|
12.9.2023 |
MT |
Il-Ġurnal Uffiċjali tal-Unjoni Ewropea |
L 224/1 |
REGOLAMENT TAL-KUMMISSJONI (UE) 2023/1753
tal-11 ta’ Settembru 2023
li jemenda l-Annessi II u III tar-Regolament (KE) Nru 396/2005 tal-Parlament Ewropew u tal-Kunsill fir-rigward tal-livelli massimi ta’ residwu għall-piriprossifen f’ċerti prodotti jew fuqhom
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 396/2005 tal-Parlament Ewropew u tal-Kunsill tat-23 ta’ Frar 2005 dwar il-livelli massimi ta’ residwu ta’ pestiċidi fi jew fuq ikel u għalf li joriġina minn pjanti u annimali u jemenda d-Direttiva tal-Kunsill 91/414/KEE (1), u b’mod partikolari l-Artikolu 14(1)(a) u l-Artikolu 49(2) tiegħu,
Billi:
|
(1) |
Il-livelli massimi ta’ residwi (MRL) għall-piriprossifen ġew stabbiliti fil-Parti A tal-Anness III tar-Regolament (KE) Nru 396/2005. |
|
(2) |
F’konformità mal-Artikolu 12(1) tar-Regolament (KE) Nru 396/2005, l-Awtorità Ewropea dwar is-Sigurtà fl-Ikel (“l-Awtorità”) issottomettiet opinjoni motivata dwar ir-rieżami tal-MRLs eżistenti għall-piriprossifen (2). L-Awtorità rrakkomandat li l-MRLs eżistenti għall-piriprossifen fil-muskoli, ix-xaħam, il-fwied u l-kliewi tal-ħnieżer/bovini/mogħoż/żwiemel, kif ukoll fil-ħalib tal-baqar/taż-żwiemel, jitbaxxew għal-limitu ta’ determinazzjoni (“LOD”) f’konformità mal-prinċipju li l-MRLs jiġu stabbiliti f’livelli baxxi kemm jista’ jkun raġonevolment possibbli u abbażi ta’ biżżejjed data ta’ appoġġ għall-prattiki agrikoli tajbin attwali (“GAPs”). Billi ma hemm l-ebda riskju għall-konsumaturi, jixraq li l-MRL għall-piriprossifen f’dawn il-prodotti jiġi stabbilit fl-Anness II tar-Regolament (KE) Nru 396/2005 fil-livell identifikat mill-Awtorità. |
|
(3) |
L-Awtorità kkonkludiet ukoll li l-MRLs għall-piriprossifen fuq il-lewż, il-qastan, il-ġellewż, il-ġewż Amerikan, il-pistaċċi, il-ġewż, il-qlub tal-ġewż tal-arżnu, il-frott taż-żerriegħa, l-għeneb, iż-żebbuġ tal-mejda, il-kaki, l-ananas, it-tadam, il-bżar ħelu, il-brunġiel, il-kukurbiti bil-qoxra li tittiekel u d-dulliegħ jenħtieġ li jitnaqqsu f’konformità mal-prinċipju li jiġu stabbiliti MRLs f’livelli baxxi kemm jista’ jkun raġonevolment possibbli u abbażi tal-GAPs u tal-limiti massimi tar-residwi tal-Codex (“CXLs”) attwali, li huma kkonfermati bħala sikuri għall-konsumaturi (3). Ikkonkludiet ukoll li l-MRLs għall-piriprossifen fuq il-berquq, il-ħawħ, l-għanbaqar, il-frawli, il-mango, il-papaja, il-bettieħ, iż-żerriegħa tal-qoton u t-te jenħtieġ li jinżammu abbażi tal-GAPs u s-CXLs attwali, li huma kkonfermati bħala sikuri għall-konsumaturi3 (4). Barra minn hekk, l-Awtorità kkonkludiet li l-MRLs għall-piriprossifen fuq il-frott taċ-ċitru, iċ-ċirasa u l-kumquats jenħtieġ li jiżdiedu abbażi tal-GAPs u tas-CXLs attwali, li huma kkonfermati bħala sikuri għall-konsumaturi. Billi l-Awtorità kkonfermat f’opinjoni motivata preċedenti (5) li l-MRL għall-piriprossifen fuq il-banana huwa sikur għall-konsumaturi, dak l-MRL jista’ jinżamm. Madankollu, billi xi informazzjoni ma kinitx disponibbli, kienet meħtieġa aktar konsiderazzjoni mill-maniġers tar-riskju. Għalhekk, filwaqt li l-MRLs għal-lewż, il-qastan, il-ġellewż, il-ġewż Amerikan, il-pistaċċi, il-ġewż, il-qlub tal-ġewż tal-arżnu, il-frott taż-żerriegħa, l-għeneb, iż-żebbuġ tal-mejda, il-kaki, l-ananas, it-tadam, il-bżar ħelu, il-brunġiel, il-kukurbiti bil-qoxra li tittiekel, id-dulliegħ, il-berquq, il-ħawħ, l-għanbaqar, il-frawli, il-papaja, il-bettieħ, iż-żerriegħa tal-qoton, it-te, il-frott taċ-ċitru, iċ-ċirasa, il-kumquats u l-banana jitqiesu sikuri, dawn se jiġu rieżaminati. Ir-rieżami se jqis l-informazzjoni disponibbli fi żmien sentejn mill-pubblikazzjoni ta’ dan ir-Regolament. Billi ma hemm l-ebda riskju għall-konsumaturi, jixraq li l-MRLs għall-piriprossifen f’dawk il-prodotti fl-Anness II tar-Regolament (KE) Nru 396/2005 jiġi stabbilit fil-livelli identifikati mill-Awtorità. |
|
(4) |
