Proposta għal direttiva tal-Parlament ewropew u tal-Kunsill li jemenda d-Direttiva 2002/95/KE dwar ir-restrizzjoni ta’ l-użu ta’ ċerti sustanzi ta’ riskju fit-tagħmir elettriku u elettroniku, fejn jidħlu l-poteri ta' implimentazzjoni mogħtija mill-Kummissjoni /* KUMM/2006/0915 finali - COD 2006/0303 */
[pic] | KUMMISSJONI TAL-KOMUNITAJIET EWROPEJ | Brussel 22.12.2006 KUMM(2006) 915 finali 2006/0303 (COD) Proposta għal DIRETTIVA TAL-PARLAMENT EWROPEW U TAL-KUNSILL li jemenda d-Direttiva 2002/95/KE dwar ir-restrizzjoni ta’ l-użu ta’ ċerti sustanzi ta’ riskju fit-tagħmir elettriku u elettroniku, fejn jidħlu l-poteri ta' implimentazzjoni mogħtija mill-Kummissjoni (preżentata mill-Kummissjoni) 2006/0303 (COD) Proposta għal DIRETTIVA TAL-PARLAMENT EWROPEW U TAL-KUNSILL li jemenda d-Direttiva 2002/95/KE dwar ir-restrizzjoni ta’ l-użu ta’ ċerti sustanzi ta’ riskju fit-tagħmir elettriku u elettroniku, fejn jidħlu l-poteri ta' implimentazzjoni mogħtija mill-Kummissjoni IL-PARLAMENT EWROPEW U L-KUNSILL TA' L-UNJONI EWROPEA, Wara li kkunsidraw it-Trattat li jistabbilixxi l-Komunità Ewropea, u b'mod partikolari l-Artikolu 95 tiegħu, Wara li kkunsidraw il-proposta mill-Kummissjoni[1], Wara li kkunsidraw l-opinjoni tal-Kumitat Ekonomiku u Soċjali Ewropew[2], Wara li kkunsidraw l-opinjoni tal-Kumitat tar-Reġjuni[3], Fil-waqt li jaġixxu mal-proċedura kif stipulata fl-Artikolu 251 tat-Trattat[4]Whereas: (1) Id-Direttiva 2002/95/KE tal-Parlament Ewropew u tal-Kunsill[5] tistipula li għandhom jiġu adottati ċerti miżuri skond id-Deċiżjoni tal-Kunsill 1999/468/KE tat-28 ta' Ġunju 1999 li tfassal il-proċeduri biex jiġu eżerċitati l-poteri ta' implimentazzjoni mogħtija lill-Kummissjoni[6]. (2) Id-Deċiżjoni 1999/468/KE ġiet emendata bid-Deċiżjoni 2006/512/KE, li daħħlet proċedura regolamentari bi skrutinju li għandha tiġi użata għall-adozzjoni ta' miżuri ta' implimentazzjoni ta' ambitu ġenerali bil-għan li jemendaw elementi mhux essenzjali ta' strument bażiku adottat skond il-proċedura msemmija fl-Artikolu 251 tat-Trattat, inkluż billi jitneħħew dawk l-elementi jew billi l-istrument jiġi estiz biż-żieda ta' elementi addizzjonali mhux essenzjali. (3) Skond l-istqarrija konġunta tal-Parlament Ewropew, tal-Kunsill u tal-Kummissjoni[7] dwar id-Deċiżjoni 2006/512/KE, strumenti li bħalissa qegħdin fis-seħħ għandhom jiġu aġġustati skond il-proċeduri applikabbli. Dik l-istqarrija tindika lista ta' strumenti li għandhom ikunu aġġustati b'urġenza, fosthom id-Direttiva 2002/95/KE. (4) B'mod partikolari l-Kummissjoni għandha tingħata poter biex tadotta l-Annessi. Peress li dawk il-miżuri huma ta' firxa ta' applikazzjoni ġenerali, u mfassla biex jemendaw elementi mhux essenzjali tad-Direttiva 2002/95/KE, għandhom jiġu adottati skond il-proċedura regulatorja bi skrutinju kif stipulat fl-Artikolu 5a tad-Deċiżjoni 1999/468/KE. (5) Id-Direttiva 2002/95/KEE għandha għalhekk tiġi emendata kif xieraq. (6) Peress li l-emendi li jridu jsiru għad-Direttiva 2002/95/KE huma ta' natura teknika li jikkonċernaw biss il-proċedura tal-kumitat, mhemmx bżonn li jiġu trasposti mill-Istati Membri. Mhux għalhekk meħtieġ li jsiru dispożizzjonijiet għal dan. ADOTTAW DIN ID-DIRETTIVA: Artikolu 1 Id-Direttiva 2002/95/KE hija emendata kif ġej: (1) L-Artikolu 5(1) huwa emendat kif ġej: (a) Il-fażi ta' introduzzjoni tinbidel b'dan li ġej: "Il-Kummissjoni għandha tadotta kull emenda li tkun meħtieġa biex tadatta l-Anness għall-progress xjentifiku u tekniku għall-iskopijiet li ġejjin:" (b) Jiżdied is-sottoparagrafu li ġej: "Il-miżuri msemmija fl-ewwel sottoparagrafu, maħsuba biex jemenda elementi mhux esenzjali ta' din id-Direttiva għandhom ikunu adottati skond il-proċedura regolatorja bi skrutinju msemmija fl-Artikolu 7(2)." (2) L-Artikolu 7 jinbidel b'dan li ġej: "L-Artikolu 7 Il-Kumitat 1. Il-Kummissjoni għandha tkun assistita minn Kumitat imwaqqaf bl-Artikolu 18 tad-Direttiva tal-Kunsill 75/442/KEE[8]. 2. Meta ssir referenza għal dan il-paragrafu, għandhom japplikaw l-Artikolu 5a(1) sa (4), u l-Artikolu 7 tad-Deċiżjoni 1999/468/KE , b'kunsiderazzjoni għad-dispożizzjonijiet ta' l-Artikolu 8 tagħha." Artikolu 2 Din id-Direttiva għandha tidħol fis-seħħ [...]-il ġurnata wara li tkun ippubblikata fil- Ġurnal Uffiċjali ta' l-Unjoni Ewropea. Artikolu 3 Din id-Direttiva hija indirizzata lill-Istati Membri. Magħmula fi Brussell, [...] Għall-Parlament Ewropew Għall-Kunsill Il-President Il-President [pic][pic][pic] [1] ĠU C [...], [...], p.[...] [2] ĠU C [...], [...], p.[...] [3] ĠU C [...], [...], p.[...] [4] … [5] ĠU L 37, 13.2.2003, p.19-23 [6] ĠU L 184, 17.7.1999, p. 23. Deċiżjoni kif emendata permezz tad-Deċiżjoni 2006/512/KE (ĠU L 200, 22.7.2006., p.11). [7] ĠU C 255, 21.10.2006, p.1 [8] ĠU L 194, 25.7.1975, p.39