24.2.2021 |
MT |
Il-Ġurnal Uffiċjali tal-Unjoni Ewropea |
L 64/4 |
DEĊIŻJONI (UE) 2021/323 TAR-RAPPREŻENTANTI TAL-GVERNIJIET TAL-ISTATI MEMBRI
tad-19 ta’ Frar 2021
li taħtar erba’ Mħallfin u Avukat Ġenerali fil-Qorti tal-Ġustizzja
IR-RAPPREŻENTANTI TAL-GVERNIJIET TAL-ISTATI MEMBRI TAL-UNJONI EWROPEA,
Wara li kkunsidraw it-Trattat dwar l-Unjoni Ewropea, u b’mod partikolari l-Artikolu 19 tiegħu,
Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikoli 253 u 255 tiegħu,
Billi:
(1) |
Il-mandati ta’ erbatax-il Imħallef u sitt Avukati Ġenerali tal-Qorti tal-Ġustizzja ser jiskadu fis-6 ta’ Ottubru 2021. |
(2) |
Jenħtieġ li jkun hemm ħatriet biex jimtlew dawn il-karigi għall-perijodu li jibda mis-7 ta’ Ottubru 2021 u li jiskadi fis-6 ta’ Ottubru 2027. |
(3) |
Is-Sur Miroslav GAVALEC u s-Sa Octavia SPINEANU-MATEI ġew nominati għall-ewwel mandat tagħhom bħala Mħallfin tal-Qorti tal-Ġustizzja. |
(4) |
Ġie propost it-tiġdid tal-mandati tas-Sur Niilo JÄÄSKINEN u s-Sur Lars BAY LARSEN bħala Mħallfin tal-Qorti tal-Ġustizzja. |
(5) |
Ġie propost it-tiġdid tal-mandat tas-Sa Juliane KOKOTT bħala Avukat Ġenerali tal-Qorti tal-Ġustizzja. |
(6) |
Il-kumitat stabbilit permezz tal-Artikolu 255 tat-Trattat dwar il-Funzjonament tal-Unjoni Ewropea ta opinjoni favorevoli dwar l-idoneità ta’ dawn il-kandidati għall-qadi tal-funzjonijiet ta’ Mħallef u Avukat Ġenerali tal-Qorti tal-Ġustizzja, |
ADOTTAW DIN ID-DEĊIŻJONI:
Artikolu 1
Il-persuni li ġejjin huma b’dan maħtura Mħallfin tal-Qorti tal-Ġustizzja għall-perijodu mis-7 ta’ Ottubru 2021 sas-6 ta’ Ottubru 2027:
— |
is-Sur Miroslav GAVALEC, |
— |
is-Sa Octavia SPINEANU-MATEI, |
— |
is-Sur Niilo JÄÄSKINEN, |
— |
is-Sur Lars BAY LARSEN. |
Artikolu 2
Is-Sa Juliane KOKOTT hija b’dan maħtura Avukat Ġenerali tal-Qorti tal-Ġustizzja għall-perijodu mis-7 ta’ Ottubru 2021 sas-6 ta’ Ottubru 2027.
Artikolu 3
Din id-Deċiżjoni għandha tidħol fis-seħħ fil-jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fi Brussell, id-19 ta’ Frar 2021.
Il-President
N. BRITO