Proposta għal REGOLAMENT TAL-PARLAMENT EWROPEW U TAL-KUNSILL dwar soluzzjoni onlajn għat-tilwim, għat-tilwim tal-konsumaturi (Regolament dwar l-ODR tal-konsumaturi) /* KUMM/2011/0794 finali - 2011/0374 (COD) */
MEMORANDUM TA’ SPJEGAZZJONI
1.
Kuntest tal-Proposta
Din il-proposta, flimkien mal-proposta
għal Direttiva dwar is-Soluzzjoni alternattiva għat-tilwim,
għat-tilwim tal-konsumaturi ("id-Direttiva dwar l-ADR
tal-konsumaturi"), għandha titqies fil-kuntest tal-isforzi sabiex
jitjieb il-funzjonament tas-Suq Intern bl-imnut, b'mod partikolari billi
jissaħħu r-rimedji tal-konsumaturi marbuta ma' tranżazzjonijiet
tal-kummerċ elettroniku transkonfinali. Bħalissa, l-offerta ta' skemi tal-ADR
biex isolvu t-tilwim tal-konsumaturi relatat ma' tranżazzjonijiet
tal-kummerċ elettroniku hija mifruxa u inkompluta. Barra minn hekk,
filwaqt li nofs l-iskemi tal-ADR eżistenti joffru lill-konsumaturi
l-possibbiltà li jressqu l-ilment tagħhom onlajn, ftit ħafna joffru
lill-konsumaturi l-possibbiltà li jmexxu l-proċedura sħiħa
onlajn (permezz ta' soluzzjoni onlajn għat-tilwim - ODR)[1]. L-immaniġġjar
tal-proċess sħiħ onlajn jista' jiffranka l-ħin u
jiffaċilita l-komunikazzjoni bejn il-partijiet. Bl-iżvilupp
tal-kummerċ elettroniku, l-ambitu u d-daqs tas-swieq li fihom joperaw
in-negozji u l-konsumaturi kibru b'mod sinifikanti u jmorru lil hinn
mill-fruntieri nazzjonali. Il-konsumaturi kif
ukoll in-negozjanti, madankollu, iqisu t-tranżazzjonijiet transkonfinali
permezz tal-kummerċ elettroniku bħala riskju għaliex
jibżgħu li t-tilwim rilevanti jista' jkun li ma jiġix solvut
faċilment minħabba l-karattru virtwali tat-tranżazzjoni. In-nuqqas ta' rimedju effettiv
għall-ilmenti li jirriżultaw minn tranżazzjonijiet
transkonfinali onlajn għandu konsegwenzi ħżiena kemm
għall-konsumaturi kif ukoll għan-negozji. Il-konsumaturi jkunu qed
jitilfu jekk ma jkunux jistgħu jixtru onlajn bejn il-fruntieri;
għalhekk jitilfu l-opportunità li jqabblu l-prezzijiet tal-prodotti fis-suq
aktar wiesa' tal-UE u li jixtruhom fejn ikunu l-irħas. In-negozji, b'mod
partikolari l-impriżi żgħar u medji, mhumiex
imħeġġa li jixtru l-kapaċità amministrattiva
meħtieġa biex jindirizzaw it-tilwim mal-konsumaturi li joqgħodu
fi Stat Membru ieħor. Dan jostakola l-iżvilupp tas-Suq Intern
diġitali. L-inizjattiva ewlenija Ewropa 2020
"Aġenda Diġitali għall-Ewropa"[2] ħabbret strateġija
tal-UE biex jittejbu s-sistemi tal-ADR, u tindika li l-Kummissjoni se "tipproponi
għodda online għal madwar l-UE ta' tiftix ta' rimedju
għall-Kummerċ-e" biex issaħħaħ
il-fiduċja tal-konsumaturi u tan-negozji fis-suq diġitali. Fost
il-prijoritajiet ewlenin tiegħu, l-Att dwar is-Suq Uniku tal-2011[3] inkluda l-istabbiliment ta'
"mezzi ta’ rikors straġudizzjarji kapaċi li jiggarantixxu
soluzzjoni faċli, rapida u rħisa għall-konsumaturi, u li
kapaċi tippreserva r-relazzjonijiet tal-intrapriżi mal-klijentela
tagħhom. Din l-azzjoni se tinkludi d-dimensjoni tal-kummerċ
online". Fid-dawl tal-problemi identifikati,
ir-Regolament propost għandu l-għan li jistabbilixxi sistema tal-ODR
madwar l-UE li tiffaċilita r-riżoluzzjoni tat-tilwim relatat
mal-bejgħ transkonfinali onlajn ta' oġġetti jew il-provvista
transkonfinali onlajn ta' servizzi bejn negozjant u konsumatur.
2.
riżultati ta' Konsultazzjonijiet mal-Partijiet
interessati u l-Valutazzjoni tal-Impatt
2.1.
Ġbir tal-għarfien espert u konsultazzjoni
mal-partijiet interessati
Bosta studji mwettqa mill-Kummissjoni dwar
l-ADR tal-konsumaturi indirizzaw kwistjonijiet marbuta mal-għodda
għas-soluzzjoni tat-tilwim onlajn. Dawn jinkludu "L-Istudju dwar
l-Użu tas-Soluzzjoni alternattiva għat-tilwim fl-Unjoni Ewropea"
tal-2009 li wettaq analiżi fid-dettall tal-iskemi tal-ADR eżistenti u
l-funzjonament tagħhom fl-Istati Membri kollha, l-istudju dwar ir-rimedju
għall-konsumaturi fl-UE[4],
il-"Valutazzjoni tal-ispejjeż tal-konformità inklużi
l-ispejjeż/piżijiet amministrattivi fuq in-negozji marbuta
mal-użu ta' Soluzzjoni alternattiva għat-tilwim (ADR)"
(2011) u l-istudju dwar "L-ADR transkonfinali fl-Unjoni Ewropea"
(2011). Il-konsultazzjoni
pubblika dwar l-użu tal-ADR li tniedet f'Jannar 2011 indirizzat ukoll
kwistjonijiet relatati mal-ODR u kif l-aħjar li jiġi żgurat
rimedju għall-konsumaturi fit-tranżazzjonijiet transkonfinali permezz
tal-kummerċ elettroniku[5].
Kien hemm ammont ta' appoġġ kbir għall-ħtieġa li
jittejbu l-għodda tal-ODR, b'mod partikolari
għat-tranżazzjonijiet tal-kummerċ elettroniku, fejn hemm
għadd ta' ilmenti dejjem jiżdied speċjalment għal
każijiet ta' valur baxx. B'mod partikolari, ġiet enfasizzata
l-ħtieġa li tiġi indirizzata l-kwistjoni tal-lingwa u biex
tiġi pprovduta informazzjoni xierqa lill-partijiet dwar il-proċess u
r-riżultat tiegħu. Maġġoranza kbira ta' dawk li wieġbu
ġibdu l-attenzjoni lejn il-ħtieġa li wieħed jibni fuq
esperjenzi pożittivi li jeżistu f'setturi speċifiċi. Id-dibattitu li sar fis-summit dwar
"is-Soluzzjoni alternattiva għat-tilwim għas-Suq Intern u
għall-konsumaturi" li kien organizzat b'mod konġunt mis-servizzi
tal-Kummissjoni u l-Parlament Ewropew f'Marzu 2011, wera appoġġ
ġenerali għall-iżvilupp tal-għodda tal-ODR għat-tilwim
tal-konsumaturi permezz tal-azzjoni tal-UE biex tiġi provduta ċarezza
dwar il-kundizzjonijiet u sabiex jiġu żgurati skemi tal-ADR ta'
kwalità għolja għall-kummerċ elettroniku fis-setturi kollha.
Il-grupp ta' ħidma dwar "L-ADR: kif tista' taħdem
aħjar?", organizzat fi ħdan is-Summit Ewropew dwar il-Konsumatur
ta' April 2011[6],
indirizza kwistjonijiet marbuta mas-soluzzjoni onlajn għat-tilwim. Fl-aħħar nett, il-Kontrollur Ewropew
għall-Protezzjoni tad-Dejta (KEPD) ġie kkonsultat ukoll.
2.2.
Valutazzjoni tal-impatt
Il-Kummissjoni wettqet valutazzjoni dettaljata
tal-impatt (VI), filwaqt li analizzat medda ta' għażliet ta' politiki
kemm għall-"Kopertura, l-informazzjoni u l-kwalità tal-ADR"
kif ukoll "l-ODR għat-tranżazzjonijiet transkonfinali
tal-kummerċ elettroniku". Il-VA kkonkludiet
li għaqda ta' żewġ strumenti fuq l-ADR u l-ODR biss tista'
tiżgura aċċess għal mezzi imparzjali, trasparenti u
effettivi biex jiġi solvut it-tilwim tal-konsumaturi marbut ma'
tranżazzjonijiet transkonfinali tal-kummerċ elettroniku b'mod
extra-ġudizzjarju. B'mod partikolari, se jkun hemm Regolament li
jistabbilixxi sistema tal-ODR madwar l-UE kollha, li tista' tindirizza b'mod
effettiv it-tilwim relatat ma' tranżazzjonijiet transkonfinali tal-kummerċ
elettroniku fuq il-bażi ta' kopertura sħiħa ta' skemi tal-ADR
ta' kwalità li għandhom jinkisbu skont id-Direttiva dwar l-ADR
tal-konsumaturi.
3.
Elementi legali tal-Proposta
3.1.
Il-funzjonament tas-sistema tas-soluzzjoni onlajn
għat-tilwim madwar l-UE kollha
3.1.1.
Stabbiliment tas-Sistema Ewropea ta' soluzzjoni
onlajn għat-tilwim
Din il-proposta għandha l-għan li
tistabbilixxi pjattaforma Ewropea ta' soluzzjoni onlajn għat-tilwim
("Pjattaforma tal-ODR"). Din il-pjattaforma tal-ODR tieħu
l-għamla ta' websajt interattiv li joffri punt ta' dħul wieħed
lill-konsumaturi u lin-negozjanti li qed jipprovaw isolvu tilwim b'mod
extra-ġudizzjarju li jkun inqala' minn tranżazzjoni transkonfinali
tal-kummerċ elettroniku. Il-pjattaforma hija disponibbli fil-lingwi
uffiċjali kollha tal-UE u l-użu tagħha huwa bla ħlas.
L-iskemi tal-ADR stabbiliti fl-Istati Membri li ġew notifikati
lill-Kummissjoni skont id-"Direttiva dwar l-ADR tal-konsumaturi" se
jiġu rreġistrati b'mod elettroniku mal-pjattaforma tal-ODR. Il-konsumaturi u n-negozjanti se jkunu
jistgħu jressqu l-ilmenti tagħhom permezz ta' formola tal-ilmenti
elettronika li se tkun disponibbli fuq il-websajt tal-pjattaforma fil-lingwi
uffiċjali kollha tal-UE. Il-pjattaforma tivverifika jekk ilment ikunx
jista' jiġi pproċessat u tikseb il-qbil tal-partijiet biex iressquh
lill-iskema tal-ADR li hija kompetenti biex tindirizza t-tilwim. L-iskema
tal-ADR kompetenti mbagħad tfittex is-soluzzjoni tat-tilwim skont
ir-regoli tagħha ta' proċedura fi żmien 30 jum mid-data li
fiha jkun wasal l-ilment. L-iskema tal-ADR se jkollha tinnotifika
lill-pjattaforma xi dejta relatata mal-iżvilupp tat-tilwim (id-data meta
l-ilment ġie nnotifikat lill-partijiet; id-data meta ġie solvut
it-tilwim; ir-riżultat tat-tilwim). Skont il-proposta, se jiġi stabbilit
netwerk ta' faċilitaturi tas-soluzzjoni onlajn għat-tilwim
("netwerk tal-faċilitaturi tal-ODR") li se jikkonsisti f'punt
ta' kuntatt wieħed għas-soluzzjoni onlajn għat-tilwim f'kull
Stat Membru. In-netwerk tal-faċilitaturi tal-ODR se jipprovdi
appoġġ għas-soluzzjoni ta' tilwim imressqa permezz
tal-pjattaforma tal-ODR.
3.1.2.
Informazzjoni dwar is-sistema tal-ODR madwar l-UE
Din il-proposta tobbliga lin-negozjanti
stabbiliti fi ħdan l-UE li huma involuti fil-kummerċ elettroniku
transkonfinali li jinfurmaw lill-konsumaturi dwar il-pjattaforma tal-ODR. Din
l-informazzjoni għandha tkun aċċessibbli faċilment,
direttament, permanentement u b'mod prominenti fuq il-websajt tan-negozjanti
kif ukoll meta l-konsumatur iressaq ilment lin-negozjant.
3.1.3.
Monitoraġġ
Se jitfassal rapport annwali tal-attività dwar
it-tħaddim tal-pjattaforma. Il-konformità tal-iskemi tal-ADR
mal-obbligazzjonijiet stabbiliti f'dan ir-Regolament se tiġi mmonitorjata
mill-awtoritajiet kompetenti li għandhom jiġu stabbiliti fl-Istati
Membri skont id-Direttiva dwar l-ADR tal-Konsumaturi. Kull tliet snin,
il-Kummissjoni se tippreżenta rapport lill-Parlament Ewropew u
lill-Kunsill dwar l-applikazzjoni tar-Regolament.
3.1.4.
Regoli dwar il-Protezzjoni tad-Dejta
Id-dejta mdaħħla fil-pjattaforma
tal-ODR mill-partijiet u mill-iskemi tal-ADR se tinżamm f'bażi ta'
dejta u se tkun soġġetta għal-leġiżlazzjoni rilevanti
dwar il-protezzjoni tad-dejta.
3.2.
Prinċipju tas-sussidjarjetà
Il-proposta
hija bbażata fuq l-Artikolu 114 tat-Trattat dwar il-Funzjonament
tal-Unjoni Ewropea. L-iżvilupp
ta' sistema tal-ODR madwar l-UE kollha għat-tilwim transkonfinali onlajn,
mibnija fuq skemi tal-ADR eżistenti fl-Istati Membri u li tirrispetta
r-regoli ta' proċedura rispettivi tagħhom, se jsaħħaħ
il-fiduċja fis-Suq Intern diġitali bl-imnut u se joħloq opportunitajiet
ġodda għan-negozji. Minkejja l-livell baxx ta'
tranżazzjonijiet transkonfinali tal-kummerċ elettroniku
bħalissa, hemm suq diġitali bl-imnut li qed jikber malajr fl-Istati
Membri. Għalhekk, l-iżgurar ta' mezzi sempliċi, irħas u
effettivi ta' rimedju extra-ġudizzjarju huwa meħtieġ biex
tissaħħaħ il-fiduċja tal-konsumaturi u n-negozjanti
fit-tranżazzjonijiet transkonfinali onlajn. L-azzjoni f'livell tal-UE hija
meħtieġa sabiex tiġi stabbilita pjattaforma tal-ODR madwar l-UE
li hija għodda essenzjali għall-promozzjoni tal-kummerċ
elettroniku. Huwa wkoll meħtieġ li l-istess livell ta' protezzjoni
jiġi provdut lill-konsumaturi Ewropej u li jiġu promossi
l-prattiċi kompetittivi fost in-negozji, u b'hekk jiżdied l-iskambju
ta' oġġetti u servizzi onlajn u bejn il-fruntieri.
