1.   Fil-qafas u fil-limiti tad-dispożizzjonijiet imniżżla f’din id-Deċiżjoni u tal-istandards internazzjonali li jirregolaw il-kunfidenzjalità tal-informazzjoni dwar l-awditjar, kwalunkwe ċittadin tal-Unjoni, u kwalunkwe persuna oħra fiżika jew ġuridika li tirrisjedi jew li għandha l-uffiċċju ta’ reġistrazzjoni tagħha ġewwa Stat Membru, għandha dritt ta’ aċċess għad-dokumenti tal-QEA.

2.   Suġġetta għall-istess prinċipji, kundizzjonijiet u limiti, il-QEA tista’ tagħti aċċess għal dokumenti lil kwalunkwe persuna fiżika jew ġuridika li ma tirrisjedix jew li ma għandiex l-uffiċċju ta’ reġistrazzjoni tagħha ġewwa Stat Membru.

3.   Din id-Deċiżjoni hija mingħajr preġudizzju għal drittijiet ta’ aċċess pubbliku għad-dokumenti miżmuma mill-QEA li jistgħu joħorġu minn strumenti tad-dritt internazzjonali jew minn atti li jimplimentawhom.

1.   Il-QEA għandha tirrifjuta l-aċċess għal dokument meta l-għoti ta’ informazzjoni jdgħajjef il-protezzjoni ta’:

2.   F’konformità mar-regoli dwar il-kunfidenzjalità stabbiliti fl-Artikoli 258(1) u 259(1) tar-Regolament tal-Kunsill (UE, Euratom) 2018/1046, u fid-dispożizzjonijiet korrispondenti fi strumenti oħrajn tad-dritt tal-UE, il-QEA għandha tirrifjuta l-aċċess għall-osservazzjonijiet preliminari tal-awditjar tagħha. Hija tista’ wkoll tirrifjuta l-aċċess għal dokumenti użati fil-preparazzjoni ta’ dawn l-osservazzjonijiet.

3.   Il-QEA għandha tirrifjuta l-aċċess għal dokument meta l-għoti ta’ informazzjoni jdgħajjef il-protezzjoni ta’:

4.   L-aċċess għad-dokumenti li ġejjin għandu jiġi rrifjutat jekk id-divulgazzjoni tagħhom iddgħajjef serjament it-teħid ta’ deċiżjonijiet min-naħa tal-QEA:

5.   Minkejja l-eċċezzjonijiet li jinsabu fil-paragrafi 2, 3 u 4, il-QEA għandha tiddeċiedi li tippermetti l-aċċess għal dokument, totalment jew parzjalment, meta jkun hemm interess pubbliku li jipprevali fid-divulgazzjoni tiegħu.

6.   L-interess pubbliku li jipprevali użat biex jiġġustifika d-divulgazzjoni jrid ikun sew objettiv u sew ġenerali fin-natura tiegħu. Il-persuna li tallega l-eżistenza ta’ interess pubbliku li jipprevali għandha tiddikjara liema ċirkustanzi speċifiċi jiġġustifikaw id-divulgazzjoni tad-dokumenti kkonċernati.

7.   Jekk partijiet biss tad-dokument mitlub ikunu koperti minn kwalunkwe eċċezzjoni f’dan l-Artikolu, il-partijiet l-oħra tad-dokument għandhom jiġu rilaxxati. L-aċċess parzjali jista’ jinvolvi, pereżempju, il-minimizzazzjoni tad-data (l-anonimizzazzjoni jew il-psewdonimizzazzjoni tal-kontenut), it-tiswid jew it-tħassir ta’ xi kontenut jew it-tneħħija ta’ paġna waħda jew aktar tad-dokument.

8.   L-eċċezzjonijiet f’dan l-Artikolu għandhom japplikaw mingħajr preġudizzju għad-dispożizzjonijiet dwar l-aċċess pubbliku għall-arkivji storiċi tal-Komunità Ekonomika Ewropea u tal-Komunità Ewropea tal-Enerġija Atomika stabbiliti fir-Regolament tal-Kunsill (KEE, Euratom) Nru 354/83 (7), kif emendat ulterjorment.

9.   Dan l-Artikolu għandu japplika mingħajr preġudizzju għad-dispożizzjonijiet tal-Artikolu 5.

1.   Meta applikazzjoni għall-aċċess għal dokumenti tkun tikkonċerna dokument miżmum mill-QEA iżda li hija ma tkunx l-awtriċi tiegħu, il-QEA għandha tikkonferma li rċeviet l-applikazzjoni u tagħti l-isem tal-persuna, l-istituzzjoni jew il-korp li lilhom għandha tiġi indirizzata l-applikazzjoni.

2.   Meta dokument ikun inħoloq b’mod konġunt ma’ parti terza oħra, il-QEA għandha tikkonsulta lill-parti terza qabel ma tieħu deċiżjoni.

1.   Dokumenti tal-QEA “sensittivi” jew “klassifikati tal-UE” huma dokumenti klassifikati bħala tali f’konformità mal-Politika tal-QEA dwar il-Klassifikazzjoni tal-Informazzjoni jew mad-Deċiżjoni Nru 41/2021, rispettivament.

