[pic] | KUMMISSJONI TAL-KOMUNITAJIET EWROPEJ |

Brussel 10.12.2008

KUMM(2008) 847 finali

2008/0239 (COD)

Proposta għal REGOLAMENT (KE) Nru .../2008 TAL-PARLAMENT EWROPEW U TAL-KUNSILL

ta' li jemenda r-Regolament (KE) Nru 1692/2006 li jistabbilixxi t-tieni programm 'Marco Polo' għall-għoti ta’ għajnuna finanzjarja tal-Komunità biex tittejjeb il-prestazzjoni ambjentali tas-sistema tat-trasport tal-merkanzija ('Marco Polo II'),

{SeG(2008) 3021} {SEG(2008) 3022}

(preżentata mill-Kummissjoni)

MEMORANDUM TA' SPJEGAZZJONI

1. KONTENUT TAL-PROPOSTA

1.1. Ir-raġunijiet għall-proposta u l-għanijiet tagħha

It-tieni programm Marco Polo mhuwiex jikseb l-objettivi stabbiliti fil-bażi legali tiegħu f'dak li għandu x’jaqsam ma' bidla modali jew evitar tat-traffiku. Għalkemm il-Programm fil-fatt qed jikseb bidla modali sinifikanti, kemm ir-riżultati tat-tieni sejħa għall-proposti, fl-2008, taħt it-tieni programm Marco Polo, kif ukoll dawk mill-evalwazzjoni esterna tal-ewwel programm Marco Polo, juru li l-Programm x'aktarx mhux se jkun kapaċi jilħaq l-objettivi li jevita jew jibdel għal mezzi oħra tat-trasport parti sostanzjali tat-tkabbir totali previst tat-trasport internazzjonali tal-merkanzija fit-toroq fl-Ewropa, kif previst mill-bażi legali tiegħu.

L-implimentazzjoni tal-ewwel programm Marco Polo tonqos milli tilħaq il-mira tal-bidla modali tagħha, kif muri mill-evalwazzjoni esterna, li tikkalkula li se tinkiseb 64 % tal-mira tal-bidla modali[1]. Din ir-rata ta' suċċess hija msaħħa bil-livell ta' rispons għat-tieni sejħa taħt it-tieni programm Marco Polo, li juri tnaqqis sinifikanti tat-total tal-bidla modali proposta. Barra minn hekk iż-żewġ tipi ta’ azzjonijiet ġodda introdotti b'dan it-tieni Programm, Awtostradi tal-Baħar u l-Evitar tat-Traffiku, ma attirawx biżżejjed applikazzjonijiet (9 % biss tal-proposti fl-2007 u 4 % fl-2008).

L-emendi proposti għandhom l-għan li jżidu l-effikaċja tal-Programm f'dak li għandu x’jaqsam ma' tunnellati-kilometri evitati jew ittrasferiti mit-toroq għal mezzi oħra ta' trasport, sabiex jinkisbu l-objettivi stabbiliti fil-bażi legali. Il-miżuri speċifiċi huma maħsuba sabiex jistimulaw l-applikazzjonijiet għall-finanzjament billi jżidu l-parteċipazzjoni minn intrapriżi żgħar, partikolarment il-kumpaniji tat-Trasport fuq il-Passaġġi tal-Ilma Interni, inaqqsu l-limiti tal-eliġibbiltà, iżidu l-intensità tal-għotja u jissemplifikaw il-proċessi amministrattivi tal-Programm.

L-Evalwazzjoni tal-Programm

L-Artikolu 14 tar-Regolament jipprovdi li l-Kummisjoni għandha tippreżenta lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni rapport ta’ evalwazzjoni dwar ir-riżultati miksuba bil-Programm Marco Polo għall-perjodu bejn l-2003 u l-2006. Jekk dan ir-rapport jiżvela l-ħtieġa għal aġġustament tal-Programm Marco Polo II, il-Kummissjoni tkun meħtieġa tressaq il-proposti skont dan.

Konsegwentement, fl-2007, twettqet evalwazzjoni indipendenti[2] tal-Programm. Is-sejbiet tal-evalwaturi juru li:

- L-istrateġija tal-Programm hija xierqa biex tikkontribwixxi għal sistema ta' trasport effiċjenti u sostenibbli, b'komplementaritajiet għal interventi oħra tal-KE.

- L-effikaċja tal-Programm fit-tnaqqis tal-konġestjoni fit-toroq għandha tingħata aktar importanza u viżibilità.

- Għandu effett inċentiv qawwi biex jiġġenera investimenti sinifikanti ta' negozju . Kull euro ta' sussidju ppjanat ifisser €20 ta' spejjeż eliġibbli.

- Mistenni li jwettaq bidla ta' 30.6 biljun tkm, li tikkorrispondi għal 64 % tal-mira tiegħu.

- Ħaddem biss 73 % tal-baġit disponibbli.

- Mistenni li jwettaq benefiċċji esterni li jammontaw għal €650 miljun f'termini ta' tnaqqis fl-ispejjeż mill-konġestjoni, l-ispejjeż ambjentali, l-ispejjeż marbuta mas-sikurezza fit-trasport u spejjeż oħra.

- Il-passi formali biex jiġu evalwati l-proposti u l-proċeduri li għandhom jiġu segwiti qabel il-firma tal-kuntratt huma kkunsidrati mill-applikanti bħala kumplessi, mhux trasparenti u li jeħtieġu żmien twil bejn in-negozjati tal-kuntratt u l-firma tal-kuntratt.

- Il-kuntatti bejn il-Kummissjoni u l-benefiċjarji tal-proġett kienu limitati ħafna.

- L-evalwaturi għamlu r-rakkomandazzjonijiet li ġejjin:

- Li jiġi estiż it-tul taż-żmien massimu tal-proġetti.

- Li jitnaqqas il-limitu għall-proġetti tat-Trasport fuq Passaġġi tal-Ilma Interni li l-għan tagħhom huwa l-bidla modali.

- Li titjieb il-viżibilità tal-Programm.

- Li l-aspett ta' tnaqqis tal-konġestjoni fit-toroq jsir aktar viżibbli fl-istadju tal-evalwazzjoni tal-proposta.

- Li jinħolqu gwidi għall-utent li jinftiehmu faċilment sabiex l-applikanti u l-benefiċjarji jifhmu kompletament ir-regoli li għandhom isegwu meta japplikaw għall-finanzjament u fil-ġestjoni tal-proġetti.

1.2. Il-kuntest ġenerali

Il-programm Marco Polo huwa wieħed mill-istrumenti biex titnaqqas il-konġestjoni bħala parti minn strateġija koerenti tal-UE dwar il-politika tat-trasport li tinkludi l-internalizzazzjoni ta' spejjeż esterni u l-użu ta' strumwnti bbażati fuq is-suq biex jiġi rifless l-użu tal-infrastruttura.

Ir-reviżjoni ta' nofs it-terminu tal-White Paper dwar it-Trasport[3] tikkalkula li l-ispejjeż totali tal-konġestjoni huma 1 % tal-PGD tal-UE u l-ispejjeż ambjentali 1.1 %. Wieħed mill-istrumenti tal-UE dwar il-politika tat-trasport biex jiġu indirizzati dawn l-ispejjeż huwa l-programm Marco Polo. Aktar ma l-Programm ikun ta' suċċess, anqas ikunu l-ispejjeż mill-konġestjoni u dawk ambjentali.

L-evalwazzjoni esterna tal-ewwel programm Marco Polo tikkalkula li qed jintlaħaq 64 % tal-objettiv li t-tkm jiġu ttrasferiti mit-toroq għal mezzi oħra ta' trasport. B'hekk jekk ma tittieħed l-ebda azzjoni, fil-kuntest ta' l-għadd dejjem jonqos ta' proposti u proġetti ta' suċċess, it-tieni programm Marco Polo, se jikseb, bħala l-aqwa riżultat, l-istess perċentwal ta' suċċess. Dan ikun jimplika li ma jkunx intlaħaq l-għan tal-evitar jew it-trasferiment ta' parti sostanzjali tas-60 %[4] tat-tkabbir ikkalkulat fit-trasport internazzjonali tal-merkanzija fit-toroq, ekwivalenti għal 20.5 biljun tunnellati-kilometri f'termini assoluti. Dan ikollu konsegwenzi negattivi f'termini ta' spejjeż addizzjonali ta' infrastruttura tat-toroq, inċidenti, konġestjoni, tniġġis lokali u globali, ħsara ambjentali u nuqqas ta' affidabilità tal-katina tal-provvista u ta' proċessi ta’ loġistika.

1.3. Dispożizzjonijiet eżistenti fil-qasam tal-proposta

Il-bażi legali attwali tal-Programm hija r-Regolament (KE) Nru 1692/2006 tal-Parlament Ewropew u tal-Kunsill tal-24 ta' Ottubru 2006 li jistabbilixxi t-tieni programm Marco Polo għall-għoti ta’ għajnuna finanzjarja tal-Komunità biex tittejjeb il-prestazzjoni ambjentali tas-sistema tat-trasport tal-merkanzija (Marco Polo II), u li jħassar ir-Regolament (KE) Nru 1382/2003.

1.4. Il-konsistenza ma’ politiki u objettivi oħra tal-Unjoni

Il-politika tal-UE dwar it-trasport għandha l-għan li toffri livell għoli ta' mobilità lin-nies u lin-negozji mal-Unjoni kollha, u fl-istess waqt tipproteġi l-ambjent mill-effetti negattivi tat-trasport. Dan jinkiseb billi wieħed jibni fuq il-firxa wiesgħa ta' għodod tal-politika biex tinkiseb bidla għal mezzi li jirrispettaw iżjed l-ambjent, jittejjeb kull mezz ta' trasport u bil-għan li l-użu ta' mezzi differenti waħedhom jew ma' mezzi oħra ikun aktar effiċjenti; dan kollu għandu jirriżulta f'użu aħjar u sostenibbli tar-riżorsi.

