Proposta għal REGOLAMENT TAL-PARLAMENT EWROPEW U TAL-KUNSILL dwar l-Istrument għall-Assistenza ta’ Qabel l-Adeżjoni (IPA II) /* KUMM/2011/0838 finali - 2011/0404 (COD) */
MEMORANDUM TA’ SPJEGAZZJONI 1. KUNTEST TAL-PROPOSTA Din il-proposta għandha titqies fil-kuntest
tal-istrumenti finanzjarji proposti kollha għall-perspettiva finanzjarja
2014-2020 kif deskritt fil-Komunikazzjoni 'Baġit għall-Ewropa 2020'.[1]
Il-Komunikazzjoni tistabbilixxi l-qafas baġitarju għall-istrumenti tal-azzjoni
esterna tal-UE taħt l-Intestatura 4 (Ewropa Globali), inkluż l-Istrument
għall-Assistenza ta’ Qabel l-Adeżjoni (IPA). Abbażi ta’ dan il-Kummissjoni qed
tippreżenta abbozz ta’ regolament li jistabbilixxi l-qafas leġiżlattiv
għall-IPA l-ġdid, flimkien ma’ valutazzjoni tal-impatt ta’ xenarji alternattivi
għall-istrument. L-Artikolu 49 tat-Trattat dwar l-Unjoni
Ewropea jipprovdi li kwalunkwe Stat Ewropew li jirrispetta l-valuri tal-UE
msemmija fl-Artikolu 2 tat-Trattat u li huwa impenjat biex jippromwovihom
jista’ japplika biex isir membru tal-Unjoni. Matul dawn l-aħħar 50 sena l-UE fl-istess ħin
segwiet l-integrazzjoni u t-tkabbir, u żdiedet minn 6 Stati Membri għas-27 Stat
Membru attwali u minn popolazzjoni ta’ anqas minn 200 miljun għal aktar
minn 500 miljun ruħ. Reviżjoni[2],
ħames snin wara l-ħames tkabbir tal-UE fl-2004, ikkonkludiet li: l-aħħar
tkabbir tal-Unjoni Ewropea ġab miegħu prosperità akbar għaċ-ċittadini kollha
tal-UE u ta rwol aktar importanti lill-Ewropa fl-ekonomija dinjija; l-oqfsa
istituzzjonali u legali u l-politika komuni tal-UE kellhom rwol vitali
fl-iżgurar tas-suċċess; l-imprendituri u ċ-ċittadini esperjenzaw
benefiċċji ċari; u, l-UE wara t-tkabbir hija f’pożizzjoni aħjar biex tindirizza
sfidi attwali u futuri. Ir-raġunament għat-tkomplija bit-tkabbir
tal-UE ġie mfakkar aktar reċentement fil-konklużjonijiet tal-Kunsill
tal-14 ta’ Diċembru 2010: 'It-tkabbir isaħħaħ il-paċi,
id-demokrazija u l-istabbiltà fl-Ewropa, iservi l-interessi strateġiċi tal-UE,
u jgħin lill-UE tikseb aħjar l-għanijiet tal-politika tagħha f’oqsma
importanti, li huma essenzjali għall-irkupru ekonomiku u t-tkabbir
sostenibbli”. Il-konklużjonijiet tal-Kunsill tennew li bid-dħul fis-seħħ
tat-Trattat ta’ Lisbona, l-UE tista’ fl-istess ħin issegwi l-aġenda tagħha
tat-tkabbir u żżomm l-impetu ta’ integrazzjoni aktar profonda. Attwalment, l-UE qed tittratta ma’ 5 pajjiżi
kandidati[3]
u 4 kandidati potenzjali[4].
Sal-2014, il-Kroazja biss hija prevista li ssir Stat Membru. Indikaturi
soċjo-ekonomiċi juru li, bl-eċċezzjoni tal-Islanda, il-pajjiżi tat-tkabbir
għadhom sew taħt il-medja tal-UE u anki taħt il-livell tal-Istati Membri
l-aktar dgħajfa. Dan il-livell baxx tal-iżvilupp soċjo-ekonomiku isejjaħ għal
investimenti sostanzjali biex dawn il-pajjiżi jersqu aktar viċin lejn
l-istandards tal-UE u jippermettilhom jissodisfaw l-obbligi tas-sħubija u biex
jifilħu l-pressjonijiet kompetittivi tas-suq uniku. Barra minn hekk, jeħtieġ li
dawn il-pajjiżi jiġu ppreparati biex jifilħu sfidi globali bħat-tibdil
fil-klima u biex jallinjaw mal-isforzi tal-UE biex tindirizza din il-kwistjoni
kumplessa. L-istrateġija UE 2020 għal tkabbir intelliġenti, sostenibbli, u
inklużiv tinkludi l-indirizzar tal-tibdil fil-klima u miri għall-enerġija
rinnovabbli fost il-5 objettivi prinċipali tagħha. L-UE għandha fiduċja
fil-mudell ta’ tkabbir b’użu baxx tal-karbonju u dan irid jiġi projettat
esternament, anke fil-proċess tat-tkabbir. Barra minn hekk, il-pajjiżi fil-Balkani
tal-Punent għadhom stati relattivament żgħar li ġew iffurmati wara
d-diżintegrazzjoni ta' Dik li kienet il-Jugoslavja. L-Istabbiltà politika,
l-istabbiliment sħiħ tal-prinċipji tad-demokrazija u r-rispett għad-drittijiet
tal-bniedem u l-governanza tajba - kollha valuri fundamentali tal-UE - għad
iridu jissaħħu. Dawn il-pajjiżi ma jistgħux isostnu waħedhom
l-isforzi u l-ispejjeż kollha biex jilħqu l-kriterji għas-sħubija fl-UE. Ħafna
m’għandhomx il-kapaċità biex jiffinanzjaw waħedhom ir-riformi istituzzjonali u
l-investimenti pubbliċi meħtieġa sabiex jistabbilizzaw is-soċjetajiet u
l-ekonomiji tagħhom u jqegħduhom fuq triq ta’ żvilupp sostenibbli. L-assistenza teknika u finanzjarja
lill-pajjiżi tat-Tkabbir hija pprovduta attwalment permezz tal-Istrument
għall-Assistenza ta’ Qabel l-Adeżjoni (IPA)[5] . Dan l-istrument se jiskadi fl-aħħar
tal-2013. Fil-perspettiva ta’ adeżjonijiet fil-futur, l-UE għandha tkompli
toffri assistenza teknika u finanzjarja lill-pajjiżi kandidati u l-kandidati
potenzjali biex jegħlbu s-sitwazzjoni diffiċli tagħhom u jiżviluppaw b’mod
sostenibbli. L-istrument ġdid ta’ qabel l-adeżjoni għandu jkompli
jiffoka fuq it-twettiq tal-Politika tat-Tkabbir li hija waħda
mill-prijoritajiet ewlenin tal-Azzjoni Esterna tal-UE, biex b’hekk jgħin
għall-promozzjoni tal-istabbiltà, s-sigurtà u l-prosperità fl-Ewropa. Għal dak
il-għan, l-istrument il-ġdid għandu jkompli jsegwi l-għan politiku ġenerali ta’
appoġġ lill-pajjiżi kandidati u l-kandidati potenzjali fit-tħejjijiet tagħhom
għas-sħubija fl-UE u l-allinjament progressiv tal-istituzzjonijiet u
l-ekonomiji tagħhom mal-istandards u l-politika tal-Unjoni Ewropea, skont
il-ħtiġijiet speċifiċi tagħhom u adattat skont l-aġendi ta’ tkabbir individwali
tagħhom. B'hekk, il-koerenza bejn l-assistenza finanzjarja u l-progress ġenerali
li saru fl-implimentazzjoni tal-istrateġija ta' qabel l-adeżjoni għandha tissaħħaħ. Barra minn hekk, l-assistenza futura ta’ qabel
l-adeżjoni jeħtieġ li tkun aktar strateġika, effiċjenti u mmirata aħjar milli
kienet sa issa, bil-għan li jkun hemm riżultati aktar sostenibbli fit-titjib
ta' kemm dawn il-pajjiżi jkunu lesti għas-sħubija. L-istrument il-ġdid jeħtieġ
li jopera b’mod aktar flessibbli u li jiġbed aktar fondi minn donaturi oħra jew
mis-settur privat billi juża strumenti ta’ finanzjament innovattivi, filwaqt li
jsegwi s-simplifikazzjoni u t-tnaqqis tal-piż amministrattiv marbut
mal-ġestjoni tal-assistenza finanzjarja. Konsistenza ma’ politiki oħra Il-proċess tat-tkabbir jestendi l-politika
interna tal-UE lill-pajjiżi benefiċjarji. Huwa jikkontribwixxi għall-espansjoni
tas-suq intern, in-netwerks trans-Ewropej tal-enerġija u t-trasport, it-tisħiħ
tal-opportunitajiet ta’ xogħol, l-iżvilupp tal-ħiliet, l-edukazzjoni u
l-inklużjoni soċjali, it-tnaqqis tal-faqar, il-protezzjoni tal-ambjent u
t-tnaqqis ta’ tniġġis tal-arja u tal-ilma transkonfinali, l-allinjament
mal-elementi l-ġodda tar-riforma attwali tal-Politika Agrikola Komuni u
l-Politika Komuni tas-Sajd tal-UE, l-isforzi biex jiġu ddiversifikati s-sorsi[6]
tal-enerġija, tiġi miksuba l-effiċjenza tar-riżorsi titjieb ir-resiljenza
għad-diżastri u l-prevenzjoni u l-ġestjoni tar-riskji, u jintlaħaq approċċ
aktar integrat u strateġiku għall-politiki marittimi, l-eċċellenza xjentifika u
l-aġenda diġitali, fost l-oħrajn. Barra minn hekk, konverġenza mal-UE tal-politika
u l-leġiżlazzjoni dwar il-klima ser iġġib benefiċċji sinifikanti lill-pajjiżi
benefiċjarji permezz ta' żvilupp b'rata baxxa ta' karbonju u impjiegi aktar
ekoloġiċi f'reġjun li huwa vulnerabbli ħafna għall-impatt tat-tibdil fil-klima.
Permezz tal-Ftehimiet ta’ Stabbilizzazzjoni u
Assoċjazzjoni u ftehimiet oħra ma’ pajjiżi kandidati u kandidati potenzjali,
l-UE tinkoraġġixxi attivament lill-pajjiżi tat-tkabbir biex jistabbilixxu
sistemi ta’ kompetizzjoni. L-assistenza futura ta’ qabel l-adeżjoni se tkun ukoll
iffokata fuq it-tisħiħ tal-kapaċità tar-riċerka u l-innovazzjoni kif ukoll fuq teknoloġiji
tal-informazzjoni u tal-komunikazzjoni (ICT), li min-naħa tagħhom se
jiffaċilitaw ir-realizzazzjoni tal-Unjoni tal-Innovazzjoni, kif jirfdu l-għanijiet
strateġiċi l-oħra tal-Ewropa 2020 u jappoġġaw il-konformità mal-ħtiġiet u
l-istandards tekniċi tal-UE f’ħafna politiki oħrajn (eż. is-saħħa pubblika,
is-sigurtà tal-ikel, azzjoni fuq il-klima u l-ambjent inkluż il-bijodiversità u
l-ekosistemi). Waħda mill-prijoritajiet fl-aġenda tal-UE huwa
li tagħmel lill-Ewropa post aktar sikur kif definit fil-Programm ta’ Stokkolma.
L-orjentazzjoni strateġika mtejba tal-assistenza finanzjarja ta’ qabel
l-adeżjoni se tikkontribwixxi għall-appoġġ lill-pajjiżi tat-tkabbir biex
jipprevjenu u jindirizzaw il-kriminalità organizzata u l-korruzzjoni u biex
issaħħu l-kapaċitajiet tagħhom ta’ infurzar tal-liġi, ġestjoni tal-fruntieri u
kontroll tal-migrazzjoni. It-tkabbir jagħti piż akbar lill-UE u jsaħħaħ
il-vuċi tagħha fil-fora internazzjonali. Bid-dħul fis-seħħ tat-Trattat ta’
Lisbona, l-UE issa għandha aktar mezzi biex tagħti sehemha fix-xena globali.
Ir-rwol tal-UE fl-adozzjoni tar-Riżoluzzjoni tal-Assemblea Ġenerali tan-NU dwar
il-Kosovo huwa eżempju ta’ dan il-potenzjal. Il-ħames tkabbir ta impetu ġdid
lir-relazzjonijiet tal-UE mal-ġirien tal-Lvant u tan-Nofsinhar tagħha u
wassalha biex tesplora modi ġodda biex tiżviluppa inizjattivi fir-reġjuni
tal-Baltiku u tal-Baħar l-Iswed. Il-proċess ta’ adeżjoni ma’ pajjiżi fil-Balkani
tal-Punent u t-Turkija jagħti lill-UE interess u influwenza saħansitra akbar
fir-reġjuni tal-Mediterran u tal-Baħar l-Iswed u fil-baċin tad-Danubju. Sakemm
ir-rwol tat-Turkija fir-reġjun tagħha stess jiġi żviluppat biex jikkumplimenta
l-proċess ta’ adeżjoni tagħha u f’koordinazzjoni mal-UE, il-piż taż-żewġ
partijiet fix-xena dinjija jista’ jiżdied, mhux l-anqas fil-Lvant Nofsani u
l-Kawkasu tan-Nofsinhar. Billi jaġixxu flimkien, l-UE u t-Turkija jistgħu
jsaħħu s-sikurezza tal-enerġija, jindirizzaw il-kunflitti reġjonali, u
jipprevjenu diviżjonijiet li jiżviluppaw skont linji etniċi jew reliġjużi, u
jtejbu l-kooperazzjoni dwar kwistjonijiet marittimi speċjalment fil-Baħar
l-Iswed. L-Islanda u l-UE flimkien jistgħu jkollhom rwol importanti
fl-indirizzar tal-enerġija, l-ambjent, it-tibdil fil-klima, kwistjonijiet
marittimi u ta’ sigurtà fl-Artiku. 2. IR-RIŻULTATI TAL-KONSULTAZZJONIJIET
MAL-PARTIJIET INTERESSATI U L-VALUTAZZJONIJIET TAL-IMPATT Konsultazzjoni mal-partijiet interessati
dwar l-assistenza futura ta’ qabel l-adeżjoni Il-proposta għall-Istrument il-ġdid
għall-Għajnuna ta' qabel l-Adeżjoni hija bbażata fuq konsultazzjoni estensiva
mal-partijiet interessati li bdiet fil-konferenza 'IPA: riżultati
sostenibbli u impatt” li l-Kummissjoni organizzat fi Brussell fis-6 u
s-7 ta’ Diċembru 2010. Dan ġie segwit minn għadd ta’
konsultazzjonijiet mal-partijiet interessati matul l-ewwel parti tal-2011 li
kkontribwixxa għal evalwazzjoni ex ante li tappoġġja t-tħejjija
tal-istrument ta’ assistenza futura ta’ qabel l-adeżjoni. Dawn
il-konsultazzjonijiet kienu jinkludu: ·
Stħarriġ onlajn, li
kiseb 338 tweġiba minn: rappreżentanti tal-Istati Membri; amministrazzjonijiet
pubbliċi u partijiet interessati mhux pubbliċi ta’ pajjiżi kandidati u
kandidati potenzjali li jibbenefikaw mill-assistenza tal-IPA; persunal
tal-Kummissjoni, donaturi u istituzzjonijiet finanzjarji internazzjonali;
organizzazzjonijiet internazzjonali oħra, organizzazzjonijiet mhux governattivi
(NGOs), riċerkaturi, esperti u gruppi ta’ interess. ·
Għadd ta’ gruppi ta’ fokus, b’mod
partikolari: grupp ta’ ħidma ta’ livell għoli; erba' gruppi mħallta li jinkludu
uffiċjali tal-Kummissjoni u partijiet interessati esterni; tliet gruppi
speċjali ta’ fokus fuq assistenza tal-IPA għall-kooperazzjoni transkonfinali,
reġjonali, riżorsi umani u l-iżvilupp rurali; żewġ laqgħat mar-rappreżentanti
tal-Istati Membri fil-kumitat tekniku li jassisti lill-Kummissjoni
fl-implimentazzjoni tal-assistenza ta’ qabel l-adeżjoni; u, laqgħa
mal-awtoritajiet tal-Balkani tal-Punent li tiffoka fuq l-għażliet għal
kooperazzjoni transkonfinali futura fil-fruntieri fi ħdan il-Balkani
tal-Punent. ·
Konsultazzjonijiet ma':
uffiċjali individwali tal-Kummissjoni fil-kwartieri ġenerali u Delegazzjonijiet
tal-UE fil-pajjiżi benefiċjarji; strutturi li jipprovdu assistenza teknika jew
appoġġ ta’ politika lill-pajjiżi benefiċjarji; uffiċċji tal-Koordinaturi
Nazzjonali tal-IPA tal-pajjiżi benefiċjarji; organizzazzjonijiet
internazzjonali u reġjonali (aġenziji tan-Nazzjonijiet Uniti, il-Kunsill
tal-Kooperazzjoni Reġjonali, l-OSKE, eċċ), u l-NGOs (l-Inizjattiva Ewropea ta’
Stabbiltà, il-Grupp Internazzjonali tal-Kriżi, il-Fondazzjoni tas-Soċjetà
Miftuħa eċċ) fil-livell tal-UE. ·
Laqgħa fil-livell ta' ħidma organizzata mill-Kummissjoni b’kooperazzjoni mal-Presidenza Ungeriża
tal-UE f’Żagreb fl-10-11 ta’ Mejju, fejn ir-riżultati preliminari
tal-konsultazzjoni ġew ippreżentati u diskussi mal-partijiet interessati kollha
tal-IPA. Analiżi tal-pożizzjonijiet li rriżultaw
mill-konsultazzjoni mal-partijiet interessati wriet appoġġ għal: –
It-tkomplija bl-istrument b’livelli simili ta’ riżorsi li jkopru kemm l-iżvilupp instituzzjonali
kif ukoll l-iżvilupp soċjo-ekonomiku; –
L-adattament tal-assistenza għall-ħtiġijiet u l-karatteristiċi ta’ kull pajjiż; –
It-tisħiħ tal-approċċ tas-settur, bi proċess ta’ ppjanar fit-tul aktar koerenti li jirriżulta fi
strument strateġiku għall-koordinazzjoni tad-donaturi u għat-tmexxija ta’
investiment fis-settur privat; –
L-introduzzjoni ta' ppjanar multiannwali sabiex ikopri t-tul tal-perjodu tal-qafas finanzjarju multiannwali li
jmiss, b'reviżjoni f’nofs it-term, u l-iżvilupp ulterjuri ta' pprogrammar multiannwali
wkoll għall-assistenza għat-tranżizzjoni u l-azzjonijiet ta' bini ta'
istituzzjonijiet azzjonijiet, flimkien ma’ involviment aħjar tal-benefiċjarju
fl-ipprogrammar, immexxija minn awtoritajiet nazzjonali aktar b'saħħithom
inkarigati mill-koordinazzjoni tal-IPA; –
Prestazzjoni tajba ppremjata bbażata fuq l-assorbiment u fuq il-kisba tal-miri strateġiċi; l-użu
ta’ kundizzjonalitajiet b’mod aktar strett u sistematiku fil-livell
tal-pajjiż, l-istrateġija tas-settur u tal-proġett; –
Li l-aċċess għat-tipi diversi ta’ assistenza ma jkunx aktar soġġett għall-istatus bħala kandidat/kandidati
potenzjali, iżda jiddependu fuq ir-rieda li ssir implimentazzjoni, flimkien ma’
approċċ gradwali għad-deċentralizzazzjoni tal-ġestjoni tal-assistenza; –
Eżaminazzjoni mill-ġdid tal-istruttura attwali
tal-komponenti, inkluża l-koordinazzjoni aħjar bejn
l-oqsma politiċi; –
Tkomplija tal-kooperazzjoni mal-IFIs u l-ingranaġġ
tal-IFI u fondi oħra tad-donaturi; –
Adozzjoni ta’ approċċ bi tliet livelli
għall-monitoraġġ u l-evalwazzjoni, li jevalwa
l-progress relatat ma’ i) it-triq għall-adeżjoni, ii) l-istrateġiji nazzjonali
u iii) il-kisba ta’ riżultati fil-livell tal-programmi, is-setturi u l-miżuri. Konsultazzjoni interna dwar l-assistenza
futura ta’ qabel l-adeżjoni Fi ħdan il-Kummissjoni, tħejjijiet għall-IPA
l-ġdid wara l-2013 involva diskussjonijiet estensivi fi ħdan u bejn erba’
servizzi involuti fit-tmexxija tal-assistenza, jiġifieri d-Direttorati Ġenerali
għal: it-Tkabbir; il-Politika Reġjonali; l-Impjiegi, l-Affarijiet Soċjali u
l-Inklużjoni; u l-Agrikoltura u l-Iżvilupp Rurali kif ukoll
mad-Delegazzjonijiet tal-UE jew l-Uffiċċju ta’ Kollegament fl-Islanda, il-Balkani
tal-Punent u t-Turkija. Konsultazzjoni pubblika dwar l-istrumenti
kollha tal-azzjoni esterna Il-futur tal-assistenza ta’ qabel l-adeżjoni
kien ukoll is-suġġett ta' konsultazzjoni pubblika wiesgħa dwar il-finanzjament
futur għall-azzjoni esterna tal-UE li saret mill-Kummissjoni bejn
is-26 ta’ Novembru 2010 u l-31 ta’ Jannar 2011.
Il-konsultazzjoni kienet ibbażata fuq kwestjonarju onlajn akkumpanjat minn
dokument ta’ sfond ‘X’finanzjament għall-azzjoni esterna tal-UE wara l-2013?’
