16.11.2010 |
MT |
Il-Ġurnal Uffiċjali tal-Unjoni Ewropea |
C 311/24 |
Pubblikazzjoni ta' applikazzjoni għal emenda skont l-Artikolu 6(2) tar-Regolament tal-Kunsill (KE) Nru 510/2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel
2010/C 311/10
Din il-pubblikazzjoni tagħti d-dritt għall-oġġezzjoni għall-applikazzjoni għal emenda skont l-Artikolu 7 tar-Regolament tal-Kunsill (KE) Nru 510/2006 (1). Id-dikjarazzjonijiet ta' oġġezzjoni għandhom jaslu għand il-Kummissjoni fi żmien sitt xhur mid-data ta' din il-pubblikazzjoni.
APPLIKAZZJONI GĦAL EMENDA
IR-REGOLAMENT TAL-KUNSILL (KE) Nru 510/2006
APPLIKAZZJONI GĦAL EMENDA SKONT L-ARTIKOLU 9
“COPPA PIACENTINA”
Nru tal-KE: IT-PDO-0117-1498-31.10.2001
IĠP ( ) DPO ( X )
1. Intestatura tal-ispeċifikazzjoni effettwata mill-emenda:
|
Isem il-prodott |
|
T Deskrizzjoni tal-prodott |
|
Żona ġeografika |
|
Prova tal-oriġini |
|
Metodu ta' produzzjoni |
|
Rabta |
|
Tikkettar |
|
Kundizzjonijiet nazzjonali |
|
Oħrajn (Sistema ta' spezzjoni) |
2. Tip ta' emenda:
|
Emenda tad-dokument uniku jew tas-sinteżi |
|
Emenda tal-ispeċifikazzjoni tad-DPO jew tal-IĠP rreġistrata li għaliha la d-dokument uniku u lanqas is-sinteżi ma ġew ippubblikati |
|
Emenda tal-ispeċifikazzjoni li ma għandhiex bżonn emendi tad-dokument uniku ppubblikat (l-Artikolu 9(3) tar-Regolament (KE) Nru 510/2006) |
|
Emenda temporanja tal-ispeċifikazzjoni li tirriżulta mill-adozzjoni ta’ miżuri sanitarji jew fitosanitarji imposti mill-awtoritajiet pubbliċi (l-Artikolu 9(4) tar-Regolament (KE) Nru 510/2006) |
3. Emenda (emendi):
1. |
Fl-Artikolu 2(4), minflok: “Il-ħnieżer għandhom ikunu ta' mhux inqas minn 160 kg, b'varjazzjoni ta' 10 %,”, għandha tinqara: “Il-ħnieżer għandhom ikunu ta' 160 kg, b'varjazzjoni ta' bejn wieħed u ieħor 10 %,”, Din l-emenda tikkoreġi żball tal-ispeċifikazzjoni ta' qabel dwar il-piż minimu tal-ħnieżer, billi l-piż minimu kien jirriżulta “mhux inqas” minn żewġ valuri; għalhekk b'din l-emenda l-piż tal-ħnieżer jidħol f'kategorija definita skont valur preċiż (160 Kg). |
2. |
Fl-Artikolu 2(5), minflok: “Iċ-ċertifikat tal-qatla,”, għandha tinqara: “Id-dikjarazzjoni tal-oriġini tal-laħam rilaxxat mill-biċċerija,” Din tikkonċerna biss korrezzjoni tat-terminu “ċertifikat” tal-ispeċifikazzjoni ta' qabel għal dak iktar xieraq ta' “dikjarazzjoni tal-oriġini tal-laħam”. |
3. |
Fl-Artikolu 3(2), minflok: “ta' tul ta' bejn 35 u 40 ċm”, għandha tinqara: “għal piż ta' mhux inqas minn 2,5 kg”. Din l-emenda hija neċessarja biex tagħti karatterizzazzjoni aħjar tal-materja prima, fir-rigward tar-rekwiżit tal-piż li huwa determinat b'mod iktar faċli u preċiż mir-rekwiżit tat-tul. Il-muskolu jista' jkun suġġett għal estensjoni jew kontrazzjoni u għalhekk, it-tul tiegħu jista' jkun diskutibbli. Il-proposta għal emenda tirriżulta mill-esperjenza matura tal-produtturi u mill-esiġenza tagħhom li jiddeterminaw valuri iktar preċiżi għall-kontrolli. |
