(a)

Mingħajr preġudizzju għar-Regolament (UE) Nru 376/2014 tal-Parlament Ewropew u tal-Kunsill (1), u l-atti delegati u ta’ implimentazzjoni adottati abbażi tiegħu, l-Aġenzija għandha timplimenta sistema biex tiġbor, tanalizza u xxerred b’mod xieraq informazzjoni dwar is-sikurezza, is-sigurtà u l-interoperabbiltà.

(b)

Malli tirċievi l-informazzjoni msemmija fil-punt (a), l-Aġenzija għandha tieħu miżuri xierqa biex tindirizza kwalunkwe problema identifikata ta’ sikurezza, sigurtà jew interoperabbiltà, inkluż il-ħruġ ta’ direttivi dwar it-tagħmir tal-ATM/ANS f’konformità mal-punt ATM/ANS.EQMT.AR.A.030 tal-Anness I tar-Regolament Delegat (UE) 2023/1768.

(c)

Il-miżuri meħuda skont il-punt (b) għandhom jiġu nnotifikati minnufih lill-organizzazzjoni kkonċernata, li hija obbligata tikkonforma magħhom, f’konformità mal-punt DPO.OR.A.035. L-awtoritajiet kompetenti tal-fornituri tal-ATM/ANS ikkonċernati għandhom jiġu nnotifikati wkoll.

(a)

L-Aġenzija għandha timplimenta sistema biex tiġbor, tanalizza u xxerred b’mod xieraq l-informazzjoni relatata mal-inċidenti u mal-vulnerabbiltajiet tas-sigurtà tal-informazzjoni b’impatt potenzjali fuq is-sikurezza tal-avjazzjoni li jiġu rrapportati mill-organizzazzjonijiet. Dan għandu jsir b’koordinazzjoni ma’ kwalunkwe awtorità rilevanti oħra responsabbli għas-sigurtà tal-informazzjoni jew għaċ-ċibersigurtà fl-Istat Membru biex jiżdiedu l-koordinazzjoni u l-kompatibbiltà tal-iskemi ta’ rapportar.

(b)

Malli tirċievi l-informazzjoni msemmija fil-punt (a), l-Aġenzija għandha tieħu miżuri adegwati biex tindirizza l-impatt potenzjali tal-inċident jew tal-vulnerabbiltà tas-sigurtà tal-informazzjoni fuq is-sikurezza tal-avjazzjoni.

(c)

Il-miżuri meħuda f’konformità mal-punt (b) għandhom jiġu nnotifikati minnufih lill-persuni jew lill-organizzazzjonijiet kollha li għandhom ikunu konformi magħhom skont ir-Regolament (UE) 2018/1139 u l-atti delegati u ta’ implimentazzjoni adottati abbażi tiegħu. L-Aġenzija għandha tinnotifika wkoll dawk il-miżuri lill-awtoritajiet kompetenti tal-Istati Membri kkonċernati.

(a)

L-Aġenzija għandha tistabbilixxi u tmantni sistema ta’ ġestjoni, li tinkludi, tal-inqas l-elementi li ġejjin:

(b)

L-Aġenzija għandha taħtar, għal kull qasam ta’ attività, inkluż fis-sistema ta’ ġestjoni, persuna jew persuni li jkollhom ir-responsabbiltà ġenerali għall-ġestjoni tal-kompitu/kompiti rilevanti.

(c)

L-Aġenzija għandha tistabbilixxi proċeduri għall-parteċipazzjoni tagħha fi skambju reċiproku tal-informazzjoni kollha meħtieġa ma’ kwalunkwe awtorità kompetenti oħra msemmija fl-Artikolu 4 tar-Regolament ta’ Implimentazzjoni tal-Kummissjoni (UE) 2017/373 (2) u tipprovdilha assistenza jew titlob assistenza mingħandha, inkluż kwalunkwe informazzjoni li tirriżulta minn rapportar obbligatorju u volontarju tal-okkorrenzi kif meħtieġ mill-punt DPO.OR.A.045;

(d)

Is-sistema ta’ ġestjoni stabbilita u miżmuma mill-Aġenzija għandha tkun konformi mal-Anness I (Parti-IS.AR) tar-Regolament ta’ Implimentazzjoni (UE) 2023/203 biex tiżgura l-ġestjoni xierqa tar-riskji għas-sigurtà tal-informazzjoni li jaf ikollhom impatt fuq is-sikurezza tal-avjazzjoni.