mħejji mill-Kummissjoni u s-servizzi tas-SEAE involuti. Il-220 kontribuzzjoni li
rċeviet jirriflettu l-istrutturi wiesgħa u diversi, kif ukoll l-opinjonijiet
tal-komunità tal-azzjoni esterna. Fost it-tweġibiet li aktar speċifikament
ikopru l-għajnuna għall-iżvilupp, dawn segwenti kienu rilevanti wkoll
għall-għajnuna ta' qabel l-adeżjoni: ·
Parti kbira ta’ dawk li wieġbu kkonfermaw li
l-intervent tal-UE jipprovdi valur miżjud sostanzjali fl-oqsma politiċi
ewlenin appoġġjati permezz ta’ strumenti finanzjarji ta’ azzjoni esterna[7]. Il-valur
miżjud tal-UE ġie msemmi minn ħafna minn dawk li wieġbu bħala l-mutur ewlieni
għall-futur: l-UE għandha tisfrutta l-vantaġġ komparattiv tagħha marbut
mal-preżenza tagħha fil-qasam globali; il-kompetenza wiesgħa tagħha, in-natura
sopranazzjonali tagħha, ir-rwol tagħha bħala faċilitatur tal-koordinazzjoni, u
mal-ekonomiji ta’ skala. ·
Kważi dawk kollha li wieġbu appoġġjaw approċċ
aktar differenzjat, imfassal skont is-sitwazzjoni tal-pajjiżi benefiċjarji,
fuq il-bażi ta’ kriterji sodi u ġbir effiċjenti tad-dejta, bħala mezz biex
jiżdied l-impatt tal-istrumenti finanzjarji tal-UE. ·
Rigward is-simplifikazzjoni tal-istrumenti, f’dak
li jirrigwarda l-bilanċ bejn l-istrumenti ġeografiċi u tematiċi, l-opinjonijiet
kienu mħallta f’dak l-għandu x’jaqsam mal-analiżi ta’ programmi tematiċi tal-UE
u mal-possibbiltà ta’ tnaqqis fin-numru. Żieda fil-flessibilità ġeografika
tal-istrumenti tal-UE kienet appoġġjata minn maġġoranza sinifikanti ta’
dawk li wieġbu bħala mod li biha tista’ tingħata tweġiba għall-isfidi interreġjonali. Użu ta’
kompetenzi Żewġ studji
esperti ġew ikkummissjonati mid-DĠ Tkabbir sabiex jevalwaw il-loġika ta’
intervent u sabiex jittieħdu tagħlimiet mill-programm attwali tal-IPA
(meta-evalwazzjoni tal-IPA), kif ukoll sabiex titħejji evalwazzjoni ex ante
tal-assistenza futura ta’ qabel l-adeżjoni ta’ wara l-2013. Iż-żewġ studji
huma disponibbli fuq il-websajt tad-DĠ Tkabbir fl-indirizz li ġej:
http://ec.europa.eu/enlargement/how-does-it-work/financial-assistance/phare/evaluation/interim_en.htm
Valutazzjoni
tal-impatt Bħala parti mit-tħejjija tal-proposta
għall-istrument il-ġdid ta' qabel l-adeżjoni, il-Kummissjoni wettqet
valutazzjoni tal-impatt li kkunsidrat l-għażliet li ġejjin: Għażla 1 – 'L-ebda
bidla'. Għażla 2 – 'Emenda tar-Regolament
eżistenti', bl-alternattivi li ġejjin: –
Sub-għażla 2.1 – “Naqqas l-ambitu u żomm
l-arranġamenti ta’ implimentazzjoni”, li tiffoka fuq
il-bidliet legali u istituzzjonali meħtieġa biex ikun hemm konformità
mal-kriterji ta’ adeżjoni, mingħajr ma jikkommettu ebda fondi sinifikanti
għall-kofinanzjament ta’ investiment pubbliku għall-iżvilupp soċjo-ekonomiku. –
Sub-għażla 2.2 – “Żomm l-istruttura
tal-komponenti u iffoka aktar fuq l-investimenti”
sabiex jiżdied l-impatt soċjo-ekonomiku fil-pajjiżi benefiċjarji u sabiex
titħaffef it-tħejjija tagħhom għall-ġestjoni tal-fondi ta’ żvilupp strutturali,
ta’ koeżjoni u rurali. –
Sub-għażla 2.3: “Żomm
l-ambitu u aġġusta l-arranġamenti ta’ implimentazzjoni”, li tkopri kemm
il-konformità mal-kriterji tal-adeżjoni kif ukoll l-appoġġ għall-iżvilupp
soċjo-ekonomiku. Barra minn hekk, aġġusta aspetti tal-istruttura attwali
tal-IPA u l-proċeduri ta’ implimentazzjoni. Għażla 3: “Fassal
strument ġdid”. Din l-għażla ma ġietx analizzata fid-dettall. L-impatt ekonomiku
tal-għażliet varji ġie evalwat f’termini tal-probabbiltà li l-għażliet: i)
idewwmu jew iħaffu t-tkabbir u għalhekk l-impatt ekonomiku pożittiv
tal-espansjoni tas-suq intern; ii) iżommu jew inaqqsu l-ispejjeż lill-UE u
l-Istati Membri f’termini ta’ miżuri ta’ sigurtà u riskji, kontrolli
tal-fruntieri u migrazzjoni irregolari; iii) jillimitaw jew itejbu
l-possibbiltajiet għall-integrazzjoni ekonomika aħjar, pereżempju permezz ta’
integrazzjoni mtejba man-Netwerks Trans-Ewropej; iv) jaffettwaw b’mod pożittiv
jew negattiv il-kunfidenza tad-donaturi u l-investituri fil-pajjiżi
benefiċjarji. L-impatt soċjali tal-għażliet varji ġie
evalwat f’termini tal-effett probabbli fuq il-faqar u l-esklużjoni fil-pajjiżi
tat-tkabbir, marbut mal-progress lejn l-adeżjoni u l-ħolqien ta’
kundizzjonijiet għal titjieb fil-prestazzjoni ekonomika u miżuri politiċi li
jistgħu jindirizzaw dawn il-kwistjonijiet. Ġew ikkunsidrati wkoll l-effetti
probabbli f’termini ta’ riskji li d-drittijiet fil-qasam tal-ġustizzja u
l-istat tad-dritt jistgħu jiġu pperikolati fil-pajjiżi benefiċjarji bħala
konsegwenza tad-dewmien fl-adeżjoni li sseħħ u r-riskji tagħha. L-impatt ambjentali tal-għażliet ġie
evalwat f’termini tal-probabbiltà li l-ispejjeż ambjentali jkomplu jiżdiedu
jekk it-tkabbir jiddewwem jew jitqiegħed f’riskju, minħabba l-użu ta’ standards
ambjentali aktar baxxi għall-ġenerazzjoni ta’ vantaġġ kompetittiv fil-pajjiżi
benefiċjarji u/jew dewmien fl-implimentazzjoni tal-investimenti għalja meħtieġa
għall-allinjament mal-acquis ambjentali tal-UE. L-għażla 2.1 ġiet
evalwata li x’aktarx ikollha impatti negattivi fuq l-aspetti kollha. L-impatti
pożittivi meta mqabbla mal-għażla 1 kienu mistennija li jakkumulaw mill-għażliet
2.2 u 2.3, b’punteġġi differenti għall-aspetti individwali. Il-modalitajiet
imtejba biex titwassal l-assistenza taħt l-għażla 2.3, billi jiżdiedu
l-fokus, l-effiċjenza, l-effikaċja, l-ingranaġġ u l-impatt, ġew ivvalutati
bħala li x'aktarx ikollhom inġenerali aktar impatti pożittivi mill-investimenti
miżjuda fl-iżvilupp soċjoekonomiku taħt l-għażla 2.2. 3. ELEMENTI LEGALI TAL-PROPOSTA Il-politika tat-tkabbir hija bbażata fuq
l-Artikolu 21 tat-Trattat dwar l-Unjoni Ewropea li jistipula li “l-azzjoni
tal-Unjoni fix-xena internazzjonali għandha tkun iggwidata mill-prinċipji li
ispiraw il-ħolqien, l-iżvilupp u t-tkabbir tagħha u li hija tfittex li
tippromwovi fil-bqija tad-dinja: id-demokrazija, l-istat tad-dritt,
l-universalità u l-indiviżibbiltà tad-drittijiet tal-bniedem u l-libertajiet
fundamentali, ir-rispett għad-dinjità tal-bniedem, il-prinċipji tal-ugwaljanza
u s-solidarjetà, u r-rispett għall-prinċipji tal-Karta tan-Nazzjonijiet Uniti u
għal-liġi internazzjonali”. Il-bażi legali għall-għajnuna finanzjarja għal
qabel l-adeżjoni hija l-Artikolu 212(2) tat-Trattat dwar il-Funzjonament
tal-Unjoni Ewropea. Il-proposta għall-Istrument il-ġdid
għall-Assistenza ta’ Qabel l-Adeżjoni hija konformi mal-prinċipji ta’
sussidjarjetà u proporzjonalità skont l-Artikolu 5 tat-Trattat dwar
l-Unjoni Ewropea. F’termini ta’ sussidjarjetà, azzjoni
fil-livell tal-UE ġġib magħha valur miżjud cruċjali, marbut ma’ għadd ta’
fatturi: –
It-tkabbir suċċessiv tal-UE huwa min-natura tiegħu
stess kompitu komuni li jista’ jiġi segwit biss fil-livell tal-UE.
L-Istati Membri li jaġixxu flimkien biss jistgħu jiddeċiedu fuq it-talbiet ta’
adeżjoni mill-kandidati l-ġodda. L-assistenza ta’ qabel l-adeżjoni pprovduta
permezz tal-baġit tal-UE hija mfassla biex tgħin lill-pajjiżi kandidati u
kandidati potenzjali jippreparaw għal sħubija futura: l-IPA huwa mfassal biex
jagħti lill-pajjiżi “eżerċizzju ta’ prova” tal-obbligi tas-sħubija qabel
l-adeżjoni (bħad-dħul fis-seħħ ta’ istituzzjonijiet għall-ġestjoni ta’ fondi
tal-UE ta’ wara l-adeżjoni, u/jew l-adozzjoni tal-acquis u l-istandards
tal-UE). L-ebda strument multilaterali jew bilaterali ieħor ma jista’ jipprovdi
għodda komprensiva bħal din, u fi kwalunkwe każ l-UE biss tista’ tiddefinixxi
x’tip ta’ assistenza hija meħtieġa sabiex isiru preparazzjonijiet għat-teħid
tal-acquis. –
B’27 Stat Membru li jaġixxu fil-politiki u
l-istrateġiji komuni, l-UE biss għandha l-piż kritiku biex tirrispondi
għall-isfidi globali. L-azzjoni tal-Istati Membri individwali tista’ tkun
limitata u frammentata, bi proġetti li ta’ spiss huma wisq żgħar biex jagħmlu
differenza sostenibbli fil-qasam. Is-simplifikazzjoni tal-ħidma tal-Istati
Membri permezz tal-UE tippermetti koordinazzjoni aħjar u twassal biex il-ħidma tal-UE
tkun aktar effettiva. –
Fis-snin reċenti l-Istati Membri tal-UE bdew
inaqqsu l-livell tal-assistenza bilaterali tagħhom lill-pajjiżi kandidati u
l-kandidati potenzjali, hekk kif jirrikonoxxu li azzjoni kkoordinata fil-livell
tal-UE hija aktar effettiva. Madwar nofs l-assistenza finanzjarja globali
tal-UE lill-pajjiżi tat-tkabbir fl-2009 ġiet mill-baġit tal-UE. Fil-parti
l-kbira l-organizzazzjonijiet donaturi multilaterali neħħew l-appoġġ tagħhom u
dawk li fadal issa ġabu l-programmi tagħhom f’konformità mal-prijoritajiet
tal-UE. Ix-xogħol mal-UE huwa wkoll irħas. L-ispejjeż amministrattivi huma
anqas mill-ispejjeż amministrattivi medji tad-donaturi prinċipali tal-għajnuna
bilaterali. –
Għajnuna qabel l-Adeżjoni hija investiment
fil-futur tal-UE, li tappoġġja l-istabbiltà u l-prosperità tal-pajjiżi ġirien u
l-iżgurar ta' kapaċità effettiva ta' pajjiżi kandidati biex jimplimentaw l-acquis
mal-adeżjoni, inkluża l-ġestjoni tal-fondi u politiki strutturali, ta'
koeżjoni, agrikoli u żvilupp rurali, marittimi u sajd tal-Unjoni. L-assistenza
teknika u finanzjarja tħaffef il-proċess ta’ preparazzjoni u toħloq inċentivi
għat-trasformazzjoni neċessarja tas-soċjetà, tas-sistema legali u l-ekonomija.
Din l-assistenza tgħin biex jintlaħqu l-għanijiet tal-politika interna tal-UE,
toħloq opportunitajiet għan-negozji tal-UE u tipprovdi ritorn tanġibbli fuq
l-investiment. Mingħajr l-involviment intensiv u s-sħubija aktar mill-qrib inkorporati
fl-assistenza ta’ qabel l-adeżjoni, l-UE ċertament ikollha tonfoq aktar biex
tiġġieled kontra l-migrazzjoni illegali, tiżgura l-fruntieri esterni tagħha,
tiżgura s-sigurtà tal-provvista tal-enerġija kif ukoll l-importazzjonijiet ta’
ikel sikur u iġjeniku għaċ-ċittadini tagħha u biex tiġġieled kontra t-tibdil
fil-klima u t-tniġġis. F’konformità
mal-prinċipju tal-proporzjonalità, ir-Regolament propost ma jmurx lil hinn minn
dak li hu meħtieġ biex jintlaħqu l-għanijiet tiegħu. 4. IMPLIKAZZJONI BAĠITARJA Fil-Komunikazzjoni tagħha ta' Ġunju 2011
“Baġit għall-Ewropa 2020”, il-Kummissjoni Ewropea pproponiet li talloka ammont ta’
EUR 14 110 100 000 (prezzijiet kurrenti) għall-Istrument
il-ġdid għall-Assistenza ta’ Qabel l-Adeżjoni għall-perjodu 2014-2020. L-istima ddettaljata tal-impatt finanzjarju
tal-proposta hija ppreżentata fid-Dikjarazzjoni Finanzjarja Leġiżlattiva
mehmuża ma’ din il-proposta. L-impenji baġitarji indikattivi annwali* huma
mogħtija fit-tabella t’hawn taħt. Strument ta’ Qabel l-Adeżjoni || 2014 || 2015 || 2016 || 2017 || 2018 || 2019 || 2020 || 2014-2020 1898.0 || 1935.9 || 1974.6 || 2014.1 || 2054.4 || 2095.5 || 2137.4 || 14110.1 *Prezzijiet
attwali f’miljuni ta’ € Biex tiġi żgurata l-prevedibbiltà tiegħu, il-finanzjament
għal attivitajiet ta’ edukazzjoni ogħla f’pajjiżi terzi fil-kuntest
tal-programm "Erasmus għal Kulħadd" se jkun disponibbli, skont
l-għanijiet tal-azzjoni esterna tal-UE, permezz ta' 2 allokazzjonijiet multi
annwali li jkopru biss l-ewwel 4 snin u t-3 snin li jifdal rispettivament. Dan
il-finanzjament se jkun rifless fid-dokument ta' strateġija indikattiva
multiannwali tal-IPA, f'konformità mal-ħtiġijiet identifikati u l-prijoritajiet
tal-pajjiżi kkonċernati. L-allokazzjonijiet jistgħu jiġu riveduti f'każ ta'
ċirkustanzi imprevisti maġġuri jew tibdiliet politiċi importanti f'konformità
mal-prijoritajiet esterni tal-UE. Id-dispożizzjonijiet tar-Regolament
"Erasmus għal kulħadd ” (UE) Nru [--] tal-Parlament Ewropew u tal-Kunsill
li jistabbilixxi "Erasmus għal kulħadd"[8] se
japplikaw għall-użu ta' dawk il-fondi. Għajnuna
finanzjarja għall-komunità Ċiprijotta Torka se tkompli tingħata sakemm
l-aġġustament previst fit-tieni paragrafu tal-Artikolu 11 tar-Regolament
tal-Kunsill li jistabbilixxi l-qafas finanzjarju multiannwali għas-snin
2014-2020 tkun saret. Tali assistenza finanzjarja għandha tkompli tiġi
rregolata mid-dispożizzjonijiet tar-Regolament (KE) Nru 389/2006 tas-27 ta' Frar 2006
li jistabbilixxi strument ta’ appoġġ finanzjarju għall-inkoraġġiment
tal-iżvilupp ekonomiku tal-komunità Turko-Ċiprijotta. Il-ħtiġijiet finanzjarji
għall-appoġġ tal-komunità Turko-Ċiprijotta ser ikunu koperti mill-pakkett
globali allokat għall-Istrument għall-Assistenza ta' Qabel l-Adeżjoni. 5. ELEMENTI MHUX OBBLIGATORJI Simplifikazzjoni Prijorità għall-Kummissjoni f'dan ir-Regolament
ġdid, kif fi programmi oħra taħt il-Qafas Finanzjarju Multiannwali (MFF),
huwa li jiġi ssimplifikat l-ambjent regolatorju u ffaċilitata l-assistenza
tal-Unjoni lil pajjiżi u reġjuni benefiċjarji, l-organizzazzjonijiet
tas-soċjetà ċivili, SMEs, eċċ. Din il-proposta ssegwi s-simplifikazzjoni
primarjament billi tissimplifika l-istruttura tal-komponent madwar l-oqsma
prinċipali tal-politika. Dan ifisser simplifikazzjoni tal-qafas leġiżlattiv
għall-istrument u r-regoli implimentattivi tal-futur, b'dispożizzjonijiet issimplifikati.
B’rabta mas-simplifikazzjoni tal-istruttura tal-komponent, l-aċċess mhux
iddifferenzjat għall-assistenza taħt kull qasam ta’ politika se jimplika li
l-pajjiżi benefiċjarji ma jibqgħux ikunu meħtieġa li jiġu identifikati
separatament fil-bażi legali tal-istrument. Bħala riżultat, ma jibqax ikun
meħtieġ li jgħaddu minn proċedura kumplikata sabiex jirriflettu bidla
fl-istatus tal-benefiċjarju, u b’hekk jitnaqqas id-distakk bejn
id-deċiżjonijiet politiċi relatati mal-assistenza finanzjarja u
l-implimentazzjoni fuq il-post. Bl-istess mod, jekk pajjiż ġdid isir kandidat
potenzjali għall-adeżjoni fl-UE, ir-rekwiżiti proċedurali għall-inklużjoni
tal-pajjiż fost il-benefiċjarji tal-assistenza jiġu ssimplifikati b’mod
konsiderevoli. Is-servizzi differenti tal-Kummissjoni se
jibqgħu responsabbli għat-tmexxija u l-implimentazzjoni tal-assistenza fl-oqsma
ta’ politika differenti. Madankollu, koordinazzjoni, komunikazzjoni u
implimentazzjoni fuq l-art se jiġu mtejba aktar permezz tas-simplifikazzjoni
ta’ numru ta’aspetti, inklużi monitoraġġ konġunt aktar mill-qrib
tal-progress tal-implimentazzjoni fil-pajjiżi benefiċjarji u inqas proċessi
tal-akkreditazzjoni u l-għoti tas-setgħat ta' ġestjoni. Iż-żieda
fil-koerenza tal-azzjoni tal-Kummissjoni għandha tnaqqas ukoll sostanzjalment
l-ispiża u l-piż tal-koordinazzjoni magħmula mill-pajjiżi benefiċjarji,
minħabba l-kanali u proċeduri ta’ komunikazzjoni differenti użati
mill-Kummissjoni. Il-proposta tipprevedi wkoll li deċiżjonijiet
strateġiċi dwar l-allokazzjoni tal-assistenza jsiru permezz ta’ strateġiji
komprensivi għal pajjiż jew ħafna pajjiżi li jkopru l-perjodu sħiħ tal-qafas
finanzjarju l-ġdid (2014-2020) u jiġu riveduti darba f’nofs it-terminu, biex
b’hekk jissostitwixxu s-sistema attwali ta’ dokumenti ta’ ppjanar indikattiv
kontinwu ta’ tliet snin li hi riveduta kull sena. Dan se jnaqqas, għal kull
parti interessata involuta, il-piż amministrattiv relatat mar-reviżjoni annwali
ta’ kull dokument u r-reviżjonijiet sussegwenti li jista’ jkun hemm. Bl-istess
mod, l-introduzzjoni tal-ipprogrammar multiannwali fil-każ tal-assistenza għat-tranżizzjoni
u l-bini ta’ kapaċitajiet, se jwassal għal anqas amministrazzjoni għal kulħadd
u għoti aktar malajr tal-assistenza. Aktar simplifikazzjoni għandha wkoll tirriżulta
mill-introduzzjoni, fejn il-kondizzjonijiet rilevanti humiex fis-seħħ, approċċ
ibbażat skont is-settur għall-allokazzjoni ta' assistenza għal dawk is-setturi.
Minbarra l-effikaċja mtejba u l-impatt tal-għajnuna, dan l-approċċ jista’
jsarraf f’numru iżgħar ta’ proġetti/kuntratti, u hekk jitnaqqas il-piż
amministrattiv relatat mal-ġestjoni tal-proġett/kuntratt. Jekk
il-kundizzjonijiet ikunu jippermettu, l-approċċ settorjali jista’ jinvolvi
wkoll l-użu tal-appoġġ baġitarju, biex b’hekk ikompli jitnaqqas il-piż
amministrattiv meta mqabbel mal-appoġġ għall-proġett. Dispożizzjonijiet dettaljati dwar
il-monitoraġġ konġunt u l-proċessi ta’ akkreditazzjoni se jiġu pprovduti
f’regoli separati ta’ implimentazzjoni. Dawn ir-regoli se jsegwu
simplifikazzjoni akbar fir-rigward tal-kooperazzjoni transkonfinali bejn
il-pajjiżi kandidati u l-kandidati potenzjali, billi jiġi allinjat aktar
l-ipprogrammar u l-implimentazzjoni mal-approċċ tal-Fondi Strutturali. Simplifikazzjoni
u proċeduri flessibbli fl-implimentazzjoni tar-Regolament il-ġdid, se
jippermettu adozzjoni aktar malajr tal-miżuri implimentattivi u t-twassil
tal-għajnuna tal-UE. Barra minn hekk, ir-reviżjoni tar-Regolament Finanzjarju,
b 'mod partikolari id-dispożizzjoni speċjali għal azzjonijiet esterni, se tgħin
tiffaċilita l-parteċipazzjoni tal-organizzazzjonijiet tas-soċjetà ċivili u
negozji żgħar fi programmi ta’ finanzjament, pereżempju billi tissimplifika
r-regoli, tnaqqas l-ispejjeż ta' parteċipazzjoni u taċċellera l-proċeduri ta’
għoti. Fl-implimentazzjoni ta' dan ir-Regolament, il-Kummissjoni se tuża
l-proċeduri ssimplifikati li huma precisti fir-Regolament Finanzjarju l-ġdid. Spjegazzjoni
dettaljata tad-dispożizzjonijiet speċifiċi tal-proposta B'mod ġenerali, l-proposta attwali u r-regoli
ta’ implimentazzjoni futuri jipprevedu reviżjonijiet fit-tfassil tal-istrument
u l-proċeduri ta’ implimentazzjoni tiegħu (flimkien mas-simplifikazzjoni diġà
msemmija hawn fuq): 1.
L-għoti tal-assistenza se jsir aktar koerenti,
strateġiku u orjentat lejn ir-riżultati, billi: ·
Jiġu indirizzati oqsma ta’ politika permezz
ta' dokumenti ta' strateġiji komprensivi multiannwali tal-pajjiżi (u ta’
ħafna benefiċjarji) li jirriflettu l-prijoritajiet politiċi tal-Istrateġija
għat-Tkabbir u li jkopru, għal kull qasam ta’ politika, l-azzjonijiet kollha
meħtieġa għall-bini tal-istituzzjonijiet, il-konformità mal-acquis u
l-investiment. Il-kamp ta' applikazzjoni se jkun ibbażat fuq evalwazzjoni
tal-ħtiġijiet u se jiġi adattat għall-kuntest tal-pajjiż. ·
Jiġi msaħħaħ il-(ko)finanzjament ta’ strateġiji
tas-settur miftiehma li jikkontribwixxu għall-għanijiet tal-politika,
għall-kuntrarju ta’ proġetti individwali, biex b’hekk jitbiegħdu minn proġetti
ffinanzjati purament minn għotjiet u jżidu s-sehem tal-assistenza ffinanzjata
permezz ta’ appoġġ fil-livell settorjali (inkluż permezz ta’ appoġġ baġitarju
settorjali għall-oqsma ta’ politika magħżula bbażat fuq kundizzjonalitajiet
immirati b’mod effettiv). Madankollu
l-appoġġ għall-konformità mal-acquis għandu jibqa’ disponibbli permezz
ta’ appoġġ għall-proġetti jew proċeduri oħra ta’ implimentazzjoni bħal
faċilitajiet apposta, meta dan ma jkunx kopert minn strateġiji settorjali
ewlenin. ·
Isir ukoll programmar multiannwali aktar
sistematiku għall-għanijiet tal-politika segwiti mill-assistenza għat-tranżizzjoni
u l-bini ta’ istituzzjonijiet (eż. riforma fl-amministrazzjoni pubblika;
riforma tas-sistemi tal-ġustizzja, eċċ), li jappoġġja l-implimentazzjoni
effettiva tal-istrateġiji settorjali relatati u finalment il-kisba
tal-għanijiet relatati; ·
L-assistenza finanzjarja ssir aktar kundizzjonali
direttament fuq governanza mtejba u tkabbir tas-sjieda mill-pajjiżi
benefiċjarji. L-introduzzjoni ta’ elementi ta’ flessibilità sabiex jilqgħu
għall-ħtiġijiet emerġenti u jagħtu inċentivi biex itejbu l-prestazzjoni.
2.
It-twassil tal-assistenza se jsir aktar flessibbli u mfassal apposta biex jindirizza
l-ħtiġiet, billi: ·
Jippermetti aċċess mhux iddifferenzjat
għall-assistenza (irrispettivament mill-istatus tal-kandidat jew
il-kandidat potenzjali), għalkemm b’ambitu jew intensità differenti, fuq
il-bażi tal-ħtiġijiet u l-kapaċità teknika u amministrattiva. Il-ħtiġijiet
tal-pajjiżi benefiċjarji se jkunu l-punt tat-tluq għad-determinazzjoni
tas-setturi/oqsma ta’ politika li jeħtieġu l-assistenza. ·
Jipprevedi approċċ aktar progressiv u gradwali
għall-ġestjoni tal-assistenza finanzjarja, fejn il-ġestjoni
mill-Kummissjoni jew mill-pajjiż benefiċjarju, bi jew mingħajr kontrolli ex-ante
mill-Kummissjoni, tapplika skont l-istatus/il-perspettiva għall-adeżjoni,
is-settur/il-qasam ta’ politika tal-assistenza, il-kapaċità amministrattiva
teknika u ta’ ġestjoni. Il-ħolqien
ta’ strutturi u proċeduri ta’ ġestjoni li jirriflettu dawk li jeħtieġ li jkunu
fis-seħħ wara l-adeżjoni se jibqa’ jkun l-għan fis-setturi rilevanti bħala
preparazzjoni għall-adeżjoni. ·
L-irbit tal-progress tul il-fażijiet differenti
ta’ ġestjoni biex prijoritajiet politiċi, kif riflessi
fir-rapporti ta’ progress, il-kisba ta' riferimenti tan-negozjati jew ir-rekord
fl-implimentazzjoni ta’ Ftehimiet ta’Assoċjazzjoni. ·
Tiżdied il-flessibilità bejn prijoritajiet għal
twassil aktar orjentat lejn ir-riżultati tal-għajnuna, li tippermetti li l-allokazzjonijiet
jiġu trasferiti bejn l-oqsma tal-politika, bil-possibbiltà li l-fondi
jkunu jistgħu jiġu mgħoddija minn sena għall-oħra, fejn permess
mir-Regolament Finanzjarju l-ġdid. 3.
