Proposta għal REGOLAMENT TAL-PARLAMENT EWROPEW U TAL-KUNSILL dwar l-implimentazzjoni u l-esplojtazzjoni tas-sistemi Ewropej tar-radjunavigazzjoni bis-satellita /* KUMM/2011/0814 finali - 2011/0392 (COD) */
MEMORANDUM
TA' SPJEGAZZJONI
1.
IL-KUNTEST TAL-PROPOSTA
Ir-Regolament (KE) Nru 683/2008, li
daħal fis-seħħ fil-25 ta’ Lulju 2008,
jiddefinixxi l-qafas għall-governanza pubblika u l-finanzjament
tal-programmi Galileo u EGNOS[1].
B’mod partikolari, dan jalloka EUR 3405 miljun għall-perjodu
mill-1 ta’ Jannar 2007
sal-31 ta’ Diċembru 2013. Kif previst fl-Artikolu 22 tar-Regolament
(KE) Nru 683/2008, il-Kummissjoni adottat rapport lill-Parlament Ewropew u
lill-Kunsill dwar ir-reviżjonii ta' nofs it-terminu tal-programmi Ewropej
ta’ navigazzjoni bis-satellita fit-18 ta' Jannar 2011[2]. Dan ir-rapport jipprovdi
reviżjoni ddettaljata tal-progress tagħhom minn mindu saret
ir-riforma tal-governanza tagħhom fl-2007, jistipula l-istimi
tal-ispejjeż u l-isfidi tal-ġejjieni, b’mod partikolari fir-rigward
tar-riskji u jispeċifika proposti speċifiċi ta’ kif
għandhom jiġu ttrattati, b’mod partikolari biex jitqiesu
r-rekwiżiti operattivi taż-żewġ sistemi stabbiliti skont
il-programmi. Fil-konklużjonijiet li adotta
fil-31 ta’ Marzu 2011 wara li ġie mressaq ir-rapport
tal-Kummissjoni tat-18 ta' Jannar 2011, il-Kunsill, fost
affarijiet oħra, esprima l-appoġġ tiegħu għal
darb’oħra għall-programmi ta’ navigazzjoni bis-satellita kif definit
fir-Regolament (KE) Nru 683/2008. Hu nnota wkoll l-istimi
tal-ispejjeż globali u l-fatt li l-Kummissjoni kienet se tressaq proposta
li tinkludi t-tibdiliet fil-mudell ta' governanza fid-dawl tal-qafas
finanzjarju multiannwali li jmiss. Fuq dan il-punt, huwa talab lill-Kummissjoni
biex tirrazzjonalizza u tottimizza l-użu ta’ strutturi eżistenti. Min-naħa tiegħu, f’riżoluzzjoni
adottata fit-8 ta' Ġunju 2011, il-Parlament iddikjara
mill-ġdid l-appoġġ tiegħu għall-programmi Ewropej ta'
navigazzjoni bis-satellita u ddikjara li dawn il-programmi għandhom ikunu
prinċipalment iffinanzjati mill-baġit tal-Unjoni. Hu enfasizza kemm
hu importanti li jiġu implimentati politiki ta' trażżin
rigoruż tal-ispejjeż u dawk ta' mitigazzjoni tar-riskju. Huwa talab
lill-Kummissjoni biex tressaq proposti leġiżlattivi kemm jista’ jkun
malajr b’enfasi partikolari fuq il-bżonn li jkun hemm qafas stabbli
fit-tul, partikolarment għat-tħaddim tas-sistemi. Fil-Komunikazzjoni tagħha datata
d-29 ta’ Ġunju 2011[3],
akkumpanjata minn proposta għal Regolament tal-Kunsill tal-istess data[4], il-Kummissjoni pproponiet li
tassenja EUR [7000] miljun għall-finanzjament tal-programmi
Ewropej ta’ navigazzjoni bis-satellita matul il-qafas finanzjarju multiannwali
li jmiss għall-perjodu bejn l-2014 u l-2020. Madankollu hija indikat hawnhekk
li huwa neċessarju li jinżammu l-isforzi biex jiġu kkontrollati
l-ispejjeż u li għandhom jiġu ppjanati proċeduri ta’
maniġment ġodda fit-tul. Għandu jiġi nnutat li din is-somma
ta’EUR [7000] miljun, fil-prezzijiet kostanti tal-2011, huwa limitu
assolut skont l-Artikolu [14 tal-proposta] tar-Regolament tal-Kunsill
imsemmi hawn fuq u tikkorrispondi għas-somma
ta’EUR [7897] miljun fil-prezzijiet attwali. Huwa importanti li jiġi enfasizzat li
l-inċertezzi, li jistgħu jwasslu għal żidiet
fl-ispejjeż u dewmien, huma inerenti f'dan it-tip ta' programm kumpless.
Dan jeħtieġ li titwaqqaf sistema effettiva ta' maniġment
tar-riskju, u dan jista’ jirriżulta fit-teħid ta’
deċiżjonijiet diffiċli. B’dan il-mod, l-ispiża addizzjonali
tal-fażi ta' żvilupp, immaniġġjata mill-Aġenzija Spazjali
Ewropea, tammonta għal madwar total ta’ EUR 500 miljun. Fuq
talba tal-Istati Membri, il-Kummissjoni qablet li tħallas din
l-ispiża hi sabiex tassigura l-kontinwità tal-programm. Il-validazzjoni
tas-sistema fl-orbita hija l-bażi tal-programm Galileo u nuqqas ta’
finanzjament kien jipperikola l-kontinwazzjoni tiegħu, b’riżultat li
tintilef il-kompetenza industrijali u t-tagħmir diġà mibni
parzjalment. Ir-Regolament li miegħu tirrilata
l-proposta jissodisfa t-talbiet tal-Parlament u tal-Kunsill filwaqt li jqis
il-kontenut tal-Komunikazzjoni tal-Kummissjoni
tad-29 ta’ Ġunju 2011. Dan huwa l-att bażiku
għall-programmi Ewropej ta’ navigazzjoni bis-satellita għall-perjodu
kopert mill-qafas finanzjarju multiannwali li jmiss, li jipprevedi b’mod
partikolari għall-finanzjament u l-mudell ta’ governanza
għall-programmi. Minħabba t-tibdiliet kbar li għandhom isiru
fir-Regolament (KE) Nru 683/2008, ġie deċiż li jiġi
propost li jkun aħjar jekk ir-Regolament eżistenti jiġi
sostitwit minn Regolament ġdid minflok ikun emendat. Huwa tajjeb li wieħed jiftakar li
l-programmi Galileo u EGNOS huma proġetti ewlenin tal-Unjoni.
Il-promozzjoni ta' din it-teknoloġija, li hija mutur qawwi biex
noħorġu mill-kriżi, taqbel perfettament mal-istrateġija Ewropa 2020
u l-politiki għall-iżvilupp sostenibbli. Il-ġenerazzjonijiet
il-ġodda ta' prestazzjoni għolja tas-servizzi ta’ navigazzjoni
bis-satellita jipprovdu opportunitajiet konsiderevoli fl-oqsma kollha ta'
attività b’ħafna impjiegi li huma marbuta mal-espansjoni tas-swieq, li
kibru b'rata annwali ta' 30 % matul dawn l-aħħar snin. F'dan
il-kuntest, il-Kummissjoni qiegħda taħdem biex tiżviluppa
ekosistema ta’ applikazzjonijiet biex tottimizza l-użu tas-servizzi
pprovduti mis-sistemi u timmassimizza l-benefiċċji
soċjoekonomiċi. Għalhekk, qiegħda timplimenta
l-24 miżura msemmija fil-Pjan ta’ Azzjoni tagħha dwar
l-applikazzjonijiet tal-GNSS tal-14 ta’ Ġunju 2010[5]. Dan il-pjan jipprevedi, b'mod
partikolari, għall-finanzjament ta' proġetti ta' riċerka u
żvilupp, għat-titjib fl-aċċess għall-finanzjament
għall-intrapriżi ta’ daqs żgħir u medju u diversi
miżuri biex jippromwovu l-programmi Galileo u EGNOS f'setturi ta’
prijorità għat-tkabbir, l-innovazzjoni u l-impjieg. Għandu jiġi enfasizzat ukoll li
l-programmi Ewropej ta’ navigazzjoni bis-satellita ma jikkonċernawx biss
l-Istati Membri bl-akbar involviment fil-qasam tal-ispazju: huma
jikkonċernaw direttament l-Istati Membri kollha tal-Unjoni. Tant hu hekk
li ċ-ċittadini kollha tal-Unjoni se jibbenefikaw minn firxa ta’ servizzi
pprovduti mill-infrastrutturi li qegħdin fis-seħħ. Barra minn
hekk, l-intrapriżi ta’ daqs żgħir u medju kullimkien fl-Ewropa
għandhom rwol importanti fil-programmi billi wieħed
mill-għanijiet tal-Unjoni huwa li tiġi promossa l-aktar
partiċipazzjoni wiesgħa u l-aktar waħda miftuħa
għan-negozji kollha fil-proċeduri tal-akkwist pubbliku. Pereżempju, bħala parti minn
inizjattiva ewlenija tal-Ewropa 2020 “Politika Industrijali għall-Era
tal-Globalizzazzjoni”, il-Kummissjoni hija responsabbli mill-iżvilupp ta’
“politika spazjali effettiva li tipprovdi l-għodod biex jiġu
indirizzati xi wħud mill-isfidi globali ewlenin u b'mod partikolari biex
jitwassal Galileo".
2.
IR-RIŻULTATI TA’ KONSULTAZZJONIJIET MAL-PARTIJIET INTERESSATI U
VALUTAZZJONIJIET TAL-IMPATT
Il-proposta ssegwi bosta konsultazzjonijiet
estensivi mal-partijiet interessati u mal-pubbliku. Hija akkumpanjata minn
valutazzjoni tal-impatt. Il-partijiet interessati ġew ikkonsultati
fuq diversi aspetti tekniċi, legali jew operattivi dwar il-programmi
bħalma huma l-forniment ta’ servizzi, l-ispiża tal-infrastruttura u
t-tħaddim tagħha, l-analiżi tar-riskju u mudelli ta’ governanza
potenzjali. Għaldaqstant ġew organizzati workshops u konferenzi
tematiċi mal-utenti kif ukoll gruppi ta’ ħidma fil-mira mal-esperti
fl-Aġenzija Spazjali Ewropea, l-Aġenzija Ewropea GNSS u l-Istati
Membri. Saru wkoll intervisti mal-esperti mis-settur spazjali u
mar-rappreżentanti tal-industrija. Il-pubbliku kien involut ukoll
fl-Ewrobarometri bejn l-2007 u l-2009 u fil-valutazzjoni tal-impatt dwar
il-politika spazjali Ewropea. Il-firxa ta' din ir-riċerka wriet li: ·
il-pubbliku jappoġġja l-iżvilupp ta’
sistema ta’ navigazzjoni bis-satellita indipendenti u jirrikonoxxi d-dipendenza
dejjem tikber ta’ soċjetajiet moderni fuq is-servizzi ta’ navigazzjoni; ·
għandu jkun hemm governanza stabbli fit-tul
biex tiżgura li l-programmi jiġu mmaniġjati b’mod effettiv; ·
is-"Safety of Life Service” (is-servizz ta’
sikurezza tal-ħajja) (SoL) ipprovdut mis-sistema stabbilita skont
il-programm ta’ Galileo għandu jiġi definit mill-ġdid fid-dawl
tal-aspettativi tal-utenti li qegħdin jinbidlu; ·
fl-aħħarnett, il-partijiet interessati
fl-avjazzjoni ċivili jinsistu dwar il-bżonn li jkun hemm impenji
fit-tul dwar il-forniment tas-servizzi tal-EGNOS. Dan huwa prerekwiżit
għal kwalunkwe penetrazzjoni fis-suq reali tal-EGNOS. Barra minn hekk, fid-dawl tal-aħħar
avvanzi u sfidi li għandhom jingħelbu, il-valutazzjoni tal-impatt
tikkonċentra fuq l-implimentazzjoni kontinwa tal-programmi b'enfasi fuq
żewġ problemi ewlenin: l-ewwelnett, il-konfigurazzjoni ta’ servizzi
futuri, peress li l-baġit allokat għall-perjodu 2008-2013 mhuwiex
biżżejjed biex titlesta l-infrastruttura tas-sistema stabbilita skont
il-programm Galileo u biex jiżgura t-tħaddim tal-EGNOS; u t-tieni,
id-definizzjoni ta’ mudell operattiv ta' governanza u l-finanzjament
meħtieġ. Fuq l-ewwel punt, dwar is-sistema stabbilita
skont il-programm Galileo, l-evalwazzjoni tal-għażliet varji wriet li
l-aħjar għażla hija li jinżammu s-servizzi li ġew
speċifikati inizjalment, bl-eċċezzjoni tas-servizz SoL. Din
is-soluzzjoni, li teħtieġ inqas infrastruttura fuq l-art, tnaqqas
l-ispejjeż. Fir-rigward tal-EGNOS, is-sistema diġà
qiegħda titħaddem u bosta utenti qegħdin igawdu
l-benefiċċji tagħha. Barra minn hekk, meta s-servizz SoL
ġie ddikjarat operattiv, il-Kummissjoni tat assigurazzjonijiet dwar
il-kontinwità ta' dan is-servizz lill-utenti li waslu biex għamlu
investimenti sinifikanti. Li jintemm il-programm EGNOS mhix għażla
f'dan il-kuntest. Dwar it-tieni punt, il-valutazzjoni tal-impatt
ikkonkludiet li l-Kummissjoni, li tirrappreżenta l-Unjoni, għandha
tibqa’ responsabbli għall-programmi filwaqt li l-Unjoni waħidha
tkompli tiżgura l-finanzjament tagħhom, kif propost mill-Kummissjoni
fil-Komunikazzjoni tad-29 ta' Ġunju 2011 imsemmija hawn
fuq. Il-maniġment operattiv għandu jiġi fdat lil aġenzija
regolatorja. Dan jimmassimizza l-benefiċċji soċjoekonomiċi
mistennija mit-tħaddim tas-sistemi u jassigura aktar konsistenza
mal-politiki l-oħra tal-Unjoni filwaqt li jiddefinixxi
r-responsabbiltajiet finanzjarji u politiċi tal-partijiet interessati
diversi. F'dan ir-rigward u meta wieħed iqis l-konklużjonijiet
tal-Kunsill tal-31 ta' Marzu 2011 imsemmija hawn fuq,
id-delegazzjoni ta' dan ix-xogħol lill-Aġenzija Ewropea GNSS li
ġiet stabbilita permezz tar-Regolament (UE) Nru 912/2010
tal-Parlament Ewropew u tal-Kunsill tat-22 ta’ Settembru 2010
għall-prestazzjoni tax-xogħlijiet assoċjati mal-progress
tal-programmi, u li barra li qiegħda diġà fis-seħħ hija wkoll
attiva fil-qasam tan-navigazzjoni bis-satellita, tidher li hija l-aktar
soluzzjoni naturali. Minkejja dan xorta jkun meħtieġ li
x-xogħlijiet u r-riżorsi ta’ din l-aġenzija jinbidlu.
3.
ELEMENTI LEGALI TAL-PROPOSTA
Bħar-Regolament (KE) Nru 683/2008 u
testi oħra tal-acquis tal-Unjoni dwar il-programmi Ewropej tan-navigazzjoni
bis-satellita, il-bażi legali tal-proposta tal-Kummissjoni hija
l-Artikolu 172 tat-Trattat dwar il-Funzjonament tal-Unjoni Ewropea, dak li
kien l-Artikolu 156 tat-Trattat li jistabbilixxi l-Komunità Ewropea. Barra
minn hekk, hija tibqa’ fil-forma ta’ Regolament tal-Parlament Ewropew u
tal-Kunsill billi, bħar-Regolament (KE) Nru 683/2008 li hi
għandha tissostitwixxi, it-test tal-proposta għandu kamp
tal-applikazzjoni ġenerali u l-kontenut tiegħu huwa applikabbli fl-Istati
Membri kollha. Il-proposta tiddefinixxi l-aktar il-programmi
u s-sistemi, ir-riżorsi baġitarji allokati għalihom u l-mudell
ta' governanza tagħhom u, fl-interessi tar-razzjonalizzazzjoni tal-aquis
tal-unjoni, tipprevedi wkoll għall-emenda jew ir-revoka ta' testi
leġiżlattivi oħra li jikkonċernaw il-programmi Ewropej
tan-navigazzjoni bis-satellita. Il-proposta tikkonforma mal-prinċipji
tas-sussidjarjetà u l-proporzjonalità. L-għan tal-proposta, jiġifieri
l-implimentazzjoni u t-tħaddim tas-sistemi tan-navigazzjoni bis-satellita,
jisboq il-kapaċitajiet finanzjarji u dawk tekniċi ta' Stat Membru li
jaġixxi b'mod unilaterali u jista’jintlaħaq biss b’mod
sodisfaċenti fil-livell tal-Unjoni. Dan ma jmurx lil hinn minn dak li hu
meħtieġ biex jinkiseb dan l-għan ġaladarba l-baġit
ippjanat jikkorrispondi għall-ispejjeż stmati wara li tkun saret
analiżi estensiva u fejn il-mudell ta’ governanza użat jidher li jkun
dak l-aktar adattat.
4.
IMPLIKAZZJONIJIET BAĠITARJI
Kif indikat fil-punt 2 hawn fuq, l-Unjoni
se tkompli tiffinanzja il-programmi GALILEO u EGNOS waħidha.
Il-kontribuzzjoni tagħha għall-programmi għall-perjodu 2014-2020
ma għandux ikun aktar minn EUR [7897] miljun fil-prezzijiet
attwali skont l-Artikolu [14 tal-proposta] tar-Regolament tal-Kunsill
imsemmi fil-punt 1 hawn fuq. Dan ikopri tliet attivitajiet ewlenin,
jiġifieri, it-tlestija tal-fażi ta' skjerament tal-programm Galileo,
il-fażi ta’ sfruttament tal-istess programm u t-tħaddim tas-sistema
EGNOS. Dan tal-aħħar jinkludi titjib kontinwu tas-servizzi pprovduti
mis-sistema sabiex jintlaħqu l-ħtiġijiet li qed jinbidlu
tal-utenti. L-ispejjeż stmati tal-programmi huma
r-riżultat ta’ analiżi estensiva. Huma bbażati wkoll fuq
ir-riżultati ta’ diskussjonijiet mal-esperti, partikolarment mill-Istati
Membri, l-Aġenzija Spazjali Ewropea u l-Aġenzija Ewropea GNSS.
Diversi partijiet interessati, bħalma huma r-rappreżentanti
industrijali fis-settur tal-ispazju, ġew ikkonsultati wkoll. Iż-żamma tal-ispeċjalizzazzjoni
miksuba fi ħdan il-Kummissjoni hija fattur essenzjali biex tiżgura
l-kontinwità tal-programmi. Konsegwentement, il-Kummissjoni se żżomm
l-aġenti temporanji li attwalment huma impjegati għal perjodi li
għandhom jiġu ddeterminati b’konformità mal-fażijiet varji
tal-programmi u se tittrasferixxi persunal lill-Aġenzija Ewropea GNSS.
5.
ELEMENTI FAKULTATTIVI
Huwa importanti li jiġi enfasizzat li dan
ir-Regolament jistabbilixxi, b'mod partikolari, il-mudell ta’ governanza
għall-programmi u l-finanzjament tagħhom
għall-perijodu 2014-2020. B’konformità ma’ dan il-mudell, se jkun
possibbli li xogħlijiet sostanzjati assoċjati mat-tħaddim
tas-sistemi jiġu fdati lill-Aġenzija Ewropea GNSS, li hija entità fi
ħdan it-tifsira tal-Artikolu 185 tar-Regolament (KE, Euratom)
Nru 1605/2002 tal-25 ta’ Ġunju 2002 rigward
ir-Regolament Finanzjarju applikabbli għall-baġit ġenerali
tal-Komunitajiet Ewropej. Għaldaqstant, il-Kummissjoni beħsiebha
tikkonkludi mal-Aġenzija wieħed jew aktar mill-ftehimiet ta’
delegazzjoni. Fl-opinjoni tal-Kummissjoni, ir-rikors
għall-ftehimiet ta’ delegazzjoni, li jinkludu l-kondizzjonijiet
ġenerali għall-immaniġġjar tal-fondi fdati
lill-Aġenzija, li jinkludu miżuri għall-monitoraġġ u
l-kontroll tal-ispejjeż, huwa l-aktar metodu adattat
għall-Kummissjoni, il-Parlament Ewropew u l-Kunsill biex
jeżerċitaw is-setgħa tagħhom ta’ kontroll bis-sħiħ.
Sabiex tgħin lill-Parlament Ewropew u
lill-Kunsill jiksbu stampa sħiħa tal-kundizzjonijiet skont liema
l-Aġenzija Ewropea GNSS tkun obbligata twettaq ix-xogħlijiet fdati
lilha skont il-mudell il-ġdid ta' governanza tagħha, partikolarment
fir-rigward tar-riżorsi, il-Kummissjoni se tressaq proposta fl-2012
għall-emenda tar-Regolament (UE) Nru 912/2010 u d-dikjarazzjoni
finanzjarja assoċjata. Għandu jiġi nnutat li l-baġit
allokat għall-programmi, jiġifieri EUR [7897] miljun
fil-prezzijiet attwali, diġà jqis l-ispejjeż operattivi tas-sistemi,
inklużi l-ispejjeż operattivi tal-entitajiet meħtieġa
għall-immaniġġjar tat-tħaddim tas-sistemi. Għalhekk,
il-prestazzjoni mill-aġenzija ta’ xogħlijiet ġodda li se
jiġu fdati lilha, mhumiex se jwasslu għal nefqa baġitarja
addizzjonali. Barra minn hekk, il-Kummissjoni se tivvaluta
l-kompatibbiltà tar-Regolament (UE) Nru 912/2010 mal-mudell il-ġdid
ta’ governanza dwar l-akkreditazzjoni tas-sigurtà tas-sistemi. L-Azzjoni Konġunta
tal-Kunsill 2004/552/PESK tat-12 ta’ Lulju 2004 dwar
aspetti tal-operazzjoni tas-sistema Ewropea tar-radjunavigazzjoni bis-satellita
li jaffetwaw s-sigurtà tal-Unjoni Ewropea [6],
għandha wkoll tiġi aġġornata. Is-simplifikazzjoni tar-regoli hija waħda
mill-għanijiet ewlenin tal-approċċ il-ġdid propost
mill-Kummissjoni fir-rigward tan-nefqa baġitatrja tal-Unjoni. Fil-forma
attwali tiegħu, it-test jintroduċi miżuri ta’ simplifikazzjoni,
dwar il-punti li ġejjin b 'mod partikolari: –
l-allinjament ta’ indikaturi dwar l-għanijiet
tal-istrateġija 2020; –
id-delegazzjonital-attivitajiet assoċjati
mat-tħaddim tas-sistema, b’mod partikolari, il-maniġment
tal-kuntratti mal-Aġenzija Ewropea GNSS.. 2011/0392 (COD) Proposta għal REGOLAMENT TAL-PARLAMENT EWROPEW U
TAL-KUNSILL dwar l-implimentazzjoni u l-esplojtazzjoni
tas-sistemi Ewropej tar-radjunavigazzjoni bis-satellita IL-PARLAMENT EWROPEW U L-KUNSILL Wara li kkunsidraw it-Trattat dwar
il-Funzjonament tal-Unjoni Ewropea, u b'mod partikolari l-Artikolu 172
tiegħu, Wara li kkunsidraw il-proposta mill-Kummissjoni
Ewropea, Wara t-trażmissjoni tal-abbozz tal-att
leġiżlattiv lill-Parlamenti nazzjonali, Wara li kkunsidraw l-opinjoni tal-Kumitat
Ekonomiku u Soċjali Ewropew[7], Wara li kkunsidraw l-opinjoni tal-Kumitat
tar-Reġjuni[8], Filwaqt li jaġixxu skont
il-proċedura leġiżlattiva ordinarja, Billi: (1)
Il-politika Ewropea tan-navigazzjoni bis-satellita
għandha l-għan li tagħti lill-Unjoni żewġ sistemi ta'
radjunavigazzjoni bis-satellita, is-sistema li tirriżulta mill-programm
Galileo u mis-sistema EGNOS (minn hawn ‘il quddiem "is-sistemi").
