(1)

F’konformità mal-proċedura prevista fl-Artikolu 24(7) tar-Regolament (UE) 2018/848, l-Istati Membri ppreżentaw dossiers dwar ċerti sustanzi lill-Istati Membri l-oħra u lill-Kummissjoni, fid-dawl tal-awtorizzazzjoni u l-inklużjoni tagħhom fl-Annessi I, II, III u V tar-Regolament ta’ Implimentazzjoni tal-Kummissjoni (UE) 2021/1165 (2). Dawk id-dossiers ġew eżaminati mill-Grupp ta’ Esperti għall-Parir Tekniku dwar il-Produzzjoni Organika (EGTOP) u mill-Kummissjoni.

(2)

Fir-rakkomandazzjonijiet tiegħu fir-rigward tas-sustanzi attivi li jinsabu fil-prodotti għall-protezzjoni tal-pjanti, (3) l-EGTOP irrakkomanda li mas-sustanzi bażiċi permessi fil-produzzjoni organika jiżdied l-użu tas-sustanza Talk E553b. L-EGTOP irrakkomanda wkoll li mas-sustanzi attivi b’riskju baxx użati fil-biedja organika jiżdiedu dawn li ġejjin: (i) ABE-IT 56, sakemm la jinkiseb minn razez ta’ OĠM u lanqas bl-użu ta’ materjal tat-tkabbir ta’ oriġini OĠM; (ii) “pirofosfat ferriku” u (iii) “estratt milwiem miż-żrieragħ imġelbna tal-Lupinus albus ħelu”. Għalhekk, jenħtieġ li jiġi awtorizzat l-użu ta’ dawk is-sustanzi.

(3)

L-EGTOP irrakkomanda wkoll li d-deltametrina f’nases b’sustanzi speċifiċi li jattiraw jenħtieġ li titħalla tintuża kontra r-Rhagoletis completa. Għalhekk, jenħtieġ li jiġi awtorizzat dan l-użu tad-deltametrina skont il-kondizzjonijiet u l-limiti speċifiċi tiegħu.

(4)

Abbażi tar-rakkomandazzjonijiet mill-EGTOP fir-rigward ta’ fertilizzanti, kundizzjonaturi tal-ħamrija u nutrijenti(3), jenħtieġ li jiġi awtorizzat l-użu tas-sustanzi li ġejjin: (i) struvit irkuprat u mluħa tal-fosfat preċipitati, dment li jissodisfaw ir-rekwiżiti stabbiliti fir-Regolament (UE) 2019/1009 tal-Parlament Ewropew u tal-Kunsill (4) u li d-demel tal-annimali bħala materjal sors ma jistax joriġina mill-agrikoltura industrijali; (ii) klorur tal-potassju (murjat tal-putassa) ta’ oriġini naturali; u (iii) nitrat tas-sodju użat għall-produzzjoni tal-algi fuq l-art f’sistemi magħluqa.

(5)

Abbażi tar-rakkomandazzjonijiet mill-EGTOP fir-rigward tal-għalf (5), jenħtieġ li jiġi awtorizzat l-użu tas-sustanzi li ġejjin: (i) fosfat tal-monodikalċju użat bħala materjal tal-għalf ta’ oriġini minerali; (ii) ħmira u prodotti tal-ħmira awtorizzati kollha użati bħala materjali tal-għalf, u kif ukoll dawk miksuba minn Saccharomyces cerevisiae jew Saccharomyces carlsbergensis; (iii) gomma tal-ksantan użata bħala addittiv tal-għalf teknoloġiku fil-grupp funzjonali “emulsifikanti, stabilizzaturi, aġenti tat-tħaxxin u aġenti ġelifikanti”; (iv) illit-montmorillonit-kawlinit u tafal sepjolitiku użati bħala addittivi tal-għalf teknoloġiċi fi ħdan il-grupp funzjonali “leganti u antiagglomeranti”; u (v) bentonit użat bħala addittiv tal-għalf teknoloġiku fi ħdan grupp funzjonali ġdid “sustanzi għat-tnaqqis tal-kontaminazzjoni tal-għalf permezz tal-mikotossini”.

(6)

Abbażi ta’ rakkomandazzjoni ulterjuri mill-EGTOP fir-rigward tal-għalf (6), l-anidru tal-betaina bħalissa huwa awtorizzat biss għall-annimali monogastriċi fir-Regolament ta’ Implimentazzjoni (UE) 2021/1165. Madankollu, ir-rakkomandazzjoni mill-EGTOP kienet ibbażata fuq fajl għall-anidru tal-betaina użat bħala addittiv nutrittiv għall-pollam, ħnieżer u ħut. Għalhekk, jenħtieġ li l-awtorizzazzjoni tal-anidru tal-betaina tingħata wkoll għall-għalf tal-ħut.