It-twassil tal-assistenza se jsir aktar effiċjenti u effettiv billi: ·
Jiġu segwiti aktar l-identifikazzjoni u l-użu ta’ strumenti
finanzjarji innovattivi li jistgħu jistimulaw aktar fondi privati u tiġi
kkunsidrata l-possibbiltà li jiġu sfruttati s-sinerġiji ma' strumenti
finanzjarji innovattivi żviluppati għall-politika interna, fuq il-bażi ta’
approċċ ikkoordinat u r-regoli kkoordinati għall-użu tal-baġit tal-UE fi
strumenti bħal dawn. ·
Ukoll bħala parti miċ-ċaqliq lejn appoġġ akbar
fil-livell settorjali, li jżid il-kooperazzjoni ma’ donaturi oħra u istituzzjonijiet
Internazzjonali u finanzjarji oħra fil-livell strateġiku, bi qbil dwar
prijoritajiet ta’ politika u dwar diviżjoni aktar ċara tax-xogħol; ·
Jitkompla l-appoġġ għall-programmi/proġetti
reġjonali li jġibu valur miżjud billi jiġi inkoraġġut il-qsim tal-għarfien
u l-esperjenza, l-armonizzazzjoni tal-linji politiċi, il-ftehim dwar
prijoritajiet konġunti u l-bini ta’ fiduċja reċiproka. Il-programmi reġjonali
għandhom ukoll il-potenzjal li jtejbu l-effikaċja tal-politiki eż fit-trasport,
l-enerġija, l-ambjent, it-tibdil fil-klima, l-istatistika, il-ġlieda kontra
l-kriminalità organizzata u l-kwistjonijiet ta’ migrazzjoni. ·
Is-simplifikazzjoni tar-regoli għall-akkwist ta’
assistenza ta’ ġemellaġġ u l-introduzzjoni ta’
mekkaniżmi biex jiżguraw l-adegwatezza tal-esperti reklutati, filwaqt li
tiżdied ukoll il-possibbiltà li jinġibdu l-fondi minn faċilità apposta biex
jirrispondu għall-ħtiġijiet meta dawn jinqalgħu. Atti Delegati Meta wieħed iqis
li d-deċiżjonijiet diskrezzjonali tal-politika dwar l-istatus tal-pajjiżi
applikanti għandhom jittieħdu fuq livell ieħor, huwa propost li l-emendi
għal-lista ta’ pajjiżi benefiċjarji fl-Anness tar-Regolament propost li
jirriflettu dawn id-deċiżjonijiet għandhom jiġu adottati permezz ta’ att
delegat skont l-Artikolu 290 tat-Trattat dwar il-Funzjonament tal-Unjoni
Ewropea, peress li emendi bħal dawn fil-fatt mhux se jaffettwaw element
essenzjali tar-Regolament. Huwa propost
ukoll li l-Kummissjoni għandha tingħata setgħat delegati biex tadotta regoli
dettaljati li jistabbilixxu kundizzjonijiet uniformi għall-implimentazzjoni
tar-Regolament propost, b’mod partikolari fir-rigward tat-tmexxija
tal-istrutturi ta' ġestjoni u l-proċeduri. Tali regoli huma meħtieġa biex
jikkumplimentaw ir-regoli u l-proċeduri komuni għall-implimentazzjoni
tal-istrumenti tal-Unjoni għal azzjoni esterna stabbilita minn Regolament ta’
Implimentazzjoni Komuni. Huma għandhom iqisu l-lezzjonijiet li ttieħdu
mill-ġestjoni u l-implimentazzjoni tal-assitenza tal-passat ta’ qabel
l-adeżjoni u jkunu adattati għall-evoluzzjoni tas-sitwazzjoni fil-pajjiżi
benefiċjarji. 2011/0404 (COD) Proposta għal REGOLAMENT TAL-PARLAMENT EWROPEW U
TAL-KUNSILL dwar l-Istrument għall-Assistenza ta’ Qabel
l-Adeżjoni (IPA II) IL-PARLAMENT EWROPEW U L-KUNSILL
TAL-UNJONI EWROPEA, Wara li kkunsidraw it-Trattat dwar
il-Funzjonament tal-Unjoni Ewropea, u b'mod partikolari l-Artikolu 212(2)
tiegħu, Wara li kkunsidraw il-proposta mill-Kummissjoni
Ewropea, Wara li l-abbozz tal-att leġiżlattiv intbagħat
lill-Parlamenti nazzjonali, Wara li kkunsidraw l-opinjoni tal-Kumitat
Ekonomiku u Soċjali Ewropew[9],
Wara li kkunsidraw l-opinjoni tal-Kumitat
tar-Reġjuni[10],
Filwaqt li jaġixxu skont il-proċedura
leġiżlattiva ordinarja, Billi: (1)
Fil-Komunikazzjoni mill-Kummissjoni lill-Parlament
Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat
tar-Reġjuni “Baġit għall-Ewropa 2020”[11],
il-Kummissjoni tistabbilixxi l-qafas baġitarju għal strumenti tal-azzjoni
esterna tal-Unjoni, inkluż l-Istrument għall-Għajnuna ta' qabel l-adeżjoni
(IPA). (2)
Minħabba li r-Regolament tal-Kunsill (KE) Nru
1085/2006 tas-17 ta' Lulju 2006 jistabbilixxi Strument għall-Assistenza ta'
Qabel l-Adeżjoni (IPA)[12]
jiskadi fil-31 ta' Diċembru 2013 u sabiex isir użu aktar effettiv mill-azzjoni
esterna tal-Unjoni, qafas għall-ippjanar u għall-konsenja tal-għajnuna esterna
għandu jinżamm għall-perjodu 2014 – 2020. Il-politika ta’ tkabbir tal-Unjoni
għandha tibqa’ tiġi appoġġjata minn strument finanzjarju speċifiku. L-Istrument
għall-Għajnuna ta' qabel l-adeżjoni (IPA), għandu għalhekk jiġi mġedded. (3)
L-Artikolu 49 tat-Trattat dwar l-Unjoni
Ewropea jipprovdi li kull Stat Ewropew li japprova l-valuri tar-rispett
għad-dinjità tal-bniedem, il-libertà, id-demokrazija, l-ugwaljanza, l-istat
tad-dritt u r-rispett għad-drittijiet tal-bniedem jista’ japplika sabiex isir
membru tal-Unjoni. (4)
Stat Ewropew li applika sabiex jissieħeb fl-Unjoni
jista' jsir membru biss meta jkun ġie kkonfermat li jissodisfa l-kriterji
għas-sħubija miftiehma fil-Kunsill Ewropew ta’ Kopenħagen f’Ġunju 1993 u sakemm
l-adeżjoni ma tkunx estendiet iżżejjed il-kapaċità tal-Unjoni biex tintegra
l-membri ġodda. Dawn il-kriterji huma relatati mal-istabbiltà tal-istituzzjonijiet
li jiggarantixxu d-demokrazija, l-istat tad-dritt, ir-rispett għad-drittijiet
tal-bniedem u r-rispett għal u l-protezzjoni tal-minoranzi, l-iżvilupp
tal-ekonomija li trid tkun biżżejjed biex tiflaħ għall-pressjoni kompetittiva
fis-suq intern, u l-abbiltà li jassumu mhux biss id-drittijiet iżda wkoll
l-obbligi taħt it-Trattati. (5)
Il-proċess ta’ adeżjoni huwa bbażat fuq kriterji
oġġettivi u l-applikazzjoni tal-prinċipju ta’ trattament ugwali tal-pajjiżi
applikanti kollha. Il-progress lejn l-adeżjoni jiddependi fuq il-kapaċità
tal-pajjiż applikant li jwettaq ir-riformi meħtieġa sabiex jallinja s-sistemi
politiċi, istituzzjonali, legali, amministrattivi u ekonomiċi mar-regoli,
l-istandards, il-politika u l-prattika tal-Unjoni. (6)
Il-Kunsill Ewropew ta l-istatus ta’ pajjiż kandidat
lill-Islanda, il-Montenegro, Dik li kienet ir-Repubblika Jugoslava
tal-Maċedonja u t-Turkija. Barra minn hekk, ikkonferma l-perspettiva Ewropea
għall-Albanija, il-Bosnja u Ħerzegovina, is-Serbja kif ukoll il-Kosovo[13], li huma
kkunsidrati bħala kandidati potenzjali. (7)
L-assistenza finanzjarja taħt dan ir-Regolament
għandha tingħata kemm lill-pajjiżi kandidati kif ukoll lill-kandidati
potenzjali (il-“pajjiżi benefiċjarji”) elenkati fl-Anness għal dan
ir-Regolament, irrispettivament mill-istatus tagħhom. (8)
L-assistenza taħt dan ir-Regolament għandha tiġi
pprovduta skont il-qafas ta’ politika għat-tkabbir definit mill-Unjoni għal
kull pajjiż benefiċjarju u rifless fil-pakkett annwali tat-tkabbir
tal-Kummissjoni, inklużi r-Rapporti ta’ Progress u l-Istrateġija għat-Tkabbir,
fil-ftehimiet ta’ Stabbiltà u ta’ Assoċjazzjoni u fis-Sħubiji Ewropej jew ta’
Adeżjoni. L-assistenza għandha tiffoka prinċipalment fuq għadd limitat ta'
oqsma ta' politika li se tgħin lill-pajjiżi benefiċjarji jsaħħu
l-istituzzjonijiet demokratiċi u l-istat tad-dritt, ir-riforma tal-ġudikatura u
l-amministrazzjoni pubblika, ir-rispett għad-drittijiet fundamentali u
l-promozzjoni tal-ugwaljanza bejn is-sessi u non-diskriminazzjoni. Għandha
wkoll ittejjeb l-iżvilupp ekonomiku u soċjali tagħhom, li jesfasizza aġenda
tat-tkabbir intelliġenti, sostenibbli u inklużiva konformi mal-istrateġija
Ewropa 2020 u biex isir allinjament progressiv mal-kriterji ta' Kopenħagen.
Il-koerenza bejn l-assistenza finanzjarja u l-progress ġenerali li saru
fl-implimentazzjoni tal-istrateġija ta' qabel l-adeżjoni għandha tiġi msaħħa. (9)
Pajjiżi kandidati u kandidati potenzjali jeħtieġ ikunu
ppreparati aħjar sabiex jirreżistu sfidi globali, bħall-iżvilupp sostenibbli u t-tibdil
fil-klima, u li jallinjaw ruħhom mal-isforzi tal-Unjoni biex tindirizza dawn
il-kwistjonijiet. Assistenza mill-Unjoni taħt dan ir-Regolament għandha
tikkontribwixxi wkoll għall-għan li żżid il-proporzjon tal-baġit tal-Unjoni
relatat mal-klima għal mill-inqas 20%. (10)
Il-Kummissjoni u l-Istati Membri għandhom jiżguraw
konformità, koerenza u komplementarjetà tal-assistenza tagħhom, b’mod
partikolari permezz ta’ konsultazzjonijiet regolari u skambji frekwenti ta’
informazzjoni matul il-fażijiet differenti taċ-ċiklu ta’ assistenza. (11)
Sabiex tiġi żgurata l-koerenza bejn il-proċess ta’
adeżjoni u l-assistenza finanzjarja u teknika prevista taħt dan ir-Regolament u
li jitwettqu l-għanijiet tal-aġenda tal-adeżjoni, il-Kummissjoni għandha
tistabbilixxi qafas strateġiku komuni għall-użu tal-istrument ta' qabel
l-adeżjoni. Dan il-qafas għandu jiddefinixxi, fost affarijiet oħra, il-lista
ta’ azzjonijiet ewlenin li jistgħu jkunu appoġġjati taħt dan ir-Regolament u
l-kriterji għall-allokazzjoni tal-fondi. Il-qafas strateġiku komuni għandu
jikkostitwixxi l-qafas ta’ referenza għall-pajjiż u dokumenti ta' għal għadd
ta' pajjiżi. (12)
L-għanijiet tal-assistenza għandhom jiġu definiti
fid-dokumenti ta’ strateġija indikattivi tal-pajjiż, ta’ ħafna pajjiżi
stabbiliti mill-Kummissjoni għal perjodu tal-Qafas Finanzjarju Multiannwali
tal-Unjoni applikabbli fi sħubija mal-pajjiżi benefiċjarji, ibbażati fuq
il-ħtiġijiet speċifiċi tagħhom u l-aġenda ta’ tkabbir. Id-dokumenti ta’
strateġija għandhom jidentifikaw l-oqsma ta’ linja ta' politika
għall-assistenza u, mingħajr preġudizzju għall-prerogattivi tal-Awtorità
Baġitarja, jistabbilixxu l-allokazzjonijiet indikattivi ta’ fondi għal kull
qasam ta’ linja ta' politika, imqassma għal kull sena inkulż stima tan-nefqa
relatata mal-klima. Għandu jkun hemm flessibilità suffiċjenti li tilqa’
għall-ħtiġijiet emerġenti u li tagħti inċentivi għat-titjib tal-prestazzjoni.
Id-dokumenti tal-istrateġija għandhom jiżguraw koerenza u konsistenza
mal-isforzi tal-pajjiżi benefiċjarji kif rifless fil-baġit nazzjonali tagħhom u
għandhom iqisu l-appoġġ ipprovdut minn donaturi oħra. Sabiex tittieħed
kunsiderazzjoni tal-iżviluppi interni u esterni, id-dokumenti ta’ strateġija
indikattiva multiannwali għandhom jiġu riveduti kif xieraq. (13)
Huwa fl-interess tal-Unjoni li tassisti pajjiżi
benefiċjarji fl-isforzi tagħhom biex jirriformaw is-sistemi tagħhom sabiex jiġu
allinjati ma’ dawk tal-Unjoni. Peress li l-għan ta’ dan ir-Regolament ma jistax
jintlaħaq suffiċjentement mill-Istati Membri u għalhekk jista’ jintlaħaq aħjar
fil-livell tal-Unjoni, l-Unjoni tista’ tadotta miżuri skont il-prinċipju
tas-sussidjarjetà kif stabbilit fl-Artikolu 5 tat-Trattat dwar l-Unjoni
Ewropea. Skont il-prinċipju ta’ proporzjonalità kif stabbilit f’dak l-Artikolu,
dan ir-Regolament ma jmurx lil hinn minn dak li huwa meħtieġ sabiex jintlaħaq
dan il-għan. (14)
Sabiex dan ir-Regolament ikun jista’ jirrifletti
malajr ir-riżultat tad-deċiżjonijiet politiċi meħuda mill-Kunsill, is-setgħa li
jiġu adottati atti skont l-Artikolu 290 tat-Trattat dwar il-Funzjonament
tal-Unjoni Ewropea għandha tiġi ddelegata lill-Kummissjoni biex tiġi aġġornata
l-lista tal-pajjiżi benefiċjarji fl-Anness għal dan ir-Regolament. (15)
Filwaqt li r-Regolament (UE) Nru .../...
tal-Parlament Ewropew u tal-Kunsill ta' ....[14] (minn hawn 'il quddiem "ir-Regolament
Implimentattiv Komuni") jistabbilixxi regoli u proċeduri komuni
għall-implimentazzjoni tal-istrumenti tal-Unjoni għal azzjoni esterna, setgħat
delegati biex tadotta regoli aktar dettaljati li jistabbilixxu kundizzjonijiet
uniformi għall-implimentazzjoni ta’ dan ir-Regolament, b’mod partikolari
fir-rigward ta' proċeduri u stutturi tal-ġestjoni, għandhom ukoll jiġu
konferiti fuq il-Kummissjoni. Tali ir-regoli dettaljati għandhom iqisu
l-lezzjonijiet li ttieħdu mill-ġestjoni u l-implimentazzjoni tal-assistenza
tal-passat ta’ qabel l-adeżjoni u jkunu adattati għall-evoluzzjoni
tas-sitwazzjoni fil-pajjiżi benefiċjarji. (16)
Fir-rigward ta' dawn l-atti delegati, huwa ta’
importanza partikolari li l-Kummissjoni twettaq konsultazzjonijiet xierqa matul
ix-xogħol preparatorju tagħha, inkluż fil-livell ta' esperti. Il-Kummissjoni,
meta tħejji u tfassal atti delegati, għandha tassigura wkoll trażmissjoni
simultanja, fil-ħin u adatta tad-dokumenti rilevanti lill-Parlament Ewropew u
lill-Kunsill. (17)
L-assistenza għandha tkompli tuża l-istrutturi u
l-istrumenti li ġew ipprovati tajbin fil-proċess ta’ qabel l-adeżjoni. It-tranżizzjoni
minn ġestjoni diretta tal-fondi ta' qabel l-adeżjoni mill-Kummissjoni għal
ġestjoni deċentralizzata ddelegata lill-pajjiżi benefiċjarji għandha tkun
progressiva u konformi mal-kapaċitajiet ta’ kull pajjiż benefiċjarju. (18)
Dawk is-setgħat għandhom jiġu eżerċitati skont
ir-Regolament (UE) Nru 182/2011 tal-Parlament Ewropew u tal-Kunsill li
jistabbilixxi r-regoli u l-prinċipji ġenerali dwar il-modalitajiet ta’ kontroll
mill-Istati Membri tal-eżerċizzju mill-Kummissjoni tas-setgħat ta’
implimentazzjoni[15].
Meta wieħed jieħu kont tan-natura ta' dawk l-atti implimentattivi,
partikolarment in-natura ta' orjentazzjoni politika tagħhom jew
l-implikazzjonijiet finanzjarji tagħhom, il-proċedura ta’eżaminazzjoni għandha
fil-prinċipju tintuża għall-adozzjoni tagħhom, ħlief għal miżuri
implimentattivi tekniċi fuq skala finanzjarja żgħira. (19)
Il-kumitati stabbiliti taħt dan ir-Regolament
għandhom ikunu kompetenti wkoll għal atti relatati mal-implimentazzjoni
tal-Istrument preċedenti għall-Assistenza ta' Qabel l-Adeżjoni, kif ukoll
l-implimentazzjoni ta' għajnuna finanzjarja għall-komunità Turko-Ċiprijotta. (20)
Meta pajjiż benefiċjarju jikser il-prinċipji li
l-Unjoni hija mibnija fuqhom, jew ma jirrispettax l-impenji li jinsabu
fil-ftehimiet rilevanti konklużi mal-Unjoni, jew ma jagħmilx biżżejjed progress
fir-rigward tal-kriterji tal-adeżjoni, il-Kunsill, fuq proposta
tal-Kummissjoni, għandu jkun jista’ jieħu l-miżuri xierqa biex jikkoreġi
s-sitwazzjoni. (21)
Minħabba l-għanijiet u l-ambitu tal-assistenza
pprovduta taħt dan ir-Regolament, il-Kumitat Ekonomiku u Soċjali Ewropew u
l-Kumitat tar-Reġjuni għandhom jiġu kkonsultati qabel l-adozzjoni tiegħu, ADOTTAW DAN IR-REGOLAMENT: TITOLU
I
DISPOŻIZZJONIJIET ĠENERALI Artikolu 1
Għan ġenerali L-Istrument għall-Assistenza ta’ Qabel
l-Adeżjoni ('IPA') għandu l-għan li jappoġġja lill-pajjiżi kandidati u
potenzjalment kandidati ('il-pajjiżi benefiċjarji') elenkati fl-Anness
fl-implimentazzjoni tar-riformi politiċi, istituzzjonali, legali,
amministrattivi u ekonomiċi li huma meħtieġa biex javviċinaw lill-pajjiżi aktar
lejn il-valuri tal-Unjoni u biex progressivament jallinjaw ruħhom mar-regoli,
l-istandards, il-politiki u l-prattika tal-Unjoni bil-għan ta’ sħubija
fl-Unjoni. Artikolu 2
Għanijiet speċifiċi 1.
L-assistenza taħt dan ir-Regolament issegwi
l-għanijiet speċifiċi li ġejjin skont il-ħtiġijiet ta’ kull pajjiż benefiċjarju
u l-aġenda individwali ta’ tkabbir tagħhom: (a)
Appoġġ għar-riformi politiċi, inter alia: (i). it-tisħiħ ta' istituzzjonijiet
demokratiċi u l-istat tad-dritt, inkluż l-implimentazzjoni tagħhom; (ii) il-promozzjoni u l-protezzjoni
tad-drittijiet tal-bniedem u l-libertajiet fundamentali u r-rispett imsaħħaħ
lejn id-drittijiet tal-minoranzi, il-promozzjoni tal-ugwaljanza bejn is-sessi u
n-nondiskriminazzjoni, il-libertà tal-istampa kif ukoll il-promożżjoni ta'
relazzjonijiet tajba ta’ viċinat; (iii). il-ġlieda kontra l-korruzzjoni u
l-kriminalità organizzata; (iv). ir-riforma fl-amministrazzjoni pubblika
u l-governanza tajba; (v). l-iżvilupp tas-soċjetà ċivili u d-djalogu
soċjali; (vi). ir-rikonċiljazzjoni, il-miżuri tal-bini
tal-paċi u l-bini tal-kunfidenza. (b)
Appoġġ għall-iżvilupp u r-riformi ekonomiċi,
soċjali u territorjali, li jimmiraw għal tkabbir sostenibbli, intelliġenti u
inklussiv, fost affarijiet oħra permezz: (i). tal-kisba ta’ standards tal-Unjoni
fl-ekonomija u l-governanza ekonomika; (ii) tar-riformi ekonomiċi neċessarji biex
jilqgħu għall-pressjoni kompetittiva u l-forzi tas-suq fl-Unjoni, filwaqt li
jsegwu miri ekonomiċi, soċjali u ambjentali; (iii). tat-trawwim tal-impjiegi u l-iżvilupp
tal-kapital uman; (iv). tal-inklużjoni soċjali u ekonomika,
b’mod partikolari tal-minoranzi u l-gruppi vulnerabbli; (v). tal-iżvilupp tal-kapital fiżiku,
it-titjib tal-konnessjonijiet mal-Unjoni u n-netwerks reġjonali. (c)
It-tisħiħ tal-abbiltà tal-pajjiżi benefiċjarji biex
jissodisfaw l-obbligi li ġejjin mis-sħubija billi jappoġġaw l-allinjament
progressiv ma' u l-adozzjoni, implimentazzjoni u infurzar tal-acquis
communautaire, tal-fondi strutturali, ta' koeżjoni, u għall-iżvilupp
agrikolu u l-politiki tal-Unjoni. (d)
Integrazzjoni reġjonali u kooperazzjoni
territorjali li jinvolvu pajjiżi benefiċjarji, l-Istati Membri tal-UE u, fejn
xieraq, pajjiżi terzi fl-ambitu tar-Regolament (UE) Nru […] li jistabbilixxi
Strument Ewropew ta’ Viċinat[16]. 2.
Il-progress lejn il-kisba tal-għanijiet speċifiċi
stabbiliti fil-paragrafu 1 għandu jiġi evalwat permezz ta’ indikaturi li jkopru
inter alia: –
Progress fl-oqsma tad-demokrazija, l-istat
tad-dritt, ir-rispett għad-drittijiet tal-bniedem u l-libertajiet fundamentali,
is-sistema tal-ġustizzja u l-livell tal-kapaċità amministrattiva; –
Progress fir-riforma ekonomika, is-solidità u
l-effettività tal-istrateġiji ta' żvilupp soċjali u ekonomiku, progress lejn
tkabbir intelliġenti, sostenibbli u inklużiv, inkluż permezz tal-investimenti
pubbliċi appoġġjati mill-IPA; –
Il-korp ta' leġiżlazzjoni allinjat mal-acquis;
progress f'riforma istituzzjonali relatata mal-Unjoni, inkluż tranżizzjoni għal
ġestjoni ċentralizzata tal-assistenza provduta taħt dan ir-Regolament; –
Ir-rilevanza ta’ inizjattivi ta’ kooperazzjoni
reġjonali u territorjali u l-evoluzzjoni tal-flussi tal-kummerċ. L-indikaturi għandhom ikunu użati għal monitoraġġ,
evalwazzjoni u reviżjoni tal-prestazzjoni, kif xieraq. Artikolu 3
Oqsma ta'linja ta' politika 1.
L-assistenza taħt dan ir-Regolament għandha
prinċipalment tindirizza l-oqsma ta’ linja ta' politika li ġejjin: (a)
il-proċess tat-tranżizzjoni lejn sħubija fl-Unjoni
u l-bini tal-kapaċità; (b)
l-iżvilupp reġjonali; (c)
l-impjiegi, il-politiki soċjali u l-iżvilupp
tar-riżorsi umani; (d)
l-agrikoltura u l-iżvilupp rurali; (e)
il-kooperazzjoni reġjonali u territorjali. 2.
L-assistenza taħt l-oqsma ta’ politika msemmija
fil-paragrafu 1 tappoġġja lill-pajjiżi benefiċjarji fil-kisba
tal-għanijiet ġenerali u speċifiċi stabbiliti fl-Artikoli 1 u 2. 3.
L-assistenza taħt l-oqsma tal-linja ta' politika
imsemmija fil-punti (b) sa (d) tal-paragrafu 1 jistgħu jinkludu inter alia
għall-finanzjament tat-tipi ta' azzjonijiet previsti taħt ir-Regolament (UE)
XXXX/201X tal-Parlament Ewropew u tal-Kunsill ta' jj/xx/ssss dwar
dispożizzjonijiet speċifiċi dwar il-Fond Ewropew għall-Iżvilupp Reġjonali u
l-għan ta' investiment għat-tkabbir u l-impjiegi[17],
ir-Regolament (UE) XXXX/201X tal-Parlament Ewropew u tal-Kunsill ta' DD/MM/YYYY
dwar il-Fond ta' Koeżjoni[18],
ir-Regolament (UE) XXXX/201X tal-Parlament Ewropew u tal-Kunsill ta' jj/xx/ssss
dwar il-Fond Soċjali Ewropew[19],
ir-Regolament (UE) XXXX/201X tal-Parlament Ewropew u tal-Kunsill ta' DD/MM/YYYY
dwar dispożizzjonijiet speċifiċi għall-appoġġ mill-Fond Ewropew għall-Iżvilupp
Reġjonali għall-għan tal-kooperazzjoni territorjali Ewropea[20] u
r-Regolament (UE) XXXX/201X tal-Parlament Ewropew u tal-Kunsill ta' DD/MM/YYYY
dwar l-appoġġ għall-iżvilupp rurali mill-Fond Agrikolu Ewropew għall-Iżvilupp
Rurali (FAEŻR)[21].
4.
L-assistenza taħt il-qasam ta’ politika msemmi
fil-punt (e) ta' paragrafu 1, tista’ b’mod partikolari tiffinanzja
azzjonijiet b’ħafna pajjiżi jew orizzontali kif ukoll azzjonijiet ta’
kooperazzjoni transkonfinali, transnazzjonali u interreġjonali. Artikolu 4
Konformità, koerenza u kumplimentarjetà 1.
L-assistenza finanzjarja taħt dan ir-Regolament
tkun konsistenti mal-politiki tal-Unjoni. Hija tikkonforma mal-ftehimiet konklużi
mill-Unjoni mal-pajjiżi benefiċjarji u tirrispetta l-impenji taħt ftehimiet
multilaterali li tagħhom l-Unjoni hija parti. 2.
