || irċevuti || maħruġa || irċevuti || maħruġa || irċevuti || maħruġa || irċevuti l-Awstrija || 1 || 4 || 0 || 56 || 1 || 7 || 2 || 67 il-Belġju || 42 || 7 || 51 || 54 || 35 || 0 || 128 || 67 il-Bulgarija || 4 || 2 || 0 || 55 || 8 || 0 || 12 || 57 Ċipru || 0 || 3 || 0 || 56 || 0 || 1 || 0 || 60 ir-Repubblika Ċeka || 1 || 4 || 0 || 55 || 1 || 0 || 2 || 59 il-Ġermanja || 1 || 10 || 2 || 55 || 2 || 7 || 5 || 72 id-Danimarka || 12 || 7 || 0 || 55 || 0 || 2 || 12 || 64 l-Estonja || 1 || 2 || 1 || 53 || 6 || 2 || 8 || 57 Spanja || 0 || 10 || 0 || 52 || 0 || 10 || 0 || 72 il-Finlandja || 5 || 3 || 0 || 54 || 0 || 1 || 5 || 58 Franza || 19 || 6 || 7 || 56 || 14 || 3 || 40 || 65 il-Greċja || 0 || 2 || 0 || 55 || 0 || 1 || 0 || 58 l-Ungerija || 68 || 4 || 2 || 55 || 0 || 4 || 70 || 63 l-Irlanda || 0 || 7 || 0 || 56 || 0 || 9 || 0 || 72 l-Italja || 0 || 3 || 2 || 54 || 0 || 2 || 2 || 59 il-Litwanja || 0 || 2 || 0 || 54 || 0 || 1 || 0 || 57 il-Lussemburgu || 0 || 4 || 0 || 56 || 0 || 2 || 0 || 62 il-Latvja || 0 || 5 || 1 || 54 || 3 || 4 || 4 || 63 Malta || 0 || 1 || 0 || 54 || 0 || 0 || 0 || 55 il-Pajjiżi l-Baxxi || 3 || 27 || 0 || 60 || 0 || 15 || 3 || 102 il-Polonja || 0 || 3 || 0 || 55 || 1 || 3 || 1 || 61 il-Portugall || 0 || 5 || 0 || 55 || 0 || 0 || 0 || 60 ir-Rumanija || 0 || 3 || 0 || 49 || 0 || 1 || 0 || 53 l-Isvezja || 3 || 6 || 0 || 54 || 4 || 5 || 7 || 65 is-Slovenja || 0 || 2 || 0 || 54 || 0 || 1 || 0 || 59 is-Slovakkja || 0 || 8 || 0 || 55 || 2 || 2 || 2 || 65 ir-Renju Unit || 0 || 18 || 5 || 63 || 9 || 9 || 14 || 90 TOTAL || 160 || 158 || 71 || || 86 || 92 || 317 || 8. Talbiet
għall-assistenza reċiproka maħruġa minn kull Stat Membru
fl-2008 || Talbiet għat-Tagħrif Art. 6 || Allerti Art. 7 || Talbiet għall-Infurzar Art. 8 || TOTAL || maħruġa || irċevuti || maħruġa || irċevuti || maħruġa || irċevuti || maħruġa || irċevuti l-Awstrija || 1 || 3 || 1 || 66 || 1 || 3 || 3 || 72 il-Belġju || 28 || 9 || 43 || 70 || 48 || 6 || 119 || 85 il-Bulgarija || 0 || 0 || 0 || 63 || 2 || 0 || 2 || 63 Ċipru || 0 || 0 || 0 || 64 || 0 || 0 || 0 || 64 ir-Repubblika Ċeka || 0 || 2 || 0 || 63 || 0 || 1 || 0 || 66 il-Ġermanja || 3 || 13 || 2 || 68 || 7 || 20 || 12 || 101 id-Danimarka || 0 || 1 || 1 || 64 || 13 || 1 || 14 || 66 l-Estonja || 10 || 