Proposta għal deċiżjoni tal-Kunsill XX li tawtorizza l-Istati Membri jidħlu fil-Konvenzjoni relatata mal-esibizzjonijiet internazzjonali li ġiet iffirmata f’Pariġi fit-22 ta’ Novembru 1928 u supplimentata mill-Protokolli tal-10 ta’ Mejju 1948, is-16 ta’ Novembru 1966, it-30 ta’ Novembru 1972 u l-Emenda tal-24 ta’ Ġunju 1982 u l-Emenda tal-31 ta’ Mejju 1988 EN . /* KUMM/2010/0018 finali - NLE 2010/0015 */
[pic] | Il-KUMMISSJONI EWROPEA | Brussel 5.2.2010 KUMM(2010)18 finali 2010/0015 (NLE) Proposta għal DEĊIŻJONI TAL-KUNSILL XX li tawtorizza l-Istati Membri jidħlu fil-Konvenzjoni relatata mal-esibizzjonijiet internazzjonali li ġiet iffirmata f’Pariġi fit-22 ta’ Novembru 1928 u supplimentata mill-Protokolli tal-10 ta’ Mejju 1948, is-16 ta’ Novembru 1966, it-30 ta’ Novembru 1972 u l-Emenda tal-24 ta’ Ġunju 1982 u l-Emenda tal-31 ta’ Mejju 1988 EN . MEMORANDUM TA’ SPJEGAZZJONI 1. Il-kuntest tal-proposta - Ir-raġunijiet u l-għanijiet tal-proposta Ir-Repubblika tal-Latvja espremiet ix-xewqa tagħha li tidħol fil-Konvenzjoni relatata mal-esibizzjonijiet internazzjonali li ġiet iffirmata f’Pariġi fit-22 ta’ Novembru, 1928 u supplimentata mill-Protokolli tal-10 ta’ Mejju 1948, is-16 ta’ Novembru 1966, it-30 ta’ Novembru 1972 u l-Emenda tal-24 ta’ Ġunju 1982 u l-Emenda tal-31 ta’ Mejju 1988 (minn hawn 'il quddiem “il-Konvenzjoni ta’ Pariġi”). Peress li l-Konvenzjoni ta’ Pariġi tirregola l-aspetti li jaqgħu fi ħdan il-leġiżlazzjoni doganali tal-Unjoni Ewropea, Stat Membru li jixtieq jidħol f'dik il-Konvenzjoni għalhekk jinħtieġ awtorizzazzjoni min-naħa tal-Unjoni. - Il-kuntest ġenerali Il-funzjoni tal-Konvenzjoni ta' Pariġi hija li tirregola l-frekwenza, il-kwalità u l-proċeduri tal-esibizzjonijiet internazzjonali li jaqgħu fi ħdan l-ambitu tagħha. Bl-Artikolu 16 u l-Anness tal-Konvenzjoni ta' Pariġi dwar ir-“Regolamenti Doganali dwar l-importazzjoni ta' oġġetti minn parteċipanti waqt esibizzjonijiet internazzjonali" l-pajjiżi li qegħdin jorganizzaw l-esibizzjonijiet għandhom jippermettu l-ammissjoni temporanja ta’ oġġetti mill-parteċipanti f’esibizzjonijiet internazzjonali. L-għoti ta’ ammissjoni temporanja huwa regolat fl-Artikoli 137 sa 144 tal-Kodiċi Doganali tal-Komunità, ir-Regolament tal-Kunsill (KEE) 2913/92, implimentat fir-rigward tal-esibizzjonijiet permezz tal-Artikolu 576 tar-regoli dwar l-Implimentazzjoni tal-Kodiċi Doganali tal-Komunità, ir-Regolament tal-Kummissjoni (KEE) 2454/93. Ir-reġim ta’ ammissjoni temporanja kif stipulat fil-leġiżlazzjoni doganali tal-Unjoni Ewropea huwa kumpatibbli bis-sħiħ mal-Konvenzjoni ta’ Pariġi. Il-leġiżlazzjoni doganali tal-Unjoni Ewropea hija parti mill-Politika Kummerċjali stipulata fl-Artikolu 207 tat-Trattat dwar it-Tħaddim tal-Unjoni Ewropea. L-Artikolu 207 trendi l-miżuri nazzjonali, inkluża l-konklużjoni ta' ftehimiet internazzjonali, permessibbli biss jekk huma awtorizzati speċifikament mill-Unjoni. L-Unjoni Ewropea nnifisha ma tistax tidħol fil-Konvenzjoni ta’ Pariġi, peress li Stati sovrani biss jistgħu jkunu parti minnha. Sakemm il-Konvenzjoni ta’ Pariġi tirregola l-aspetti li jaqgħu fi ħdan il-leġiżlazzjoni doganali tal-Unjoni Ewropea, Stat Membru li jixtieq jidħol f'dik il-Konvenzjoni jinħtieġ għalhekk awtorizzazzjoni min-naħa tal-Unjoni. S’issa 24 Stat Membru daħlu fil-Konvenzjoni ta’ Pariġi. 2. Konsultazzjoni mal-partijiet interessati u l-evalwazzjoni tal-impatt Mhuwiex rilevanti li ssir konsultazzjoni mal-partijiet jew li ssir evalwazzjoni tal-impatt. 