Dawn is-sistemi joħorġu rispettivament mill-programmi Galileo u EGNOS
(minn hawn 'il quddiem "il-programmi"). Kull infrastruttura hija
magħmula minn satelliti u minn network ta' stazzjonijiet terrestri. (2)
Il-programm Galileo huwa maħsub biex tiġi
stabbilita u użata l-ewwel infrastruttura dinjija ta' radjunavigazzjoni u
pożizzjonament bis-satellita maħsuba speċifikament għal
finijiet ċivili. Is-sistema stabbilita mill-programm Galileo hija
totalment indipendenti mis-sistemi l-oħra eżistenti, jew minn dawk li
jistgħu jinħolqu. (3)
Il-programm EGNOS huwa maħsub biex itejjeb
il-kwalità tas-sinjali minn sistemi eżistenti ta' navigazzjoni globali
bis-satelliti (minn hawn ‘il quddiem "GNSS"). (4)
Il-Parlament Ewropew, il-Kunsill, il-Kumitat
Ekonomiku u Soċjali Ewropew u l-Kumitat tar-Reġjuni
appoġġaw b’mod sħiħ u konsistenti l-programmi GNSS Ewropej. (5)
Il-programmi issa waslu fi stadju avvanzat ta'
maturità u kważi sistemi f'fażi tal-esplojtazzjoni, jeħtieġ
li jingħataw bażi ġuridika speċifika, li tista’ tissodisfa
aħjar il-ħtiġijiet tagħhom, partikolarment f'termini
tat-tmexxija, u twieġeb għall-ħtieġa ta' amministrazzjoni
finanzjarja tajba. (6)
Is-sistemi mwaqqfa taħt il-programmi huma
infrastrutturi stabbiliti bħala networks trans-Ewropej li l-użu
tagħhom jestendi sew lil hinn mill-fruntieri nazzjonali tal-Istati Membri.
Barra minn hekk, is-servizzi offruti permezz ta' dawn is-sistemi
jikkontribwixxu, b’mod partikolari għall-iżvilupp ta' networks
transEwropej fl-oqsma tal-infrastrutturi tat-trasport, tat-telekomunikazzjoni u
tal-enerġija. (7)
Il-programmi Galileo u EGNOS huma għodda
tal-politika industrijali u huma parti mill-istrateġija Ewropa 2020,
kif muri mill-Komunikazzjoni tal-Kummissjoni
tas-17 ta' Novembru 2010 bit-titlu 'Politika industrijali
integrata għall-era tal-globalizzazzjoni: il-kompetittività u
s-sostenibbiltà fuq quddiem'[9].
Jidhru wkoll fil-Komunikazzjoni adottata fl-4 ta' April 2011
mill-Kummissjoni bit-titlu 'Lejn strateġija tal-ispazju għall-Unjoni
Ewropea li tibbenefika liċ-ċittadini tagħha'[10]. Dawn il-programmi
jippreżentaw għadd ta' vantaġġi għall-ekonomija u
ċ-ċittadini tal-Unjoni, li l-valur akkumulat tagħhom ġie
stmat għal madwar EUR 130 biljun
għall-perjodu 2014-2034. (8)
Jekk wieħed iqis l-użu dejjem iktar
tan-navigazzjoni bis-satellita fid-diversi oqsma tal-attività, interruzzjoni
fil-forniment tas-servizzi tista' tagħmel ħsara kbira
lis-soċjetà kontemporanja. Barra minn hekk, minħabba d-dimensjoni
strateġika tagħhom, is-sistemi tan-navigazzjoni bis-satellita huma
infrastrutturi sensittivi, suxxettibli partikolarment għal użu
b'intenzjoni ħażina. L-elementi msemmija fuq jistgħu jaffettwaw
is-sigurtà tal-Unjoni u tal-Istati Membri tagħha. Għalhekk,
jeħtieġ jitqiesu r-rekwiżiti tas-sigurtà waqt it-tfassil,
l-implimentazzjoni u l-użu tal-infrastrutturi li jirriżultaw
mill-programmi Galileo u EGNOS. (9)
Il-programm Galileo għandu fażi
tad-definizzjoni li tlestiet, fażi tal-iżvilupp u tal-validazzjoni li
għandha tispiċċa fl-2013, fażi tal-implimentazzjoni li
bdiet fl-2008 u li għandha tispiċċa fl-2020, u fażi
tal-użu li għandha tibda progressivament mill-2014/2015 biex
is-sistema tkun kompletament operazzjonali fl-2020. (10)
Il-programm EGNOS jinsab fil-fażi
tal-esplojtazzjoni mindu s-servizz miftuħ u s-servizz "Sikurezza
tal-Ħajja" tiegħu ġew iddikjarati operazzjonali
f'Ottubru 2009 u Marzu 2011 rispettivament. (11)
Sabiex jiġi ottimizzat l-użu tas-servizzi
pprovduti, is-sistemi, in-netwerks u s-servizzi li jirriżultaw
mill-programmi Galileo u EGNOS għandhom ikunu kompatibbli u interoperabbli
ma' xulxin u, sakemm ikun possibbli, ma' sistemi oħrajn tan-navigazzjoni
bis-satellita u mezzi konvenzjonali tar-radjunavigazzjoni. (12)
Billi l-Unjoni hija responsabbli,
fil-prinċipju, għall-finanzjament tal-programmi bis-sħiħ,
għandhom jittieħdu provvedimenti biex l-assi kollha tanġibli u
mhux, maħluqa jew żviluppati f'dawn il-programmi jsiru l-proprjetà
tagħha. Sabiex ikun hemm konformità sħiħa mad-drittijiet
fundamentali marbuta mal-proprjetà, għandhom isiru l-arranġamenti
neċessarji mas-sidien eżistenti, partikolarment għall-elementi
essenzjali tal-infrastrutturi u s-sigurtà tagħhom. Sabiex tiġi
ffaċilitata l-adozzjoni tar-radjunavigazzjoni mis-swieq, hemm
il-bżonn li jiġi żgurat li l-partijiet terzi jkunu jistgħu
jagħmlu l-aħjar użu partikolarment mid-drittiijiet tal-proprjetà
intellettwali li tirriżulta mill-programmi u li hija tal-Unjoni,
partikolarment fil-livell soċjali u ekonomiku. (13)
Il-fażijiet tal-implimentazzjoni u
tal-esplojtazzjoni tal-programm Galileo u l-fażi tal-esplojtazzjoni
tal-programm EGNOS għandhom, fil-prinċipju, jiġu ffinanzjati
kompletament mill-Unjoni. Madankollu, skont ir-Regolament (KE, Euratom)
Nru 1605/2002 tal-25 ta' Ġunju 2002 rigward
ir-Regolament Finanzjarju applikabbli ghall-bagit generali tal-Komunitajiet
Ewropej[11],
l-Istati Membri għandhom ikunu jistgħu jipprovdu finanzjament
addizzjonali lill-programmi jew kontribuzzjoni in natura, fuq il-bażi
tal-ftehimiet xierqa, sabiex jiffinanzjaw elementi addizzjonali tal-programmi
rikjesti minnhom, eż. dwar l-arkitettura tas-sistema jew bżonnijiet
partikolari tas-sigurtà. Il-pajjiżi terzi u l-organizzazzjonijiet
internazzjonali għandhom ikunu jistgħu wkoll jikkontribwixxu
għall-programmi. (14)
Sabiex tiġi garantita l-kontinwazzjoni
tal-programmi, huwa meħtieġ li jiġi stabbilit qafas finanzjarju
adattat sabiex l-Unjoni tkun tista’ tkompli tiffinanzahom. Jinħtieġ
ukoll li jiġi indikat l-ammont ta' flus meħtieġ bejn
l-1 ta' Jannar 2014 sal-31 ta' Diċembru 2020
sabiex tiġi ffinanzjata t-tlestija tal-fażi tal-implimentazzjoni
tal-programm Galileo u t-tħaddim tas-sistemi. (15)
Il-Parlament Ewropew u l-Kunsill, fuq proposta
tal-Kummissjoni bid-data tad-29 ta' Ġunju 2011
[iddeċidew] li jallokaw somma ta' EUR [7897] miljun
bil-prezzijiet attwali għall-finanzjament tal-attivitajiet marbuta mal-programmi
għall-perjodu mill-1 ta' Jannar 2014
sal-31 ta' Diċembru 2020. Jeħtieġ jiġi
ppreċiżat li dawn l-attivitajiet ikopru wkoll il-ħarsien
tas-sistemi u t-tħaddim tagħhom u jinkludu wkoll l-illanċjar
tas-satelliti. F'dan ir-rigward, kontribuzzjoni għall-ispejjeż
meħtieġa biex jibbenefikaw mis-servizzi li kapaċi jipprovdu din
il-protezzjoni, bħal dik ipprovduta mill-programm 'Space Situational
Awareness' (SSA) fost oħrajn, tista' tiġi ffinanzjata mill-baġit
allokat lill-programmi sakemm ikun possibbli wara ġestjoni rigoruża
tal-ispejjeż u konformità sħiħa mas-somma totali msemmija fuq
stabbilita fl-Artikolu [x] tar-Regolament tal-Kunsill XYZ li jiddetermina
l-qafas finanzjarju għall-perjodu 2014-2020. Ir-Regolament
preżenti jistipula, għall-kontinwazzjoni tal-programmi, envelopp
finanzjarju li jikkostitwixxi r-referenza prima, skont it-tifsira
tal-punt [17] tal-Ftehim Interistituzzjonali ta' xx/yy/201z bejn
il-Parlament Ewropew, il-Kunsill u l-Kummissjoni dwar il-kooperazzjoni
baġitarja u l-ġestjoni finanzjarja tajba, u skont it-tifsira
tal-Artikolu 14 [tal-Proposta tar-Regolament tal-Kunsill
tad-29 Ġunju 2011] li jiddetermina l-qafas finanzjarju
multiannwali għall-2014-2020[[12]]. (16)
Għandhom jiġu speċifikati
l-attivitajiet li għalihom għandhom jingħataw
l-approprjazzjonijiet tal-baġit tal-Unjoni allokati lill-programmi
għall-perjodu 2014-2020 skont dan ir-Regolament. Dawn
l-approprjazzjonijiet għandhom jingħataw primarjament għal
attivitajiet marbuta mal-fażi tal-implimentazzjoni tal-programm Galileo,
inkluż l-attivitajiet tal-ġestjoni u l-monitoraġġ għal
din il-fażi, u l-attivitajiet marbuta mat-tħaddim tas-sistema
stabbilita fil-programm Galileo, inkluż azzjonijiet li jiġu qabel jew
għat-tħejjija ta' din il-fażi, u t-tħaddim tas-sistema
tal-EGNOS. Għandhom jingħataw ukoll għall-finanzjament
ta' ċerti attivitajiet oħra meħtieġa
għall-ġestjoni u l-ksib tal-objettivi tal-programmi. (17)
Huwa importanti li wieħed jinnota li
l-ispejjeż ta' investiment u tal-esplojtazzjoni tas-sistemi stmati
għall-perjodu 2014-2020 ma jqisux l-obbligi finanzjarji mhux
previsti, li l-Unjoni jista’ jkollha tassumi, partikolarment dawk relatati
mas-sistema ta' responsabbiltà mhux kuntrattwali li tirriżulta min-natura
pubblika tad-dritt ta' proprjetà fuq is-sistemi partikolarment fir-rigward ta' force
majeur u ta' falliment katastrofiku. Dawn l-obbligi huma
s-suġġett ta' analiżi speċifika mill-Kummissjoni. (18)
Ta' min jinnota wkoll li r-riżorsi
baġitarji ppjanati skont dan ir-Regolament ma jkoprux ħidma
ffinanzjata minn fondi allokati lill-programm Orizzont 2020, Programm ta'
Qafas għar-Riċerka u l-Innovazzjoni, bħal dik marbuta
mal-iżvilupp tal-applikazzjonijiet li jirriżultaw mis-sistemi. Din
il-ħidma se tgħin biex jiġi ottimizzat l-użu tas-servizzi
pprovduti fil-kuntest tal-programmi, biex jiġi żgurat dħul
soċjali u ekonomiku tajjeb mill-investimenti li saru mill-Unjoni u biex
jiżdied l-għarfien tan-negozji fl-Unjoni fir-rigward
tat-teknoloġija tar-radjunavigazzjoni bis-satellita. (19)
Barra minn hekk, id-dħul iġġenerat
mis-sistemi għandu jitħallas lill-Unjoni biex tikkumpensa
għall-investimenti li tkun għamlet qabel. Madankollu, għandu
jkun possibli li jiġi previst mekkaniżmu tal-qsim tad-dħul
fil-kuntratti li jiġu ffirmati mis-settur privat. (20)
Sabiex ma jkunx hemm spejjeż mhux
ibbaġitjati u dewmien li affettwaw il-progress tal-programmi f'dawn l-aħħar
snin, jinħtieġ li jiżdiedu l-isforzi biex jiġu kkontrollati
r-riskji li jistgħu jwasslu għal spejjeż eċċessivi kif
mitlub mill-Kunsill u l-Parlament fil-konklużjonijiet u r-riżoluzzjonijiet
rispettivi tagħhom tal-31 ta' Marzu 2011 u
t-8 ta' Ġunju 2011, u kif muri mill-Komunikazzjoni
tal-Kummissjoni lill-Parlament Ewropew, lill-Kunsill, lill-Kumitat Ekonomiku u
Soċjali u lill-Kumitat tar-Reġjuni
tad-29 ta' Ġunju 2011 bit-titlu 'Baġit
għall-Ewropa 2020'[13]. (21)
Tmexxija pubblika tajba tal-programmi Galileo u
EGNOS tassumi, l-ewwel nett, li hemm diviżjoni stretta tal-kompiti,
partikolarment bejn il-Kummissjoni, l-Aġenzija tal-GNSS Ewropea u
l-Aġenzija Spazjali Ewropea, u t-tieni, li t-tmexxija hija adattata
għar-rekwiżiti operazzjonali tas-sistemi. (22)
Billi tirrappreżenta l-Unjoni li,
fil-prinċipju, tipprovdi finanzjament għall-programmi waħdiha u
s-sistemi huma l-proprjeta' tagħha, il-Kummissjoni hija responsabbli
għall-progress tal-programmi u għas-superviżjoni politika
tagħhom. Għandha tiġġestixxi l-fondi allokati
lill-programmi skont ir-Regolament attwali, twettaq superviżjoni
tal-implimentazzjoni tal-attivitajiet kollha tal-programmi u diviżjoni
ċara tal-kompiti, partikolarment bejn l-Aġenzija tal-GNSS Ewropew u
l-Aġenzija Spazjali Ewropea. Għaldaqstant, barra mill-kompiti marbuta
ma' dawn ir-responsabilitajiet ġenerali u l-kompiti l-oħra li
għandha twettaq skont dan ir-Regolament, għandha tiġi assenjata
ġabra ta' kompiti speċifiċi. Sabiex tottimizza r-riżorsi u
l-kompetenzi tal-partijiet interessati varji, il-Kummissjoni għandha tkun
tista' tiddelega ċerti kompiti, skont ir-Regolament (KE, Euratom)
Nru 1605/2002 u partikolarment l-Artikolu 54. (23)
L-Aġenzija tal-GNSS Ewropew ġiet
stabbilita mir-Regolament (UE) Nru 912/2010 tal-Parlament Ewropew u
tal-Kunsill tat-22 ta' Settembru 2010 li jistabbilixxi
l-Aġenzija Ewropea GNSS, u jħassar ir-Regolament (KE)
Nru 1321/2004 dwar l-istabbiliment ta’ strutturi għat-tmexxija
tal-programmi Ewropej ta’ radjunavigazzjoni bis-satellita u li jemenda
r-Regolament (KE) Nru 683/2008 tal-Parlament Ewropew u tal-Kunsill[14] bil-għan li tikseb
l-objettivi tal-programmi Galileo u EGNOS u timplimenta ċerti kompiti
assoċjati mal-progress tal-programmi. Hija aġenzija tal-Unjoni li,
bħala korp skont it-tifsira tal-Artikolu 185 tar-Regolament (KE,
Euratom) Nru 1605/2002, hija soġġetta għall-obbligi
applikabbli għall-aġenziji tal-Unjoni. Għandha tiġi
assenjata ċerti kompiti assoċjati mas-sigurtà tal-programm,
mad-deżinjazzjoni potenzjali tagħha bħala awtorità kompetenti
tal-PRS u mal-kontribut tagħha lit-tqegħid fis-suq tas-sistemi.
Għandha wkoll tagħmel kompiti li l-Kummissjoni tista' tagħtiha
permezz ta' wieħed jew iktar mill-ftehimiet ta' delegazzjoni li jkopru
kompiti speċifiċi varji marbuta mal-programmi, inkluż kompiti
marbuta mal-fażijiet tal-esplojtazzjoni tas-sistemi u l-promozzjoni
tal-applikazzjonijiet u s-servizzi fis-suq tan-navigazzjoni bis-satellita.
Sabiex il-Kummissjoni, li tirrappreżenta lill-Unjoni, teżerċita
kompletament is-setgħa ta' kontroll tagħha, dawn il-ftehimiet ta'
delegazzjoni għandhom jinkludu l-kondizzjonijiet ġenerali ta'
ġestjoni tal-fondi allokati lill-Aġenzija tal-GNSS Ewropew. (24)
L-Unjoni għandha tikkonkludi ftehim ta'
delegazzjoni multiannwali mal-Aġenzija Spazjali Ewropea li jkopri
l-aspetti tekniċi tal-programm u l-aspetti marbuta mal-programmazzjoni.
Sabiex il-Kummissjoni, li tirrappreżenta lill-Unjoni, teżerċita
kompletament is-setgħa ta' kontroll tagħha, il-ftehim ta'
delegazzjoni għandu jinkludi partikolarment il-kundizzjonijiet ġenerali
li jirregolaw il-ġestjoni tal-fondi allokati lill-Aġenzija Spazjali
Ewropea. Fir-rigward tal-attivitajiet iffinanzjati esklussivament mill-Unjoni,
dawn il-kundizzjonijiet għandhom jiżguraw livell ta' kontroll
komparabbli ma' dak rikjest li kieku l-Aġenzija Spazjali Ewropea kienet
Aġenzija tal-Unjoni. (25)
Ir-responsabbiltà għall-progress tal-programmi
tinkludi, partikolarment, ir-responsabbiltà għas-sigurtà tagħhom u
s-sigurtà tas-sistemi u t-tħaddim tagħhom. Ħlief fil-każ
tal-applikazzjoni tal-Azzjoni Konġunta 2004/552/CFSP tat-12 ta' Lulju 2004
dwar aspetti ta' l-operazzjoni tas-sistema Ewropea tar-radjunavigazzjoni
bis-satellita li jaffetwaw s-sigurtà ta' l-Unjoni Ewropea [15], li tista' tiġi adattata
jekk ikun hemm bżonn għal tibdil fil-programmi, it-tmexxija
tagħhom u t-Trattat ta' Lisbona, il-Kummissjoni hija responsabbli
għas-sigurtà, anki jekk ċerti kompiti marbuta mas-sigurtà jiġu
fdati lill-Aġenzija tal-GNSS Ewropew. Hija r-responsabbiltà
tal-Kummissjoni li tistabbilixxi mekkaniżmi li jiżguraw koordinazzjoni
xierqa bejn l-entitajiet varji responsabbli għas-sigurtà. (26)
Minħabba l-għarfien espert speċifiku
tas-Servizz Ewropew tal-Azzjoni Esterna u l-kuntatt regolari tiegħu
mal-amministrazzjonijiet ta' pajjiżi terzi u organizzazzjonijiet
internazzjonali, dan qiegħed f'pożizzjoni biex jgħin
lill-Kummissjoni fit-twettiq ta' wħud mill-kompiti tagħha marbuta
mas-sigurtà tas-sistemi u l-programmi fil-qasam tar-relazzjonijiet esterni,
skont id-Deċiżjoni tal-Kunsill 2010/427/UE
tas-26 ta' Lulju 2010 li tistabbilixxi l-organizzazzjoni u
l-funzjonament tas-Servizz Ewropew għall-Azzjoni Esterna[16], u partikolarment
l-Artikolu 2(2) tagħha. (27)
Sabiex jiġu allokati l-fondi tal-Unjoni
attribwiti lill-programmi b'limitu totali li l-Kummissjoni ma tistax tisboq,
għandhom jiġu applikati proċeduri tal-akkwist pubbliku effettivi
u, partikolarment, kuntratti negozjati sabiex jiġi żgurat
l-aħjar użu tar-riżorsi, servizzi sodisfaċenti,
it-tħaddim bla problemi tal-programmi, ġestjoni tajba tar-riskju u
konformità mal-iskeda proposta. L-awtorità tal-kuntratti għandha tagħmel
kull sforz biex tissodisfa dawn ir-rekwiżiti. (28)
Minħabba li l-programmi se jkunu,
fil-prinċipju, iffinanzjati mill-Unjoni, l-akkwist pubbliku taħt dawn
il-programmi għandu jikkonforma mar-regoli tal-Unjoni dwar il-kuntratti
pubbliċi u għandu jkollu l-għan li jakkwista l-aqwa valur
għall-flus li jintefqu, jikkontrolla l-ispejjeż, inaqqas ir-riskji,
iżid l-effiċjenza u jnaqqas id-dipendenza fuq xi fornitur
wieħed. Għandha tiġi segwita politika ta' aċċess
miftuħ u kompetizzjoni ġusta fil-katina sħiħa tal-provvista,
u l-offerta ta' opportunitajiet ekwilibrati ta’ parteċipazzjoni
tal-industrija fil-livelli kollha ta' attività u inklużi b’mod partikolari
l-intrapriżi zgħar u ta' daqs medju (minn hawn 'il quddiem, SMEs).
Għandha tiġi evitata l-possibbiltà ta' abbuż ta' dominanza u ta'
dipendenza fit-tul fuq fornitur wieħed. Sabiex jitnaqqsu r-riskji
tal-programmi, id-dependenza fuq fornitur wieħed u sabiex jiġi
assigurat il-kontroll ġenerali aħjar tal-programm, tal-ispejjeż
u ta' kalendarju għandha tiġi segwita, fejn xieraq, il-politika ta'
diversi fornituri. L-industriji tal-Unjoni għandhom jiġu permessi li
jirrikorru għal sorsi barra l-Unjoni għal ċerti komponenti u
servizzi f’każ ta' vantaġġi sostanzjali ippruvati f’termini ta'
kwalità u spejjeż, waqt li jqisu n-natura strateġika tal-programmi
GNSS Ewropej u tar-rekwiżiti tas-sigurtà tal-Unjoni u tal-kontroll
tal-esportazzjoni. Għandu jittieħed vantaġġ
mill-investiment tas-settur pubbliku u mill-esperjenza u kompetenza industrijali,
inkluża dik akkwistata waqt il-fażijiet ta' definizzjoni u ta'
żvilupp u validazzjoni tal-programmi, waqt li jiġi assigurat li
s-sejħiet għal offerti kompetittivi ma jiġux preġudikati. (29)
In-navigazzjoni bis-satellita hija teknoloġija
ġdida, kumplessa u li qed tinbidel il-ħin kollu. Dan jirriżulta
fl-inċertezza u fir-riskju għall-kuntratti pubbliċi
konklużi taħt dawn il-programmi, fejn dawn il-kuntratti jistgħu
jinvolvu impenji fit-tul għal tagħmir jew servizzi. Dawn
il-karatteristiċi jirrikjedu miżuri speċifiċi li
għandhom jiġu implimentati fir-rigward tal-kuntratti pubbliċi li
japplikaw apparti r-regoli stipulati fir-Regolament (KE, Euratom)
Nru 1605/2002. B'dan il-mod, l-awtorità tal-kuntratti għandha tkun
tista' tirrestawra kundizzjonijiet uniformi meta kumpanija waħda jew iktar
minn waħda jkollhom, qabel sejħa għall-offerti, informazzjoni
privileġġata marbuta ma' din is-sejħa għall-offerti.