0 || 0 || 64 || 2 || 7 || 12 || 71 Spanja || 0 || 29 || 0 || 59 || 8 || 10 || 8 || 98 il-Finlandja || 0 || 1 || 20 || 74 || 11 || 0 || 31 || 75 Franza || 7 || 5 || 0 || 65 || 9 || 18 || 16 || 88 il-Greċja || 0 || 5 || 0 || 63 || 0 || 0 || 0 || 68 l-Ungerija || 6 || 3 || 4 || 55 || 20 || 3 || 30 || 61 l-Irlanda || 0 || 2 || 0 || 63 || 0 || 19 || 0 || 84 l-Italja || 1 || 3 || 1 || 51 || 0 || 8 || 2 || 62 il-Litwanja || 0 || 1 || 0 || 63 || 0 || 3 || 0 || 67 il-Lussemburgu || 0 || 1 || 0 || 68 || 0 || 1 || 0 || 70 il-Latvja || 0 || 1 || 1 || 63 || 10 || 2 || 11 || 66 Malta || 0 || 1 || 0 || 54 || 0 || 0 || 0 || 55 il-Pajjiżi l-Baxxi || 2 || 24 || 4 || 59 || 7 || 37 || 13 || 120 il-Polonja || 2 || 1 || 0 || 63 || 7 || 1 || 9 || 65 il-Portugall || 0 || 1 || 1 || 63 || 0 || 4 || 1 || 68 ir-Rumanija || 0 || 0 || 0 || 53 || 0 || 0 || 0 || 53 l-Isvezja || 15 || 2 || 10 || 72 || 8 || 5 || 33 || 79 is-Slovenja || 0 || 1 || 0 || 64 || 0 || 2 || 0 || 67 is-Slovakkja || 0 || 4 || 0 || 63 || 3 || 5 || 3 || 72 ir-Renju Unit || 43 || 8 || 12 || 65 || 10 || 11 || 65 || 84 TOTAL || 118 || 121 || 100 || || 166 || 167 || 384 || 9. Talbiet
għall-assistenza reċiproka maħruġa minn kull Stat Membru
fl-2009 || Talbiet għat-Tagħrif Art. 6 || Allerti Art. 7 || Talbiet għall-Infurzar Art. 8 || TOTALI || maħruġa || irċevuti || maħruġa || irċevuti || maħruġa || irċevuti || maħruġa || irċevuti l-Awstrija || 0 || 7 || 1 || 32 || 6 || 5 || 7 || 44 il-Belġju || 25 || 11 || 25 || 36 || 34 || 4 || 84 || 51 il-Bulgarija || 1 || 3 || 0 || 31 || 0 || 0 || 1 || 34 Ċipru || 0 || 3 || 0 || 31 || 0 || 0 || 0 || 34 ir-Repubblika Ċeka || 0 || 2 || 0 || 31 || 4 || 3 || 4 || 36 il-Ġermanja || 3 || 14 || 0 || 36 || 13 || 14 || 16 || 64 id-Danimarka || 6 || 1 || 0 || 32 || 4 || 4 || 10 || 37 l-Estonja || 0 || 3 || 0 || 33 || 6 || 4 || 6 || 40 Spanja || 7 || 15 || 4 || 37 || 12 || 13 || 23 || 65 il-Finlandja || 0 || 0 || 1 || 31 || 1 || 2 || 2 || 33 Franza || 40 || 20 || 1 || 38 || 15 || 23 || 56 || 81 il-Greċja || 0 || 0 || 0 || 31 || 0 || 0 || 0 || 31 l-Ungerija || 10 || 1 || 1 || 31 || 12 || 0 || 23 || 32 l-Irlanda || 1 || 2 || 0 || 32 || 1 || 14 || 2 || 48 l-Italja || 1 || 3 || 1 || 35 || 2 || 4 || 4 || 42 il-Litwanja || 2 || 1 || 0 || 31 || 2 || 1 || 4 || 33 il-Lussemburgu || 0 || 4 || 0 || 31 || 1 || 4 || 1 || 39 il-Latvja || 0 || 3 || 1 || 31 || 5 || 2 || 6 || 36 Malta || 0 || 3 || 0 || 31 || 3 || 0 || 3 || 34 il-Pajjiżi l-Baxxi || 26 || 21 || 1 || 32 || 1 || 29 || 28 || 82 il-Polonja || 0 || 1 || 0 || 33 || 3 || 1 || 3 || 35 il-Portugall || 0 || 1 || 0 || 34 || 3 || 4 || 3 || 39 ir-Rumanija || 0 || 0 || 0 || 31 || 1 || 4 || 1 || 35 l-Isvezja || 4 || 4 || 0 || 35 || 8 || 5 || 12 || 44 is-Slovenja || 0 || 0 || 0 || 31 || 0 || 0 || 0 || 31 is-Slovakkja || 2 || 0 || 0 || 31 || 9 || 5 || 11 || 36 ir-Renju Unit || 22 || 21 || 8 || 39 || 15 || 24 || 45 || 84 TOTAL || 150 || 149 || 44 || || 161 || 169 || 355 || 10. Talbiet għall-assistenza
reċiproka maħruġa minn kull Stat Membru fl-2010 || Talbiet għat-Tagħrif Art. 6 || Allerti Art. 7 || Talbiet għall-Infurzar Art. 8 || TOTAL || maħruġa || irċevuti || maħruġa || irċevuti || maħruġa || irċevuti || maħruġa || irċevuti l-Awstrija || 3 || 5 || 0 || 22 || 4 || 2 || 7 || 29 il-Belġju || 12 || 2 || 6 || 24 || 11 || 2 || 29 || 28 il-Bulgarija || 0 || 0 || 4 || 21 || 0 || 0 || 4 || 21 Ċipru || 0 || 2 || 1 || 22 || 0 || 2 || 1 || 26 ir-Repubblika Ċeka || 2 || 0 || 1 || 22 || 1 || 5 || 4 || 27 il-Ġermanja || 2 || 12 || 0 || 26 || 11 || 21 || 13 || 59 id-Danimarka || 0 || 0 || 0 || 23 || 10 || 0 || 10 || 23 l-Estonja || 0 || 0 || 0 || 21 || 1 || 0 || 1 || 21 Spanja || 1 || 10 || 5 || 31 || 22 || 9 || 28 || 50 il-Finlandja || 1 || 0 || 1 || 21 || 0 || 2 || 2 || 23 Franza || 45 || 1 || 1 || 23 || 14 || 14 || 60 || 38 il-Greċja || 0 || 1 || 0 || 22 || 1 || 0 || 1 || 23 l-Ungerija || 9 || 2 || 3 || 21 || 10 || 5 || 22 || 28 l-Irlanda || 0 || 3 || 0 || 23 || 0 || 10 || 0 || 36 l-Italja || 1 || 1 || 0 || 26 || 1 || 6 || 2 || 33 il-Litwanja || 1 || 0 || 0 || 21 || 3 || 1 || 4 || 22 il-Lussemburgu || 2 || 3 || 0 || 23 || 0 || 1 || 2 || 27 il-Latvja || 0 || 0 || 0 || 21 || 6 || 3 || 6 || 24 Malta || 0 || 1 || 0 || 21 || 8 || 1 || 8 || 23 il-Pajjiżi l-Baxxi || 1 || 16 || 2 || 24 || 6 || 21 || 9 || 61 il-Polonja || 0 || 0 || 0 || 23 || 5 || 5 || 5 || 28 il-Portugall || 0 || 1 || 0 || 27 || 0 || 1 || 0 || 29 ir-Rumanija || 0 || 1 || 0 || 23 || 0 || 1 || 0 || 25 l-Isvezja || 1 || 4 || 2 || 22 || 3 || 4 || 6 || 30 is-Slovenja || 1 || 0 || 0 || 21 || 0 || 0 || 1 || 21 is-Slovakkja || 1 || 4 || 0 || 23 || 5 || 1 || 6 || 28 ir-Renju Unit || 6 || 18 || 11 || 25 || 10 || 11 || 27 || 54 TOTAL || 89 || 87 || 37 || || 132 || 128 || 258 || 11. Konnessjoni mas-CPCS u verifka
