MEMORANDUM TA' SPJEGAZZJONI

(1) Fit-2 ta' Marzu 2011, il-Kunsill adotta r-Regolament (UE) Nru 204/2011 dwar miżuri restrittivi fid-dawl tas-sitwazzjoni fil-Libja, u sabiex jagħti effett għar-Riżoluzzjoni tal-Kunsill tas-Sigurtà tan-Nazzjonijiet Uniti 1970 (2011).

(2) Fil-15 ta' Settembru 2011, il-Kunsill tas-Sigurtà tan-Nazzjonijiet Uniti adotta r-Riżoluzzjoni 2009 (2011) biex jippromwovi l-irkupru tal-Libja mill-kunflitt reċenti tagħha u jibda jirtira wħud mis-sanzjonijiet imposti taħt l-UNSCR 1970 u r-Riżoluzzjonijiet suċċessivi. L-UNSCR 2009 toħloq eżenzjonijiet ġodda fuq l-embargo tal-armi, tneħħi restrizzjonijiet fuq titjiriet operati mil-Libja, u tipprovdi għal tneħħija ta' ffriżar b'mod trasparenti u responsabbli ta' ċerti fondi ffriżati skont l-UNSCR 1970 sabiex jingħata appoġġ għat-tkomplija tal-attività ekonomika Il-Kunsill qiegħed iħejji Deċiżjoni tal-PESK biex jimplimenta l-UNSCR 2009.

(3) Uħud minn dawn il-miżuri jaqgħu fil-kamp ta' applikazzjoni tat-Trattat dwar il-Funzjonament tal-Unjoni Ewropea u, għalhekk, partikolarment bil-għan li jiġi żgurat li jiġu applikati b'mod uniformi mill-operaturi ekonomiċi fl-Istati Membri kollha, hija meħtieġa azzjoni regolatorja fil-livell tal-UE għall-implimentazzjoni tagħhom.

2011/0259 (NLE)

Proposta Konġunta għal

REGOLAMENT TAL-KUNSILL

li jemenda r-Regolament (UE) Nru 204/2011 dwar miżuri restrittivi fid-dawl tas-sitwazzjoni fil-Libja

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 215 tiegħu,

Wara li kkunsidra d-Deċiżjoni tal-Kunsill 2011/ /PESK tal-[…] li temenda d-Deċiżjoni tal-Kunsill 2011/137/PESK rigward miżuri restrittivi fid-dawl tas-sitwazzjoni fil-Libja[1],

Wara li kkunsidra l-proposta konġunta mir-Rappreżentant Għoli tal-Unjoni għall-Affarijiet Barranin u l-Politika ta' Sigurtà u l-Kummissjoni Ewropea,

Billi:

(1) (1)        Fit-2 ta' Marzu 2011, il-Kunsill adotta r-Regolament (UE) Nru 204/2011 dwar miżuri restrettivi fid-dawl tas-sitwazzjoni fil-Libja[2].

(2) Flimkien mar-Riżoluzzjoni tal-Kunsill tas-Sigurtà tan-Nazzjonijiet 2009 (2011), id-Deċiżjoni tal-Kunsill 2011/[…]/PESK tipprovdi b'mod partikolari għal eżenzjonijiet ġodda fuq l-embargo fuq l-armi, aġġustamenti għall-assi ffriżati ta' ċerti entitajiet Libjani u t-tkomplija ta' ċerti titjiriet Libjani, biex jingħata appoġġ lill-irkupru ekonomiku tal-Libja.

(3) Uħud minn dawk il-miżuri jaqgħu fil-kamp ta' applikazzjoni tat-Trattat dwar il-Funzjonament tal-Unjoni Ewropea u, għalhekk, b'mod partikolari bil-għan li tiġi żgurata l-applikazzjoni uniformi tagħhom mill-operaturi ekonomiċi fl-Istati Membri kollha, hija meħtieġa azzjoni regolatorja fil-livell tal-UE għall-implimentazzjoni tagħhom.

(4) Sabiex jiġi żgurat li l-miżuri previsti f'dan ir-Regolament ikunu effettivi, dan ir-Regolament irid jidħol fis-seħħ minnufih,

ADOTTA DAN IR-REGOLAMENT:

Artikolu 1

Ir-Regolament (UE) Nru 204/2011 huwa emendat kif ġej:

(1) Fl-Artikolu 3 għandu jiżdied il-paragrafu li ġej:

“6.     B’deroga mill-paragrafu 1, l-awtoritajiet kompetenti tal-Istati Membri, kif indikat fil-websajts elenkati fl-Anness IV, jistgħu jawtorizzaw il-forniment, lil persuni, entitajiet jew korpi fil-Libja, ta’ assistenza teknika, finanzjament u assistenza finanzjarja relatati mal-oġġetti u teknoloġija elenkati fil-Lista Militari Komuni jew relatati mat-tagħmir li jista' jintuża għal repressjoni interna, għall-assistenza tas-sigurtà jew tad-diżarm lill-awtoritajiet Libjani, sakemm l-Istat Membru kkonċernat ikun innotifika bil-quddiem il-ħsieb tiegħu biex jagħti awtorizzazzjoni lill-Kumitat tas-Sanzjonijiet, u l-Kumitat tas-Sanzjonijiet ma jkunx oġġezzjona fi żmien ħamest ijiem ta' xogħol minn tali notifika. ”

(2) L-Artikolu 4a għandu jitħassar.

