Proposta għal DEĊIŻJONI TAL-KUNSILL dwar il-konklużjoni ta' Ftehim ta’ Sħubija Volontarja bejn l-Unjoni Ewropea u r-Repubblika tal-Liberja dwar l-infurzar tal-liġi tal-foresti, il-governanza u l-kummerċ tal-prodotti tal-injam lejn l-Unjoni Ewropea /* KUMM/2011/0371 finali - NLE 2011/0160 */
MEMORANDUM TA’ SPJEGAZZJONI Il-Pjan ta’ Azzjoni dwar l-Infurzar
tal-Liġi għall-Foresti, il-Governanza u l-Kummerċ (FLEGT)[1],
endorsjat mill-Kunsill fl-2003[2], jipproponi sensiela ta’
miżuri, inkluż sostenn għall-pajjiżi li jipproduċu
l-injam, kollaborazzjoni multilaterali biex jikkumbattu l-kummerċ
tal-injam illegali, is-sostenn għall-inizjatttivi tas-settur privat, kif
ukoll miżuri li jiskoraġġixxu l-investiment f’attivitajiet li
jinkoraġġixxu l-qtugħ illegali tas-siġar. Il-bażi
fundamentali ta' dan il-Pjan ta’ Azzjoni hija l-istabbiliment tal-isħubiji
FLEGT bejn l-Unjoni u l-pajjiżi li jipproduċu l-injam, immirati biex
iwaqqfu l-qtugħ illegali tas-siġar Fl-2005, il-Kunsill adotta
r-Regolament (KE) Nru 2173/2005[3], li jistabbilixxi skema
ta’ liċenzjar u mekkaniżmu li jivverifika l-legaliltà
tal-importazzjonijiet tal-injam fl-UE. F’Diċembru 2005, il-Kunsill awtorizza
lill-Kummissjoni biex tinnegozja ftehimiet ta’ sħubija ma’ pajjiżi li
jipproduċu l-injam sabiex jiġi implimentat il-Pjan ta’ Azzjoni u,
b’mod partikolari biex jinkoraġġixxi l-kummerċ
fl-importazzjonijiet tal-injam legali vverifikat li ġej minn pajjiżi
imsieħba lejn l-UE[4]. Il-Ftehim mal-Liberja
huwa s-sitt ftehim ta’ dan it-tip li ġie nnegozjat. wara l-ftehimiet
mal-Gana, il-Kongo, il-Kamerun, ir-Repubblika Ċentru-Afrikana u
l-Indoneżja. Il-Kummissjoni bdiet in-negozjati mal-Liberja
f’Marzu tal-2009. In-negozjati proċedew fuq sentejn u involvew sitt
sessjonijiet ta’ negozjar wiċċ imbwiċċ u 14-il diskussjoni
teknika permezz ta’ vidjokonferenza, kif ukoll laqgħat fuq livell ta’
ħidma teknika. Matul in-negozjati l-Kummissjoni kienet assistita
mill-Istati Membri, notevolment ir-Renju Unit li, f’dan il-każ, ipprovda
riżorsi biex jiffaċilita l-proċess. Il-Kummissjoni dejjem żammet
lill-Kunsill aġġornat dwar il-progress tan-negozjati permezz ta’
rapporti regolari lill-Grupp ta’ Ħidma dwar il-Foresti, kif ukoll
lill-Kapijiet tal-Missjoni tal-UE u lir-rappreżentanti tal-UE fil-Liberja.
Wara kull laqgħa ta’ negozjati, il-partijiet żammew laqgħat
pubbliċi ta’ aġġornament biex il-partijiet interessati
jinżammu infurmati bil-progress li jkun sar waqt it-taħdidiet.
Addizjonalment, il-Liberja adottat approċċ parteċipattiv
ħafna billi involviet lis-soċjetà ċivili, lir-rapreżentanti
tal-komunità, is-settur privat u rappreżentant tal-leġiżlatura
Liberjana fl-abbozzar tal-Ftehim. Il-ftehim jindirizza l-elementi kollha li hemm
fid-direttivi ta’ negozjar tal-Kunsill. B’mod partikolari, huwa jistabbilixxi
l-qafas, l-istituzzjonijiet u s-sistemi tal-iskema ta’ liċenzjar FLEGT.
Huwa jistipula l-kontrolli fuq il-katina ta’ forniment, il-qafas
għall-monitoraġġ tal-konformità legali u r-rekwiżiti
tal-awditi indipendenti tas-sistema. Dawn il-komponenti huma stipulati
f’annessi mal-Ftehim li jipprovdu deskrizzjoni ddettaljata tal-istrutturi li se
jirfdu l-assigurar tal-legalità li tista’ tinkiseb bil-ħruġ ta’
liċenzja FLEGT. Il-Ftehim ta’ sħubija Volontarja (VPA)
jiffoka fuq il-governanza u l-infurzar tal-liġi u, permezz ta’ sistema ta’
liċenzji, jipprovdi l-assigurazzjoni li l-injam Liberjan huwa prodott
legalment. Huwa eżempju tal-impenn tal-Liberja biex ittejjeb
ir-responsabbiltà u t-trasparenza. Bħala konsegwenza tal-prassi
ħażina fil-passat, l-injam Liberjan ma għandux reputazzjoni
tajba fuq is-swieq internazzjonali. Il-liċenzja FLEGT se sserraħ ras
is-swieq internazzjonali li l-prodotti tal-injam Liberjan ġejjin minn
sorsi legali vverifikati. Il-VPA se jsostni r-riformi reglatorji li huma
għaddejjin li se jsaħħu l-qafas legali, sabiex tkun promossa
l-ġestjoni sostenibbli tal-foresti u jissaħħaħ
l-involviment tal-komunitajiet lokali fil-proċess tat-teħid
tad-deċiżjonijiet. Il-ftehim jindika b’mod ċar l-oqsma fejn huma
meħtieġa r-riformi u jistipula skeda għalihom. Il-Liberja żviluppat qafas komprensiv
għall-monitoraġġ tal-konformità legali għal kull tip ta’
impriża, kemm jekk siġar mill-foresti komunitarji,
konċessjonijiet kbar jew siġar ta’ sjieda privata fuq l-irziezet, u
li taqqgħad l-aspetti kollha tal-prodzzjoni tal-injam, inkluż
l-allokazzjoni tad-drittijiet tal-ħsad, l-applikazzjoni tal-ġestjoni
tal-foresti u l-istandards ambjentali, il-kondiviżjoni tal
benefiċċji, id-drittijiet tal-ħaddiema u t-taxxi. Il-konformità
se tkun monitorjata mis-sistema l-ġdida għall-assigurazzjoni legali,
li tibni fuq u tespandi sistema eżistenti ta' kustodja. Addizzjonalment,
il-Liberja se taħdem ma' awditur indipendenti, li se jipprovdi rapporti
pubbliċi regolari dwar l-effikaċja tas-sistema. Is-soċjetà
ċivili se timmonitorja l-VPA inġenerali, tikkondividi s-sejbiet
mal-gvern, il-partijiet involuti nazzjonali u l-Kumitat Konġunt
tal-Implimentazzjoni responsabbli għas-sorveljanza. Il-ftehim imur lil hinn mill-kopertura
limitata tal-prodott proposta fl-Anness II tar-Regolament (KE) Nru 2173/2005
dwar l-iskema FLEGT. huwa jkopri l-prodotti kollha tal-injam esportati,
inluż il-laqx tal-injam, u prodotti sekondarji komuni
tal-konċesjonijiet tal-agrikoltura kummerċjali. Il-Liberja hija
impenjata li tistabbilixxi sistema li se tipprovdi assigurazzjoni lill-UE li
l-prodotti kollha tal-injam mil-Liberja huma prodotti legalment u b’hekk
jikkontribwixxu b’mod pożittiv għat-tkabbir tal-Liberja. Il-Fehim jagħmel dispożizzjoni
għall-kontrolli tal-importazzjoni fuq il-konfini tal-UE, kif stabbilit
fir-Regolament (KE) Nru 2173/2005 dwar l-iskema FLEGT u r-Regolament (KE)
Nru 1024/2008 li jistipula miżuri ddettaljati
għall-implimentazzjoni tiegħu. Il-Fehim jinkludi deskrizzjoni
tal-liċenzja FLEGT tal-Liberja, li tuża l-format preskritt
fir-Regolament ta’ Implimentazzjoni msemmi hawn fuq. Il-liċenzji Flegt se
jinħarġu wkoll għall-esportazzjoni tal-injam destinat għal
swieq oħra internazzjonali u sistema ta' numerazzjoni speċifika
għall-UE se tkun introdotta biex l-esportazzjoni tal-injam destinat
għall-UE tkun tingħaraf faċilment. Il-Ftehim jistabbilixxi mekkaniżmu
għal djalogu u kooperazzjoni mal-Unjoni fejn tidħol l-iskema FLEGT,
permezz tal-Kumitat Konġunt għall-Impimentazzjoni. Hu jistabbilixxi
wkoll prinċipji tal-parteċipazzjoni tal-partijiet involuti,
is-salvagwardji soċjali, ir-responsabbiltà u t-trasparenza, kif ukoll
il-monitoraġġ tal-Ftehim u r-rappurtar dwar l-implimentazzjoni
tiegħu. Il-Ftehim jistabbilixxi limitu ta’ żmien
u l-proċeduri għad-dħul fis-seħħ tal-Ftehim u
għall-implimentazzjoni tal-iskema ta’ liċenzjar. Peress li l-Liberja
se tirrevedi u tlesti r-regolamenti li jmexxu s-settur, issaħħaħ
is-sistema regolatorja u ta' ġestjoni tal-informazzjon tagħha,
taġġorna l-kontrolli fil-katina ta’ forniment biex tkopri
il-faċilitajiet tal-iproċessar u tistabbilixxi verifika indipendenti
tal-konformità legali, se jgħaddu bosta snin biex ikunu żviluppati u
ttestjati s-sistemii l-ġodda u biex tinbena l-kapaċità min-naħa
tal-gvern, is-soċjetà ċivili u s-settur privat għall-kompiti
previsti. L-iskema għall-għoti tal-liċenzji FLEGT mistennija li
tkun operattiva b'mod sħiħ sa nofs l-2014. L-iskema
għall-għoti tal-liċenzji se tiġi evalwata fir-rigward
tal-kriterji stipulati fil-ftehim qabel ma l-UE tibda taċċetta
l-liċenzji FLEGT. 2011/0160 (NLE) Proposta għal DEĊIŻJONI TAL-KUNSILL dwar il-konklużjoni ta' Ftehim ta’ Sħubija
Volontarja bejn l-Unjoni Ewropea u r-Repubblika tal-Liberja dwar l-infurzar
tal-liġi tal-foresti, il-governanza u l-kummerċ tal-prodotti
tal-injam lejn l-Unjoni Ewropea IL-KUNSILL TAL-UNJONI EWROPEA, Wara li kkunsidra t-Trattat dwar
il-Funzjonament tal-Unjoni Ewropea, u b’mod partikolari l-ewwel subparagrafi
tal-Artikolu 207(3) u (4), flimkien mal-Artikoli 218(6)(a)(v)
u 218(7) tiegħu, Wara li kkunsidra l-proposta mill-Kummissjoni
Ewropea, Wara li kkunsidra l-kunsens tal-Parlament
Ewropew[5], Billi: (1) F'Mejju 2003, il-Kummissjoni
Ewropea adottat Komunikazzjoni lill-Parlament Ewropew u lill-Kunsill intitolata
"Infurzar tal-Liġi tal-Foresta, il-Governanza u l-Kummerċ
(FLEGT): Proposta għal Pjan ta' Azzjoni tal-UE'[6]
li sejħet għal miżuri biex ikun indirizzat il-qtugħ
illegali permezz tal-iżvilupp ta' Ftehimiet ta' sħubija volontarja
ma' pajjiżi li jipproduċu l-injam. Il-konklużjonijiet
tal-Kunsill dwar dan il-Pjan ta' Azzjoni ġew adottati f’Ottubru tal-2003[7]
u l-Parlament għadda riżoluzzjoni fil-11 ta' Lulju tal-2005[8]. (2) Skont id-Deċiżjoni
tal-Kunsill Nru 2011/XXX ta' […][9],
il-Ftehim ta' Sħubija Volontarja bejn l-Unjoni Ewropea u r-Repubblika
tal-Liberja dwar l-infurzar tal-liġi tal-foresti, il-governanza u
l-kummerċ tal-prodotti tal-injam lejn l-Unjoni Ewropea (minn hawn ‘il
quddiem imsejjaħ ‘il-Ftehim’) ġie ffirmat fil-[…][10],
suġġett għall-konklużjoni tiegħu. (3) Il-Ftehim għandu
jiġi konkluż, ADOTTA DIN ID-DEĊIŻJONI: Artikolu 1 Il-Ftehim bejn il-Komunità Ewropea u
r-Repubblika tal-Liberja għall-infurzar tal-liġi tal-foresti,
il-governanza u l-kummerċ tal-injam lejn l-Unjoni Ewropea (FLEGT) huwa
b'dan approvat f'isem l-Unjoni. It-test tal-Ftehim huwa anness ma’ din
id-Deċiżjoni. Artikolu 2 Il-President tal-Kunsill għandu jinnomina
l-persuna/i awtorizzata/i biex jagħtu/i, f’isem l-Unjoni, in-notifika
prevista fl-Artikolu 30 tal-Ftehim sabiex ikun espress il-kunsens
tal-Unjoni li tkun marbuta bil-Ftehim. Artikolu 3 Rappreżentanti tal-Kummissjoni
għandhom jirrappreżentaw lill-Unjoni fil-Kumitat Konġunt tal-Implimentazzjoni
mwaqqaf skont l-Artikolu 19 tal-Ftehim. L-Istati Membri jistgħu
jipparteċipaw bħala membri tad-delegazzjoni tal-Unjoni
fil-laqgħat tal-Kumitat Konġunt tal-Implimentazzjoni. Artikolu 4 Għall-finijiet tal-emendar tal-annessi
tal-Ftehim fuq il-bażi tal-Artikolu 26 tiegħu, il-Kummissjoni
hija awtorizzata, skont il-proċedura stabbilita fl-Artikolu 11(3)
tar-Regolament (KE) Nru 2173/2005, biex tapprova kwalunkwe emenda f'isem
l-Unjoni. Artikolu 5 Din id-Deċiżjoni għandha
tidħol fis-seħħ fid-data tal-adozzjoni tagħha. Artikolu 6 Din id-Deċiżjoni għandha
tiġi ppubblikata f'Il-Ġurnal Uffiċjali tal-Unjoni Ewropea.
Magħmul fi Brussell, […] Għall-Kunsill Il-President
[…] FTEHIM TA’ SĦUBIJA VOLONTARJA BEJN
L-UNJONI EWROPEA
U R-REPUBBLIKA TAL-LIBERJA DWAR L-INFURZAR TAL-LIĠI TAL-FORESTI,
IL-GOVERNANZA U L-KUMMERĊ TAL-PRODOTTI TAL-INJAM LEJN L-UNJONI EWROPEA L-UNJONI EWROPEA minn hawn ’il quddiem imsejħa ‘l-Unjoni’ u IR-REPUBBLIKA
TAL-LIBERJA, minn hawn ’il quddiem imsejħa
‘il-Liberja’, minn hawn ’il quddiem flimkien imsejħa
‘il-Partijiet’, FILWAQT LI JIKKUNSIDRAW ir-relazzjoni ta’
ħidma mill-qrib bejn l-Unjoni u l-Liberja, b’mod partikolari fil-kuntest
tal-Ftehim ta’ Sħubija bejn il-membri tal-Grupp tal-Istati Afrikani,
tal-Karibew u tal-Paċifiku, minn naħa waħda, u l-Kummissjoni
Ewropea u l-Istati Membri tagħha, min-naħa l-oħra, iffirmat
f’Cotonou (Benin) fit-23 ta’ Ġunju 2000[11],
minn hawn ’il quddiem ‘il-Ftehim ta' Cotonou’ ; FILWAQT LI JIKKUNSIDRAW il-Komunikazzjoni
mill-Kummissjoni lill-Kunsill u l-Parlament Ewropew dwar Pjan ta’ Azzjoni
tal-UE għall-Infurzar tal-Liġi tal-Foresti, il-Governanza u
l-Kummerċ (FLEGT)[12] bħala l-ewwel pass
lejn l-indirizzar tal-kwistjoni urġenti tal-qtugħ illegali
tas-siġar u l-kummerċ assoċjat; WARA LI KKUNSIDRAW l-importanza
tal-prinċipji stabbiliti fid-Dikjarazzjoni ta’ Rio tal-1992 fil-kuntest
tal-assigurazzjoni tal-ġestjoni sostenibbli tal-foresti, u b’mod
partikolari, tal-Prinċipju 10 dwar l-importanza tal-għarfien u
l-parteċipazzjoni tal-pubbliku fi kwistjonijiet ambjentali u
tal-Prinċipju 22 dwar ir-rwol essenzjali tan-nies indiġeni u
komunitajiet oħra lokali fil-ġestjoni u l-iżvilupp ambjentali; FILWAQT LI JIKKUNSIDRAW id-Dikjarazzjoni
Awtoritattiva li Ma Torbotx Legalment tal-Prinċipji għal Kunsens
Globali dwar il-ġestjoni, il-konservazzjoni u l-iżvilupp sostenibbli
tat-tipi kollha ta' foresti tal-1992 u l-adozzjoni reċenti mill-Assemblea
Ġenerali tan-Nazzjonijiet Uniti ta’ Strument li Mhux Legalment Vinkolanti
dwar it-tipi kollha ta’ foresti[13]; WARA LI KKUNSIDRAW il-Konvenzjoni dwar
il-Kummerċ Internazzjonali fl-Ispeċijiet ta’ Fawna u Flora
Selvaġġi fil-Periklu (CITES) u b’mod partikolari, ir-rekwiżit li
permessi tal-esportazzjoni CITES maħruġa mill-partijiet ta’ CITES
għal kampjuni ta’ speċi elenkati fl-Annessi I, II jew III
jingħataw biss taħt ċerti kondizzjonijiet, inkluż li t-tali
kampjuni ma jkunux inkisbu bi ksur tal-liġijiet ta’ dak l-Istat
għall-protezzjoni tal-fawna u l-flora. FILWAQT LI JIKKUNSIDRAW l-importanza
mogħtija mill-Partijiet lill-objettivi ta’ żvilupp miftiehma fuq
livell internazzjonali u lill-Għanijiet ta’ Żvilupp tal-Millennju
tan-Nazzjonijiet Uniti; FILWAQT LI JAFFERMAW MILL-ĠDID
l-importanza mogħtija mill-Partijiet lill-prinċipji u lir-regoli li
jirregolaw is-sistemi ta' kummerċ multilaterali, b'mod partikolari
d-drittijiet u l-obbligi previsti fil-Ftehim Ġenerali dwar it-Tariffi u
l-Kummerċ (GATT) tal-1994 u l-ftehimiet multilaterali l-oħra li
jistabbilixxu l-Organizzazzjoni Dinjija tal-Kummerċ (WTO) kif ukoll il-ħtieġa
li jiġu applikati b’mod trasparenti u mhux diskriminatorju; WARA LI KKUNSIDRAW ir-Regolament tal-Kunsill
(KE) Nru 2173/2005 tal-20 ta’ Diċembru 2005 dwar
l-istabbiliment ta’ skema ta’ liċenzjar FLEGT għall-importazzjoni ta’
injam fil-Komunità Ewropea[14]; FILWAQT LI JIKKUNSIDRAW il-qafas stabbilit
mil-Liġi Nazzjonali tal-Liberja tar-Riforma tal-Foresti[15]
li jibbilanċja l-prijoritajiet f’kompetizzjoni kummerċjali,
komunitarji u ta’ konservazzjoni li qed jintużaw, il-ġestjoni u
l-protezzjoni tar-riżorsi tal-foresti, u b'hekk jippromwovi l-użu
effettiv fil-preżent ta' riżorsi tal-foresti għall-iżvilupp
ekonomiku, FILWAQT li fl-istess ħin jiżgura li r-riżorsi
tal-foresti se jkunu disponibbli għall-benefiċċju ta’
ġenerazzjonijiet futuri; FILWAQT LI JIRRIKONOXXI aktar ir-rikonoxximent
tal-Liberja tal-importanza tal-parteċipazzjoni tal-pubbliku u
t-trasparenza fl-użu sostenibbli tal-foresti u l-governanza tagħhom,
inkluż l-allokazzjoni ta' liċenzji tal-foresti, il-promozzjoni ta'
operazzjonijiet li ma jagħmlux ħsara lill-ambjent u l-monitoraġġ
ta' konformità ma’ rekwiżiti fiskali u rekwiżiti regolatorji
oħra; FILWAQT LI JIRRIKONOXXU li s-sistema
tal-assigurazzjoni tal-legalità tal-Liberja hija mfassla sabiex tiġi
żgurata l-legalità tal-prodotti kollha tal-injam esportati mil-Liberja
għal kwalunkwe parti tad-dinja u bil-għan li jiġi applikat jew
estiż ir-rekwiżit ta’ legalità għall-prodotti kollha tal-injam
użati fis-suq domestiku; FILWAQT LI JIKKUNSIDRAW l-isforzi
magħmula mil-Liberja sabiex tippromwovi l-ġestjoni sostenibbli
tal-foresti u tal-organiżmi slavaġ fit-territorju nazzjonali kollu
tagħha u, b'mod partikolari, sabiex tiżgura l-legalità tal-flussi
kollha tal-injam; FILWAQT LI JIRRIKONOXXU aktar
il-kontribuzzjoni li l-implimentazzjoni ta' ftehim ta' sħubija volontarja
FLEGT se tagħmel fil-ġlieda kontra t-tibdil fil-klima, f’konformità
mal-isforzi sabiex jitnaqqsu l-emissjonijiet mid-deforestazzjoni u
d-degradazzjoni tal-foresti (REDD+) billi titrawwen l-infurzar tal-liġi u
l-governanza tal-foresti; FILWAQT LI JIKKUNSIDRAW l-importanza mogħtija
mill-Partijiet lill-parteċipazzjoni tas-soċjetà ċivili,
tas-settur privat u tal-popolazzjonijiet lokali residenti
għas-suċċess tal-politiki ta' governanza tal-foresti, b'mod
partikolari permezz ta' konsultazzjonijiet u l-għoti ta' informazzjoni lill-pubbliku, B’DAN FTIEHMU KIF ĠEJ: Artikolu 1 Għan L-għan ta’ dan il-Ftehim, konsistenti
mal-impenn komuni tal-Partijiet li jiġġestixxu b’mod sostenibbli
t-tipi kollha ta’ foresti, huwa li jipprovdi qafas legali bl-iskop li
jiżgura li l-importazzjonijiet kollha fl-Unjoni mil-Liberja ta’ prodotti
tal-injam koperti minn dan il-Ftehim ġew prodotti legalment u, b’hekk, li
jippromwovi l-kummerċ fil-prodotti tal-injam. Barra minn hekk, dan il-Ftehim jipprovdi
bażi għal djalogu u kooperazzjoni bejn il-Partijiet għall-faċilitazzjoni
u l-promozzjoni tal-implimentazzjoni sħiħa ta’ dan il-Ftehim u
t-tisħiħ tal-infurzar tal-liġi u l-governanza tal-foresti. Artikolu 2 Definizzjonijiet Għall-finijiet ta' dan il-ftehim,
għandhom japplikaw id-definizzjonijiet li ġejjin: (a) ‘importazzjoni fl-Unjoni’ tfisser
ir-rilaxx għal ċirkolazzjoni ħielsa fl-Unjoni skont
l-Artikolu 79 tar-Regolament tal-Kunsill (KEE) Nru 2913/92
tat-12 ta’ Ottubru 1992 li jistabbilixxi l-Kodiċi Doganali
Komunitarju[16] ta’ prodotti tal-injam
li ma jistgħux jiġu kklassifikati bħala ‘merkanzija ta’ natura
mhux kummerċjali’ skont id-definizzjoni li tidher fl-Artikolu 1(6)
tar-Regolament tal-Kummissjoni (KEE) Nru 2454/93
tat-2 ta’ Lulju 1993 li jiffissa d-dispożizzjonijiet
għall-implimentazzjoni tar-Regolament tal-Kunsill (KEE) Nru 2913/92
li jistabbilixxi l-Kodiċi Doganali Komunitarju[17]; (b) ‘esportazzjoni’ tfisser
il-ħruġ jew l-irtirar fiżiku ta’ prodotti tal-injam minn
kwalunkwe parti tat-territorju ġeografiku tal-Liberja, għajr
il-prodotti tal-injam fi tranżitu fil-Liberja; (c) ‘injam fi tranżitu’ ifisser
kwalunkwe prodott tal-injam li joriġina minn pajjiż terz, li
jidħol fit-territorju tal-Liberja taħt il-kontroll doganali u
joħroġ taħt l-istess forma waqt li jzomm il-pajjiż tal-oriġini
tiegħu; (d) ‘prodotti tal-injam’ ifisser
il-prodotti elenkati fl-Anness I; (e) ‘kodiċi HS’ tfisser kodiċi
ta’ erba' jew sitt numri, kif stabbilita fis-Sistema Armonizzata
għad-Deskrizzjoni u l-Kodifika tal-Komodità stabbilita permezz
tal-Konvenzjoni Internazzjonali dwar is-Sistema Armonizzata
għad-Deskrizzjoni u l-Kodifika tal-Komodità tal-Organizzazzjoni Dinjija
Doganali; (f) ‘liċenzja FLEGT’ tfisser
dokument li jikkonferma li konsenja tkun ġejja minn sors legali u hija
vverifikata skont il-kriterji stabbiliti f'dan il-Ftehim. Liċenzja FLEGT
tista’ tkun fuq karta jew fil-forma elettronika; (g) ‘awtorità tal-liċenzji’ tfisser
l-awtorità maħtura mil-Liberja biex toħroġ u tivvalida
l-liċenzji FLEGT; (h) ‘awtoritajiet kompetenti’ tfisser
l-awtoritajiet maħtura mill-Istati Membri tal-Unjoni biex jirċievu,
jaċċettaw u jivverifikaw il-liċenzji FLEGT; (i) ‘konsenja’ tfisser il-kwantità ta’
prodotti tal-injam koperta minn liċenzja FLEGT li tintbagħat
mill-konsenjatur jew trasportatur mil-Liberja u hija ppreżentata
għar-rilaxx għaċ-ċirkolazzjoni ħielsa
f’uffiċċju doganali fl-Unjoni; (j) ‘injam prodott legalment’ ifisser
prodotti tal-injam akkwistati, prodotti u kkumerċjalizzati permezz ta’
proċessi li jikkonformaw mad-dispożizzjonijiet statutorji u
regolatorji fis-seħħ fil-Liberja, kif stabbilit fl-Anness II; (k) ‘ir-rilaxx
għaċ-ċirkolazzjoni ħielsa’ tfisser proċedura doganali
tal-Unjoni li tagħti l-istatus doganali ta' oġġetti tal-Unjoni
lil oġġetti li mhumiex mill-Unjoni (b'referenza għar-Regolament
(KEE) Nru 2913/92), li jimplika l-ġbir ta' kwalunkwe dazju dovut
għall-importazzjoni; il-ġbir, kif xieraq, ta' imposti oħra;
l-applikazzjoni tal-miżuri ta' politika kummerċjali u
l-projbizzjonijiet u r-restrizzjonijiet; u t-twettiq ta' formalitajiet
oħra previsti fir-rigward tal-importazzjoni tal-oġġetti; (l) ‘il-Kummissjoni Ewropea’ tfisser
l-istituzzjoni tal-Unjoni imsemmija fl-Artikoli 13(1) u 17 tat-Trattat dwar
l-Unjoni Ewropea li, fost kompiti oħra, tiżgura
r-rappreżentazzjoni esterna tal-Unjoni u teżerċita funzjonijiet
ta’ koordinazzjoni, eżekuttivi u ta’ ġestjoni. Artikolu 3 Skema ta’ liċenzjar FLEGT 1. Skema ta' Liċenzji dwar
l-Infurzar tal-Liġi tal-Foresti, il-Governanza u l-Kummerċ (minn hawn
'il quddiem imsejħa ‘l-iskema ta' liċenzji FLEGT’) hija hawnhekk
stabbilita bejn il-Partijiet f'dan il-Ftehim. Hija
tistabbilixxi sett ta' proċeduri u rekwiżiti bil-għan li jkunu
vverifikat u ċċertifikat, permezz ta' liċenzji FLEGT, li
l-prodotti tal-injam li jiġu kkunsinjati lejn l-Unjoni jkunu ġew
prodotti jew akkwistati legalment. Skont
ir-Regolament tal-Kunsill (KE) Nru 2173/2005 u dan il-Ftehim, l-Unjoni
għandha taċċetta dawn il-konsenji mil-Liberja
għall-importazzjoni fl-Unjoni biss jekk ikunu koperti minn liċenzji
FLEGT. 2. L-iskema tal-liċenzji FLEGT għandha tapplika
għall-prodotti tal-injam elenkati fl-Anness I. Artikolu 4 Awtorità tal-liċenzji 1. Il-Liberja għandha taħtar
l-awtorità tal-liċenzji tagħha u tinnotifika d-dettalji tal-kuntatt
tal-awtorità tal-liċenzji lill-Kummissjoni Ewropea. Iż-żewġ Partijiet għandhom jagħmlu din
l-informazzjoni disponibbli għall-pubbliku. 2. L-awtorità tal-liċenzji għandha tivverifika li l-prodotti
tal-injam ikunu ġew prodotti legalment skont il-leġiżlazzjoni
elenkata fl-Anness II. Skont it-termini stabbiliti fl-Anness II, għandha
toħroġ liċenzji FLEGT li jkopru konsenji ta’ injam prodott jew
akkwistat legalment għall-esportazzjoni lejn l-Unjoni 3. L-awtorità tal-liċenzji m’għandhiex toħroġ
liċenzji FLEGT għal kwalunkwe prodott tal-injam li huwa kompost minn,
jew li jinkludi, prodotti tal-injam importati fil-Liberja minn pajjiż terz
ħlief jekk jintwera li l-prodott tal-injam ikun ġie prodott u
esportat skont il-liġijiet tal-pajjiż terz ikkonċernat u jkun
ikkonforma mal-Anness II għal dan il-Ftehim u ma kwalunkwe regolament li
jirregola l-importazzjoni ta’ prodotti tal-injam fil-Liberja. 4. L-awtorità tal-liċenzji għandha tistabbilixxi u tagħmel
disponibbli pubblikament il-proċeduri tagħha
għall-ħruġ tal-liċenzji FLEGT. Għandha
żżomm ukoll rekords tal-konsenji kollha koperti mil-liċenzji
FLEGT u, f’konformità mal-leġiżlazzjoni nazzjonali dwar
il-protezzjoni tad-dejta, għandha tagħmel dawn ir-rekords disponibbli
għall-finijiet ta’ monitoraġġ indipendenti, waqt li tirrispetta
l-kunfidenzjalità tal-informazzjoni li hi proprjetà tal-esportaturi. Artikolu 5 Awtoritajiet kompetenti tal-Unjoni 1. Il-Kummissjoni Ewropea għandha
tgħarraf lil-Liberja bid-dettalji ta' kuntatt tal-awtoritajiet kompetenti
maħtura mill-Istati Membri tal-Unjoni. Iż-żewġ
Partijiet għandhom jagħmlu din l-informazzjoni disponibbli
għall-pubbliku. 2. L-awtoritajiet kompetenti għandhom jivverifikaw li kull konsenja
tiġi koperta minn liċenzja FLEGT valida qabel ma jirrilaxxaw dik
il-konsenja għal ċirkolazzjoni ħielsa fl-Unjoni. Ir-rilaxx tal-konsenja jista’ jiġi sospiż
u l-konsenja miżmuma fejn ikun hemm dubji fir-rigward tal-validità
tal-liċenzja FLEGT. Il-proċeduri li
jirregolaw ir-rilaxx għaċ-ċirkolazzjoni ħielsa fl-Unjoni
ta’ konsenji koperti minn liċenzja FLEGT huma deskritti fl-Anness III. 3. L-awtoritajiet kompetenti għandhom iżommu u jippubblikaw kull
sena rekord tal-liċenzji FLEGT li jirċievu. 4. Skont il-leġiżlazzjoni nazzjonali dwar il-protezzjoni
tad-dejta, l-awtoritajiet kompetenti għandhom jagħtu lil persuni jew
korpi maħtura mil-Liberja bħala awditur indipendenti,
aċċess għad-dokumenti u d-dejta rilevanti. 5. Madankollu, fejn l-injam u l-prodotti derivati mill-ispeċijiet
elenkati fl-Appendiċijiet tal-Konvenzjoni dwar il-Kummerċ
Internazzjonali fl-Ispeċijiet ta’ Fawna u Flora Selvaġġi
fil-Periklu (CITES) u koperti minn liċenzja FLEGT jidħlu fl-Unjoni,
għandhom jgħaddu minn eżami preskritt mir-Regolament tal-Kunsill
(KE) Nru 338/97 tad-9 ta' Diċembru 1996 dwar
il-protezzjoni ta' speċijiet ta' fawna u flora selvaġġi billi
jkun irregolat il-kummerċ fihom[18], billi l-liċenzja
FLEGT tiċċertifika wkoll li dan l-injam inkwistjoni ġie prodott
jew akkwistat legalment. Artikolu 6 Liċenzji FLEGT 1. Il-liċenzji FLEGT għandhom
jinħarġu mill-awtorità tal-liċenzji bħala mezz ta’
ċertifikazzjoni li l-prodotti tal-injam ikunu ġew prodotti jew
akkwistati legalment. 2. Il-liċenzji FLEGT għandhom jinħarġu u jimtlew
bl-Ingliż. 3. Il-Partijiet jistgħu, permezz ta’ ftehim, jistabbilixxu sistemi
elettroniċi għall-ħruġ, it-trażmissjoni u
r-riċezzjoni tal-liċenzji FLEGT. 4. Il-proċedura għall-ħruġ tal-liċenzji FLEGT u
l-ispeċifikazzjonijiet tekniċi huma stabbiliti fl-Anness IV. Artikolu 7 Definizzjoni ta’ injam prodott
legalment Għall-finijiet ta’ dan il-Ftehim, qed
tiġi stabbilita definizzjoni ta’ ‘injam prodott legalment’
fl-Artikolu 2 u l-Anness II. Id-definizzjoni tistabbilixxi
l-leġiżlazzjoni nazzjonali u regolamenti ta’ akkompanjament
tal-Liberja li jridu jiġu mħarsa qabel ma l-prodotti tal-injam ikunu
jistgħu jiġu koperti mil-liċenzji FLEGT L-Anness II jinkludi
wkoll ‘tabelli ta’ legalità’ flimkien ma’ ‘indikaturi ta’ legalità’ u
‘verifikaturi ta’ legalità’ u proċeduri ddettaljati ta’ verifika li jridu
jiġu segwiti sabiex tiġi determinata l-konformità mal-liġi
tal-Liberja. Artikolu 8 Verifika ta’ injam prodott legalment 1. Il-Liberja għandha tistabbilixxi sistema biex tivverifika li
l-injam ikun ġie prodott jew akkwistat legalment u biex tiżgura li
l-konsenji verifikati bħala tali biss jiġu esportati lejn l-Unjoni. Is-sistema għall-verifika tal-legalità
għandha tinkludi kontrolli tal-konformità sabiex tiġi pprovduta assigurazzjoni
li l-injam u l-prodotti derivati destinati għall-esportazzjoni lejn
l-Unjoni jkunu ġew prodotti jew akkwistati legalment u li l-liċenzji
FLEGT ma jkunux inħarġu għal konsenji tal-injam li ma jkunux
ġew prodotti jew akkwistati legalment, jew li l-oriġini tagħhom
ma tkunx magħrufa. Is-sistema għandha tinkludi wkoll proċeduri
bl-għan li jiġi żgurat li l-injam ta' oriġini illegali jew
mhux magħrufa ma jidħolx fil-katina tal-provvista. 2. Is-sistema ta' verifika li l-konsenji tal-prodotti tal-injam ikunu
ġew prodotti legalment hija deskritta fl-Anness II. Artikolu 9 Applikazzjoni tal-iskema ta’
liċenzjar FLEGT għall-prodotti tal-injam mhux esportati lejn l-Unjoni 1. Il-Liberja għandha timpenja
ruħha biex tivverifika l-legalità tal-injam esportat lejn swieq li mhumiex
fl-Unjoni, tal-injam mibjugħ fis-swieq domestiċi tiegħu u
tal-injam importat permezz, fejn ikun possibbli, tas-sistemi tal-verifika
tal-legalità żviluppati għall-implimentazzjoni ta’ dan il-Ftehim. 2. Bħala sostenn għal dawn l-isforzi, l-Unjoni, bi djalogu
mal-partijiet interessati, għandha tinkoraġġixxi l-użu
tas-sistemi żvilupppati għall-implimentazzjoni ta' dan il-Ftehim
għal kummerċ fi swieq internazzjonali oħra u ma' pajjiżi
terzi. Artikolu 10 Konsultazzjonijiet dwar il-validità tal-liċenzji 1. F’każ li jinħolqu dubji dwar il-validità ta’ kwalunkwe
liċenzja, l-awtorità kompetenti kkonċernata tista’ titlob fil-pront
lill-awtorità tal-liċenzji informazzjoni addizzjonali u tfittex aktar
kjarifika. Jekk l-awtorità tal-liċenzji
ma tweġibx fi żmien 21 jum kalendarju mid-data ta’ meta tirċievi
t-talba għal informazzjoni addizzjonali, l-awtorità kompetenti
għandha taġixxi skont il-leġiżlazzjoni nazzjonali
applikabbli tagħha u m’għandhiex taċċetta l-liċenzja. Jekk, wara li tiġi provduta l-informazzjoni
addizzjonali u aktar investigazzjoni, jiġi stabbilit li l-informazzjoni
fuq il-liċenzja ma tikkorrispondix mal-konsenja, l-awtorità kompetenti
għandha taġixxi skont il-leġiżlazzjoni nazzjonali
fis-seħħ u m’għandhiex taċċetta l-liċenzja.
L-awtorità tal-liċenzji trid tiġi infurmata fil-pront bil-miktub
b’kull nuqqas ta’ aċċettazzjoni ta’ liċenzja FLEGT flimkien
mar-raġuni għan-nuqqas ta’ aċċettazzjoni. 2. F’każ li jkun hemm nuqqas ta’ ftehim jew diffikultajiet
persistenti fir-rigward tal-konsultazzjonijiet li jikkonċernaw
il-liċenzji FLEGT, il-kwistjoni tista’ tiġi rriferita lill-Kumitat
Konġunt tal-Implimentazzjoni. Artikolu 11 Awditur indipendenti 1. Il-Partijiet għandhom jiftiehmu dwar il-ħtieġa li
jimpjegaw is-servizzi ta’ awditur indipendenti għal perjodi ta’ żmien
miftiehma biex jikkontrollaw il-prestazzjoni u l-effikaċja tal-iskema
tal-liċenzji FLEGT kif stabbilita fl-Anness V. 2. Il-Liberja għandha tqabbad is-servizzi ta’ awditur indipendenti,
wara li tikkonsulta mal-Unjoni. 3. L-awditur indipendenti għandu jirreferi l-ilmenti li jqumu matul
ix-xogħol tiegħu lill-Kumitat Konġunt tal-Implimentazzjoni. 4. L-awditur indipendenti għandu jikkomunika l-osservazzjonijiet
tiegħu lill-Partijiet f’rapporti skont il-proċedura deskritta
fl-Anness V. Ir-rapporti tal-awditur indipendenti għandhom jiġu
ppubblikati skont il-proċedura stabbilita fl-Anness V. 5. Il-Partijiet għandhom jiffaċilitaw ix-xogħol tal-awditur
indipendenti, inkluż billi jiżguraw li dan tal-aħħar ikollu
aċċess fit-territorju ta’ kull Parti għall-informazzjoni
meħtieġa għat-twettiq tal-funzjonijiet tiegħu. Madankollu,
Parti tista’, skont il-leġiżlazzjoni tagħha dwar il-protezzjoni
tad-dejta, iżżomm kwalunkwe informazzjoni li m'għandhiex permess
li tiżvela. Artikolu 12 Irregolaritajiet Il-Partijiet għandhom jinfurmaw lil
xulxin jekk jissuspettaw jew ikunu sabu evidenza ta’ kwalunkwe evażjoni
jew irregolarità fl-iskema tal-liċenzji FLEGT, inkluż b’rabta ma’ dan
li ġej: (a) aġġirament tal-kummerċ,
inkluż bit-teħid ta’ rotta ġdida tal-kummerċ mil-Liberja
lejn l-Unjoni permezz ta’ pajjiż terz, fejn hemm raġuni li
wieħed jemmen li dan sar bl-intenzjoni li jiġi evitat
il-liċenzjar; (b) liċenzji FLEGT li jkopru l-prodotti
tal-injam li jinkludu importazzjonijiet minn sorsi suspettużi
f’pajjiżi terzi; jew (c) frodi fil-kisba jew l-użu
tal-liċenzji FLEGT. Artikolu 13 Id-data tal-operazzjoni tal-iskema
tal-liċenzji FLEGT 1. Il-Partijiet għandhom jiftiehmu dwar data minn meta l-iskema
tal-liċenzji FLEGT għandha tibda topera. 2. It-tnedija tal-ħruġ tal-liċenzji FLEGT għandha
tiġi preċeduta minn evalwazzjoni teknika konġunta, li
l-għanijiet u l-kriterji tagħha huma stabbiliti fl-Anness VI. L-evalwazzjoni għandha tiddetermina li
l-assigurazzjoni tal-legalità li hija l-bażi tal-iskema tal-liċenzji
FLEGT tissodisfa b’mod adegwat il-funzjonijiet tagħha u li s-sistemi
fl-Unjoni Ewropea għar-riċezzjoni, il-verifika u
l-aċċettazzjoni tal-liċenzji FLEGT huma fis-seħħ. Artikolu 14 Skeda għall-implimentazzjoni
tal-Ftehim 1. Il-Partijiet jaqblu fuq l-iskeda għall-implimentazzjoni stabbilita
fl-Anness VII. 2. Il-Partijiet, permezz tal-Kumitat Konġunt tal-Implimentazzjoni,
għandhom jevalwaw il-progress tal-implimentazzjoni b’referenza
għall-iskeda stabbilita fl-Anness VII. Artikolu 15 Miżuri
ta' sostenn 1. Il-Partijiet identifikaw l-oqsma indikati fl-Anness VIII bħala
dawk fejn hemm il-ħtieġa għal riżorsi tekniċi u
finanzjarji addizzjonali biex jiġi applikat dan il-Ftehim. 2. Il-provvista ta’ dawn ir-riżorsi għandha tkun
soġġetta għall-proċeduri normali tal-Unjoni u l-Istati
Membri tagħha għall-ipprogrammar tal-assistenza lil-Liberja u
għall-proċeduri baġitarji tal-Liberja stess. 3. Il-Partijiet għandhom jikkunsidraw il-ħtieġa ta’ ftehim
konġunt fejn il-finanzjament u l-kontribuzzjonijiet tekniċi
tal-Kummissjoni Ewropea u tal-Istati Membri tal-Unjoni Ewropea jiġu
kkoordinati biex isostnu dawn il-proċessi. 4. Il-Liberja għandha tiżgura li l-infurzar
tal-kapaċitajiet għall-implimentazzjoni ta’ dan il-Ftehim ikun
inkluż fl-istrumenti nazzjonali tal-ippjanar, bħall-istrateġiji
ta’ tnaqqis tal-faqar u l-baġits. 5. Il-Partijiet għandhom
jiżguraw li l-attivitajiet assoċċjati mal-implimentazzjoni ta'
dan il-Ftehim jiġu koordinati mal-inizjattivi ta’ żvilupp rilevanti,
eżistenti jew fil-futur bħal, fost oħrajn, dawk li jsostnu l-azzjoni
sabiex jintaqqsu l-emissjonijiet mid-deforestazzjoni u d-degradazzjoni
tal-foresti (REDD+). 6. Il-provvista ta’ riżorsi addizzjonali għandha tiġi
soġġetta għall-proċeduri li jirregolaw l-għajnuna
tal-Unjoni Ewropea, kif stabbilita fil-Ftehim ta’ Kotonù, u għal dawk li
jirregolaw l-għajnuna bilaterali mogħtija lil-Liberja mill-Istati
Membri tal-Unjoni Ewropea. Artikolu 16 Involviment tal-partijiet interessati
fl-implimentazzjoni tal-Ftehim 1. Skont il-Liġi Nazzjonali tal-Liberja tar-Riforma tal-Foresti
relatata mal-ġestjoni parteċipatorja tar-riżorsi tal-foresti,
il-Liberja għandha tiżgura li l-implimentazzjoni u
l-monitoraġġ ta’ dan il-Ftehim isiru f’konsultazzjoni mal-partijiet
interessati rilevanti, inkluż l-industrija, is-soċjetà ċivili,
il-komunitajiet lokali u persuni oħra dipendenti fuq il-foresti. Il-partijiet interessati għandhom
jipparteċipaw permezz ta’ strutturi ta’ governanza eżistenti
tal-foresti u permezz ta' sħubija ta' korp nazzjonali li jrid jiġi
stabbilit skont il-paragafu 2 ta' dan l-Artikolu. 2. Il-Liberja għandha tistabbilixxi kumitat nazzjonali sabiex
jimmonitorja l-implimentazzjoni ta’ dan il-Ftehim, magħmul minn
rappreżentanti tal-aġenziji rilevanti tal-Gvern u partijiet
interessati rilevanti oħra. 3. L-Unjoni għandha tikkonsulta b’mod regolari mal-partijiet
interessati dwar l-implimentazzjoni ta’ dan il-Ftehim, filwaqt li tikkunsidra
l-obbligi tagħha skont il-Konvenzjoni ta’ Aarhus tal-1998 dwar
l-aċċess għall-informazzjoni, il-parteċipazzjoni tal-pubbliku
fit-teħid ta’ deċiżjoni u l-aċċess
għall-ġustizzja fi kwistjonijiet ambjentali. Artikolu 17 Salvagwardji soċjali 1. Sabiex jiġi minimizzat kwalunkwe impatt negattiv li jista’ jkollu
dan il-Ftehim, il-Partijiet jiftiehmu li jiżviluppaw ftehim aħjar
tal-mod kif persuni potenzjalment affettwati u komunitajiet lokali
jaqilgħu l-għixien, inklużi dawk involuti fil-qtugħ
illegali tas-siġar. 2. Il-Partijiet għandhom jimmonitorjaw l-impatt ta’ dan il-Ftehim fuq
dawk il-komunitajiet imsemmija f’paragrafu 1, waqt li jieħdu passi
raġonevoli biex jimmitigaw kwalunkwe impatt ħażin. Il-Partijiet jistgħu jiftiehmu fuq miżuri
addizzjonali biex jindirizzaw kwalunkwe impatt negattiv. Artikolu 18 Inċentivi relatati mas-suq Filwaqt li tikkunsidra l-obbligi
internazzjonali tagħha, l-Unjoni għandha tħabrek biex
tippromwovi l-aċċess favorevoli għas-suq tagħha
għall-prodotti tal-injam koperti b’dan il-Ftehim. Dawn l-isforzi
għandhom jinkludu: (a) l-inkoraġġament tal-politiki
ta’ akkwist pubbliku u privat li jirrikonoxxu l-isforzi li jiżguraw
provvista ta’ prodotti tal-injam prodotti legalment; u (b) il-promozzjoni tal-prodotti
bil-liċenzji FLEGT fis-suq tal-Unjoni. Artikolu 19 Kumitat Konġunt
tal-Implimentazzjoni 1. Il-Partijiet għandhom
jistabbilixxu Kumitat Konġunt tal-Implimentazzjoni (minn hawn ’il quddiem
imsejjaħ ‘il-JIC’) biex jiffaċilita l-monitoraġġ u
r-reviżjoni ta’ dan il-Ftehim. Il-JIC
għandu jiffaċilita wkoll id-djalogu u l-iskambji tal-informazzjoni
bejn il-Partijiet. 2. Kull Parti għandha tinnomina r-rappreżentanti tagħha
fil-JIC li għandu jieħu d-deċiżjonijiet tiegħu permezz
ta' konsensus. Il-JIC għandu jiġi
kopresedut minn tnejn mill-membri tiegħu, wieħed mill-Unjoni u
l-ieħor mil-Liberja. 3. Il-JIC għandu jikkunsidra kwalunkwe kwistjoni relatata
mal-implimentazzjoni effettiva ta’ dan il-Ftehim. B’mod
partikolari, il-JIC għandu: (a) jiltaqa’ mill-inqas darbtejn fis-sena
fid-dati u l-postijiet miftiehma mill-Partijiet; (b) iħejji l-aġenda tal-ħidma
tiegħu u t-termini ta’ referenza għall-azzjoni konġunta; (c) jistabbilixxi r-regoli tal-proċedura
tiegħu stess; (d) jistabbilixxi arranġament ta’
kopresidenza sabiex il-laqgħat tiegħu jiġu preseduti; (e) jiżgura li l-ħidma tiegħu
tkun trasparenti u li l-informazzjoni dwar il-ħidma u
d-deċiżjonijiet tiegħu tkun disponibbli għall-pubbliku; (f) jekk ikun meħtieġ,
jistabbilixxi gruppi ta’ ħidma jew korpi sussidjarji oħra għal
oqsma li jeħtieġu kompetenzi speċifiċi; (g) jippubblika rapport annwali. Dettalji
tal-kontenut ta’ dan ir-rapport jingħataw fl-Anness IX. 4. Il-funzjonijiet speċifiċi tal-JIC huma deskritti fl-Anness X. 5. Fil-perjodu bejn l-inizjalar ta’ dan
il-Ftehim u d-dħul fis-seħħ tiegħu, għandu jiġi
stabbilit mekkaniżmu konġunt għad-djalogu u
l-monitoraġġ biex tiġi ffaċilitata l-implimentazzjoni ta’
dan il-Ftehim. Artikolu 20 Komunikazzjoni
dwar l-implimentazzjoni tal-Ftehim 1. Ir-rappreżentanti tal-Partijiet li huma responsabbli
għall-komunikazzjonijiet uffiċjali dwar l-implimentazzjoni ta’ dan
il-Ftehim għandhom ikunu: Għal-Liberja: || Għall-Unjoni Ewropea Il-Ministru tal-Agrikoltura || Il-Kap tad-Delegazzjoni tal-Unjoni fil-Liberja 2. Il-Partijiet għandhom
jikkomunikaw lil xulxin fi żmien xieraq l-informazzjoni meħtieġa
għall-implimentazzjoni ta’ dan il-Ftehim. Artikolu 21 Rapportaġġ u żvelar
tal-informazzjoni lill-pubbliku 1. Il-pubblikazzjoni tal-informazzjoni
hija essenzjali sabiex tiġi mtejba l-governanza u għalhekk
il-provvista tal-informazzjoni lill-partijiet interessati għandha tkun
ċentrali għall-VPA. L-informazzjoni
għandha tiġi ppubblikata regolarment sabiex tiġi
ffaċilitata l-implimentazzjoni u l-monitoraġġ ta’ sistemi,
tiżdied it-trasparenza, u b’hekk titjieb il-kunfidenza tal-parti
interessata u tal-konsumatur kif ukoll jiġi żgurat li jingħata
rendikont aħjar tal-Partijiet. Id-dettalji
tal-informazzjoni li trid tiġi ppubblikata huma stabbiliti fl-Anness IX. 2. Kull parti għandha tiddetermina l-mekkaniżmu l-aktar xieraq
biex tagħmel l-informazzjoni pubblika. B’mod
partikolari, il-Partijiet għandhom jagħmlu sforz biex jipprovdu
lill-partijiet interessati fis-settur tal-foresti b’informazzjoni affidabbli u
aġġornata. 3. It-termini tar-referenza u l-proċeduri li jiggwidaw
il-funzjonament tal-JIC għandhom jiġu ppubblikati. Artikolu 22 Informazzjoni kunfidenzjali 1. Kull Parti timpenja ruħha, fil-limiti preskritti mil-liġijiet
tagħha stess, li ma tiżvelax informazzjoni kunfidenzjali skambjata
taħt dan il-Ftehim. L-ebda Parti
m’għandha tiżvela lill-pubbliku, jew tippermetti lill-awtoritajiet
tagħha involuti fl-implimentazzjoni ta’ dan il-Ftehim li jiżvelaw,
sigrieti tal-kummerċ jew informazzjoni kummerċjali kunfidenzjali
skambjata taħt dan il-Ftehim. 2. Suġġett għall-paragrafu 1, l-informazzjoni li ġejja
m'għandhiex tiġi kkunsidrata bħala kunfidenzjali: (a) in-numru u t-tip tal-liċenzji FLEGT
maħruġa mil-Liberja u rċevuti mill-Unjoni u l-volum tal-prodotti
tal-injam esportati mil-Liberja u rċevuti mill-Unjoni taħt dawn
il-liċenzji; (b) l-ismijiet u l-indirizzi tad-detenturi
rilevanti tal-liċenzji FLEGT u tal-importaturi; (c) l-ammonti tal-miżati u t-taxxi
mħallsa minn kwalunkwe esportatur; (d) multi monetarji imposti jew azzjoni
regolatorja meħuda kontra kwalunkwe kuntrattur jew detentur
tal-liċenzji. Artikolu 23 Applikazzjoni
territorjali Dan il-Ftehim għandu japplika
għat-territorju li fih it-Trattat dwar il-Funzjonament tal-Unjoni Ewropea
jiġi applikat taħt il-kundizzjonijiet previsti f'dak it-Trattat,
min-naħa waħda, u għat-territorju tal-Liberja, min-naħa
l-oħra. Artikolu 24 Riżoluzzjoni tat-tilwim 1. Il-Partijiet għandhom ifittxu
li jsolvu kull tilwim li jikkonċerna l-applikazzjoni jew
l-interpretazzjoni ta’ dan il-Ftehim permezz ta’ konsultazzjonijiet fil-pront. 2. Fil-każ li xi tilwim ma jkunx jista’ jiġi solvut permezz ta’
konsultazzjonijiet fi żmien xahrejn mid-data tat-talba inizjali
għall-konsultazzjonijiet, kull Parti tista’ tirreferi t-tilwim lill-JIC,
li għandu jagħmel ħiltu biex isib soluzzjoni. Il-JIC għandu jiġi provdut
bl-informazzjoni kollha rilevanti għal eżami fil-fond tas-sitwazzjoni
bil-ħsieb li tinsab soluzzjoni aċċettabbli. Għal dan il-għan, il-JIC għandu
jinħtieġ li jeżamina l-possibbiltajiet kollha biex tinżamm
l-implimentazzjoni effettiva ta’ dan il-Ftehim. 3. Fil-każ li l-JIC ma jkunx jista’ jsolvi t-tilwima fi żmien
xahrejn, il-Partijiet jistgħu jfittxu b’mod konġunt l-bon
offiċji ta’, jew jitolbu l-medjazzjoni, minn parti terza indipendenti. 4. Fil-każ li ma jkunx jista’ jsolvi t-tilwima skont il-paragrafu 3,
kull Parti tista’ tinnotifika lill-oħra dwar il-ħatra ta’ arbitru; il-Parti l-oħra trid imbagħad taħtar
arbitru ieħor fi żmien 30 jum kalendarju mill-ħatra tal-ewwel
arbitru. Il-Partijiet għandhom
jaħtru b’mod konġunt it-tielet arbitru fi żmien xahrejn
mill-ħatra tat-tieni arbitru. 5. Id-deċiżjonijiet tal-arbitri għandhom jittieħdu
b’vot ta' maġġoranza fi żmien sitt xhur mill-ħatra
tat-tielet arbitru. 6. Id-deċiżjoni għandha torbot lill-Partijiet u ma tistax
tiġi appellata. 7. Il-JIC għandu jistabbilixxi l-proċeduri tal-ħidma
għall-arbitraġġ. Artikolu 25 Sospensjoni 1. Kull Parti tista’ tissospendi l-applikazzjoni ta’ dan il-Ftehim
fil-każ li l-Parti l-oħra (a) tonqos milli tissodisfa l-obbligi
tagħha kif speċifikat skont dan il-Ftehim, jew (b) tonqos milli
żżomm il-miżuri regolatorji u amministrattivi u l-mezzi
meħtieġa sabiex jiġi implimentat dan il-Ftehim, jew (c) taġixxi
jew tonqos milli taġixxi b'mod li joħloq riskji sinifikanti
għall-ambjent, is-saħħa, is-sikurezza jew is-sigurtà tan-nies
tal-Unjoni jew tal-Liberja. Id-deċiżjoni
ta’ sospensjoni u r-raġunijiet għal din id-deċiżjoni
għandhom jiġu nnotifikati bil-miktub lill-Parti l-oħra. 2. Il-kundizzjonijiet ta’ dan il-Ftehim jieqfu japplikaw 30 jum kalendarju
wara li jingħata dan l-avviż. 3. L-applikazzjoni ta’ dan il-Ftehim għandha terġa’ tissokta 30
jum kalendarju wara li l-Parti li tkun issospendiet l-applikazzjoni tagħha
tinforma lill-Parti l-oħra li r-raġunijiet tas-sospensjoni
m’għadhomx japplikaw u l-Partijiet jiftiehmu b’mod konġunt li
jerġgħu jissoktaw bil-Ftehim. Artikolu 26 Emendi 1. Kull Parti li tixtieq temenda dan
il-Ftehim għandha tressaq proposta mill-anqas tliet xhur qabel
il-laqgħa li jmiss tal-JIC. Il-JIC
għandu jiddiskuti l-proposta, u jekk jintlaħaq kunsens, jagħmel
rakkomandazzjoni. Kull Parti għandha
tikkunsidra r-rakkomandazzjoni u, jekk ikun hemm qbil, għandha tapprovaha
skont il-proċeduri interni tagħha stess. 2. Kwalunkwe emenda approvata b’dan il-mod miż-żewġ
Partijiet għandha tidħol fis-seħħ fl-ewwel jum tax-xahar
wara d-data li fiha l-Partijiet jinnotifikaw lil xulxin dwar it-tlestija
tal-proċeduri meħtieġa għal dan l-iskop. 3. Il-JIC jista’ jadotta emendi għall-Annessi ta’ dan il-Ftehim. 4. Notifika ta’ kwalunkwe emenda għandha tintbagħat
lid-depożitarji għal dan il-Ftehim u għandha tidħol
fis-seħħ fil-ħin u fil-forma prevista fil-paragrafu 2 ta’
dan l-Artikolu. Artikolu 27 Annessi L-Annessi għal dan il-Ftehim
għandhom jifformaw parti integrali tiegħu u għandhom ikunu
infurzabbli. Artikolu 28 Durata B’effett mid-dħul fis-seħħ
tiegħu, dan il-Ftehim għandu jibqa’ validu għal żmien
indefinit. Artikolu 29 Terminazzjoni tal-Ftehim Minkejja l-Artikolu 28, kull Parti tista’
ttemm dan il-Ftehim billi tinnotifika bil-miktub lill-Parti l-oħra. Dan
il-Ftehim m’għandux jibqa japplika 12-il xahar wara d-data ta’ din
in-notifika. Artikolu 30 Testi awtentiċi Dan il-Ftehim għandu jitfassal
duplikatament fil-lingwa Bulgara, Ċeka, Daniża, Olandiża,
Ingliża, Estonjana, Finlandiża, Franċiża,
Ġermaniża, Griega, Ungeriża, Taljana, Latvjana, Litwana,
Maltija, Pollakka, Portugiża, Rumena, Slovakka, Slovena, Spanjola u
Svediża, u kull wieħed minn dawn it-testi jkun awtentiku.
