Official Journal L 239 , 22/09/2000 P. 0151 - 0153
Id-Deċiżjoni tal-Kumitat Eżekuttiv ta' l-14 ta' Diċembru 1993 li jġedded il-viża uniformi (sch/kom-ex (93)21) IL-KUMITAT EŻEKUTTIV, Wara li kkunsidra l-Artikolu 132 tal-Konvenjzoni li timplimenta l-Ftehim Schengen, Wara li kkunsidra l-Artikolu 17(3)(e) tal-Konvenzjoni hawn fuq imsemmija, IDDEĊIDA DAN LI ĠEJ: Il-viża uniformi għandha tiġi mġedda skond il-prinċipji komuni preskritti fid-dokument anness ma' dan id-dokument. Pariġi, l-14 ta' Diċembru 1993. Il-President A. Lamassoure -------------------------------------------------- L-ANNESS DWAR IT-TIĠDIF TAL-VIŻI UNIFORMI IL-PRINĊIPJI KOMUNI 1. L-Artiklu 17(3)(e) tal-Konvenzjoni li Timplimentata jippreskrivvi li l-Kumitat Eżekuttiv għandu jieħu d-deċiżjonijiet meħtieġa għat-tiġdid tal-viżi skond l-interessi tal-Partijiet kollha Kontraenti. Din id-dispożizzjoni għandha tkun il-bażi legali għall-prinċipji komuni ddefiniti hawn taħt. 2. Il-viża tista' tkun imġedda jekk fatti oħra ġodda jqumu minn meta kienet inħarġet il-viża. L-applikazzjonijiet biex tkun imġedda l-viża fuq il-bażijiet li ġejjin għandhom ikollhom magħhom il-provi meħtieġa: forza maġġura, umanitarja, raġunijiet serji okkupazzjonali jew personali. L-applikazzjonijiet ma jistgħux, taħt ebda ċirkostanza, jirriżultataw fil-għan li l-viża tinbidel. Għandha tkun l-awtorità amministrattiva kompetenti li tiddeċidi jekk ir-raġuni attwalment mogħtija tikonstitwixxix jew le l-bażi għat-tiġdid. 3. L-estensjoni ta' viża ma għandhiex tirriżulta f'durata li teċċedi 90 ġurnata. 4. Il-viża tista' tkun imġedda bi qbil mal-proċeduri nazzjonali. 5. L-awtorità kompetenti għandha tkun dik tal-Parti Kontaenti li fuq it-territorju tagħha l-aljen ikun meta l-applikazzjoni tiġi sottomessa anki jekk l-estensjoni tal-viża tfisser li l-applikant ikun se jsiefer għat-territorju ta' Parti Kontraenti oħra. F'kull wieħed mill-Partijiet Kontraenti, l-awtoritajiet amministrattivi li ġejjin għandhom ikunu responsabbli biex iġġeddu l-viża: France: | Prefectures (f'Pariġi, il-kwartieri ġenerali tal-pulizija). | Spain: | għal passaporti ordinarji: "gobiernos civiles y por su delegación las comisarias de policía" (prefectures u, fejn awtorizzat mid-delegazzjoni, l-għases tal-pulizija); għall-passaporti diplomatiċi u tas-servizz: "Ministerio de Asuntos Exteriores" (Il-Ministeru għall-Affarijiet Barranin. | L-Italja | "Ufficio degli Stranieri (Questure Republica)" Id-Dipartiment ta' l-Alieni. (Prefectures tal-pulizija tar-Reppublika Taljana). | Il-Greċja | "Υπεργειο Δημοσιας Ταξης (Γραφεια Αλλοδαπων)" (Ministry of Public Order – Aliens Department). | Il-Portugall: | "Serviço de Estrangeiros e Fronteiras""Ministério da Administracão Interna" (Id-Dipartiment ta' l-Alieni u l-Fruntieri fil-Ministeru ta' l-Intern). | il-Ġermanja: | "Ausländeramt der jeweiligen Stadt oder des Landkreises" (Id-Dipartiment ta' Alieni tal-pajjiż jew id-distrett amministrattiv). | Il-Belġju: | għal viżas ordinarji: Il-Ġvernijiet tal-Provinċja; għall-viżi diplomatiċi u tas-servizz: Il-Ministeru għall-Affarijiet Barranin. | L-Olanda: | għall-viżi ordinarji: "Hoofden van de plaatselijke politie" (Il-Kapijiet tal-Pulizija Lokali); għal viżi diplomatiċi u tas-servizz: "Ministerie van Buitenlandse Zaken" (Il-Ministeru għall-Affarijiet Barranin). | Il-Lussemburgu | għal viżi kollha: l-uffiċċji tal-passaport u l-viża fil-Ministeru ta' l-Affarijiet Barranin. | 6. Skond il-proċeduri nazzjonali, l-estensjoni ta' viżi uniformi għandha tieħdu l-forma ta', viża ġdida li teħel jew timbru. 7. Tista' tintalab miżata għall-estensjoni tal-viżi. 8. Meta l-applikanti huma nazzjonali tal-pajjiżi, jew huma ta' xi kategorija suġġetta minn wieħed jew aktar Partijiet Kontraenti għall-proċedura ta' konsultazzjoni li tinvolvi l-awtoritajiet ċentrali, it-tiġdid tal-viża għandu jkompli jkun iggarantit biss f'każijiet eċċeżjonali. Jekk il-viża hija mġedda, l-awtorità ċentrali tal-pajjiż li rapreżentant konsulari tiegħu ħareġ il-viża għandu jkun infurmat b'dan. 9. Sakemm ma jiġix deċiż mod ieħor mill-awtorità amministrattiva li ġġedded il-viża, il-viża mġedda għandha tibqa' viża uniformi, li tintitola d-dħul għat-territorju tal-Partijiet kollha Kontraenti li għalihom l-viża kienet valida fil-ħin tal-ħruġ. --------------------------------------------------