MEMORANDUM TA’ SPJEGAZZJONI

1.           KUNTEST TAL-PROPOSTA

· Raġunijiet għall-proposta u l-objettivi tagħha

L-amministrazzjonijiet pubbliċi tal-Istati Membri responabbli għall-applikazzjoni tal-liġi tal-UE huma dejjem aktar meħtieġa mil-liġi tal-UE biex jikkooperaw mal-kontropartijiet tagħhom fi Stati Membri oħra. Biex tgħinhom fil-kompiti tagħhom, is-Sistema ta’ Informazzjoni tas-Suq Intern (‘IMI’) ġiet iddiżinjata u żviluppata mill-Kummissjoni Ewropa bħala pjattaforma ta’ kooperazzjoni amministrattiva ġenerika u li tista’ tiġi mmodifikata skont il-ħtiġijiet u ilha tiġi offruta bħala servizz mingħajr ħlas lill-Istati Membri sa mill-2008. Tipprovdi lil aktar minn 6 000 awtorità rreġistrati fis-27 Stat Membru u fi tliet pajjiżi taż-ŻEE mezz rapidu u sigur ta’ komunikazzjoni għall-iskambju ta’ informazzjoni transkonfinali mal-kontropartijiet tagħhom, biex b’mod effettiv jegħlbu l-ostakli minħabba l-lingwi u l-istrutturi amministrattivi differenti. Attwalment, l-IMI tintuża għall-iskambju ta’ informazzjoni skont id-Direttiva 2005/36/KE tal-Parlament Ewropew u tal-Kunsill tas-7 ta’ Settembru 2005 dwar ir-rikonoxximent ta’ kwalifiki professjonali[1] (‘id-Direttiva dwar ir-Rikonoxximent ta’ Kwalifiki Professjonali’) u d-Direttiva 2006/123/KE tal-Parlament Ewropew u tal-Kunsill tat-12 ta’ Diċembru 2006 dwar is-servizzi fis-suq intern[2] (‘id-Direttiva dwar is-Servizzi’). Fl-2010, ġew skambjati madwar 2 000 talba għal informazzjoni permezz tal-IMI.

Ħafna drabi, il-kooperazzjoni amministrattiva transkonfinali tinvolvi l-ipproċessar u l-iskambju ta’ dejta personali taċ-ċittadini tal-UE, bħalma jiġri fil-każ taħt id-Direttiva tas-Servizzi u d-Direttiva dwar il-Kwalifiki Professjonali. Minn perspettiva legali, l-IMI topera fuq bażi ta’ deċiżjoni tal-Kummissjoni, deċiżjoni ‘komitoloġika’, u rakkomandazzjoni mill-Kummissjoni[3]. In-nuqqas ta’ strument legali uniku adottat mill-Parlament Ewropew u l-Kunsill li jkun ta’ bażi għall-operazzjonijiet tagħhom beda jiġi kkunsidrat bħala ostaklu għall-espansjoni ulterjuri tal-IMI. Fil-prattika, l-IMI tiggarantixxi livell għoli ta’ protezzjoni teknika u proċedurali tad-dejta. Bis-saħħa tal-ħafna karatteristiċi proċedurali u tekniċi li jsaħħu l-privatezza li nbnew fis-sistema fuq il-prinċipju ta’ privatezza permezz tad-disinn, l-ipproċessar tad-dejta personali fl-IMI joffri livell għoli ħafna ta’ protezzjoni u ta’ sigurtà fuq metodi oħra ta’ skambju ta’ informazzjoni bħall-posta, it-telefown, il-fax jew l-e-mail. Barra minn hekk, il-kunsiderazzjonijiet għall-protezzjoni tad-dejta huma indirizzati fl-użu ta’ kuljum tas-sistema u huma inklużi fil-materjal ta’ taħriġ għall-utenti tal-IMI.

Skont il-Komunikazzjoni mill-Kummissjoni ‘Lejn Att dwar is-Suq Uniku’, l-estensjoni tal-IMI għal setturi oħra ‘bl-għan li jinħoloq netwerk elettroniku veru "wiċċ imb' wiċċ" għall-amministrazzjonijiet Ewropej’ hija waħda mill-mezzi għall-promozzjoni ta’ governanza aħjar tas-suq uniku[4]. Il-Komunikazzjoni mill-Kummissjoni[5] ‘Governanza Aħjar tas-Suq Uniku permezz ta’ kooperazzjoni amministrattiva ikbar: Strateġija għall-espansjoni u l-iżvilupp tas-Sistema ta’ Informazzjoni tas-Suq Intern (“IMI”)’ (‘il-Komunikazzjoni dwar l-Istrateġija tal-IMI’) adottata fil-21 ta’ Frar 2011 stabbiliet pjanijiet għall-espansjoni futura tal-IMI għal oqsma oħra tal-liġi tal-UE. Il-Komunikazzjoni mill-Kummissjoni ‘Lejn Att dwar is-Suq Uniku’ saħqet fuq l-importanza li l-IMI issaħħaħ il-kooperazzjoni fost l-atturi involuti, inkluż fuq livell lokali, biex b’hekk tikkontribwixxi għal governanza aħjar tas-suq uniku[6].

L-objettivi ta’ din il-proposta huma li:

(1) Jiġi stabbilit qafas legali sod għall-IMI kif ukoll li jiġi stabbilit sett ta’ regoli komuni biex jiġi żgurat li tiffunzjona b’mod effiċjenti;

(2) Jiġi pprovdut qafas komprensiv għall-protezzjoni tad-dejta billi jiġu stabbiliti r-regoli għall-ipproċessar ta’ dejta personali fl-IMI;

(3) Tiġi ffaċilitata l-espansjoni futura possibbli tal-IMI għal oqsma ġodda tal-liġi tal-UE; u

(4) Jiġu ċċarati l-irwoli tal-atturi differenti involuti fl-IMI.

· Kuntest ġenerali

Fid-deċiżjonijiet tagħha C/2006/3606 tal-14 ta’ Awwissu 2006, C/2007/3514 tal-25 ta’ Lulju 2007 u C/2008/1881 tal-14 ta’ Mejju 2008, il-Kummissjoni ddeċidiet li tiffinanzja u tistabbilixxi s-Sistema ta’ Informazzjoni tas-Suq Intern bħala proġett ta’ interess komuni taħt il-programm dwar it-twassil interoperabbli tas-servizzi eGovernattivi pan-Ewropej lill-amministrazzjonijiet pubbliċi, lin-negozji u liċ-ċittadini (IDABC). Finanzjament ulterjuri ġie pprovdut mid-Deċiżjoni tal-Kummissjoni C/2007/3514 tal-25 ta’ Lulju 2007 dwar ir-raba’ reviżjoni tal-Programm ta’ Ħidma tal-IDABC.

Id-Deċiżjoni tal-Kummissjoni 2008/49/KE stabbiliet il-funzjonijiet, id-drittijiet u l-obbligi tal-atturi u l-utenti tal-IMI, filwaqt li qieset l-opinjoni tal-Grupp ta’ Ħidma tal-Artikolu 29[7]. Wara l-adozzjoni tad-Deċiżjoni, il-Kontrollur Ewropew għall-Protezzjoni tad-Data (EDPS) ħareġ opinjoni[8] li fiha sejjaħ għall-adozzjoni ta’ strument legali mill-Parlament Ewropew u mill-Kunsill minħabba l-espansjoni prevista tal-IMI għal oqsma addizzjonali tal-leġiżlazzjoni dwar is-suq intern.

Sakemm jiġi adottat strument legali bħal dan, ġie miftiehem li jiġi segwit approċċ gradwali, li jibda bl-adozzjoni ta’ linji gwida għall-implimentazzjoni ta’ regoli dwar il-protezzjoni tad-dejta fl-IMI, imfassla f’konsultazzjoni mil-qrib mal-EDPS[9]. Il-Kummissjoni kkunsidrat li dan l-approċċ pass pass irriżulta li kien wieħed effettiv biex jiżgura livell għoli ta’ protezzjoni tad-dejta teknika u proċedurali fl-IMI[10].

· Dispożizzjonijiet eżistenti fil-qasam tal-proposta

L-ipproċessar ta’ dejta personali fl-IMI huwa indirizzat mid-Deċiżjonijiet u r-Rakkomandazzjoni tal-Kummissjoni elenkati fin-nota ta’ qiegħ il-paġna numru 3.

2.           IR-RIŻULTATI TAL-KONSULTAZZJONIJIET MAL-PARTIJIET INTERESSATI U L-VALUTAZZJONIJIET TAL-IMPATT

· Konsultazzjoni mal-partijiet interessati

Matul l-aħħar sena, il-Kummissjoni infurmat lill-partijiet interessati tal-IMI, inkluż lill-koordinaturi nazzjonali tal-IMI u lill-awtoritajiet li kienu qegħdin jużaw is-sistema, permezz ta’ bosta fora, dwar il-pjanijiet tagħha għall-espansjonijiet tal-IMI fil-futur. Ir-reazzjonijiet li waslu urew appoġġ ġenerali għall-intenzjoni tal-Kummissjoni li tipproponi strument legali orizzontali li jneħħi kull dubju fir-rigward tan-natura vinkolanti tar-regoli għall-ipproċessar ta’ dejta personali fis-sistema.

L-EDPS ġie kkonsultat b’mod informali fl-istadji bikrija tat-tħejjija tal-proposta, kif ukoll b’mod formali matul il-konsultazzjoni formali ta’ bejn is-servizzi, u pprovda kontribut vitali.

· Valutazzjoni tal-impatt

Kif diġà ssemma’, il-proposta preżenti tikkonsolida r-regoli attwali li jirregolaw l-IMI fi ħdan strument wieħed orizzontali li jorbot legalment. Konsegwentament, ma kienx hemm il-ħtieġa li f’dan l-istadju jiġu kkunsidrati opzjonijiet politiċi alternattivi. Barra minn hekk, din il-proposta ma tantiċipax u lanqas ma tipprekludi xi deċiżjonijiet futuri dwar l-estenzjoni possibbli tal-IMI għal oqsma ġodda tad-dritt tal-Unjoni, iżda sejra sempliċiment tiffaċilita l-possibbiltà ta’ tali espansjoni billi tipprovdi qafas legali robust għall-funzjonament tal-IMI u proċedura flessibbli għal deċiżjonijiet dwar espansjoni futura, li sejrin ikunu bbażati fuq il-kriterji stabbiliti fil-Komunikazzjoni dwar l-Istrateġija tal-IMI msemmija hawn fuq. Għal dawn ir-raġunijiet, il-proposta ma ġietx soġġetta għal analiżi tal-valutazzjoni tal-impatt. Kull deċiżjoni sussegwenti li tirrigwarda l-espansjoni tal-użu tal-IMI lil hinn mill-oqsma tad-dritt tal-Unjoni li qiegħda tintuża għalihom bħalissa, sejra teħtieġ valutazzjonijiet tal-impatt proporzjonati.

3.           L-ELEMENTI LEGALI TAL-PROPOSTA

· Sommarju tal-azzjoni proposta

Din il-proposta għandha l-għan li ttejjeb il-kundizzjonijiet għall-funzjonament tas-suq intern billi tipprovdi strument effettiv u faċli biex jintuża mill-utent biex tiffaċilita l-implimentazzjoni prattika tal-dispożizzjonijiet tad-dritt tal-Unjoni li jagħmlu l-kooperazzjoni amministrattiva u l-iskambju ta’ informazzjoni mandatorji.

Ir-Regolament propost jistabbilixxi wkoll il-prinċipji ewlenin tal-protezzjoni tad-dejta permezz tal-IMI, inkluż id-drittijiet tas-suġġetti tad-dejta, fi strument legali uniku, b’hekk iżid it-trasparenza u jsaħħaħ iċ-ċertezza legali. Il-lista ta’ oqsma tal-atti tal-Unjoni li bħalissa huma sostnuti mill-IMI hija stabbilita fl-Anness I. L-oqsma ta’ espansjoni futura possibbli huma elenkati fl-Anness II. L-aspetti proċedurali u baġitarji li l-għan tagħhom huwa li jiffaċilitaw l-espansjoni futura tal-IMI huma konformi mal-Komunikazzjoni dwar l-Istrateġija tal-IMI msemmija hawn fuq.

· Bażi legali:

L-Artikolu 114 tat-TFUE

· Prinċipji ta’ sussidjarjetà u proporzjonalità

Minħabba n-natura tal-IMI bħala strument ċentralizzat ta’ komunikazzjoni żviluppat u ospitat mill-Kummissjoni, huwa meħtieġ li jiġi stabbilit sett ta’ regoli komuni applikabbli għas-sistema u li dan jiġi implimentat b’mod ċentralizzat. L-objettivi tal-IMI, jiġifieri t-tneħħija tal-ostakli għall-kooperazzjoni transkonfinali, bħall-ostakli lingwistiċi, kulturi amministrattivi u ta’ ħidma differenti u n-nuqqas ta’ proċeduri stabbiliti għall-iskambju ta’ informazzjoni, ma jistgħux jintlaħqu mill-Istati Membri u jeħtieġu azzjoni fuq livell tal-Unjoni Ewropea. Din il-proposta ma tmurx lil hinn minn dak li huwa neċessarju biex jintlaħqu dawk l-objettivi.

· Għażla ta’ strumenti

Strument propost: regolament

Fid-dawl tal-objettivi msemmija hawn fuq, huwa essenzjali li jiġi stabbilit sett ta’ regoli komuni għall-funzjonament tal-IMI. Dan ma setax jintlaħaq f’direttiva li, fin-natura tagħha, hija vinkolanti biss fir-rigward tar-riżultat li jrid jintlaħaq, iżda tħalli l-għażla tal-forma u l-metodi f’idejn l-awtoritajiet nazzjonali. Madankollu, fil-każ ta’ din il-proposta, huwa neċessarju li l-forma u l-metodi ta’ kooperazzjoni amministrattiva permezz tal-IMI jiġu definiti b’mod preċiż. F’termini ta’ preċedenti utli, jista’ jiġi indikat li regolamenti ntużaw ukoll għal sistemi kbar oħra tal-IT fuq livell tal-UE biex jindirizzaw il-protezzjoni tad-dejta u kwistjonijiet oħra[11]. Min-naħa l-oħra, il-fatt li jiġi propost att biex jiġi adottat mill-Kummissjoni u mhux mill-Parlament Ewropew u mill-Kunsill, bħal deċiżjoni tal-Kummissjoni, ikun sempliċiment qed jimita l-istatus quo u ma jkunx qiegħed jindirizza t-tħassib dwar iċ-ċertezza legali għaċ-ċittadini li fil-passat kien imfisser mill-EDPS.

