21.10.2010

Il-Ġurnal Uffiċjali tal-Unjoni Ewropea

CE 285/118

It-Tlieta, 24 ta’ Novembru 2009
Is-sistema komuni ta' taxxa fuq il-valur miżjud *

P7_TA(2009)0075

Riżoluzzjoni leġiżlattiva tal-Parlament Ewropew tal-24 ta' Novembru 2009 dwar il-proposta għal direttiva tal-Kunsill li temenda diversi dispożizzjonijiet tad-Direttiva 2006/112/KE tat-28 ta' Novembru 2006 dwar is-sistema komuni ta' taxxa fuq il-valur miżjud (10893/2009 – C7-0002/2009– 2007/0238(CNS))

2010/C 285 E/24

(Proċedura ta' konsultazzjoni – konsultazzjoni mill-ġdid)

Il-Parlament Ewropew,

wara li kkunsidra l-abbozz tal-Kunsill (10893/2009),

wara li kkunsidra l-proposta tal-Kummissjoni lill-Kunsill (COM(2007)0677),

wara li kkunsidra l-pożizzjoni tiegħu tat-8 ta’ Lulju 2008 (1),

wara li kkunsidra l-Artikolu 93 tat-Trattat KE, skont liema artikolu ġie kkonsultat mill-Kunsill (C7-0002/2009),

wara li kkunsidra l-Artikoli 55 u 59(3) tar-Regoli ta' Proċedura tiegħu,

wara li kkunsidra r-rapport tal-Kumitat għall-Affarijiet Ekonomiċi u Monetarji (A7-0055/2009),

1.	Japprova l-abbozz tal-Kunsill kif emendat;

2.	Jistieden lill-Kummissjoni sabiex konsegwentement tbiddel il-proposta tagħha, skont l-Artikolu 250(2) tat-Trattat KE;

3.	Jistieden lill-Kunsill sabiex jinfurmah jekk ikollu l-ħsieb li jitbiegħed mit-test approvat mill-Parlament;

4.	Jitlob lill-Kunsill biex jerġa' jikkonsultah jekk ikollu l-ħsieb li jemenda l-abbozz b'mod sustanzjali jew li jbiddlu b'test ġdid;

5.	Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.

ABBOZZ TAL-KUNSILL

EMENDA

Emenda 1

Abbozz ta’ direttiva – att li jemenda

Premessa 8

(8)

Fil-kuntest tal-adeżjoni tagħhom, il-Bulgarija u r-Rumanija ġew awtorizzati jagħtu eżenzjoni tat-taxxa lill-impriżi żgħar u li jibqgħu japplikaw eżenzjoni tal-VAT fuq it-trasport internazzjonali tal-passiġġieri.Għall-finijiet taċ-ċarezza u l-konsistenza, dawn l-eżenzjonijiet għandhom jiġu integrati fid-Direttiva nnifisha.

(8)

Fil-kuntest tal-adeżjoni tagħhom, il-Bulgarija u r-Rumanija ġew awtorizzati jagħtu eżenzjoni tat-taxxa lill-impriżi żgħar u li jibqgħu japplikaw eżenzjoni tal-VAT fuq it-trasport internazzjonali tal-passiġġieri.Għall-finijiet taċ-ċarezza u l-konsistenza, dawk l-eżenzjonijiet għandhom jiġu integrati fid-Direttiva nnifisha. Il-legalità u l-ħtieġa ta’ dawk l-eżenzjonijiet għandhom ikunu riveduti għall-inqas kull sentejn.

Emenda 2

Abbozz ta’ direttiva – att li jemenda

Premessa 9

(9)

Rigward id-dritt tat-tnaqqis, ir-regola bażika hija li dan id-dritt jirriżulta biss fil-każ li l-merkanzija u s-servizzi jintużaw minn persuna taxxabbli għall-finijiet tal-attività professjonali tagħha . Din ir-regola għandha tiġi ċċarata u msaħħa fir-rigward tal-proprjetà immobbli u l-infiq relatat magħha sabiex jiġi żgurat li l-persuni taxxabbli jkunu ttrattati bl-istess mod fil-każ li l-oġġetti immobbli li jużaw għall-attività professjonali tagħhom ma tintużax esklussivament għal finijiet relatati ma' din l-attività.

