19.11.2009   

MT

Il-Ġurnal Uffiċjali tal-Unjoni Ewropea

CE 279/98

—

wara li kkunsidra l-Konvenzjoni ta' Aarhus dwar l-aċċess għall-informazzjoni, il-parteċipazzjoni tal-pubbliku fit-teħid ta' deċiżjonijiet u l-aċċess għall-ġustizzja fi kwistjonijiet ambjentali tal-25 ta' Ġunju 1998 u t-tielet Laqgħa tal-Partijiet (MOP-3), li se ssir f'Riga, il-Latvia, mill-11 sat-13 ta' Ġunju 2008,

—

wara li kkunsidra l-Mistoqsija Orali B6-0157/2008 f'isem il-Kumitat għall-Ambjent, is-Saħħa Pubblika u s-Sikurezza tal-Ikel,

—

wara li kkunsidra l-Artikolu 108(5) tar-Regoli ta' Proċedura tiegħu,

A.

billi l-Konvenzjoni ta' Aarhus daħlet fis-seħħ fit-30 ta' Ottubru 2001,

B.

billi l-Konvenzjoni tiċċelebra l-għaxar anniversarju tagħha f'Ġunju 2008,

C.

billi l-Konvenzjoni ta' Aarhus kienet irratifikata mill-Komunità Ewropea fis-17 ta' Frar 2005 (1) u kienet irratifikata mill-Istati Membri kollha tagħha ħlief wieħed,

D.

billi fil-preżent hemm 41 parti fil-Konvenzjoni ta' Aarhus,

E.

billi l-Parlament u l-Kunsill diġà adottaw tliet strumenti leġiżlattivi għall-implimentazzjoni tal-Konvenzjoni ta' Aarhus (2) u billi l-adozzjoni ta' strument leġiżlattiv dwar l-aċċess għall-ġustizzja fi kwistjonijiet ambjentali għadha blukkata mill-Kunsill (3),

F.

billi l-Konvenzjoni ta' Aarhus isservi biex l-awtoritajiet pubbliċi u ċ-ċittadini jkunu jistgħu jassumu r-responsabilità individwali u kollettiva tagħhom li jħarsu u jtejbu l-ambjent għall-ġid u l-benessri tal-ġenerazzjonijiet tal-preżent u tal-futur u biex b'hekk jippromwovu l-iżvilupp sostenibbli,

G.

billi l-Protocol dwar ir-rilaxx ta' aġenti li jniġġsu u r-reġistri (4) ta' trasferiment jikkontribwixxi biex tiżdied ir-responsabilità tal-intrapriżi, biex jitnaqqas it-tniġġis u biex jiġi promoss l-iżvilupp sostenibbli,

1.

Iħeġġeġ lill-UE biex biex tieħu rwol mexxej, trasparenti u kostruttiv fin-negozjati u biex tikkontribwixxi b'mod attiv għall-pjan strateġiku fit-tul tal-Konvenzjoni, inkluż it-tfassil ta' kamp ta' applikazzjoni possibilment usa' għall-Konvenzjoni sabiex l-iżvilupp sostenibbli fl-aspetti kollha tiegħu jkun kopert mill-istess prinċipji ta' trasparenza, parteċipazzjoni u responsabilità;

2.

Jemmen li l-MOP-3 se tipprovdi opportunità tajba kemm għar-reviżjoni tal-progress li inkiseb sa issa u kemm biex wieħed jirrifletti dwar l-isfidi tal-ġejjieni; iqis li l-assigurazzjoni effettiva tal-implimentazzjoni tal-Konvenzjoni ta' Aarhus għandha tkun prijorità ewlenija għall-futur;

3.

Iħeġġeġ lill-Kummissjoni u lill-Istati Membri biex jiżguraw li d-deċiżjonijiet li ttieħdu mill-MOP-3 jimplimentaw u jiżviluppaw b'mod ulterjuri l-Konvenzjoni, u biex jinħolqu sinerġiji bejn il-Konvenzjoni ta' Aarhus u l-ftehimiet multilaterali dwar l-ambjent relevanti;

4.

Iħeġġeġ lill-Kummissjoni u lill-Istati Membri biex b'mod partikolari jiżguraw li:

5.

Iħeġġeġ lill-Kummissjoni u lill-Istati Membri biex ikomplu x-xogħol leġiżlattiv bil-għan li jiġi adottat strument leġiżlattiv li jimplimenta l-Artikolu 9 tal-Konvenzjoni fl-Unjoni Ewropea, minħabba li dan l-aħħar pilastru għadu ma ġiex inkluż kompletament fil-liġi Komunitarja; jilqa' l-pjan tal-Kummissjoni biex, f'Ġunju 2008, torganizza konferenza dwar l-aċċes għall-ġustizzja biex tingħata spinta ulterjuri lix-xogħol leġiżlattiv fil-Komunità;

6.

Jistieden lill-Kummissjoni u lill-Istati Membri biex isaħħu s-sinerġiji u r-rabtiet ma' organizzazzjonijiet u Konvenzjonijiet internazzjonali relevanti oħra, b'mod partikolari l-Protokoll ta' Kartaġena dwar il-Bijosikurezza; jikkunsidra, madanakollu li l-Konvenzjoni ta' Aarhus hija l-forum xieraq fejn issir deliberazzjoni dwar principji orizzontali ta' access tal-pubbliku ghall-informazzjoni, il-partecipazzjoni u l-access ghall-gustizzja fi kwistjonijiet ambjentali;

7.

Jistieden lill-Kummissjoni sabiex tagħti eżempju tajjeb lill-awtoritajiet pubbliċi fl-Istati Membri billi timplimenta l-Konvenzjoni ta' Aarhus b'mod rigoruż;

8.

Iħeġġeġ lill-pajjiżi li għadhom ma rratifikawx il-Konvenzjoni ta' Aarhus u l-Protokoll dwar ir-rilaxx ta' aġenti li jniġġsu u r-reġistri ta' trasferiment biex jagħmlu dan u jħeġġeġ lill-pajjiżi oħra li mhumiex parti mill-Kummissjoni Ekonomika għall-Ewropa tan-Nazzjonijiet Uniti biex isiru membri tal-Konvenzjoni;

9.

Jemmen li l-Membri tal-Parlament Ewropew li huma parti mid-delegazzjoni tal-KE għandhom kontribut essenzjali x'jagħtu u għalhekk jistenna li f'Riga, huma jkollhom aċċess għal-laqgħat ta' koordinazzjoni tal-UE mingħajr ma jkollhom id-dritt li jitkellmu;

10.

Jagħti istruzzjonijiet lill-President tiegħu biex iressaq din ir-riżoluzzjoni lill-Kunsill, lill-Kummissjoni, lill-gvernijiet u lill-parlamenti tal-Istati Membri u lis-Segretarjat tal-Kummissjoni Ekonomika għall-Ewropa tan-Nazzjonijiet Uniti, u jitlob li r-riżoluzzjoni tkun iċċirkolata lill-partijiet kontraenti kollha li mhumiex parti mill-UE.