dwar il-kontijiet annwali ta' l-Aġenzija Eżekuttiva għall-Enerġija Intelliġenti għas-sena finanzjarja 2006 flimkien mar-risposti ta' l-Aġenzija

(3) Dawn il-kontijiet ġew ippreparati fil-21 ta' Ġunju 2007 u rċevuti mill-Qorti fil-5 ta' Lulju 2007.

Tabella 1

L-Aġenzija Eżekuttiva għall-Enerġija Intelliġenti (Brussell)

Oqsma ta' kompetenza Komunitarja stipulati mit-Trattat

Kompetenzi ta' l-Aġenzija kif definiti fir-Regolament tal-Kummissjoni 2004/20/KE tat-23 ta' Diċembru 2003

Tmexxija

Riżorsi disponibbli għall-Aġenzija fl-2006

(2005 n/a)

Attivitajiet u servizzi provduti fl-2006

Il-politika tal-Komunità dwar l-ambjent għandha tikkontribwixxi għas-salvagwardja, għall-ħarsien u għat-titjib tal-kwalità ta' l-ambjent; għall-ħarsien tas-saħħa tal-bniedem; għall-użu għaqli u razzjonali tar-riżorsi naturali; u għall-promozzjoni ta' miżuri fuq livell internazzjonali li jittrattaw problemi ambjentali reġjonali kif ukoll globali.

(l-Artikolu 174(1)

Objettivi

Fil-qafas ta' l-istrateġija ta' żvilupp sostenibbli, l-Unjoni Ewropea ħadet miżuri sabiex tippromwovi u tiżviluppa l-enerġija li tista' tiġġedded u l-effiċjenza fl-enerġija. L-objettiv huwa sabiex tikkontribwixxi b'mod ibbilanċjat għas-sigurtà fil-provvista ta' l-enerġija, il-kompetittività u l-ħarsien ta' l-ambjent. L-oqsma ta' l-azzjoni huma l-iżvilupp ta' l-enerġija li tista' tiġġedded u l-effiċjenza ta' l-enerġija, inkluż is-settur tat-trasport, u l-promozzjoni tagħhom fil-pajjiżi li jkunu qegħdin jiżviluppaw.

Dawn il-miżuri jinkludu programm ta' ħafna snin għall-azzjoni fis-settur ta' l-enerġija: “Enerġija Intelliġenti-Ewropa” 2003-2006 — IEE 1 (id-Deċiżjoni Nru 1230/2003/KE tal-Parlament Ewropew u tal-Kunsill tas-26 ta' Ġunju 2003).

Taħt dan il-programm tal-Komunità, l-Aġenzija hija responsabbli għall-implimentazzjoni tax-xogħlijiet li jikkonċernaw l-għajnuna tal-Komunità, ħlief għall-evalwazzjoni tal-programm, il-monitoraġġ tal-leġiżlazzjoni u l-istudji strateġiċi, jew kull azzjoni oħra li taqa' b'mod esklussiv taħt il-kompetenza esklussiva tal-Kummissjoni Ewropea.

Kompiti

Fil-kuntest ta' l-implimentazzjoni tal-programm Komunitarju IEE 1:

—	Li timmaniġġja l-istadji kollha matul iċ-ċiklu ta' proġetti speċifiċi;

—	Li tadotta l-istrumenti għall-implimentazzjoni tal-baġit u li twettaq, meta l-Kummissjoni tkun tatha l-poter li tagħmel dan, l-operazzjonijiet kollha meħtieġa biex timmaniġġja l-programm tal-Komunità u, b'mod partikolari, dawk marbuta ma' l-għoti ta' kuntratti u għotjiet ta' flus;

—	Il-ġbir, l-analiżi u t-trasmissjoni lill-Kummissjoni ta' l-informazzjoni kollha meħtieġa biex titmexxa l-implimentazzjoni tal-programm.

1 Kumitat Direttiv

Magħmul minn ħames membri maħtura mill-Kummissjoni Ewropea.

Jadotta l-programm ta' xogħol annwali ta' l-Aġenzija wara l-approvazzjoni mill-Kummissjoni Ewropea. Minbarra dan, jadotta l-baġit amministrattiv ta' l-Aġenzija u r-rapport ta' attività annwali tiegħu.

2 Direttur

Maħtur mill-Kummissjoni Ewropea.

3 Kontroll tal-Verifika Esterna

Il-Qorti Ewropea ta’ l-Awdituri.

