12.1.2008   

MT

Il-Ġurnal Uffiċjali ta’ l-Unjoni Ewropea

C 7/11

(1)

Id-destinatarji ta' din id-deċiżjoni ħadu sehem fi ksur uniku u kontinwu ta' l-Artikolu 81 tat-Trattat tal-KE u l-Artikolu 53 tal-Ftehim tal-KE u l-Artikolu 53 tal-Ftehim taż-ŻEE fl-industrija tal-lastiku sintetiku li involviet żewġ prodotti:

(2)

Il-karatteristiċi ewlenin tal-ksur kienu jinkludu: Qbil dwar miri tal-prezzijiet għall-prodotti, qsim tal-klijenti permezz ta' ftehim ta' non-aggressjoni u skambju ta' informazzjoni kummerċjali sensittiva dwar prezzijiet, kompetituri u klijenti.

(3)

Din id-deċiżjoni hija indirizzata lil 13-il entità legali (li jappartjenu għal 6 intrapriżi), li ħadu sehem fil-ksur (xi entitajiet qed jinżammu responsabbli bħala kumpaniji prinċipali):

(4)

Sew il-BR kif ukoll l-ESBR huma tipi ta' lastiku sintetiku użati l-aktar fil-produzzjoni tat-tajers. Applikazzjonijiet oħra jinkludu blalen tal-golf u pettijiet taż-żraben.

(5)

L-investigazzjoni wriet li l-kartell kien ikopri ż-ŻEE kollha jew il-maġġoranza l-kbira tagħha. Il-valur tas-suq totali taż-ŻEE għall-BR u l-ESBR fl-2001 kien ta' mill-anqas EUR 550 miljun.

(6)

F'Diċembru 2002 u f'Jannar 2003, il-kumpanija Ġermaniża Bayer infurmat lill-Kummissjoni dwar l-eżistenza ta' kartelli għall-BR u l-ESBR u esprimiet ix-xewqa li tikkoopera mal-Kummissjoni taħt l-Avviż ta' Klemenza ta' l-2002. F'Marzu 2003 saret spezzjoni fil-bini ta' Dow.

(7)

Madwar sitt xhur wara l-ispezzjoni, Dow ressqet applikazzjoni b'suċċess għal tnaqqis fil-multi ta' bejn 30 % u 50 %.

(8)

Fis-7 ta' Ġunju 2005, il-Kummissjoni tat bidu għal proċedimenti f'dan il-każ, u adottat l-ewwel Dikjarazzjoni ta' Oġġezzjonijiet li ġiet innotifikata lid-destinatarji tad-Deċiżjoni (bl-eċċezzjoni ta' Unipetrol as) u kif ukoll Chemical Company Dwory S.A., Tavorex s.r.o and Syndial S.p.A. Id-Dikjarazzjoni ta' l-Oġġezzjonijiet qatt ma ġiet innotifikata lil Tavorex s.r.o, wara li din il-kumpanija ġiet likwidata. Il-proċediment kontra Tavorex s.r.o minn dak iż-żmien 'l hawn ingħalaq.

(9)

Dikjarazzjoni ta' Oġġezzjonijiet oħra ġiet adottata fis-6 ta' April 2006. Smigħ Orali tal-każ sar fit-22 ta' Ġunju 2006.

(10)

Il-Kummissjoni tqis li d-data tal-bidu kienet il-laqgħa tal-kartell ta' l-20 ta' Mejju 1996. It-tmiem tal-kartell jitqies li seħħ fit-28 ta' Novembru 2002, li hija d-data tad-diskussjonijiet fejn ġie deċiż li jintemm il-kartell.

(11)

L-arranġamenti anti-kompetittivi seħħew fil-marġini tal-laqgħat ta' l-Assoċjazzjoni Ewropea tal-Lastiku Sintetiku (ESRA). Fil-marġini ta' xi wħud mil-laqgħat ta' l-ESRA, iżda mhux kollha, l-aktar waqt l-ikel, fil-bar, jew huma u sejrin għall-ikel, fil-kamra tal-lukanda ta' wieħed mill-parteċipanti jew f'kamra tal-konferenzi mikrija apposta, il-kumpaniji kkonkludew ftehimiet dwar il-prezzijiet għall-prodotti fil-forma ta' target prices jew roll-over prices għall-kwart ta' sena li jkun ġej, qasmu l-klijenti permezz ta' ftehimiet ta' non-aggressjoni u skambjaw informazzjoni kummerċjali sensittiva dwar prezzijiet, kompetituri u klijenti.

(12)

Rigward il-gravità tal-ksur, l-impatt tiegħu fuq is-suq u l-firxa ġeografika tiegħu, il-ksur għandu jitqies bħala wieħed serju ħafna.

(13)

Sabiex jiġu riflessi d-differenzi fil-volumi tal-bejgħ tas-6 intrapriżi fil-BR u l-ESBR, huma nqasmu f'ħames gruppi.

(14)

Eni u Bayer tpoġġew fl-ewwel kategorija. Dow tpoġġiet fit-tieni kategorija. Shell tpoġġiet fit-tielet kategorija. Unipetrol tpoġġiet fir-raba' kategorija, filwaqt li Stomil tpoġġiet fil-ħames kategorija.

(15)

Sabiex jiġi stabbilit l-ammont tal-multa fuq livell li jiżgura li jkollha effett deterrenti suffiċjenti, huwa xieraq li jiġi applikat fattur ta' multiplikazzjoni għall-multi imposti. Fuq il-bażi tal-volum tal-bejgħ tad-destinatarji fl-aktar sena finanzjarja reċenti ta' qabel id-Deċiżjoni, id-Deċiżjoni tapplika fattur ta' multiplikazzjoi għal Shell (3), Enichem (2), Dow (1,75), u Bayer (1,5).