F'dak il-kuntest jistgħu jintgħarfu żewġ tipi ta' miżuri:

- Il-miżuri maħsuba biex iżidu l-kompetittività u l-effiċjenza ambjentali tal-mezzi ta' trasport kollha, partikolarment dawk li huma anqas traffikużi u li jirrispettaw iżjed l-ambjent, fosthom, it-trasport marittimu, bil-ferroviji u fuq il-passaġġi tal-ilma interni.

- Il-miżuri maħsuba biex iżidu l-kapaċità u l-effiċjenza tas-sistema ta' trasport kollha bil-finanzjament tat-TEN-T (in-Netwerks Trans-Ewropej għat-Trasport), bil-fondi tal-Politika ta' Koeżjoni (il-Fond ta' Żvilupp Reġjonali Ewropew u l-Fond ta' Koeżjoni) u l-investimenti mill-Istati Membri u l-operaturi privati.

Il-miżuri msemmijin hawn fuq għandhom l-għan li jiksbu progressivament distribuzzjoni ta' ġarr tal-merkanzija aktar effiċjenti u li tirrispetta aktar l-ambjent fost il-mezzi differenti tat-trasport. Madankollu dawn se jieħdu għadd ta' snin biex jimmaterjalizzaw u l-unika miżura fil-livell Komunitarju bil-għan li tħeġġeġ distribuzzjoni ta' ġarr ta' merkanzija li tagħmel anqas ħsara lill-ambjent f'terminu ta' żmien qasir ħafna hija l-programm Marco Polo.

2. IL-KONSULTAZZJONI MAL-PARTIJIET INTERESSATI U L-VALUTAZZJONI TAL-IMPATT

2.1. Il-konsultazzjoni mal-partijiet interessati

Fl-4.04.08 tnediet konsultazzjoni pubblika fuq il-websajt tal-Aġenzija Eżekuttiva għall-Kompetittività u l-Innovazzjoni (EACI), li tamministra l-programm f'isem il-Kummissjoni. L-avviż ta' din il-pubblikazzjoni ntbagħat darbtejn bl-email lil lista ta' aktar minn 1500 kuntatt, fosthom rappreżentanti industrijali involuti fil-preparazzjoni u fl-amministrazzjoni tal-proġetti Marco Polo. Fit-28.04.08, il-konsultazzjoni ġiet ippreżentata f'laqgħa tan-Netwerk tal-Korrispondenti u tal-Promozzjoni tat-Trasport Marittimu fuq Distanzi Qosra. Fit-23.05.08, il-konsultazzjoni ġiet ippreżentata f'laqgħa tal-Kumitat Marco Polo.

Il-konsultazzjoni esterna nfetħet mill-4.04.08 sat-30.05.08. Saru 13-il mistoqsija preċiża bl-iskop li tiġi vvalutata l-aċċettabilità tal-emendi proposti mill-Kummissjoni. Barra minn hekk il-kwestjonarju inkluda mistoqsija finali miftuħa għall-kummenti ġenerali. B'kollox ġew riċevuti 97 kontribuzzjoni mingħand 20 Stat Membru, flimkien man-Norveġja u s-Serbja. 12 % biss minn dawk li wieġbu ma kinux involuti jew ma ppjanawx li jkunu nvoluti f'applikazzjoni ta' Marco Polo, b'hekk il-valur miżjud tal-kontribut huwa meqjus għoli.

Iż-żewġ laqgħat annwali tal-Kumitat tal-Istati Membri tal-Programm ta' Marco Polo ppermettew li jkun involut kontinwament fil-konsultazzjoni.

2.2. Il-ġbir u l-użu tal-għarfien espert

Il-valutazzjoni tal-impatt saret permezz tal-informazzjoni li ddaħħlet fl-'Evalwazzjoni tal-programm Marco Polo (2003-2006)' imwettqa mill-Ecorys f'Novembru, 2007. It-tieni sors ta' għarfien espert kien ir-rapport Interim ta' studju mill-Price Waterhouse Coopers dwar Valutazzjoni tal-Impatt tat-twaqqif ta' fond għal innovazzjoni għas-settur tat-Trasport fuq il-Passaġġi tal-Ilma Interni, li jinkludi valutazzjoni tal-effetti tal-emenda tat-tieni regolament Marco Polo.

2.3. Il-valutazzjoni tal-impatt

Il-valutazzjoni tal-impatt ikkonkludiet li reviżjoni mmirata tal-bażi legali billi jiġu implimentati l-miżuri proposti kollha twassal għal żieda konsiderevoli fil-valur peress li:

- Ittejjeb l-effikaċja tal-Programm f'termini ta' tunnellati-kilometri evitati jew ittrasferiti.

- Tikseb distribuzzjoni aktar bilanċjata tal-bidla modali u tal-evitar tat-traffiku fost il-mezzi ta' trasport u t-tipi ta'proġetti.

- Tissemplifika l-bażi legali u l-ġestjoni tal-programm bit-tnaqqis konsegwenti tal-ispejjeż u tal-piżijiet amministrattivi, u konsegwentement il-programm jattira aktar kumpaniji u oħrajn iżgħar li attwalment jibżgħu mill-kumplessità tiegħu, jew sempliċiment mhumiex mgħammrin biex imexxuh.

- Ikollha effetti pożittivi f'termini ta' distribuzzjoni multidimensjonali tal-effetti.

3. L-ELEMENTI LEGALI TAL-PROPOSTA

3.1. Sommarju tal-azzjoni proposta

L-emendi proposti jimmiraw għal reviżjoni limitata tal-bażi legali (ir-Regolament (KE) Nru 1692/2006) tat-tieni programm Marco Polo biex tiżdied l-effikaċja tal-objettivi tal-evitar tat-traffiku u l-bidla modali, imkejlin f'dak li għandu x’jaqsam ma' kilometri- tunnellati. Ġew proposti erba' tipi ta' emendi. L-ewwel, miżuri li jiffaċilitaw il-parteċipazzjoni mill-intrapriżi ż-żgħar; it-tieni, il-miżuri li jbaxxu l-limiti ta' tunnellati-kilometri għall-eliġibbiltà; it-tielet, li tiżdied l-intensità tal-finanzjament; u r-raba', is-semplifikazzjoni tal-proċeduri tal-Programm.

3.2. Il-bażi legali

L-Artikoli 71(1) u 80(2) tat-Trattat li jistabbilixxi l-Komunità Ewropea ħejjew il-qafas għall-intervent Komunitarju fil-qasam tat-trasport internazzjonali lejn jew minn territorju ta' Stat Membru jew li jgħaddi minn ġewwa t-territorju ta' Stat Membru wieħed jew aktar.

3.3. Il-prinċipju tas-sussidjarjetà

Il-Programm Marco Polo għandu l-għan li jagħmel impatt fuq it-trasport internazzjonali fuq it-toroq. Peress li l-obbjettivi tal-bidla modali ma jistgħux jinkisbu b'mod suffiċjenti mill-Istati Membri u għaldaqstant, minħabba l-ambitu tal-Programm, jistgħu jinkisbu aħjar fil-livell Komunitarju, il-Komunità tista' tadotta miżuri skont il-prinċipju ta' sussidjarjetà kif stipulat fl-Artikolu 5 tat-Trattat.

3.4. Il-prinċipju tal-proporzjonalità

Il-proposta hija konformi mal-prinċipju tal- proporzjonalità peress li l-intervent Komunitarju huwa ħafna anqas mill-effetti tagħha. Attwalment l-intensità massima tal-għotja hija €1 għal kull 500 tunnellati-kilometri li jiġu ttrasferiti mit-toroq għal mezzi oħra ta' trasport,, meta mqabbla mal-ispejjeż esterni ffrankati minn dak il-bidla modali li jammontaw għal medja ta' €9.15. Anki bl-aġġornament tal-intensità tal-għotja għal massimu ta' €2, il-prinċipju tal-proporzjonalità tal-intervent Komunitarja jinżamm. Min-naħa l-oħra, l-esperjenza mill-Programm turi li Euro ta' sussidju Marco Polo jfisser madwar €20 f'investimenti fi proġetti bil-għan ta' sistema ta' trasport li tirrispetta aktar l-ambjent.

3.5. L-għażla ta' strumenti

L-istrument propost: Regolament

Ir-Regolament propost jemenda r-Regolament (KE) Nru 1692/2006 li jistabbilixxi t-tieni programm Marco Polo għall-għoti ta' għajnuna finanzjarja tal-Komunità biex tittejjeb il-prestazzjoni ambjentali tas-sistema tat-trasport tal-merkanzija (Marco Polo II) u li jħassar ir-Regolament (KE) Nru 1392/2003.

