31.5.2008 |
MT |
Il-Ġurnal Uffiċjali ta’ l-Unjoni Ewropea |
C 134/19 |
Aġġornament ta' l-ammonti ta' referenza għall-qsim tal-fruntieri esterni kif imsemmi fl-Artikolu 5(3) tar-Regolament (KE) Nru 562/2006 tal-Parlament Ewropew u tal-Kunsill li jistabbilixxi Kodiċi Komunitarju dwar ir-regoli li jirregolaw il-moviment ta' persuni min-naħa għall-oħra tal-fruntiera (Kodiċi tal-Fruntieri ta' Schengen) (ĠU C 247, 13.10.2006, p. 19, ĠU C 153, 6.7.2007, p. 22, ĠU C 182, 4.8.2007, p. 18, ĠU C 57, 1.3.2008, p. 38)
(2008/C 134/08)
Il-pubblikazzjoni ta' ammonti ta' referenza għall-qsim tal-fruntieri esterni, kif imsemmija fl-Artikolu 5(3) tar-Regolament (KE) Nru 562/2006 tal-Parlament Ewropew u tal-Kunsill tal-15 ta' Marzu 2006 li jistabbilixxi Kodiċi Komunitarju dwar ir-regoli li jirregolaw il-moviment ta' persuni min-naħa għal oħra tal-fruntiera (Kodiċi tal-Fruntieri ta' Schengen) hija bbażata fuq l-informazzjoni kkomunikata mill-Istati Membri lill-Kummissjoni skond l-Artikolu 34 tal-Kodiċi tal-Fruntieri ta' Schengen.
Flimkien mal-pubblikazzjoni tal-Ġurnal Uffiċjali, aġġornament ta' kull xahar huwa disponibbli fuq is-sit internet tad-Direttorat Ġenerali għall-Ġustizzja, il-Libertà u s-Sigurtà.
IS-SLOVAKKJA
Sostituzzjoni ta' l-informazzjoni ppubblikata fil-ĠU C 247, 13.10.2006, p. 19
Ir-riżorsi finanzjarji meħtieġa biex ikopru l-ispejjeż ta' residenza ta' ċittadin ta' pajjiż terz fuq it-territorju tar-Repubblika Slovakka huma stabbiliti għal SKK 1 700 għal kull persuna għal kull jum ta' residenza skond l-Artikolu 4 ta' l-Att Nru 48/2002 Coll. dwar is-Soġġorn ta' Persuni Barranin u dwar l-emendi ta' ċerti atti skond l-emendi.
Is-somma ta' SKK 1 700 tinqasam f'dawn l-ammonti:
(a) |
SKK 1 000 għal akkomodazzjoni; |
(b) |
SKK 100 għall-kolazzjon; |
(c) |
SKK 200 għall-ikel; |
(d) |
SKK 200 għall-ikel ta' filgħaxija; |
(e) |
SKK 200 għal flus fil-but. |
Jekk l-ispejjeż ta' residenza ta' ċittadin ta' pajjiż terz fit-territorju tar-Repubblika Slovakka huma parzjalment koperti, dan il-fatt ser jiġi kkunsidrat.
Stedina ċċertifikata minn dipartiment tal-pulizija tista tissostitwixxi r-riżorsi finanzjarji.
IL-GREĊJA
Sostituzzjoni ta' l-informazzjoni ppubblikata fil-ĠU C 247, 13.10.2006, p. 19
Id-Deċiżjoni Ministerjali Komuni Nru 3021/22/10-f ta' l-24 ta' Diċembru 2007 tistabilixxi l-ammont għal mezzi ta' sussistenza li ċittadini barranin — bl-eċċezzjoni ta' ċittadini mill-Istati Membri ta' l-Unjoni Ewropea — jeħtieġu li jkollhom jekk ikunu jridu jidħlu f'territorju Grieg.
Skond id-Deċiżjoni msemmija hawn fuq, l-ammont ta' flus barranin li għandhom ikollhom ċittadini barranin ta' Stati li m'humiex membri ta' l-Unjoni Ewropea sabiex jidħly fil-Greċja huwa stabbilit għal EUR 50 għal kull persuna għal kull jum, u ammont minimu totali ta' EUR 300 għal soġġorn ta' mhux iktar minn ħamest iijiem.
Fejn iċ-ċittadin barrani huwa minuri l-ammonti t'hawn fuq jitnaqqsu b'50 %.
Ċittadini ta' pajjiżi li jobbligaw lil ċittadini Griegi jbiddlu l-flus fil-fruntiera huma wkoll soġġetti għal dan l-obbligu skond il-prinċipju ta' reċiproċità.