Għandu jkun possibbli li jingħata kuntratt fl-għamla ta'
kuntratt kundizzjonali ta' pagamenti fi stadji, li tiġi introdotta emenda,
f'ċerti kundizzjonijiet, fil-kuntest tar-rendiment tiegħu, jew anki
li jiġi impost livell minimu ta' subappaltar. Fl-aħħar nett,
minħabba l-inċertezzi teknoloġiċi li huma karatteristika
tal-programmi, il-prezzijiet tal-kuntratt mhux dejjem jistgħu jiġu
previsti b'mod preċiż u għalhekk huwa mixtieq li l-kuntratti
jiġu konklużi f'għamla speċifika li ma tistipulax prezz
fiss riġidu u tinkludi klawżoli biex jissalvagwardjaw l-interessi
finanzjarji tal-Unjoni. (30)
Għandu jitfakkar li, skont
l-Artikolu 4(3) tat-Trattat dwar l-Unjoni Ewropea, l-Istati Membri ma
għandhomx jieħdu miżuri li jagħmlu ħsara lill-progress
tal-programmi, partikolarment dwar id-drittijiet tal-proprjetà intellettwali u
l-kontinwità tat-tħaddim tal-infrastruttura. Għandu jiġi
ċċarat ukoll li l-Istati Membri kkonċernati għandhom
jieħdu l-miżuri kollha meħtieġa sabiex l-istazzjonijiet
tas-sistemi fuq l-art jiġu deżinjati bħala infrastrutturi
kritiċi Ewropej. (31)
Fid-dawl tan-natura globali tas-sistemi, huwa
essenzjali li l-Unjoni tkun tista' tidħol fi ftehimiet ma' pajjiżi
terzi u organizzazzjonijiet internazzjonali fil-kuntest tal-programmi skont
l-Artikolu 218 tat-Trattat dwar il-Funzjonament tal-Unjoni Ewropea,
partikolarment biex tiġi żgurata l-implimentazzjoni bla problemi
tagħhom, biex jingħataw l-aħjar servizzi possibbli
liċ-ċittadini tal-Unjoni u biex jiġu sodisfatti
l-bżonnijiet tal-pajjiżi terzi u l-organizzazzjonijiet
internazzjonali. Huwa wkoll utli, fejn ikun hemm bżonn, li jiġu
adattati l-ftehimiet eżistenti għat-tibdil fil-programmi. Hija u
tħejji jew timplimenta dawn il-ftehimiet, il-Kummissjoni tista' tirrikorri
għall-għajnuna tas-Servizz Ewropew tal-Azzjoni Esterna,
l-Aġenzija Spazjali Ewropea u l-Aġenzija tal-GNSS Ewropew, fil-limiti
tal-kompiti allokati lilhom skont dan ir-Regolament. (32)
Għandu jiġi kkonfermat li l-Kummissjoni,
hija u twettaq uħud mill-kompiti tagħha ta' natura mhux regolatorja,
tista' tirrikorri, meta u kemm ikun hemm bżonn, għall-għajnuna
teknika ta' ċerti partijiet esterni. Korpi oħra involuti
fit-tmexxija pubblika tal-programmi jistgħu jagħmlu użu wkoll
mill-istess għajnuna teknika fit-twettiq tal-kompiti fdati lilhom skont
dan ir-Regolament. (33)
Il-ħarsien tad-dejta personali u l-ħajja
privata għandu jiġu żgurat taħt il-programmi. (34)
L-interessi finanzjarji tal-Unjoni għandhom
jitħarsu permezz ta' miżuri proporzjonati fiċ-ċiklu kollu
tal-infiq, partikolarment permezz tal-prevenzjoni, id-ditezzjoni u
l-investigazzjoni tal-irregolaritajiet, it-twettiq ta' inkjesti, l-irkupru
tal-fondi li jintilfu, jitħallsu bi żball jew jintużaw b'mod
ħażin u, jekk ikun il-każ, bl-applikazzjoni ta' sanzjonijiet, (35)
Huwa meħtieġ li l-Parlament Ewropew u
l-Kunsill jinżammu informati regolarment dwar l-implimentazzjoni
tal-programmi Għal dan il-għan, il-Parlament Ewropew, il-Kunsill u
l-Kummissjoni se jiltaqgħu fil-kumitat interistituzzjonali Galileo skont
id-dikjarazzjoni konġunta dwar il-Kumitat Interistituzzjonali Galileo
tad-9 ta' Lulju 2008. (36)
Il-valutazzjonijiet għandhom jitwettqu
mill-Kummissjoni sabiex tevalwa l-effettivita' u l-effiċjenza
tal-miżuri meħuda biex jinkisbu l-objettivi tal-programm. (37)
Sabiex jiġu stipulati l-miżuri
neċessarji biex ikunu żgurati l-kompatibilita' u l-interoperabilità
tas-sistemi ma' sistemi oħra tan-navigazzjoni bis-satellita kif ukoll
mezzi konvenzjonali tar-radjunavigazzjoni u biex tkun żgurata s-sigurtà
tas-sistemi u t-tħaddim tagħhom, għandha tiġi ddelegata
s-setgħa lill-Kummissjoni biex tadotta atti skont l-Artikolu 290
tat-Trattat dwar il-Funzjonament tal-Unjoni Ewropea għal dawn iż-żewġ
oqsma ta' kompetenza. Huwa ta' importanza partikolari li l-Kummissjoni twettaq
konsultazzjonijiet adegwati matul ix-xogħol ta' preparazzjoni tagħha,
anke fil-livell ta' esperti. Il-Kummissjoni, hija u tħejji u tfassal atti
ddelegati, għandha tiżgura t-trasmissjoni simultanja, f’waqtha u
xierqa ta’ dokumenti rilevanti lill-Parlament Ewropew u lill-Kunsill. (38)
Sabiex ikunu żgurati l-istess kundizzjonijiet
għall-implimentazzjoni ta’ dan ir-Regolament, għandhom ikunu
kkonferiti fuq il-Kummissjoni setgħat tal-implimentazzjoni. Dawn il-poteri
għandhom jiġu eżerċitati skont ir-Regolament (UE)
Nru 182/2011 tal-Parlament Ewropew u tal-Kunsill
tas-16 ta' Frar 2011 li jistabbilixxi r-regoli u
l-prinċipji ġenerali dwar il-modalitajiet ta’ kontroll mill-Istati
Membri tal-eżerċizzju mill-Kummissjoni tas-setgħat ta' implimentazzjoni[17]. (39)
Billi t-tmexxija pubblika tajba tirrikjedi
ġestjoni uniformi tal-programmi, teħid iktar rapidu
tad-deċiżjonijiet u aċċess ugwali għall-informazzjoni,
ir-rappreżentanti tal-Aġenzija tal-GNSS Ewropew u tal-Aġenzija
Spazjali Ewropea għandhom ikunu jistgħu jieħdu sehem bħala
osservaturi fix-xogħol tal-Kumitat tal-Programmi tal-GNSS Ewropew skont
l-Artikolu 19 tar-Regolament (KE) Nru 683/2008 tal-Parlament Ewropew
u tal-Kunsill tad-9 ta' Lulju 2008 dwar l-implimentazzjoni ulterjuri
tal-programmi Ewropej tan-navigazzjoni bis-satellita (EGNOS u Galileo)[18]. Għall-istess
raġunijiet, ir-rappreżentanti tal-pajjiżi terzi u
tal-organizzazzjonijiet internazzjonali li kkonkludew ftehim internazzjonali
mal-Unjoni għandhom ikunu jistgħu jieħdu sehem fil-ħidma
tal-kumitat tal-programmi tal-GNSS Ewropew. Dawn ir-rappreżentanti
tal-Aġenzija tal-GNSS Ewropea, l-Aġenzija Spazjali Ewropea,
il-pajjiżi terzi u l-organizzazzjonijiet internazzjonali, ma jistgħux
jieħdu sehem fil-proċeduri tal-votazzjoni tal-kumitat. (40)
Ladarba l-għan ta' dan ir-Regolament,
jiġifieri l-implimentazzjoni u l-esplojtazzjoni tas-sistemi ta'
navigazzjoni bis-satellita, ma jistax jinkiseb mill-Istati Membri billi
jeċċedi l-kapaċitajiet finanzjarji u tekniċi ta' kwalunkwe
Stat Membru wieħed, u għalhekk l-azzjoni fil-livell tal-Unjoni huwa
l-aħjar mod għat-twettiq ta' dawn il-programmi, l-Unjoni tista’
taddotta miżuri skont il-prinċipju tas-sussidjarita’ kif stabbilit
mill-Artikolu 5 tat-Trattat dwar l-Unjoni Ewropea. Skont il-prinċipju
tal-proporzjonalità, kif stabbilit f’dak l-Artikolu, dan ir-Regolament ma jmurx
lil hinn minn dak li huwa meħtieġ sabiex jinkiseb dak l-għan. (41)
L-Impriża Konġunta Galileo maħluqa
mir-Regolament tal-Kunsill (KE) Nru 876/2002
tal-21 ta' Mejju 2002 li jistabbilixxi l-Impriża
Konġunta Galileo[19]
waqqfet topera fil-31 ta' Diċembru 2006 u l-proċedimenti
involuti fl-istralċ tal-impriża issa tlestew. Għalhekk,
ir-Regolament (KE) Nru 876/2002 għandu jiġi revokat. (42)
Minħabba l-bżonn li l-programmi jiġu
evalwati, tal-importanza tal-bidliet li jsiru lit-test u minħabba
ċ-ċarezza u ċ-ċertezza legali, ir-Regolament (KE)
Nru 683/2008 għandu jiġi revokat. ADOTTAW DAN IR-REGOLAMENT: KAPITOLU I DISPOŻIZZJONIJIET
ĠENERALI Artikolu 1 Is-sistemi
u l-programmi Ewropej ta' navigazzjoni bis-satellita 1. Il-programmi Galileo u EGNOS
għandhom ikopru l-attivitajiet kollha meħtieġa biex
jiddefinixxu, jiżviluppaw, jivvalidaw, jibnu, iħaddmu, iġeddu u
jtejbu ż-żewġ sistemi Ewropej ta' navigazzjoni bis-satellita, jiġifieri
s-sistema stabbilita skont il-programm Galileo u s-sistema EGNOS, u
tiżgura s-sigurtà tagħhom. 2. Is-sistema stabbilita skont
il-programm Galileo hija infrastruttura ta’ sistema awtonoma u globali ta’
navigazzjoni bis-satellita (GNSS) li tinkludi kostellazzjoni ta' satelliti u
netwerk globali ta' stazzjonijiet terrestri. 3. Is-sistema EGNOS hija
infrastruttura għall-monitoraġġ u l-korrezzjoni tas-sinjali li
jintbagħtu minn sistemi globali eżistenti ta’ navigazzjoni
bis-satellita. Din tikkonsisti minn stazzjonijiet terrestri u diversi transponders
installati fuq is-satelliti ġeostazzjonarji. 4. L-għanijiet
speċifiċi tal-programm Galileo huma li jiġi żgurat li
s-sinjali li jintbagħtu mis-sistema skont dan il-programm ikunu
jistgħu jintużaw biex jissodisfaw il-ħames funzjonijiet li
ġejjin: (a)
li joffru servizz miftuħ (OS), li jkun bla
ħlas għall-utent u jipprovdi informazzjoni dwar
il-pożizzjonament u s-sinkronizzazzjoni maħsuba
għall-applikazzjonijiet b’volum kbir tan-navigazzjoni bis-satellita; (b)
li joffru servizz ta’ safety-of-life (servizz ta’
sikurezza tal-ħajja) (SoL) li għandu fil-mira tiegħu utenti li
għalihom is-sikurezza hija neċessarja. Dan is-servizz jissodisfa
wkoll ir-rekwiżiti ta’ ċerti setturi għall-kontinwità,
disponibbiltà u eżatezza u jinkludi funzjoni ta’ integrità li tavża lill-utent
bi kwalunkwe falliment li jkun hemm fis-sistema; (c)
li joffru servizz kummerċjali (CS)
għall-iżvilupp ta' applikazzjonijiet għall-użu
professjonali jew kummerċjali permezz ta' titjib fil-prestazzjonijiet u
dejta b’valur aktar miżjud minn dawk miksuba permezz tas-servizz
miftuħ; (d)
li joffru servizz pubbliku rregolat (PRS)
maħsub biss għall-utenti awtorizzati mill-gvernijiet,
għall-applikazzjonijiet sensittivi li jesiġu livell għoli ta
kontinwità fis-servizz; dan is-servizz juża sinjali b'saħħithom
u kkriptati; (e)
li jipparteċipaw fis-servizz ta’
appoġġ għat-tfittxija u salvataġġ (SAR) tas-sistema
COSPAS-SARSAT billi jidentifikaw sinjali ta’ emerġenza mibgħuta minn
transmittenti u jintbagħtulhom lura messaġġi. 5. L-għanijiet
speċifiċi tal-programm EGNOS huma li jiġi żgurat li
s-sinjali li jintbagħtu mis-sistema EGNOS ikunu jistgħu jintużaw
biex jissodisfaw it-tliet funzjonijiet li ġejjin: (f)
li joffru servizz miftuħ (OS), li jkun bla
ħlas għall-utent u jipprovdi informazzjoni dwar
il-pożizzjonament u s-sinkronizzazzjoni maħsuba
għall-applikazzjonijiet b’volum kbir tan-navigazzjoni bis-satellita
koperti mis-sistema; (g)
li joffru servizz għat-tixrid ta’ dejta
kummerċjali, is-Servizz ta’ EGNOS għall-Aċċess tad-Dejta
(EDAS), li jippromwovu l-iżvilupp tal-applikazzjonijiet
għall-użu professjonali jew kummerċjali permezz ta’ titjib
fil-prestazzjoni u dejta b'valur aktar miżjud minn dawk miksuba permezz
tas-servizz miftuħ; (h)
li joffru servizz ta’ safety-of-life (servizz ta’
sikurezza tal-ħajja) (SoL), servizz li għandu fil-mira utenti li
għalihom is-sikurezza hija neċessarja; b'mod partikolari, dan
is-servizzi jissodisfa wkoll ir-rekwiżiti ta' ċerti setturi
għall-kontinwità, id-disponibbiltà u l-preċiżjoni u jinkludi
messaġġ ta’ integrità li javża lill-utent bi kwalunkwe falliment
li jkun hemm fis-sistema fir-rigward taż-żona ta' kopertura. Il-programm EGNOS għandu wkoll l-għan
speċifiku li jestendi l-kopertura ġeografika għal dawn
is-servizzi fit-territorju kollu tal-Unjoni u, skont il-limitazzjonijiet
tekniċi u abbażi ta’ ftehimiet internazzjonali, għal
reġjuni oħra fid-dinja, b’mod partikolari territorji ta’ pajjiżi
terzi koperti mill-ajru uniku Ewropew. Artikolu 2 Suġġett Dan ir-Regolament
jistipula r-regoli fir-rigward tal-implimentazzjoni u t-tħaddim
tas-sistemi skont il-programmi Ewropej tan-navigazzjoni bis-satellita, b’mod
partikolari dawk li jirrigwardaw il-governanza u l-kontribut finanzjarju
tal-Unjoni. Artikolu 3 Il-fażijiet gradwali tal-programm Galileo Il-programm Galileo għandu jikkonsisti
mill-fażijiet li ġejjin: (b)
fażi ta’ definizzjoni li matulha ġiet
disinjata l-istruttura tas-sistema u l-elementi tagħha ġew
determinati, li spiċċat fl-2001; (c)
fażi ta’ żvilupp u ta' validazzjoni, li
tinkludi l-bini u t-tnedija tal-ewwel satelliti, it-twaqqif tal-ewwel
infrastrutturi fuq l-art u x-xogħol u t-tħaddim kollu
meħtieġ għall-validazzjoni tas-sistema fl-orbita; l-għan hu
li din il-fażi titlesta fl-2013; (d)
fażi ta' skjerament li tikkonsisti fit-twaqqif
u l-ħarsien tal-infrastrutturi spazjali u dawk fuq l-art kollha kif ukoll
l-operazzjonijiet relatati li jinkludu l-preparazzjonijiet għall-fażi
tal-isfruttament; l-għan hu li din il-fażi, li nbdiet fl-2008,
titlesta fl-2020; (e)
fażi ta’ sfruttament li tinkludi
l-maniġment tal-infrastruttura, il-manutenzjoni, titjib kontinwi,
it-tiġdid u l-ħarsien tas-sistema, ġestjoni tal-infrastruttura,
il-manutenzjoni, it-titjib kontinwu, it-tiġdid u l-protezzjoni
tas-sistema, l-operazzjonijiet ta' ċertifikazzjoni u standardizzazzjoni
marbuta mal-programm, il-provvista u l-bejgħ tas-servizzi u l-attivitajiet
l-oħra kollha meħtieġa għall-iżvilupp tas-sistema u
għall-funzjonament bla xkiel tal-programm; l-għan huwa li din
il-fażi tibda progressivament bejn l-2014 u l-2015 b’forniment
tas-servizzi inizjali. Artikolu 4 It-tħaddim tas-sistema EGNOS It-tħaddim
tas-sistema EGNOS prinċipalment jinkludi l-maniġment
tal-infrastruttura, il-manutenzjoni, it-titjib kontinwu, it-tiġdid u
l-ħarsien tas-sistema, l-approvazzjoni, l-attivitajiet ta'
ċertifikazzjoni u standardizzazzjoni marbuta mal-programm, l-elementi kollha
li jiġġustifikaw l-affidabbiltà tas-sistema u t-tħaddim
tagħha kif ukoll il-forniment u l-kummerċjalizzazzjoni tas-servizzi.. Artikolu 5 Il-kompatibbiltà u l-interoperabbiltà tas-sistemi 1.
Is-sistemi, in-netwerks u s-servizzi li
jirriżultaw mill-programmi Galileo u EGNOS għandhom ikunu kompatibbli
u interoperabbli. 2.
Is-sistemi, in-networks u s-servizzi li
jirriżultaw mill-programmi Galileo u EGNOS għandhom, safejn ikun
possibbli, ikunu kompatibbli u interoperabbli ma’ sistemi oħrajn ta'
navigazzjoni bis-satellita kif ukoll b'mezzi konvenzjonali ta’
radjunavigazzjoni. 3.
Il-Kummissjoni għandha tistabbilixxi, permezz
ta’ atti delegati, skont l-Artikolu 34, ir-rekwiżiti u l-istandards
meħtieġa biex tassigura l-kompatibbiltà u l-interoperabbiltà msemmija
fil-paragrafu 2. Artikolu 6 Sjieda L-Unjoni għandha tkun is-sid tal-assi
tanġibbli u intanġibbli kollha maħluqa jew żviluppati skont
il-programmi, u għal dan il-għan għandhom jiġu
konklużi ftehimiet ma' partijiet terzi, kull fejn xieraq, fir-rigward ta’
drittijiet ta' sjieda eżistenti. B'mod partikolari, il-Kummissjoni għandha
tiżgura li d-drittijiet tal-proprjetà intellettwali tal-Unjoni jkunu
użati bl-aħjar mod. KAPITOLU II KONTRIBUZZJONI
U MEKKANIŻMI BAĠITARJI Artikolu 7 Attivitajiet
ikkonċernati 1. L-approprjazzjonijiet
baġitarji tal-Unjoni allokati għall-programmi għall-perijodu
2014-2020 skont dan ir-Regolament għandhom jingħataw
għall-finanzjament ta': a) attivitajiet marbuta mal-fażi ta'
skjerament tal-programm Galileo, inklużi l-azzjonijiet
għall-maniġment u l-monitoraġġ ta’ din il-fażi; b) attivitajiet marbuta mat-tħaddim
tas-sistema stabbilita skont il-programm Galileo, inklużi l-azzjonijiet
bil-quddiem jew dawk preparatorji għal din il-fażi; c) attivitajiet assoċjati
mat-tħaddim tas-sistema EGNOS. 2. L-approprjazzjonijiet
baġitarji tal-Unjoni assenjati għall-programmi jistgħu jkopru
wkoll in-nefqa tal-Kummissjoni marbuta mal-attivitajiet ta’ preparazzjoni,
monitoraġġ, spezzjoni, verifika u evalwazzjoni meħtieġa għall-maniġment
tagħhom u għall-implimentazzjoni tal-għanijiet, b’mod
partikolari n-nefqa li tkopri: (a)
studji u laqgħat mal-esperti; (b)
attivitajiet ta’ informazzjoni u komunikazzjoni,
inkluża l-komunikazzjoni istituzzjonali dwar il-prijoritajiet
politiċi tal-Unjoni fejn dawn huma marbuta direttament mal-għanijiet
ta' dan ir-Regolament; (c)
netwerks teknoloġiċi tal-IT, bl-għan
li jipproċessaw jew jittrasferixxu d-dejta; (d)
kwalunkwe għajnuna teknika jew amministrattiva
oħra li tingħata lill-Kummissjoni għall-maniġment
tal-programmi. 3. Sabiex tippermetti li
l-ispejjeż tal-programmi u tal-fażijiet differenti tal-programmi
ikunu identifikati b’mod ċar, il-Kummissjoni, b’konformità
mal-prinċipju ta’ maniġment trasparenti, għandha tinforma
lill-Kumitat imsemmi fl-Artikolu 35(1) kull sena dwar l-allokazzjoni tal-fondi
tal-Unjoni għal kull waħda mill-attivitajiet speċifiikati
fil-paragrafi 1 u 2. Artikolu 8 Il-finanzjament tal-programm Galileo 1. Il-fażijiet
tal-iskjerament u l-isfruttament għandhom ikunu ffinanzjati mill-Unjoni
b’konformità mal-Artikolu 10(1) mingħajr ħsara
għall-paragrafi 2 u 3 tal-Artikolu preżenti. 2. L-Istati Membri jistgħu
jipprovdu finanzjament addizzjonali għall-programm Galileo. L-introjtu li
jirriżulta minn dawn il-kontribuzzjonijiet għandu jikkostitwixxi
introjtu assenjat b’konformità mal-Artikolu 18(2) tar-Regolament (KE,
Euratom) Nru 1605/2002. B’konformità mal-prinċipju ta’ maniġment
trasparenti, il-Kummissjoni għandha tikkomunika kull impatt li jkun hemm
fuq il-programm Galileo li jirriżulta mill-applikazzjoni ta’ dan
il-paragrafu lill-Kumitat skont l-Artikolu 35 (1) ta' dan
ir-Regolament. 3. Pajjiżi terzi u
organizzazzjonijiet internazzjonali jistgħu wkoll jipprovdu finanzjament
addizzjonali għall-programm Galileo. Il-ftehimiet skont l-Artikolu 28
jistipulaw il-kundizzjonijiet u l-arranġamenti għall-involviment
tagħhom. Artikolu 9 Il-finanzjament tat-tħaddim tas-sistema EGNOS 1. L-Unjoni għandha
tiffinanzja t-tħaddim tal-EGNOS, b’konformità mal-Artikolu 10(1),
mingħajr ħsara għal kull kontribuzzjoni minn kwalunkwe sors ta’
finanzjament ieħor, inklużi dawn imsemmija fil-paragrafi 2 u 3
ta’ dan l-Artikolu. 2. L-Istati Membri jistgħu
jipprovdu finanzjament addizzjonali għall-programm EGNOS. L-introjtu li
jirriżulta minn dawn il-kontribuzzjonijiet għandu jikkostitwixxi
introjtu assenjat b’konformità mal-Artikolu 18(2) tar-Regolament (KE,
Euratom) Nru 1605/2002. B’konformità mal-prinċipju ta’ maniġment
trasparenti, il-Kummissjoni għandha tikkomunika kull impatt li jkun hemm
fuq il-programm EGNOS li jirriżulta mill-applikazzjoni ta’ dan il-paragrafu
lill-Kumitat skont l-Artikolu 35 (1) ta' dan ir-Regolament. 3. Pajjiżi terzi u
organizzazzjonijiet internazzjonali jistgħu wkoll jipprovdu finanzjament
addizzjonali għall-programm EGNOS. Il-ftehimiet skont l-Artikolu 28
jistipulaw il-kundizzjonijiet u l-arranġamenti għall-involviment
tagħhom. Artikolu 10 Riżorsi 1. L-ammont massimu allokati
mill-Unjoni għall-implimentazzjoni tal-attivitajiet speċifikati
fl-Artikolu 7(1) u (2) għandu jkun EUR [7897] miljun
fil-prezzijiet attwali għall-perjodu mill-1 ta' Jannar 2014
sal-31 ta' Dicembru 2020. 2. L-approprjazzjonijiet
għandhom jiġu implimentati b’konformità mad-dispożizzjonijiet
ta’ dan ir-Regolament u r-Regolament (KE, Euratom) Nru 1605/2002. 3. L-impenji baġitarji
għall-programmi għandhom isiru permezz ta' pagamenti annwali. Artikolu 11 Introjtu
ġġenerat mill-programmi 1. L-introjtu ġġenerat
mit-tħaddim tas-sistemi għandu jinġabar mill-Unjoni,
jitħallas lill-baġit tal-Unjoni u jiġi allokat
għall-programmi. Jekk jirriżulta li l-introjtu ikun aktar minn dak
meħtieġ għall-finanzjament tal-fażijiet ta’ sfruttament
tal-programm, kull adattament tal-prinċipju ta’ allokazzjoni għandu
jkun approvat mill-awtorità baġitarja abbażi ta’ proposta
mill-Kummissjoni. 2. Fil-kuntratti konklużi
ma’ entitajiet tas-settur privat, jista' jiġi pprevedut mekkaniżmu
għall-kondiviżjoni tal-introjtu. 3. L-interessi
ġġenerati mill-pagamenti ta’ qabel il-finanzjament li jkunu saru
lill-entitajiet responsabbli għall-implimentazzjoni tal-baġit,
indirettament huma assenjati lil attivitajiet skont il-ftehim tad-delegazzjoni
jew skont il-kuntratt konkluż bejn il-Kummissjoni u l-entità
kkonċernata. B’konformità mal-prinċipju ta’ maniġment
finanzjarju sod, l-entitajiet responsabbli għall-implimentazzjoni
indiretta tal-baġit, għandhom jiftħu kontijiet li jippermettu li
l-fondi u l-interessi korrispondenti jkunu identifikati. KAPITOLU III IL-GOVERNANZA
PUBBLIKA TAL-PROGRAMM Artikolu 12 Qafas
ġenerali għall-governanza tal-programmi Il-governanza pubblika tal-programmi hija
bbażata fuq il-prinċipju ta’ diviżjoni stretta tal-kompiti bejn
id-diversi entitajiet involuti, b’mod partikolari l-Kummissjoni,
l-Aġenzija Ewropea GNSS u l-Aġenzija Spazjali Ewropea. Artikolu 13 Ir-rwol
tal-Kummissjoni 1. Il-Kummissjoni hija
responsabbli għall-progress tal-programmi. Hi tamministra l-fondi allokati
għalihom skont dan ir-Regolament u timmoniterja l-implimentazzjoni
tal-attivitajiet kollha tal-programm. 2. Flimkien mal-kompiti
ġenerali msemmija fil-paragrafu 1 u dawk msemmija
f’dispożizzjonijiet oħra ta' dan ir-Regolament, il-kompiti
tal-Kummissjoni skont dan ir-Regolament jinkludu l-kompiti speċifiċi
li ġejjin: (a)
għandha tiżgura diviżjoni ċara
tal-kompiti bejn id-diversi entitajiet involuti fil-programmi u għal dan
il-għan talloka l-kompiti msemmija rispettivament
fl-Artikoli 15(1)(d) u 16, partikolarment permezz ta’ ftehimiet ta’
delegazzjoni, lill-Aġenzija Ewropea GNSS u l-Aġenzija Spazjali
Ewropea; (b)
għandha timplimenta l-istrumenti u
l-miżuri strutturali korretti meħtieġa
għall-identifikazzjoni, il-kontroll, il-mitigazzjoni u
l-monitoraġġ tar-riskji assoċjati mal-programmi, b’mod
partikolari f’termini ta’ spiża u skeda; (c)
għandha timmaniġġja, f’isem l-Unjoni
u fil-qasam tal-kompetenza tagħha, ir-relazzjonijiet mal-pajjiżi
terzi u l-organizzazzjonijiet internazzjonali; (d)
hija għandha tiżgura s-sigurtà
tal-programmi u tistabbilixxi mekkaniżmi ta' koordinazzjoni bejn
id-diversi entitajiet involuti. 3. Meta meħtieġ
għall-progress bla xkiel tal-fażijiet tal-programm Galileo u
t-tħaddim tas-sistema EGNOS msemmija rispettivament fl-Artikolu 3 u
4, il-Kummissjoni għandha tistipula l-miżuri meħtieġa biex: (e)
jiddeterminaw il-post u jiżguraw
it-tħaddim tal-infrastruttura fuq l-art tas-sistemi; (f)
jiddefinixxu l-istadji ta’ deċiżjoni
ewlenin għall-evalwazzjoni tal-implimentazzjoni tal-programmi; (g)
jitnaqqsu r-riskji inerenti fil-progress
tal-programmi. Dawn il-miżuri ta’ implimentazzjoni
għandhom jiġu adottati f’konformità mal-proċedura ta’
evalwazzjoni msemmija fl-Artikolu 35(3). Artikolu 14 Is-sigurtà
tas-sistemi u t-tħaddim tagħhom 1. Is-sistemi u t-tħaddim
tagħhom għandhom ikunu sikuri. 2. Mingħajr ħsara
għall-Artikoli 15 u 17 ta’ dan ir-Regolament u l-Artikolu 8
tad-Deċiżjoni 1104/2011/UE tal-Parlament Ewropew u tal-Kunsill[20], il-Kummissjoni tista’
tistabbilixxi, permezz ta’ atti delegati b’konformità l-Artikolu 34,
ir-rekwiżiti u l-istandards meħtieġa biex tiżgura s-sigurtà
tas-sistemi u t-tħaddim tagħhom imsemmija fil-paragrafu 1.