Fil-każ ta’ diverġenza, għandu jipprevali t-test Ingliż. Artikolu 31 Dħul
fis-seħħ 1. Dan il-Ftehim għandu
jidħol fis-seħħ fl-ewwel jum tax-xahar wara d-data li fiha
l-Partijiet jinnotifikaw lil xulxin bil-miktub bit-tlestija tal-proċeduri
rispettivi tagħhom meħtieġa għal dan l-iskop. 2. In-notifika għandha tintbagħat lis-Segretarjat Ġenerali
tal-Kunsill tal-Unjoni Ewropea u lill-Ministru Liberjan tal-Affarijiet
Barranin, li għandhom ikunu d-depożitarji konġunti għal dan
il-Ftehim. Lista ta’ Annessi Anness I || Lista tal-prodotti suġġetti għal-liċenzjar FLEGT Anness II || Sistema tal-assigurazzjoni ta’ legalità tal-Liberja Anness III || Kundizzjonijiet li jirregolaw ir-rilaxx f’ċirkolazzjoni ħielsa fl-Unjoni tal-prodotti tal-injam esportati mil-Liberja u koperti minn liċenzja FLEGT Anness IV || Rekwiżiti u speċifikazzjonijiet tekniċi għal liċenzji FLEGT Anness V || Funzjonijiet tal-awditjar indipendenti: termini ta’ referenza Anness VI || Kriterji għall-evalwazzjoni tas-sistema tal-assigurazzjoni ta’ legalità Anness VII || Skeda tal-implimentazzjoni Anness VIII || Miżuri ta' sostenn Anness IX || Aċċess pubbliku għall-informazzjoni u l-miżuri ta’ trasparenza Anness X || Funzjonijiet tal-Kumitat Konġunt tal-Implimentazzjoni ANNESS I LISTA
TAL-PRODOTTI SUĠĠETTI GĦAL-LIĊENZJAR FLEGT KODIĊIJIET HS || DESKRIZZJONI KUMMERĊJALI 4401 || Injam għall-ħruq, fi zkuk, zkuk ħoxnin, friegħi, għesieleġ jew forom simili; injam f’laqx jew fi frak; serratura u skart u fdal tal-injam, kemm jekk magħqudin fi zkuk, trab tal-faħam ippressat, gerbub jew forom simili, inkluż il-laqx tal-injam tal-gomma, jew le. 4403 || Injam mhux raffinat, biz-zokk u/jew il-linfa mqaxxrin jew maqtugħ kwadru b’mod goff 4406 || Travi tal-injam għal-linji tal-ferrovija jew injam simili 4407 || Injam isserrat jew imlaqqax mit-tul, imfellel jew imqaxxar, inċanat jew le, xkatlat jew imminċottat fit-truf, bi ħxuna ta’ iktar minn 6 mm 4408 || Folji għall-fuljetta (inklużi dawk magħmulin bit-tiflil tal-injam laminat), folji għat-triplaj jew għal injam laminat simili u injam ieħor isserrat mit-tul, imfellel jew imqaxxar, inċanat, xkatlat, impalellat jew imminċottat fit-truf, mhux eħxen minn 6 mm 4409 || Injam (inklużi strixxi u freġji għal kisi tal-art bil-parkè, mhux immuntat) iffurmat kontinwament (b’tarf ilsien, bil-kanal, irbattut, ċanfrin, ġonot-V, imnaqqax, ittundjat jew simili) tul xi xifer, wiċċ jew tarf tiegħu jew bosta minnhom, sew jekk inċanat, xkatlat jew imminċottat fit-truf jew le 4410 || Bord tal-injam mill-frak, bord tat-tip oriented strand board (OSB) u bord simili (pereżempju, waferboard) tal-injam jew ta’ materjali oħrajn għudin, magħqudin, jew le, bir-rażi jew sustanzi organiċi oħrajn li jgħaqqdu 4411 || Fibreboard tal-injam jew materjali oħrajn għudin, sew jekk magħqud bir-raża jew sustanzi organiċi oħra jew le 4412 || Plajwud, pannelli miksija u injam laminat simili 4414 || Gwarniċi tal-injam għal pitturi, ritratti, mirja jew oġġetti simili 4415 || Kontenituri għall-ippakkjar, kaxex, ċestuni, tankijiet u kontenituri simili, tal-injam; rukkelli tal-injam għall-kejbil; pallets, pallets forma ta’ kaxxa jew twavel oħrajn għat-tagħbija, tal-injam; għenuq tal-pallets tal-injam 4416 || Bittiji, bramel, tankijiet, tnellijiet u prodotti oħra tal-buttar, u partijiet tagħhom, inkluż injam imqawwes 4417 || Għodod, partijiet u manek tal-għodod, il-parti prinċipali tal-ixkupilji, manek tal-ixkupi jew tal-ixkupilji, tal-injam; forom, għodod għat-tkabbir taż-żraben, tal-injam 4418 || Xogħol tal-mastrudaxxa u tal-karpentrija tal-injam għall-bennejja, inklużi pannelli ċellulari tal-injam, panelli mmuntati għall-art, twavel tal-kisi u shakes 9403.30 || Għamara tal-injam tat-tip li tintuża fl-uffiċċji 9403.40 || Għamara tal-injam tat-tip li tintuża fil-kċina 9403.50 || Għamara tal-injam tat-tip li tintuża fil-kamra tas-sodda 9403.60 || Għamara oħra tal-injam ANNESS
II SISTEMA
TAL-ASSIGURAZZJONI TAL-LEGALITÀ TAL-LIBERJA
1.
DAĦLA
Is-sistema tal-assigurazzjoni tal-legalità
(LAS) tal-Liberja timmira sabiex tiżgura l-legalità tal-allokazzjoni
tad-drittijiet tal-użu tal-foresti u tal-ħsad, it-trasport,
l-ipproċessar u l-bejgħ tal-injam. Hija
bbażata fuq il-leġiżlazzjoni nazzjonali fis-seħħ u
sistemi eżistenti ta’ kontroll governattiv, u ġiet imfassla minn
proċess ma’ partijiet interessati nazzjonali multipli li inkluda
rappreżentanti ta’ komunitajiet, organizzazzjonijiet tas-soċjetà
ċivili (CSOs), aġenziji tal-gvern u s-settur privat. Dawn
il-partijiet interessati ftiehmu, permezz ta' proċess ta'
konsultazzjonijiet u diskussjonijiet, dwar l-elementi tal-LAS deskritti hawn
taħt: ·
Id-definizzjoni tal-legalità; ·
Il-verifika ta’ konformità mad-definizzjoni
tal-legalità; ·
Is-sistema tal-katina tal-kustodja; ·
Il-liċenzji FLEGT; ·
L-awditjar indipendenti. Id-definizzjoni tal-legalità
tistabbilixxi r-rekwiżiti ewlenin tal-leġiżlazzjoni applikabbli
għas-settur tal-foresti. Id-definizzjoni tal-legalità
ġiet finalizzata u endorsjata minn partijiet interessati nazzjonali matul
in-negozjati tal-VPA. Il-verifika tal-legalità tiddetermina
sistematikament il-konformità mar-rekwiżiti tad-definizzjoni tal-legalità. Din hija r-responsabbiltà tal-korpi tal-gvern maħtura mil-leġiżlazzjoni
u mill-VPA. Is-sistema tal-katina tal-kustodja (COCS) tiġi
applikata sabiex tiġi kkontrollata l-katina tal-provvista tal-injam
mill-foresta sal-punt tal-esportazzjoni jew il-bejgħ fis-suq domestiku. Is-COCS tinkludi l-kontrolli operattivi minn kumpaniji, il-verifika
mill-maniġer tas-COCS u sistema ta’ informazzjoni fejn id-dejta
mill-attivitajiet tal-kontroll operattiv u tal-verifika jiġu
maħżuna u analizzati. COCS li fil-biċċa l-kbira tagħha
tikkonforma mar-rekwiżiti tal-LAS ilha topera minn qabel ma bdew
in-negozjati tal-VPA. Tfasslet u qed tiġi operata minn fornitur
tas-servizz estern u eventwalment se tiġi ttrasferita lill-Awtorità
tal-Iżvilupp tal-Forestrija (FDA). Il-Liberja toħroġ liċenzji
FLEGT lill-konsenji kollha tal-esportazzjonijiet tal-prodotti tal-injam li
jiġu prodotti skont id-definizzjoni tal-legalità u kkontrollati kif
suppost mis-COCS. L-awditu indipendenti żżid
il-kredibilità lil-LAS billi jispezzjona kull komponent tas-sistema sabiex
jiżgura li qed taħdem kif suppost. L-awditu se jitwettaq minn korp kompetenti li huwa indipendenti
mill-korpi regolaturi tas-settur tal-foresti tal-Liberja u operaturi tas-settur
privat. Ir-riżultati tal-awditu jiġu rrapportati
lill-Kumitat Konġunti tal-Implimentazzjoni u r-rapporti huma disponibbli
pubblikament. Il-verifika tal-legalità, il-liċenzjar u
l-funzjonijiet tal-Awditjar Indipendenti ġew deskritti minn grupp ta’
ħidma ta’ parti interessata u se jiġu żviluppati aktar u jibdew
joperaw matul l-implimentazzjoni tal-VPA. Dan l-Anness jiddeskrivi kif,
fil-prinċipju, l-LAS se taħdem fil-prattika.
2.
AMBITU
2.1.
Sorsi tal-Injam
L-injam u l-prodotti tal-injam kollha li
jitkabbru domestikament ikkontrollati mil-LAS iridu joriġinaw minn
żoni maħtura legalment li għall-użu tagħhom ġew
allokati drittijiet skont id-dispożizzjonijiet legali. Dawn is-sorsi tal-injam jistgħu jinkludu kemm foresti naturali
kif ukoll foresti ta’ pjantazzjonijiet taħt wieħed mit-tipi ta’
permessi mogħtija mill-Awtorità tal-Iżvilupp tal-Foresti (FDA); ·
il-kuntratt għall-ġestjoni tal-foresti
(FMC); ·
il-kuntratt għall-bejgħ tal-injam (TSC); ·
il-permess għall-użu privat (PUP); ·
il-permess għall-użu tal-foresti (FUP), ·
il-permess għas-serrieq bil-katina. It-tipi ta’ permessi msemmija hawn fuq
jiġu pprovduti mill-Liġi Nazzjonali tal-Liberja tar-Riforma
tal-Foresti, il-Liġi tad-Drittijiet Komunitarji, ir-Regolament tas-Serrieq
bil-Katina u regolamenti relatati oħra. Ir-Regolamenti
tad-Drittijiet Komunitarji u r-Regolament tas-Serrieq bil-Katina qed jiġu
abbozzati attwalment u, ladarba jitlestew, isiru emendi għal-LAS sabiex
tiġi riflessa kwalunkwe żieda. Injam tal-gomma u prodotti oħra tal-injam
maħsuda skont ftehimiet ta’ konċessjoni agrikola se jiġu koperti
wkoll mil-LAS. Injam abbandunat se jiġi inkorporat
fis-sistema ladarba jkun ġie mibjugħ b’irkant u sjieda legali
ġdida tkun ġiet stabbilita. Fil-preżent, injam li jkun ġie
kkonfiskat minħabba f’vjolazzjoni ma jistax jiddaħħal
fis-sistema. Regolamenti li jitrattaw l-injam ikkonfiskat
u kif se jiġi inkorporat fl-LAS se jiġu żviluppati fi żmien
sentejn u qabel ma tibda topera l-liċenzja FLEGT. Il-prodotti tal-injam importati kollha
elenkati fl-Anness I għal dan il-Ftehim se jiġu kkontrollati wkoll
mil-LAS. Aktar dettalji jingħataw fit-Taqsima 5.9 ta’
dan l-Anness.
2.2.
Il-prodotti
Il-prodotti
li ġejjin jiġu kkontrollati mil-LAS: - Zkuk || - Kisi tal-art bil-parkè - Laqx tal-injam || - Gwarniċi tal-injam - Travi għal-linji tal-ferrovija || - Kontenituri/kaxex għall-ippakkjar - Injam isserrat || - Xogħol ta’ mastrudaxxi - Folji || -Għamara - Triplaj || L-Anness I
jispeċifika l-prodotti koperti minn dan il-Ftehim u l-kodiċijiet
tas-Sistema Armonizzata (HS) użati għall-klassifika ta’ kommoditajiet
fil-kummerċ internazzjonali. Hekk kif tipproċedi l-implimentazzjoni,
il-Liberja se tikkunsidra ż-żieda ta’ prodotti oħra, inkluż
il-faħam, mal-ambitu tal-LAS.
2.3.
Destinazzjonijiet tas-suq
Il-verifika tal-legalità tiġi applikata
kemm lil prodotti tal-injam mibjugħa fis-suq domestiku kif ukoll lil
esportazzjonijiet, irrispettivament mill-pajjiż tad-destinazzjoni. Kontrolli fuq il-prodotti mibjugħa fis-suq domestiku se
jiddaħħlu b’mod gradwali, wara skeda li se tiddependi fuq
l-implimentazzjoni tal-Liġi tad-Drittiiet Komunitarji u r-Regolament
tas-Serrieq bil-Katina u se jqisu t-trattati tal-kummerċ reġjonali
ECOWAS u l-integrazzjoni tagħhom fil-LAS.
3.
L-ARRANĠAMENTI ISTITUZZJONALI
Sabiex tiġi vverifikata l-konformità
mad-definizzjoni tal-legalità (LD) u tiġi operata s-COCS, l-FDA se
tistabbilixxi dipartiment ġdid imsejjaħ id-Dipartiment Liberjan
tal-Verifika (LVD). Fornitur tas-servizzi se jiġi kkuntrattat fuq bażi ta’ ‘ibni,
opera u ttrasferixxi’ (BOT) għall-ewwel ħames snin sabiex tiġi
żviluppata l-metodoloġija meħtieġa tal-verifika u sabiex
tinbena l-kapaċità tad-dipartimenti u d-diviżjonijiet tal-FDA
involuti fl-implimentazzjoni tal-LAS. L-LVD se jikkollabora ma’ dipartimenti u
diviżjonijiet oħra tal-FDA, l-Aġenzija tal-Protezzjoni
tal-Ambjent (EPA), il-Ministeru tal-Kummerċ u l-Industrija, il-Ministeru
tal-Finanzi, il-Ministeru tax-Xogħol u aġenziji rilevanti oħra
tal-gvern responsabbli għal aspetti speċifiċ tar-regolament
tas-settur tal-foresti. Dawn il-korpi tal-gvern se
jissottomettu evidenza lil-LVD dwar il-konformità tal-operaturi
mad-definizzjoni tal-legalità. Barra minn hekk, se jiġi stabbilit mezz ta’
komunikazzjoni għal organizzazzjonijiet tas-soċjetà ċivili
(CSOs) sabiex jipprovdi lil-LVD u awtoritajiet rilevanti oħra bid-dejta
tal-monitoraġġ dwar il-konformità tal-operaturi mar-rekwiżiti
tal-LAS. Sabiex jinħarġu liċenzji FLEGT
għal esportazzjonijiet tal-prodotti tal-injam, l-FDA se tistabbilixxi
dipartiment ġdid imsejjaħ id-Dipartiment tal-Liċenzji
tal-Liberja (LLD). Esportaturi se japplikaw lL-LLD
għal liċenzji FLEGT (ara Figura 1). Figura 1 Arranġament
istituzzjonali għall-verifika u l-liċenzjar
4.
IL-VERIFIKA TAL-LEGALITÀ
4.1.
Id-definizzoni tal-legalità u proċeduri
tal-verifika relatati
Id-definizzjoni tal-legalità tikkonsisti minn
11-il prinċipju, kull wieħed minnhom maqsum f’numru ta’ indikaturi li
jirrappreżentaw ir-rekwiżit legali li jrid jiġi mħares. Kull indikatur jiġi mgħammar b'verifikaturi li jintużaw
sabiex jiġi determinat jekk operatur tas-settur privat jew aġenzija
tal-gvern jikkonformax mar-rekwiżiti legali koperti mill-indikatur
ikkonċernat. Appendiċi A għal dan l-Anness
jinkludi d-definizzjoni tal-legalità u jiddeskrivi l-proċeduri
tal-verifika sabiex il-ministeru responsabbli, l-aġenzija tal-gvern u
l-LVD jiġu ggwidati fil-valutazzjoni tal-konformità. Dan
il-qafas ta’ verifika jispeċifika: – l-għan li jiġi deskritt l-iskop ta’
proċedura ta’ verifika; – il-kontroll regolatorju sabiex jiġu
previsti r-rekwiżiti normattivi u/jew regolatorji u r-responsabbiltà
għal indikatur partikolari; – il-metodu tal-verifika sabiex jiġu
previsti d-deskrizzjoni u l-mezzi tal-verifika, li se jikkonsistu
mL-analiżi tad-dokument, l-ispezzjoni tal-qasam, il-konferma u/jew
il-konsultazzjoni; –
il-frekwenza sabiex jiġi definit kemm-il darba
l-konformità ma’ indikatur jew ċerti aspetti minnu jridu jiġu
vvalutati mil-LVD. Proċeduri aktar dettaljati, inklużi
listi ta’ kontroll, sabiex tiġi valutata l-konformità mad-definizzjoni
tal-legalità se jiġu żviluppati matul l-implimentazzjoni tal-VPA.
4.2.
Il-ġestjoni tad-dejta
Ir-riżultati tal-verifika se jiġu
rrekordjati f’sistema tal-ġestjoni tad-dejta li tippermetti kontrolli
immedjati fuq jekk operatur jikkonformax mad-definizzjoni tal-legalità. L-LVD se jkun responsabbli għall-ġestjoni tad-dejta,
inkluż l-aġġornament tar-rekords bil-frekwenza stabbilita
fil-proċeduri tal-verifika. Is-sistema tal-informazzjoni tal-katina
tal-kustodja (COCIS) tinkludi ċertu dejta dwar il-konformità legali li se
tinġabar sabiex tiġi vvalutata l-konformità mad-definizzjoni
tal-legalità tul il-katina tal-prodott. Dawn ir-rekords
jintużaw biex jagħtu bidu sabiex jippermettu l-progress tul il-katina
tal-prodott, bħall-bidu tal-operazzjonijiet tal-ħsad jew
it-trasferiment taz-zkuk tul il-katina tal-provvista. Huwa prevvist li s-COCIS
se tifforma parti mis-sistema tal-ġestjoni tad-dejta meħtieġa
għal skopijiet ta’ verifika. Is-sistema tal-ġestjoni tad-dejta
għandha tiġi żviluppata sabiex tippermetti skambji ta’
informazzjoni f’ħin immedjat sabiex kwalunkwe injam mhux konformi li
jinstab matul il-verifika ikun jista' jiġi prevjenut milli jipprogressa,
b'aktar kontrolli aktar 'l isfel fil-katina tal-provvista. L-arkitettura u l-ispeċifikazzjonijiet
tekniċi għas-sistema tal-ġestjoni tad-dejta u proċeduri
ddettaljati għall-ġestjoni tad-dejta se jiġu żviluppati
matul l-implimentazzjoni tal-VPA.
4.3.
Il-verifika tal-legalità ta' operaturi li qed
jaħdmu taħt skema ta’ ċertifikazzjoni indipendenti
tal-ġestjoni tal-foresti
Operaturi li qed jaħdmu taħt skema
ta’ ċertifikazzjoni indipendenti approvata mill-Gvern tal-Liberja
jistgħu juru konformità legali mad-definizzjoni tal-legalità Liberjana
billi jipprovdu lil-LVD u l-LLD b'ċertifikat validu tal-iskema. Qabel l-aċċettazzjoni ta’ skema ta’
ċertifikazzjoni, il-Gvern tal-Liberja se jwettaq valutazzjoni ta’
konsistenza sabiex ikun żgur li l-indikaturi kollha tad-definizzjoni
tal-legalità Liberjana jiġu inklużi fl-iskema ta’ ċertifikazzjoni,
il-konformità magħhom tiġi awditjata sistematikament u l-proċess
kollu ta' ċertifikazzjoni huwa affidabbli. Skemi li
jkunu għaddew mill-valutazzjoni ta’ konsistenza biss jistgħu
jiġu integrati fil-LAS tal-Liberja. F’konformità mal-leġiżlazzjoni
Liberjana, l-operaturi kollha, inklużi dawk bis-sistemi ċertifikati
tagħhom stess tal-katina tal-kustodja, se jibqgħu soġġetti
għas-sistema nazzjonali tal-katina tal-kustodja.
5.
IS-SISTEMA TAL-KATINA TAL-KUSTODJA
5.1.
Proċeduri standard tal-operat
Sett ta’ proċeduri standard tal-operat
(SOP) ġie żviluppat sabiex jiġi stabbilit (a) kif il-kumpaniji
tal-foresti jikkontrollaw il-katini tal-provvista tagħhom u (b) kif dawn
l-attivitajiet tal-kumpanija jiġu verifikati bl-għajnuna tas-COCS: (a) proċedura ġenerali standard tal-operat 01 (GSOP 01)
tipprovdi deskrizzjoni ġenerali ta’ kif jitwettqu l-attivitajiet ta’
kontroll u ta’ verifika għall-injam u prodotti tal-injam li ġejjin
mit-TSCs, l-FMCs u l-PUPs; (b) dettalji ta’ kull attività jiġu ppreżentati f’numru ta’
SOPs; (c) Il-GSOPs u l-SOPs se jiġu emendati sabiex jiġi rifless
kwalunkwe tibdil fl-attivitajiet ta' kontroll u ta' verifika, inkluż
l-introduzzjoni ta' sorsi ġodda tal-injam fis-COCS. Il-kontroll u l-verifika tal-injam mis-sorsi
li ġejjin se jiġu żviluppati fi żmien sentejn mill-firma
tal-VPA: (a) foresti rregolati mill-Liġi tad-Drittijiet Komunitarji; (b) operazzjonijiet tal-qtugħ tas-siġar bis-serrieq
bil-katina; (c) injam importat; (d) injam fi tranżitu; (e) injam ikkonfiskat. It-taqsimiet li ġejjin u l-Appendiċi
B jiddeskrivu l-punti ewlenin ta’ kontroll u l-prinċipji ta’ gwida
tas-COCS.
5.2.
Qabel il-ħsad
Id-demarkazzjoni taż-żona
tal-kuntratt u tal-blokok tal-ħsad u l-enumerazzjoni tas-siġar
(stħarriġ tal-istokk) huma r-responsabbiltà tad-detentur
tal-kuntratt. Il-LVD jivverifika li l-mappa tal-blokok u
l-istħarriġ tal-istokk huma preċiżi u jipprovdi
lid-Dipartiment Kummerċjali tal-FDA bl-informazzjoni li jeħtieġ
sabiex joħroġ aċċettazzjoni tax-xogħol tal-istħarriġ
tal-mappa tal-blokok u ċ-ċertifikat annwali tal-ħsad (AHC). Il-persunal tal-FDA jivverifika li l-mappa
tal-blokok u l-istħarriġ tal-istokk ikunu twettqu kif suppost u li
l-formoli u l-mapep ikunu mtlew b’mod korrett mid-detenturi tal-kuntratt. Dan huwa proċess f’żewġ stadji, li jinkludi l-ewwel
kontroll tal-uffiċċju sabiex jiġi żgurat li ma jkun sar
l-ebda żball amministrattiv sempliċi u t-tieni, jekk l-ewwel kontroll
jinstab li huwa sodisfaċenti, kontroll imwettaq fil-foresta fuq kampjun
ta' mill-inqas 5 % taż-żona tal-istħarriġ tal-istokk sabiex
tiġi verifikata l-lokazzjoni, id-dijametru, l-ispeċijiet u
l-għoli tas-siġar. Is-COCIS awtomatikament tikkontrolla li: (a) ir-referenza taż-żona tal-kuntratt taqbel
mal-identifikazzjoni tad-detentur tal-kuntratt; (b) l-erba’ kantunieri tal-mapep tal-blokok jaqgħu
ġoż-żona grossa tal-kuntratt; (c) in-numri ta’ identifikazzjoni tas-siġar ġew allokati
lid–detentur tal-kuntratt għal użu f’din iż-żona
tal-kuntratt bħala tikketti tas-siġar. Il-mappa tal-blokok hija imbagħad
ikkontrollata b’mod manwali mill-uffiċjali f’dak il-qasam tas-COC sabiex
jiġi kkonfermat li: (a) ir-referenza taż-żona tal-kuntratt u l-identifikazzjoni
tad-detentur tal-kuntratt jaqblu ma’ dawk fil-formoli tal-istħarriġ
tal-istokk sottomessi; (b) id-dati mistħarrġa jaqblu mad-dati fil-formoli
tal-istħarriġ tal-istokk; (c) il-kordinati ġeografiċi tal-Universal Transverse
Mercator (UTM) jaqblu ma' dawk fil-formoli tal-istħarriġ
tal-istokk; (d) l-iskala hija mmarkata b’mod korrett fuq il-mappa, id-distanza
bejn iċ-ċelloli hija korretta u d-distanzi huma mmarkati b’mod
korrett fuq il-mappa; (e) id-direzzjoni tal-linja bażi iddaħħlet b’mod
korrett u d-direzzjoni tal-vleġġa tat-tramuntana hija korretta meta
mqabbla mal-linja bażi; (f) in-numri tal-linja tal-istħarriġ u n-numri tad-distanza
huma denotati b’mod korrett; (g) il-bordura tal-blokok impinġija fuq il-mappa tal-blokok
tikkorrispondi għall-mappa tal-lokazzjoni taż-żona tal-kuntratt
u tidħol fil-konfini ġenerali taż-żona tal-kuntratt; (h) in-numri tas-siġar fuq il-mappa huma fiċ-ċelloli
korretti, kif indikat mill-formoli tal-istħarriġ tal-istokk; (i) il-kodiċijiet tal-ispeċijiet huma korretti. L-uffiċjal f’dak il-qasam tas-COC jimla
formola COCIS standard, li għandha serje ta’ kaxxi ta’ kontroll u li se
tiġi mgħoddija lill-iskrivan li jdaħħal id-dejta jew
lill-operatur tas-COCIS sabiex tiddaħħal fis-COCIS. Jekk kwalunkwe wieħed mill-kontrolli
fil-formoli tal-istħarriġ tal-istokk jew mappa tal-blokok manwali ma
jgħaddix, imbagħad l-operatur tas-COCIS se jistampa l-formoli/mapep
li ma għaddewx mill-kontrolli. Is-superviżur
tad-dħul tad-dejta tas-COC jibgħathom lid-detentur tal-kuntratt
għal korrezzjonijiet u l-proċess jiġi ripetut bid-dejta
kkoreġuta.
5.3.
Il-Ħsad
Dan il-proċess jiddeskrivi
l-proċeduri tat-tikkettjar, il-kejl u l-irrekkordjar li jridu jiġu
segwiti mid-detenturi tal-kuntratt matul it-twaqqigħ tas-siġar. Il-kejl u l-immarkar ta’ zkuk u l-biċċiet li jibqgħu
fl-art wara li jitwaqqgħu s-siġar huwa meħtieġ sabiex
in-numru tas-siġra oriġinali (allokata matul l-istħarriġ
tal-istokk) tiġi konnessa maz-zkuk li jirriżultaw mill-ħsad
tas-siġar u mal-biċċa li tibqa’ fl-art wara li titwaqqa’
s-siġra li titħallaa' fil-foresta, b’hekk tiġi stabbilita
t-traċċabbiltà. Ladarba ċ-ċertifikat annwali
tal-ħsad ikun inħareġ, id-detentur tal-kuntratt jiġi
allokat marki taz-zkuk bil-bar code u huwa jingħata permess li jibda
l-ħsad fil-lokazzjonijiet indikati fil-mappa tal-blokok: (a) qabel ma titwaqqa' s-siġra, dak imqabbad mid-detentur
tal-kuntratt sabiex ikejjel iz-zkuk jirrekordja n-numru tal-marka ta’
identifikazzzjoni tas-siġra assenjat matul l-istħarriġ
tal-istokk. (b) malli titwaqqa' s-siġra, dak li jkejjel iz-zkuk
iwaħħal u jirrekordja marka ġdida fit-tarf ta’ isfel taz-zokk u
oħra mal-biċċa li tibqa’ fl-art wara li titwaqqa’ s-siġra. Iz-zokk
li jirriżulta li għandu t-tul tas-siġra jiġi mkejjel: id-dijametri
ta’ kemm it-tarf ta’ isfel u t-tarf ta' fuq u t-tul taz-zokk sal-qasma
fil-qurriegħa (sal-eqreb 10 ċm). Dak li jkejjel iz-zokk jirrekordja
d-dejta fuq assistent personali diġitali (PDA) jew il-formola xierqa. Imbagħad dak li jkejjel iz-zokk
jipproċedi għas-siġra li jkun imiss sabiex titwaqqa' u jirrepeti
l-istess proċedura. Id-dejta miġbura tiġi
sottomessa u pproċessata minn skrivan tad-dħul tad-dejta tas-COC li
jittrasferiha fis-COCIS.
5.4.
Bitħa/post tal-ħatt għaz-zkuk
fil-foresta
Dan il-proċess jiddeskrivi kif
id-detentur tal-kuntratt ikejjel u jittikkettja s-siġar li jitwaqqgħu
ladarba jkunu ġew estratti għall-post tal-ħatt għaz-zkuk u
inqatgħu trasversalment għat-tul. L-istess proċedura tiġi
segwita wkoll jekk, fi stadju aktar tard, iz-zkuk jinqatgħu trasversalment
għal darb'oħra fi zkuk iżgħar jew sempliċement
jintlibsu (jiġifieri l-ewwel ftit pulzieri jitneħħew sabiex
iz-zokk jidher aħjar għall-bejgħ jew l-esportazzjoni). Il-prinċipji prinċipali huwa li tikketta ta’ identifikazzjoni
titwaħħal ma kull zokk ġdid sabiex it-traċċabbiltà
lura għaz-zokk, siġra u mappa tal-blokok oriġinali tkun
possibbli. Stimaturi taz-zkuk (log scalers) tas-COCS
jivverifikaw kampjun sabiex jikkonfermaw li z-zkuk ikunu ġew ittikkettjati
u mkejla b'mod preċiż mill-operatur. L-ispeċijiet,
id-dijametru u t-tul taz-zokk se jiġu rrekordjati fis-COCIS, li
awtomatikament jikkontrolla d-dejta taz-zokk fl-isfond tal-informazzjoni
maħżuna mid-detentur tal-kuntratt.
5.5.
It-Trasport taz-zkuk jew injam ipproċessat
Dan il-proċess jiddeskrivi
l-proċedura li trid tiġi segwita meta z-zkuk u/jew il-prodotti
tal-injam jiġu mgħobbija fuq trakk fil-post tal-ħatt
għaz-zkuk fil-foresta, meta z-zkuk jiġu mgħobbija f'żona
fejn ikunu qed jinżammu barra mill-port u meta prodotti tal-injam
isserrati jiġu mgħobbija qabel il-konsenja lejn il-port u
imbagħad ittrasportati. Ladarba s-COCS hija mfassla
sabiex ikollha d-dejta f’ħin immedjat dwar fejn iz-zkuk jew il-prodotti
tal-injam ikunu fil-katina tal-provvista, japplikaw il-miżuri li
ġejjin: (a) Meta l-konsenja tkun
lesta għat-tagħbija, il-persunal tal-operatur (jiġifieri dak li
jkejjel iz-zkuk jew it-tally man tal-istabbiliment fejn jisserraw l-injam)
jimla formola tal-polza tat-tagħbija billi: –
jimla l-oqsma xierqa (il-bar code, l-ispeċijiet,
id-dijametru u t-tul); –
iwaħħal l-istikers bil-bar code mal-polza
tat-tagħbija fil-postijiet xierqa; –
jelenka n-numri bil-marka bil-bar code kollha jew
it-tikketti bil-bar code imwaħħla mal-prodotti tal-injam inkluż
fit-tagħbija – dawn in-numri jridu jiġu kkupjati bl-idejn; –
iniżżel id-data u jiffirma l-polza
tat-tagħbija. (b) Iz-zkuk jew
il-prodotti tal-injam iridu jiġu mgħobbija b'mod li jippermetti li
l-bar codes jinqraw minn skanner tal-PDA mingħajr ma titneħħa
t-tagħbija mit-trakk. Għalhekk jew ikun irid jitħalla spazju
bejn it-tarf taz-zkuk u l-parti ta’ quddiem tat-trakk (skont it-tip ta’ trakk)
jew iz-zkuk kollha jkunu jridu jiġu mgħobbija bil-marki fit-tarf ta’
wara, sabiex ikunu jidhru b’mod ċar. Dan sabiex jiġi faċilitat
l-ikkontrollar tan-numri tal-marki mill-istimaturi taz-zkuk tas-COCS u l-FDA
meta t-trakk ikun fit-triq. L-LVD iwettaq 100% verifika dokumentarja
tal-polza tat-tagħbija/noti tal-konsenja maħruġa u rċevuti
u għandu timijiet mobbli ta’ stimaturi/spetturi taz-zkuk li jikkontrollaw
kampjun tat-tagħbijiet kollha ttrasportati. L-ispeċijiet,
id-dijametru u t-tul taz-zokk jiġu rrekordjati. Fl-istess ħin,
il-pulizija Liberjana se tikkontrolla li t-tagħbijiet kollha li
jgħaddu mill-postijiet tal-kontroll għandhom il-poloz
tat-tagħbija meħtieġa magħhom.
5.6.
L-ipproċessar tal-injam
Proċeduri dettaljati li jiddeskrivu kif
l-isserrar tal-injam u l-ipproċessar ieħor ta’ prodotti tal-injam
jiġu vvalutati se jiġu żviluppati fl-ewwel tliet snin
tal-implimentazzjoni tal-VPA. Fil-prinċipju, il-kontroll
operattiv mill-operatur u l-verifika mis-COCS se jkopru (i) id-dħul ta’
materji primi tal-injam fis-sit tal-istabbiliment, (ii) il-ħażna ta’
materji primi tal-injam, (iii) l-ipproċessar, (iv) il-ħażna ta’
prodotti pproċessati u (v) il-ħruġ ta’ prodotti mis-sit
tal-istabbiliment. Il-miżuri ta’ kontroll u ta’ verifika li
ġejjin se jiġu applikati: (a) l-operatur iżomm rekords tal-materji primi tal-injam kollha
li jidħlu fis-sit tal-istabbiliment u jtella’ d-dejta korrispondenti
fis-COCIS; (b) l-operatur iżomm rekords tal-materji primi kollha tal-injam
maħżuna fis-sit tal-istabbiliment u jtella’ d-dejta korrispondenti
fis-COCIS. Sistema ta’ ġestjoni ta’ inventarju li tirrekordja d-dħul
u l-produzzjoni ta' materja prima minn żoni tal-ħażna trid
tiġi applikata mill-operatur; (c) il-persunal tal-operatur jirrekordja l-materja prima li
dieħla fl-istabbiliment tal-ipproċessar u l-prodotti kollha li
ħerġin billi jdaħħal id-dejta f’formoli standard. Dan
jagħti d-dejta bażi għal kull valutazzjoni ta’ rkupru
(għall-isserrar tal-injam dan ikun il-volum tal-injam isserrat li
joħroġ mill-impjant espress bħala persentaġġ tal-volum
taz-zkuk deħlin; f’każijiet oħra jista’ jkun proporzjon
tal-konverżjoni sempliċi, pereżempju x m3 ta’ injam
isserrat se jkun ugwali għal y unitajiet ta’ saqajn
tas-siġġijiet, eċċ); (d) l-operatur iżomm rekords tal-prodotti tal-injam
ipproċessati kollha maħżuna fis-sit tal-istabbiliment u jtella’
d-dejta korrispondenti fis-COCIS. Sistema ta’ ġestjoni ta’ inventarju li
tirrekordja d-dħul (inputs) u l-produzzjoni ta' materja prima lejn u minn
kull maħżen trid tiġi applikata mill-operatur; (e) l-operatur iżomm rekords tal-materji primi tal-injam kollha
li joħorġu mis-sit tal-istabbiliment u jtella' d-dejta korrispondenti
fis-COCIS; (f) lott ta’ kampjun sħiħ tal-ipproċessar ta' prodott
(pereżempju, xift wieħed fl-istabbiliment fejn jisserraw l-injam)
irid jiġi mmonitorjat mill-persunal tal-LVD ladarba l-istabbiliment ikun
lest sabiex jibda l-produzzjoni. Dan il-kampjun se jkun il-bażi
għar-‘rata ta’ konverżjoni approvata’; (g) perjodikament u b’mod aleatorju, il-persunal tal-LVD se jivvaluta
mill-ġdid ir-‘rata ta’ konverżjoni approvata’. Dawn
iż-żjarat lill-impjant tal-ipproċessar għandhom ikunu
għall-għarrieda; (h) is-COCIS timmonitorja r-rata ta’ konverżjoni bbażata fuq
il-formoli standard sottomessi mill-operatur fl-isfond tar-‘rata ta'
konverżjoni approvata’. Kwalunkwe varjazzjoni sinifikanti se tqanqal aktar
investigazzjoni u/jew il-ħruġ ta’ rapport ta’ falliment; (i) il-LVD iwettaq kontrolli aleatorji fuq l-operazzjonijiet u
s-sistemi taż-żamma tal-kotba kollha użati mill-operatur sabiex
jikkontrolla l-flussi ta’ materja prima tal-injam u prodotti pproċessati
fi ħdan is-sit tal-istabbiliment.
5.7.
Esportazzjoni
Dan il-proċess jiddeskrivi kif
il-prodotti diġà approvati għall-esportazzjoni mil-LVD jiġu
kkonsenjati lejn il-port u mbagħad mgħobbija fuq il-bastiment. Fil-punt tal-esportazzjoni, is-COCS
tikkontrolla 100% tan-numri tal-marki u l-ispeċifikazzjonijiet tal-prodott
fi ħdan is-COCIS u jitwettqu spezzjonijiet fiżiċi fuq kampjun
tal-konsenja tal-esportazzjoni. L-esportatur irid jinforma lis-COCS meta
l-bastiment ikun lest għat-tagħbija, sabiex is-COCS tkun tista’
twettaq il-kompitu tagħha li tibgħat tim sabiex jissorvelja
t-tagħbija finali tal-bastiment. Filwaqt li kull zokk
jew faxx qed jitgħabba fuq il-bastiment, l-ispettur tas-COCS se
jikkontrollahom fl-isfond tal-ispeċifikazzjonijiet sabiex jiżgura
ruħu li huma koperti mil-liċenzja FLEGT valida u se jirrekordjahom
f'PDA jew fuq il-formola xierqa. Ir-rekords se jittellgħu fuq is-COCIS u
jiġu rikonċiljati mad-dejta maħżuna
tal-ispeċifikazzjoni tal-prodott ta’ qabel sabiex jinżamm rekord ta’
liema prodott fil-fatt ġie esportat.
5.8.
Is-suq domestiku
Il-proċeduri ta’ kontroll u ta’ verifika
deskritti fit-Taqsimiet 5.2 sa 5.7 huma applikabbli għas-suq domestiku,
meta l-injam joriġina miż-żoni tal-produzzjoni koperti
mill-FMCs, it-TSCs u l-PUPs. Proċeduri sabiex
jiġu ġestiti katini tal-provvista għall-injam minn
operazzjonijiet tal-qtugħ tas-siġar bis-serrieq bil-katina se
jiġu żviluppati fi ħdan il-perjodu indikat fl-Anness VII
għal dan il-Ftehim.
5.9.
Injam importat
L-importatur irid juri li l-injam importat
jiġi minn sorsi legali u jiġi approvat mid-dwana skont
il-leġiżlazzjoni Liberjana. Il-legalità
tal-injam fil-pajjiż tal-ħsad tista' tintwera permezz ta’
ċertifikati maħruġa taħt skemi ta’ ċertifikazzjoni jew
skemi ta’ verifika tal-legalità oħra li ġew ivvalutati u approvati
mill-Gvern tal-Liberja f’konsultazzjoni mal-gvernijiet ikkonċernati. Injam
importat ikkontrollat mil-LAS ta’ pajjiż ieħor kopert minn VPA li
għandu skema ta’ liċenzjar FLEGT operazzjonali se jiġi
kkunsidrat legali fil-LAS Liberjana. Injam importat li jintwera li huwa legali
huwa inkluż fis-COCS fil-fruntiera u wara jiġi kkontrollat u vverifikat
bl-istess mod bħal injam li jitkabbar domestikament.