(9)

Rigward id-dritt tat-tnaqqis, ir-regola bażika hija li dan id-dritt jirriżulta biss fil-każ li l-oġġetti u s-servizzi jintużaw mill-persuna taxxabbli għal finijiet tat-tranżazzjonijiet tagħha li jwasslu għad-dritt tat-tnaqqis . Dik ir-regola għandha tiġi ċċarata u msaħħa fir-rigward tal-proprjetà immobbli u l-infiq relatat magħha sabiex jiġi żgurat li l-persuni taxxabbli jkunu ttrattati bl-istess mod fil-każ li l-oġġetti immobbli li jużaw għall-attività professjonali tagħhom ma tintużax esklussivament għal finijiet relatati ma' din l-attività. B'konsegwenza ta' dan, l-eżerċizzju inizjali tad-dritt tat-tnaqqis għandu jkun limitat għal dak l-użu li jirriżulta minn tranżazzjonijiet li jagħtu lok għad-dritt tat-tnaqqis meta t-taxxa tiġi mposta.

Emenda 3

Abbozz ta’ direttiva – att li jemenda

Premessa 10

(10)

Filwaqt li l-proprjetà immobbli u l-infiq relatat jirrappreżentaw l-aktar każijiet sinifikanti, fejn il-kjarifika u t-tisħiħ tar-regola huma adatti, minħabba l-valur u t-tul tal-ħajja ekonomika ta' proprjetà bħal din u l-fatt li l-użu mħallat ta' dan it-tip ta' proprjetà huwa prattika komuni, huwa madankollu adatt, f'konformità mal-prinċipju tas-sussidjarjetà, li l-Istati Membri jiġu awtorizzati japplikaw l-istess regola għal oġġetti mobbli ta' natura durabbli u li jifformaw parti mill-assi tan-negozju .

(10)

Minħabba li l-proprjetà immobbli u l-infiq relatat jirrappreżentaw l-aktar każijiet sinifikanti, fejn il-kjarifika u t-tisħiħ tar-regola huma adatti, minħabba l-valur u t-tul tal-ħajja ekonomika ta' proprjetà bħal din u l-fatt li l-użu mħallat ta' dan it-tip ta' proprjetà huwa prattika komuni, id-dritt tat-tnaqqis inizjali għandu jiġi applikat għall-proprjetà immobbli li hi mgħoddija lill-persuna taxxabbli kif ukoll għas-servizzi importanti relatati mal-proprjetà kkonċernata, u li, minħabba l-valur ekonomiku tagħhom, jistgħu jiġu assimilati mal-akkwist tal-proprjetà immobbli . Bil-maqlub, tiswijiet jew titjib minuri li jkunu ta' sinifikat ekonomiku limitat għandhom ikunu esklużi mill-kamp ta’ applikazzjoni ta' din ir-regola.

Emenda 4

Abbozz ta’ direttiva – att li jemenda

Premessa 11

(11)

Bil-ħsieb li tiġi żgurata sistema ekwa tat-tnaqqis għall-persuni taxxabbli fil-kuntest tar-regoli l-ġodda, għandha tiġi pprovduta sistema ta' aġġustament f'konformità mar-regoli l-oħra dwar aġġustament ta' tnaqqis biex jitqiesu l-bidliet fl-użu kummerċjali u dak mhux kummerċjali tal-proprjetà kkonċernata.

(11)

Bil-ħsieb li tiġi żgurata sistema ekwa tat-tnaqqis għall-persuni taxxabbli fil-kuntest tar-regoli l-ġodda, għandha tiġi pprovduta sistema ta' aġġustament f'konformità mar-regoli dwar aġġustament ta' tnaqqis biex jitqiesu l-bidliet fl-użu kummerċjali u dak mhux kummerċjali tal-proprjetà kkonċernata għal perjodu li jikkorrispondi mal-perjodu ta’ aġġustament eżistenti għall-proprjetà immobbli akkwistata bħala beni kapitali .