Il-Kummissjoni, l-Istati Membri u l-Bank Ewropew
għall-Investiment jiżguraw koerenza bejn l-assistenza provduta taħt dan
ir-Regolament u assistenza oħra pprovduta mill-Unjoni, l-Istati Membri u l-Bank
Ewropew għall-Investiment. 3.
Il-Kummissjoni u l-Istati Membri jiżguraw
koordinazzjoni tal-programmi rispettivi ta’ assistenza tagħhom bl-għan li
tiżdied l-effikaċja u l-effiċjenza fl-għoti ta’ assistenza u biex jiġi evitat
finanzjament doppju f’konformità mal-prinċipji stabbiliti għat-tisħiħ
tal-koordinazzjoni operattiva fil-qasam tal-assistenza esterna, u
għall-armonizzazzjoni tal-politiki u l-proċeduri. Il-koordinazzjoni tinvolvi
konsultazzjonijiet regolari u skambji frekwenti ta’ informazzjoni matul
il-fażijiet differenti taċ-ċiklu ta’ assistenza, b’mod partikolari fil-livell
tal-qasam u tkun pass ewlieni fil-proċessi ta’ programmazzjoni tal-Istati
Membri u l-Unjoni. 4.
Sabiex tiżdied l-effikaċja u l-effiċjenza fl-għoti
tal-assistenza u sabiex jiġi evitat il-finanzjament doppju, il-Kummissjoni
għandha, flimkien mal-Istati Membri, tieħu l-passi neċessarji sabiex tiżgura
koordinazzjoni, u kumplimentarjetà aħjar mal-organizzazzjonijiet u l-entitajiet
multilaterali u reġjonali, bħall-istituzzjonijiet finanzjarji internazzjonali,
aġenziji tan-Nazzjonijiet Uniti, fondi u programmi, u donaturi mhux
mill-Unjoni. 5.
Meta tipprepara, timplimenta u tissorvelja
l-għajnuna taħt dan ir-Regolament, il-Kummissjoni fil-prinċipju taġixxi fi
sħubija mal-pajjiżi benefiċjarji. Is-sħubija għandha tinvolvi, kif xieraq,
awtoritajiet nazzjonali, reġjonali u lokali kompetenti, imsieħba ekonomiċi u
soċjali, soċjetà ċivili u atturi mhux statali. TITOLU
II
PJANAR STRATEĠIKU Artikolu 5
Qafas Strateġiku Komuni tal-IPA 1.
Il-Kummissjoni għandha tistabbilixxi Qafas
Strateġiku Komuni għall-Istrument għall-Assistenza ta’ Qabel l-Adeżjoni.
Il-Qafas Strateġiku Komuni tal-IPA jsarraf il-prijoritajiet politiċi
tal-politika tat-tkabbir f’azzjonijiet ewlenin li jistgħu jirċievu assistenza
taħt dan ir-Regolament. 2.
Il-Qafas Strateġiku Komuni tal-IPA jinkludi fost
affarijiet oħra: (a)
il-kriterji li jintużaw għall-allokazzjoni
tal-fondi lill-pajjiżi benefiċjarji kif ukoll għal azzjonijiet ta’ kooperazzjoni
ta’ ħafna pajjiżi u territorjali; (b)
it-tipi ta’ azzjonijiet li jistgħu jiġu ffinanzjati
mill-IPA; (c)
il-linjigwida komuni għall-ġestjoni u
l-implimentazzjoni tal-IPA. 3.
Il-Kummissjoni tadotta l-Qafas Strateġiku Komuni
tal-IPA u kwalunkwe reviżjoni tiegħu skont il-proċedura ta’ eżaminazzjoni
msemmija fl-Artikolu 15(3) tar-Regoli ta' Implimentazzjoni Komuni. Artikolu 6
Dokumenti ta' Strateġija 1.
L-assistenza taħt dan ir-Regolament tiġi pprovduta
fuq il-bażi ta’ dokumenti indikattivi ta' strateġija ta’ pajjiż jew ta’ ħafna
pajjiżi (minn issa 'l quddiem "id-dokumenti ta' strateġija"),
stabbiliti għat-tul tal-Qafas Finanzjarju Multiannwali tal-Unjoni,
mill-Kummissjoni fi sħubija mal-pajjiż jew pajjiżi benefiċjarju/benefiċjarji
kkonċernat(i). 2.
Id-dokumenti ta’ strateġija jispeċifikaw it-taħlita
xierqa ta’ oqsma ta’ politika msemmija fl-Artikolu 3 li se jirċievu
assistenza finanzjarja taħt dan ir-Regolament li jirriflettu l-ħtiġijiet u
l-prijoritajiet, b’mod konformi mal-għanijiet imsemmija fl-Artikolu 2, il-Qafas
Strateġiku Komuni tal-IPA msemmi fl-Artikolu 5, u b’mod konsistenti
mal-istrateġiji nazzjonali, kif xieraq. 3.
Id-dokumenti ta’ strateġija jinkludu l-allokazzjoni
indikattiva tal-fondi tal-UE għal kull qasam ta’ linja ta' politika, kif
applikabbli, imqassma kull sena, b’konformità mal-kriterji stabbiliti fil-Qafas
Strateġiku Komuni tal-IPA msemmi fl-Artikolu 5. L-allokazzjoni indikattiva
tal-fondi tieħu kont ta' ħtiġijiet, kapaċità ta' assorbiment u tal-kapaċità
amministrattiva tal-pajjiżi benefiċjarji. Għandha tippermetti wkoll
l-indirizzar tal-ħtiġijiet emerġenti u tinkludi inċentivi sabiex tittejjeb
il-prestazzjoni tal-pajjiżi benefiċjarji fir-rigward tal-għanijiet stabbiliti
fl-istrateġija indikattiva multiannwali. 4.
Id-dokumenti ta’ strateġija jiġu riveduti f’nofs
it-terminu u jiġu riveduti kif xieraq. Dawn jistgħu jiġu riveduti f’kull ħin
fuq l-inizjattiva tal-Kummissjoni. 5.
Il-Kummissjoni tadotta d-dokumenti ta' strateġija u
kwalunkwe reviżjoni tagħhom skont il-proċedura ta’ eżaminazzjoni msemmija fl-Artikolu 15(3)
tar-Regoli ta' Implimentazzjoni Komuni. TITOLU
III
IMPLIMENTAZZJONI Artikolu 7
Qafas ġenerali L-assistenza tal-Unjoni taħt dan ir-Regolament
tiġi implimentata permezz ta' programmi u miżuri kif imsemmi fl-Artikoli 2 u 3
tar-Regolament ta’ Implimentazzjoni Komuni u skont regoli speċifiċi li
jistabbilixxi kundizzjonijiet uniformi għall-implimentazzjoni ta’ dan
ir-Regolament, b’mod partikolari rigward il-ġestjoni tal-istrutturi u
l-proċeduri, li l-Kummissjoni tadotta skont l-Artikoli 10 u 11 tar-Regolament
preżenti. L-implimentazzjoni bħala regola ġenerali, tieħu l-forma ta’ programmi
annwali jew multiannwali, għal pajjiż speċifiku jew għal għadd ta' pajjiżi
stabbiliti skont dokumenti ta' strateġija msemmija fl-Artikolu 6 u mfassla
mill-pajjiżi benefiċjarji u/jew il-Kummissjoni, kif xieraq. Artikolu 8
Ftehimiet qafas u sussidjarji 1.
Il-Kummissjoni u l-pajjiżi benefiċjarji jikkonkludu
ftehimiet qafas dwar l-implimentazzjoni tal-assistenza. 2.
Ftehimiet sussidjarji dwar l-implimentazzjoni
tal-assistenza jistgħu jiġu konklużi bejn il-Kummissjoni u l-pajjiż
benefiċjarju jew l-awtoritajiet ta’ implimentazzjoni tiegħu, kif meħtieġ. Artikolu 9
Dispożizzjonijiet interstrumentali 1.
F'ċirkostanzi debitament ġustifikati u sabiex
tiżgura l-koerenza u l-effikaċja tal-finanzjament tal-Unjoni jew biex trawwem
il-kooperazzjoni reġjonali, il-Kummissjoni tista' tiddeċiedi li testendi
l-eliġibilità tal-programmi u l-miżuri msemmija fl-Artikolu 7 lejn
pajjiżi, territorji u reġjuni li inkella ma jkunux eliġibbli għal finanzjament
skont l-Artikolu 1, meta l-programm jew il-miżura li għandha tiġi
implimentata hija ta' natura globali, reġjonali jew trans-konfinali. 2.
Il-Fond ta’ Żvilupp Reġjunali Ewropew għandu
jikkontribwixxi għal programmi jew miżuri stabbiliti taħt dan ir-regolament
għal kooperazzjoni transkonfinali bejn pajjiżi benefiċjarji u l-Istati Membri.
L-ammont tal-kontribuzzjoni mill-Fond Ewropew għall-Iżvilupp Reġjonali għandu
jiġi ddeterminat skont l-Artikolu 4 tar-Regolament (UE) Nru … tal-Parlament
Ewropew u tal-Kunsill ta '… dwar dispożizzjonijiet speċifiċi għall-appoġġ
mill-Fond Ewropew għall-Iżvilupp Reġjonali għall-għan ta' kooperazzjoni
territorjali Ewropea. Id-dispożizzjonijiet tar-Regolament preżenti japplikaw
għall-użu ta' din il-kontribuzzjoni. 3.
Fejn xieraq, l-IPA jista' jikkontribwixxi għal
programmi jew miżuri ta' kooperazzjoni transnazzjonali u interreġjonali li huma
stabbiliti u implimentati taħt id-dispożizzjonijiet tar-Regolament (UE) Nru … [dwar
dispożizzjonijiet speċifiċi għall-appoġġ mill-Fond Ewropew tal-Iżvilupp
Reġjonali għall-għan ta' koperazzjoni territorjali Ewropea] u fl-IPA li fih
jipparteċipaw pajjiżi benefiċjarji. 4.
Fejn xieraq, l-IPA jista' jikkontribwixxi
għall-programmi jew miżuri ta' koperazzjoni transkonfinali li huma stabbiliti u
implimentati taħt ir-Regolament (UE) Nru ... tal-Parlament Ewropew u
tal-Kunsill ta’… li jistabbilixxi Strument Ewropew tal-Viċinat u fl-IPA li fih
jipparteċipaw pajjiżi benefiċjarji. TITOLU
IV
DISPOŻIZZJONIJIET FINALI Artikolu 10
Delegazzjoni tas-setgħat lill-Kummissjoni Il-Kummissjoni tingħata s-setgħa li tadotta
atti delegati skont l-Artikolu 11 li jemendaw l-Anness għal dan
ir-Regolament u jikkomplementaw ir-Regolament Implimentattiv Komuni b'regoli
speċifiċi li jistabbilixxu kondizzjonijiet uniformi għall-implimentazzjoni ta'
dan ir-Regolament. Artikolu 11
L-eżerċizzju tal-poteri delegati lill-Kummissjoni 1.
Is-setgħa li tadotta atti delegati tingħata
lill-Kummissjoni suġġetta għall-kundizzjonijiet stipulati f’dan l-Artikolu. 2.
Id-delegazzjoni tas-setgħat tiġi konferita
lill-Kummissjoni għall-perjodu ta’ validità ta’ dan ir-Regolament. 3.
Id-delegazzjoni tas-setgħat tista’ tiġi revokata fi
kwalunkwe ħin mill-Parlament Ewropew jew mill-Kunsill. Deċiżjoni ta’ revoka
għandha ttemm id-delega tas-setgħa speċifikata f’dik id-deċiżjoni. Hija tidħol
fis-seħħ l-għada tal-pubblikazzjoni tad-deċiżjoni f’Il-Ġurnal Uffiċjali
tal-Unjoni Ewropea jew f’data aktar tard speċifikata fiha. Dan m’għandux
jaffettwa l-validità ta’ kwalunkwe atti delegati diġà fis-seħħ. 4.
Hekk kif tadotta att delegat, il-Kummissjoni
tinnotifika simultanjament lill-Parlament Ewropew u lill-Kunsill. 5.
Att delegat jidħol fis-seħħ biss jekk ebda
oġġezzjoni ma tkun ġiet espressa mill-Parlament Ewropew jew mill-Kunsill fi
żmien xahrejn (2) min-notifika ta’ dak l-att lill-Parlament Ewropew u
lill-Kunsill jew jekk, qabel l-iskadenza ta’ dak il-perjodu, il-Parlament
Ewropew u l-Kunsill infurmaw lill-Kummissjoni li mhumiex se joġġezzjonaw. Dak
il-perjodu jiġi estiż b’xahrejn (2) fuq l-inizjattiva tal-Parlament Ewropew jew
tal-Kunsill. Artikolu 12
Kumitat 1.
Il-Kummissjoni tkun assistita mill-Kumitat tal-IPA.
Dan il-kumitat ikun kumitat skont it-tifsira tar-Regolament (UE)
Nru 182/2011. 2.
Għal programmi li jindirizzaw l-oqsma tal-politika
msemmija fil-punti (b) u (c) tal-Artikolu 3 u implimentati indirettament
mill-pajjiżi benefiċjarji, il-Kummissjoni tkun assistita mill-Kumitat ta'
Kordinazzjoni tal-Fondi msemmi fl-Artikolu 143 tar-Regolament (UE) Nru […]
tal-Parlament Ewropew u tal-Kunsill ta'... li jistabbilixxi dispożizzjonijiet
komuni dwar il-Fond Ewropew għall-Iżvilupp Reġjonali, il-Fond Soċjali Ewropew,
il-Fond ta' Koeżjoni, il-Fond Agrikolu Ewropew għall-Iżvilupp Rurali u l-Fond
Ewropew għas-Sajd u Marittimu koperti minn qafas strateġiku komuni u
jistabbilixxi d-dispożizzjonijiet ġenerali dwar il-Fond Ewropew għall-Iżvilupp
Reġjonali, il-Fond Soċjali Ewropew u l-Fond ta' Koeżjoni u li jħassar
ir-Regolament (KE) Nru 1083/2006[22].
Għal programmi li jindirizzaw il-qasam ta' linja ta' politika msemmi fil-punt
(d) tal-Artikolu 3 u implimentat indirettament mill-pajjiżi benefiċjarji,
il-Kummissjoni tkun assistita mill-Kumitat għall-Iżvilupp Rurali msemmi
fl-Artikolu 91 tar-Regolament (UE) Nru […] tal-Parlament Ewropew u
tal-Kunsill ta'… dwar l-appoġġ għall-iżvilupp rurali mill-Fond Agrikolu Ewropew
għall-Iżvilupp Rurali (FAEŻR)[23].
F’każijiet bħal dawn, il-Kumitat tal-IPA ikun infurmat mingħajr dewmien dwar
l-opinjoni mogħtija mill-kumitat(i) l-ieħor(oħra). 3.
Il-Kumitati msemmija fil-paragrafi 1 u 2 ikunu
kompetenti għal atti u impenji legali taħt ir-Regolament (KE) Nru 1085/2006
tas-17 ta' Lulju 2006 li jistabbilixxi Strument għall-Assistenza ta' qabel
l-Adeżjoni[24].
Barra minn hekk, il-Kumitat tal-IPA ikun ukoll kompetenti
għall-implimentazzjoni tal-Artikolu 3 tar-Regolament (KE) Nru 389/2006
tas-27 ta' Frar 2006 li jistabbilixxi strument ta’ appoġġ
finanzjarja biex jinkuraġġixxi l-iżvilupp ekonomiku tal-Komunità
Turko-Ċiprijotta u jemenda r-Regolament tal-Kunsill (KE) Nru 2667/2000
dwar l-Aġenzija Ewropea għar-Rikostruzzjoni[25]. Artikolu 13
Suspensjoni ta' appoġġ tal-Unjoni Mingħajr
preġudizzju għad-dispożizzjonijiet dwar sospensjoni tal-għajnuna fi ftehimiet
ta' partenarjat u kooperazzjoni mal-pajjiżi u r-reġjuni msieħba, fejn pajjiż
benefiċjarju jonqos milli jirrispetta l-prinċipji tad-demokrazija, l-istat
tad-dritt, id-drittijiet tal-bniedem, id-drittijiet tal-minoranzi u
l-libertajiet fundamentali, jew l-impenji li jinsabu fil-ftehimiet rilevanti
konklużi mal-Unjoni, jew fejn il-progress lejn it-twettiq tal-kriterji
tas-sħubija huwa insuffiċjenti, l-Unjoni tistieden lill-pajjiż benefiċjarju
biex jagħmel konsultazzjonijiet bil-ħsieb li tinstab soluzzjoni aċċettabbli
għaż-żewġ partijiet, ħlief f'każijiet ta' urġenza speċjali. Fejn
il-konsultazzjonijiet mal-pajjiż benefiċjarju ma jwasslux għal soluzzjoni
aċċettabbli għaż-żewġ partijiet, jew jekk il-konsultazzjonijiet huma rifjutati
jew f'każijiet ta' urġenza speċjali, il-Kunsill jista’ jieħu miżuri xierqa
skont l-Artikolu 215(1) tat-Trattat dwar il-Funzjonament tal-Unjoni
Ewropea, li jistgħu jinkludu s-sospensjoni sħiħa jew parzjali tal-assistenza
tal-Unjoni. Il-Parlament Ewropew jiġi infurmat b'kollox u immedjatament bi
kwalunkwe deċiżjoni meħuda f’dan ir-rigward. Artikolu 14
Ammont ta’ referenza finanzjarja 1. L-ammont ta’ referenza
finanzjarju għall-implimentazzjoni ta’ dan ir-Regolament għall-perjodu
mill-2014 sal-2020 ikun EUR 14 110 100 000 (prezzijiet
kurrenti). Sa 3% tal-ammont finanzjarju ta' referenza jiġi allokat
għall-programmi ta' koperazzjoni transkonfinali bejn pajjiżi benefiċjarji u
Stati Membri tal-UE. 2. L-approprjazzjonijiet annwali
jiġu awtorizzati mill-awtorità baġitarja fil-limiti tal-Qafas Finanzjarju
Multiannwali tal-Unjoni. 3. Kif imsemmi
fil-Artikolu 13, paragrafu 2 tar-Regolament “Erasmus għal Kulħadd”,
ammont indikattiv ta’ EUR 1 812 100 000 mill-istrumenti
esterni differenti (Strument ta’ Kooperazzjoni fl-Iżvilupp, Strument Ewropew
tal-Viċinat, Strument għall-Assistenza ta’ qabel l-Adeżjoni, Strument
tas-Sħubija u l-Fond Ewropew għall-Iżvilupp), se jkun allokat għal azzjonijiet
ta’ mobbiltà fit-tagħlim minn u lejn pajjiżi mhux tal-UE u għall-kooperazzjoni
u djalogu politiku mal-awtoritajiet/istituzzjonijiet/organizzazzjonijiet minn
dawn il-pajjiżi. Id-dispożizzjonijiet tar-Regolament “Erasmus għal Kulħadd” se
japplikaw għall-użu ta’ dawn il-fondi. L-iffinanzjar se jkun disponibbli permezz ta' 2
allokazzjonijiet multiannwali li jkopru biss l-ewwel 4 snin u t-3 non l-oħra
rispettivament. Dan il-finanzjament se jkun rif’ess fl-ipprogrammar indikattiv
multiannwali, f’konformità mal-bżonnijiet identifikati u l-prijoritajiet
tal-pajjiżi konċernati. L-allokazzjonijiet jistgħu jiġu riveduti f'każ ta'
ċirkustanzi imprevisti maġġuri jew tibdiliet politiċi importanti f'konformità
mal-prijoritajiet esterni tal-UE. Artikolu 15
Dħul fis-seħħ Dan ir-Regolament jidħol fis-seħħ fit-tielet
jum wara dak tal-pubblikazzjoni tiegħu f' Il-Ġurnal Uffiċjali tal-Unjoni
Ewropea. Huwa japplika
mill-1 ta’ Jannar 2014. Dan ir-Regolament jorbot fl-intier
tiegħu u japplika direttament fl-Istati Membri kollha. Magħmul fi Brussell, Għall-Parlament Ewropew Għall-Kunsill Il-President Il-President ANNESS –
L-Albanija –
Il-Bosnja u Ħerzegovina –
L-Islanda –
Il-Kosovo* –
Il-Montenegro –
Is-Serbja –
It-Turkija –
Dik li kienet ir-Repubblika Jugoslava tal-Maċedonja
*Taħt l-UNSCR 1244/1999 DIKJAZRAZZJONI FINANZJARJA
LEĠIŻLATTIVA GĦALL-PROPOSTI 1. QAFAS TAL-PROPOSTA/INIZJATTIVA 1.1. It-titolu tal-proposta/inizjattiva 1.2. Il-qasam
(oqsma) tal-politika kkonċernat(i) fl-istruttura tal-ABM/ABB 1.3. In-natura
tal-proposta/inizjattiva 1.4. L-għan(ijiet)
1.5. Ir-raġunijiet
għall-proposta/inizjattiva 1.6. It-tul
ta’ żmien u l-impatt finanzjarju 1.7. Il-metodu(i)
tal-ġestjoni previst(i) 2. MIŻURI TAL-ĠESTJONI 2.1. Regoli
dwar il-monitoraġġ u r-rappurtar 2.2. Sistema
tal-ġestjoni u tal-kontroll 2.3. Miżuri
għall-prevenzjoni ta’ frodi u irregolaritajiet 3. L-IMPATT FINANZJARJU STMAT
TAL-PROPOSTA/INIZJATTIVA 3.1. L-intestatura(i)
tal-qafas finanzjarju multiannwali u l-linja(i) baġitarja(i) ta’ nfiq
affettwata(i) 3.2. L-impatt
stmat fuq l-infiq 3.2.1. Sommarju tal-impatt
stmat fuq l-infiq 3.2.2. L-impatt stmat fuq
l-approprjazzjonijiet operattivi 3.2.3. L-impatt stmat fuq
l-approprjazzjonijiet ta’ natura amministrattiva 3.2.4. Il-kompatibbiltà
mal-qafas finanzjarju multiannwali attwali 3.2.5. Il-parteċipazzjoni
minn partijiet terzi fil-finanzjament 3.3. L-impatt stmat fuq id-dħul DIKJAZRAZZJONI
FINANZJARJA LEĠIŻLATTIVA GĦALL-PROPOSTI
1.
QAFAS TAL-PROPOSTA/INIZJATTIVA
1.1.
It-titolu tal-proposta/inizjattiva
Strument
għall-Assistenza ta’ Qabel l-Adeżjoni (IPA)
1.2.
Il-qasam (oqsma) tal-politika kkonċernat(i)
fl-istruttura tal-ABM/ABB[26]
Tkabbir
1.3.
In-natura tal-proposta/inizjattiva
x Il-proposta/inizjattiva hija relatata ma’
azzjoni ġdida ¨ Il-proposta/inizjattiva hija relatata ma’ azzjoni
ġdida wara proġett pilota/azzjoni preparatorja[27] ¨ Il-proposta/inizjattiva hija relatata mal-estenzjoni
ta’ azzjoni eżistenti ¨ Il-proposta/inizjattiva hija relatata ma’ azzjoni
diretta mill-ġdid lejn azzjoni ġdida
1.4.
Għanijiet
1.4.1.