3.3.
Proporzjonalità
Il-proposta hija konformi mal-prinċipju
tal-proporzjonalità għar-raġunijiet li ġejjin: Il-proposta tipprevedi li tistabbilixxi
l-aktar mezzi effettivi sabiex jinkiseb l-għan immirat bl-inqas
spejjeż komprattivi. Minflok tinħoloq struttura kompletament
ġdida fil-livell tal-UE, l-approċċ regolatorju maħsub huwa
bbażat fuq l-iskemi tal-ADR nazzjonali eżistenti li jikkonformaw
mar-rekwiżiti stabbiliti fil-leġiżlazzjoni tal-Unjoni rilevanti. Ir-Regolament propost għalhekk se jiżgura
l-kopertura sħiħa fis-servizzi tal-ADR ta' kwalità għat-tilwim
transkonfinali onlajn filwaqt li l-ispejjeż ta' implimentazzjoni se jkunu
limitati għal dak li żżid il-proposta lill-istrutturi tal-ADR
eżistenti fuq livell nazzjonali. Ir-regoli proposti ġew soġġetti
għal test ta' proporzjonalità u konsulatazzjoni intensiva sabiex tiġi
żgurata regolamentazzjoni xierqa u proporzjonata.
4.
Implikazzjoni Baġitarja
Din l-azzjoni hija parti mill-programm
tal-Konsumaturi 2014-2020[7]
. L-impatt baġitarju se jiġi indirizzat permezz tal-iskjerament
mill-ġdid għas-snin 2012 u 2013. L-approprjazzjonijiet finanzjarji
għall-implimentazzjoni ta' din il-proposta mill-2012 sal-2020 se jammontaw
għal EUR 4 586 miljun fi prezzijiet kurrenti.
Ir-riżorsi umani meħtieġa se jittieħdu mill-persunal
tad-Direttorat Ġenerali li diġà ngħataw il-kompitu
tal-ġestjoni tal-azzjoni u ġew assenjati mill-ġdid fi ħdan
id-Direttorat Ġenerali, flimkien, jekk meħtieġ, ma' kwalunkwe
allokazzjoni addizzjonali li tista' tingħata lid-Direttorat Ġenerali
ta' ġestjoni fil-proċedura ta' allokazzjoni annwali u fid-dawl
tar-restrizzjonijiet baġitarji. Dikjarazzjoni finanzjarja hija
mehmuża mal-proposta. 2011/0374 (COD) Proposta għal REGOLAMENT TAL-PARLAMENT EWROPEW U
TAL-KUNSILL dwar soluzzjoni onlajn għat-tilwim,
għat-tilwim tal-konsumaturi (Regolament dwar l-ODR tal-konsumaturi) IL-PARLAMENT EWROPEW U L-KUNSILL
TAL-UNJONI EWROPEA, Wara li kkunsidraw it-Trattat dwar
il-Funzjonament tal-Unjoni Ewropea, u b’mod partikolari l-Artikolu 114
tiegħu, Wara li kkunsidraw il-proposta
mill-Kummissjoni Ewropea, Wara li l-abbozz ta’ att leġiżlattiv
intbagħat lill-Parlamenti nazzjonali, Wara li kkunsidraw l-opinjoni tal-Kumitat
Ekonomiku u Soċjali Ewropew[8],
Wara li kkonsultaw mal-Kontrollur Ewropew
għall-Protezzjoni tad-Dejta, Filwaqt li jaġixxu skont
il-proċedura leġiżlattiva ordinarja, Billi: (1)
L-Artikolu 169(1) u l-punt (a)
tal-Artikolu 169(2) tat-Trattat dwar il-Funzjonament tal-Unjoni Ewropea
(TFUE) jipprevedu li l-Unjoni għandha tikkontribwixxi għall-ksib ta'
livell għoli ta' protezzjoni għall-konsumatur permezz tal-miżuri
adottati skont l-Artikolu 114 tiegħu. L-Artikolu 38 tal-Karta
tad-Drittijiet Fundamentali tal-Unjoni Ewropea jipprevedi li l-politiki
tal-Unjoni għandhom jiżguraw livell għoli ta' protezzjoni
għall-konsumatur. (2)
Skont l-Artikolu 26(2) TFUE, is-Suq Intern
għandu jinkludi żona mingħajr fruntieri interni li fiha jkun
żgurat il-moviment liberu tal-oġġetti u s-servizzi. Sabiex
il-konsumaturi jkollhom fiduċja fid-dimensjoni diġitali tas-Suq
Intern u jibbenefikaw minnu, huwa meħtieġ li dawn ikollhom
aċċess għal modi faċli u irħas biex isolvu t-tilwim li
jinqala' mill-bejgħ ta' oġġetti jew mill-provvista ta' servizzi.
Dan huwa partikolarment importanti meta l-konsumaturi jixtru bejn il-fruntieri. (3)
Fl-Att dwar is-Suq Uniku[9] tagħha, il-Kummissjoni
identifikat leġiżlazzjoni dwar is-soluzzjoni alternattiva
għat-tilwim li tinkludi dimensjoni tal-kummerċ elettroniku bħala
wieħed mit-tnax-il xprun biex jitħeġġeġ it-tkabbir u
tissaħħaħ il-fiduċja fis-Suq Uniku. (4)
Il-Kunsill Ewropew stieden lill-Parlament u
lill-Kunsill biex jadottaw, sal-aħħar tal-2012, l-ewwel grupp ta'
miżuri prijoritarji biex jagħtu impuls ġdid lis-Suq Uniku[10]. (5)
Is-Suq Intern huwa realtà għall-konsumaturi
fil-ħajja ta' kuljum tagħhom, meta jivvjaġġaw, jixtru u
jħallsu. Il-konsumaturi huma atturi ewlenin fis-Suq Intern u għalhekk
għandhom ikunu fil-qofol tiegħu. Id-dimensjoni diġitali tas-Suq
Intern qed isir essenzjali kemm għall-konsumaturi kif ukoll
għan-negozjanti. Il-konsumaturi aktar u aktar qed jagħmlu x-xiri
tagħhom bl-internet u għadd dejjem jiżdied ta' negozjanti
jbigħu onlajn. Il-konsumaturi u n-negozjanti għandhom iħossuhom
kunfidenti li jwettqu tranżazzjonijiet f'ambjent diġitali. (6)
Il-fatt li jkunu jistgħu jfittxu soluzzjoni
faċli u rħisa għat-tilwim jista' jsaħħaħ
il-fiduċja tal-konsumaturi u tan-negozjanti fis-suq diġitali.
Madankollu, il-konsumaturi u n-negozjanti xorta għadhom
jiffaċċjaw ostakoli meta jkunu qed ifittxu soluzzjonijiet
extra-ġudizzjarji b'mod partikolari għat-tilwim tagħhom li
jinqala' minn tranżazzjoni transkonfinali onlajn. Għalhekk, tali
tilwim attwalment ta' spiss jibqa' mhux solvut. (7)
Is-soluzzjoni onlajn għat-tilwim toffri
soluzzjoni extra-ġudizzjarja sempliċi u rħisa għat-tilwim
li jinqala' minn tranżazzjonijiet transkonfinali onlajn. Madankollu,
attwalment hemm nuqqas ta' mekkaniżmi li jippermettu lill-konsumaturi u
lin-negozjanti jsolvu tali tilwim permezz ta' mezzi elettroniċi. Dan
iwassal għal żvantaġġ għall-konsumaturi, jaġixxi
bħala ostakolu għat-tranżazzjonijiet transkonfinali onlajn,
joħloq sitwazzjoni żbilanċjata għan-negozjanti u
għalhekk ifixkel l-iżvilupp tal-kummerċ elettroniku. (8)
Dan ir-Regolament għandu japplika
għas-soluzzjoni extra-ġudizzjarja tat-tilwim kuntrattwali bejn
il-konsumaturi u n-negozjanti li jinqala' mill-bejgħ onlajn ta'
oġġetti jew mill-provvista ta' servizzi minn negozjanti bejn
il-fruntieri. Ma għandux japplika għat-tilwim bejn il-konsumaturi u
n-negozjanti li jinqala' mill-bejgħ onlajn ta' oġġetti jew
mill-provvista ta' servizzi jekk mill-inqas wieħed minnhom mhuwiex
stabbilit jew ma joqgħodx fi Stat Membru tal-Unjoni meta l-konsumatur
jordna tali oġġetti jew servizzi, jew jekk in-negozjant u
l-konsumatur huma stabbiliti jew joqgħodu fl-istess Stat Membru. (9)
Dan ir-Regolament għandu jkun bla ħsara
għad-Direttiva 2008/52/KE tal-Parlament Ewropew u tal-Kunsill
tal-21 ta' Mejju 2008 dwar ċerti aspetti ta’ medjazzjoni
f’materji ċivili u kummerċjali[11],
ir-Regolament (KE) Nru 44/2001 tal-Kunsill
tat-22 ta' Diċembru 2000 dwar ġurisdizzjoni u
rikonoxximent u eżekuzzjoni ta' sentenzi f'materji ċivili u
kummerċjali[12],
ir-Regolament (KE) Nru 864/2007 tal-Parlament Ewropew u tal-Kunsill
tal-11 ta' Lulju 2007 dwar il-liġi applikabbli
għall-obbligazzjonijiet mhux kuntrattwali (Ruma II)[13] u r-Regolament (KE)
Nru 593/2008 tal-Parlament Ewropew u tal-Kunsill
tas-17 ta' Ġunju 2008 dwar il-liġi applikabbli
għall-obbligazzjonijiet kuntrattwali (Ruma I)[14]. (10)
Id-definizzjoni ta' "konsumatur"
għandha tkopri l-persuni fiżiċi li qed jaġixxu barra
mill-kummerċ, in-negozji, is-sengħa jew il-professjoni tagħhom.
Madankollu, jekk il-kuntratt jiġi konkluż għal skopijiet
parzjalment ġewwa u parzjalment barra mill-kummerċ tal-persuna
(kuntratti bi skop doppju) u l-iskop tal-kummerċ huwa limitat b'tali mod
li ma jkunx predominanti fil-kuntest ġenerali tal-provvista, dik
il-persuna għandha titqies ukoll bħala konsumatur. (11)
Id-definizzjoni ta' "bejgħ onlajn ta'
oġġetti jew provvista ta' servizzi" għandha tkopri
tranżazzjoni għall-bejgħ onlajn ta' oġġetti jew
il-provvista ta' servizzi fejn in-negozjant, jew l-intermedjarju tan-negozjant,
ikun offra oġġetti jew servizzi permezz ta' websajt jew b'mezzi
elettroniċi oħrajn u l-konsumatur ikun ordna tali oġġetti
jew servizzi fuq dik il-websajt jew b'mezzi elettroniċi oħrajn. Dan
għandu wkoll ikopri l-każijiet fejn il-konsumatur ikun
aċċessa l-websajt jew servizz ieħor ta' informazzjoni
tas-soċjetà permezz ta' mezz elettroniku li jista' jinġarr bħal
pereżempju telefown ċellulari. (12)
Dan ir-Regolament ma għandux japplika
għat-tilwim bejn il-konsumaturi u n-negozjanti li jinqala' mill-bejgħ
transkonfinali ta' oġġetti jew mill-provvista ta' servizzi offlajn.
Dan ir-Regolament ma għandux japplika għat-tilwim bejn in-negozjanti. (13)
Dan ir-Regolament għandu jinqara flimkien
mad-Direttiva …./…/UE [Uffiċċju tal-Pubblikazzjonijiet
daħħal in-numru ta' referenza] tal-Parlament Ewropew u
tal-Kunsill tal-[Uffiċċju tal-Pubblikazzjonijiet daħħal
id-data tal-adozzjoni] dwar is-soluzzjoni alternattiva għat-tilwim,
għat-tilwim tal-konsumaturi (id-Direttiva dwar l-ADR tal-konsumaturi)[15] li titlob lill-Istati Membri
jiżguraw li t-tilwim kollu bejn il-konsumaturi u n-negozjanti li
joqgħodu jew li huma stabbiliti fl-Unjoni li jinqala' mill-bejgħ ta'
oġġetti jew mill-provvista ta' servizzi jkun jista' jitressaq lil
entità għas-soluzzjoni alternattiva għat-tilwim. (14)
Dan ir-Regolament għandu l-għan li
joħloq pjattaforma ta' soluzzjoni onlajn għat-tilwim
("ODR") f'livell Ewropew. Il-pjattaforma tal-ODR għandha
tieħu l-għamla ta' websajt interattiv li joffri punt ta' dħul
wieħed lill-konsumaturi u lin-negozjanti li qed jipprovaw isolvu tilwim
b'mod extra-ġudizzjarju li jkun inqala' minn tranżazzjoni
transkonfinali tal-kummerċ elettroniku. Għandha tippermetti
lill-konsumaturi u lin-negozjanti jressqu ilmenti billi jimlew formola
tal-ilmenti elettronika li tkun disponibbli fil-lingwi uffiċjali kollha
tal-Unjoni Ewropea u tressaq l-ilmenti lil entità ta' soluzzjoni alternattiva
għat-tilwim ("ADR") li hija kompetenti biex tindirizza t-tilwim
ikkonċernat. Il-pjattaforma għandha toffri lill-entitajiet tal-ADR u
lill-partijiet il-possibbiltà li l-proċedura tas-soluzzjoni
għat-tilwim titmexxa permezz tal-pjattaforma. (15)
Sistema ta' ODR f'livell Ewropew għandha tibni
fuq entitajiet eżistenti ta' ADR fl-Istati Membri u tirrispetta
t-tradizzjonijiet legali tal-Istati Membri. L-entitajiet tal-ADR li lilhom ikun
tressaq ilment permezz tal-pjattaforma tal-ODR għalhekk għandhom
japplikaw ir-regoli ta' proċedura tagħhom stess, inklużi
r-regoli dwar l-ispiża. Madankollu, dan ir-Regolament huwa maħsub
biex jistabbilixxi xi regoli komuni li jkunu applikabbli għal dawk
il-proċeduri li jissalvagwardjaw l-effikaċja tagħhom. Dawn
għandhom jinkludu regoli li jiżguraw li tali soluzzjoni
għat-tilwim titwettaq malajr. (16)
L-iżgurar li l-entitajiet kollha tal-ADR
innotifikati lill-Kummissjoni skont l-Artikolu 17(2) tad-Direttiva …./…/EU
[= id-Direttiva dwar l-ADR tal-konsumaturi] Uffiċċju
tal-Pubblikazzjonijiet daħħal in-numru ta' referenza] ikunu
konnessi elettronikament mal-pjattaforma Ewropea tal-ODR għandu
jippermetti l-kopertura sħiħa fir-rimedju onlajn
extra-ġudizzjarju għat-tilwim transkonfinali li jinqala'
mill-bejgħ onlajn ta' oġġetti jew mill-provvista ta' servizzi. (17)
Dan ir-Regolament ma jipprojbixxix il-funzjonament
ta' kwalunkwe entità eżistenti ta' soluzzjoni onlajn għat-tilwim li
topera fi ħdan l-Unjoni. Ma għandux jipprojbixxi lill-entitajiet
tal-ADR milli jindirizzaw tilwim transkonfinali onlajn li tressaq lilhom b'mezz
ieħor li mhuwiex il-pjattaforma tal-ODR. (18)
Netwerk ta' faċilitaturi tas-soluzzjoni onlajn
għat-tilwim għandu jipprovdi appoġġ għas-soluzzjoni
tat-tilwim relatat ma' ilmenti li tressqu permezz tal-pjattaforma tal-ODR. Dan
in-netwerk għandu jkun magħmul minn punti ta' kuntatt għall-ODR
fl-Istati Membri li jospitaw faċilitaturi tas-soluzzjoni onlajn
għat-tilwim. (19)
Id-dritt għal rimedju effettiv u d-dritt
għal proċess ġust quddiem il-qorti huma drittijiet fundamentali
garantiti fl-Artikolu 47 tal-Karta tad-Drittijiet Fundamentali tal-Unjoni
Ewropea. Il-proċeduri ta' soluzzjoni onlajn għat-tilwim ma
jistgħux jitfasslu biex jissostitwixxu l-proċeduri fil-qorti u ma
għandhomx iċaħħdu lill-konsumaturi jew lin-negozjanti
mid-drittijiet tagħhom biex ifittxu rimedju quddiem il-qorti.