(a)

L-Aġenzija għandu jkollha stabbilita sistema biex tidentifika dawk il-bidliet li jaffettwaw il-kapaċità li għandha biex twettaq il-kompiti u r-responsabbiltajiet tagħha kif stabbilit fir-Regolament (UE) 2018/1139 u l-atti delegati u ta’ implimentazzjoni adottati abbażi tiegħu. Dik is-sistema għandha tippermetti lill-Aġenzija tieħu azzjoni, kif ikun xieraq, biex tara li s-sistema ta’ ġestjoni tibqa’ adegwata u effettiva.

(b)

L-Aġenzija għandha taġġorna s-sistema ta’ ġestjoni tagħha biex tirrifletti kwalunkwe bidla fir-Regolament (UE) 2018/1139 u fl-atti delegati u ta’ implimentazzjoni adottati abbażi tiegħu, b’mod f’waqtu, sabiex tiżgura l-implimentazzjoni effettiva tas-sistema ta’ ġestjoni tagħha.

(a)

L-Aġenzija għandha tistabbilixxi u żżomm sistema ta’ żamma tar-rekords li tipprevedi l-ħażna adegwata, l-aċċessibbiltà u t-traċċabbiltà affidabbli:

(b)

L-Aġenzija għandha żżomm lista taċ-ċertifikati kollha li tkun ħarġet u ta’ kwalunkwe dikjarazzjoni li tkun irreġistrat.

(c)

Ir-rekords kollha msemmija fil-punti (a) u (b) għandhom jinħażnu b’mod li jiżgura l-protezzjoni kontra ħsara, tibdil u serq u jinżammu għal perjodu minimu ta’ 5 snin wara li l-approvazzjonijiet u ċ-ċertifikati ma jibqgħux validi jew wara li d-dikjarazzjonijiet jiġu rtirati, soġġett għal-liġi applikabbli dwar il-protezzjoni tad-data.

(a)

Malli tirċievi applikazzjoni għall-ħruġ ta’ approvazzjoni lill-organizzazzjoni involuta fid-disinn jew fil-produzzjoni tat-tagħmir tal-ATM/ANS, l-Aġenzija għandha tivverifika l-konformità tal-organizzazzjoni mar-rekwiżiti stabbiliti fl-Annessi II u III tar-Regolament Delegat (UE) 2023/1768 u fl-Anness II ta’ dan ir-Regolament.

(b)

L-Aġenzija tista’ titlob kwalunkwe awditu, spezzjoni jew valutazzjoni li ssib li tkun meħtieġa qabel ma toħroġ l-approvazzjoni bl-informazzjoni rilevanti kollha stabbilita fl-Appendiċi 1 ta’ dan l-Anness.

(c)

L-approvazzjoni għandha tinħareġ għal durata mhux limitata. Il-privileġġi fir-rigward tal-attivitajiet li l-organizzazzjoni tkun approvata li twettaq għandhom jiġu speċifikati fil-kundizzjonijiet mehmuża mal-approvazzjoni.

(d)

L-approvazzjoni ma għandhiex tinħareġ meta s-sejba tal-livell 1 imsemmija fid-DPO.AR.C.015 tibqa’ miftuħa. F’ċirkostanzi eċċezzjonali, is-sejba/sejbiet għajr tal-livell 1 għandha/għandhom tiġi/jiġu vvalutata/ivvalutati u mmitigata/immitigati kif meħtieġ mill-organizzazzjoni u qabel il-ħruġ tal-approvazzjoni, l-Aġenzija għandha tapprova pjan ta’ azzjoni korrettiva għall-għeluq tas-sejba/sejbiet.

(e)

Kull bidla fl-approvazzjoni u fil-kundizzjonijiet tagħha għandha tiġi approvata mill-Aġenzija.