(3) Fl-Artikolu 5, ghandu jiddaħħal il-paragrafu li ġej:

“4.     Il-fondi u r-riżorsi ekonomiċi kollha li fil-[.../ … / 2011] huma sjieda, miżmuma, jew taħt il-kontroll ta':

(a) Il-Bank Ċentrali tal-Libja;

(b) Libyan Arab Foreign Bank;

(c) Libyan Investment Authority; kif ukoll

(d) Libyan Africa Investment Portfolio,

u li jinsabu barra mil-Libja fuq [.../…/2011] għandhom jibqgħu friżati.

(4) Għandu jiddaħħal l-Artikolu 8b li ġej:

“Artikolu 8b

1.           B'deroga mill-Artikolui 5(4), l-awtoritajiet kompetenti tal-Istati Membri, kif indikat fil-websajts elenkati fl-Anness IV, jistgħu jawtorizzaw ir-rilaxx ta’ ċerti fondi jew riżorsi ekonomiċi ffriżati, sakemm:

(a) il-fondi jew ir-riżorsi ekonomiċi għandhom jintużaw għal wieħed jew aktar skopijiet li ġejjin:

(i)      ħtiġijiet umanitarji;

(ii)      karburant, elettriku u ilma għall-użu strettament tac-ċittadini;

(iii)     il-bidu mill-ġdid tal-produzzjoni Libjana u l-bejgħ ta' idrokarburi;

(iv)     stabbiliment, operat jew tisħiħ tal-istituzzjonijiet tal-gvern ċivili u tal-infrastruttura pubblika ċivili; jew

(v)     l-iffaċilitar tat-tkomplija tal-operazzjonijiet tas-settur bankarju, inkluż l-appoġġ jew l-iffaċilitar tal-kummerċ internazzjonali mal-Libja;

(b) l-Istat Membru kkonċernat ikun ipprovda l-avviż lill-Kumitat tas-Sanzjonijiet bil-ħsieb tiegħu li jawtorizza aċċess għal fondi jew riżorsi ekonomiċi, u l-Kumitat tas-Sanzjonijiet ma jkunx oġġezzjona fi żmien ħamest ijiem ta' xogħol minn tali notifika,

(c) l-Istat Membru kkonċernat innotifika lill-Kumitat tas-Sanzjonijiet li dawk il-fondi, jew riżorsi ekonomiċi m'għandhomx isiru disponibbli lil jew għal benefiċċju ta’ kwlaunkwe persuni, entitajiet jew korpi elenkati fl-Annessi II u III.

(d) l-Istat Membru kkonċernat ikkonsulta bil-quddiem mal-awtoritajiet Libjani dwar l-użu ta' tali fondi jew riżorsi ekonomiċi; kif ukoll

(e) l-Istat Membru kkonċernat ikkondivida mal-awtoritajiet Libjani n-notifika mressqa skont dan il-paragrafu u l-awtoritajiet Libjani ma oġġezzjonaw fi żmien ħamest ijiem ta' xogħol mir-rilaxx ta' tali fondi jew riżorsi ekonomiċi.

2.           B'deroga mill-Artikolu 5(4) u sakemm ikun hemm ħlas dovut skont kuntratt jew ftehim li ġie konkluż minn, jew obbligu li tqajjem għal persuna, entità jew korp ikkonċernat, qabel id-data li fiha dik il-persuna, entità jew korp ġew innominati mill-Kunsill tas-Sigurtà tan-Nazzjonijiet Uniti u mill-Kumitat tas-Sanzjonijiet, l-awtoritajiet kompetenti tal-Istati Membri, kif indikat fil-websajts elenkati fl-Anness IV, jistgħu jawtorizzaw, taħt tali kundizzjonijiet kif iqisu xieraq, ir-rilaxx ta' ċerti fondi jew riżorsi ekonomiċi ffriżati, jekk il-kundizzjonijiet li ġejjin jiġu sodisfatti:

(a)     l-awtorità kompetenti kkonċernata ddeterminat li l-ħlas mhuwiex jikser l-Artikolu 5(2) u lanqas huwa ta' benefiċċju għal persuni, entitajiet jew korpi msemmija fl-Artikolu 5(4);

(b)     il-Kumitat tas-Sanzjonijiet ġie nnotifikat mill-Istat Membru relevanti dwar l-intenzjoni li jagħti awtorizzazzjoni għaxart ijiem ta' xogħol bil-quddiem.”

Artikolu 2

L-Anness II għar-Regolament (UE) Nru°204/2011 huwa emendat skont l-Anness għal dan ir-Regolament.

Artikolu 3

Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magġmul fi.Brussell, […]

                                                                       Għall-Kunsill

                                                                       Il-President                                                                        […]

ANNESS

Il-persuni ġuridiċi, entitajiet jew korpi li ġejjin għandhom jitneħħew mill-lista stabbilita fl-Anness II għar-Regolament (UE) Nru 204/2011.

1.           Il-Bank Ċentrali tal-Libja

2.           Libyan Investment Authority

3.           Libyan Foreign Bank

4.           Libya Africa Investment Portfolio

[1]               ĠU L […], […].2011, p. […].

[2]               ĠU L 58, 3.03.2011, p. 1.