4.           IMPLIKAZZJONI BAĠITARJA

Minħabba li l-użu tal-IMI huwa mandatorju għall-Istati Membri skont id-Direttiva dwar is-Servizzi u d-Direttiva adottata riċentement dwar l-applikazzjoni tad-drittijet tal-pazjent fil-qasam tal-kura tas-saħħa transkonfinali[12], huwa neċessarju li jiġi żgurat li l-IMI tista’ tkompli topera fuq bażi permanenti. Għal din ir-raġuni, kif ukoll biex ikun hemm fis-seħħ ġestjoni aktar effiċjenti u kontroll aqwa tal-baġit, ġie propost li n-nefqa relatata mal-IMI tiġi raggruppata mill-ġdid billi l-ispejjeż kollha jinġiebu taħt l-istess intestatura tal-baġit ġestita mid-DĠ MARKT (12.02.01 L-Implimentazzjoni u l-iżvilupp tas-Suq Intern), kif spjegat fid-dikjarazzjoni finanzjarja leġiżlattiva li takkumpanjaha.

Il-proposta preżenti ma għandhiex impatt baġitarju aktar minn dak diġà previst għas-snin li ġejjin fl-ipprogrammar uffiċjali tal-Kummissjoni u hija mingħajr preġudizzju għad- deċiżjonijiet dwar il-qafas finanzjarju multi-annwali ta’ wara l-2013.

5.           ELEMENTI MHUX OBBLIGATORJI

· Iż-Żona Ekonomika Ewropea

L-att propost jittratta kwistjoni taż-ŻEE u għalhekk għandu jiġi estiż għaż-Żona Ekonomika Ewropea.

· Spjegazzjoni dettaljata tal-proposta

Għażla tal-bażi legali

L-objettiv ewlieni tal-proposta huwa li ttejjeb il-kundizzjonijiet għall-funzjonament tas-suq intern billi tipprovdi strument effikaċi u faċli biex jintuża mill-utent li jiffaċilita l-implimentazzjoni prattika ta’ dawk id-dispożizzjonijiet tal-atti tal-Unjoni li jeħtieġu lill-Istati Membri sabiex jikkooperaw ma’ xulxin u mal-Kummissjoni u biex jiskambjaw l-informazzjoni (inkluż, ħafna drabi, id-dejta personali). Sabiex jiġi żgurat il-funzjonament effikaċi tal-IMI, huwa neċessarju li jiġu stabbiliti ċerti regoli komuni fir-rigward tal-governanza u l-użu tagħha. Dan jinkludi l-obbligu li jinħatar koordinatur nazzjonali wieħed tal-IMI f’kull Stat Membru (Artikolu 7), l-obbligu fuq l-awtoritajiet kompetenti li jipprovdu rispons adegwat u fil-ħin (Artikolu 8(1)) u d-dispożizzjoni li l-informazzjoni skambjata permezz tal-IMI tista’ tintuża biex tipprovdi evidenza bl-istess mod ta’ informazzjoni simili miksuba fl-istess Stat Membru (Artikolu 8(2)).

Fl-istess waqt, għandu jiġi żgurat livell għoli ta’ protezzjoni tad-dejta fl-implimentazzjoni tal-IMI.

Kapitolu I (Dispożizzjonijiet ġenerali)

Għadd ta’ dispożizzjonijiet tal-atti tal-Unjoni jeħtieġu li l-Istati Membri jikkooperaw ma’ xulxin u mal-Kummissjoni billi jiskambjaw l-informazzjoni. Bħala eżempju, id-Direttiva dwar il-Kwalifiki Professjonali teħtieġ kooperazzjoni amministrattiva u l-iskambju ta’ ċerta informazzjoni, inkluż dejta personali, fost l-amministrazzjonijiet tal-Istati Membri. Sa mill-2008, l-Istati Membri qablu li jużaw l-IMI għal tali kooperazzjoni u skambji għal firxa ta’ professjonijiet li gradwalment ġew estiżi bil-għan li jiġu koperti l-professjonijiet regolati kollha. Id-Direttiva dwar is-Servizzi tassenja obbligi għal assistenza reċiproka lill-Istati Membri, inkluż l-obbligu li l-informazzjoni tiġi pprovduta permezz ta’ mezzi elettroniċi (Artikolu 28(6)). Id-Deċiżjoni tal-Kummissjoni 2009/739/KE tat-2 ta’ Ottubru 2009 li tistipula l-arranġamenti prattiċi għall-iskambju ta’ informazzjoni bejn l-Istati Membri skont id-Direttiva dwar is-Servizzi.

Mis-16 ta’ Mejju 2011, l-awtoritajiet madwar l-UE li għandhom x’jaqsmu ma’ ħaddiema stazzjonati jistgħu jiskambjaw informazzjoni permezz tal-IMI fuq bażi pilota[13]. Barra minn hekk, id-Direttiva adottata riċentement dwar l-applikazzjoni tad-drittijiet tal-pazjenti fil-qasam tal-kura tas-saħħa transkonfinali tagħmel l-użu tal-IMI obbligatorju għall-iskambju ta’ informazzjoni fuq id-dritt tal-prattika tal-professjonisti tas-saħħa[14]. Id-dokument li jakkompanja l-‘Komunikazzjoni dwar l-Istrateġija tal-IMI’ jelenka oqsma oħra li jistgħu jibbenefikaw mill-IMI. Barra minn hekk, għandhom jiġu esplorati sinerġiji bejn l-IMI u għodod oħra tal-IT użati mill-Kummissjoni, inkluż fil-qasam tas-soluzzjoni tal-problemi.

Id-dispożizzjonijiet tal-Artikoli 1, 2 u 3 għandhom il-għan li jistabbilixxu l-għan u l-ambitu tal-IMI.

Il-mekkaniżmu propost għall-espansjoni tal-IMI għall-atti ġodda tal-Unjoni (Artikolu 4) għandu l-għan li jipprovdi l-flessibiltà neċessarja għall-futur filwaqt li jiżgura livell għoli ta’ ċertezza u trasparenza legali, b’mod partikolari għas-suġġetti tad-dejta. Għal dan il-għan, l-atti tal-Unjoni attwalment appoġġati mill-IMI huma stabbiliti fl-Anness I. Barra minn hekk, l-Anness II jelenka oqsma ta’ espansjoni futura possibbli tal-IMI. Wara valutazzjoni tal-fattibilità teknika, il-kosteffiċjenza, l-użu faċli biex jintuża mill-utent u l-impatt ġenerali fuq is-sistema, kif ukoll ir-riżultati ta’ fażi ta’ ittestjar possibbli, kif meħtieġ, il-Kummissjoni jkollha s-setgħa li taġġorna l-lista ta’ oqsma fl-Anness I kif jixraq, billi tadotta att iddelegat.

Kapitolu II (Il-funzjonijiet u r-responsabbiltajiet fir-rigward tal-IMI)

Id-dispożizzjonijiet ta’ dan il-kapitolu huma kruċjali għall-funzjonament effiċjenti tas-sistema (eż. l-irwoli rispettivi tal-koordinatur nazzjonali tal-IMI, l-Artikolu 7, u l-awtoritajiet kompetenti, l-Artikolu 8). B’mod partikolari, l-awtoritajiet kompetenti ma għandhomx jitħallew iqajmu dubju dwar il-valur evidenzjarju ta’ dokument irċevut minn Stat Membru ieħor sempliċiment minħabba li kien irċevut permezz tal-IMI u għandhom jittrattawh bl-istess mod bħal dokumenti simili li joriġinaw fl-Istat Membru tagħhom. Id-dispożizzjonijiet jirriflettu wkoll il-flessibbiltà offruta mill-IMI lill-Istati Membri fl-allokazzjoni tal-irwoli differenti fi ħdan is-sistema f’konformità mal-istruttura amministrattiva nazzjonali tagħhom.

L-Artikolu 9 jiċċara l-irwol tal-Kummissjoni. Għat-tipi ta’ kooperazzjoni amministrattiva attwalment koperti mill-IMI, dan jibqa’ limitat għall-iżgurar tas-sigurtà, id-disponibiltià, il-manteniment u l-iżvilupp tas-softwer u l-infrastruttura tal-IT għall-IMI. Madankollu, il-Kummissjoni tista’ wkoll tieħu parti attiva fil-flussi tax-xogħol tal-IMI, pereżempju għal proċeduri ta’ notifiki, fuq bażi ta’ dispożizzjonijiet legali jew arranġamenti oħra li jsejsu l-użu tal-IMI f’qasam speċifiku tas-suq intern.

L-Artikolu 10 dwar id-drittijiet ta’ aċċess huwa essenzjali biex jiżgura protezzjoni effikaċi għad-dejta personali pproċessata fis-sistema. B’mod partikolari jispeċifika li l-aċċess għal dejta personali pproċessata fl-IMI għandu jkun limitat għall-utenti tal-IMI li jkunu qegħdin jieħdu sehem fil-proċedura in kwistjoni.

Kapitolu III (L-ipproċessar ta’ dejta u s-sikurezza)

L-ipproċessar ta’ dejta personali permezz tal-IMI sejjer ikompli jkun ibbażat fuq flussi tax-xogħol pre-definiti, settijiet ta’ mistoqsijiet u proċeduri oħra (Artikolu 12). Dan jikkostitwixxi garanzija addizzjonali ta’ trasparenza għas-suġġetti tad-dejta.

Dejta personali pproċessata permezz tal-IMI ma għandhiex tibqa’ aċċessibbli għal tul ta’ żmien aktar milli meħtieġ. Għalhekk huwa importanti li jiġu stabbiliti l-perjodi massimi ta’ żamma, li meta jinqabżu, id-dejta għandha tiġi mblukkata, jiġifieri magħmula inaċċessibbli għall-utenti tal-IMI permezz tal-interface normali u wara titħassar awtomatikament mis-sistema ħames snin wara l-għeluq ta’ proċedura ta’ kooperazzjoni amministrattiva (Artikolu 13). L-għażla tal-imblukkar tad-dejta wara 18-il xahar (minflok tħassir immedjat) hija ppreferuta biex jiġi żgurat li s-suġġetti tad-dejta jkunu kapaċi jeżerċitaw id-drittijiet tagħhom b’mod effettiv, pereżempju billi jiksbu evidenza li sar skambju ta’ informazzjoni permezz tal-IMI sabiex jappellaw kontra deċiżjoni bbażata fuq tali skambju. Dan l-approċċ huwa konformi wkoll mad-deċiżjoni tal-Qorti tal-Ġustizzja fil-Każ C-553/07 Rijkeboer.

L-ipproċessar ta’ dejta personali tal-utenti tal-IMI (eż. impjegati ta’ amministraturi nazzjonali li jkunu qegħdin jużaw l-IMI) għandu jkun possibbli għal skopijiet relatati mal-funzjonament tal-IMI, bħal biex jiġi żgurat il-funzjonament tajjeb tas-sistema mill-koordinaturi tal-IMI u mill-Kummissjoni jew għall-ġbir ta’ informazzjoni relatata mal-kooperazzjoni amministrattiva fis-suq intern permezz ta’ stħarriġ (Artikolu 14).

L-Artikolu 15 jirrifletti l-fatt li anki llum, skont id-Direttiva dwar il-Kwalifiki Professjonali u d-Direttiva dwar is-Servizzi, l-IMI tintuża għall-iskambju ta’ dejta ta’ natura sensittiva, inkluż eż. informazzjoni dwar sanzjonijiet dixxiplinari jew kriminali.

Huwa importanti li jiġi ċċarat li — minħabba li l-IMI hija żviluppata, miżmuma u ospitata ċentralment mill-Kummissjoni — ir-regoli applikabbli dwar is-sikurezza tad-dejta huma dawk stabbiliti fir-Regolament (KE) Nru 45/2001 (Artikolu 16).

Kapitolu IV (Id-drittijiet tas-suġġetti tad-dejta u s-sorveljanza)

Minħabba d-diversità tal-awtoritajiet kompetenti li jużaw l-IMI (aktar minn 6 000 f’Marzu 2011), kif ukoll il-varjetà ta’ sitwazzjonijiet u kuntesti li fihom l-IMI tista’ tintuża fil-futur, mhuwiex possibbli li fir-Regolament propost jiġi stabbilit mudell wieħed applikabbli għal kull każ għall-eżerċizzju tad-drittijiet tas-suġġetti tad-dejta. L-obbligi tal-awtoritajiet kompetenti huma, fil-prinċipju, koperti mill-leġiżlazzjoni nazzjonali dwar il-protezzjoni tad-dejta, filwaqt li l-Artikoli 15 u 16 ikopru kwistjonijiet speċifiċi għall-IMI (eż. dejta mblukkata), kif ukoll l-obbligi tal-Kummissjoni. Huwa wkoll importanti li tiġi żgurata t-trasparenza għas-suġġetti tad-dejta kull meta l-eżerċizzju tad-drittijiet tagħhom fil-kuntest tal-IMI jiġi limitat permezz tal-leġiżlazzjoni nazzjonali (Artikolu 19).

Id-dispożizzjonijiet għal sorveljanza kkoordinata jsegwu l-mudell stabbilit fir-Regolamenti tal-VIS u s-SIS II[15] (Artikolu 20).

Kapitolu V (Il-kamp tal-applikazzjoni ġeografiku tal-IMI)

L-istrument legali għall-IMI għandu jipprovdi flessibbilità biżżejjed biex jakkomoda żviluppi futuri fir-rigward tal-użu tas-sistema, inkluż li possibbilment ikun hemm l-involviment ta’ pajjiżi terzi fl-iskambji ta’ informazzjoni f’ċerti oqsma (Artikolu 22), jew l-użu tas-sistema f’kuntest purament domestiku (Artikolu 21), li dwar dan xi Stati Membri diġà esprimew interess. Fil-każijiet kollha bħal dawn, il-garanziji għall-protezzjoni ta’ dejta personali għandhom ikomplu japplikaw.

Kapitolu VI (Dispożizzjonijiet finali)

Biex tkun tista’ ssir l-estensjoni tal-IMI għal aktar atti tal-Unjoni, il-Kummissjoni sejra jkollha s-setgħa li taġġorna l-lista ta’ dispożizzjonijiet diġà koperti mill-IMI, kif elenkati fl-Anness I, bid-dispożizzjonijiet addizzjonali nklużi fl-Anness II.

Il-Kummissjoni timpenja ruħha li tipproduċi rapporti regolari dwar il-funzjonament tal-IMI, fuq il-bażi inter alia ta’ informazzjoni statistika miġbura mis-sistema u pprovduta mill-Istati Membri meta mitluba, kif xieraq (Artikolu 26).