Il-Kummissjoni għan strateġiku multiannwali (i)
fil-mira tal-proposta / inizjattiva
L-għan
ġenerali tal-politika tat-tkabbir huwa li timplimenta l-Artikolu 49
tat-Trattat dwar l-Unjoni Ewropea, li joffri perspettiva Ewropea għall-pajjiżi
Ewropej kollha li jirrispettaw il-valuri fundamentali tal-UE u huma impenjati
li jippromwovuhom. Il-politika
tat-tkabbir tippromwovi stabbiltà, sigurtà u prosperità fl-Ewropa u żżid il-piż
tal-UE fix-xena internazzjonali. Il-politika
tat-tkabbir tgħin biex tikkonsolida d-demokrazija u l-istat tad-dritt
fl-Ewropa. Hija ttejjeb l-opportunitajiet ekonomiċi u żżid il-piż tal-UE
fl-indirizzar ta’ sfidi globali bħat-tibdil fil-klima, il-kompetittività u
r-regolament u s-superviżjoni tas-swieq finanzjarji, u tgħin biex timmobilizza
l-isforz komuni biex jiġu indirizzati l-għanijiet tal-Ewropa 2020. Il-proċess
ta’ adeżjoni jipprovdi inkoraġġiment qawwi għal riforma politika u ekonomika. Integrazzjoni
aktar mill-qrib permezz tal-proċess tat-tkabbir tgħin ukoll lill-UE biex tilħaq
l-għanijiet tagħha f’numru ta’ oqsma li huma importanti għall-irkupru ekonomiku
u soċjali għal tkabbir intelliġenti, sostenibbli u inklużiv li jinkludi
l-enerġija, it-trasport, il-protezzjoni tal-ambjent u l-isforzi biex jiġi
indirizzat it-tbdil fil-klima. Applikazzjonijiet ġodda għas-sħubija juru
s-setgħa ta’ attrazzjoni tal-UE u r-rwol tagħha fil-promozzjoni tal-istabbiltà,
is-sigurtà u l-prosperità. Il-politika tat-tkabbir
tal-UE tippermetti proċess ġestit bil-għaqal fejn il-kandidati u l-kandidati
jersqu lejn l-UE skont il-pass tar-riformi politiċi u ekonomiċi tagħhom kif
ukoll il-kapaċità tagħhom li jassumu l-obbligi tas-sħubija f’konformità
mal-kriterji ta’ Kopenħagen. Fil-Balkani tal-Punent, il-kooperazzjoni reġjonali
tibqa’ essenzjali u tikkostitwixxi element ewlieni tal-Proċess ta’
Stabbilizzazzjoni u Assoċjazzjoni. Ladarba
l-Kunsill iddeċieda li jiftaħ negozjati ta’ adeżjoni ma’ pajjiż applikant,
il-progress tal-pajjiż applikant biex jintlaħqu l-istandards Ewropej huwa
rifless fil-kapitoli tal-acquis miftuħa u magħluqa. Matul l-aħħar
ħames snin, l-UE mkabbra wriet il-kapaċità tagħha li taħdem flimkien biex
tindirizza l-isfidi importanti li għandha quddiemha. Matul dan il-perjodu,
il-progress bir-riformi fil-pajjiżi tat-tkabbir ippermettilhom jgħaddu minn
stadji suċċessivi fil-proċess ta’ adeżjoni. Il-proċess ta’
tkabbir tal-UE qiegħed jimxi ’l quddiem b’pass li huwa ddeterminat ħafna
mill-kapaċità tal-pajjiżi li jaspiraw li jassumu l-obbligi tas-sħubija. Dan
jeħtieġ riformi fit-tul kif ukoll adattamenti leġiżlattivi u istituzzjonali li
huma kredibbli u konvinċenti. Hekk kif il-pajjiżi kkonċernati jissodisfaw
l-istandards li ġew stipulati, inkluż b’mod partikolari dawk marbutin
mad-demokrazija, l-istat tad-dritt u d-drittijiet u l-libertajiet fundamentali,
l-UE tinsab impenjata li taħdem magħhom biex jimxu lejn l-istadji li jmiss
fil-proċess. Ġie propost
strument uniku integrat ta’ qabel l-adeżjoni bħala l-pilastru finanzjarju
tal-Istrateġija għat-Tkabbir, li jinkludi d-dimensjonijiet kollha tal-politika
interna u l-kwistjonijiet tematiċi. L-għan se jkun
li jiġi żgurat li l-pajjiżi kandidati u l-kandidati potenzjali jkunu ppreparati
bis-sħiħ għas-sħubija eventwali. Ser issir enfasi fuq il-governanza tajba,
il-kapaċità amministrattiva, l-iżvilupp soċjo-ekonomiku, il-kooperazzjoni
reġjonali, l-adozzjoni u l-implimentazzjoni tal-acquis, u
l-preparazzjoni għall-ġestjoni tal-politika interna mal-adeżjoni. Dan ser jiġi implimentat
permezz ta’ programmi nazzjonali/b’diversi benefiċjarji miftehma
mal-benefiċjarji u se jirriflettu wkoll il-Fondi Strutturali, il-Fond ta’
Koeżjoni u l-Fond Agrikolu Ewropew għall-Iżvilupp Rurali (FAEŻR), inkluż
l-iffokar mill-ġdid tagħhom fuq it-twassil tal-prodotti pubbliċi. Barra minn
hekk, strumenti politiċi u finanzjarji relatati mal-kriżi (Għajnuna
Makro-Finanzjarja, l-Istrument għall-Istabbiltà) se jibqgħu jkunu disponibbli
għall-użu fil-pajjiżi tat-tkabbir, meta dawn ikunu meħtieġa.
1.4.2.
Għan(ijiet) speċifiku/speċifiċi u inizjattiva li
tikkonċerna l-attività(jiet) tal-ABM/ABB
Għan speċifiku Nru. (a)
Appoġġ għar-riformi politiċi (b)
Appoġġ għall-iżvilupp u r-riformi ekonomiċi,
soċjali u territorjali, li jimmiraw għal tkabbir sostenibbli, intelliġenti u
inklussiv (c)
Żieda fil-kapaċità tal-pajjiżi benefiċjarji biex
jassumu l-obbligu tas-sħubija billi jappoġġaw l-allinjament progressiv
mal-adozzjoni, implimentazzjoni u infurzar tal-acquis communautaire
inkluża t-tħejjija għall-implimentazzjoni u t-tmexxija tal-fondi strutturali,
ta' koeżjoni, għall-iżvilupp agrikolu u rurali tal-UE. (d)
L-integrazzjoni reġjonali u l-kooperazzjoni
territorjali Attività(jiet)
tal-ABM/ABB ikkonċernat(i) 04.06 Strument
għall-Assistenza ta’ Qabel l-Adeżjoni (IPA) — Żvilupp tar-riżorsi umani 05.05 Miżuri
ta’ qabel l-adeżjoni fil-qasam tal-agrikoltura u l-iżvilupp rurali 13.05
Operazzjonijiet ta’ qabel l-adeżjoni relatati mal-politika strutturali 22.02
Il-proċess u l-istrateġija għat-tkabbir 22.04.02
Programmi ta’ informazzjoni u komunikazzjoni għal pajjiżi li mhumiex membri
1.4.3.
Riżultat(i) u impatt mistenni
Speċifika l-effetti li l-proposta/inizjattiva
għandu jkollhom fuq il-benefiċjarji/gruppi fil-mira. L-istrument
il-ġdid ta’ qabel l-adeżjoni se jkompli jiffoka fuq it-twettiq tal-Politika
tat-Tkabbir li hija waħda mill-prijoritajiet ewlenin tal-Azzjoni Esterna
tal-UE, biex b’hekk jikkontribwixxi għall-promozzjoni tal-istabbiltà,
is-sigurtà u l-prosperità fl-Ewropa. Għal dak il-għan, l-istrument il-ġdid ser
isegwi l-għan tal-politika ġenerali ta’ appoġġ għall-pajjiżi kandidati u
kandidati potenzjali fil-preparazzjonijiet tagħhom għas-sħubija fl-UE u
l-allinjament progressiv tas-sistemi/l-ekonomiji nazzjonali mal-istandards u
l-politiki tal-Unjoni Ewropea, skont il-ħtiġijiet speċifiċi tagħhom u adattat
skont l-aġenda individwali tagħhom għat-tkabbir. F’termini tar-riżultati
u l-impatti li għandhom jintlaħqu, l-istrument il-ġdid se jindirizza i)
id-differenza/l-isfidi fl-iżvilupp tal-pajjiżi benefiċjarji, ii) il-kapaċità
limitata biex dawn jingħelbu permezz tar-riżorsi proprji u l-istituzzjonijiet
pubbliċi dgħajfa u/jew il-kapaċità amministrattiva fil-pajjiżi benefiċjarji, u
iii) inaqqas id-differenzi fost il-pajjiżi benefiċjarji, permezz tal-kisba ta’: (i) istituzzjonijiet
demokratiċi li jaħdmu aħjar, b’mod partikolari biex jiġi żgurat ir-rispett għall-istat
tad-dritt, u d-drittijiet tal-bniedem, u l-inklużjoni tal-minoranzi; it-tnaqqis
tal-korruzzjoni u l-kriminalità organizzata; ir-riforma u l-modernizzazzjoni
tal-amministrazzjoni pubblika; (ii) standards
tal-UE fil-governanza ekonomika u fl-ekonomika; il-kapaċità mtejba
għall-kompetizzjoni fil-forzi tas-suq tal-Unjoni; rati mtejba ta’ impjieg,
riżorsi umani dejjem aktar imħarrġa u tnaqqis fid-differenzi soċjali; żieda
fil-kapaċità tal-innovazzjoni u r-riċerka (iii) liġijiet
progressivament allinjati mal-acquis tal-UE, adottat u infurzati; kapaċità
mtejba biex jiġu implimentati u amministrati l-fondi ta’ żvilupp strutturali,
agrikoli u rurali tal-UE; żieda fil-parteċipazzjoni fi programmi u aġenziji
magħżula tal-UE. (iv) żieda
fl-integrazzjoni ekonomika fir-reġjun, inkluż permezz ta’ infrastruttura
transkonfinali tal-enerġija u tat-trasport, relazzjonijiet eqreb u msaħħa
tal-viċinat fost il-pajjiżi benefiċjarji u mal-UE. Il-progress
f’dawn l-għanijiet speċifiċi ta’ politika se jikkontribwixxi wkoll
għall-implimentazzjoni ta’ oqfsa usa’ ta’ politika tal-UE bħall-istrateġija
Ewropa 2020, il-Pakkett tal-Klima u l-Enerġija tal-UE u l-Unjoni
tal-Innovazzjoni.
1.4.4.
Indikaturi tar-riżultati u l-impatt
Speċifika
l-indikaturi għall-monitoraġġ tal-implimentazzjoni tal-proposta/inizjattiva. Il-progress
lejn l-għanijiet speċifiċi tal-istrument il-ġdid jista’ jiġi evalwat permezz
ta’ tliet makroindikaturi prinċipali: ·
Il-progress lejn il-kisba ta’ punti ta’ riferiment
tal-adeżjoni (kapitoli miftuħa/magħluqa) jew rekord pożittiv
fl-implimentazzjoni tal-Ftehimiet ta’ Assoċjazzjoni kif rifless, fost
affarijiet oħra, minn Rapporti ta’ Progress pożittivi, indiċijiet ibbażati fuq
stħarriġ miġbura minn organizzazzjonijiet internazzjonali magħrufin għal oqsma
bħall-effikaċja governattiva; l-istabbiltà politika u n-nuqqas ta’ vjolenza;
l-istat tad-dritt; ·
L-evoluzzjoni soċjo-ekonomika, kif imkejla mill-indikaturi tal-impatt bħall-indiċi tal-iżvilupp uman
tal-UNDP bħala miżura ġenerali tal-prosperità; rati ta’ qgħad; influssi ta’
investiment barrani dirett; bilanċi kummerċjali; ·
Il-kooperazzjoni u l-integrazzjoni reġjonali, kif imkejla b’indiċijiet bbażati fuq stħarriġ li jirriflettu
l-perċezzjonijiet tal-livell (tendenza) ta’ sigurtà u stabbiltà;
interazzjonijiet politiċi, ekonomiċi u kulturali, Miri u
tragwardi rilevanti għal dawn il-makro-indikaturi relevanti jinkludu, inter
alia, dawn li ġejjin: Li tasal l-applikazzjoni għal sħubija fl-UE, l-adozzjoni
mill-Kummissjoni ta opinjoni pożittiva dwar l-applikazzjoni jew
rakkomandazzjoni li tagħti l-istatus ta' pajjiż kandidat, rakkomandazzjonijiet
biex jinfetħu n-negozjati għall-adeżjoni, il-ftuħ jew tal-għeluq proviżorju ta'
kapitoli tan-negozjati, l-għeluq tan-negozjati tal-adeżjoni ġenerali, il-grad
ta’ konformità mal-kriterji ta’ Kopenħagen, id-dħul fis-seħħ
tal-liberalizzazzjoni tal-viża u l-ftehim ta’ riammissjoni, l-għoti tas-setgħat
ta ġestjoni tal-assistenza tal-IPA, rinunzja tal-kontrolli ex-ante dwar
il-ġestjoni tal-assistenza tal-IPA, id-dħul fis-seħħ ta’ ftehim dwar
id-dwana/kummerċ u t-tneħħija ta’ ostakoli/ostakoli tekniċi għall-kummerċ,
il-parteċipazzjoni f'inizjattivi reġjonali, riżoluzzjoni ta' kwistjonijiet
bilaterali, il-progress fl-integrazzjoni tan-Netwerks Trans Ewropej. Fuq livell
operattiv, il-progress jista’ jiġi mkejjel b’relazzjoni ma’ għanijiet
operattivi li jikkorrispondu għall-għanijiet speċifiċi i. sa iv.
identifikati għall-istrument futur ta’ qabel l-adeżjoni. L-għanijiet operattivi
jinkludu: (a)
li jittejbu l-perċezzjonijiet tad-demokrazija u
s-sistema tal-ġustizzja u fir-rigward tad-drittijiet tal-bniedem u
n-nondiskriminazzjoni; it-tnaqqis tan-numru tal-każijiet pendenti tal-qorti u
tan-numru ta’ ksur tad-drittijiet fundamentali; iż-żieda fil-kapaċitajiet
għall-infurzar tal-liġi u l-kapaċità amministrattiva b’mod ġenerali, tnaqqis
fil-fatturat tal-persunal. (b)
li jiġu żviluppati strateġiji ta’ żvilupp soċjali u
ekonomiċi sodi u effettivi; li jittejbu l-ħiliet u l-livelli ta’ kwalifika u
jissaħħu s-servizzi tas-suq tax-xogħol; li jiġi appoġġjat l-investiment
pubbliku; jiġu stabbiliti strutturi ta’ ġestjoni għal fondi ta’ żvilupp
strutturali, ta’ koeżjoni u rurali tal-UE mal-adeżjoni, il-kisba ta’
akkreditazzjoni u konferiment tal-ġestjoni; (c)
li jittejjeb il-qafas leġiżlattiv; il-leġiżlazzjoni
tiġi allinjata mal-acquis, jinħolqu u jissaħħu l-istituzzjonijiet u
l-istrutturi ta’ infurzar; tingħaqad u tiġi approfondita l-parteċipazzjoni
għall-programmi tal-UE. (d)
li tiġi inkoraġġuta kooperazzjoni aktar profonda. L-għanijiet
operattivi jeħtieġ li jiġu addattati għas-sitwazzjoni f’kull benefiċjarju u
għandhom ikunu stabbiliti fid-dokumenti ta’ programmar ibbażati fuq l-isfidi
identifikati. L-evalwazzjoni
ex ante enfasizzat ukoll il-ħtieġa li tiġi pprovduta gwida dettaljata u li
jinbnew kapaċitajiet fil-pajjiżi benefiċjarji sabiex tinġabar sistematikament
l-informazzjoni meħtieġa li se tkun meħtieġa sabiex jiġi evalwat il-progress
fil-livell operattiv. It-tkabbir preċedenti wassal għal żieda fil-prijorità
mogħtija lill-monitoraġġ u l-evalwazzjoni tal-livell tal-programm u tfassil ta’
politika ‘ibbażat fuq l-evidenza’ fi Stati Membri ġodda. Ċaqliq lejn
allokazzjonijiet tar-riżorsi bbażati fuq prestazzjoni u l-kisba
tal-kundizzjonijiet kif ukoll tal-ħtiġijiet għandhom jinkoraġġixxu wkoll
tendenza simili fost il-pajjiżi kandidati u l-kandidati potenzjali. Fir-rigward
tal-integrazzjoni fil-klima, sistema ta’ rintraċċar se titqiegħed fis-seħħ
sabiex jiġi identifikat fejn il-programmi jippromwovu l-azzjoni klimatika jew
l-effiċjenza fl-enerġija sabiex l-UE tkun tista’ tistabbilixxi b’mod ċar kemm
mill-infiq tagħha huwa relatat ma’ kwistjonijiet bħal dawn. Punti ta’
riferiment u regoli ta’ monitoraġġ u rappurtar ċari se jiġu stabbiliti.
Ir-rintraċċar tan-nefqa relatata mal-klima se jitwettaq fuq il-bażi
tal-metodoloġija stabbilita tal-OECD (‘markaturi Rio’). B’mod konformi
mal-impenn usa’ tal-Kummissjoni għall-integrazzjoni, il-markatur tal-OECD DAC
se jiġi applikat ukoll għar-rintraċċar tal-progress fuq l-integrazzjoni
tal-bijodiversità u d-deżertifikazzjoni. Il-monitoraġġ
u l-evalwazzjonijiet futuri se jkollhom iqisu li r-riżultati u l-impatti
jvarjaw bejn il-pajjiżi benefiċjarji, minħabba d-differenzi tagħhom u
l-ħtiġijiet u l-pożizzjonijiet differenti fit-‘triq għall-adeżjoni’. Peress li
l-istrument se jkompli jopera flimkien mal-proċess ta’ negozjati politiċi u
interventi oħra li jolqtu l-adeżjoni, se jkun diffiċli li jiġi identifikat
il-progress li jirriżulta esklussivament mill-istrument, ħlief fil-livell ta’
attivitajiet speċifiċi. Ħafna mir-‘riżultati' tal-programm futur -
bħall-programm sabiex jintlaħqu l-għanijiet tal-istrument jistgħu jinkisbu
permezz tal-istatus mogħti lill-benefiċjarju daqs kemm permezz tar-riżultati
tal-intervenzjonijiet finanzjarji tal-UE.
1.5.
Ir-raġunijiet għall-proposta/inizjattiva
1.5.1.
Ir-raġunijiet għall-proposta/inizjattiva
Rekwiżit(i) li
għandhom jintlaħqu fi żmien qasir jew twil Il-benefiċjarji tal-assistenza huma
l-pajjiżi kandidati u l-kandidati potenzjali għal sħubija fl-UE fil-Balkani
tal-Punent, l-Islanda u t-Turkija. Fl-1999, il-KE
stabbilit viżjoni għar-relazzjonijiet bejn l-UE u l-Balkani tal-Punent, li
timxi mill-Approċċ Reġjonali preċedenti tagħha għal għodda ġdida, il-Proċess
ta’ Stabbilizzazzjoni u Assoċjazzjoni (SAP). Barra milli jimmira għall-istabbiltà
politika u ekonomika u l-kooperazzjoni reġjonali, l-SAP gradwalment inkorpora
strumenti ta’ tkabbir biex iġib lill-pajjiżi tar-reġjun aktar qrib il-valuri u
l-istandards tal-UE. Il-Kunsill
Ewropew ta’ Feira f’Ġunju 2000 rrikonoxxa li l-pajjiżi tal-Balkani tal-Punent
li jipparteċipaw fl-SAP kienu ‘kandidati potenzjali’ għas-sħubija fl-UE.
Il-perspettiva Ewropea ta’ dawn il-pajjiżi ġiet ikkonfermata mill-Kunsill
Ewropew ta’ Thessaloniki f’Ġunju 2003, li approva l-“Aġenda ta’ Thessaloniki
għall-Balkani tal-Punent”. Din l-aġenda għadha l-bażi li fuqha hija mibnija
l-politika tal-UE fir-rigward tar-reġjun. Fil-laqgħa ministerjali bejn l-UE u
l-Balkani tal-Punent li saret f’Sarajevo fit-2 ta’ Ġunju 2010,
l-UE tenniet l-impenn tagħha lejn il-perspettiva Ewropea tal-Balkani tal-Punent
u enfasizzat li l-futur ta’ dawn il-pajjiżi jinsab fl-UE. Minn dawk
il-pajjiżi li inizjalment kienu jaqgħu taħt l-SAP, il-Kroazja, dik li kienet
ir-Repubblika Jugoslava tal-Maċedonja u riċentement il-Montenegro kisbu status
ta’ kandidat, filwaqt li l-Albanija, il-Bosnija u Ħerzegovina, il-Kosovo[28] u
s-Serbja huma kandidati potenzjali. Pajjiżi oħra li ngħataw perspettiva ta’
adeżjoni fl-UE jinkludu t-Turkija, li kienet applikat diġà fl-1987 u li ngħatat
l-istatus ta’ applikant fl-1999; u l-Islanda, li applikat fl-2009 u ngħatat
status ta’ kandidat fl-2010. It-tliet
rekwiżiti ewlenin għall-adeżjoni huma stabbiliti fil-konklużjonijiet
tal-Kunsill Ewropew f’Kopenħagen fl-1993 (l-hekk imsejħa “kriterji ta’
Kopenħagen”). Dawn huma: (i)
L-istabbiltà tal-istituzzjonijiet li jiggarantixxu d-demokrazija, l-istat
tad-dritt, id-drittijiet tal-bniedem u r-rispett u l-protezzjoni tal-minoranzi; (ii)
L-eżistenza ta’ suq ekonomiku attiv, kif ukoll il-kapaċità li wieħed ikun
jiflaħ għall-pressjoni kompetittiva u l-forzi tas-suq fl-Unjoni; u (iii) Il-ħila
li wieħed jassumi l-obbligi tas-sħubija inkluża l-aderenza għall-għanijiet
tal-unjoni politika, ekonomika u monetarja. Barra minn
hekk, il-Kunsill Ewropew ta’ Madrid f’Diċembru 1995 irrefera għall-ħtieġa “li
jinħolqu l-kundizzjonijiet għall-integrazzjoni gradwali u armonjuża tal-pajjiżi
[applikanti], b’mod partikolari permezz tal-iżvilupp ta’ ekonomija tas-suq,
l-aġġustament tal-istrutturi amministrattivi tagħhom u l-ħolqien ta’ ambjent
ekonomiku u monetarju stabbli ”. Il-membri
prospettivi għandhom jissodisfaw il-kriterji ta’ Kopenħagen qabel ma jkunu
jistgħu jibdew in-negozjati tas-sħubija. L-allinjament tal-benefiċjarji
mal-kriterji ta’ adeżjoni jeħtieġ sforzi konsiderevoli f’termini ta’ investiment
pubbliku u aċċess għal għarfien fil-fond u kompetenza. L-appoġġ tal-UE huwa
mfassal biex jassisti lill-kandidati sabiex jgħinhom jilħqu dawn il-kriterji.
1.5.2.
Valur miżjud tal-involviment tal-UE
Il-politika
tat-tkabbir hija parti mill-azzjoni esterna u tikkontribwixxi sabiex jintlaħqu
l-għanijiet komuni f’termini tal-isfidi globali, ir-rispons globali u
t-tmexxija globali. It-tkabbir
suċċessiv tal-UE huwa min-natura tiegħu stess kompitu komuni li jista’
jiġi segwit biss fil-livell tal-UE. L-Istati Membri li jaġixxu flimkien biss
jistgħu jiddeċiedu fuq it-talbiet ta’ adeżjoni mill-kandidati l-ġodda.
L-assistenza ta’ qabel l-adeżjoni pprovduta permezz tal-baġit tal-UE hija
mfassla biex tgħin lill-pajjiżi kandidati/kandidati potenzjali jippreparaw għal
sħubija futura: l-IPA huwa mibni biex jagħti lill-pajjiżi “eżerċizzju ta’
prova” tal-obbligi tas-sħubija qabel l-adeżjoni (bħad-dħul fis-seħħ ta’
istituzzjonijiet għall-ġestjoni ta’ fondi tal-UE ta’ wara l-adeżjoni, u/jew
l-adozzjoni tal-acquis u l-istandards tal-UE). L-ebda strument
multilaterali jew bilaterali ieħor ma jista’ jipprovdi għodda komprensiva bħal
din, u fi kwalunkwe każ l-UE biss tista’ tiddefinixxi x’tip ta’ assistenza hija
meħtieġa sabiex isiru preparazzjonijiet għat-teħid tal-acquis. L-assistenza
ta’ qabel l-adeżjoni hija investiment fil-futur tal-UE, li tappoġġja
l-istabbiltà u l-prosperità tal-pajjiżi ġirien u tiżgura l-kapaċità effettiva
tal-pajjiżi kandidati li jimplimentaw l-acquis mal-adeżjoni. L-assistenza
teknika u finanzjarja tħaffef il-proċess ta’ preparazzjoni u toħloq inċentivi
għat-trasformazzjoni meħtieġa tas-soċjetà, is-sistemi legali u l-ekonomija. Din
l-assistenza tgħin biex jintlaħqu l-għanijiet tal-politika interna tal-UE,
toħloq opportunitajiet għan-negozji tal-UE u tipprovdi ritorn tanġibbli fuq
l-investiment. Mingħajr l-involviment intensiv u s-sħubija aktar mill-qrib
inkorporati fl-assistenza ta’ qabel l-adeżjoni, l-UE ċertament ikollha tonfoq
aktar biex tiġġieled kontra l-migrazzjoni illegali, tiżgura l-fruntieri esterni
tagħha, tiżgura s-sigurtà tal-provvista tal-enerġija kif ukoll
l-importazzjonijiet ta’ ikel sikur u iġjeniku għaċ-ċittadini tagħha u biex
tiġġieled kontra t-tibdil fil-klima u t-tniġġis, tindirizza effetti
transkonfinali tad-diżastri u tipprovdi solidarjetà tal-UE lil pajjiżi li ftit
jifilħu għad-diżastri. Fis-snin
reċenti l-Istati Membri tal-UE bdew kontinwament inaqqsu l-livell
tal-assistenza bilaterali tagħhom lill-pajjiżi kandidati u l-kandidati
potenzjali, hekk kif jirrikonoxxu li azzjoni kkoordinata fil-livell tal-UE hija
aktar effettiva. Madwar nofs l-assistenza finanzjarja globali tal-UE
lill-pajjiżi tat-tkabbir fl-2009 ġiet mill-baġit tal-UE. Fil-parti l-kbira
l-organizzazzjonijiet donaturi multilaterali neħħew l-appoġġ tagħhom u dawk li
fadal issa ġabu l-programmi tagħhom f’konformità mal-prijoritajiet tal-UE.
Għandu jiġi osservat li, minħabba l-għanijiet speċifiċi għall-iżvilupp u
l-impatt tagħha, l-assistenza ta’ qabel l-adeżjoni hija meqjusa wkoll bħala
għajnuna għall-iżvilupp uffiċjali tal-UE (ODA).
1.5.3.
Tagħlimiet minn esperjenzi simili fil-passat
Meta-evalwazzjoni
ta’ nofs it-terminu tal-IPA, li tlestiet fi Frar
2011 u li ffokat prinċipalment fuq il-qafas strateġiku tal-IPA (MIPDs) u
l-ipprogrammar (prinċipalment il-komponent tal-assistenza teknika u tal-bini
tal-istituzzjonijiet), evalwat il-loġika tal-intervent u l-prestazzjoni
(attwali jew mistennija) tal-assistenza, b’mod partikolari rigward
ir-rilevanza, l-effiċjenza, l-effikaċja, l-impatt u s-sostenibbiltà tagħha. Fir-rigward
tal-loġika ta’ intervent (jiġifieri kif tiġi ppjanata u pprogrammata
l-assistenza), l-evalwazzjoni kkonkludiet li l-MIPDs huma dokumenti ewlenin ta’
programmar li jipprovdu direzzjoni u fokus essenzjali fuq il-proċess
tal-ipprogrammar u huma ċertament aħjar mid-dokumenti ekwivalenti ta’
programmar għall-programmi tal-passat ta’ assitenza ta’ qabel l-adeżjoni.
