8.7.2010   

MT

Il-Ġurnal Uffiċjali tal-Unjoni Ewropea

CE 184/75

A.

billi l-governanza istituzzjonali tal-Politika Komuni dwar is-Sajd tinvolvi l-Kummissjoni, il-Parlament Ewropew, il-Kunsill, il-Kumitat tar-Reġjuni, il-Kumitat Ewropew Ekonomiku u Soċjali, il-Kumitat Konsultattiv dwar is-Sajd u l-Akwalkultura (ACFA), il-Kumitat Xjentifiku, Tekniku u Ekonomiku dwar is-Sajd (STECF), il-Kumitat ta' Djalogu Soċjali Settorjali għas-Sajd fil-Baħar (SSDC) u l-Kunsilli Konsultattivi Reġjonali (RACs),

B.

billi l-governanza tal-Politika Komuni dwar is-Sajd tinvolvi wkoll l-amministrazzjonijiet nazzjonali u reġjonali tal-Istati Membri,

C.

billi l-Komunità tipparteċipa f'diversi Organizzazzjonijiet għas-Sajd Reġjonali u qed jiġu konklużi wkoll Ftehimiet ta' Sħubija għas-Sajd ma' pajjiżi terzi,

D.

billi, skont it-Trattat ta' Liżbona, il-Parlament Ewropew se jibqa' jkun eskluż mill-istabbiliment tal-Qabdiet Totali Permessa(TAC) u l-kwoti,

E.

billi l-attendenza ta' Membri tal-Parlament waqt il-laqgħat tal-Organizzazzjonijiet Reġjonali għas-Sajd huma attwalment fuq bażi ad hoc,

F.

billi l-komunikazzjoni li tikkonċerna l-operat reali tal-ftehimiet ta' Sħubija għas-Sajd, inklużi l-attivitajiet tal-Kumitati ta' Monitoraġġ Konġunt, tista' tkun aktar sodisfaċenti,

G.

billi l-STECF ġie stabbilit fl-1993, il-Kumitat Konsultattiv għas-Sajd ġie stabbilit fl-1971, u ngħata l-isem ġdid ta' Kumitat Konsultattiv dwar is-Sajd u l-Akkwakultura (AFCA) fl-1999, u l-Kumitat ta' Djalogu Soċjali Settorjali għas-Sajd fil-Baħar ġie stabbilit fl-1999, meta ssostitwixxa Kumitat Konġunt li kien ilu jeżisti mill-1974,

H.

billi s-seba' RACs bħalissa kollha qegħdin jaħdmu,

I.

billi ġie stabbilit Kumitat Inter-RAC u dan iwettaq laqgħat ta' koordinazzjoni mal-Kummissjoni,

J.

billi l-Kummissjoni dan l-aħħar wettqet evalwazzjonijiet tal-AFCA u tal-Kunsilli Konsultattivi Reġjonali, imma s'issa ma wettqet l-ebda evalwazzjoni tal-ħidma tal-STECF,

K.

billi l-evalwazzjoni tal-AFCA għamlet għadd ta' rakkomandazzjonijiet operazzjonali u ssuġġeriet diversi għażliet għall-futur fit-tul tiegħu,

L.

billi l-evalwazzjoni tal-Kunsilli Konsultattivi Reġjonali kienet pożittiva, imma l-Kummissjoni identifikat għadd ta' azzjonijiet, li ma jirrikjedux leġiżlazzjoni ġdida, biex jittejjeb l-operat tagħhom,

M.

billi l-partijiet kollha qablu li hemm bżonn ta' djalogu aktar b'saħħtu bejn ix-xjenzjati u s-sajjieda u l-Kunsilli Konsultattivi Reġjonali wkoll talbu li jkun hemm input soċjoekonomiku aħjar fit-teħid tad-deċiżjonijiet,

N.

billi ċerti Kunsilli Konsultattivi Reġjonali u Membri tal-Parlament esprimew ix-xewqa li jkun hemm relazzjoni aktar formali,

O.

billi l-attività li qed tiżdied min-naħa tal-Kunsilli Konsultattivi Reġjonali qed tkun mxekkla minn fondi limitati u mill-approċċ burokratiku u inflessibbli wisq tal-Kummissjoni għall-immaniġġjar u l-kontroll finanzjarju fir-rigward tal-fondi allokati lilhom,

P.

billi l-Kummissjoni qalet li se tisma' l-fehmiet tal-Parlament Ewropew, tal-Kunsill u ta' dawk li għandhom interess fil-qasam qabel ma tintroduċi regoli legali ġodda,

Q.

billi r-rappreżentanti tal-Kummissjoni sikwit jonqsu milli jattendu l-laqgħat tal-grupp tal-ħidma tal-Kunsilli Konsultattivi Reġjonali,