Emenda 5

Abbozz ta’ direttiva – att li jemenda

Artikolu 1 – punt 12

Direttiva 2006/112/KE

Artikolu 168 a – paragrafu 1

1. Fil-każ ta' proprjetà immobbli li tifforma parti mill-assi kummerċjali ta' persuna taxxabbli u użata għal finijiet tan-negozju tal-persuna taxxabbli u għal finijiet privati tal-persuna jew tal-persunal tagħha jew, b'mod aktar ġenerali, għal finijiet oħra apparti dawk tan-negozju, il-VAT fuq l-infiq relatat ma' din il-proprjetà għandu jkun deduċibbli f'konformità mal-prinċipji stabbiliti fl-Artikoli 167, 168, 169 u 173 sal-proporzjon bis tal-użu tal-proprjetà għal finijiet kummerċjali tal-persuna taxxabbli .

B'deroga mill-Artikolu 26, il-bidliet fil-proporzjon tal-użu ta' proprjetà immobbli msemmija fl-ewwel subparagrafu għandhom jitqiesu f'konformità mal-prinċipji previsti fl-Artikoli 184 sa 192 kif applikati fl-Istat Membru rispettiv .

1. Fil-każ ta' proprjetà immobbli li tifforma parti mill-assi kummerċjali ta' persuna taxxabbli u użata għal finijiet tan-negozju tal-persuna taxxabbli u għal finijiet privati tal-persuna jew tal-persunal tagħha jew, b'mod aktar ġenerali, għal finijiet oħra apparti dawk tan-negozju, l-eżerċizzju inizjali tad-dritt tat-tnaqqis li jirriżulta meta t-taxxa ssir applikabbli għandu jkun limitat għall-proporzjon tal-użu kummerċjali effettiv tal-proprjetà fi tranżazzjonijiet li jwasslu għad-dritt tat- tnaqqis .

B'deroga mill-Artikolu 26, il-bidliet fil-proporzjon tal-użu ta' proprjetà immobbli msemmija fl-ewwel subparagrafu għandhom jitqiesu skont il-kundizzjonijiet previsti fl-Artikoli 187, 188, 190 u 192 għall-aġġustament tal-eżerċizzju inizjali tad-dritt tat-tnaqqis .

Il-bidliet imsemmijin fit-tieni paragrafu għandhom jitqiesu matul il-perjodu definit mill-Istati Membri skont l-Artikolu 187(1), għall-proprjetà immobbli akkwistata bħala beni kapitali.

Emenda 6

Abbozz ta’ direttiva – att li jemenda

Artikolu 1 – punt 12

Direttiva 2006/112/KE

Artikolu 168 a – paragrafu 2

2. L-Istati Membri jistgħu japplikaw ukoll il-paragrafu 1 fir-rigward tal-VAT fuq l-infiq relatat ma' oġġetti oħrajn li jifformaw parti mill-assi kummerċjali, kif dawn jispeċifikaw."

imħassar

Emenda 7

Abbozz ta’ direttiva – att li jemenda

Artikolu 1 a (ġdid)

Artikolu 1a

Evalwazzjoni

Il-Kummissjoni għandha tevalwa sa fejn huwa xieraq li l-Istati Membri jiġu awtorizzati japplikaw l-Artikolu 168a(1) tad-Direttiva 2006/112/KE, u r-regoli ta’ aġġustament ġenerali skont l-Artikoli 184 sa 192 tagħha, għal oġġetti mobbli durabbli u li jiffurmaw parti mill-assi tan-negozju. Kwalunkwe proposta leġiżlattiva f’dan ir-rigward għandu jkollha l-għan li tarmonizza r-regoli applikabbli sabiex telimina, kemm jista' jkun, fatturi li jistgħu ifixklu l-kompetizzjoni, sabiex ikun żgurat it-tħaddim tajjeb tas-suq intern. Din il-proposta leġiżlattiva għandha tkun akkumpanjata minn evalwazzjoni tal-impatt li tieħu kont tal-aspetti negattivi u pożittivi.

(1) Test Adottati, P6_TA(2008)0319.