4 Awtorità ta' Approvazzjoni

Il-Parlament Ewropew fuq rakkomandazzjoni mill-Kunsill

Baġit finali

A)	53,2 miljun euro (100 % mill-baġit ġenerali ta' l-Unjoni Ewropea) għall-baġit tal-programm IEE 1 li l-Aġenzija timplimenta taħt ir-responsabbiltà tal-Kummissjoni;

B)	5,2 miljun euro (100 % sussidju Komunitarju) għall-baġit amministrattiv li għalih l-Aġenzija hija awtonoma.

Persunal fil-31 ta' Diċembru 2006

16-il kariga ta' aġent temporanaju mniżżla fil-pjan ta' twaqqif.

Karigi ta' aġent temporanju okkupati: 16

Karigi oħra:

Persunal fuq kuntratt: 30 kariga ppjanata, li minnhom 25 kienu okkupati.

Total tal-Persunal fil-31/12/2006: 41

Responsabbli għal

—	Kompiti operattivi: 31

—	Kompiti amministrattivi: 10

—

Immonitorjat 218-il proġett kontinwu li għalihom ingħataw għotjiet taħt is-Sejħa għall-proposti 2003 u 2004. B'kollox, 168 rapport tal-progress u 36 rapport interim u 20 rapport finali ġew approvati u skond dawn twettqu l-pagamenti lill-benefiċjarji. Minbarra dan, l-Aġenzija ħadet sehem f'aktar minn 100 laqgħa dwar il-proġetti. Organizzat ukoll 14-il grupp ta' ħidma tal-ko-ordinaturi tal-proġetti bil-parteċipazzjoni tad-DĠ ġenitur u programmi oħra relevanti tal-Kummissjoni.

—

Mexxiet is-Sejħa għall-proposti 2005 għall-programm IEE (ippubblikata fl-2005 bi skadenza għall-preżentazzjoni fil-bidu ta' l-2006): b'kollox, l-IEEA rċeviet 265 proposta minn 29 pajjiż u madwar 2000 organizzazzjoni. Bħal fis-sena ta' qabel, esperti esterni assistew l-IEEA matul l-evalwazzjoni. B'kollox kienu konklużi 125 ftehim ta' għotjiet.

—

Mexxiet is-Sejħa għall-proposti 2006 għall-programm IEE: is-Sejħa kienet ippubblikata lejn l-aħħar ta' Mejju 2006 bi skadenza għall-preżentazzjoni fil-31 ta' Ottubru 2006. Saru sforzi sostanzjali għall-promozzjoni tas-sejħa lil gruppi mmirati relevanti madwar l-Ewropa, inkluża l-organizzazzjoni tal-Jum ta' Informazzjoni Ewropea (Brusselll, il-31 ta' Mejju 2006, 450 parteċipant, xandira diretta bl-internet), sostenn ta' aktar minn 40 ġurnata ta' informazzjoni nazzjonali, ċirkulazzjoni ta' avviżi bl-email, u aġġornamenti regolari fuq l-internet. B'kollox, l-IEEA rċeviet 351 proposta bħala tweġiba għas-Sejħa ta' l-2006. Evalwazzjonijiet ma' l-esperti esterni seħħew fil-bidu ta' l-2007.

—

Ippubblikat u kkomunikat informazzjoni dwar il-programm IEE u l-Aġenzija: fl-2006, il-websajt tal-programm irreġistra aktar minn 500 000 download u miljun żjara tal-paġna.

Avviżi Regolari ta' l-Aħbarijiet intbagħtu lid-database ta' kuntatt IEE, li kien jinkludi aktar minn 5 000 kuntatt sa tmiem l-2006.

Informazzjoni u aġġornamenti dwar proġetti IEE ingħataw permezz ta' tliet ħarġiet tan-newsletter “Intelligent Energy News” (44 000 download matul l-2006) u fact sheets ta' proġetti individwali (100 000 download).

—	Tat bidu għal feedback mir-riżultati tal-proġetti f'oqsma ta' politika prinċipali tad-DĠ ġenitur fl-għamla ta' assembleji u tal-parteċipazzjoni ta' rappreżentanti tal-proġetti f'konferenzi prinċipali

—

Għamlet rakkomandazzjonijiet lill-Kummissjoni biex tmexxi l-implimentazzjoni tal-programm IEE u t-tħejjija tal-programm ta' segwitu IEE II (2007-2013): fuq stedina tad-DĠ ġenitur, l-Aġenzija ħadet sehem f'task force inkarigat bit-tħejjija ta' abbozz ta' programm ta' xogħol għall-IEE II. L-attivitajiet kienu jinkludu analiżi ta' esperjenzi u dejta statistiċi relatati mar-regoli ta' parteċipazzjoni, proposti għal temi tematiċi futuri, u l-organizzazzjoni u l-analiżi ta' stħarriġ pubbliku. Bl-istess mod, u fuq stedina tad-DĠ ġenitur, l-Aġenzija użat it-tagħlim li kienet kisbet mit-tmexxija tal-linja ta' żvilupp esterna IEE (COOPENER) u applikatu fil-fażi tad-disinn tal-Faċilità ta' l-Enerġija DEV/AIDCO u tal-programm suċċessur COOPENER II.