2008/0239 (COD)

Proposta għal REGOLAMENT (KE) Nru .../2008 TAL-PARLAMENT EWROPEW U TAL-KUNSILL

Il-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat li jistabbilixxi l-Komunità Ewropea, u b'mod partikolari l-Artikoli 71(1) u 80(2) tiegħu,

Wara li kkunsidraw il-proposta mill-Kummissjoni,

Wara li kkunsidraw l-opinjoni tal-Kumitat Ekonomiku u Soċjali Ewropew[5],

Wara li kkunsidraw l-opinjoni tal-Kumitat tar-Reġjuni[6],

Filwaqt li jaġixxu skont il-proċedura stabbilita fl-Artikolu 251 tat-Trattat[7],

Billi:

(1) Il-Komunikazzjoni tal-Kummissjoni[8] 'Inżommu lill-Ewropa miexja - Il-mobilità sostenibbli għall-kontinent tagħna - Reviżjoni ta’ nofs it-terminu tal-White Paper dwar it-Trasport tal-Kummissjoni Ewropea tal-2001 tenfasizza l-potenzjal tat-tieni programm Marco Polo bħala sors ta' finanzjament għall-operaturi li qed jagħmlu offerta għal alternattivi ta' toroq traffikużi li jużaw mezzi oħra ta' trasport. Għalhekk it-tieni programm Marco Polo huwa wieħed mill-elementi bażiċi fil-politika attwali dwar it-trasport.

(2) Jekk ma tittieħed l-ebda azzjoni deċiżiva, it-trasport totali tal-merkanzija fuq it-toroq fl-Ewropa huwa previst li jikber b’aktar minn 60 % sal-2013. L-effett sal-2013 ikun wieħed ta' tkabbir stmat għal 20.5 biljun tunnellati-kilometri fis-sena fil-volum ta’ merkanzija internazzjonali fuq it-toroq għall-Unjoni Ewropea, b’konsegwenzi negattivi f'termini ta' spejjeż addizzjonali ta' infrastruttura tat-toroq, inċidenti, konġestjoni, tniġġis lokali u globali, ħsara ambjentali u n-nuqqas ta' affidabilità tal-katina tal-provvista u tal-proċessi ta’ loġistika.

(3) Sabiex wieħed ilaħħaq ma’ dan it-tkabbir, wieħed għandu jagħmel użu akbar minn dak attwali tat-trasport marittimu fuq distanzi qosra, il-ferroviji u l-passaġġi tal-ilma interni, u huwa meħtieġ li jiġu stimulati inizjattivi aktar qawwija mis-settur tat-trasport u l-loġistika biex jiġu mħeġġa approċċi ġodda u l-użu ta' innovazzjonijiet tekniċi fil-mezzi tat-trasport kollha tagħna u l-ġestjoni tagħhom.

(4) Skont l-Artikolu 14 tar-Regolament (KE) Nru 1692/2006 tal-Parlament Ewropew u tal-Kunsill tal-24 ta' Ottubru 2006 li jistabbilixxi t-tieni programm Marco Polo għall-għoti ta’ għajnuna finanzjarja tal-Komunità biex tittejjeb il-prestazzjoni ambjentali tas-sistema tat-trasport tal-merkanzija (Marco Polo II), u li jħassar ir-Regolament (KE) Nru 1382/2003[9] il-Kummissjoni għandha tagħmel evalwazzjoni tal-Programm Marco Polo II u tippreżenta proposti biex tirranġa l-Programm jekk ikun neċessarju.

(5) Evalwazzjoni esterna tar-riżultati tal-ewwel Programm Marco Polo kkalkulat li l-Programm mhuwiex ser jikseb l-objettivi tiegħu f'termin ta' bidla modali u tat għadd ta' rakkomandazzjonijiet biex titjieb l-effikaċja tiegħu.

(6) Il-Kummissjoni wettqet analiżi tal-impatt tal-miżuri proposti mill-evalwazzjoni esterna u miżuri oħra bil-għan li tiżdied l-effiċjenza tal-Programm. Din l-analiżi wriet il-ħtieġa għal għadd ta' emendi għar-Regolament (KE) Nru 1692/2006 biex tiġi ffaċilitata l-parteċipazzjoni minn intrapriżi żgħar, biex jitnaqqsu l-limiti tal-eliġibbiltà, biex tiżdied l-intensità tal-finanzjament u biex jiġu ssemplifikati l-proċeduri ta' implimentazzjoni u dawk amministrattivi tal-Programm.

(7) Il-parteċipazzjoni minn intrapriżi żgħar fil-Programm għandha tiżdied billi impriża tkun tista' tapplika għal finanzjament u billi jitnaqqsu l-limiti tal-eliġibbiltà għall-proposti ppreżentati minn kumpaniji tat-trasport fuq il-passaġġi tal-ilma interni.

(8) Il-limiti tal-eliġibbiltà għall-proposti għall-finanzjament għandhom jitnaqqsu u jiġu espressi f'termini ta' tunnellati-kilometri ttrasferiti annwalment, ħlief għall-Azzjonijiet ta’ Tagħlim Komuni. Ma hemmx aktar il-ħtieġa għal limitu speċifiku li japplika għall-azzjonijiet tal-Evitar tat-Traffiku u hemm stabbilit tul ta' żmien minimu għal proġetti ta' dan it-tip u għall-proġetti Katalisti u Awtostradi tal-Baħar.

(9) L-intensità tal-finanzjament għandha tiżdied billi tiġi introdotta definizzjoni għal 'merkanzija', sabiex jiġi inkluż l-element ta' trasport fil-kalkolu tal-bidla modali, u jkunu possibbli estensjonijiet eċċezzjonali tat-tul ta' żmien massimu tal-proġetti b'dewmien fil-bidu tagħhom. L-aġġornament tal-intensità tal-finanzjament minn €1 sa €2 bi qbil mal-proċedura pprovduta fl-ittra d), il-punt 2 tal-Anness I għandu jiġi rifless.

(10) Sabiex tiġi ssemplifikata l-implimentazzjoni tal-Programm, l-Anness II għar-Regolament (KE) Nru 1692/2006 dwar il-kundizzjonijiet għall-finanzjament ta’ infrastruttura anċillari għandu jitħassar. Barra minn hekk il-proċedura ta' komitoloġija għall-għażla annwali ta' proġetti li se jiġu ffinanzjati għandha tiġi eliminata u r-regoli dettaljati għall-għażla ta' proġetti għandhom ikunu applikabbli għal bosta snin.

(11) Għandha tiġi stabbilita rabta aktar dettaljata bejn il-Programm u l-qafas tan-Network ta' Trasport Trans-Ewropew għall-Awtostradi tal-Baħar u l-kunsiderazzjonijiet ambjentali għandhom jiġu estiżi biex jinkludu l-ispejjeż esterni kollha tal-azzjonijiet.

(12) Għalhekk ir-Regolament (KE) Nru 1692/2006 għandu jiġi emendat skont dan.

(13) Sabiex jiġi żgurat li l-miżuri pprovduti f'dan ir-Regolament ikunu jistgħu jiġu applikati bl-iktar mod espedjenti u veloċi, dan ir-Regolament għandu jidħol fis-seħħ kemm jista' jkun malajr wara l-adozzjoni tiegħu.

ADDOTTAW DAN IR-REGOLAMENT:

Artikolu 1

Ir-Regolament (KE) Nru 1692/2006 huwa emendat kif ġej:

1. Fl-Artikolu 2 għandu jiżdied il-punt (p):

għall-iskopijiet tal-kalkoli tal-bidla modali, 'il-merkanzija' tfisser l-oġġetti trasportati flimkien mal-unità ta' trasport, inklużi l-partijiet motorizzati tagħha. L-unitajiet ta' trasport vojta li jinġarru fuq unità ta' trasport oħra se jitqiesu merkanzija għall-iskop tal-kalkulazzjoni tal-bidla modali.'

2. Fl-Artikolu 4, il-paragrafu 1 għandu jinbidel b'dan li ġej:

‘1. L-azzjonijiet għandhom jiġu ppreżentati minn impriżi stabbiliti fl-Istati Membri jew pajjiżi parteċipanti, kif provdut f'paragrafu 3u 4 tal-Artikolu 3.'

3. L-Artikolu 5 huwa emendat kif ġej:

(a) Il-paragrafu 1, punt (b) għandu jinbidel bit-test li ġej:

'l-azzjonijiet tal-Awtostradi tal-Baħar; fi ħdan l-Unjoni Ewropea tali azzjonijiet għandhom ikunu konsistenti mal-karatteristiċi tal-proġett ta' prijorità dwar l-Awtostradi tal-B aħar kif iddefiniti fil-qafas tad-Deċiżjoni Nru 1692/96/KE tal-Parlament Ewropew u tal-Kunsill tat-23 ta' Lulju 1996 dwar linji gwida tal-Komunità għall-iżvilupp tan-netwerk tat-trasport trans-Ewropew [10]'

(b) Fil-paragrafu 2, it-tieni sentenza għandha titħassar.

4. L-Artikolu 6 għandu jinbidel b'dan li ġej:

'Ir-Regoli Dettaljati

Ir-regoli dettaljati li għandhom x’jaqsmu mal-proċeduri tal-preżentazzjoni u l-għażla tal-azzjonijiet għandhom jiġu adottati darba waħda għall-ħajja kollha tal-Programm skont il-proċedura msemmija fl-Artikolu 10(2).'

5. Fl-Artikolu 7 it-tieni sentenza għandha titħassar

6. L-Artikolu 9 huwa emendat kif ġej:

1. Fl-ewwel paragrafu, il-punt (d) il-kliem 'il-merti ambjentali relattivi tal-azzjonijiet' għandhom jinbidlu bil-kliem 'il-merti relattivi tal-azzjonijiet f'termini ta' tnaqqis ta' spejjeż esterni'.

2. It-tieni subparagrafu għandu jitħassar.

7. Fl-Artikolu 14, il-paragrafu 2 għandu jinbidel b'dan li ġej:

'Il-Kummisjoni għandha tippreżenta lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni rapport ta’ evalwazzjoni dwar ir-riżultati miksuba mill-Programm Marco Polo għall-perjodu bejn l-2003 u l-2009 sat-30 ta’ Ġunju 2011'.