(a)

L-Aġenzija għandha tistabbilixxi programm ta’ superviżjoni u taġġornah kull sena filwaqt li tqis l-għamla speċifika tal-organizzazzjonijiet li tissorvelja, il-kumplessità tal-attivitajiet tagħhom, u r-riżultati tal-attivitajiet ta’ ċertifikazzjoni jew superviżjoni fil-passat u għandha tibbażah fuq il-valutazzjoni tar-riskji assoċjati. Il-programm ta’ sorveljanza għandu jinkludi awditi, li għandhom:

(b)

L-Aġenzija tista’ tiddeċiedi li timmodifika l-objettivi u l-ambitu tal-awditi ppjanati minn qabel, inklużi rieżamijiet dokumentarji u awditi addizzjonali, kull meta jkun hemm bżonn.

(c)

L-Aġenzija għandha tiddeċiedi liema arranġamenti, elementi, postijiet fiżiċi u attivitajiet għandhom jiġu awditjati fi żmien speċifikat.

(d)

L-osservazzjonijiet u s-sejbiet tal-awditi maħruġa f’konformità mal-punt DPO.AR.C.015 għandhom jiġu ddokumentati.

(e)

Is-sejbiet għandhom ikunu appoġġati minn evidenza, u jkunu identifikati skont ir-rekwiżiti applikabbli u l-arranġamenti ta’ implimentazzjoni tagħhom li jkunu l-bażi li fuqhom twettaq l-awditu.

(f)

Rapport tal-awditjar, li jinkludi d-dettalji tas-sejbiet u l-osservazzjonijiet, għandu jitħejja u jiġi kkomunikat lill-organizzazzjoni kkonċernata.

(a)

Għall-bidliet ġestiti u nnotifikati lill-Aġenzija f’konformità mal-proċedura stabbilita fil-punt IS.I.OR.255(a) tal-Anness II (Parti-IS.I.OR) tar-Regolament ta’ Implimentazzjoni (UE) 2023/203, l-Aġenzija għandha tinkludi r-rieżami ta’ dawn il-bidliet fil-programm ta’sorveljanza kontinwa tagħha f’konformità mal-prinċipji stabbiliti fil-punt DPO.AR.C.005 ta’ dan l-Anness. Jekk jinstab kwalunkwe nuqqas ta’ konformità, l-Aġenzija għandha tinnotifika lill-organizzazzjoni b’dan, titlob aktar bidliet u taġixxi f’konformità mal-punt DPO.AR.C.015 ta’ dan l-Anness.

(b)

Għall-bidliet l-oħra li jirrikjedu applikazzjoni għall-approvazzjoni f’konformità mal-punt IS.I.OR.255(b) tal-Anness II (Parti-IS.I.OR) tar-Regolament ta’ Implimentazzjoni (UE) 2023/203:

(a)

Meta matul l-investigazzjoni jew is-sorveljanza jew bi kwalunkwe mezz ieħor, l-Aġenzija tidentifika kwalunkwe nuqqas ta’ konformità mar-rekwiżiti applikabbli ta’ dan ir-Regolament ta’ proċedura jew manwal meħtieġ minn dan ir-Regolament, jew ta’ ċertifikat jew dikjarazzjoni maħruġa f’konformità ma’ dan ir-Regolament, hija għandha, mingħajr preġudizzju għal kwalunkwe azzjoni addizzjonali meħtieġa mir-Regolament (UE) 2018/1139, tippreżenta sejba.

(b)

L-Aġenzija għandu jkollha sistema stabbilita biex:

(c)

L-Aġenzija għandha tippreżenta sejba tal-livell 1 meta tidentifika kwalunkwe nuqqas ta’ konformità sinifikanti mal-bażi ta’ ċertifikazzjoni tal-ATM/ANS skont il-punt ATM/ANS.EQMT.AR.B.001 tal-Anness I tar-Regolament Delegat (UE) 2023/1768 li jista’ jwassal għal nuqqas ta’ konformità mhux ikkontrollat u għal kundizzjoni potenzjali mhux mixtieqa.

Sejbiet tal-livell 1 għandhom jinkludu, iżda ma humiex limitati għal:

(d)

L-Aġenzija għandha tippreżenta sejba tal-livell 2 meta jiġi identifikat nuqqas ta’ konformità ma’ kwalunkwe waħda minn dawn li ġejjin:

li mhijiex ikklassifikata bħala sejba tal-livell 1.

(e)

Meta tiġi ppreżentata sejba, l-Aġenzija għandha, mingħajr preġudizzju għal kwalunkwe azzjoni addizzjonali meħtieġa mir-Regolament (UE) 2018/1139 u l-atti delegati u ta’ implimentazzjoni adottati abbażi tiegħu, tikkomunika s-sejba bil-miktub lill-organizzazzjoni kkonċernata u titlobha tieħu azzjoni korrettiva biex tindirizza n-nuqqas/nuqqasijiet ta’ konformità identifikat(i).