5.10.
Injam fi tranżitu
Injam fi tranżitu irid jinżamm
segregat fiżikament minn injam domestiku jew importat u li jgħaddi
mil-Liberja taħt il-kontroll doganali Liberjan. Injam
fi tranżitu ma jiġix integrat fis-COCS u ma jkunx soġġett
għall-ħruġ ta’ liċenzja FLEGT Liberjana fil-punt
tal-esportazzjoni. Il-pajjiż tal-oriġini u l-pajjiż
tal-ħsad iridu jiġu indikati b’mod ċar fil-polza
tat-tagħbija u dokumenti oħra ta’ trasport. Il-Liberja se
tispeċifika dokumenti legali u kontrolli doganali relatati
speċifiċi għall-injam fi tranżitu . Proċeduri
dettaljati se jiġu żviluppati qabel ma tibda topera s-sistema
tal-liċenzjar.
5.11.
L-injam tal-gomma
L-SOPs għall-ikkontrollar tal-ħsad,
it-trasportazzjoni, il-formazzjoni tal-laqx u l-esportazzjonijiet ta’ prodotti
tal-injam tal-gomma se jiġu żviluppati matul l-implimentazzjoni
tal-VPA.
5.12.
Rikonċiljazzjoni tad-dejta
Is-COCIS tintuża
għar-rikonċiljazzjoni ta’ dejta kwantitattiva bejn u fi ħdan
id-diversi stadji tal-katina tal-provvista. Il-proċessi
ta’ rikonċiljazzjoni jimmiraw sabiex jiżguraw li l-kwantitajiet
tal-injam skont l-ispeċijiet u d-dimensjonijiet huma konsistenti tul
il-katina tal-provvista kollha, b’mod partikolari sabiex jiġi ppruvat li
l-kwantità mibgħuta ma taqbiżx il-kwantità rċevuta u li matul
l-ipproċessar il-proporzjon bejn il-kwantità ta’ materji primi u
l-kwantità ta’ prodotti pproċessati huwa razzjonali. Protokolli se jiġu żviluppati
għar-rikonċiljazzjoni ta’ dejta konsolidata matul diversi katini
tal-provvista u tul iż-żmien bil-ħsieb li tiġi provduta
evidenza tal-legalità tas-settur kollu tal-foresti fil-livell reġjonali
jew nazzjonali. Flimkien mar-rikonċiljazzjoni tad-dejta
kwantitattiva, is-COCS tikkontrolla mal-bażi tad-dejta tal-LVD li hemm
konformità sħiħa mal-LD qabel kull bejgħ sewwa jekk intenzjonat
għall-esportazzjoni kif ukoll għall-bejgħ fil-Liberja.
6.
NUQQAS TA’ KONFORMITÀ MAL-LAS
Liċenzji FLEGT ma jinħarġux
ħlief jekk ikunu ġew imħarsa r-rekwiżiti kollha tal-LAS. Kwalunkwe nuqqas ta’ konformità mal-LAS trid tiġi indirizzata. Proċeduri
legali u sanzjonijiet eżistenti japplikaw għall-indirizzar ta’
nuqqasijiet ta’ konformità mal-LAS identifikati matul l-attivitajiet
tal-verifika. Skont il-ksur, multi amministrattivi, azzjoni korrettiva,
sospensjoni ta’ attivitajiet u/jew prosekuzzjoni tal-operatur jistgħu
japplikaw. Gwida dettaljata dwar kif jiġi indirizzat
il-ksur u kif jiġu imposti sanzjonijiet għal nuqqas ta’ konformità se
tiġi żviluppata qabel ma tibda topera s-sistema tal-liċenzj
FLEGT. In-nuqqasijiet kollha ta’ konformità
mad-definizzjoni tal-legalità, is-COCS u s-sanzjonijiet korrispondenti se
jiġu rrekordjati fil-bażi tad-dejta tal-verifika (ara Taqsima 4.2).
7.
IL-LIĊENZJAR
Id-Dipartiment tal-Liċenzji tal-Liberja
(LLD) se jiġi stabbilit sabiex joħroġ liċenzji FLEGT
għal konsenji ta’ esportazzjoni ta’ prodotti tal-injam li jikkonformaw
mar-rekwiżiti kollha tal-LAS. Il-proċess
tal-liċenzjar jikkonsisti mill-fażijiet li ġejjin: (a) L-esportatur
japplika lL-LLD għal liċenzja FLEGT għal kull konsenja ta’
esportazzjoni. Formola ta’ applikazzjoni standard se tiġi żviluppata
fi żmien sentejn mill-firma tal-VPA sabiex tiġi speċifikata
l-informazzjoni u d-dokumenti meħtieġa. L-LLD se jirreġistra
l-applikazzjoni u jibgħat talba għal verifika lil-LVD. (b) Il-LVD jivverifika
li l-esportatur u l-fornituri possibbilment assoċjati mal-konsenja ta’
esportazzjoni kkonċernata jikkonformaw mad-definizzjoni tal-legalità
Liberjana u li l-prodotti għall-esportazzjoni joriġinaw minn sorsi
legali u huma rreġistrati kif mistħoqq fis-COCIS. Il-proċeduri
ddettaljati u l-listi ta’ kontroll għall-verifika mil-LVD se jiġu
żviluppati fi żmien sentejn mill-firma tal-VPA. (c) Il-LVD imbagħad
se jibgħat komunikazzjoni bil-miktub lL-LLD sabiex jikkonferma
r-riżultat tal-verifika. Il-format u l-proċess għal din
il-komunikazzjoni se jiġu żviluppati fi żmien sentejn mill-firma
tal-VPA. –
Jekk l-LVD jikkonferma li hemm konformità
sħiħa mal-LD, l-LLD joħroġ mingħajr dewmien
liċenzja FLEGT lill-konsenja ta’ esportazzjoni kkonċernata. Il-proċeduri dettaljati sabiex jiġi informat l-applikant u
jinħarġu liċenzji FLEGT se jiġu żviluppati fi
żmien sentejn mill-firma tal-VPA. –
Jekk jiġi skopert kwalunkwe nuqqas ta’
konformità f’dan l-istadju, l-LVD se jinnotifika lL-LLD li l-ebda liċenzja
FLEGT ma tista' tinħareġ, jindika r-raġunijiet għal dan
ir-rifjut, u jirrekordja r-rifjut fis-COCIS. L-LLD
jinnotifika lill-applikant li l-applikazzjoni għal liċenzja ġiet
irrifjutata u bir-raġunijiet għal dan ir-rifjut. Il-proċeduri
dettaljati sabiex jiġu indirizzati konsenji mhux konformi u sabiex
l-applikant jiġi informat se jiġu żviluppati fi żmien
sentejn mill-firma tal-VPA. (d) Ladarba
l-liċenzja FLEGT tkun inħarġet, l-esportatur jibgħat kopja
tal-liċenzja, inkluża l-ispeċifikazzjoni, lill-awtorità doganali
u tal-port, b’notifika tad-data proposta tat-tagħbija. L-awtorità doganali
u tal-port tikkontrolla li l-liċenzja hija konsistenti mad-dokumenti ta’
esportazzjoni uffiċjali l-oħra u tissodisfa l-formats standard. L-LLD
iżomm rekords tal-applikazzjonijiet kollha għal liċenzji FLEGT
rċevuti, inkluż dawk li rriżultaw f'rifjut. L-ispeċifikazzjonijiet tekniċi
għal liċenzji FLEGT, inkluż il-format tal-liċenzja u
l-perjodu tal-validità, huma ppreżentati fl-Anness IV għal dan
il-Ftehim.
8.
L-AWDITJAR INDIPENDENTI
L-għan tal-awditjar indipendenti (IA)
huwa li jivvaluta jekk l-LAS hijiex qed tiffunzjona effettivament, b’mod xieraq
u bi kredibilità u sabiex tidentifika dgħufijiet potenzjali u riskji
fl-istrutturi u l-implimentazzjoni tas-sistema. It-termini ta’ referenza għall-IA,
inkluż il-kompiti, il-kwalifiki meħtieġa u l-metodu, huma
ppreżentati fl-Anness V għal dan il-Ftehim. Appendiċi A: ID-DEFINIZZJONI, IT-TABELLA U
L-PROĊEDURI TA’ VERIFIKA TAL-LEGALITÀ
1.
PJAN GĦALL-POLITIKA U R-RIFORMA TAL-LIĠI TAL-FORESTRIJA
Id-Definizzjoni tal-Legalità stipulata hawn
taħt ġiet żviluppata permezz ta’ proċess
parteċipatorju ma’ firxa wiesgħa ta’ partijiet interessati. Matul l-iżvilupp tad-Definizzjoni tal-Legalità, il-partijiet
interessati Liberjani identifikaw numru ta' ambigwitajiet, lakuni u
inkonsistenzi fil-liġijiet, ir-regolamenti u l-politiki eżistenti li
huma l-bażi tad-Definizzjoni tal-Legalità, u li dawn jeħtieġ li
jiġu indirizzati sabiex tinkiseb il-governanza tajba mixtieqa fis-settur
Liberjan tal-forestrija. Il-Gvern tal-Liberja għalhekk jippjana li jwettaq
riformi legali u politiċi fir-rigward tas-settur tal-forestrja
f’konsultazzjoni mal-partijiet interessati rilevanti kollha. Huwa mistenni li
dawn ir-riformi legali se jitlestew sal-2013, u li d-Definizzjoni tal-Legalità
se tiġi aġġornata wara dan sabiex tirrifletti dawn l-emendi. Żoni
li jeħtieġu r-riformi politiċi u legali jinkludu: (a) Ftehimiet Soċjali: L-istabbiliment
ta’ proċeduri sabiex jirregolaw negozjati ta’ Ftehimiet Soċjali,
inkluż (i) l-iskedar ta’ negozjati; (ii) il-puntwalità ta’ kemm
il-pagamenti kif ukoll it-trasferimenti ta' fondi lil komunitajiet; (iii)
il-kontenut minimu ta’ ftehimiet soċjali u l-infurzar
tad-dispożizzjonijiet; (iv) id-drittijiet komunitarji tal-utent
fir-rigward ta’ żoni ta’ konċessjoni, u (v) l-impjieg ta’
ħaddiema mingħajr ħiliet, eċċ; (b) Il-promulgazzjoni ta’ regolament Komunitarju tal-forestrija
sabiex jiġu provduti linji gwida speċifiċi
għall-ġestjoni komunitarja tal-foresti. (c) L-użu ta’ zkuk abbandunati inkluż proċeduri
għall-irkant tagħhom, ir-reġistrazzjoni tas-sjieda legali u
d-dħul fil-LAS; (d) L-użu ta’ zkuk ikkonfiskati mill-Gvern
għar-raġuni li ġew maħsuda bi ksur tal-liġi; (e) L-integrazzjoni ta’ Skemi ta' Ċertifikazzjoni Indipendenti
fil-LAS: id-diskussjoni u l-ftehim mal-partijiet interessati dwar l-użu
ta’ skema/i ta’ ċertifikazzjoni indipendenti fil-Liberja u
identifikazzjoni tal-iskema/i ta’ ċertifikazzjoni indipendenti li
l-Liberja tirrikonoxxi għall-iskop li tistabbilixxi l-oriġini legali
ta’ zkuk importati minn pajjiżi mhux VPA; (f) Lista ta’ Esklużjoni: L-istabbiliment
ta’ lista ta’ esklużjoni li tidentifika dawk l-individwi li
kkontribbwixxew għall-gwerra ċivili tal-Liberja u b’hekk huma
pprojbiti milli jaħdmu fis-settur tal-foresti, kif meħtieġ
mir-Regolamenti eżistenti tal-FDA; (g) Il-faċilitajiet tal-ipproċessar: Regolament relatat ma’ (i) l-istabbiliment ta’ faċilitajiet
tal-ipproċessar minn detenturi tal-FMCs, u (ii) linji gwida dwar l-operat
ta’ faċilitajiet tal-ipproċessar; (h) Aċċess tal-Parti Terza u
l-Użu ta’ Prodotti tal-Foresti: Regolamenti dwar
l-aċċess ta' parti terza u l-użu ta’ riżorsi tal-foresti
f’żona ta’ konċessjoni ta’ parti oħra; (i) Il-validazzjoni u l-promulgazzjoni tar-Regolamenti tas-Serrieq
bil-katina: sabiex jiġu ggwidati proċeduri ġodda għax-xogħol
mas-settur informali.
2.
IL-MATRIĊI TAL-LEGALITÀ
Fid-determinazzjoni ta’ jekk l-injam jew
prodotti tal-injam li jinbiegħu fis-suq Liberjan jew qed jiġu
esportati mil-Liberja jissodisfawx l-istandard legali stipulat fid-definizzjoni
ta’ “injam legali ”, għandhom japplikaw il-prinċipji u l-indikaturi
kif ukoll il-proċeduri dettaljati tal-verifika kif stipulati fit-tabella
li ġejja. It-tabella tiddeskrivi l-format
tal-Matriċi tal-Legalità (Prinċipji, Indikaturi, Verifikaturi, u
Gwida ta’ Verifika). Il-matriċi hija maqsuma fi 11-il prinċipju,
b’indikaturi u verifikaturi elenkati taħt kull prinċipju, u l-gwida
tal-verifika li tiddeskrivi kif l-indikaturi għandhom jiġu
kkontrollati għall-konformità. Il-gwida tal-verifika (li tindika
l-Għan, il-Kontroll Regolatorju, il-Metodu tal-Verifika, u l-Frekwenza)
tirrifletti l-ħsieb attwali iżda tista' tkun soġġetta
għal tibdil matul aktar żvilupp ta' sistemi u proċeduri. Il-Prinċipju tal-Legalità || Id-definizzjoni tal-legalità Liberjana hija maqsuma fi 11-il prinċipju tal-legalità. Kull prinċipju tal-legalità jikkonsisti minn numru ta’ indikaturi tal-legalità b’verifikaturi taħt kull indikatur. Proċedura ta’ verifika ġiet żviluppata għal kull indikatur. Indikaturi tal-legalità || Dan jiddeskrivi n-norma jew ir-rekwiżit li d-Dipartiment Liberjan tal-Verifika (LVD) jeħtieġ sabiex jikkontrolla l-konformità mal-prinċipju speċifiku tal-legalità. Verifikaturi tal-Legalità || Il-verifikaturi huma evidenza li l-ispetturi/jew l-assessuri tal-LVD se jfittxu meta jevalwaw jekk in-norma jew l-indikatur speċifiku jkunu ġew sodisfatti. Din il-lista mhijiex eżawrjenti u l-assessur jista' juża mezzi addizzjonali sabiex jivverifika l-indikatur rilevanti jekk ikun meħtieġ. Gwida tal-Verifika || Dawn il-prinċipji jiggwidaw l-ispetturi/jew l-assessuri tal-LVD fl-evalwazzjoni tagħhom ta’ indikatur partikolari: 1. L-għan: L-għan jippreżenta l-iskop tal-proċedura tal-verifika. 2. Il-Kontroll Regolatorju: Jipprovdi għar-rekwiżiti normattivi u/jew regolatorji fir-rigward ta’ indikatur partikolari u korpi tal-gvern responsabbli. 3. Metodu tal-Verifika Jipprovdi għal deskrizzjoni u l-metodu tal-verifika u se jikkonsisti minn analiżi tad-dokument, spezzjoni fuq il-post, konferma u/jew konsultazzjoni. 4. Frekwenza: Jipprovdi għall-frekwenza tal-verifika tal-indikatur jew ċerti aspetti minnu mil-LVD. PRINĊIPJU 1: EŻISTENZA/RIKONOXXIMENT LEGALI U ELIĠIBBILTÀ SABIEX WIEĦED JOPERA FIS-SETTUR TAL-FORESTRIJA Id-detentur tal-kuntratt jew il-permess tal-foresta huwa negozju rikonoxxut legalment, komunità jew individwu eliġibbli li jopera fis-settur tal-forestrija Indikatur 1.1 Id-detentur tal-Kuntratt jew tal-permess huwa persuna naturali jew legali rreġistrata kif suppost mal-Gvern tal-Liberja u/jew rikonoxxuta mill-FDA Verifikatur || Tip ta’ Kuntratt jew Permess 1.1.1. Għal korporazzjonijiet u sħubiji, ċertifikat annwali kurrenti tar-Reġistrazzjoni tan-Negozju u liċenzja maħruġa mill-Ministeru tal-Kummerċ u l-Industrija (MOCI) || It-tipi kollha tal-kuntratti jew il-permessi li d-detentur tagħhom huwa negozju rreġistrat 1.1.2. Għal entitajiet korporattivi, artikoli ta’ inkorporazzjoni ffajljati mal-Ministeru tal-Affarijiet Barranin (MOFA) || It-tipi kollha tal-kuntratit jew il-permesis li d-detentur tagħhom hija korporazzjoni. 1.1.3. Għal detenturi li mhumiex negozji rreġistrati, ċertifikat jew ittra ta’ rikonoxximent maħruġa mill-FDA || FMC/TSC taħt il-liġi Komunitarja tal-Forestrija, FUP/PUP, permessi tas-serrieq bil-katina maħruġa lil persuna naturali jew proprjetaru uniku Gwida tal-Verifika || Metodu tal-Verifika || Frekwenza tal-verifika L-għan: L-għan ta’ din il-proċedura huwa li jivverifika li persuna li qed tfittex kuntratt jew permess tal-foresti għall-ħsad, l-ipproċessar jew l-esportazzjoni ta’ zkuk jew kwalukwe prodott tal-injam ieħor fil-Liberja hija jew impriża ta’ negozju rreġistrat kif mistħoqq jew waħda rikonoxxuta mill-FDA bħala kapaċi tikseb u żżomm kuntratt jew permess tal-foresti taħt il-liġi Liberjana. Il-Kontroll Regolatorju: Il-liġi Liberjana tirrikjedi li kwalunkwe persuna li qed tmexxi u/jew twettaq negozju trid tirreġistra n-negozju mal-MOCI. Huwa ksur tal’liġi li wieħed ma jirreġistrax negozju. Biex tinvolvi ruħha fil-forestrija komunitarja il-komunità trid tiġi rikonoxxuta mill-FDA. Ir-reġistrazzjoni tan-negozju tiskadi kull sena fid-data tar-reġistrazzjoni u trid tiġġedded. L-NFRL jipprovdi wkoll li kwalunkwe persuna eliġibbli tista’ tikseb u żżomm kuntratt tal-foresta. It-terminu “persuna” huwa definit sabiex jinkludi kemm persuna naturali kif ukoll legali, u entitajiet inkorporati u mhux inkorporati. || Id-deskrizzjoni: L-eżistenza ta’ dokument validu ta’ reġistrazzjoni tan-negozju hija verifikata mil-LVD. Fil-każ li ċ-ċarezza hija meħtieġa l-LVD jista’ jikseb informazzjoni addizzjonali mill-MOCI u d-Dipartimenti Kummerċjali u Legali tal-FDA. Fil-każ tal-forestrija komunitarja, il-verifika tar-rikonoxximent tal-komunità tal-FDA tista’ tinkiseb mid-Dipartiment Legali u Komunitarju tal-Forestrija tal-FDA. Mezzi ta’ verifika: 1. 1. L-analiżi tad-dokument 2. 2. Konsultazzjoni mal-MOCI u d-Dipartimenti Kummerċjali, Legali u Komunitarju tal-Forestrija tal-FDA. || Kull sena Referenzi: GBL (4.3 sa 4.5); COCS SOP (4) || Indikatur 1.2 Is-sid(sidien) attwali jew il-partijiet interessati ta’ detentur ta’ kuntratt jew permess ma jinkludix(jinkludux) il-President u l-Viċi President attwali tal-Liberja, Membri tal- Leġiżlatura, Membri tal-kabinett, Diretturi u Maniġers tal-FDA, is-Supretendenti attwali tal-kontea jew kwalunkwe persuna speċifikament ipprojbita milli tippossjedi kuntrattur tal-foresti jew interess f’kuntratt tal-foresti Verifikatur || Tip ta’ Kuntratt jew Permess 1.2.1 Għal detentur ta’ kuntratt li huwa negozju rreġistrat, ġurament notarili esegwit mis-CEO tiegħu li jiddikjara li s-sidien tiegħu ma jinkludux persuni pprojbiti || It-tipi kollha ta’ kuntratti u permessi 1.2.2 It-tipi kollha ta’ kuntratti u permessi Lista attwali mħejjija mill-FDA ta’ uffiċjali tal-Gvern anzjani ipprojbiti milli jżommu liċenzja tal-foresti skont it-Taqsima 5.2(b) tal-NFRL || It-tipi kollha ta’ kuntratti u permessi 1.2.3 Lista attwali ta’ partijiet interessati u sidien benefiċjarji ta’ kuntratt korporattiv jew detentur tal-permessi || It-tipi kollha ta’ kuntratti u permessi Gwida/Proċedura tal-Verifika (LAS-LVD-0.1.2) || Metodu tal-Verifika || Frekwenza tal-verifika L-għan: L-għan ta’ din il-proċedura huwa li jiġi żgurat li l-applikanti kollha għal-liċenzjar u/jew konċessjonijiet tal-foresti huma eliġibbli li jżommu liċenzja tal-foresti. Il-Kontroll Regolatorju: Id-detenturi ta’ ċerti pożizzjonijiet fil-Gvern huma pprojbiti mit-Taqsima 5.2b tal-NFRL li jmexxu operazzjonijiet kummerċjali tal-foresti minħabba f’kunflitt ta’ interess attwali jew potenzjali. Interess regolatorju ewlieni huwa li jsir kontro-kontroll tas-sid attwali ta’ detentur tal-kuntratt mal-lista attwali tal-uffiċjali anzjani tal-gvern ipprojbiti miżmuma mill-FDA. Minħabba li r-responsabblità primarja hija tad-detentur tal-kuntratti li jiżgura li s-sidien tiegħu huma persuni eliġibbli, id-dententur tal-kuntratt għandu jagħmel ġurament li huwa f’konformità. Il-veraċità tal-affidavit b’ġurament se tiġi kkontrollata ma’ records disponibbli fir-rigward tas-sidien tad-detentur tal-kuntratt. Il-lista ta' persuni pprojbiti kif ukoll tal-partijiet interessati attwali tan-negozji rreġistrati fil-pussess ta' kuntratt jew liċenzji se titqiegħed fid-dominju pubbliku, kif iddikjarat taħt l-Anness IX ta’ dan il-Ftehim. || Id-deskrizzjoni: Sabiex jiġi żgurat li ġew issodisfatti r-rekwiżiti msemmija hawn fuq, l-LVD irid jirrevedi r-rekords tas-sjieda tad-detentur tal-kuntratt sabiex jivverifika li l-applikant mhuwiex persuna pprojbita jew entità li s-sid(sidien) tiegħu jinkludi(u) persuna(i) pprojbita(i). Mezzi ta’ verifika: 3. 1. Konsultazzjoni mal-FDA 4. 2. L-analiżi tad-dokument || Kull konsenja Referenzi: NFRL (5.2b); Regolament 103-7(21-22) Regolament 104-07(62); Taqsimiet 44, Att dwar il-PPC || Indikatur 1.3 Id-detentur tal-Kuntratt mhuwiex eskluż milli joffri jew japplika għal liċenzja tal-foresti jew kwalunkwe kuntratt/konċessjoni oħra tal-gvern minħabba f’vjolazzjonijiet tal- Att dwar l-Akkwist Pubbliku u l-Konċessjonijiet (PPCA) Verifikatur || Tip ta’ Kuntratt jew Permess 1.3.1 Il-Kummissjoni tal-Konċessjoni tal-Akkwist Pubbliku (PPCC) tiżviluppa u żżomm Lista ta’ Esklużjoni ta’ persuni li nstabu ħatja li kisru l-Att dwar il-PPC u/jew ir-regoli u l-linji gwida stabbiliti tiegħu || FMC, TSC u FUP li għandhom valur ta’ aktar minn USD 10 000,00 Gwida/Proċedura tal-Verifika: || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi żgurat li l-applikanti kollha għal kuntratti jew permessi tal-foresti mhumiex qed jiksru l-Att dwar il-PPC li jirregola l-għotja tal-konċessjonijiet u kuntratti oħra. Il-Kontroll Regolatorju: Applikant għal-liċenzjar tal-foresti ma jridx jiġi eskluż milli joffri għal konċessjoni u kuntratti pubbliċi oħra minħabba fi vjolazzjonijiet ta’ regoli tal-offerti stabbiliti mill-PPCC. Offerenti li jirnexxu jridu jiġu kkontrollati mal-lista ta’ esklużjoni attwali/aġġornata li hija prodotta u miżmuma mill-PPCC taħt it-taqsima 44 tal-Att dwar il-PPC, li tipprekludi ċerti entitajiet milli jingħataw konċessjoni bħala riżultat tal-preżenza ta’ ċerti kondizzjonijiet wara applikazzjoni u/jew offerta li tirnexxi. || Id-deskrizzjoni: Sabiex jiġi żgurat li jkunu ġew sodisfatti r-rekwiżiti hawn fuq, l-LVD irid jivverifika li l-applikant mhuwiex fuq il-lista tal-esklużjoni tal-PPCC. Il-lista tal-esklużjoni tal-PPCC għandha tkun waħda mid-dokumenti mqiegħda fid-dominju pubbliku kif indikat fl-Anness IX ta' dan il-Ftehim. Mezzi ta’ verifika: 5. 1. Konsultazzjoni mal-PPCC 6. 2. L-analiżi tad-dokument || Darba matul il-perjodu tal-kuntratt Referenzi: Taqsimiet 44, Att dwar il-PPC || PRINĊIPJU 2: L-ALLOKAZZJONI TAL-FORESTA Id-Drittijiet tal-Użu tal-Foresti kopert mill-kuntratt ingħata skont il-Liġi Nazzjonali tar-Riforma tal-Foresti u l-Liġi tad-Drittijiet Komunitarji Indikatur 2.1 Il-komunitajiet kollha fir-raġġ ta’ 3.0 kilometri taż-żona proposta għall-konċessjoni (imsejħa “komunitajiet affettwati”) ġew ikkonsultati mill-FDA u taw il-kunsens infurmat tagħhom għall-konċessjoni proposta. Verifikatur || Tip ta’ Kuntratt jew Permess 2.1.1 Rapport tal-istħarriġ soċjo-ekonomiku imħejji mill-FDA || FMC,TSC, u FUP li għandhom valur ta’ aktar minn USD 10 000,00 2.1.2 Avviżi bil-miktub tal-laqgħa (laqgħat) ta' konsultazzjoni (avviżi fuq ir-Radju u fil-Gazzetti) || FMC,TSC, u FUP li għandhom valur ta’ aktar minn USD 10 000,00 2.1.3 Minuti u lista ta’ attendenza tal-laqgħat li juru l-punti ewlenin diskussi u l-ftehimiet li ntlaħqu || FMC,TSC, u FUP li għandhom valur ta’ aktar minn USD 10 000,00 2.1.4 Ittra ta’ bona fede iffirmata minn komunitajiet li qed jimpenjaw ruħhom sabiex jinnegozjaw in bona fede ma' detentur tal-kuntratt eventwali || FMC, TSC, u FUP li għandhom valur ta’ aktar minn USD 10 000,00 Gwida/Proċedura tal-Verifika (LAS-LVD-0.2.1) || Metodu tal-Verifika || Frekwenza tal-Verifika L-għan: Il-liġi tenfasizza r-rwol essenzjali ta’ parteċipazzjoni pubblika fil-governanza parteċipatorja, it-trasparenza u l-proċess tat-teħid tad-deċiżjonijiet. L-iskop ta’ din il-proċedura huwa li tiżgura li tingħata aderenza adegwata lil dan l-aspett fid-determinazzjoni u l-allokazzjoni ta’ riżorsi tal-forestrija fil-Liberja. Il-Kontroll Regolatorju: L-FDA ingħatat il-mandat li tiddeċiedi dwar l-użu u l-allokazzjoni ta’ riżorsi tal-forestrija miżmuma bħala sehem fiduċjarju mill-Gvern. Fid-deċiżjoni tal-ippjanar tal-użu tal-art u l-validazzjoni ta’ riżorsi tal-forestrija, il-parteċipazzjoni pubblika tissodisfa rwol ewlieni u jeżisti dmir fuq l-FDA sabiex tinvolvi ruħha mal-komunitajiet affettwati rilevanti. Bil-ħsieb li tiġi żgurata parteċipazzjoni adegwata, jitpoġġew rekwiżiti fuq l-FDA f’termini tan-notifika, l-infurmar, t-tmexxija ta’ laqgħat, l-irrekordjar ta’ kummenti u l-konsiderazzjoni tal-input ta’ dawn il-komunitajiet. Dan l-approċċ parteċipatorju jiżgura li jitqiesu l-opinjonjiet ta’ partijiet interessati rilevanti u li tittieħed deċiżjoni infurmata f'termini tal-ippjanar tal-użu tal-art u l-validazzjoni ta’ riżorsi tal-forestrija. Skont manwal approvat maħruġ mill-FDA wara proċess ta’ tħejjija parteċipatorja, il-komunitajiet affettwati jinkludu dawk f’raġġ ta’ 3.0 kilometri miż-żona tal-konċessjoni. || Id-deskrizzjoni: L-LVD għandu jivverifika li l-FDA tippjana l-użu tal-art tal-foresti tagħha permezz ta' konsultazzjonijiet meħtieġa b'mod statutorju ma’ komunitajiet u partijiet interessati oħra. Fil-każ ta' konsultazzjonijiet ma' komunitajiet, l-LVD għandu jikkonferma l-fatt u l-kwalità tal-konsultazzjonijiet permezz ta’ reviżjoni tad-dokumentazzjoni, inkluż ir-rapport tal-istħarriġ soċjo-ekonomiku u l-ħin u l-arranġamenti relatati mat-tmexxija u d-diskussjonijiet fil-laqgħat. Jekk ikun meħtieġ, l-aġenziji l-oħra tal-gvern bħall-Ministeru tal-Affarijiet Interni u l-komunitajiet affettwati rilevanti jistgħu jiġu kkonsultati. Mezzi ta’ verifika: 7. 1. Konsultazzjoni mal-FDA u, jekk ikun meħtieġ, il-Ministeru tal-Affarijiet Interni u komunitajiet affettwati 8. 2. L-analiżi tad-dokument || Darba matul il-perjodu tal-kuntratt Referenzi: NFRL (4.1-4.5); Regolament 102-07(21-22) Regolament 104-07(62) Taqsima 87 tal-Att dwar il-PPC || Indikatur 2.2 Qabel l-allokazzjoni tal-kuntratt tal-foresti, l-FDA kisbet Ċertifikat tal-Konċessjoni mill-Ministeru tal-Ippjanar u l-Affarijiet Ekonomiċi, li japprova il-pjan ta’ konċessjoni sottomess mill-FDA u jikkonferma li l-konċessjoni proposta hija konsistenti mal-għanijiet tal-iżvilupp nazzjonali Verifikatur || Tip ta’ Kuntratt jew Permess 2.2.1 Pjan ta’ konċessjoni sottomess mill-FDA lill-Ministeru tal-Ippjanar u l-Affarijiet Ekonomiċi (MPEA) fir-rigward tal-konċessjoni tad-detentur tal-kuntratt || FMC, TSC, u FUP li għandhom valur ta’ USD 10 000,00 jew aktar 2.2.2 Ċertifikat tal-konċessjoni (jew approvazzjoni bil-miktub) maħruġ mill-MPEA lil FDA, li jawtorizza lil FDA sabiex tibda attività’ tal-allokazzjoni tal-konċessjoni/ kuntratt għaż-żona tal-foresta speċifikata || FMC, TSC, u FUP li għandhom valur ta’ USD 10 000,00 jew aktar Gwida/Proċedura tal-Verifika (LAS-LVD-0.2.2) || Metodu tal-Verifika || Frekwenza tal-Verifika L-għan: Il-proċedura timmira sabiex tivverifika li l-għanijiet tal-forestrija tal-Liberja jinqabdu fil-pjan tal-iżvilupp ġenerali tal-pajjiż kif endorsjat mill-MPEA permezz tal-ħruġ ta' ċertifikat tal-konċessjoni. Il-Kontroll Regolatorju: L-FDA trid tiżgura li l-foresta li trid tiġi allokata hija adattata għall-forestrija kummerċjali u li ġie żviluppat pjan ta’ konċessjoni sabiex tiġi żgurata l-konformità mar-rekwiżiti kollha provduti mill-NFRL u l-Att dwar il-PPC, li jirrispetta ż-żoni protetti u d-drittijiet ta’ komunitajiet affettwati speċjalment għall-użu ta’ prodotti tal-foresti li mhumiex tal-injam. || Id-deskrizzjoni: L-LVD irid jivverifika li l-MPEA fil-fatt ħareġ ċertifikat tal-konċessjoni lill-FDA abbażi ta’ reviżjoni tal-pjan tal-konċessjoni żviluppat u sottomess mill-FDA sabiex jiġi żgurat li r-rekwiżiti għal proċedura ta’ offerti kompetittivi jiġu sodisfatti kif provdut mill-NFRL u l-Att dwar il-PPC. Dan isir permezz tal-konsultazzjoni mad-Dipartiment Legali u/jew Kummerċjali tal-FDA Mezzi ta’ verifika: 9. 1. Konsultazzjoni mal-PPCC u/jew id-Dipartimenti Legali u Kummerċjali tal-FDA 10. 2. L-analiżi tad-dokument || Darba matul il-perjodu tal-kuntratt Referenzi: Regolament 104-07 (5.2(a)(i)) l-Att dwar il-PPC (46) || Indikatur 2.3 Id-detentur tal-Kuntratt ikkonforma ma’ rekwiżiti statutorji ta’ prekwalifikazzjoni u kkwalifika kif mistħoqq mill-FDA sabiex (i) jopera fis-settur tal-forestrija, u fil-każ tal- TSC u FMC, (ii) jitfa’ offerta għall-kuntratt Verifikatur || Tip ta’ Kuntratt jew Permess 2.3.1 Rapport tal-kumitat ta' prekwalifikazzjoni fir-rigward tal-proċess tal-prekwalifikazzjoni || FMC, TSC u FUP li għandhom valur ta’ USD 10 000,00 jew aktar 2.3.2 Ċertifikat validu ta’ prekwalifikazzjoni maħruġ mid-detentur tal-kuntratt || FMC, TSC u FUP li għandhom valur ta’ USD 10 000,00 jew aktar 2.3.3 Ikklirjar tat-taxxa li ma juri l-ebda arrettrati tat-taxxa fid-data tas-sottomissjoni || FMC, TSC u FUP li għandhom valur ta’ USD 10 000,00 jew aktar 2.3.4 Garanzija ta' likwidità minn bank b’reputazzjoni fid-data tas-sottomissjoni || FMC, TSC u FUP li għandhom valur ta’ USD 10 000,00 jew aktar 2.3.5 Iċ-ċertifikat tar-reġistrazzjoni tan-negozju kien jeżisti qabel iċ-ċertifikat tal-prekwalifikazzjoni || FMC, TSC u FUP li għandhom valur ta’ USD 10 000,00 jew aktar Gwida/Proċedura tal-Verifika (LAS-LVD-0.2.3) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi vverifikat li kumpanija li qed tapplika għal liċenzja tkun ikkonformat mar-rekwiżiti kollha ta’ prekwalifikazzjoni rilevanti u għalhekk tissodisfa l-kriterji tal-proċess tal-offerti. Il-Kontroll Regolatorju: L-FDA trid tiżgura li r-rekwiżiti kollha ta' prekwalifikazzjoni ġew sodisfatti minn detentur ta' kuntratt partikolari qabel il-proċess tal-offerti u/jew il-kisba tar-riżors tal-foresti. Ir-rekwiżiti ta’ prekwalifikazzjoni fost affarijiet oħra jinkludu: (1) Artikoli ta' inkorporazzjoni mill-Ministeru tal-Affarijiet Barranin (MOFA), (2) Ċertifikat ta’ reġistrazzjoni tan-negozju mill-MOCI, (3) L-ikklirjar tat-taxxa mill-Ministeru tal-Finanzi (MOF), u (4) Garanzija ta’ likwidità minn bank b’reputazzjoni. || Id-deskrizzjoni: L-LVD irid jivverifika li r-rekwiżiti ġew sodisfatti fil-ħin stabbilit mil-liġi. Dan ifisser li ċ-Ċertifikat ta’ Prekwalifikazzjoni irid ikun ġie ddatat qabel mid-detentur tal-kuntratt jew iċ-ċertifikat tar-reġistrazzjoni tan-negozju tal-proċessur, l-ikklirjar tat-taxxa, u l-garanzija tal-bank meħtieġa. Mezzi ta’ verifika: 11. 1. Konsultazzjoni mal-FDA, l-MOF, l-MOFA u l-MOCI. 12. 2. L-analiżi tad-dokument || Once during the Contract period Referenzi: NFRL (5.2(a)(i); Regolament 103-07 (41-46) || Indikatur 2.4 Il-kuntratt tal-foresti inħareġ għall-offerti skont il-proċess tal-offerti kompetittiv u r-regoli stabbiliti mill-Att dwar l-Akkwist Pubbliku u l-Konċessjonijiet u r-Regolamenti maħruġa mill-FDA Verifikatur || Tip ta’ Kuntratt jew Permess 2.4.1 Avviż ta’ offerta pubblika || FMC, TSC u FUP li għandhom valur ta’ aktar minn USD10 000 2.4.2 Rapport tal-bord tal-evalwazzjoni tal-offerta għall-konċessjoni || FMC, TSC u FUP li għandhom valur ta’ aktar minn USD10 000 2.4.3 Rapport tad-diliġenza dovuta mill-FDA || FMC, TSC u FUP li għandhom valur ta’ aktar minn USD10 000 2.4.4 Rapport finali tal-bord tal-evalwazzjoni tal-offerta lill-Kumitat Inter-Ministerjali tal-Konċessjonijiet (IMCC) || FMC, TSC u FUP li għandhom valur ta’ aktar minn USD10 000 2.4.5 Rakkomandazzjonijiet tal-IMCC lill-President || FMC, TSC u FUP li għandhom valur ta’ aktar minn USD10 000 Gwida/Proċedura tal-Verifika (LAS-LVD-0.2.4) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi vverifikat li l-liċenzja tal-foresti għal operazzjonijiet kummerċjali tal-foresti ngħatat abbażi ta' proċess kompetittiv tal-offerti kif rikjest mil-liġi. Il-Kontroll Regolatorju: Il-liġi tirrikjedi li ladarba tiġi sottomessa offerta, l-offerti jiġu evalwati mill-bord tal-evalwazzjoni tal-offerta għall-konċessjoni, li imbagħad jissottometti rapport tal-evalwazzjoni tal-offerta fi żmien 60 jum lill-entità tal-konċessjoni (f'dan il-każ l-FDA). Wara dan, l-FDA tista’ tikkonkludi rapport ta' diliġenza dovuta dwar l-offerti kollha rakkomandati. Imbagħad il-bord tal-evalwazzjoni tal-offerta għall-konċessjoni se jissottometti rapport finali lill-IMCC. L-IMCC imbagħad se jirrevedi r-rapport u jissottometti r-rakkomandazzjonijiet tiegħu lill-President għad-deċiżjoni finali. || Id-deskrizzjoni: L-LVD irid jivverifika li r-rekwiżiti msemmija hawn fuq ġew sodisfatti billi l-ewwel jikkonsulta u jivverifika l-eżistenza u l-validità tad-dokumenti meħtieġa mad-Dipartiment Kummerċjali u/jew id-Dipartiment Legali tal-FDA. Jekk tinħtieġ aktar kjarifika, l-LVD jista’ jikkonsulta mal-Kumitat tal-Evalwazzjoni tal-Offerta għall-Konċessjoni u/jew mal-IMCC. Mezzi ta’ verifika: 13. 1. Konsultazzjoni mal-FDA, l-IMCC u l-PPCC 14. 2. L-analiżi tad-dokument || Darba matul il-perjodu tal-kuntratt Referenzi: NFRL (3.3 &5.2(a)); l-Att dwar il-PPC (115(1)&(2) u 116); u r-Regolamenti tal-FDA 104, Taqsima 31-36 || Indikatur 2.5: F’każ ta’ permess tal-użu privat (PUP), il-kuntratt ingħata mal-permess bil-miktub tas-sid ivverifikat tal-art Verifikatur || Tip ta’ Kuntratt jew Permess 2.5.1 L-att validu tal-proprjetà tas-sid tal-art privata || PUP 2.5.2 Il-permess bil-miktub tas-sid tal-art privata || PUP Gwida/Proċedura tal-Verifika (LAS-LVD-0.2.5) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi żgurat li l-PUP jingħata biss fejn is-sjieda tal-art privata hija stabbilita b’mod ċar u mal-approvazzjoni bil-miktub tas-sid tal-art. Il-Kontroll Regolatorju: L-LVD huwa meħtieġ li jivverifika lis-sid ta’ art privata maħsuba li tkun is-suġġett ta’ PUP. Dan se jinvolvi l-ikkontrollar tal-att tal-proprjetà sottomess mar-rekords pubbliċi fiċ-Ċentru għar-Rekords u d-Dokumentazzjoni Nazzjonali (CNDRA). || Id-deskrizzjoni: L-LVD irid jivverifika li r-rekwiżiti msemmija hawn fuq ġew sodisfatti l-ewwel billi jirrevedi t-titolu tal-proprjetà, u imbagħad billi jikkonferma li l-permess bil-miktub huwa fil-fatt mis-sid tal-art. Mezzi ta’ verifika: 15. 1. Konsultazzjoni mal-CNDRA 16. 2. L-analiżi tad-dokument || Darba matul il-perjodu tal-kuntratt Referenzi: NFRL Taqsima 5.6 || Indikatur 2.6 F’konsultazzjoni mal-partijiet interessati u abbażi tar-rapport tal-istħarriġ soċjo-ekonomiku tagħha, l-FDA ħejjiet mappa integrata li turi ż-żona tal-kuntratt u żoni tal-art maġenbha bħal konċessjonijiet oħra, żoni protetti tal-foresta u art privata. Verifikatur || Tip ta’ Kuntratt jew Permess 2.6.1 Il-mappa tal-FDA li turi ż-żona tal-konċessjoni inkwistjoni u tindika artijiet maġenbha || FMC, TSC, FUP 2.6.2 Ir-rappport tal-infurzar tal-FDA (ir-Rapport ta’ Verifika tal-konformità mal-FDA) || FMC, TSC, FUP Gwida/Proċedura tal-Verifika (LAS-LVD-0.2.6) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi vverifikat li ż-żona tal-konċessjoni mogħtija lid-dententur tal-kuntratt ma taffettwax l-art fil-pussess ta' detentur(i) ieħor(oħra) tal-kuntratt jew żona protetta tal-foresta. Il-Kontroll Regolatorju: Huwa essenzjali li kull żona tal-kuntratt tiġi demarkata kif suppost sabiex jiġi evitat li żoni ta' konċessjoni jirkbu fuq xulxin jew jaffettwaw żoni protetti tal-foresti || Id-deskrizzjoni: L-LVD għandu jivverifika li dawn ir-rekwiżiti ġew sodisfatti billi jikkontrolla l-validità tal-mappa tal-konċessjoni mad-Dipartiment tar-Riċerka u l-Iżvilupp u d-Dipartiment tal-Infurzar tal-Liġi tal-FDA. Mezzi ta’ verifika: 17. 1. Konsultazzjoni mad-Dipartimenti tar-Riċerka u l-Iżvilupp u tal-Infurzar tal-Liġi tal-FDA 18. 2. L-analiżi tad-dokument || Darba matul il-perjodu tal-kuntratt Referenzi: COCS SOP (7, 8, 19, 20 & 21) Regolament 109-07 || Indikatur 2.7 Id-detentur tal-foresti issottometta garanzija tal-offerent flimkien mal-offerta tiegħu għall-kuntratt tal-foresta lill-FDA Verifikatur || Tip ta’ Kuntratt jew Permess 2.7.1 L-irċevuta tal-garanzija tal-offerent maħruġa mill-FDA || FMC u TSC Gwida/Proċedura tal-Verifika (LAS-LVD-0.2.7) || Metodu tal-Verifika || Frekwenza tal-Verifika L-għan: L-għan ta' din il-proċedura huwa li jiġi vverifikat li l-offerent ikun issottometta l-garanzija statutorju meħtieġ u ssodisfa r-rekwiżiti rilevanti. Il-Kontroll Regolatorju: Ir-Regolamenti tal-FDA 104-07 jirrikjedu li l-offerenti għall-FMC u t-TSC jissottomettu garanzija ta’ offerta flimkien mal-offerta tagħhom. Il-garanzija għandha tkun valida għal mill-inqas 12-il xahar u fl-ammont ugwali għal 1/6 tal-miżata annwali taż-żona determinata għal kuntratt partikolari. Barra minn hekk, il-garanzija trid tinħareġ minn istituzzjoni kompetenti u awtorizzata fil-Liberja. Skont it-Taqsima 43 tar-Regolament 104-07, fi żmien 30 jum wara l-għażla tal-offerent ir-rebbieħ, l-offerent ir-rebbieħ jista’ jitlob lura l-garanzija oriġinali billi jiddepożita ammont tal-garanzija fi flus mal-Bank Ċentrali tal-Liberja jew bank ieħor maħtur uffiċjalment sabiex iżomm il-kontijiet tal-FDA u jippreżenta l-prova tad-depożitu lill–FDA. Ir-Regolament jipprovdi wkoll li mal-preżentazzjoni fil-ħin tal-prova tad-depożitu tal-valur tal-garanzija mal-Bank Ċentrali tal-Liberja, l-FDA għandha tirritorna l-garanzija oriġinali lill-offerent ir-rebbieħ. Madankollu, jekk l-offerent ir-rebbieħ jonqos milli joffri prova ta’ depożitu fi żmien 30 jum wara l-għażla, l-FDA għandha tiġbed mill-garanzija u tiddepożita l-fondi mal-Bank Ċentrali tal-Liberja jew bank ieħor iddeżinjat uffiċjalment sabiex iżomm il-kontijiet tal-Awtorità. Fl-aħħarnett, jekk l-offerent ir-rebbieħ u l-Gvern jeżegwixxu l-kuntratt fir-rigward ta' liema ġie sottomess il-garanzija, l-FDA għandha tirranġa li tikkredita l-fondi depożitati lejn kwalunkwe ammonti li l-offerent ir-rebbieħ għandu jagħti lill-Gvern skont il-kuntratt. || Id-deskrizzjoni: L-LVD irid jivverifika li r-rekwiżiti ġew sodisfatti billi jikkonsulta ma’, u jivverifika l-validità tal-Irċevuta tal-Garanzija tal-Offerenti mad-Dipartiment Kummerċjali u/jew Finanzjarju tal-FDA. Mezzi ta’ verifika: 19. 1. Konsultazzjoni mad-dipartimenti Kummerċjali / Finanzjarji tal-FDA 20. 2. L-analiżi tad-dokument || Darba matul il-perjodu tal-kuntratt Referenzi: Regolament 104-07 (43 & 61(b)) COCS SOP (9) || Indikatur 2.8 Id-detentur tal-kuntratt jiddepożita garanzija ta’ prestazzjoni inizjali fil-perjodu speċifikat mil-liġi wara l-konklużjoni tan-negozjati tal-kuntratt Verifikatur || Tip ta’ Kuntratt jew Permess 2.8.1 Kopja tal-garanzija tal-prestazzjoni ddepożitat fi żmien 90 jum mill-konklużjoni tan-negozjati || FMC 2.8.2 Kopja tal-garanzija tal-prestazzjoni ddepożitat fi żmien 30 jum mill-konklużjoni tan-negozjati || TSC Gwida/Proċedura tal-Verifika (LAS-LVD-0.2.8) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi vverifikat li l-garanzija tal-prestazzjoni meħtieġa ġiet ddepożitata fil-perjodu taż-żmien meħtieġ. Il-Kontroll Regolatorju: Ir-Regolament 104-07 jirrikjedi li d-detenturi tal-kuntratt tal-FMC u t-TSC (iżda mhux l-FUP jew il-PUP) jissottomettu garanzija tal-prestazzjoni fil-perjodu taż-żmien meħtieġ: 1. FMC: il-garanzija tal-prestazzjoni trid tiġi sottomessa fi żmien 90 jum fl-ammont ta' 150 000 USD (inqas minn 10 0000ha) jew sa 250 000USD (aktar minn 100 000 ha 2. TSC: il-garanzija tal-prestazzjoni fi żmien 30 jum fl-ammont ta’ 25 000 USD. || Id-deskrizzjoni: L-LVD irid jivverifika li r-rekwiżiti msemmija hawn fuq ġew sodisfatti billi jikkonsulta ma’ u jivverifika l-eżistenza u l-validità tal-garanzija tal-prestazzjoni mad-Dipartiment Kummerċjali u/jew Finanzjarju tal-FDA. Mezzi ta’ verifika: 21. 1. Konsultazzjoni mad-Dipartimenti Kummerċjali u/jew Finanzjarji tal-FDA 22. 2. L-analiżi tad-dokument || Darba fil-bidu tal-perjodu tal-kuntratt Referenzi: Regolament 104-07(61(b)); COCS SOP (9) || Indikatur 2.9 Il-kuntratt tal-foresti ġie ffirfmat mid-detentur tal-kuntratt u l-FDA u, fejn applikabbli, ratifikat kif mistħoqq f’konformità mal-liġi Verifikatur || Tip ta’ Kuntratt jew Permess 2.9.1 L-Att li jirratifika l-kuntratt tal-foresti, li huwa ffirmat mill-President u stampat f’hand bills || FMC u konċessjonijiet/pjantazzjonijiet agrikoli 2.9.2 Il-kuntratt iffirmat mid-detentur tal-kuntratt u d-Direttur Amministrattiv tal-FDA || TSC, FUP, PUP, permessi tas-Serrieq bil-katina Gwida/Proċedura tal-Verifika (LAS-LVD-0.2.9) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi vverifikat li l-kuntratti tal-foresti kollha jiġu konklużi f’konformità mal-liġi. Fir-rigward tal-FMCs, l-għan huwa li jiġi żgurat li barra milli jiġi ffirmat mid-detentur tal-kuntratt u l-Gvern tal-Liberja, att li jirratifika lill-FMC jiġi mgħoddi wkoll miż-żewġt ikmamar tal-Leġiżlatura u approvat mill-President. Fir-rigward tal-kuntratti l-oħra kollha, l-għan huwa li jiġi żgurat li jiġu ffirmati kif suppost bejn id-detentur tal-kuntratt u l-ġestjoni tal-FDA. Il-Kontroll Regolatorju: Ladarba FMC jiġi ffirmat ma’ offerent li jirnexxi, l-FMC għandu jiġi ratifikat mil-Leġiżlatura u l-att tal-Leġiżlatura li jirratifika l-FMC approvat mill-President. Il-kuntratti tal-foresti u l-liċenzji l-oħra kollha jiġu ffirmati bejn id-detentur tal-kuntratt u l-FDA. || Id-deskrizzjoni: L-LVD jivverifika li (1) kull FMC ikun ġie ffirmat u rratifikat, u (2) il-liċenzji tal-foresti l-oħra kollha jiġu ffiirmati mid-detentur rilevanti tal-kuntratt u d-Direttur Amministrattiv tal-FDA mal-approvazzjoni mill-Bord tal-FDA. L-LVD irid jivverifika li r-rekwiżiti msemmija hawn fuq ikunu ġew sodisfatti billi jikkonsulta mad-Dipartimenti Kummerċjali u Legali tal-FDA. Mezzi ta’ verifika: 23. 1. L-analiżi tad-dokument 24. 2. Konsultazzjoni mad-Dipartiment Kummerċjali jew Legali tal-FDA || Darba fil-bidu tal-perjodu tal-kuntratt Referenzi: NFRL (5.3); Regolamenti 104-07 (62); COCS SOP (5) || PRINĊIPJU 3: OBBLIGI SOĊJALI U L-QSIM TAL-BENEFIĊĊJI Id-detentur tal-kuntratt huwa f’konformità mar-rekwiżiti tal-obbligi soċjali u l-qsim tal-benefiċċji stabbiliti bil-Liġi Indikatur 3.1 Id-detentur tal-kuntratt innegozja ftehim soċjali mar-rappreżentanti awtorizzati ta’ komunitajiet affettwati fir-raġġ 3.0 kilometri miż-żona proposta tal-konċessjoni jew il-permess wara avviż bil-quddiem lil dawn il-komunitajiet affettwati Verifikatur || Tip ta’ Kuntratt jew Permess 3.1.1 Il-minuti tal-laqgħa li jirriflettu diskussjonijiet u ftehimiet attwali li ntlaħqu mid-detentur tal-kuntratt u rappreżentanti awtorizzati ta’ komunitajiet affettwati identifikati aktar qabel mill-FDA matul l-istħarriġ soċjo-ekonomiku tagħha || FMC, TSC, FUP li għandhom valur ta’ aktar minn USD 10 000,00 3.1.2 Avviż imwassal jew ippubblikat tal-intenzjoni ta' negozju ma' komunitajiet affettwati (avviżi bir-radju jew riklami fil-gazzetti) || FMC, TSC, FUP li għandhom valur ta’ aktar minn USD 10 000,00 3.1.3 Evidenza li ma ġie ppreżentat l-ebda ilment mal-FDA minn komunità affettwata li jallega esklużjoni minn negozjat jew nuqqas ta’ negozjar min-naħa tad-detentur tal-kuntratt || FMC, TSC, FUP li għandhom valur ta’ aktar minn USD 10 000,00 Gwida/Proċedura tal-Verifika (LAS-LVD-0.3.1) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi żgurat li detentur tal-kuntratt jaderixxi mar-rekwiżiti statutorji u tal-FDA, rilevanti kollha li jappartjenu għal obbligi soċjali qabel ma jikseb iċ-Ċertifikat Annwali tal-Ħsad tiegħu għall-FMC, it-TSC, jew l-FUP. Il-Kontroll Regolatorju: L-NFRL u r-Regolamenti 105-07 promulgati taħt l-NFRL it-tnejn ipoġġu dmir fuq id-detenturi tal-FMC, it-TSC u l-FUPs prinċipali sabiex jinnegozjaw ‘Ftehim Soċjali’ ma’ komunitajiet affettwati permezz tar-rappreżentanti awtorizzati tagħhom fir-rigward ta’ foresti li jridu jiġu maħsuda. Ir-Regolament jiddefinixxi komunitajiet affettwati bħala “komunità li tinkludi inqas minn distrett statutorju (inkluż chiefdoms, klannijiet, bliet żgħar, bliet, irħula, u abitazzjonijiet umani) li l-interess tagħhom x'aktarx jiġi affettwat mill-operazzjonijiet imwettqa taħt liċenzja ta' riżorsi tal-foresti. “Interessi” għall-iskopijiet ta’ din id-definizzjoni jistgħu jkunu ta’ natura ekonomika, tas-saħħa ambjentali, tal-għixien, estetika, kulturali, spiritwali jew reliġjuża.” Fil-prattika, il-komunitajiet affettwati jiġu definiti u identifikati mill-FDA matul l-ippjanar tal-użu tal-foresti u l-istħarriġ soċjo-ekonomiku ta’ qabel l-allokazzjoni tagħha. Skont ir-Regolamenti 105-07 it-tul ta' żmien ta' dawn il-ftehimiet soċjali huwa ta’ ħames (5) snin għall-FMCs u l-FUPs, u tliet (3) snin għat-TSCs. L-iffirmar ta’ ftehim soċjali huwa rekwiżit ta’ qabel it-twaqqigħ tas-siġar għal FMCs u TSCs. || Id-deskrizzjoni: L-LVD irid jivverifika li r-rekwiżiti jiġu sodisfatti permezz ta' konsultazzjoni u verifika mad-Dipartiment tal-Forestrija Komunitarja tal-FDA. Mezzi ta’ verifika: 25. 