8. Fit-tieni paragrafu tal-Artikolu 15, it-tieni sentenza għandha titħassar.

Artikolu 2

1. L-Anness I għar-Regolament (KE) Nru 1692/2006 għandu jinbidel bit-test fl-Anness għal dan ir-Regolament.

2. L-Anness II għar-Regolament 1692/2006 għandu jitħassar.

Artikolu 3

Dan ir-Regolament għandu jidħol fis-seħħ l-għada tal-pubblikazzjoni tiegħu f’ Il-Ġurnal Uffiċjali tal-Unjoni Ewropea .

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel,

Għall-Parlament Ewropew Għall-Kunsill

Il-President Il-President

ANNESS I Kundizzjonijiet ta’ finanzjament u rekwiżiti skont l-Artikolu 5(2)

1. Il-kundizzjonijiet għall-finanzjament | (a) l-azzjoni ta’ kataliżi se twettaq l-għanijiet tagħha f’perjodu massimu ta’ 60 xahar, u tibqa’ vijabbli wara dak il-perjodu, kif previst minn pjan tan-negozju realistiku; | (a) l-azzjoni ta’ awtostradi tal-baħar (MoS) se twettaq l-għanijiet tagħha sa perjodu massimu ta’ 60 xahar u tibqa’ vijabbli wara dak il-perjodu, kif previst minn pjan tan-negozju realistiku; | (a) l-azzjoni ta’ bidla modali se twettaq l-għanijiet tagħha sa perjodu massimu ta’ 36 xahar u tibqa’ vijabbli wara dak il-perjodu, kif previst minn pjan tan-negozju realistiku; | (a) l-azzjoni ta’ evitar tat-traffiku se twettaq l-għanijiet tagħha f’perjodu massimu ta’ 60 xahar, u tibqa’ vijabbli wara dak il-perjodu, kif previst minn pjan tan-negozju realistiku; | l-azzjoni ta’ tagħlim komuni se twassal għat-titjib tas-servizzi kummerċjali fis-suq, u b’mod partikolari għall-promozzjoni u/jew l-iffaċilitar tal-evitar tat-traffiku tat-triq jew il-bidla modali mit-toroq għat-trasport marittimu fuq distanzi qosra, il-ferroviji u l-passaġġi tal-ilma interni permezz ta' titjib tal-kooperazzjoni u tal-qsim ta' għarfien; se ddum għal massimu ta’ 24 xahar; |

(b) l-azzjoni ta’ kataliżi hija innovattiva f'livell Ewropew, f’dak li għandu x’jaqsam ma’ loġistika, teknoloġija, metodi, tagħmir, prodotti, infrastruttura jew servizzi mogħtija; | (b) l-azzjoni MoS hija innovattiva f'livell Ewropew, f’dak li għandu x’jaqsam ma loġistika, teknoloġija, metodi, tagħmir, prodotti, infrastruttura jew servizzi mogħtija; titqies ukoll il-kwalità għolja tas-servizz, il-proċeduri u l-ispezzjonijiet issemplifikati, il-kisba ta' livelli għolja ta’ sikurezza u ta' sigurtà, l-aċċess tajjeb għall-portijiet, il-konnessjonijiet effiċjenti għal żoni interni fuq l-art u s-servizzi flessibbli u effiċjenti tal-portijiet; | (b) l-azzjoni ta’ bidla modali mhix se twassal għal distorsjonijiet tal-kompetizzjoni fis-swieq rilevanti, partikolarment bejn il-mezzi tat-trasport alternattivi għat-trasport fuq it-toroq biss, jew fi ħdan kull mezz, li jmorru kontra l-interess komuni; | (b) l-azzjoni tal-evitar tat-traffiku hija innovattiva f'livell Ewropew, f’dak li għandu x’jaqsam ma’ integrazzjoni tal-loġistika tal-produzzjoni fil-loġistika tat-trasport; | (b) l-azzjoni hija innovattiva f'livell Ewropew; |

(c) l-azzjoni ta’ kataliżi hija mistennija li twassal għal bidla modali reali, li tista’ titkejjel u li hija sostenibbli mit-trasport fuq it-toroq għat-trasport marittimu fuq distanzi qosra, il-ferroviji, u l-passaġġi tal-ilma interna. | (c) l-azzjoni MoS gġandha l-għan li tinkoraġġixxi servizzi intermodali ta' volum kbir u frekwenza għolja għat-trasport ta' merkanzija, permezz ta' trasport marittimu fuq distanzi qosra, inklużi servizzi kkombinati ta' trasport ta' merkanzija u passiġġieri kif jixraq, jew permezz ta' kombinazzjoni ta' trasport marittimu fuq distanzi qosra ma' mezzi oħra ta' trasport li fejn l-ivjaġġar fuq it-toroq ikun kemm jista' jkun qasir; l-azzjoni għandha preferibbilment tinkludi servizzi ta' trasport ta' merkanzija integrati għal żoni interni fuq l-art bil-ferroviji u/jew permezz tal-passaġġi tal-ilma interni; | (c) l-azzjoni ta' bidla modali tipproponi pjan realistiku li jispeċifika l-istadji speċifiċi li permezz tagħhom taspira li tilħaq l-għanijiet tagħha; | (c) l-azzjoni għall-evitar tat-traffiku timmira li tinkoraġġixxi effiċjenza ogħla fit-trasport internazzjonali tal-merkanzija fis-swieq Ewropej mingħajr ma xxekkel it-tkabbir ekonomiku billi tiffoka fuq il-modifika tal-proċessi ta' produzzjoni u/jew ta' distribuzzjoni, biex b’hekk tikseb distanzi iqsar, fatturi ta’ tagħbija ogħla, inqas vjaġġi vojta, tnaqqis ta’ flussi ta' skart, tnaqqis tal-volum, u/jew piż jew kwalunkwe effett ieħor li jwassal għal tnaqqis sinifikanti tat-traffiku tal-merkanzija fit-toroq, iżda mingħajr ma taffettwa b'mod negattiv il-livelli ta' produzzjoni jew il-ħaddiema; | (c) l-azzjoni ma twassalx għal distorsjonijiet tal-kompetizzjoni fis-swieq rilevanti, b’mod partikolari bejn il-mezzi tat-trasport alternattivi għal trasport fuq it-toroq, waħdu jew fi ħdan kull mezz, li jmorru kontra l-interess komuni; |

(d) l-azzjoni ta’ kataliżi tipproponi pjan realistiku li jniżżel stadji speċifiċi biex iwettaq l-għanijiet tiegħu u li jidentifika l-bżonn ta' għajnuna mill-Kummissjoni fir-rigward tal-għotja ta' direzzjoni; | (d) l-azzjoni MoS hija mistennija li se twassal għal bidla modali reali, li tista titkejjel u li tkun sostenibbli ogħla mir-rata ta' tkabbir ta' trasport ta' merkanzija fuq it-toroq imbassra, mit-toroq għat-trasport marittimu fuq distanzi qosra, il-passaġġi tal-ilma interni jew il-ferroviji; | (d) meta l-azzjoni tirrikjedi l-użu ta’servizzi pprovduti minn partijiet terzi li mhumiex parti fil-konsorzju, l-applikanti għandhom jagħtu prova ta’ proċedura trasparenti, oġġettiva u mhux diskriminatorja għall-għażla tas-servizzi rilevanti. | (d) l-azzjoni ta’ tagħlim komuni tipproponi pjan realistiku li jispeċifika l-istadji partikolari li permezz tagħhom tfittex li tilħaq l-għanijiet tagħha u tidentifika l-ħtieġa għall-għajnuna tal-Kummissjoni f’dak li għandu x’jaqsam mat-tmexxija. |

(e) l-azzjoni ta’ kataliżi mhix se twassal għal distorsjonijiet tal-kompetizzjoni fis-swieq rilevanti, b’mod partikolari bejn il-mezzi tat-trasport alternattivi għat-trasport fuq it-toroq, waħdu jew fi ħdan kull mezz, li jmorru kontra l-interess komuni; | (e) l-azzjoni MoS tipproponi pjan realistiku li jispeċifika l-istadji partikolari li permezz tagħhom tfittex li tilħaq l-għanijiet tagħha u tidentifika il-ħtieġa għall-għajnuna tal-Kummissjoni f’dak li għandu x’jaqsam mat-tmexxija;. | (e) il-miżura tal-evitar tat-traffiku tipproponi pjan realistiku li jispeċifika l-istadji partikolari li permezz tagħhom taspira li tilħaq l-għanijiet tagħha u tidentifika l-ħtieġa għall-għajnuna tal-Kummissjoni f’dak li għandu x’jaqsam mat-tmexxija. |

(f) meta l-azzjoni tirrikjedi l-użu ta’ servizzi pprovduti minn partijiet terzi li mhumiex parti mill-konsorzju, l-applikanti għandhom jagħtu prova ta’ proċedura trasparenti, oġġettiva u mhux diskriminatorja għall-għażla tas-servizzi rilevanti. | (f) l-azzjoni MoS mhix se twassal għal distorsjonijiet tal-kompetizzjoni fis-swieq rilevanti, b’mod partikolari bejn il-mezzi tat-trasport alternattivi għat-trasport fuq it-toroq, waħdu jew fi ħdan kull mezz, li jmorru kontra l-interess komuni; | (f) l-azzjoni ta’ evitar tat-traffiku mhix se twassal għal distorsjonijiet tal-kompetizzjoni fis-swieq rilevanti b’mod partikolari bejn il-mezzi tat-trasport alternattivi għat-trasport tat-triq, waħdu jew fi ħdan kull mezz, li jmorru kontra l-interess komuni; |