(f)

Għal dawk il-każijiet fejn ma jkunux meħtieġa sejbiet tal-livell 1 u tal-livell 2, l-Aġenzija tista’ toħroġ osservazzjonijiet.

(g)

L-Aġenzija għandha:

(h)

Malli tieħu miżura ta’ infurzar f’konformità mal-punt (g), l-Aġenzija għandha tinnotifikahom lid-destinatarju, tiddikjara r-raġunijiet għaliha, u tinforma lid-destinatarju bid-dritt tiegħu għal appell.

(a)

l-Aġenzija bħala l-awtorità kompetenti li toħroġ l-approvazzjoni;

(b)

l-isem u l-indirizz postali tal-applikant;

(c)

l-ambitu tax-xogħol tal-applikant;

(d)

il-post fejn għandhom jitwettqu l-attivitajiet;

(e)

il-privileġġi assoċjati li għalihom ikun ġie approvat l-applikant;

(f)

dikjarazzjoni tal-konformità u l-osservanza tal-applikant mar-rekwiżiti applikabbli;

(g)

id-data tal-ħruġ u l-validità tal-approvazzjoni;

(h)

il-kundizzjonijiet jew il-limitazzjonijiet addizzjonali marbuta magħha.

(a)

Applikazzjoni għal approvazzjoni ta’ organizzazzjoni tad-disinn jew tal-produzzjoni għandha ssir f’forma u b’manjiera stabbiliti mill-Aġenzija.

(b)

Sabiex tikseb approvazzjoni, l-organizzazzjoni involuta fid-disinn jew fil-produzzjoni tat-tagħmir tal-ATM/ANS għandha tikkonforma mar-rekwiżiti stabbiliti f’dan ir-Regolament meta dawk ir-rekwiżiti jkunu applikabbli għad-disinn jew għall-produzzjoni tas-sistemi tal-ATM/ANS u tal-kostitwenti tal-ATM/ANS li l-organizzazzjoni twettaq jew li beħsiebha twettaq.

(a)

Organizzazzjoni involuta fid-disinn jew fil-produzzjoni tat-tagħmir tal-ATM/ANS għandha tistabbilixxi u żżomm espożizzjoni tal-organizzazzjoni, li tipprovdi l-informazzjoni li ġejja:

(b)

L-espożizzjoni tal-organizzazzjoni għandha tiġi emendata kif meħtieġ biex tibqa’ deskrizzjoni aġġornata tal-organizzazzjoni, u kopja tagħha, inklużi l-emendi tagħha, għandha tiġi pprovduta lill-Aġenzija.

(c)

Applikazzjoni għall-approvazzjoni tal-bidla imsemmija fil-punt DPO.OR.B.005 ta’ dan l-Anness għandha tkun ibbażata fuq is-sottomissjoni tal-bidliet proposti għall-espożizzjoni tal-organizzazzjoni.

(a)

L-approvazzjoni ta’ organizzazzjoni għandha tibqa’ valida għal perjodu ta’ żmien mhux limitat dment li:

(b)

Mar-revoka jew maċ-ċediment tal-approvazzjoni, jekk tinħareġ f’format stampat, din għandha tiġi rritornata lill-Aġenzija mingħajr dewmien.

(c)

Id-detentur tal-approvazzjoni tal-organizzazzjoni għandu jkollu d-dritt, fl-ambitu tat-termini tal-approvazzjoni tiegħu u skont il-proċeduri rilevanti tas-sistema ta’ ġestjoni tad-disinn:

(a)

Organizzazzjoni involuta fid-disinn jew fil-produzzjoni tat-tagħmir tal-ATM/ANS għandha tiffaċilita l-ispezzjonijiet u l-awditi mwettqa mill-Aġenzija jew minn entità kwalifikata li taġixxi f’isimha, u għandha tikkoopera kif meħtieġ għall-eżerċizzju effiċjenti u effettiv tas-setgħat tal-Aġenzija.