Għalhekk l-ebda parti minn dan ir-Regolament ma għandha tipprojbixxi
lill-partijiet milli jeżerċitaw id-dritt ta' aċċess
tagħhom għas-sistema ġudizzjarja. (20)
L-ipproċessar tal-informazzjoni skont dan
ir-Regolament għandu jkun soġġett għal garanziji stretti
ta' kunfidenzjalità u għandu jikkonforma mar-regoli dwar il-protezzjoni
tad-dejta personali stabbiliti fid-Direttiva 95/46/KE tal-Parlament Ewropew u
tal-Kunsill tal-24 ta’ Ottubru 1995 dwar il-protezzjoni ta’
individwi fir-rigward tal-ipproċessar ta’ dejta personali u dwar
il-moviment liberu ta’ dik id-dejta[16]
u fir-Regolament (KE) Nru 45/2001 tal-Parlament Ewropew u tal-Kunsill
tat-18 ta' Diċembru 2000 dwar il-protezzjoni ta' individwu
fir-rigward tal-ipproċessar ta' dejta personali mill-istituzzjonijiet u
l-korpi tal-Komunità u dwar il-movement liberu ta' dik id-dejta[17]. Dawn ir-regoli għandhom
japplikaw għall-ipproċessar tad-dejta personali mwettaq skont dan
ir-Regolament mill-atturi varji tal-pjattaforma, jekk jaġixxu
waħedhom jew b'mod konġunt ma' atturi oħrajn tal-pjattaforma. (21)
Is-suġġetti tad-dejta għandhom
jiġu infurmati dwar l-ipproċessar tad-dejta personali tagħhom
fil-pjattaforma tal-ODR, u d-drittijiet tagħhom fir-rigward ta' dak
l-ipproċessar, permezz ta' avviż tal-privatezza komprensiva li
għandu jkun magħmul disponibbli pubblikament mill-Kummissjoni u li
jispjega, b'mod ċar u sempliċi, l-operazzjonijiet
tal-ipproċessar imwettqa taħt ir-responsabbiltà tal-atturi varji
tal-pjattaforma, b'mod konformi mal-Artikoli 11 u 12 tar-Regolament (KE)
Nru 45/2001 u mal-leġiżlazzjoni nazzjonali adottata skont
l-Artikoli 10 u 11 tad-Direttiva 95/46/KE. (22)
In-negozjanti għandhom jinfurmaw
lill-konsumaturi fuq il-websajts tagħhom dwar il-pjattaforma tal-ODR u
jipprovdu link elettroniku għall-homepage tagħha. Għandhom
jipprovdu wkoll tali informazzjoni meta konsumatur iressaq ilment lin-negozjant,
lil sistema għall-immaniġġjar tal-ilmenti tal-konsumaturi
mħaddma min-negozjant jew lil ombudsman tal-kumpanija. Dan l-obbligu
għandu jkun bla ħsara għall-Artikolu 10(1)-(3)
tad-Direttiva .…/…/UE [Uffiċċju tal-Pubblikazzjonijiet
daħħal in-numru ta' referenza] li tikkonċerna l-għotja
ta' informazzjoni lill-konsumaturi min-negozjanti dwar il-proċeduri
tal-ADR li bihom huma koperti dawk in-negozjanti u dwar jekk jimpjenjawx
ruħhom jew le li jużaw il-proċeduri ta' soluzzjoni alternattiva
għat-tilwim biex isolvu t-tilwim mal-konsumaturi. Barra minn hekk, dan
l-obbligu għandu jkun mingħajr ħsara
għall-Artikoli 6(1)(t) u 8 tad-Direttiva 2011/83/UE tal-Parlament
Ewropew u tal-Kunsill tal-25 ta' Ottubru 2011 dwar id-drittijiet
tal-konsumaturi[18].
L-Artikolu 6(1)(t) tad-Direttiva 2011/83/UE jistipula li
għall-kuntratti tal-konsumaturi konklużi mill-bogħod jew barra
l-bini, n-negozjant għandu jgħarraf lill-konsumaturi dwar
il-possibbiltà li jirrikorri għal mekkaniżmu extra-ġudizzjarju tal-ilmenti
u rimedji li jkun soġġett għalih in-negozjant, u l-metodi li
bihom il-konsumatur ikollu aċċess għalihom, qabel ma dan
tal-aħħar ikun marbut bil-kuntratt. (23)
Sabiex jiġu suplimentati jew emendati
ċerti elementi mhux essenzjali ta' dan ir-Regolament, is-setgħa
tal-adozzjoni ta' atti skont l-Artikolu 290 tat-TFUE għandha
tiġi delegata lill-Kummissjoni fir-rigward tat-tip ta' informazzjoni li
ilmentatur għandu jipprovdi fil-formola tal-ilmenti elettronika
magħmula disponibbli fuq il-pjattaforma tal-ODR. Huwa ta' importanza kbira
li l-Kummissjoni twettaq konsultazzjonijiet xierqa matul ix-xogħol ta'
tħejjija tagħha, inkluż f'livell espert. Il-Kummissjoni, meta
tkun qed tħejji u tfassal l-atti delegati, għandha tiżgura
trażmissjoni simultanja, f'waqtha u xierqa tad-dokumenti rilevanti
lill-Parlament Ewropew u lill-Kunsill. (24)
Sabiex jiġu żgurati kundizzjonijiet
uniformi għall-implimentazzjoni ta' dan ir-Regolament, għandhom
jingħataw setgħat ta' implimentazzjoni lill-Kummissjoni fir-rigward
tal-funzjonament tal-pjattaforma tal-ODR, il-modalitajiet għat-tressiq ta'
ilment u l-kooperazzjoni fi ħdan in-netwerk tal-faċilitaturi tal-ODR.
Dawn is-setgħat għandhom ikunu eżerċitati skont
ir-Regolament (UE) Nru 182/2011 tal-Parlament Ewropew u tal-Kunsill
tas-16 ta’ Frar 2011 li jistabbilixxi r-regoli u l-prinċipji
ġenerali dwar il-modalitajiet ta’ kontroll mill-Istati Membri
tal-eżerċizzju mill-Kummissjoni tas-setgħat ta’
implimentazzjoni. Il-proċedura
konsultattiva għandha tintuża għall-adozzjoni ta' atti ta'
implimentazzjoni relatati mal-formola tal-ilmenti elettronika minħabba
n-natura purament teknika tagħha. Il-proċedura
ta' eżami għandha tintuża għall-adozzjoni tar-regoli li
jikkonċernaw il-modalitajiet ta' kooperazzjoni bejn il-faċilitaturi
tal-ODR tan-netwerk ta' faċilitaturi tas-soluzzjoni onlajn għat-tilwim. (25)
Billi l-għanijiet ta' dan ir-Regolament,
jiġifieri li jistabbilixxi pjattaforma Ewropea ta' soluzzjoni onlajn
għat-tilwim għal tilwim transkonfinali onlajn li huma rregolati minn
regoli komuni, minħabba l-iskala u l-effetti tal-azzjoni, ma jistgħux
jinkisbu b'mod suffiċjenti mill-Istati Membri u għalhekk jistgħu
jinkisbu aħjar f'livell tal-Unjoni, l-Unjoni tista' tadotta miżuri
skont il-prinċipju tas-sussidjarjetà kif stabbilit fl-Artikolu 5
tat-Trattat dwar l-Unjoni Ewropea. Skont il-prinċipju tal-proporzjonalità,
kif stabbilit fl-istess Artikolu, dan ir-Regolament ma jmurx lil hinn minn dak
li hu meħtieġ biex jintlaħaq dak l-għan. (26)
Dan ir-Regolament jirrispetta d-drittijiet
fundamentali u josserva l-prinċipji rikonoxxuti b'mod partikolari
mill-Karta tad-Drittijiet Fundamentali tal-Unjoni Ewropea u b'mod
speċifiku l-Artikoli 7, 8, 38 u 47 tagħha, ADOTTAW DAN IR-REGOLAMENT: KAPITOLU I
Dispożizzjonijiet ġenerali Artikolu 1
Suġġett L-iskop ta' dan ir-Regolament huwa li
jikkontribwixxi għall-funzjonament tas-suq intern, u b'mod partikolari
d-dimensjoni diġitali tiegħu, u għall-kisba ta' livell
għoli ta' protezzjoni għall-konsumatur billi jipprovdi pjattaforma li
tiffaċilita s-soluzzjoni extra-ġudizzjarja imparzjali, trasparenti,
effettiva u ġusta għat-tilwim bejn il-konsumaturi u n-negozjanti
onlajn. Artikolu 2
Kamp ta' Applikazzjoni Dan ir-Regolament għandu japplika
għas-soluzzjoni extra-ġudizzjarja ta' tilwim kuntrattwali li jinqala'
mill-bejgħ transkonfinali onlajn ta' oġġetti jew mill-provvista
ta' servizzi bejn il-konsumaturi u n-negozjanti permezz tal-intervent ta'
entità ta' soluzzjoni alternattiva għat-tilwim li tikkonforma
mad-Direttiva [Uffiċċju tal-Pubblikazzjonijiet jekk
jogħġbok daħħal in-numru tad-Direttiva tal-Parlament
Ewropew u tal-Kunsill dwar is-soluzzjoni alternattiva għat-tilwim,
għat-tilwim tal-konsumaturi u li temenda r-Regolament (KE)
Nru 2006/2004 u d-Direttiva 2009/22/KE (id-Direttiva dwar l-ADR
tal-konsumaturi)] u li tinvolvi l-użu ta' pjattaforma Ewropea ta' soluzzjoni
onlajn għat-tilwim. Artikolu 3
Relazzjoni ma' leġiżlazzjoni oħra tal-Unjoni Dan ir-Regolament huwa bla ħsara
għad-Direttiva 2008/52/KE, ir-Regolament (KE) Nru 44/2001,
ir-Regolament (KE) Nru 864/2007 u r-Regolament (KE) Nru 593/2008. Artikolu 4
Definizzjonijiet Għall-finijiet ta' dan ir-Regolament: (a)
“konsumatur” ifisser persuna fiżika li
taġixxi għal għanijiet li ma għandhomx x’jaqsmu
mal-kummerċ, negozju, sengħa jew professjoni tiegħu; (b)
"negozjant" ifisser persuna fiżika
jew persuna legali, irrispettivament minn jekk ikunx ta' pussess privat jew
pubbliku, li jaġixxi, inkluż permezz ta' persuna li taġixxi
f'ismu jew għalih, għal skopijiet relatati mal-kummerċ,
in-negozju, is-sengħa jew il-professjoni tiegħu; (c)
"bejgħ onlajn ta' oġġetti jew
provvista ta' servizzi" ifisser tranżazzjoni għall-bejgħ
ta' oġġetti jew il-provvista ta' servizzi fejn in-negozjant, jew
l-intermedjarju tan-negozjant, ikun offra oġġetti jew servizzi fuq
websajt jew b'mezzi elettroniċi oħrajn u l-konsumatur ikun ordna tali
oġġetti jew servizzi fuq dik il-websajt jew b'mezzi elettroniċi
oħrajn. (d)
"mezzi elettroniċi" ifisser
tagħmir elettroniku għall-ipproċessar (inkluża
l-kompressjoni diġitali) u l-ħażna tad-dejta li hija trażmessa,
imwassla u rċevuta totalment bil-wajer, bir-radju, b'mezzi ottiċi jew
b'mezzi elettromanjetiċi oħrajn. Dawn li ġejjin ma għandhomx jitqiesu
bħala servizzi provduti b'mezzi elettroniċi: –
servizzi offlajn; –
servizzi li għandhom kontenut materjali anke
jekk ikunu provduti b'mezzi elettroniċi bħall-magni awtomatiċi
li jagħtu l-flus jew il-biljetti (karti tal-flus, biljetti tal-ferrovija),
l-aċċess għan-netwerks tat-toroq, postijiet fejn jipparkjaw
il-karozzi, li jieħdu l-flus għall-użu, anke jekk ikun hemm
mezzi elettroniċi fid-dħul jew il-ħruġ li jikkontrollaw
l-aċċess u/jew li jiżguraw li l-ħlas ikun sar tajjeb; –
servizzi li mhumiex provduti permezz ta' sistemi
elettroniċi tal-ipproċessar/inventarju bħas-servizzi
tat-telefonija bil-leħen, is-servizzi tat-telefaks jew it-telex,
is-servizzi provduti permezz tat-telefonija bil-leħen jew il-faks;
il-konsultazzjoni fuq it-telefown jew it-telefaks ma' tabib; il-konsultazzjoni
fuq it-telefown jew it-telefaks ma' avukat; il-kummerċjalizzazzjoni
diretta bit-telefown jew it-telefaks. (e)
"bejgħ transkonfinali onlajn ta'
oġġetti jew provvista ta' servizzi" ifisser bejgħ onlajn
ta' oġġetti jew provvista ta' servizzi fejn, meta l-konsumatur jordna
tali oġġetti jew servizzi, il-konsumatur ikun residenti fi Stat
Membru għajr l-Istat Membru fejn ikun stabbilit in-negozjant; (f)
negozjant huwa "stabbilit" –
jekk in-negozjant huwa persuna fiżika, fejn
ikollu n-negozju tiegħu; –
jekk in-negozjant ikun kumpanija jew persuna legali
oħra jew assoċjazzjoni ta' persuni fiżiċi jew legali, fejn
ikollu s-sede statutorja, l-amministrazzjoni ċentrali jew il-post ewlieni
tan-negozju tiegħu jew, jekk issir l-offerta tan-negozjant jew jekk l-oġġetti
jew is-servizzi ordnati għandhom jiġu kkonsenjati 'l barra
mill-operazzjonijiet ta' fergħa, aġenzija jew stabbiliment
ieħor, fejn tinsab dik il-fergħa, l-aġenzija jew l-istabbiliment
ieħor. (g)
"proċedura ta' soluzzjoni alternattiva
għat-tilwim" (aktar 'il quddiem "il-proċedura
tal-ADR") ifisser proċedura għas-soluzzjoni
extra-ġudizzjarja ta' tilwim permezz tal-intervent ta' entità ta'
soluzzjoni għat-tilwim li tipproponi jew timponi soluzzjoni jew
tiġbor il-partijiet flimkien bl-għan li tiffaċilita soluzzjoni
amikevoli; Il-proċeduri quddiem entitajiet ta'
soluzzjoni għat-tilwim fejn il-persuni fiżiċi responsabbli
għas-soluzzjoni tat-tilwim huma impjegati esklussivament min-negozjant,
il-proċeduri quddiem sistemi tal-immanniġjar tal-ilmenti
tal-konsumaturi mħaddma min-negozjant, in-negozjati diretti bejn
il-konsumaturi u n-negozjant, kemm jekk ikunu rappreżentati kemm jekk le,
u l-isforzi li jsiru minn imħallef biex isolvu tilwim matul proċediment
ġudizzjarju li jikkonċerna dak it-tilwim ma għandhomx jitqiesu
bħala proċeduri tal-ADR; (h)
"entità tas-soluzzjoni alternattiva
għat-tilwim", (aktar 'il quddiem "l-entità tal-ADR")
ifisser entità koperta mill-Artikolu 4(e) tad-Direttiva [Uffiċċju
tal-Pubblikazzjonijiet daħħal in-numru tad-Direttiva
tal-Parlament Ewropew u tal-Kunsill dwar is-soluzzjoni alternattiva
għat-tilwim, għat-tilwim tal-konsumaturi u li temenda r-Regolament
(KE) Nru 2006/2004 u d-Direttiva 2009/22/KE (id-Direttiva dwar l-ADR
tal-konsumaturi)] li ġiet ikkomunikata lill-Kummissjoni skont
l-Artikolu 17(2) ta' dik id-Direttiva; (i)
"persuna li tressaq ilment" ifisser
il-konsumatur jew in-negozjant li ressaq ilment lill-pjattaforma Ewropea ta'
soluzzjoni onlajn għat-tilwim; (j)
"persuna li twieġeb" ifisser
il-konsumatur jew in-negozjant li tressaq ilment kontrih permezz
tal-pjattaforma Ewropea ta' soluzzjoni onlajn għat-tilwim; (k)
"dejta personali" ifisser kull
informazzjoni li jkollha x’taqsam ma’ persuna fiżika identifikata jew
identifikabbli ("is-suġġett tad-dejta"); persuna
identifikabbli hija waħda li tista' tiġi identifikata, direttament
jew indirettament, partikolarment b’referenza għal numru ta’ identità jew
għal fattur wieħed speċifiku jew aktar dwar l-identità
fiżika, fiżjoloġika, mentali, ekonomika, kulturali jew
soċjali tagħha. KAPITOLU II
Pjattaforma Ewropea ta' soluzzjoni onlajn għat-tilwim Artikolu 5
Stabbiliment tal-pjattaforma Ewropea ta' soluzzjoni onlajn għat-tilwim 1.