Billi l-Awtorità identifikat li ma kien hemm l-ebda prova tar-residwi disponibbli biex jinkisbu l-valuri tal-MRL għall-piriprossifen fuq il-macadamia, l-avokado, ir-rummien, iċ-ċerimoja, il-patata, il-patata ħelwa u l-jammijiet, ħxejjex oħra tal-għeruq u tat-tuberi għajr il-pitravi taz-zokkor, il-ħxejjex tal-basla, bamja, il-qara’ aħmar, il-ħxejjex tal-brassika (minbarra l-għeruq tal-brassika u l-għelejjel tal-weraq żgħar tal-brassika), ħass u pjanti tal-insalata, spinaċi u weraq simili, watercresses, witloofs/indivja Belġjana, ħxejjex aromatiċi u fjuri li jittieklu, ħxejjex tal-legumi, ħxejjex biz-zokk, fażola (niexfa), u fażola tas-sojja, kienet meħtieġa aktar konsiderazzjoni mill-maniġers tar-riskju. Fin-nuqqas ta’ provi bħal dawn, li huma meħtieġa biex jinkiseb valur tal-MRL, il-Kummissjoni tqis li jixraq li l-MRLs għal dawk il-prodotti jiġu stabbiliti fl-LODs speċifiċi għall-prodott stabbiliti fl-Anness II tar-Regolament (KE) Nru 396/2005. |
|
(5) |
Il-Kummissjoni kkonsultat mal-laboratorji ta’ referenza tal-Unjoni Ewropea dwar ir-residwi tal-pestiċidi rigward il-ħtieġa li jiġu adattati ċerti LODs. Għall-piriprossifen, dawk il-laboratorji pproponew LODs speċifiċi għall-prodotti li jistgħu jinkisbu b’mod analitiku. |
|
(6) |
Is-sħab kummerċjali tal-Unjoni ġew ikkonsultati dwar l-MRLs il-ġodda permezz tal-Organizzazzjoni Dinjija tal-Kummerċ, u tqiesu l-kummenti tagħhom. |
|
(7) |
Għalhekk, ir-Regolament (KE) Nru 396/2005 jenħtieġ li jiġi emendat skont dan. |
|
(8) |
Biex ikun hemm lok għall-kummerċjalizzazzjoni, l-ipproċessar u l-konsum normali tal-prodotti, dan ir-Regolament jenħtieġ li ma japplikax għall-prodotti li ġew prodotti fl-Unjoni jew li ġew importati fl-Unjoni qabel ma bdew japplikaw l-MRLs il-ġodda u li għalihom inżamm livell għoli ta’ protezzjoni tal-konsumatur. Dan huwa l-każ għall-prodotti kollha. |
|
(9) |
Jenħtieġ li jitħalla jgħaddi perjodu raġonevoli ta’ żmien qabel ma jibdew japplikaw l-MRLs il-ġodda, sabiex l-Istati Membri, il-pajjiżi terzi u l-operaturi tan-negozji tal-ikel jingħataw biżżejjed żmien biex jadattaw ruħhom għar-rekwiżiti li jirriżultaw mill-modifika tal-MRLs. |
|
(10) |
Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
L-Annessi II u III tar-Regolament (KE) Nru 396/2005 huma emendati f’konformità mal-Anness ta’ dan ir-Regolament.
Artikolu 2
Ir-Regolament (KE) Nru 396/2005 kif kien qabel ma ġie emendat b’dan ir-Regolament għandu jibqa’ japplika għall-prodotti li ġew immanifatturati fl-Unjoni jew li ġew importati fl-Unjoni qabel it-2 ta’ April 2024.
Artikolu 3
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mit-2 ta’ April 2024.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-11 ta’ Settembru 2023.
Għall-Kummissjoni
Il-President
Ursula VON DER LEYEN
(2) L-Awtorità Ewropea dwar is-Sigurtà fl-Ikel; Reasoned opinion on the review of the existing maximum residue levels for pyriproxyfen according to Article 12 of Regulation (KE) Nru 396/2005; EFSA Journal 2022;20(11):7617.
(3) L-Awtorità Ewropea dwar is-Sigurtà fl-Ikel; Scientific support for preparing an EU position in the 51st Session of the Codex Committee on Pesticide Residues (CCPR); EFSA Journal 2019;17(7):5797.
(4) L-Awtorità Ewropea dwar is-Sigurtà fl-Ikel; Scientific support for preparing an EU position for the 52nd Session of the Codex Committee on Pesticide Residues (CCPR); EFSA Journal 2021;19(8):6766.
(5) L-Awtorità Ewropea dwar is-Sigurtà fl-Ikel; Reasoned Opinion on the modification of the existing maximum residue level for pyriproxyfen in bananas; EFSA Journal 2016;14(2):4387.
ANNESS
L-Annessi II u III tar-Regolament (KE) Nru 396/2005 huma emendati kif ġej:
|
(1) |
fl-Anness II, tiżdied il-kolonna li ġejja għall-piriprossifen: “Anness II Ir-residwi tal-pestiċidi u l-livelli massimi tar-residwi (mg/kg)
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
(2) |
fil-Parti A tal-Anness III, titħassar il-kolonna għall-piriprossifen. |
(*1) Jindika l-limitu minimu ta’ determinazzjoni analitika
(1) Għal-lista sħiħa tal-prodotti ta’ oriġini mill-pjanti u l-annimali li għalihom japplikaw l-MRLs, għandha ssir referenza għall-Anness I.