(b)

Organizzazzjoni involuta fid-disinn jew fil-produzzjoni tat-tagħmir tal-ATM/ANS għandha tikkoopera u tappoġġa lill-fornituri tal-ATM/ANS li jużaw it-tagħmir tal-ATM/ANS tagħha fil-proċess ta’ turija tal-konformità tagħhom lill-awtoritajiet kompetenti kkonċernati.

(a)

tidentifika l-kawża ewlenija tan-nuqqas ta’ konformità;

(b)

tiddefinixxi pjan ta’ azzjoni korrettiva;

(c)

turi l-implimentazzjoni tal-azzjoni korrettiva għas-sodisfazzjon tal-Aġenzija fil-perjodu ta’ żmien propost u approvat mill-Aġenzija, kif iddefinit fil-punt (e)(2) tal-punt DPO.AR.C.015.

(a)

Id-detentur ta’ approvazzjoni maħruġa f’konformità ma’ dan ir-Regolament għandu:

(b)

Għall-organizzazzjonijiet li għandhom il-post prinċipali tan-negozju tagħhom fi Stat Membru, is-sistema stabbilita f’konformità mal-punt (a)(1) għandha tinkludi dispożizzjonijiet għar-rapportar tal-okkorrenzi u għas-segwitu li jissodisfaw ir-rekwiżiti tar-Regolamenti (UE) Nru 376/2014 u (UE) 2018/1139 u l-atti delegati u ta’ implimentazzjoni adottati abbażi tagħhom.

(c)

Id-detentur tal-approvazzjoni għandu jirrapporta lill-Aġenzija kwalunkwe ħsara, malfunzjoni, difett jew okkorrenza oħra li jkun jaf dwarha, u li tkun irriżultat jew li tista’ tirriżulta f’kundizzjoni perikoluża, mhux sikura, jew ta’ prestazzjoni insuffiċjenti.

(d)

Għad-detenturi tal-approvazzjoni li ma għandhomx il-post prinċipali tan-negozju tagħhom fi Stat Membru, ir-rapporti għandhom isiru f’forma u manjiera stabbiliti mill-Aġenzija, malajr kemm jista’ jkun u fi kwalunkwe każ għandhom jiġu ppreżentati mhux aktar tard minn 72 siegħa wara li l-persuna jew l-organizzazzjoni tkun saret taf bl-okkorrenza partikolari, sakemm ma jkunx hemm ċirkostanzi eċċezzjonali li jipprevjenu dan.

(e)

Id-detentur tal-approvazzjoni għandu jinvestiga okkorrenza li tkun ġiet irrapportata skont il-punt (c), inklużi n-nuqqasijiet li jkunu wasslu għal dik l-okkorrenza, u jirrapporta lill-Aġenzija r-riżultati tal-investigazzjoni tiegħu u kwalunkwe azzjoni li jkun beħsiebu jieħu jew jipproponi li jieħu biex jirrimedja għal dawn in-nuqqasijiet.

(a)

Organizzazzjoni involuta fid-disinn jew fil-produzzjoni tat-tagħmir tal-ATM/ANS għandha timplimenta u żżomm sistema ta’ ġestjoni li tinkludi dan li ġej:

(b)

Organizzazzjoni involuta fid-disinn jew fil-produzzjoni tat-tagħmir tal-ATM/ANS għandha tiddokumenta l-proċessi ewlenin kollha tas-sistema ta’ ġestjoni, inklużi l-proċess biex il-persunal isir jaf dwar ir-responsabbiltajiet tiegħu, u l-proċedura għall-emendar ta’ dawk il-proċessi.

(c)

Organizzazzjoni involuta fid-disinn jew fil-produzzjoni tat-tagħmir tal-ATM/ANS għandha tistabbilixxi funzjoni fis-sistema ta’ ġestjoni tagħha biex timmonitorja l-konformità tagħha mar-rekwiżiti applikabbli u l-adegwatezza tal-proċeduri stabbiliti. Il-monitoraġġ tal-konformità għandu jinkludi sistema ta’ feedback tas-sejbiet lill-maniġer akkontabbli biex tiġi żgurata l-implimentazzjoni effettiva tal-azzjonijiet korrettivi kif ikun meħtieġ.

(d)

Is-sistema ta’ ġestjoni għandha tkun proporzjonata għad-daqs tal-organizzazzjoni involuta fid-disinn jew fil-produzzjoni tat-tagħmir tal-ATM/ANS u l-kumplessità tal-attivitajiet tagħha, filwaqt li tqis il-perikli u r-riskji assoċjati li huma inerenti f’dawk l-attivitajiet.