3. L-elementi legali tal-proposta Il-bażi legali hija magħmula mill-Artikolu 2(1), 207(4) l-ewwel sottoparagrafu, flimkien mal-Artikolu 218(6) tat-Trattat dwar it-Tħaddim tal-Unjoni Ewropea. 4. Implikazzjoni baġitarja Ma hemm l-ebda implikazzjoni baġitarja. 2010/0015 (NLE) Proposta għal DEĊIŻJONI TAL-KUNSILL ta’ [...] li tawtorizza l-Istati Membri jidħlu fil-Konvenzjoni relatata mal-esibizzjonijiet internazzjonali li ġew iffirmati f’Pariġi fit-22 ta’ Novembru 1928 u supplimentati mill-Protokolli tal-10 ta’ Mejju 1948, is-16 ta’ Novembru 1966, it-30 ta’ Novembru 1972 u l-Emenda tal-24 ta’ Ġunju 1982 u l-Emenda tal-31 ta’ mejju 1988 IL-KUNSILL TAL-UNJONI EWROPEA, Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikoli 2(1), 207(4) l-ewwel sottoparagrafu flimkien mal-Artikolu 218(6)(a) tiegħu, Wara li kkunsidra l-proposta tal-Kummissjoni[1], Wara li kkunsidra l-kunsens tal-Parlament Ewropew[2], Billi: 1. Il-Konvenzjoni relatata mal-esibizzjonijiet internazzjonali li ġiet iffirmata f’Pariġi fit-22 ta’ Novembru 1928 u supplimentata mill-Protokolli tal-10 ta’ Mejju 1948, is-16 ta’ Novembru 1966, it-30 ta’ Novembru 1972 u l-Emenda tal-24 ta’ Ġunju 1982 u l-Emenda tal-31 ta’ Mejju 1988 (minn hawn ‘il quddiem “il-Konvenzjoni ta’ Pariġi”) stabbiliet il-Bureau Internazzjonali dwar l-Esibizzjonijiet. Il-funzjoni tal-Konvenzjoni hija li tirregola l-frekwenza, il-kwalità u l-proċeduri tal-esibizzjonijiet internazzjonali li jaqgħu fi ħdan l-ambitu tagħha. 2. Bl-Artikolu 16 u l-Anness dwar ir-Regolamenti Doganali fir-rigward tal-importazzjoni ta' oġġetti minn parteċipanti waqt esibizzjonijiet internazzjonali" tal-Konvenzjoni ta' Pariġi l-pajjiżi li qegħdin jorganizzaw l-esibizzjonijiet huma meħtieġa jippermettu l-ammissjoni temparanja ta’ oġġetti mill-parteċipanti f’esibizzjonijiet internazzjonali. 3. Id-dispożizzjonijiet tal-Konvenzjoni ta’ Pariġi għall-ammissjoni temporanja tal-oġġetti minn parteċipanti f'esibizzjonijiet internazzjonali jaqgħu fi ħdan il-kompetenza esklussiva tal-Unjoni fir-rigward il-politika komuni kommerċjali.Fil-fatt, l-għoti ta’ ammissjoni temporanja huwa regolat fl-Artikoli 137 sa 144 tar-Regolament tal-Kunsill (KEE) Nru 2913/92 tat-12 ta' Ottubru 1992 li jwaqqaf il-Kodiċi Doganali tal-Komunità[3], implimentat fir-rigward ta’ esibizzjonijiet permezz tal-Artikolu 576 tar-Regolament tal-Kummissjoni (KEE) Nru 2454/93 li jistipula d-dispożizzjonijiet għall-implimentazzjoni tar-Regolament tal-Kunsill (KEE) Nru 2913/92 li jwaqqaf il-Kodiċi Doganali tal-Komunità[4]. 4. Ammissjoni Temporanja kif stipulata fil-Kodiċi Doganali tal-Komunità hija kompatibbli mal-Artikolu 16 u l-Anness dwar “ir-Regolamenti Doganali għall-importazzjoni ta’ oħetti minn parteċipanti f’esibizzjonijiet internazzjonali” tal-Konvenzjoni ta’ Pariġi. 5. Il-Konvenzjoni daħlet fis-seħħ fis-17 ta' Jannar 1931. Mhux l-Istati Membri kollha huma membri tal-Konvenzjoni ta’ Pariġi. L-Unjoni Ewropea nnifisha, ma tistax tidħol fil-Konvenzjoni ta’ Pariġi, peress li Stati sovrani biss jistgħu jkunu parti minnha. 6. L-Istati Membri, li għadhom ma daħlux fil-Konvenzjoni ta’ Pariġi, iżda li jixtiequ jagħmlu dan, għandhom ikunu awtorizzati skont il-kundizzjonijiet stipulati f’din id-Deċiżjoni. ADOTTAT DIN ID-DEĊIŻJONI: Artikolu 1 L-Istati Membri huma b’dan awtorizzati li jidħlu, f'partijiet tal-Konvenzjoni ta' Pariġi li jaqgħu taħt il-kompetenza tal-Unjoni Ewropea. Artikolu 2 Din id-Deċiżjoni hija indirizzata lill-Istati Membri. Magħmul fi Brussel, Għall-Kunsill Il-President [1] ĠU C , , p. . [2] ĠU C , , p. . [3] ĠU L 302, 19.10.1992, p. 1. . [4] ĠU L 253, 11.10.1993, p.1.