27.6.2009

Il-Ġurnal Uffiċjali tal-Unjoni Ewropea

C 147/11

Opinjoni tal-Kumitat Konsultattiv dwar l-amalgamazzjonijiet mogħtija fil-laqgħa tal-16 ta' April 2008 rigward abboz ta' deċiżjoni dwar Każ COMP/M.4956 – STX/Aker Yards

Rapporteur: Ir-Renju Unit

2009/C 147/09

1.	Il-Kumitat Konsultattiv jikkonsidra li l-operazzjoni notifikata tikkostitwixxi konċentrazzjoni fl-ambitu tat-tifsira tal-Artikolu 3(1)(b) tar-Regolament dwar l-Amalgamazzjonjiet tal-KE. Minoranza tastjeni.

2.	Il-Kumitat Konsultattiv jaqbel mal-Kummissjoni li l-operazzjoni notifikata għandha dimensjoni Komunitarja fl-ambitu tat-tifsira tal-Artikolu 1 u 4 tar-Regolament dwar l-Amalgamazzjoni tal-KE. Minoranza tastjeni.

Il-Kumitat Konsultattiv jaqbel li għall-finijiet tal-każ attwali d-definizzjoni tas-suq tal-prodott għandha tiġi delineata kif ġej:

—	Huwa xieraq li wieħed jiddistingwi bejn tipi differenti ta' vapuri fi ħdan is-settur ġenerali kummerċjali tal-bini tal-vapuri;

—	tankers tal-kimika/taż-żejt u tankers tal-prodotti għandhom jiġu kkunsidrati bħala żewġ swieq separati jew bħala suq tal-prodott wieħed, billi din l-kwistjoni tista' titħalla miftuħa f'dan il-każ;

—	vapuri tal-kruċiera u t-tragetti għandhom jiġu kkunsidrati bħala żewġ swieq separati jew bħala suq tal-prodott wieħed, billi din l-kwistjoni tista' titħalla miftuħa f'dan il-każ;

—	Il-Kummissjoni għandha tikkonċentra l-analiżi tagħha fuq il-vapuri tal-kruċiera ta′ ′l fuq minn 30 000 gt fejn huma attivi Aker Yards, billi mhux neċċessarju għall-każ attwali li wieħed jiddistingwi bejn swieq differenti għal daqsijiet differenti ta' vapuri tal-kruċiera;

—	Il-kwistjoni ta' jekk is-suq tal-manifattura tal-magni tal-vapuri għandux jiġi segmentat tista' titħalla miftuħa f'dan il-każ.

Minoranza tastjeni.

4.	Il-Kumitat Konsultattiv jaqbel illi għall-fini tal-każ preżenti is-swieq ġeografiċi għall-bini tal-vapuri kummerċjali u għall-manifattura tal-magni tal-vapuri għandhom dimensjoni dinjija. Minoranza tastjeni.

5.	Il-Kumitat Konsultattiv jaqbel illi peress illi hemm nuqqas ta' koinċidenzi orizzontali l-operazzjoni proposta mhux se jkollha bħala riżultat dirett it-tisħiħ tal-pożizzjoni ta' Aker Yard fil-bini u l-forniment tal-vapuri tal-kruċiera. Minoranza tastjeni.

6.	Il-Kumitat Konsultattiv jaqbel illi l-eliminazzjoni ta' STX bħala kompetitur potenzjali fil-bini u l-forniment tal-vapuri tal-kruċieri mhux se jkollu effett anti-kompetittiv sinifikattiv. Minoranza tastjeni.

Il-Kumitat Konsultattiv jaqbel illi l-pożizzjoni finanzjarja ta' STX mhix tali li trendi l-entità amalgamata dominanti fis-suq tal-bini tal-vapuri tal-kruċiera, indipendentement ta' jekk l-istrumenti finanzjarji msemmija mill-kwerelant kinux jikkostitwixxu sussidji passati jew attwali mill-istat Sud Korean.

Minoranza tastjeni.

Il-Kumitat Konsultattiv jaqbel illi anki jekk kien hemm evidenza illi l-entità amalgamata kienet se tirċievi finananzjament għall-produzzjoni sussidjata fil-ġejjieni kif allegat mill-kwerelant huwa improbabbli li dan iżid b'mod sinifikattiv is-saħħa finanzjarja tal-entità amalgamata għar-raġunijiet esposti fid-deċiżjoni.

Minoranza tastjeni.

9.	Il-Kumitat Konsultattiv jaqbel illi l-kompraturi tal-vapuri tal-kruċieri huma sofistikati u probabbilment għandhom, fl-istruttura tas-suq attwali, il-kapaċità illi jimmitigaw l-imġiba anti-kompetittivi ta' wara l-amalgamazzjoni. Minoranza tastjeni.

10.	Il-Kumitat Konsultattiv jaqbel illi l-operazzjoni proposta mhux se twassal għal xi impediment sinifikattiv għal kompetizzjoni effettiva fil-qasam tal-vapuri tal-kruċiera u t-tragetti flimkien, kif ukoll għat-tragetti separatament. Minoranza tastjeni.

11.	Il-Kumitat Konsultattiv jaqbel illi l-operazzjoni proposta ma twassalx għal xi impediment sinifikattiv għall-kompetizzjoni effettiva għat-tankers tal-prodotti. Minoranza tastjeni.

Il-Kumitat Konsultattiv jaqbel illi r-relazzjonijiet vertikali maħluqa mill-operazzjoni proposta mhux se twassal għal xi impediment sinifikattiv għall-kompetizzjoni effettiva fis-swieq differenti tal-vapuri kummerċjali, u fis-swieq tal-vapuri tal-kruċiera u tat-tragetti b’mod partikolari.

Minoranza tastjeni.

13.	Il-Kumitat Konsultattiv jaqbel illi l-operazzjoni proposta ma twassalx għal xi impediment sinifikattiv għall-kompetizzjoni effettiva fis-settur tas-servizzi tat-trasport marittimu. Minoranza tastjeni.

14.	Il-Kumitat Konsultattiv jaqbel mal-Kummissjoni li l-operazzjoni għandha tiġi ddikjarata kompatibbli mas-suq komuni u l-funzjonament tal-Ftehim taż-ŻEE. Minorità tastjeni.