Għal dan il-għan, hi għandha tikkunsidra l-bżonn ta’
rekwiżiti relatati mas-sigurtà għas-superviżjoni u
l-integrazzjoni fi ħdan il-programmi kollha, kif ukoll l-effett ta' dawn
ir-rekwiżiti fuq il-progress b’suċċess tal-programmi,
partikolarment f'termini ta spejjeż u skeda ta’ żmien. 3. Is-Servizz Ewropew
għall-Azzjoni Esterna għandu jgħin lill-Kummissjoni,
b’konformità mal-Artikolu 2(2) tad-Deċiżjoni 2010/427/UE
fl-implimentazzjoni tal-kompiti relatati mas-sigurtà fil-qasam
tar-relazzjonijiet esterni. F’dan l-istess qasam, għandu jgħin ukoll
lill-Kummissjoni fil-monitoraġġ tal-konformità mal-istandards minimi
konġunta previsti fid-Deċiżjoni 1104/2011/UE. Għal dan
il-għan, ir-riżorsi korretti għandhom ikunu disponibbli u
l-perjodi tranżitorji għandhom jidħlu fis-seħħ sabiex
jiżguraw il-kontinwità tal-programmi u s-servizzi. Artikolu 15 Ir-rwol
tal-Aġenzija Ewropea GNSS 1 Sabiex tikseb
l-għanijiet tal-programm, l-Aġenzija Ewropea GNSS għandha
tikkontribwixxi għall-implimentazzjoni tagħhom u twettaq l-kompiti li
ġejjin, b’konformità mal-linji gwida stabbiliti mill-Kummissjoni: (h)
fir-rigward tas-sigurtà tal-programmi, u
mingħajr ħsara għall-Artikoli 14 u 17, hija għandha
tassigura: (i) li jkun hemm ċertifikazzjoni
tas-sigurtà b’konformità mal-Kapitolu III tar-Regolament (UE)
Nru 912/2010 sa mhux aktar tard mit-30 ta’ Ġunju 2016;
għaldaqstant, hija għandha tagħti bidu u timmoniterja
l-implimentazzjoni tal-proċeduri tas-sigurtà u twettaq awditjar
tas-sigurtà tas-sistema; (ii) it-tħaddim taċ-ċentru
tas-sigurtà ta’ Galileo, b’konformità mal-istandards u r-rekwiżiti
msemmija fl-Artikolu 14(3) u l-istruzzjonijiet ipprovduti taħt
l-Azzjoni Konġunta 2004/552/PESK msemmija fl-Artikolu 17; (i)
għandha twettaq il-kompiti ta’ awtorità PRS
kompetenti prevista fl-Artikolu 5 tad-Deċiżjoni
Nru 1104/2011/UE, jekk din tinħatar għal dan l-iskop u
għandha tgħin lill-Kummissjoni fil-monitoraġġ
tal-konformità mal-istandards minimi komuni b’konformità mal-Artikolu 8(6)
tad-Deċiżjoni msemmija hawn fuq; (j)
fil-kuntest tat-tħaddim tas-sistemi, hi
għandha tikkontribwixxi għall-kummerċjalizzazzjoni tas-servizzi,
inkluża l-analiżi meħtieġa tas-suq; (k)
għandha wkoll twettaq kompiti
speċifiċi oħrajn marbuta mal-programmi li jistgħu jiġu
fdati lilha mill-Kummissjoni permezz ta’ ftehim ta’ delegazzjoni adottat
abbażi ta' deċiżjoni ta’ delegazzjoni, b’konformità mal-Artikolu 54(2)(b)
tar-Regolament (KE, Euratom) Nru 1605/2002, li jinkludu: (i) attivitajiet operattivi fir-rigward
tal-maniġment tal-infrastruttura, il-manutenzjoni, it-titjib kontinwu u
t-tiġdid tas-sistema, l-operazzjonijiet ta’ ċertifikazzjoni u
standardizzazzjoni fil-kuntest tal-programmi u l-forniment tas-servizzi
msemmija fl-Artikolu 3(d) u fl-Artikolu 4; (ii) il-promozzjoni tal-applikazzjonijiet u
s-servizzi fis-suq tan-navigazzjoni bis-satellita; 2. Minbarra l-kompiti msemmija
fil-paragrafu 1 u fil-konfini tal-missjoni tagħha, l-Aġenzija
Ewropea GNSS għandha tipprovdi lill-Kummissjoni bl-ispeċjalizzazzjoni
teknika tagħha u tforni kwalunkwe informazzjoni meħtieġa
għat-twettiq tal-kompiti tagħha skont dan ir-Regolament. 3. Il-Kumitat imsemmi
fl-Artikolu 35(1) għandu jiġi kkonsultat dwar
id-deċiżjoni ta’ delegazzjoni msemmija fil-paragrafu 1(d) ta’
dan l-Artikolu, b’konformità mal-proċedura ta' konsultazzjoni msemmija
fl-Artikolu 35(2). Il-Kumitat għandu jkun infurmat bil-ftehimiet ta’
delegazzjoni li għandhom jiġu konklużi mill-Unjoni,
irrappreżentata mill-Kummissjoni u l-Aġenzija Ewropea GNSS. Artikolu 16 Ir-rwol
tal-Aġenzija Spazjali Ewropea 1. Il-Kummissjoni għandha
tikkonkludi ftehim ta' delegazzjoni multiannwali mal-Aġenzija Spazjali
Ewropea abbażi ta’ deċiżjoni ta’ delegazzjoni adottata mill-Kummissjoni
b’konformità mal-Artikolu 54(2) tar-Regolament (KE, Euratom)
Nru 1605/2002. Dan il-ftehim għandu jkopri l-eżekuzzjoni
tal-kompiti u tal-baġit skont id-delegazzjoni b'konformità
mal-implimentazzjoni tal-programmi, b’mod partikolari t-tlestija tal-infrastruttura
skont il-programm Galileo. 2. Il-ftehim tad-delegazzjoni
għandu, safejn hu meħtieġ għall-implimentazzjoni
tal-kompiti u tal-baġit iddelegati taħt il-paragrafu 1,
jistabbilixxi l-kundizzjonijiet ġenerali għall-maniġment
tal-fondi fdati lill-Aġenzija Spazjali Ewropea, u, b’mod partikolari,
l-azzjonijiet li għandhom jiġu implimentati, il-finanzjament
rilevanti, il-proċeduri ta’ maniġment u l-miżuri ta’
monitoraġġ u ta’ kontroll, il-miżuri applikabbli fl-avveniment
ta’ prestazzjoni inadegwata tal-kuntratti u r-regoli dwar is-sjieda
tal-proprjetà tanġibbli u intanġibbli kollha. Il-miżuri ta’ monitoraġġ u ta’
kontroll, b’mod partikolari, għandhom jipprevedu għal sistema ta’
tbassir tal-ispiża provviżjorja, informazzjoni sistematika
mill-Kummissjoni dwar l-ispejjeż, u, fil-każ li jkun hemm diskrepanza
bejn il-baġits ppjanati u l-ispejjeż involuti, azzjoni korrettiva li
tiżgura l-implimentazzjoni tal-infrastrutturi fil-limiti tal-baġits
allokati. 3. Il-Kumitat imsemmi
fl-Artikolu 35(1) għandu jiġi kkonsultat dwar
id-deċiżjoni ta’ delegazzjoni msemmija fil-paragrafu 1 ta’ dan
l-Artikolu, b’konformità mal-proċedura ta' konsultazzjoni msemmija
fl-Artikolu 35(2). Il-Kumitat għandu jiġi infurmat bil-ftehim
ta’ delegazzjoni multiannwali li għandu jiġi konkluż
mill-Kummissjoni u l-Aġenzija Spazjali Ewropea. 4. Il-Kumitat imsemmi
fl-Artikolu 35(1) għandu jiġi infurmat mill-Kummissjoni dwar
ir-riżultati intermedjarji u dawk finali tal-evalwazzjoni tas-sejħiet
għal offerti u tal-kuntratti ma' entitajiet fis-settur privat li
għandhom jiġu konlużi mill-Aġenzija Spazjali Ewropea. KAPITOLU IV ASPETTI RELATATI MAS-SIGURTÀ TAL-UNJONI JEW TAL-ISTATI MEMBRI Artikolu 17 Azzjoni
Konġunta Kull meta s-sigurtà tal-Unjoni jew tal-Istati
Membri tagħha tkun tista’ tiġi affettwata mit-tħaddim
tas-sistemi, għandhom japplikaw il-proċeduri stipulati fl-Azzjoni
Konġunta tal-Kunsill 2004/552/PESK. Artikolu 18 L-applikazzjoni
tar-Regolament dwar informazzjoni klassifikata 1. Kull
Stat Membru għandu jiżgura li r-regolamenti dwar is-sigurtà li
jassiguraw livell ta’ ħarsien li talanqas ikun ekwivalenti għal dak
garantit mir-regoli tal-Kummissjoni dwar is-sigurtà stipulati fl-Anness
mad-Deċiżjoni tal-Kummissjoni 2001/844/KE, KEFA, Euratom[21] u mir-regolamenti dwar
is-sigurtà tal-Kunsill stipulati fl-Anness mad-Deċiżjoni
tal-Kunsill 2011/292/KE[22]
japplikaw għal kull persuna fiżika residenti fit-territorju
tiegħu u l-entitajiet legali kollha stabbiliti fit-territorju tiegħu
li tittratta informazzjoni klassifikata fir-rigward tal-programmi. 2. L-Istati Membri għandhom
minnufih jinfurmaw lill-Kummissjoni bl-adozzjoni ta’ regolament nazzjonali dwar
is-sigurtà kif imsemmi fil-paragrafu 1. 3. Il-persuni fiżiċi
li huma residenti f'pajjiżi terzi u entitajiet legali stabbiliti
f’pajjiżi terzi jistgħu jittrattaw informazzjoni klassifikata
tal-Unjoni fir-rigward tal-programmi biss meta dawn ikunu soġġetti,
f'dawn il-pajjiżi, għal regolament dwar is-sigurtà li jiżgura
livell ta’ ħarsien talanqas ekwivalenti għal dak garantit bir-regoli
tal-Kummissjoni dwar is-sigurtà stabbiliti fl-Anness
mad-Deċiżjoni 2001/844/KE, KEFA, Euratom u mir-regolamenti
tal-Kunsill dwar is-sigurtà stabbiliti fl-Anness
mad-Deċiżjoni 2011/292/UE. Ir-regolamenti dwar is-sigurtà
tal-Aġenzija Spazjali Ewropea u d-Deċiżjoni 2011/C 304/05 tar-Rappreżentant
Għoli tal-Unjoni għall-Affarijiet Barranin u l-Politika ta’ Sigurtà[23] għandhom jiġu
kkunsidrati bħala ekwivalenti għal dawk ir-regoli u regolamenti.
L-ekwivalent tar-regolament dwar is-sigurtà applikat f'pajjiż terz jista'
jiġi rikonoxxut fi ftehim ma' dak il-pajjiż. KAPITOLU V KUNTRATTI
PUBBLIĊI TAQSIMA I Dispożizzjonijiet
ġenerali applikabbli għall-kuntratti pubbliċi konklużi
fil-qafas tal-fażijiet tal-implimentazzjoni u tal-użu tal-programmi Artikolu 19 Prinċipji
ġenerali Ir-regoli tal-Unjoni dwar l-akkwist pubbliku
previsti mir-Regolament (KE, Euratom) Nru 1605/2002, b’mod partikolari
l-aċċess miftuħ u l-kompetizzjoni ġusta tul il-katina
tal-provvista, is-sejħiet għall-offerti abbażi tal-għoti
ta' informazzjoni trasparenti u f’waqtha, il-komunikazzjoni ċara
tar-regoli li japplikaw dwar l-akkwist, il-kriterji tal-għażla u
kwalunkwe informazzjoni oħra rilevanti li twassal għal
kondizzjonijiet ekwivalenti ta' kompetizzjoni għall-offerenti potenzjali
kollha għandhom japplikaw għall-kuntratti pubbliċi konklużi
fil-qafas tal-fażi tal-implimentazzjoni tal-programm Galileo u
l-fażijiet tal-użu tal-programmi, mingħajr ħsara
għall-miżuri meħtieġa għall-protezzjoni tal-interessi
primarji tas-sigurtà tal-Unjoni jew tas-sigurtà pubblika jew biex ikun hemm
konformità mar-rekwiżiti tal-Unjoni dwar il-kontroll tal-esportazzjoni. Artikolu 20 Obettivi
Speċifiċi Matul il-proċedura ta' akkwist,
għandhom jiġu segwiti l-objettivi li ġejjin: (a) il-promozzjoni tal-iktar
parteċipazzjoni wiesa' u miftuħa possibbli fl-Unjoni mill-operaturi
ekonomiċi kollha, u partikolarment mill-kumpanijiet l-ġodda u l-SMEs. (b) jiġi evitat l-abbuż possibbli
ta' dominanza u tiġi evitata d-dipendenza fit-tul fuq fornituri
uniċi, (c) jittieħed vantaġġ minn
investimenti preċedenti tas-settur pubbliku u tal-lezzjonijiet miksuba kif
ukoll tal-esperjenza u l-kompetenzi industrijali, inklużi dawk miksuba
fil-fażijiet tad-definizzjoni, l-iżvilupp u validazzjoni u
l-implimentazzjoni tal-programmi, waqt li tkun assigurata l-konformità mar-regoli
dwar sejħiet għal offerti b’mod kompetittiv. TAQSIMA 2 Dispożizzjonijiet
speċifiċi applikabbli għall-akkwist pubbliku mwettaq bħala
parti mill-fażijiet tal-implimentazzjoni u l-użu tal-programmi Artikolu 21 L-istabbiliment ta' kundizzjonijiet
tal-kompetizzjoni ġusti L-awtorità tal-kuntratti għandha
tieħu l-miżuri xierqa biex tiżgura li jkun hemm kundizzjonijiet
ta' kompetizzjoni ġusta meta involviment preċedenti ta' kumpanija
fl-attivitajiet marbuta mas-suġġett tas-sejħa għall-offerti: (l)
jista' jagħti vantaġġi kbar lil dik
il-kumpanija f'termini ta' informazzjoni privileġġata u għalhekk
jista' jagħti lok għal tħassib dwar il-konformità mat-trattament
ugwali; jew (m)
jaffettwa l-kundizzjonijiet tal-kompetizzjoni
normali jew l-imparzjalità u l-oġġettività tal-għoti u
r-rendiment tal-kuntratti. Dawn il-miżuri ma għandhomx
jaffettwaw il-kompetizzjoni ġusta, it-trattament ugwali u
l-kunfidenzjalità tad-dejta miġbura dwar l-impriżi, ir-relazzjonijiet
kummerċjali u l-istruttura tal-ispejjeż tagħhom. F'dan il-kuntest,
dawn il-miżuri għandhom iqisu n-natura u l-partikolari tal-kuntratt
maħsub. Artikolu 22 Kuntratti kundizzjonali b'pagamenti fi
stadji 1. L-awtorità tal-kuntratti
tista' tagħti kuntratt fl-għamla ta' kuntratt kundizzjonali ta'
pagamenti fi stadji. 2. Kuntratt kundizzjonali ta'
pagamenti fi stadji jinkludi stadju fiss li jkun akkumpanjat b'impenn
baġitarju u stadju kundizzjonali wieħed ieħor jew iktar.
Id-dokumenti tal-offerti jirreferu għall-karatteristiċi
speċifiċi tal-kuntratti kundizzjonali b'pagamenti fi stadji.