Il-Kummissjoni għandha tistabbilixxi
pjattaforma Ewropea ta' soluzzjoni onlajn għat-tilwim (aktar 'il quddiem
"il-pjattaforma tal-ODR"). 2.
Il-pjattaforma tal-ODR għandha tkun websajt
interattiv li jkun aċċessibbli elettronikament u bla ħlas
bil-lingwi uffiċjali kollha tal-Unjoni. Il-pjattaforma tal-ODR
għandha tkun punt uniku ta' dħul għall-konsumaturi u
n-negozjanti li jkunu qed ifittxu soluzzjoni extra-ġudizzjarja
għat-tilwim li huwa kopert minn dan ir-Regolament. 3.
Il-pjattaforma tal-ODR għandu jkollha
l-funzjonijiet li ġejjin: (a)
tipprovdi formola tal-ilmenti elettronika li tista'
timtela mill-persuna li tressaq ilment; (b)
tipproponi, fuq il-bażi tal-informazzjoni li
tinsab fil-formola tal-ilmenti elettronika, entità kompetenti tal-ADR
waħda jew aktar lill-partijiet u tipprovdi informazzjoni dwar
il-miżati tagħhom, jekk japplika, il-lingwa jew il-lingwi li bihom se
titmexxa l-proċedura, it-tul approssimattiv tal-proċeduri jew
tinforma lill-persuna li tressaq l-ilment li fuq il-bażi tal-informazzjoni
mressqa, ma setgħet tiġi identifikata l-ebda entità tal-ADR
kompetenti; (c)
tirreferi l-ilmenti lill-entità tal-ADR li
l-partijiet ikunu qablu li jużaw; (d)
tippermetti lill-partijiet u lill-entità tal-ADR
imexxu l-proċedura ta' soluzzjoni għat-tilwim onlajn; (e)
tipprovdi formola elettronika li permezz
tagħha l-entitajiet tal-ADR għandhom jittrażmettu
l-informazzjoni msemmija fl-Artikolu 9(c); (f)
tipprovdi sistema ta' reazzjoni li tippermetti
lill-partijiet jesprimu l-opinjonijiet tagħhom dwar il-funzjonament
tal-pjattaforma tal-ODR u dwar l-entità tal-ADR li tkun immaniġġjat
it-tilwim tagħhom. (g)
tippubblika informazzjoni dwar l-entitajiet tal-ADR
innotifikati lill-Kummissjoni skont l-Artikolu 17(2) tad-Direttiva …./…/UE
[Uffiċċju tal-Pubblikazzjonijiet jekk jogħġbok
daħħal in-numru tad-Direttiva tal-Parlament Ewropew u tal-Kunsill
dwar is-soluzzjoni alternattiva għat-tilwim, għat-tilwim
tal-konsumaturi u li temenda r-Regolament (KE) Nru 2006/2004 u d-Direttiva
2009/22/KE (id-Direttiva dwar l-ADR tal-konsumaturi)] li jindirizzaw it-tilwim
kopert minn dan ir-Regolament; (h)
tipprovdi informazzjoni ġenerali dwar
soluzzjoni alternattiva għat-tilwim bħala mezz ta' soluzzjoni
extra-ġudizzjarja għat-tilwim; (i)
tagħmel aċċessibbli
l-istatistiċi dwar ir-riżultat tat-tilwim immaniġġjati
mill-entitajiet tal-ADR li lilhom ġew tranżmessi l-ilmenti permezz
tal-pjattaforma tal-ODR. 4.
L-entitajiet ta' soluzzjoni alternattiva
għat-tilwim li ġew notifikati lill-Kummissjoni skont
l-Artikolu 17(2) tad-Direttiva …./…/UE [Uffiċċju
tal-Pubblikazzjonijiet jekk jogħġbok daħħal in-numru tad-Direttiva
tal-Parlament Ewropew u tal-Kunsill dwar is-soluzzjoni alternattiva
għat-tilwim, għat-tilwim tal-konsumaturi u li temenda r-Regolament
(KE) Nru 2006/2004 u d-Direttiva 2009/22/KE (id-Direttiva dwar l-ADR
tal-konsumaturi)] u li skont l-elementi meħtieġa biex tiġi stabbilita
l-kompetenza tagħhom, kif notifikat skont l-Artikolu 16(1)(g)
tad-…./…/UE [Uffiċċju tal-Pubblikazzjonijiet jekk
jogħġbok daħħal in-numru tad-Direttiva tal-Parlament
Ewropew u tal-Kunsill dwar is-soluzzjoni alternattiva għat-tilwim,
għat-tilwim tal-konsumaturi u li temenda r-Regolament (KE)
Nru 2006/2004 u d-Direttiva 2009/22/KE (id-Direttiva dwar l-ADR
tal-konsumaturi)], li, fuq il-bażi tal-informazzjoni li tinsab fil-formola
tal-ilmenti elettronika msemmija fil-punt (a) tal-paragrafu 3, huma
kompetenti biex jindirizzaw it-tilwim koperti minn dan ir-Regolament,
għandhom jirreġistraw b'mod elettroniku mal-pjattaforma tal-ODR. 5.
Il-Kummissjoni għandha tkun responsabbli
għall-pjattaforma tal-ODR fir-rigward tal-iżvilupp, it-tħaddim,
iż-żamma tagħha u fir-rigward tas-sigurtà tad-dejta. 6.
Il-Kummissjoni għandha tadotta miżuri
dwar il-modalitajiet għall-eżerċizzju tal-funzjonijiet previsti
fil-paragrafu 3 permezz tal-atti ta' implimentazzjoni. Dawk l-atti ta'
implimentazzjoni għandhom jiġu adottati skont il-proċedura ta'
eżami msemmija fl-Artikolu 15(3). Artikolu 6
Netwerk ta' faċilitaturi tas-soluzzjoni onlajn għat-tilwim 1.
Kull Stat Membru għandu jaħtar punt ta'
kuntatt tal-ODR wieħed u jikkomunika ismu u d-dettalji ta' kuntatt
tiegħu lill-Kummissjoni. L-Istati Membri jistgħu jagħtu r-responsabbiltà
għall-punti ta' kuntatt tal-ODR liċ-ċentri tagħhom
tan-netwerk taċ-Ċentru Ewropew tal-Konsumatur,
lill-assoċjazzjonijiet tal-konsumaturi jew lil kwalunkwe korp ieħor.
Kull punt ta' kuntatt tal-ODR għandu jospita mill-inqas żewġ
faċilitaturi tas-soluzzjoni onlajn għat-tilwim (aktar 'il quddiem
"il-faċilitaturi tal-ODR"). 2.
Il-faċilitaturi tal-ODR għandhom jipprovdu
appoġġ għas-soluzzjoni tat-tilwim relatat ma' ilmenti mressqa
permezz tal-pjattaforma billi jissodisfaw il-funzjonijiet li ġejjin: (a)
jekk meħtieġ, jiffaċilitaw il-komunikazzjoni
bejn il-partijiet u l-entità tal-ADR kompetenti; (b)
jinformaw lill-konsumaturi dwar mezzi oħra ta'
rimedju meta tilwim ma jkunx jista' jiġi solvut permezz tal-pjattaforma,
pereżempju meta n-negozjant ma jaqbilx mal-użu tal-ADR; (c)
iressqu, fuq il-bażi tal-esperjenza prattika
miksuba mill-prestazzjoni tal-funzjonijiet tagħhom, rapport tal-attività
annwali lill-Kummissjoni u lill-Istati Membri; (d)
jinfurmaw lill-partijiet dwar il-vantaġġi
u l-iżvantaġġi tal-proċeduri applikati mill-entitajiet
tal-ADR proposti: 3.
Il-Kummissjoni għandha tistabbilixxi netwerk
ta' faċilitaturi tas-soluzzjoni onlajn għat-tilwim (aktar 'il quddiem
"in-netwerk ta' faċilitaturi tal-ODR") li tippermetti
l-kooperazzjoni bejn il-faċilitaturi tal-ODR u tikkontribwixxi
għall-prestazzjoni tal-funzjonijiet stabbiliti fil-paragrafu 2. 4.
Il-Kummissjoni għandha mill-inqas darba
fis-sena torganizza laqgħa tal-membri tan-netwerk tal-faċilitaturi
tal-ODR sabiex tippermetti li jkun hemm skambju tal-aħjar prattika, u
diskussjoni ta' kwalunkwe problema rikorrenti li tkun inqalgħet
fit-tħaddim tal-pjattaforma tal-ODR. 5.
Il-Kummissjoni għandha tadotta r-regoli dwar
il-modalitajiet tal-kooperazzjoni bejn il-faċilitaturi tal-ODR permezz ta'
atti ta' implimentazzjoni. Dawk l-atti ta' implimentazzjoni għandhom
jiġu adottati skont il-proċedura ta' eżami msemmija
fl-Artikolu 15(3). Artikolu 7
Tressiq ta' ilment 1.
Sabiex jitressaq ilment lill-pjattaforma tal-ODR
il-persuna li tressaq l-ilment għandha timla l-formola tal-ilmenti
elettronika li għandha tkun disponibbli fuq il-websajt tal-pjattaforma.
Mal-formola elettronika l-persuna li tressaq l-ilment tista' tehmeż
kwalunkwe dokumenti fil-forma elettronika biex tappoġġa l-ilment
tagħha. 2.
L-informazzjoni li għandha tiġi mressqa
mill-persuna li tressaq ilment għandha tkun biżżejjed biex
tiġi determinata l-entità tal-ADR kompetenti. Din l-informazzjoni hija
deskritta fl-Anness. 3.
Il-pjattaforma tal-ODR għandha tipprovdi
lill-partijiet informazzjoni dwar l-entità jew entitajiet tal-ADR identifikati
mill-pjattaforma tal-ODR bħala kompetenti; jekk ikun hemm aktar minn
għażla waħda, il-faċilitaturi tal-ODR tal-Istati Membri
kkonċernati għandhom jipprovdu lill-partijiet id-dettalji
tal-entitajiet varji identifikati bħala kompetenti u jagħtuhom pariri
dwar il-vantaġġi u l-iżvantaġġi tal-proċeduri
applikati minn kull waħda minn dawn l-entitajiet sabiex il-partijiet ikunu
jistgħu jagħmlu għażla infurmata. 4.
Il-Kummissjoni għandha tingħata
s-setgħa li tadotta atti delegati skont l-Artikolu 16 sabiex taddatta
l-informazzjoni elenkata fl-Anness, filwaqt li tqis il-kriterji li bihom
l-entitajiet tal-ADR notifikati lill-Kummissjoni skont l-Artikolu 17(2)
tad-Direttiva …./…/UE [Uffiċċju tal-Pubblikazzjonijiet jekk
jogħġbok daħħal in-numru tad-Direttiva tal-Parlament Ewropew
u tal-Kunsill dwar is-soluzzjoni alternattiva għat-tilwim,
għat-tilwim tal-konsumaturi u li temenda r-Regolament (KE)
Nru 2006/2004 u d-Direttiva 2009/22/KE (id-Direttiva dwar l-ADR
tal-konsumaturi)] li jindirizzaw it-tilwim kopert minn dan ir-Regolament
jiddefinixxu l-kampijiet ta' applikazzjoni rispettivi tagħhom. 5.
Il-Kummissjoni għandha tistabbilixxi
l-modalitajiet tal-formola tal-ilmenti elettronika permezz ta' atti ta'
implimentazzjoni. Dawk l-atti ta' implimentazzjoni għandhom jiġu
adottati skont il-proċedura konsultattiva msemmija fl-Artikolu 15(2). 6.