1. Konsultazzjoni mad-Dipartiment tal-Forestrija Komunitarja tal-FDA u komunitajiet affettwati 26. 2. L-analiżi tad-dokument || Kull Ċiklu[19] Referenzi: Regolament 105-07 (31&32); NFRL, Taqsima 5.6(d)(vi) || Indikatur 3.2 Ftehim soċjali nnegozjat b’mod reċiproku ġie ffirmat bejn id-detentur tal-kuntratt u l-komunitajiet affettwati KOLLHA permezz tar-rappreżentanti awtorizzati tagħhom, u il-ftehim isir effettiv qabel il-bidu tal-operazzjonijiet tat-twaqqigħ tas-siġar Verifikatur || Tip ta’ Kuntratt jew Permess 3.2.1 Ftehim Soċjali esegwit iffirmat mid-detentur tal-kuntratt u kull komunità affettwata permezz tal- Kumitat Komunitarju tal-Iżvilupp tal-Forestrija (CFDC) || FMC, TSC, u FUP li għandhom valur ta' aktar minn USD 10 000,00 3.2.2 Ftehim Soċjali li kien jeżisti qabel iċ-Ċertifikat Annwali tal-Ħsad ta' detentur tal-kuntratt || FMC, TSC, u FUP li għandhom valur ta' aktar minn USD 10 000,00 3.2.3 Lista ta' CFDC identifikata minn jew irreġistrata mal-FDA || FMC, TSC, u FUP li għandhom valur ta' aktar minn USD 10 000,00 Gwida/Proċedura tal-Verifika (LAS-LVD-0.3.2) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi żgurat li detentur ta’ FMC, TSC u/jew FUP li għandu valur ta' aktar minn USD 10 000,00 ikun iffirma ftehim soċjali mal-komunitajiet affettwati kollha qabel l-operazzjonijiet tal-qtugħ tas-siġar. Il-Kontroll Regolatorju: Id-detentur u/jew il-kumpanija jistgħu jinnegozjaw biss il-Ftehim Soċjali mas-CFDC li jaġixxi f’isem il-komunitajiet affettwati. Is-CFDC irid ikun rappreżentant tal-komunitajiet kollha affettwati mill-attivitajiet tal-qtugħ tas-siġar tad-detenturi tal-kuntratt. Jista' jkun hemm iktar minn CFDC wieħed li jirrappreżenta komunitajiet affettwati. Titwettaq verifika annwali mill-FDA sabiex tiġi monitorjata, ivvalutata u żgurata l-konformità mal-kondizzjonijiet ta’ FMC, TSC u FUP li għandhom valur ta' aktar minn USD 10 000,00. It-Taqsima 31 (b) (1) tar-Regolamenti 105-07 tiddikjara li d-detentur tal-kuntratt “għandu jiżgura li f’kull ħin, għat-tul ta' żmien tal-liċenzja tar-riżorsi tal-foresti, ikun fis-seħħ ftehim soċjali għall-benefiċċju tal-komunitajiet affettwati kollha fir-rigward taż-żona fejn se jsir il-qtugħ tas-siġar”. It-Taqsima 31 (b) (2) tipprovdi wkoll li d-detentur tal-kuntratt ma jistax iwaqqa’ s-siġar ħlief jekk ikun fis-seħħ ftehim soċjali għall-benefiċċju tal-komunitajiet affettwati kollha fir-rigward taż-żona fejn se jsir il-qtugħ tas-siġar taħt Liċenzja tar-riżorsi tal-foresti.” || Id-deskrizzjoni: L-LVD irid jivverifika li r-rekwiżiti msemmija hawn fuq ġew sodisfatti permezz ta’ konsultazzjoni ma’ u l-verifika tal-ftehim soċjali esegwit mad-Dipartiment Komunitarju tal-Forestrija tal-FDA. Mezzi ta’ verifika: 27. 1. Konsultazzjoni mad-Dipartiment Komunitajru tal-Forestri tal-FDA u komunitajiet affettwati. 28. 2. L-analiżi tad-dokument 29. 3. Spezzjoni fuq il-post || Kull Ċiklu Referenzi: Regolament 105-07 (31) || Indikatur 3.3 It-termini tal-ftehim soċjali bejn id-detentur tal-kuntratt/il-permess u l-komunitajiet affettwati jinkludu kodiċi ta’ kondotta li tirregola l-partijiet fil-ftehim, mekkaniżmu għas-soluzzjoni tat-tilwim, flimkien ma’ (i) deskrizzjoni ta’ ammonti ta’ benefiċċji finanzjarji pagabbli lill-komunità mid-detentur tal-kuntratt u (ii) rekwiżit li d-detentur tal-kuntratt/il-permess iħallas l-ammonti kull tliet xhur f'kont li jagħti l-interessi miżmum minn terzi (escrow) li d-detentur tal-kuntratt/ il-permess għandu jżomm b’fiduċja f’isem il-komunitajiet affettwati kollha. Verifikatur || Tip ta’ Kuntratt jew Permess 3.3.1 Il-kodiċi ta’ kondotta li tirregola d-drittijiet u r-responsabbiltajiet ta' komunitajiet affettwati u d-detentur tal-kuntratt/ il-permess || FMC, TSC, u FUP li għandhom valur ta’ aktar minn USD 10 000,00 3.3.2 Id-deskrizzjoni tal-miżata minima kull metru kubiku li d-detentur tal-kuntratt/ il-permess se jħallas fuq bażi ta’ kull tliet xhur lill-komunitajiet affettwati (jekk ikun hemm oħrajn, speċifika) || FMC, TSC u FUP li għandhom valur ta' aktar minn USD 10 000,00 3.3.3 Il-ktieb tal-bank jew rekords oħra tal-kont li jagħti l-interessi u miżmum minn terzi miftuħ mid-detentur tal-kuntratt/ il-permess b’fiduċja għall-komunitajiet affettwati || FMC, TSC u FUP li għandhom valur ta' aktar minn USD 10 000,00 3.3.4 Il-mekkaniżmu tas-soluzzjoni tat-tilwim stabbilit || FMC, TSC u FUP li għandhom valur ta' aktar minn USD 10 000,00 Gwida/Proċedura tal-Verifika (LAS-LVD-0.3.3) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi żgurat li r-rekwiżiti statutorji kollha qed jiġu sodisfatti u li l-kondizzjonijiet u/jew l-elementi preskritti huma inklużi fil-ftehim soċjali nnegozjat. Il-Kontroll Regolatorju: Kwalunkwe ftehim soċjali nnegozjat bejn CFDC wieħed jew aktar irid fost affarijiet oħra jinkudi: 1. Deskrizzjoni tad-drittijiet u r-responsabbiltajiet ta’ membri ta’ komunitajiet affettwati kif ukoll id-detentur; 2. Deskrizzjoni tal-benefiċċji finanzjarji li komunità affettwata se tirċievi; 3. Rekwiżit li d-detentur tal-kuntratt/ il-permess iħallas benefiċċji finanzjarji fuq bażi ta' kull tliet xhur f'kont li jagħti l-interessi miżmum minn terzi b'fiduċja għall-komunità. 4. Rekwiżit li l-fondi jiġu rilaxxati biss f’benefiċċju, mat-talba bil-miktub ta’ CFDC, basta din it-talba tiġi approvata mill-FDA. It-taqsima 33(a) tar-Regolamenti 105-07 tipprovdi li l-FDA għandha tagħmel kodiċijiet tal-kondotta mudell disponibbli liberament fuq l-Internet u għandha, fuq talba, tipprovdi kopji fuq karta jew elettroniċi ta’ kodiċijiet tal-kondotta mudell lil detenturi tal-kuntratt/ il-permess, is-CFDCs, u komunitajiet affettwati. || Id-deskrizzjoni: L-LVD irid jivverifika li r-rekwiżiti msemmija hawn fuq ġew sodisfatti permezz ta’ konsultazzjoni u verifika tal-kontenuti tal-ftehim soċjali ffirmat mad-Dipartiment Komunitarju tal-Forestrija tal-FDA. Mezzi ta’ verifika: 30. 1. L-analiżi tad-dokument 31. 2. Żjara fuq il-post mal-komunitajiet || Kull ċiklu[20] Referenzi: NFRL (5.3(b) &5.6(d)), Regolament 105-07 (33) || Indikatur 3.4 Il-ftehim soċjali bejn id-detentur tal-kuntratt u l-komunità jew il-komunitajiet ġie attestat mill-FDA Verifikatur || Tip ta’ Kuntratt jew Permess 3.4.1 Ftehim soċjali attestat mill-FDA bejn id-detentur tal-kuntratt u l-komunità affettwata || FMC, TSC, u FUP li għandhom valur ta' aktar minn USD 10 000,00 Gwida/Proċedura tal-Verifika (LAS-LVD-0.3.4) || Metodu tal-Verifika || Frekwenza tal-Verifika L-għan: L-għan ta’ din il-proċeduri huwa sabiex jiġi żgurat u/jew ivverifikat li l-ftehim soċjali jkun ġie approvat mill-FDA. Il-Kontroll Regolatorju: Kwalunkwe ftehim soċjali nnegozjat irid jiġi sottomess lill-FDA għall-attestazzjoni. Mal-irċevuta tad-dokument, l-FDA se tirrevedi l-ftehim sabiex tiddetermina l-kompletezza, il-preċiżjoni u l-konformità tagħha mal-liġi. Jekk il-ftehim ma jissodisfax il-kriterji rilevanti, l-FDA trid tirrifjutah u tipprovdi raġunijiet għad-deċiżjoni tagħha. Id-detentur jista’ jirrimedja kwalunkwe defiċjenza u jissottometti mill-ġdid il-ftehim soċjali lill-FDA għal konsiderazzjoni mill-ġdid. L-FDA se tattesta għall-ftehim soċjali jekk tkun sodisfatta li l-ftehim huwa komplet, preċiż u jikkonforma mal-liġijiet rilevanti. || Id-deskrizzjoni: L-LVD irid jivverifika li r-rekwiżiti msemmija hawn fuq ġew sodisfatti permezz ta’ konsultazzjonijiet ma’ u verifika tal-eżistenza u l-validità tal-ftehim soċjali attestat mad-Dipartiment Komunitarju tal-Forestrija tal-FDA. Mezzi ta’ verifika: 32. 1. Konsultazzjoni mad-Dipartiment Komunitarju tal-Forestrija tal-FDA 33. 2. L-analiżi tad-dokument 34. 3. Żjara fuq il-post ma’ komunitajiet magħżula || Kull ċiklu Referenzi: Regolament 105-07 (36) COCS SOP (9) || Indikatur 3.5 Il-miżati stipulati dovuti lill-komunitajiet mid-detentur tal-kuntratt taħt il-ftehim soċjali jridu jitħallsu mid-detentur tal-kuntratt (i) fil-perjodi taż-żmien preskritti u (ii) f’kont miżmum minn terzi miftuħ mid-detentur tal-kuntratt għal dan l-iskop Verifikatur || Tip ta’ Kuntratt jew Permess 3.5.1 Dikjarazzjonijiet awtentikati tal-bank kull tliet xhur tal-kont miżmum minn terzi || FMC, TSC u FUP li għandhom valur ta' aktar minn USD 10 000,00 3.5.2 Verifiki ta’ Konformità mal-FDA || FMC, TSC u FUP li għandhom valur ta' aktar minn USD 10 000,00 Gwida/Proċedura tal-Verifika (LAS-LVD-0.3.5) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi vverifikat li l-miżati rilevanti dovuti lill-komunità jkunu tħallsu fi żmien xieraq. Il-Kontroll Regolatorju: Il-ftehim soċjali jinkludi termini finanzjari tal-prestazzjoni li huma importanti għall-ftehimiet. Huwa għalhekk essenzjali li l-ħlas fi żmien xieraq tal-miżati mifthiema u pprovduti fil-ftehimiet soċjali jiġi vverifikat. Fil-livell operattiv, punti ta’ kontroll jistgħu jinkludu dikjarazzjonijiet ta' kont miżmum minn terzi, u rapporti ta' verifika annwali mill-FDA li jkejlu l-konformità ta’ detenturi tal-kuntratt. || Id-deskrizzjoni: L-LVD irid jivverifika li r-rekwiżiti msemmija hawn fuq ġew sodisfatti permezz ta’ konferma. Fil-każ li tinħtieġ aktar kjarifika, id-Dipartimenti Kummerċjali u Komunitarji tal-Forestrija tal-FDA jistgħu jiġu kkonsultati. Mezzi ta’ verifika: 35. 1. Konsultazzjoni mad-dipartiment Komunitarju tal-forestrija tal-FDA 36. 2. L-analiżi tad-dokument 37. 3. Spezzjonijiet fuq il-post || Kull konsenja Referenzi: Regolament 105-07(36)10 Regolament 107-07 (33); || PRINĊIPJU 4: L-OPERAZZJONIJIET TA’ ĠESTJONI U L-ĦSAD TAL-FORESTI Operazzjonijiet ta’ ġestjoni u l-ħsad tal-foresti jikkonformaw mal-liġijiet applikabbli kollha Indikatur 4.1 Id-detentur tal-kuntratt jew il-permess lesta pjan operazzjonali annwali u fejn huwa applikabbli, pjan ta’ ġestjoni tal-foresti Verifikatur || Tip ta’ Kuntratt jew Permess 4.1.1 Iċ-Ċertifikat Annwali tal-Ħsad || It-tipi kollha ta’ kuntratti u permessi ħlief konċessjonijiet/pjantazzjonijiet agrikoli 4.1.2 Pjan operazzjonali annwali approvat || It-tipi kollha ta’ kuntratti u permessi ħlief konċessjonijiet/pjantazzjonijiet agrikoli 4.1.3 Pjan approvat tal-ġestjoni tal-foresti || FMC 4.1.4 Permess bil-miktub mis-sid tal-art || PUP Gwida/Proċedura tal-Verifika (LAS-LVD-0.4.1) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi żgurat li kull detentur tal-kuntratt jikkonforma mal-prerekwiżiti statutorji rilevanti qabel ma jibdew l-operazzjonijiet tat-twaqqigħ tas-siġar. Il-Kontroll Regolatorju: 1. FMC: Kuntratti jingħataw fuq l-art tal-foresti vvalidati u f’konformità mar-rekwiżiti tal-Att dwar il-PPC. L-FMC huwa kuntratt ta’ 25 sena u huwa soġġett għal pjan ta’ ġestjoni, Valutazzjoni tal-Impatt Ambjentali (EIA), pjan tan-negozju, Ftehimiet Soċjali, u pjanijiet annwali operattivi. 2. TSC: kuntratti ta’ tliet snin mogħtija f’konformità mal-Istrateġija Nazzjonali tal-Ġestjoni tal-Foresti, ivvalidati u jissodisfaw ir-rekwiżiti tal-Att dwar il-PPC u soġġetti għal pjanijiet annwali operazzjonali. 3. F’xi każijiet iżolati, jista’ jkun hemm każijiet fejn l-FUP jaqbeż ir-rekwiżiti antiċipati fuq skala żgħira u jiġi vvalidat formalment. F’xi istanzi l-LVD jista’ jinħtieġ li jevalwa kwalunkwe rekwiżit ta’ qabel il-ħsad li jista' jaderixxi ma’ dan l-FUP. 4. PUP: għall-użu kummerċjali kollu ta’ riżorsi tal-foresti fuq art privata, operatur jista’ jkun is-sid tal-art jew ikollu l-permess tas-sid tal-art u jżomm PUP validu maħruġ mill-FDA. Detentur ta’ PUP ma jistax jibda t-twaqqigħ tas-siġar ħlief jekk ikollu ċertifikat annwali tal-ħsad u pjan annwali operazzjonali approvati. || Id-deskrizzjoni: L-LVD irid jivverifika li r-rekwiżiti msemmija hawn fuq ġew sodisfatti permezz ta’ konsultazzjoni mal-FDA u l-EPA inkluż id-Dipartimenti Kummerċjali u Komunitarji tal-Forestrija. Mezzi ta’ verifika: 38. 1. Konsultazzjoni mal-FDA u l-EPA 39. 2. L-analiżi tad-dokument 40. 3. spezzjoni fuq il-post || Kull sena (għal pjan operazzjonali); Kull ċiklu (pjan ta’ ġestjoni) Referenzi: NFRL (4.5, 5.3,5.4, 5.6) Regolament 104-07 (62a); EPML (23) ; COCS SOP (9) || Indikatur 4.2 Id-detentur tal-kuntratt jew il-permess jikkonforma mat-termini tal-pjan annwali operazzjonali tiegħu u r-rekwiżiti tal-liġi fir-rigward tal-ispeċijiet u l-kwantitajiet li għandu l-permess li jaħsad. Verifikatur || Tip ta’ Kuntratt jew Permess 4.2.1 Blokok annwali approvati || FMC 4.2.2 Kompartiment u coupe annwali || Il-kuntratti kollha tal-foresti ħlief FMC 4.2.3 Verifika tad-dejta tas-siġar imwaqqgħin (SOP 11) || It-tipi kollha ta’ kuntratti u permessi ħlief il-konċessjonijiet/pjantazzjonijiet agrikoli 4.2.3 Rapport ta’ verifika ta' konformità annwali tal-FDA || It-tipi kollha ta’ kuntratti u permessi ħlief il-konċessjonijiet/pjantazzjonijiet agrikoli Gwida/Proċedura tal-Verifika (LAS-LVD-0.4.3) || Metodu tal-Verifika || Frekwenza tal-Verifika L-għan: L-għan ta' din il-proċedura huwa li jiġi żgurat li detentur tal-kuntratt jew il-permess jikkonforma mal-allokazzjonijiet u l-obbligi annwali tiegħu tal-ħsad kif approvat mill-FDA. Il-Kontroll Regolatorju: 1. Iċ-ċertifikat annwali approvat tal-ħsad jipprovdi l-parametri li fihom irid jaħdem operatur partikolari, kif ukoll ir-rekwiżiti li jridu jiġu mħarsa, fi ħdan il-perjodu annwali speċifikat. 2. L-FDA għandha żewġ mekkaniżmi operazzjonali ta’ kontroll: 2.1. Monitoraġġ kontinwu fuq il-post, u 2.2 Awditjar annwali ta’ konformità mmexxija mill-FDA sabiex tiġi monitorjata, ivvalutata u żgurata l-konformità mal-kondizzjonijiet ta' FMC, TSC, FUP u/jew PUP uniku. || Id-deskrizzjoni: Dan ir-rekwiżit jiġi vverifikat fid-dettall mill-LVD. L-LVD irid jivverifika li r-rekwiżiti msemmija hawn fuq ġew sodisfatti permezz ta’ konsultazzjoni mad-Dipartiment Kummerċjali tal-FDA. Mezzi ta’ verifika: 41. 1. Konsultazzjoni mad-Dipartiment Kummerċjali tal-FDA 42. 2. Spezzjoni fuq il-post || Kull sena Referenzi: NFRL (3.2;3.4) & COCS SOP (7-11) || PRINĊIPJU 5: OBBLIGI AMBJENTALI Id-Detentur tal-Kuntratt u l-Proċessur tal-Injam issodisfaw l-obbligi ambjentali kollha meħtieġa mil-liġi Indikatur 5.1 Id-detentur tal-Kuntratt jew il-permess u l-proċessur tal-injam temmew Valutazzjoni tal-Impatt Ambjentali li hija approvata mill-EPA. Verifikatur || Tip ta’ Kuntratt jew Permess 5.1.1 Ir-rapport tal-Valutazzjoni tal-Impatt Ambjentali imħejji minn jew għad-detentur tal-kuntratt jew il-proċessur tal-injam || It-tipi kollha ta’ kuntratti u permessi 5.1.2 l-Liċenzja tal-Impatt Ambjentali maħruġa mill-EPA lid-detentur tal-kuntratt jew il-proċessur tal-injam qabel il-bidu tal-operazzjonijiet tal-ħsad || It-tipi kollha ta’ kuntratti u permessi 5.1.3 Il-Permess tal-Impatt Ambjentali maħruġ mill-EPA lid-detentur tal-kuntratt jew il-proċessur tal-injam li jiddikjaral-kondizzjoni(jiet), jekk ikun hemm, tal-Liċenzja tal-Impatt Ambjetali elenkata bħala Verifikatur 5.1.2 || It-tipi kollha ta’ kuntratti u permessi Gwida/Proċedura tal-Verifika (LAS-LVD-0.5.1) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi vverifikat li r-rekwiżiti rilevanti jkunu ġew issodisfatti fir-rigward tal-proċess tal-applikazzjoni tal-EIA. Il-Kontroll Regolatorju: Liċenzja tal-Valutazzjoni tal-Impatt Ambjentali (EIA) hija meħtieġa mil-Liġi tal-Protezzjoni u l-Ġestjoni Ambjentali (EPML) tal-2002 għal attivitajiet elenkati u/jew identifikati fl-Anness 1 għall-Att. Fir-rigward tal-attivitajiet tal-forestrija, dawn li ġejjin jeħtieġu EIA: (1) il-qtugħ tas-siġar u/jew l-ipproċessar tal-injam, (2) il-forestrija ta’ pjantazzjoni. Flimkien mal-Liċenzja Ambjentali, l-EPA toħroġ Permess tal-Impatt Ambjentali li jiddikjara l-kondizzjonijiet li jiġu mal-Liċenzja u li d-detentur tal-liċenzja ambjentali jrid iħares. Qabel ma toħroġ il-liċenzja, l-FDA tipprovdi l-konsiderazzjoni meħtieġa u tagħti l-input tagħha fl-evalwazzjoni tal-EPA. || Id-deskrizzjoni: L-LVD irid jikkonferma mal-FDA u l-EPA li d-detentur tal-kuntratt jew il-permess għandu mhux biss liċenzja EI iżda anke permess EI li jindika bi speċifiċità l-kondizzjonijiet li d-detentur tal-liċenzja EI irid iħares. Mezzi ta’ verifika: 43. 1. Konsultazzjoni mal-EPA u l-FDA 44. 2. L-analiżi tad-dokument || Darba matul il-validità tal-Liċenzja u l-Permess EI Referenzi: EPML (6,21-23); Reg (105-107) COCS SOP (9) || Indikatur 5.2 Id-detentur tal-kuntratt jew il-permess jew il-proċessur tal-injam jimplimenta l-miżuri ta’ mitigazzjoni identifikati fl-EIA tiegħu kif indikat fil-permess EI Verifikatur || Tip ta’ Kuntratt jew Permess 5.2.1 Ir-rapporti ta’ monitoraġġ ambjentali tal-EPA || It-tipi kollha ta’ kuntratti u permessi 5.2.2 Ir-rapporti ta’ spezzjoni tal-EIA tal-FDA || It-tipi kollha ta’ kuntratti u permessi Gwida/Proċedura tal-Verifika (LAS-LVD-0.5.2) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi żgurat li kwalunkwe kondizzjoni u/jew miżura ta’ mitigazzjoni identifikata u imposta mill-EPA tiġi implimentata mid-detentur tal-kuntratt jew il-permess jew il-proċessur tal-injam u li ma hemm l-ebda transgressjoni ambjentali inkonsistenti mal-permess EI. Il-Kontroll Regolatorju: Rekord ta' deċiżjoni u/jew awtorizzazzjoni ambjentali jrid jinħareġ lid-detentur tal-kuntratt jew il-permess qabel il-bidu tal-operazzjonijiet tal-qtugħ tas-siġar. L-EPA u l-FDA jimmonitorjaw il-konformità mal-kondizzjonijiet ta’, u/jew il-miżuri ta’ mitigazzjoni identifikati permezz ta’ verifiki regolari u/jew fuq il-post. Id-detentur tal-liċenzja EIA għandu d-dmir li jissottometti notifiki lil EPA jekk ikun hemm bidla materjali fil-proġett jew l-attività li jista’ jkollha impatt fuq l-ambjent. L-EPA tista’ ddaħħal aktar azzjoni ta’ infurzar fil-każ ta’ nuqqasijiet ta' konformità. || Id-deskrizzjoni: L-LVD irid jikkonsulta, u jivverifika mad-Diviżjoni tal-Valutazzjoni tal-Impatt Ambjentali tal-FDA, u d-Dipartiment tal-Monitoraġġ tal-EPA kif ukoll id-Dipartiment tal-Outstation u l-Ispettorat li d-detentur tal-kuntratt jikkonforma mal-kondizzjonijiet tal-permess EI. Mezzi ta’ verifika: 45. 1. Konsultazzjoni mal-EPA u l-FDA 46. 2. L-analiżi tad-dokument 47. 3. Spezzjonijiet fuq il-post || Kull sena Referenzi: EPML (24-27), EPAA || Indikatur 5.3 Id-detentur tal-kuntratt jew il-permess jew il-proċessur tal-injam ħeles mit-tagħmir, il-karburant, l-iskart tal-injam u skart relatat li jirriżulta mill-operazzjonijiet tiegħu f’manjiera legali u ambjentalment xierqa. Verifikatur || Tip ta’ Kuntratt jew Permess 5.3.1 Ir-rapport tal-ispezzjoni tal-EPA || It-tipi kollha ta’ kuntratti u permessi 5.3.2 Ir-rapport annwali tal-awditjar tal-konformità tal-FDA || It-tipi kollha ta’ kuntratti u permessi Gwida/Proċedura tal-Verifika (LAS-LVD-0.5.3) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi żgurat li l-iskart kollu qed jiġi mormi b’mod legali f’manjiera ambjentalment xierqa. Il-Kontroll Regolatorju: 1. Evidenza ta’ rekord ta’ deċiżjoni u/jew liċenzja tal-impatt ambejntali pożittivi inħarġet lid-detentur tal-kuntratt qabel il-bidu tal-operazzjonijiet. 2. L-EPA timmonitorja l-konformità mal-kondizzjonijiet ta’, u/jew il-miżuri ta’ mitigazzjoni identifikati. 3. L-EPA tmexxi awditi regolari u/jew perjodiċi mal-proġetti li jista’ jkollhom impatt jew effett detrimentali. 4. L-EPA tista' ddaħħal azzjoni ta’ infurzar fil-każ ta’ nuqqas ta’ konformità. || Id-deskrizzjoni: L-LVD irid jikkonsulta, u jivverifika mad-Dipartiment Kummerjċali u d-Diviżjoni tal-Infurzar tal-Liġi tal-FDA. Barra minn hekk id-Dipartiment tal-Monitoraġġ tal-EPA kif ukoll id-Dipartiment tal-Outstation u l-Ispettorat tal-EPA iridu jiġu kkonsultati. Informazzjoni addizzjonali tista’ tinkiseb direttament mid-detentur tal-kuntratt jew il-permess u l-proċessuri tal-injam. Mezzi ta’ verifika: 48. 1. Konsultazzjoni mal-EPA 49. 2. L-analiżi tad-dokument 50. 3. Spezzjoni fuq il-post || Kull sena Referenzi: EPML (24-27), EPAA || Indikatur 5.4 Id-detentur tal-kuntratt żamm distanza adegwata bejn l-operazzjonijiet tal-ħsad tiegħu u l-passaġġi tal-ilma, u speċifikament ma waqqax siġar li jistgħu jheddu l-fluss jew l-istabilità tal-passaġġ(i) tal-ilma Verifikatur || Tip ta’ Kuntratt jew Permess 5.4.1 Ir-rapport tal-ispezzjoni tal-EPA || It-tipi kollha ta’ kuntratti u permessi 5.4.2 Ir-Rapport Annwali tal-Awditjar tal-Konformità tal-FDA || It-tipi kollha ta’ kuntratti u permessi Gwida/Proċedura tal-Verifika (LAS-LVD-0.5.4) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi żgurat li d-detentur tal-permess huwa f’konformità mar-rekwiżiti rilevanti relatati mal-ġestjoni tal-ilma u l-prevenzjoni tat-tniġġiż tar-riżorsi tal-ilma. Il-Kontroll Regolatorju: L-għan huwa li tiġi żgurata konformità ġenerali fir-rigward tal-ġestjoni tar-riżorsi tal-ilma. F’dan ir-rigward, il-Kodiċi tal-Prattiċi tal-Ħsad (2007) tipprojbixxi l-qtugħ tas-siġar f’żoni protetti u passaġġi tal-ilma. Teħtieġ li strixxi adegwati ta’ prevenzjoni u protezzjoni jinżammu bejn iż-żoni tal-ħsad u l-passaġġi tal-ilma… Fir-rigward tal-kejl tal-konformità, kemm l-EPA kif ukoll l-FDA għandhom il-kompitu ta’ spezzjonijiet ta' rutina u awditi ta' konformità li l-LVD se jirrevedi sabiex jiddetermina l-konformità tad-detentur tal-kuntratt jew il-permess. || Id-deskrizzjoni: L-LVD irid jikkonsulta, u jivverifika mad-Dipartiment Kummerjċali u l-Unità tal-Infurzar tal-Liġi tal-FDA. Barra minn hekk id-Dipartiment tal-Monitoraġġ tal-EPA kif ukoll id-Dipartiment tal-Outstation u l-Ispettorat tal-EPA iridu jiġu kkonsultati. Informazzjoni addizzjonali tista’ tinkiseb direttament mid-Detentur tal-Kuntratt u/jew il-proċessur tal-injam. Mezzi ta’ verifika: 51. 1. Konsultazzjoni mal-FDA u l-EPA. 52. 2. L-analiżi tad-dokument 53. 3. Spezzjonijiet fuq il-post || Kull sena Referenzi: EPML ( parts IV & V ), il-Kodiċi tal-Prattiċi tal-Ħsad (3.1; 3.2; 4 et al) || Indikatur 5.5 Id-detentur tal-Kuntratt jew il-permess għandu fis-seħħ proċedura(i) sabiex tiġi żgurata l-konformità mar-regoli li jirrigwardjaw il-konservazzjoni tal-ħajja selvaġġa, u (ii) jiġi evitat il-ħsad jew il-kummerċ fi speċijiet tal-pjanti u l-annimali pperikolati jew mhedda. Verifikatur || Tip ta’ Kuntratt jew Permess 5.5.1 Ir-rapport tal-ispezzjoni tal-EPA || It-tipi kollha ta’ kuntratti u permessi 5.5.2 Ir-Rapport Annwali tal-Awditjar tal-Konformità tal-FDA || It-tipi kollha ta’ kuntratti u permessi Gwida/Proċedura tal-Verifika (LAS-LVD-0.5.3) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi żgurat li d-detentur tal-kuntratt jew il-permess huwa f'konformità mad-dispożizzjonijiet tat-Taqsimijiet 9.11(v) li jirrikjedu “liċenzji u ċertifikati tal-kaċċa u l-kummerċ f’annimali selvaġġi” u d-dispożizzjonijiet ta’ 9.12(i) tal-NFRL li jipprojbixxu l-kaċċa, il-qbid jew il-kummerċ fi speċijiet ipperikolati. Il-Kontroll Regolatorju: L-għan huwa li tiġi żgurata l-konformità mar-rekwiżiti tat-Taqsima 9.11 tal-NFRL fir-rigward tal-konservazzjoni, il-ġestjoni u l-kontroll tal-użu tal-ħajja selvaġġa kif ukoll il-projbizzjoni tat-Taqsima 9.12 li l-ebda persuna m’għandha taqbad, taħsad jew tikkumerċjalizza kwalunkwe speċi li l-FDA iddenominat bħala mhedda jew ipperikolata. Fir-rigward tal-kejl tal-konformità, kemm l-EPA kif ukoll l-FDA għandhom il-kompitu ta’ spezzjonijiet ta’ rutina u awditi ta’ konformità sabiex jivverifikaw li huma fis-seħħ proċeduri adegwati u li ma hemm l-ebda evidenza ta’ ħsad jew kummerċ illegali. || Id-deskrizzjoni: L-LVD irid jikkonsulta, u jivverifika mad-Dipartiment Kummerjċali u d-Diviżjoni tal-Infurzar tal-Liġi tal-FDA. Barra minn hekk id-Dipartiment tal-Monitoraġġ tal-EPA kif ukoll id-Dipartiment tal-Outstation u l-Ispettorat tal-EPA iridu jiġu kkonsultati. Mezzi ta’ verifika: 54. 1. Konsultazzjoni mal-EPA u l-FDA 55. 2. L-analiżi tad-dokument 56. 3. Spezzjonijiet fuq il-post || Kull sena Referenzi: Taqsimiet 9.11 u 9.12 tal- NFRL; EPML (partijiet IV & V), il-Kodiċi tal-Prattiċi tal-Ħsad (3.1;3.2 et al) || PRINĊIPJU 6: TRASPORTAZZJONI U TRAĊĊABBILTÀ TAL-INJAM Id-detentur tal-Kuntratt jew il-permess jew il-proċessur tal-injam jissodisfa l-obbligi kollha meħtieġa mil-liġi għat-trasportazzjoni u t-traċċabbiltà tal-injam u/jew prodotti tal-injam. Indikatur 6.1 It-trasportazzjoni taz-zkuk, l-injam u prodotti oħra tal-injam hija akkompanjata minn polza tat-tagħbija li tidentifika numri/referenzi tal-katina tal-kustodja u destinazzjoni msemmija Verifikatur || Tip ta’ Kuntratt jew Permess 6.1.1 Polza tat-tagħbija kompluta li tindika l-post tal-ħsad, in-numri tal-identifikazzjoni tal-katina tal-kustodja, id-data u l-post fejn . ġew mgħobbija z-zkuk u d-destinazzjoni || It-tipi kollha ta’ kuntratti u permessi 6.1.2 Polza tat-tagħbija kompluta għal zkuk jew prodotti tal-injam importati li tindika l-pajjiż tal-ħsad, in-numru tal-identifikazzjoni tal-katina tal-kustodja, id-data u l-post fejn ġew mgħobbija z-zkuk u d-destinazzjoni. || Permess ta’ injam importat Gwida/Proċedura tal-Verifika (LAS-LVD-0.6.1) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi żgurat li detentur ta’ kuntratt jew proċessur huwa f’konformità mar-rekwiżiti statutorji rilevanti li jappartjenu għat-trasport taz-zkuk, l-injam u prodotti tal-injam. Il-Kontroll Regolatorju: It-trasport taz-zkuk, l-injam u prodotti tal-injam lejn faċilità tal-ipproċessar jew port huwa soġġett għat-tlestija ta’ polza tat-tagħbija li trid takkompanja t-tagħbija. It-trasportaturi irid ikollhom fil-pussess tagħhom reġistrazzjoni valida tat-trasportatur maħruġa mill-FDA. Il-proċeduri dettaljati se jiġu żviluppati matul l-ewwel sentejn tal-implimentazzjoni tal-VPA sabiex tiġi ggwidata l-inkorporazzjoni tal-injam importat fis-COCS. || Id-deskrizzjoni: L-LVD irid jikkonferma li r-rekwiżiti relatati mat-trasport tal-prodotti tal-injam ikunu ġew sodisfatti permezz tal-konferma ta’ kontroll fis-Sistema tal-Informazzjoni tal-Katina tal-Kustodja (COCIS) (li tgħaqqad il- polza tat-tagħbija u l-bar codes). Mezzi ta’ verifika: 57. 1. Konferma mas-COCIS 58. 2. Spezzjoni fuq il-post || Kull konsenja jew tagħbija Referenzi: COCS SOP (13-17, 19 & 20) Indikatur 6.2 Iz-zkuk kollha jiġu mmarkati kif suppost u jiddaħħlu fis-sistema tal-katina tal-kustodja skont il-proċeduri standard tal-operat tal-FDA Verifikatur || Tip ta’ Kuntratt jew Permess 6.2.1 Formola tad-dejta taz-zokk (SOP 13) || It-tipi kollha ta’ kuntratti u permessi 6.2.2 Formola ta’ verifika tad-dejta taz-zokk (SOP 14) || It-tipi kollha ta’ kuntratti u permessi 6.2.3 Il-polza tat-tagħbija għat-trasportazzjoni ta’ zkuk u prodotti tal-injam (SOP 16) || It-tipi kollha ta’ kuntratti u permessi Gwida/Proċedura tal-Verifika (LAS-LVD-0.6.2) || Metodu tal-Verifika || Frekwenza tal-Verifika L-għan: L-għan ta' din il-proċedura huwa li jiġi vverifikat li detentur tal-kuntratt jew il-permess huwa f'konformità mar-rekwiżiti rilevanti tas-COCS u li z-zkuk kollha jiġu integrati fis-COCS. Il-Kontroll Regolatorju: Bħala parti mis-COCS u f’konformità mal-Għaxar Regolamenti Ewlenin, diversi proċeduri operazzjonali standard u dokumenti ta' kontroll operazzjonali ġew żviluppati li qed jiġu kkontrollati mis-COCS/FDA. . . || Id-deskrizzjoni: L-LVD jivverifika li d-detentur tal-Kuntratt jew il-permess ikun ikkonforma mar-rekwiżiti tas-COCS billi jikkonsulta mal-FDA u jirrevedi d-dejta taz-zokk fis-COCIS. Mezzi ta’ verifika: 59. 1. Konsultazzjoni mad-Dipartiment Kummerċjali tal-FDA 60. 2. Konferma fis-COCIS. || Kull konsenja jew tagħbija Referenzi: COCS SOP (13-17, 19 u 20) Indikatur 6.3 Iz-zkuk, l-injam u l-prodotti tal-injam kollha maħsuda jew ittrasportati mid-detentur tal-kuntratt jew il-permess joriġinaw miż-żona tal-konċessjoni tad-detentur tal-kuntratt jew il-permess Verifikatur || Tip ta’ Kuntratt jew Permess 6.3.1 Formola tad-dejta taz-zokk (SOP 13) || It-tipi kollha ta’ kuntratti u permessi 6.3.2 Formola standard 14 (verifika ta’ qtugħ trasversali, it-tlibbis u fatturazzjoni għad-dritt għall-qtugħ || It-tipi kollha ta’ kuntratti u permessi 6.3.3 Awditjar annwali ta’ konformità tal-FDA || It-tipi kollha ta’ kuntratti u permessi Gwida/Proċedura tal-Verifika (LAS-LVD-0.6.3) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi vverifikat li kull detentur tal-kuntratt jew il-permess jaħsad u jittrasporta injam jew prodotti tal-injam miż-żona ta' kuntratt/liċenzja approvata tiegħu biss. Il-Kontroll Regolatorju: L-Għaxar Regolamenti Ewlenin tal-FDA jirrikjedu li l-injam jew il-prodotti tal-injam kollha jiġu maħsuda minn żona tal-foresta liċenzjata biss u f'konformità mal-liċenzja msemmija. || Id-deskrizzjoni: L-LVD jivverifika dan ir-rekwiżit billi jikseb konferma mir-reviżjoni tal-formoli standard rilevanti u r-Rapport tal-Verifika tal-Konformità tal-FDA. Mezzi ta’ verifika: 1. Konsultazzjoni mad-Dipartiment Kummerċjali tal-FDA 2. Spezzjonijiet fuq il-post || Kull konsenja jew tagħbija Referenzi: COCS SOP (13-15) Indikatur 6.4 Iz-zkuk, l-injam, jew il-prodotti tal-injam kollha importati (mhux fi tranżitu) fil-Liberja ikkonformaw mal-leġiżlazzjoni u r-regolamenti applikabbli tal-pajjiż tal-ħsad. Verifikatur || Tip ta’ Kuntratt jew Permess 6.4.1 Evidenza ta’ konformità legali mal-liġijiet tal-pajjiż tal-ħsad || Permess ta’ injam importat Gwida/Proċedura tal-Verifika (LAS-LVD-0.6.4) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi vverifikat li z-zkuk u l-prodotti tal-injam importati fil-Liberja jiġu minn sorsi legali u huma wkoll ikklirjati mid-dwana skont il-leġiżlazzjoni Liberjana. Il-Kontroll Regolatorju: Ir-rekwiżit ewlieni tal-liġi Liberjana huwa li l-injam kollu maħsud jew importat fil-pajjiż jiġi minn sors legali. Il-legalità tal-injam fil-pajjiż tal-ħsad tista’ tintwera permezz ta’ ċertifikat maħruġ taħt skema ta’ ċertifikazzjoni ta’ ġestjoni sostenibbli tal-foresti jew skema tal-verifikazzjoni tal-legalità li jkunu ġew ivvalutati u approvati mill-Gvern tal-Liberja f’konsultazzjoni mal-gvernijiet ikkonċernati. L-injam importat ikkontrollat minn LAS ta' pajjiż ieħor tal-VPA li għandu skema tal-liċenzji FLEGT operażżjonali se jiġi kkunsidrat legali fl-LAS Liberjan || Id-deskrizzjoni: L-LVD irid jivverifika li l-injam importat fil-Liberja huwa legali taħt il-liġijiet tal-pajjiż tal-ħsad. F’dan ir-rigward, il-verifika tirrikjedi r-reviżjoni tad-dokument li juri l-legalità tal-injam fil-pajjiż tal-ħsad. Mezzi ta’ verifika: 61. 1. Konsultazzjoni mal-COCS u d-Dipartiment Kummerċjali tal-FDA 62. 2. L-analiżi tad-dokument || Kull konsenja ta’ importazzjoni Referenzi: Regolament 108-07 (44(d)) || Indikatur 6.5 Iz-zkuk jew il-prodotti tal-injam kollha fi tranżitu huma (i) segregati fiżikament minn injam domestiku jew importat, u (ii) ikkontrollati mid-dwana fil-ħinijiet kollha waqt li jkunu fil-Liberja Verifikatur || Tip ta’ Kuntratt jew Permess 6.5.1. Dokumenti doganali mill-pajjiż tal-ħsad || Injam fi tranżitu 6.5.2. Polza tat-tagħbija kompluta li tindika l-pajjiż tal-ħsad u l-pajjiż tal-esportazzjoni || Injam fi tranżitu Gwida/Proċedura tal-Verifika (LAS-LVD-0.6.5) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi vverifikat li z-zkuk u l-prodotti tal-injam fi tranżitu fil-Liberja mhumiex integrati fis-sistema tal-katina tal-kustodja jew imħallta ma' injam maħsud domestikament jew importat. Il-Kontroll Regolatorju: Rekwiżit regolatorju ewlieni, li huwa wkoll pedament tal-LAS huwa li injam fi tranżitu ma jiġix integrat fis-COCS u li fil-punt tal-esportazzjoni ma jiġix soġġett għall-ħruġ ta’ Liċenzja FLEGT Liberjana. Huwa meħtieġ li l-pajjiż tal-ħsad jiġi artikolat b’mod ċar fil-polza tat-tagħbija, id-dokumenti doganali u dokumenti oħra ta’ trasport. || Id-deskrizzjoni: L-LVD irid jivverifika li l-prodotti tal-Injam fi tranżitu huma jew kienu fil-ħinijiet kollha segregati fiżikament minn zkuk u prodotti tal-injam importati u domestiċi u taħt il-kontroll tal-Uffiċċju tad-Dwana. Mezzi ta’ verifika: 63. 1. Konsultazzjoni ma’ MOF, Uffiċċju tad-Dwana || Kull unità ta' trasport Referenzi: Regolament 108-07 (44(a)-(c)) || Indikatur 6.6 L-FDA ikkonformat mar-rekwiżiti legali għal (i) qbid u jew (ii) l-irkant ta' zkuk abbandunati kull fejn jinstabu. Verifikatur || Tip ta’ Kuntratt jew Permess 6.6.1 Il-petizzjoni tal-FDA lill-Qorti tal-ġurisdizzjoni kompetenti għall-qbid u d-digriet tal-Qorti li jawtorizza l-qbid || FMC, TSC u FUP 6.6.2 Il-petizzjoni tal-FDA lill-Qorti tal-ġurisdizzjoni kompetenti għall-irkant u d-Digriet tal-Qorti tal-Irkant || FMC, TSC, u FUP 6.6.3 Iċ-Ċertifikat tal-Irkant || FMC, TSC, u FUP 6.6.4 Ittra jew dikjarazzjoni li tivverifika l-offerent rebbieħ. || FMC, TSC, u FUP 6.6.5 Ir-Reġistrazzjoni ta’ zkuk abbandunati (SOP 37) || FMC, TSC, u FUP Gwida/Proċedura tal-Verifika (LAS-LVD-0.6.6) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi vverifikat li kwalunwke zokk u prodott tal-injam abbandunat li jinstab ikun ikkonfiskat u jiġi rkantat f’konformità mal-proċeduri stabbiliti mil-liġi. Il-qbid u l-irkant legali ta' zkuk abbandunati jistabbilixxi mill-ġdid il-legalità tagħhom. Il-Kontroll Regolatorju: Mal-iskoperta ta’ zkuk abbandunati, l-FDA għandha tagħmel petizzjoni fil-qorti fil-pajjiż speċifiku fejn instabu z-zkuk għall-awtorizzazzjoni sabiex jikkonfiskaw u jirkantaw iz-zkuk. Jekk il-Qorti hija sodisfatta li hemm raġuni legali adegwata sabiex tingħata l-petizzjoni, se tawtorizza l-konfiska u l-irkant konsegwenti u dan kollu se jitwettaq taħt is-sorveljanza tagħha. || Id-deskrizzjoni: L-LVD irid jivverifika li ġew sodisfatti r-rekwiżiti msemmija hawn fuq permezz ta’ konsultazzjoni ma’ u verifika tad-dokumenti rilevanti mad-Dipartiment Kummerċjali tal-FDA. Mezzi ta’ verifika: 64. 1. Konsultazzjoni mad-Dipartiment Kummerċjali tal-FDA 65. 2. L-analiżi tad-dokument || Kull darba li z-zkuk abbandunati jiddaħħlu fis-COCS Referenzi: Regolament 108-07(51(d)&(e)) || PRINĊIPJU 7: IT-TRASFORMAZZJONI U L-IPPROĊESSAR TAL-INJAM Il-proċessuri tal-injam ikkonformaw mal-liġijiet u r-regolamenti LIberjani rilevanti Indikatur 7.1 Proċessur tal-injam applika għal u kiseb il-permess meħtieġ tal-istabbiliment fejn jisserraw l-injam (jew permess ta’ operatur tal-Klassi A, B jew C) wara pagament ta’ miżati meħtieġa u qabel il-bidu tal-operazzjonijiet tiegħu Verifikatur || Tip ta’ Kuntratt jew Permess 7.1.1 L-applikazzjoni tal-proċessur għall-permess tal-istabbiliment fejn jisserraw l-injam || Il-permess tal-istabbiliment fejn jisserraw l-injam 7.1.2 Il-pagament ta’ miżati inizjali annwali ta' reġistrazzjoni tal-istabbiliment fejn jisserraw l-injam li kien jeżisti qabel il-permess tal-istabbiliment fejn jisserraw l-injam || Il-permess tal-istabbiliment fejn jisserraw l-injam 7.1.3 Pjan ambjentali approvat mill- EPA || Il-permess tal-istabbiliment fejn jisserraw l-injam 7.1.4 Il-permess tal-istabbiliment fejn jisserraw l-injam maħruġ mill- FDA lill-operatur || Il-permess tal-istabbiliment fejn jisserraw l-injam Gwida/Proċedura tal-Verifika (LAS-LVD-0.7.1) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi vverifikat li l-proċessur tal-injam ikun kiseb il-permess meħtieġ qabel il-bidu tal-operazzjonijiet. Il-Kontroll Regolatorju: Il-proċessuri tal-injam jinħtieġu li jiksbu permess tal-istabbiliment fejn jisserraw l-injam qabel il-bidu tal-operazzjonijiet. Applikazzjonijiet għall-permessi jiġu sottomessi lill-FDA u jekk jiġu sodisfatti r-rekwiżti, l-FDA se toħroġ il-permessi rilevanti (Klassi A, B jew C). Barra minn hekk, l-EPA trid tapprova pjan ambjentali għall-operazzjonijiet tal-istabbiliment fejn jisserraw l-injam. || Id-deskrizzjoni: L-LVD irid jivverifika li kull proċessur tal-injam għandu permess tal-istabbiliment fejn jisserraw l-injam. Il-verifika se tkun permezz ta’ konsultazzjoni mad-Dipartiment Kummerċjali tal-FDA. Mezzi ta’ verifika: 66. 1. Konsultazzjoni mad-Dipartiment Kummerċjali tal-FDA 67. 2. L-analiżi tad-dokument 68. 3. Spezzjoni fuq il-post || Kull sena Referenzi: Regolament 107-07 (46); COCS SOP (26) || Indikatur 7.2 Iz-zkuk kollha maħsuda fil-Liberja u z-zkuk importati minn pajjiżi terzi għall-ipproċessar jiġu akkompanjati minn numri tal-identifikazzjoni tal-katina tal-kustodja tagħhom. . Verifikatur || Tip ta’ Kuntratt jew Permess 7.2.1 Ir-rapport tal-ħruġ tal-bar code SOP 7 || It-tipi kollha ta' kuntratti u permessi, inklużi z-zkuk u l-prodotti tal-injam importati 7.2.2 Il-verifika taz-zkuk u l-prodotti tal-injam trasportati (SOP 17) || It-tipi kollha ta' kuntratti u permessi, inklużi z-zkuk u l-prodotti tal-injam importati 7.2.3 Ir-rapport tar-reġistrazzjoni tal-injam isserrat (SOP 15) || It-tipi kollha ta' kuntratti u permessi, inklużi z-zkuk u l-prodotti tal-injam importati Gwida/Proċedura tal-Verifika (LAS-LVD-0.7.2) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi vverifikat li z-zkuk kollha li jidħlu ġo faċilitajiet tal-ipproċessar jiġu dokumentati sew u l-oriġini legali tiġi vverifikata. Il-Kontroll Regolatorju: Huwa rekwiżit ewlieni tal-liġi Liberjana li l-faċilitajiet kollha tal-ipproċessar għandhom fis-seħħ sistemi effettivi ta' kontroll u jakkwistaw biss zkuk maħsuda legalment li huma fis-COCS. || Id-deskrizzjoni: L-LVD irid jivverifika li z-zkuk kollha li jidħlu f’faċilitajiet tal-ipproċessar jiddaħħlu fis-COCS. Jekk tinħtieġ aktar kjarifika, id-Dipartiment Kummerċjali tal-FDA jista’ jiġi kkonsultat. Mezzi ta’ verifika: 69. 1. Konsultazzjoni mad-Dipartiment Kummerċjali tal-FDA u s-COCS 70. 2. Konferma fis-COCIS 71. 3. Spezzjoni fuq il-post || Kull konsenja jew tagħbija Referenzi: COCS SOP (15, 19 &20) || Indikatur 7.3 Il-proċessur tal-injam għandu fis-seħħ sistema tal-irrekordjar ta’ prodotti tal-injam permezz tal-istabbiliment jew l-attività tal-ipproċessar sabiex tiġi żgurata t-traċċabbiltà tagħhom Verifikatur || Tip ta’ Kuntratt jew Permess 7.3.1 Ir-rapport tal-verifika tal-qtugħ tas-siġar || Il-permess tal-istabbiliment fejn jisserraw l-injam 7.3.2 Ir-rapport tal-produzzjoni || Il-permess tal-istabbiliment fejn jisserraw l-injam 7.3.3 Il-formola tad-dħul taz-zkuk fl-istabbiliment fejn jisserraw l-injam u l-formola tal-produzzjoni tal-istabbiliment fejn jisserraw l-injam (SOPs 31 u 32) || Il-permess tal-istabbiliment fejn jisserraw l-injam Gwida/Proċedura tal-Verifika (LAS-LVD-0.7.3) || Metodu tal-Verifika || Frekwenza tal-Verifika L-għan: L-għan ta' din il-proċedura huwa li jiġi żgurat li t-traċċabbiltà qed tinżamm matul l-ipproċessar li se jivverifika li l-prodotti tal-injam li joriġinaw minn faċilità tal-ipproċessar jistgħu jiġu marbuta ma’ sors ta’ oriġini legali verifikabbli. Il-Kontroll Regolatorju: L-FDA tirrikjedi li jkunu fis-seħħ miżuri adegwati sabiex jiġi żgurat li l-prodotti jiddaħħlu kif mistħoqq fis-COCS u jistgħu jiġu ttraċċati permezz tal-katina tal-ipproċessar. || Id-deskrizzjoni: L-LVD irid jivverifika li r-rekwiżiti ġew sodisfatti permezz ta’ konferma ta’ COCS effettiva fil-faċilità tal-ipproċessar. Jekk tinħtieġ aktar kjarifika, id-Dipartiment Kummerċjali tal-FDA jista’ jiġi kkonsultat. Mezzi ta’ verifika: 72. 1. Spezzjonijiet fuq il-post 73. 