(g) meta l-azzjoni MoS tirrikjedi l-użu ta’ servizzi pprovduti minn partijiet terzi li mhumiex parti mill-konsorzju, l-applikant għandu jippreżenta prova ta’ proċedura trasparenti, oġġettiva u mhux diskriminatorja għall-għażla tas-servizzi rilevanti. | (f) Meta l-azzjoni tal-evitar ta' traffiku tirrikjedi l-użu ta’ servizzi pprovduti minn partijiet terzi li mhumiex parti mill-konsorzju, l-applikant għandu jippreżenta prova ta’ proċedura trasparenti, oġġettiva u mhux-diskriminatorja għall-għażla tas-servizzi rilevanti. |

2. L-intensità u l-ambitu tal-finanzjament | (a) L-għajnuna finanzjarja Komunitarja għall-azzjonijiet ta’ kataliżi għandha tkun limitata għal massimu ta’ 35 % tan-nefqa totali meħtieġa sabiex jitwettqu l-għanijiet tal-azzjoni u li seħħew b’riżultat tal-azzjoni. Tali nefqa se tkun eliġibbli għall-għajnuna finanzjarja Komunitarja, sa fejn għandha x'taqsam direttament mal-implimentazzjoni tal-azzjoni. L-ispejjeż eliġibbli relatati mal-infrastruttura anċillari ma għandhomx ikunu akbar minn 10 % tat-total tal-ispejjeż eliġibbli għall-proġett. | (a) L-għajnuna finanzjarja mill-Komunità għall-azzjonijiet tal-MoS għandha tkun limitata għal massimu ta’ 35 % tan-nefqa totali meħtieġa sabiex jitwettqu l-għanijiet tal-azzjoni u li seħħew b’riżultat tal-azzjoni. Tali nefqa se tkun eliġibbli għall-għajnuna finanzjarja Komunitarja, sa fejn għandha x'taqsam direttament mal-implimentazzjoni tal-azzjoni. L-ispejjeż eliġibbli relatati mal-infrastruttura anċillari ma għandhomx ikunu akbar minn 10 % tat-total tal-ispejjeż eliġibbli għall-proġett. | (a) L-għajnuna finanzjarja mill-Komunità għall-azzjonijiet ta’ bidla modali għandha tkun limitata għal massimu ta’ 35 % tan-nefqa totali meħtieġa sabiex jitwettqu l-għanijiet tal-azzjoni u li seħħew b’riżultat tal-azzjoni. Tali nefqa se tkun eliġibbli għall-għajnuna finanzjarja Komunitarja, sa fejn għandha x'taqsam direttament mal-implimentazzjoni tal-azzjoni. L-ispejjeż eliġibbli relatati mal-infrastruttura anċillari ma għandhomx ikunu akbar minn 10 % tat-total tal-ispejjeż eliġibbli għall-proġett. | (a) L-għajnuna finanzjarja mill-Komunità għall-azzjonijiet ta' evitar tat-traffiku għandha tkun limitata għal massimu ta’ 35 % tan-nefqa totali meħtieġa sabiex jitwettqu l-għanijiet tal-azzjoni u li seħħew b’riżultat tal-azzjoni. Tali nefqa se tkun eliġibbli għall-għajnuna finanzjarja Komunitarja, sa fejn għandha x'taqsam direttament mal-implimentazzjoni tal-azzjoni. L-ispejjeż eliġibbli relatati mal-infrastruttura anċillari ma għandhomx ikunu akbar minn 10 % tat-total tal-ispejjeż eliġibbli għall-proġett. | (a) L-għajnuna finanzjarja Komunitarja għal azzjonijiet ta' tagħlim komuni għandha tkun limitata għal massimu ta' 50 % tan-nefqa totali meħtieġa sabiex jitwettqu l-għanijiet tal-azzjoni u li seħħew b’riżultat tal-azzjoni. Tali nefqa se tkun eliġibbli għall-għajnuna finanzjarja Komunitarja, sa fejn għandha x'taqsam direttament mal-implimentazzjoni tal-azzjoni. |

In-nefqa mġarrba fid-data tas-sottomissjoni tal-applikazzjoni taħt il-proċedura tal-għażla jew wara din id-data għandha tkun eliġibbli għal għajnuna finanzjarja Komunitarja sakemm tingħata l-approvazzjoni finali għall-fondi tal-Komunità. Il-kontribut għall-ispejjeż tal-assi mobbli se jiddependi fuq l-obbligu li jiġu użati tali assi matul il-perjodu li fih tingħata l-għajnuna, prinċipalment għall-azzjoni kif iddefinita fil-ftehim tas-sussidju. | In-nefqa mġarrba fid-data tas-sottomissjoni tal-applikazzjoni taħt il-proċedura tal-għażla jew wara din id-data għandha tkun eliġibbli għal għajnuna finanzjarja Komunitarja sakemm tingħata l-approvazzjoni finali għall-fondi tal-Komunità Il-kontribut għall-ispejjeż tal-assi mobbli se jiddependi fuq l-obbligu li jiġu użati tali assi matul il-perjodu li fih tingħata l-għajnuna, prinċipalment għall-azzjoni kif iddefinita fil-ftehim tas-sussidju. | In-nefqa mġarrba fid-data tas-sottomissjoni tal-applikazzjoni taħt il-proċedura tal-għażla jew wara din id-data għandha tkun eliġibbli għal għajnuna finanzjarja Komunitarja sakemm tingħata l-approvazzjoni finali għall-fondi tal-Komunità Il-kontribut għall-ispejjeż tal-assi mobbli se jiddependi fuq l-obbligu li jiġu użati tali assi matul il-perjodu li fih tingħata l-għajnuna, prinċipalment għall-azzjoni kif iddefinita fil-ftehim tas-sussidju. | In-nefqa mġarrba fid-data tas-sottomissjoni tal-applikazzjoni taħt il-proċedura tal-għażla jew wara din id-data għandha tkun eliġibbli għal għajnuna finanzjarja Komunitarja sakemm tingħata l-approvazzjoni finali għall-fondi tal-Komunità Il-kontribut għall-ispejjeż tal-assi mobbli se jiddependi fuq l-obbligu li jiġu użati tali assi matul il-perjodu li fih tingħata l-għajnuna, prinċipalment għall-azzjoni kif iddefinita fil-ftehim tas-sussidju. | In-nefqa mġarrba fid-data tas-sottomissjoni tal-applikazzjoni taħt il-proċedura tal-għażla jew wara din id-data għandha tkun eliġibbli għal għajnuna finanzjarja Komunitarja sakemm tingħata l-approvazzjoni finali għall-fondi tal-Komunità |

(b) L-għajnuna finanzjarja Komunitarja għall-azzjonijiet ta' evitar tat-traffiku ma' għandhiex tintuża biex tappoġġa impriżi jew attivitajiet ta' produzzjoni li ma' għandhom x'jaqsmu xejn ma' trasport jew distribuzzjoni. |

(b) L-għajnuna finanzjarja Komunitarja, iddeterminata mill-Kummissjoni abbażi tat-tunnellati-kilometri li ġew ittrasferiti minn fuq it-toroq għat-trasport marittimu fuq distanzi qosra, il-ferroviji u l-passaġġi tal-ilma interni, għandha għall-bidu tkun ta’ EUR 2 għall-kull trasferiment ta’ 500 tunnellata-kilometru ta’ merkanzija fuq it-toroq. Dan l-ammont indikattiv jista’ jiġi aġġustat, partikolarment, skont il-kwalità tal-proġett jew il-benefiċċju reali ambjentali miksub. | (b) L-għajnuna finanzjarja Komunitarja, iddeterminata mill-Kummissjoni abbażi tat-tunnellati-kilometri li ġew ittrasferiti minn fuq it-toroq għat-trasport marittimu fuq distanzi qosra, il-ferroviji u l-passaġġi tal-ilma interni, għandha għall-bidu tkun ta’ EUR 2 għall-kull trasferiment ta’ 500 tunnellata-kilometru ta’ merkanzija fuq it-toroq. Dan l-ammont indikattiv jista’ jiġi aġġustat, partikolarment, skont il-kwalità tal-proġett jew il-benefiċċju reali ambjentali miksub. | L-għajnuna finanzjarja Komunitarja, iddeterminata mill-Kummissjoni abbażi tat-tunnellati-kilometri li ġew ittrasferiti minn fuq it-toroq għat-trasport marittimu fuq distanzi qosra, il-ferroviji u l-passaġġi tal-ilma interni, għandha għall-bidu tkun ta’ EUR 2 għall-kull trasferiment ta’ 500 tunnellata-kilometru ta’ merkanzija fuq it-toroq. Dan l-ammont indikattiv jista’ jiġi aġġustat, partikolarment, skont il-kwalità tal-proġett jew il-benefiċċju reali ambjentali miksub. | (c) L-għajnuna finanzjarja Komunitarja, għandha għall-bidu tkun ta’ EUR 2 għal kull 500 tunnellata-kilometru li ġew evitati jew 25 kilometru-vettura ta’ merkanzija fuq it-toroq. Dan l-ammont indikattiv jista’ jiġi aġġustat, partikolarment, skont il-kwalità tal-proġett jew il-benefiċċju reali ambjentali miksub. |