(e)

Minbarra s-sistema ta’ ġestjoni msemmija fil-punt (a), l-organizzazzjoni involuta fid-disinn jew fil-produzzjoni tat-tagħmir tal-ATM/ANS għandha tistabbilixxi, timplimenta u żżomm sistema ta’ ġestjoni tas-sigurtà tal-informazzjoni f’konformità mar-Regolament ta’ Implimentazzjoni (UE) 2023/203 biex tiżgura l-ġestjoni xierqa tar-riskji għas-sigurtà tal-informazzjoni li jaf ikollhom impatt fuq is-sikurezza tal-avjazzjoni.

(a)

Wara l-ħruġ tal-approvazzjoni tal-organizzazzjoni, kwalunkwe bidla fis-sistema ta’ ġestjoni li tkun sinifikanti għandha tiġi approvata mill-Aġenzija qabel ma tiġi implimentata sakemm tali bidla ma tiġix innotifikata u ġestita f’konformità ma’ proċedura approvata mill-Aġenzija. L-organizzazzjoni għandha tissottometti lill-Aġenzija applikazzjoni għall-approvazzjoni li turi konformità kontinwa mar-rekwiżiti applikabbli.

(b)

Kull bidla fit-tagħmir tal-ATM/ANS għandha tiġi nnotifikata lill-Aġenzija u approvata minnha qabel ma tiġi implimentata sakemm tali bidla ma tiġix ġestita f’konformità ma’ proċedura ta’ ġestjoni tat-tibdil approvata mill-Aġenzija. Din il-proċedura ta’ ġestjoni tat-tibdil għandha tiddefinixxi l-klassifikazzjoni tal-bidliet fit-tagħmir tal-ATM/ANS u tiddeskrivi kif tali bidliet se jiġu nnotifikati u ġestiti.

(a)

L-attivitajiet kuntrattati jinkludu dawk l-attivitajiet kollha li jaqgħu fl-ambitu tal-attivitajiet tal-organizzazzjoni, f’konformità mat-termini taċ-ċertifikat, li jitwettqu minn organizzazzjonijiet oħra li jew ikunu ċċertifikati huma stess biex iwettqu tali attivitajiet jew, jekk mhux iċċertifikati, ikunu jaħdmu taħt is-superviżjoni ta’ tali organizzazzjoni. Organizzazzjoni involuta fid-disinn jew fil-produzzjoni tat-tagħmir tal-ATM/ANS għandha tiżgura li meta tikkuntratta kwalunkwe parti mill-attivitajiet tagħha lil organizzazzjonijiet esterni, jew meta tixtri kwalunkwe parti mill-attivitajiet tagħha mingħandha, l-attività kuntrattata jew mixtrija, kif applikabbli, tikkonforma mar-rekwiżiti applikabbli.

(b)

Meta organizzazzjoni involuta fid-disinn jew fil-produzzjoni tat-tagħmir tal-ATM/ANS tikkuntratta kwalunkwe parti mill-attivitajiet tagħha lil organizzazzjoni li ma tkunx hija stess iċċertifikata f’konformità ma’ dan ir-Regolament biex twettaq tali attivitajiet, hija għandha tiżgura li l-organizzazzjoni kkuntrattata taħdem taħt is-superviżjoni tagħha. Organizzazzjoni involuta fid-disinn jew fil-produzzjoni tat-tagħmir tal-ATM/ANS għandha tiżgura li l-Aġenzija tingħata aċċess għall-organizzazzjoni kuntrattata biex tibqa’ tistabbilixxi l-konformità tagħha mar-rekwiżiti applikabbli ta’ dan ir-Regolament.

(a)

Organizzazzjoni involuta fid-disinn jew fil-produzzjoni tat-tagħmir tal-ATM/ANS għandha taħtar maniġer akkontabbli li jkollu l-awtorità li jiżgura li l-attivitajiet kollha jkunu jistgħu jiġu ffinanzjati u eżegwiti f’konformità mar-rekwiżiti applikabbli ta’ dan ir-Regolament. Il-maniġer akkontabbli għandu jkun responsabbli għall-istabbiliment u għaż-żamma ta’ sistema effettiva ta’ ġestjoni.