2. Konsultazzjoni mad-Dipartiment Kummerċjali tal-FDA || Kull konsenja jew tagħbija Referenzi: NFRL 13.5; COCS SOP (15) || PRINĊIPJU 8: ID-DRITTIJIET, IS-SAĦĦA, IS-SIKUREZZA U L-BENESSRI TAL-ĦADDIEMA Id-detentur tal-kuntratt/il-permess jew il-proċessur tal-injam jissodisfa l-obbligi tiegħu taħt il-Liġi tax-Xogħol u kwalunkwe ftehim ta’ negozjati kollettivi tal-industrija tal-injam Indikatur 8.1 Ċittadini nazzjonali Liberjani jingħataw preferenza minn detenturi tal-kuntratt/il-permess u proċessuri tal-injam fl-impjieg ta' ħaddiema b'ħiliet jew mingħajr ħiliet f'konformità mal-Liġi Liberjana tax-Xogħol Verifikatur || Tip ta’ Kuntratt jew Permess 8.1.1 Rekords ta’ impjiegi jew rapporti ta’ kull tliet xhur sottomessi li jagħtu evidenza ta’ impjieg lokali u preferenza lil ħaddiema Liberjani || It-tipi kollha ta’ kuntratti u permessi 8.1.2 Rapport ta’ kull tliet xhur sottomess mid-detentur tal-kuntratt jew l-ipproċessur tal-injam lill-Ministeru tax-Xogħol || It-tipi kollha ta’ kuntratti u permessi 8.1.3 Ir-rekords tal-impjiegi, inkluż ir-reġistru jew impjegati flimkien man-nazzjonalitajiet tagħhom || It-tipi kollha ta’ kuntratti u permessi 8.1.4 Attestazzjoni ta’ konformità maħruġa mill-Ministeru tax-Xogħol favur id-detentur tal-kuntratt jew il-proċessur tal-injam || It-tipi kollha ta’ kuntratti u permessi Gwida/Proċedura tal-Verifika (LAS-LVD-0.8.1) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi vverifikat li persuni impjegati mid-detentur tal-kuntratt u/ jew il-proċessur tal-injam ġew impjegati skont ir-rekwiżiti Leġiżlattivi. Il-Kontroll Regolatorju: L-aspetti kollha tal-impjieg jiġu rregolati mill-Liġi Liberjana tax-Xogħol (LLL). Dawn il-liġijiet jirrikjedu li ċittadini nazzjonali Liberjani biss huma ppreferuti fid-deċiżjonijiet kollha tal-impjieg, u li ċittadin nazzjonali li mhuwiex Liberjan jista' jiġi impjegat biss jekk jintwera li l-ebda ċittadin nazzjonali Liberjan ma huwa kompetenti u disponibbli sabiex jimla kariga li teħtieġ ħiliet speċjalizzati. Aġenti u/jew spetturi tax-xogħol jimmonitorjaw, jimplimentaw u jevalwaw il-konformità mar-rekwiżiti leġiżlattivi relatati mar-reklutaġġ ta' impjegati, kondizzjonijiet tax-xogħol, eċċ. || Id-deskrizzjoni: L-iskop ta’ dan l-indikatur mhuwiex li jiġu evalwati aspetti speċifiċi tal-impjieg (li huma ttrattati x’imkien ieħor) iżda li tiġi vverifikata l-konformità ġenerali mal-liġi dwar l-impjieg ippreferut tal-Liberjani. L-LVD jeħtieġ li jagħmel kontro-kontroll u/jew jivverifika l-konformità mat-Taqsima tal-Impjiegi tal-MOL u anke mat-Taqsima tal-Ispettorat tax-Xogħol. Mezzi ta’ verifika: 74. 1. Konsultazzjoni mal-MOL 75. 2. L-analiżi tad-dokument || Kull konsenja Referenzi: LLL (54 sa 60,75, 1503) il-Kodiċi tal-Prattiċi tal-Ħsad (12.2) || Indikatur 8.2 Id-detentur tal-kuntratt/il-permess jew il-proċessur tal-injam iħallas l-impjegati tiegħu mhux inqas mill-paga minima stabbilita mil-Liġi Verifikatur || Tip ta’ Kuntratt jew Permess 8.2.1 Paga minima ppubblikata || It-tipi kollha ta’ kuntratti u permessi 8.2.2 Il-ħlas ta’ pagi || It-tipi kollha ta’ kuntratti u permessi 8.2.3 Rapporti annwali ta’ spezzjoni u/jew ittra ta’ konformità || It-tipi kollha ta’ kuntratti u permessi 8.2.4 Karti tas-salarju(payslips) tal-ħaddiema || It-tipi kollha ta’ kuntratti u permessi Gwida/Proċedura tal-Verifika (LAS-LVD-0.8.2) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi vverifikat jekk l-impjegati jirċievux pagi ġusti kif provdut mil-Liġi Il-Kontroll Regolatorju: L-impjegati kollha huma intitolati li jirċievu paga adegwata li ma tridx tkun taħt il-paga minima preskritta. Flimkien ma’ dan id-dover li jitpoġġa fuq min iħaddem, l-ispetturi tax-xogħol se jinvestigaw ukoll il-konformità. Barra minn hekk, l-impjegati għandhom ikunu konxju minn dan ir-rekwiżit. Il-paga minima tiġi stabbilita minn żmien għal żmien minn Bord tal-paga minima u kkomunikata kif mistħoqq malli tiġi stabbilita. || Id-deskrizzjoni: L-LVD jeħtieġ jagħmel kontro-kontroll u/jew jivverifika li jitħallsu pagi ġusti billi jikkollabora mat-Taqsima tal-Ispettorat tax-Xogħol tal-MOL. Mezzi ta’ verifika: 76. 1. Konsultazzjoni mal-MOL 77. 2. L-analiżi tad-dokument || Kull konsenja Referenzi: LLL(500-513) il-Kodiċi tal-Prattiċi tal-Ħsad (12.2) || Indikatur 8.3 Id-detentur tal-kuntratt/il-permess jew il-proċessur tal-injam jikkonforma ma’ sigħat massimi tax-xogħol, il-leave u perjodi ta’ mistrieħ stabbiliti mil-liġi Verifikatur || Tip ta’ Kuntratt jew Permess 8.3.1 Skeda ta’ sigħat tax-xogħol || It-tipi kollha ta’ kuntratti u permessi 8.3.2 Rekords tal-leave || It-tipi kollha ta’ kuntratti u permessi 8.3.3 Ħlas tas-sahra || It-tipi kollha ta’ kuntratti u permessi Gwida/Proċedura tal-Verifika (LAS-LVD-0.8.3) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi vverifikat jekk is-sigħat tax-xogħol tal-impjegati jikkonformawx mad-dispożizzjonijiet ta’ LLL Il-Kontroll Regolatorju: Il-Liġi tipprovdi għas-sigħat massimi tax-xogħol kull ġurnata (8 sigħat) jew kull ġimgħa (48 siegħa). Ċerti varjazzjonijiet jeżistu fir-rigward ta’ ċerti attivitajiet u anke xogħol staġjonali. Flimkien mas-sigħat massimi preskritti, LLL jipprovdi għas-sahra ta' 50% 'l fuq mir-rata normali fejn jinqabżu dawn is-sigħat. LLL jipprovdi wkoll għal siegħa mistrieħ fejn jinqabżu l-ħames sigħat, din is-siegħa tiġi inkluża fis-sigħat tax-xogħol Barra minn hekk, rekwiżiti speċifiċi tal-leave huwa provdut għalihom. || Id-deskrizzjoni: L-LVD jeħtieġ li jagħmel kontro-kontroll u/jew jivverifika li s-sigħat tax-xogħol preskritti jiġu mħarsa billi jikkollabora mat-Taqsima tal-Ispettorat tax-Xogħol tal-MOL. Mezzi ta’ verifika: 78. 1. Konsultazzjoni mal-MOL 79. 2. L-analiżi tad-dokument 80. 3. Spezzjoni fuq il-post || Kull sena Referenzi: LLL (700-706,906) || Indikatur 8.4 Id-detentur tal-kuntratt/il-permess jew il-proċessur tal-injam la impjega lil xi ħadd taħt l-età tas-sittax-il sena u lanqas ma nvolva ruħu fil-prattika tax-xogħol furzat Verifikatur || Tip ta’ Kuntratt jew Permess 8.4.1 Rapporti kull tliet xhur sottomessi lill-Ministeru tax-Xogħol || It-tipi kollha ta’ kuntratti u permessi 8.4.2 Rapport tal-ispezzjoni tal-Ministeru tax-Xogħol || It-tipi kollha ta’ kuntratti u permessi Gwida/Proċedura tal-Verifika (LAS-LVD-0.8.4) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi vverifikat jekk l-età minima tal-impjieg (u l-projbizzjoni fuq ix-xogħol furzat) hijiex qed tiġi mħarsa. Il-Kontroll Regolatorju: It-Taqsima 74 tal-liġi tax-Xogħol tgħid li “għandu jkun illegali li kwalunkwe persuna timpjega lil kwalunkwe tifel/tifla taħt l-età tas-sittax-il sena matul il-ħinijiet li jinħtieġ li jkun l-iskola”. Il-Kostituzzjoni tal-Liberja u l-LLL jipprojbixxu wkoll ix-xogħol furzat || Id-deskrizzjoni: L-LVD jeħtieġ li jagħmel kontro-kontroll u/jew jivverifika li l-età minima qed tiġi rrispettata billi jikkollabora mat-Taqsima tal-Ispettorat tax-Xogħol tal-MOL. Mezzi ta’ verifika: 81. 1. Konsultazzjoni mal-Ministeru tax-Xogħol 82. 2. L-analiżi tad-dokument 83. 3. Spezzjoni fuq il-post || Kull sena Referenzi: LLL (74) || Indikatur 8.5 Id-detentur tal-kuntratt/il-permess jew il-proċessur iħallas il-kontribuzzjonijiet (ta’ min iħaddem) lill-pensjoni tal-impjegat u l-fondi tas-sigurtà soċjali stabbiliti mil-Liġi Liberjana. Verifikatur || Tip ta’ Kuntratt jew Permess 8.5.1 Rapport kull tliet xhur sottomess lill-Ministeru tax-Xogħol || It-tipi kollha ta’ kuntratti u permessi 8.5.2 Rapporti ta’ spezzjoni tal-Ministeru tax-Xogħol || It-tipi kollha ta’ kuntratti u permessi 8.5.3 Attestazzjoni mill-Korporazzjoni Nazzjonali tas-Sigurtà Soċjali u l-Benessri (NSSWC) || It-tipi kollha ta’ kuntratti u permessi Gwida/Proċedura tal-Verifika (LAS-LVD-0.8.5) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi vverifikat jekk min iħaddem jissodisfax l-obbligi tiegħu fir-rigward tal-pensjoni tal-irtirar u l-pensjoni tas-sigurtà soċjali. Il-Kontroll Regolatorju: LLL u l-Liġi Nazzjonali tas-Sigurtà Soċjali (NSSL) ipoġġu obbligu fuq min iħaddem sabiex jikkontribbwixxi għal żewġ skemi stabbiliti u operati mill-Korporazzjoni tas-Sigurtà Soċjali u l-Benessri tal-Liberja għall-iskop tal-protezzjoni tal-impjegati. L-ewwel skema hija l-Iskema tal-Pensjoni tal-Irtirar filwaqt li t-tieni hija skema ta' assigurazzjoni. Kull min iħaddem li għandu ħames impjegati jew aktar irid jikkontribwixxi għal dawn l-iskemi; l-iskema tas-sigurtà soċjali għandha tipprovdi għal pagamenti tal-pensjoni għal impjegati li jkunu rtiraw filwaqt li l-iskema tal-assigurazzjoni għandha tindirizza kwistjoni ta’ korrimenti fuq ix-xogħol. || Id-deskrizzjoni: L-LVD jeħtieġ li jagħmel kontro-kontroll u/jew jivverifika li kien hemm konformità mal-verifikaturi msemmija hawn fuq permezz ta’ konsultazzjoni mat-Taqsima tal-Ispettorat tax-Xogħol tal-MOL kif ukoll l-NSSWC Mezzi ta’ verifika: 84. 1. Konsultazzjoni mal-MOL u l-NSSWC. 85. 2. L-analiżi tad-dokument || Kull sena Referenzi: LLL (2500 sa 2501) NSSL (89.9) || Indikatur 8.6 Id-detentur tal-kuntratt/il-permess jew il-proċessur tal-injam osserva rekwiżiti legali li jikkonċernaw l-akkomodazzjoni u s-sanità kif ukoll l-iġjene operazzjonali u s-sikurezza ġenerali tal-ħaddiema skont il-kodiċi tal-prattiċi tal-ħsad u l-linji gwida maħruġa mill-FDA Verifikatur || Tip ta’ Kuntratt jew Permess 8.6.1 Rapport tal-Awditu tal-Konformità tal-FDA || It-tipi kollha ta’ kuntratti u permessi Gwida/Proċedura tal-Verifika (LAS-LVD-0.8.6) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi żgurat li detentur tal-kuntratt jew kumpanija li qed tapplika għal liċenzja FLEGT tikkonforma mar-rekwiżiti statutorji u tal-FDA rilevanti fir-rigward tas-saħħa u s-sikurezza tal-ħaddiema. Il-Kontroll Regolatorju: Il-Kodiċi tal-Prattiċi tal-Ħsad fil-Foresti (2007) ġie żviluppat mill-FDA sabiex jirregola, fost affarijiet oħra, iġjene operażżjonali u s-sikurezza tal-ħaddiema. Il-kodiċi jiddeskrivi r-rekwiżiti operazzjonali. Awditi annwali jiġu mmexxija mill-FDA sabiex tiġi mmonitorjata, vvalutata u żgurata l-konformità mal-kondizzjonijiet tad-diversi kuntratti u permessi tal-foresti. || Id-deskrizzjoni: L-LVD irid jivverifika li s-saħħa, is-sanità u l-kenn tal-ħaddiema qed jiġu indirizzati kif suppost mid-detentur tal-kuntratt. Dan irid isir permezz tal-konsultazzjoni mal-FDA u reviżjoni tar-Rapporti tal-Awditu ta’ Konformità mill-Unità tal-Infurzar tal-Liġi tal-FDA. Mezzi ta’ verifika: 86. 1. Konsultazzjoni mal-FDA 87. 2. L-analiżi tad-dokumenti || Kull sena Referenzi: ll-Kodiċi tal-Prattiċi tal-Ħsad (3.0 u 4.0) || PRINĊIPJU 9: TAXXI, MIŻATI U PAGAMENTI OĦRA Id-detentur tal-kuntratt jew il-proċessur tal-injam huwa attwalment f’konformità mal-obbligi fiskali tiegħu inkluż il-pagament ta’ taxxi u miżati Indikatur 9.1 Id-detentur tal-kuntratt/il-permess jew il-proċessur tal-injam ħallas l-arrettrati tat-taxxa kollha qabel l-iffirmar tal-kuntratt jew il-ħruġ/it-tiġdid tal-permess tal-istabbiliment fejn jisserraw l-injam Verifikatur || Tip ta’ Kuntratt jew Permess 9.1.1 L-ikklirjar tat-taxxa mill-Ministeru tal-Finanzi li juri evidenza tal-ħlas tal-arrettrati kollha tat-taxxa fil-ħin tal-iffirmar tal-kuntratt jew il-ħruġ/it-tiġdid tal-permess tal-istabbiliment fejn jisserraw l-injam jew tal-proċessur tal-injam || It-tipi kollha ta’ kuntratti u permessi 9.1.2 Rapport ta’ kwalunkwe rappreżentant awtorizzat tal-FDA || It-tipi kollha ta’ kuntratti u permessi ħlief il-konċessjonijiet/pjantazzjonijiet agrikoli Gwida/Proċedura tal-Verifika (LAS-LVD-0.9.1): || Metodu tal-Verifika || Frekwenza tal-Verifika L-għan: L-għan ta' din il-proċedura huwa li jiġi vverifikat li d-detentur tal-kuntratt jew il-proċessur tal-injam ikun ikklirja l-arrettrati kollha tat-taxxa qabel ma ffirma l-kuntratt. Il-Kontroll Regolatorju: Il-liġi tirrikjedi li offerent jew detentur ta’ kuntratt ikun issodisfa l-obbligi fiskali kollha qabel il-bidu tal-operazzjonijiet. || Id-deskrizzjoni: L-LVD irid jivverifika li r-rekwiżiti msemmija hawn fuq ġew sodisfatti permezz ta’ konsultazzjoni mad-Dipartimenti Kummerċjali u Finanzjarji tal-FDA u l-verifika tal-ikklirjar tat-taxxa valida. Mezzi ta’ verifika: 88. 1. Konsultazzjoni mad-Dipartimenti Kummerċjali u Finanzjarji tal-FDA 89. 2. L-analiżi tad-dokumenti || Darba matul il-perjodu effettiv tat-tip ta’ kuntratt jew permess Referenzi: Regolament 107-07 || Indikatur 9.2 Id-detentur tal-kuntratt/il-permess jew il-proċessur tal-injam ikun ħallas il-miżata annwali taż-żona inizjali (fil-każ ta’ detentur tal-kuntratt) jew miżata annwali ta’ reġistrazzjoni (fil-każ ta' proċessur tal-injam) qabel l-iffirmar tal-kuntratt jew il-ħruġ/it-tiġdid tal-permess. Verifikatur || Tip ta’ Kuntratt jew Permess 9.2.1 Irċevuta ta’ pagament għal miżata taż-żona minn kwalunkwe rappreżentant awtorizzat tal-FDA || FMC, TSC 9.2.2 Irċevuta ta’ pagament primjum ta’ offerta || FMC, TSC, FUP li għandhom valur ta’ aktar minn USD10 000 9.2.3 Irċevuta ta’ pagament ta’ miżata annwali ta’ reġistrazzjoni || Proċessuri tal-injam, operaturi tas-serrieq bil-katina 9.2.4 Kopja tal-kontroll tal-maniġer || FMC, TSC, FUP, operaturi tas-serrieq bil-katina, proċessuri tal-injam Gwida/Proċedura tal-Verifika (LAS-LVD-0.9.2) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi vverifikat li d-detentur tal-kuntratt/il-permess ikun ħallas il-miżata annwali taż-żona u li l-proċessur tal-injam ikun ħallas il-miżata annwali tar-reġistrazzjoni tagħom. Il-Kontroll Regolatorju: L-FDA jew rappreżentant awtorizzat tal-FDA, bħala parti mis-COCS, ipprovda għal mekkaniżmi li jiżguraw l-implimentazzjoni u l-pagament tat-taxxi u l-miżati relatati mal-foresti. || Id-deskrizzjoni: L-LVD irid jivverifika li r-rekwiżiti msemmija hawn fuq ġew sodisfatti permezz ta’ konferma ma’ rappreżentant awtorizzat tal-FDA. Mezzi ta’ verifika: 90. 1. L-analiżi tad-dokument 91. 2. Konsultazzjoni mal-COCS u d-Dipartiment Kummerċjali tal-FDA || Kull sena Referenzi: COCS SOP (9) || Indikatur 9.3 Id-detentur tal-kuntratt jew il-permess ġie kklirjat mill-Ministeru tal-Finanzi mal-ħlas tat-taxxi u l-miżati kollha meħtieġa minnu bil-liġi u f’konformità mat-termini tal-kuntratt tiegħu Verifikatur || Tip ta’ Kuntratt jew Permess 9.3.1 L-ikklirjar tat-taxxa mill-Ministeru tal-Finanzi || It-tipi kollha ta’ kuntratti u permessi 9.3.2 Irċevuta ta’ miżati għad-dritt għall-qtugħ || It-tipi kollha ta’ kuntratti u permessi 9.3.3 Irċevuti ta’ pagament ta’ miżati amministrattivi tal-kuntratt || It-tipi kollha ta’ kuntratti u permessi ħlief konċessjonijiet/pjantazzjonijiet agrikoli 9.3.4 Irċevuti ta’ pagamenti tal-miżatital-ispezzjoni tal-ħsad annwali || It-tipi kollha ta’ kuntratti u permessi ħlief konċessjonijiet/pjantazzjonijiet agrikoli 9.3.5 Irċevuti ta’ pagament ta’ miżati tal-polza tat-tagħbija || It-tipi kollha ta’ kuntratti u permessi 9.3.6 Prova ta’ pagament tal-miżati tal-katina tal-kustodja || It-tipi kollha ta’ kuntratti u permessi Gwida/Proċedura tal-Verifika (LAS-LVD-0.9.3) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi vverifikat li jitħallsu t-taxxi tal-foresti kollha rilevanti. Il-Kontroll Regolatorju: It-Taqsima 2108 tal-Ewwel Fażi tal-Kodiċi tat-Taxxa tar-Riforma, kif emendata, u t-Taqsima 14.2 tal-NFRL, kif ukoll ir-Regolamenti 107-07 stabbiliet miżati għad-dritt għall-qtugħ, miżati għall-kiri tal-art u miżati għall-prodott tal-foresti bħala li xi wħud mill-miżati li d-detenturi tal-kuntratt huma meħtieġa li jħallsu flimkien mat-taxxa tad-dħul korporattiv u dazji oħra. Ir-Regolament 107-07 jirrikjedi li t-taxxi u l-miżati kollha jitħallsu fid-data debita tagħhom, u li nuqqas li jitħallsu dawn il-miżati fid-data debita tagħhom għandu jattira penali wara perjodu ta’ grazzja ta’ tletin jum. || Id-deskrizzjoni: L-LVD irid jivverifika li r-rekwiżiti msemmija hawn fuq ġew sodisfatti permezz ta’ konferma fis-COCIS. Fil-każ li l-kjarifika tkun meħtieġa, l-LVD jista’ jikkontrolla mad-Diviżjoni tas-Servizzi tar-Ritorn tar-Reġistrazzjoni fil-Ministeru tal-Finanzi. Mezzi ta’ verifika: 92. 1. Konferma fis-COCIS 93. 2. Konsultazzjoni mal-MOF || Kull sena Referenzi: Regolament 107-07 61-63; COCS SOP (9) || Indikatur 9.4 Id-detentur tal-kuntratt/il-permess jew il-proċessur tal-injam iffajlja r-ritorn annwali tat-taxxa tiegħu mal-Ministeru tal-Finanzi mhux aktar tard mill-31 ta’ Marzu ta’ kull sena Verifikatur || Tip ta’ Kuntratt jew Permess 9.4.1 Ritorn tat-taxxa || It-tipi kollha ta’ kuntratti u permessi Gwida/Proċedura tal-Verifika (LAS-LVD-0.9.5) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi vverifikat li detentur tal-kuntratt jew il-permess jew il-proċessur tal-injam iffajlja r-ritorn annwali tat-taxxa tiegħu kif speċifikat mil-liġi. Il-Kontroll Regolatorju: Il-liġi tirrikjedi li l-kumpaniji jiffajljaw ritorni annwali tat-taxxa bejn il-31 ta’ Diċembru u l-31 ta' Marzu tas-sena ta' wara. || Id-deskrizzjoni: L-LVD irid jivverifika li r-rekwiżiti ġew sodisfatti billi jikkonsulta mat-Taqsima tas-Servizz tar-Ritorn tar-Reġistrazzjoni fi ħdan id-Diviżjoni l-Kbira tat-Taxxa tad-Dħul (Ministeru tal-Finanzi) sabiex jiġi żgurat li r-ritorn ġie ffajljat. Mezzi ta’ verifika: 94. 1. Konsultazzjoni mal-MOF 95. 2. L-analiżi tad-dokument || Kull sena Referenzi: Il-Kodiċi tad-Dħul tal-Liberja 109(c)(d)) || PRINĊIPJU 10: IR-REKWIŻITI TAL-ESPORTAZZJONI, L-IPPROĊESSAR U L- KUMMERĊ Id-detenturi tal-kuntratt u l-permess kif ukoll il-proċessuri tal-injam ikkonformaw mar-rekwiżiti tal-esportazzjoni, l-ipproċessar u l-kummerċ Indikatur 10.1 Kwalunkwe persuna li qed tesporta z-zkuk, l-injam u/jew il-prodotti tal-injam hija rreġistrata kif mistħoqq mal-FDA kull sena Verifikatur || Tip ta’ Kuntratt jew Permess 10.1.1 Ir-reġistrazzjoni valida tal-esportatur || L-esportaturi kollha taz-zkuk, l-injam u l-prodotti tal-injam Gwida/Proċedura tal-Verifika (LAS-LVD-0.10.1) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi vverifikat li l-esportaturi jkunu kkonformaw mar-rekwiżiti/ir-reġistrazzjoni statutorja għall-esportazzjoni taz-zkuk, l-injam u/jew il-prodotti tal-injam. Il-Kontroll Regolatorju: It-Taqsima 41 tar-Regolamenti 108-07 tipprovdi li qabel “l-esportazzjoni taz-zkuk, l-injam, jew il-prodotti tal-injam, persuna għandha tirreġistra mal-Awtorità bħala esportatur u ġġedded ir-reġistrazzjoni kull sena”. || Id-deskrizzjoni: L-LVD irid jivverifika kull sena mad-Dipartiment Kummerċjali tal-FDA li kumpanija partikolari u/jew detentur ta’ permess huwa rreġistrat bħala esportatur. Mezzi ta’ verifika: 96. 1. Konsultazzjoni mad-Dipartiment Kummerċjali tal-FDA 97. 2. L-analiżi tad-dokument || Kull sena Referenzi: Regolament 108-07 (41) || Indikatur 10.2 Il-konsenji kollha taz-zkuk, l-injam, jew il-prodotti tal-injam mgħobbija għall-esportazzjoni ddaħħlu fis-sistema tal-katina tal-kustodja Verifikatur || Tip ta’ Kuntratt jew Permess 10.2.1 L-applikazzjoni għal liċenzja FLEGT || Iz-zkuk u l-prodotti tal-injam esportati kollha 10.2.2 Iz-zokk tal-ispeċifikazzjoni tal-konsenja tal-esportazzjoni (SOP 20) || Iz-zkuk u l-prodotti tal-injam esportati kollha 10.2.3 L-injam isserrat tal-ispeċifikazzjoni tal-esportazzjoni (SOP 21) || L-injam isserrat esportat kollu 10.2.4 Ir-rapport tal-volum tal-esportazzjoni taz-zkuk || Iz-zkuk u l-prodotti tal-injam esportati kollha 10.2.5 Prova tal-pagament tal-miżati tal-esportazzjoni (SOP 26) || Iz-zkuk u l-prodotti tal-injam esportati kollha Gwida/Proċedura tal-Verifika (LAS-LVD-0.10.3) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi vverifikat li l-konsenji kollha tal-esportazzjoni ġew inklużi fis-COCS. Il-Kontroll Regolatorju: It-Taqsima 42 tar-Regolament 108-07 jipprovdi li uffiċjali tal-Gvern responsabbli għal portijiet u d-dwana m’għandhomx jippermettu li konsenji bil-massa ta’ zkuk, injam jew Prodotti tal-injam jiġu mgħobbija fuq vetturi, bastimenti, jew inġenji tal-ajru għall-esportazzjoni ħlief jekk l-uffiċjali jivverifikaw dan kollu li ġej: 98. 1. Iz-zkuk, l-injam u l-prodotti tal-injam kollha ddaħħlu fis-COCS; u 99. 2. Is-COCS/COCIS jikkonfermaw li z-zkuk (jew il-prodotti tal-injam) ma ġewx esportati diġà. || Id-deskrizzjoni: L-LVD irid jivverifika permezz tal-ispezzjoni ta' kull konsenja. Mezzi ta’ verifika: 100. 1. Konferma fis-COCIS || Per shipment Referenzi: Regolament 108-07 (42); COCS SOP (20-21) || Indikatur 10.3 Kwalunkwe tagħbija taz-zkuk, l-injam jew prodotti tal-injam ġiet ipprezzata skont l-informazzjoni attwali tas-suq miġbura, magħżula u miżmuma mil-LVD Verifikatur || Tip ta’ Kuntratt jew Permess 10.3.1 Il-prezz ta’ referenza kif jinstab fil-bażi tad-dejta tal-intelliġenza tas-suq (MIDB) miżmum mil-LVD || It-tipi kollha ta’ kuntratti u permessi Gwida/Proċedura tal-Verifika (LAS-LVD-0.10.3) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi vverifikat li l-konsenji kollha tal-esportazzjoni ġew ipprezzati skont il-prezzijiet tas-suq rilevanti u/jew aċċettati. Il-Kontroll Regolatorju: Ir-Regolament 108-07 tal-FDA jirrikjedi li l-ebda injam jew prodott tal-injam bi prezz baxx mhu se jiġi mgħobbi għall-esportazzjoni || Id-deskrizzjoni: L-LVD irid jivverifika permezz ta' konferma mal-bażi tad-dejtais tal-LVD li l-ebda prezz tal-kuntratt u/jew tar-referenza ta' konsenja partikolari ma kien indikattiv ta’ prezz baxx. Jekk tinħtieġ kjarifika, il-Ministeru tal-Kummerċ jista’ jiġi kkonsultat ukoll. Mezzi ta’ verifika: 101. 1. Konferma fil-bażi tad-dejta tal-LVD 102. 2. Konsultazzjoni mal-Ministeru tal-Kummerċ || Kull tagħbija jew konsenja Referenzi: Regolament 108-07 (43); COCS SOP (18 &21) || PRINĊIPJU 11: IT-TRASPARENZA U L-IŻVELAR ĠENERALI Indikatur 11.1: Id-detentur tal-kuntratt jew il-permess ippubblika darbtejn f'sena f'gazzetta fiċ-ċirkolazzjoni ġenerali, lista tal-ammonti u d-dati tal-pagamenti kollha u konsiderazzjonijiet provduti lill-Gvern tal-Liberja fir-rigward taż-żona tal-kuntratt speċifikata. Verifikatur || Tip ta’ Kuntratt jew Permess 11.1.1 Kopja tal-gazzetta li tinkludi l-pubblikazzjoni || FMC, TSC, PUP, FUP u l-Permess tas-Serrieq bil-Katina Gwida/Proċedura tal-Verifika (LAS-LVD-0.11.1) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi vverifikat li d-detenturi ta’ liċenzi tal-foresti jippubblikaw id-dejta meħtieġa f’ċirkolari ta’ gazzetta bħala mekkaniżmu tat-trasparenza u l-kontabbilità. Il-Kontroll Regolatorju: L-NFRL jirrikjedi li d-detenturi jippubblikaw avviżi darbtejn f’sena (mhux aktar tard mill-15 ta’ Marzu u l-15 ta' Settembru) li jinkludu l-informazzjoni li ġejja f’gazzetta fiċ-ċirkolazzjoni fil-Monrovia: 103. 1. L-isem tad-detentur tal-kuntratt 104. 2. Id-deskrizzjoni taż-żona koperta minn operazzjonijiet tal-qtugħ tas-siġar tad-detentur tal-kuntratt 105. 3. Lista ta’ pagamenti u konsiderazzjonijiet oħra provduti lil gvern mid-detentur tal-kuntratt. || Id-deskrizzjoni: L-LVD jeħtieġ li jagħmel kontro-kontroll u/jew jivverifika li l-pubblikazzjoni tal-informazzjoni msemmija qabel seħħet u li l-avviżi inkludew l-informazzjoni meħtieġa mad-Dipartiment Kummerċjali tal-FDA. Mezzi ta’ verifika: 106. 1. L-analiżi tad-dokument 107. 2. Konsultazzjoni mad-Dipartiment Kummerċjali tal-FDA || Darbtejn f’sena Referenzi: NFRL (5.8) || Indikatur 11.2 Id-detentur tal-kuntratt jew il-permess qed jipparteċipa attwalment fl-Inizjattiva tat-Trasparenza tal-Industriji ta’ Estrazzjoni tal-Liberja (LEITI) Verifikatur || Tip ta’ Kuntratt jew Permess 11.2.1 Ir-Rapport LEITI || It-tipi kollha ta’ kuntratti u permessi 11.2.2 L-attestazzjoni LEITI || It-tipi kollha ta’ kuntratti u permessi Gwida/Proċedura tal-Verifika (LAS-LVD-0.11.2) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi vverifikat jekk detentur ta’ kuntratt jew permess huwiex konformi mal-LEITI. LEITI li tinkludi r-riżorsi tal-foresti timmira sabiex tiżgura l-governanza trasparenti u kontabbli tar-riżorsi-. Il-Kontroll Regolatorju: LEITI tippubblika u/jew ixxerred b’mod wiesgħa d-dettalji tal-pagamenti kollha magħmula fost affarijiet oħra mis-settur tal-forestrija lil Gvern, u d-dħul korrispondenti rċevut mill-Gvern. || Id-deskrizzjoni: L-LVD jeħtieġ li jagħmel kontro-kontroll u/jew jivverifika l-pubblikazzjoni tar-rapport LEITI mad-Dipartiment Kummerċjali tal-FDA. Mezzi ta’ verifika: 108. 1. Konsultazzjoni mal-LEITI u d-Dipartiment Kummerċjali tal-FDA 109. 2. L-analiżi tad-dokument || Kull sena Referenzi: L-Att dwar LEITI (4.1 & 5.4) || Indikatur 11.3 Kopji tal-kuntratt, il-liċenzja, il-permessi, ir-rekords tal-pagamenti magħmula lil Gvern kif ukoll ir-rapport tal-evalwazzjoni tal-offerta tal-offerta li rnexxiet tiegħu jsiru aċċessibbli pubblikament mill-FDA f’konformità mal-Att tal-Liberja dwar il-Libertà tal-Informazzjoni. Verifikatur || Tip ta’ Kuntratt jew Permess 11.3.1 L-iskema ta’ pubblikazzjoni tal-FDA li telenka l-kuntratti u dokumenti oħra ta’ detenturi ta’ kuntratti jew permessi li żżomm u li huma disponibbli għall-aċċess pubbliku || It-tipi kollha ta’ kuntratti u permessi 11.3.2 L-evidenza tal-pubblikazzjoni tal-kuntratt tad-detentur tal-kuntratt fuq il-websajt tal-LEITI || It-tipi kollha ta’ kuntratti u permessi Gwida/Proċedura tal-Verifika (LAS-LVD-0.11.3) || Metodu tal-Verifika || Frekwenza tal-Verifika L-għan: L-għan ta’ din il-proċedura huwa li jiġi vverifikat jekk il-kuntratt jew il-liċenzja tad-detentur tal-kuntratt jew il-permess kif ukoll dokumenti oħra li jappartjenu għall-konċessjoni tad-detentur tal-kuntratt jiġu ppubblikati jew huma disponibbli pubblikament f'konformità mal-Att dwar l-LEITI u l-Att dwar il-Libertà tal-Informazzjoni. Il-Kontroll Regolatorju: L-LEITI tirrikjedi l-pubblikazzjoni tal-konċessjonijiet kollha fis-settur tal-forestrija. L-Att dwar il-Libertà tal-Informazzjoni jirrikjedi l-pubblikazzjoni u/jew l-aċċessibbiltà pubblika tad-dokumenti kollha li jaffettwaw l-interess pubbliku. Minħabba li l-konċessjoni u d-dokumenti sottostanti sottomessi għall-konċessjoni jimplikaw l-interess pubbliku, l-għan huwa li tiġi żgurata d-disponibbiltà tagħhom lil pubbliku speċjalment is-soċjetà ċivili. || Id-deskrizzjoni: L-LVD jeħtieġ li jagħmel kontro-kontroll u/jew jivverifika l-Iskema ta’ Pubblikazzjoni mad-Dipartiment Kummerċjali tal-FDA u jikkontrolla l-websajt tal-LEITI għall-pubblikazzjoni tal-kuntratt. Mezzi ta’ verifika: 110. 1. Konsultazzjoni mal-LEITI u d-Dipartiment Kummerċjali tal-FDA. || Kull sena Referenzi: L-Att dwar l-LEITI (4.1 & 5.4); l-Att dwar il-Libertà tal-Informazzjoni (Taqsima 2.6) || LISTA TA’ AKRONIMI AHC || Iċ-Ċertifikat Annwali tal-Ħsad BOT || It-tip ta’ kuntratt Ibni, Opera, Ittrasferixxi CEO || L-Uffiċjali Eżekuttiv Prinċipali CFDC || Il-Kumitat Komunitarju tal-Iżvilupp tal-Forestrija CNDRA || Iċ-Ċentru għar-Rekords u d-Dokumentazzjoni Nazzjonali COCIS || Is-Sistema tal-Informazzjoni tal-Katina tal-Kustodja COCS || Is-Sistema tal-Katina tal-Kustodja CSO || L-Organizzazzjoni tas-Soċjetà Ċivili EIA || Il-Valutazzjoni tal-Impatt Ambjentali EI || Il-Liċenzja tal-Impatt Ambjentali EIP || Il-Permess tal-Impatt Ambjentali EPA || L-Aġenzija tal-Protezzjoni tal-Ambjent EPAA || L-Att dwar l-Aġenzija tal-Protezzjoni tal-Ambjent EPML || Il-Liġi tal-Protezzjoni u l-Ġestjoni Ambjentali FDA || L-Awtorità tal-Iżvilupp tal-Forestrija FMC || Il-Kuntratt tal-Ġestjoni tal-Foresti FUP || Il-Permess tal-Użu tal-Foresti GBL || Il-Liġi Ġenerali tan-Negozju GSOP || Il-Proċedura Ġenerali Standard tal-Operat IMCC || Il-Kumitat Inter-Ministerjali dwar il-Konċessjonijiet LAS || Is-Sistema tal-Assigurazzjoni tal-Legalità LEITI || L-Inizjattiva tat-Trasparenza tal-Industriji ta’ Estrazzjoni tal-Liberja LLD || Id-Dipartiment tal-Liċenzji tal-Liberja LLL || Il-Liġi Liberjana tax-Xogħol LVD || Id-Dipartiment Liberjan tal-Verifika, FDA MIDB || Il-bażi tad-dejta tal-Intelliġenza tas-Suq MOCI || Il-Ministeru tal-Kummerċ u l-Industrija MOF || Il-Ministeru tal-Finanzi MOFA || Il-Ministeru tal-Affarijiet Barranin MOL || Il-Ministeru tax-Xogħol MPEA || Il-Ministeru tal-Ippjanar u l-Affarijiet Ekonomiċi NFRL || Il-Liġi Nazzjonali tar-Riforma tal-Foresti NSSL || Il-Liġi Nazzjonali tas-Sigurtà Soċjali NSSWC || Il-Korporazzjoni Nazzjonali tas-Sigurtà Soċjali u l-Benessri PDA || Assistent Personali Diġitali PPCA || L-Att dwar l-Akkwist Pubbliku u l-Konċessjonijiet PPCC || Il-Kummissjoni tal-Akkwist Pubbliku u l-Konċessjonijiet PUP || Il-Permess tal-Użu Privat SOP || Il-Proċeduri Standard ta’ Operat TSC || Il-Kuntratt tal-Bejgħ tal-Injam UTM || Universal Transverse Mercator Il-leġiżlazzjoni li ssir referenza
għaliha fid-Definizzjoni tal-Legalità tal-Liberja Issir referenza fid-Definizzjoni tal-Legalità: Il-Liġi tal-Protezzjoni u l-Ġestjoni Ambjentali (2002) L-Att dwar l-Aġenzija tal-Protezzjoni tal-Ambjent (2002) FDA Il-Kodiċi tal-Prattiċi tal-Ħsad fil-Foresti (2007) Ir-Regolament tal-FDA 111-10 L-Għaxar Regolamenti Ewlenin tal-FDA (2007) (Ir-Regolamenti 101-07 sa 110-07) L-Att dwar il-Libertà tal-Informazzjoni (2010) Il-Liġi Ġenerali tan-Negozju L-Att dwar l-LEITI (2009) Il-Proċeduri Standard tal-Operat tas-COC tal-Liberja Il-Liġi Liberjana tax-Xogħol Il-Liġi Nazzjonali tar-Riforma tal-Forestri (2006) Il-Liġi Nazzjonali tas-Sigurtà Soċjali L-Att dwar il-Kummissjoni tal-Akkwist Pubbliku u l-Konċessjonijiet(2005) Il-Kodiċi tad-Dħul tal-Liberja, kif Emendata (2009) Dokumenti Rilevanti Addizzjonali: Il-Liġi tad-Drittiiet Komunitarji (2009) Il-Politika Liberjana tal-Foresti (2007) L-Istrateġija Nazzjonali tal-Ġestjoni tal-Foresti Il-Liġi tan-Netwerk taż-Żoni Protetti tal-Foresti (2003) Appendiċi
B: Ħarsa ġenerali lejn is-sistema tal-katina
tal-kustodja (COCS) STADJU || RESPONSABBILTAJIET TAL-OPERATURI || VERIFIKA MILL-FDA ATTIVITAJIET || DEJTA MDAĦĦLA FIS-COCIS || PRODUZZJONIJIET EWLENIN || VALUTAZZJONIJIET U SPEZZJONIJIET FUQ IL-POST || VALIDAZZJONI TAD-DEJTA FI ĦDAN IS-COCIS[21] || RIKONĊILJAZZJONI BEJN U/JEW FI ĦDAN L-ISTADJI TAL-KATINA TAL-PROVVISTA[22] Qabel il-ħsad || Ir-Reġistrazzjoni tal-unità tan-negozju tad-detentur tal-kuntratt fis-COCIS Id-delineazzjoni u l-qtugħ tal-blokok (is-sistema tal-grilja lokata bil-GPS) ta’ żoni tal-kuntratt allokati mill-FDA L-enumerazzjoni tas-siġar kollha ta’ daqs kummerċjali u t-twaħħil ta’ marki bil-bar code tas-COCIS fuq is-siġar Ippjanar tal-foresti: Lokazzjoni tas-siġar u karatteristiċi naturali || TIN tad-detentur tal-kuntratt (Numru ta’ reġistrazzjoni maħruġ mill-Ministeru tal-Kummerċ) Koordinati tal-blokok Id-dejta tal-istħarriġ tal-istokk, inkluż l-identifikazzjoni tas-siġar, l-ispeċijiet tas-siġar, id-dijametru fil-livell tas-sider, l-għoli u l-lokazzjoni fil-blokka ta’ 2500m2 || Mapep tal-blokok Mapep skematiċi Ir-riżultati tal-istħarriġ tal-istokk u talba għal siġar tal-uċuħ tar-raba’ Pjan annwali operattiv || Uffiċċju: -Mapep tal-blokok, mapep ta’ kompartimenti, -Formoli tal-istħarriġ tal-istokk -Mapep skematiċi, -Il-validazzjoni tas-siġar mitluba għall-ħsad Għalqa: -5% tal-erja tal-blokka: lokazzjoni tas-siġar, dijametru, l-ispeċijiet tal-għoli. -Koordinati tal-kantunieri tal-blokka || Numri ta’ identifikazzjoni tas-siġar, l-ispeċijiet tas-siġar, id-dijametru fil-livell tas-sider, l-għoli u l-lokazzjoni L-użu ta' marki bil-bar code || Il-Ħsad || It-twaqqigħ tas-siġar, il-produzzjoni tat-tulijiet tas-siġar jew iz-zkuk It-twaħħil tal-marki bil-barcode tas-COCIS liz-zkuk u l-biċċiet li jibqgħu fl-art wara li jitwaqqgħu s-siġar Il-kejl tat-tulijiet tas-siġar jew iz-zkuk Il-ġarr lejn il-bitħa taz-zkuk tal-foresti (maġenb it-triq) L-identifikazzjoni tal-allinjament tat-triq proposti u l-inventarju tas-siġar fuq ir-rotta proposta || It-TIN tad-detentur tal-kuntratt Id-dejta tas-siġar: In-numru tal-identifikazzjoni, l-ispeċijiet, id-dijametri u tul In-numru ta’ identifikazzjoni tal-biċċiet li jibqgħu fl-art wara li jitwaqqgħu is-siġar || Il-formoli tad-dejta tas-siġar Il-formoli tal-allinjament tat-triq || Is-sit tat-twaqqigħ tas-siġar: -5% verifika tad-dejta tas-siġar - l-ikkontrollar tal-kampjun li d-dejta tas-siġar hija konsistenti bejn iz-zokk, il-biċċa li tibqa' fl-art wara li titwaqqa’ s-siġra u s-siġra l-imwaqqgħa. || Id-dejta tas-siġra (waqt li tkun wieqfa): In-numru tal-identifikazzjoni, l-ispeċijiet, id-dijametri u t-tul stmat Il-lokazzjoni tas-siġra l-imwaqqgħa u d-dimensjonijiet taz-zokk || Bejn l-istħarriġ tal-istokk u l-formoli tad-dejta tas-siġra[23]: -il-paragunar tan-numru ta’ siġar tal-uċuħ tar-raba’ u n-numru tas-siġar fil-fatt maħsuda skont l-ispeċijiet -il-paragunar tal-volum tas-siġar tal-uċuħ tar-raba’ u l-volum tat-tulijiet tas-siġar (jew iz-zkuk) skont l-ispeċijiet Ir-rabta ta’ identifikazzjoni bejn il-biċċa li tibqa’ fl-art wara li titwaqqa’ s-siġra is-siġra u t-tul tas-siġra/iz-zokk Il-bitħa taz-zkuk tal-foresta/kwalunkwe bitħa taz-zkuk oħra || Il-qtugħ trasversali jew it-tlibbis tat-tulijiet tas-siġar jew iz-zkuk It-twaħħil ta’ marki bil-bar code tas-COCIS lis-zkuk maqtugħin trasversalment jew imlibbsin L-iskalar taz-zkuk || It-TIN tad-detentur tal-kuntratt Id-dejta taz-zokk: In-numru ta’ identifikazzjoni, l-ispeċijiet, id-dijametri, it-tul, il-volum u l-kwalità taz-zokk Ir-rabta bejn it-tulijiet tas-siġra jew iz-zokk twil u z-zkuk maqtugħin trasversalment jew imlibbsin || Il-formola tad-dejta taz-zokk || Fil-post tal-ħatt għaz-zkuk -Verifika tal-kampjun tad-Dejta taz-Zokk (L-intensità tal-kampjun bbażata fuq il-prestazzjoni tal-kumpanija) || Id-dejta taz-zokk: In-numru ta’ identifikazzjoni, l-ispeċijiet, it-tul u l-volum taz-zokk || Bejn il-formoli tad-dejta tas-siġra u l-formoli u dejta taz-zokk -il-paragunar tan-numru ta’ tulijiet tas-siġar/zkuk u zkuk maqtugħin trasversalment u mlibbsin skont l-ispeċijiet -il-paragunar tal-volum tat-tulijiet tas-siġar/kull zokk -il-paragunar tat-tulijiet tas-siġar/kull zokk għall-konsistenza tad-dijametru u l-ispeċijiet Ir-rabta ta’ identifikazzjoni bejn il-biċċa li tibqa' fl-art wara li titwaqqa s-siġra u z-zkuk maqtugħin trasversalment jew mlibbsin Volum maħsud u l-miżata għad-dritt għall-qtugħ imħallsa It-trasferiment tas-sjieda || Talba mis-sid taz-zkuk għal bdil tas-sjieda Ir-Reġistrazzjoni tan-numri tal-identifikazzjoni tal-prodott tal-injam mis-sid il-ġdid || In-numri ta’ identifikazzjoni ta' sidien ta' qabel u dawk attwali In-numri ta’ identifikazzjoni tal-prodott tal-injam soġġett għal bdil tas-sjieda || Id-dikjarazzjoni mal-bdil tas-sjieda || || || Il-konsistenza tan-numri ta’ identifikazzjoni taz-zokk u d-dejta taz-zokk bejn is-sid ta’ qabel u dak attwali It-trasport || It-tagħbija taz-zkuk fuq it-trakk It-trasport taz-zkuk Il-ħatt taz-zkuk || Identifikazzjoni unika tal-polza tat-tagħbija Oriġini u destinazzjoni Is-sid taz-zokk It-trasportatur Il-lista ta’ zkuk trasportati, inkluż in-numru ta’ identifikazzjoni, l-ispeċijiet, id-dimensjonijiet, u l-volum || Poloz tat-tagħbija (oriġini u destinazzjoni) || Spezzjonijiet aleatorji fuq il-polza tat-tagħbija tul ir-rotta tat-trasport (eż. fil-bitħa taz-zkuk, jew f’punti ta’ kontroll mal-ġenb tat-triq) || || Bejn il-formola tad-dejta taz-zokk u l-polza tat-tagħbija -il-paragunar tan-numri ta’ identifikazzjoni taz-zokk -il-paragunar ta' numru ta’ zkuk skont l-ispeċijiet -il-paragunar tal-volum taz-zkuk skont l-ispeċijiet Is-sit tal-ipproċessar || Ir-riċezzjoni taz-zkuk jew prodotti oħra tal-injam (materji primi) Il-ħażna ta’ materji primi It-tlibbis taz–zkuk u t-twaħħil ta’ marki bil-barcode ġodda Id-dħul ta' materji primi fl-ipproċessar L-indirizzar ta' oġġetti pproċessati, inkluż it-twaħħil tal-marka bil-bar code tas-COCIS fuq lottijiet tal-prodott Il-ħażna ta' oġġetti pproċessati || Id-dejta fuq il-materji primi rċevuti u maħżuna fis-sit tal-istabbiliment: In-numru ta’ identifikazzjoni, l-ispeċijiet, id-dimensjonijiet, il-volum Id-dejta tal-input tal-prodott: In-numru ta’ identifikazzjoni, l-ispeċijiet, id-dimensjonijiet, il-volum Id-data Id-dejta tal-produzzjoni tal-prodott: In-numru ta' identifikazzjoni tal-lott, l-ispeċijiet, id-dimensjonijiet, il-volum (il-kwantità) Id-dejta dwar il-prodotti pproċessati maħżuna fis-sit tal-istabbiliment: In-numru ta’ identifikazzjoni tal-lott, l-ispeċijiet, id-dimensjonijiet, il-volum u l-grad || Il-formola tad-dħul fl-impjant fejn jisserraw l-injam Iż-żamma tal-kotba tal-inventarju tal-materja prima Il-formola tal-produzzjoni li tispeċifika d-dħul u l-produzzjoni permezz ta' linji tal-produzzjoni Iż-żamma tal-kotba tal-maħżen || Il-monitoraġġ ta' lottijiet tal-produzzjoni tal-kampjun Awditi aleatorji tal-operazzjonijiet tal-istabbiliment u s-sistemi taż-żamma tal-kotba || Ir-rati tal-irkupru/produzzjoni tal-linji tal-ipproċessar || Bejn il-formola tad-dħul fl-istabbiliment fejn jisserraw l-injam, iż-żamma tal-kotba tal-inventarju tal-materja prima u l-formola tal-produzzjoni - il-paragunar ta’ numri ta’ identifikazzjoni tal-materja prima -il-paragunar tan-numru ta’ materji primi skont l-ispeċijiet -il-paragunar tal-volum tal-materji primi skont l-ispeċijiet Bejn id-dħul u l-produzzjonijiet iddikjarati fil-formola tal-produzzjoni Bejn il-formola tal-produzzjoni u ż-żamma tal-kotba tal-maħżen - il-paragunar tan-numru tal-identifikazzjoni -il-paragunar tan-numru ta’ prodotti skont l-ispeċijiet -il-paragunar tal-volum tal-prodotti skont l-ispeċijiet It-trasport || It-tagħbija ta’ prodotti pproċessati f’faxex fuq it-trakk It-trasport tal-faxex Il-ħatt tal-faxex || Identifikazzjoni unika tal-polza tat-tagħbija Oriġini u destinazzjoni Is-sid taz-zokk It-trasportatur Id-dejta dwar il-prodotti pproċessati maħżuna fis-sit tal-istabbiliment: In-numru ta’ identifikazzjoni tal-lott, l-ispeċijiet, id-dimensjonijiet, il-volum || Il-poloz tat-tagħbija || Spezzjonijiet aleatorji tal-polza tat-tagħbija tul ir-rotta tat-trasport (eż. punti ta’ kontroll mal-ġenb tat-triq) || || Bejn iż-żamma tal-kotba tal-maħżen u l-poloz tat-tagħbija - il-paragunar tan-numri ta’ identifikazzjoni tal-faxex -il-paragunar tan-numru ta’ prodotti permezz - tal-paragunar tal-volum tal-prodotti skont l-ispeċijiet Bejn il-kopji tal-oriġini tal-polza tat-tagħbija u l-kopji tad-destinazzjoni Bejn punti ta’ kontroll ta’ aktar kmieni tul il-katina Qabel l-esportazzjoni || Gradazzjoni It-tirqim u l-immarkar Il-pagament tat-taxxa Id-dikjarazzjoni tad-dwana Id-dikjarazzjoni tal-kummerċ It-trattament fitosanitarju || L-identifikazzjoni tal-prodott L-ispeċifikazzjonijiet tal-prodott it-tip, l-ispeċijiet u d-dimensjoni L-informazzjoni tal-kuntratt ta’ bejgħ: xerrej, u prezzijiet || L-applikazzjoni tal-Liċenzja FLEGT L-ispeċifikazzjonijiet tal-prodott Il-kuntratt tal-bejgħ || Fil-punt tal-esportazzjoni L-ispezzjoni tal-kampjun ta’ prodotti għal esportazzjonijiet (Verifika tad-dejta tal-ispeċifikazzjoni) || In-numru, il-volum u l-gradi || Bejn il-poloz tat-tagħbija u l-Liċenzja FLEGT - il-paragunar tan-numri ta’ identifikazzjoni tal-faxex -il-paragunar tan-numru ta’ prodotti skont l-ispeċijiet -il-paragunar tal-volum tal-prodotti skont l-ispeċijiet It-tagħbija u l-esportazzjoni || It-tagħbija tal-prodotti koperti mil-liċenzji FLEGT || || || Fil-punt tal-esportazzjoni Is-sorveljanza tat-tagħbija finali tal-bastiment Il-kontroll tal-ispeċifikazzjonijiet tal-prodotti mgħobbija fuq il-bastiment || L-ispeċifikazzjonijiet tal-prodott ta' konsenja ta' esportazzjoni (l-identifikazzjonijiet, it-tip tal-prodott, l-ispeċijiet u d-dimensjonijiet) || Bejn il-liċenzja FLEGT u l-verifika fiżika ta’ prodotti mgħobbija ANNESS
III KUNDIZZJONIJIET
LI JIRREGOLAW IR-RILAXX F’ĊIRKOLAZZJONI ĦIELSA FL-UNJONI TAL-PRODOTTI
TAL-INJAM ESPORTATI MIL-LIBERJA U KOPERTI MINN LIĊENZJA FLEGT Qafas ġenerali Ir-Regolament (KE) Nru 2173/2005
tal-20 ta’ Diċembru 2005 dwar il-ħolqien ta’ skema ta’
liċenzjar FLEGT għall-importazzjoni ta’ injam fil-Komunità Ewropea[24]
u r-Regolament ta’ Implimentazzjoni[25] tiegħu jirregolaw
il-kundizzjonijiet tad-dħul fis-suq tal-Unjoni tal-injam u l-prodotti
derivati koperti minn liċenzja FLEGT mil-Liberja. Dawn ir-Regolamenti
jipprovdu adattament tal-proċeduri dettaljati għal kundizzjonijiet
nazzjonali u, b’mod partikolari, jipprevedu possibbiltajiet differenti
għall-awtoritajiet kompetenti responsabbli sabiex jaċċettaw
il-liċenzji FLEGT mad-dħul fis-suq tal-Unjoni, li tista’ tkun
awtorità doganali jew awtorità nazzjonali oħra. Għal din
ir-raġuni, id-deskrizzjoni tal-proċess taqsam il-verifika
f’żewġ stadji: (1) il-kontrolli fuq dokumenti tal-liċenzji u (2)
kontrolli fiżiċi tal-konformità tal-konsenja attwali meta mqabbla mal-liċenzja.