2011/0226 (COD)

Proposta għal

REGOLAMENT TAL-PARLAMENT EWROPEW U TAL-KUNSILL

dwar il-kooperazzjoni amministrattiva permezz tas-Sistema ta’ Informazzjoni tas-Suq Intern (‘ir-Regolament tal-IMI’)

(Test b’rilevanza għaż-ŻEE)

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikolu 114 tiegħu,

Wara li kkunsidraw il-proposta mill-Kummissjoni Ewropea,

Wara t-trasmissjoni tal-abbozz tal-att leġiżlattiv lill-Parlamenti nazzjonali,

Wara li kkunsidraw l-opinjoni tal-Kumitat Ekonomiku u Soċjali Ewropew[16],

Wara li kkunsidraw l-opinjoni tal-Kontrollur Ewropew għall-Protezzjoni tad-Data,

Filwaqt li aġixxew skont il-proċedura leġiżlattiva ordinarja,

Billi:

(1) L-applikazzjoni ta’ ċerti atti tal-Unjoni li jirregolaw il-moviment liberu ta’ oġġetti, persuni, servizzi u kapital fis-suq intern teħtieġ li l-Istati Membri jikkooperaw u jiskambjaw informazzjoni ma’ xulxin u mal-Kummissjoni. Minħabba li ħafna drabi l-mezzi prattiċi għall-implimentazzjoni tal-iskambju ta’ tali informazzjoni mhumiex speċifikati f’dawk l-atti, għandhom isiru arranġamenti prattiċi xierqa.

(2) Is-Sistema ta’ Informazzjoni tas-Suq Intern (minn issa ’l quddiem ‘IMI’) hija softwer aċċessibbli permezz tal-Internet, żviluppat mill-Kummissjoni Ewropea f’kooperazzjoni mal-Istati Membri, sabiex jassisti lill-Istati Membri fl-implimentazzjoni prattika tar-rekwiżiti relatati mal-iskambju ta’ informazzjoni stabbiliti fl-atti tal-Unjoni. L-IMI tipprovdi mekkaniżmu ċentrali ta’ komunikazzjoni biex jiffaċilita l-iskambju transkonfinali ta’ informazzjoni u assistenza reċiproka. B’mod partikolari, l-IMI tgħin lill-awtoritajiet kompetenti biex jidentifikaw il-kontroparti tagħhom fi Stat Membru ieħor, biex jiġġestixxu l-iskambju ta’ informazzjoni, inkluż id-dejta personali, fuq il-bażi ta’ proċeduri sempliċi u unifikati u jegħlbu l-ostakoli tal-lingwa fuq il-bażi ta’ flussi ta’ xogħol pre-definiti u tradotti minn qabel.

(3) L-għan tal-IMI għandu jkun li ttejjeb il-funzjonament tas-suq intern billi tipprovdi strument effettiv u faċli biex jintuża mill-utent għall-implimentazzjoni ta’ kooperazzjoni amministrattiva bejn l-Istati Membri u l-Kummissjoni, u b’hekk tiffaċilita l-applikazzjoni tal-atti tal-Unjoni stabbiliti fl-Annessi għal dan ir-Regolament.

(4) Il-Komunikazzjoni tal-Kummissjoni[17] ‘Governanza aħjar tas-Suq Uniku permezz ta’ kooperazzjoni amministrattiva ikbar: Strateġija għall-espansjoni u l-iżvilupp tas-Sistema ta’ Informazzjoni tas-Suq Intern (“IMI”)’ stabbiliet pjanijiet għall-espansjoni possibbli tal-IMI lejn atti oħra tal-Unjoni. Il-Komunikazzjoni tal-Kummissjoni ‘Att dwar is-Suq Uniku’ saħqet fuq l-importanza tal-IMI għat-tisħiħ tal-kooperazzjoni fost l-atturi involuti, inkluż fuq livell lokali, u b’hekk tikkontribwixxi għal governanza aħjar tas-suq uniku[18]. Għalhekk huwa neċessarju li jiġi stabbilit qafas legali b’saħħtu għall-IMI kif ukoll sett ta’ regoli komuni biex jiżguraw li s-sistema tiffunzjona b’mod effiċjenti.

(5) Fejn l-applikazzjoni ta’ dispożizzjoni ta’ att tal-Unjoni titlob li l-Istati Membri jiskambjaw id-dejta personali u tipprovdi għall-għan ta' dan l-ipproċessar, tali dispożizzjoni għandha tiġi kkunsidrata bħala bażi legali adegwata għall-ipproċessar ta’ dejta personali, soġġetta għall-kundizzjonijiet stabbiliti fl-Artikoli 8 u 52 tal-Karta tad-Drittijiet Fundamentali tal-Unjoni Ewropea. L-IMI għandha titqies primarjament bħala strument użat għall-iskambju ta’ informazzjoni (inkluż dejta personali), liema skambju kieku jseħħ permezz ta’ mezzi oħra, inkluż posta regolari, fax jew posta elettronika fuq il-bażi ta’ obbligu legali impost fuq l-awtoritajiet u l-korpi tal-Istati Membri fl-atti tal-Unjoni.

(6) Fuq il-bażi tal-prinċipju ta’ privatezza permezz tad-disinn, l-IMI ġiet żviluppata bir-rekwiżiti tal-leġiżlazzjoni dwar il-protezzjoni tad-dejta f’moħħ id-disinjatur u ilha favur il-protezzjoni tad-dejta sa mill-bidu tagħha, b’mod partikolari minħabba r-restrizzjonijiet imposti fuq l-aċċess għal dejta personali skambjata fis-sistema. Għalhekk, l-IMI toffri livell ferm għoli ta’ protezzjoni u sigurtà minn metodi oħra ta’ skambju ta’ informazzjoni bħall-posta, telefown, fax jew e-mail.

(7) Il-kooperazzjoni amministrattiva permezz ta’ mezzi elettroniċi bejn l-Istati Membri u bejn l-Istati Membri u l-Kummissjoni għandha tkun konformi mar-regoli dwar il-protezzjoni ta’ dejta personali stabbilti fid-Direttiva 95/46/KE tal-Parlament Ewropew u tal-Kunsill tal-24 ta’ Ottubru 1995 dwar il-protezzjoni ta’ individwi fir-rigward tal-ipproċessar ta’ dejta personali u dwar il-moviment liberu ta’ dik id-data[19] u f’Regolament (KE) Nru 45/2001 tal-Parlament Ewropew u tal-Kunsill tat-18 ta’ Diċembru 2000 dwar il-protezzjoni ta’ individwu fir-rigward tal-ipproċessar ta’ data personali mill-istituzzjonijiet u l-korpi tal-Komunità u dwar il-moviment liberu ta’ dik id-data[20].

(8) Sabiex tkun żgurata t-trasparenza, b’mod partikolari għas-suġġetti tad-dejta, l-atti tal-Unjoni li għalihom għandha tintuża l-IMI, għandhom jiġu elenkati fl-Anness I għal dan ir-Regolament. L-oqsma ta’ espansjoni futuri possibbli għandhom jiġu stabbiliti fl-Anness II. Huwa xieraq li fl-Anness II, jiġi identifikat sett ta’ atti tal-Unjoni fejn hemm il-ħtieġa li tiġi evalwata l-fattibilità teknika; il-kosteffiċjenza, il-faċilità għall-utent u l-impatt ġenerali fuq is-sistema, qabel ma jiġi deċiż li l-IMI tintuża għal tali atti.

(9) Ma hemm xejn f’dan ir-Regolament li għandu jipprekludi lill-Istati Membri u lill-Kummissjoni milli jiddeċiedu li jużaw l-IMI għall-iskambju ta’ informazzjoni li ma jinvolvix l-ipproċessar ta’ dejta personali.

(10) Dan ir-Regolament għandu jistabbilixxi r-regoli għall-użu tal-IMI għall-finijiet ta’ kooperazzjoni amministrattiva, li jistgħu jkopru inter alia l-iskambju wieħed għal wieħed ta’ informazzjoni, proċeduri ta’ notifika, mekkaniżmi ta’ twissija, arranġamenti ta’ assistenza reċiproka u solvien ta’ problemi.

(11) L-Istati Membri għandhom ikunu kapaċi jaddattaw il-funzjonijiet u r-responsabbiltajiet fir-rigward tal-IMI għall-istrutturi amministrattivi interni tagħhom jew jikkunsidraw il-ħtiġijiet partikolari ta’ fluss tax-xogħol tal-IMI speċifiku. Il-kompiti tal-koordinaturi tal-IMI jistgħu jsiru minn koordinatur wieħed jew aktar iddelegati tal-IMI, waħdu jew flimkien ma’ oħrajn, għal qasam partikolari tas-suq intern, diviżjoni tal-amministrazzjoni, reġjun ġeografiku, jew skont kriterju ieħor.

(12) Filwaqt li l-IMI hija essenzjalment strument ta’ komunikazzjoni għall-awtoritajiet pubbliċi, mhux miftuħa għall-pubbliku ġenerali, jista’ jkun hemm il-bżonn li jiġu żviluppati mezzi tekniċi li jippermettu lil atturi esterni bħaċ-ċittadini, intrapriżi u organizzazzjonijiet sabiex jinteraġixxu mal-awtoritajiet kompetenti sabiex jipprovdu informazzjoni u jiksbu tagħrif, jew biex jeżerċitaw id-drittijiet tagħhom bħala suġġetti tad-dejta. Mezzi tekniċi bħal dawn għandhom jinkludu salvagwardji xierqa għall-protezzjoni tad-dejta.

(13) L-iskambju ta’ informazzjoni permezz tal-IMI jirriżulta mill-obbligu legali fuq l-awtoritajiet tal-Istati Membri li jipprovdu assistenza reċiproka. Biex jiġi żgurat li s-suq intern jiffunzjona sew, l-informazzjoni rċevuta minn awtorità kompetenti permezz tal-IMI minn Stat Membru ieħor ma għandhiex tiċċaħħad mill-valur tagħha bħala evidenza fi proċeduri amministrattivi sempliċiment għaliex oriġinat fi Stat Membru ieħor jew għaliex ġiet rċevuta b’mezzi elettroniċi, u għandha tiġi ttrattata mill-awtorità bl-istess mod bħal dokumenti simili li joriġinaw fl-Istat Membru tagħha.

(14) Biex jiġi ggarantit livell għoli ta’ protezzjoni tad-dejta, għandhom jiġu stabbiliti l-perjodi massimi għaż-żamma ta’ dejta personali fl-IMI. Madankollu, dawn il-perjodi għandhom ikunu twal biżżejjed biex jippermettu lis-suġġetti tad-dejta sabiex jeżerċitaw bis-sħiħ id-drittijiet tagħhom, pereżempju billi jiksbu evidenza li seħħ skambju ta’ informazzjoni sabiex ikunu jistgħu jappellaw kontra deċiżjoni.

(15) Għandu jkun possibbli li l-isem u d-dettalji ta’ kuntatt tal-utenti tal-IMI jiġu pproċessati għal raġunijiet kompatibbli mal-objettivi ta’ dan ir-Regolament, inkluż il-monitoraġġ tal-użu tas-sistema mill-koordinaturi tal-IMI u l-Kummissjoni, komunikazzjoni, taħriġ u inizjattivi ta’ sensibilizzazzjoni, u l-ġbir ta’ informazzjoni dwar kooperazzjoni amministrattiva jew assistenza reċiproka fis-suq intern.

(16) Il-Kontrollur Ewropew għall-Protezzjoni tad-Data għandu jissorvelja u jiżgura l-applikazzjoni tad-dispożizzjonijiet ta’ dan ir-Regolament, inkluż id-dispożizzjonijiet relevanti dwar is-sigurtà tad-dejta.

(17) Is-suġġetti tad-dejta għandhom jiġu infurmati bl-ipproċessar tad-dejta personali tagħhom fl-IMI u li huma għandhom id-dritt ta’ aċċess għad-dejta relatata magħhom, u d-dritt li d-dejta mhux eżatta tiġi kkoreġuta u d-dejta pproċessata b’mod illegali titħassar, skont il-leġiżlazzjoni nazzjonali li timplimenta d-Direttiva 95/46/KE .

(18) Il-proċeduri ta’ kooperazzjoni amministrattiva previsti fl-IMI għandhom jiġu ffaċilitati permezz ta’ flussi tax-xogħol predefiniti, settijiet ta’ mistoqsijiet u formoli magħmula għal dan il-għan mill-Kummissjoni, issupplimentati kif jixraq permezz ta’ fajls mehmużin u input ta’ test liberu. Sabiex tiġi żgurata trasparenza suffiċjenti għas-suġġetti tad-dejta, il-flussi tax-xogħol predefiniti u l-formoli u arranġamenti oħra relatati ma’ proċeduri ta’ kooperazzjoni amministrattiva fl-IMI għandhom isiru pubbliċi.

(19) Meta l-Istati Membri, f’konformità mal-Artikolu 13 tad-Direttiva 95/46/KE, japplikaw xi limitazzjonijiet fuq jew eċċezzjonijiet għad-drittijiet tas-suġġetti tad-dejta, l-informazzjoni dwar limitazzjonijiet jew eċċezzjonijiet bħal dawn għandha ssir pubblika biex tiġi żgurata trasparenza sħiħa għas-suġġetti tad-dejta. Dawn l-eċċezzjonijiet jew limitazzjonijiet għandhom ikunu neċessarji u proporzjonati għall-għan maħsub u soġġetti għal salvagwardji xierqa..

(20) Id-Deċiżjoni tal-Kummissjoni 2008/49/KE tat-12 ta’ Diċembru 2007 dwar l- implimentazzjoni tas-Sistema ta’ Informazzjoni tas-Suq Intern (IMI) fir-rigward tal-protezzjoni ta’ dejta personali għandha tiġi revokata[21]. Id-Deċiżjoni tal-Kummissjoni 2009/739/KE tat-2 ta’ Ottubru 2009 li tistipula l-arranġamenti prattiċi għall-iskambju ta' informazzjoni b'mezzi elettroniċi bejn l-Istati Membri taħt il-Kapitolu VI tad-Direttiva 2006/123/KE tal-Parlament Ewropew u tal-Kunsill dwar is-servizzi fis-suq intern[22] għandha tkompli tapplika għal kwistjonijiet relatati mal-iskambju ta’ informazzjoni skont id-Direttiva 2006/123/KE dwar is-servizzi fis-suq intern[23].

(21) Il-Kummissjoni għandha tingħata s-setgħa li tadotta atti ddelegati skont l-Artikolu 290 tat-Trattat fir-rigward tal-atti tal-Unjoni, fost dawk elenkati fl-Anness II, li fihom jistgħu jiġu implimentati dispożizzjonijiet dwar kooperazzjoni amministrattiva u l-iskambju ta’ informazzjoni permezz tal-IMI.

ADOTTAW DAN IR-REGOLAMENT:

Kapitolu I

DISPOŻIZZJONIJIET ĠENERALI

Artikolu 1

Suġġett

Dan ir-Regolament jistabbilixxi r-regoli għall-użu ta’ Sistema ta’ Informazzjoni tas-Suq Intern, minn hawn ’il quddiem ‘IMI’, għal kooperazzjoni amministrattiva, inkluż l-ipproċessar ta’ dejta personali, fost l-awtoritajiet kompetenti fl-Istati Membri u l-Kummissjoni .

Artikolu 2

L-Istabbiliment tas-Sistema ta’ Informazzjoni tas-Suq Intern

Is-Sistema ta’ Informazzjoni tas-Suq Intern hija stabbilita b’dan il-mezz.