Id-dejta li hija preċiża, rilevanti u
mhux eċċessiva meta titqabbel mal-iskopijiet li għalihom
tinġabar biss għandha tiġi pproċessata permezz tal-formola
tal-ilmenti elettronika u d-dokumenti mehmuża magħha. Artikolu 8
Ipproċessar u trażmissjoni ta' ilment 1.
Ilment imressaq lill-pjattaforma għandu
jiġi pproċessat jekk il-formola tal-ilmenti tkun mimlija
kompletament. 2.
Meta tasal il-formola tal-ilmenti mimlija
kompletament, il-pjattaforma tal-ODR għandha tikkomunika lill-persuna li
qed tressaq l-ilment, bil-lingwa tal-ilmentat, u tibgħat permezz tal-posta
elettronika lill-persuna li twieġeb, bil-lingwa tal-kuntratt,
l-informazzjoni li ġejja permezz tal-posta elettronika: (a)
l-informazzjoni li l-partijiet għandhom
jaqblu fuq entità tal-ADR kompetenti waħda sabiex l-ilment ikun jista'
jitressaq lilha; (b)
l-informazzjoni li jekk il-partijiet ma jaqblux
fuq entità tal-ADR kompetenti jew jekk ma tiġi identifikata l-ebda entità
tal-ADR kompetenti, l-ilment ma jiġix ipproċessat aktar; (c)
lista tal-entitajiet tal-ADR kompetenti kollha,
jekk jiġu identifikati xi wħud; (d)
l-isem u d-dettalji tal-kuntatt tal-punt ta'
kuntatt tal-ODR fil-post fejn joqgħod il-konsumatur u fil-post fejn huwa
stabbilit in-negozjant, kif ukoll deskrizzjoni qasira tal-funzjonijiet
imsemmija fl-Artikolu 6(2)(a), (b) u (d); (e)
stedina lill-konsumatur biex jagħżel
entità tal-ADR waħda jew aktar mill-lista provduta, filwaqt li jiġi
speċifikat li ma hemm l-ebda obbligu għall-konsumatur li jagħmel
tali għażla; (f)
stedina lin-negozjant biex jagħżel entità
tal-ADR waħda jew aktar mill-lista provduta, jekk l-ebda waħda minn
dawk l-entitajiet ma tikkorrispondi ma' entità li n-negozjant ikun impenja
ruħu li juża skont l-Artikolu 10(1) tad-Direttiva …./…/UE [Uffiċċju
tal-Pubblikazzjonijiet jekk jogħġbok daħħal in-numru tad-Direttiva
tal-Parlament Ewropew u tal-Kunsill dwar is-soluzzjoni alternattiva
għat-tilwim, għat-tilwim tal-konsumaturi u li temenda d-Direttiva
2009/22/KE (id-Direttiva dwar l-ADR tal-konsumaturi)]; (g)
l-informazzjoni li jekk il-konsumatur
jagħżel entità tal-ADR li n-negozjant ikun impenja ruħu li
juża skont l-Artikolu 10(1) tad-Direttiva …./…/UE [Uffiċċju
tal-Pubblikazzjonijiet jekk jogħġbok daħħal in-numru tad-Direttiva
tal-Parlament Ewropew u tal-Kunsill dwar is-soluzzjoni alternattiva
għat-tilwim, għat-tilwim tal-konsumaturi u li temenda d-Direttiva
2009/22/KE (id-Direttiva dwar l-ADR tal-konsumaturi)], il-pjattaforma
għandha titrażmetti awtomatikament l-ilment lill-dik l-entità
tal-ADR. 3.
Il-komunikazzjoni msemmija fil-paragrafu 2
għandha tinkludi deskrizzjoni tal-karatteristiċi li ġejjin ta'
kull entità: (a)
il-miżati tagħhom, jekk japplika; (b)
il-lingwa jew il-lingwi li bihom se titmexxa
l-proċedura; (c)
it-tul approssimattiv tal-proċedura; (d)
il-ħtieġa tal-preżenza fiżika
tal-partijiet jew tar-rappreżentanti tagħhom, jekk japplika; (e)
in-natura li torbot jew li ma torbotx
tar-riżultat tal-proċedura. 4.
Jekk il-partijiet ma jweġbux lill-pjattaforma
jew ma jaqblux fuq entità tal-ADR kompetenti, l-ilment ma jiġix
ipproċessat aktar. Il-konsumatur għandu jiġi infurmat
bil-possibbiltà li jikkuntattja faċilitatur tal-ODR għal
informazzjoni dwar mezzi oħra għat-tfittxija ta' rimedju. 5.
Meta l-għażla tal-konsumatur
tikkorrispondi għal entità tal-ADR li n-negozjant ikun impenja ruħu
li juża skont l-Artikolu 10(1) tad-Direttiva …./…/UE [Uffiċċju
tal-Pubblikazzjonijiet jekk jogħġbok daħħal in-numru tad-Direttiva
tal-Parlament Ewropew u tal-Kunsill dwar is-soluzzjoni alternattiva
għat-tilwim, għat-tilwim tal-konsumaturi u li temenda d-Direttiva
2009/22/KE (id-Direttiva dwar l-ADR tal-konsumaturi)], jew jekk il-partijiet
jagħżlu l-istess entità tal-ADR fit-tweġibiet tagħhom,
il-pjattaforma għandha titrażmetti awtomatikament l-ilment lil dik
l-entità tal-ADR. 6.
Jekk il-partijiet jaqblu fuq aktar minn entità
tal-ADR waħda, il-konsumatur għandu jiġi mitlub
jagħżel waħda mill-entitajiet tal-ADR li jkunu qablu fuqha.
Il-pjattaforma għandha tibgħat awtomatikament l-ilment lil dik
l-entità tal-ADR. Artikolu 9
Soluzzjoni tat-tilwim L-entitajiet tal-ADR li lilhom ġie
trażmess ilment skont l-Artikolu 8 għandhom: (a)
mingħajr dewmien jinnotifikaw il-partijiet
tat-tilwim u jinfurmawhom dwar ir-regoli ta' proċedura tagħhom u dwar
il-ħlas applikabbli għas-soluzzjoni tat-tilwim ikkonċernat; (b)
jekk, wara n-notifika tat-tilwim lill-partijiet,
il-partijiet jaqblu li jibdew il-proċedimenti quddiem l-entità, jiksbu
l-konklużjoni tal-proċedura tas-soluzzjoni għat-tilwim fi
żmien 30 jum minn meta jkunu bdew il-proċedimenti. Fil-każ
ta' tilwim kumpless, l-entità tal-ADR tista' testendi dan il-limitu ta'
żmien; (c)
mingħajr dewmien jibagħtu l-informazzjoni
li ġejja lill-pjattaforma tal-ODR: (i) id-data li fiha wasal it-tilwim u
s-suġġett tiegħu; (ii) id-data tan-notifika tat-tilwim
lill-partijiet; (iii) id-data tal-konklużjoni u
r-riżultat tal-proċedura. Artikolu 10
Bażi ta' dejta Il-Kummissjoni għandha tieħu
l-miżuri meħtieġa biex tistabbilixxi u żżomm bażi
ta' dejta elettronika li fiha żżomm l-informazzjoni pproċessata
skont l-Artikolu 5(3) u l-Artikolu 9(c). Artikolu 11
Ipproċessar ta' dejta personali 1.
L-aċċess għall-informazzjoni,
inkluża d-dejta personali, relatata ma' tilwim u miżmuma
fil-bażi ta' dejta msemmija fl-Artikolu 10, għandu jingħata
għall-iskopijiet imsemmijin fl-Artikolu 9, lill-entità tal-ADR li
lilha ġie trażmess it-tilwim skont l-Artikolu 8 biss.
L-aċċess għall-istess informazzjoni għandu jingħata
wkoll lill-faċilitaturi tal-ODR għall-iskopijiet imsemmijin
fl-Artikolu 6(3). 2.
Il-Kummissjoni għandu jkollha aċċess
għall-informazzjoni pproċessata skont l-Artikolu 9 sabiex
timmonitorja l-użu u l-funzjonament tal-pjattaforma tal-ODR u tfassal
ir-rapporti msemmija fl-Artikolu 17. Hija għandha tipproċessa
d-dejta personali tal-utenti tal-pjattaforma sa fejn ikun meħtieġ
għat-tħaddim u ż-żamma tal-pjattaforma, inkluż
għall-monitoraġġ tal-użu tal-pjattaforma mill-entitajiet
tal-ADR u l-faċilitaturi tal-ODR. 3.
Id-dejta personali relatata ma' tilwim għandha
tinżamm fil-bażi ta' dejta msemmija fil-paragrafu 1 biss
għaż-żmien meħtieġ biex jinkisbu l-iskopijiet li
għalihom inġabret u sabiex jiġi żgurat li
s-suġġetti tad-dejta jkunu jistgħu jaċċessaw id-dejta
personali tagħhom sabiex jeżerċitaw id-drittijiet tagħhom,
u għandha titħassar awtomatikament, l-aktar tard, sitt xhur wara
d-data tal-konklużjoni tat-tilwim li ntbagħat lill-pjattaforma tal-ODR
skont l-Artikolu 9(c)(iii). Il-perjodu ta' żamma msemmi hawn fuq
għandu wkoll japplika għad-dejta personali li tinżamm fil-fajls
nazzjonali mill-entità tal-ADR jew il-faċilitatur tal-ODR li ħa
ħsieb it-tilwim ikkonċernat, għajr jekk ir-regoli ta' proċedura
applikati mill-entità tal-ADR jew kwalunkwe dispożizzjoni speċifika
tal-liġi nazzjonali tipprevedi żmien itwal. 4.
Kull faċilitatur tal-ODR u kull entità tal-ADR
għandhom jitqiesu bħala kontrollur, skont l-Artikolu 2(d)
tad-Direttiva 95/46/KE, fir-rigward tal-attivitajiet tagħhom stess
tal-ipproċessar tad-dejta skont dan ir-Regolament u għandhom ikunu
responsabbli biex jiżguraw li dawn l-attivitajiet jikkonformaw mar-regoli
tal-protezzjoni tad-dejta stabbiliti fil-leġiżlazzjoni nazzjonali
adottata skont id-Direttiva 95/46/KE. Fir-rigward tar-responsabbiltajiet skont
dan ir-Regolament u l-ipproċessar tad-dejta personali involuta fihom,
il-Kummissjoni għandha titqies bħala kontrollur skont
l-Artikolu 2(d) tar-Regolament (KE) Nru 45/2001. Artikolu 12
Kunfidenzjalità u sigurtà tad-dejta 1.
Il-faċilitaturi tal-ODR u l-entitajiet tal-ADR
għandhom ikunu soġġetti għar-regoli tas-segretezza
professjonali jew dmirijiet ekwivalenti oħra ta' kunfidenzjalità
stabbiliti fil-leġiżlazzjoni nazzjonali. 2.
Il-Kummissjoni għandha tieħu
l-miżuri tekniċi u organizzattivi xierqa sabiex tiżgura
s-sigurtà tal-informazzjoni pproċessata skont dan ir-Regolament,
inkluż kontroll xieraq tal-aċċess għad-dejta, pjan ta'
sigurtà u ġestjoni tal-inċidenti tas-sigurtà, skont
l-Artikolu 22 tar-Regolament (KE) Nru 45/2001. Artikolu 13
Informazzjoni għall-konsumatur 1.
In-negozjanti stabbiliti fi ħdan l-Unjoni li
jagħmlu bejgħ transkonfinali onlajn ta' oġġetti jew
provvista ta' servizzi għandhom jinfurmaw lill-konsumaturi dwar
il-pjattaforma tal-ODR u dwar l-indirizz tal-posta elettronika tagħhom.
Din l-informazzjoni għandha tkun aċċessibbli faċilment,
direttament, prominentement u permanentement fuq il-websajt tan-negozjanti u,
jekk l-offerta ssir permezz tal-posta elettronika jew permezz ta'
messaġġ bit-test ieħor trażmess b'mezzi elettroniċi,
f'dak il-messaġġ. Għandha tinkludi link elettroniku
għall-homepage tal-pjattaforma tal-ODR. In-negozjanti għandhom ukoll
jinfurmaw lill-konsumaturi dwar il-pjattaforma tal-ODR meta l-konsumatur
iressaq ilment lin-negozjant, lil sistema għall-immaniġġjar
tal-ilmenti tal-konsumaturi mħaddma min-negozjant jew lil ombudsman
tal-kumpanija. 2.
Id-dispożizzjonijiet fil-paragrafu 1 huma
bla ħsara għad-dispożizzjonijiet fl-Artikolu 10
tad-Direttiva …./…/UE [Uffiċċju tal-Pubblikazzjonijiet jekk
jogħġbok daħħal in-numru tad-Direttiva tal-Parlament
Ewropew u tal-Kunsill dwar is-soluzzjoni alternattiva għat-tilwim,
għat-tilwim tal-konsumaturi u li temenda r-Regolament (KE)
Nru 2006/2004 u d-Direttiva 2009/22/KE (id-Direttiva dwar l-ADR
tal-konsumaturi)] li jikkonċernaw l-informazzjoni tal-konsumaturi
min-negozjanti dwar il-proċeduri tal-ADR li bihom dawk in-negozjanti huma
koperti u dwar jekk in-negozjanti jimpenjawx ruħhom jew le li jużaw
proċedura ta' soluzzjoni alternattiva għat-tilwim biex isolvu
t-tilwim mal-konsumaturi. 3.
Id-dispożizzjonijiet fil-paragrafu 1 huma
bla ħsara għad-dispożizzjonijiet fl-Artikoli 6 u 8
tad-Direttiva 2011/83/UE dwar l-informazzjoni għall-konsumatur
għall-kuntratti magħmula mill-bogħod u barra l-bini. Artikolu 14
Monitoraġġ Il-konformità tal-entitajiet tal-ADR
mal-obbligi stabbiliti f'dan ir-Regolament għandha tiġi mmonitorjata
mill-awtoritajiet kompetenti li jkunu ġew stabbiliti mill-Istati Membri
skont l-Artikolu 15(1) tad-Direttiva …./…/UE [Uffiċċju tal-Pubblikazzjonijiet
jekk jogħġbok daħħal in-numru tad-Direttiva
tal-Parlament Ewropew u tal-Kunsill dwar is-soluzzjoni alternattiva
għat-tilwim, għat-tilwim tal-konsumaturi u li temenda r-Regolament
(KE) Nru 2006/2004 u d-Direttiva 2009/22/KE (id-Direttiva dwar l-ADR
tal-konsumaturi)]. KAPITOLU III
Dispożizzjonijiet finali Artikolu 15
Atti ta' implimentazzjoni 1.
Il-Kummissjoni għandha tiġi megħjuna
minn kumitat. Dan il-kumitat għandu jkun kumitat skont it-tifsira
tar-Regolament (UE) Nru 182/2011. 2.