(c) Skont il-proċedura msemmija fl-Artikolu 10(2), il-Kummissjoni tista' terġa teżamina, minn żmien għall-ieħor kif meħtieġ, l-iżviluppi li għandhom x'jaqsmu mal-oġġetti li fuqhom huwa bbażat dan il-kalkolu u, jekk huwa meħtieġ, tadatta l-ammont ta' għajnuna finanzjarja Komunitarja kif inhu meħtieġ. | (c) Skont il-proċedura msemmija fl-Artikolu 10(2), il-Kummissjoni tista' terġa teżamina, minn żmien għall-ieħor kif meħtieġ, l-iżviluppi li għandhom x'jaqsmu mal-oġġetti li fuqhom huwa bbażat dan il-kalkolu u, jekk huwa meħtieġ, tadatta l-ammont ta' għajnuna finanzjarja Komunitarja kif inhu meħtieġ. | (c) Skont il-proċedura msemmija fl-Artikolu 10(2), il-Kummissjoni tista' terġa teżamina, minn żmien għall-ieħor kif meħtieġ, l-iżviluppi li għandhom x'jaqsmu mal-oġġetti li fuqhom huwa bbażat dan il-kalkolu u, jekk huwa meħtieġ, tadatta l-ammont ta' għajnuna finanzjarja Komunitarja kif inhu meħtieġ. | (d) Skont il-proċedura msemmija fl-Artikolu 10(2), il-Kummissjoni tista' terġa teżamina, minn żmien għall-ieħor kif meħtieġ, l-iżviluppi li għandhom x'jaqsmu mal-oġġetti li fuqhom huwa bbażat dan il-kalkolu u, jekk huwa meħtieġ, tadatta l-ammont ta' għajnuna finanzjarja Komunitarja kif inhu meħtieġ. |

3. Il-forma u l-perjodu ta' żmien tal-ftehim dwar is-sussidju | L-għajnuna finanzjarja għall-azzjonijiet ta’ kataliżi għandha tingħata abbażi ta’ ftehim dwar is-sussidji, u b’dispożizzjonijiet xierqa għat-tmexxija u l-monitoraġġ. Bħala regola, il-perjodu massimu ta' dawn il-ftehimiet għandu jkun ta' 62 xahar u l-minimu ta' 36 xahar. F'każ ta' dewmien straordinarju ta' implimentazzjoni ġġustifikat b'mod adegwat mill-benefiċjarju, tista' tingħata estensjoni eċċezzjonali ta' 6 xhur. | Għajnuna finanzjarja għall-azzjonijiet MoS għandha tingħata abbażi ta’ ftehimiet dwar is-sussidji, u b’dispożizzjonijiet xierqa għat-tmexxija u l-monitoraġġ. Bħala regola, il-perjodu massimu ta' dawn il-ftehimiet għandu jkun ta' 62 xahar u l-mimimu ta'36 xahar. F'każ ta' dewmien straordinarju ta' implimentazzjoni ġġustifikat mill-benefiċjarju, tista' tingħata estensjoni eċċezzjonali ta' 6 xhur. | Għajnuna finanzjarja għall-azzjonijiet ta' bidla modali għandha tingħata abbażi ta’ ftehim dwar is-sussidji, Bħala regola, il-perjodu massimu ta' dawn il-ftehimiet għandu jkun ta' 38 xahar. F'każ ta' dewmien straordinarju ta' implimentazzjoni ġġustifikat b'mod adegwat mill-benefiċjarju, tista' tingħata estensjoni eċċezzjonali ta' 6 xhur. | Għajnuna finanzjarja għall-azzjonijiet ta’ evitar tat-traffiku għandha tingħata abbażi ta’ftehim dwar is-sussidji, u b’dispożizzjonijiet xierqa għat-tmexxija u l- monitoraġġ. Bħala regola, il-perjodu massimu ta' dawn il-ftehimiet għandu jkun ta' 62 xahar u l-mimimu ta' 36 xahar. F'każ ta' dewmien straordinarju ta' implimentazzjoni ġġustifikat b'mod mill-benefiċjarju, tista' tingħata estensjoni eċċezzjonali ta' 6 xhur. | L-għajnuna finanzjarja għall-azzjonijiet ta’ tagħlim komuni għandha tingħata abbażi ta’ ftehimiet dwar is-sussidji, u b’dispożizzjonijiet xierqa għat-tmexxija u l-monitoraġġ. Bħala regola, il-perjodu massimu ta' dawn il-ftehimiet għandu jkun ta' 26 xahar, li jista' jiġi estiż b'rikjesta tal-benefiċjarju, fi ħdan il-pakkett baġitarju inizjali, għal perjodu addizjonali ta' 26 xahar, jekk jinkisbu riżultati pożittivi matul l-ewwel 12-il xahar ta' operazzjoni. |

L-għajnuna finanzjarja Komunitarja mhix se tkun imġedda aktar mill-perjodu massimu stipulat ta’ 62 xahar, jew ta' 68 xahar f'każijiet eċċezzjonali. | L-għajnuna finanzjarja Komunitarja mhix se tkun imġedda aktar mill-perjodu massimu stipulat ta’ 62 xahar, jew ta' 68 xahar f'każijiet eċċezzjonali. | L-għajnuna finanzjarja Komunitarja mhix se tkun imġedda aktar mill-perjodu massimu stipulat ta’ 38 xahar, jew ta' 44 xahar f'każijiet eċċezzjonali. | L-għajnuna finanzjarja Komunitarja mhix se tkun imġedda aktar mill-perjodu massimu stipulat ta’ 62 xahar, jew ta' 68 xahar f'każijiet eċċezzjonali. | Għajnuna finanzjarja Komunitarja mhix se tkun imġedda aktar mill-perjodu massimu stipulat ta’ 52 xahar. |

4. Il-limitu tal-valur tal-kuntratt | Il-limitu minimu indikattiv ta' sussidju għal kull azzjoni ta’ kataliżi għandu jkun ta’ 30 miljun tunnellati-kilometri jew l-ekwivalenti volumetriku tiegħu ta’ bidla modali jew ta' evitar tat-traffiku kull sena, li għandu jiġi implimentat tul il-ftehim kollu tas-sussidju; | Il-limitu minimu indikattiv ta' sussidju għal kull azzjoni MoS għandu jkun ta’ 250 miljun tunnellati-kilometri jew l-ekwivalenti volumetriku tiegħu ta’ bidla modali jew ta' evitar tat-traffiku kull sena, li għandu jiġi implimentat tul il-ftehim kollu tas-sussidju; | Il-limitu minimu indikattiv ta' sussidju għal kull azzjoni ta’ MoS għandu jkun ta’ 80 miljun tunnellati-kilometri jew l-ekwivalenti volumetriku tiegħu ta’ bidla modali jew ta' evitar tat-traffiku kull sena, li għandu jiġi implimentat tul il-ftehim kollu tas-sussidju. L-azzjonijiet ta' bidliet modali bil-għan li jimplimentaw trasferiment għall-Passaġġi tal-Ilma Interni se jkunu soġġetti għal-limitu speċjali ta' 17-il miljun tunnellati-kilometri jew l-ekwivalenti volumetriku tiegħu ta’ bidla modali kull sena, li għandu jiġi implimentat tul il-ftehim kollu tas-sussidju | Il-limitu minimu indikattiv ta' sussidju għal kull azzjoni ta’ evitar ta' traffiku għandu jkun ta’ 80 miljun tunnellati-kilometri jew 4 miljun kilometru-vettura ta’ merkanzija fuq it-toroq evitati kull sena, li għandu jiġi implimentat tul il-ftehim kollu tas-sussidju. | Il-limitu minimu indikattiv għal kull azzjoni ta’ tagħlim komuni se ikun ta’ EUR 250 000. |

5. It-tixrid | Ir-riżultati u l-metodi tal-azzjonijiet ta’ kataliżi għandhom jixterdu, u għandu jitħeġġeġ l-iskambju tal-aħjar prattiki, kif speċifikat fi pjan ta’ tixrid, sabiex jgħinu biex jintlaħqu l-għanijiet ta’ dan ir-Regolament. | Ir-riżultati u l-metodi ta’ azzjonijiet MoS għandhom jixterdu u l-iskambju tal-aħjar prattiki għandu jitħeġġeġ, kif speċifikat fil-pjan ta’ propogazzjoni, sabiex jgħinu biex jintlaħqu l-għanijiet ta’ dan ir-Regolament. | Attivitajiet ta’ tixrid speċifiċi għall-azzjonijiet ta’ bidla modali mhumiex previsti. | Ir-riżultati u l-metodi tal-azzjonijiet tal-evitar tat-traffiku għandhom jixterrdu, u għandu jitħeġġeġ l-iskambju tal-aħjar prattiki kif speċifikat fil-pjan ta’ tixrid, sabiex jgħinu biex jintlaħqu l-għanijiet ta’ dan ir-Regolament. | Ir-riżultati u l-metodi tal-azzjonijiet ta’ tagħlim komuni għandhom jixterrdu u għandu jitħeġġeġ l-iskambju tal-aħjar prattiki, kif speċifikat fil-pjan ta’ tixrid, sabiex jgħinu biex jintlaħqu l-għanijiet ta’ dan ir-Regolament. |

ID-DIKJARAZZJONI FINANZJARJA LEĠIŻLATTIVA

ISEM IL-PROPOSTA :

L-emenda għar-Regolament tal-Parlament Ewropew u tal-Kunsill li jistabbilixxi t-tieni programm “Marco Polo” għall-għotja ta’ għajnuna finanzjarja Komunitarja biex titjieb il-prestazzjoni ambjentali tas-sistema tat-trasport tal-merkanzija ("Marco Polo II")

IL-QAFAS TAL-ABM / ABB

Il-qasam/L-oqsma ta' politika konċernat/i u l-attività/l-attivitajiet assoċjata/i:

06: L-enerġija u t-trasport

06 02: It-trasport fuq l-art, bl-ajru u marittimu.