tal-użu – Għadd ta' awtoritajiet Kompetenti - (Diċembru 2010)
Utenti tas-CPCS || Awtoritajiet Total ta' 750 utent attiv fi 30 pajjiż. || Total ta' 346 awtorità u 30 Uffiċċju Uniku ta' Kooperazzjoni b'aċċess għas-CPCS 30 % minn dawn qatt ma ħarġu talba għall-assistenza reċiproka minkejja li għandhom passwerd. [1] Ir-Regolament (KE) Nru 2006/2004 tal-Parlament
Ewropew u tal-Kunsill tas-27 ta’ Ottubru 2004 dwar
il-kooperazzjoni bejn l-awtoritajiet nazzjonali responsabbli
għall-infurzar tal-liġijiet tal-protezzjoni tal-konsumaturi
(ir-Regolament dwar kooperazzjoni fil-protezzjoni tal-konsumaturi); ĠU
L 364, 9.12.2004, p. 1. [2] COM(2009) 336 finali tat-2.7.2009. [3] L-Artikolu 1 tar-Regolament. [4] ĠU L 201, 31.7.2002, p. 37. [5] ĠU L 376, 27.12.2006, p. 21. [6] ĠU L 259, 4.10.2011, p 1. [7] ĠU L 133, 22.5.2008, p. 66. [8] L-Anness tar-Regolament CPC jista' jinbidel iktar
fis-snin li ġejjin minħabba l-adozzjoni ta' testi leġiżlattivi
ġodda fil-qasam tal-ħarsien tal-konsumatur. [9] L-aħħar pubblikazzjoni: Il-lista sħiħa - ĠU C 206, 2.9.2011
u l-Addendum – ĠU 356, 6.12.2011. [10] ĠU L 59, 4.3.2011, p. 63. [11] ĠU L 57, 2.3.2011, p. 44. [12] Opinjoni tal-EDPS dwar
id-Deċiżjoni tal-Kummissjoni 2011/141/UE, u dwar ir-Rakkomandazzjoni
tal-Kummissjoni 2011/136/UE rigward linji gwida għall-implimentazzjoni
tar-regoli tal-protezzjoni tad-dejta fis-CPCS bid-data tal-5 ta' Mejju 2011. [13] Id-Deċiżjoni
tal-Kummissjoni 2007/76/KE; ĠU
L 32, 6.2.2007, p 192. [14] Ta' min jiġbed l-attenzjoni
f'dan il-kuntest, li n-Netwerk jittratta biss ksur ta' interessi kollettivi
tal-konsumaturi f’sitwazzjonijiet transkonfinali u mhux ilmenti individwali
(l-Artikolu 1 u 3 tar-Regolament CPC). [15] ĠU L 149, 11.6.2005, p.22 [16] ĠU L 178, 17.7.2000, p. 1. [17] Dan japplika għar-Regolament 261/2004
dwar id-Drittijiet tal-Passiġġieri tal-Ajru, l-Artikoli 86 sa 100
tad-Direttiva 2001/83/KE dwar prodotti mediċinali għall-użu
mill-bniedem u, skont ir-rimarki meħuda fir-rapporti biennali nazzjonali
għall-artikoli mid-Direttiva tas-Servizzi tal-Midja Awdjoviżivi.