L-evalwazzjoni sabet ukoll li l-kwalità tal-għanijiet u l-indikaturi fl-MIPDs u
d-dokumenti ta’ programmazzjoni kienu tjiebu biż-żmien. Madankollu, titjib
ulterjuri kien rakkomandat. L-evalwazzjoni
sabet li l-IPA pproduċa riżultati tajbin u sinifikanti. L-effikaċja nstabet li
kienet aktar qawwija f’oqsma relatati mal-acquis, filwaqt li xi oqsma
orizzontali, bħar-riforma tal-amministrazzjoni pubblika, instabu li offrew
sfida partikolari. Il-ħtiġijiet finanzjarji tal-pajjiżi benefiċjarji, b’mod
partikolari fl-infrastruttura, jaqbżu b’mod ċar il-finanzjament disponibbli
tal-IPA (u ta’ donaturi oħrajn). Għalhekk, sfida ewlenija għall-futur kienet li
l-fondi tal-IPA jintużaw b’mod effiċjenti u li jkompli jkun hemm rwol ta’
ingranaġġ għal sorsi oħra ta’ finanzjament. Irriżulta wkoll li l-proġetti kienu
ġeneralment immirati sew fuq ir-rekwiżiti tal-adeżjoni fl-UE, iżda l-iffokar
tal-assistenza għall-bini tal-istituzzjonijiet fuq numru aktar limitat ta’
setturi prijoritarji jista’ jkompli jtejjeb l-effikaċja u l-impatt.
L-evalwazzjoni sabet li l-mekkaniżmi għall-koordinazzjoni tad-donaturi u
l-armonizzazzjoni tal-assistenza kienu stabbiliti tajjeb u li fattur
determinanti fit-termini tal-kisba tal-impatt u s-sostenibbiltà kien is-sjieda
tal-pajjiżi benefiċjarji tal-aġenda ta’ riforma u l-kapaċità
tal-amministrazzjoni tagħhom, li jeħtieġ li jissaħħu. L-evalwazzjoni
kkonkludiet li l-adozzjoni ta’ Approċċ multiannwali/Ibbażat fuq is-Settur (SBA)[29]
għall-ippjanar u l-ipprogrammar għandha tiffaċilita l-prijoritizzazzjoni u
s-sekwenzar tal-assistenza, il-koordinazzjoni tad-donaturi u t-tisħiħ
tas-sjieda tal-pajjiżi benefiċjarji. Evalwazzjoni
interim tal-ewwel tmien programmi ta’ Kooperazzjoni Transkonfinali tal-IPA f’żewġ fażijiet fil-konfini intra-Balkani tal-Punent tlestiet f’Mejju
2011. L-evalwazzjoni kkonkludiet li l-partijiet interessati jqisu
r-relazzjonijiet imtejba bejn il-ġirien bħala konsegwenza tal-programm u
jikkunsidrawhom bħala fundamentali għall-kooperazzjoni futura, u li
l-kundizzjonijiet kienu maturi għal kooperazzjoni akbar. L-evalwazzjoni
rrakkomandat li l-analiżi soċjo-ekonomika għandha tkun imsaħħa b’bażi ta’
statistika aktar aġġornata, b’spjegazzjoni aħjar tal-kriterji użati kif ukoll
b’allinjament aħjar mal-oqsma tal-istatistika. Din irrakkommandat ukoll li jkun
hemm simplifikazzjoni tal-pakkett tal-applikazzjoni u l-proċedura ta’
evalwazzjoni. Evalwazzjonijiet ex ante tal-programmi operattivi għall-iżvilupp reġjonali,
tar-riżorsi umani u rurali twettqu biex jiġi
appoġġjat u simplifikat il-proċess ta’ programmar. Rakkomandazzjonijiet
għat-tisħiħ tal-analiżi li jiffurmaw il-bażi tal-orjentazzjoni tal-programmi
kif ukoll itejbu aktar il-produzzjoni, ir-riżultati u l-indikaturi tal-impatt
kienu komuni għall-programmi kollha. L-evalwazzjonijiet interim għadhom
għaddejjin. Evalwazzjoni
ex ante tal-istrumenti finanzjarji ta’ qabel l-adeżjoni ta’ wara l-2013 ikkonkludiet li hemm raġunament b’saħħtu għat-tkomplija tal-assistenza
finanzjarja fil-livell Komunitarju b’appoġġ għall-proċess tat-tkabbir.
Il-ħtieġa li tiġi żgurata kontinwità mal-istrument attwali ħarġet b’mod ċar,
peress li l-istrutturi u s-sistemi meħtieġa għall-ġestjoni tal-assistenza
tal-UE diġà qed jiġu stabbiliti. Madankollu, fid-dawl tad-differenzi fost
il-pajjiżi benefiċjarji (f’termini soċjo-ekonomiċi, rigward l-iżvilupp
tal-istituzzjonijiet u l-amministrazzjoni pubblika tagħhom u l-perspettiva ta’
adeżjoni tagħhom), il-konsultazzjoni rrakkomandat li jkun hemm approċċ
imfassal b’mod iżjed speċifiku, regoli ssimplifikati ta’ implimentazzjoni,
aktar flessibilità u orjentazzjoni strateġika msaħħa fl-allokazzjoni
tal-assistenza, u użu aktar sistematiku tal-programmazzjoni multiannwali.
1.5.4.
Koerenza u sinerġija possibbli ma’ strumenti
rilevanti oħra
Il-proposta
żżomm strument apposta u integrat għall-assistenza ta’ qabel l-adeżjoni bħala
l-pilastru finanzjarju tal-Istrateġija għat-Tkabbir li jħaddan
id-dimensjonijiet kollha tal-politika interna u l-kwistjonijiet tematiċi. Dan
għaliex il-politika tat-Tkabbir primarjament tinvolvi l-għajnuna lill-imsieħba
biex gradwalment jieħdu l-acquis u r-relazzjonijiet tal-UE mal-pajjiżi
kandidati u kandidati potenzjali jkopru prattikament il-kwistjonijiet tematiċi
kollha (il-prosperità, is-sigurtà, il-kummerċ, id-drittijiet tal-bniedem, eċċ).
Għall-finijiet ta’ koerenza, effiċjenza, effikaċja u impatt, il-politika
interna u l-kwistjonijiet tematiċi għandhom għalhekk jiġu integrati
fl-istrateġiji koerenti tal-pajjiżi u miksuba permezz ta’ programmi ta’ pajjiż,
diversi benefiċjarji jew transkonfinali miftiehma mal-pajjiżi benefiċjarji.
F’konformità mal-aġenda tal-Politika tal-UE dwar il-Koerenza għall-Iżvilupp,
il-fatt li l-IPA jkopri l-politika interna jippermetti li jitqiesu aħjar l-impatti
esterni tal-politika interna fuq il-pajjiżi ta’ qabel l-adeżjoni, fejn ikunu
kkonċernati għanijiet ta’ żvilupp tal-UE. Dan huwa importanti b’mod partikolari
f’oqsma bħall-kummerċ, it-tibdil fil-klima, il-migrazzjoni jew l-enerġija. Madankollu,
fejn in-natura tal-mandati tal-azzjoni (jiġifieri firxa teknika, globali,
għall-kuntrarju ta’ fokus primarjament ta’ adeżjoni), fejn il-valuri
fundamentali Ewropej (bħar-rispett għad-drittijiet tal-bniedem) ma jiġux
osservati mill-pajjiż benefiċjarju, jew fejn strument tal-politika interna
għandu dimensjoni esterna partikolarment importanti, strumenti oħra jistgħu
jintervjenu fir-reġjun tat-tkabbir (eż. Strument Ewropew għad-Demokrazija u
d-Drittijiet tal-Bniedem, l-Istrument għall-Kooperazzjoni fis-Sigurtà Nukleari,
l-Istrument għall-Istabilità u l-Għajnuna Makro-finanzjarja, il-Faċilità li
Tikkollega l-Ewropa, …).
1.6.
It-tul ta’ żmien u l-impatt finanzjarju
x Proposta/inizjattiva b’tul ta’ żmien
limitat x Proposta/inizjattiva fis-seħħ mill-01/01/2014 x Impatt finanzjarju mill-01/01/2014 sal-31/12/2020 ¨ Proposta/inizjattiva b’tul ta’ żmien
mhux limitat –
Implimentazzjoni b’perjodu ta’ bidu minn SSSS sa
SSSS, –
segwita bi skala sħiħa ta’ operat.
1.7.
Il-mod(i) tal-ġestjoni pprospettat(i) [30]
ý Ġestjoni ċentralizzata diretta mill-Kummissjoni ý Ġestjoni ċentralizzata indiretta bid-delega tal-kompiti ta’ implimentazzjoni lil: –
ý aġenziji eżekuttivi –
¨ entitajiet stabbiliti mill-Komunitajiet[31] –
ý korpi mis-settur pubbliku nazzjonali/korpi b’missjoni ta’
servizz pubbliku –
¨ persuni fdati bl-implimentazzjoni ta’ azzjonijiet speċifiċi
skont it-Titolu V tat-Trattat dwar l-Unjoni Ewropea u identifikati fl-att
bażiku rilevanti skont it-tifsira tal-Artikolu 49 tar-Regolament
Finanzjarju ý Ġestjoni konġunta
mal-Istati Membri: programmi ta’ kooperazzjoni transkonfinali bejn l-Istati
Membri tal-UE u l-pajjiżi benefiċjarji tal-IPA jiġu implimentati
mill-awtoritajiet ta' ġestjoni mill-Istati Membri tal-UE taħt ġestjoni
konġunta. ý Ġestjoni deċentralizzata ma’ pajjiżi terzi ý Ġestjoni konġunta
ma’organizzazzjonijiet internazzjonali: il-ġestjoni konġunta essenzjalment se
tinvolvi istituzzjonijiet finanzjarji internazzjonali bħall-BEI, BERŻ, il-Bank
Dinji, CoEDB) kif ukoll aġenziji speċjalizzati tan-NU skont il-każ. Jekk aktar minn mod wieħed ta’ ġestjoni jkun
indikat, jekk jogħġbok ipprovdi d-dettalji fit-taqsima “Kummenti”. Kummenti L-għan aħħari
tar-regolament huwa li l-assistenza tiġi amministrata taħt ir-responsabbiltà
sħiħa tal-pajjiżi benefiċjarji, taħt ġestjoni deċentralizzata. Madankollu, dan
il-għan se jiġi implimentat progressivament, hekk kif tevolvi l-kapaċità
amministrattiva tal-pajjiżi benefiċjarji, u jintlaħqu l-kundizzjonijiet
għall-għoti tas-setgħat ta’ ġestjoni. Matul il-fażijiet inizjali,
il-Kummissjoni se żżomm il-kontroll tal-ġestjoni, u/jew tinkariga lill-korpi
speċjalizzati bl-implimentazzjoni taħt il-ġestjoni indiretta jew konġunta skont
il-każ. Il-ġestjoni ċentralizzata se tkun il-metodu primarju għall-programmi
ta’ ħafna pajjiżi. Il-ġestjoni
konġunta se tintuża wkoll għal azzjonijiet ma’ istituzzjonijiet internazzjonali
u finanzjarji Ewropej, bil-ħsieb li jinfluwenzaw il-finanzjament addizzjonali,
essenzjalment għall-investiment fl-infrastruttura soċjali u ekonomika meħtieġa. Fl-aħħar nett,
il-ġestjoni komuni se tibqa’ tintuża għall-għanijiet ta’ kooperazzjoni
territorjali li jkunu jinvolvu l-Istati Membri tal-UE.
2.
MIŻURI TAL-ĠESTJONI
2.1.
Arranġament ta’ monitoraġġ u evalwazzjoni
Speċifika l-frekwenza u l-kundizzjonijiet. L-arranġamenti
ta’ monitoraġġ u evalwazzjoni se jissaħħu meta mqabbla mas-sitwazzjoni attwali,
b’fokus imtejjeb fuq ir-riżultati. Dawn se jipprovdu d-definizzjoni ta’
għanijiet speċifiċi, li jistgħu jitkejlu, li jistgħu jintlaħqu kif ukoll
l-indikaturi xierqa. Is-sistemi ta’
Monitoraġġ u Evalwazzjoni tal-Kummissjoni Ewropea huma diġà dejjem aktar
iffokati fuq ir-riżultati. Dawn jinvolvu l-persunal intern kif ukoll kompetenza
esterna. Il-maniġers tal-kompitu fid-Delegazzjonijiet u l-Kwartieri Ġenerali
tal-UE jissorveljaw kontinwament l-implimentazzjoni tal-proġetti u l-programmi
b’modi differenti, inkluż kull meta jkun possibbli permezz ta’ żjarat fuq
il-post. Il-monitoraġġ jipprovdi informazzjoni importanti dwar il-progress,
jgħin lill-maniġers biex jidentifikaw diffikultajiet attwali u potenzjali u
biex jieħdu azzjoni korrettiva fil-ħin meta jkun xieraq. Barra minn
hekk, l-esperti esterni u indipendenti huma kkuntrattati biex jevalwaw
il-prestazzjoni tal-azzjonijiet esterni tal-UE permezz ta’ diversi sistemi
kumplimentari. Dawn l-evalwazzjonijiet jikkontribwixxu għar-responsabbiltà u
għat-titjib tal-interventi li jkunu għaddejjin; barra minn hekk huma jitgħallmu
wkoll mill-esperjenza tal-passat biex jinformaw lill-politiki u l-azzjonijiet
futuri. L-għodod użati huma konformi mal-kriterji ta’ evalwazzjoni rikonoxxuti
internazzjonalment OECD-DAC, inkluż l-impatt (potenzjali). Il-Kummissjoni
tappoġġja wkoll lill-pajjiżi benefiċjarji fil-bini tal-kapaċità propja li
tippermettilhom jissorveljaw u jevalwaw l-infiq. Taħt l-istrument il-ġdid,
ir-responsabbiltà dwar il-monitoraġġ u l-evalwazzjoni se tkompli tiġi delegata
lill-pajjiżi benefiċjarji. B’mod partikolari, fejn il-Kummissjoni tamministra
l-għajnuna f’isem il-benefiċjarju, il-Kummissjoni se żżomm ir-responsabbiltà
primarja għall-monitoraġġ u l-evalwazzjoni. Min-naħa l-oħra, meta l-pajjiżi
benefiċjarji jamministraw l-assistenza taħt ir-responsabbiltà tagħhom stess
(ġestjoni deċentralizzata) il-Kummissjoni se jkollha rwol ewlieni superviżorju
(barra mill-evalwazzjonijiet ex ante u ex post), filwaqt li r-responsabbiltà
primarja se tkun tal-benefiċjarju. Rapporti ta’ monitoraġġ
tal-livell tal-proġetti dwar il-progress skont il-pjanijiet, b’mod
partikolari rigward: (i) Għotjiet kontraenti/ta’ għoti u (ii) twassil ta’
riżultati. Il-maniġers tal-kompitu huma appoġġjati wkoll mis-sistema
tas-Sorveljanza Orjentata lejn ir-Riżultati (SOR) li tipprovdi stampa ffokata
tal-kwalità tal-kampjun ta’ interventi. Permezz ta’ metodoloġija ferm
strutturata u standardizzata, l-esperti indipendenti tas-SOR jattribwixxu gradi
li jenfasizzaw is-saħħiet u n-nuqqasijiet tal-proġett u jagħtu
rakkomandazzjonijiet dwar kif tittejjeb l-effikaċja. Minbarra
l-monitoraġġ, jistgħu jitwettqu evalwazzjonijiet tal-livell tal-proġetti
taħt il-ġestjoni tad-Delegazzjoni tal-UE jew is-servizzi operattivi
responsabbli mill-proġett. L-evalwazzjonijiet tal-livell tal-proġetti huma
maħsuba biex jikkumplimentaw is-sistemi ta’ monitoraġġ eżistenti u għandhom
jipprovdu analiżi aktar dettaljata u fil-fond. Barra minn hekk, dawn għandhom
jgħinu lill-maniġers tal-proġetti sabiex itejbu l-interventi li għaddejjin jew
jikkonfermaw ir-riżultati u s-sostenibbiltà tagħhom. Fuq livell
settorjali u tal-programmi, il-kumitati ta’ monitoraġġ
ikkopreseduti mill-pajjiżi benefiċjarji u l-Kummissjoni jipprovdu l-istruttura
biex jiġi evalwat il-progress skont il-pjanijiet. Dawn il-kumitati huma
appoġġjati mis-sejbiet kemm tar-rapporti kif ukoll tal-evalwazzjonijiet ta’
monitoraġġ. Taħt l-istrument il-ġdid, ir-rwol tal-kumitati ta’ monitoraġġ se
jissaħħaħ kemm għall-pajjiżi kandidati kif ukoll għall-kandidati potenzjali,
sabiex jiġi żgurat li l-implimentazzjoni tal-assistenza finanzjarja tiddaħħal
sew fid-djalogu tal-politika u li l-konklużjonijiet u r-rakkomandazzjonijiet
tal-kumitati jiġu osservati u segwiti b’mod aktar sistematiku. Evalwazzjonijiet
fuq livell ogħla mill-proġett (settorjali,
tal-programm, strateġiċi, tematiċi, eċċ) huma ġestiti prinċipalment
mis-servizzi tal-Kummissjoni. Xi evalwazzjonijiet, b’mod partikolari
l-evalwazzjonijiet interim maħsuba biex jappoġġaw il-proċess tat-teħid
tad-deċiżjonijiet, huma ddelegati progressivament lill-pajjiżi benefiċjarji
għall-finijiet ta’ sjieda u bini tal-kapaċitajiet. Ir-riżultati
tal-evalwazzjonijiet jew tas-sejbiet fil-qosor huma kkomunikati regolarment
lill-Kumitat tal-IPA, lill-Kunsill u lill-Parlament Ewropew bħala parti
mir-Rapport Annwali tal-IPA, u huma ppubblikati fuq il-websajt tal-Kummissjoni.
2.2.
Sistema tal-ġestjoni u tal-kontroll
2.2.1.
Riskju/Riskji identifikat(i)
L-ambjent
operattiv tal-IPA huwa kkaratterizzat mir-riskji li ġejjin għall-kisba
tal-għanijiet tal-istrument: –
l-IPA huwa primarjament maħsub biex jaħdem b’mod
ta’ ġestjoni deċentralizzata, bħala parti integrali mill-preparazzjonijiet
għas-sħubija fl-UE. Dan jimplika riskju inerenti ogħla, peress li l-maniġer
aħħari (il-Kummissjoni) m’għandu l-ebda awtorità diretta fuq l-istruttura ta’
implimentazzjoni tal-amministratur deċentralizzat; –
tibdil regolari fl-ambjent ta’ implimentazzjoni li
huma inerenti fil-proċessi ta’ adeżjoni, pereżempju minn ġestjoni ċentralizzata
għal waħda deċentralizzata, imbagħad rinunzja ta’ kontrolli ex ante, iqiegħdu
talbiet għolja fuq il-koordinazzjoni organizzattiva, kif ukoll fuq
l-adattabbiltà, it-taħriġ, u l-ġudizzju tal-persunal, peress li dawn min-naħa
tagħhom jeħtieġu bidliet regolari fil-kontroll intern u s-sistema
organizzattiva fuq in-naħa tal-Kummissjoni; –
diversità tal-benefiċjarji potenzjali bl-istrutturi
u l-kapaċitajiet interni differenti ta’ kontroll tagħhom tista’ tifframmenta u
għalhekk tnaqqas ir-riżorsi disponibbli tal-Kummissjoni għall-appoġġ u
l-monitoraġġ tal-implimentazzjoni; –
nuqqasijiet tal-kapaċità istituzzjonali u
amministrattiva fil-pajjiżi benefiċjarji jistgħu jwasslu għal proċessi mtawwla
ta’ deċentralizzazzjoni li jinvolvu l-użu f’waqtu tal-fondi impenjati u / jew diffikultajiet
u dewmien fit-tfassil u l-implimentazzjoni tal-interventi individwali; –
kwalità u kwantità dgħajfa tad-data disponibbli
dwar l-eżiti u l-impatt tal-għajnuna ta’ qabel l-adeżjoni fil-pajjiżi
benefiċjarji jistgħu jfixklu l-ħila tal-Kummissjoni li tirrapporta u tkun
responsabbli għar-riżultati; –
diffikultajiet ekonomiċi/politiċi jistgħu jwasslu
għal diffikultajiet u dewmien fit-tfassil u l-implimentazzjoni ta’ interventi,
b’mod partikolari f’pajjiżi benefiċjarji fejn l-istituzzjonijiet għadhom fil-bidu
u fraġli; –
kwistjonijiet kostituzzjonali, istituzzjonali, u
transkonfinali mhux riżolti fi ħdan u bejn il-pajjiżi benefiċjarji jistgħu
jimblukkaw l-implimentazzjoni ta’ proġetti ta’ assistenza ewlenin u jwasslu
għat-telf ta’ fondi sinifikanti; –
nuqqas ta’ krediti amministrattivi jista’ jwassal
għal riżorsi insuffiċjenti għall-immaniġġjar tajjeb tal-istrument.
2.2.2.
Metodu/Metodi ta’ kontroll maħsuba
Il-proċess
tal-kontroll intern/ġestjoni tad-DĠs involuti fl-IPA huwa mfassal sabiex
jipprovdi assigurazzjoni raġonevoli rigward il-kisba tal-għanijiet
fl-effikaċja, l-effiċjenza u l-ekonomija tal-operazzjonijiet tiegħu,
l-affidabilità tar-rappurtar finanzjarju u l-konformità tiegħu mal-qafas
leġiżlattiv rilevanti u proċedurali. Sabiex tiġi
żgurata l-effikaċja, l-effiċjenza, u l-ekonomija tal-operazzjonijiet tiegħu (u
biex jitnaqqas il-livell għoli ta’ riskju fl-ambjent qabel l-adeżjoni tiegħu),
flimkien mal-elementi kollha tal-proċess tal-Politika u Ppjanar Strateġiku
madwar il-Kummissjoni, l-ambjent tal-verifika interna u rekwiżiti oħrajn
tal-Istandards tal-Kontroll Intern tal-Kummissjoni, DĠ ELARG (DĠ oħrajn tal-IPA
jużaw arranġamenti ta’ kontroll simili jew kemxejn modifikati li huma
ottimizzati għat-tranżizzjoni fil-qafas ta’ kontroll għall-fondi strutturali u
agrikoli tal-UE) ser jibqa’ jkollu qafas ta’ ġestjoni tal-assistenza
finanzjarja mfassal apposta f’operazzjoni taħt l-istrumenti tiegħu, li huwa
miġbur f’dokument ta’ Strateġija tal-Kontroll Intern li jiġi aġġornat
regolarment. Dan se jinkludi: –
Ġestjoni deċentralizzata mill-aġenziji nazzjonali
ta’ implimentazzjoni li abbażi tagħha l-Kummissjoni tagħti setgħat ta’ ġestjoni
wara proċess bir-reqqa ta’ twaqqif ta’ standards stretti ta’ ġestjoni u
evalwazzjoni tagħhom permezz ta’ verifiki komprensiva tas-sistemi, fost
affarijiet oħra. –
Kontrolli ex ante mid-delegazzjonijiet tal-UE
fil-qasam, fuq il-fajls ta’ assistenza kollha li huma approvati mis-sistemi
nazzjonali ta’ implimentazzjoni sakemm dawn is-sistemi jiġu evalwati bħala
lesti u maturi sabiex dawn il-kontrolli ex ante jkunu jistgħu jitneħħew b’mod
sikur. Din l-evalwazzjoni tar-rekord tas-sistemi nazzjonali tinvolvi, fost
affarijiet oħra, ix-xejriet tar-rata tar-rifjut tal-fajls. –
Linji ċari ta’ responsabbiltà finanzjarja u
tar-riżultati mis-sistemi nazzjonali ta’ implimentazzjoni lill-Uffiċjal
(Direttur) Awtorizzanti tal-Kummissjoni sottodelegat mill-AOD, inkluż
ir-rappurtar tal-irregolaritajiet, dikjarazzjoni annwali ta’ assigurazzjoni
mill-uffiċjali nazzjonali awtorizzanti u l-opinjonijiet ta’ verifika mill-awtoritajiet
nazzjonali u ta’ verifika; –
Programm ta’ verifiki tas-sotto-sistemi mwettqa
mill-awdituri tal-Kummissjoni biex jiċċekkjaw konformità kontinwa
mal-istandards ta’ ġestjoni wara l-konferiment tal-ġestjoni; –
Approvazzjoni definita tal-proċeduri tal-kontabbiltà
inklużi verifiki addizzjonali u politika strutturata għall-korrezzjoni
finanzjarja ta’ żbalji fit-transazzjonijiet u sistemiċi li jinstabu
mill-awdituri nazzjonali u tal-Kummissjoni; –
Ġestjoni devoluta tal-massa tal-għajnuna ta’ qabel
l-adeżjoni mid-delegazzjonijiet tal-UE fil-qasam sakemm is-setgħat tal-ġestjoni
jkunu jistgħu jingħataw lill-aġenziji nazzjonali ta’ implimentazzjoni. –
Linji ċari ta’ responsabilità finanzjarja
għall-ġestjoni devoluta lid-delegazzjonijiet tal-UE permezz ta’ sotto-delegazzjoni
mill-Uffiċjal (Direttur) Awtorizzanti Sottodelegat fil-Kwartieri Ġenerali
lill-Kap tad-Delegazzjoni; –
It-twaqqif u l-aġġornament annwali ta’ strateġiji
ta’ assigurazzjoni mid-Delegazzjonijiet tal-UE lill-uffiċjali (Diretturi)
tas-sottodelegazzjoni tagħhom inklużi pjanijiet dettaljati u bir-riskju evalwat
ta’ kontroll u verifika; –
Rappurtar regolari mid-Delegazzjonijiet tal-UE
lill-Kwartieri Ġenerali (AOSD / Rapporti ta’ Ġestjoni) dwar l-implimentazzjoni
tal-istrateġiji tal-assistenza u assigurazzjoni, inkluża Dikjarazzjoni annwali
ta’ Assigurazzjoni mill-AOSDs sottodelegati / il-Kapijiet tad-Delegazzjoni; –
Verifiki interni regolari ta’ delegazzjonijiet,
iż-żewġ delegazzjonijiet jissorveljaw l-implimentazzjoni deċentralizzata u
delegazzjonijiet devoluti; –
Kontrolli ex post tal-programmi ffinalizzati sabiex
jiġi aċċertat li l-livelli kollha tas-sistemi ta’ ġestjoni u kontroll
jissodisfaw l-istandards meħtieġa; –
Provvista ta’ programm sostanzjali ta’ taħriġ
għall-persunal kemm fil-kwartieri ġenerali kif ukoll fid-delegazzjonijiet, –
Appoġġ sinifikanti tal-Kwartieri
Ġenerali/Delegazzjoni u gwida (inkluż permezz tal-internet); –
Metodoloġija tal-ġestjoni taċ-ċiklu ta’ proġett u
programm inkluż: –
Għodod ta’ appoġġ tal-kwalità għad-disinn
tal-intervent, il-metodu ta’ kif jingħata, mekkaniżmu ta’ finanzjament, sistema
ta’ ġestjoni, evalwazzjoni u għażla ta’ kwalunkwe msieħba ta’ implimentazzjoni
eċċ. –
Ġestjoni tal-programm u tal-proġett, għodod ta’
monitoraġġ u ta’ rappurtar għall-implimentazzjoni effettiva inkluż monitoraġġ
estern regolari fuq il-post tal-proġetti. –
Komponenti sinifikanti ta’ evalwazzjoni u verifika. Id-DĠ ELARG se
jkompli jsegwi l-ogħla standards ta’ kontabbiltà u rappurtar finanzjarju sabiex
jiġi żgurat opinjoni kontinwa mhux kwalifikata mill-awdituri esterni tiegħu
(il-Qorti Ewropea tal-Awdituri) bl-użu tad-dovuti tal-Kummissjoni bbażati fuq
sistema ta’ kontabbiltà (ABAC) kif ukoll għodod speċifiċi ta’ għajnuna esterna
bħas-Sistema Komuni ta’ Informazzjoni RELEX (CRIS). B’rabta
mal-konformità mal-qafas leġiżlattiv u proċedurali rilevanti, metodi ta’
kontroll huma stabbiliti fit-taqsima 1.3 (miżuri għall-prevenzjoni tal-frodi u
irregolaritajiet)
2.2.3.