Meta ssir referenza għal dan il-paragrafu,
għandu japplika l-Artikolu 4 tar-Regolament (UE) Nru 182/2011. 3.
Meta ssir referenza għal dan il-paragrafu,
għandu japplika l-Artikolu 5 tar-Regolament (UE) Nru 182/2011.
Meta għandha tinkiseb l-opinjoni tal-kumitat permezz ta' proċedura
bil-miktub, din il-proċedura għandha tintemm mingħajr
riżultat meta, fil-limitu ta' żmien għall-ħruġ
tal-opinjoni, il-president tal-kumitat jiddeċiedi hekk jew
maġġoranza sempliċi tal-membri tal-kumitat jitolbu hekk. Artikolu 16
Eżerċizzju tad-delega 1.
Is-setgħa li tadotta atti delegati
tingħata lill-Kummissjoni taħt il-kundizzjonijiet stabbiliti f'dan
l-Artikolu. 2.
Id-delega tas-setgħa msemmija
fl-Artikolu 7(4) għandha tingħata għal perjodu ta'
żmien indeterminat mill-[Uffiċċju tal-Pubblikazzjonijiet
daħħal l-istess data bħal dik fl-Artikolu 18(1) = id-data
tad-dħul fis-seħħ ta' dan ir-Regolament]. 3.
Id-delega tas-setgħat imsemmija
fl-Artikolu 7(4) tista' tiġi rrevokata fi kwalunkwe mument
mill-Parlament Ewropew jew mill-Kunsill. Deċiżjoni ta' revoka
għandha ttemm id-delega tas-setgħa speċifikata f'dik
id-deċiżjoni. Għandha tidħol fis-seħħ
l-għada tal-pubblikazzjoni tad-deċiżjoni f'Il-Ġurnal
Uffiċjali tal-Unjoni Ewropea jew f'data aktar tard speċifikata
fiha. Ma għandhiex taffettwa l-validità ta' kwalunkwe att delegat
diġà fis-seħħ. 4.
Malli tadotta att delegat, il-Kummissjoni
għandha tinnotifika simultanjament lill-Parlament Ewropew u lill-Kunsill. 5.
Att delegat adottat skont l-Artikolu 7(4)
għandu jidħol fis-seħħ biss jekk ma tkunx ġiet
espressa l-ebda oġezzjoni mill-Parlament Ewropew jew mill-Kunsill fi
żmien xahrejn min-notifika ta' dak l-att lill-Parlament Ewropew u
lill-Kunsill jew jekk, qabel ma jagħlaq dak iż-żmien,
il-Parlament Ewropew u l-Kunsill ikunu infurmaw lill-Kummissjoni li mhux se
joġġezzjonaw. Dan il-perjodu għandu jiġi estiż
b'xahrejn fuq inizjattiva tal-Parlament Ewropew jew tal-Kunsill. Artikolu 17
Rapporti Kull tliet snin u għall-ewwel darba mhux
aktar tard minn ħames snin wara d-dħul fis-seħħ ta' dan
ir-Regolament, il-Kummissjoni għandha tressaq rapport dwar l-applikazzjoni
ta' dan ir-Regolament lill-Parlament Ewropew u lill-Kunsill. Ir-rapport
għandu jkun akkumpanjat, jekk ikun meħtieġ, bi proposti
għall-adattament ta' dan ir-Regolament. Artikolu 18
Dħul fis-seħħ 1.
Dan ir-Regolament għandu jidħol
fis-seħħ fl-għoxrin jum wara l-pubblikazzjoni tiegħu f'Il-Ġurnal
Uffiċjali tal-Unjoni Ewropea. 2.
Ir-Regolament għandu japplika minn [Uffiċċju
tal-Pubblikazzjonijiet daħħal id-data = 6 xhur wara
ż-żmien ta' skadenza tal-implimentazzjoni tad-Direttiva tal-Parlament
Ewropew u tal-Kunsill dwar is-soluzzjoni alternattiva għat-tilwim,
għat-tilwim tal-konsumaturi u li temenda r-Regolament (KE)
Nru 2006/2004 u d-Direttiva 2009/22/KE (id-Direttiva dwar l-ADR
tal-konsumaturi kif għandha tiddaħħal f'dik id-Direttiva skont
l-Artikolu 22(1) ta' dik id-Direttiva], għajr
l-Artikolu 5(1), (4), (5) u (6), l-Artikolu 6(1), (2) u (6),
l-Artikolu 7(4) u (5), l-Artikolu 10, l-Artikolu 15 u
l-Artikolu 16 li għandhom japplikaw mid-data li fiha jidħol
fis-seħħ dan ir-Regolament. Dan
ir-Regolament għandu jorbot fl-intier tiegħu u jkun applikabbli
direttament fl-Istati Membri kollha. Magħmul fi Brussell, Għall-Parlament Ewropew Għall-Kunsill Il-President Il-President ANNESS Informazzjoni li għandha tiġi provduta meta timtela l-formola
tal-ilmenti elettronika (1)
Isem, indirizz u, jekk japplika, l-indirizz
elettroniku u l-indirizz tal-websajt tal-persuna li qed tressaq l-ilment; (2)
Jekk il-persuna li tressaq l-ilmenti hijiex
konsumatur jew negozjant; (3)
Isem, indirizz u, jekk japplika, l-indirizz
elettroniku u l-indirizz tal-websajt tal-persuna li twieġeb; (4)
Jekk il-persuna li twieġeb hijiex konsumatur
jew negozjant; (5)
Tip ta' oġġetti jew servizzi li
l-bejgħ jew il-provvista tagħhom huma s-suġġett tal-ilment; (6)
Ir-raġunijiet li fuqhom huwa bbażat
l-ilment; (7)
Il-post fejn joqgħod il-konsumatur
fiż-żmien meta ġew ordnati l-oġġetti jew is-servizzi; (8)
Il-metodu ta' komunikazzjoni li bih ġew
offruti l-oġġetti jew is-servizzi u l-metodu ta' komunikazzjoni li
bih saret l-ordni; (9)
Jekk japplika, meta saret l-offerta tan-negozjant
jew meta ġew konsenjati jew suppost ġew konsenjati
l-oġġetti jew is-servizzi mill-operazzjonijiet ta' fergħa,
aġenzija jew stabbiliment ieħor, il-post fejn tinsab dik
il-fergħa, l-aġenzija jew l-istabbiliment ieħor; (10)
Il-lingwa tal-kuntratt; (11)
L-entitajiet tal-ADR li n-negozjant ikun impenja
ruħu li juża skont l-Artikolu 10(1) tad-Direttiva …./…/UE [Uffiċċju
tal-Pubblikazzjonijiet jekk jogħġbok daħħal in-numru tad-Direttiva
tal-Parlament Ewropew u tal-Kunsill dwar is-soluzzjoni alternattiva
għat-tilwim, għat-tilwim tal-konsumaturi u li temenda d-Direttiva
2009/22/KE (id-Direttiva dwar l-ADR tal-konsumaturi)] jekk ikunu magħrufa. DIKJARAZZJONI FINANZJARJA
LEĠIŻLATTIVA GĦALL-PROPOSTI 1. QAFAS
TAL-PROPOSTA/INIZJATTIVA 1.1. Titlu tal-proposta/inizjattiva
Regolament dwar is-soluzzjoni onljan għat-tilwim, għat-tilwim tal-konsumaturi. L-impatt baġitarju se jiġi indirizzat permezz tal-iskjerament mill-ġdid għas-snin 2012 u 2013. L-azzjoni hija parti mill-programm tal-Konsumaturi tal-2020 għall-perjodu mill-2014 sal-2020. 1.2. Qasam(oqsma) tal-politika
kkonċernat(i) fl-istruttura ABM/ABB[19]
Konsumaturi 1.3. Natura
tal-proposta/inizjattiva √ Il-proposta/inizjattiva tirrigwarda azzjoni
ġdida ¨ Il-proposta/inizjattiva
tirrigwarda azzjoni ġdida wara proġett pilota/azzjoni ta'
tħejjija[20]
¨ Il-proposta/inizjattiva
tirrigwarda l-estensjoni ta' azzjoni eżistenti
¨ Il-proposta/inizjattiva
tirrigwarda azzjoni diretta mill-ġdid lejn azzjoni ġdida 1.4. Għanijiet 1.4.1. L-għan(ijiet)
strateġiku/strateġiċi multiannwali tal-Kummissjoni fil-mira
tal-proposta/inizjattiva Fl-intestatura 1a
"Il-Kompetittività għat-Tkabbir u l-Impjiegi", il-proposta
għandha l-għan li toħloq sistema ta' Soluzzjoni Onlajn
għat-Tilwim madwar l-UE kollha għat-tilwim transkonfinali onlajn bejn
il-konsumaturi u n-negozjanti. 1.4.2. Għan(ijiet)
speċifiku/speċifiċi u l-attività(jiet) tal-ABM/ABB
ikkonċernata(i) Għan speċifiku Nru.. Ħolqien
ta' sistema informatika ta' Soluzzjoni Onlajn għat-Tilwim madwar l-UE
kollha għat-tilwim transkonfinali onlajn bejn il-konsumaturi u
n-negozjanti. Attività(jiet) tal-ABM/ABB ikkonċernata(i) Konsumaturi 1.4.3. Riżultat(i) u impatt
mistennija Speċifika
l-effetti li għandu jkollha l-proposta/inizjattiva fuq
il-benefiċjarji/gruppi fil-mira. Il-konsumaturi
u n-negozji madwar l-Ewropa se jkollhom mezzi sempliċi, rapidi u
irħas biex isolvu t-tilwim li jinqala' wara tranżazzjoni
transkonfinali onlajn. Il-konsumaturi se jkunu jistgħu jfittxu rimedju u
jiġu kkumpensati, filwaqt li n-negozji jżommu r-reputazzjoni
tan-negozji tagħhom u jevitaw spejjeż ta' litiġju għoljin. 1.4.4. Indikaturi tar-riżultati
u l-impatt Speċifika
l-indikaturi għall-monitoraġġ tal-implimentazzjoni
tal-proposta/inizjattiva. –
L-entitajiet kollha tal-ADR għandhom ikunu
konnessi mal-pjattaforma tal-ODR u jużawha meta l-pjattaforma tal-ODR
issir operattiva fil-bidu tal-2015. –
Żieda ta' 20 % fl-għadd ta'
konsumaturi li huma lesti jixtru onlajn minn Stat Membru ieħor fl-2020 –
Żieda ta' 10 % fl-għadd ta'
negozjanti li huma lesti jbigħu onlajn fi Stat Membru ieħor fl-2020. 1.5. Raġunijiet
tal-proposta/inizjattiva 1.5.1. Rekwiżit(i) li
għandu/għandhom jiġi(u) ssodisfat(i) fi żmien qasir jew
twil L-Artikoli 114
u 169 tat-Trattat dwar il-Funzjonament tal-Unjoni Ewropea Il-konsumaturi
u n-negozji se jkollhom mod sempliċi, rapidu u irħis biex isolvu
t-tilwim tagħhom fuq tranżazzjonijiet transkonfinali onlajn
bl-użu ta' mezzi ta' soluzzjoni tat-tilwim onlajn extra-ġudizzjarji. 1.5.2. Valur miżjud
tal-involviment tal-UE In-nuqqas
ta' mezzi effiċjenti għas-soluzzjoni ta' tilwim jaffettwa
l-fiduċja tal-konsumaturi fix-xiri transkonfinali. Kemm in-negozji kif
ukoll il-konsumaturi jiddikjaraw b'mod ċar li t-tħassib dwar
il-problemi potenzjali fis-sejba ta' rimedju fi Stat Membru ieħor jiskoraġġihom
milli jbigħu u jixtru bejn il-fruntieri u għalhekk milli jiksbu
bis-sħiħ il-benefiċċji potenzjali tas-Suq Intern. Din
is-sitwazzjoni tindika li għandha tingħata attenzjoni partikolari fuq
it-tkabbir tal-fiduċja tal-konsumaturi fis-Suq Intern u fuq l-iżgurar
ta' sitwazzjoni bilanċjata għan-negozji fl-Istati Membri kollha. Minkejja
l-livell baxx ta' tranżazzjonijiet transkonfinali tal-kummerċ
elettroniku bħalissa, hemm tendenza li dejjem qed tiżdied tas-suq
diġitali bl-imnut fl-Istati Membri. Għalhekk, l-iżgurar ta' mezzi
sempliċi, irħas u effettivi ta' rimedju extra-ġudizzjarju huwa
ħafna aktar importanti għall-konsumaturi u n-negozjanti sabiex
jagħmlu tranżazzjonijiet transkonfinali onlajn. Kull azzjoni f'livell
tal-Istati Membri mhux se twassal għall-istabbiliment ta' soluzzjoni
onlajn għat-tilwim madwar l-UE kollha li, kif indikat fl-Aġenda
Diġitali, hija għodda essenzjali għall-promozzjoni
tal-kummerċ elettroniku. L-għanijiet
li jridu jintlaħqu jistgħu jinkisbu aħjar permezz ta'
miżuri fuq livell tal-UE minħabba l-effetti u l-iskala tagħha.
Vantaġġ ċar fl-iżvilupp tal-ODR f'livell tal-UE huwa
t-trattament effettiv u xieraq tat-tilwim tal-konsumaturi marbuta ma'
tranżazzjonijiet transkonfinali onlajn. Il-konsumaturi
se jkollhom mod rapidu, irħis u sempliċi għad-disponibbiltà
tagħhom biex isolvu t-tilwim tagħhom man-negozjanti jkun xi jkun
is-settur tas-suq u l-ammont ikkonċernat. Parti kbira ta' konsumaturi ma
għandhomx fiduċja sħiħa fis-Suq Intern Diġitali,
minkejja l-bosta benefiċċji li joffri, bħal pereżempju
l-aċċess għal għażla akbar ta' prodotti u servizzi;
f'madwar nofs l-Istati Membri aktar minn nofs il-prodotti imfittxa fuq
l-internet setgħu biss jinsabu onlajn f'pajjiż ieħor.