(16)

Fatturi ta' multiplikazzjoni individwali ta' 10 % għal sena sħiħa u ta' 5 % għal kull perjodu ta' 6 xhur jew aktar se jiġu applikati skond it-tul ta' żmien tal-ksur minn kull kumpanija kif stabbilit fil-paragrafu 0 (a) — (f) hawn fuq. Fil-każ ta' Dow, iż-żieda fit-tul taż-żmien hija anqas sabiex jitqies il-fatt li għall-ewwel tliet snin tal-ksur Dow ma kenitx tippossjedi n-negozju BR/ESBR li hija akkwistat mingħand Shell fl-1999 u li fir-rigward ta' l-istess perjodu Shell diġà qed tirċievi multa.

(17)

Fiż-żmien tal-ksur, Bayer Enichem u Shell kienu diġà ġew soġġetti għal deċiżjonijiet preċedenti ta' projbizzjoni tal-Kummissjoni għal attivitajiet ta' kartelli (1). Dan jiġġustifika żieda ta' 50 % fl-ammont bażiku tal-multa li għandha tiġi imposta fuq dawn l-intrapriżi.

(18)

Bosta intrapriżi ddikjaraw li kienet teżisti waħda minn dawn iċ-ċirkustanzi attenwanti: kooperazzjoni barra mill-Avviż ta' Klemenza u/jew nuqqas ta' implimentazzjoni. Dawn id-dikjarazzjonijiet huma kollha rrifjutati bħala li huma bla bażi.

(19)

Għalkemm Shell ma applikatx formalment għall-klemenza, il-kooperazzjoni tagħha ġiet evalwata skond id-dispożizzjonijiet ta' l-Avviż ta' Klemenza ta' l-2002.

(20)

Il-multa għal Stomil hija mnaqqsa f'kunsiderazzjoni tal-limitu ta' 10 % tal-volum tal-bejgħ globali stabbilit taħt l-Artikolu 23(2) tar-Regolament (KE) Nru 1/2003.

(21)

Bayer kienet l-ewwel waħda li infurmat lill-Kummissjoni bl-eżistenza ta' kartelli għall-BR u l-ESBR fl-20 ta' Diċembru 2002 u l-14 ta' Jannar 2003. Fil-5 ta' Frar 2003, il-Kummissjoni tat lil Bayer immunità kundizzjonali mill-multi f'konformità mal-punt 8(a) ta' l-Avviż ta' Klemenza. Bayer ikkooperat bis-sħiħ, b'mod kontinwu u mingħajr dewmien tul il-proċedura amministrattiva tal-Kummissjoni u provdiet lill-Kummissjoni bil-provi kollha disponibbli għaliha fir-rigward tal-ksur suspettat. Bayer waqqfet is-sehem tagħha fil-ksur suspettat mhux aktar tard minn meta ssottomettiet provi taħt l-Avviż ta' Klemenza u ma ħadet ebda passi sabiex iġġiegħel intrapriżi oħra sabiex jipparteċipaw fil-ksur. Għalhekk, Bayer tikkwalifika għal immunità sħiħa mill-multi u ma tirċevix multi.

(22)

Dow kienet l-ewwel intrapriża li ssodisfat il-kundizzjonijiet tal-punt 21 ta' l-Avviż ta' Klemenza, peress li hija pprovdiet lill-Kummissjoni bi provi li jirrapreżentaw valur miżjud sinifikanti meta mqabbla mal-provi li kienu diġa fil-pussess tal-Kummissjoni meta għamlet is-sottomissjoni tagħha u, safejn taf il-Kummissjoni, Dow temmet l-involviment tagħha fil-ksur mhux aktar tard mid-data li fiha ressqet l-evidenza u l-involviment tagħha baqa' mitmum. Għalhekk hija tikkwalifika, taħt il-punt 23(b), l-ewwel inċiż, għal tnaqqis ta' 30 — 50 % tal-multa li altrimenti kienet tiġi imposta. Dow ingħatat tnaqqis ta' 40 % mill-multa.

(23)

Fir-risposta tagħha għall-Ewwel Dikjarazzjoni ta' Oġġezzjonijiet, Shell aċċettat li l-fatti, li l-Kummissjoni kienet qed tindirizza, fil-fatt kienu seħħew, u indikat ċirkustanzi fattwali addizzjonali limitati. Minkejja li ma saret l-ebda applikazzjoni formali għall-klemenza, il-Kummissjoni tipproponi li tikkunsidra l-kooperazzjoni ta' Shell taħt it-termini ta' l-Avviż ta' Klemenza ta' l-2002.

(24)

Id-deċiżjoni tosserva li fiż-żmien tal-kooperazzjoni ta' Shell, l-informazzjoni pprovduta ma kenitx tikkostitwixxi valur miżjud sinifikanti fir-rigward ta' l-evidenza li diġà kienet fil-pussess tal-Kummissjoni, għax il-Kummissjoni diġà kienet tista' tipprova l-ksur fl-elementi ewlenin kollha tiegħu.

(25)

Fuq il-bażi ta' dan, id-Deċiżjoni ma tqisx li Shell hija intitolata għal tnaqqis għall-kooperazzjoni tagħha.

(26)

Għall-ksur deskritt hawnhekk, huma imposti l-multi li ġejjin:

(27)

Id-destinatarji ta' din id-deċiżjoni huma ordnati li jtemmu immedjatament il-ksur deskritt hawnhekk, safejn huma mhux diġà għamlu dan, u li ma jirrepetu l-ebda att jew aġir deskritt hawn, jew xi att jew aġir li jkollu effett jew għan identiku jew simili.