R.

billi, madankollu, diġà hemm evidenza li jkun hemm aktar konformità mar-regoli tal-Politika Komuni dwar is-Sajd meta dawk li għandhom sehem fil-qasam ikunu involuti fil-ħolqien u fl-implimentazzjoni tagħhom,

S.

billi hemm kwantità kbira ta' żoni Komunitarji fejn isir sajd kummerċjali, u kull waħda minnhom għandha l-karatteristiċi tagħha,

T.

billi diġà qed iseħħu konsultazzjonijiet dwar ir-riforma tal-Politika Komuni dwar is-Sajd,

U.

billi r-rakkomandazzjonijiet tal-Kunsilli Konsultattivi Reġjonali mhux dejjem jingħataw attenzjoni xierqa, b'mod speċjali meta ma jkunux ġew approvati b'mod unanimu mill-kumitati eżekuttivi,

1.

Jitlob biex il-membri tal-Kumitat għas-Sajd tiegħu jingħataw l-istatus ta' osservaturi waqt il-laqgħat tal-Kunsill tal-Ministri għas-Sajd;

2.

Jitlob li l-Kunsill, il-Kummissjoni u l-Parlament biex iwettqu x-xogħol meħtieġ biex jintlaħaq ftehim ġenwin li jistipula l-forom standard ta' parteċipazzjoni għall-membri tal-Kumitat għas-Sajd tal-Parlament fl-organizzazzjonijiet tal-immaniġġjar tas-sajd reġjonali (regional fisheries management organisations -RFMOs) u korpi internazzjonali oħra li l-laqgħat tagħhom huma ddedikati għal diskussjoni ta' suġġetti li jaffettwaw il-Politika tas-Sajd Komuni, bl-intiża li dan m'għandu bl-ebda mod ixekkel l-istatus preżenti tagħhom ta' osservaturi f'laqgħat li għalihom ikun ġie miftiehem dan l-arranġament;

3.

Jitlob ukoll lill-Kunsill, bi qbil mal-Kummissjoni u l-Parlament, sabiex jippermetti l-membri tal-Kumitat għas-Sajd tal-Parlament biex iservu fil-Kumitati Konġunti mwaqqfa fil-qafas tal-Ftehimiet ta' Sħubija dwar is-Sajd, biex ikun possibbli li jitwettaq segwitu adegwat ta' dawn il-ftehimiet; b'żieda ma' dan isemmi li d-dħul fis-seħħ tat-Trattat ta' Liżbona iġib miegħu responsabilitajiet akbar għall-Parlament, minħabba li l-ftehimiet ta' sħubija jkollhom jiġu approvati permezz tal-proċedura ta' kunsens;

4.

Jiġbed l-attenzjoni dwar l-importanza li jkun żgurat li r-rappreżentanti tal-Kummissjoni jattendu l-laqgħat tal-gruppi ta' ħidma u tal-kumitati eżekuttivi tal-Kunsilli Konsultattivi Reġjonali b'mod aktar regolari;

5.

Jistieden lill-Kummissjoni biex tavża lill-Parlament dwar il-konsultazzjonijiet kollha li qed iseħħu f'dak li għandu x'jaqsam mal-Politika Komuni dwar is-Sajd u l-politika marittima;

6.

Jistieden lill-Kummissjoni biex twettaq evalwazzjoni tal-STECF;

7.

Jinnota r-riżultat tal-evalwazzjoni tal-AFCA u li l-Kummissjoni qed tistenna r-rakkomandazzjonijiet tal-AFCA innifsu dwar:

8.

Jenfasizza l-importanza li jkun evitat l-irdoppjar, b'mod partikulari mal-ħidma tal-Kunsilli Konsultattivi Reġjonali;

9.

Jinnota li s-settur tas-sajd għadu ma jitqisx li għandu vuċi suffiċjenti fid-deċiżjonijiet li jaffettwawh; jinnota d-differenzi f'termini ta' rwoli u ħidma, bejn l-ACFA u l-RACs, minħabba li l-ACFA għandu rwol konsultattiv li jinkludi s-CFP kollha u jkopri ż-żona Komunitarja kollha, filwaqt li l-irwol tal-RACs huwa li jagħtu parir speċjalizzat fi ħdan il-kamp ta' influwenza tagħhom; għaldaqstant iqis li l-koeżistenza tal-korpi konsultattivi differenti tgħin biex tiġi żgurata kompatibilità mal-politika marittima u tal-baħar, u l-immaniġġjar integrat taż-żoni kostali;

10.