4. |
Fl-Artikolu 3(3), minflok: “It-trasport eventwali tal-mases muskolari lejn l-impjant tal-ipproċessar għandu jsir fi żmien l-24 siegħa ta' wara permezz ta' trasport refriġerat”, għandha tinqara: “It-trasport tal-mases muskolari lejn l-impjant tal-ipproċessar għandu jsir fi żmien it-72 siegħa ta' wara permezz ta' trasport refriġerat”, Din l-emenda tikkanċella l-kelma “possibbli”, minħabba li t-trasferiment tal-“coppe” lejn l-impjant tal-ipproċessar issa saret operazzjoni standard bejn il-produtturi. Iż-żieda tal-perjodu ta' żmien li fih il-mases muskolari għandhom ikunu trasportati lejn l-impjant tal-ipproċessar hija reazzjoni għall-esiġenzi tekniċi-loġistiċi u hija marbuta maż-żmien tal-ipproċessar tal-mases muskolari, maż-żmien tar-refriġerazzjoni tal-muskoli fil-biċċerija, maż-żmien tat-trasport u mal-kompatibbiltà mal-ħinijiet tal-ftuħ tal-impjanti tal-ipproċessar. |
5. |
Mill-Artikolu 3, għandu jitneħħa l-punt 4 li ġej: “Il-‘coppe’ għandhom jiġu immedjatament imkessħa fil-friġġ għal 24 siegħa b'tali mod li jilħqu t-temperatura interna bejn 0-1 °C”. Din il-kanċellazzjoni hija riżultat tal-emenda ta' qabel, inkwantu li ma tagħmilx iktar obbligatorju t-tkessiħ immedjat fil-friġġ għal 24 siegħa tal-materja prima. L-importanti hu li l-“coppe” jaslu fl-impjant tal-ipproċessar f'temperatura adegwata u b'osservazzjoni sħiħa tal-katina tat-tkessiħ. |
6. |
Fl-Artikolu 4(1), minflok:
Ħwawar komposti minn:
NB: DOŻI GĦAL KULL QANTAR TA' LAĦAM FRISK.” għandha tinqara: “Dożi għal kull 100 Kg ta' laħam frisk
Ħwawar komposti minn:
Ġew miżjuda jew spjegati aħjar il-kwantitajiet minimi u/jew massimi ta' kull element tat-taħlita ta' mluħ u aromi naturali, biex tingħata l-possibbiltà li kull produttur jadatta r-riċetta, billi dan huwa prodott tradizzjonali. |
7. |
Fl-Artikolu 4(3), minflok: “Il-‘coppe’ mmellħin għandhom jitħallew fil-friġġ għal talanqas 7 ijiem li matulhom jiġu ‘mmassaġġati’ bl-idejn u jiġu koperti bid-dijaframma parjetali tal-ħanżir.”, għandha tinqara: “Il-‘coppe’ mmellħin għandhom jitħallew fil-friġġ għal talanqas 7 ijiem. F'dan il-perjodu għandhom jiġu ‘mmassaġġati’ bl-idejn u wara għandhom jiġu koperti bid-dijaframma parjetali tal-ħanżir.” Dan l-aġġustament huwa meqjus neċessarju biex tkun iċċarata aħjar is-sekwenza tal-fażijiet li jgħaddu minnhom il-“coppe”. B'mod preċiż ġie ċċarat li l-“coppe” jiġu mmassaġġati bl-idejn fil-fażi tal-ħżin fil-friġġ u jkun biss wara li jiġu koperti bid-dijaframma parjetali tal-ħanżir. |
8. |