(b)

Għandhom jiġu ddefiniti wkoll l-awtorità, id-dmirijiet u r-responsabbiltajiet tal-persuni maħtura f’karigi, b’mod partikolari l-persunal amministrattiv responsabbli minn funzjonijiet relatati mas-sikurezza, mal-kwalità, mas-sigurtà, mal-finanzi u mar-riżorsi umani.

(a)

Organizzazzjoni involuta fid-disinn jew fil-produzzjoni tat-tagħmir tal-ATM/ANS għandha tistabbilixxi sistema ta’ żamma tar-rekords li tippermetti l-ħżin adegwat tar-rekords u t-traċċabbiltà affidabbli tal-attivitajiet kollha tagħha, li tkopri b’mod partikolari l-elementi kollha indikati fil-punt DPO.OR.B.001.

(b)

Il-format u l-perjodu ta’ żamma tar-rekords imsemmija fil-punt (a) għandhom ikunu speċifikati fil-proċeduri tas-sistema ta’ ġestjoni tal-organizzazzjoni.

(c)

Ir-rekords għandhom jinħażnu b’tali mod li jiżgura l-protezzjoni tagħhom mill-ħsara, mit-tbagħbis u mis-serq.

(d)

Organizzazzjoni involuta fid-disinn jew fil-produzzjoni tat-tagħmir tal-ATM/ANS għandha żżomm reġistru tat-tagħmir tal-ATM/ANS użat.

(a)

Applikant għal approvazzjoni ta’ organizzazzjoni tad-disinn jew tal-produzzjoni għal tagħmir tal-ATM/ANS, u detentur tagħha, għandu jkun intitolat, kif applikabbli, għal kwalunkwe waħda minn dawn li ġejjin:

(b)

Fir-rigward tal-attivitajiet ta’ disinn, organizzazzjoni involuta fid-disinn jew fil-produzzjoni tat-tagħmir tal-ATM/ANS għandha:

(c)

Fir-rigward tal-attivitajiet ta’ produzzjoni, organizzazzjoni involuta fid-disinn jew fil-produzzjoni tat-tagħmir tal-ATM/ANS għandha:

(d)

Minbarra l-punt (c), l-organizzazzjoni involuta fil-produzzjoni tat-tagħmir tal-ATM/ANS għandha tkun intitolata, fl-ambitu tat-termini tal-approvazzjoni tagħha, li tistabbilixxi li kull tagħmir tal-ATM/ANS komplut jikkonforma mad-data tad-disinn applikabbli u huwa f’kundizzjoni li jaħdem b’mod sikur qabel ma tinħareġ formola ta’ rilaxx tal-EASA li tiddikjara li t-tagħmir tal-ATM/ANS ikun ġie prodott f’konformità mar-rekwiżiti applikabbli ta’ dan ir-Regolament u mad-data tad-disinn applikabbli.

(e)

Il-formola ta’ rilaxx tal-EASA msemmija fil-punt (d) għal kull tagħmir tal-ATM/ANS immanifatturat għandu jkun fiha mill-inqas l-informazzjoni li ġejja:

(a)

il-koordinazzjoni sodisfaċenti, bl-arranġamenti xierqa, bejn l-attivitajiet tad-disinn u tal-produzzjoni, kif xieraq;

(b)

il-koordinazzjoni sodisfaċenti mal-fornituri tal-ATM/ANS u mal-impriża/impriżi tal-avjazzjoni rilevanti, u l-appoġġ xieraq għalihom, fir-rigward tal-adegwatezza kontinwa tat-tagħmir tal-ATM/ANS, kif applikabbli.

(a)

tipproponi azzjoni korrettiva xierqa u tippreżentaha flimkien mad-dettalji lill-Aġenzija biex tiġi approvata;

(b)

wara l-approvazzjoni mill-Aġenzija tal-proposta msemmija fil-punt (a), tagħmel disponibbli għall-utenti jew għas-sidien magħrufa kollha tat-tagħmir tal-ATM/ANS id-data deskrittiva xierqa u l-istruzzjonijiet ta’ eżekuzzjoni u, fuq talba, lil kwalunkwe persuna li jeħtieġ li tikkonforma mad-Direttiva dwar it-tagħmir tal-ATM/ANS.