Fl-aħħar nett, ODR aktar effettiva fis-Suq Intern se tnaqqas
id-detriment tal-konsumaturi (li issa jirrappreżenta 0,02 % tal-PDG
tal-UE) u tippermetti lill-konsumaturi jiffrankaw b'mod sinifikanti
fit-tranżazzjonijiet onlajn u l-flus li jiffrankaw jistgħu
jintużaw għax-xiri ta' oġġetti u servizzi oħra fis-Suq
Intern. Barra minn hekk, in-negozjanti se jkollhom l-istess possibbiltajiet
biex jindirizzaw it-tilwim tal-konsumaturi madwar l-UE kollha, u għalhekk
tiġi żgurata sitwazzjoni bilanċjata. L-azzjonijiet
unilaterali fil-livell tal-Istati Membri ma jistgħux jipprovdu b'mod
suffiċjenti l-benefiċċji msemmijin hawn fuq lill-konsumaturi u
lin-negozjanti. Bil-kontra, l-isforzi mhux koordinati tal-Istati Membri
x'aktarx jirriżultaw fi trattament mhux ugwali għall-konsumaturi u
n-negozjanti fis-Suq Intern u joħolqu livelli diverġenti ta' rimedju
għall-konsumaturi fl-UE. L-azzjoni fuq livell tal-UE f'dan il-qasam hija
appoġġata mill-maġġoranza l-kbira tal-partijiet
interessati. It-tisħiħ
tal-fiduċja tal-atturi tas-suq, tan-negozji u taċ-ċittadini,
huwa essenzjali għat-titjib tal-kompetittività tal-Ewropa. Suq Uniku li
jiffunzjona sew li jinkludi 500 miljun konsumatur, li n-nefqa tagħhom
tirrappreżenta 56 % tal-PDG tal-UE, u aktar minn 21 miljun
negozju, huwa l-bażi għal tkabbir intelliġenti, sostenibbli u inklussiv,
konformi mal-għanijiet tal-Istrateġija Ewropa 2020. 1.5.3. Tagħlimiet miksuba minn
esperjenzi simili fil-passat Bħalissa
ma hemm l-ebda sistema informatika fuq livell tal-UE li tindirizza s-soluzzjoni
onlajn għat-tilwim bejn il-konsumaturi u n-negozjanti fir-rigward
tat-tranżazzjonijiet transkonfinali onlajn. Madankollu, għadd ta'
għodod informatiċi li jippermettu li atturi varji jkunu konnessi
madwar l-Istati Membri kollha diġà huma stabbiliti. L-għodda
informatika l-ġdida se tkun ibbażata l-aktar fuq dawn l-għodod.
Dawk l-aktar rilevanti huma l-għodda IMI IT, l-għodda ECC IT u
l-għodda SOLVIT IT. 1.5.4. Koerenza u sinerġija
possibbli ma' għodod rilevanti oħra Ir-Regolament
dwar l-ODR huwa bbażat fuq il-proposta għal Direttiva dwar
is-soluzzjoni għat-tilwim, għat-tilwim tal-konsumaturi (id-Direttiva
dwar l-ADR tal-konsumaturi). 1.6. Tul ta' żmien u impatt
finanzjarju √ Proposta/inizjattiva ta' tul ta'
żmien limitat –
√ Proposta/inizjattiva fis-seħħ
mill-2012 sal-2020. –
√ Impatt finanzjarjau mill-2012 sal-2020. Proposta/inizjattiva ta' tul ta' żmien
mhux limitat –
Implimentazzjoni b'perjodu ta' bidu mill-2012
sal-2014, –
u warajh tħaddim fuq skala sħiħa. 1.7. Mod(i) ta' ġestjoni
maħsub(a)[21] √ Ġestjoni diretta ċentralizzata mill-Kummissjoni
¨ Ġestjoni indiretta ċentralizzata
bid-delega tal-kompiti ta' implimentazzjoni lil: –
¨ l-aġenziji eżekuttivi –
¨ il-korpi stabbiliti mill-Komunitajiet[22] –
¨ il-korpi tas-settur pubbliku nazzjonali/il-korpi b'missjoni ta'
servizz pubbliku –
¨ il-persuni li ngħataw il-kompitu li jieħdu ħsieb
l-implimentazzjoni ta' azzjonijiet speċifiċi skont it-Titolu V
tat-Trattat dwar l-Unjoni Ewropea u identifikati fl-att bażiku rilevanti
skont it-tifsira tal-Artikolu 49 tar-Regolament Finanzjarju ¨ Ġestjoni konġunta mal-Istati Membri ¨ Ġestjoni deċentralizzata ma' pajjiżi terzi ¨ Ġestjoni konġunta ma' organizzazzjonijiet internazzjonali (għandhom jiġu
speċifikati) Jekk jiġi indikat
aktar minn mod wieħed ta' ġestjoni, jekk jogħġbok ipprovdi
d-dettalji fit-taqsima "Kummenti". Kummenti L-ebda
kumment. 2. MIŻURI TA'
ĠESTJONI 2.1. Regoli ta’
monitoraġġ u rappurtaġġ Speċifika
l-frekwenza u l-kundizzjonijiet Kull
tliet snin u għall-ewwel darba mhux aktar tard minn ħames snin wara
d-dħul fis-seħħ ta' dan ir-Regolament, il-Kummissjoni
għandha tippubblika rapport dwar l-applikazzjoni tar-Regolament.
Ir-rapport għandu jkun akkumpanjat, jekk ikun meħtieġ, bi
proposti għall-adattament ta' dan ir-Regolament. 2.2. Sistema ta' ġestjoni u
ta' kontroll 2.2.1. Riskju(i) identifikat(i) L-implimentazzjoni
tal-baġit tkopri studju tal-probabbiltà u l-iżvilupp ta' pjattaforma
informatika għall-ODR. Ir-riskji ewlenin huma dawn li ġejjin: Id-"Direttiva
dwar is-soluzzjoni alternattiva għat-tilwim, għat-tilwim
tal-konsumaturi (Direttiva dwar l-ADR tal-konsumaturi)" hija l-bażi
għar-Regolament tal-ODR, billi l-pjattaforma tal-ODR se tinkludi s-sistemi
nazzjonali ta' Soluzzjoni Alternattiva għat-Tilwim li se jiġu
notifikati skont id-Direttiva. Għalhekk, traspożizzjoni mhux kompluta
jew kompluta tard tad-Direttiva dwar l-ADR tal-konsumaturi taffettwa l-funzjonament
effettiv tas-sistema tal-UE ta' Soluzzjoni Onljan għat-Tilwim. Anke
jekk il-Kummissjoni tmexxi għadd ta' għodod informatiċi,
il-pjattaforma tal-ODR se tkun waħda mill-għodod bl-akbar numru ta'
atturi konnessi u b'applikazzjonijiet li jippermettu approċċ
magħmul apposta għall-ħtiġijiet tal-atturi tagħha.
Id-diffikultajiet tekniċi li jdewmu l-iżvilupp tal-pjattaforma huma
riskju possibbli. 2.2.2. Metodu(i) ta' kontroll
maħsub(a) Il-baġit
se jiġi implimentat permezz tal-ġestjoni diretta ċentralizzata. Il-Kummissjoni
se timmonitorja l-analiżi, l-ipprogrammar u l-fażi tal-ittestjar
tal-iżvilupp tal-għodda informatika. L-Unità responsabbli
għas-Sistemi ta' Informazzjoni fid-DĠ SANCO għandha esperjenza
kbira fl-immaniġġjar tal-għodod informatiċi (pereżempju
l-għodda ECC, CPCS, RAPEX), li wħud minnhom għandhom
similaritajiet mal-pjattaforma tal-ODR (l-għodda ECC). L-esperjenza
tal-passat se tippermetti r-reazzjoni effettiva u fil-ħin
għall-problemi li possibbilment jinqalgħu. Barra minn hekk, l-istudju
tal-probabbiltà li se jitwettaq fl-2012 se jgħin fl-identifikazzjoni
tar-riskji possibbli u d-diffikultajiet tekniċi, u b'hekk jippermetti
l-iżvilupp bla ostakoli tal-pjattaforma tal-ODR. Id-DIGIT u d-DGT se
jiġu kkonsultati wkoll għal ċerti aspetti tekniċi (pereżempju
l-magna tat-traduzzjoni awtomatika). 2.3. Miżuri
għall-prevenzjoni ta' frodi u irregolaritajiet Speċifika
l-prevenzjoni eżistenti jew maħsuba u l-miżuri ta' protezzjoni. Barra mill-applikazzjoni tal-mekkaniżmi ta' kontroll
regolatorji kollha, id-DĠ SANCO se joħloq strateġija kontra
l-frodi b'konformità mal-istrateġija ġdida kontra l-frodi
tal-Kummissjoni (CAFS) li ġiet adottata
fl-24 ta' Ġunju 2011 sabiex tiżgura inter alia
li l-kontrolli interni kontra l-frodi jikkonformaw bis-sħiħ mal-CASF
u li l-approċċ tal-ġestjoni tar-riskji tal-frodi tiegħu
jkun jista' jidentifika l-oqsma fejn ikun hemm riskju ta' frodi u reazzjonijiet
xierqa. Il-Kummissjoni tirrispetta d-dispożizzjonijiet
tar-Regolament Finanzjarju biex tmexxi l-akkwist pubbliku tal-hardware u
s-software informatiċi u s-servizzi relatati; għall-kuntratti kollha
ffirmati japplikaw id-dispożizzjonijiet relatati mal-awditjar u l-verifiki
mill-Qorti tal-Awdituri u l-OLAF. 3. IMPATT FINANZJARJU STMAT
TAL-PROPOSTA/INIZJATTIVA 3.1. Intestatura(i) tal-qafas
finanzjarju multiannwali u linja(i) baġitarja(i) tan-nefqa affettwata · Linji baġitarji tan-nefqa eżistenti Fl-ordni
tal-intestaturi u l-linji baġitarji tal-qafas finanzjarju multiannwali. Intestatura tal-qafas finanzjarju multiannwali || Linja baġitarja || Tip ta' nefqa || Kontribut Għadd [Deskrizzjoni………………………...……….] || Diff./mhux diff ([23]) || mill-pajjiżi tal-EFTA[24] || mill-pajjiżi kandidati[25] || mill-pajjiżi terzi || skont it-tifsira tal-Artikolu 18(1)(aa) tar-Regolament Finanzjarju 1A || 17.020200 || Diff. || IVA || LE || LE || LE · Linji baġitarji ġodda mitluba: Mhux Aplikabbli Fl-ordni tal-intestaturi u l-linji baġitarji
tal-qafas finanzjarju multiannwali. Intestatura tal-qafas finanzjarju multiannwali || Linja baġitarja || Tip ta' nefqa || Kontribut Għadd [Intestatura……………………………………..] || Diff./mhux diff || mill-pajjiżi tal-EFTA || mill-pajjiżi kandidati || mill-pajjiżi terzi || skont it-tifsira tal-Artikolu 18(1)(aa) tar-Regolament Finanzjarju || [XX.YY.YY.YY] || || IVA/ LE || IVA/ LE || IVA/ LE || IVA/ LE 3.2. Impatt stmat fuq in-nefqa 3.2.1. Taqsira tal-impatt stmat fuq
in-nefqa EUR miljun (sa tliet punti deċimali) Intestatura tal-qafas finanzjarju multiannwali: || Numru 3 || Kompetittività għat-Tkabbir u l-Impjiegi DĠ: Saħħa u Konsumaturi || || || Sena 2012 || Sena 2013 || Sena 2014 || Sena 2015 || Sena 2016 || Sena 2017 || Sena 2018 || Sena 2019 || Sena 2020 || TOTAL Approprjazzjonijiet operattivi || || || || || || || || || || Numru tal-linja baġitarja: 17.020200 || Impenji || (1) || 0,150 || 1,000 || 1,000 || 0,300 || 0,300 || 0,300 || 0,300 || 0,300 || 0,300 || 3,95 Ħlasijiet || (2) || 0,150 || 1,000 || 1,000 || 0,300 || 0,300 || 0,300 || 0,300 || 0,300 || 0,300 || 3,95 Numru tal-linja baġitarja || Impenji || (1a) || || || || || || || || || || Ħlasijiet || (2a) || || || || || || || || || || Approprjazzjonijiet ta' natura amministrattiva ffinanzjati mill-pakkett għall-programmi speċifiċi[26] || || || || || || || || || || Numru tal-linja baġitarja || || (3) || || || || || || || || || || Approprjazzjonijiet TOTALI għad-DĠ Saħħa u Konsumaturi || Impenji || =1+1a +3 || 0,150 || 1,000 || 1,000 || 0,300 || 0,300 || 0,300 || 0,300 || 0,300 || 0,300 || 3,95 Ħlasijiet || =2+2a +3 || 0,150 || 1,000 || 1,000 || 0,300 || 0,300 || 0,300 || 0,300 || 0,300 || 0,300 || 3,95 Approprjazzjonijiet operattivi TOTALI || Impenji || (4) || || || || || || || || Ħlasijiet || (5) || || || || || || || || Approprjazzjonijiet TOTALI ta' natura amministrattiva ffinanzjati mill-pakkett għall-programmi speċifiċi || (6) || || || || || || || || Approprjazzjonijiet TOTALI tal-INTESTATURA <….> tal-qafas finanzjarju multiannwali || Impenji || =4+ 6 || 0,150 || 1,0 || 1,0 || 0,3 || 0,3 || 0,3 || 0,3 || 3,95 Ħlasijiet || =5+ 6 || 0,150 || 1,0 || 1,0 || 0,3 || 0,3 || 0,3 || 0,3 || 3,95 Jekk aktar minn intestatura waħda hija affettwata
mill-proposta/inizjattiva: Mhux aplikabbli Approprjazzjonijiet operattivi TOTALI || Impenji || (4) || || || || || || || || Ħlasijiet || (5) || || || || || || || || Approprjazzjonijiet TOTALI ta' natura amministrattiva ffinanzjati mill-pakkett għall-programmi speċifiċi || (6) || || || || || || || || Approprjazzjonijiet TOTALI tal-INTESTATURI minn 1 sa 4 tal-qafas finanzjarju multiannwali (Ammont ta' referenza) || Impenji || =4+ 6 || || || || || || || || Ħlasijiet || =5+ 6 || || || || || || || || Intestatura tal-qafas finanzjarju multiannwali: || 5 || "Nefqa amministrattiva" EUR miljun (sa tliet punti deċimali) || || || Sena 2012 || Sena 2013 || || || || TOTAL DĠ: <Saħħa u Konsumaturi> || Riżorsi umani || 0,318 || 0,318 || || || || || || 0,636 Nefqa amministrattiva oħra || || || || || || || || TOTAL għad-DĠ <Saħħa u Konsumaturi.> || Approprjazzjonijiet || 0,318 || 0,318 || || || || || || 0,636 Approprjazzjonijiet TOTALI tal-INTESTATURA 5 tal-qafas finanzjarju multiannwali || (Impenji totali = ħlasijiet totali) || || || || || || || || 0,636 EUR miljun (sa tliet punti deċimali) || Sena 2012 || Sena 2013 || Sena 2014 || Sena 2015 || Sena 2016 || Sena 2017 || Sena 2018 || Sena 2019 || Sena 2020 || TOTAL Approprjazzjonijiet TOTALI tal-INTESTATURI minn 1 sa 5 tal-qafas finanzjarju multiannwali || Impenji || 4,586 || 4,586 || 4,586 || 4,586 || 4,586 || 4,586 || 4,586 || 4,586 || 4,586 || 4,586 Ħlasijiet || 4,586 || 4,586 || 4,586 || 4,586 || 4,586 || 4,586 || 4,586 || 4,586 || 4,586 || 4,586 || || || || || || || || || || || 3.2.2. Impatt stmat fuq