Fl-Artikolu 4(5), minflok: “Il-fażi ta' tnixxif ta' wara sseħħ fi kmamar għat-tnixxif apposta f'kundizzjonijiet klimatiċi kkontrollati b'temperatura li tvarja bejn 17 °C u 20 °C, b'umdità bejn 75 % u 80 % u b'ventilazzjoni bejn 1 u 7 m/s għal talanqas 7 ijiem jew fi kwalunkwe każ, sakemm titfaċċa l-‘moffa’ karatteristika li tiddetermina l-punt meta l-prodott isir tipikament roża.”. għandha tinqara: “Il-fażi ta' tnixxif ta' wara sseħħ fi kmamar għat-tnixxif apposta f'kundizzjonijiet klimatiċi kkontrollati b'temperatura li tvarja bejn 15 °C u 25 °C, b'umdità bejn 40 % u 90 % f'ambjent ventilat għal talanqas 7 ijiem jew fi kwalunkwe każ, sakemm titfaċċa l-‘moffa’ karatteristika li tiddetermina l-punt meta l-prodott isir tipikament roża.”. Din l-emenda għandha l-għan li tikkoreġi l-ispeċifikazzjoni tal-prodott li kienet tistipula valuri iktar ristretti tal-umdità u t-temperatura minħabba li dawn huma intenzjonati li jkunu valuri medji. In-neċessità tal-produtturi li jiddefinixxu proċedura iktar iddettaljata fl-ispeċifikazzjoni tal-prodott waslet għall-korrezzjoni tal-valuri tal-umdità u t-temperaturi sabiex ikunu jistgħu jikkontrollaw aħjar l-andament tal-maturazzjoni. Fil-fatt, matul l-ewwel fażi tat-tnixxif il-“coppa” għandha titlef l-umdità ftit ftit, b'tali mod li l-wiċċ tagħha ma jinxifx eċċessivament u jikkomprometti l-fażijiet suċċessivi tal-produzzjoni. Dan il-proċess gradwali ta' tnixxif ma jistax isir fil-kundizzjonijiet tal-umdità u tat-temperatura pprovduti fl-ispeċifikazzjoni ta' qabel. L-estensjoni tal-livell ta' umdità u tat-temperatura għalhekk, tagħmel il-kundizzjonijiet ta' produzzjoni iktar preċiżi u b'hekk ikun rifless iċ-ċiklu ta' produzzjoni li minn dejjem kien osservat. Se jitneħħa wkoll ir-riferiment għall-ventilazzjoni minħabba li huwa meqjus li hu superfluwu u minħabba li huwa biżżejjed li tinżamm id-definizzjoni tal-intervalli tat-temperatura u tal-umdità ir-referenza għalhekk hija sempliċiment “ambjent ventilat”. |
9. |
Fl-Artikolu 5(1), minflok: “Il-maturazzjoni tal-‘coppe’ iseħħ f'ambjenti li jkollhom temperatura bejn 10 u 14 °C u l-umdità relattiva bejn 70 u 80 %.” għandha tinqara: “Il-maturazzjoni tal-‘coppe’ iseħħ f'ambjenti li jkollhom temperatura bejn 10 u 20 °C u l-umdità relattiva bejn 70 u 90 %.” L-emenda proposta tirriżulta mill-esiġenza tal-produtturi li jkunu jistgħu jikkontrollaw aħjar il-fażi tal-maturazzjoni. Għal din ir-raġuni, qed tiġi proposta l-estensjoni tat-temperatura u tal-livell ta' umdità billi jkunu inklużi li ma kinux imsemmija fl-ewwel verżjoni tad-dokument. Il-valuri kif inhuma definiti issa jikkunsidraw anke l-varjazzjonijiet klimatiċi tal-provinċja ta' Piacenza li jinfluwenzaw il-kundizzjonijiet ambjentali tal-ktajjen naturali fejn iseħħ il-maturazzjoni tal-“coppe”. |
10. |