Din il-proċedura hija intenzjonata li
tissupplimenta l-kontrolli mwettqa mil-Liberja u li tivverifika li
l-liċenzji FLEGT ippreżentati mad-dħul fl-Unjoni huma fil-fatt
dawk li kienu maħruġa kif dovut u rreġistrati mill-awtorità
tal-liċenzji tal-Liberja, u li jkopru l-konsenji kif intenzjonati
mill-awtoritajiet tal-Liberja. L-awtoritajiet kompetenti m’għandhomx
il-mandat li jisfidaw is-sistema tal-assigurazzjoni tal-legalità tal-Liberja
jew l-validità tal-liċenzji. Tali kwistjonijiet jistgħu jiġu
ttrattat mill-JIC, skont l-Artikoli 10, 19 u 24 tal-Ftehim. Artikolu 1 Depożitar tal-liċenzja 1. Il-liċenzja għandha
tiġi depożitata mal-awtorità kompetenti tal-Istat Membru tal-Unjoni
li fih il-konsenja koperta minn dik il-liċenzja hija dikjarata għar-rilaxx
għaċ-ċirkolazzjoni ħielsa[26]. Dan jista’ jsir
b’mod elettroniku jew permezz ta’ mezzi veloċi oħra. 2. L-awtoritajiet kompetenti msemmija
fil-paragrafu 1 għandhom, skont il-proċeduri nazzjonali applikabbli,
jinfurmaw lill-awtoritajiet doganali malli tkun ġiet aċċettata
liċenzja. Artikolu 2 Kontrolli
fuq il-validità tad-dokumentazzjoni tal-liċenzja 1. Liċenzji fuq karta
għandhom jikkonformaw mal-mudell deskritt fl-Anness IV. Kwalunkwe
liċenzja li ma tissodisfax ir-rekwiżiti u l-ispeċifikazzjonijiet
stabbiliti fl-Anness IV mhiex valida. 2. Liċenzja għandha tiġi
kkunsidrata bħala nulla jekk tiġi ddepożitata f’data aktar tard
mid-data tal-iskadenza indikata fil-liċenzja. 3. Kwalunkwe tħassir jew tibdil
f’liċenzja m’għandux jiġi aċċettat ħlief jekk dan
it-tħassir jew tibdil ikun ġie vvalidat mill-awtorità
tal-liċenzji. 4. M’għandhiex tiġi
aċċettata estensjoni tal-validità ta’ liċenzja ħlief jekk
din l-estensjoni tkun ġiet validata mill-awtorità tal-liċenzji. 5. M’għandux jiġi
aċċettat duplikat jew liċenzja ta’ sostituzzjoni ħlief jekk
tkun inħarġet jew ġiet ivvalidata mill-awtorità
tal-liċenzji. Artikolu 3 Talbiet għal informazzjoni
addizzjonali 1. F’każ ta' dubju dwar
il-validità jew l-awtentiċita' ta’ liċenzja, duplikat jew
liċenzja ta' sostituzzjoni, l-awtoritajiet kompetenti jistgħu jitolbu
informazzjoni addizzjonali mill-awtorità tal-liċenzji. 2. Kopja tal-liċenzja,
tad-duplikat jew tal-liċenzja ta’ sostituzzjoni inkwistjoni tista’
tintbagħat flimkien mat-talba. 3. Jekk ikun meħtieġ,
l-awtorità tal-liċenzji għandha tirtira l-liċenzja u
toħroġ kopja kkoreġuta, li għandha tiġi awtentikata
mill-endorsjar ttimbrat ‘Duplikat’ u mibgħuta lill-awtorità kompetenti. Artikolu 4 Verifika tal-konformità
tal-liċenzja mal-konsenja 1. Jekk tkun meħtieġa
verifika addizzjonali tal-konsenja qabel ma l-awtoritajiet ikunu jistgħu
jiddeċiedu jekk liċenzja tistax tiġi aċċettata,
jistgħu jitwettqu kontrolli sabiex jiġi stabbilit jekk il-konsenja
inkwistjoni hijiex konformi mal-informazzjoni pprovduta fil-liċenzja u
fir-rekords relatati mal-liċenzja rilevanti li jinżammu mill-awtorità
tal-liċenzji. 2. Fejn il-volum jew il-piż
tal-prodotti tal-injam li jinsabu fil-konsenja ppreżentata sabiex
tiġi rilaxxata għaċ-ċirkolazzjoni ħielsa ma jvarjax
b’aktar minn 10 % mill-volum jew il-piż indikat fil-liċenzja
korrispondenti, il-konsenja għandha tiġi kkunsidrata konformi
mal-informazzjoni pprovduta fil-liċenzja safejn huwa kkonċernat
il-volum jew il-piż. 3. F’każ ta’ dubju dwar jekk
il-konsenja tikkonformax mal-liċenzja FLEGT, l-awtorità kompetenti
kkonċernata tista’ tfittex aktar kjarifika mill-awtorità
tal-liċenzji. 4. L-awtorità tal-liċenzji tista
titlob lill-awtorità kompetenti sabiex tibgħat kopja tal-liċenzja jew
is-sostituzzjoni inkwistjoni. 5. Jekk ikun meħtieġ,
l-awtorità tal-liċenzji għandha tirtira l-liċenzja u
toħroġ kopja kkoreġuta, li għandha tiġi awtentikata
mill-endorsjar ittimbrat ‘Duplikat’ u mibgħuta lill-awtorità kompetenti. 6. Jekk l-awtorità kompetenti ma
tirċievi l-ebda risposta fi żmien 21 jum kalendarju mit-talba
għal aktar kjarifika, kif provdut fl-Artikolu 10 ta’ dan il-Ftehim,
l-awtorità kompetenti m’għandhiex taċċetta l-liċenzja u
għandha taġixxi skont il-leġiżlazzjoni u l-proċeduri
applikabbli 7. Liċenzja m’għandhiex
tiġi aċċettata jekk ikun ġie stabbilit, fejn meħtieġ
wara l-provvista ta’ informazzjoni addizzjonali skont l-Artikolu 3 ta’ dan
l-Anness jew aktar investigazzjoni skont l-Artikolu 4 ta' dan l-Anness, li
l-liċenzja ma tikkorrispondix mal-konsenja. Artikolu 5 Verifika qabel il-wasla tal-konsenja 1. Liċenzja tista’ tiġi
ddepożitata qabel il-wasla tal-konsenja li tkopri. 2. Liċenzja għandha tiġi
aċċettata biss jekk tissodisfa r-rekwiżiti kollha stabbiliti
f-Anness IV u l-ebda verifika oħra skont l-Artikoli 3 u 4 ta’ dan
l-Anness m’hija meqjusa bħala meħtieġa. Artikolu 6 Kwistjonijiet oħra 1. L-ispejjeż mġarrba waqt li
l-verifika tkun qed tiġi kompletata għandhom jitħallsu
mill-importatur, minbarra fejn il-leġiżlazzjoni u l-proċeduri
applikabbli tal-Istat Membru tal-Unjoni konċernat jiddeterminaw mod
ieħor. 2. Fejn ikun hemm nuqqas ta’ ftehim jew
diffikultajiet persistenti li jinħolqu mill-verifika tal-liċenzji
FLEGT, il-kwistjoni tista’ tiġi rriferita lill-JIC. Artikolu 7 Rilaxx
għaċ-ċirkolazzjoni ħielsa 1. Fil-kaxxa 44 tad-Dokument
Amministrattiv Uniku li fuqu ssir d-dikjarazzjoni fid-dwana għar-rilaxx
għaċ-ċirkolazzjoni ħielsa, għandha ssir referenza
għan-numru tal-liċenzja li tkopri l-prodotti tal-injam
suġġetti għad-dikjarazzjoni. 2. Fejn id-dikjarazzjoni tad-dwana
issir permezz ta’ mezzi kompjuterizzati, ir-referenza għandha tiġi
provduta fil-kaxxa xierqa. 3. Il-prodotti tal-injam għandhom
jiġu rilaxxati għaċ-ċirkolazzjoni ħielsa biss wara li
jitlestew il-proċeduri deskritti f’dan l-Anness. ANNESS IV REKWIŻITI
U SPEĊIFIKAZZJONIJIET TEKNIĊI GĦAL LIĊENZJI FLEGT Artikolu 1 Rekwiżiti ġenerali relatati
mal-liċenzji FLEGT 1. Il-liċenzji FLEGT iridu jkunu
fuq karta jew fil-forma elettronika. 2. Kemm il-liċenzji fuq karta kif
ukoll dawk elettroniċi għandhom jipprovdu l-informazzjoni
speċifikata fl-Appendiċi 1, skont in-noti għall-gwida
stabbiliti fl-Appendiċi 2. 3. Il-liċenzji FLEGT għandhom
isiru validi fid-data li fiha jinħarġu. 4. Il-liċenzji FLEGT għandhom
jiġu nnumerati f’manjiera li tiddistingwi bejn liċenzji intenzjonati
għas-swieq tal-Unjoni u dawk intenzjonati għal swieq li mhumiex
fl-Unjoni. 5. Il-perjodu ta’ validità
tal-liċenzji FLEGT m'għandux ikun ta’ aktar minn sitt xhur. Id-data
tal-iskadenza għandha tiġi indikata fuq il-liċenzja. 6. Wara li l-liċenzja tiskadi,
għandha tiġi kkunsidrata bħala nulla. L-awtorità
tal-liċenzji tista’, fid-diskrezzjoni tagħha, testendi l-perjodu ta’
validità għal tliet xhur oħra. Ma’ din l-estensjoni, l-awtorità
tal-liċenzji għandha ddaħħal u tivvalida data tal-iskadenza
ġdida. 7. Il-liċenzji FLEGT
m’għandhomx jibqgħu validi u għandhom jiġu rritornati
lill-awtorità tal-liċenzji jekk il-prodotti tal-injam koperti
mill-liċenzja jintilfu jew jinqerdu matul il-konsenja qabel ma jaslu
fl-Unjoni. Artikolu 2 Speċifikazzjonijiet tekniċi
fir-rigward ta’ liċenzji FLEGT fuq il-karta 1. Liċenzji fuq il-karta
għandhom jikkonformaw mal-format stabbilit fl-Appendiċi 1. 2. Id-daqs tal-karta għandu jkun
A4 standard. Il-karta għandu jkollha marki tal-ilma li juru diversi logos,
li jinkludu emblema Liberjana li trid tiġi imbuzzata fuq il-karta flimkien
mas-siġill. 3. Il-liċenzji għandhom
jimtlew permezz ta’ tajpwrajter jew ta’ kompjuter. Jistgħu jimtlew
bl-idejn, jekk ikun meħtieġ. 4. It-timbri tal-awtorità
tal-liċenzji għandhom jiġu applikati permezz ta' timbru
tal-metall, preferibbilment magħmul mill-azzar. Madankollu, pressa
ibbuzzata kkombinata b’ittri jew ċifri miksuba bil-perforazzjoni tista’
tissostitwixxi t-timbru tal-awtorità tal-liċenzji. 5. L-awtorità tal-liċenzji
għandha tuża metodu li ma jistax jiġi falsifikat sabiex tirrekordja
l-kwantità allokata b’tali mod li jkun impossibbli li jiddaħħlu
ċifri jew referenzi. 6. Il-formola m'għandha tinkludi
l-ebda tħassir jew tibdil, ħlief jekk dak it-tħassir jew
it-tibdil ikun ġie awtentikat mit-timbru u l-firma tal-awtorità
tal-liċenzji. 7. Il-liċenzji għandhom
jiġu stampati u jimtlew bl-Ingliż. Artikolu 3 Kopji
ta’ liċenzji FLEGT 1. Il-liċenzji għandhom
jitfasslu f'ħames kopji permezz tal-kulur tal-karta indikat kif ġej: (a) Abjad, formola
numru 1, immarkata l-‘Oriġinali’; (b) Isfar, kopja numru
2, immarkata ‘Kopja għall-awtorità doganali tal-UE’; (c) Roża, kopja
numru 3, immarkata ‘Kopja għall-awtorità tal-liċenzji’; (d) Aħdar, kopja
numru 4, immarkata ‘Kopja għad-dwana tal-Liberja’; (e) Blu, kopja numru 5,
immarkata ‘Kopja għal-liċenzjat’. 2. L-‘Oriġinali' għandha
tingħata lil-liċenzjat sabiex tintbagħat lill-importatur
għas-sottomissjoni lill-awtorità kompetenti tal-Istat Membru tal-Unjoni li
fih il-konsenja koperta minn dik il-liċenzja tiġi ddikjarata
għar-rilaxx għaċ-ċirkolazzjoni ħielsa. 3. It-tieni kopja, immarkata ‘Kopja
għall-awtorità doganali tal-UE’, għandha tingħata
lil-liċenzjat sabiex tintbagħat lill-importatur
għas-sottomissjoni lill-awtoritajiet doganali tal-Istat Membru tal-Unjoni
li fih il-konsenja koperta minn dik il-liċenzja tiġi ddikjarata
għar-rilaxx għaċ-ċirkolazzjoni ħielsa. 4. It-tielet kopja, immarkata ‘Kopja
għall-awtorità tal-liċenzji’, għandha tinżamm mill-awtorità
tal-liċenzji għar-rekords tagħha u għal-verifika futura
tal-liċenzji maħruġa. 5. Ir-raba’ kopja, immarjata ‘Kopja
għad-dwana tal-Liberja’, għandha tingħata lill-awtoritajiet
doganali tal-Liberja għar-rekords tagħhom u għal skopijiet ta’
esportazzjoni. 6. Il-ħames kopja, immarkata
‘Kopja għal-liċenzjat’, għandha tingħata lil-liċenzjat
għar-rekords tiegħu. Artikolu 4 Liċenzji FLEGT mitlufa, misruqa
jew meqruda 1. F’każ ta' telf, serq jew qerda
tal-‘Oriġinali’ u/jew tal-‘Kopja għad-dwana tal-UE’,
il-liċenzjat jew ir-rappreżentat awtorizzat tiegħu jista’
japplika lill-awtorità tal-liċenzji għal sostituzzjoni, FILWAQT li
jipprovdi ġustifikazzjoni tat-telf tal-oriġinali u/jew il-kopja. 2. L-awtorità tal-liċenzji
għandha toħroġ sostituzzjoni fi żmien xahar wara
l-irċevuta tat-talba mil-liċenzjat. 3. Is-sostituzzjoni għandha
tinkludi l-informazzjoni u l-entrati li jidhru fuq il-liċenzja li
tissostitwixxi, inkluż in-numru tal-liċenzja. Il-liċenzja
tas-sostituzzjoni għandu jkollha l-endorsjar ‘Liċenzja ta’
sostituzzjoni’. 4. F’każ li l-liċenzja
mitlufa jew misruqa tinstab, din m'għandhiex tintuża u għandha
tintbagħat lura lill-awtorità tal-liċenzji. Artikolu 5 Speċifikazzjonijiet tekniċi
fir-rigward tal-liċenzji FLEGT elettroniċi 1. Il-liċenzji FLEGT jistgħu
jinħarġu u jiġu pproċessati permezz ta' sistemi
elettroniċi. 2. Fl-Istati Membri tal-Unjoni li
mhumiex konnessi ma' sistema elettronika, liċenzja fuq il-karti
għandha ssir disponibbli. Artikolu 6 Trattament
ta’ dubji rigward il-validità ta' liċenzja 1. F’każ ta’ dubju li
jikkonċerna l-validità jew l-awtentiċità ta’ liċenzja, duplikat
jew liċenzja ta’ sostituzzjoni, l-awtorità kompetenti fl-Unjoni tista’
titlob informazzjoni addizzjonali mill-awtorità tal-liċenzji. 2. Jekk ikun ikkunsidrat
meħtieġ, l-awtorità tal-liċenzji tista’ titlob lill-awtorità
kompetenti sabiex tibgħat kopja tal-liċenzja jew is-sostituzzjoni
inkwistjoni. 3. Jekk l-awtorità tal-liċenzji
tikkunsidra li jkun meħtieġ, għandha tirtira l-liċenzja u
toħroġ kopja kkoreġuta, li għandha tiġi awtentikata
mill-endorsjar ittimbrat ‘Duplikat’ u tintbagħat lill-awtorità kompetenti. 4. Jekk il-validità tal-liċenzja
tiġi kkonfermata, l-awtorità tal-liċenzji għandha tinnotifika
lill-awtorità kompetenti minnufih, preferibbilment permezz ta’ mezzi
elettroniċi. . Il-kopji rritornati għandhom
jiġu awtentikati mill-endorsjar ittimbrat ‘Ivvalidat fi’ 5. F’każ li l-liċenzja
inkwistjoni mhijiex valida, l-awtorità tal-liċenzji għandha
tinnotifika lill-awtorità kompetenti minnufih, preferibbilment permezz ta’
mezzi elettroniċi. APPENDIĊIJIET 1. Formola tal-liċenzja. 2. Noti ta’ gwida. Appendiċi
1 Format
tal-liċenzja FLEGT
Appendiċi 2 Noti
ta’ Gwida Ġenerali: –
Imla b’ittri kbar. –
Il-kodiċijiet ISO jirreferu
għall-kodiċi tal-pajjiż b’żewġ ittri, b’mod konformi
mal-istandard internazzjonali. Kaxxa 1 || L-awtorità tal-ħruġ || Indika l-isem u l-indirizz tal-awtorità tal-liċenzji. Kaxxa 2 || Numru ta’ identifikazzjoni tat-taxxa u d-destinazzjoni || Indika n-numru Liberjan tal-identifikazzjoni tat-taxxa u d-destinazzjoni tal-esportazzjoni. Il-liċenzji se jinħarġu għad-destinazzjonijiet tas-swieq kollha, mhux biss l-Unjoni Ewropea. Kaxxa 3 || Numru tal-liċenzja FLEGT || Indika n-numru tal-liċenzja. Kaxxa 4 || Id-data tal-iskadenza || Il-perjodu ta’ validità tal-liċenzja. Kaxxa 5 || Pajjiż ta’ esportazzjoni || Dan ifisser il-pajjiż sieħeb (il-Liberja) minn fejn il-prodotti tal-injam ġew esportati lejn l-Unjoni. Kaxxa 6 || Kodiċi ISO || Indika l-kodiċi b’żewġ ittri għal-Liberja. Kaxxa 7 || Mezzi ta’ trasport || Indika l-mezz tat-trasport fil-punt tal-esportazzjoni. Kaxxa 8 || Liċenzjat || Indika l-isem u l-indirizz tal-esportatur. Kaxxa 9 || Deskrizzjoni kummerċjali || Indika d-deskrizzjoni kummerċjali tal-prodott(i) tal-injam. Kaxxa 10 || Intestatura HS || Il-kodiċi tal-komodità b’erba' jew sitt numri stabbilit skont is-Sistema Armonizzata għad-Deskrizzjoni u l-Kodifika tal-Komodità u deskritt fl-Anness I ta’ dan il-Ftehim. Kaxxa 11 || Isem komuni jew xjentifiku || Indika l-isem komuni jew xjentifiku tal-ispeċijiet tal-injam użati fil-prodott. Fejn aktar minn speċi waħda hija inkluża fi prodott kompost, uża linji separati. Jistgħu jitħallew barra għal prodott kompost jew komponent li fih speċi multipli li l-identità tagħhom intilfet (eż twavel tal-partikuli [particle board]). Kaxxa 12 || Pajjiżi tal-ħsad || Indika l-pajjiżi fejn l-injam imsemmi fil-Kaxxa 10 ġie maħsud. Fil-każ ta’ prodotti komposti, inkludi s-sorsi kollha tal-injam użat. Jista’ jitħalla barra għal prodott kompost li fih speċi multipli li m’għandhomx identifikabbli. Kaxxa 13 || Kodiċijiet ISO || Indika l-kodiċi ISO tal-pajjiżi imsemmija fil-kaxxa 12. Jista’ jitħalla barra għal prodott kompost jew komponent li fih speċi multipli li l-identità tagħhom intilfet. Kaxxa 14 || Volum (m3) || Agħti l-volum totali f’m3. Jista’ jitħalla barra ħlief jekk tkun tħalliet barra l-informazzjoni msemmija fil-kaxxa 15. Kaxxa 15 || Piż nett (kg) || Agħti l-piż f'kg. Dan jiġi definit bħala l-massa netta tal-prodotti tal-injam mingħajr kontenituri immedjati jew kwalunkwe ippakkjar, ħlief irfid, spacers, tikketti, eċċ. Jista’ jitħalla barra ħlief jekk tkun tħalliet barra l-informazzjoni msemmija fil-kaxxa 14. Kaxxa 16 || Numru ta' unitajiet || Indika n-numru ta’ unitajiet, jekk dan ikun l-aħjar mod li bih il-prodott manifatturat jingħadd. Jista’ jitħalla barra. Kaxxa 17 || Marki distintivi || Indika, fejn ikun xieraq, kull marka distintiva, pereżempju n-numru tal-lott jew n-numru tal-polza tat-tagħbija. Jista’ jitħalla barra. Kaxxa 18 || Firma u timbru tal-awtorità tal-ħruġ || Din il-kaxxa għandu jkollha l-firma tal-uffiċjal awtorizzat u tiġi ttimbrata bit-timbru uffiċjali tal-awtorità tal-liċenzji. L-isem u l-post u d-data tal-firmatarju jridu jiġu indikati wkoll. ANNESS
V FUNZJONIJIET
TAL-AWDITJAR INDIPENDENTI: TERMINI TA’ REFERENZA
1.
Daħla
Dawn it-termini ta’ referenza (ToR)
jiddeskrivu l-qafas għall-ikkontrollar tas-sistemi tal-assigurazzjoni
tal-legalità stabbiliti għall-Ftehim ta’ Sħubija Volontarja (VPA)
bejn il-Gvern tal-Liberja u l-Unjoni. It-ToR jiddeskrivu l-funzjonijiet
tal-awditjar indipendenti (IA) tas-Sistema tal-Assigurazzjoni tal-Legalità
(LAS), li tipprovdi assigurazzjoni li l-injam maħsud, ipproċessat u
esportat jew mibjugħ fis-suq domestiku huwa konformi mad-definizzjoni
tal-legalità, tivverifika li jikkonforma mal-katina ta’ rekwiżiti ta’
kustodja u tivverifika li l-awtorità tal-liċenzji tkun ħarġet
liċenzji FLEGT biss għal konsenji li jiġu prodotti skont
ir-rekwiżiti LAS. It-ToR għalhekk jistabbillixxu lista
ddettaljata ta’ kompiti u protokoll għall-ġbir tal-informazzjoni u
r-rapportaġġ; jistabbilixxu ukoll lista ta’ sorsi primarji ta’
informazzjoni u jiddeskrivu l-kwalifiki meħtieġa mill-awditur
indipendenti.
2.
Għanijiet
L-għanijiet tal-IA jinkludu: (a) il-valutazzjoni
tal-effiċjenza u l-effettività tal-LAS; u (b) it-titjib
tal-kredibilità tal-LAS stabbilita taħt il-VPA.
3.
Kompiti
Il-kompitu ġenerali tal-awditur
indipendenti huwa li jimmonitorja l-implimentazzjoni tas-sistemi stabbiliti
sabiex tiġi verifikata l-konformità legali mal-aspetti kollha tal-LAS.
Il-kwistjonijiet ewlenin li jridu jiġu kkontrollati se jinkludu
l-konformità mar-rekwiżiti legali stabbiliti fid-definizzjoni
tal-legalità, il-katina tal-kustodja u l-verifika mid-Dipartiment Liberjan
tal-Verifika (LVD) u d-Dipartiment Liberjan tal-Liċenzjar (LLD), kollha
deskritti fl-Annessi II u IV rispettivament. Il-metodu li jrid jintuza
għandu jiġi bbażat fuq l-evidenza u jinkludi kontrolli dokumentarji
u żjarat fuq il-post. Il-kompiti speċifiċi tal-awditur
indipendenti se jkunu: (a) jikkontrolla li s-sistemi qed jiffunzjonaw b’mod effettiv u li
l-injam maħsud, ipproċessat u kkumerċjalizzat jikkonforma
mar-rekwiżiti ta’ dawn is-sistemi, Dan jinkludi r-rekwiżiti legali għall-allokazzjonijiet
tad-drittijiet tal-injam qabel il-kuntratt, l-allokazzjoni tal-kuntratt,
il-qtugħ, l-ipproċessar u l-konsenji; (b) il-verifika li l-katina tas-sistema tal-kustodja, komponent
ewlieni tal-LAS, hija effettiva u qed tiffunzjona b’mod xieraq, li tikkonferma
li qed jiġu sodisfatti r-rekwiżiti mill-operazzjonijiet ta’ qabel
il-ħsad sal-esportazzjoni jew il-bejgħ fis-suq domestiku; (c) jivvaluta l-prestazzjoni u l-effettività tal-LVD u aġenzji
assoċjati tal-Gvern involuti fil-proċess tal-verifika sabiex
tiġi żgurata konformità mar-rekwiżiti tal-LAS; (d) jivvaluta s-sistema stabbilita sabiex jiġi żgurat li
l-LLD joħroġ liċenzji FLEGT biss għal konsenji li jiġu
prodotti jew esportati f’konformità sħiħa mal-LAS; (e) jivvaluta l-proċess għad-determinazzjoni tal-validità
ta’ liċenzji sabiex jiġi żgurat li s-sistema tal-verifika
tal-liċenzji hija effiċjenti u ma ddewwimx jew ma titfax piż
mhux mistħoqq fuq id-detentur tal-liċenzja; (f) jivvaluta kif jiġi indirizzat jew kif ma jiġix
indirizzat ksur irrapportat mill-awtoritajiet rilevanti; (g) jevalwa l-effettività ta’ kwalunkwe miżura meħuda sabiex
jiġu kkoreġuti dawk id-dgħufijiet; (h) jidentifika lakuni u dgħufijiet fil-LAS ġenerali,
jiġifieri l-funzjonament tal-katina tal-komponenti tal-kustodja, il-verifika
tal-legalità u l-liċenzjar tal-LAS, u l-livell tal-impatt fuq
il-kredibilità tal-LAS; (i) jirrapporta s-sejbiet u r-rakkomandazzjonijiet tiegħu
lill-Kumitat Konġunt tal-Implimentazzjoni (JIC), li jeħtieġ li
jippubblika dawn ir-rapporti tal-awditjar regolarment.
4.
Metodoloġija: metodi għall-ġbir u l-valutazzjoni ta’
informazzjoni u rappurtaġġ
L-awditur indipendenti huwa jeħtieġ
li juri professjonalità u integrità fit-twettieq tar-responsabbiltajiet
tiegħu. L-awditur indipendenti għandu jħejji manwal ta'
proċeduri li jiddeskrivi metodi għall-ġbir ta' informazzjoni,
il-valutazzjoni tal-evidenza u r-rappurtaġġ. Il-manwal propost
mill-awditur indipendenti se jiġi rivedut u mifthiem mill-JIC. L-awditur
indipendenti għandu juża l-proċeduri stabbiliti fil-Manwal
tal-IA sabiex iwettaq awditi, żjarat u investigazzjonijiet fuq il-post,
ifittex tagħrif informattiv minn partijiet interessati u jiddokumenta u
jirrapporta s-sejbiet tiegħu lill-JIC għal pubblikazzjoni
sussegwenti.
4.1.
Skeda ta’ xogħol
(a) Fl-ewwel sena tal-operazzjoni tal-iskema tal-liċenzji FLEGT,
l-awditur indipendenti għandu jwettaq żewġ awditi. L-ewwel
awditu għandu l-għan li tistabbilixxi li r-rekwiżiti kollha
tal-LAS huma fis-seħħ u lesti sabiex jibdew joperaw b’mod komplut. It-tieni
awditu, u l-awditi l-oħra kollha fil-futur, se jivvaluta jew jevalwa
l-prestazzjoni tal-LAS. (b) Fis-snin sussegwenti l-awditur indipendenti għandu jwettaq
għall-inqas awditi annwali tal-LAS. (c) L-awditur indipendenti jista’ jwettaq ukoll awditi
għall-għarrieda u kontrolli fuq il-post kif meħtieġ.
4.2.
L-ambitu tax-xogħol
(a) L-attivitajiet
tal-awditur indipendenti għandhom ikopru l-aspetti kollha tal-LAS,
inkluż il-konformità mad-definizzjoni tal-legalità, il-katina tas-sistema
tal-kustodja, il-verifika u l-liċenzjar, u kwalunkwe skema ta'
ċertifikazzjoni li l-Gvern ikun approva li tipprovdi evidenza ta'
konformità mal-LAS. (b) L-awditur indipendenti għandu jawditja l-attivitajiet
rilevanti tal-istituzzjonijiet kollha, inkluż l-aġenziji tal-Istat,
responsabbli għal aspetti differenti tal-LAS tal-Liberja. (c) L-awditur indipendenti għandu jikkontrolla s-sistemi
implimentati mill-awtoritajiet kompetenti tal-UE sabiex jivverifika
l-liċenzji FLEGT maħruġa mil-Liberja.
4.3.
Il-ġbir ta’ evidenza
Il-Manwal tal-Proċeduri tal-IA għandu
jiddeskrivi l-proċeduri u l-prattiki għall-ġbir tal-evidenza li
se jinkludu kontrolli fuq il-post, investigazzjonijiet, intervisti,
dokumentazzjoni u kif l-awditur indipendenti se jwieġeb
għall-ilmenti.
4.4.
Valutazzjoni
Matul l-investigazzjonijiet, l-awditur
indipendenti se jiżgura li l-evidenza tiġi vvalutata skont l-ISO
19011 jew standard ekwivalenti.
4.5.
Sistemi ta’ awditjar
Fid-dokumentazzjoni tal-evidenza tal-awditu,
id-dijanjożi ta’ nuqqasijiet u ksur fi kwalunkwe parti mil-LAS u
l-insegwiment tal-azzjoni korrettiva meħuda, l-awditur indipendenti
għandu: (a) iżomm rekords xierqa tal-evidenza tal-awditu li jiddettaljaw
il-prestazzjoni, il-konformità, in-nuqqas ta’ prestazzjoni u n-nuqqas ta’
konformità; (b) jirrekordja u jivvaluta kampjun, magħżul abbażi
tal-valutazzjoni tar-riskju, tan-nuqqas ta’ prestazzjoni jew in-nuqqas ta’
konformità skopert mal-aspetti differenti tal-LAS, inkluż
ir-rekwiżiti tal-liċenzjar, u l-azzjoni meħuda sabiex jiġi
indirizzat; (c) jirrekordja d-dgħufijiet, in-nuqqasijiet u l-oqsma osservati,
li huma relatati mas-sistema, li jeħtieġu titjib fl-LAS u
jiżgura li kull wieħed huwa distint b’mod xieraq mill-oħrajn; (d) jirrekordja u jivvaluta l-effettività tal-miżuri korrettivi
kollha implimentati mill-partijiet ikkonċernati, inkluża l-Awtorità
tal-Iżvilupp tal-Forestrija (FDA), awtoritajiet Statali u korpi privati
oħra responsabbli għal aspetti oħra tal-LAS.
5.
Rapporti u tixrid
5.1. L-awditur
indipendenti għandu jżomm ma’ struttura u protokoll sabiex
iħejji r-rapporti tiegħu kif mifthiema mal-JIC. L-awditur
indipendenti għandu: (a) jirrapporta
dwar attivitajiet f’konformità mal-iskeda tax-xogħol maqbula mal-JIC; (b) iħejji r-rapport tiegħu skont il-prinċiji
tal-awditjar aċċettati internazzjonalment u kif speċifikat
fil-ftehim tiegħu mal-JIC; (c) jippreżenta r-rapporti kollha lil JIC, li mbagħad
għandu jikkumenta dwarhom; (d) iħejji rapporti finali li jirriflettu l-kummenti tal-JIC. 5.2. Ir-rapporti validati mill-JIC se jsiru dokumenti pubbliċi.
6.
Sorsi ta’ informazzjoni
Sorsi primarji ta’ informazzjoni għandhom
jinkludu reviżjonijiet ta’ dokumenti, żjarat fuq il-post u
konsultazzjonijiet/laqgħat ma’ partijiet interessati rilevanti li
jiġu identifikati fid-definizzjoni tal-legalità tat-tabella tal-verifika
tal-legalità (irreferi għall-Anness II). Il-Gvern tal-Liberja u l-Unjoni se
jiżguraw li l-awditur indipendenti għandu aċċess
għall-informazzjoni meħtieġa kollha, inkluż id-dokumenti u
l-bażi tad-dejta li jqis rilevanti, speċjalment dawk li huma meħtieġa
sabiex tiġi vvalutata l-effikaċja ta’ sistemi stabbiliti sabiex
tiġi verifikata konformità mal-LAS. Dan għandu jinkludi
aċċess għall-informazzjoni prodotta jew miżmuma minn
fergħat u aġenziji tal-Gvern kif ukoll korpi privati rreklutati mill-Gvernijiet
ikkonċernati. L-awditur indipendenti għandu jkollu
wkoll aċċess sħiħ għall-oqsma kollha tal-ġestjoni
tal-foresti qabel, matul u wara l-operazzjonijiet fil-foresti. Dan se jinkludi
aċċess għal siti tal-qtugħ tas-siġar u oqsma oħra
fejn ir-riżorsi tal-foresti qed jiġu estratti jew ipproċessati u
għall-punti tal-esportazzjoni. Dan l-aċċess wiesa’ huwa mfassal
sabiex l-awditur indipendenti jkun jista’ jikxef dgħufijiet kull fejn
jeżistu fl-LAS. Speċifikament, l-awditur indipendenti
għandu jkollu aċċess għall-aġenziji tal-Gvern li
ġejjin, korpi oħra maħtura jew reklutati mill-Gvern sabiex
iwettqu funzjonijiet relatati ma’ kwalunkwe parti mil-LAS u partijiet oħra
li jistgħu jkunu kapaċi li jipprovdu informazzjoni rilevanti dwar
il-funzjonament tal-LAS:
6.1.
Il-Gvern tal-Liberja u korpi maħtura mill-Gvern
(a) Id-dipartimenti tal-FDA li huma nvoluti f’aspetti differenti ta’
qtugħ kummerċjali tas-siġar. Dan għandu jinkudi
d-dipartimenti involuti fil-proċessi ta’ qabel l-allokazzjoni, inkluż
il-validazzjoni tal-oqsma proposti ta’ konċessjoni, il-kwalifika minn
qabel tal-qtugħ tas-siġar u kumpaniji oħra interessati
fis-settur kummerċjali tal-forestrija u t-tħabbir, ir-riċezzjoni
u l-ftuħ tal-offerti. (b) Id-dipartimenti tal-FDA involuti fl-infurzar tal-liġi
fis-settur kummerċjali. (c) Id-dipartimenti tal-FDA u istituzzjonijiet rilevanti oħra
involuti fl-implimentazzjoni tas-sistema tal-assigurazzjoni tal-legalità u
attivitajiet relatati tal-infurzar tal-liġi. (d) Aġenziji oħra tal-Gvern u ċittadini maħtura
involuti fil-proċessi tal-evalwazzjoni tal-offerti, inkluż il-Panel
tal-Evalwazzjoni tal-Offerta, il-Kumitat tad-Diliġenza Dovuta u l-Kumitat
Inter-Ministerjali dwar il-Konċessjonijiet (IMCC). (e) Il-Kumitat Leġiżlattiv dwar il-Forestrija, il-Kamra
tar-Rappreżentanti u s-Senat fir-rigward tar-rwoli tagħhom
fil-proċess tar-ratifikazzjoni tal-liċenzji tar-riżorsi
tal-foresti. (f) L-Aġenzija għall-Protezzjoni tal-Ambjent (EPA)
tal-Liberja. (g) Il-ministeri tal-Gvern responsabbli għal esportazzjonijiet
ta’ prodotti tal-foresti, inkluż il-Ministeru tal-Finanzi, il-Ministeru
tal-Kummerċ u l-Awtorità Nazzjonali tal-Port u d-dipartimenti interni
tagħhom responsabbli għal diversi aspetti tal-proċess. (h) Il-fornitur tas-servizz imqabbad sabiex jopera s-sistema
tal-assigurazzjoni tal-legalità.