Artikolu 3

Ambitu

L-IMI għandha tintuża għall-iskambju ta’ informazzjoni bejn l-awtoritajiet kompetenti fl-Istati Membri u l-Kummissjoni li huwa neċessarju għall-implimentazzjoni tal-atti tas-suq intern li jipprovdu għal kooperazzjoni amministrattiva, inkluż l-iskambju ta’ dejta personali, bejn l-Istati Membri jew bejn l-Istati Membri u l-Kummissjoni. L-atti tas-suq intern huma stabbiliti fl-Anness I.

Artikolu 4

L-Iżvilupp tal-IMI

1. Għall-atti elenkati fl-Anness II ta’ dan ir-Regolament, il-Kummissjoni tista’ tiddeċiedi li l-IMI għandha tintuża, filwaqt li tikkunsidra l-fattibbiltà teknika, il-kosteffiċjenza, kemm hi faċli biex tintuża mill-utent u l-impatt ġenerali fuq is-sistema. F’każijiet bħal dawn, il-Kummissjoni għandha s-setgħa li tinkludi dawk l-atti fl-Anness I skont il-proċedura li hemm referenza għaliha fl-Artikolu 23.

2. L-adozzjoni tal-att iddelegat tista’ tiġi preċeduta minn fażi ta’ prova (proġett pilota) ta’ tul ta’ żmien limitat li tinvolvi diversi Stati Membri jew l-Istati Membri kollha.

Artikolu 5

Definizzjonijiet

Għall-finijiet ta’ dan ir-Regolament, sejrin japplikaw id-definizzjonijiet fid-Direttiva 95/46/KE u fir-Regolament (KE) Nru 45/2001.

Barra minn hekk, id-definizzjonijiet li ġejjin sejrin japplikaw ukoll:

(a) ‘Sistema ta’ Informazzjoni tas-Suq Intern’ (‘IMI’) tfisser l-istrument elettroniku pprovdut mill-Kummissjoni Ewropea biex jiffaċilita l-kooperazzjoni amministrattiva bejn l-amministrazzjonijiet nazzjonali u l-Kummissjoni;

(b) ‘kooperazzjoni amministrattiva’ tfisser l-awtoritajiet kompetenti tal-Istati Membri u tal-Kummissjoni li jaħdmu f’kollaborazzjoni mill-qrib, billi jiskambjaw informazzjoni, inkluż permezz ta’ notifiki, jew billi jipprovdu assistenza reċiproka, inkluż għas-solvien ta’ problemi, biex ikun hemm applikazzjoni aqwa tad-dritt tal-Unjoni;

(c) ‘qasam tas-suq intern’ tfisser qasam leġiżlattiv jew funzjonali tas-suq intern fis-sens tal-Artikolu 26(2) tat-Trattat li fih l-IMI tintuża skont l-Artikolu 3 imsemmi hawn fuq;

(d) ‘proċedura ta’ kooperazzjoni amministrattiva’ tfisser fluss tx-xogħol predefinit previst fl-IMI li jippermetti lill-atturi tal-IMI sabiex jikkomunikaw u jinteraġġixxu ma’ xulxin b’mod strutturat;

(e) ‘awtorità kompetenti’ tfisser kull korp stabbilit jew fuq livell nazzjonali, reġjonali jew lokali li għandu responsabbiltajiet speċifiċi relatati mal-applikazzjoni ta’ drittijiet nazzjonali jew tal-Unjoni f’qasam wieħed jew aktar tas-suq intern li r-reġistrazzjoni tagħhom fl-IMI ġiet ivvalidata permezz ta’ koordinatur tal-IMI;

(f) ‘koordinatur tal-IMI’ tfisser korp maħtur mill-Istati Membri biex iwettaq kompiti ta’ appoġġ meħtieġa għall-funzjonament effiċjenti tal-IMI f’konformità ma’ dan ir-Regolament;

(g) ‘utent tal-IMI’ tfisser persuna fiżika li taħdem taħt il-kontroll ta’ awtorità kompetenti, ta’ koordinatur tal-IMI jew tal-Kummissjoni u rreġistrata fl-IMI f’isimhom;

(h) ‘atturi tal-IMI’ tfisser l-awtoritajiet kompetenti, il-koordinaturi tal-IMI u l-Kummissjoni;

(i) ‘atturi esterni’ tfisser persuni fiżiċi jew legali minbarra l-utenti tal-IMI li jistgħu jużaw l-IMI permezz ta’ mezzi tekniċi u skont fluss tax-xogħol speċifiku predefinit previst għal dan il-għan;

(j) ‘imblukkar’ tfisser l-applikazzjoni ta’ mezzi tekniċi li permezz tagħhom id-dejta personali ssir inaċċessibbli għall-utenti tal-IMI permezz tal-interfaċċja normali tal-applikazzjoni.

Kapitolu II

FUNZJONIJIET U RESPONSABBILTAJIET FIR-RIGWARD TAL-IMI

Artikolu 6

Ambitu ġenerali

L-atturi tal-IMI għandhom jiskambjaw u jipproċessaw dejta personali biss għall-iskopijiet definiti fil-bażi legali relevanti kif imsemmi fl-Anness I.

Artikolu 7

Il-Koordinaturi tal-IMI

1. Kull Stat Membru għandu jaħtar koordinatur nazzjonali wieħed tal-IMI li l-kompiti tiegħu għandhom jinkludu:

(a) li jirreġistra jew li jivvalida r-reġistrazzjoni tal-Koordinaturi tal-IMI u tal-awtoritajiet kompetenti;

(b) li jaġixxi bħala l-punt ewlieni ta’ kuntatt għal kwistjonijiet relatati mal-IMI u bħala l-interlokutur tal-Kummissjoni, inkluż għal aspetti relatati mal-protezzjoni ta’ dejta personali;

(c) li jipprovdi għarfien, taħriġ u appoġġ, inkluż appoġġ tekniku, lill-awtoritajiet kompetenti u lill-utenti tal-IMI;

(d) li jiżgura l-funzjonament effiċjenti tas-sistema, inkluż tweġibiet f’waqthom u adegwati mill-awtoritajiet kompetenti għal talbiet għal kooperazzjoni amministrattiva.

2. Kull Stat Membru jista’ jaħtar ukoll koordinatur wieħed jew aktar tal-IMIs sabiex iwettaq jew iwettqu wieħed jew aktar mill-kompiti msemmija hawn fuq, skont l-istruttura amministrattiva interna tiegħu.

3. L-Istati Membri għandhom jinfurmaw lill-Kummissjoni bil-koordinaturi tal-IMI maħturin skont il-paragrafi 1 u 2 u bil-kompiti li għalihom sejrin ikunu responsabbli. Il-Kummissjoni għandha taqsam din l-informazzjoni mal-Istati Membri l-oħrajn.

4. L-Istati Membri għandhom jiżguraw li l-koordinaturi tal-IMI jkollhom ir-riżorsi adegwati biex iwettqu dmirijiethom skont dan ir-Regolament.

5. Il-koordinaturi kollha tal-IMI jistgħu jaġixxu bħala awtoritajiet kompetenti. F’każijiet bħal dawn, koordinatur tal-IMI għandu jkollu l-istess drittijiet ta’ aċċess bħal awtorità kompetenti. Kull koordinatur tal-IMI għandu jkun kontrollur fir-rigward tal-attivitajiet tiegħu tal-ipproċessar ta’ dejta bħala attur tal-IMI.

Artikolu 8

Awtoritajiet kompetenti

1. Meta jikkooperaw permezz tal-IMI, l-awtoritajiet kompetenti għandhom jiżguraw li tingħata tweġiba adegwata fl-inqas żmien possibbli jew fid-data ta’ skadenza stabbilita mill-att applikabbli tal-Unjoni, filwaqt li jaġixxu permezz tal-utenti tal-IMI skont il-proċeduri ta’ kooperazzjoni amministrattiva.

2. L-awtoritajiet kompetenti jistgħu jinvokaw bħala evidenza kull informazzjoni, dokumenti, sejbiet, stqarrijiet, kopji ċċertifikati bħala veri jew intelliġenza kkomunikata permezz tal-IMI, fuq l-istess bażi bħal dik ta’ dokumenti simili li nkisbu mill-pajjiż tagħhom stess, għal finijiet kompatibbli mal-iskopijiet li għaliha d-dejta kienet oriġinarjament inġabret.

3. Kull awtorità kompetenti għandha tkun kontrollur fir-rigward tal-attivitajiet tal-ipproċessar ta’ dejta tagħha stess imwettaq minn utenti tal-IMI taħt l-awtorità tagħha u għandha tiżgura li s-suġġetti tad-dejta jistgħu jeżerċitaw id-drittijiet tagħhom skont il-Kapitoli III u IV, fejn xieraq.

4. L-Istati Membri għandhom jiżguraw li l-awtoritajiet kompetenti jkollhom riżorsi adegwati biex iwettqu dmirijiethom skont dan ir-Regolament.

Artikolu 9

Il-Kummissjoni

1. Il-Kummissjoni għandha tiżgura s-sigurtà, id-disponibbiltà, il-manteniment u l-iżvilupp tas-softwer u l-infrastruttura tal-IT għall-IMI. Hija għandha tipprovdi sistema multilingwi, taħriġ fil-kooperazzjoni mal-Istati Membri, u uffiċċju ta’ informazzjoni (helpdesk) biex tassisti lill-Istati Membri fl-użu tal-IMI.

2. Il-Kummissjoni tista’ tipparteċipa fil-proċeduri ta’ kooperazzjoni amministrattiva li jinvolvu l-ipproċessar ta’ dejta personali fejn meħtieġ minn att tal-Unjoni elenkat fl-Anness I.

3. Il-Kummissjoni għandha tirreġistra l-koordinaturi nazzjonali tal-IMI u tagħtihom aċċess għall-IMI.

4. Il-Kummissjoni għandha twettaq operazzjonijiet ta’ pproċessar fuq dejta personali fl-IMI fejn previst f’dan ir-Regolament.

5. Għall-finijiet tat-twettiq tal-kompiti tagħha skont dan l-Artikolu u biex tipproduċi rapporti u statistika, il-Kummissjoni għandu jkollha aċċess għall-informazzjoni neċessarja relatata mal-operazzjonijiet tal-ipproċessar imwettqa fl-IMI.

Artikolu 10

Id-drittijiet ta’ aċċess tal-atturi u l-utenti tal-IMI

1. Utenti tal-IMI li huma awtorizzati minn u li jaġixxu għan-nom ta’ attur tal-IMI biss għandu jkollhom aċċess għall-IMI.

2. L-Istati Membri, f’kooperazzjoni mal-Kummissjoni, għandhom jinnominaw il-koordinaturi tal-IMI u l-awtoritajiet kompetenti u l-oqsma tas-suq intern li fihom huma għandhom kompetenza.

3. Kull attur tal-IMI għandu jagħti u jirrevoka, kif meħtieġ, id-drittijiet xierqa ta’ aċċess lill-utenti tiegħu tal-IMI fil-qasam tas-suq intern li għalih huwa jkun kompetenti.

4. Għandhom jiġu implimentati mezzi tekniċi adatti biex jiġi żgurat li l-utenti tal-IMI jkunu jistgħu jaċċessaw dejta personali pproċessata fl-IMI biss fuq il-bażi tal-ħtieġa tal-għarfien u fil-qasam jew l-oqsma tas-suq intern li għalihom ingħataw id-drittijiet ta’ aċċess skont il-paragrafu 3.

5. L-użu ta’ dejta personali pproċessata permezz tal-IMI għal raġuni speċifika b’mod li huwa inkompatibbli ma’ dik tar-raġuni oriġinali għandu jiġi pprojbit, sakemm dan ma jkunx espliċitament previst mil-liġi.

6. Fil-każ ta’ proċedura ta’ kooperazzjoni amministrattiva li tinvolvi l-ipproċessar ta’ dejta personali, l-utenti tal-IMI biss li jkunu qegħdin jipparteċipaw f’dik il-proċedura għandu jkollhom aċċess għal dejta personali bħal din.

7. Atturi esterni jistgħu jużaw l-IMI permezz tal-mezzi tekniċi pprovduti għal dan il-għan, fejn huwa neċessarju biex jiffaċilitaw il-kooperazzjoni amministrattiva bejn l-awtoritajiet kompetenti fl-Istati Membri, jew sabiex jeżerċitaw id-drittijiet tagħhom bħala suġġetti tad-dejta, jew fejn previst b’mod ieħor permezz ta’ att tal-Unjoni.

Artikolu 11

Kunfidenzjalità

1. Kull Stat Membru għandu japplika r-regoli tiegħu dwar is-sigriet professjonali jew dmirijiet ekwivalenti oħra ta’ kunfidenzjalità lill-atturi tal-IMI u lill-utenti tal-IMI tiegħu, skont il-leġiżlazzjoni nazzjonali.

2. L-atturi tal-IMI għandhom jiżguraw li t-talbiet minn atturi oħrajn tal-IMI għal trattament kunfidenzjali ta’ informazzjoni skambjata permezz tal-IMI jiġu mħarsa mill-utenti kollha tal-IMI li jaħdmu taħt l-awtorità tagħhom.

Artikolu 12

Proċeduri ta’ kooperazzjoni amministrattiva

L-IMI għandha tkun ibbażata fuq proċeduri ta’ kooperazzjoni amministrattiva żviluppati u aġġornati għal dak il-għan mill-Kummissjoni, f’kollaborazzjoni mill-qrib mal-Istati Membri.

Kapitolu III

L-IPPROĊESSAR TA’ DEJTA U S-SIGURTÀ

Artikolu 13

Żamma ta’ dejta personali

1. Id-dejta personali pproċessata fl-IMI għandha tiġi mblukkata mhux aktar tard minn tmintax-il xahar wara l-għeluq formali ta’ proċedura ta’ kooperazzjoni amministrattiva, sakemm awtorità kompetenti ma titlobx b’mod espliċitu l-imblukkar qabel dak il-perjodu, fuq il-bażi ta’ każ b’każ.

2. Fejn proċedura ta’ kooperazzjoni amministrattiva fl-IMI tistabbilixxi repożitorju ta’ informazzjoni għal referenza fil-futur mill-atturi tal-IMI, id-dejta personali nkluża f’tali repożitorju tista’ tiġi pproċessata sakemm dan ikun meħtieġ għal dan il-għan jew bil-kunsens tas-suġġett tad-dejta jew fejn dan huwa neċessarju għall-konformità ma’ att tal-Unjoni.

3. Id-dejta personali mblukkata skont dan l-Artikolu għandha, bl-eċċezzjoni tal-ħżin tagħha, tiġi pproċessata biss għall-fini ta’ prova ta’ skambju ta’ informazzjoni permezz tal-IMI, jew bil-kunsens tas-suġġett tad-dejta.

4. Id-dejta mblukkata għandha titħassar awtomatikament wara li jkunu għaddew ħames snin mill-għeluq tal-proċedura ta’ kooperazzjoni amministrattiva.

