20.11.2007   

MT

Il-Ġurnal Uffiċjali ta’ l-Unjoni Ewropea

C 277/1

(1)

Il-kontijiet tal-Bank Ċentrali Ewropew (BĊE) u tal-banek ċentrali nazzjonali ta' l-Eurosistema huma vverifikati minn awdituri esterni indipendenti rrikkmandati mill-Kunsill Governattiv tal-BĊE u approvati mill-Kunsill ta' l-Unjoni Ewropea.

(2)

Bis-saħħa ta' l-Artikolu 1 tad-Deċiżjoni tal-Kunsill 2007/503/KE ta' l-10 ta' Lulju 2007 skond l-Artikolu 122(2) tat-Trattat dwar l-adozzjoni minn Ċipru tal-valuta waħda fl-1 ta' Jannar 2008 (1), Ċipru issa jissodisfa l-kundizzjonijiet meħtieġa għall-adozzjoni ta' l-euro, u d-deroga favur ta' Ċipru msemmija fl-Artikolu 4 ta' l-Att ta' l-Adeżjoni ta' l-2003 hija abrogata b'effett mill-1 ta' Jannar 2008.

(3)

Bis-saħħa tas-Sezzjoni 60(1)(a) tal-Liġi 34(I) ta' l-2007 li temenda l-Liġijiet tas-Central Bank of Cyprus ta' l-2002 u l-2003, li tidħol fis-seħħ fl-1 ta' Jannar 2008, l-istqarrijiet finanzjarji annwali tas-Central Bank of Cyprus huma vverifikati skond l-Artikolu 27 ta' l-Istatut tas-SEBĊ.

(4)

Is-Central Bank of Cyprus għażel lil PricewaterhouseCoopers Limited bħala l-awdituri esterni indipendenti għas-snin finanzjarji 2008 sa 2012,