6.2.
Is-soċjetà ċivili u l-komunitajiet
(a) Organizzazzjonijiet
lokali, nazzjonali, reġjonali u internazzjonali tas-soċjetà
ċivili involuti fil-monitoraġġ ta’ attivitajiet tal-forestrija
fil-Liberja. (b) Komunitajiet u individwi involuti fil-monitoraġġ ta'
attivitajiet tal-forestrija. (c) Il-Korpi Komunitarji tal-Ġestjoni tal-Forestrija u l-Kumitati
Komunitarji tal-Iżvilupp tal-Forestrija involuti f’diversi aspetti
tas-setturi kummerċjali tal-forestrija.
6.3.
Sorsi oħra
(a) Kumpaniji
tal-forestrija, inkluż riżultati ta’ proċessi privati ta’
ċertifikazzjoni. (b) Istituzzjonijiet akkademiċi. (c) Awtoritajiet lokali. (d) Komunitajiet u popolazzjonijiet lokali. (e) Korpi ta’ ċertifikazzjoni ta’ ġestjoni sostenibbli
tal-foresti (SFM). (f) Kwerelanti. (g) Awtoritajiet kompetenti tal-Unjoni. (h) Partijiet interessati u partijiet li jirreġistraw ilment jew
jitolbu awditjar għall-għarrieda ta' ċerti aspetti tal-LAS. (i) Kwalunkwe sors ieħor li l-awditur indipendenti jikkunsidra
rilevanti.
7.
Kwalifiki meħtieġa
L-awditur
indipendenti jrid ikollu l-integrità u jkollu l-kompetenza tat-twettieq ta’
awditi simili, ikun oġġettiv u jkollu l-kapaċità li jwettaq
analiżi sistematika. L-awditur indipendenti jrid ikun indipendenti minn
operaturi Liberjani u istituzzjonijiet Liberjani li għandhom rwol
kummerċjali jew regolatorju fis-settur tal-forestrija u jkun kredibbli.
Hija r-responsabbiltà tal-awditur indipendenti li jiżgura li l-persunal
tiegħu jiddikjara kwalunkwe kunflitt ta’ interessi potenzjali, u, fejn
dawn jeżistu, li jiddikjara liema miżuri se jieħu sabiex itaffi
dawn il-kunflitti. Flimkien ma’ dan ir-rekwiżit, l-awditur indipendenti
għandu jissodisfa r-rekwiżiti l-oħra li ġejjin: (a) ikollu sistema ta’ ġestjoni tal-kwalità interna dokumentata
li tissodisfa r-rekwiżiti ta’ ISO 17021[27] jew standards
ekwivalenti u jwettaq awditi skont il-proċeduri li jissodisfaw ISO 19011[28]
jew standards ekwivalenti; (b) ikollu esperjenza f’awditji ta’ sistemi ta' ġestjoni; (c) ikollu fis-seħħ mekkaniżu għall-indirizzar
b’mod trasparenti ta’ ilmenti; (d) ikollu firxa ta’ kompetenzi inkluż l-awditjar,
preferibbilment fil-ġestjoni tal-foresti, u kompetenzi u esperjenza
biżżejjed fit-twettieq ta’ funzjonijiet simili f’partijiet oħra
tad-dinja, preferibbilment fl-Afrika; (e) ikun jista’ juri li t-timijiet tiegħu jinkludu esperti
b’esperjenza biżżejjed fil-Liberja u/jew x’imkien ieħor
fl-Afrika tal-Punent. L-involviment ta’ esperti mis-sottoreġjun huwa
inkoraġġit flimkien mal-esperti internazzjonali; (f) ikollu fehim fil-fond tas-settur kummerċjali tal-forestrija,
preferibbilment fl-Afrika; (g) ikollu persunal b’kompetenzi f’diversi oqsma tal-forestrija,
inkluż il-ġestjoni tal-forestrija, l-ipproċessar,
it-traċċabbiltà u l-katina ta’ sistemi ta’ kustodja, u kummerċ
internazzjonali fl-injam u prodotti tal-injam. L-awditur indipendenti jista’ jikkunsidra
sħubija jew proġett konġunt ma' organizzazzjoni Liberjana.
8.
Il-proċess tas-selezzjoni u arranġamenti istituzzjonali
L-awditur indipendenti se jiġi reklutat
minn proċess ta’ offerti kompetittivi (miftuħ għal entitajiet
nazzjonali u internazzjonali). L-evalwazzjoni tal-offerta se tkun trasparenti u
l-partijiet interessati kollha se jiġu infurmati bil-kriterji li se
jiġu applikati. Diliġenza dovuta mwettqa fuq l-entitajiet li qed
jikkompetu u r-rapport tal-evalwazzjoni tal-offerta se jsiru pubbliċi.
9.
Rekwiżiti oħra
Din it-taqsima tkopri responsabbiltajiet
addizzjonali tal-awditur indipendenti li mhumiex indirizzati f’partijiet
oħra ta’ dawn it-termini ta’ referenza.
9.1.
Aċċessibbiltà
L-awditur indipendenti huwa mistenni li jkollu
punt ta’ kuntatt fil-Liberja sabiex issir aċċessibbli
għas-settur privat, il-Gvern u organizzazzjonijiet tas-soċjetà
ċivili. 9.2 L-infurzar tal-kapaċitajiet
u s-sostenibbiltà L-awditur indipendenti għandu wkoll: (a) jinvolvi
ruħu mas-soċjetà ċivili, is-settur pubbliku u l-aġenziji
tal-Gvern b’modi li jippermettu li l-Liberjani jakkwistaw fehim ġust
tax-xogħol tal-awditur indipendenti, pereżempju minn gruppi ta’
ħidma okkażjonali u sessjonijiet ta’ informazzjoni; (b) jirrekluta Liberjani kwalifikati u jsaħħaħ il-kapaċità
individwali tagħhom dwar kif iwettqu IAs tal-LAS. ANNESS
VI KRITERJI
GĦALL-EVALWAZZJONI TAS-SISTEMA TAL-ASSIGURAZZJONI TAL-LEGALITÀ Dan il-Ftehim jipprovdi
għall-implimentazzjoni ta' sistema tal-assigurazzjoni tal-legalità (LAS)
li għandha l-għan li tiggarantixxi li l-injam u l-prodotti derivati
kollha speċifikati f’dan il-Ftehim u esportati mil-Liberja lejn l-Unjoni
jiġu prodotti għal kollox legalment. L-LAS għandha tinkludi: –
definizzjoni tal-injam prodott legalment li telenka
l-liġijiet li għandhom jiġu mħarsa sabiex tiġi
maħruġa liċenzja; –
il-kontroll tal-katina tal-provvista biex l-injam
jiġi intraċċat mill-foresta sal-punt ta' esportazzjoni; –
il-verifika tal-konformità mal-elementi kollha
tad-definizzjoni tal-legalità u tal-kontroll tal-katina tal-provvista; –
il-proċeduri għall-ħruġ
tal-liċenzji FLEGT; u –
l-awditu indipendenti sabiex jiġi żgurat
li s-sistema qed taħdem kif intenzjonata. L-LAS se tiġi soġġetta
għal evalwazzjoni teknika indipendenti qabel ma l-iskema ta' liċenzji
FLEGT ssir operazzjonali; it-termini ta' referenza se jiġu miftiehma b'mod
konġunt bejn il-Partijiet, permezz tal-Kumitat Konġunt
tal-Implimentazzjoni (JIC) għall-Ftehim. Dawn il-kriterji ta' evalwazzjoni
jiddeskrivu dak li LAS hija mistennija li tipproduċi u se jipprovdu
bażi għat-termini ta' referenza għall-evalwazzjoni.
L-evalwazzjoni se: –
tirrevedi kwalunkwe reviżjoni magħmula
lis-sistema wara l-iffirmar tal-Ftehim; u –
teżamina l-funzjonament tas-sistema
fil-prattika u jekk twassalx għar-riżultat intenzjonat.
1.
Definizzjoni ta’ legalità
L-injam prodott legalment għandu
jiġi definit fuq il-bażi tal-liġijiet applikabbli fil-Liberja.
Id-definizzjoni użata għandha tkun mingħajr ambigwità, tiġi
verifikata b'mod objettiv u tsita’ tintuża b’mod operazzjonali u,
bħala minimu, tinkludi dawk il-liġijiet li jkopru: Drittijiet
tal-ħsad: l-għoti ta’ drittijiet
legali biex jiġi maħsud l-injam fi ħdan konfini reġistrati
legalment; Operazzjonijiet
tal-forestrija: konformità mar-rekwiżiti
legali fir-rigward tal-ġestjoni tal-foresti, inkluża l-konformità
mal-leġiżlazzjoni ambjentali u tax-xogħol rilevanti; Miżati
u taxxi: konformità mar-rekwiżiti legali
dwar it-taxxi u l-miżati relatati direttament mal-ħsad tal-injam u
d-drittijiet fuq il-ħsad; Utenti
oħra: rispett għal drittijiet legali
ta’ partijiet oħra jew drittijiet ta’ użu fuq l-art u riżorsi li
jistgħu jiġu affettwati mid-drittijiet fuq il-ħsad tal-injam,
fejn drittijiet oħra bħal dawn jeżistu; Kummerċ
u dwana: konformità mar-rekwiżiti legali
għall-kummerċ u l-proċeduri doganali. Nistgħu nidentifikaw b'mod ċar
l-istrument legali sottostanti għal kull element tad-definizzjoni? Il-kriterji u l-indikaturi li jistgħu
jintużaw sabiex tiġi ttestjata l-konformità ma' kull element
tad-definizzjoni huma speċifikati? Il-kriterji/indikaturi huma ċari,
objettivi u applikabbli għall-pjan operazzjonali? L-indikaturi u l-kriterji jidentifikaw b'mod
ċar ir-rwoli u r-responsabbiltajiet tal-partijiet differenti u l-verifika
tal-konformità legali tivvaluta l-prestazzjonijiet tal-partijiet rilevanti
kollha? Id-definizzjoni tal-legalità tinkludi l-oqsma
ewlenin tal-liġi eżistenti deskritta hawn fuq? Jekk
le, għaliex ċerti oqsma tal-liġi tħallew barra
mid-definizzjoni? Fit-tfassil tad-definizzjoni, il-partijiet
ikkonċernati kkunsidraw l-oqsma ewlenin kollha tal-liġi applikabbli? Is-sistema tal-assigurazzjoni tal-legalità
tinkorpora d-dispożizzjonijiet legali ewlenin identifikati matul
id-diskussjoni li saret qabel bejn id-diversi partijiet involuti? Id-definizzjoni tal-legalità tapplika
għas-sorsi kollha possibbli tal-injam li jidħlu fil-katina
tal-provvista intenzjonata għall-Unjoni u huma indikaturi xierqa
żviluppati għall-proċeduri ta’ allokazzjoni ta’ sorsi/drittijiet
differenti? Id-definizzjoni
tal-legalità u t-tabella tal-assigurazzjoni tal-legalità ġiet emendata
mill-konklużjoni tal-Ftehim? Ġew definiti
indikaturi u kriterji biex tkun żgurata l-verifika ta’ dan it-tibdil? Il-partijiet interessati rilevanti kollha ġew
ikkonsultati dwar dan it-tibdil fi proċess li qies adegwatament il-fehmiet
tagħhom?
2.
Kontroll tal-katina tal-provvista
Is-sistemi li jikkontrollaw il-katina
tal-provvista jridu jipprovdu assigurazzjoni kredibbli li l-prodotti tal-injam
jistgħu jiġu rintraċċati tul il-katina tal-provvista kollha
mill-ħsad jew il-punt ta' importazzjoni sal-punt ta' esportazzjoni. Mhux
dejjem se jkun neċessarju li tinżamm traċċabilità
fiżika għal zokk, tagħbija taz-zkuk jew prodott tal-injam
mill-punt tal-esportazzjoni lura sal-foresta ta’ oriġini, iżda hija
dejjem meħtieġa bejn il-foresta u l-ewwel punt ta’ taħlit
possibbli (eż. terminal tal-injam jew faċilità tal-ipproċessar).
2.1.
Drittijiet tal-qtugħ tas-siġar
Hemm delineazzjoni ċara
taż-żoni fejn id-drittijiet fuq ir-riżorsi tal-foresta ġew
allokati u ġew identifikati d-detenturi ta’ dawk id-drittijiet. Is-sistema ta’ kontroll tiżgura li
l-injam li joriġina minn żona ta’ foresta bi drittijiet tal-użu
validi u permissibbli biss jidħol fil-katina tal-provvista? Is-sistema ta’ kontroll tiżgura li
l-intrapriżi li jmexxu l-operazzjonijiet tal-ħsad ingħataw
id-drittijiet tal-qtugħ tas-siġar xierqa għaż-żoni
tal-foresti konċernati? Il-proċeduri għall-ħruġ
tal-drittijiet tal-qtugħ tas-siġar u l-informazzjoni dwar
id-drittijiet tal-qtugħ tas-siġar maħruġa u d-detenturi
tagħhom ġew ippubblikati kif meħtieġ mil-leġiżlazzjoni
Liberjana?
2.2.
Sistemi għall-kontroll tal-katina
tal-provvista
Hemm mekkaniżmi effettivi
għar-rintraċċar tal-injam tul il-katina tal-provvista kollha
mill-punt tal-ħsad sal-punt tal-esportazzjoni. L-approċċ
għall-identifikazzjoni tal-injam jista’ jvarja, mill-użu ta’ tikketti
għal oġġetti individwali sad-dipendenza fuq id-dokumentazzjoni
li takkompanja tagħbija jew lott. Il-metodu magħżul għandu
jirrifletti t-tip u l-valur tal-injam u r-riskju ta’ kontaminazzjoni b’injam
illegali jew mhux verifikat. L-alternattivi tal-katina tal-provvista kollha
ġew identifikati u deskritti fis-sistema ta’ kontroll? L-istadji kollha fil-katina tal-provvista
ġew identifikati u deskritti fis-sistema ta’ kontroll? Huma definiti u dokumentati metodi li (a)
jidentifikaw l-oriġini tal-prodott u (b) jevitaw it-taħlit ma’ injam
minn sorsi mhux magħrufa fl-istadji sussegwenti tal-katina tal-provvista,
jiġifieri: –
injam fil-foresta, –
trasport, –
ħażna temporanja, –
wasla fil-faċilità tal-ipproċessar
primarju, –
faċilitajiet tal-ipproċessar, –
ħażna temporanja, –
trasport, –
wasla fil-punt tal-esportazzjoni? Liema organizzazzjonijiet huma responsabbli
għall-kontroll tal-flussi tal-injam? Dawn għandhom riżorsi umani
u riżorsi oħra xierqa biex imexxu l-attivitajiet ta’ kontroll? Jeżisti protokoll għall-verifika
tar-riżultati tal-proċeduri ta' kontroll stabbiliti u applikati? Il-proċeduri ta' applikazzjoni huma
definiti b'mod ċar u kkomunikati lill-partijiet interessati kollha?
2.3.
Kwantitajiet
Hemm mekkaniżmi robusti u effettivi
għall-kejl u l-irrekordjar tal-kwantitajiet ta’ injam jew prodotti
tal-injam f’kull stadju tal-katina tal-provvista, inklużi stimi affidabbli
u preċiżi ta’ qabel il-ħsad tal-volum ta’ siġar
għall-produzzjoni tal-injam f’kull post tal-ħsad. Is-sistema tal-kontroll tipproduċi dejta
kwantitattiva dwar id-dħul u l-produzzjoni fl-istadji li ġejjin
tal-katina tal-provvista? –
siġar għall-produzzjoni tal-injam, –
zkuk fil-foresta, –
injam trasportat u maħżun, –
wasla fil-faċilità tal-ipproċessar
primarju, –
kontroll fi ħdan il-faċilitajiet
tal-ipproċessar, –
wasla fil-punt tal-esportazzjoni? Liema organizzazzjonijiet huma responsabbli
biex idaħħlu d-dejta kwantitattiva fis-sistema ta' kontroll? Kif
inhuma kollegati dawn l-organizzazzjonijiet? Il-persunal ta' dawn
l-organizzazzjonijiet jingħataw taħriġ b'mod standard
fil-ġestjoni tad-dejta? L-organizzazzjonijiet għandhom riżorsi
adegwati f’termini ta’ persunal u tagħmir? X'inhi l-kwalità tad-dejta kkontrollata? Jekk organizzazzjonijiet differenti huma
responsabbli, kif jiġi żgurat li l-prestazzjoni tal-kontroll u
tal-ġestjoni tad-dejta jitwettqu bl-istess mod u għall-istess
standards bejn l-organizzazzjonijiet?
2.4.
Ġbir tad-dejta
Id-dejta kollha għandha tiġi
rrekordjata b'mod li tkun tista' tiġi rikonċiljata mal-istadji ta'
qabel u ta' wara tal-katina fi żmien opportun. Titwettaq
rikonċiljazzoni affidabbli għall-katina tal-provvista kollha. Id-dejta kwantitattiva kollha hija rrekordjata
b'mod li l-kwantitajiet ikunu jistgħu jiġu rikonċiljati
mingħajr dewmien mal-istadji ta' qabel u dawk sussegwenti fil-katina
tal-provvista? Jeżistu metodi biex tiġi vvalutata
l-korrispondenza bejn l-siġar għall-produzzjoni tal-injam, iz-zkuk
maħsuda u l-injam li jidħol fl-impjant/punt ta’ esportazzjoni? Jeżistu metodi biex tiġi vvalutata
l-koerenza bejn id-dħul ta’ materji primi u l-ħruġ ta' prodotti
pproċessati fl-istabbilimenti fejn jisserraw l-injam u impjanti oħra? Huwa possibbli li titwettaq
rikonċiljazzjoni affidabbli għal kull oġġett individwali
jew għal kull lott ta' prodotti tal-injam tul il-katina tal-provvista
kollha? Liema sistemi u tekniki ta' informazzjoni
jintużaw biex tinħażen, tiġi rikonċiljata u
rrekordjata d-dejta? Jeżistu sistemi robusti fis-seħħ biex
tiġi żgurata d-dejta? Kif jiġi evitat l-aċċess mhux
awtorizzat għas-sistema (sigurtà tas-sistema)? Kif tiġi garantita l-vijabbiltà
tas-sistemi ta' sigurtà? Liema organizzazzjoni hija responsabbli
għar-rikonċiljazzjoni tad-dejta? Għandha
riżorsi umani u riżorsi oħra adegwati biex twettaq
l-attivitajiet ta' ġestjoni tad-dejta? Liema informazzjoni dwar il-kontroll
tal-katina tal-provvista issir disponibbli pubblikament? Kif jistgħu jkollhom aċċess
għal din l-informazzjoni l-partijiet interessati?
2.5.
Prodotti tal-injam importati
Hemm
kontrolli adegwati sabiex jiġi żgurat li l-prodotti tal-injam u
l-prodotti derivati ġew importati f’konformità mar-rekwiżiti u
l-proċeduri legali stabbiliti sabiex jiġi żgurat li
l-importazzjonijiet ikunu ġew maħsuda legalment skont
ir-rekwiżiti legali tal-pajjiż tal-ħsad. Kif tintwera l-legalità tal-prodotti tal-injam
importati? X’evidenza hija meħtieġa sabiex
jintwera li l-prodotti importati joriġinaw minn siġar maħsuda
legalment f’pajjiż terz? L-LAS tidentifika l-prodotti tal-injam
importati tul il-katina tal-provvista kollha? Fejn jintuża injam importat, jista’
l-pajjiż tal-oriġini jiġi identifikat fuq il-liċenzja
FLEGT, inkluż dak tal-komponenti f’prodotti komposti? L-użu ta’ bar codes fuq l-injam importat
jiggarantixxi li l-prodotti tal-forestrija biss li ġew maqtugħa u
ipproċessati legalment se jiġu esportati b’liċenzja FLEGT?
3.
Verifika
Il-verifika tipprovdi kontrolli adegwati
għall-iżgurar tal-legalità tal-injam. Il-verifika għandha tkun
robusta u effettiva biżżejjed biex tiżgura li kwalunkwe nuqqas
ta’ konformità mar-rekwiżiti, kemm fil-foresta kif ukoll fil-katina
tal-provvista, jiġi identifikat u li tittieħed azzjoni korrettiva
fiż-żmien opportun.
3.1.
Organizzazzjoni
Il-verifika
titwettaq mill-Gvern, organizzazzjoni terza jew xi kombinazzjoni ta’ dawn, li
għandhom riżorsi adegwati, sistemi ta’ ġestjoni u persunal ta’
ħila u mħarreġ, kif ukoll mekkaniżmi robusti u effettivi
għall-kontroll tal-kunflitti tal-interess. Il-Gvern ħatar korp jew korpi biex
iwettqu l-kompiti ta’ verifika? Il-mandat (inkluż ir-responsabbiltajiet
assoċjati) huwa ċar u fid-dominju pubbliku? Ir-responsabbiltajiet huma allokati b'mod
ċar u l-kompetenzi rikjesti marbuta ma' dawn ir-responsabbiltajiet huma
definiti b’mod ċar? Kif jiġu implimentati? Id-dipartimenti responsabbli
għall-verifika tal-legalità kif jiggarantixxu l-ogħla livell
possibbli ta' kollaborazzjoni u ta' ġestjoni tad-dejta razzjonalizzata
bejn l-amministrazzjonijiet involuti fil-kontroll tas-settur tal-foresti? Il-korp responsabbli għall-verifika
għandu riżorsi adegwati biex iwettaq il-verifika tad-definizzjoni
tal-legalità u tas-sistemi għall-kontroll tal-katina tal-provvista
tal-injam? Il-korp tal-verifika għandu sistema ta'
ġestjoni dokumentata sewwa li: –
tiżgura kompetenza/esperjenza
meħtieġa fost il-persunal tal-korp tal-verifika, –
tapplika l-kontroll/is-sorveljanza interna, –
tinkludi mekkaniżmi għall-kontroll tal-kunflitti
ta' interess, –
tiżgura t-trasparenza tas-sistema, –
tiddefinixxi u tapplika metodu tal-verifika, –
tuża sistema ta' ġestjoni tal-ilmenti li
tkun aċċessibbli għall-pubbliku?
3.2.
Verifika skont id-definizzjoni tal-legalità
Teżisti
definizzjoni ċara li tistabbilixxi dak li għandu jiġi verifikat.
Il-metodu tal-verifika huwa dokumentat u jiżgura li l-proċess ikun
sistematiku, trasparenti, ibbażat fuq l-evidenza, imwettaq f'intervalli
regolari u jkopri dak kollu li huwa inkluż fid-definizzjoni. Il-metodu tal-verifika ikopri l-elementi
kollha tad-definizzjoni tal-legalità u jinkludi testijiet ta' konformità
bl-indikaturi kollha speċifikati? Il-verifika teħtieġ: –
kontrolli tad-dokumentazzjoni, ir-rekords
tal-operat u tal-operazzjonijiet fuq il-post (u għall-għarrieda), –
il-ġbir ta' informazzjoni mill-partijiet
interessati esterni, –
l-irrekordjar tal-attivitajiet ta' verifika li
jippermetti l-ikkontrollar mill-awdituri interni u l-awditur indipendenti? Ir-rwoli u r-responsabbiltajiet istituzzjonali
huma definiti u applikati b’mod ċar? Ir-riżultati tal-verifika skont
id-definizzjoni tal-legalità huma disponibbli pubblikament? Kif jistgħu
jkollhom aċċess għal din l-informazzjoni l-partijiet
interessati?
3.3.
Verifika tas-sistemi ta' kontroll tal-katina
tal-provvista
Jeżisti
ambitu ċar li jistabbilixxi dak li għandu jiġi verifikat, li
jkopri l-katina tal-provvista kollha, mill-ħsad sal-esportazzjoni.
Il-metodu tal-verifika huwa dokumentat u jiżgura li l-proċess huwa
sistematiku, trasparenti, ibbażat fuq l-evidenza, mwettaq f'intervalli
regolari u jkopri dak kollu li huwa inkluż fl-ambitu, u jinkludi
rikonċiljazzjoni regolari u mingħajr dewmien tad-dejta bejn kull
stadju fil-katina. Il-metodu tal-verifika ikopri totalment
il-verifiki fuq il-kontrolli tal-katina tal-provvista? Dan huwa speċifikat b’mod ċar
fil-metodu tal-verifika? X’evidenza hemm li turi l-applikazzjoni
tal-verifika tal-kontrolli tal-katina tal-provvista? Ir-rwoli u r-responsabbiltajiet istituzzjonali
huma definiti u applikati b’mod ċar? Ir-riżultati tal-verifika fuq il-kontroll
tal-katina tal-provvista huma disponibbli pubblikament? Kif jistgħu
jkollhom aċċess għal din l-informazzjoni l-partijiet
interessati?
3.4.
Nuqqas ta' konformità
Il-mekkaniżmu
ta’ nuqqas ta’ konformità jagħmilha possibbli li wieħed jittratta kwalunkwe
każ ta’ nuqqas ta’ konformità mar-rekwiżit tal-verifika tal-legalità.
Jeżisti mekkaniżmu effettiv u li jiffunzjona biex tiġi infurzata
azzjoni xierqa u korrettiva fejn jiġu identifikati reati. Is-sistema ta' verifika tiddefinixxi
r-rekwiżit imsemmi hawn fuq? Ġew stabbiliti mekkaniżmi biex
jindirizzaw in-nuqqas ta' konformità? Huma applikati fil-prattika? Hemm rekords adegwati disponibbli dwar
ir-reati identifikati u l-azzjoni korrettiva meħuda? L-effettività
tal-azzjoni korrettiva hija evalwata? Liema informazzjoni dwar il-ksur identifikat
issir ta’ dominju pubbliku?
3.5.
Ilmenti
Mekkaniżmu
tal-ilmenti jagħmilha possibbli li wieħed jittratta kwalunkwe ilment
relatat ma’ verifika ta’ legalità. Jeżisti mekkaniżmu tal-ilmenti
disponibbli għall-partijiet interessati kollha? Il-korpi tal-verifika
għandhom mekkaniżmi fis-seħħ sabiex jirċievu u
jwieġbu għal oġġezzjonijiet minn partijiet interessati jew
osservazzjoni indipendenti? Il-korpi tal-verifika għandhom mekkaniżmi
fis-seħħ sabiex jirċievu u jwieġbu għal ksur li
jinkixef minn uffiċjali tal-Gvern? Huwa ċar kif l-ilmenti jiġu
riċevuti, dokumentati, eskalati (fejn ikun meħtieġ) u
mwieġba?
4.
Liċenzjar
Il-Liberja assenjat awtorità
tal-liċenzji bir-responsabbiltà ġenerali għall-ħruġ
tal-liċenzji FLEGT. Il-liċenzji FLEGT jinħarġu fuq
il-bażi ta’ konsenji individwali.
4.1.
Organizzazzjoni
Liema korp huwa assenjat ir-responsabbiltà
biex joħroġ il-liċenzji FLEGT? Ir-rwoli tal-awtorità tal-liċenzji u
l-persunal tagħha fir-rigward tal-ħruġ tal-liċenzji FLEGT
huma definiti b’mod ċar u disponibbli pubblikament? Ir-rekwiżiti ta’ kompetenza huma definiti
u l-kontrolli interni stabbiliti għall-persunal tal-awtorità
tal-liċenzji? Il-korp tal-liċenzjar għandu
riżorsi adegwati biex iwettaq il-kompitu tiegħu?
4.2.
Ħruġ ta’ liċenzji FLEGT
L-awtorità tal-liċenzji għandha
proċeduri dokumentati għall-ħruġ tal-liċenzji? Dawn huma disponibbli pubblikament,
inklużi kwalunkwe miżati li jridu jitħallsu? X’evidenza hemm li turi li dawn
il-proċeduri huma applikati sew fil-prattika? Hemm rekords adegwati disponibbli fuq
il-liċenzji maħruġa u miċħuda? Ir-rekords juru b’mod ċar l-evidenza li
fuqha huwa bbażat il-ħruġ tal-liċenzji? Ir-rekwiżti għal-liċenzji huma
speċifikati b’mod ċar u disponibbli għall-esportatur? L-esportaturi jifhmu għal kollox il-kriterji
għall-ħruġ tal-liċenzji FLEGT? Liema informazzjoni dwar il-liċenzji
maħruġa issir ta’ dominju pubbliku?
4.3.
Proċeduri sabiex jiġu indirizzati
mistoqsijiet dwar liċenzji maħruġa
L-awtoritajiet kompetenti tal-Istati Membri
tal-Unjoni jistgħu jiksbu kjarifika dwar il-liċenzji FLEGT
maħruġa? Ġew stabbiliti proċeduri ċari
għal komunikazzjoni bejn l-awtorità tal-liċenzji u l-awtoritajiet
kompetenti fl-Unjoni? Hemm mezzi għal partijiet interessati
nazzjonali jew internazzjonali oħra sabiex wieħed jistaqsi dwar
il-liċenzji FLEGT maħruġa?
4.4.
Mekkaniżmu għall-indirizzar tal-ilmenti
Jeżisti mekkaniżmu għall-indirizzar ta’ ilmenti u tilwim
li jinħoloq mil-liċenzjar. Dan
il-mekkaniżmu jagħmilha possibbli li wieħed jittratta kwalunkwe
ilment relatat mal-operazzjoni tal-iskema tal-liċenzjar. Jeżisti mekkaniżmu tal-ilmenti
dokumentat disponibbli għall-partijiet interessati kollha? Huwa ċar kif l-ilmenti jiġu
riċevuti, dokumentati, eskalati (fejn ikun meħtieġ) u
mwieġba?
5.
Istruzzjonijiet dwar l-awditjar tas-sistema indipendenti
L-awditjar indipendenti (IA) hija
funzjoni li hija indipendenti mill-korpi regolatorji tal-Liberja
għas-settur tal-forestrija. L-għan tagħha huwa li tipprovdi
kredibilità lis-settur tal-liċenzjar FLEGT billi tikkontrolla li l-aspetti
kollha tal-LAS qed joperaw kif intenzjonat.
5.1.
Arranġamenti istituzzjonali
5.1.1.
Deżinjazzjoni tal-awtorità
Il-Liberja awtorizzat formalment il-funzjoni
tal-IA u tippermetti li din topera b’mod effettiv u trasparenti.
5.1.2.
Indipendenza mill-elementi l-oħra
tal-LAS
Hemm separazzjoni ċara bejn
l-organizzazzjonijiet u l-individwi li huma involuti fil-ġestjoni jew
ir-regolamentazzjoni tar-riżorsi tal-foresta u dawk involuti fl-IA. Il-Gvern iddokumenta r-rekwiżiti
għall-indipendenza tal-awditur indipendenti? Id-dispożzzjonijiet jiddikjaraw li
l-organizzazzjonijiet jew l-individwi miż-żewġ Partijiet li
għandhom interess kummerċjali jew rwol istituzzjonali fis-settur
tal-forestrija mhumiex eliġibbli li jwettqu l-funzjoni ta' awditur
indipendenti?
5.1.3.
Ħatra tal-awditur indipendenti
L-awditur indipendenti ġie maħtur
permezz ta' mekkaniżmu trasparenti u jeżistu regoli ċari u
disponibbli pubblikament fir-rigward tal-attivitajiet tiegħu. Il-Gvern għamel it-termini ta' referenza
għall-awditur indipendenti disponibbli pubblikament? Il-Gvern iddokumenta l-proċeduri ta'
ħatra tal-awditur indipendenti u għamilhom disponibbli ppubblikament?
5.1.4.
Mekkaniżmu għall-indirizzar
tal-ilmenti
Jeżisti mekkaniżmu
għall-indirizzar ta’ ilmenti u tilwim li jinħolqu mill-IA. Dan
il-mekkaniżmu jagħmilha possibbli li wieħed jittratta kwalunkwe
ilment relatat mal-operazzjoni tal-iskema tal-liċenzjar. Jeżisti mekkaniżmu dokumentat
għall-indirizzar tal-ilmenti li huwa disponibbli għall-partijiet
interessati kollha? Huwa ċar kif l-ilmenti jiġu
riċevuti, dokumentati, eskalati (fejn ikun meħtieġ) u
mwieġba?
5.2.
L-awditur indipendenti
5.2.1.
Rekwiżiti organizzattivi u tekniċi
L-awditur indipendenti huwa indipendenti
mill-komponenti l-oħra tas-sistema tal-verifika tal-legalità u għandu
jopera skont struttura ta' ġestjoni dokumentata, politiki u proċeduri
li jissodisfaw l-aħjar prattika aċċettata internazzjonalment. L-awditur indipendenti jopera skont sistema
ta' ġestjoni dokumentata li tissodisfa r-rekwiżiti tal-Gwida ISO
17021 jew ta' standards simili?
5.2.2.
Metodu ta’ awditjar
Il-metodu tal-IA għandu jkun ibbażat
fuq l-evidenza u l-verifiki mwettqa f'intervalli speċifiċi u
frekwenti. Il-metodu jispeċifika li s-sejbiet kollha
iridu jiġu bbażati fuq evidenza objettiva fir-rigward
tal-funzjonament tal-LAS? Il-metodu tal-awditjar indipendenti
jispeċifika l-intervalli massimi li fihom kull element tal-LAS ser
jiġi verifikat? Il-Gvern jipprovdi assigurazzjoni li l-IA
jista’ jkollu aċċess għal informazzjoni u riżorsi li
jippernettu li jwettaq il-funzjoni tiegħu b’mod effettiv?
5.2.3.
Ambitu tal-awditu
L-awditur indipendenti għandu jopera
skont termini ta' referenza li jispeċifikaw b'mod ċar dak li
għandu jiġi awditjat u li jkopru r-rekwiżiti kollha miftiehma
għall-ħruġ tal-liċenzji FLEGT. Il-metodu tal-IA ikopri l-elementi kollha
tal-LAS u jispeċifika t-testijiet ewlenin ta' effettività?
5.2.4.
Rekwiżiti ta’ rapportaġġ
L-IA għandha tippreżenta rapport
preliminari lill-Kumitat Konġunt tal-Implimentazzjoni (JIC). Ir-rapporti
tal-awditur indipendenti u kwalunkwe azzjoni korrettiva meħtieġa se
jiġu diskussi fil-JIC. It-termini ta' referenza tal-awditur
indipendenti jispeċifikaw r-rekwiżiti ta’ rapportaġġ
fir-rigward tar-rekwiżiti u l-intervalli tar-rapportaġġ? It-termini ta' referenza tal-awditur u
l-proċeduri tal-JIC jiddeskrivu l-proċedura għall-pubblikazzjoni
tar-riżultati tal-awditu?
6.
Kriterji ta' evalwazzjoni tas-sistema stabbilita fl-unjoni ewropea
biex jiġu aċċettati l-liċenzji FLEGT
Ir-Regolament FLEGT u l-miżuri ta'
implimentazzjoni assoċjati jistabbilixxu proċeduri
għall-istabbiliment tas-sistema ta' liċenzji FLEGT, inklużi
l-proċeduri li jippermettu li jiġi vverifikat li l-prodotti tal-injam
tal-Liberja intenzjonati għar-rilaxx f'ċirkolazzjoni ħielsa
fit-territorju tal-Unjoni huma koperti kif suppost minn liċenzja FLEGT.
Dawn il-proċeduri jirrikjedu wkoll li l-Istati Membri tal-Unjoni
jaħtru awtorità kompetenti li tidħol għal din ir-responsabbiltà. Peress li dawn huma miżuri ġodda
introdotti speċifikament biex tiġi implimentata s-sistema FLEGT,
l-evalwazzjoni għandha teżamina l-grad ta' tħejjija tal-Unjoni
għall-verifika tal-liċenzji FLEGT. Ġew identifikati sewwa l-awtoritajiet
kompetenti f'kull Stat Membru tal-Unjoni Ewropea? Din l-informazzjoni ġiet
ippubblikata? Ġew stabbiliti l-proċeduri
għall-ipproċessar tal-liċenzji FLEGT f'kull Stat Membru
tal-Unjoni Ewropea? Dawn il-proċeduri ġew ippubblikati? Ġew stabbiliti liġijiet u
regolamenti xierqa meta dan kien meqjus neċessarju mill-Istati Membri
tal-Unjoni? Ġew stabbiliti mezzi ta' komunikazzjoni
bejn l-awtoritajiet kompetenti u l-awtoritajiet doganali? Ġew stabbiliti proċeduri biex
jippermettu li l-Unjoni, jew kwalunkwe persuna jew korp maħtur mill-Unjoni
Ewropea, ikollha aċċess għad-dokumenti u d-dejta rilevanti, u
biex tevita kwalunkwe problema li tista' tfixkel il-funzjonament tajjeb
tas-sistema ta' liċenzji FLEGT? Ġew stabbiliti proċeduri biex
jippermettu li l-awditur indipendenti jkollu aċċess
għad-dokumenti u d-dejta rilevanti kollha? Ġew negozjati metodi ta'
rapportaġġ bejn l-Istati Membri tal-Unjoni u l-Kummissjoni Ewropea?
Il-proċeduri għall-pubblikazzjoni ta' dawn ir-rapporti ġew
adottati? Hemm proċeduri li jkopru l-każijiet
fejn oġġetti akkompanjati minn liċenzja FLEGT ma ġewx
aċċettati? Ġew stabbiliti proċeduri biex isir rapport fuq
kwalunkwe kontradizzjoni fil-liċenzji u biex jiġu ttrattati reati? Ġiet ippubblikata l-informazzjoni dwar
il-multi fil-każijiet diversi ta' reati? ANNESS
VII L-ISKEDA TAL-IMPLIMENTAZZJONI Din l-iskeda tindika fażijiet ewlenin
fit-triq lejn l-implimentazzjoni tal-VPA. L-iżvilupp
ta' sistemi, aktar żvilupp tal-qafas legali, l-infurzar tal-kapaċitajiet
u miżuri oħra ta’ sostenn meħtieġa sabiex tiġi
stabbilita sistema tal-assigurazzjoni tal-legalità nazzjonali u li tiffunzjona
bis-sħiħ se jibdew ladarba l-VPA ikun ġie miftiehem u inizjalat.
Madankollu, ir-ratifikazzjoni tal-VPA tista’ tieħu xi ftit
taż-żmien u l-istruttura formali tal-Kumitat Konġunt
tal-Implimentazzjoni u l-obbligi tar-rapportaġġ u
l-monitoraġġ konsegwenti mhumiex se jidħlu fis-seħħ
ħlief jekk il-VPA ikun ġie ratifikat miż-żewġ
Partijiet u jidħol fis-seħħ, kif deskritt fl-Artikolu 31
tal-Ftehim. Sadanittant se jinħoloq mekkaniżmu għad-djalogu
(Artikolu 19). Kif jintwera fl-iskeda indikattiva, l-attivitajiet
ippjanati għall-2011 se jibdew ladarba l-VPA jiġi inizjalat. Riżultati ewlenin || Fażijiet ewlenin (Attivitajiet) || 2011 || 2012 || 2013 || 2014 || 2015 || 2016 || 2017 || || Fażi Preparatorja || Fażi Operazzjonali Strutturi ta’ implimentazzjoni tal-VPA stabbiliti || Struttura interim tal-VPA tad-djalogu UE-Liberja stabbilita (qabel il-JIC) Kumitat interim tal-parti interessata stabbilit (eż. Il-Kumitat tat-Tmexxija għan-negozjati tal-VPA) || X X || || || || || || JIC stabbilit Ir-rapportaġġ tal-JIC stabbilit Rapporti annwali prodotti Proċeduri tal-JIC stabbiliti || || X X X X || X || X || X || X || X Strutturi ta’ implimentazzjoni nazzjonali Mekkaniżmu(i) ta’ koordinazzjoni bejn id-dipartimenti stabbilit(i) Kumitat nazzjonali tal-partijiet interessati għall-monitoraġġ tal-implimentazzjoni tal-VPA stabbilit || || X X || || || || || Id-Dipartiment tal-Liċenzji tal-Liberja (LLD) mgħammar, mgħammar bil-persunal u operazzjonali || || || X || || || || Il-kapaċità mtejba || Pjan komprensiv fuq ħames snin ta’ taħriġ u investiment || X || || || || || || Implimentazzjoni ta’ pjan ta’ investiment għall-infurzar tal-kapaċitajiet || || || X || X || X || X || X It-taħriġ għas-settur kummerċjali privat || || X || X || X || || || Għajnuna lil operaturi tas-serrieq bil-katina fuq skala żgħira || || X || X || X || X || X || Għajnuna mis-soċjetà ċivili sabiex tiġi infurzata l-kapaċità ta’ komunitajiet || X || X || X || X || X || X || Mekkaniżmu finanzjarju stabbilit u riżorsi żgurati għall-implimentazzjoni effettiva tal-VPA || Mekkaniżmu stabbilit sabiex jiġi koordinat u mwassal is-sostenn tad-donatur estern u dak nazzjonali għall-implimentazzjoni tal-VPA || X || X || || || || || L-iżvilupp tal-pjan tal-implimentazzjoni fuq perjodu taż-żmien qasir u twil li jimmira lejn is-sorsi potenzjali ta’ sostenn għall-azzjoni tal-VPA Is-sostenn żgurat || X || X X || X || || || || Finanzjament nazzjonali sostenibbli fuq perjodu taż-żmien fit-tul żgurat għall-operat tal-LAS || || || || || || X || X Is-sistema tal-assigurazzjoni tal-legalità: Il-verifika tal-legalità stabbilita || Is-sistemi żviluppati Is-COCS riveduta sabiex tinkorpora r-rekwiżiti tal-VPA || || X || X || || || || Il-proċeduri tal-verifika tal-legalità li jinkorporaw rekwiżiti regolatorji ġodda żviluppati || || X || X || || || || Is-sistemi ta’ ġestjoni tad-dejta żviluppati sabiex jiġu inkorporati r-rekwiżiti tal-VPA || || X || X || || || || Il-proċeduri u l-gwida ddettaljata żviluppata għal zkuk abbandunati u injam ikkonfiskat || || X || X || || || || Il-proċeduri u l-gwida ddettaljata għall-injam importat || || X || X || || || || Is-suq domestiku u s-settur informali integrati fl-LAS Il-prodotti minn sorsi agrikoli integrati fl-LAS (injam tal-gomma u injam ieħor tal-pjantazzjoni) || || || X || || X || || Istituzzjonijiet imsaħħa || || || || || || || Fornitur tas-servizz estern (ESP) imqabbad Korp tal-gvern stabbilit sabiex jissorvelja l-kuntratt tas-servizz || X || X || || || || || L-infurzar tal-ESP u l-operat tal-LVD (inkluż il-ħidma mal-persunal tal-FDA issekondat għall-ESP) || || X || X || X || X || X || L-infurzar tal-kapaċità tal-ESP ta’ aġenziji differenti tal-gvern għall-verifika tal-legalità kif preskritt fil-proċeduri ddettaljati || || || X || X || || || It-trasferiment tal-funzjonijiet tal-verifika lil-LVD fl-FDA (it-trasferiment dettaljat fi stadji ewlenin għandu jiġi integrat fil-kuntratt) || || || || || X || X || Is-sistema tal-assigurazzjoni tal-legalità: il-liċenzjar stabbilit || Proċeduri tal-liċenzjar żviluppati mL-LLD || || X || || || || || Permessi tal-esportazzjoni imwaqqfa b'mod gradwali u l-applikazzjoni tas-sistema l-ġdida tal-liċenzjar mil-LLD || || || X || || || || Il-liċenzji FLEGT għal esportazzjonijiet lejn l-UE u swieq oħra || || || || X || X || X || X Mekkaniżmi għall-komunikazzjoni ma’ awtoritajiet kompetenti tal-UE stabbiliti || || || X || || || || Is-sistema tal-assigurazzjoni tal-legalità: awditu indipendenti stabbilit || Awditur indipendenti mqabbad || || X || || || || || Il-proċeduri tal-operat żviluppati u miftiehma mal-JIC || || || X || || || || L-awditi indipendenti inizjati u r-rapporti ppubblikati || || || X || X || X || X || X Il-liċenzji FLEGT aċċettati fl-UE || Evalwazzjoni esterna tal-funzjonament tal-LAS u proċeduri tal-UE; aġġustamenti magħmula jekk ikun meħtieġ (ara Anness VI) || || || X || || || || JIC jikkonferma d-data meta l-UE tibda taċċetta liċenzji FLEGT || || || X || || || || LAS operazzjonali u l-UE taċċetta l-liċenzji || || || || X || || || Monitoraġġ tas-soċjetà ċivili stabbilit || L-infurzar tal-kapaċitajiet għas-soċjetà ċivili (CS) sabiex jitmexxa l-monitoraġġ || || X || X || || || || Il-monitoraġġ tas-CS imfassal fid-dettall || || X || || || || || Il-monitoraġġ tas-CS stabbilit || || || X || X || X || X || X L-infurzar tal-liġi u l-qafas regolatorju mtejjeb || Ir-regolamenti komunitarji tal-foresti adottati Id-definizzjoni tal-legalità (LD) aġġornata || || X || X || || || || Ir-regolamenti tas-serrieq bil-katina adottati LD aġġornat || || X || X || || || || Ir-regolamenti fuq iz-zkuk abbandunati f’żoni tal-konċessjoni adottati || || || X || || || || Ir-regolamenti fuq l-Injam fi tranżitu adottati Il-proċeduri u l-gwida ddettaljata għall-Injam fi tranżitu adottati || || X || X X || || || || Ir-regolamenti fuq l-importazzjonijiet tal-injam adottati || || || X || || || || Ir-Regolamenti għall-injam ikkonfiskat adottati || || || X || || || || L-irfinar tal-proċeduri għall-ftehimiet soċjali u dispożizzjonijiet soċjali u ambjentali oħra fis-seħħ || || X || X || || || || Emendi lil-LD || || || X || || || || X Reviżjoni tar-regolamenti fil-qafas tal-LD, abbażi ta’ esperjenza prattika ta’ implimentazzjoni tal-LAS || || || || || || X || Il-kapaċità tal-infurzar tal-liġi msaħħa || || || X || X || X || || Ir-regolament u l-monitoraġġ tas-suq domestiku stabbilit || Il-proċeduri għall-verifika legali għas-suq domestiku stabbiliti fl-LAS (integrazzjoni għall-verifika tal-legalità u fis-COCS) || || || X || X || || || L-istabbiliment ta’ sistema tal-ġbir ta’ informazzjoni || || || || X || || || Il-valutazzjoni ta’ kontribuzzjoni mis-settur informali lill-ekonomija nazzjonali (lokali) (monitoraġġ regolari se jiġi stabbilit sussegwentement) || || || || || || X || It-taħriġ ta’ operaturi tas-serrieq bil-katina sabiex jaħdmu skont ir-regolamenti u proċeduri ġodda || || || X || X || X || X || X Il-monitoraġġ tal-impatt tal-VPA || L-organizzazzjoni(jiet) tal-monitoraġġ għall-istudji bażi mqabbda || || X || || || || || Il-qafas tal-monitoraġġ miftiehem mill-JIC || || X || || || || || Il-monitoraġġ tar-rutina, bir-rapportaġġ lill-JIC || || || X || X || X || X || X Il-komunikazzjoni || Pjan ta’ komunikazzjoni għall-ħolqien ta’ kuxjenza pubblika bil-kostijiet ikkalkolati mħejji (P) u implimentat (I) || || P || I || I || I || I || I Wirjiet ta’ kummerċ ma’ msieħba tal-kummerċ sabiex jiġu promossi l-benefiċċji tal-injam bil-liċenzja FLEGT || || || X || || X || || X Siti ta’ informazzjoni pubbliċi u l-kapaċità stabbilita (ara Anness IX) || X || X || X || || || || Linji gwida għall-iżvilupp ta' ftehimiet soċjali || X || X || || || || X || Il-gwida mmirata għall-konformità mal-LAS għal partijiet interessati differenti || || X || X || X || X || || Il-monitoraġġ tal-VPA u r-rapporti tal-JIC ippubblikati || || X || X || X || X || X || X ANNESS
VIII MIŻURI TA’ SOSTENN
1.
L-isfond
Is-settur tal-forestrija
fil-Liberja huwa fi proċess ta’ rkupru u żvilupp mill-ġdid wara
t-tneħħija tas-sanzjonijiet tan-NU kontra l-qtugħ tas-siġar
fl-2006. Il-qafas
leġiżlattiv ġdid huwa fis-seħħ u ż-żoni
tal-foresti ġew identifikati għall-konservazzjoni u għal operazzjonijiet
kummerċjali u komunitarji tal-foresti. Qed jiġu żviluppati
regolamenti ġodda sabiex jiġi rregolat is-settur informali,
magħruf bħala "il-qtugħ tas-siġar bis-serrieq
bil-katina", li jforni prinċipalment lis-suq domestiku. Analiżi
tal-kapaċità tas-servizzi tal-gvern, l-operaturi fis-settur privat u
s-soċjetà ċivili sabiex jitwettqu funzjonijiet preskritti fl-oqsfa
legali u politiċi l-ġodda, imwettqa f’Diċembru 2010 bi
tħejjija għall-VPA, tenfasizza lakuna kbira bejn il-funzjonijiet
intenzjonati u l-kapaċità attwali.