5. Il-Kummissjoni għandha tiżgura l-imblukkar u t-tħassir ta’ dejta personali u tal-irkupru tagħha permezz ta’ mezzi tekniċi skont il-paragrafu 3.

Artikolu 14

Żamma ta’ dejta personali tal-utenti tal-IMI

1. B’deroga mill-Artikolu 13, il-paragrafi 2 u 3 għandhom japplikaw għaż-żamma ta’ dejta personali tal-utenti tal-IMI.

2. Id-dejta personali relatata mal-utenti tal-IMI għandha tinħażen fl-IMI sakemm jibqgħu jkunu utenti tal-IMI u tista’ tibqa’ tiġi pproċessata għal finijiet kompatibbli mal-objettivi ta’ dan ir-Regolament.

Din id-dejta personali għandha tinkludi l-isem sħiħ u l-mezzi elettroniċi kollha u oħrajn ta’ kuntatt għall-finijiet ta’ dan ir-Regolament.

3. Meta persuna fiżika ma tibqax utent tal-IMI, id-dejta personali relatata miegħu jew magħha għandha tiġi mblukkata permezz ta’ mezzi tekniċi għal perjodu ta’ ħames snin. Hija għandha, bl-eċċezzjoni tal-ħżin tagħha, tiġi biss ipproċessata għal raġunijiet ta’ prova ta’ skambju ta’ informazzjoni permezz tal-IMI u għandha titħassar fit-tmiem tal-perjodu ta’ ħames snin.

Artikolu 15

Ipproċessar ta’ kategoriji speċjali ta’ dejta

1. L-ipproċessar ta’ kategoriji speċjali ta’ dejta li saret referenza għalihom fl-Artikolu 8(1) tad-Direttiva 95/46/KE u fl-Artikolu 10(1) tar-Regolament (KE) 45/2001 permezz tal-IMI għandu jsir biss abbażi ta’ raġuni speċifika msemmija fl-Artikolu 8(2) tad-Direttiva u l-Artikolu 10(2) tar-Regolament u b'salvagwardji xierqa biex jiġu żgurati d-drittijiet tal-individwi li tiġi pproċessata d-dejta personali tagħhom.

2. L-IMI tista’ tintuża għall-ipproċessar ta’ dejta relatata ma’ reati, kundanni kriminali jew miżuri ta’ sigurtà li saret referenza għalihom fl-Artikolu 8(5) tad-Direttiva 95/46/KE u l-Artikolu 10(5) tar-Regolament (KE) 45/2001, inkluż informazzjoni dwar miżuri restrittivi dixxiplinarji, amministrattivi jew kriminali jew informazzjoni oħra meħtieġa biex tiġi stabbilita r-reputazzjoni tajba ta’ individwu jew ta’ persuna ġuridika, fejn l-ipproċessar ta’ dejta bħal din hija prevista f’att tal-Unjoni li jikkostitwixxi l-bażi għall-ipproċessar jew bil-kunsens espliċitu tas-suġġett tad-dejta, soġġet għal salvagwardji speċifiċi xierqa.

Artikolu 16

Sigurtà

1. L-ipproċessar ta’ dejta personali skont dan ir-Regolament għandu jkun konformi mar-regoli dwar is-sigurtà tad-dejta adottati mill-Kummissjoni wara l-Artikolu 22 tar-Regolament (KE) Nru 45/2001.

2. Il-Kummissjoni għandha tistabbilixxi l-miżuri meħtieġa biex tiżgura s-sigurtà ta’ dejta personali pproċessata fl-IMI, inkluż kontroll adegwat tal-aċċess għad-dejta u pjan ta’ sigurtà li għandu jinżamm aġġornat.

3. Il-Kummissjoni għandha tiżgura li, fil-każ ta’ inċident relatat mas-sigurtà, huwa possibbli li jiġi vverifikat liema dejta personali ġiet ipproċessata fl-IMI, meta, minn min u għal liema raġuni.

Kapitolu IV

ID-DRITTIJIET TAS-SUĠĠETTI TAD-DEJTA U S-SORVELJANZA

Artikolu 17

Informazzjoni lis-suġġetti tad-dejta u t-trasparenza

1. L-atturi tal-IMI għandhom jiżguraw li s-suġġetti tad-dejta jkunu infurmati bl-ipproċessar tad-dejta personali tagħhom fl-IMI u li huma jkollhom aċċess għal stqarrija tal-privatezza li tispjegalhom id-drittijiet tagħhom u kif jeżerċitawhom, skont l-Artikoli 10 jew 11 tad-Direttiva 1995/46/KE u l-leġiżlazzjoni nazzjonali li hija konformi ma’ dik id-Direttiva.

2. Il-Kummissjoni għandha tagħmel għad-dispożizzjoni tal-pubbliku:

(a) stqarrija tal-privatezza komprensiva li tirrigwarda l-IMI skont l-Artikoli 10 u 11 tar-Regolament (KE) Nru 45/2001, f’forma ċara u li tiftiehem;

(b) informazzjoni dwar l-aspetti tal-protezzjoni tad-dejta ta’ proċeduri ta’ kooperazzjoni amministrattiva fl-IMI kif imsemmija fl-Artikolu 12;

(c) informazzjoni dwar eċċezzjonijiet għal jew limitazzjonijiet tad-drittijiet tas-suġġetti tad-dejta’ kif imsemmija fl-Artikolu 19.

Artikolu 18

Id-drittijiet tal-aċċess, korrezzjoni u tħassir

1. L-atturi tal-IMI għandhom jiżguraw li s-suġġett tad-dejta jista’ jeżerċita b’mod effettiv id-dritt ta’ aċċess għal dejta relatata miegħu jew magħha, u d-dritt li jkollu dejta mhux eżatta jew mhux sħiħa kkoreġuta, u dejta pproċessata b’mod illegali mħassra, skont il-leġiżlazzjoni nazzjonali. Il-korrezzjoni u t-tħassir għandhom isiru fi żmien 60 jum mill-attur IMI responsabbli.

2. Id-dejta personali mblukkata skont l-Artikolu 13(1) ma tistax tiġi kkoreġuta jew imħassra sakemm ma jintweriex b’mod ċar li korrezzjoni jew tħassir bħal dawn huma meħtieġa biex jipproteġu d-drittijiet tas-suġġett tad-dejta u ma jfixklux il-valur tagħhom bħala prova ta’ skambju ta’ informazzjoni permezz tal-IMI.

3. Meta l-preċiżjoni jew il-legalità ta’ dejta mbukkata skont l-Artikolu 13(1) tiġi kkuntestata mis-suġġett tad-dejta, dan il-fatt għandu jiġi rreġistrat kif ukoll l-informazzjoni kkoreġġuta preċiża.

Artikolu 19

Eċċezzjonijiet u limitazzjonijiet

Fejn l-Istati Membri jipprovdu għal eċċezzjonijiet għal jew limitazzjonijiet għad-drittijiet tas-suġġetti tad-dejta stabbiliti f’dan il-Kapitolu fil-leġiżlazzjoni nazzjonali skont l-Artikolu 13 tad-Direttiva 95/46/KE, huma għandhom jinfurmaw lill-Kummissjoni b’dan.

Artikolu 20

Sorveljanza

1. L-awtorità jew l-awtoritajiet ta’ sorveljanza nazzjonali maħtura f’kull Stat Membru u mogħtija s-setgħat imsemmija fl-Artikolu 28 tad-Direttiva 95/46/KE (l-‘Awtorità ta’ Sorveljanza Nazzjonali) għandhom jissorveljaw il-legalità tal-ipproċessar ta’ dejta personali mill-awtoritajiet kompetenti fit-territorju tagħhom u b’mod partikolari għandhom jiżguraw li d-drittijiet tas-suġġetti tad-dejta stabbiliti f’dan il-Kapitolu jiġu rispettati.

2. Il-Kontrollur Ewropew għall-Protezzjoni tad-Data għandu jiżgura li l-attivitajiet tal-ipproċessar ta’ dejta personali tal-Kummissjoni fl-irwol tagħha bħala attur tal-IMI jitwettqu skont dan ir-Regolament. Id-dmirijiet u s-setgħat imsemmija fl-Artikoli 46 u 47 tar-Regolament (KE) Nru 45/2001 għandhom japplikaw kif meħtieġ.

3. L-Awtoritajiet ta’ Sorveljanza Nazzjonali u l-Kontrollur Ewropew għall-Protezzjoni tad-Data, kull wieħed jaġixxi fl-ambitu tal-kompetenzi rispettivi tiegħu, għandhom jiżguraw kontroll ikkoordinat tas-sistema tal-IMI u l-użu tagħha mill-awtoritajiet kompetenti fl-Istati Membri. Il-Kontrollur Ewropew għall-Protezzjoni tad-Data jista’ jistieden lill-Awtoritajiet ta’ Sorveljanza Nazzjonali biex jiltaqgħu għal dak il-għan meta jkun meħtieġ. L-ispejjeż ta’ dawn il-laqgħat għandhom jiġġarrbu mill-Kontrollur Ewropew għall-Protezzjoni tad-Data. Metodi ulterjuri ta’ ħidma għal dan il-għan, inkluż regoli ta’ proċedura, jistgħu jiġu żviluppati b’mod konġunt kif meħtieġ. Rapport konġunt tal-attivitajiet għandu jintbagħat lill-Parlament Ewropew, lill-Kunsill u lill-Kummissjoni mill-inqas kull tliet snin.

Kapitolu V

L-AMBITU ĠEOGRAFIKU TAL-IMI

Artikolu 21

Użu nazzjonali tal-IMI

1. Stat Membru jista’ juża l-IMI għall-finijiet ta’ kooperazzjoni amministrattiva bejn l-awtoritajiet kompetenti fit-territorju tiegħu skont il-liġi nazzjonali, bil-kundizzjoni li:

(a) ma jkunx meħtieġ l-ebda tibdil sostanzjali għall-proċeduri eżistenti ta’ kooperazzjoni amministrattiva; u

(b) tkun ġiet sottomessa notifika tal-użu mbassar tal-IMI lill-Awtorità ta’ Sorveljanza Nazzjonali; u

(c) ma jkollhiex impatt sinifikanti fuq il-funzjonament effiċjenti tal-IMI.

2. Fejn hemm il-probabbiltà li l-użu nazzjonali tal-IMI sejjer ikollu impatt sinifikanti fuq il-funzjonament effiċjenti tal-IMI, l-Istat Membru għandu javża lill-Kummissjoni bit-tali użu u għandu jfittex l-approvazzjoni tagħha minn qabel. Fejn meħtieġ, għandu jiġi konkluż ftehim li jistabbilixxi inter alia l-arranġamenti tekniċi, finanzjarji u organizzattivi, inkluż ir-responsabbiltajiet tal-atturi tal-IMI, bejn l-Istat Membru u l-Kummissjoni .

Artikolu 22

L-iskambju ta’ informazzjoni ma’ pajjiżi terzi

1. Skont dan ir-Regolament id-dejta personali tista’ tiġi skambjata fl-IMI bejn l-atturi tal-IMI fl-Unjoni u f’pajjiż terz biss fejn il-kundizzjonijiet segwenti huma sodisfatti:

(a) id-dejta tiġi pproċessata skont dispożizzjoni elenkata fl-Anness I u dispożizzjoni ekwivalenti tad-dritt tal-pajjiż terz;

(b) id-dejta tiġi skambjata jew tkun disponibbli skont ftehim internazzjonali li jipprovdi għall-applikazzjoni ta’ dispożizzjoni elenkata fl-Anness I mill-pajjiż terz; u

(c) il-Kummissjoni tkun adottat Deċiżjoni li tkun sabet li l-pajjiż terz in kwistjoni jiżgura protezzjoni adegwata tad-dejta personali skont l-Artikolu 25(6) tad-Direttiva 95/46/KE, jew fejn tapplika d-dispożizzjoni tal-Artikolu 26 tad-Direttiva 95/46/KE, inkluż salvagwardji xierqa li –ddejta pproċessata mill-IMI tintuża biss għall-għan li għaliha ġiet inizjalment skambjata.

2. Meta l-Kummissjoni hija attur tal-IMI, l-Artikoli 9(1) u 9(7) tar-Regolament 45/2001 għandhom japplikaw għal kull skambju ta’ dejta personali pproċessata fl-IMI ma’ atturi tal-IMI f’pajjiż terz.

3. Il-Kummissjoni għandha tippubblika lista aġġornata ta’ pajjiżi terzi kkonċernati mill-iskambju ta’ informazzjoni skont dan l-Artikolu f’Il-Ġurnal Uffiċjali tal-Unjoni Ewropea.

Kapitolu VI

DISPOŻIZZJONIJIET FINALI

Artikolu 23

Eżerċizzju tad-delega

1. Is-setgħat għall-adozzjoni tal-atti ddelegati msemmija fl-Artikolu 4 għandhom jiġu kkonferiti lill-Kummissjoni għal perjodu ta’ żmien indefinit.

2. Hekk kif tadotta att iddelegat, il-Kummissjoni għandha tinnotifika dan simultanjament lill-Parlament Ewropew u lill-Kunsill.

3. Is-setgħat għall-adozzjoni tal-atti ddelegati huma kkonferiti lill-Kummissjoni soġġett għall-kundizzjonijiet stabbiliti fl-Artikoli 24 u 25.

Artikolu 24

Ir-Revoka tad-delega

1. Id-delega ta’ setgħa msemmija fl-Artikolu 3 tista’ tiġi revokata mill-Parlament Ewropew jew mill-Kunsill.

2. L-istituzzjoni li tkun bdiet proċedura interna biex tittieħed deċiżjoni jekk id-delega tas-setgħa għandhiex tiġi revokata għandha tinforma lil-leġiżlatur l-ieħor u lill-Kummissjoni mill-inqas xahar qabel ma tittieħed id-Deċiżjoni finali, li fiha tiddikjara s-setgħat iddelegati li jistgħu jkunu soġġetti għal revoka u r-raġunijiet għar-revoka.

3. Id-deċiżjoni ta’ revoka għandha ttemm id-delega tas-setgħat speċifikati f’dik id-deċiżjoni. Għandha tidħol fis-seħħ immedjatament jew f’data aktar tard speċifikata fiha. Ma għandhiex taffettwa l-validità tal-atti ddelegati diġà fis-seħħ. Għandha tiġi ppubblikata f’Il-Ġurnal Uffiċjali tal-Unjoni Ewropea.

Artikolu 25

Oġġezzjonijiet għall-atti ddelegati

1. Il-Parlament Ewropew u l-Kunsill jistgħu joġġezzjonaw għall-att iddelegat fi żmien xahrejn mid-data tan-notifika. Fuq l-inizjattiva tal-Parlament Ewropew jew tal-Kunsill dan il-perjodu għandu jiġi estiż b’xahar.