Partikolarment, dawn jispeċifikaw is-suġġett tal-kuntratt,
il-prezz jew l-arranġamenti għad-determinazzjoni tal-prezz u
l-arranġamenti għall-forniment tal-provvisti u s-servizzi f'kull
stadju. 3. L-obbligi tal-istadju fiss
għandhom ikunu parti minn parti sħiħa konsistenti; l-istess
japplika għall-obbligi f'kull stadju kundizzjonali, filwaqt li jitqiesu
l-obbligi fl-istadji preċedenti. 4. L-eżekuzzjoni ta' kull
stadju kundizzjonali huwa soġġett għal deċiżjoni
mill-awtorità tal-kuntratti notifikata lill-kuntrattur skont il-kuntratt. Meta
stadju kundizzjonali jiġu kkonfermat tard jew ma jiġix ikkonfermat,
il-kuntrattur jista' jibbenefika, jekk il-kuntratt jipprovdi hekk u skont
il-kundizzjonijiet imniżżla fih, minn allokazzjoni ta' trasferiment u
allokazzjoni ta' noneżekuzzjoni. Artikolu 23 Kuntratti ta' rimborż
tal-ispejjeż 1. F'ċirkostanzi
eċċezzjonali, l-awtorità tal-kuntratti tista' tagħżel
kuntratt ta' rimborż sħiħ jew parzjali tal-ispejjeż sa
ammont limitat, fiċ-ċirkostanzi stipulati fil-paragrafu 2. Bid-differenza ta' kuntratt li jipprovdi
rimunerazzjoni għal riżultat u li għalih il-prezz jew
l-arranġamenti għad-determinazzjoni tal-prezz jiġu ffissati
fil-bidu fid-dokumenti kuntrattwali, kuntratt ta' rimborż
tal-ispejjeż jirrimborża r-riżorsi użati u mhux prodott jew
servizz mhux komplut. Il-prezz li għandu jitħallas jikkonsisti fir-rimborż
tal-ispejjeż diretti kollha mġarrba mill-kuntrattur fit-twettiq
tal-kuntratt, bħall-infiq fuq il-ħaddiema, il-materjali, il-prodotti
kkunsmati, l-użu tat-tagħmir u l-infrastruttura meħtieġa
għat-twettiq tal-kuntratt. Dawn l-ispejjeż jiżdiedu b'miżata
fissa li tkopri l-ispejjeż indiretti u l-profitt, jew somma li tkopri
l-ispejjeż indiretti u kumpens tal-miżata ta' inċentiv
abbażi tal-ksib tal-objettivi fir-rigward tal-eżekuzzjoni u
l-kalendarju. 2. L-awtorità tal-kuntratti
tista' tagħżel kuntratt ta' rimborż sħiħ jew parzjali
meta ma jkunx oġġettivament possibbli li jiġi speċifikat
prezz fiss preċiż u jekk jista' jiġi muri b'mod raġonevoli
li dan il-prezz fiss ma jkunx abnormalment għoli minħabba
l-inċertezzi inerenti fl-eżekuzzjoni tal-kuntratt minħabba: (n)
jew li l-kuntratt ikollu karatteristiċi
kumplessi ħafna jew karatteristiċi li jirrikjedu l-użu ta'
teknoloġija ġdida u li għalhekk jinkludi għadd sinifikanti
ta' riskji tekniċi; (o)
jew li l-attivitajiet soġġetti
għall-kuntratt għandhom, għal raġunijiet operazzjonali,
jibdew immedjatament anki jekk ma jkunx għadu possibbli li jiġi
ddeterminat prezz fiss riġidu sħiħ minħabba r-riskji
sinifikanti jew minħabba li l-eżekuzzjoni tal-kuntratt tiddependi
parzjalment fuq l-eżekuzzjoni ta' kuntratti oħra. 3. Il-prezz limitu għal
kuntratt ta' rimborż sħiħ jew parzjali huwa l-prezz massimu
pagabbli. Dan jista' jinqabeż biss f'ċirkostanzi
eċċezzjonali ġġustifikati kif suppost u bi qbil minn qabel
mill-awtorità tal-kuntratti. 4. Id-dokumenti tat-tender ta'
proċedura tal-akkwist għal kuntratt ta' rimborż sħiħ
jew parzjali għandhom jispeċifikaw: (p)
it-tip ta' kuntratt, jiġifieri jekk huwiex
kuntratt ta' rimborż sħiħ jew parzjali sa prezz limitu; (q)
għal kuntratt ta' rimborż parzjali,
l-elementi tal-kuntratt soġġetti għal rimborż
tal-ispejjeż; (r)
il-prezz limitu totali; (s)
il-kriterji tal-għoti li għandhom
jippermettu l-valutazzjoni tal-plawsibbiltà tal-baġit globali stmat,
tal-ispejjeż rimborżabbli, tal-mekkaniżmi
għad-determinazzjoni ta' dawn l-ispejjeż u l-profitt imsemmija fl-offerta
li trid tiġi vvalutata; (t)
it-tip ta' żieda msemmija fil-paragrafu 1
li għandha tiġi applikata lill-ispejjeż diretti; (u)
ir-regoli u l-proċeduri li jiddeterminaw
l-eliġibilità tal-ispejjeż ippjanati mill-offerent għat-twettiq
tal-kuntratt, skont il-prinċipji stipulati fil-paragrafu 5; (v)
ir-regoli tal-kontabilità li l-offerti
għandhom jikkonformaw magħhom; (w)
fil-każ ta' kuntratt ta' rimborż
sħiħ jew parzjali li għandu jindbidel f'kuntratt ta' prezz fiss
riġidu, il-parametri għal din il-konverżjoni. 5. L-ispejjeż iddikjarati
mill-kuntrattur waqt l-eżekuzzjoni ta' kuntratt ta' rimborż
sħiħ jew parzjali jkunu eliġibbli biss jekk: (x)
dawn jiġġarbu tabilħaqq waqt it-tul
tal-kuntratt, bl-eċċezzjoni tal-ispejjeż għat-tagħmir,
l-infrastrutturi u l-assi fiss intanġibbli meħtieġa
għat-twettiq tal-kuntratt li jistgħu jitqiesu eliġibbli
għall-valur sħiħ tal-ammont tax-xiri tagħhom; (y)
jissemmew fl-istima globali tal-baġit li
tista' tiġi riveduta mill-emendi għall-kuntratt inizjali; (z)
ikunu meħtieġa
għall-eżekuzzjoni tal-kuntratt; (aa)
jirriżultaw mill-eżekuzzjoni tal-kuntratt
u jkunu attribwibbli għal dan; (bb)
ikunu identifikabbli, verifikabbli,
imniżżla fir-rekords tal-kontabilità tal-kuntrattur u ddeterminati
skont l-istandards tal-kontabilità msemmija fl-ispeċifikazzjonijiet u
fil-kuntratt; (cc)
jimxu skont ir-rekwiżiti tat-taxxa applikabbli
u leġiżlazzjoni soċjali; (dd)
ma jidderogawx mit-termini tal-kuntratt; (ee)
ikunu raġonevoli, ġustifikati, u jimxu
skont ir-rekwiżiti ta’ ġestjoni finanzjarja tajba, b’mod partikolari
rigward ekonomija u effiċjenza. Il-kuntrattur ikun responsabbli
għall-kontabilità tal-ispejjeż tiegħu, iżomm rekords
tal-kontabilità tajbin jew kwalunkwe dokument ieħor rikjest biex juri li
l-ispejjeż li għalihom intalab rimborż iġġarrbu u
jikkonformaw mal-prinċipji stipulati f'dan l-Artikolu. L-ispejjeż li
ma jistgħux jiġu sostanzjati mill-kuntrattur għandhom jitqiesu
li mhumiex eliġibbli u r-rimborż tagħhom ma jiġix
aċċettat. 6. L-awtorità tal-kuntratti hija
responsabbli għall-kompiti li ġejjin sabiex tiżgura
l-eżekuzzjoni korretta tal-kuntratti tar-rimborż tal-ispejjeż: (ff)
għandha tiddetermina l-prezz limitu l-aktar
realistiku possibbli, filwaqt li tipprovdi l-flessibbiltà meħtieġa
biex tintegra d-diffikultajiet tekniċi; (gg)
għandha tikkonverti kuntratt ta' rimborż
parzjali f'kuntratt ta' prezz fiss riġidu hekk kif ikun possibbli li
jiġi ddeterminat dan il-prezz fiss riġidu waqt l-eżekuzzjoni
tal-kuntratt; għal din ir-raġuni, għandha tiddetermina
l-parametri tal-konverżjoni biex tikkonverti kuntratt konkluż fuq
bażi ta' rimborż tal-ispejjeż għal kuntratt bi prezz fiss
riġidu; (hh)
għandha timplimenta miżuri ta'
monitoraġġ u spezzjoni li jipprovdu, partikolarment, sistema ta'
previżjoni tal-ispejjeż stmati; (ii)
għandha tiddetermiina l-prinċipji,
l-għodod u l-proċeduri xierqa għall-implimentazzjoni tal-kuntratti,
partikolarment għall-identifikazzjoni u l-kontroll tal-eliġibilità
tal-ispejjeż iddikjarati mill-kuntrattur jew is-sottokuntratturi
tiegħu waqt l-eżekuzzjoni tal-kuntratt, u għall-introduzzjoni
ta' emendi fil-kuntratt; (jj)
għandha tivverifika li l-kuntrattur u
s-sottokuntratturi tiegħu jikkonformaw mal-istandards tal-kontabilità
stipulati fil-kuntratt u mal-obbligu li jipprovdu d-dokumenti tal-kontabilità
tagħhom li għandhom jippreżentaw verżjoni vera u ġusta
tal-kontijiet; (kk)
matul l-eżekuzzjoni tal-kuntratt, għandha
tiżgura kontinwament l-effettività tal-prinċipji, l-għodod u
l-proċeduri msemmija fil-punt d. Artikolu 24 Emendi Il-kuntratt jista' jinbidel b'emenda
bil-kundizzjoni li din l-emenda tissodisfa l-kundizzjonijiet kollha li
ġejjin: (a) ma tibdilx is-suġġett
tal-kuntratt; (b) ma tfixkilx il-bilanċ ekonomiku
tal-kuntratt; (c) ma tintroduċix kundizzjonijiet li,
li kieku dehru mill-bidu fid-dokumenti tal-kuntratt, kienu jippermettu
l-ammissjoni ta' offerenti li mhux dawk li ġew ammessi inizjalment jew
kienu jippermettu li jiġi aċċettat tender li mhux dak li
ġie aċċettat inizjalment. Artikolu 25 Is-sottokuntrattar 1.
L-awtorità tal-kuntratti tista' titlob lil kull
offerent biex parti mill-kuntratt tiġi sottokuntrattata f'livelli
differenti, lil kumpaniji li mhumiex parti mill-grupp li jagħmel parti
minnu hu. Din it-taqsima ta' sottokuntrattar minimu hija espressa bħala
firxa minn perċentwal minimu sa wieħed massimu. Din il-firxa hija fi
proporzjon mal-objettiv u l-valur tal-kuntratt kif ukoll in-natura tas-settur
ta' attività kkonċernata, partikolarment il-kundizzjonijiet kompetittività
u l-potenzjal industrijali osservat. 2.
L-awtorità tal-kuntratti tista' tirrifjuta
s-sottokuntratturi magħżula mill-kandidat fl-istadju
tal-proċedura tal-għoti tal-kuntratt jew mit-offerent
magħżul għall-eżekuzzjoni tal-kuntratt. Għandha
tiġġustifika dan ir-rifjut bil-miktub, u dan jista' jkun ibbażat
biss fuq il-kriterji użati għall-għażla tal-offerenti
għall-kuntratt ewlieni. KAPITOLU VI DISPOŻIZZJONIJIET
MIXXELANJI Artikolu 26 Programmazzjoni Il-Kummissjoni għandha tistipula programm
ta' ħidma multiannwali li jistipula l-azzjonijiet ewlenin, il-baġit
provviżorju u l-iskeda meħtieġa biex jinkisbu l-objettivi
tal-programmi Galileo u EGNOS stipulati fl-Artikolu 1(4) u (5). Fuq il-bażi tal-programm ta' ħidma
multiannwali, il-Kummissjoni għandha tadotta programm ta' ħidma
annwali li jinkludi l-pjan tal-implimentazzjoni għall-programm
multiannwali u l-finanzjament korrispondenti. Dawk l-atti ta’ implimentazzjoni għandhom
jiġu adottati f'konformità mal-proċedura ta’ analiżi msemmija
fl-Artikolu 35 (3). Artikolu 27 Azzjoni
tal-Istati Membri 1. L-Istati Membri ma
għandhomx jieħdu miżuri li jistgħu jfixklu l-progress
tal-programmi, partikolarment dwar id-drittijiet tal-proprjetà intellettwali u
l-kontinwità tat-tħaddim tal-infrastrutturi. 2. L-Istati Membri għandhom
jieħdu l-miżuri neċessarji kollha sabiex l-istazzjonijiet
tal-art tas-sistemi jkunu deżinjati bħala infrastrutturi kritiċi
Ewropej skont it-tifsira tad-Direttiva tal-Kunsill 2008/114/KE[24]. Artikolu 28 Ftehimiet
internazzjonali L-Unjoni tista' tidħol fi ftehimiet ma'
pajjiż terzi u organizzazzjonijiet internazzjonali fil-kuntest
tal-programmi, partikolarment, ftehimiet ta' kooperazzjoni skont
il-proċedura stipulata fl-Artikolu 218 tat-Trattat dwar
il-Funzjonament tal-Unjoni Ewropea. Artikolu 29 Għajnuna
teknika Sabiex jitlestew il-kompiti tekniċi
msemmija fl-Artikolu 13(2), il-Kummissjoni tista' tirrikorri
għall-għajnuna neċessarja, partikolarment l-għajnuna ta'
esperti mill-aġenziji nazzjonali kompetenti fis-settur tal-ispazju,
esperti indipendenti u korpi li kapaċi jipprovdu analiżijiet u
opinjonijiet imparzjali dwar il-progress tal-programmi. Il-korpi involuti fit-tmexxija pubblika
tal-programmi, minbarra l-Kummissjoni, partikolarment, l-Aġenzija tal-GNSS
Ewropew u l-Aġenzija Spazjali Ewropea, jistgħu jirċievu wkoll
l-istess għajnuna teknika fit-twettiq tal-kompiti fdati lilhom skont dan
ir-Regolament. Artikolu 30 Il-protezzjoni
tad-dejta personali u l-privatezza 1. Il-Kummissjoni għandha
tassigura li tkun garantita l-protezzjoni tad-dejta personali u tal-privatezza
matul it-tfassil u l-implimentazzjoni tas-sistemi u li jiġu integrati
garanziji adegwati fihom. 2. Id-dejta personali kollha li
tintuża fil-kuntest tal-kompiti u l-attivitajiet ipprovduti f'dan
ir-Regolament għandha tiġi pproċessata skont
il-leġiżlazzjoni applikabbli dwar il-ħarsien tad-dejta
personali, partikolarment ir-Regolament (KE) Nru 45/2001[25] tal-Parlament Ewropew u
tal-Kunsill u d-Direttiva 95/46/KE tal-Parlament Ewropew u tal-Kunsill[26]. Artikolu 31 Il-protezzjoni
tal-interessi finanzjarji tal-Unjoni 1. Il-Kummissjoni għandha
tieħu l-miżuri xierqa biex tiżgura li, meta jiġu
implimentati azzjonijiet finanzjati skont dan ir-Regolament, l-interessi
finanzjarji tal-Unjoni jkunu mħarsa bl-applikazzjoni ta' miżuri
preventivi kontra l-frodi, il-korruzzjoni u kwalunkwe attività illegali
oħra u, jekk jiġu individwati l-irregolaritajiet, permezz tal-irkupru
tal-ammonti mħallsa skorrettament u, fejn ikun il-każ, permezz ta'
penali effettivi, proporzjonati u deterrenti. 2. Il-Kummissjoni jew
ir-rappreżentanti tagħha u l-Qorti tal-Awdituri għandu jkollhom
is-setgħa ta’ verifika, abbażi ta' dokumenti u fuq il-post, fuq
il-benefiċjarji tal-għajnuna finanzjarja, il-kuntratturi u
s-sottokuntratturi kollha li rċevew fondi tal-Unjoni skont dan
ir-Regolament. L-Uffiċċju
Ewropew Kontra l-Frodi (OLAF) jista' jwettaq verifiki u spezzjonijiet fuq
il-post fuq operaturi ekonomiċi konċernati direttament jew
indirettament minn tali finanzjament skont il-proċeduri stabbiliti
fir-Regolament (Euratom, KE) Nru 2185/96 tal-Kunsill[27] bil-għan li jiġi stabbilit li kien hemm frodi, korruzzjoni
jew kwalunkwe attività oħra illegali kontra l-interessi finanzjarji
tal-Unjoni, fil-qafas ta’ ftehim ta’ għotja jew deċiżjoni ta'
għotja jew kuntratt li jikkonċerna l-fondi tal-Unjoni. Bla ħsara
għall-ewwel u t-tieni subparagrafi, il-ftehimiet internazzjonali
konklużi ma’ pajjiżi terzi u ma’ organizzazzjonijiet internazzjonali
u ftehimiet ta’ għotja u deċiżjonijiet ta' għotja u
kuntratti li jirriżultaw mill-implimentazzjoni ta' dan ir-Regolament
għandhom b'mod espliċitu jagħtu s-setgħa lill-Kummissjoni,
lill-Qorti tal-Awdituri u lill-OLAF biex iwettqu tali verifiki, kontrolli u
spezzjonijiet fuq il-post. Artikolu 32 Informazzjoni
lill-Parlament Ewropew u lill-Kunsill Il-Kummissjoni
għandha tassigura l-implimentazzjoni ta' dan ir-Regolament. Kull sena,
meta tippreżenta l-abbozz preliminari tal-baġit, hija għandha
tippreżenta rapport lill-Parlament Ewropew u lill-Kunsill dwar
l-implimentazzjoni tal-programmi. Artikolu 33 Valutazzjoni
tal-applikazzjoni tar-Regolament preżenti 1. Sat-30 ta' Ġunju 2018,
il-Kummissjoni għandha tippreżenta rapport ta' valutazzjoni
lill-Parlament Ewropew u lill-Kunsill, bil-ħsieb li tittieħed
deċiżjoni dwar it-tiġdid, il-modifikar jew is-sospensjoni
tal-miżuri meħuda skont dan ir-Regolament li jikkonċerna: (ll)
il-ksib tal-objettivi ta' dawn il-miżuri,
mill-perspettiva tar-riżultati u wkoll tal-impatti; (mm)
l-effettività tal-użu tar-riżorsi; (nn)
il-valur miżjud Ewropew. Il-valutazzjoni addizzjonalment tindirizza
l-ambitu għas-simplifikazzjoni, il-koerenza interna u esterna tagħha,
ir-rilevanza tal-objettivi kollha, kif ukoll il-kontribut tal-miżuri
għall-prijoritajiet tal-Unjoni ta' tkabbir intelliġenti, sostenibbli
u inklużiv. Għandha tqis ir-riżultati tal-valutazzjoni dwar
l-impatt fit-tul tal-miżuri preċedenti. 2. Il-valutazzjoni għandha
tqis il-progress li sar fir-rigward tal-objettivi tal-programmi Galileo u EGNOS
stipulati fl-Artikolu 1(4) u (5) fuq il-bażi tal-indikaturi
tar-rendiment li ġejjin: (oo)
fir-rigward ta' Galileo : l-għadd ta'
satelliti operazzjonali, il-verżjoni tal-infrastruttura tal-art użata
u l-għadd ta' servizzi pprovduti; (pp)
fir-rigward ta' EGNOS : l-għadd ta'
tibdil lill-ispeċifikazzjonijiet tas-servizz ippreżentat
lill-awtoritajiet taċ-ċertifikazzjoni. 3. Il-korpi involuti
fl-implimentazzjoni ta' dan ir-Regolament għandhom jipprovdu
lill-Kummissjoni bid-dejta u l-informazzjoni meħtieġ biex ikunu
jistgħu jsiru l-monitoraġġ u l-valutazzjoni tal-azzjonijiet
ikkonċernati. KAPITOLU VII DELEGAZZJONI
U MIŻURI TAL-EŻEKUZZJONI Artikolu 34 Eżerċizzju
tad-delegazzjoni 1. Is-setgħa ta’ adozzjoni
ta’ atti delegati hija mogħtija lill-Kummissjoni suġġetta
għall-kondizzjonijiet stabbiliti f'dan l-Artikolu. 2. Is-setgħa ta’ adozzjoni
ta' atti delegati msemmija fl-Artikolu 5 u 14 għandha tingħata
lill-Kummissjoni għal perjodu ta' żmien indeterminat
mill-1 ta' Jannar 2014. 3. Id-delegazzjoni
tas-setgħa msemmija fl-Artikoli 5 u 14 tista’ tiġi
rrevokata fi kwalunkwe ħin mill-Parlament Ewropew u mill-Kunsill.
Deċiżjoni li tirrevoka għandha ttemm id-delegazzjoni ta’
setgħa speċifikata f'dik id-deċiżjoni. Din għandha
ssir effettiva fil-jum wara l-pubblikazzjoni tad-deċiżjoni f’Il-Ġurnal
Uffiċjali tal-Unjoni Ewropea jew f’data aktar tard speċifikata
fih. Ma għandhiex taffettwa l-validità ta’ kwalunkwe att delegat li jkun
diġà fis-seħħ. 4. Hekk kif tadotta att delegat,
il-Kummissjoni għandha tinnotifika b’mod simultanju lill-Parlament Ewropew
u lill-Kunsill dwarha. 5. Att delegat adottat
f'konformità mal-Artikoli 5 u 14 għandu jidħol
fis-seħħ biss jekk ma tkun ġiet espressa l-ebda
oġġezzjoni la mill-Parlament Ewropew u lanqas mill-Kunsill fi
żmien perijodu ta' xahrejn min-notifika ta' dak l-att lill-Parlament Ewropew
u lill-Kunsill jew jekk, qabel l-iskadenza ta' dak il-perijodu, il-Parlament
Ewropew u l-Kunsill ikunu t-tnejn infurmaw lill-Kummissjoni li huma mhumiex ser
joġġezzjonaw. Dak il-perjodu għandu jiġi estiż
b'xahrejn fuq l-inizjattiva tal-Parlament Ewropew jew tal-Kunsill. Artikolu 35 Proċedura
ta' kumitat 1. Il-Kummissjoni għandha
tiġi assistita mill-Kumitat tal-programmi tal-GNSS Ewropew (minn hawn 'il
quddiem, il-kumitat) stabbilit permezz tal-Artikolu 19 tar-Regolament (KE)
Nru 683/2008. Dak il-Kumitat għandu jkun kumitat fis-sens
tar-Regolament (UE) Nru 182/2011. 2. Fejn issir referenza
għal dan il-paragrafu, l-Artikolu 4 tar-Regolament 182/2011/UE
għandu japplika. 3. Fejn issir referenza
għal dan il-paragrafu, l-Artikolu 5 tar-Regolament 182/2011/UE
għandu japplika. 4. Ir-rappreżentanti
tal-Aġenzija tal-GNSS Ewropew u tal-Aġenzija Spazjali Ewropea
jistgħu jkunu involuti bħala osservaturi fil-ħidma tal-Kumitat
skont il-kondizzjonijiet stipulati fir-regoli ta' proċedura tiegħu. 5. Il-ftehimiet internazzjonali
konklużi mill-Unjoni skont l-Artikolu 28 jistgħu jipprovdu
għall-involviment ta' rappreżentanti ta' pajjiżi terzi jew
organizzazzjonijiet internazzjonali fil-ħidma tal-Kumitat
fil-kundizzjonijiet stipulati fir-regoli tal-proċedura tiegħu. KAPITOLU VIII DISPOŻIZZJONIJIET
FINALI Artikolu 36 Revoki 1. Ir-Regolament (KE)
Nru 876/2002 huwa mħassar mill-1 ta’ Jannar 2014. Kwalunkwe
miżura fis-seħħ adottata abbażi
tar-Regolament 876/2002 għandha tibqa’ tiġi rregolata minn dak
ir-Regolament. 2. Ir-Regolament (KE)
Nru 683/2008 huwa revokat mill-1 ta’ Jannar 2014. Kwalunkwe miżura
adottata abbażi tar-Regolament 683/2008 għandha tibqa’ rregolata
minn dak ir-Regolament. Referenzi
għar-Regolament irrevokat għandhom jittieħdu bħala
referenzi għal dan ir-Regolament u għandhom jinqraw skont it-tabella
ta’ korrelazzjoni stabbilita fl-Anness hawnekk. Artikolu 37 Dħul
fis-seħħ Dan ir-Regolament għandu jidħol
fis-seħħ fl-20 jum wara dak tal-pubblikazzjoni tiegħu f’Il-Ġurnal
Uffiċjali tal-Unjoni Ewropea. Għandu japplika
mill-1 ta' Jannar 2014. Dan ir-Regolament għandu jorbot
fl-intier tiegħu u jkun direttament applikabbli fl-Istati Membri kollha. Magħmul fi Għall-Parlament Ewropew Għall-Kunsill Il-President Il-President ANNESS Tabella ta’ korrelazzjoni Numerazzjoni antika Ir-Regolament (KE) Nru 683/2008[28] || Numerazzjoni ġdida (Ir-Regolament preżenti) Artikolu 1 || Artikolu 1 Artikolu 2 || Artikolu 2 Artikolu 3 || Artikolu 3 Artikolu 4 || Artikolu 8 Artikolu 5 || Artikolu 4 Artikolu 6 || Artikolu 9 Artikolu 7 || Artikolu 5 Artikolu 8 || Artikolu 6 Artikolu 9 || Artikolu 7 Artikolu 10 || Artikolu 10 Artikolu 11 || Artikolu 11 Artikolu 12(1) Artikolu 12(2) u (3) || Artikolu 12 Artikolu 13 Artikolu 13(1) Artikolu 13(2) u (3) Artikolu 13(4) || Artikolu 13 Artikolu 14 Artikolu 17 Artikolu 14 || Artikolu 18 Artikolu 15 || Artikolu 26 Artikolu 16 || Artikolu 15 Artikolu 17 || Artikolu 19 sa 25 Artikolu 18 || Artikolu 16 Artikolu 19 || Artikolu 35 Artikolu 20 || Artikolu 30 Artikolu 21 || Artikolu 31 Artikolu 22 || Artikolu 32 Artikolu 23 || Artikolu 24 || Artikolu 37 Anness || Artikolu 1 DIKJARAZZJONI FINANZJARJA
LEĠIŻLATTIVA 1. QAFAS TAL-PROPOSTA/INIZJATTIVA 1.1. Titlu tal-proposta/inizjattiva 1.2. Il-qasam/l-oqsma
tal-politika kkonċernata/i fl-istruttura tal-ABM/ABB 1.3. Natura
tal-proposta/inizjattiva 1.4. Objettiv(i)
1.5. Raġuni(jiet)
għall-proposta/inizjattiva 1.6. It-tul
u l-impatt finanzjarju 1.7. Il-metodu(i)
tal-ġestjoni previst(i) 2. MIŻURI TA’ ĠESTJONI 2.1. Regoli
tal-monitoraġġ u tar-rappurtar 2.2. Sistema
ta’ ġestjoni u kontroll 2.3. Miżuri
għall-prevenzjoni tal-frodi u tal-irregolaritajiet 3. STIMA TAL-IMPATT FINANZJARJU
TAL-PROPOSTA/TAL-INIZJATTIVA 3.1. Intestatura/i
tal-qafas finanzjarju multiannwali u l-linja/i tal-baġit tan-nefqa
affettwata/i 3.2. Stima
tal-impatt fuq in-nefqa 3.2.1. Sinteżi
tal-impatt stmat fuq in-nefqa 3.2.2. Impatt stmat fuq
l-approprjazzjonijiet operazzjonali 3.2.3. Impatt stmat fuq
approprjazzjonijiet ta’ natura amministrattiva 3.2.4. Kompatibbiltà
mal-qafas finanzjarju multiannwali preżenti 3.2.5. Il-parteċipazzjoni
ta’ partijiet terzi fil-finanzjament 3.3. L-impatt stmat fuq
id-dħul DIKJARAZZJONI
FINANZJARJA LEĠIŻLATTIVA
1.