Fl-Artikolu 6(I), minflok: “Il-Coppa Piacentina, fil-mument li tinħareġ għall-konsum għandha dawn il-karatteristiċi organolettiċi, kimiċi u kimiko-fiżiċi u mikrobioloġici:” għandha tinqara: “Il-Coppa Piacentina, fil-mument li tinħareġ għall-konsum għandha dawn il-karatteristiċi organolettiċi u kimiko-fiżiċi:” B'din l-emenda ta' karattru formali, tneħħa t-test “karatteristiċi mikrobijoloġiċi” minħabba r-raġuni mogħtija fin-nota nru 12, u t-test “karatterstiċi kimiċi” billi huwa żejjed, minħabba li diġà qegħdin fil-“karatteristiċi kimiko-fiżiċi”. |
11. |
Fl-Artikolu 6(1,2), is-sottotitolu, minflok: “Dehra esterna: forma ċilindrika, ftit irqaq fit-trufijiet …”, għandha tinqara: “Dehra esterna: forma ċilindrika, ftit irqaq fit-tarf …, piż: mhux inqas minn 1,5 kg, … ”. Din l-emneda tikkoreġi żball tal-abbozzar inkwantu l-prodott tradizzjonali huwa irqaq f'tarf wieħed biss u mhux fiż-żewġ trufijiet. Barra minn hekk, kien introdott il-piż minimu tal-prodott finali: Mhux inqas minn 1,5 kg sabiex il-prodott ikun deskritt iktar. |
12. |
Fl-Artikolu 6(1), is-sottotitolu 3 li ġej huwa mħassar: “KARATTERISTIĊI MIKROBIJOLOĠIĊI
Tneħħew il-karatteristiċi mikrobijoloġiċi billi jinħassu li huma żejda għad-deskrizzjoni, minħabba li l-parametri u l-limiti relattivi huma imposti mil-liġijiet tas-saħħa fis-seħħ. |
13. |
Fl-Artikolu 6(1.4), is-sottotitolu, minflok: “KARATTERISTIKI KIMIKO-FIŻIĊI:
għandha tinqara: “KARATTERISTIKI KIMIKO-FIŻIĊI:
L-emenda li hija relatata mal-karatteristiċi kmiko-fiżiċi hija neċessarja kemm biex jiġu kkoreġuti xi żbalji fl-ispeċifikazzjoni ta' qabel kif ukoll bħala reazzjoni għall-esiġenza tal-produtturi biex jiddeskrivu aħjar il-karatteristiċi tal-Coppa Piacentina. B'mpd partikolari, ittieħdet l-opportunità biex jiġu riveduti l-perċentwali għall-umdità, il-proteina, ix-xaħam, l-irmied u l-pH minħabba li ma kinux jirriflettu l-karatteristiċi tal-prodott immaturat. Dawn huma fil-fatt varjabbli skont il-perjodu ta' maturazzjoni; minħabba li l-Coppa Piacentina hija mmaturata wkoll iktar mill-perjodu minimu stabbilit fl-ispeċifikazzjoni tal-produzzjoni (sitt xhur), huwa ċar li fil-proċess tal-maturazzjoni, il-valuri kimiko-fiżiċi jinbidlu. Barra minn hekk il-parametri relatati mal-lattożju, il-glukożju, il-fruttożju, is-sukrożju, u l-kolesterol tneħħew billi mhux bżonnjużi biex juru l-ġenwinità jew in-nuqqas tagħha tal-prodott. |
14. |