06 01: In-nefqa amministrattiva tal-qasam tal-politika tal-Enerġija u t-Trasport

IL-LINJI TAL-BAĠIT

06 01 04 01: Il-programm Marco Polo II: In-nefqa fuq il-Ġestjoni Amministrattiva

06 01 04 32: L-Aġenzija Eżekuttiva għall-Kompetittività u l-Innovazzjoni – is-sussidju ta' Marco Polo (II)

06 02 06: Il-Programm Marco Polo II:

It-tul taż-żmien tal-azzjoni u tal-impatt finanzjarju:

Mill- 2010 sal- 2015

Il-karatteristiċi tal-baġit:

06 01 04 01 | Mhux obbligatorji | Mhux-Differenti | LE | IVA | IVA | 1a |

06 01 04 32 | Mhux obbligatorji | Mhux-Differenti | LE | IVA | IVA | 1a |

06 02 06 | Mhux obbligatorji | Diff. | LE | IVA | IVA | 1a |

IS-SOMMARJU TAR-RIŻORSI

Ir-Riżorsi Finanzjarji

Is-Sommarju tal-approprjazzjonijiet tal-impenn (CA) u tal-approprjazzjonijiet tal-ħlas (PA)

EUR miljuni (sa 3 ċifri wara l-punt deċimali)

It-tip ta’ nefqa | In-nru tat-taqsima | 2010 | 2011 | 2012 | 2013 | 2014 | 2015 | It-total |

In-nefqa operattiva[11] |

L-approprjazzjonijiet tal-impenn (CA) | 8.1 | a | 62.275 | 64.200 | 68.100 | 71.100 | 265.675[12] |

L-appropjrazzjonijiet tal-ħlas (PA) | b | 24.910 | 31.908 | 43.001 | 63.563 | 102.293 | 265.675 |

L-infiq amministrattiv fl-ammont ta' referenza[13] |

L-għajnuna teknika u amministrattiva (NDA) | 8.2.4 | c | 1.725 | 1.800 | 1.900 | 1.900 | 1.392 | 1.421 | 10.138 |

L-AMMONT TOTALI TA’ REFERENZA |

L-approprjazzjonijiet tal-impenn | a+c | 64.000 | 66.000 | 70.000 | 73.000 | 1.392 | 1.421 | 275.813 |

L-approprjazzjonijiet tal-ħlas | b+c | 1.725 | 26.710 | 33.808 | 44.901 | 64.955 | 103.714 | 275.813 |

In-nefqa amministrattiva li mhijiex inkluża fl-ammont ta’ referenza[14] |

Ir-riżorsi umani u n-nefqa assoċjata (NDA) | 8.2.5 | d | 0.317 | 0.317 | 0.317 | 0.317 | 0.317 | 0.317 | 1.902 |

L-ispejjeż amministrattivi, minbarra r-riżorsi umani u l-ispejjeż assoċjati magħhom, li mhumiex inklużi fl-ammont ta’ referenza (NDA) | 8.2.6 | e |

L-ispiża finanzjarja totali indikattiva tal-intervent

It-TOTAL CA, inkluża l-ispiża tar-Riżorsi Umani | a+c+d+e | 64.317 | 66.317 | 70.317 | 73.317 | 1.709 | 1.738 | 277.715 |

It-TOTAL PA, inkluża l-ispiża tar-Riżorsi Umani | b+c+d+e | 2.042 | 27.027 | 34.125 | 45.218 | 65.272 | 104.031 | 277.715 |

Il-kompatibbiltà mal-Programmazzjoni Finanzjarja

Il-proposta hija kompatibbli mal-programmazzjoni finanzjarja eżistenti.

L-impatt finanzjarju fuq id-Dħul

Il-proposta ma għandhiex implikazzjonijiet finanzjarji fuq id-dħul.

Ir-Riżorsi Umani FTE (inklużi uffiċjali, persunal temporanju u estern) – għad-dettalji ara l-punt 8.2.1.

Ir-rekwiżiti annwali | Is-sena n | n + 1 | n + 2 | n + 3 | n + 4 | n + 5 u wara |

L-għadd totali tar-riżorsi umani | 2.6 | 2.6 | 2.6 | 2.6 | 2.6 | 2.6 |

IL-KARATTERISTIĊI U L-OBJETTIVI

L-implimentazzjoni tal-ewwel programm Marco Polo tonqos milli tilħaq il-mira tal-bidla modali, kif muri mill-evalwazzjoni esterna, li tikkalkula li se tinkiseb 64 % tal-mira tal-bidla modali[15]. Din ir-rata ta' suċċess hija msaħħa bil-livell ta' rispons għat-tieni sejħa tat-tieni programm Marco Polo, li juri tnaqqis sinifikanti tat-total ta' bidla modali propost. Barra minn hekk iż-żewġ tipi ta’ azzjonijiet ġodda introdotti b'dan it-tieni Programm, l-Awtostradi tal-Baħar u l-Evitar tat-Traffiku, ma attirawx biżżejjed applikazzjonijiet (9 % biss tal-proposti fl-2007 u 4 % fl-2008).

Diġà ttieħdu żewġ miżuri biex jittejbu r-riżultati tal-Programm mingħajr il-ħtieġa għal bidla fir-Regolament: L-ewwel, il-ġestjoni tal-Programm tiġi esternalizzata lill-Aġenzija Eżekuttiva li hi esperta fil-ġestjoni ta' proġetti, u t-tieni, l-irduppjar tal-intensità tal-finanzjament għall-proġetti minn €1 għal €2 għal kull 500 tkm ittrasferiti jew evitati, sabiex jiġu attirati aktar proġetti.

Iżda dawn il-miżuri mhumiex se jkunu biżżejjed u ġiet proposta reviżjoni mmirata tal-Programm, li tirriżulta:

- f'nuqqas ulterjuri fl-effikaċja tal-programm,

- f'distribuzzjoni aktar bilanċjata tal-appoġġ Komunitarju fost it-tipi ta' proġetti,

- f'semplifikazzjoni sostanzjali tal-bażi legali u tal-ġestjoni tal-Programm,

- fi tnaqqis sostanzjali tal-ispejjeż amministrattivi għall-ġestjoni tal-programm,

- f'effett pożittiv f'termini ta' benefiċċji għal żoni periferali u għal pajjiżi mhux membri,

Il-valur miżjud tal-involviment Komunitarju u l-koerenza tal-proposta ma' strumenti finanzjarji oħrajn u s-sinerġija possibbli

Kif mistqarr fir-rapport ta' evalwazzjoni estern, il-Programm Marco Polo jikkostitwixxi strateġija xierqa li tikkontribwixxi għal sistema efficjenti u sostenibbli tat-trasport. Il-programm hu komplimentarju wkoll ma' għażliet oħrajn ta' intervent tal-KE, partikolarment l-għotjiet ta' netwerk TEN-T.

L-objettiv segwit mill-miżuri proposti se jsaħħaħ il-konsistenza diġà eżistenti tal-objettivi tal-Programm ma' politiċi tal-UE oħra.

Sabiex taħrab mill-effetti problematiċi ta' mobilità f'termini ta' tkabbir sostanzjali ta' trasport ta' merkanzija fis-snin li ġejjin, ir-reviżjoni ta' nofs it-terminu tal-White Paper dwar il-politika tat-Trasport Komuni, ta' Ġunju 2006 tipproponi, fost miżuri oħra, li titkompla l-politika ta' trasferiment ta' merkanzija għal mezzi ta' trasport bl-anqas livelli ta' tniġġis u li huma l-aktar effiċjenti.

Il-bidla modali u l-komodalità huma tnejn mill-objettivi attwali tal-politika dwar it-trasport tal-Unjoni li jpoġġuha fil-qalba tal- Istrateġija ta' Liżbona għat-tkabbir u l-impjiegi. Is-sett ta' objettivi tal-politika dwar it-trasport fejn hemm inkluża l-bidla modali huwa wkoll mifrux fuq terminu ta' żmien itwal, u jibbilanċa l-importanza ta' tkabbir ekonomiku, l-għajnuna soċjali u l-protezzjoni ambjentali fl-għażliet politiċi kollha.

Kif mistqarr fir-reviżjoni ta' nofs it-terminu tal-White Paper dwar it-Trasport, apparti r-riflessjoni kontinwa fuq il-miżuri possibli ta' politika li se jiġu adottati fil-ġejjieni, il-konġestjoni tas-sistema tat-trasport fuq it-toroq tal-UE u l-effiċjenza ambjentali tas-sistema tat-trasport kollha huma indirizzati direttament b'miżuri varji li attwalment qed jiġu implimentati jew se jiġu implimentati fil-ġejjieni qarib.

Fil-livell ta' Stati Membri, l-iskemi nazzjonali bħall-Ecobus, fl-Italja, jindirizzaw l-istess kwistjoni f'livell nazzjonali biss u għal tul ta' żmien limitat. Fi kwalunkwe każ ir-Regolament ta' Marco Polo jistabbilixxi limitu għall-għajnuna Komunitarja li jqis l-għajnuna nazzjonali mogħtija lill-kollegamenti tat-trasport fil-kuntratt.

Il-miżuri msemmijin hawn fuq għandhom l-għan li jiksbu progressivament distribuzzjoni ta' ġarr tal-merkanzija aktar effiċjenti u li tirrispettaw aktar l-ambjent fost il-mezzi differenti tat-trasport. iżda dawn se jieħdu għadd ta' snin biex jimmaterjalizzaw u l-unika azzjoni fil-livell Komunitarju bil-għan li tħeġġeġ tnaqqis tal-konġestjoni f'terminu ta' żmien qasir ħafna hija l-programm Marco Polo.