QAFAS TAL-PROPOSTA/INIZJATTIVA:
1.1.
Titlu tal-proposta/inizjattiva
Programmi
Ewropej tan-navigazzjoni bis-satellita – GALILEO u EGNOS (sistema Ewropea ta'
navigazzjoni b'kopertura ġeostazzjonarja)
1.2.
Il-qasam/l-oqsma tal-politika kkonċernata/i
fl-istruttura tal-ABM/ABB[29]
Intestatura 02:
Il-kumpanija Il-Kapitolu 02 05:
il-programmi Ewropej tar-radjunavigazzjoni bis-satellita (EGNOS u Galileo)
1.3.
Natura tal-proposta/inizjattiva
Il-proposta/l-inizjattiva
hija relatata ma’ azzjoni ġdida ¨ Il-proposta/l-inizjattiva
hija relatata ma’ azzjoni ġdida li ssegwi proġett pilota/azzjoni
preparatorja[30]
þ Il-proposta/inizjattiva hija relatata mal-estensjoni
ta’ azzjoni eżistenti ¨ Il-proposta/l-inizjattiva
hija relatata ma’ azzjoni diretta mill-ġdid lejn azzjoni ġdida
1.4.
Objettiv(i)
1.4.1.
L-objettiv(i) strateġiku/ċi multiannwali
tal-Kummissjoni fil-mira tal-proposta/inizjattiva
Ta’
min ifakkar li l-programmi tan-navigazzjoni bis-satellita (minn hawn 'il
quddiem ‘il-programmi’) huma l-proġetti ewlenin tal-Unjoni. Jagħmlu
parti mill-qafas tal-istrateġija Ewropa 2020 u tal-politiki
tal-iżvilupp sostenibbli. Dan jikkonsisti fl-għoti tas-servizz
tan-navigazzjoni, il-ġenerazzjoni ta' żviluppi kbar f'għadd kbir
ta' setturi ta' attività, huwa fattur tal-innovazzjoni teknoloġika u
t-tkabbir tal-kompetittività tal-ekonomija Ewropea, huwa sors tal-ħolqien
tal-impjiegi, ta’ dħul kummerċjali u ta' benefiċċji
soċjoekonomiċi. L-għan
tal-proposta huwa l-appoġġ tal-preżenza Ewropea fl-ispazju u
l-iżvilupp tas-servizzi tas-satellita u, iktar speċifikament, biex
jiġu pprovduti żewġ sistemi tan-navigazzjoni bis-satellita. Iktar
preċiżament, il-programm Galileo jimmira li jistabbilixxi sistema
globali tan-navigazzjoni bis-satellita tal-Ewropa (minn hawn 'il quddiem,
GNSS). Permezz tagħha, l-utenti fid-dinja kollha se jingħatawlhom
servizzi ta’ pożizzjonament, ta’ sinkronizzazzjoni u ta’ navigazzjoni
għal firxa kbira ta’ applikazzjonijiet - mit-trasport sal-likwidazzjoni
tat-titoli finanzjarji, il-forniment tal-elettriku, il-previżjonijiet
meteoroloġiċi u l-ħlas għall-użu tat-toroq. EGNOS
hija sistema Ewropea maħsuba biex ittejjeb ir-rendiment tal-GPS Amerikan
fiż-żona Ewropea. Din ittejjeb is-servizzi eżistenti
tan-navigazzjoni bis-satellita adattati għall-applikazzjonijiet
kritiċi għas-sigurtà, bħat-trasport bl-ajru jew marittimu
bħall-pilotaġġ jew l-illandjar ta’ ajruplan jew il-qsim ta’
kanal b’bastiment.
1.4.2.
L-objettiv(i) speċifiku/ċi u l-attività(jiet)
ABM/ABB ikkonċernata/i
Objettiv speċifiku Nru 1 L-iżvilupp u l-forniment tal-infrastrutturi u s-servizzi globali
tan-navigazzjoni bis-satellita (Galileo) qabel l-2019 L-għanijiet
speċifiċi tal-programm Galileo, kif definiti fil-proposta għar-regolament,
huma li jiġi assigurat li s-sinjali li tibgħat is-sistema skont dan
il-programm ikunu jistgħu jiġu utilizzati biex jissodisfaw
il-ħames funzjonijiet li ġejjin: - l-għoti ta’ “Servizz Miftuħ” (magħruf
bħala “Open Service” jew OS), li huwa b'xejn għall-utenti u li
jipprovdi l-informazzjoni dwar il-pożizzjonament u s-sinkronizzazzjoni,
maħsuba għall-applikazzjonijiet tal-massa tan-navigazzjoni
satellitari, - l-għoti ta’ “servizz għas-sikurezza
tal-ħajja” (imsejjaħ “Safety of Life Service jew SoL) maħsub
għall-utenti li għalihom is-sigurtà hija essenzjali. Dan
is-servizz jissodisfa wkoll ir-rekwiżiti ta' ċerti setturi
għall-kontinwità, id-disponibbiltà u l-preċiżjoni u jinkludi
messaġġ ta' integrità li jallerta lill-utent bi kwalunkwe falliment fis-sistema;
Ir-riċerka se tkompli sabiex tiddefinixxi mill-ġdid is-servizz SoL
bil-għan li jissodisfa aħjar il-bżonnijiet tal-utenti, inaqqas
l-impatt ta’ dan is-servizz fuq l-ispejjeż u jqis il-komplementarjetà
mas-servizz SoL ta’ EGNOS; - l-għoti ta’ servizz kummerċjali (imsejjaħ,
“Commercial Service" jew CS) għall-iżvilupp ta'
applikazzjonijiet għall-użu professjonali jew kummerċjali
minħabba prestazzjonijiet mtejba u dejta b'valur miżjud akbar minn
dawk miksuba permezz ta' “servizz miftuħ”; - l-għoti ta’ “servizz pubbliku regolamentat”
(imsejjaħ “Public Regulated Service” jew PRS) maħsub biss
għall-utenti awtorizzati mill-organi governattivi,
għall-applikazzjonijiet sensittivi li jesiġu livell kbir ta'
kontinwità fis-servizz. Is-“servizz pubbliku regolamentat” juża
sinjali b'saħħithom u kodifikati, - il-parteċipazzjoni fis-servizz ta' għajnuna u
ta' salvataġġ (imsejjaħ "Search and Rescue Support
Service" jew SAR) tas-sistema COSPAS-SARSAT billi jiġu identifikati
sinjali ta' emerġenza mibgħuta minn beacons u jintbagħtulhom
lura messaġġi. Subobjettiv speċifiku Nru 1: L-iżvilupp tal-infrastrutturi tan-navigazzjoni bis-satellita u
l-għoti tas-servizzi inizjali ta’ Galileo qabel l-2014-2015 L-objettiv
tal-programm Galileo huwa li joffri it-tliet servizzi inizjali qabel
l-2014-2015 (OS, PRS et SAR) Objettiv speċifiku Nru 2 L-għoti tas-servizzi satellitari li jippermettu t-titjib
tar-rendiment tal-GPS li gradwalment ikopru r-reġjun sħiħ
tal-Konferenza Ewropea tal-Avjazzjoni Ċivili (CEAC) qabel l-2020 (EGNOS). Il-programm EGNOS, li jikkompleta s-sinjali tal-GPS Amerikan
biex jagħti lill-utenti pożizzjonament iktar preċiż
fiż-żona Ewropea[31],
jimmira li joffri tliet servizzi : — is-servizz miftuħ
(OS): għar-riċevituri tal-massa u l-applikazzjonijiet tal-utenti
komuni. Dan se joffri sinjali aċċessibbli b’xejn
għall-pożizzjonament. Ġie ddikjarat operattiv[32] f’Ottubru 2009 u
diġà qed jintuża minn diversi setturi bħall-agrikoltura; — is-servizz tas-sikurezza
tal-ħajja (Sikurezza tal-Ħajja jew SoL): għall-applikazzjonijiet
kritiċi għas-sigurtà tal-ħajja fil-qasam tat-trasport,
partikolarment l-avjazzjoni ċivili. Dan joffri garanzija ta’ rendiment
superjuri u jinkludi sistema tat-twissija għall-integrità. Gie ddikjarat
operattiv f’Marzu 2011 u jiġi użat mis-setturi tat-trasport
tal-ajru fl-Ewropa ; — is-servizz tal-aċċess
għad-dejta ta’ EGNOS (EDAS), għall-applikazzjonijiet
imsaħħa, li joffri servizz ta’ dejta kummerċjali li
l-aċċess għaliha huwa kkontrollat (pereżempju, permezz
tal-internet jew minn telefowns mobbli). Subobjettiv speċifiku Nru 2: It-teħid tal-miżuri meħtieġa għall-garanzija
tal-issuktar tal-operazzjonijiet lil hinn mill-2014 u għat-titjib gradwali
tal-kwalità tas-servizzi sal-2020. Attività(jiet) ABM/ABB ikkonċernati Il-Kapitolu 02 05:
programmi Ewropej tan-navigazzjoni bis-satellita (EGNOS u Galileo)
1.4.3.
Ir-riżultat(i) u l-impatt mistennija
Speċifika
l-effetti li l-proposta/l-inizjattiva mistennija jkollha fuq
il-benefiċjarji/il-gruppi fil-mira. Il-programmi Ewropej tan-navigazzjoni bis-satellita tnedew
aktar minn għaxar snin ilu bl-ambizzjoni politika li tiġi
żviluppata u uzata sistema li tkopri d-dinja kollha u li permezz
tagħha l-Unjoni Ewropea tibbenefika mill-vantaġġi
strateġiċi u ekonomiċi u tipprovdi servizzi tan-navigazzjoni
bis-satellita li huma perfettament adattati għall-użi ċivili. Galileo u EGNOS se jagħtu vantaġġi
soċjoekonomiċi importanti lill-Unjoni Ewropea minħabba: i) il-vantaġġi diretti li jirriżultaw
mit-tkabbir tas-suq avvanzat GNSS (riċevituri u applikazzjonijiet).
Pereżempju, jekk iktar ajruplani jkunu mgħammra bir-riċevituri
GNSS, il-manifatturi ta' dawn ir-riċevituri jibbenefikaw minn dħul
addizzjonali; ii) il-vantaġġi indiretti li jirriżultaw
mill-applikazzjonijiet il-ġodda li jitfaċċaw. Jekk it-tul
tat-titjira titnaqqas bis-saħħa ta' navigazzjoni aħjar,
l-ajruplani jniġġsu inqas u l-passiġġieri jiggwadanjaw
ħin prezzjuż. Barra minn hekk, b'modi tat-trasport iktar sikuri u
servizzi tal-emerġenza iktar effikaċi, iktar ħajjiet ikunu jistgħu
jiġu salvati; iii) vantaġġi diretti li jirriżultaw mit-tkabbir
tas-suq avvanzat u tar-riperkussjonijiet teknoloġiċi fuq is-setturi
l-oħra. L-investimenti realizzati f'dan is-segment tal-GNSS avvanzat se
tapprofitta minnhom l-industrija. Madankollu, setturi oħrajn se
japprofittaw ukoll mill-iżviluppi l-ġodda fis-settur spazjali.
Pereżempju, l-istrumenti maħsuba biex jevalwaw u jimmonitorjaw
is-saħħa strutturali tal-lanċaturi jew tat-tankijiet tal-fjuwil
jistgħu jiġu utilizzati fl-intrapiżi tas-settur awtomobilistiku,
tal-bini u tal-enerġija u l-intrapriżi tal-utilità pubblika. Avolja s-sistema implimentata mill-programm Galileo se tkun
awtonoma, is-servizzi se jiġu ottimizzati bis-saħħa
tal-interoperabilità tagħha ma' sistemi oħrajn bħall-GPS
Amerikan u l-GLONASS Russu. B'konsegwenza, il-kooperazzjoni ma' pajjiżi
oħra li joffru s-servizzi tan-navigazzjoni bis-satellita se tippermetti li
l-benefiċċji għall-utenti, iċ-ċittadini u l-ekonomija
ġenerali jiġu ottimizzati.
1.4.4.
Indikaturi tar-riżultati u l-impatt
Speċifika
l-indikaturi għall-monitoraġġ tal-implimentazzjoni
tal-proposta/inizjattiva Objettiv speċifiku Nru 1 Il-programm
Galileo jimmira li jiżviluppa u jforni infrastrutturi u servizzi globali
tan-navigazzjoni bis-satellita. Għal dan il-għan, l-infrastruttura
żviluppata għandha tkun mantenuta kostantement u l-komponenti
tagħha għandhom jiġġeddu jekk ikun hemm bżonn. L-indikatur
marbut mal-infrastruttura Galileo: – Numru
kumulattiv ta' satelliti operazzjonali: 18-il satellita sal l-2015, 30 sal-2019 – Verżjoni
tal-infrastruttura terrestri implimentata: v2 sal-2015 Indikatur
marbut mal-forniment tas-servizzi Galileo: – Numru
ta’ servizzi implimentati: tliet servizzi inizjali sal-2015, ħames
servizzi sal-2020 Objettiv speċifiku Nru 2 Il-programm
EGNOS jimmira li jagħti servizzi mtejba tan-navigazzjoni bis-satellita
fl-Ewropa kollha. L-infrastruttura tiegħu għandha tiġi mantnuta
fil-livell operazzjonali u l-kopertura attwali għandha tiġi
estiża għall-Unjoni Ewropea kollha, sabiex l-utenti jkunu
jistgħu jibbenefikaw mis-servizzi tiegħu mingħajr
diskriminazzjoni fl-Unjoni kollha. Indikaturi
marbuta mal-kwalità tas-servizz offrut u mal-estensjoni ġeografika
tal-EGNOS: – Numru
ta' bidliet fis-servizzi ppreżentati lill-awtoritajiet
taċ-ċertifikazzjoni: 3 fil-perjodu 2014-2020. Dawn
il-bidliet se jiġu inklużi fid-dokumenti li jiddefinixxu s-servizzi u
li jkunu disponibbli għall-pubbliku.
1.5.
Raġuni(jiet) għall-proposta/inizjattiva
1.5.1.
Rekwiżit(i) li jrid(u) jiġi/u
ssodisfat(i) fuq medda qasira jew twila taż-żmien
It-teknoloġiji
GNSS, bis-saħħa tal-kapaċità tagħhom li jiddeterminaw
il-pożizzjoni, il-veloċità u l-ħin bi preċiżjoni
affidabbli ħafna, huma essenzjali għat-titjib tal-effikaċità
f'diversi oqsma. L-esperjenza akkwistata bil-GPS (sistema ta'
pożizzjonament globali) Amerikana wriet il-vantaġġi
tan-navigazzjoni bis-satellita sal-punt li dan il-GPS jitqies fl-Istati Uniti
bħala l-ħames servizz ta' utilità pubblika, wara l-ilma, l-elettriku,
il-gass u t-telefown. L-utenti militari u ċivili Amerikani żviluppaw
dipendenza kbira fir-rigward tal-GPS. Diversi pajjiżi oħra wkoll irrikonoxxu
d-dipendenza tagħhom u bħalissa qed jibnu s-sistema globali
tagħhom għan-navigazzjoni bis-satellita (GNSS). Illum,
l-utenti tan-navigazzjoni bis-satellita fl-Ewropa ma għandhomx
alternattiva ħlief li jużaw is-sinjali tas-satellita mill-GPS tal-Istati
Uniti jew il-GLONASS għall-pożizzjonament u n-navigazzjoni.
Għaldaqstant, l-ekonomija Ewropea qed isserraħ dejjem iktar fuq
infrastruttura militari li mhux ikkontrollata mill-Ewropa u li mhix iddisinjata
primarjament biex taqdi skopijiet ekonomiċi Ewropej. Barra minn hekk,
id-disponibbiltà ta' dawn is-sistemi mhijiex għal kollox affidabbli,
partikolarment fiż-żoni urbani b'popolazzjoni densa[33]. Ukoll, ma jagħtux
biżżejjed garanzija għall-kwalità u l-kontinwità tas-servizzi
lill-utenti ċivili Ewropej. Minn
perspettiva politika, u bil-GPS operazzjonali mill-bidu tas-snin 90, l-Unjoni
Ewropea rat li hemm bżonn li l-Ewropa jkollha s-sistema globali ta'
navigazzjoni bis-satellita tagħha[34].
Sew qabel it-tixrid wiesa' tal-applikazzjonijiet ibbażati fuq il-GNSS,
bħas-servizzi tal-lokalizzazzjoni jew is-servizzi tan-navigazzjoni
fil-karozza, il-Kunsill u l-Parlament ipprevedew li se jkun hemm bżonn
ikbar għall-għodod tan-navigazzjoni. Essenzjalment, hija l-awtonomija
Ewropea fil-qasam tan-navigazzjoni bis-satellita li mexxiet din
l-intrapriża. Din il-viżjoni politika għandha dawn l-objettivi: • It-twaqqif
tal-ewwel infrastruttura globali awtonoma tan-navigazzjoni u
l-pożizzjonament bis-satellita, taħt kontroll ċivili, li
tiggarantixxi s-servizzi tal-GNSS bla interruzzjoni u toffri vantaġġ
strateġiku lill-Ewropa. Madankollu, kif sar evidenti iktar tard,
jeħtieġ li jkun hemm[35]
interoperabilità mas-sistemi l-oħra, partikolarment il-GPS Amerikan,
sabiex ikun hemm l-aħjar kwalità tas-servizzi li jingħataw
lill-utenti u sabiex ikun hemm vantaġġi soċjoekonomiċi. • It-tisħiħ
tar-reżiljenza tal-infrastruttura ekonomika Ewropea bl-għoti ta'
sistema backup fil-każ ta' falliment tas-sinjali mis-sistemi l-oħra. • Li
jiġu massimizzati l-benefiċċji ekonomiċi indiretti
għas-soċjetà ċivili Ewropea li sserraħ iktar fuq sinjali
iktar preċiżi, disponibbli u robusti, bl-esplojtazzjoni
tal-opportunitajiet il-ġodda maħluqa min-navigazzjoni bis-satellita
ta' preċiżjoni għolja sa livell ħafna ogħla milli hu
possibbli bħalissa; • Il-wiri
tal-kapaċità tal-Ewropa li tiżviluppa, timplimenta u tesplojta
infrastrutturi spazjali kumplessi fuq skala kbira.
1.5.2.
Valur miżjud tal-involviment tal-UE
Id-dritt
tal-UE li taġixxi huwa bbażat fuq l-Artikolu 172 tat-Trattat
dwar il-Funzjonament tal-Unjoni Ewropea u r-Regolament tal-GNSS dwar
l-implimentazzjoni ulterjuri tal-programmi Ewropej tan-navigazzjoni
bis-satellita (EGNOS u Galileo). Is-sistemi
mwaqqfa taħt il-programmi huma infrastrutturi stabbiliti bħala
networks trans-Ewropej li l-użu tagħhom jestendi sew lil hinn
mill-fruntieri nazzjonali tal-Istati Membri. Barra minn hekk, is-servizzi
offruti permezz ta' dawn is-sistemi jikkontribwixxu, b’mod partikolari
għall-iżvilupp ta' networks trans-Ewropej fl-oqsma tal-infrastrutturi
tat-trasport, tat-telekomunikazzjoni u tal-enerġija. Stat
Membru wieħed waħdu mhux biżżejjed biex joħloq sistemi
tan-navigazzjoni bis-satellita billi dan ma jkollox biżżejjed
kapaċitajiet finanzjarji u tekniċi. Għalhekk, dan jista'
jinkiseb biss b'azzjoni fil-livell tal-UE biss. Barra
minn hekk, ir-Regolament tal-GNSS jipprevedi li l-Unjoni Ewropea se tkun
il-proprjetarju tal-assi kollha tanġibbli u mhux tanġibbli
maħluqa jew żviluppati fil-qafas tal-programmi. Bħala
proprjetarju tal-assi tanġibbli u mhux tanġibbli kollha relatati, l-Unjoni
Ewropea għandha tiżgura li l-kundizzjonijiet għat-tħaddim u
l-użu tas-sistemi jkunu fis-seħħ mid-data tal-introduzzjoni
tal-ewwel servizzi ta' pożizzjonament fl-2014-2015. Għalhekk,
it-tmexxija hija de facto ta' natura Ewropea.
1.5.3.