Jistieden lill-Kummissjoni biex tieħu l-azzjonijiet li ġejjin fir-rigward tal-Kunsilli Konsultattivi Reġjonali:

11.

Jikkunsidra li l-Kunsilli Konsultattivi Reġjonali attwalment mhumiex iffinanzjati biżżejjed għal-livell ta' xogħol li qed iwettqu; jinnota li l-Kummissjoni ħarġet linji gwida dwar l-immaniġġjar finanzjarju imma jemmen li hemm bżonn ta' djalogu ulterjuri f'dan ir-rigward u li għandhom jiġu esplorati l-alternattivi għas-sistema attwali;

12.

Jemmen li aktar parteċipazzjoni fil-Kunsilli Konsultattivi Reġjonali tirrikjedi reviżjoni tal-kompożizzjoni tagħhom imma li l-bilanċ attwali bejn l-industrija tas-sajd u organizzazzjonijiet oħra m'għandhiex tiġi mfixkla;

13.

Jesprimi t-tħassib tiegħu dwar il-fatt li xi organizzazzjonijiet li fl-RACs iservu bħala “gruppi ta” interess oħrajn' repetutament jieħdu vantaġġ mill-preżenza tagħhom, anke jekk ikunu fil-minoranza, biex iwaqqfu deċiżjonijiet appoġġjati minn maġġoranza ta' rappreżentanti tas-settur tas-sajd u jostakolaw it-teħid ta' deċiżjonijiet b'konsensus;

14.

Jappella biex ikun hemm rabtiet eqreb bejn il-Kunsilli Konsultattivi Reġjonali u l-Parlament, il-Kumitat tar-Reġjuni u l-Kumitat Ekonomiku u Soċjali Ewropew;

15.

Jappella sabiex id-deċiżjonijiet tekniċi u politiċi jkunu separati; Id-deċiżjonijiet politiċi għandhom jiġu adottati b'approċċ reġjonali u d-deċiżjonijiet tekniċi b'approċċ xjentifiku;

16.

Jitlob lill-Kumitat għas-Sajd sabiex, bla ħssara għall-proċeduri ta' approvazzjoni statutorja:

17.

Jistieden lill-awtoritajiet baġitarji biex jallokaw fondi adegwati għal dan t'hawn fuq;

18.

Jitlob lill-Kunsilli Konsultattivi Reġjonali biex iżommu lill-membri tal-Kumitat għas-Sajd informati dwar l-attivitajiet, il-pariri u r-rakkomandazzjonijiet tagħhom u biex jistidnuhom biex jattendu waqt il-laqgħat;

19.

Jitlob biex kull leġiżlazzjoni futura dwar ir-RAC tagħti lill-membri tal-Parlament l-istatus formali ta' osservaturi attivi waqt il-laqgħat tagħhom;

20.

Jitlob lill-Kummissjoni u lill-Kumitat Inter-RAC biex jagħtu l-kunsens tagħhom biex il-membri tal-Kumitat għas-Sajd tal-Parlament ikunu jistgħu jattendu għal-laqgħat ta' koordinazzjoni tagħhom;

21.

Jenfasizza l-importanza tal-Politika Komuni dwar is-Sajd bħala mezz biex tiġi żgurata l-eżistenza ta' standards, prinċipji u regoli li huma applikabbli fl-ilmijiet Komunitarji kollha u għall-bastimenti Komunitarji kollha;

22.

Jitlob lill-Kummissjoni sabiex taċċetta u tirrispetta bis-sħiħ l-irwol konsultattiv tal-RACs u sabiex, fid-dawl tar-riforma tal-PKS, tipproponi li l-involviment tagħhom fir-responsabilitajiet ta' tmexxija jiżdiedu;

23.

Jemmen ukoll li r-riforma li ġejja tal-PKS għandha tieħu l-opportunità li l-konsolidazzjoni tal-RACs qed tipprovdilha sabiex tiżdied id-deċentralizzazzjoni tal-PKS, sabiex il-miżuri komuni adottati jistgħu jiġu applikati fiż-żoni differenti b'konformità mal-karatteristiċi speċifiċi ta' sajd u ta' kundizzjonijiet ta' sajd differenti;

24.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill, lill-Kummissjoni, lill-Kunsilli Konsultattivi Reġjonali, lill-Kumitat Konsultattiv dwar is-Sajd u l-Akwalkultura, lill-Kumitat Xjentifiku, Tekniku u Ekonmiku dwar is-Sajd, lill-Kumitat tar-Reġjuni u l-Kumitat Ekonomiku u Soċjali Ewropew, lill-Kumitat ta' Djalogu Soċjali Settorjali għas-Sajd fil-Baħar u lill-gvernijiet u lill-parlamenti fl-Istati Membri.