|
23.6.2011 |
MT |
Il-Ġurnal Uffiċjali tal-Unjoni Ewropea |
C 182/6 |
OPINJONI TAL-KUNSILL GOVERNATTIV TAL-BANK ĊENTRALI EWROPEW
tad-9 ta’ Ġunju 2011
dwar rakkomandazzjoni tal-Kunsill dwar il-ħatra tal-President tal-Bank Ċentrali Ewropew
(CON/2011/48)
2011/C 182/03
Introduzzjoni u bażi legali
Fit-23 ta’ Mejju 2011, il-Bank Ċentrali Ewropew (BĊE) irċieva talba mingħand il-President tal-Kunsill Ewropew għal opinjoni dwar ir-Rakkomandazzjoni tal-Kunsill tas-17 ta’ Mejju 2011 dwar il-ħatra tal-President tal-Bank Ċentrali Ewropew (1).
Il-kompetenza tal-Kunsill Governattiv tal-BĊE biex jagħti opinjoni hija bbażata fuq l-Artikolu 283(2) tat-Trattat dwar il-Funzjonament tal-Unjoni Ewropea.
Osservazzjonijiet ġenerali
|
1. |
Ir-Rakkomandazzjoni tal-Kunsill, li ġiet ippreżentata lill-Kunsill Ewropew, u li fuqha qed jiġu kkonsultati l-Parlament Ewropew u l-Kunsill Governattiv tal-BĊE, tirrakkomanda illi Mario Draghi jinħatar bħala l-President tal-BĊE għal mandat ta’ tmien snin b’effett mill-1 ta’ Novembru 2011. |
|
2. |
Il-Kunsill Governattiv tal-BĊE huwa tal-opinjoni li l-kandidat propost huwa persuna ta’ awtorità u ta’ esperjenza professjonali rikonoxxuta fi kwistjonijiet monetarji jew bankarji kif mitlub mill-Artikolu 283(2) tat-Trattat. |
|
3. |
Il-Kunsill Governattiv tal-BĊE m’għandu ebda oġġezzjoni għar-Rakkomandazzjoni tal-Kunsill biex jinħatar Mario Draghi bħala l-President tal-BĊE. |
Magħmul fi Frankfurt am Main, id-9 ta’ Ġunju 2011.
Il-President tal-BĊE
Jean-Claude TRICHET
(1) Għadha mhux ippubblikata fil-Ġurnal Uffiċjali.