Lezzjonijiet mitgħallma minn esperjenzi simili
fil-passat
Għalkemm
din hija l-ewwel darba li l-Unjoni Ewropea hija l-uniku proprjetarju ta'
infrastruttura ta' din l-iskala u li l-Kummissjoni tmexxi programm daqshekk
kumpess, l-esperjenza miksuba mill-2007 tippermetti iktar titjib
lill-implimentazzjoni ulterjuri ta' Galileo u EGNOS, Kif
deskritt fir-rapport tal-Kummissjoni lill-Parlament Ewropew u lill-Kunsill dwar
ir-reviżjoni ta' nofs it-terminu tal-programmi Ewropej tan-navigazzjoni
bis-satellita[36]
u fil-proposta għal Regolament tal-Parlament Ewropew u tal-Kunsill dwar
l-implimentazzjoni ulterjuri u t-tħaddim tal-programmi Ewropej
tan-navigazzjoni bis-satellita, jistgħu jissieltu t-tagħlimiet li
ġejjin: <Ġestjoni
tal-Programm> Wara
r-reviżjoni tal-profil tal-programmi li saru fl-2008, il-Kummissjoni
implimentat struttura internament għall-ġestjoni tal-programmi
fil-fażi attwali tagħhom. Minn dak iż-żmien seta' jsir
progress konsiderevoli, madankollu, il-ġestjoni tal-programm għandha
tiżviluppa biex tippermetti iktar funzjonijiet operazzjonali marbuta
mat-tħaddim tas-sistemi li għandhom jiġu inkorporati. Mill-perspettiva
tal-interazzjoni bejn il-partijiet interessati varji, prinċipalment
l-Aġenzija Spazjali Ewropea u l-Aġenzija tal-GNSS Ewropew,
id-distribuzzjoni ġdida tal-kompetenzi, fejn l-Aġenzija Spazjali
Ewropea saret effettivament aġenzija implimentattiva li taġixxi
f'isem l-UE, qed tagħti riżultati tajbin iżda għandha
tadatta għall-programmi li qed jinbdilu u għall-isfidi futuri
tal-fażi tal-użu. <Kontroll
tal-ispejjeż u l-istrumenti finanzjarji> Galileo
u EGNSO huma proġetti kumplessi. L-iżvilupp tagħhom
iserraħ ħafna fuq it-teknoloġiji ġodda maħsuba
speċjalment għall-bżonnijiet tal-programmi. Għalhekk,
huwa diffiċli li jkun hemm approċċ wieħed
għall-kontroll tal-ispejjeż; diversi fatturi jinfluwenzaw
l-ispejjeż u għadd kbir ħafna ta' riskji jista' jipperikola
l-progress bla tfixkil tal-programmi. Fil-passat,
il-programmi kellhom dewmien u spejjeż mhux ibbaġitjati,
partikolarment minħabba l-eżiġenzi tas-sigurtà mill-Istati
Membri. Kif indikat fil-komunikazzjoni tal-Kummissjoni bit-titlu
"Baġit għall-Istrateġija Ewropa 2020"[37] u kif mitlub mill-Kunsill u
l-Parlament Ewropew, se jinħtieġ li jsiru xi sforzi biex
l-ispejjeż jiġu kkontrollati. Dan il-bżonn ġie tradott fil-qafas tat-tmexxija l-ġdid
u llum il-Kummissjoni diġà qed taġixxi biex iżżomm
ir-riskji u l-ispejjeż ikkontrollati. –
Ir-riskji kollha tal-programmi jiġu ċċentralizzati
f'reġistru li jintegra rispettivament lil dawk marbuta mal-katina
tal-provvista industrijali, l-Aġenzija Spazjali Ewropea, l-Aġenzija
tal-GNSS Ewropew, mal-fatturi esterni bħall-influwenza tal-awtoritajiet
politiċi u tal-eżiġenzi ta' sigurtà, mal-fatturi interni
bħall-organizzazzjoni tal-programmi. Għal kull riskju
ġiet allokata probabbiltà ta' seħħ u livell ta' impatt. Ir-reġistru
tar-riskji jinkludi wkoll lista ta' azzjonijiet bl-għan li jnaqqsu din
il-probabbiltà; –
Il-Kummissjoni qed tistudja wkoll il-possibilità li tfassal mill-ġdid
is-servizz SoL biex tnaqqas l-impatt tiegħu fuq l-ispejjeż globali;
–
Qed taħdem ukoll biex tipprovdi ġestjoni effiċjenti
tal-programmi, u dan għandu jipprevjeni l-iżvijar u l-iżvilupp
ta' skema solida tat-tmexxija għall-futur; Flimkien
mal-Aġenzija Spazjali Ewropea, il-Kummissjoni qed tagħmel pressjoni
fuq l-industrija biex din tikkontrolla l-prezzijiet tal-elementi diffferenti
tal-infrastruttura Galileo; –
Jittieħdu wkoll miżuri supplimentari fil-livell tal-programm biex
jikkontrollaw l-ispejjeż eż. tul ottimizzat tal-kuntratt, akkwist
ġdid għax-xiri tas-satelliti addizjonali, sors doppju
għall-akkwist tal-lanċaturi; –
Fl-aħħar nett, il-Kummissjoni qed taħdem biex ittejjeb
il-kooperazzjoni mal-esperti (indipendenti u tal-Istati Membri) sabiex
janalizzaw ir-rekwiżiti tekniċi tas-sistemi, l-ispejjeż
tagħhom assoċjati u l-alternattivi potenzjali. <Rekwiżiti
tas-sikurezza> Fl-aħħar
nett, fir-rigward tas-sigurtà, wieħed għandu jfakkar li anke jekk
il-Kummissjoni hija responsabbli għall-ġestjoni tas-sigurtà
tas-sistemi f'termini tar-Regolament, il-libertà tagħha f'dan il-qasam
hija ristretta b'żewġ modi: –
L-ewwel nett, fir-realtà huma l-Istati Membri li jistabbilixxu
l-ħtiġijiet fir-rigward tas-sigurtà. It-theddid li jista' jaffettwa
s-sigurtà tal-infrastrutturi sensittivi bħal dawk tan-navigazzjoni
bis-satellita, ivarja l-ħin kollu. It-tfassil tas-sistemi għalhekk
għandu jadatta ruħu b'mod kostanti għall-iżvilupp
tiegħu. L-Istati Membri huma responsabbli biex ikopru parti minn dawn
ir-riskji. -
It-tieni nett, ir-Regolament GNSS (KE) Nru 683/2008 jagħti l-kompitu
ta' akkreditazzjoni tas-sigurtà tas-sistemi lill-Aġenzija tal-UE.
Is-separazzjoni b'dan il-mod tal-funzjonijiet ta' ġestjoni u ta'
akkreditazzjoni hija prattika ta' governanza tajba u hija prattika komuni u
essenzjali għal dan it-tip ta' proġett. Fiż-żewġ
każijiet, l-għażla jew id-deċiżjonijiet meħuda
jistgħu jkollhom impatt konsiderevoli fuq il-kosti u l-iskadenzi
tal-programmi. Jekk
wieħed iqis l-impatt tar-rekwiżiti tas-sigurtà fuq l-ispejjeż u
d-dewmien, il-Kummissjoni tenfasizza l-importanza li jinbidel il-qafas
tat-tmexxija tal-programmi u tingħata iktar responsabbiltà lill-partijiet
interessati (partikolarment il-kuntratturi tagħhom u permezz tat-termini
ġenerali tal-ftehimiet tad-delegazzjoni).
1.5.4.
Koerenza u sinerġija possibbli ma’ strumenti
rilevanti oħra
Huma
possibbli s-sinġeriji ma' programmi eżistenti jew futuri oħra
tal-ispazju, eż. għall-espansjoni tas-segmenti tal-utenti
(applikazzjonijiet għas-suq downstream) jew għall-protezzjoni
tal-elementi tas-sistema stabbiliti fil-programm Galileo fl-ispajzu jew waqt
l-illanċjar. Wieħed
se jipprova jsib sinerġiji ma' direttorati oħra tal-Kummissjoni
Ewropea fil-qasam tar-riċerka u l-innovazzjoni. L-applikazzjonijiet u
t-teknoloġiji bbażati fuq il-GNSS fis-sistemi tan-navigazzjoni
bis-satellita jista' jkollhom impatt f'diversi setturi tal-ekonomija u
tas-soċjetà bħall-informazzjoni, it-trasport u l-enerġija. Huwa
importanti li jiġi żgurat li l-programmi tar-riċerka u
tal-innovazzjoni jkunu kkoordinati fil-livell tal-Kummissjoni sabiex
jittieħed l-aħjar dħul mill-investiment li jsir.
1.6.
It-tul u l-impatt finanzjarju
¨ Proposta/inizjattiva ta’ żmien limitat ¨ Proposta/inizjattiva fis-seħħ minn [] sa [] ¨ L-impatt finanzjarju mill-2014 sa SSSS þ Proposta/inizjattiva ta’ żmien
illimitat[38] –
Implimentazzjoni b'perjodu tal-bidu mill-2008
sal-2020, –
segwita bi skala sħiħa tal-operat.
1.7.
Metodu(i) ta’ ġestjoni previst(i)[39]
þ Ġestjoni diretta ċentralizzata mill-Kummissjoni þ Ġestjoni ċentralizzata mhux
diretta permezz tad-delegazzjoni tal-kompiti ta’
implimentazzjoni lil: –
¨ aġenziji eżekuttivi –
þ korpi stabbiliti mill-Komunitajiet[40]
–
þ korpi mis-settur pubbliku nazzjonali/korpi b’missjoni ta’ servizz
pubbliku[41]
–
þ organizzazzjoni internazzjonali[42]
–
¨ persuni fdati bl-implimentazzjoni ta’ azzjonijiet speċifiċi
skont it-Titolu V tat-Trattat tal-Unjoni Ewropea u identifikati fl-att
bażiku rilevanti fi ħdan it-tifsira tal-Artikolu 49
tar-Regolament Finanzjarju ¨ Ġestjoni konġunta mal-Istati Membri ¨ Ġestjoni deċentralizzata ma’ pajjiżi terzi ¨ Ġestjoni konġunta ma’ organizzazzjonijiet internazzjonali (jekk jogħġbok
speċifika liema) Jekk huwa indikat aktar
minn mod wieħed ta' ġestjoni, jekk jogħġbok ipprovdi
dettalji fit-taqsima "Kummenti". Rimarki Il-qafas
tat-tmexxija attwali ġie maħluq għall-fażijiet
tal-iżvilupp u tal-implimentazzjoni ta' Galileo kif ukoll
tal-esplojtazzjoni inizjali tal-EGNOS jiġifieri
għall-perjodu 2008-2013. Dan il-qafas jeħtieġ jiġi
rivedut filwaqt li jqis il-fatt li l-fażi ta' implimentazzjoni ta' Galileo
se testendi lil hinn mill-2013 u li fl-2014 se tibda fażi ġdida
tal-programm bl-għoti ta' servizzi inizjali. Se jeħtieġ ukoll li
t-tmexxija tal-EGNOS tiġi definita billi s-sistema issa daħlet
fil-fażi operazzjonali. Għall-fażi
tal-użu ta' Galileo, jeħtieġ li jiġi definit qafas ta'
tmexxija stabbli, sostenibbli u fit-tul. Dan għandu jottimizza u
jirrazzjonalizza l-użu tal-istrutturi eżistenti u jiżgura
tranżizzjoni progressiva bejn il-fażi tal-implimentazzjoni u
l-fażi tal-użu u jħares it-tkomplija tas-servizz. It-tmexxija se
tkun adattata wkoll għas-servizzi differenti offruti, billi
l-eżiġenzi tagħhom u l-utenti tagħhom huma differenti. Il-Kummissjoni
Ewropea se tkun prinċipalment inkarigata mis-superviżjoni politika
ġenerali tal-programmi. Din se tkun tista' tiddelega l-attivitajiet
operazzjonali tagħha lill-Aġenzija tal-GNSS Ewropew u
lill-Aġenzija Spazjali Ewropea, skont l-oqsma ta' kompetenza tagħhom. Se jkolha
wkoll il-possibbiltà li tikkonsulta l-esperti u l-aġenziji spazjali
nazzjonali dwar kwistjonijiet tekniċi speċifiċi.
2.
MIŻURI TA’ ĠESTJONI
2.1.
Regoli tal-monitoraġġ u
tar-rappurtar
Speċifika
l-frekwenza u l-kundizzjonijiet. Il-Kummissjoni se tiżgura li l-kuntratti u l-ftehimiet
kollha konklużi fil-qafas tal-programmi GNSS jipprovdu
għas-superviżjoni u l-kontroll finanzjarju. Fil-qafas
tal-mekkaniżmi kollha ta' segwitu u valutazzjoni, se tingħata
attenzjoni partikolari lill-kontroll tal-ispejjeż tal-programmi
fl-għoti tas-servizzi mingħajr dewmien. Skont il-każ, se tintalab l-għajnuna tal-esperti
tekniċi esterni għas-segwitu tal-implimentazzjoni tal-programmi. Fuq
il-bażi tar-riżultati tal-kontrolli fuq il-post, il-Kummissjoni se
tiżgura li, jekk ikun meħtieġ, l-iskala jew il-kundizzjonijiet
tal-allokazzjoni tal-kontribuzzjoni finanzjarja oriġinarjament approvata
kif ukoll l-iskeda ta' żmien għall-ħlasijiet, jiġu
aġġustati. Il-Kummissjoni se tipproponi: - qafas strateġiku li jinkludi l-azzjonijiet
prinċipali, stima tal-baġit u kalendarju neċessarju
għat-twettiq tal-objettivi tal-programmi Galileo u EGNOS qabel
it-30 ta' Ġunju 2014; - programm ta' ħidma annwali li jittraduċi l-qafas
strateġiku f'miżuri u indikaturi dettaljati li għandhom
jiġu proposti fil-15 ta' Diċembru tas-sena ta' qabel; - rapport tal-implimentazzjoni annwali li jevalwa t-twettiq
tal-programm ta' ħidma annwali li għandu jiġi propost qabel il-15 ta' Marzu
tas-sena ta' wara s-sena mogħtija; - valutazzjoni interim tal-programmi Galileo u EGNOS li
jiffoka fuq ir-riżultati kwantitattivi u kwalitattivi miksuba, qabel
it-30 ta' Ġunju 2018, iżda kmien biżżejjed
biex jitħejja l-qafas finanzjarju multiannwali li jkun imiss. Lil hinn minn dawn il-miżuri standard, il-Kummissjoni,
hija u teżerċita s-setgħat ta' superviżjoni politika
tagħha fuq il-programmi Galileo u EGNOS, se ssaħħaħ
il-mekkaniżmi ta' monitoraġġ u valutazzjoni fuq l-entità
tal-ġestjoni tal-programm billi titlob pjanijiet dettaljati annwali u
rapporti tal-implimentazzjoni kif ukoll billi torganizza laqgħat regolari
dwar il-progress tal-programm u twettaq verifiki finanzarji u
teknoloġiċi. Barra minn hekk, il-monitoraġġ tal-programmi
għandu jassoċja lill-Istati Membri pereżempju billi jserraħ
fuq il-kapaċitajiet tekniċi tagħhom fl-għoti ta' input dwar
il-monitoraġġ tekniku tal-programmi u biex jipproponu indikaturi
ewlenin tar-rendiment għall-valutazzjoni tal-programmi. Fl-aħħar nett, fil-qafas tal-ġestjoni ta'
kuljum, il-Kummissjoni se timplimenta mekkaniżmu tal-ġestjoni
tar-riskji u se tuża għodod tal-ġestjoni xierqa sabiex
tikkontrolla l-ispejjeż marbuta mal-programmi fuq il-bażi
tal-aħjar stima tal-ispejjeż, filwaqt li tqis l-esperjenzi tal-passat
u l-implimentazzjoni attwali tas-sistema.
2.2.
Sistema ta’ ġestjoni u kontroll
2.2.1.
Riskju/i identifikat/i
Il-Kummissjoni
tat importanza ewlenija fix-xogħlijiet tagħha lill-kwistjoni
tal-ġestjoni tar-riskji, li l-importanza tagħha ġiet enfasizzata
waqt ir-riforma tal-governanza li saret fl-2007. Ir-riskji kollha tal-programmi
huma ċċentralizzati f'reġistru li jintegra rispettivament lil
dawk marbuta mal-katina tal-provvista industrijali, mal-ESA, mal-Aġenzija
tal-UE, mal-fatturi esterni bħall-influwenza tal-awtoritajiet
politiċi u tal-eżiġenzi ta' sigurtà, mal-fatturi interni
bħall-organizzazzjoni tal-programmi. Għal kull riskju ġiet
allokata probabbiltà ta' seħħ u livell ta' impatt. Ir-reġistru
tar-riskji jinkludi wkoll lista ta' azzjonijiet bl-għan li jnaqqsu din
il-probabbiltà. Ir-riskji huma kklassifikati kif ġej: •
Riskji teknoloġiċi: in-navigazzjoni bis-satellita fil-fatt tuża
teknoloġiji avvanzati li l-validazzjoni tagħhom għad
għandha ssir u li l-ispeċifikazzjonijiet tagħhom
jiżviluppaw il-ħin kollu. •
Riskji industrijali: l-istabbiliment tal-infrastrutturi jimplika bosta atturi
industrijali f'diversi pajjiżi, u huwa importanti li x-xogħol
tagħhom jiġi kkordinat b'mod effikaċi biex dan iwassal għal
sistemi affidabbli u integrati b'mod perfett, b'mod partikolari fir-rigward
tas-sigurtà. •
Riskju tas-suq: wieħed għandu jevita li l-prestazzjonijiet
tekniċi sekondarji għal dawk imħabbra jkollhom impatt negattiv
mal-utenti fid-dinja u li l-infrastruttura għalhekk ma tintużax.
Barra minn hekk, wieħed għandu jiggarantixxi d-disponibbiltà
tar-riċevituri affidabbli mill-2014-15 għas-servizzi diversi inizjali
ta' Galileo, b'mod partikolari dawk tal-PRS. •
Riskju tal-kalendarju: kull dewmien ta' implimentazzjoni tpoġġi
f'periklu l-ambitu ta' opportunità u tkun tista' toħloq kosti żejda. •
Riskju ta' governanza: il-governanza tal-programmi timplika entitajiet diversi
li jaħdmu flimkien u huwa importanti li wieħed jiggarantixxi
stabbiltà u organizzazzjoni adegwati. Minbarra hekk, wieħed għandu
jqis id-differenzi fl-opinjonijiet tal-atturi diversi, u b'mod partikolari
tal-Istati Membri, fuq bosta suġġetti importanti. F'dan il-kuntest,
għandu jiġi previst it-tqassim ta' ċerti riskji, b'mod
partikolari r-riskji finanzjarji u dawk marbuta mas-sigurtà, bejn l-atturi li
l-aktar jistgħu jieħdu l-piż tagħhom. •
Riskju marbut mar-responsabbiltà: bħal kull infrastruttura,
iż-żewġ sistemi Ewropej jistgħu jikkawżaw direttament
jew indirettament ħsara lill-utenti tagħhom jew lil terzi.
Mill-eżami li għamlet il-Kummissjoni jirriżulta li l-istatus
attwali tal-liġi applikabbli ma joffrix qafas legali rilevanti li
jiżgura bilanċ ġust bejn l-interessi tal-vittmi u dawk
tal-proprjetarji u dawk li jħaddmu s-sistemi Ewropej ta' radjunavigazzjoni
bis-satellita. Għalhekk, kemm fuq livell Ewropew kif ukoll fuq skala
dinjija, wieħed għandu jieħu l-inizjattivi xierqa biex
jirrimedja għal din is-sitwazzjoni qabel l-2014. Rigward dan,
il-Kummissjoni qed tkompli twettaq l-istudji xierqa b'konsultazzjoni ma'
awtoritajiet internazzjonali oħra.
2.2.2.
Il-metod(i) ta’ kontroll previst(i)
Il-maġġoranza
tal-fondi jitmexxew indirettament permezz tal-ftehimiet tad-delegazzjoni. Huwa
importanti ħafna li wieħed ikun jaf li l-baġit tal-GNSS
jiġi implimentat permezz tas-sejħiet għall-offerti. Il-metodoloġija
tal-kontroll intern isserraħ fuq il-kontroll ex ante
tal-proċeduri tas-suq (il-valutazzjoni u l-għażla
tal-kuntrattur) kif ukoll fuq il-monitoraġġ tat-tranżazzjonijiet
li jsiru skont il-ftehimiet tad-delegazzjoni u l-pjanijiet tal-ġestjoni
għall-proġetti li jkunu ddefinixxu r-rwoli tal-partijiet kollha
interessati u implimentaw il-proċeduri speċifiċi
għall-flussi tax-xogħol u l-attivitajiet ta' kontroll. B'mod
partikulari, din l-inizjattiva għandha l-għan li: -
Il-parteċipazzjoni f'laqgħat regolari (ta' ġestjoni u
tekniċi) -
Rapporti obbligatorji kull tliet xhur dwar l-istat tal-programm. -
Rapporti obbligatorji kull tliet xhur dwar l-użu tal-fondi Komunitarji
b'indikazzjonijiet ċari dwar l-użu permezz ta' kuntratt iffirmat
mal-partijiet industrijali kif ukoll aġġornament tal-assi vvalutati. Barra
minn hekk, fir-rigward tal-kuntratti, il-metodoloġija tal-kontroll mhux se
tiġi modifikata: hija prinċipalment ibbażata fuq it-twettiq
tal-istadji tekniċi legalment marbuta mal-ħlasijiet tal-kuntratt. Il-kompiti
amministrattivi tal-Kummissjoni jikkonsistu fil-monitoraġġ
tal-ħlasijiet li jsiru mill-aġent delegat lill-industrija permezz
tar-rapporti msemmija qabel. Jinħtieġ tim li jikkonsisti f'mill-inqas
ħames sa għaxar impjegati full-time biex jikkontrolla l-implimentazzjoni
amministrattiva u teknika tal-ftehimiet delegati. Il-Kummissjoni tivverifika li
ma jkunx hemm finanzjament doppju ta' ċerti elementi tal-programm ta'
qafas għar-riċerka u l-innovazzjoni, Orizzont 2020. Barra
minn hekk, kif deskritt fil-paragrafu 1.5.3, il-Kummissjoni żviluppat
reġistru tar-riskji għas-sorveljanza tal-elementi li potenzjalment
jistgħu jinfluwenzaw il-programmi. Barra
minn hekk, kif indikat fl-[Artikolu 29 tar-Regolament], l-entitajiet
inkarigati mill-ġestjoni tal-programmi se jkollhom l-għajnuna teknika
meħtieġa. Minħabba
n-natura teknika u speċjalizzata ħafna tal-programmi GNSS, mhux
mistenni li jkun hemm xi tibdiliet kbar fil-kontrolli implimentati. Nistennew
li r-rata tan-nuqqas ta' konformità tkun ekwivalenti għal dik tal-lum. Fil-fatt,
kull sena isiru xi verifiki ex post biex jiġu vverifikati
t-tranżazzjonijiet tas-sena ta' qabel. Ir-rata tal-iżbalji hija inqas
minn 1 % għall-2009 (aġġustament finanzjarju rakkomandat
bħala % tal-ammont sħiħ imħallas). Se jiġi rikjesti li
din ir-rata titbaxxa fid-dawl tar-rakkomandazzjonijiet mogħtija
lill-aġenzija spazjali Ewropea mill-awdituri. Fid-dawl tan-natura
tal-kuntratti, din ir-rata tista' tiġi estrapolata għall-baġit
sħiħ tal-GNSS.
2.3.
Miżuri għall-prevenzjoni tal-frodi u
tal-irregolaritajiet
Speċifika
l-miżuri ta’ prevenzjoni jew protezzjoni eżistenti jew dawk previsti. Kull
ftehim li jirriżulta minn dan ir-Regolament, inkluż ftehim
konkluż ma' pajjiżi terzi parteċipanti u ma' organizzazzjonijiet
internazzjonali, għandu jipprevedi sorveljanza u kontroll finanzjarju
mill-Kummissjoni, jew minn kwalunkwe rappreżentat awtorizzat minnha, kif
ukoll għal verifiki li jsiru mill-Qorti tal-Awdituri jew l-OLAF, u jekk
ikunu meħtieġa, anke dawk fuq il-post.
3.
STIMA TAL-IMPATT FINANZJARJU TAL-PROPOSTA/TAL-INIZJATTIVA
3.1.
Intestatura/i tal-qafas finanzjarju multiannwali u
l-linja/i tal-baġit tan-nefqa affettwata/i
· Linji baġitarji tan-nefqa eżistenti Fl-ordni
tal-intestaturi tal-qafas finanzjarju multiannwali u l-intestaturi
tal-baġit. Intestatura tal-qafas finanzjarju multiannwali || Linja baġitarja || Tip ta’ nefqa || Kontribuzzjoni || AD/AMD ([43]) || minn pajjiżi tal-EFTA[44] || mill-pajjiżi kandidati[45] || minn pajjiżi terzi[46] || skont it-tifsira tal-Artikolu 18(1)(aa) tar-Regolament Finanzjarju [1] || 02010405 Programmi Ewropej tan-navigazzjoni bis-satellita (EGNOS u Galileo) - Infiq għall-ġestjoni amministrattiva || AMD || IVA || NON || IVA || NON [1] || 020501 Programmi Ewropej tan-navigazzjoni bis-satellita (EGNOS u Galileo) || Diff. || IVA || NON || IVA || NON · Linji baġitarji ġodda mitluba Fl-ordni tal-intestaturi tal-qafas finanzjarju
multiannwali u l-intestaturi tal-baġit. Intestatura tal-qafas finanzjarju multiannwali || Linja baġitarja || Tip ta’ nefqa || Kontribuzzjoni Numru [Intestatura………………………………..] || AD/AMD || minn pajjiżi tal-EFTA || mill-pajjiżi kandidati || minn pajjiżi terzi || fi ħdan it-tifsira tal-Artikolu 18(1)(aa) tar-Regolament Finanzjarju [1] || 020503 Tlestija tal-programmi Ewropej tan-navigazzjoni bis-satellita (EGNOS u Galileo) || Diff. || IVA || NON || IVA || NON
3.2.
Stima tal-impatt fuq in-nefqa
3.2.1.
