13.2.2009   

MT

Il-Ġurnal Uffiċjali tal-Unjoni Ewropea

C 36/9

1.

li jibda proċedura għall-għoti tal-awtorizzazzjoni għall-ipprospettar u l-esplorar taż-żejt mhux raffinat u tal-gass naturali fil-Blokk 1-12 “Knezha”, f'erja ta' 1 348,45 km2 u b'koordinati, speċifikati u indikati fl-abbozz tal-kuntratt għall-ipprospettar u l-esplorar, liema proċess huwa parti integrali mill-fajl tal-kompetizzjoni;

2.

li jħabbar li l-għoti tal-awtorizzazzjoni se jkun imsejjes fuq kompetizzjoni;

3.

li jispeċifika li l-perjodu ta' żmien, kopert mill-awtorizzazzjoni għall-ipprospettar u l-esplorar huwa ta' 5 snin mid-data tad-dħul fis-seħħ tal-kuntratt għall-ipprospettar u l-esplorar, bid-dritt li dan il-perjodu jkun jista' jiġi estiż skond l-Artikolu 31, paragrafu 3 tal-Liġi dwar ir-Riżorsi Naturali ta' Taħt l-Art;

4.

li l-kompetizzjoni għall-għoti tal-awtorizzazzjoni skond il-punt 1 issir fil-150 jum mid-data tal-pubblikazzjoni ta' din id-Deċiżjoni fil-Ġurnal Uffiċjali tal-Unjoni Ewropea, fil-bini tal-Ministeru tal-Ekonomija u l-Enerġija, li jinsab fl-indirizz li ġej: Nru 8, Triq Triaditza, Sofia;

5.

li l-bejgħ tal-fajl tal-kompetizzjoni jista' ijnxtara sal-17:00 tal-120 jum mid-data tal-pubblikazzjoni ta' din id-Deċiżjoni fil-Ġurnal Uffiċjali tal-Unjoni Ewropea;

6.

li n-notifiki għall-parteċipazzjoni fil-kompetizzjoni jibqgħu jintlaqgħu sal-17:00 tal-130 jum mid-data tal-pubblikazzjoni ta' din id-Deċiżjoni fil-Ġurnal Uffiċjali tal-Unjoni Ewropea;

7.

li l-applikazzjonijiet għall-kompetizzjoni jibqgħu jintlaqgħu sal-17:00 tal-144 jum mid-data tal-pubblikazzjoni ta' din id-Deċiżjoni fil-Ġurnal Uffiċjali tal-Unjoni Ewropea;

8.

li matul il-kompetizzjoni ma jistax ikun hemm parteċipanti preżenti;

9.

li l-fajl tal-kompetizzjoni jinbiegħ għall-prezz fiss ta' BGN 500 (500 Leva Bulgara). Il-fajl tal-kompetizzjoni jinbiegħ mill-kamra Nru 802 tal-bini tal-Ministeru tal-Ekonomija u l-Enerġija, li jinsab fl-indirizz li ġej: Nru 8, Triq Triaditza, Sofia, matul il-perjodu ta' żmien iffissat fil-punt 5;

10.

li l-parteċipanti fil-kompetizzjoni għandhom ikunu konformi mar-rekwiżiti, speċifikati fl-Artikolu 23, paragrafu 1 tal-Liġi dwar ir-Riżorsi Naturali ta' Taħt l-Art;

11.

li l-applikazzjonijiet mitfugħa mill-parteċipanti fil-kompetizzjoni jkunu evalwati abbażi ta' dawn l-elementi proposti: programmi ta' ħidma, strumenti għall-ħarsien ambjentali u strumenti għal taħriġ, bonusijiet, u wkoll skond il-kapaċitajiet amministrattivi u finanzjarji tagħhom;

12.

li d-depożitu għall-parteċipazzjoni fil-kompetizzjoni huwa ffissat għal BGN 10 000 (10 000 Levi Bulgari) u għandu jitħallas qabel id-data tal-għeluq, kif speċifikata fil-punt 6, fil-kont bankarju tal-Ministeru tal-Ekonomija u l-Enerġija, indikat fil-fajl tal-kompetizzjoni;

13.

li fil-każ li t-talba tal-applikant biex jipparteċipa fil-kompetizzjoni ma tintlaqax, l-applikant jirċievi d-depożitu li jkun ħallas f'forma ta' rimborż fi żmien 14-il jum mid-data meta jkun ġie nnotifikat li l-applikazzjoni tiegħu ma ntlaqgħetx;

14.

li d-depożitu tal-applikant li jkun rebaħ il-kompetizzjoni jinżamm u l-bqija tal-applikanti jirċievu lura d-depożiti f'forma ta' rimborż fi żmien 14-il jum mill-pubblikazzjoni tad-Deċiżjoni tal-Kunsill tal-Ministri għall-għoti tal-awtorizzazzjoni għall-ipprospettar u l-esplorazzjoni fil-Gazzetta tal-Istat;

15.

li n-notifikazzjonijiet għall-parteċipazzjoni fil-kompetizzjoni u l-proposti mill-applikanti dwar il-kundizzjonijiet tal-kompetizzjoni għandhom jiġu ppreżentati fil-bini tal-Ministeru tal-Ekonomija u l-Enerġija, li jinsab fl-indirizz li ġej: Nru 8, Triq Triadzita, Sofia, skond ir-rekwiżiti tal-Artikolu 46 tal-Liġi dwar ir-Riżorsi Naturali ta' Taħt l-Art;

16.

li l-applikazzjonijiet għall-kompetizzjoni għandhom ikunu konformi mar-rekwiżiti u l-kundizzjonijiet, kif indikati fil-fajl tal-kompetizzjoni;

17.

li l-kompetizzjoni tista' ssir anke jekk jitħalla jipparteċipa applikant wieħed biss;

18.

li l-Ministeru tal-Ekonomija u l-Enerġija huwa awtorizzat jagħmel kif ġej:

19.

li l-appelli minn din id-Deċiżjoni jistgħu jiġu indirizzati lill-Qorti Amministrattiva Suprema fi żmien 14-il jum mill-pubblikazzjoni fil-Ġurnal Uffiċjali tal-Unjoni Ewropea.