2. Jekk, meta dak il-perjodu jiskadi, la l-Parlament Ewropew u lanqas il-Kunsill ma jkunu oġġezzjonaw għall-att iddelegat, jew jekk, qabel dik id-data, il-Parlament Ewropew u l-Kunsill it-tnejn kienu infurmaw lill-Kummissjoni bid-deċiżjoni tagħhom li ma jagħmlux oġġezzjoni, l-att iddelegat għandu jidħol fis-seħħ fid-data stabbilita fid-dispożizzjonijiet tiegħu.

3. Jekk il-Parlament Ewropew jew il-Kunsill joġġezzjonaw għall-att iddelegat adottat, dan ma għandux jidħol fis-seħħ. L-istituzzjoni li toġġezzjona għandha tiddikjara r-raġunijiet għall-oġġezzjoni kontra l-att iddelegat.

Artikolu 26

Monitoraġġ u Rapportar

1. Il-Kummissjoni għandha tirrapporta lill-Parlament Ewropew u lill-Kunsill dwar il-funzjonament tal-IMI fuq bażi annwali.

2. Kull tliet snin, il-Kummissjoni għandha tirrapporta lill-Kontrollur Ewropew għall-Protezzjoni tad-Data dwar aspetti relatati mal-protezzjoni ta’ dejta personali fl-IMI, inkluż is-sigurtà tad-dejta.

3. Għall-finijiet tal-produzzjoni tar-rapporti msemmija f’paragrafi 1 u 2, l-Istati Membri għandhom jipprovdu lill-Kummissjoni, meta titlobhom, kull informazzjoni relevanti għall-applikazzjoni ta’ dan ir-Regolament, inkluż dwar l-applikazzjoni fil-prattika tar-rekwiżiti għall-protezzjoni tad-dejta stabbiliti f’dan ir-Regolament.

Artikolu 27

Spejjeż

1. L-ispejjeż imġarrba għall-iżvilupp, it-tħaddim u l-manteniment tal-IMI għandhom jitħallsu mill-baġit ġenerali tal-Unjoni Ewropea, mingħajr preġudizzju għall-arranġamenti skont l-Artikolu 21(2).

2. Sakemm ma jkunx stipulat b’mod ieħor f’att tal-Unjoni, l-ispejjeż għall-operazzjonijiet tal-IMI fuq livell ta’ Stat Membru, inklużi r-riżorsi umani meħtieġa għat-taħriġ, attivitajiet ta’ promozzjoni u ta’ assistenza teknika (helpdesk), kif ukoll għall-amministrazzjoni tas-sistema fuq livell nazzjonali, għandhom jitħallsu minn kull Stat Membru.

Artikolu 28

Dħul fis-seħħ

Dan ir-Regolament għandu jidħol fis-seħħ fi […] ġurnata wara dik tal-pubblikazzjoni tiegħu fil-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi […],

Għall- Parlament Ewropew                          Għall-Kunsill

Il-President                                                    Il-President

Anness I imsemmi fl-Artikolu 3 li jelenka d-dispożizzjonijiet dwar kooperazzjoni amministrattiva fl-atti tal-Unjoni li huma implimentati permezz tal-IMI

1.         Id-Direttiva 2006/123/KE tal-Parlament Ewropew u tal-Kunsill tat-12 ta’ Diċembru 2006 dwar is-servizzi fis-suq intern: Kapitolu VI

2.         Id-Direttiva 2005/36/KE tal-Parlament Ewropew u tal-Kunsill tas-7 ta’ Settembru 2005 dwar ir-rikonoxximent ta’ kwalifiki professjonali: l-Artikoli 8, 50, 51 u 56

3.         Id-Direttiva 2011/24/UE tal-Parlament Ewropew u tal-Kunsill tad-9 ta’ Marzu 2011 dwar l-applikazzjoni tad-drittijiet tal-pazjenti fil-qasam tal-kura tas-saħħa transkonfinali: l-Artikolu 10[24]

Anness II imsemmi fl-Artikolu 4 dwar oqsma potenzjali li fihom id-dispożizzjonijiet dwar il-kooperazzjoni amministrattiva jistgħu jiġu implimentati permezz tal-IMI

I.          Is-suq intern u l-moviment liberu tal-merkanzija

(1) Rakkomandazzjoni tal-Kummissjoni tas-7 ta’ Diċembru 2001 dwar il-prinċipji għall-użu ta’ ‘SOLVIT’ – Netwerk għas-Soluzzjoni ta’ Problemi fis-Suq Intern: Kapitoli I u II[25]

II.        Il-libertà tal-istabbiliment u għall-provvediment ta’ servizzi

(1) Id-Direttiva 2006/123/KE tal-Parlament Ewropew u tal-Kunsill tat-12 ta’ Diċembru 2006 dwar is-servizzi fis-suq intern: l-Artikoli 15(7) u 39(5)

(2) Id-Direttiva 96/71/KE tal-Parlament Ewropew u tal-Kunsill tas-16 ta’ Diċembru 1996 dwar l-impjieg ta’ ħaddiema fil-qafas ta’ prestazzjoni ta’ servizzi: l-Artikolu 4[26] .

(3) Id-Direttiva 2000/31/KE tal-Parlament Ewropew u tal-Kunsill tat-8 ta’ Ġunju 2000 dwar ċerti aspetti legali tas-servizzi minn soċjetà ta’ l-informazzjoni, partikolarment il-kummerċ elettroniku, fis-Suq Intern (Direttiva dwar il-kummerċ elettroniku): l-Artikolu 3[27]

[4.       Proposta għal DIRETTIVA TAL-PARLAMENT EWROPEW U TAL-KUNSILL li temenda d-Direttivi 89/666/KEE, 2005/56/KE u 2009/101/KE fir-rigward tal-interkonnessjoni ta’ reġistri ċentrali, kummerċjali u tal-kumpaniji (COD/2011/0038)]

III.       Il-moviment liberu tal-persuni

(1) Id-Direttiva 2011/24/UE tal-Parlament Ewropew u tal-Kunsill tad-9 ta’ Marzu 2011 dwar l-applikazzjoni tad-drittijiet tal-pazjenti fil-qasam tal-kura tas-saħħa transkonfinali: l-Artikolu 6.

IV.       Il-libertà tal-kapital u l-pagamenti

[1.       Proposta għal REGOLAMENT TAL-PARLAMENT EWROPEW U TAL-KUNSILL dwar it-trasport transkonfinali professjonali bit-triq tal-euro fi flus kontanti bejn l-Istati Membri taż-żona tal-euro (COD/2010/0204)]

DIKJARAZZJONI FINANZJARJA LEĠIŻLATTIVA GĦALL-PROPOSTI

[li għandha tintuża għal kwalunkwe proposta jew inizjattiva sottomessa lill-awtorità leġiżlattiva

(Artikoli 28 tar-Regolament Finanzjarju u 22 tar-regoli ta’ implimentazzjoni)]

1.           QAFAS TAL-PROPOSTA/INIZJATTIVA

              1.1.    It-titolu tal-proposta/inizjattiva

              1.2.    Il-qasam/l-oqsma tal-politika kkonċernat(i) fl-istruttura tal-ABM/ABB

              1.3.    In-natura tal-proposta/inizjattiva

              1.4.    L-għan(ijiet)

              1.5.    Ir-raġunijiet għall-proposta/inizjattiva

              1.6.    It-tul ta’ żmien u l-impatt finanzjarju

              1.7.    Il-metodu(i) tal-ġestjoni previst(i)

2.           MIŻURI TAL-ĠESTJONI

              2.1.    Regoli dwar il-monitoraġġ u r-rapportar

              2.2.    Sistema tal-ġestjoni u tal-kontroll

              2.3.    Miżuri għall-prevenzjoni ta’ frodi u l-irregolaritajiet

3.           L-IMPATT FINANZJARJU STMAT TAL-PROPOSTA/INIZJATTIVA

              3.1.    L-intestatura(i) tal-qafas finanzjarju multiannwali u l-intestatura(i) tal-baġit tal-infiq affettwat(i)

              3.2.    L-impatt stmat fuq l-infiq

              3.2.1. Sommarju tal-impatt stmat fuq l-infiq

              3.2.2. L-impatt stmat fuq l-approprjazzjonijiet operattivi

              3.2.3. L-impatt stmat fuq l-approprjazzjonijiet ta’ natura amministrattiva

              3.2.4. Il-kompatibbiltà mal-qafas finanzjarju multiannwali attwali

              3.2.5. Il-parteċipazzjoni minn partijiet terzi fil-finanzjament

              3.3.    L-impatt stmat fuq id-dħul

DIKJARAZZJONI FINANZJARJA LEĠIŻLATTIVA GĦALL-PROPOSTI

1. QAFAS TAL-PROPOSTA/INIZJATTIVA 1.1. Titlu tal-proposta/inizjattiva

Regolament (KE) Nru xxx tal-Parlament Ewropew u tal-Kunsill dwar il-kooperazzjoni amministrattiva permezz tas-Sistema ta’ Informazzjoni tas-Suq Intern (‘ir-Regolament tal-IMI’)

1.2. Il-Qasam/l-oqsma politiċi kkonċernati fl-istruttura tal-ABM/ABB [28]

Suq Intern — Servizzi

1.3. Natura tal-proposta/inizjattiva

þIl-proposta/inizjattiva hija relatata mal-estensjoni ta’ azzjoni eżistenti

1.4. Objettivi 1.4.1. L-objettiv(i) strateġiku(ċi) multiannwali tal-Kummissjoni fil-mira tal-proposta/inizjattiva

Fil-Komunikazzjoni tagħha ‘Ewropa 2020: Strateġija għal tkabbir intelliġenti, sostenibbli u inklussiv’ (COM(2010) 2020), il-Kummissjoni pproponiet li l-ostakoli fis-suq waħdieni jiġu indirizzati permezz ta’, inter alia, ‘issaħħaħ l-istrutturi tal-implimentazzjoni ta’ miżuri tas-suq uniku fil-ħin stipulat u b’mod korrett […] id-Direttiva tas-Servizzi […], issaħħaħhom b’mod effettiv u meta jinqalgħu l-problemi, issolvihom bla dewmien’.

Is-Sistema ta’ Informazzjoni tas-Suq Intern (‘IMI’) hija għodda ta’ komunikazzjoni online żviluppat mill-Kummissjoni Ewropea u li ilu offrut bħala servizz mingħajr ħlas lill-Istati Membri sa mill-2008. Attwalment tintuża għall-iskambju ta’ informazzjoni skont id-Direttiva 2005/36/KE tal-Parlament Ewropew u tal-Kunsill tas-7 ta’ Settembru 2005 dwar ir-rikonoxximent ta’ kwalifiki professjonali[29] (‘id-Direttiva dwar il-Kwalifiki Professjonali’) u d-Direttiva 2006/123/KE tal-Parlament Ewropew u tal-Kunsill tat-12 ta’ Diċembru 2006 dwar is-servizzi fis-suq intern[30] (‘id-Direttiva dwar is-Servizzi’).

L-IMI tippermetti lill-awtoritajiet nazzjonali, reġjonali u lokali sabiex jikkomunikaw malajr u b’mod faċli mal-kontropartijiet transkonfinali tagħhom, billi jsegwu metodi uniformi ta’ ħidma miftiehma mill-Istati Membri kollha. L-IMI tgħin lill-utenti tagħha biex (i) isibu l-awtorità t-tajba lil min jikkuntattjaw, (ii) jikkomunikaw magħhom permezz ta’ settijiet ta’ mistoqsijiet u tweġibiet tradotti minn qabel u (iii) isegwu l-progress tat-talba għall-informazzjoni permezz ta’ mekkaniżmu ta’ ntraċċar. Pereżempju, awtorità fl-Irlanda li teħtieġ informazzjoni mingħand korp Ungeriż tista’ tagħżel mistoqsija bl-Ingliż. L-awtorità Ungeriża tara l-mistoqsija u l-għażliet korrispondenti għat-tweġiba bl-Ungeriż; it-tweġiba tagħha tiġi rċevuta bl-Ingliż.

Skont il-Komunikazzjoni mill-Kummissjoni ‘Lejn Att dwar is-Suq Uniku’, li testendi lill-IMI għal setturi oħra ‘bl-għan li jinħoloq netwerk elettroniku veru "face to face" għall-amministrazzjonijiet Ewropej’ huwa wieħed mill-mezzi biex tkun promossa governanza aħjar tas-suq uniku[31]. Il-Komunikazzjoni mill-Kummissjoni ‘Att dwar is-Suq Uniku’ enfasizzat l-importanza tal-IMI għat-tisħiħ tal-kooperazzjoni fost l-atturi involuti, inkluż fuq livell lokali, u b’hekk tikkontribwixxi għal tmexxija aħjar tas-suq uniku[32].

1.4.2. Objettiv(i) speċifiċi u l-attività(ijiet) tal-ABM/ABB ikkonċernati

Objettiv speċifiku Nru 12: L-iżvilupp tal-potenzjal sħiħ tas-Sistema ta’ Informazzjoni tas-Suq Intern (IMI) biex tkun appoġġata implimentazzjoni mtejba tal-leġiżlazzjoni dwar is-suq uniku.

L-użu tal-IMI huwa mandatorju taħt id-Direttiva dwar is-Servizzi.

Il-Kummissjoni tistabbilixxi pjanijiet għall-espansjoni futura tal-IMI għal oqsma oħra tad-dritt tal-Unjoni fil-Komunikazzjoni tagħha ‘Governanza aħjar tas-Suq Uniku permezz ta’ kooperazzjoni amministrattiva ikbar: Strateġija għall-espansjoni u l-iżvilupp tas-Sistema ta’ Informazzjoni tas-Suq Intern (COM(2011) 75 finali) (‘il-Komunikazzjoni dwar l-Istrateġija tal-IMI’).

L-objettivi ta’ din il-proposta huma li:

-        jiġi stabbilit qafas legali b’saħħtu għall-IMI u sett ta’ regoli komuni biex jiġi żgurat li taħdem b’mod effiċjenti;

-        jiġi pprovdut qafas komprensiv għall-protezzjoni tad-dejta billi jiġu stabbiliti r-regoli għall-protezzjoni tad-dejta personali li japplikaw għall-IMI fi strument legali orizzontali uniku;

-        tiġi ffaċilitata l-espansjoni possibbli fil-futur tal-IMI għal oqsma ġodda tad-dritt tal-Unjoni;

-        jiġu ċċarati l-irwoli tal-atturi differenti involuti fis-sistema tal-IMI.

Sabiex jintlaħqu dawn l-objettivi, sejrin inkomplu bl-attivitajiet li ġejjin:

1.       Il-manteniment, jiġifieri l-prevenzjoni u t-tiswija ta’ ħsarat, titjib minuri għall-funzjonalitajiet eżistenti, filwaqt li tiġi żgurata l-kontinwità operattiva tas-sistema;

2.       L-ospitar tal-infrastruttura tas-sistema;

3.       L-iżvilupp, jiġifieri l-implimentazzjoni ta’ rekwiżiti ġodda għas-sistema; u

4.       L-attivitajiet ta’ komunikazzjoni u ta’ sensibilizzazzjoni, inklużi konferenzi, sezzjonijiet ta’ taħriġ u l-preparazzjoni ta’ materjal promozzjonali u ta’ taħriġ.