Spejjeż u Benefiċċji ta’ Kontrolli Previsti
2.2.3.1.
Spejjeż tal-Kontroll
Is-sistema ta’
kontroll proposta għall-istrument il-ġdid tal-IPA mhijiex differenti wisq minn
dik li tapplika taħt l-istrument attwali. L-istruttura tal-ispejjeż tagħha
għalhekk se tkun simili. Madankollu, it-tfassil mill-ġdid tal-istrument huwa
mistenni li jnaqqas sa ċertu punt il-probabbiltà ta’ żbalji ta’ konformità.
Aspetti bħall-ipprogrammar aktar flessibbli li jippermetti għażla ta’ proġetti
ottimizzata u l-użu usa’ ta’ strumenti innovattivi ta’ finanzjament (eż.
ingranaġġ ta’ IFIs u donaturi oħra) għandhom jikkontribwixxu għal dan. L-ispejjeż
mistennija tal-kontrolli preżentati hawn taħt huma bbażati fuq prezzijiet
attwali u bbażati fuq is-suppożizzjonijiet li ġejjin: –
Il-livelli kurrenti tal-persunal fid-DĠ tal-IPA
stabbli matul il-perjodu –
In-nefqa medja tal-impjegat ċivili = € 127,000
(irduppjat għal assenjazzjonijiet tad-Delegazzjoni tal-UE) –
In-nefqa medja ta’ aġent kuntrattwali =
€ 64,000 Spejjeż
imġarrba mis-sistemi nazzjonali fil-pajjiżi li jimplimentaw l-IPA taħt ġestjoni
deċentralizzata mhumiex inklużi. Għandu jiġi osservat li sehem sinifikanti
tal-ispejjeż ta’ investiment u taħriġ imġarrba sabiex jiġu stabbiliti sistemi
bħal dawn huwa ffinanzjat min-nefqa operattiva tal-IPA. Spejjeż ġenerali tal-ġestjoni u l-kontroll tal-IPA fis-sena (Persunal: allokati għall-ġestjoni tal-Programm jew Baġitarja u kontra l-frodi) Spejjeż fissi (fil-livelli attwali u ppjanati ta’ nefqa operattiva) Uffiċjali fil-Kwartieri Ġenerali tad-DĠ ELARG Aġenti kuntrattwali fil-Kwartieri Ġenerali tad-DĠ ELARG Uffiċjali fid-Delegazzjonijiet tal-UE Aġenti Kuntrattwali fid-Delegazzjonijiet tal-UE Spejjeż ta’ Aġenti Lokali, spejjeż lokali għal Aġenti Kuntrattwali, u spejjeż oħra għat-tmexxija tad-Delegazzjonijiet Uffiċjali u Aġenti Kuntrattwali f’Direttorati Ġenerali oħra tal-IPA Persunal estern minn Direttorati Ġenerali oħra tal-IPA fid-Delegazzjonijiet tal-UE Spejjeż varjabbli (stima tal-ispiża annwali ġenerali attwali) Spejjeż kuntrattati tal-verifika u kontroll ex post Spejjeż kuntrattati ta’ evalwazzjoni Spejjeż kuntrattati ta’ monitoraġġ (SOR) Ċertifikati ta’ verifika (kkuntrattati mill-benefiċjarji) Kontrolli fuq il-post u kontrolli oħra addizzjonali kkuntrattati li huma parti mill-kontrolli taċ-ċirkwit finanzjarju Spejjeż totali ta’ kontroll (tal-IPA) fis-sena || M€ 11.2 7.3 9.4 6.5 28.5 2.0 6.0 1.0 3.0 2.0 2.0 0.8 79.7 L-ispejjeż
ippreżentati fit-tabella huma spejjeż ta’ ġestjoni u kontroll, u jammontaw għal
madwar € 80 miljun, jew madwar 4 % tan-nefqa annwali ppjanata
għall-2014-2020. Dawn jinkludu l-istruttura amministrattiva kollha
għall-istrument, mill-ippjanar għall-ipprogrammar u għall-implimentazzjoni.
Permezz ta’ definizzjoni aktar stretta tal-kontroll li tkun tinkludi biss
l-ispiża tal-kontrolli li joħolqu impatt dirett fuq ir-regolarità
tat-tranżazzjonijiet, l-ispejjeż totali jitnaqqsu b’madwar € 30 miljun,
jiġifieri, jammontaw għal madwar €50 miljun (madwar 2.5 % tan-nefqa
annwali ppjanata għall-2014-2020). L-aħħar ħames
ringieli huma spejjeż varjabbli. Il-valur annwali tagħhom se jiddependi fuq
l-intensità tal-kontrolli deċiżi mill-AOSDs fl-istrateġiji ta’ assigurazzjoni
tagħhom. Dik l-intensità hija bbażata fuq valutazzjoni tar-riskju bir-reqqa
tal-kuntratti pendenti kollha, b’kunsiderazzjoni tar-riżorsi baġitarji
disponibbli. Il-valuri annwali indikati fit-tabella huma bbażati fuq
il-prattika attwali. Għall-ispejjeż
varjabbli, japplikaw l-ispejjeż unitarji medji approssimattivi tal-azzjonijiet
individwali ta’ kontroll ikkuntrattati li ġejjin: Ċertifikati
ta’ verifika: Spiża
medja approssimattiva ta’ verifika għal kull għotja: 0.2 % tal-valur tal-kuntratt Spiża
medja approssimattiva ta’ verifika għal kull kuntratt ta’ servizz: 0.1%
tal-valur tal-kuntratt Kontrolli Ex
post: L-ispiża
medja ta’ kontroll ex post li tkopri medja ta’ € 22 miljun ta’
tranżazzjonijiet sottostanti (€ 17 miljun iffinanzjati mill-UE):
€ 50,000 (= € 2,300 / € 3,000 għal kull miljun ivverifikat) Kontrolli fuq
il-post: Spiża
kuntrattata medja għal kopertura ta’ € 175 miljun ta’
tranżazzjonijiet sottostanti: € 75,000 (€ 430 għal kull miljun
iċċekkjat).
2.2.3.2.
Benefiċċji ta’ Kontroll
Is-sistema ta’
kontroll użata għal programmi ta’ qabel l-IPA u programmi tal-IPA pproduċiet
b’mod konsistenti rati ta’ żbalji ta’ anqas minn 2 % tan-nefqa. Sat-tmiem
tal-2010, l-irkupri akkumulati mill-programmi ffinalizzati taħt ġestjoni
deċentralizzata ammontaw għal € 29 miljun minn ammont totali
vverifikat ta’ € 3,500 miljun (0.82%). Metodu
possibbli sabiex jiġi stmat il-benefiċċju tas-sistema ta’ kontroll fis-seħħ,
fil-każ ta’ ġestjoni deċentralizzata huwa li jiġu użati l-valuri u t-tendenzi
tal-indikatur tar-rata ta’ rifjut. Aktar ma jimmaturaw is-sistemi nazzjonali u
jistgħu jiġu kkunsidrati għal rinunzja ta’ kontrolli ex ante fuq fajls ta’
akkwist, ir-rata ta’ fajls irrifjutati mid-Delegazzjoni tal-UE f’tali kontrolli
ex ante għandha tonqos għal livell baxx ħafna. F’pajjiż li
bħalissa qed javviċina l-adeżjoni (il-Kroazja), ir-rati ta’ rifjut fl-2010
naqqu għal livelli bejn 14 % u 20 % (skont it-tip ta’ fajl). F’pajjiż
li għad baqgħalu triq twila qabel ma l-kontrolli ex ante jistgħu jitqiesu
(it-Turkija), ir-rati jvarjaw bejn 19 % u aktar minn 60 %. Il-fajls
jistgħu jiġu rrifjutati għal numru ta’ raġunijiet, ta’ spiss, iżda mhux dejjem,
fuq kwistjonijiet ta’ legalità u regolarità. Jekk wieħed jassumi li nofs
ir-rifjuti huma bbażati fuq ir-regolarità, jista’ jiġi raġonevolment dedott
mill-esperjenza li l-kontroll ex ante fuq sistemi bbażati fuq l-akkwist
jippermetti l-livell tal-iżbalji minn bejn 10 % u 30 % għal anqas
minn 2 %. Dan ma jikkunsidrax id-differenzi li jistgħu jinqalgħu jekk
fl-analiżi jintużaw il-valuri tal-fajl minflok in-numri tal-fajl. Madankollu,
wieħed jista’ jassumi biċ-ċert li s-sistema attwali ta’ kontroll f’ġestjoni
deċentralizzata hija bejn wieħed u ieħor ibbilanċjata b’mod korrett biex iżżomm
l-iżbalji fl-għan tal-kontroll intern tal-Kummissjoni ta’ mhux aktar minn
2 %. Għalkemm l-IPA
huwa maħsub biex jevolvi għal ġestjoni deċentralizzata kemm jista’ jkun malajr,
il-ġestjoni ċentralizzata tista’ tirrappreżenta sehem sinifikanti tan-nefqa
totali tal-IPA jekk il-konferiment tal-ġestjoni jiġi mdewwem simultanjament
f’għadd ta’ pajjiżi. Dan kien il-każ fl-2010/11, u x’aktarx jibqa’ hekk
sal-2013. Fl-2010, saru
350 korrezzjoni (tnaqqis jew irkupri) għall-Pagamenti fil-ġestjoni
ċentralizzata u konġunta fid-DĠ ELARG, għall-valur ta’ madwar
€ 6 miljun. Dan huwa madwar 1 % tal-Pagamenti ċentralizzati
totali fl-2010, u jista’ jintuża bħala indikatur approssimattiv tal-benefiċċju
akkumulat minn verifiki addizzjonali fi ħdan u ’l fuq mill-verifiki bażiċi
taċ-ċirkwit finanzjarju. Bl-istess mod
għall-ġestjoni deċentralizzata, dan huwa konsistenti mal-kunċett li s-sistema
ta’ kontroll użata bħalissa għall-IPA hija bejn wieħed u ieħor ibbilanċjata
għall-għan stabbilit ta’ kontroll intern.
2.2.3.3.
Livell Mistenni ta’ Nuqqas ta’ Konformità
mar-Regoli Applikabbli
Sal-2006,
it-tranżazzjonijiet ta’ qabel l-adeżjoni kienu stmati konsistentement
mill-Qorti tal-Awdituri bħala mhux affettwati minn żbalji materjali (żball ta’
anqas minn 2 %), li juru l-fehmiet tal-ġestjoni dwar l-effikaċja
tas-sistema ta’ kontroll użata. Mill-2007,
it-tranżazzjonijiet ta’ qabel l-adeżjoni ma baqgħux jiġu vverifikati mill-Qorti
bħala kampjun separat u rappreżentattiv b’mod sħiħ. L-evalwazzjoni tal-Qorti
amalgamat il-popolazzjoni ta’ qabel l-adeżjoni ma’ dik tal-istrumenti l-oħra
kollha ta’ għajnuna esterna. Għaldaqstant, minn dak iż-żmien ’l hawn, l-ebda
estrapolazzjoni statistika ma kienet possibbli speċifikament għall-qasam
tal-politika ta’ qabel l-adeżjoni u għas-sistema ta’ kontroll. Minn dak
iż-żmien ’l hawn, il-Qorti ġeneralment sabet żbalji globali fil-firxa ta’ 2 sa
5 % għall-istrumenti ta’ għajnuna esterna. Filwaqt li
jitqiesu l-elementi rrappurtati fit-2.2.3.2 t’hawn fuq, għalhekk huwa
raġjonevoli li wieħed jistenna li s-sistema ta’ kontroll użata għall-istrument
ta’ qabel l-adeżjoni toħloq bilanċ korrett bejn l-ispejjeż u l-benefiċċji
tal-kontrolli u għandha tiżgura li l-għan ta’ kontroll intern ta’ żbalji ta’
anqas minn 2 % fuq in-nefqa globali jista’ jiġi sodisfatt konsistentement
fil-futur. Barra minn
hekk, l-elementi ta’ simplifikazzjoni u flessibilità miżjuda li jiġu proposti
għall-istrument il-ġdid għandhom isaħħu din is-suppożizzjoni, peress li jnaqqsu
l-probabbiltà ta’ żbalji ta’ konformità. Bil-maqlub, se
jinqalgħu riskji ġodda peress li l-pajjiżi li għandhom kapaċità amministrattiva
relattivament dgħajfa jaqgħu fil-linja tal-għoti tal-ġestjoni fis-snin li
ġejjin. Anki jekk huwa
diffiċli li jiġi kkwantifikat l-impatt konġunt tat-titjib fit-tfassil
tal-istrument kif ukoll tar-riskji miżjuda, huwa plawsibbli li wieħed jassumi
firxa ta’ mira għall-għan globali ta’ kontroll intern simili għal riżultati
kurrenti. Bħala
konklużjoni, is-sistema ta’ kontroll tidher ibbilanċjata ħafna. Permezz ta’
pjanijiet ta’ kontroll sintonizzati sew espressi fl-istrateġiji annwali ta’
assigurazzjoni bbażati fuq ir-riskju tal-maniġers, dan jippermetti għal żidiet
jew tnaqqis fl-ispejjeż varjabbli kif meħtieġ mill-pajsaġġ tar-riskju li qed
jevolvi, filwaqt li jiġi żgurat bilanċ stabbli bejn l-ispejjeż u l-benefiċċji. Iżda s-sistema
ta’ kontroll globali probabbli li tkun sensittiva ħafna għall-varjazzjonijiet
negattivi fl-ispejjeż fissi ta’ kontroll, speċjalment peress li dawn mhumiex
proposti li jiżdiedu skont l-infiq globali.
2.3.
Miżuri għall-prevenzjoni ta’ frodi u
irregolaritajiet
Speċifika miżuri eżistenti jew previsti ta’
prevenzjoni u protezzjoni. Minħabba
l-ambjent riskjuż li jopera fih id-DĠ ELARG, is-sistemi tiegħu jeħtieġ li
jantiċipaw l-okkorrenza ta’ żball potenzjali ta’ konformità
fit-tranżazzjonijiet u jibnu kontrolli ta’ prevenzjoni, detezzjoni u
korrezzjoni malajr kemm jista’ jkun fil-proċess tal-akkwist u tal-ħlas. Dan
ifisser fil-prattika li l-kontrolli ta’ konformità tad-DĠ ELARG se jistrieħu
aktar fuq verifiki ex ante sinifikanti mill-persunal tal-Kummissjoni fuq
it-tranżazzjonijiet tal-akkwist, kif ukoll fuq il-verifiki ta’ sistemi
sistematiċi tas-sistemi ta’ ħlas deċentralizzati (filwaqt li xorta jsiru xi
verifiki u kontrolli ex post), u dan imur ferm lil hinn mill-garanziji
finanzjarji meħtieġa mir-Regolament Finanzjarju. Il-qafas ta’ konformità tad-DĠ
ELARG huwa magħmul mill-komponenti sinifikanti li ġejjin: - Miżuri
preventivi -
Taħriġ obbligatorju ewlieni għall-persunal tal-ġestjoni tal-għajnuna; -
Provvista ta’ gwida (inkluż permezz tal-internet) inkluża l-Gwida Prattika għall-Kuntratti,
u l-istruzzjonijiet tal-ġestjoni stabbiliti taħt il-qafas tal-Istrateġija ta’
Kontroll tad-DĠ ELARG; -
Verifika ex-ante tal-awtoritajiet ta' implimentazzjoni nazzjonali qabel l-għoti
ta' ġestjoni, inkluż valutazzjoni biex jiġi żgurat li miżuri xierqa kontra
l-frodi sabiex jipprevjenu u jinkixfu l-frodi fil-ġestjoni tal-fondi tal-UE
huma fis-seħħ fl-awtoritajiet li jamministraw il-fondi rilevanti, -
Skrinjar ex-ante tal-mekkaniżmi ta’ kontra l-frodi disponibbli fil-pajjiż
benefiċjarju bħala parti mill-valutazzjoni tal-kriterju tal-eliġibbiltà
tal-ġestjoni tal-finanzi pubbliċi sabiex pajjiż jirċievi appoġġ għall-baġit
(jiġifieri impenn attiv fil-ġlieda kontra l-frodi u l-korruzzjoni, awtoritajiet
ta’ spezzjoni adegwati, kapaċità ġudizzjarja suffiċjenti u rispons effiċjenti u
mekkaniżmi ta' sanzjoni), -
Kontrolli ex-ante tal-kuntratti akkwistati nazzjonalment kollha; irrinunzjati
wara li s-sistemi nazzjonali jilħqu l-punti ta’ riferiment stretti tal-ġestjoni
u l-kontroll; - Miżuri ta’
detezzjoni u korrettivi -
Verifiki ex ante tat-tranżazzjonijiet imwettqa mill-persunal tal-Kummissjoni; -
Verifiki u kontrolli interni u esterni, inkluż mill-Qorti Ewropea tal-Awdituri; -
Verifiki u rkupri retrospettivi. Barra minn
hekk meta jkun hemm suspett ta’ irregolarità intenzjonata (frodi) id-DĠ ELARG
għandu miżuri oħra għad-dispożizzjoni tiegħu, li jinkludu: -
Sospensjoni tal-limitu ta’ żmien għall-Pagamenti u n-notifika lill-entità; -
Verifiki speċifiċi (ad hoc/verifika forensika); -
Sistema ta’ Twissija Bikrija u monitoraġġ imsaħħaħ tal-kuntratti; -
Sospensjoni/tmiem tal-kuntratt; -
Proċedura ta’ esklużjoni. -
Sospensjoni ta’ talbiet ta’ manutenzjoni għall-fondi minn fondi nazzjonali; -
Sospensjoni jew tneħħija tal-konferiment tal-ġestjoni Id-DĠ ELARG
ser ikompli jfassal l-istrateġija ta' kontra l-frodi tiegħu skont strateġija
ġdida kontra l-frodi tal-Kummissjoni (CAFS) adottata fl-24 ta’ Ġunju 2011.
3.
L-IMPATT FINANZJARJU STMAT TAL-PROPOSTA/INIZJATTIVA
3.1.
L-intestatura(i) tal-qafas finanzjarju multiannwali
u l-linja(i) baġitarja(i) ta’ nfiq affettwata(i)
–
Linji baġitarji tan-nefqa eżistenti Fl-ordni
tal-intestaturi tal-qafas finanzjarju multiannwali u tal-linji baġitarji. Intestatura tal-qafas finanzjarju multiannwali || Linja baġitarja || Tip ta’ nefqa || Kontribuzzjoni Numru [Deskrizzjoni] || DA/NDA [32] || minn pajjiżi tal-EFTA[33] || minn pajjiżi kandidati[34] || minn pajjiżi terzi || skont it-tifsira tal-Artikolu 18(1)(aa) tar-Regolament Finanzjarju Intestatura 4 || 04 01 04 13 Strument għall-Assistenza ta’ Qabel l-Adeżjoni (IPA) – Komponent tar-riżorsi umani – Nefqa fuq il-ġestjoni amministrattiva || NDA || LE || LE || LE || LE Intestatura 4 || 04 06 01 Strument għall-Assistenza ta’ Qabel l-Adeżjoni (IPA) – Żvilupp tar-riżorsi umani || DA || LE || LE || LE || LE Intestatura 4 || 05 01 04 03 Assistenza fil-qasam tal-Agrikoltura u l-Iżvilupp Rurali (IPARD) — Nefqa fuq il-ġestjoni amministrattiva || NDA || LE || LE || LE || LE Intestatura 4 || 05 05 02 Strument għall-Assistenza ta’ Qabel l-Adeżjoni għall-Iżvilupp Rurali (IPARD) || DA || LE || LE || LE || LE Intestatura 4 || 13 01 04 02 Strument għall-Assistenza ta’ Qabel l-Adeżjoni (IPA) – Komponent tal-iżvilupp reġjonali – Nefqa fuq il-ġestjoni amministrattiva || NDA || LE || LE || LE || LE Intestatura 4 || 13 05 02 Strument għall-Assistenza ta’ Qabel l-Adeżjoni (IPA) – Komponent tal-iżvilupp reġjonali || DA || LE || LE || LE || LE Intestatura 4 || 13 05 03 01 Kooperazzjoni transkonfinali (CBC) – Kontribuzzjoni mis-Subintestatura 1-b || DA || LE || LE || LE || LE Intestatura 4 || 13 05 03 02 Kooperazzjoni transkonfinali (CBC) u parteċipazzjoni tal-pajjiżi kandidati u l-kandidati potenzjali fi programmi ta’ kooperazzjoni transnazzjonali u interreġjonali tal-Fondi Strutturali — Kontribuzzjoni mill-Intestatura 4 || DA || LE || LE || LE || LE Intestatura 4 || 22 01 04 01 Assistenza ta’ qabel l-adeżjoni — Nefqa fuq il-ġestjoni amministrattiva || NDA || LE || LE || LE || LE Intestatura 4 || 22 01 04 04 Faċilità ta’ Assistenza Teknika u Skambju ta’ Informazzjoni (TAIEX) għall-adeżjoni minn qabel — Nefqa fuq il-ġestjoni amministrattiva || NDA || LE || LE || LE || LE Intestatura 4 || 22 01 04 30 Aġenzija Eżekuttiva tal-Edukazzjoni, Awdjoviżiva u Kulturali — Kontribuzzjoni mill-programmi taħt l-intestatura 4 fil-qasam tal-politika tat-Tkabbir || NDA || LE || LE || LE || LE Intestatura 4 || 22 02 01 Assistenza tranżizzjonali u għall-bini tal-istituzzjonijiet fil-pajjiżi kandidati || NDA || LE || LE || LE || IVA Intestatura 4 || 22 02 02 Assistenza tranżizzjonali u għall-bini tal-istituzzjonijiet fil-pajjiżi kandidati potenzjali || NDA || LE || LE || LE || IVA Intestatura 4 || 22 02 03 Amministrazzjonijiet ċivili interim fil-Balkani tal-Punent || NDA || LE || LE || LE || LE Intestatura 4 || 22 02 04 01 Kooperazzjoni transkonfinali (CBC) bejn il-pajjiżi tal-IPA u l-parteċipazzjoni fi programmi transnazzjonali/interreġjonali tal-FEŻR u programmi tal-baċiri tal-baħar tal-ENPI || NDA || LE || LE || LE || LE Intestatura 4 || 22 02 04 02 Kooperazzjoni transkonfinali (CBC) mal-Istati Membri || NDA || LE || LE || LE || LE Intestatura 4 || 22 02 06 Faċilità ta’ Assistenza Teknika u Skambju ta’ Informazzjoni (TAIEX) għall-adeżjoni minn qabel || NDA || LE || LE || LE || LE Intestatura 4 || 22 02 07 01 Programmi reġjonali u orrizzontali || NDA || LE || LE || LE || LE Intestatura 4 || 22 02 07 02 Evalwazzjoni tar-riżultati tal-miżuri tal-għajnuna, segwitu u verifika tal-Unjoni || NDA || LE || LE || LE || LE Intestatura 4 || 22 02 10 02 Informazzjoni u komunikazzjoni għal pajjiżi terzi || NDA || LE || LE || LE || LE Intestatura 4 || 22 02 07 03 Għajnuna finanzjarja biex jiġi stimulat l-iżvilupp ekonomiku tal-Komunità Ċiprijotta Torka || NDA || LE || LE || LE || LE Intestatura 4 || 32 04 11 Komunità tal-Enerġija || NDA || LE || LE || LE || LE –
Linji baġitarji ġodda mitluba Fl-ordni
tal-intestaturi tal-qafas finanzjarju multiannwali u tal-linji baġitarji. Il-baġit għall-IPA II se jkun organizzat skont
l-Artikolu 41 tar-Regolament Finanzjarju. Filwaqt li l-allokazzjoni totali għal
dan l-istrument ġuridiku isservi l-politika tat-tkabbir, il-ġestjoni
tal-attivitajiet rilevanti tinqasam bejn DĠ ELARG, DĠ REGIO, DĠ EMPL u DĠ AGRI.