L-objettivi, ir-riżultati mistennija u l-indikaturi relatati tal-proposta fil-kuntest tal-qafas tal-ABM

Hemm previst 131 eżitu għas-sitt snin bejn l-2010 u l-2013, medja ta' 36 intervent mill-120 proposta mressqa kull sena. Dan jipprovdu rata ta' suċċess ta' madwar wieħed f'kull tlieta, li hija essenzjali sabiex ikunu jistgħu jintlaqgħu l-proposti mill-aħjar parteċipanti fis-suq (ara Marco Polo fir-rapport ex-ante , il-Kapitolu 7 " Stakeholders’ consultation " ("Il-konsultazzjoni tal-partijiet involuti")).L-intensità medja tal-għajnuna finanzjarja għal kull intervent hija stmata għal madwar EUR 1.8 miljun. L-għadd ta' tunnellati-kilometri li għandhom jiġu evitati jew ittrasferiti mit-toroq għal mezzi oħra ta' trasport, huwa stmat għal 60 biljun għall-perjodu bejn l-2010 u l-2013, 15-il biljun tkm kull sena.

Metodu ta' Implimentazzjoni

Ġestjoni Ċentralizzata: Id-delegazzjoni għall-Aġenzija Eżekuttiva għall-Kompetittività u l-Innovazzjoni (EACI)

IL-MONITORAĠĠ U L-EVALWAZZJONI

Is-sistema ta’ monitoraġġ

L-għotja ta' sussidji se ssir abbażi ta' kuntratt standard ta' sussidju tal-Komunitajiet Ewropej. Id-dispożizzjonijiet varji ta' monitoraġġ, informazzjoni u verifika, ta' dan il-kuntratt se japplikaw b'mod sħiħ.

Il-persuanl tal-EACI se jkun involut mill-qrib fil-proġetti. Skont il-fatturi speċifiċi tal-proġett, il-"miżuri akkumpanjanti" għad-disseminazzjoni jew il-monitoraġġ tal-"miżuri akkumpanjanti" tal-eżiti għandhom jiġu inklużi fil-pjan ta' ħidma individwali u fil-baġit tal-proġett.

L-evalwazzjoni

Twettqet evalwazzjoni esterna tal-Programm Marco Polo. Ir-rapport tal-evalwazzjoni huwa disponibbli fuq il-websajt tad-DĠ TREN fuq http://ec.europa.eu/dgs/energy_transport/evaluation/activites/reports_en.htm

It-termini u l-frekwenza tal-evalwazzjoni futura

Fl-2011 se ssir evalwazzjoni tar-riżultati miksuba mill-Programm Marco Polo għall-perjodu bejn l-2003 u l-2009

IL-MIżURI KONTRA L-FRODI

Peress li l-kuntratti għall-azzjonijiet kollha previsti se jkunu abbażi ta' kuntratt standard ta' sussidju, se japplikaw il-miżuri kontra l-frodi li japplikaw ġeneralment.

L-eżitu se jkun viżibli b'mod ċar u jkun jista' jitkejjel f'kull tip ta' azzjoni. It-tipi ta' sussidju se jkunu sempliċi: in-nefqa fl-investiment, u l-ispejjeż li ġejjin mill-operazzjonijiet. Dawn l-affarijiet jistgħu jiġu vverifikati b'mod dettaljat, u hemm biżżejjed materjal u tagħrif permezz il-proġetti tal-PACT u Marco Polo I biex issir valutazzjoni infurmata tal-perikli ta' frodi.

Żjajjar fil-post se jkunu karatteristika kostanti tal-proġetti kollha.

ID-DETTALJI TAR-RIŻORSI

8.1. L-għanijiet tal-proposta f'termini tal-ispiża finanzjarja tagħhom

L-approprjazzjonijiet għall-impenn f’EUR miljuni (sa 3 ċifri wara l-punt deċimali)

(Għandhom jitniżżlu t-titli tal-Għanijiet, l-azzjonijiet u r-riżultati) | It-tip ta’ eżitu | L-ispiża medja | 2010 | 2011 | 2012 | 2013 | 2014 | 2015 | IT-TOTAL |

2010 | 2011 | 2012 | 2013 | 2014 | 2015 |

L-uffiċjali jew il-persunal temporanju[17] (XX 01 01) | A*/AD | 1.6 | 1.6 | 1.6 | 1.6 | 1.6 | 1.6 |

B*, C*/AST | 1 | 1 | 1 | 1 | 1 | 1 |

Persunal iffinanzjat[18] mill-Art. XX 01 02 |

Persunal ieħor[19] iffinanzjat mill-Art. XX 01 04/05 |

IT-TOTAL | 2.6 | 2.6 | 2.6 | 2.6 | 2.6 | 2.6 |

8.2.2. Id-deskrizzjoni tal-kompiti li jidderivaw mill-azzjoni

Id-definizzjoni u l-koordinament tal-programm

Ir-reazzjoni għall-politika lill-EACI

L-adozzjoni tal-programmi ta' ħidma annwali li jservu bħala deċiżjonijiet finanzjarji

Ir-rappreżentanza tal-Kummissjoni fil-Kumitat tal-Programm u t-tressiq lejha tal-miżuri li se jittieħdu fejn hemm proċedura ta' komitoloġija

It-twettiq ta' konsultazzjonijiet ta' interservizz fi ħdan il-Kummissjoni

L-evalwazzjonijiet strateġiċi u l-offerti strateġiċi

L-attivitajiet involuti fit-tnedija u fit-teħid ta' deċiżjonijiet infurzabbli ta' rkupru.

8.2.3 Is-sorsi ta' riżorsi umani (statutorji)

Il-postijiet huma attwalment allokati għall-ġestjoni tal-programm.

8.2.4 Infiq amministrattiv ieħor inkluż l-ammont ta' referenza (06 01 04 32 – Aġenzija Eżekuttiva għall-Kompetittività u l-Innovazzjoni –is-sussidju Marco Polo II )

EUR miljuni (sa 3 ċifri wara l-punt deċimali)

Il-linja tal-baġit (in-numru u l-intestatura) | 2010 | 2011 | 2012 | 2013 | 2014 | Is-sena 2015 u wara | IT-TOTAL |

L-għajnuna teknika u amministrattiva l-oħra | 0.225 | 0.225 | 0.225 | 0.225 | 900 |

- intra muros |

- extra muros (il-manutenzjoni tal-IT) |

It-total tal-għajnuna teknika u amministrattiva | 1.725 | 1.800 | 1.900 | 1.900 | 1.392 | 1.421 | 10.138 |

8.2.5. L-ispiża finanzjarja tar-riżorsi umani u l-ispejjeż assoċjati li mhumiex inklużi fl-ammont ta’ referenza

EUR miljuni (sa 3 ċifri wara l-punt deċimali)

L-uffiċjali u l-istaff temporanju (XX 01 01) | 0.317 | 0.317 | 0.317 | 0.317 | 0.317 | 0.317 |

Il-persunal iffinanzjat mill-Art XX 01 02 (awżiljarju, END, il-persunal b’kuntratt, eċċ.) (speċifika l-linja tal-baġit) |

L-ispiża totali tar-riżorsi umani u l-ispejjeż relatati (MHUX fl-ammont ta’ referenza) | 0.317 | 0.317 | 0.317 | 0.317 | 0.317 | 0.317 |

Il-kalkolu – L-uffiċjali u l-aġenti temporanji

Jekk ikun applikabbli, għandha ssir referenza għall-Punt 8.2.1

Is-sena 2010 u wara: 2.6 uffiċjali (122.000 €/uffiċjal/sena)

[1] 12-il biljun tkm f'sena għall-MP I.

[2] Minn Ecorys. http://ec.europa.eu/dgs/energy_transport/evaluation/activites/reports_en.htm.

[3] COM(2006) 314 finali.

[4] Il-mudell PRIMES, inkluż fir-rapport tal-Kummissjoni 'Xejriet tal-Enerġija u t-Trasport Ewropej sal-2030'.

[5] ĠU.

[6] ĠU…

[7] ĠU…

[8] COM(2006) 314 finali.

[9] ĠU L 328, 24.11.2006, p. 1.

[10] ĠU L 228, 9.9.1996, p 1.

[11] In-nefqa li ma taqax taħt il-Kapitolu xx 01 tat-Titolu xx konċernat.

[12] Jista' jiżdied l-ammont ta' 20 M€ bejn l-2010 u l-2013 biex jerġa' jiddaħħal l-ammont mhux eżegwit fl-2008 u li fl-2008 ġie ttrasferit għal programm ieħor.

[13] In-nefqa skont l-Artikolu xx 01 04 tat-Titolu xx.

[14] In-nefqa skont il-Kapitolu xx 01 minbarra l-Artikoli xx 01 04 jew xx 01 05.

[15] 12-il biljun tkm fis-sena għall-MP I.

[16] Kif deskritt fit-Taqsima 5.3

[17] Li l-ispiża tiegħu MHIJIEX koperta mill-ammont ta’ referenza.

[18] Li l-ispiża tiegħu MHIJIEX koperta mill-ammont ta’ referenza.

[19] Li l-spiża tiegħu hija inkluża fl-ammont ta’ referenza.

[20] Għandha ssir referenza għad-dikjarazzjoni finanzjarja leġiżlattiva speċifika għall-Aġenzija/i Eżekuttiva/i konċernata/i.

52008PC0847