L-operat effettiv tas-sistema tal-assigurazzjoni
tal-legalità (LAS) deskritt f’dan il-Ftehim se jeħtieġ kapaċità
imsaħħa għal funzjonijiet regolatorji ewlenin flimkien
mat-titjib fis-sistemi deskritti fl-Anness II ta' dan il-Ftehim. Il-Liberja se
tieħu firxa ta’ miżuri ta’ sostenn, kif indikat
fl-Artikolu 15(1) ta’ dan il-Ftehim, f’kooperazzjoni mal-Istati Membri
tal-Unjoni, il-Kummissjoni Ewropea u msieħba oħra ta’ żvilupp
sabiex dan il-Ftehim jiġi implimentat b’mod effettiv. Dawn jinkludu miżuri sabiex: (a) jiġu stabbiliti miżuri ta’ implimentazzjoni sabiex
tiġi żgurata koordinazzjoni effettiva; (b) l-infurzar
tal-kapaċità ta’ partijiet interessati ewlenin; (c) tiġi stabbilita
s-sistema tal-assigurazzjoni tal-legalità; (d) jissaħħaħ
il-qafas legali u regolatorju; (e) jiġi mmonitorjat
il-kummerċ domestiku fl-injam u l-importanza tiegħu
għall-ekonomija nazzjonali; (f) jiġi mmonitorjat
l-impatt tal-VPA, inkluż fuq komunitajiet u operaturi tas-settur privat; (g) tiġi mmonitorjata
l-implimentazzjoni tal-VPA; (h) ikun hemm komunikazzjoni
mal-partijiet interessati nazzjonali u internazzjonali; (i) jiġi
aġġornat il-qafas strateġiku għas-settur tal-foresti. Miżuri ta’ sostenn possibbli jiġu
deskritti hawn taħt. Dawn se jiġu
żviluppati aktar fi pjanijiet ta' azzjoni ddettaljati, inkluż skedi
ta' investiment, fi stadju bikri tal-implimentazzjoni tal-VPA.
2.
Strutturi ta’ implimentazzjoni
Strutturi istituzzjonali se jiġu
stabbiliti sabiex jiġi permess l-operat bla xkiel u l-koordinazzjoni bejn
korpi tal-gvern u mhux tal-gvern involuti fl-implimentazzjoni tal-VPA. B’mod partikolari, bl-użu ta' strutturi eżistenti se
jinħolqu żewġ dipartimenti ġodda fi ħdan l-Awtorità
tal-Iżvilupp tal-Forestrija (FDA), id-Dipartiment Liberjan tal-Verifika
(LVD) u d-Dipartiment tal-Liċenzji tal-Liberja (LLD). Mekkaniżmu
għall-koordinazzjoni bejn l-aġenziji tal-gvern u ż-żieda
fil-kapaċità fid-dipartimenti eżistenti sabiex jieħdu ħsieb
funzjonijiet ġodda se jkun prijorità waħda għall-ewwel sena. B’mod
partikolari, struttura li timmaniġġja l-kuntratt estern tas-sistema
tal-verifika/il-katina tal-kustodja (COCS) se tiġi stabbilita fl-ewwel
sena tal-implimentazzjoni. Bi tħejjija għall-implimentazzjoni,
is-sostenn tekniku sabiex tiġi ppjanata u infurzata l-kapaċità
meħtieġa se jkun prijorità (eż. deskrizzjonijiet tal-impjiegi
tal-persunal, ir-reklutaġġ, l-impenn ta’ esperti u komunikazzjonijiet
bejn l-aġenziji bejn l-FDA u aġenziji oħra eż.
l-Aġenzija tal-Protezzjoni tal-Ambjent u l-Ministeri tal-Kummerċ u
l-Industrija, ix-Xogħol, l-Agrikoltura u l-Finanzi (l-Uffiċċju
tal-Konċessjonijiet u l-Uffiċċju tad-Dwana)).
3.
L-infurzar tal-kapaċità
L-infurzar tal-kapaċità se jkun
meħtieġ għall-partijiet kollha involuti fl-implimentazzjoni
tal-VPA. L-ippjanar għal dan għandu jqis
is-sostenn tas-settur attwali u ppjanat, kif indikat fl-Artikolu 15 ta’
dan il-Ftehim. L-infurzar tal-kapaċità jħaddan: (a) taħriġ
tekniku għal aġenziji tal-gvern, b'mod partikolari l-FDA,
l-Aġenzija tal-Protezzjoni tal-Ambjent u d-Dwana; (b) it-taħriġ
għall-persunal tal-FDA li qed jaħdem mal-fornitur tas-servizz estern;
(c) it-taħriġ għal gruppi tas-soċjetà ċivili sabiex
ikunu jistgħu jimmonitorjaw l-operazzjonijiet tal-LAS u jgħinu lil
komunitajiet sabiex jipparteċipaw f’azzjoni relatata mal-forestrija; (d)
għajnuna għal gruppi ta’ dawk li jaqtgħu is-siġar
bis-serrieq bil-katina fil-ħiliet ta’ formazzjoni kooperattiva u
tekniċi; (e) it-taħriġ fil-ġestjoni tal-informazzjoni
għal-LAS u l-kapaċità ta’ rutina li tiġi analizzata u
ppubblikata l-informazzjoni fis-settur; u (f) l-kapaċità miżjuda
bil-għan tat-teknoloġija, inkluża l-provvista ta’ tagħmir
adegwat, is-softwer u t-tagħmir ta’ komunikazzjoni. Sabiex jiġi ggwidat il-kompitu
sinifikanti tal-infurzar tal-kapaċità u bl-użu tal-analiżi fuq
il-lakuna tal-kapaċità mwettqa f’Diċembru 2010, il-Liberja se
tiżviluppa pjan ta' taħriġ komprensiv u kkalkolat fuq ħames
snin, li jirrifletti inizjattivi attwali jew ippjanati, jiddifferenzja bjen
taħriġ fuq il-post mill-fornitur tas-servizz tal-verifika/is-COCS u
taħriġ ieħor meħtieġ u li jidentifika taħriġ
li jista’ jiġi kopert minn inizjattivi eżistenti u għal liema
huwa meħtieġ taħriġ addizzjonali mfassal apposta
għar-rekwiżiti tal-VPA. Barra minn hekk, il-Liberja se tiżviluppa
pjan ta’ investiment ta’ ħames snin, li jidentifika t-tagħmir
meħtieġ u l-kostijiet tal-operat tiegħu, il-kostruzzjoni jew
l-arranġament mill-ġdid u l-manutenzjoni tal-faċilità,
investimenti li se jiġu akkwistati mill-fornitur tas-servizz
għat-tranżizzjoni eventwali, dawk akkwistati taħt inizjattivi
ffinanzjati eżistenti u dawk li jkunu jeħtieġu finanzjament
addizzjonali. Kif indikat fl-Artikolu 15,
il-Partijiet se jaħdmu flimkien skont arranġamenti eżistenti
sabiex jiżguraw ir-riżorsi meħtieġa għal dan
l-infurzar tal-kapaċità,
4.
Mekkaniżmi ta’ finanzjament
Baġits dettaljati għall-miżuri
kollha deskritti f’dan l-Anness jeħtieġ li jiġu żviluppati
u l-finanzjament irranġat. Dan tal-aħħar se
jinkludi d-determinazzjoni tal-kontribuzzjoni li l-Liberja tista’ tipprovdi
mir-riżorsi tagħha stess, l-istabbiliment ta’ dak li se jkun
meħtieġ minn donaturi u l-identifikazzjoni u l-impenn ta’ donaturi
potenzjali. Il-miżuri ewlenin jistgħu jinkludu: (a) l-istabbiliment ta’ mekkaniżmu ta’ twassil finanzjarju; (b) l-iżvilupp ta’ baġit komprensiv fuq perjodu
taż-żmien fil-qosor u fit-tul u proposti ddettaljati u sorsi
għall-finanzjament tal-implimentazzjoni tal-VPA; (c) l-identifikazzjoni ta’ sostenn mir-riżorsi tal-Liberja u
s-sostenn meħtieġ mill-Unjoni u msieħba oħra ta'
żvilupp, inkluża l-koordinazzjoni ta' sostenn tad-donatur
eżistenti fejn rilevanti; (d) il-ġbir ta’ fondi.
5.
L-istabbiliment tal-LAS
L-LAS se jibni fuq sistemi u strutturi
eżisteni li diġà qed joperaw fil-Liberja. Is-sostenn
huwa meħtieġ sabiex jittejbu sistemi sabiex tiġi żgurata
l-verifika tal-konformità mad-definizzjoni tal-legalità fl-Anness II, permezz
tal-proċeduri deskritti fl-istess Anness. Il-miżuri ta’ sostenn se
jiffokaw fuq azzjoni meħtieġa sabiex tiġi stabbilita
l-kapaċità funzjonali fuq numru ta’ aġenziji differenti tal-gvern u
mal-introduzzjoni ta' awditjar indipendenti. Jinvolvu l-istabbiliment
tal-funzjoni tal-verifika tal-legalità, is-sistema tal-liċenzji FLEGT u
l-funzjoni tal-awditjar indipendenti u t-titjib tas-COCS eżistenti sabiex
jiġu sodisfatti rekwiżiti tal-LAS.
5.1.
L-istabbiliment tas-sistema tal-verifika
tal-legalità
Il-Liberja se tqabbad fornitur tas-servizz
estern sabiex tibni, topera, u tittrasferixxi l-verifika tal-legalità u s-COCS
fuq perjodu ta’ ħames snin. Parti ċentrali tal-kompitu tkun l-infurzar tal-kapaċità ta’
aġenziji tal-gvern sabiex iwettqu l-funzjonijiet meħtieġa. Il-fornitur tas-servizz
estern se jaħdem direttament mal-persunal tal-FDA issekondat fis-servizz
tagħhom li, maż-żmien, se jsir l-LVD. Il-miżuri ewlenin jistgħu
jinkludu: (a) l-impenn ta’ rappreżentant kwalifikat tal-klijent sabiex
jgħin bit-tfassil ta’ speċifikazzjonijiet dettaljati u dokumenti ta’
kuntratti għall-fornitur tas-servizz u bi proċeduri tas-selezzjoni; (b) l-irriklamar għar-riċezzjoni, is-selezzjoni u
l-evalwazzjoni ta’ proposti għall-fornitur tas-servizz; (c) in-negozjar ta' kuntratt mal-fornitur tas-servizz fuq bażi
ta’ ibni-opera-ittrasferixxi; (d)it-trasferiment
tal-persunal rilevanti tal-FDA għall-fornitur tas-servizz; (e) l-istabbiliment ta’ struttura ta’ superviżjoni sabiex
jiġi monitorjat il-fornitur tas-servizz; (f) il-bini u l-operat tal-LAS deskritt fl-Anness II għal dan
il-Ftehim; (g) l-integrazzjoni tal-proċessi tal-istabbiliment u
l-produzzjoni tal-laqx tal-injam tal-gomma fis-COCS; (h) l-integrazzjoni ta’ injam importat u injam ikkonfiskat fis-COCS; (i) l-estensjoni tal-LAS sabiex tinkludi l-injam prodott
għas-suq domestiku; (j) it-trasferiment ta’ sistemi operati mill-fornitur tas-servizz
lill-FDA.
5.2.
L-istabbiliment tad-Dipartiment tal-Liċenzi
tal-Liberja
L-FDA se tistabbilixxi Dipartiment
tal-Liċenzji li se jkun responsabbli għall-għoti
tal-liċenzji FLEGT għall-esportazzjonijiet kollha. Se tiżviluppa
l-proċeduri ddettaljati għal-liċenzji FLEGT u tiżgura
l-koerenza ma' proċeduri ta' esportazzjoni, filwaqt li jwaqqfu gradwalment
is-sistema attwali tal-permessi tal-esportazzjonijiet kif issir operattiva
s-sistema tal-liċenzji FLEGT. Għal dan il-għan, il-miżuri ewlenin jistgħu
jinkludu: (a) b'għajnuna esperta kif xieraq, l-iżvilupp ta’ rutini
addizzjonali sabiex tiġi aġġustata s-sistema attwali tal-permess
ta’ esportazzjoni għal liċenzji FLEGT; (b) l-istabbiliment tad-Dipartiment fi ħdan l-FDA; (c) ir-reklutaġġ tal-persunal u konsulent tekniku; (d) l-abbozzar ta’ regolamenti dwar il-liċenzjar
tal-esportazzoni; (e) it-tneħħija gradwali ta’ permessi ta’ esportazzjoni; (f) il-ħruġ ta’ liċenzji FLEGT; (g) l-istabbiliment ta’ mekkaniżmi għall-komunikazzjoni ma’
awtoritajiet kompetenti tal-UE.
5.3.
L-istabbiliment ta’ mekkaniżmu ta’ Awditjar
Indipendenti
Kif indikat fl-Anness V għal dan
il-Ftehim, il-Liberja se tqabbad awditur indipendenti (IA) sabiex jiżgura
l-operat bla xkiel tal-LAS u sabiex jislef kredibbiltà lis-sistemi, b’mod
partikolar għas-swieq internazzjonali. Il-Liberja se tqabbad l-Awditur
Indipendenti f’konsultazzjoni mal-Unjoni wara l-proċeduri tal-akkwist
tal-Liberja u wara l-gwida stabbilita fl-Anness V. Għal dan il-għan,
azzjonijiet ewlenin jistgħu jinkludu: (a) ir-reklamar għal Aditur Indipendenti u s-selezzjoni
tiegħiu u n-negozjar miegħu; (b) l-iżvilupp ta’ proċeduri dettaljati għall-Awditjar
Indipendenti biex jiġu maqbula mal-Kumitat Konġunti
tal-Implimentazzjoni (JIC); (c) il-bidu ta’ awditi indipendenti; (d) l-istabbiliment tal-kapaċità għar-reviżjoni u
r-rapportaġġ.
5.4.
Ir-reviżjoni esterna tal-LAS operattiv
Kif indikat fl-Anness VI għal dan
il-Ftehim, l-LAS se tkun soġġetta għal evalwazzjoni teknika
indipendenti qabel ma s-sistema tal-liċenzjar issir operattiva għal
kollox u qabel ma l-awtoritajiet tal-UE jaċċettaw liċenzji
FLEGT. Il-miżuri
ewlenin jistgħu jinkludu: (a) it-tmexxija ta’ evalwazzjoni indipendenti tal-LAS,
ir-reviżjoni ta’ riżultati u l-aġġustament ta’ sistemi jekk
ikun meħtieġ; (b) l-infurmar tal-JIC bir-riżultati tal-evalwazzjoni u l-qbil
dwar data meta l-iskema tal-liċenzjar se ‘tibda taħdem’ u
l-awtoritajiet tal-UE se jkunu meħtieġa li jivverifikaw liċenzji
FLEGT qabel id-dħul fis-suq tal-Unjoni.
6.
It-tisħiħ tal-infurzar tal-liġi u l-qafas regolatorju
B’mod parallel għall-implimentazzjoni
tal-LAS, il-Liberja se teżamina l-effiċjenza tas-sistema tal-infurzar
u regolatorja u l-koerenza tal-qafas legali applikabbli għas-settur
tal-forestrija u tintroduċi titjib fejn ikun meħtieġ. L-iżvilupp tad-definizzjoni tal-legalità u l-konsultazzjonijiet u
l-ittestjar fuq il-post li seħħew matul l-iżvilupp tagħha
żvelaw xi oqsma tar-regolamenti li jeħtieġu aktar emendi sabiex
tiġi provduta gwida ċara għall-operaturi ekonomiċi. Il-miżuri
ewlenin jistgħu jinkludu: (a) il-provvista għal reviżjoni regolatorja wara ħames
snin ta’ implimentazzjoni tal-LAS li se tippermetti żmien sabiex jiġi
identifikat tħassib prattiku fl-applikazzjoni u l-verifika tal-konformità
legali; (b) It-titjib tal-oqsma li ġejjin tal-qafas legali; il-linji
gwida għan-negozjar ta’ Ftehimiet Soċjali; ir-regolamenti komunitarji
tal-forestrija; il-proċeduri għall-ġestjoni taz-zkuk
abbandunati; il-proċeduri għall-ġestjoni tal-injam ikkonfiskat
minħabba fil-ksur tal-liġi; il-linji gwida dwar kif skemi
indipendenti ta' ċertifikazzjoni se jiġu integrati fl-LAS; il-proċeduri
sabiex tiġi prodotta l-lista ta' esklużjoni; il-proċeduri sabiex
jiġi ntraċċat l-injam permezz ta' faċilitajiet
tal-ipproċessar; ir-regolamenti dwar l-aċċess tal-parti terza u
l-użu tar-riżorsi f'żona tal-konċessjoni; ir-regolament
tal-qtugħ tas-siġar bis-serrieq bil-katina; ir-regolamenti
għall-importazzjoni tal-injam u l-injam fi tranżitu ; it-titjib
tal-proċessi tal-EIA u l-ġestjoni ambjentali fi ħdan
iż-żoni tal-kuntratt tal-injam; (c) it-tisħiħ tar-regolamenti dwar is-sikurezza u l-benessri
ta’ ħaddiema involuti fl-industrija tal-qtugħ tas-siġar; (d) kwalunkwe aġġustament mill-ġdid meħtieġ
tat-tabella tal-verifika tal-legalità deskritta fl-Anness II ta’ dan il-Ftehim
bħala riżultat tal-bdil fil-liġijiet u r-regolamenti.
7.
Il-monitoraġġ tas-suq tal-injam domestiku
Is-suq domestiku għall-injam huwa
importanti ħafna għall-ekonomija nazzjonali, iżda ma jinftehimx
tajjeb u fil-biċċa l-kbira tiegħu mhuwiex irregolat. Il-Liberja se tadotta regolamenti ġodda, li jgħinuha
taħdem ma' operaturi tas-serrieq bil-katina fuq skala żgħira. Il-produzzjoni
għall-kummerċ domestiku se tiġi integrata fl-LAS u miżuri
regolatorji se jiġu adottati sabiex tiġi żgurata
regolamentazzjoni aħjar, kummerċ ġust u salvagwardji ambjentali
f’dak li attwalment huwa settur informali li qed jopera barra mis-sistema
regolatorja. Il-miżuri ewlenin jistgħu jinkludu: (a) l-organizzazzjoni tas-suq tal-injam domestiku; (b) it-titjib tal-qafas legali relatat mas-suq tal-injam domestiku; (c) l-istabbiliment ta’ sistema ta’ informazzjoni; (d) l-istabbiliment ta’ sistema xierqa ta’ traċċabbiltà
għall-injam mibjugħ fis-suq domestiku; (e) l-integrazzjoni tal-bejgħ tal-injam domestiku fl-LAS.
8.
Il-monitoraġġ tal-impatt tal-impatti tal-VPA
Il-monitoraġġ tal-impatt
soċjali, ambjentali u tas-suq tal-VPA, inġenerali u b'enfasi
partikolari fuq komunitajiet dipendenti fuq il-foresti huwa meħtieġ
sabiex jiġi żgurat li l-VPA qed iwassal l-għanijiet intenzjonati
tiegħu. Għal dan il-għan, miżura
ewlenija tista’ tinkudi: it-tfassil ta' qafas ta' monitoraġġ,
inkluż linji bażi u indikaturi miftiehma li jkopru elementi
bħal: it-titjib fl-istrutturi ta’ governanza; l-allokazzjoni tad-dritt
tal-użu tal-foresti; il-ftehimiet soċjali u l-qsim
tal-benefiċċji ma' komunitajiet affettwati; il-volumi ta' injam
irregolat imqabbel mal-volumi li għadhom mhumiex irregolati; l-evidenza
tal-infurzar tal-liġi; il-volumi ta' injam ikkonfiskat u xi jsir minnu; l-effiċjenza
tal-qbid tad-dħul; l-effiċjenza tal-iżborż tad-dħul
lil komunitajiet affettwati; is-swieq għall-injam tal-Liberja u l-impatt
tal-VPA fuq il-kompetittività tiegħu. Il-JIC se jistabbilixxi
monitoraġġ effettiv kif indikat fl-Anness X għal dan il-Ftehim.
9.
Il-monitoraġġ tal-implimentazzjoni tal-VPA
Il-JIC se jkollu responsabbiltà ġenerali
għall-monitoraġġ tal-implimentazzjoni tal-VPA. Din se tinkludi r-reviżjoni u l-azzjoni bi tweġiba għar-rapporti
tal-Awditjar Indipendenti, u reviżjonijiet tal-monitoraġġ
tal-impatt deskritt hawn fuq. Barra minn hekk, partijiet interessati oħra
inkluż is-soċjetà ċivili, se jimmonitorjaw l-implimentazzjoni
tal-VPA u, b’hekk, jikkontribwixxu għall-implimentazzjoni effettiva
tal-LAS. Il-JIC se jirċievi rapporti minn partijiet interessati u
jiżgura li mekkaniżmu effettiv tal-ilmenti huwa fis-seħħ
għall-indirizzar tal-problemi identifikati. Il-miżuri ewlenin
jistgħu jinkludu: (a) is-sostenn tal-kumitat
nazzjonali ta’ monitoraġġ ta’ partijiet interessati multipli deskritt
fl-Artikolu 16 għal dan il-Ftehim billi jinżammu
konsultazzjonijiet pubbliċi regolari miftuħa dwar l-implimentazzjoni
tal-VPA, fejn il-partijiet interessati jkunu jistgħu jagħtu
t-tagħrif informattiv; (b) il-monitoraġġ permezz tas-soċjetà ċivili,
inkluż l-iżgurar li t-tħassib fuq livell komunitarju jiġi
artikolat u komunikat lil-LVD, LLD u IA, il-kumitat nazzjonali tal-partijiet
interessati multipli u lil JIC.
10.
Il-komunikazzjoni
Il-komunikazzjoni ssostni l-implimentazzjoni
tal-VPA u hija essenzjali sabiex tirrimedja d-dehra negattiva tas-settur meta
jitqies l-isfond storiku diffiċli tal-Liberja u l-industrija tal-injam
tagħha. Il-VPA huwa opportunità li wieħed
jaħdem lejn it-trasparenza, ir-responsabbiltà u l-legalità. Il-valur
tal-komunikazzjoni dwar l-isforzi tal-gvern fit-titjib tal-governanza
fis-settur tal-foresti ma jistax jiġi enfasizzat biżżejjed. Il-VPA
se jaffettwa mhux biss l-amministrazzjoni, iżda anke gruppi ta’ partijiet
interessati differenti u l-pubbliku aktar wiesa’ u għalhekk jirrikjedi
strateġija ta’ komunikazzjoni komprensiva li se tipprovdi l-informazzjoni
meħtieġa kollha dwar il-VPA, l-impatt u l-benefiċċji
tiegħu, mhux biss f'termini ekonomiċi, iżda anke f’termini
ambjentali u soċjali. Il-komunikazzjoni dwar l-azzjoni ppjanata u
l-kisbiet taħt il-VPA se timmira sabiex: (a) tinkoraġġixxi l-involviment u tiggarantixxi l-koerenza
ta’ azzjonijiet minn diversi partijiet interessati; (b) tiżgura l-aċċess pubbliku għal informazzjoni
sabiex jiġi faċilitat il-monitoraġġ; (c) tippromwovi d-dehra tal-injam Liberjan fis-suq internazzjonali; (d) tiżgura s-sostenn pubbliku għall-azzjoni meħuda
mil-Liberja sabiex tippromwovi l-ġestjoni sostenibbli tar-riżorsi
tal-foresti u l-ġestjoni tal-komunitajiet li jiddependu fuqha; u (e) tippromwovi l-benefiċċji ta’ VPA fost il-partijiet
interessati u l-pubbliku aktar wiesgħa. Għal dan il-għan, il-Liberja se ssostni miżuri sabiex
tiżgura l-komunikazzjoni effettiva tal-ambizzjoni u r-riżultati
tal-VPA. Il-miżuri
ewlenin jistgħu jinkludu: (a) it-tħejjija u l-implimentazzjoni ta’ strateġija ta’
komunikazzjoni bil-għan li tinħoloq kuxjenza pubblika permezz ta'
midja moderna u tradizzjonali sabiex il-pubbliku u l-kummerċ tal-injam
jinżamm infurmat dwar l-implimentazzjoni tal-VPA u l-impatt u
l-benefiċċi tiegħu; (b) l-identifikazzjoni ta’ gruppi fil-mira xierqa u t-tfassil ta’
messaġġi speċifiċi stampati u elettroniċi dwar il-VPA
għal kull udjenza fil-mira b’aġġornamenti regolari; (c) l-istabbiliment ta’ pjattaforma tal-iskambju tal-informazzjoni
għal tixrid konsistenti tal-informazzjoni lil imsieħba domestiċi
u internazzjonali, inkluż il-konsiderazzjoni jekk għandhiex tiġi
allokata fl-istruttura ġenerali tal-implimentazzjoni; (d) l-organizzazzjoni tal-kummerċ turi l-involviment ta'
imsieħba prospettivi fil-kummerċ sabiex jiġu promossi
l-benefiċċji tal-injam bil-liċenzja FLEGT; (e) it-tqegħid ta’ sistemi fis-seħħ
għall-awtoritajiet tal-gvern xierqa sabiex tiġi ppubblikata
l-informazzjoni u sabiex iwieġbu għal talbiet għal informazzjoni
taħt l-Att dwar il-Libertà tal-Informazzjoni, kif indikat fl-Anness IX. ANNESS
IX INFORMAZZJONI
PUBBLIKA U MIŻURI TA’ TRASPARENZA F’konformità max-xewqa tal-Gvern tal-Liberja
li jadotta ġestjoni tar-riżorsi naturali trasparenti u responsabbli,
kif muri permezz tal-implimentazzjoni skrupluża tal-Inizjattiva
tat-Trasparenza tal-Industriji ta’ Estrazzjoni (EITI), il-Partijiet jaqblu li
l-pubblikazzjoni ta' informazzjoni u miżuri oħra ta' trasparenza hija
essenzjali għall-implimentazzjoni b'suċċess tal-VPA, kif indikat
fl-Artikolu 21 ta' dan il-Ftehim. F’dan id-dawl,
iż-żewġ Partijiet huma marbutin li jippubblikaw regolarment
l-informazzjoni kollha ta’ interess lill-partijiet interessati u informazzjoni
sabiex tiġi ffaċilitata l-implimentazzjoni u l-monitoraġġ
tal-VPA. Dan l-Anness jiddeskrivi l-informazzjoni li trid tiġi ppubblikata
mill-Gvern tal-Liberja jew li tista' ssir disponibbli lill-pubbliku taħt
l-Att dwar il-Libertà tal-Informazzjoni mill-Gvern tal-Liberja.
1.
Kategoriji ta’ informazzjoni li se jiġu ppubblikati bħala
rutina
L-informazzjoni li ġejja deskritta hawn
taħt se ssir disponibbli lill-pubbliku permezz ta' pubblikazzjoni
regolari, kif deskritt fit-Taqsimijiet 2.5 u 2.6 tal-Att dwar il-Libertà
tal-Informazzjoni tal-2010. L-informazzjoni tista’
tiġi provduta permezz ta’ diversi mezzi skont in-natura tal-informazzjoni
u l-udjenza fil-mira, pereżempju: (a) Websajts: (b) Pjattaforma ta’ implimentazzjoni ta’ partijiet interessati
multipli; (c) Laqgħat pubbliċi; (d) Konferenzi stampa (e) Radju u gazzetti nazzjonali (f) Fuljetti u revisti Kif indikat fl-Anness VIII se tiġi żviluppata strateġija
ta' komunikazzjoni komprensiva sabiex jiġi sostnut it-tixrid ta'
informazzjoni lill-partijiet interessati kollha permezz tal-mezzi l-aktar xierqa.
1.1.
Informazzjoni relatata speċifikament
mal-Ftehim ta’ Sħubija Volontarja
(a) Il-VPA u l-Annessi kollha tiegħu (b) Rapporti prodotti mill-Kumitat Konġunt tal-Implimentazzjoni
(JIC), li jridu jinkludu l-informazzjoni li ġejja: ·
In-numru ta’ liċenzji FLEGT maħruġa
mil-Liberja; ·
In-numru ta’ applikazzjonijiet irrifjutati
għall-applikazzjonijiet tal-liċenzji FLEGT; ·
Il-każijiet ta’ nuqqas ta’ konformità
mal-proċess tal-liċenzji FLEGT fil-Liberja u miżuri meħuda
sabiex jiġu indirizzati dawn il-każijiet; ·
Il-kwantitajiet annwali tal-injam u prodotti
tal-injam esportati lejn l-Unjoni; ·
In-numru ta’ liċenzji FLEGT irċevuti
mill-Unjoni; ·
Il-kwantitajiet tal-injam u prodotti tal-injam
importati fl-Unjoni taħt l-iskema tal-liċenzji FLEGT, mill-Istat
Membru tal-UE li fih tkun seħħet l-importazzjoni. (c) Rapporti prodotti mill-awditur indipendenti; (d) Proċeduri li jiggwidaw il-funzjonament tal-JIC; (e) Aide-memoires u rapporti oħra mill-JIC, inkluż
il-monitoraġġ u; (e) l-istudji tal-impatt kif indikat
fl-Anness X; (f) Proċeduri u termini ta’ referenza li jiggwidaw
il-funzjonament tal-kumitat nazzjonali tal-partijiet interessati
għall-monitoraġġ tal-VPA; (g) Linji gwida għall-konformità tal-LAS li jiggwidaw partijiet
interessati differenti; (h) Linji gwida għal ftehimiet soċjali.
1.2.
Informazzjoni dwar il-ġestjoni tas-settur
tal-forestrija
(a) Informazzjoni dwar u
dokumenti minn aġenziji tal-gvern li jeżerċitaw sorveljanza fuq
is-settur tal-forestrija u li huma meħtieġa taħt
l-arranġamenti ta' pubblikazzjoni deskritti fit-Taqsimiet 2.1-2.3 tal-Att
dwar il-Libertà tal-Informazzjoni tal-2010, sabiex din l-informazzjoni ssir
disponibbli bħala rutina, inkluż: ·
Leġiżlazzjoni ta' abilitazzjoni
tal-aġenzija tal-gvern jew l-awtorità; ·
Il-politika eżistenti, il-proċeduri u
r-regoli tagħha ·
il-baġits tagħha; ·
Il-kontijiet finanzjarji tal-aġenzija jew
l-awtorità ·
l-organigramma tagħha, inklużi linji ta’
rapportaġġ; ·
Kuntratti materjali; ·
Il-proċedura għall-appell kontra
deċiżjonijiet mill-awtorità jew l-uffiċjali tagħha; ·
Riżoluzzjonijiet tal-bord tad-diretturi; ·
Rapporti tal-awditi; ·
Kummenti pubbliċi, rapporti, strateġiji u
manwali relatati mas-setturi tal-forestrija, skont it-Taqsima 18.15
tal-Liġi Nazzjonali tar-Riforma tal-Foresti. (b) Il-proċeduri
kollha ta’ leġiżlazzjoni, regolamenti u ta' operat li jkunu ġew
promulgati mill-Gvern tal-Liberja. Dan jinkludi l-aspetti kollha tal-qafas
regolatorju li huma msemmija fid-definizzjoni tal-legalità Liberjana fl-Anness
II għal dan il-Ftehim.
1.3.
Informazzjoni dwar l-allokazzjoni tar-riżorsi
tal-foresti
(a) Liċenzji tal-foresti maħruġa, inklużi
l-kuntratti tal-bejgħ tal-injam (TSC), il-kuntratti tal-ġestjoni
tal-foresti (FMC) ftehimiet u permessi għall-operazzjonijiet u
għall-ipproċessar tal-prodotti tal-injam, inkluż il-permess
tal-użu tal-foresti (FUP) u l-permess tal-użu privat (PUP); (b) Ftehimiet ta’ kuntratti ta’ konċessjoni agrikola li
jappartjenu għall-prodotti elenkati fl-Anness I; (c) Dokumenti relatati ma’ proċedura tal-offerti kompetittiva: Ir-rapport
tal-bord tal-evalwazzjoni qabel il-kwalifikazzjoni; (d) Il-kuntratti tal-konċessjoni mogħtija; (e) Il-ftehimiet soċjali bejn komunitajiet tal-foresti u
d-detenturi kollha tal-kuntratti jew il-permessi; (f) Mapep ta’ foresti komunali u ż-żoni tagħhom; (g) Il-lista u mapep tat-TSCs, PUPs, FUPs u FMCs mogħtija.
1.4.
Informazzjoni dwar il-produzzjoni tar-riżorsi
tal-foresti
(a) Volumi u valuri
monetarji (kif determinat mil-listi tal-prezzijiet tal-FOB approvati)
tar-riżorsi tal-foresti maħsuda, prodotti tal-foresti
pproċessati u prodotti tal-foresti esportati, rrapportati bħala: ·
produzzjoni annwali totali, ·
skont l-ispeċijiet prodotti taħt kull
liċenzja tar-riżorsi tal-foresti (b) Volum annwali ta’
injam u prodotti derivati importati fil-Liberja jew li jgħaddu
mil-Liberja.
1.5.
Informazzjoni dwar miżati u dħul
mill-foresti
(a) Skeda tal-miżati u t-taxxi kollha relatati mal-forestrija; (b) prezzijiet FOB.
1.6.
Informazzjoni dwar l-infurzar tal-liġi
f’żoni tal-konċessjoni
(a) Penali imposti u l-lista ta' dawk li fil-fatt ħallsu u dawk
li ma ħallsux jew ma kkonformawx; (b) Volum annwali tal-prodotti tal-injam mibjugħa f’irkant
pubbliku u l-valur monetarju tal-bejgħ.
2.
Informazzjoni disponibbli lill-pubbliku meta tintalab taħt
l-att dwar il-libertà tal-informazzjoni
Il-proċeduri għall-għoti ta’
aċċess għall-informazzjoni, ir-rekords, jew id-dokumenti
taħt dan l-Anness se jsegwu l-proċeduri deskritti fil-Kapitolu 3,
Taqsimiet 3.1-3.14 tal-Att dwar il-Libertà tal-Informazzjoni.
2.1.
Informazzjoni dwar l-allokazzjoni tar-riżorsi
tal-foresti
(a) Dokumenti relatati
mal-prekwalifikazzjoni li se jsiru disponibbli mat-talba wara li jitlesta
l-proċess tal-prekwalifikazzjoni ·
Lista ta’ kumpaniji prekwalifikati. (b) Dokumenti relatati
ma’ proċeduri ta’ offerti kompetittivi li se jkunu disponibbli mat-talba
wara li l-offerta rebbieħa tkun ġiet magħżula u kull min
issottometta offerta jkun ġie notifikat: ·
Dokumenti tal-offerti; ·
Ir-rapport tal-bord tal-evalwazzjoni tal-offerta. (c) Lista' ta' persuni pprojbiti (jiġifieri persuni pprojbiti
milli jżommu interessi f’kumpaniji tal-qtugħ tas-siġar
kummerċjali minħabba li attwalment għandhom kariga pubblika); (d) Lista ta’ persuni esklużi (jiġifieri persuni
esklużi mill-industrija Liberjana tal-qtugħ tas-siġar
minħabba fl-involviment fl-użu, il-ġestjoni jew il-ħsad ta’
riżorsi tal-foresti waqt li jgħinu jew huma kompliċi f’disturbi
ċivili li jinvolvu l-użu tal-armi); (e) Lista ta’ persuni sospiżi (jiġifieri persuni
sospiżi minħabba f’nuqqas ta’ ħlas fir-rigward ta’ obbligi
finanzjarji relatati mal-użu tal-foresti); (f) Id-dokumenti, ir-rekords u l-informazzjoni kollha relatata ma'
pjanijiet ta’ ġestjoni ta’ negozju u tal-foresti; (g) Il-lokazzjoni u s-sjieda tal-art soġġetta
għal-Liċenzja tar-Riżorsi tal-Foresti; (h) Ismijiet ta’ detenturi tar-riżorsi tal-foresti u deskrizzjoni
qasira taż-żoni koperti mid-detentur tal-liċenzja
tar-riżorsi tal-foresti (id-daqs taż-żona u t-tip ta’
riżorsi tal-foresti).
2.2.
Informazzjoni dwar il-produzzjoni tar-riżorsi
tal-foresti
(a) Il-volum u l-lokazzjoni tal-injam disponibbli għall-ħsad
skont l-allokazzjoni ta’ ħsad annwali għal kull konċessjoni; (b) L-informazzjoni miżmuma fil-bażi tad-dejta Liberjana
tal-LAS; (c) Il-volum annwali tal-prodotti tal-injam ikkunsmat fis-suq
domestiku skont it-tip ta’ prodott u speċi.
2.3.
Informazzjoni dwar l-ipproċessar
(a) Lista ta’ kumpaniji tal-ipproċessar irreġistrati u
d-dettalji ta’ kuntatt tagħhom; (b) Il-kapaċità tal-produzzjoni kull unità tal-ipproċessar
mill-kumpanija; (c) Il-volum annwali taz-zkuk ipproċessati skont
l-ispeċijiet u t-tip ta’ prodott għal kull proċessur.
2.4.
Informazzjoni dwar miżati u dħul
mill-foresti
(a) L-ammont ta’ miżati u taxxi vvalutati fuq entitajiet
tan-negozju fis-setturi tal-forestrija vvalutati mill-Ministeru tal-Finanzi u
l-ammonti mħallsa għal kull detentur tal-kuntratt tar-riżorsi
tal-foresti; (b) L-ammont tal-flus irċevut u żburżjat mill-Gvern
lill-Fondi Komunitarji tal-Iżvilupp tal-Forestrija; (c) L-ammont ta’ flus irċevut u żburżjat mill-Fond
Fiduċjarju Nazzjonali Komunitarju tal-Qsim tal-Benefiċċji; (d) L-ammont ta’ flus irċevut u żburżjat mill-Fond Fiduċjarju
lill-Kumitati Komunitarji tal-Iżvilupp tal-Forestrija, bi tqassim skont
il-proġett, id-data u l-komunità affettwata; (e) Ir-riżultati ta’ ilmenti mill-pubbliku f’konnessjoni mal-Fond
tal-Iżvilupp tal-Forestrija tal-Kontea u l-Fond Fiduċjarju Nazzjonali
tal-Kondiviżjoni tal-Benefiċċji jew kwalunkwe Kumitat
Komunitarju tal-Iżvilupp tal-Forestrija.
2.5.
Informazzjoni dwar l-infurzar tal-liġi
f’żoni tal-konċessjoni
(a) Akkużi ta' ksur, arresti, soluzzjonijiet u kundanni
assoċjati mal-operazzjonijiet taħt il-liċenzja tar-riżorsi
tal-foresti kif irrekordjati mill-FDA; (b) Fatturi għall-miżata tal-liċenza tar-riżorsi
tal-foresti u informazzjoni dwar il-pagament.
3.
Il-proċedura għal aċċess
għall-informazzjoni pubblika, rekords jew dokumenti
Dan l-Anness huwa
f’konformità mal-Att dwar il-Libertà tal-Informazzjoni tal-Liberja li
jagħmilha mandatorja għal kull istituzzjoni pubblika u entità privata
li tirċievi riżorsi pubbliċi u benefiċċji jew timpenja
ruħha f’funzjoni pubblika li tiddeskrivi kif il-pubbliku jista' jikseb
aċċess għal biċċiet differenti ta’ informazzjoni. L-FDA u
aġenziji pubbliċi l-oħra kollha żviluppaw, jew qed
jiżviluppaw, proċeduri sabiex l-informazzjoni ssir disponibbli
għall-pubbliku. Sabiex dan
l-Anness isir operabbli, il-proċeduri/linji gwida/jew istruzzjonijiet
għat-tweġiba għal talbiet għall-informazzjoni
jeħtieġ li jiġu żviluppati u approvati. Barra minn hekk, id-dispożizzjonijiet ta’ rapportar u
l-iżvelar pubbliku li japplikaw għal-LLD u l-LVD se jiġu
żviluppati aktar matul l-implimentazzjoni ta' dan il-Ftehim. ANNESS
X FUNZJONIJIET
TAL-KUMITAT KONĠUNT TAL-IMPLIMENTAZZJONI B’applikazzjoni tal-Artikolu 19
tal-Ftehim, il-Partijiet għandhom jistabbilixxu struttura ta’
monitoraġġ u ta’ teħid tad-deċiżjonijiet denominata
‘Il-Kumitat Konġunt tal-Implimentazzjoni’, (JIC). Il-JIC għandu jkun
responsabbli għas-sorveljanza u l-monitoraġġ
tal-implimentazzjoni tal-Ftehim. Il-JIC għandu jiffaċilita d-djalogu
u l-iskambji ta’ informazzjoni dwar il-funzjonament tal-Ftehim. B’mod
partikolari, il-JIC għandu: (a) fir-rigward tal-ġestjoni ta'
dan il-Ftehim: 1. jippubblika
rapport annwali dwar l-implimentazzjoni ta’ dan il-Ftehim skont l-Anness IX; 2. wara
l-evalwazzjoni tal-funzjonament tas-sistema tal-assigurazzjoni tal-legalità u
abbażi tal-kriterji ta’ valutazzjoni deskritti fl-Anness VI, jirrakkomanda
d-data li fiha l-iskema tal-liċenzjI FLEGT se tibda topera; 3. jirrevedi
l-progress lejn il-ksib tal-għanijiet u l-azzjoni marbuta
maż-żmien f’dan il-Ftehim u kwistjonijiet relatati
mal-implimentazzjoni tal-Ftehim. 4. jipproponi
u/jew jieħu miżuri sabiex titjib il-prestazzjoni tal-Ftehim; 5. jemenda
Annessi għall-Ftehim skont l-Artikolu 26 ta’ dan il-Ftehim; 6. jindirizza
kwistjonijiet ta’ tħassib imqajma minn waħda mill-Partijiet u
jipprova jsolvi kwalunkwe kunflitt li jista' jinħoloq matul
l-implimentazzjoni tal-Artikolu 10 tal-Ftehim; 7. jindirizza
kwistjonijiet ta’ tħassib imqajma minn waħda mill-Partijiet u
jipprova jsolvi kwalunkwe kunflitt li jista' jinħoloq fil-każ ta’
differenzi fl-opinjoni bejn il-Partijiet skont l-Artikolu 24 ta’ dan
il-Ftehim; 8. jippubblika
rapporti u Aide Memoire sabiex il-ħidma tal-JIC tkun kemm jista' jkun
trasparenti; (b) fir-rigward tal-monitoraġġ
u l-valutazzjoni ta’ dan il-Ftehim: 1. jimmonitorja
l-progress ġenerali fuq l-implimentazzjoni ta’ dan il-Ftehim, inkluż
il-funzjonament tas-sistema tal-assigurazzjoni tal-legalità; 2. iwettaq b’mod
regolari missjonjiet konġunti sabiex tiġi riveduta l-effettività ta’
dan il-Ftehim kif ukoll tal-impatt tiegħu, fuq il-bażi tal-informazzjoni
disponibbli; 3. jimmonitorja u
jirrapporta dwar is-sitwazzjoni tas-suq f’intervalli regolari; għandu jikkumissjona studji kif meħtieġ u għandu
jirrakkomanda l-azzjonijiet li jridu jittieħdu skont ir-rapporti ta’
intelliġenza tas-suq; 4. jivvaluta l-impatt
soċjali, ekonomiku u ambjentali ta’ dan il-Ftehim, skont il-prattika tajba
u l-kriterji rilevanti li jridu jiġu miftiehma mill-Partijiet u jindirizza
problemi mqajma minn dawn ir-reviżjonijiet u l-valutazzjonijiet; 5. jidentifika
diffikultajiet assoċjati mal-implimentazzjoni ta’ dan il-Ftehim u
jissuġġerixxi miżuri addattati sabiex jiġu ndirizzati; (c) fir-rigward tal-Awditjar
Indipendenti tal-Ftehim: 1. japprova
l-manwal proċedurali tal-awditur indipendenti skont l-Anness V; 2. jirrevedi
r-rapporti maħruġa mill-awditur indipendenti u kwalunkwe lment dwar
l-operat tal-iskema tal-liċenzji FLEGT fuq it-territorju ta’ waħda
mill-Partijiet; 3. jirrevedi
rapporti jew ilmenti relatati mal-ħidma tal-awditur indipendenti u
jiftiehem dwar l-azzjoni xierqa li trid tittieħed; 4. jippubblika
rapporti tal-awditur indipendenti, kif provdut fl-Annessi V u IX; 5. jimmonitorja,
fejn japplika, l-azzjoni meħuda sabiex jiġu indirizzati l-problemi
identifikati mill-awditur indipendenti; (d) fir-rigward tal-involviment tal-partijiet
interessati fl-implimentazzjoni u l-monitoraġġ ta' dan il-Ftehim: 1. jipprovdi
rakkomandazzjonijiet dwar il-ħtiġijiet tal-infurzar
tal-kapaċitajiet għall-implimentazzjoni b'suċċess ta' dan
il-Ftehim, u jekk ikun applikabbli, dwar il-ħtieġa li jiżdiedu
l-kapaċitajiet u l-parteċipazzjoni tas-settur privat u s-soċjetà
ċivili fil-monitoraġġ tal-konformità mal-liġijiet u
r-regolamenti relatati mal-ġestjoni tal-foresti fil-Liberja; 2. jieħu
l-miżuri xierqa sabiex jippromwovi l-parteċipazzjoni ta’ partijiet
interessati kkonċernati fl-implimentazzjoni ta’ dan il-Ftehim; 3. jekk ikun
meħtieġ, jistabbilixxi gruppi ta’ ħidma jew korpi sussidjarji
oħra għall-oqsma tax-xogħol li jeħtieġu l-ħila
esperta speċifika jew perspettivi tal-parti interessata. [1] COM(2003) 251. [2] ĠU C 268, 7.11.2003, p. 1. [3] ĠU L 347, 30.12.2005 p1 [4] Dokument ristrett tal-Kunsill Nru 15102/05. [5] ĠU C [...], [...], p. [...]. [6] COM(2003) 251. [7] ĠU C 268, 7.11.2003, p. 1. [8] ĠU C 157E, 6.7.2006, p. 482. [9] ĠU L[…], […], p. […]; Jekk jogħġbok daħħal
in-numru, id-data u r-riferenza ta' pubblikazzjoni għal dan id-dokument. [10] ĠU jekk jogħġbok daħħal id-data
tal-firma [11] ĠU L 317, 15.12.2000. [12] COM(2003) 251 finali, 21.5.2003. [13] A/RES 62/98 tal-31 ta’ Jannar 2008. [14] ĠU L 347, 30.12.2005. [15] Liġi Nazzjonali tar-Riforma tal-Foresti ta’ 2006 (NFRL). [16] ĠU L 302, 19.10.1992. [17] ĠU L 253, 11.10.1993. [18] ĠU KE L 61, 3.3.1997, p. 1. [19] Ċiklu: 5 snin għal
FMC u FUP; 3 snin għal TSC. [20] Ċiklu: 5 snin għal
FMC u FUP; 3 snin għal TSC. [21] Bejn id-dikjarazzjoni mid-detentur tal-kuntratt u l-verifika mis-COCIS. [22] Abbażi tad-dejta provduta mid-detenturi tal-kuntratti [23] Formoli tad-dejta tas-siġar jimtlew meta jitwaqqgħu
s-siġar, qabel ma jitqattgħu fi zkuk twal inizjali. [24] ĠU UE L 347, 30.12.2005, p. 1. [25] Ir-Regolament tal-Kummissjoni (KE) Nru 1024/2008
tas-17 ta’ Ottubru 2008 li jistabbilixxi miżuri ddettaljati
għall-implimentazzjoni tar-Regolament tal-Kunsill (KE) Nru 2173/2005
dwar il-ħolqien ta’ skema ta’ liċenzji FLEGT għall-importazzjoni
ta’ injam fil-Komunità Ewropea (ĠU UE L 277, 18.10.2008, p. 23). [26] Ir-rilaxx għaċ-ċirkolazzjoni ħielsa hija
proċedura tad-dwana tal-UE. Skont
l-Artikolu 129(2) u (3) tar-Regolament (KE) Nru 450/2008 tal-Parlament
Ewropew u tal-Kunsill tat-23 ta’ April 2008 li jistabbilixxi
l-Kodiċi Doganali Komunitarju (Kodiċi Doganali Modernizzat),
ir-rilaxx għaċ-ċirkolazzjoni ħielsa jinvolvi: (a) il-ġbir ta’ kwalunkwe dazju fuq
l-importazzjoni dovut; (b)
il-ġbir, kif xieraq, ta’ imposti oħrajn, kif previst
fid-dispożizzjonijiet rilevanti fis-seħħ relatati mal-ġbir
ta’ dawk l-imposti; (c)
l-applikazzjoni ta’ mizuri ta’ politika kummerċjali u projbizzjonijiet u
restrizzjonijiet sakemm ma jkunux iridu jiġu applikati fi stadju iktar
bikri (f’dan il-każ, huwa fost dawn il-miżuri li l-eżistenza ta’
liċenzja FLEGT se tiġi verifikata); (d) it-twettiq tal-formalitajiet l-oħrajn stabbiliti fir-rigward
tal-importazzjoni tal-merkanzija. Ir-rilaxx
għal ċirkolazzjoni ħielsa jagħti lill-merkanzija mhux
Komunitarja l-istatus doganali ta’ merkanzija Komunitarja. [27] ISO/IEC 17021:2006. Valutazzjoni
ta’ konformità – Rekwiżiti għal korpi li jipprovdu l-awditjar u
ċ-ċertifikazzjoni tas-sistemi ta’ ġestjoni. [28] ISO 19011:2002. Linji gwida
għall-awditjar ta’ sistemi ta’ ġestjoni tal-kwalità u/jew
ambjentali..