Kull wieħed minn dawn is-servizzi għandu jassumi r-responsabbiltà politika
rispettivi għall-qasam(oqsma) politiku(politiċi) tiegħu, mingħajr preġudizzju
għar-rwol ta' koordinazzjoni ġenerali ta’ DĠ ELARG. Għal dak il-għan, l-allokazzjonijiet totali
tal-IPA II ser jinqasmu bejn l-oqsma tal-politika, u b'hekk tiġi żgurata
taħlita politika xierqa, skont il-bżonnijiet tal-pajjiżi benefiċjarji u bi
ftehim komuni bejn l-erba’ DĠs. Fejn meħtieġ biex tiġi żġurata
l-implimentazzjoni effiċjenti tad-dokumenti strateġiċi u tal-baġit,
it-trasferimenti bejn l-oqsma tal-politika se jkunu possibbli, bi ftehim
mas-servizz(i) responsabbli għall- qasam (oqsma) tal-politika ikkonċernat(i). Tranżizzjoni bla xkiel mill-IPA għall-IPA II
għal tlestija effettiva u effiċjenti tal-assistenza taħt l-IPA se tkun
assigurata. Dettalji dwar l-istruttura tal-budget biex
tiġi assigurata l-konsistenza ma' bbaġitjar bażat fuq l-attivitajiet u
prinċipji tal-ġestjoni ser jiġu proposti fl-abbozz tal-baġit 2014.
3.2.
L-impatt stmat fuq l-infiq
3.2.1.
Sommarju tal-impatt stmat fuq l-infiq
miljuni
ta’ EUR (sa 3 postijiet deċimali) Intestatura tal-qafas finanzjarju multiannwali: || 4 || Ewropa Globali DĠ: AGRI/ELARG/EMPL/REGIO || || || 2014 || 2015 || 2016 || 2017 || 2018 || 2019 || 2020 || TOTAL Approprjazzjonijiet operazzjonali || || || || || || || || 22 02 Assistenza finanzjarja għal pajjiżi kandidati/kandidati potenzjali 04 06 01 Riżorsi umani 05 05 02 Żvilupp Rurali 13 05 02 Żvilupp reġjonali 13 05 03 CBC 32 04 11Enerġija tal-Komunità || Impenji || (1) || 1842,5 || 1879,4 || 1917,0 || 1955,3 || 1994,4 || 2034,3 || 2075,6 || 13698,6 Pagamenti[35] || (2) || 368,5 || 1112,9 || 1872,2 || 1909,6 || 1947,8 || 1986,8 || 2026,6 || 11224,4 22 02 07 03Għajnuna finanzjarja biex jiġi stimulat l-iżvilupp ekonomiku tal-Komunità Ċiprijotta Torka[36] || Impenji || (1a) || pm || pm || pm || pm || pm || pm || pm || Pagamenti || (2a) || pm || pm || pm || pm || pm || pm || pm || Approprjazzjonijiet ta’ natura amministrattiva ffinanzjati mill-pakkett ta’ programmi speċifiċi[37] || || || || || || || || 22 01 04 01/04/30 04 01 04 13 05 01 04 03 13 01 04 02 || || (3) || 55,4 || 56,5 || 57,7 || 58,8 || 60,0 || 61,2 || 61,8 || 411,4 TOTAL approprjazzjonijiet għal DĠ ELARG/AGRI/EMPL/REGIO || Impenji || =1+1a +3 || 1898,0 || 1935,9 || 1974,6 || 2014,1 || 2054,4 || 2095,5 || 2137,4 || 14110,1 Pagamenti || =2+2a +3 || 423,9 || 1169,4 || 1929,8 || 1968,4 || 2007,8 || 2048,0 || 2088,5 || 11635,8 Approprjazzjonijiet operazzjonali TOTALI || Impenji || (4) || 1842,5 || 1879,4 || 1917,0 || 1955,3 || 1994,4 || 2034,3 || 2075,6 || 13698,6 Pagamenti || (5) || 368,5 || 1112,9 || 1872,2 || 1909,6 || 1947,8 || 1986,8 || 2026,6 || 11224,4 TOTAL approprjazzjonijiet ta’ natura amministrattiva ffinanzjati mill-pakkett ta’ programmi speċifiċi || (6) || 55,4 || 56,5 || 57,7 || 58,8 || 60,0 || 61,2 || 61,8 || 411,4 TOTAL approprjazzjonijiet taħt INTESTATURA 4 tal-qafas finanzjarju multiannwali || Impenji || =4+ 6 || 1898,0 || 1935,9 || 1974,6 || 2014,1 || 2054,4 || 2095,5 || 2137,4 || 14110,1 Pagamenti || =5+ 6 || 423,9 || 1169,4 || 1929,8 || 1968,4 || 2007,8 || 2048,0 || 2088,5 || 11635,8 Intestatura tal-qafas finanzjarju multiannwali: || 5 || nefqa amministrattiva miljuni
ta’ EUR (sa 3 postijiet deċimali) || || || 2014 || 2015 || 2016 || 2017 || 2018 || 2019 || 2020 || TOTAL DĠ: ELARG/AGRI/REGIO/EMPL || Riżorsi umani || 27,0 || 26,1 || 25,7 || 25,7 || 25,7 || 25,7 || 25,7 || 181,5 Nefqa amministrattiva oħra || 0,8 || 0,8 || 0,8 || 0,8 || 0,8 || 0,8 || 0,8 || 5,3 TOTAL DĠ ELARG/ AGRI/REGIO/EMPL || || 27,7 || 26,8 || 26,5 || 26,4 || 26,4 || 26,4 || 26,4 || 186,8 TOTAL approprjazzjonijiet taħt INTESTATURA 5 tal-qafas finanzjarju multiannwali || (Total impenji = Total Pagamenti) || 27,7 || 26,8 || 26,5 || 26,4 || 26,4 || 26,4 || 26,4 || 186,8 F’miljuni
ta’ EUR (sa 3 punti deċimali) || || || 2014 || 2015 || 2016 || 2017 || 2018 || 2019 || 2020 || TOTAL TOTAL approprjazzjonijiet taħt INTESTATURA 1 sa 5 tal-qafas finanzjarju multiannwali || Impenji || 1925,7 || 1962,7 || 2001,1 || 2040,6 || 2080,9 || 2122,0 || 2163,9 || 14296,8 Pagamenti || 451,7 || 1196,2 || 1956,3 || 1994,9 || 2034,2 || 2074,4 || 2114,9 || 11822,6
3.2.2.
L-impatt stmat fuq l-approprjazzjonijiet operattivi
F’dan l-istadju, l-ispejjeż huma inċerti jew
varjabbli, minħabba l-istadju li jmiss ta’ programmazzjoni, li ma nistgħux
niġġudikaw minn qabel ir-riżultati tiegħu. Għaldaqstant, stima tal-ispejjeż
għal kull unità ma tistax tiġi pprovduta f’dan l-istadju. Ir-riżultati ma
jistgħux jiġu kkwantifikati f’termini purament numeriċi, peress li l-progress
jitkejjel b’relazzjoni mal-progress tal-pajjiżi fit-triq tagħhom għall-adeżjoni
fl-UE. L-istimi tal-ispejjeż u l-ispejjeż għal kull unità se jiġu pprovduti fuq
il-bażi ta’ valutazzjoni tal-ħtiġijiet ladarba dokumenti ta’ strateġija ta’
pajjiż wieħed u ta’ ħafna pajjiżi jiġu ppreparati u approvati. ¨ Il-proposta/inizjattiva ma teħtiġx l-użu ta’ approprjazzjonijiet
operattivi ý Il-proposta/inizjattiva teħtieġ l-użu ta’ approprjazzjonijiet
operattivi
3.2.3.
L-impatt stmat fuq l-approprjazzjonijiet ta’ natura
amministrattiva
3.2.3.1.
Sommarju
¨ Il-proposta/inizjattiva ma teħtiġx l-użu ta’ approprjazzjonijiet
amministrattivi x Il-proposta/inizjattiva teħtieġ l-użu ta’ approprjazzjonijiet
annimistrattivi, kif spjegat hawn taħt: Nota: Ċifri taħt l-Intestatura 5 jinkludu dejta
dwar DĠ ELARG u Delegazzjonijiet tal-UE u DĠ AGRI/REGIO/EMPL. Ċifri taħt
l-Intestatura 4 jinkludu dejta rigward DĠ ELARG/EMPL/AGRI/REGIO. EUR miljuni (sa 3 postijiet deċimali) || 2014 || 2015 || 2016 || 2017 || 2018 || 2019 || 2020 || TOTAL INTESTATURA 5 tal-qafas finanzjarju multiannwali || || || || || || || || Riżorsi umani || 27,0 || 26,1 || 25,7 || 25,7 || 25,7 || 25,7 || 25,7 || 181,5 Nefqa amministrattiva oħra || 0,8 || 0,8 || 0,8 || 0,8 || 0,8 || 0,8 || 0,8 || 5,3 Sottototal INTESTATURA 5 tal-qafas finanzjarju multiannwali || 27,7 || 26,8 || 26,5 || 26,4 || 26,4 || 26,4 || 26,4 || 186,8 'Il barra minn INTESTATURA 5[38] tal-qafas finanzjarju multiannwali || || || || || || || || Riżorsi umani || 49,9 || 50,9 || 52,0 || 53,0 || 54,1 || 55,1 || 55,7 || 370,6 Nefqa oħra ta’ natura amministrattiva || 5,5 || 5,6 || 5,7 || 5,8 || 5,9 || 6,1 || 6,2 || 40,8 Sottototal ‘il barra mill-INTESTATURA 5 tal-qafas finanzjarju multiannwali || 55,4 || 56,5 || 57,7 || 58,8 || 60,0 || 61,2 || 61,8 || 411,4 TOTAL || 83,2 || 83,3 || 84,1 || 85,3 || 86,4 || 87,6 || 88,3 || 598,2
3.2.3.2.
Rekwiżiti stmati tar-riżorsi umani
¨ Il-proposta/inizjattiva ma teħtiġx l-użu ta’ riżorsi umani ý Il-proposta/inizjattiva teħtieġ l-użu ta’ riżorsi umani, kif
spjegat hawn taħt: Nota: Numri tal-persuna taħt Intestatura 5
jinkludu dejta rigward DĠ ELARG u d-Delegazzjonijiet tal-UE, DĠ
AGRI/EMPL/kwartieri ġenerali REGIO u jinkludu wkoll it-tnaqqis ta' postijiet
relatati mat-tneħħija gradwali tad-delegazzjonijiet fil-Kroazja. Numri tal-persunal taħt Intestatura 4 jinkludu
dejta dwar id-DĠ ELARG/EMPL/AGRI/REGIO L-istima għandha tiġi espressa f’ammonti sħaħ (jew l-aktar sa punt
deċimali wieħed) || 2014 || 2015 || 2016 || 2017 || 2018 || 2019 || 2020 || Karigi tal-pjan ta’ stabbiliment (uffiċjali u aġenti temporanji) || 22 01 01 01 (Kwartieri ġenerali u Uffiċċji ta’ Rappreżentanza tal-Kummissjoni) || 108,0 || 107,0 || 105,0 || 105,0 || 105,0 || 105,0 || 105,0 04 01 01 01 (Kwartieri ġenerali u Uffiċċji ta’ Rappreżentanza tal-Kummissjoni) || 10,9 || 10,9 || 10,5 || 10,5 || 10,5 || 10,5 || 10,5 05 01 01 01 (Kwartieri ġenerali u Uffiċċji ta’ Rappreżentanza tal-Kummissjoni) || 9 || 9 || 9 || 9 || 9 || 9 || 9 13 01 01 01 (Kwartieri ġenerali u Uffiċċji ta’ Rappreżentanza tal-Kummissjoni) || 13 || 13 || 13 || 13 || 13 || 13 || 13 22 01 01 02 (Delegazzjonijiet)[39] || 46,0 || 40,0 || 40,0 || 40,0 || 40,0 || 40,0 || 40,0 22 01 05 01 (Riċerka indiretta) || na || na || na || na || na || na || na 10 01 05 01 (Riċerka diretta) || na || na || na || na || na || na || na Persunal estern (f’unità Ekwivalenti għall-Full Time: FTE)[40] || 22 01 02 01 (AK, INT, SNE mill-“pakkett globali”) || 18,6 || 18,5 || 18,3 || 18,1 || 18,1 || 18,1 || 18,1 04 01 02 01 (AK, INT, SNE mill-“pakkett globali”) || - || - || - || - || - || - || - 05 01 02 01 (AK, INT, SNE mill-“pakkett globali”) || 2,9 || 2,9 || 2,9 || 2,9 || 2,9 || 2,9 || 2,9 13 01 02 01 (AK, INT, SNE mill-“pakkett globali”) || 3.5 || 3.5 || 3.5 || 3.5 || 3.5 || 3.5 || 3.5 22 01 02 02 (AK, INT, JED, LA u SNE fid-delegazzjonijiet) || 17,7 || 17,5 || 17,3 || 17,2 || 17,2 || 17,2 || 17,2 22 01 04 01/04 [41] || - fil-Kwartieri Ġenerali[42] || 102,3 || 100,1 || 98 || 96 || 93,9 || 91,9 || 90 - fid-delegazzjonijiet || 399,5 || 400,6 || 401,7 || 402,8 || 403,9 || 404,9 || 405,9 04 01 04 13 fid-delegazzjonijiet || 13,2 || 13,3 || 13,3 || 13,3 || 13,4 || 13,4 || 13,4 05 01 04 03 fid-delegazzjonijiet || 5 || 5 || 5 || 5 || 5 || 5 || 5 13 01 04 02 fid-delegazzjonijiet || 39,7 || 39,8 || 39,9 || 40,0 || 40,1 || 40,2 || 40,3 22 01 05 02 (AK, INT, SNE – Riċerka indiretta) || na || na || na || na || na || na || na 10 01 05 02 (AK, INT, SNE – Riċerka diretta) || na || na || na || na || na || na || na Linji baġitarji oħra (speċifika) || na || na || na || na || na || na || na TOTAL || 789,3 || 781 || 777,3 || 776,2 || 775,3 || 774,5 || 773,7 Ir-riżorsi umani meħtieġa se jiġu sodisfatti
mill-persunal tad-DĠ li diġà huma assenjati għall-ġestjoni tal-azzjoni u/jew
insedjat mill-ġdid fi ħdan id-DĠ, flimkien jekk meħtieġ ma’ kwalunkwe
allokazzjoni addizzjonali li tista’ tingħata lid-DĠ amministrattiv taħt
il-proċedura ta’ allokazzjoni annwali u fid-dawl tar-restrizzjonijiet
baġitarji. Deskrizzjoni tal-kompiti li għandhom
jitwettqu: Uffiċjali u aġenti temporanji || Ippjanar, ipprogrammar, ġestjoni u monitoraġġ tal-assistenza finanzjarja Persunal estern || Ippjanar, ipprogrammar, ġestjoni u monitoraġġ tal-assistenza finanzjarja
3.2.4.
Kompatibbiltà mal-qafas finanzjarju multiannwali
tal-2014-2020
ý Il-proposta/inizjattiva hija kompatibbli mal-qafas finanzjarju
multiannwali tal-2014-2020. ¨ Il-proposta/inizjattiva se tinvolvi l-ipprogrammar mill-ġdid
tal-intestatura rilevanti fil-qafas finanzjarju multiannwali. Spjega
xi programmar mill-ġdid huwa meħtieġ, u speċifika l-linji tal-baġit
ikkonċernati u l-ammonti korrispondenti. ¨ Il-proposta/inizjattiva teħtieġ l-applikazzjoni tal-istrument
tal-flessibilità jew ir-reviżjoni tal-qafas finanzjarju multiannwali[43]. Spjega
x’inhu meħtieġ, u speċifika l-intestaturi u l-linji tal-baġit ikkonċernati u
l-ammonti korrispondenti.
3.2.5.
Kontribuzzjonijiet minn terzi persuni
ý Il-proposta/inizjattiva ma tipprevedix il-kofinanzjament minn
terzi persuni ¨ Il-proposta/inizjattiva tipprovdi għall-kofinanzjament stmat hawn
taħt: Approprjazzjonijiet
f’miljuni ta’ EUR (sa 3 postijiet deċimali) || Year N || Year N+1 || Year N+2 || Year N+3 || … daħħal kemm ikunu meħtieġa kolonni biex turi t-tul taż-żmien tal-impatt (ara l-punt 1.6) || Total Speċifika l-korp ta’ kofinanzjament || || || || || || || || TOTAL approprjazzjonijiet ikkofinanzjati || || || || || || || ||
3.3.
L-impatt stmat fuq id-dħul
ý Il-proposta/inizjattiva m’għandha l-ebda impatt finanzjarju fuq
id-dħul. ¨ Il-proposta/inizjattiva għandha l-impatt finanzjarju li ġej: ¨ fuq ir-riżorsi proprji ¨ fuq id-dħul mixxellanju F’miljuni
ta’ EUR (sa 3 postijiet deċimali) Linja tad-dħul tal-baġit: || Approprjazzjonijiet disponibbli għall-eżerċizzju baġitarju kontinwu || Impatt tal-proposta/inizjattiva[44] Year N || Year N+1 || Year N+2 || Year N+3 || … daħħal kemm ikunu meħtieġa kolonni biex turi t-tul taż-żmien tal-impatt (ara l-punt 1.6) Artikolu …………. || || || || || || || || Għal dħul mixxellanju assenjat, speċifika
l-linja/linji tan-nefqa tal-baġit affettwata/affettwati. Speċifika l-metodu għall-kalkolu tal-impatt fuq
id-dħul. [1] Komunikazzjoni
mill-Kummissjoni lill-Parlament Ewropew, il-Kunsill, il-Kumitat Ekonomiku u
Soċjali Ewropew u l-Kumitat tar-Reġjuni Baġit għall-Ewropa 2020,
COM(2011)500 finali, 29.6.2011 [2] “Ħames
snin ta’ UE mkabbra – kisbiet u sfidi ekonomiċi” – Komunikazzjoni
mill-Kummissjoni lill-Kunsill, il-Parlament, il-Kumitat Ekonomiku u Soċjali
Ewropew, il-Kumitat tar-Reġjuni u BĊE, 20 ta’ Frar 2009 [3] Il-Kroazja,
dik li kienet ir-Repubblika Jugoslava tal-Maċedonja, l-Islanda, Montenegro u
t-Turkija [4] L-Albanija,
il-Bosnja u Ħerzegovina, is-Serbja kif ukoll il-Kosovo skont UNSCR 1244/99 [5] Ir-Regolament
tal-Kunsill 1085/2006 tas-17 ta’ Lulju 2006 [6] Fuq
is-sigurtà tal-provvista tal-enerġija u l-kooperazzjoni internazzjonali -
"L-politika tal-enerġija tal-UE: Kooperazzjoni ma' pajjiżi lil hinn
mill-fruntieri tagħna" COM (2011) 539 ta' 7.09.2011 [7] jiġifieri
l-paċi u sigurtà, it-tnaqqis tal-faqar, l-għajnuna umanitarja, l-investiment
fl-istabbiltà u t-tkabbir fil-pajjżi tat-tkabbir u tal-viċinat, l-indirizzar
tal-isfidi globali, il-promozzjoni tal-istandards u l-valuri tal-UE u
internazzjonali, u l-appoġġ għat-tkabbir u l-kompetittività barra mill-pajjiż [8] ĠU L … [9] ĠU C , ,
p. . [10] ĠU C , ,
p. . [11] Komunikazzjoni
mill-Kummissjoni lill-Parlament Ewropew, il-Kunsill, il-Kumitat Ekonomiku u
Soċjali Ewropew u l-Kumitat tar-Reġjuni Baġit għall-Ewropa 2020, COM(2011)500
finali, 29.6.2011 [12] ĠU L
210, 31.7.2006, p. 82. [13] Taħt
l-UNSCR Nru 1244/1999 [14] ĠU L ….. [15] ĠU L 55,
28.2.2011, p. 13. [16] ĠU L ….. [17] ĠU L ….. [18] ĠU L ….. [19] ĠU L ….. [20] ĠU L ….. [21] ĠU L ….. [22] ĠU L ….. [23] ĠU L ….. [24] ĠU L 210,
31.7.2006, p. 82-93 [25] ĠU L 65,
7.3.2006, p. 5. [26] ABM: Ġestjoni skont Attività – ABB: Ibbaġittjar skont Attività. [27] Kif
imsemmi fl-Artikolu 49(6)(a) jew (b) tar-Regolament Finanzjarju. [28] Taħt
l-UNSCR 1244/1999 [29] Approċċ
settorjali għall-ippjanar u l-ipprogrammar tal-assistenza huwa bbażat fuq
l-istrateġiji settorjali tal-pajjiż, u jgħaqqad riżorsi minn donaturi
differenti u jimmira li jikseb għanijiet ta’ politika aktar wiesa’ [30] Dettalji
tal-modi ta’ ġestjoni u referenzi għar-Regolament Finanzjarju jistgħu jinstabu
fuq il-websajt tal-BudgWeb: http://www.cc.cec/budg/man/budgmanag/budgmanag_en.html [31] Kif
imsemmi fl-Artikolu 185 tar-Regolament Finanzjarju. [32] DA=
Approprjazzjonijiet differenzjati / DNA= Approprjazzjonijiet Mhux Differenzjati [33] EFTA:
Assoċjazzjoni Ewropea tal-Kummerċ Ħieles. [34] Pajjiżi
kandidati u, fejn applikabbli, pajjiżi kandidati potenzjali mill-Balkani
tal-Punent. [35] Pagamenti
relatati mal-istrument IPA il-ġdid biss [36] Sakemm
l-aġġustament previst fit-tieni paragrafu tal-Artikolu 11 tar-Regolament
tal-Kunsill li jistabbilixxi l-qafas finanzjarju multiannwali għas-snin
2014-2020 ikun seħħ, il-ħtiġijiet finanzjarji għall-appoġġ tal-komunità
Ċiprijotta-Torka ser ikunu koperti mill-pakkett globali allokat għall-Istrument
għall-Assistenza ta’ qabel l-Adeżjoni. [37] L-assistenza
u n-nefqa teknika u/jew amministrattiva bħala appoġġ għall-implimentazzjoni
tal-programmi tal-UE u/jew l-azzjonijiet (linji ex “BA”), ir-riċerka indiretta,
ir-riċerka diretta. [38] L-assistenza
u n-nefqa teknika u/jew amministrattiva bħala appoġġ għall-implimentazzjoni
tal-programmi tal-UE u/jew l-azzjonijiet (linji ex “BA”), ir-riċerka indiretta,
ir-riċerka diretta. [39] Inkluż 5
FTE għat-tlestija u l-monitoraġġ ta’assistenza tal-IPA fil-Kroazja fl-2014. [40] CA= Aġent
Kuntrattwali; INT= persunal mill-aġenziji ("Intérimaire");
JED= "Jeune Expert en Délégation" (Esperti Żgħażagħ
fid-Delegazzjonijiet); LA= Aġenti Lokali; SNE= Esperti Nazzjonali Sekondati; [41] Taħt
il-limitu massimu għall-persunal estern minn approprjazzjonijiet operazzjonali
(linji “BA” preċedenti).
Din il-linja tal-baġit tinkludi wkoll dispożizzjoni tat-22 FTE
għall-implimentazzjoni, il-monitoraġġ u t-tneħħija gradwali ta' għajnuna lill-komunità
Ċiprijotta-Torka. Din
id-dispożizzjoni se titwaqqaf u tiġi ttrasferita lit-titolu rilevanti tal-baġit
ladarba l-aġġustament previst fit-tieni paragrafu tal-Artikolu 11
tar-Regolament tal-Kunsill li jistabbilixxi l-qafas finanzjarju multiannwali għas-snin
2014-2020 jkun fis-seħħ. [42] Essenzjalment
għall-Fondi Strutturali, il-Fond Agrikolu Ewropew għall-Iżvilupp Rurali (FAEŻR)
u l-Fond Ewropew għas-Sajd (FES). [43] Ara
l-punti 19 u 24 tal-Ftehim Interistituzzjonali. [44] Fir-rigward
tar-riżorsi proprji tradizzjonali (dazji doganali, dazji fuq iz-zokkor),
l-ammonti indikati għandhom ikunu ammonti netti, jiġifieri ammonti grossi wara
t-tnaqqis ta’ 25 % tal-imposti tal-ġbir.