Attivita(jiet) tal-ABM/ABB ikkonċernati

12/03 4: Suq Intern għas-Servizzi

Hekk kif is-sistema tespandi għal oqsma oħra tad-dritt tal-Unjoni, attivitajiet oħra tal-ABM/ABB jistgħu jkunu kkonċernati.

1.4.3. Riżultat(i) mistenni(ja) u l-impatt

Speċifika l-effetti li l-proposta/inizjattiva għandu jkollha fuq il-benefiċjarji/gruppi fil-mira.

1.       Livell għoli ta’ ċertezza legali fir-rigward tal-ipproċessar ta’ dejta personali taċ-ċittadini tal-UE permezz tal-IMI u b’hekk jitneħħew l-ostakli legali għall-espansjoni tal-IMI għal oqsma ġodda tad-dritt tal-Unjoni;

2.       Qafas flessibbli għal espansjoni futura possibbli tal-IMI għal oqsma ġodda tad-dritt tal-Unjoni;

3.       Kjarifika tal-irwoli rispettivi u l-obbligi tal-Kummissjoni, l-Istati Membri, l-awtoritajiet nazzjonali u l-Kontrollur Ewropew għall-Protezzjoni tad-Data fir-rigward ta’ skambju ta’ informazzjoni permezz tal-IMI;

4.       Iffrankar tal-ispejjeż billi l-għodda eżistenti tal-IT terġa’ tintuża f’oqsma ġodda minflok ma jiġu żviluppati għodod ġodda b’għan wieħed;

5.       Iżgurar tas-sostenibbiltà futura tal-iffinanzjar tal-IMI, minħabba l-istatus mandatorju tiegħu taħt id-Direttiva dwar is-Servizzi u l-espansjoni futura possibbli, b’mod konformi mal-Komunikazzjoni dwar l-Istrateġija tal-IMI.

1.4.4. Indikaturi ta’ riżultati u impatt

Speċifika l-indikaturi għall-monitoraġġ tal-implimentazzjoni tal-proposta/inizjattiva.

Il-proposta sejra tikkontribwixxi għall-applikazzjoni aktar effettiva tad-dritt tal-Unjoni fl-oqsma li għalihom tintuża l-IMI u sejra tiffranka l-ispejjeż tal-iżvilupp u ta’ manteniment tal-IT.

L-impatt dirett tagħha jista’ jitkejjel permezz tal-indikaturi li ġejjin:

-        in-numru ta’ oqsma leġiżlattivi koperti mill-IMI (iż-żieda meta mqabbla maż-żewġ oqsma li kienu jeżistu fl-2011);

-        in-numru ta’ skambji ta’ informazzjoni li qegħdin iseħħu permezz tal-IMI fuq bażi annwali;

-        in-numru ta’ awtoritajiet kompetenti li jużaw is-sistema b’mod attiv (jiġifieri mhux sempliċiment irreġistrati bħala utenti);

-        iffrankar fl-ispejjeż imbassrin għal kull qasam politiku li jiżdied.

1.5. Raġunijiet għall-proposta/inizjattiva 1.5.1. Rekwiżit(i) li għandhom jiġu sodisfatti fi żmien qasir jew twil

Il-proposta sejra tipprovdi livell għoli ta’ ċertezza legali fir-rigward tal-ipproċessar ta’ dejta personali fl-IMI, b’mod konformi mas-suġġerimenti tal-Kontrollur Ewropew għall-Protezzjoni tad-Data. Fuq perjodu ta’ żmien twil, dan sejjer jiffaċilita l-espansjoni futura possibbli tal-IMI għal oqsma ġodda tad-dritt tal-Unjoni billi jipprovdi qafas flessibbli għal tali espansjoni.

1.5.2. Valur miżjud tal-involviment tal-UE

Minħabba n-natura tal-IMI bħala għodda ta’ komunikazzjoni ċentralizzata żviluppata u ospitata mill-Kummissjoni, huwa meħtieġ li jiġi stabbilit sett komuni ta’ regoli applikabbli għas-sistema u li dawn jiġu implimentati b’mod ċentralizzat. Il-Kummissjoni toffri l-IMI bħala servizz bla ħlas lill-Istati Membri, tipprovdilhom servizzi ta’ manteniment u ta’ żvilupp, helpdesk u l-ospitar tal-infrastruttura kompjuterizzata. Dawn il-kompiti ma jistgħux jitwettqu b’mod deċentralizzat.

L-IMI tegħleb l-ostakoli għall-kooperazzjoni transkonfinali, bħall-ostakoli lingwistiċi, kulturi amministrattivi u tax-xogħol differenti u n-nuqqas ta’ proċeduri stabbiliti għall-iskambju ta’ informazzjoni. Minħabba l-involviment tal-Istati Membri fit-tfassil tas-sistema, l-IMI toffri metodi ta’ ħidma uniformi miftiehma mill-Istati Membri kollha.

1.5.3. Lezzjonijiet mitgħallma minn esperjenzi simili fil-passat

L-IMI tnediet fl-2008. Aktar minn 5 700 awtorità kompetenti u 11 000 utent huma attwalment irreġistrati fis-sistema. Fl-2010 seħħew madwar 2 000 skambju ta’ informazzjoni.

Minn perspettiva legali, l-IMI topera fuq il-bażi ta’ deċiżjoni tal-Kummissjoni, deċiżjoni ta’ “komitoloġija”, u rakkomandazzjoni tal-Kummissjoni[33].In-nuqqas ta’ strument legali uniku adottat mill-Parlament Ewropew u mill-Kunsill beda jiġi kkunsidrat bħala ostakolu għal espansjoni ulterjuri.

L-ispiża inizjali tal-iżvilupp tal-IMI ġiet iffinanzjata mill-programm IDABC (Għoti Interoperattiv ta’ Servizzi Pan-Ewropej tal-Gvern Elettroniku lill-Amministrazzjonijiet Pubbliċi, Negozji u Ċittadini) sakemm ġie fi tmiemu fl-2009. Sa Lulju 2010, id-DĠ MARKT ħallas l-ispejjeż assoċjati mal-manteniment, l-appoġġ tat-tieni linja, l-amministrazzjoni tas-sistema, l-ospitar, it-taħriġ, il-komunikazzjoni u s-sensibilizzazzjoni. F’Lulju 2010, il-programm ISA (Soluzzjonijiet ta’ Interoperabbiltà għall-Amministrazzjonijiet Pubbliċi Ewropej) (2010-2015)[34] qabel li jiffinanzja l-IMI, u ffinanzja l-operat u t-titjib tal-applikazzjoni fl-2010. Huwa mistenni li l-programm ISA se jkompli jiffinanzja l-IMI mill-inqas sal-2012. Id-DĠ MARKT ikompli jġarrab l-ispiża ta’ ospitar, taħriġ, komunikazzjoni u sensibilizzazzjoni.

Minħabba li l-użu tas-sistema huwa mandatorju għad-Direttiva dwar is-Servizzi u minħabba l-pjanijiet għall-espansjoni futura tal-IMI għal oqsma ġodda tad-dritt tal-Unjoni, sejjer ikun hemm il-ħtieġa li l-aspetti ta’ finanzjament jiġu ċċarati u għandu jiġi żgurat finanzjament stabbli u sostenibbli wara l-2012.

1.5.4. Koerenza u s-sinerġija possibbli ma’ strumenti rilevanti oħra

Il-Komunikazzjoni mill-Kummissjoni ‘Governanza aħjar tas-Suq Uniku permezz ta’ kooperazzjoni amministrattiva ikbar: Strateġija għall-espansjoni u l-iżvilupp tas-Sistema ta’ Informazzjoni tas-Suq Intern (‘IMI’)’ (COM(2011) 75 finali) stabbiliet pjanijiet għall-espansjoni futura tal-IMI għal oqsma oħra tal-liġi tal-UE.

Il-Komunikazzjoni mill-Kummissjoni ‘Att dwar is-Suq Uniku’ saħqet fuq l-importanza tal-IMI għat-tisħiħ tal-kooperazzjoni fost l-atturi involuti, inkluż fuq livell lokali, u b’hekk tikkontribwixxi għal governanza aħjar tas-suq uniku[35].

1.6. Tul ta’ żmien u l-impatt finanzjarju

þ Proposta/inizjattiva ta’ żmien mhux limitat

Il-proposta mistennija tidħol fis-seħħ fl-2013.

1.7. Metodu(i) ta’ ġestjoni previst(i) [36]

þ Immaniġġjar ċentralizzat dirett mill-Kummissjoni

2. MIŻURI TA’ ĠESTJONI 2.1. Regoli dwar il-monitoraġġ u r-rapportar

Speċifika l-frekwenza u l-kundizzjonijiet.

Il-Kummissjoni sejra tipproduċi rapport annwali dwar l-iżvilupp u l-prestazzjoni tal-IMI. Barra minn hekk, perjodikament sejjer jiġi ppreżentat rapport dwar kwistjonijiet ta’ protezzjoni tad-dejta fl-IMI, inkluż is-sigurtà, lill-Kontrollur Ewropew għall-Protezzjoni tad-Data.

2.2. Sistema ta’ ġestjoni u kontroll 2.2.1. Riskju(i) identifikat(i)

Il-Kummissjoni hija l-‘proprjetarja tas-sistema’ tal-IMI, u responsabbli għal-operazzjoni tagħha ta’ kuljum, għall-manteniment u l-iżvilupp. Is-sistema hija żviluppata u ospitata minn fornitur intern, jiġifieri d-DĠ tal-Kummissjoni (DIGIT), li jiżgura livell għoli ta’ kontinwità tan-negozju.

Bl-espansjoni tal-IMI għal oqsma leġiżlattivi ġodda, il-governanza tista’ ssir aktar kumplessa hekk kif il-grupp ta’ partijiet interessati jikber u jista’ jkun hemm il-ħtieġa li d-domandi differenti jiġu rikonċiljati. Dan il-proċess għandu jiġi ġestit b’attenzjoni.

2.2.2. Metodu(i) ta’ kontroll previst(i)

Il-manteniment tal-IT u l-iżvilupp tal-IMI huma regolati minn memorandum ta’ fehim bejn MARKT u DIGIT li jistabbilixxi r-regoli u l-proċeduri u r-responsabbiltajiet u l-obbligi rispettivi tal-proprjetarju tas-sistema (MARKT) u l-fornitur tas-sistema (DIGIT). Laqgħat regolari u l-istrumenti ta’ rappurtar jiffaċilitaw il-monitoraġġ mill-qrib tal-ħidma ta’ manteniment u l-iżvilupp tal-IT.

Il-kumitat ta’ Tmexxija tal-IMI, inklużi r-rappreżentanti tal-partijiet interessati kollha fil-proġett tal-IMI (proprjetarju tas-sistema, il-fornitur tas-sistema, il-Kumitat Konsultattiv tas-Suq Intern u l-utenti tal-IMI) huwa responsabbli għal, inter alia, il-monitoraġġ u l-kontroll ta’ livell għoli. Il-Grupp ta’ Ħidma IMAC-IMI (subgrupp tal-Kumitat Konsultattiv tas-Suq Intern) jagħti pariri lill-Kummissjoni dwar kwistjonijiet orizzontali fir-rigward tal-iżvilupp tal-IMI.

Barra minn hekk, skont l-Artikolu 19 tal-proposta, il-Kontrollur Ewropew għall-Protezzjoni tad-Data għadu jiżgura li l-ipproċessar tad-dejta personali mill-Kummissjoni fl-IMI jitwettaq f’konformità mar-regoli applikabbli. L-awtoritajiet nazzjonali għall-protezzjoni tad-dejta għandhom jissorveljaw l-ipproċessar ta’ dejta personali mill-awtoritajiet kompetenti fuq livell ta’ Stat Membru.

2.3. Miżuri għall-prevenzjoni ta’ frodi u irregolaritajiet

Speċifika l-miżuri eżistenti jew previsti għall-prevenzjoni u l-protezzjoni.

Għall-finijiet tal-ġlieda kontra l-frodi, il-korruzzjoni u kull attività illegali oħra, id-dispożizzjonijiet normalment applikabbli għall-attivitajiet tal-Kummissjoni, inkluż ir-Regolament (KE) Nru 1073/1999 tal-Parlament Ewropew u tal-Kunsill tal-25 ta’ Mejju 1999 dwar investigazzjonijiet immexxija mill-Uffiċċju Ewropew Kontra l-Frodi (OLAF), jistgħu japplikaw fil-kuntest tal-IMI mingħajr ebda restrizzjoni.

3. L-IMPATT FINANZJARJU STMAT TAL-PROPOSTA/INIZJATTIVA 3.1. Intestatura(i) tal-qafas finanzjarju multiannwali u l-intestatura(i) tal-baġit affettwat(i)

· Intestaturi eżistenti tal-baġit

Intestatura tal-qafas finanzjarju multiannwali || Intestatura tal-baġit || Tip ta’ nefqa || Kontribuzzjoni

Numru [Deskrizzjoni………………………...……….] || DA/NDA ([37]) || mill-pajjiżi tal-EFTA[38] || minn pajjiżi kandidati[39] || minn pajjiżi terzi || skont l-Artikolu 18(1)(aa) tar-Regolament Finanzjarju

1A || 12.02.01 L-implimentazzjoni u l-iżvilupp tas- Suq Intern || DA || IVA || LE || LE || LE

1A || 12.01.04 L-implimentazzjoni u l-iżvilupp tas- Suq Intern – Nefqa fuq it-tmexxija amministrattiva || NDA || IVA || LE || LE || LE

1A || 26.03.01.01 Soluzzjonijiet ta’ Interoperabilità għall-Amministrazzjonijiet Pubbliċi Ewropej (ISA) || DA || IVA || IVA || LE || LE

3.2. L-impatt stmat fuq l-infiq 3.2.1. Sommarju tal-impatt stmat fuq l-infiq

EUR miljuni (sa 3 punti deċimali)

Intestatura tal-qafas finanzjarju multiannwali: || 1B || L-implimentazzjoni u l-iżvilupp tas-Suq Intern

DĠ: MARKT || || || Sena 2013 || || || || || || || TOTAL

Ÿ Approprjazzjonijiet operattivi || || || || || || || ||

12.02.01 || Impenji || (1) || 1.440 || || || || || || || 1.440

Ħlasijiet || (2) || 1.440 || || || || || || || 1.440

|| || || || || || || ||

TOTAL ta’ approprjazzjonijiet għad- DĠ MARKT || Impenji || =1+1a +3 || 1.440 || || || || || || || 1.440

Ħlasijiet || =2+2a +3 || 1.440 || || || || || || || 1.440

Il-proposta preżenti hija mistennija li tidħol fis-seħħ fl-2013 u ma għandhiex impatt baġitarju fuq dak li huwa diġà previst għas-snin li ġejjin fl-ipprogrammar uffiċjali tal-Kummissjoni. Barra minn hekk, il-proposta hija mingħajr preġudizzju għad-deċiżjonijiet dwar il-qafas finanzjarju multiannwali ta’ wara l-2013.

Fl-2010, il-finanzjament tal-IMI kien kopert mis-sorsi li ġejjin: il-programm tal-ISA (€ 500 000 – intestatura tal-baġit 26.03.01.01) u intestaturi tal-baġit dwar is-suq intern (€ 925 000). Għall-2011-2012 il-finanzjament ippjanat mill-ISA sejjer jammonta għal ca. € 1 150 000 kull sena. Madankollu, il-finanzjament mill-programm tal-ISA huwa soġġett għal reviżjoni annwali tal-prijoritajiet ġenerali tal-programm u l-baġit disponibbli. Huwa mistenni li l-programm tal-ISA sejjer ikompli jiffinanzja lill-IMI sa mill-inqas l-2012.

Sabiex jiġi żgurat li l-IMI tista’ tkompli tiġi offruta lill-Istati Membri fuq bażi permanenti, kif ukoll sabiex ikun hemm ġestjoni aktar effiċjenti u kontroll aqwa tal-baġit, il-Kummissjoni sejra teżamina l-possibbiltà li ġġib l-ispejjeż kollha taħt intestatura waħda tal-baġit ġestit mid-DĠ MARKT (12.02.01 L-Implimentazzjoni u l-iżvilupp tas-Suq Intern). Dan ikun jinvolvi żieda netta f’din l-intestatura tal-baġit fl-2013 permezz ta’ trasferimenti minn intestaturi oħra tal-baġit.

F’kull każ, huwa mistenni li l-ispiża totali tal-IMI sejra tibda tonqos mill-2012 ’il quddiem, minħabba l-ħtiġijiet aktar baxxi pproġettati għall-iżvilupp ta’ funzjonalitajiet ġodda, li ġeneralment għandhom ikunu fis-seħħ sa dak iż-żmien.

Ÿ TOTAL tal-approprjazzjonijiet operattivi || Impenji || (4) || 1.440 || || || || || || || 1.440

Ħlasijiet || (5) || 1.440 || || || || || || || 1.440

Ÿ TOTAL tal-approprjazzjonijiet ta’ natura amministrattiva iffinanzjati mill-baġit ta’ programmi speċifiċi || (6) || || || || || || || ||

TOTAL tal-approprjazzjonijiet taħt INTESTATURA 1A tal-qafas finanzjarju multiannwali || Impenji || =4+ 6 || 1.440 || || || || || || || 1.440

Ħlasijiet || =5+ 6 || 1.440 || || || || || || || 1.440

Ħlasijiet || =5+ 6 || || || || || || || ||

Intestatura tal-qafas finanzjarju multiannwali: || 5 || ‘Nefqa amministrattiva’

EUR miljuni (sa 3 punti deċimali)

|| || || Sena 2013 || || || || || || || TOTAL

DĠ: MARKT ||

Ÿ Riżorsi umani || || || || || || || ||

Ÿ Infiq amministrattiv ieħor || || || || || || || ||

TOTAL DĠ MARKT || approprjazzjonijiet || || || || || || || ||

TOTAL tal-approprjazzjonijiet taħt INTESTATURA 5 tal-qafas finanzjarju multiannwali || (Impenji totali = Ħlasijiet totali) || || || || || || || ||

EUR miljuni (sa 3 punti deċimali)

|| || || Sena 2013[40] || || || || || || || TOTAL

TOTAL TAL-approprjazzjonijiet taħt INTESTATURI 1 sa 5 tal-qafas finanzjarju multiannwali || Impenji || || || || || || || || 1.440

Ħlasijiet || || || || || || || ||

3.2.2. L-Impatt stmat fuq l-approprjazzjonijiet operattivi

– þ  Il-proposta/inizjattiva teħtieġ l-użu ta’ approprjazzjonijiet operattivi, kif spjegat hawn taħt:

Approprjazzjonijiet għal impenji f’EUR miljuni (sa 3 punti deċimali)

Indika l-objettivi u r-riżultat ò || || || Sena 2013 || || || || || || || TOTAL

RIŻULTATI

Tip ta’ riżultati[41] || Spiża medja tar-riżultat || Numru ta’ riżultati || Spiża || || || || || || || || || || || || || Total tan-numru ta’ riżultati || Spiża totali

OBJETTIV SPEĊIFIKU Nru 1[42]… || || || || || || || || || || || || || || || ||

- Manteniment A || 0.4 || || 0.4 || || || || || || || || || || || || || || 0.4

- Ospitar B || 0.24 || || 0.24 || || || || || || || || || || || || || || 0.24

- Żvilupp C || 0.3 || || 0.6 || || || || || || || || || || || || || || 0.6

- Komunikazzjoni u sensibilizzazzjoni D || 0.2 || || 0.2 || || || || || || || || || || || || || || 0.2

Sub-total għall-objettiv speċifiku Nru 1 || || 1.440 || || || || || || || || || || || || || || 1.440

OBJETTIV SPEĊIFIKU Nru 2 || || || || || || || || || || || || || || || ||

- Riżultat || || || || || || || || || || || || || || || || || ||

Sub-total għall-objettiv speċifiku Nru 2 || || || || || || || || || || || || || || || ||

SPIŻA TOTALI || || 1.440 || || || || || || || || || || || || || || 1.440

3.2.3. L-Impatt stmat fuq l-approprjazzjonijiet ta’ natura amministrattiva 3.2.3.1. Sommarju

– þ  Il-proposta/inizjattiva ma teħtieġx l-użu ta’ approprjazzjonijiet amministrattivi

– ¨  Il-proposta/inizjattiva teħtieġ l-użu ta’ approprjazzjonijiet amministrattivi, kif spjegat hawn taħt:

3.2.3.2. Ħtieġa pproġettata ta’ riżorsi umani

– þ  Il-proposta/inizjattiva ma teħtieġx l-użu ta’ riżorsi umani addizzjonali

– ¨  Il-proposta/inizjattiva teħtieġ l-użu ta’ riżorsi umani addizzjonali, kif spjegat hawn taħt: Kompatibbiltà mal-qafas finanzjarju multiannwali attwali

– þ  Il-proposta/inizjattiva hija kompatibbli mal-qafas finanzjarju multiannwali attwali.

3.2.4. Kontribuzzjonijiet minn partijiet terzi

– þ Il-proposta/inizjattiva ma teħtieġx ko-finanzjament minn partijiet terzi

3.3. L-impatt stmat fuq id-dħul

– þ  Il-proposta/inizjattiva ma għandha l-ebda impatt finanzjarju fuq id-dħul.

[1]               ĠU L 255, 30.9.2005, p. 22.

[2]               ĠU L 376, 27.12.2006, p. 36.

[3]               Deċiżjoni tal-Kummissjoni 2008/49/KE tat-12 ta’ Diċembru 2007 dwar l-implimentazzjoni tas-Sistema ta’ Tagħrif tas-Suq Intern (IMI) fir-rigward tal-protezzjoni tad-dejta personali (ĠU L 13, 16.1.2008, p. 18), Deċiżjoni tal-Kummissjoni 2009/739/KE tat-2 ta’ Ottubru 2009 li tistipula l-arranġamenti prattiċi għall-iskambju ta' informazzjoni b'mezzi elettroniċi bejn l-Istati Membri taħt il-Kapitolu VI tad-Direttiva 2006/123/KE tal-Parlament Ewropew u tal-Kunsill dwar is-servizzi fis-suq intern (ĠU L 263, 7.10.2009, p. 32), Rakkomandazzjoni tal-Kummissjoni tas-26 ta’ Marzu 2009 dwar il-linji gwida għall-protezzjoni tad-dejta għas-Sistema ta’ Informazzjoni tas-Suq Intern (IMI) (ĠU L 100, 18.4.2009, p. 12).

[4]               Komunikazzjoni mill-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat għar-Reġjuni Lejn Att dwar is-Suq Uniku. Għal ekonomija soċjali tas-suq kompetittiva ħafna. 50 proposta biex intejbu l-ħidma, in-negozju u l-iskambji ma' xulxin’, KUMM(2010) 608 finali, proposta Nru 45 fuq p. 31.

[5]               KUMM(2011) 75.

[6]               KUMM(2011) 206.

[7]               Opinjoni 01911/07/EN, WP 140.

[8]               Opinjoni tat-22 ta’ Frar 2008 tal-Kontrollur Ewropew għall-Protezzjoni tad-Data (‘EDPS’) dwar id- Deċiżjoni tal-Kummissjoni tat-12 ta’ Diċembru 2007 dwar l-implimentazzjoni tas-Sistema ta’ Informazzjoni tas-Suq Intern (IMI) fir-rigward tal-protezzjoni tad-dejta personali, ĠU C 270, 25.10.2008, p. 1.

[9]               Rakkomandazzjoni mill-Kummissjoni tas-26 ta’ Marzu 2009 dwar il-linji gwida għall-protezzjoni tad-dejta għas-Sistema ta’ Informazzjoni tas-Suq Intern (IMI), ĠU L 100, 18.4.2009, p. 12.

[10]             Rapport mill-Kummissjoni tat-22 ta’ April 2010 dwar l-istat tal-protezzjoni tad-dejta fis-Sistema ta’ Informazzjoni tas-Suq Intern, KUMM(2010) 170 finali.

[11]             Ara eż. Regolament (KE) Nru 1987/2006 tal-Parlament Ewropew u tal-Kunsill tal-20 ta’ Diċembru 2006 dwar it-twaqqif, it-tħaddim u l-użu tas-Sistema ta’ Informazzjoni ta’ Schengen tat-tieni ġenerazzjoni (SIS II) (ĠU L 381, 28.12.2006, p. 4) u r-Regolament (KE) Nru 767/2008 tal-Parlament Ewropew u tal-Kunsill tad-9 ta’ Lulju 2008 dwar is-Sistema tal-Viża (VIS) u l-iskambju ta’ dejta bejn l-Istati Membri dwar il-viża għal żmien qasir (Regolament tal-VIS) (ĠU L 218, 13.8.2008, p. 60).

[12]             Id-Direttiva 2011/24/KE tal-Parlament Ewropew u tal-Kunsill tad-9 ta’ Marzu 2011 dwar l-applikazzjoni tad-drittijiet tal-pazjenti fil-qasam tal-kura transkonfinali (ĠU L 88/45, 4.04.2011, p. 45).

[13]             Id-Direttiva 96/71/KE tal-Parlament Ewropew u tal-Kunsill tas-16 ta’ Diċembru 1996 dwar l-impjieg ta' ħaddiema fil-qafas ta' prestazzjoni ta' servizzi (ĠU L 018, 21.01.1997, p. 1). Ara wkoll il-konklużjoni tal-Kunsill tas-7 ta’ Marzu 2011 li tinstab fuq: http://www.consilium.europa.eu/uedocs/cms_data/docs/pressdata/en/lsa/119621.pdf

[14]             Ara n-nota ta’ qiegħ il-paġna12 hawn fuq, l-Artikolu 10(4).

[15]             Konklużjonijiet tal-Kunsill tal-10 ta’ Diċembru 2010.

[16]             ĠU C , , p. .

[17]             KUMM (2011) 75.

[18]             KUMM(2011) 206

[19]             ĠU L 281, 23.11.1995, p.31

[20]             ĠU L 8, 12.01.2001, p.1

[21]             ĠU L 13, 16.01.2008, p.18

[22]             ĠU L 263, 07.10.209, p.32

[23]             ĠU L 376, 27.12.2006, p.36

[24]             ĠU L 88, 04.04.2011, p.45

[25]             ĠU L 331, 15.12.2001, p.79

[26]             ĠU L 018, 21.1.1997, p.1

[27]             ĠU L 178, 17.7.2000, p.1

[28]             ABM: Ġestjoni Skont l-Attività — ABB: Ibbaġittjar Skont l-Attività.

[29]             ĠU L 255, 30.9.2005, p. 22.

[30]             ĠU L 376, 27.12.2006, p. 36.

[31]             Komunikazzjoni mill-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni ‘Lejn Att dwar is-Suq Uniku. Għal ekonomija soċjali tas-suq kompetittiva ħafna. 50 proposta biex intejbu l-ħidma, in-negozju u l-iskambji ma’ xulxin’, KUMM (2010) 608 finali, proposta Nru 45 fuq p. 31.

[32]             Ara n-nota ta’ qiegħ il-paġna 6 hawn fuq.

[33]             Deċiżjoni tal-Kummissjoni 2008/49/KE tat-12 ta’ Diċembru 2007 dwar l-implimentazzjoni tas-Sistema ta’ Informazzjoni tas-Suq Intern (IMI) fir-rigward tal-protezzjoni tad-dejta personali (ĠU L 13, 16.1.2008, p. 18), Deċiżjoni tal-Kummissjoni 2009/739/KE tat-2 ta’ Ottubru 2009 li tistipula l-arranġamenti prattiċi għall-iskambju ta' informazzjoni b'mezzi elettroniċi bejn l-Istati Membri taħt il-Kapitolu VI tad-Direttiva 2006/123/KE tal-Parlament Ewropew u tal-Kunsill dwar is-servizzi fis-suq intern (ĠU L 263, 7.10.2009, p. 32), Rakkomandazzjoni mill-Kummissjoni tas-26 ta’ Marzu 2009 dwar il-linji gwida għall-protezzjoni tad-dejta għas-Sistema ta’ Informazzjoni tas-Suq Intern (IMI) (ĠU L 100, 18.4.2009, p. 12).

[34]             Deċiżjoni Nru 922/2009/KE, ĠU L 260; 3.10.2009, p. 20.

[35]             Ara n-nota ta’ qiegħ il-paġna 6 hawn fuq.

[36]             Id-dettalji dwar il-metodi ta’ ġestjoni u r-referenzi għar-Regolament Finanzjarju jistgħu jinstabu fuq is-sit elettroniku tal-BudgWeb: http://www.cc.cec/budg/man/budgmanag/budgmanag_en.html.

[37]             DA= Approprjazzjonijiet differenzjati / DNA= Approprjazzjonijiet mhux differenzjati.

[38]             EFTA: Assoċjazzjoni Ewropea tal-Kummerċ Ħieles.

[39]             Pajjiżi kandidati u, fejn applikabbli, pajjiżi potenzjalment kandidati mill­-Balkani tal-Punent.

[40]             Is-Sena N hija s-sena li fiha tibda l-implimentazzjoni tal-proposta/inizjattiva.

[41]             Ir-riżultati huma prodotti u servizzi li jridu jiġu pprovduti (eż. in-numru ta’ skambji ta’ studenti ffinanzjati, in-numru ta’ km ta’ toroq mibnija, eċċ.).

[42]             Kif deskritt f’Sezzjoni 1.4.2. ‘Objettiv(i) speċifiċi…’.