(7)

Abbażi ta’ rakkomandazzjoni mill-EGTOP fir-rigward tal-ikel għall-annimali domestiċi(5), jenħtieġ li jiġi awtorizzat l-użu tas-sustanzi li ġejjin: (i) trifosfat tal-pentasodju (STPP) u diidroġenu difosfat tad-disodju (SAPP) użati bħala materjal tal-għalf ta’ oriġini minerali; (ii) karraġenina; (iii) gomma tal-ħarrub, sakemm il-gomma tal-ħarrub tinkiseb permezz ta’ proċess tal-inkaljar (iv) akaċja (gomma arabika), użata bħala aġent ġelifikant u u/jew emulsjonant; (v) tawrina użata bħala addittiv nutrittiv għall-qtates u l-klieb; u (vi) klorur tal-ammonju użat bħala addittiv żootekniku għall-qtates.

(8)

Abbażi ta’ rakkomandazzjoni mill-EGTOP fir-rigward tal-ikel(5), jenħtieġ li jiġi awtorizzat l-użu tas-sustanzi li ġejjin: (i) diossidu tas-siliċju użat bħala aġent antiagglomerant għat-trab tal-kawkaw f’magni distributuri awtomatiċi tax-xarbiet; u (ii) estratt tar-rożin tal-arżnu u l-estratt tal-ħops bħala antimikrobiċi fil-produzzjoni tal-ikel li joriġina mill-pjanti.

(9)

Ir-Regolament (UE) 2021/1165 jipprevedi li l-gomma gellan hija awtorizzata mill-1 ta’ Jannar 2023 biss jekk tkun ġejja minn produzzjoni organika. Madankollu, ma hemm l-ebda kwantità suffiċjenti ta’ gomma tal-gellan mill-produzzjoni organika disponibbli. Sabiex l-operaturi jkunu jistgħu jkomplu l-produzzjoni tal-ikel tagħhom, jenħtieġ li l-applikazzjoni ta’ dak ir-rekwiżit tiġi posposta.

(10)

Il-gomma tal-gwar E 412 hija elenkata fil-Parti B tal-Anness III tar-Regolament ta’ Implimentazzjoni (UE) 2021/1165 bħala legant u antiagglomerant fl-addittivi teknoloġiċi. Madankollu, fir-Reġistru tal-Unjoni Ewropea tal-addittivi tal-għalf, hija elenkata taħt aġenti emulsifikanti u stabbilizzanti, sustanzi li jħaxxnu u ġelifikanti. Dak l-iżball jeħtieġ li jiġi kkoreġut.

(11)

It-talk E 553b ġie awtorizzat bħala addittiv tal-ikel fl-oġġetti tal-ikel li joriġinaw mill-pjanti mir-Regolament tal-Kummissjoni (KE) Nru 889/2008 (7). Dan l-użu ma kienx inkluż fl-Anness V tar-Regolament ta’ Implimentazzjoni (UE) 2021/1165. Dak l-iżball jeħtieġ li jiġi kkoreġut.

(12)

Għalhekk, jenħtieġ li r-Regolament ta’ Implimentazzjoni (UE) 2021/1165 jiġi emendat u kkoreġut skont dan.

(13)

L-inklużjoni tat-talk E 553b bħala addittiv tal-ikel kienet limitata bi żball u xi operaturi organiċi setgħu komplew jużawh bħala addittiv tal-ikel f’oġġetti tal-ikel li joriġinaw mill-pjanti. Għalhekk, jenħtieġ li dak l-iżball jiġi kkoreġut b’mod retroattiv mid-data tad-dħul fis-seħħ tar-Regolament ta’ Implimentazzjoni (UE) 2021/1165.

(14)

Il-miżuri previsti f’dan ir-Regolament huma skont l-opinjoni tal-Kumitat għall-Produzzjoni Organika,

(1)

L-Anness I huwa emendat f’konformità mal-Anness I ta’ dan ir-Regolament;

(2)

L-Anness II huwa emendat f’konformità mal-Anness II ta’ dan ir-Regolament;

(3)

l-Anness III huwa emendat f’konformità mal-Anness III ta’ dan ir-Regolament;

(4)

l-Anness V huwa emendat f’konformità mal-Anness IV ta’ dan ir-Regolament.

(1)

il-punt (1) (Addittivi teknoloġiċi) tal-Parti B tal-Anness III huwa kkoreġut kif ġej:

(2)

fit-Taqsima A1 (Addittivi tal-ikel, inklużi trasportaturi) tal-Parti A fl-Anness V, l-entrata għal “E 553b Talk” hija sostitwita b’dan li ġej: