Proposta għal DEĊIŻJONI TAL-KUNSILL dwar l-adozzjoni ta' Programm Supplimentari ta’ Riċerka għall-proġett ITER (2014-2018) /* KUMM/2011/0931 finali - 2011/0460 (NLE) */
MEMORANDUM TA' SPJEGAZZJONI
1.
KUNTEST TAL-PROPOSTA
L-għan tal-proposta annessa għal
Deċiżjoni tal-Kunsill huwa li jiġi definit l-arranġament
ta’ finanzjament tal-kontribuzzjoni tal-UE għall-proġett ITER
għall-perjodu 2014-2018 permezz ta' "Programm Supplimentari ta'
Riċerka" taħt it-Trattat tal-Euratom. L-għan prinċipali tal-proġett
ITER[1] huwa li
jinbena u jitħaddem reattur sperimentali tal-fużjoni. L-ITER huwa
pass ewlieni lejn id-dimostrazzjoni tal-fużjoni bħala sors
sostenibbli ta’ enerġija. Minħabba l-vantaġġi importanti
tiegħu, bħad-disponibilità ta' riżervi kbar tal-fjuwil u
n-nuqqas ta’ emissjonijiet ta’ CO2, il-fużjoni tista’
tikkontribwixxi ħafna għall-istrateġija fit-tul tal-UE
għall-enerġija. Barra minn hekk, il-fużjoni għandha fatturi
inerenti ta' sikurezza li jiddistingwuha mill-enerġija nukleari
tradizzjonali. L-ITER huwa parti mill-Pjan tat-Teknoloġija Enerġetika
Strateġika (SET) u ser jikkontribwixxi għall-istrateġija Ewropa
2020, għaliex l-involviment tal-industrija Ewropea tat-teknoloġija avvanzata
għandu jipprovdi l-UE b’vantaġġ kompetittiv globali f’dan
is-settur promettenti. Il-proġett ITER qed jitwettaq skont
it-termini tal-Ftehim internazzjonali dwar l-Istabbiliment tal-Organizzazzjoni
Internazzjonali għall-Enerġija mill-Fużjoni ITER għall-Implimentazzjoni
Konġunta tal-Proġett ITER (il-"Ftehim ITER")[2] bejn
il-Komunità Ewropea tal-Enerġija Atomika ("Euratom”) u 6 Partijiet
oħra: iċ-Ċina, l-Indja, il-Ġappun, ir-Russja u l-Istati
Uniti. Dan il-ftehim legalment vinkolanti stabbilixxa l-Organizzazzjoni ITER
b’personalità legali internazzjonali sħiħa, bħala l-korp
responsabbli mill-implimentazzjoni konġunta tal-proġett ITER.
Il-Kummissjoni tirrapreżenti l-Euratom fl-istanzi differenti tal-ITER,
b’mod partikolari l-Kunsill tal-ITER, il-korp tat-tmexxija ewlieni
tal-proġett. Fil-qafas tan-negozjati sabiex jinkiseb
l-appoġġ tal-partijiet l-oħra tal-ITER sabiex jiġi
rranġat is-sit għall-ITER fl-Ewropa, l-Euratom u l-Ġappun
ikkonkludew ftehim bilaterali li jistabbilixxi attivitajiet ta' riċerka
konġunta kumplimentari dwar il-fużjoni, msejħa l-attivitajiet
Approċċ Usa’[3]. Bħala Parti Ospitanti u li għandha
l-ikbar sehem tal-kontribuzzjonijiet għall-fażi ta' kostruzzjoni
(5/11, jew madwar 45 % tat-total), l-Euratom għandha
responsabilitajiet u obligazzjonijiet speċjali, inkluż
l-impossibilità tal-irtirar unilterali mill-Ftehim ITER. Il-kontribuzzjoni tal-UE
għall-proġett ITER hija mmaniġjata permezz tal-Impriża
Konġunta Ewropea għall-ITER u għall-Iżvilupp
tal-Enerġija mill-Fużjoni ("Fużjoni għall-Enerġija"),
stabbilita mid-Deċiżjoni tal-Kunsill
fis-27 ta' Marzu 2007[4].
Il-Membri tal-Fużjoni għall-Enerġija (Euratom, is-27 Stat Membru
u l-Isvizzera) huma kollha rappreżentati fil-Bord tat-Tmexxija
tagħha. Il-kontribuzzjoni tal-UE għall-proġett tal-ITER tikkonsisti
prinċipalment minn sistemi maġġuri u komponenti akkwistati
mill-Fużjoni għall-Enerġija u pprovduti “in natura”
lill-Organizzazzjoni ITER waqt il-fażi ta’ kostruzzjoni. Il-Parlament
Ewropew huwa responsabbli għar-rilaxx tal-baġit lill-Fużjoni
għall-Enerġija. Fattur importanti tal-kostruzzjoni tal-ITER
huwa l-isfida teknika estrema. Bl-iskala u l-kumplessità tiegħu
mingħajr preċedent, dan jirrapreżenta impenn maġġuri
b'kontribuzzjonijiet fl-inġinerija ċivili, mekkanika, elettrika u
nukleari. L-ITER jaqsam ċerti karatteristiċi
ma’ proġetti oħra fuq skala kbira ta' interess għall-UE: dawn
jistgħu jkunu disproporzjonalment għaljin relatati mal-baġit
żgħir tal-UE u għandhom tendenza li jaqbżu l-projezzjonijiet
inizjali tal-ispiża. Il-bżonn sussegwenti li jinstabu fondi
addizzjonali jwassal jew għal riallokazzjoni ta' fondi li diġà kienu
ġew imwarrba għal prijoritajiet oħra jew sabiex jiġu
sfidati l-limiti stabbiliti mill-Qafas Finanzjarju Multiannwali (MFF).
Il-Parlament Ewropew ukoll saqsa dwar dawn il-konsegwenzi. Barra minn hekk,
riallokazzjonijiet jistgħu jiġu deċiżi biss wara
proċess interistituzzjonali twil u kumpless li jiġġenera riskji
għat-twettiq tal-impenji adottati mill-UE fuq livell internazzjonali. Dan mhuwiex mudell sostenibbli:
approċċ differenti huwa meħtieġ, wieħed li jipprovdi
ċertezza fit-tul għal dan il-proġett ta’ sfida. Għal din
ir-raġuni, permezz tal-Kommunikazzjoni tagħha tat-29 ta' Ġunju
2011 "Baġit għall-Ewropa 2020"[5]
il-Kummissjoni pproponiet li wara l-2013 tiffinanzja l-kontribuzzjoni tal-UE
għall-proġett ITER lil hinn mill-Qafas Finanzjarju Multiannwali
(MFF). Għalhekk qed jiġi propost illi jiġi stabbilit Programm
Supplimentari ta' Riċerka taħt it-Trattat tal-Euratom
għall-kontribuzzjoni tal-UE għall-proġett ITER
għall-perjodu 2014-2018. Għandu jiġi nnutat illi t-Trattat
tal-Euratom jillimita t-tul ta' żmien tal-Programmi ta’ Riċerka
għal massimu ta’ ħames snin. Skont il-Ftehim ITER, il-proġett
ITER ser ikollu tul ta' żmien inizjali ta’ 35 sena (jiġifieri
sal-2041); għaldaqstant, ser ikunu meħtieġa
deċiżjonijiet sussegwenti mill-Kunsill sabiex jitkompla
l-finanzjament tal-kontribuzzjoni tal-UE għal dan il-proġett. 2. KAMP TA' APPLIKAZZJONI
TAL-PROPOSTA Il-Programm Supplimentari ta’ Riċerka
propost ikopri l-kontribuzzjonijiet lejn il-kostruzzjoni tal-faċilità
ITER, l-akkwist ta’ tagħmir u installazzjonijiet u appoġġ
ġenerali tekniku u amministrattiv għall-proġett waqt
il-kostruzzjoni, u l-parteċipazzjoni fil-kummissjonar u fl-operat inizjali,
kif ukoll attivitajiet oħra relatati mal-ITER, pereżempju dawk
taħt il-Ftehim ta’ Approċċ Usa’. L-Euratom ser tkompli tipparteċipa
fil-governanza, l-immaniġjar u l-provvista ta' persunal
tal-Organizzazzjoni ITER u l-Fużjoni għall-Enerġija skont
id-dispożizzjonijiet tal-ftehim li jistabbilixxi l-Organizzazzjoni ITER u
d-Deċiżjoni tal-Kunsill li tistabbilixxi l-Fużjoni
għall-Enerġija. 3. RIŻULTATI
TAL-KONSULTAZZJONIJIET MAL-PARTIJIET INTERESSATI U L-VALUTAZZJONIJIET
TAL-IMPATT Din il-proposta tqis ir-risposti
għall-konsultazzjoni pubblika estensiva bbażata fuq il-Green Paper
“Minn Sfidi għal Opportunitajiet: Żvilupp ta’ Strateġija Komuni
għall-finanzjament tal-UE għar-riċerka u
għall-innovazzjoni’[6],
fi ħdan il-preparazzjoni tal-Programm ta' Taħriġ u Riċerka
tal-Euratom (2014-2018) li jikkontribwixxi għall-Programm Qafas
għar-Riċerka u l-Innovazzjoni “Orizzont 2020". L-ITER ġie inkluż f’din il-konsultazzjoni u
fl-evalwazzjonijiet interni u esterni għat-tfassil tal-valutazzjoni
tal-impatt. Il-valutazzjoni tal-impatt ikkonkludiet li l-benefiċji tal-ITER,
li jibbilanċjaw ir-riskji xjentifiċi, tekniċi u finanzjarji,
huma, fit-tul taż-żmien, l-esplojtazzjoni kummerċjali
tal-enerġija mill-fużjoni u, fiż-żmien qarib,
il-benefiċċji tal-kompetittività għall-industrija. Fuq il-bażi tal-Komunikazzjoni tad-29 ta’
Ġunju 2011, ġew eżaminati diversi opzjonijiet
għall-modalitajiet ta’ finanzjament tal-proġett ITER lil hinn
mill-MFF. Il-ħolqien tal-Programm
Supplimentari ta’ Riċerka ffinanzjat bil-kontribuzzjonijiet mill-Istati
Membri ser jipprovdi kontinwità għall-proġett, b’mod partikolari
fir-rigward tas-sħab internazzjonali tagħna.
Dan ukoll ser jevita proċess ta’ negozjati mill-ġdid sabiex
jiġi mmodifikat il-Ftehim ITER, proċess kumpless mimli
inċertezzi. 4. ELEMENTI LEGALI TAL-PROPOSTA Il-bażi legali għall-Programm
Supplimentari ta’ Riċerka tinsab fl-Artikolu 7 tat-Trattat
tal-Euratom. Il-Programm Supplimentari ta’
Riċerka, b’tul ta' żmien ta’ 5 snin, ser ikun adottat permezz ta'
Deċiżjoni speċifika tal-Kunsill. 5. IMPLIKAZZJONI BAĠITARJA
Id-‘dikjarazzjoni finanzjarja
leġiżlattiva’ annessa ma’ din il-proposta għal
Deċiżjoni tal-Kunsill tistabbilixxi l-implikazzjonijiet
baġitarji u r-riżorsi umani u amministrattivi meħtieġa
għall-implimentazzjoni tal-Programm Supplimentari ta’ Riċerka. 2011/0460 (NLE) Proposta għal DEĊIŻJONI TAL-KUNSILL dwar l-adozzjoni ta' Programm Supplimentari
ta’ Riċerka għall-proġett
ITER (2014-2018) IL-KUNSILL TAL-UNJONI EWROPEA, Wara li kkunsidra t-Trattat li jistabbilixxi
l-Komunità Ewropea tal-Enerġija Atomika, u b’mod partikolari l-Artikolu 7
tiegħu, Wara li kkunsidra l-proposta mill-Kummissjoni
Ewropea, Wara li kkunsidra l-opinjoni tal-Parlament
Ewropew[7], Wara li kkunsidra l-opinjoni tal-Kumitat
Ekonomiku u Soċjali Ewropew[8], Billi: (1)
Il-Ftehim dwar l-Istabbiliment tal-Organizzazzjoni
Internazzjonali għall-Enerġija mill-Fużjoni ITER
għall-Implimentazzjoni Konġunta tal-Proġett ITER[9] (minn
hawn ‘il quddiem il-"Ftehim ITER”) ġie ffirmat
fil-21 ta’ Novembru 2006 mill-Komunità Ewropea tal-Enerġija
Atomika (Euratom), ir-Repubblika Popolari taċ-Ċina, ir-Repubblika
tal-Indja, il-Ġappun, ir-Repubblika tal-Korea, il-Federazzjoni Russa u
l-Istati Uniti tal-Amerka. Il-Ftehim ITER jistabbilixxi l-Organizzazzjoni
Internazzjonali għall-Enerġija mill-Fużjoni ITER (minn hawn ‘il
quddiem l-"Organizzazzjoni ITER”), li għandha r-responsabiltà
sħiħa għall-kostruzzjoni, l-operat, l-esplojtazzjoni u
d-deattivazzjoni tal-faċilitajiet ITER. (2)
Il-Ftehim ITER jeħtieġ li l-partijiet
kollha jipprovdu kontribuzzjonijiet lill-Organizzazzjoni ITER permezz ta'
entitajiet legali xierqa msemmija “Aġenziji Domestiċi”.
L-Aġenzija Domestika Ewropea li twettaq l-obbligi tal-Euratom lejn
l-Organizzazzjoni ITER ġiet stabbilita permezz tad-Deċiżjoni
tal-Kunsill 2007/198/Euratom tas-27 ta' Marzu 2007 li
tistabbilixxi l-Impriża Ewropea Konġunta għall-ITER u
l-Iżvilupp tal-Enerġija mill-Fużjoni u li tikkonferixxi
vantaġġi fuqha [traduzzjoni mhux uffiċjali][10]. (3)
Fil-qafas tan-negozjati sabiex jinkiseb
l-appoġġ tal-partijiet ITER l-oħrajn biex jitranġa s-sit
għall-ITER fl-Ewropa, il-Ftehim bejn il-Komunità Ewropea tal-Enerġija
Atomika u l-Gvern tal-Ġappun għall-Implimentazzjoni Konġunta
tal-Attivitajiet ta’ Approċċ Usa’ fil-Qasam tar-Riċerka dwar
l-Enerġija mill-Fużjoni[11]
ġie konkluż fl-2007 bl-istabbiliment ta’ attivitajiet ta’
riċerka konġunta kumplimentari dwar il-fużjoni fit-territorju
tal-Ġappun sabiex jiġi żgurat bidu rapidu tal-operat ta'
prestazzjoni għolja tal-ITER. L-attivitajiet ta’ Approċċ Usa’ u
l-attivitajiet oħra relatati mal-ITER huma kkoordinati permezz
tal-Impriża Konġunta Ewropea għall-ITER u l-Iżvilupp ta’
Enerġija mill-Fużjoni. Il-finanzjament tal-attivitajiet
tal-Approċċ Usa’ huwa prinċipalment żgurat permezz ta’
kontribuzzjonijiet in natura minn ċerti membri tal-Impriża Konġunta
Ewropea għall-ITER u l-Iżvilupp ta’ Enerġija mill-Fużjoni,
waqt li l-parti li tibqa’ mill-kontribuzzjoni tal-Euratom hija koperta
mill-baġit tal-Euratom. (4)
L-ispejjeż stmati għall-kostruzzjoni
tal-ITER żdiedu meta ppargunati mal-istimi inizjali tal-2001, fuq liema
kien ibbażat il-Ftehim ITER. Fil-konklużjonijiet tiegħu tat-12
ta’ Lulju 2010 dwar l-istatus tal-ITER u l-passi ‘l quddiem possibbli,
il-Kunsill tal-Unjoni Ewropea illimita l-kontribuzzjoni Ewropea
għall-fażi tal-kostruzzjoni tal-ITER għal ammont ta’
EUR 6,6 biljun f'valur tal-2008. Skont dawn il-konklużjonijiet,
il-kontribuzzjoni Ewropea hija ffinanzjata mill-Euratom (80 %) u minn
Franza (20 %) u tinkludi spejjeż ta' kostruzzjoni, kostijiet
tal-operat u kontinġenzi. Bħala riżultat ta’ dawk
il-konklużjonijiet, il-Kummissjoni pproponiet li jiġi emendat
il-Ftehim Interistituzzjonali tal-17 ta’ Mejju 2006 dwar id-dixxiplina baġitarja u t-tmexxija
finanzjarja tajba fir-rigward tal-qafas multiannwali[12] (MFF)
għall-perjodu 2007-2013 jiġu pprovduti l-fondi addizzjonali
għall-ITER għall-perjodu tal-2012-2013. (5)
Għall-perjodu ta’ wara l-2013, il-Kummissjoni
fil-komunikazzjoni tagħha “Baġit għall-Ewropa 2020"[13]ipproponiet
li tiffinanzja l-proġett ITER lil hinn mill-MFF. Għalhekk,
il-Programm Supplimentari ta’ Riċerka għall-proġett ITER
għandu jiġi stabbilit għall-perjodu tal-2014 sal-2018. (6)
Il-Programm Supplimentari ta’ Riċerka
għall-proġett ITER għandu jkun iffinanzjat b'kontribuzzjonijiet
mill-Istati Membri bbażati fuq rata ta' sejħa applikata
għad-Dħul Nazzjonali Gross (DNG) ta’ kull Stat Membru kif definit għall-iskop
tal-kalkolu tal-kontribuzzjoni abbażi tad-DNG tar-riżorsi proprji
tal-Baġit Ġenerali tal-Unjoni Ewropea. Dawk il-kontribuzzjonijiet
għandhom isiru lill-Baġit Ġenerali tal-Unjoni Ewropea, u
għandhom jiġu assenjati għal dak il-Programm. Pajjiżi terzi
li kkonkludew ftehim ta’ kooperazzjoni mal-Euratom fil-qasam tal-fużjoni
nukleari kkontrollata li jassoċja l-programmi ta’ riċerka rispettivi
tagħhom mal-programmi Euratom għandhom ukoll ikunu jistgħu
jikkontribwixxi għal dak il-Programm. (7)
L-interessi finanzjarji tal-Unjoni għandhom
ikunu mħarsa permezz ta' miżuri proporzjonali matul
iċ-ċiklu kollu tan-nefqa, inkluż il-prevenzjoni, l-identifikazzjoni
u l-investigazzjoni ta' irregolaritajiet, l-irkupru ta' fondi mitlufa,
imħallsa jew użati b'mod skorrett u, fejn xieraq, penali. (8)
Il-Kumitat Xjentifiku u Tekniku pprovda
lill-Kummissjoni l-opinjoni tiegħu dwar il-Programm Euratom
għar-Riċerka u t-Taħriġ (2014-2018) li jikkontribwixxi
għall-Programm Qafas għar-Riċerka u l-Innovazzjoni “Orizzont
2020”. Il-kontenut xjentifiku u tekniku tal-attivitajiet ITER jibqa’ l-istess
f'dan il-Programm Supplimentari ta' Riċerka. ADOTTA DIN ID-DEĊIŻJONI: Artikolu 1 Il-Programm Supplimentari ta’ Riċerka
għall-proġett ITER huwa stabbilit għall-perjodu
mill-1 ta’ Jannar 2014 sal-31 ta’ Diċembru 2018
(minn hawn ‘il quddiem il-“Programm”). Dan għandu jiffinanzja
l-attivitajiet neċessarji sabiex tiġi pprovduta l-kontribuzzjoni
tal-Komunità Ewropea tal-Enerġija Atomika (Euratom) lill-Organizzazzjoni
ITER, inklużi dawk l-attivitajiet meħtieġa
għall-kostruzzjoni, l-operat u l-esplojtazzjoni tal-faċilitajiet ITER
kif ukoll l-attivitajiet relatati mal-ITER. L-objettiv, ir-raġunijiet u
l-attivitajiet xjentifiċi u teknoloġiċi tal-Programm huma
stabbiliti fl-Anness. Artikolu 2 Il-Programm għandu jkun iffinanzjat
permezz ta’ kontribuzzjoni massima ta’ EUR 2,573 miljun (f’valuri
kurrenti) skont l-Artikolu 3. Artikolu 3 Il-Programm għandu jkun iffinanzjat minn
kontribuzzjonijiet tal-Istati Membri, ibbażati fuq rata ta’ sejħa
applikata għad-Dħul Nazzjonali Gross (DNG) ta’ kull Stat Membru, kif
definit għall-iskopijiet ta' kalkolu tal-kontribuzzjoni tar-riżorsi
proprji abbażi tad-DNG lill-Baġit Ġenerali tal-Unjoni Ewropea.
Dawk il-kontribuzzjonijiet għandhom ikunu kkunsidrati bħala dħul
estern assenjat għall-Programm skont [l-Artikolu
XX tar-Regolament (UE) Nru XX/2012 tal-Parlament Ewropew u tal-Kunsill [Ir-Regolament
Finanzjarju Ġdid][14]. Artikolu 4 Il-pajjiżi terzi li kkonkludew ftehim ta’
kooperazzjoni mal-Euratom fil-qasam tal-fużjoni nukleari kkontrollata li
jassoċjaw il-programmi rispettivi ta' riċerka tagħhom
mal-programmi tal-Euratom (minn hawn ‘il quddiem "pajjiżi
assoċjati”) jistgħu wkoll jikkontribwixxu lill-Programm. Il-kontribuzzjoni tal-pajjiżi
assoċjati għandha tkun determinata fil-ftehim rispettiv ta’
kooperazzjoni mal-Euratom fil-qasam tal-fużjoni nukleari kontrollata. Artikolu 5 Il-Programm għandu jkun implimentat
mill-Kummissjoni skont ir-Regolament (UE) Nru XXXX/2012 [Regolament
Finanzjarju Ġdid]. Il-Kummissjoni tista’ tafda l-implimentazzjoni
lill-Impriża Ewropea Konġunta għall-ITER u l-Iżvilupp
tal-Enerġija mill-Fużjoni[15]
skont [l-Artikolu XX tar-Regolament (UE) Nru XXXX/2012 tal-Parlament
Ewropew u l-Kunsill [Regolament Finanzjarju Ġdid]. Artikolu 6 1. Il-Kummissjoni għandha tieħu
l-miżuri xierqa biex tiżgura li, meta jiġu implimentati
l-azzjonijiet iffinanzjati skont din id-Deċiżjoni, jitħarsu
l-interessi finanzjarji tal-Unjoni permezz tal-applikazzjoni ta' miżuri
ta' prevenzjoni kontra l-frodi, il-korruzzjoni u kontra kwalunkwe attività
illegali oħra, bis-saħħa ta' verifki effettivi u, fil-każ
li jiġu identifikati irregolaritajiet, permezz tal-irkupru tal-ammonti
mħallsa b'mod skorrett, u fejn xieraq, b'penali effettivi, proporzjonali u
deterrenti. 2. Il-Kummissjoni jew ir-rappreżentanti
tagħha u l-Qorti tal-Awdituri għandu jkollhom is-setgħa tal-awditu,
abbażi ta' dokumenti u ta' verifiki u spezzjonijiet fuq il-post, fuq
il-benefiċjarji, il-partijiet kontraenti u s-subkuntratturi kollha u
partijiet terzi oħrajn li rċevew fondi mill-Unjoni skont din
id-Deċiżjoni. L-Uffiċċju Ewropew Kontra l-Frodi
(OLAF) jista' jwettaq verifiki u spezzjonijiet fuq il-post fuq l-atturi
ekonomiċi konċernati direttament jew indirettament minn tali
finanzjament skont il-proċeduri stabbiliti fir-Regolament tal-Kunsill
(Euratom, KE) Nru 2185/96 bil-għan li jkun stabbilit jekk kienx hemm
frodi, korruzzjoni jew kwalunkwe attività illegali oħra li taffettwa
l-interessi finanzjarji tal-Unjoni f'konnessjoni ma' ftehim ta' għotja jew
ma' deċiżjoni ta' għotja jew ma' kuntratt li jikkonċerna
finanzjament mill-Unjoni. Bla ħsara għall-ewwel u t-tieni
subparagrafi, ftehimiet ta' kooperazzjoni ma' pajjiżi terzi u ma'
organizzazzjonijiet internazzjonali, ftehimiet ta' għotja, deċiżjonijiet
ta' għotja u kuntratti li jirriżultaw mill-implimentazzjoni ta' din
id-Deċiżjoni għandhom jagħtu s-setgħa b'mod
espliċitu lill-Kummissjoni u lill-OLAF biex iwettqu awditi, verifiki u
spezzjonijiet fuq il-post. Artikolu 7 Din id-Deċiżjoni għandha
tidħol fis-seħħ fit-tielet jum wara l-pubblikazzjoni tagħha
f’Il-Ġurnal Uffiċjali tal-Unjoni Ewropea. Din għandha tapplika mill-1 ta’ Jannar
2014. Artikolu 8 Din id-Deċiżjoni hija indirizzata
lill-Istati Membri. Magħmul fi Brussell, Għall-Kunsill Il-President ANNESS L-OBJETTIV,
IR-RAĠUNIJIET U L-ATTIVITAJIET XJENTIFIĊI U TEKNOLOĠIĊI
TAL-PROGRAMM SUPPLIMENTARI TA’ RIĊERKA GĦALL-PROĠETT ITER Objettiv xjentifiku u teknoloġiku L-objettiv tal-Programm Supplimentari ta'
Riċerka għall-proġett ITER għandu jkun li jimplimenta
l-ITER bħala pass importanti 'il quddiem lejn il-ħolqien ta’
prototipi ta’ reatturi għal stazzjonijiet tal-enerġija
mill-fużjoni li huma sikuri, sostenibbli, ambjentalment responsabbli, u
ekonomikament vijabbli. L-ewwel priorità tal-istrateġija biex
jinkised l-objettiv għandha tkun il-konstruzzjoni ta’ ITER (faċilità
kbira sperimenti li turi l-fattibilità xjentifika u teknika tal-enerġija
mill-fużjoni), segwita mill-kostruzzjoni ta’ impjant ta’ dimostrazzjoni
tal-enerġija mill-fużjoni. Raġuni prinċipali Il-fużjoni għandha l-potenzjal li
tagħmel kontribuzzjoni maġġuri għat-twettiq ta' provvista
ta' enerġija sostenibbli u sikura għall-Unjoni ftit deċennji
mil-lum. L-iżvilupp tiegħu b’suċċess kieku jipprovdi
enerġija li tkun sikura, sostenibbli u li ma tagħmilx ħsara
lill-ambjent. Id-dimensjoni globali tar-R&Ż
tal-fużjoni hija inkorporata fil-ftehim li jistabbilixxi
l-Orgnanizzazzjoni Internazzjonali tal-Enerġija mill-Fużjoni
għall-Proġett ITER u fil-Ftehim bejn il-Gvern tal-Ġappun u
l-Euratom għall-Attivitajiet ta’ Approċċ Usa’ fil-Qasam
tar-Riċerka dwar l-Enerġija mill-Fużjoni li huma kumplimentari
għall-attivitajiet ITER. Attivitajiet Il-Programm Supplimentari ta’ Riċerka
għall-proġett ITER ser jipprovdi l-kontribuzzjoni tal-Euratom lejn
l-attivitajiet tal-Impriża Ewropea Konġunta għall-ITER u
l-Iżvilupp tal-Enerġija mill-Fużjoni (Fużjoni
għall-Enerġija), kif stabbilit fid-Deċiżjoni tal-Kunsill
tas-27 ta’ Marzu 2007 (2007/198/Euratom). L-attivitajiet ta’ Fużjoni
għall-Enerġija, għall-perjodu 2014 – 2018, għandhom ikunu
kif ġejjin: (a) Sabiex tiġi pprovduta
l-kontribuzzjoni tal-Euratom lill-Organizzazzjoni Internazzjonali
għall-Enerġija mill-Fużjoni ITER, inklużi dawk
l-attivitajiet ta’ R&Ż meħtieġa għall-iżvilupp
tal-bażi tal-akkwist tal-komponenti ITER u l-akkwist tal-Moduli
Ġenerali tal-Ittestjar tal-ITER. (b) Sabiex tiġi pprovduta
l-kontribuzzjoni Euratom għall-Attivitajiet ta’ Approċċ Usa’
mal-Ġappun; (ċ) Kif xieraq, attivitajiet oħra
sabiex tiġi ppreparata l-bażi għad-disinn ta’ reattur ta'
dimostrazzjoni u faċilitajiet relatati. Il-funzjonament ta’ Fużjoni
għall-Enerġija, il-ġestjoni u l-provvista ta’ persunal
tiegħu, kif ukoll l-appoġġ tekniku u amministrattiv
ġenerali huma wkoll koperti mill-Programm Supplimentari ta’ Riċerka għall-proġett
ITER. Il-programmi ta’ ħidma dettaljati li
jimplimentaw l-attivitajiet t'hawn fuq ser ikunu deċiżi, fuq
bażi annwali, mill-Bord tat-Tmexxija tal-Fużjoni
għall-Enerġija. DIKJARAZZJONI FINANZJARJA
LEĠIŻLATTIVA 1. QAFAS TAL-PROPOSTA/INIZJATTIVA 1.1. Titolu tal-proposta/inizjattiva 1.2. Qasam/oqsma tal-politika konċernata/i
fl-istruttura ABM/ABB 1.3. Natura tal-proposta/inizjattiva 1.4. Objettiv(i) 1.5. Raġunijiet
għall-proposta/inizjattiva 1.6. Tul ta' żmien u impatt finanzjarju 1.7. Metodu/i ta’ ġestjoni maħsub(a) 2. MIŻURI TA’ ĠESTJONI 2.1. Regoli ta’ monitoraġġ u rapportar 2.2. Sistema ta’ ġestjoni u kontroll 2.3. Miżuri għall-prevenzjoni tal-frodi
u irregolaritajiet 3. IMPATT FINANZJARJU STMAT TAL-PROPOSTA/INIZJATTIVA 3.1. Intestatura/i tal-qafas finanzjarju
multiannwali u intestatura/i tal-baġit tal-infiq affettwati 3.2. Impatt stmat fuq l-infiq 3.2.1. Sommarju tal-impatt stmat fuq l-infiq 3.2.2. Impatt stmat fuq l-approprjazzjonijiet operattivi 3.2.3. Impatt stmat fuq l-approprjazzjonijiet ta’ natura amministrattiva 3.2.4. Kompatibiltà mal-qafas finanzjarju multiannwali attwali 3.2.5. Parteċipazzjoni ta’ partijiet terzi fil-finanzjament 3.3. Impatt stmat fuq id-dħul DIKJARAZZJONI
FINANZJARJA LEĠIŻLATTIVA
1.
QAFAS TAL-PROPOSTA/INIZJATTIVA
1.1.
Titolu tal-proposta/inizjattiva
Deċiżjoni
tal-Kunsill dwar l-adozzjoni ta’ Programm Supplimentari ta’ Riċerka
għall-ITER (2014-2018)
1.2.
Qasam/oqsma tal-politika konċernata/i
fl-istruttura ABM/ABB[16]
-
XX XX ITER
1.3.
Natura tal-proposta/inizjattiva
¨ Il-proposta/inizjattiva hija relatata ma' azzjoni ġdida ¨ Il-proposta/inizjattiva
hija relatata ma’ azzjoni ġdida li ssegwi proġett pilota/azzjoni
preparatorja[17] ý Il-proposta/inizjattiva
hija relatata mal-estensjoni ta’ azzjoni eżistenti ¨ Il-proposta/inizjattiva
hija relatata ma’ azzjoni ridirezzjonata lejn azzjoni ġdida
1.4.
Objettivi
1.4.1.
L-objettiv(i) strateġiċi multiannwali
tal-Kummissjoni fil-mira tal-proposta/inizjattiva
Il-Programm
Supplimentari ta’ Riċerka għall-ITER (“il-Programm”) għandu
jkollu bħala l-objettiv ġenerali li jikkontribwixxi
għad-dekarbonizzazzjoni fit-tul tas-sistema tal-enerġija b'mod sikur
u effiċjenti. Il-Programm ser jikkontribwixxi lejn l-istrateġija
Ewropa 2020 u lejn il-flagship “Unjoni tal-Innovazzjoni” permezz
tal-appoġġ tal-mobilizzazzjoni tal-industriji tat-teknoloġija
avvanzata Ewropej li ser jiksbu ħiliet u kapaċitajiet ta’ manifattura
ġodda permezz tal-parteċipazzjoni fil-kuntratti ta’ akkwist
tal-Fużjoni għall-Enerġija (F4E).
1.4.2.
Objettiv(i) speċifiċi u attivita(jiet)
ABM/ABB konċernati għall-azzjonijiet indiretti
Sabiex tiġi pprovduta l-kontribuzzjoni
tal-Euratom lill-Organizzazzjoni ITER għall-kostruzzjoni, l-operat u
l-esplojtazzjoni tal-faċilitajiet ITER, kif ukoll għall-attivitajiet
relatati mal-ITER. Attività/attivitajiet
ABM/ABB konċernata/i:
1.4.3.
Objettiv(i) speċifiċi u
attività/attivitajiet ABM/ABB konċernati għall-Azzjonijiet Diretti
tal-JRC
Mhux
applikabbli
1.4.4.
Riżultat(i) u impatt mistenni
Speċifika
l-effetti li l-proposta/inizjattiva għandu jkollha fuq
il-benefiċjarji/gruppi fil-mira. Il-Programm
Supplimentari ta’ Riċerka ser jirriżulta f'li l-Ewropa tagħmel
il-kontribuzzjonijiet tagħha lill-kostruzzjoni b'suċċess
tal-apparat ITER fi ħdan il-qafas ta' kollaborazzjoni internazzjonali.
Peress illi l-Ewropa qed tagħmel l-ikbar kontribuzzjoni lejn
il-proġett (45 % tal-ispejjez tal-kostruzzjoni), l-impatti tal-Programm
ser ikunu l-ikbar fl-Ewropa. Dawn l-impatti ser ikunu kemm fuq terminu qasir
(benefiċċji ta’ kompetittività għall-industrija Ewropea) kif
ukoll fit-tul (rwol prinċipali għall-Ewropa fl-esplojtazzjoni
kummerċjali tal-enerġija mill-fużjoni). Il-proġett
diġà qed ikollu impatt pożittiv fuq il-kompetittività industrijali u
l-ħolqien tax-xogħol minħabba n-natura tal-attivitajiet ITER
(akkwist ta’ komponenti jew bini ta’ teknoloġija għolja), li
jeħtieġu kontribuzzjonijiet industrijali fl-inġinerija
ċivili, mekkanika, elettrika, materjali u nukleari kombinati
f’kundizzjonijiet mingħajr preċedent. Iktar minn tliet kwarti
mill-kontribuzzjoni globali tal-Komunità lejn l-ITER ser tirriżulta
f’kuntratti ma’ kumpaniji privati. Il-ħolqien ta’ xogħlijiet
ġodda fl-Ewropa direttament minħabba l-attivitajiet ITER ser ikun
sinifikanti għaliex porzjon kbir tal-infiq huwa għar-R&Ż u
kompiti tal-inġinerija li jirrikjedu iktar ħaddiema mill-manifattura
konvenzjonali. Fuq
perjodu twil l-ITER jippreżenta opportunità unika għall-industrija
Ewropea ta' teknoloġija għolja u kumpaniji tal-kostruzzjoni biex
jistabbilixxu vantaġġ kompetittiv globali u jsiru attur
prinċipali fid-disinn tal-ewwel ġenerazzjoni ta’ impjanti
tal-enerġija mill-fużjoni u l-kummerċjalizzazzjoni
internazzjonali sussegwenti.
1.4.5.
Indikaturi tar-riżultati u l-impatt
Speċifika
l-indikaturi għall-monitoraġġ tal-implimentazzjoni
tal-proposta/inizjattiva. L-indikaturi
li ser ikejlu l-progress fil-kontribuzzjonijiet Ewropej lejn il-kostruzzjoni
tal-ITER ser ikunu l-kisba ta' tragwardi mill-F4E, l-Impriża Konġunta
Ewropea bil-kompitu li takkwista komponenti u li tipprovdihom bħala
kontribuzzjonijiet "in natura" lill-ITER matul il-fażi ta'
kostruzzjoni tal-proġett. L-F4E
identifikat fil-pjan tal-proġett tagħha tragwardi ewlenin li jkopru
l-attivitajiet ta' akkwist tagħha kollha matul il-kostruzzjoni tal-ITER.
L-ippjanar ġenerali u l-Programm ta’ Ħidma annwali tal-F4E
jispeċifikaw l-iskeda taż-żmien għall-kisba ta’ dawn it-tragwardi,
u l-informazzjoni dwar il-progess tingħata f'rapporti regolari lill-korp
tat-tmexxija tagħha (il-Bord tat-Tmexxija) u lill-Kunsill tal-UE.
1.5.
Raġunijiet għall-proposta/inizjattiva
1.5.1.
Rekwiżit(i) li għandhom jiġu
ssodisfatti fuq perjodu qasir jew twil.
Permezz
tal-Komunikazzjoni tagħha tad-29 ta’ Ġunju 2011 "Baġit
għall-Ewropa 2020”, il-Kummissjoni pproponiet li tiffinanzja
l-kontribuzzjoni tal-UE lejn il-proġett ITER lil hinn mill-Qafas
Finanzjarju Multiannwali (MFF) wara l-2013. Dan il-Programm Supplimentari ta’
Riċerka ser jimplimenta din il-proposta.
1.5.2.
Valur miżjud tal-involviment tal-UE
Ir-riskji,
l-spejjeż u n-natura fit-tul ta’ proġett bħall-ITER
ipoġġuh lil hinn mill-kapaċitajiet individwali tal-Istati Membri
u anke tal-UE. Għalhekk, l-istabbiliment ta’ qafas globali tqis
neċessarju sabiex isir dan il-proġett. Sabiex tieħu parti f'dan
il-proġett internazzjonali, azzjoni fuq livell Ewropew taqsam ir-riskju u
tiġġenera kamp ta' applikazzjoni wiesa’ u ekonomiji ta’ skala li ma
jistgħux ikunu miksuba b’mod ieħor.
1.5.3.
Tagħlimiet miksuba minn esperjenzi simili
fil-passat
Il-proġett
Konġunt Ewropew Torus (JET) wera illi l-kostruzzjoni u t-tħaddim ta'
infrastruttura kbira ta' riċerka dwar il-fużjoni taħt
il-koordinazzjoni tal-Euratom hija effiċjenti u timmassimizza
l-benefiċji xjentifiċi u industrijali. Madankollu, l-iskala
meħtieġa għall-kostruzzjoni tal-ITER m'għandhiex preċedent
u teħtieġ kollaborazzjoni fuq livell globali li għaliha m'hemmx
eżempju fil-passat.
1.5.4.
Koerenza u sinerġija possibbli ma’ strumenti
rilevanti oħrajn
Il-Programm
ser jistabbilixxi sinerġiji u kumplimentaritajiet mal-attivitajiet ta'
riċerka dwar il-fużjoni u mal-programm futur ta' riċerka
tal-Euratom li jikkumplimenta l-Orizzont 2020 (2014-2018). B’mod partikolari,
l-azzjonijiet li għandhom jittieħdu f’dan il-qafas ser jipprovdu
kontribuzzjoni xjentifika importanti għall-kostruzzjoni u t-tħaddim
tal-ITER u jikkostitwixxu miżuri importanti ta' mitigazzjoni tar-riskju.
Ir-riżultati tal-attivitajiet ta’ riċerka dwar il-fużjoni
taħt il-Programm Qafas dwar ir-riċerka tal-Euratom
għall-2012-2013 ser jagħtu kontribuzzjoni importanti wkoll
għall-attivitajiet taħt il-Programm.
1.6.
Tul ta' żmien u impatt finanzjarju
ý Proposta/inizjattiva
ta’ tul ta' żmien limitat –
ý Proposta/inizjattiva
fis-seħħ mill-01/01/2014 sal-31/12/2018 –
ý Impatt finanzjarju mill-2014
sal-2026 ¨ Proposta/inizjattiva
ta’ tul ta' żmien illimitat –
Implimentazzjoni b’perjodu ta’ bidu mill-YYYY sal-YYYY, –
segwita minn operazzjoni kompluta.
1.7.
Mod(i) ta' ġestjoni previst(i)[18]
ý Ġestjoni diretta
ċentralizzata mill-Kummissjoni ý Ġestjoni
indiretta ċentralizzata bid-delega tal-kompiti
ta’ implimentazzjoni lil: –
¨ aġenziji
eżekuttivi –
ý korpi stabbiliti mill-Komunitajiet[19] –
¨ korpi nazzjonali tas-settur
pubbliku/korpi b'missjoni ta’ servizz pubbliku –
¨ persuni fdati
bl-implimentazzjoni ta’ azzjonijiet speċifiċi skont it-Titolu V
tat-Trattat dwar l-Unjoni Ewropea u identifikati fl-att bażiku rilevanti
skont it-tifsira tal-Artikolu 49 tar-Regolament Finanzjarju ¨ Ġestjoni
kondiviża mal-Istati Membri ¨ Ġestjoni
deċentralizzata ma’ pajjiżi terzi ¨ Ġestjoni
konġunta ma' organizzazzjonijiet internazzjonali (iridu
jiġu speċifikati) Jekk hemm indikati
aktar minn mod wieħed ta’ ġestjoni, jekk jogħġbok ipprovdi
dettajli fit-taqsima ‘Kummenti’. Kummenti: Il-ġestjoni
ser tkun permezz tas-servizzi tal-Kummissjoni u permezz tal-Impriża
Ewropea Konġunta għall-ITER u l-Iżvilupp tal-Enerġija
mill-Fużjoni (“Fużjoni għall-Enerġija” – F4E).
Il-Kummissjoni tirrapreżenta l-Euratom fl-istanzi ta’ livell għoli
kemm tal-Organizzazzjoni tal-ITER (OI) kif ukoll tal-F4E.
2.
MIŻURI TA’ ĠESTJONI
Il-Programm
ser ikun implimentat permezz tal-F4E, li jikkoordina l-kontribuzzjoni
tal-Euratom lejn il-Proġett ITER u l-kontribuzzjoni tal-Euratom lejn
attivitajiet oħrajn relatati mal-ITER, bħall-attivitajiet ta’
Approċċ Usa' mal-Ġappun. Il-Kummissjoni
tipparteċipa fil-korpi tat-teħid ta’ deċiżjonijiet tal-F4E
u tal-Organizzazzjoni tal-ITER. Fuq
il-livell internazzjonali, il-Kummissjoni tirrapreżenta l-Euratom fil-korp
tat-teħid tad-deċiżjonijiet tal-IO, il-Kunsill tal-ITER, u
tipparteċipa fil-Kumitat Konsultattiv Xjentifiku u Tekniku (STAC) u
fil-Kumitat Konsultattiv tal-Ġestjoni tal-Kunsill tal-ITER (MAC). Fir-rigward
tat-tmexxija u l-ġestjoni tal-F4E, il-Kummissjoni hija membru
tal-Fużjoni għall-Enerġija u tipparteċipa, għan-nom
tal-Euratom, fil-korpi li jmexxu din l-Impriża Konġunta,
jiġifieri l-Bord tat-Tmexxija, il-Kumitat Eżekuttiv, il-Bord Konsultattiv
Tekniku, il-Kumitat Amministrattiv u tal-Finanzi u l-“Bureau”.
2.1.
Regoli ta’ monitoraġġ u rapportar
Hemm
sistema ta’ monitoraġġ sabiex tiżgura rendimenti tal-ogħla
kwalità u l-iktar użu effiċjenti tar-riżorsi.
Il-monitoraġġ u r-rapportar huma bbażati fuq ir-regoli ta’
ġestjoni u rapportar li huma applikati mill-F4E u l-IO, li
jeħtieġu l-approvazzjoni tad-dokumenti ewlenin kollha mill-korpi
tat-tmexxija. Permezz ta’ dawn il-korpi, l-Kummissjoni timmonitorja u tirrevedi
d-dokumenti tat-tmexxija tal-attivitajiet tal-implimentazzjoni tal-Proġett
tal-ITER, bħall-Programmi ta’ Ħidma, ir-rapport tal-attività Annwali,
il-Pjanijiet tal-Proġetti, il-Pjanijiet tal-Istimi tar-Riżorsi,
il-Pjanijiet tal-Politika tal-Persunal, il-Baġits, il-Kontijiet,
eċċ.. L-F4E
qed tistabbilixxi proċess ta’ ġestjoni u rapportar tal-proġett,
bl-integrazzjoni sħiħa ta’ diversi aspetti tas-sistemi ta’ rapportar
lill-bord tat-tmexxija. Kull
sena u skont il-konklużjonijiet tal-Kunsill tat-12 ta’ Lulju 2010 (Abbozz
11902/10 RECH 255 ATO 38 BAĠIT 45; adozzjoni 11821/10 ADD 1), l-F4E
tirraporta lill-Kunsill dwar il-progress miksub fl-implimentazzjoni tal-pjan
tat-trażżin u l-iffrankar tal-ispejjeż kif ukoll dwar
il-prestazzjoni u l-ġestjoni tal-Impriża Konġunta u
l-proġett tal-ITER, inkluż it-twettiq tal-attivitajiet tal-iskeda fi
ħdan il-baġit annwali. B’risposta
għal dawn il-konklużjonijiet tal-Kunsill, il-Fużjoni
għall-Enerġija appuntat espert indipendenti li ser jivvaluta
l-progress tal-proġett fuq il-bażi ta’ rapporti eżistenti u ser
jissottometti l-opinjoni tiegħu lill-bord tat-tmexxija tal-F4E u
lill-Kunsill dwar il-Kompetittività darba fis-sena. Barra
minn hekk, l-F4E u l-Kummissjoni ffirmaw Ftehim Amministrattiv li jiddefinixxi
l-modalitajiet u l-kondizzjonijiet applikabbli għat-trasferiment
mill-Kummissjoni tal-kontribuzzjoni finanzjarja tal-Komunità lill-F4E.
2.2.
Sistema ta’ ġestjoni u kontroll
Il-Kummissjoni
tipparteċipa fil-korpi tat-teħid ta’ deċiżjonijiet tal-IO
kif ukoll fil-korpi tat-tmexxija tal-F4E. Fil-livell
tal-Kummissjoni, is-servizzi tad-DĠ responsabbli għall-Impriża
Konġunta ser isegwu u jirrevedu l-inizjattivi kollha meħtieġa
sabiex jiġi implimentat b'mod effiċjenti l-proġett tal-ITER,
b'mod partikolari dawk ta' natura finanzjarja. Barra
minn hekk, is-Servizz tal-Awditjar Intern tal-Kummissjoni (IAS) ser
jaġixxi bħala Awditur Intern tal-F4E mill-2012, taħt
il-modalitajiet miftehma bejn id-Direttorat Ġenerali tal-IAS u l-F4E. Barra
minn hekk, l-Uffiċċju Ewropew Kontra l-Frodi (OLAF) igawdi
mill-istess setgħat fir-rigward tal-F4E u l-persunal tagħha bħal
ma jgawdi fir-rigward tad-dipartimenti tal-Kummissjoni. Fir-rigward
tat-tmexxija tal-Fużjoni għall-Enerġija, fl-aħħar ta'
Mejju 2011, il-bord tat-tmexxija tal-F4E bl-inizjattiva tal-Kummissjoni, adotta
ġabra ta' miżuri sabiex jittejbu l-governanza u l-ġestjoni
tal-F4E. Din il-ġabra ta' miżuri inkludiet l-istabbiliment tal-AFC
sabiex jipprovdi kummenti u rakkomandazzjonijiet lill-bord tat-tmexxija dwar
kwistjonijiet amministrattivi u finanzjarji; "Bureau" li jipprepara
x-xogħol u d-deċiżjonijiet tal-bord tat-tmexxija u
r-reviżjoni tal-rwol tal-ExCo li ser jiffoka fuq l-attivitajiet ta'
akkwist upstream tal-F4E. Barra
minn hekk, Direttur appuntat ġdid waqqaf, mill-1 ta' Jannar 2011,
struttura organizzazzjonali ġdida biex ikun hemm organizzazzjoni iktar
orjentata lejn il-proġett b'servizz finanzjarju b’saħħtu. Il-Regolament
Finanzjarju tal-F4E huwa simili għar-Regolament Finanzjarju
tal-Kummissjoni, inkluż il-proċeduri ta' akkwist pubbliku ekwivalenti
għall-istandards tal-Kummissjoni. Il-kuntratti tal-F4E, b’konformità
mar-Regolament Finanzjarju tagħha, jinkludu d-dispożizzjonijiet
neċessarji għas-superviżjoni u l-kontroll tal-użu
tal-baġit tal-F4E. Skont l-opinjonijiet tal-Qorti tal-Awdituri, l-F4E
irrevediet ir-Regolament Finanzjarju tagħha sabiex tqis
ir-rakkomandazzjonijiet prinċipali tal-Qorti. L-F4E
hija responsabbli lejn il-bord tat-tmexxija tagħha u l-Parlament Ewropew,
dan tal-aħħar jipprovdi r-rilaxx annwali għall-baġit,
abbażi ta' rakkomandazzjoni mill-Kunsill. Barra minn hekk, l-F4E hija
awditjata darbtejn fis-sena mill-Qorti Ewropea tal-Awdituri li tipprovdi
rapport lill-Kummissjoni, lill-Kunsill u lill-Parlament bħala parti
mir-rilaxx annwali. Għall-attivitajiet konġunti ta’ ġestjoni
bejn l-F4E u l-ITER (bħal akkwisti konġunti), il-Kummissjoni ser
tkompli tiżgura li l-proċeduri tal-kontabilità, tal-kontroll intern,
tal-awditjar u tal-akkwist pubbliku tas-sħab huma kompatibbli mar-regoli u
l-istandards tal-UE. Ir-rakkommandazzjonijiet mill-awditjar tal-passat
mill-Qorti tal-Awdituri jingħataw kunsiderazzjoni.
2.2.1.
Qafas ta’ kontroll intern
Il-qafas
ta’ kontroll intern huwa mibni fuq: 1.
L-Istandards tal-Kontroll Intern tal-Kummissjoni li huma applikati
mid-Direttorat Ġenerali responsabbli għall-proġett tal-ITER meta
tiġi adottata kwalunkwe deċiżjoni fir-rigward tal-F4E, b'mod
partikolari dawk li għandhom natura finanzjarja; 2.
L-Istandards ta' Kontroll Intern li l-F4E qed twaqqaf biex timplimenta l-eżerċizzji
ta’ sorveljanza sistematika u biex issegwi l-implimentazzjoni tar-rakkomandazzjonijiet
li jirriżultaw. Il-membri tal-persunal sekondati mill-Kummissjoni pprovdew
l-appoġġ tagħhom sabiex jassistu l-F4E bl-implimentazzjoni
tal-pjan ta' Azzjoni ta' Kontroll Intern, l-istabbiliment ta' listi ta'
verifika, l-implimentazzjoni ta’ mekkaniżmu ta’ sorveljanza regolari u
l-ġestjoni tal-baġit. 3.
Ir-reviżjoni teknika, finanzjarja u politika mill-Kummissjoni
tal-attivitajiet tal-F4E u l-ITER matul kull pass tal-proġett; 4.
Verifiki ex-ante għall-akkwist u kontrolli ex-post.
Ir-riskji huma evalwati regolarment u l-progress fl-eżekuzzjoni
tal-ħidma u l-konsum tar-riżorsi huma mmonitorjati regolarment,
abbażi ta' objettivi u l-indikaturi definiti. 2.2.2. Livell mistenni tar-riskju ta’
nuqqas ta’ konformità Jeżisti
riskju finanzjarju inerenti fl-F4E minħabba n-natura tal-attivitajiet
tagħha (akkwisti in natura kbar u kumplessi b’riskji tekniċi kbar).
Twaqqfu miżuri għall-monitoraġġ u l-kontroll aħjar
tat-tħaddim tal-F4E filwaqt li r-reorganizzazzjoni tal-istruttura tal-F4E
għandha wkoll ittaffi din is-sitwazzjoni. Il-Kummissjoni
ser tkompli tidentifika r-riskji relatati mal-implimentazzjoni ta’ dan
il-proġett, notevolment f’termini ta’ spejjeż, u ser tieħu
l-miżuri l-iktar xierqa sabiex timmaniġja u timmitiga dawn ir-riskji.
2.3. Miżuri għall-prevenzjoni
tal-frodi u irregolaritajiet Id-Direttorat
Ġenerali tal-Kummissjoni responsabbli għall-implimentazzjoni
tal-proġett u l-baġit tal-ITER huwa ddeterminat li
jiġġieled kontra l-frodi f’kull stadju tal-implimentazzjoni
tal-proġett f'konformità mal-istrateġija kontra l-frodi
tal-Kummissjoni COM(2011)376 tal-24 ta' Ġunju 2011. Il-monitoraġġ
amministrattiv tal-kuntratti, l-għotjiet u l-pagamenti relatati jaqa'
taħt ir-responsabbiltà tal-F4E. Il-Kummissjoni u l-F4E jagħtu
attenzjoni partikolari lit-trażżin tal-ispejjeż. Il-Kummissjoni
u l-Impriża Konġunta jieħdu kont tal-interessi finanzjarji
tal-Unjoni Ewropea notevolment f’konformità mar-Regolament tal-Kunsill (KE,
Euratom) Nru 2988/95 tat-18 ta’ Diċembru 1995 dwar
il-protezzjoni tal-interessi finanzjarji tal-Komunità Ewropea u l-Artikolu
53(a) tar-Regolament Finanzjarju. Għandhom
jieħdu l-miżuri xierqa li jiżguraw li, meta jiġu
implimentati l-azzjonijiet iffinanzjati skont din id-Deċiżjoni, jitħarsu
l-interessi finanzjarji tal-Unjoni permezz tal-applikazzjoni ta' miżuri
ta' prevenzjoni kontra l-frodi, il-korruzzjoni u kontra kwalunkwe attività
illegali oħra, bis-saħħa ta' verifiki effettivi u, fil-każ
li jiġu identifikati irregolaritajiet, permezz tal-irkupru tal-ammonti
mħallsa b'mod skorrett, u fejn xieraq, b'penali effettivi, proporzjonali u
deterrenti. Fużjoni
għall-Enerġija bdiet tiżviluppa strateġija ta’ awditjar ex-post
biex tiġi implimentata fl-2012. Din l-istrateġija hija kontroll
prinċipali li jimmira li jivvaluta l-legalità u r-regolarità
tat-tranżazzjonijiet sottostanti. L-Uffiċċju
Ewropew Kontra l-Frodi (OLAF) igawdi mill-istess setgħat fir-rigward
tal-F4E u l-persunal tagħha, kif igawdi fir-rigward tad-dipartimenti
tal-Kummissjoni. OLAF
jista' jwettaq il-verifiki u l-ispezzjonijiet fuq il-post fuq l-operaturi
ekonomiċi konċernati direttament jew indirettament minn finanzjament
tal-UE skont il-proċeduri stabbiliti fir-Regolament tal-Kunsill (Euratom,
KE) Nru 2185/96 tal-11 ta’ Novembru 1996 bil-ħsieb li jkun
stabbilit jekk kienx hemm frodi, korruzzjoni jew kwalunkwe attività illegali
oħra konnessa ma' ftehim ta' għotja jew ma' deċiżjoni ta'
għotja jew ma' kuntratt li jikkonċerna finanzjament mill-Unjoni. 3. IMPATT FINANZJARJU STMAT TAL-PROPOSTA/INIZJATTIVA 3.1. Intestatura/i tal-qafas finanzjarju multiannwali u intestatura/i
tal-baġit tal-infiq affettwati · Intestaturi tal-baġit tal-infiq eżistenti Skont l-ordni
tal-intestaturi tal-qafas finanzjarju multiannwali u tal-intestaturi
tal-baġit. Intestatura tal-qafas finanzjarju multiannwali: || Intestatura tal-baġit || Tip ta’ nefqa || Kontribuzzjoni Numru: 08 01 xx || Diff./mhuxdiff ([20]) || minn pajjiżi tal-EFTA[21] || minn pajjiżi kandidati[22] || minn pajjiżi terzi || skont it-tifsira tal-Artikolu 18(1)(aa) tar-Regolament Finanzjarju Lil hinn mill-MFF || 08 01 04 40 Fużjoni għall-Enerġija || Mhux diff. || LE || LE || IVA || IVA · Intestaturi tal-baġit ġodda mitluba