Fl-Artikolu 7, minflok: “Bla ħsara għall-kompetenzi attribwiti mil-liġi lill-veterinarju uffiċjali (USL) tal-impjant – li skont il-Kapitlu IV ‘Kontroll tal-Produzzjoni’ tal-Liġi 30 ta’ Diċembru 1992, nru 537. jaċċerta u permezz ta' spezzjoni xierqa, jikkontrolla li l-prodotti b'bażi ta' laħam jikkonformaw mal-kriterji ta' produzzjoni stabbiliti mill-produttur u b'mod partikolari, li l-kompożizzjoni tikkorrispondi verament mat-test fuq it-tikketta, minħabba li huwa responsaabbli minn dan il-kompitu skont ir-Regolament (KEE) Nru 2081/92.” għandha tinqara: “Il-kontroll tal-applikazzjoni tad-dispożizzjonijiet ta' din l-ispeċifikazzjoni ta' produzzjoni jsir minn entità privata awtorizzata, f'konformità mal-Artikolu 10 tar-Regolament (KE) Nru 510/2006 tal-20 ta' Marzu 2006”. Din l-emenda dwar il-kontrolli, saret neċessarja billi d-dispożizzjonijiet tal-Artikolu 7 tal-ispeċifikazzjoni tal-produzzjoni ta' qabel ma kinux jaqblu mal-Artikolu 10 tar-Regolament (KE) Nru 510/2006 u mal-liġijiet nazzjonali tat-twettieq marbuta magħhom. |
15. |
Fl-Artikolu 8(1), minflok: “… Denominazzjoni ta' Oriġini Kkontrollata”, għandha tinqara: “… Denominazzjoni Protetta tal-Oriġini”. It-test “Denominazzjoni ta' Oriġini Rreġistrata” li kien hemm qabel huwa żbaljat, u għalhekk jinbidel f'“Denominazzjoni Protetta tal-Oriġini”. |
SINTEŻI
REGOLAMENT TAL-KUNSILL (KE) Nru 510/2006
“COPPA PIACENTINA”
Nru tal-KE: IT-PDO-0117-1498-31.10.2001
DPO ( X ) IĠP ( )
Din is-sinteżi tagħti l-elementi ewlenin tal-ispeċifikazzjoni tal-prodott b'għan informattiv biss.
1. Dipartiment responsabbli fl-Istat membru:
Isem: |
Ministero delle politiche agricole, alimentari e forestali |
|||
Indirizz: |
|
|||
Tel. |
+39 064819968 |
|||
Fax |
+39 0642013126 |
|||
Posta elettronika: |
saco7@politicheagricole.it |
2. Grupp:
Isem: |
Consorzio della Coppa Piacentina, del Salame Piacentino, della Pancetta Piacentina a Denominazione di Origine Protetta |
|||
Indirizz: |
|
|||
Tel. |
+39 0523591260 |
|||
Fax |
+39 0523608714 |
|||
Posta elettronika: |
salumi.piacentini@libero.it |
|||
Kompożizzjoni: |
Produtturi/proċessuri ( X ) oħrajn ( ) |
3. Tip ta' prodott:
Klassi 1.2 – |
Prodotti b'bażi ta' laħam |
4. Speċifiċikazzjoni:
(sinteżi tar-rekwiżiti misjuba fl-Artikolu 4(2), tar-Regolament (KE) Nru 510/2006)
4.1. Isem:
“Coppa Piacentina”
4.2. Deskrizzjoni:
Il-“Coppa Piacentina” hija prodott tal-laħam tal-majjal, immellaħ u mmaturat b'mod naturali, ippreżervat nej, kopert bid-dijaframma parjetali tal-ħanżir. Tiġi prodotta mill-muskoli tan-naħa ta' fuq tal-għonq. Il-prodott finali għandu forma ċilindrika ftit irqaq fit-trufijiet, b'konsistenza kompatta mhux elastika; meta tinqata', il-biċċiet huma omoġeni, b'kulur aħmar bi strixxi bojod fir-roża qishom irħam.
Għall-produzzjoni jintużaw koxox friski tal-majjal ta' annimali mwielda, mrobbija u maqtulin fl-Emilia Romagna u fil-Lombardia.
4.3. Żona ġeografika:
Iż-żona ta' produzzjoni tal-Coppa Piacentina tinkludi t-territorju kollu tal-provinċja ta' Piacenza, iżda biss dawk il-partijiet b'altitudni taħt id-900 metru 'l fuq mil-livell tal-baħar minħabba kundizzjonijiet klimatiċi partikolari.