l-approprjazzjonijiet operattivi –
¨ Il-proposta/inizjattiva ma tirrikjedix l-użu ta'
approprjazzjonijiet operattivi –
√ Il-proposta/inizjattiva
tirrikjedi l-użu ta' approprjazzjonijiet operattivi, kif spjegat hawn
taħt: Approprjazzjonijiet tal-impenji f'EUR miljun (sa tliet
punti deċimali) Indika l-għanijiet u r-riżultati || || || Sena 2012 || Sena 2013 || Sena 2014 || Sena 2015 || Sena 2016 || Sena 2017 || Sena 2018 || Sena 2019 || Sena 2020 || TOTAL RIŻULTATI || Tip ta' riżultat || Spiża medja tar-riżultat || Għadd ta' riżultati || Spiża || Għadd ta' riżultati || Spiża || Għadd ta' riżultati || Spiża || Għadd ta' riżultati || Spiża || Għadd ta' riżultati || Spiża || Għadd ta' riżultati || Spiża || Għadd ta' riżultati || Spiża || Għadd ta' riżultati || Spiża || Għadd ta' riżultati || Spiża || Għadd totali ta' riżultati || Spiża totali GĦAN SPEĊIFIKU Nru 1 || || || || || || || || || || || || || || || || || || || || - Riżultat Pjattaforma informatika || || || 1 || || || 1,0 || || 1,0 || || || || || || || || || || || || || 1 || 2,0 - Riżultat Żamma tal-pjattaforma informatika || || || 1 || || || || || || || 0,3 || || 0,3 || || 0,3 || || 0.3 || || 0,3 || || 0,3 || 1 || 1,8 - Riżultat Studju tal-probabbiltà || || || 1 || 0,150 || || || || || || || || || || || || || || || || || 1 || 0,150 Subtotal għall-għan speċifiku Nru 1 || || || || || || || || || || || || || || || || || || || || GĦAN SPEĊIFIKU Nru 2 || || || || || || || || || || || || || || || || || || || || - Riżultat || || || || || || || || || || || || || || || || || || || || || || Subtotal għall-għan speċifiku Nru 2 || || || || || || || || || || || || || || || || || || || || || SPIŻA TOTALI || || 0,150 || || 1,0 || || 1,0 || || 0,3 || || 0,3 || || 0,3 || 0,3 || || 0,3 || || 0,3 || || 3,95 3.2.3. Impatt stmat fuq
l-approprjazzjonijiet ta' natura amministrattiva 3.2.3.1. Taqsira –
√ Il-proposta/inizjattiva
ma tirrikjedix l-użu ta' approprjazzjonijiet amministrattivi –
√ Il-proposta/inizjattiva
tirrikjedi l-użu ta' approprjazzjonijiet amministrattivi, kif spjegat hawn
taħt: EUR miljun (sa tliet
punti deċimali) || Sena 2012 || Sena 2013 || Sena 2014 || Sena 2015 || Sena 2016 || Sena 2017 || Sena 2018 || Sena 2019 || Sena 2020 || TOTAL INTESTATURA 5 tal-qafas finanzjarju multiannwali || || || || || || || || || || Riżorsi umani || 0,318 || 0,318 || || || || || || || || 0,636 Nefqa amministrattiva oħra || || 0, 030 || 0,020 || 0,030 || 0,010 || 0,010 || 0,010 || 0,010 || 0,010 || 0,130 Subtotal tal-INTESTATURA 5 tal-qafas finanzjarju multiannwali || || 0, 348 || 0,020 || 0,030 || 0,010 || 0,010 || 0,010 || 0,010 || 0,010 || 0,448 'Il barra mill-INTESTATURA 5[27] tal-qafas finanzjarju multiannwali || || || || || || || || || || Riżorsi umani || || || || || || || || || || Nefqa oħra ta' natura amminsitrattiva || || || || || || || || || || Subtotal 'il barra mill-INTESTATURA 5 tal-qafas finanzjarju multiannwali || || || || || || || || || || TOTAL || 0,318 || 0,348 || 0,020 || 0,030 || 0,010 || 0,010 || 0,010 || 0,010 || 0,010 || 4,798 3.2.3.2. Rekwiżiti stmati ta'
riżorsi umani –
¨ Il-proposta/inizjattiva ma tirrikjedix l-użu ta' riżorsi
umani –
√ Il-proposta/inizjattiva
tirrikjedi l-użu ta' riżorsi umani, kif spjegat hawn taħt[28]: L-istima għandha tiġi espressa f'ammonti
sħaħ (jew l-aktar sa punt deċimali wieħed) || Sena 2012 || Sena 2013 || || || Sena N Postijiet tal-pjan ta' stabbiliment (uffiċjali u aġenti temporanji) || 17 01 01 01 (Il-Kwartieri Ġenerali u l-Uffiċċji ta' Rappreżentanza tal-Kummissjoni) || 2 (0,254) || 2 (0,254) || || || || || XX 01 01 02 (Delegazzjonijiet) || || || || || || || XX 01 05 01 (Riċerka indiretta) || || || || || || || 10 01 05 01 (Riċerka diretta) || || || || || || || Persunal estern (f'unità Ekwivalenti għal Full Time: FTE)[29] || 17 01 02 01 (CA, INT, SNE mill-"pakkett globali") || 1 (0,064) || 1 (0,064) || || || || || XX 01 02 02 (CA, INT, JED, LA u SNE fid-delegazzjonijiet) || || || || || || || XX 01 04 yy [30] || - fil-Kwartieri Ġenerali[31] || || || || || || || - fid-delegazzjonijiet || || || || || || || XX 01 05 02 (CA, INT, SNE - Rierka indiretta) || || || || || || || 10 01 05 02 (CA, INT, SNE - Riċerka diretta) || || || || || || || Linji baġitarji oħrajn (speċifika) || || || || || || || TOTAL || 3 (0,318) || 3 (0,318) || || || || || XX huwa l-qasam
tal-politika jew titolu baġitarju kkonċernat. Deskrizzjoni
tal-kompiti li għandhom jitwettqu: Uffiċjali u aġenti temporanji || L-iżvilupp, il-manutenzjoni u l-aġġornament tas-sistema informatika tas-Soluzzjoni Onlajn għat-Tilwim. Persunal estern || Mhux applikabbli Ir-riżorsi umani meħtieġa se
jittieħdu mill-persunal li diġà huma assenjati
għall-ġestjoni tal-azzjoni u skjerati mill-ġdid fi ħdan
id-DĠ, flimkien ma’ kwalunkwe allokazzjoni addizzjonali, jekk tkun
meħtieġa, li tista’ tingħata lid-DĠ ta' ġestjoni skont
il-proċedura ta’ allokazzjoni annwali u fid-dawl tal-limitazzjonijiet
baġitarji eżistenti. 3.2.4. Kompatibbiltà mal-qafas
finanzjarju multiannwali attwali –
√ Il-proposta/inizjattiva
hija kompatibbli kemm mal-qafas finanzjarju multiannwali tal-2007-2013 u dak
tal-2014-2020. –
¨ Il-proposta/inizjattiva se tinkludi l-ipprogrammar mill-ġdid
tal-intestatura rilevanti fil-qafas finanzjarju multiannwali. Spjega x'inhu meħtieġ bħala programmar
mill-ġdid, filwaqt li tispeċifika l-linji baġitarji
kkonċernati u l-ammonti korrispondenti. ………………………………………………………………………………………………………….. –
¨ Il-proposta/inizjattiva tirrikjedi l-applikazzjoni tal-istrument
tal-flessibbiltà jew ir-reviżjoni tal-qafas finanzjarju multiannwali[32]. Spjega x'inhu meħtieġ, filwaqt li
tispeċifika l-intestaturi u l-linji baġitarji kkonċernati u
l-ammonti korrispondenti. ………………………………………………………………………………………………………….. 3.2.5. Kontributi minn partijiet
terzi –
√ Il-proposta/inizjattiva
ma tipprevedix il-kofinanzjament minn partijiet terzi. –
Il-proposta/inizjattiva tipprevedi
għall-kofinanzjament stmat hawn taħt: Approprjazzjonijiet f'EUR miljun (sa tliet punti
deċimali) || Sena N || Sena N+1 || Sena N+2 || Sena N+3 || daħħal in-numru ta' snin meħtieġa biex turi t-tul tal-impatt (ara l-punt 1.6) || Spiża Speċifika l-korp ta' kofinanzjament || || || || || || || || TOTAL tal-approprjazzjonijiet kofinanzjati || || || || || || || || 3.3. Impatt stmat fuq id-dħul
–
√ Il-proposta/inizjattiva
ma għandha l-ebda impatt finanzjarju fuq id-dħul. –
¨ Il-proposta/inizjattiva għandha l-impatt finanzjarju li ġej: ¨ fuq ir-riżorsi proprji ¨ fuq id-dħul mixxellanju EUR miljun (sa tliet punti deċimali) Linja baġitarja tad-dħul || Approprjazzjonijiet disponibbli għas-sena baġitarja attwali || Impatt tal-proposta/inizjattiva[33] Sena N || Sena N+1 || Sena N+2 || Sena N+3 || daħħal in-numru ta' snin meħtieġa biex turi t-tul tal-impatt (ara l-punt 1.6) Artikolu …………. || || 5. || || || || || || Għad-dħul
assenjat mixxellanju, speċifika l-linja(i) tan-nefqa baġitarja
affettwata(i). ………………………………………………………………………………………………………….. Speċifika l-metodu
għall-kalkolu tal-impatt fuq id-dħul. ………………………………………………………………………………………………………….. [1] Ir-rapport
tal-2010 tan-netwerk taċ-Ċentru Ewropew tal-Konsumatur jindika li
aktar minn nofs l-ilmenti (56,3%) li waslu lill-ECC-Net kienu marbuta ma'
tranżazzjonijiet tal-kummerċ elettroniku. Madankollu,
mill-35 000 ilmenti transkonfinali li waslu lin-netwerk tal-ECC
fl-2010, 91 % ma setgħux jiġu riferuti lil skema tal-ADR fi Stat
Membru ieħor għax ma kienet teżisti l-ebda skema tal-ADR xierqa
(http://ec.europa.eu/consumers/ecc/docs/2010_annual_report_ecc_en.pdf). [2] Inizjattiva
Ewlenija Ewropa 2020: "Aġenda Diġitali għall-Ewropa"
COM(2010) 245, p. 13. [3] Komunikazzjoni
mill-Kummissjoni "L-Att dwar is-Suq Uniku" COM (2011) 206, p.9. [4] "Consumer
redress in the European Union: consumers' experiences, perceptions and
opinions", 2009 http://ec.europa.eu/consumers/redress_cons/docs/cons_redress_EU_qual_study_report_en.pdf
[5] Konsultazzjoni
pubblika dwar l-użu tas-Soluzzjoni alternattiva għat-tilwim (ADR)
bħala mezz biex jissolva tilwim relatat ma' transazzjonijiet
kummerċjali u prattiċi fl-UE. Id-dikjarazzjoni tat-tweġibiet u
r-reazzjonijiet hija disponibbli fuq: http://ec.europa.eu/consumers/redress_cons/adr_en.htm
[6] http://www.european-consumer-summit.eu/workshops3_en.asp
[7] Proposta
għal Regolament tal-Parlament Ewropew u tal-Kunsill dwar programm
tal-konsumaturi 2014-2020, SEC(2011) 1320 finali u SEC(2011) 1321 finali. [8] ĠU
C , , p. . [9] Komunikazzjoni
mill-Kummissjoni "Att dwar is-Suq Uniku" COM (2011)
206, p. 9. [10] Konklużjonijiet
tal-Kunsill Ewropew tal-24-25 ta' Marzu 2011, EUCO 10/11, p. 4;
ara wkoll il-Konklużjonijiet tal-Kunsill Ewropew
tat-23 ta' Ottubru 2011, EUCO 52/11, pp. 1-2. [11] ĠU L 136, 24.5.2008, p. 3. [12] ĠU
L 12, 16.1.2001, p. 32. [13] ĠU
L 199, 31.7.2007, p. 40. [14] ĠU
L 177, 4.7.2008, p. 6. [15] ĠU
L …, …., p. …. [16] ĠU L 281, 23.11.1995, p. 31. [17] ĠU L 8, 12.1.2001, p. 1. [18] ĠU
L ..., ..., p. .... [19] ABM:
Activity-Based Management (Ġestjoni Skont l-Attività) – ABB:
Activity-Based Budgeting (Ibbaġitjar Skont l-Attività). [20] Kif
imsemmi fl-Artikolu 49(6)(a) jew (b) tar-Regolament Finanzjarju. [21] Dettalji
tal-modi ta' ġestjoni u referenzi għar-Regolament Finanzjarju
jistgħu jinsabu fuq il-websajt tal-BudgWeb: http://www.cc.cec/budg/man/budgmanag/budgmanag_en.html [22] Kif
imsemmi fl-Artikolu 185 tar-Regolament Finanzjarju. [23] Diff.
= approprjazzjonijiet differenzjati / Mhux Diff. = approprjazzjonijiet mhux
differenzjati [24] EFTA:
Assoċjazzjoni Ewropea tal-Kummerċ Ħieles. [25] Il-pajjiżi
kandidati u, fejn japplika, il-pajjiżi kandidati potenzjali mill-Balkani
tal-Punent. [26] Għajnuna
u nefqa teknika u/jew amministrattiva bħala appoġġ
tal-implimentazzjoni tal-programmi u/jew azzjonijiet tal-UE (li qabel kienu
l-linji "BA"), riċerka indiretta, riċerka diretta. [27] Għajnuna
u nefqa teknika u/jew amministrattiva bħala appoġġ
tal-implimentazzjoni tal-programmi u/jew azzjonijiet tal-UE (li qabel kienu
l-linji "BA"), riċerka indiretta, riċerka diretta. [28] L-impatt
baġitarju se jiġi indirizzat permezz tal-iskjerament mill-ġdid
fis-snin 2012 u 2013. Mill-2014 'il quddiem, il-ħtiġijiet
tar-riżorsi umani huma koperti mill-programm Konsumaturi 2020. [29] CA
= Aġent Kuntrattwali; INT = persunal tal-aġenzija ("Intérimaire");
JED= "Jeune Expert en Délégation" (Esperti
Żgħażagħ fid-Delegazzjonijiet); LA = Aġent Lokali;
SNE= Espert Nazzjonali Sekondat. [30] Taħt
il-limitu għall-persunal estern mill-approprjazzjonijiet operattivi (li
qabel kienu l-linji "BA"). [31] Essenzjalment
għall-Fondi Strutturali, il-Fond Agrikolu Ewropew għall-Iżvilupp
Rurali (FAEŻR) u l-Fond Ewropew għas-Sajd (FES). [32] Ara
l-punti 19 u 24 tal-Ftehim Interistituzzjonali. [33] Fir-rigward
tar-riżorsi proprji tradizzjonali (dazji, taxxi fuq iz-zokkor), l-ammonti
indikati għandhom ikunu ammonti netti, jiġifieri ammonti grossi wara
tnaqqis ta' 25 % għall-ispejjeż tal-ġbir.