Sors: Informazzjoni ppreżentata mill-Aġenzija

Sors: Dejta provduta mill-Aġenzija. Din it-tabella tagħti sommarju tad-dejta mogħtija mill-Aġenzija fil-kontijiet annwali tagħha: dawn il-kontijiet huma ppreparati abbażi tad-dovuti.

Tabella 2

L-Aġenzija Eżekuttiva għall-Enerġija Intelliġenti (Brussell) — Implimentazzjoni tal-baġit għas-sena finanzjarja 2006

(1000 euro)
Dħul			Nefqa
Sors tad-dħul	Dħul imdaħħal fil-baġit finali għas-sena finanzjarja	Dħul irċevut	Allokazzjoni tan-nefqa	Approprijazzjonijiet skond il-baġit finali					Approprijazzjonijiet trasferiti mis-sena/snin finanzjarja/i preċedenti (1)
Sors tad-dħul	Dħul imdaħħal fil-baġit finali għas-sena finanzjarja	Dħul irċevut	Allokazzjoni tan-nefqa	imdaħħla	impenjati	imħallsa	trasferiti	annullati	disponibbli	imħallsa	annullati
Sussidji komunitarji	5 168	5 168	Titolu I Persunal	2 959	2 944	2 561	118	280	66	2	64
Sussidji oħra (2)		461	Titolu II Amministrazzjoni	784	718	651	67	66	324	309	15
			Titolu III Attivitajiet operattivi (3)	1 425	1 346	549	797	79	70	1	69
Total	5 168	5 629	Total	5 168	5 008	3 762	982	425	461	313	148
Sors: Dejta provduta mill-Aġenzija. Din it-tabella tagħti sommarju tad-dejta mogħtija mill-Aġenzija fil-kontijiet annwali tagħha. Dħul miġbur u pagamenti huma stmati fuq bażi tal-flus kontanti.

Tabella 3

L-Aġenzija Eżekuttiva għall-Enerġija Intelliġenti (Brussell) — Kont tar-riżultat ekonomiku għas-sena finanzjarja 2006

(1000 euro)
	2006
Dħul operattiv
Sussidji komunitarji	5 057
Dħul ieħor	105
Total (a)	5 162
Spejjeż operattivi
Spejjeż relatati mal-persunal	2 616
Spejjeż relatat ma' l-attiv fiss	38
Spejjeż amministrattivi oħra	1 305
Total (b)	3 959
Bilanċ favur/(kontra) minn attivitajiet operattivi (c = a – b)	1 203
Spejjeż 2005 (d)	273
Riżultat ekonomiku għas-sena (e = c – d)	930

Tabella 4

L-Aġenzija Eżekuttiva għall-Enerġija Intelliġenti (Brussell) — Karta tal-bilanċ fil-31 ta' Diċembru 2006

(1000 euro)
	2006
Attiv mhux kurrenti
Attiv fiss intanġibbli	13
Attiv fiss tanġibbli	88
Attiv kurrenti
Riċevibbli ta' skadenza qasira	95
Likwidità u ekwivalenti likwidi	1 509
Total ta' l-attiv	1 705
Passiv kurrenti
Proviżjonijiet għal riskji u spejjeż	48
Kontijiet pagabbli	727
Total tal-passiv	775
Attiv nett
Riżultat ekonomiku għas-sena	930
Total ta' l-attiv nett	930
Total tal-passiv u ta' l-attiv nett	1 705

(1) Approprijazzjonijiet li jifdal mill-2005 trasferiti mill-Kummissjoni għall-Aġenzija.

(2) Sussidju rċevut mill-Kummissjoni Ewropea biex ikopri l-impenji trasferiti mill-2005 għall-2006.

(3) Nefqa fuq laqgħat ta' l-esperti konnessi ma' l-implimentazzjoni ta' proġetti.

Sors: Dejta provduta mill-Aġenzija. Din it-tabella tagħti sommarju tad-dejta mogħtija mill-Aġenzija fil-kontijiet annwali tagħha. Dħul miġbur u pagamenti huma stmati fuq bażi tal-flus kontanti.