4.4. Prova tal-oriġini:
Kull fażi tal-proċess tal-produzzjoni tiġi mmonitorata billi jiġi ddokumentat kull element li jiddaħħal u kull prodott li joħroġ. B'dan il-mod, u permezz tal-kumpilazzjoni ta' reġistri speċifiċi ġestiti mill-entità ta' kontroll, ta' min irabbi l-bhejjem, tal-biċċiera, tal-produtturi u ta' min jimmaturahom, kif ukoll permezz tan-notifika immedjata lill-entità ta' kontroll tal-kwantitajiet prodotti, it-traċċabilità tal-prodott tiġi ggarantita. Il-persuni kollha, kemm fiżiċi kif ukoll legali, imniżżlin fil-listi rilevanti, għandhom ikunu soġġetti għall-kontroll min-naħa tal-entità ta' kontroll.
4.5. Metodu ta' produzzjoni:
Il-produzzjoni tal-“Coppa Piacentina” tinkludi l-fażijiet li ġejjin: tmelliħ fin-nixfa; immassaġġar; kopertura bid-dijaframma parjetali tal-ħanżir; irbit; tnixxif u maturazzjoni.
4.6. Rabta:
Ir-rekwiżiti tal-“Coppa Piacentina” jiddependu mill-kundizzjonijiet ambjentali u mill-fatturi naturali u umani. B'mod partikolari, il-karatterizzazzjoni tal-materja prima hija marbuta strettament mal-makrożona ġeografika tal-forniment imsemmija fil-punt 4.2, filwaqt li l-produzzjoni tal-Coppa tirriżulta mill-kundizzjonijiet tal-mikrożona deskritta fil-punt 4.3. Fiż-żona ta' forniment tal-materja prima msemmija fil-punt 4.2, l-iżvilupp taż-żooteknika huwa marbut mal-preżenza kbira ta' kultivazzjoni taċ-ċereali u mal-metodi ta' produzzjoni tal-industrija tal-prodotti tal-ħalib, speċjalizzata b'mod partikolari, li ddeterminaw il-vokazzjoni għat-trobbija lokali tal-ħnieżer. Il-produzzjoni lokalizzata tal-“Coppa Piacentina” tiġi mill-kundizzjonijiet tal-mikrożona speċifikati fil-punt 4.3. Il-fatturi ambjentali huma marbutin strettament mal-karatteristiċi taż-żona ta' produzzjoni, li fiha jispikkaw il-widien friski u b'ħafna ilma u l-għoljiet miksija bil-boskijiet, li jaffettwaw ħafna l-klima, kif ukoll jiddeterminaw il-karatteristiċi tal-prodott finali.
Il-“materja prima, il-prodott u d-denominazzjoni” flimkien huma marbutin ukoll mal-iżvilupp soċjoekonomiku speċifiku taż-żona konċernata, b'rilevanza li ma tinsabx band'oħra.
4.7. Entità ta' kontroll:
Isem: |
E.CE.PA. — Ente Certificazione Prodotti Agroalimentari |
|||
Indirizz: |
|
|||
Tel. |
+39 0523609662 |
|||
Fax |
+39 0523644447 |
|||
Posta elettronika: |
amministrazione@ecepa.it |
4.8. Tikkettar:
Id-denominazzjoni “Coppa Piacentina” għandha tkun miktuba fuq it-tikketta b'ittri ċari u li ma jitħassrux, li jintgħarfu sew minn kull kitba oħra li hemm fuq it-tikketta u għandhom ikunu segwiti mill-ewwel mill-kitba “Denominazzjoni Protetta tal-Oriġini”.
Kull deskrizzjoni mhux permessa espliċitament hija pprojbita, inklużi l-aġġettivi li ġejjin: tip, togħma, użu, magħżul u kliem ieħor bħal dan.
Madankollu, tista' ssir kwalunkwe referenza għal ismijiet jew ditti jew marki privati sakemm dawn ma jkollhomx l-għan ta’ tifħir jew ikunu maħsuba biex iqarrqu bil-konsumatur, kif ukoll l-isem tal-impriżi tat-trobbija tal-ħnieżer minn fejn ikun ġej il-prodott.
(1) ĠU L 93, 31.3.2006, p. 12.