Sinteżi tal-impatt stmat fuq in-nefqa
EUR miljuni (sa 3 punti deċimali) Intestatura tal-qafas finanzjarju multiannwali: || 1 || Tkabbir Intelliġenti u inklużiv DĠ: Entr || || || Sena 2014 || Sena 2015 || Sena 2016 || Sena 2017 || Sena 2018 || Sena 2019 || Sena 2020 || Sena 2021 || Sena 2022 || Sena 2023 - 2030 || TOTAL Approprjazzjonijiet operazzjonali || || || || || || || || || || || 020501 || Impenji || (1) || 1 163,5 || 1 187,5 || 990,25 || 1 010 || 799,75 || 1 049,5 || 1 668 || 0 || 0 || 0 || 7 868,5 Ħlasijiet || (2) || 1 011,5 || 1 181,5 || 955,25 || 1 011 || 672,75 || 1 010,5 || 898 || 500 || 480 || 148 || 7 868,5 Approprjazzjonijiet ta' natura amministrattiva ffinanzjati mill-pakkett ta’ programmi speċifiċi[47] || || || || || || || || || 02010405 || || (3) || 3,5 || 3,5 || 3,75 || 4 || 4,25 || 4,5 || 5 || 0 || 0 || 0 || 28,5 Approprjazzjonijiet TOTALI Għal DĠ Entr || Impenji || =1+1a +3 || 1 167 || 1 191 || 994 || 1 014 || 804 || 1 054 || 1 673 || 0 || 0 || 0 || 7 897 Ħlasijiet || =2+2a +3 || 1 015 || 1 185 || 959 || 1 015 || 677 || 1 015 || 903 || 500 || 480 || 148 || 7 897 It-TOTAL tal-approprjazzjonijiet operazzjonali || Impenji || (4) || x || || || || || || || Ħlasijiet || (5) || x || || || || || || || TOTAL tal-approprazzjonijiet ta' natura amministrattiva ffinanzjati mill-pakkett għall-programmi speċifiċi || (6) || x || || || || || || || Approprjazzjonijiet TOTALI taħt l-INTESTATURA <….> tal-qafas finanzjarji multiannwali || Impenji || =4+ 6 || x || || || || || || || Ħlasijiet || =5+ 6 || x || || || || || || || Jekk iżjed minn intestatura waħda hija
affettwata mill-proposta / inizjattiva: It-TOTAL tal-approprjazzjonijiet operazzjonali || Impenji || (4) || || || || || || || || Ħlasijiet || (5) || || || || || || || || TOTAL tal-approprazzjonijiet ta' natura amministrattiva ffinanzjati mill-pakkett għall-programmi speċifiċi || (6) || || || || || || || || Approprjazzjonijiet TOTALI relevanti tal-INTESTATURI 1 sa 4 tal-qafas finanzjarji multiannwali (Ammont ta’ referenza) || Impenji || =4+ 6 || || || || || || || || Ħlasijiet || =5+ 6 || || || || || || || || Intestatura tal-qafas finanzjarju multiannwali: || 5 || "Nefqa amministrattiva" EUR miljuni (sa 3 punti deċimali) || || || 2014 || 2015 || 2016 || 2017 || 2018 || 2019 || 2020 || TOTAL DĠ: ENTR || Ir-riżorsi umani || 9,773 || 9,773 || 9,773 || 9,773 || 9,392 || 8,884 || 8,884 || 66,252 Infiq amministrattiv ieħor || 0,850 || 0,850 || 0,850 || 0,850 || 0,850 || 0,850 || 0,850 || 5,950 TOTAL DĠ ENTR || Approprjazzjonijiet || 10,623 || 10,623 || 10,623 || 10,623 || 10,242 || 9,734 || 9,734 || 72,202[48] Approprjazzjonijiet TOTALI għall-INTESTATURA 5 tal-qafas finanzjarji multiannwali || (Impenji totali = Ħlasijiet totali) || 10,623 || 10,623 || 10,623 || 10,623 || 10,242 || 9,734 || 9,734 || 72,202 EUR miljuni (sa 3 punti deċimali) || || || 2014 || 2015 || 2016 || 2017 || 2018 || 2019 || 2020 || 2021 || 2022 || 2023-2030 || TOTAL Approprjazzjonijiet TOTALI relevanti tal-INTESTATURI 1 sa 5 tal-qafas finanzjarji multiannwali || Impenji || 1 177,623 || 1 201,623 || 1 004,623 || 1 024,623 || 814,242 || 1 063,734 || 1 682,734 || 0,000 || 0,000 || 0,000 || 7 969,202 Ħlasijiet || 1 025,623 || 1 195,623 || 969,623 || 1 025,623 || 687,242 || 1 024,734 || 912,734 || 500,000 || 480,000 || 148,000 || 7 969,202
3.2.2.
Impatt stmat fuq l-approprjazzjonijiet
operazzjonali
¨ Il-proposta/l-inizjattiva ma teħtieġx l-użu ta’
approprjazzjonijiet operazzjonali þ Il-proposta/inizjattiva teħtieġ l-użu
tal-approprjazzjonijiet operattivi, kif spjegat hawn taħt: Approprjazzjoni għall-impenji f'miljuni ta' EUR
(sa 3 punti deċimali) Indika l-għanijiet u r-riżultati ò || || || 2014 || 2015 || 2016 || 2017 || 2018 || 2019 || 2020 || TOTAL || RIŻULTATI Tip ta’ riżultati[49] || Tip ta' riżulta || Għadd ta’ riżultati || Spejjeż || Għadd ta’ riżultati || Spejjeż || Għadd ta’ riżultati || Spejjeż || Għadd ta’ riżultati || Spejjeż || Għadd ta’ riżultati || Spejjeż || Għadd ta’ riżultati || Spejjeż || Għadd ta’ riżultati || Spejjeż || Għadd totali || Spejjeż Totali OBJETTIV SPEĊIFIKU Nru 1[50] L-iżvilupp u l-forniment ta' infrastrutturi u servizzi globali tan-navigazzjoni bis-satellita (Galileo) || || || || || || || || || || || || || || || || Galileo || 5 servizzi || Mhux applikabbli || 3 || 930,5 || 3 || 942,5 || 3 || 744,25 || 3 || 763 || 3 || 552,75 || 3/5 || 802,5 || 5 || 1 421 || 5 || 6 156,5 Sottototal għall-objettiv speċifiku Nru 1 || || 930,5 || || 942,5 || || 744,25 || || 763 || || 552,75 || || 802,5 || || 1 421 || || 6 156,5 OBJETTIV SPEĊIFIKU Nru 2[51] Il-forniment tas-servizzi satellitari għat-titjib tar-rendiment tal-GPS fl-Ewropa (EGNOS) || || || || || || || || || || || || || || || || EGNOS || 3 servizzi || Mhux applikabbli || 3 || 233 || 3 || 245 || 3 || 246 || 3 || 247 || 3 || 247 || 3 || 247 || 3 || 247 || 3 || 1 712 Sottototal għall-objettiv speċifiku Nru 2 || || 233 || || 245 || || 246 || || 247 || || 247 || || 247 || || 247 || || 1 712 IL-KOST TOTALI || Mhux applikabbli || 1 163,5 || Mhux applikabbli || 1 187,5 || Mhux applikabbli || 990,25 || Mhux applikabbli || 1 010 || Mhux applikabbli || 799,75 || Mhux applikabbli || 1 049,5 || Mhux applikabbli || 1 668 || Mhux applikabbli || 7 868,5
3.2.3.
Impatt stmat fuq approprjazzjonijiet ta’ natura
amministrattiva
3.2.3.1.
Sommarju
¨ Il-proposta/l-inizjattiva ma teħtieġx l-użu ta’
approprjazzjonijiet amministrattivi þ Il-proposta/inizjattiva teħtieġ l-użu ta’
approprjazzjonijiet amministrattivi, kif spjegat hawn taħt: EUR miljuni (sa
3 punti deċimali) || 2014 || 2015 || 2016 || 2017 || 2018 || 2019 || 2020 || TOTAL INTESTATURA 5 tal-qafas finanzjarji multiannwali || || || || || || || || Ir-riżorsi umani || 9,773 || 9,773 || 9,773 || 9,773 || 9,392 || 8,884 || 8,884 || 66,252 Infiq amministrattiv ieħor || 0,850 || 0,850 || 0,850 || 0,850 || 0,850 || 0,850 || 0,850 || 5,950 Sottototal INTESTATURA 5 tal-qafas finanzjarji multiannwali || 10,623 || 10,623 || 10,623 || 10,623 || 10,242 || 9,734 || 9,734 || 72,202 Barra mill-intestatura 5[52] tal-qafas multiannwali || || || || || || || || Ir-riżorsi umani || 0 || 0 || 0 || 0 || 0 || 0 || 0 || 0 Spejjeż oħra ta’ natura amministrattiva || 0 || 0 || 0 || 0 || 0 || 0 || 0 || 0 Subtotal barra l-INTESTATURA 5 tal-qafas finanzjarji multiannwali || 0 || 0 || 0 || 0 || 0 || 0 || 0 || 0 TOTAL || 10,623 || 10,623 || 10,623 || 10,623 || 10,242 || 9,734 || 9,734 || 72,202
3.2.3.2.
Ir-rekwiżiti stmati ta’ riżorsi umani
¨ Il-proposta/l-inizjattiva ma teħtieġx l-użu ta’
riżorsi umani þ Il-proposta/inizjattiva teħtieġ l-użu ta’
riżorsi umani, kif spjegat hawn taħt: L-istima għandha tiġi espressa
f’ammonti sħaħ (jew l-aktar sa punt deċimali wieħed) || 2014 || 2015 || 2016 || 2017 || 2018 || 2019 || 2020 Karigi previsti fil-pjan ta’ twaqqif (uffiċjali u aġenti temporanji) 02 01 01 01 ( Kwartieri Ġenerali u l-Uffiċċji ta’ Rappreżentanza tal-Kummissjoni) || 63 || 63 || 63 || 63 || 60 || 56 || 56 02 01 01 02 (Delegazzjonijiet) || 0 || 0 || 0 || 0 || 0 || 0 || 0 02 01 05 01 (Riċerka indiretta) || 0 || 0 || 0 || 0 || 0 || 0 || 0 10 01 05 01 (Riċerka diretta) || 0 || 0 || 0 || 0 || 0 || 0 || 0 Persunal estern (Ekwivalenti għal Full-Time: FTP[53] 02 01 02 01 (CA, INT, SNE mill-"pakkett globali") || 26 || 26 || 26 || 26 || 26 || 26 || 26 02 01 02 02 (CA, INT, JED, LA u SNE fid-delegazzjonijiet) || 0 || 0 || 0 || 0 || 0 || 0 || 0 02 01 04 aa [54] || - fil-Kwartieri ġenerali[55] || 0 || 0 || 0 || 0 || 0 || 0 || 0 - fid-delegazzjonijiet || 0 || 0 || 0 || 0 || 0 || 0 || 0 02 01 05 02 (AK, ENS, INT għar-Riċerka indiretta) || 0 || 0 || 0 || 0 || 0 || 0 || 0 10 01 05 02 (CA, INT, SNE - Riċerka diretta) || 0 || 0 || 0 || 0 || 0 || 0 || 0 Linji tal-baġit oħrajn (speċifika) || Mhux applikabbli || Mhux applikabbli || Mhux applikabbli || Mhux applikabbli || Mhux applikabbli || Mhux applikabbli || Mhux applikabbli TOTAL || 89 || 89 || 89 || 89 || 86 || 82 || 82 XX hija l-qasam tal-politika jew it-titolu
tal-baġit ikkonċernat. Deskrizzjoni
tal-kompiti li għandhom jitwettqu: Ir-riżorsi
umani meħtieġa se jiġu koperti permezz tal-persunal mid-DĠ
li diġà huwa assenjat għall-ġestjoni tal-azzjoni u/jew ġie
allokat mill-ġdid fi ħdan id-DĠ, flimkien, jekk dan ikun
meħtieġ, ma’ kwalunkwe allokazzjoni addizzjonali li tista’
tingħata lid-DĠ maniġerjali skont il-proċedura annwali ta’
allokazzjoni u fid-dawl tal-limiti tal-baġit eżistenti. Id-DĠ
ENTR jipprevedi proċess ta' esternalizzazzjoni parzjali lil aġenzija
eżistenti. L-ammonti u l-allokazzjonijiet se jiġu aġġustati
jekk ikun hemm bżonn skont ir-riżultati tal-proċess
tal-esternalizzazzjoni. Uffiċjali u aġenti temporanji || - Superviżjoni tal-implimentazzjoni tal-programmi Ewropewj tal-GNSS bil-għan li jkun hemm implimentazzjoni u esplojtazzjoni effikaċi u koerenti ta' ENGOS u Galileo; - L-għoti ta' analiżi ġuridika u regolamentarja b'appoġġ għall-proċess tat-tfassil tal-politika; - L-iżgurar tal-konformità tas-soluzzjonijiet proposti mar-regoli applikabbli; - Il-garanzija ta' ġestjoni finanzjarja tajba; - It-twettiq tal-attivitajiet rikjesti għall-iżgurar tal-kontroll effikaċi tal-ispejjeż; - Il-ġestjoni tal-attivitajiet marbuta mal-kooperazzjoni internazzjonali Persunal estern || Appoġġ tal-kompiti deskritti hawn fuq
3.2.4.
Kompatibbiltà mal-qafas finanzjarju
multiannwali preżenti
þ Il-proposta/l-inizjattiva hi kompatibbli mal-qafas finanzjarju
multiannwali 2014 – 2020, skont il-Komunikazzjoni tal-Kummissjoni
COM(2011)500 tad-29 ta' Ġunju 2011. ¨ Il-proposta/inizjattiva se tinvolvi l-ipprogrammar
mill-ġdid tal-intestatura rilevanti fil-qafas finanzjarju multiannwali. Spjega xi programmar mill-ġdid huwa
meħtieġ, u speċifika l-linji tal-baġit ikkonċernati u
l-ammonti korrispondenti. –
¨ Il-proposta/inizjattiva teħtieġ l-applikazzjoni
tal-istrument tal-flessibilità jew ir-reviżjoni tal-qafas finanzjarju
multiannwali[56]. Spjega x’inhu meħtieġ, u speċifika
l-intestaturi u l-linji tal-baġit ikkonċernati u l-ammonti
korrispondenti.
3.2.5.
Il-parteċipazzjoni ta’ partijiet terzi
fil-finanzjament
–
¨ Il-proposta/inizjattiva ma tipprevedix il-kofinanzjament minn
partijiet terzi –
þ Il-proposta/inizjattiva tipprovdi l-kofinanzjament stmat hawn
taħt: Bħalissa qed isiru xi negozjati
mal-Isvizzera u n-Norveġja, iżda għadu ma ntlaħaqx ftehim
formali u mhux se jintlaħaq fi żmien qasir. Għalhekk, f'dan
l-istadju ma setgħet titqies ebda kontribuzzjoni ta' partijiet terzi.
Jeħtieġ jiġi enfasizzat li dawn il-pajjiżi mhux se
jikkofinanzjaw il-programmi GNSS direttament (u għalhekk mhux se jkun hemm
approprjazzjonijiet addizzjonali minn dħul assenjat mill-baġit
tal-Unjoni), iżda se jagħtu kontribuzzjoni esterna. Approprjazzjonijiet f’miljuni ta’ EUR (sa 3 punti
deċimali) || 2014 || 2015 || 2016 || 2017 || 2018 || 2019 || 2020 || Totali Speċifika l-entità ta' kofinanzjament || || || || || || || || Approprjazzjonijiet kofinanzjati TOTALI || || || || || || || ||
3.3.
L-impatt stmat fuq id-dħul
–
¨ Il-proposta/inizjattiva ma għandhiex impatt finanzjarju fuq
id-dħul. Mhux mistenni dħul finanzjarju qabel
it-tlestija tal-kostellazzjoni billi r-rendiment tas-servizzi inizjali offruti
mhux se jkunu konformi mal-istennijiet tal-utenti potenzjali qabel
l-implimentazzjoni sħiħa tal-infrastrutturi. Sa dak iż-żmien, il-mod
tal-ġestjoni tal-miżati se jkun ġie analizzat sabiex tiġi
definita l-entità (privata jew pubblika) li se tiġbor id-dħul,
it-tipi eżatti ta' dħul u l-ammont ta' dan id-dħul potenzjali. –
þ Il-proposta/l-inizjattiva għandha l-impatt finanzjarju li
ġej: –
¨ fuq ir-riżorsi proprja –
þ fuq dħul varju EUR miljuni (sa 3 punti deċimali) Linja baġitarja tad-dħul: || Approprazzjonijiet disponibbli għas-sena baġitarja li għaddejja bħalissa || Impatt tal-proposta/inizjattiva[57] 2014 || 2015 || 2016 || 2017 || 2018 || 2019 || 2020 || || p.m. || p.m. || p.m. || p.m. || p.m. || p.m. || p.m. Għal dħul varju assenjat, speċifika l-linja/i tan-nefqa tal-baġit
affettwat(i). Speċifika l-metodu għall-kalkolu
tal-impatt fuq id-dħul. [1] ĠU L 196, 24.7.2008, p. 1. [2] COM (2011) 5 finali [3] COM (2011) 500 finali Komunikazzjoni
mill-Kummissjoni lill-Parlament Ewropew, lill-Kunsill, lill-Kumitat Ekonomiku u
Soċjali Ewropew u lill-Kumitat tar-Reġjuni: Baġit
għall-Ewropa 2020; [4] COM (2011) 398 finali Proposta għal Regolament
tal-Kunsill li jistabbilixxi l-qafas finanzjarju multiannwali għas-snin
2014-2020 [5] COM(2010) 308 [6] ĠU L 246, 20.7.2004, p. 30. [7] ĠU C , , p. . [8] ĠU C , , p. . [9] COM(2010) 614 finali/2 [10] COM(2011) 152 [11] ĠU L 248, 16.9.2002,
p. 1. [12] COM(2011) 398 finali. [13] COM(2011) 500 finali. [14] ĠU L 276, 20.10.2010,
p. 1. [15] ĠU L 246, 20.7.2004, p. 30. [16] ĠU L 201, 3.8.2010,
p. 30. [17] ĠU L 55, 28.2.2011,
p. 13. [18] ĠU L 196, 24.7.2008,
p. 1 [19] ĠU L 138, 28.5.2002,
p. 1. [20] ĠU L 287, 04.11.2011, p. 1. [21] ĠU L317, 03.12.2001, p. 1. [22] ĠU L 141, 27.05.2011, p. 17. [23] ĠU C 304, 15.10.2011, p. 7. [24] ĠU L 345, 23.12.2008,
p. 75. . [25] ĠU L 8, 12.1.2001, p. 1. [26] ĠU L 281, 23.11.1995, p. 31. [27] ĠU L 292, 15.11.1996, p. 2. [28] ĠU L 196, 24.7.2008, p. 1. [29] ABM: ġestjoni bbażata fuq l-attivitajiet
(Activity-Based Management) – ABB: baġit ibbażat fuq l-attivitajiet
(Activity-Based Budgeting). [30] Kif imsemmi fl-Artikolu 49(6)(a) jew (b) tar-Regolament
Finanzjarju. [31] Iż-żona Ewropea tas-sistema EGNOS hija
ż-żona magħmula mill-44 Stat Membru tal-Konferenza Ewropea
tal-Avjazzjoni Ċivili. [32] Dokument
li jiddefinixxi s-servizz miftuħ ta’ EGNOS:
http://ec.europa.eu/enterprise/policies/satnav/egnos/files/brochures-leaflets/egnos-os-sdd_en.pdf [33] Studju dwar l-impatt tat-telf tas-sinjali tal-GPS fuq
is-servizzi kummerċjali u domestiċi fir-Renju Unit (2001): http://www.ofcom.org.uk/static/archive/ra/topics/research/topics/other/gpsreport/gps-report.pdf [34] Reżoluzzjoni tal-Kunsill dwar il-kontribuzzjoni
Ewropea għall-implimentazzjoni ta' sistema globali tan-navigazzjoni
bis-satellita (GNSS) tad-19 ta' Diċembru 1994. [35] Ftehim internazzjonali ta' Ġunju 2004 dwar
il-promozzjoni, il-forniment u l-użu tas-sistemi tan-navigazzjoni
bis-satellita ta' Galileo u tal-GPS u l-applikazzjonijiet konnessi. [36] COM(2011) 5 finali. [37] COM(2011) 500 finali. [38] Il-programm Galileo huwa mibni madwar erba'
fażijiet: id-definizzjoni, l-iżvilupp, l-implimentazzjoni u
l-użu. Il-fażi tal-implimentazzjoni se tispiċċa fl-2019.
Il-fażi tal-użu komplut se tibda mill-2020 u lil hinn, l-użu
tas-sistema u t-tiġdid tal-konstellazzjoni se jsiru maż-żmien
sabiex ma jkunx hemm interruzzjoni tas-servizzi. [39] Id-dettalji dwar il-modi ta’ ġestjoni u
r-referenzi għar-Regolament Finanzjarju jistgħu jinstabu fuq is-sit
tal-BudgWeb: http://www.cc.cec/budg/man/budgmanag/budgmanag_en.html [40] Kif imsemmi fl-Artikolu 185 tar-Regolament
Finanzjarju. L-Aġenzija tal-GNSS Ewropea se tkun assoċjata
mat-tmexxija tal-programmi GNSS. [41] L-aġenziji spazjali nazzjonali tal-Ewropa. [42] AES (Aġenzija Ewropea tal-Ispażju) [43] Diff:- Approprjazzjonijiet differenzjati/Mhux Diff:-
Approprjazzjonijiet mhux differenzjati [44] EFTA: Żona Ewropea ta' Kummerċ Ħieles.
Għaddejjin negozjati man-Norveġa biex din tieħu sehem
fil-baġit 2014-2020. [45] Il-pajjiżi kandidati u, fejn applikabbli,
pajjiżi potenzjalment kandidati mill-Balkani tal-Punent. [46] Bħalissa għaddejjin negozjat mal-Isvizzera
biex din tipparteċiġa fil-baġit tal-2014-2020. [47] L-assistenza u n-nefqa teknika u/jew amministrattiva
bħala appoġġ għall-implimentazzjoni tal-programmi tal-UE
u/jew l-azzjonijiet (eks linji "BA"). [48] It-tnaqqIs tar-riżorsi umani marbut direttament
mat-tmexxija l-ġdida u t-tqassim tal-kompiti marbuta
mal-użu tas-sistemi lill-Aġenzija tal-GNSS Ewropew se jiġi
ppreżentat fid-dettall meta jiġi rivedut
ir-Regolament 912 tal-Aġenzija. Huwa
previst li l-għarfien tekniku espert li attwalment
jingħata mill-Kummissjoni se jiġi ttrasferit lill-Aġenzija
sal-punt meħtieġ biex twettaq il-kompiti assenjati lilha. [49] Ir-riżultati huma prodotti u servizzi li
għandhom ikunu fornuti (pereżempju: numru ta’ skambji ta’ studenti
ffinanzjati, numru ta’ km ta’ toroq mibnija, eċċ.). [50] Kif deskritt fit-Taqsima 1.4.2. “Obettiv(i)
speċifiku(ċi)…” [51] Kif deskritt fit-Taqsima 1.4.2. “Objettiv(i)
speċifiku(ċi)…” [52] L-assistenza u n-nefqa teknika u/jew amministrattiva
bħala appoġġ għall-implimentazzjoni tal-programmi tal-UE
u/jew l-azzjonijiet (eks linji "BA"), ir-riċerka indiretta,
ir-riċerka diretta. [53] CA= Aġent Kuntrattwali; INT= persunal ta’
aġenzija ("Intérimaire"); JED= Esperti
Żgħażagħ fid-Delegazzjoni ("Jeune Expert en
Délégation"); LA= Aġent Lokali; SNE= Espert Nazzjonali Sekondat; [54] Taħt il-limitu massimu għall-persunal estern
minn approprjazzjonijiet operazzjonali (eks linji “BA”). [55] Essenzjalment għall-Fondi Strutturali, il-Fond
Agrikolu Ewropew għall-Iżvilupp Rurali (FAEŻR ) u l-Fond Ewropew
għas-Sajd (FES). [56] Ara l-punti 19 u 24 tal-ftehim Interistituzzjonali. [57] Fir-rigward ta’ riżorsi proprji tradizzjonali
(dazji doganali, imposti fuq iz-zokkor), l-ammonti indikati għandhom ikunu
ammonti netti, jiġifieri ammonti gross wara tnaqqis ta’ 25% għal
spejjeż ta’ ġbir.