Skont l-ordni tal-intestaturi tal-qafas finanzjarju
multiannwali u tal-intestaturi tal-baġit. Intestatura tal-qafas finanzjarju multiannwali || Intestatura tal-baġit || Tip ta’ nefqa || Kontribuzzjoni Lil hinn mill-Qafas Finanzjarju Multiannwali || Diff./mhuxdiff. || minn pajjiżi tal-EFTA || minn pajjiżi kandidati || minn pajjiżi terzi || skont it-tifsira tal-Artikolu 18(1)(aa) tar-Regolament Finanzjarju H1/lil hinn mill-MFF || 08 01 XX 01 Infiq relatat mal-Persunal* 08 01 XX 02 Infiq relatat mal-Persunal Estern* 08 01 XX 03 Infiq ieħor fuq il-ġestjoni* 08 06 01 xx infiq relatat mal-ITER || Diff./mhuxdiff. || LE || LE || IVA || IVA *- L-enumerazzjoni preċiża
tal-intestaturi tal-baġit ser tkun definita fi stadju aktar tard. 3.2. Impatt stmat fuq l-infiq 3.2.1. Sommarju tal-impatt stmat fuq l-infiq Fil-prezzijiet kurrenti – EUR miljun (sa 3 punti
deċimali) || || Lil hinn mill-Qafas Finanzjarju Multiannwali || || || Sena 2014[23] || Sena 2015 || Sena 2016 || Sena 2017 || Sena 2018 || >2018 || TOTAL || Approprjazzjonijiet operazzjonali lil hinn mill-MFF || || || || || || || || Numru tal-intestatura tal-baġit 08 06 01 xx ITER || Impenji || (1) || 897.230 || 631.578 || 285.383 || 282.081 || 253.262 || - || 2,349.534 || Pagamenti || (2) || 107.000 || 306.140 || 405.263 || 304.368 || 353.455 || 873.308 || 2,349.534 || Approprjazzjonijiet ta’ natura amministrattiva ffinanzjati mill-pakkett għall-programm tal-ITER[24] || || || || || || || || Numru tal-intestatura tal-baġit 08 01 04 40 Persunal tal-F4E || || (3) || 43.000 || 43.860 || 44.737 || 45.632 || 46.545 || - || 223.774 || TOTAL ta' approprjazzjonijiet Lil hinn mill-MFF || Impenji || =1+1a +3 || 940.230 || 675.438 || 330.120 || 327.713 || 299.807 || || 2,573.308 || Pagamenti || =2+2a +3 || 150.000 || 350.000 || 450.000 || 350.000 || 400.000 || 873,308 || 2,573.308 || || || Intestatura 1 DĠ: || || || Sena 2014[25] || Sena 2015 || Sena 2016 || Sena 2017 || Sena 2018 || >2018 || TOTAL Approprjazzjonijiet operazzjonali || || || || || || || Numru tal-intestatura tal-baġit || Impenji || (1) || || || || || || || Pagamenti || (2) || || || || || || || Numru tal-intestatura tal-baġit || Impenji || (1a) || || || || || || || Pagamenti || (2a) || || || || || || || Approprjazzjonijiet ta' natura amministrattiva* mill-pakkett għall-programmi speċifiċi[26] || || || || || || || Numru tal-intestatura tal-baġit 08 01 XX 01 08 01 XX 02 08 01 XX 03 || || (3) || 6.350 0.960 2.559 || 6.477 0.979 2.610 || 6.606 0.999 2.662 || 6.738 1.019 2.715 || 6.874 1.039 2.769 || || 33.045 4.996 13.315 TOTAL ta' approprjazzjonijiet għal || Impenji || =1+1a +3 || 9.869 || 10.066 || 10.267 || 10.472 || 10.682 || || 51.356 Pagamenti || =2+2a +3 || 9.869 || 10.066 || 10.267 || 10.472 || 10.682 || || 51.356 TOTAL ta' approprjazzjonijiet operazzjonali || Impenji || (4) || 0 || 0 || 0 || 0 || 0 || || 0 Pagamenti || (5) || || || || || || || TOTAL ta' approprjazzjonijiet ta’ natura amministrattiva ffinanzjati mill-pakkett għall-programmi speċifiċi || (6) || || || || || || || TOTAL ta' approprjazzjonijiet taħt l-INTESTATURA 1a tal-qafas finanzjarju multiannwali || Impenji || || || || || || || || Pagamenti || || || || || || || || Jekk iktar minn intestatura waħda hija affettwata
mill-proposta / inizjattiva: Mhux applikabbli EUR miljun (sa 3 punti deċimali) || || || Sena 2014[27] || Sena 2015 || Sena 2016 || Sena 2017 || Sena 2018 || >2018 || TOTAL TOTAL ta' approprjazzjonijiet taħt INTESTATURA 1/LIL HINN MILL-MFF || Impenji || 950.099 || 685.504 || 340.387 || 338.185 || 310.489 || || 2,624.664 Pagamenti || 159.869 || 360.066 || 460.267 || 360.472 || 410.682 || 873.308 || 2,624.664 3.2.2. Impatt stmat fuq l-approprjazzjonijiet operazzjonali –
¨ Il-proposta/inizjattiva ma
teħtieġx l-użu ta’ approprjazzjonijiet operazzjonali –
ý Il-proposta/inizjattiva
teħtieġ l-użu ta’ approprjazzjonijiet operattivi, kif spjegat
hawn taħt: Approprjazzjonijiet ta’ impenn f’EUR miljun (sa 3
punti deċimali) Indika l-objettivi u r-rendimenti ò || || || 2014 || 2015 || 2016 || 2017 || 2017+2018 || 2019 || 2020 || TOTAL RENDIMENTI Tip ta’ Rendiment[28] || Spiża medja tar-rendiment || Numru ta’ rendimenti || Spiża || Numru ta’ rendimenti || Spiża || Numru ta’ rendimenti || Spiża || Numru ta’ rendimenti || Spiża || Numru ta’ rendimenti || Spiża || Numru ta’ rendimenti || Spiża || Numru ta’ rendimenti || Spiża || Numru totali ta’ rendimenti || Total tal-ispiża OBJETTIV SPEĊIFIKU Nru 1[29]… || || || || || || || || || || || || || || || || Rendiment* || || || 1 || 897.230 || 1 || 631.578 || 1 || 285.383 || 1 || 282.081 || 1 || 253.262 || || || || || 5 || 2,349.534 Subtotal għall-objettiv speċifiku Nru 1 || || || || || || || || || || || || || || || || SPIŻA TOTALI || 1 || 897.230 || 1 || 631.578 || 1 || 285.383 || 1 || 282.081 || 1 || 253.262 || || || || || 5 || 2,349.534 * Ir-rendiment tal-proġett tal-ITER ser
ikun ir-rapport annwali tal-attività pprovdut mill-F4E (Aġenzija ta’
Barċellona) li fih huwa deskritt l-avvanz tal-proġett. 3.2.3. Impatt stmat fuq l-approprjazzjonijiet ta’ natura amministrattiva 3.2.3.1. Sommarju –
¨ Il-proposta/inizjattiva ma
teħtieġx l-użu ta’ approprjazzjonijiet amministrattivi –
ý Il-proposta/inizjattiva
teħtieġ l-użu ta’ approprjazzjonijiet amministrattivi, kif
spjegat hawn taħt: EUR miljun (sa 3 punti
deċimali) || Sena 2014[30] || Sena 2015 || Sena 2016 || Sena 2017 || Sena 2018 || TOTAL INTESTATURA 1 tal-qafas finanzjarju multiannwali || || || || || || Riżorsi umani tħaddim tal-programm || 7.310 || 7.456 || 7.605 || 7.757 || 7.913 || 38.041 Infiq amministrattiv ieħor || 2.559 || 2.610 || 2.662 || 2.715 || 2.769 || 13.315 Subtotal INTESTATURA 1 tal-qafas finanzjarju multiannwali || 9.869 || 10.066 || 10.267 || 10.472 || 10.682 || 51.356 Lil hinn mill-MFF || || || || || || Riżorsi umani || 33.996 || 34.676 || 35.369 || 36.077 || 36.798 || 176.916 Infiq ieħor ta’ natura amministrattiva* || 9.004 || 9.184 || 9.368 || 9.555 || 9.747 || 46.858 || || || || || || * figuri stmati TOTAL || 52.869 || 53.926 || 55.004 || 56.104 || 57.227 || 275.130 3.2.3.2. Ħtiġijiet stmati ta’ riżorsi umani –
¨ Il-proposta/inizjattiv ma
teħtieġx l-użu ta’ riżorsi umani –
ýIl-proposta/inizjattiva teħtieġ l-użu ta’ riżorsi
umani, kif spjegat hawn taħt: Stima li għandha tkun espressa f’ammonti
sħaħ (jew l-iktar sa punt deċimali wieħed) || Sena 2014[31] || Sena 2015 || Sena 2016 || Sena 2017 || Sena 2018 || TOTAL || Karigi għall-pjan ta’ stabbiliment (uffiċjali u aġenti temporanji) tal-ITER, li għandhom ikunu integrati fil-pjan tal-istabbiliment speċifiku għall-ITER fl-Intestatura 1 Fil-Kwartieri Ġenerali || 50 || 50 || 50 || 50 || 50 || 50 || || || || || || || || || || || || || || || || || || || Persunal estern (f’unità Ekwivalenti għall-Full Time: FTE)[32] għall-ITER fl-Intestatura 1 || CA, INT, SNE || 15 || 15 || 15 || 15 || 15 || 15 || || || || || || 08 01 04 40[33] || - fil-Kwartieri Ġenerali[34] || || || || || || - (JU ITER-F4E (Barċellona) (*) || 422 || 422 || 422 || 422 || 422 || 422 XX 01 05 02 (CA, INT, SNE – Riċerka indiretta) || || || || || || 10 01 05 02 (CA, INT, SNE – Riċerka diretta) || || || || || || Intestaturi oħrajn tal-baġit (speċifika) || || || || || || TOTAL || 487 || 487 || 487 || 487 || 487 || 487 XX huwa l-qasam tal-politika jew titolu
tal-baġit konċernat. Il-ħtiġijiet għar-riżorsi
umani għandhom ikunu koperti fi ħdan l-allokazzjoni diġà
mogħtija għall-ġestjoni ta’ din l-azzjoni u/jew riallokati fi
ħdan id-DĠ RTD, kumplimentati kif jista’ jagħti l-każ minn
kwalunkwe allokazzjoni addizzjonali li tista’ tkun mogħtija lid-DĠ
tal-ġestjoni fil-qafas tal-proċedura ta’ allokazzjoni annwali fid-dawl
tar-restrizzjoni baġitarja. L-ispiża
amministrattiva (inkluż il-persunal) tat-tħaddim tal-programm
tal-ITER (lil hinn mill-għotja operattazzjonali lill-Impriża Ewropea
Konġunta għall-ITER (F4E)) għandha ssegwi l-approprjazzjonijiet
operazzjonali għall-programm tal-ITER innifsu. (*) L-FTE 422 ffinanzjat fil-Baġit tal-2012 taħt
l-intestaturi 08.01 04 40. Deskrizzjoni
tal-kompiti li għandhom jitwettqu: Uffiċjali u aġenti temporanji || Il-persunal li jaħdem fil-kwartieri ġenerali huwa responsabbli għad-definizzjoni u s-segwitu sussegwenti tal-attivitajiet kemm mill-aġenzija domestika f’Barċellona (F4E) kif ukoll mill-proġett tal-ITER fejn il-Kummissjoni hija rappreżentanta tal-isħubija Ewropea. Il-persunal li jaħdem fl-aġenzija domestika f’Barċellona (F4E) huwa responsabbli għall-kontribuzzjoni Ewropea għall-akkwist, l-ikkuntrattar u l-implimentazzjoni finanzjarja tal-pjan ta’ ħidma tal-Organizzazzjoni Internazzjonali tal-ITER, kif definit fid-Deċiżjoni tal-Kunsill tal-ITER 2007/198/Euratom tas-27 ta' Marzu 2007. Persunal estern 3.2.4. Kompatibbiltà mal-qafas finanzjarju multiannwali attwali –
¨ Il-proposta/inizjattiva hija
kompatibbli mal-qafas finanzjarju multiannwali attwali. –
¨ Il-proposta/inizjattiva ser
tinkludi riprogrammar tal-intestatura rilevanti fil-qafas finanzjarju
multiannwali. Spjega x'tip ta' riprogrammar huwa meħtieġ,
bl-ispeċifikazzjoni tal-intestaturi tal-baġit konċernati u
l-ammonti korrispondenti. –
¨ Il-proposta/inizjattiva
teħtieġ l-applikazzjoni tal-istrument ta’ flessibilità jew
reviżjoni tal-qafas finanzjarju multiannwali[35]. Spjega x’inhu meħtieġ,
bl-ispeċifikazzjoni tal-intestaturi u l-intestaturi tal-baġit
konċernati u l-ammonti korrispondenti. 3.2.5. Kontribuzzjonijiet ta’ partijiet terzi –
Il-proposta/inizjattivi ma tipprovdix għal
kofinanzjament minn partijiet terzi –
ý Il-proposta/inizjattiva
tipprovdi għal kofinanzjament stmat hawn taħt*: Approprjazzjonijiet f’EUR miljun (sa 3 punti
deċimali) || Sena N || Sena N+1 || Sena N+2 || Sena N+3 || ... daħħal kemm-il sena huma meħtieġa biex turi t-tul taż-żmien tal-impatt (ara punt 1.6) || Total Speċifika l-korp ta’ kofinanzjament || || || || || || || || TOTAL ta’ approprjazzjonijiet kofinanzjati || || || || || || || || * - Il-programm jista’ jirċievi
kontribuzzjonijiet minn pajjiżi terzi (abbażi tal-ftehim ta’
kooperazzjoni bejn il-pajjiżi terzi u l-Euratom) li f’dan l-istadju
għadhom mhumiex magħrufa. 3.3. Impatt stmat fuq id-dħul –
¨ Il-proposta/inizjattiva
m’għandhiex impatt finanzjarju fuq id-dħul. –
ý Il-proposta/inizjattiva
għandha l-impatt finanzjarju li ġej: ¨ fuq ir-riżorsi proprji ý fuq id-dħul mixxellanju EUR miljun (sa 3 punti deċimali) Intestatura tad-dħul tal-baġit || Approprjazzjonijiet disponibbli għas-sena kurrenti tal-baġit || Impatt tal-proposta/inizjattiva[36] Sena N || Sena N+1 || Sena N+2 || Sena N+3 || ... daħħal kemm-il kolonna hija meħtieġa sabiex turi t-tul taż-żmien tal-impatt (ara punt 1.6) Artikolu XXXX || || || || || || || || Għad-dħul
mexxellanju assenjat, speċifika l-intestatura/i tal-baġit
affettwata/i. 08 01 04 40, 08 06 01 Speċifika l-metodu għall-kalkolu
tal-impatt fuq id-dħul. Il-Programm
għandu jkun iffinanzjat permezz tal-kontribuzzjonijiet tal-Istati Membri,
bbażati fuq ir-rata ta’ sejħa applikata għad-Dħul
Nazzjonali Gross (DNG) ta’ kull Stat Membru, kif definit għall-iskop
tal-kalkolu tal-kontribuzzjoni tar-riżorsi proprja skont id-DNG għall-Baġit
Ġenerali tal-Unjoni Ewropea. Dawn il-kontribuzzjonijiet għandhom
ikunu magħmula lill-baġit ġenerali tal-Unjoni Ewropea u,
għandhom ikunu kkunsidrati bħala dħul assenjat estern
għall-Programm skont l-Artikolu 18 tar-Regolament (UE) Nru XX/2012
tal-Parlament Ewropew u l-Kunsill [Regolament Finanzjarju Ġdid]
applikabbli għall-baġit ġenerali tal-Unjoni Ewropea. [1] Oriġinarjament
imsejjaħ ir-Reattur Termonukleari Sperimentali Internazzjonali [2] ĠU L 358, 16.12.2006, p.62 [3] ĠU L 246, 21.09.2007, p.34 [4] ĠU L 90, 30.03.2007, p.58 [5] COM (2011) 500 finali tad-29.06.2011 [6] COM (2011) 48 [7] ĠU C , , p. . [8] ĠU C , , p. . [9] ĠU L
358, 16.12.2006, p. 62 [10] ĠU L
90, 30.03.2007, p. 58. [11] ĠU L
246, 21.09.2007, p 34. [12] ĠU C
139, 14.6.2006, p.1. [13] COM (2011)
500 finali. [14] ĠU L [15] Id-Deċiżjoni
tal-Kunsill 2007/198/Euratom tas-27 ta' Marzu 2007 li tistabbilixxi
l-Impriża Konġunta Ewropea għall-ITER u l-Iżvilupp
tal-Enerġija mill-Fużjoni (l-Impriża Konġunta) u li
tikkonferixxilha vantaġġi [traduzzjoni mhix uffiċjali] [16] ABM: Ġestjoni Bbażata fuq l-Attività – ABB: Ibbaġitjar
Ibbażat fuq l-Attività [17] Kif
imsemmi fl-Artikolu 49(6)(a) jew (b) tar-Regolament Finanzjarju [18] Dettalji tal-modi ta’
ġestjoni u referenzi għar-Regolament Finanzjarju jistgħu
jinstabu fuq is-sit tal-BudgWeb: http://www.cc.cec/budg/man/budgmanag/budgmanag_en.html [19] Kif
imsemmi fl-Artikolu 185 tar-Regolament Finanzjarju. [20] Diff. =
Approprjazzjonijiet differenzjati / Mhux Diff. = Approprjazzjonijiet mhux
differenzjati [21] EFTA:
Assoċazzjoni Ewropea tal-Kummerċ Ħieles. [22] Pajjiżi
kandidati u, fejn applikabbli, pajjiżi kandidati potenzjali mill-Balkani
tal-Punent. [23] Sena N
hija s-sena li fiha tibda l-implimentazzjoni tal-proposta/inizjattiva. [24] Assistenza
teknika u/jew amministrattiva u infiq b’appoġġ tal-implimentazzjoni
tal-programmi tal-UE u/jew azzjonijiet (qabel linji “BA”), riċerka
indiretta, riċerka diretta. [25] Sena N
hija s-sena li fiha tibda l-implimentazzjoni tal-proposta/inizjattiva. [26] Assistenza
teknika u/jew amministrattiva u infiq b’appoġġ tal-implimentazzjoni
tal-programmi tal-UE u/jew azzjonijiet (qabel linji “BA”), riċerka
indiretta, riċerka diretta. [27] Sena N
hija s-sena li fiha tibda l-implimentazzjoni tal-proposta/inizjattiva. [28] r-rendimenti
huma prodotti u servizzi li għandhom ikunu pprovduti (e.ż.:
għadd ta’ skambji ta’ studenti ffinanzjati, għadd ta’ km ta’ toroq
mibnija, eċċ.). [29] Kif
deskritt fit-Taqsima 1.4.2. "Objettiv(i)
speċifiku/speċifiċi…" [30] Sena N
hija s-sena li fiha tibda l-implimentazzjoni tal-proposta/inizjattiva. [31] Sena N
hija s-sena li fiha tibda l-implimentazzjoni tal-proposta/inizjattiva. [32] CA=
Aġent b'kuntratt; INT= persunal tal-aġenzija ("Intérimaire");
JED= "Jeune Expert en Délégation" (Esperti
Żgħażagħ fid-Delegazzjonijiet); LA= Aġent Lokali; SNE=
Espert Nazzjonali Sekondat; [33] Taħt
il-limitu għall-persunal estern mill-approprjazzjonijiet operazzjonali
(qabel kienu l-intestaturi “BA”). [34] Essenzjalment
għall-Fondi Strutturali, il-Fond Agrikolu Ewropew għall-Iżvilupp
Rurali (FAEŻR) u l-Fond Ewropew għas-Sajd (FES). [35] Ara punti
19 u 24 tal-Ftehim Interistituzzjonali. [36] Fir-rigward
tar-riżorsi proprji tradizzjonali (dazji doganali, taxxi fuq iz-zokkor),
l-ammonti indikati għandhom ikunu ammonti netti, jiġifieri ammonti
gross wara t-tnaqqis ta’ 25 % għall-ispejjeż ta’ ġbir.