2.   L-applikazzjonijiet għall-aċċess għal tali dokumenti għandhom jiġu ttrattati esklużivament mill-membri tal-persunal tal-QEA li għandhom dritt li jiffamiljarizzaw ruħhom ma’ dawn id-dokumenti. L-istess persuni għandhom ukoll jivvalutaw jekk tistax issir referenza għal dokumenti tal-QEA “sensittivi” jew “klassifikati tal-UE” meta jkunu qed iwieġbu applikazzjonijiet għall-aċċess għal dokumenti.

3.   L-aċċess għal dokumenti tal-QEA “sensittivi” jew “klassifikati tal-UE” jista’ jingħata biss wara li ssir deklassifikazzjoni. Jekk il-QEA tiddeċiedi li tirrifjuta li tagħti aċċess għal tali dokumenti, hija għandha tagħti raġunijiet għad-deċiżjoni tagħha b’mod li ma jagħmilx ħsara lill-interessi protetti fl-Artikolu 4.

1.   L-applikazzjonijiet għall-aċċess għal dokumenti jridu jsiru bil-miktub, preferibbilment permezz tal-formola ta’ kuntatt (8) disponibbli fuq is-sit web tal-QEA, f’waħda mil-lingwi uffiċjali tal-Unjoni. F’ċirkustanzi eċċezzjonali, l-applikazzjonijiet għall-aċċess għal dokumenti jistgħu jintbagħtu bil-posta.

2.   L-applikazzjonijiet għall-aċċess għal dokumenti jridu jkunu preċiżi biżżejjed u għandu jkollhom, b’mod partikolari, elementi li jippermettu l-identifikazzjoni tad-dokument(i) mitlub(a) u ta’ isem l-applikant u d-dettalji ta’ kuntatt tiegħu.

3.   L-applikanti ma għandhomx ikunu obbligati jagħtu raġunijiet għall-applikazzjoni tagħhom.

4.   Meta applikazzjoni ma tkunx suffiċjentement preċiża, jew jekk id-dokumenti mitluba ma jkunux jistgħu jiġu identifikati, il-QEA għandha titlob lill-applikant jikkjarifika l-applikazzjoni, u għandha tassisti lill-applikant huwa u jagħmel dan.

5.   Il-limiti ta’ żmien previsiti mill-Artikolu 8 ma għandhomx jibdew jgħoddu qabel mal-QEA tirċievi l-kjarifiki mitluba.

6.   Meta applikazzjoni tkun relatata ma’ dokument twil ħafna jew ma’ għadd kbir ħafna ta’ dokumenti, il-QEA tista’ tikkonsulta mal-applikant informalment, bl-iskop li tinstab soluzzjoni xierqa.

1.   L-applikazzjonijiet għall-aċċess għal dokumenti għandu jieħu ħsiebhom it-tim ECA-Info.

2.   L-applikanti għandhom jirċievu konferma tar-riċevuta mingħajr dewmien.

3.   Skont is-suġġett tal-applikazzjoni, it-tim ECA-Info għandu jikkonsulta mad-dipartiment ikkonċernat, u, fejn applikabbli, mal-Uffiċjal għall-Protezzjoni tad-Data u/jew mal-Uffiċjal għas-Sigurtà tal-Informazzjoni, bil-ħsieb li jiddeċiedi kif se jittratta l-applikazzjoni. L-awtorità li għandha s-setgħa li tiddeċiedi dwar ir-risposta li għandha tingħata lil applikazzjoni inizjali għall-aċċess għal dokument għandu jkun is-Segretarju Ġenerali, li jista’ jiddelega din is-setgħa.

4.   Fi żmien massimu ta’ xahar mir-reġistrazzjoni ta’ applikazzjoni, il-QEA għandha jew tagħti aċċess għad-dokument mitlub, kif deskritt fl-Artikolu 11, jew twieġeb bil-miktub, u tindika r-raġunijiet għar-rifjut totali jew parzjali, u tinforma lill-applikant bid-dritt tiegħu/tagħha li jitlob/titlob lill-QEA tikkunsidra l-pożizzjoni tagħha mill-ġdid kif deskritt fl-Artikolu 9.

5.   F’każ ta’ applikazzjoni li tkun relatata ma’ dokument twil ħafna jew ma’ għadd kbir ħafna ta’ dokumenti, jew li tirrikjedi konsultazzjonijiet interni jew il-konsultazzjoni ta’ partijiet terzi, il-limitu ta’ żmien indikat fil-paragrafu 4 jista’ jiġi estiż b’xahar, dment li l-applikant jiġi mgħarraf bil-quddiem u li jiġu mogħtija r-raġunijiet.

6.   F’każ li l-membri tal-persunal tal-QEA jirċievu personalment applikazzjoni għall-aċċess għal dokumenti, huma għandhom jgħadduha lit-tim ECA-Info mingħajr dewmien.

1.   F’każ ta’ rifjut totali jew parzjali, l-applikant jista’, fi żmien xahar mindu jirċievi r-risposta tal-QEA, jagħmel applikazzjoni konfermatorja lill-President tal-QEA, fejn jitlob lill-QEA tikkunsidra l-pożizzjoni tagħha mill-ġdid.

2.   In-nuqqas min-naħa tal-QEA li tagħti risposta fil-limiti ta’ żmien preskritti fl-Artikolu 8 għandu jagħti wkoll id-dritt lill-applikant sabiex jitlob ir-rikunsiderazzjoni.

3.   L-applikazzjonijiet konfermatorji għandhom ikunu suġġetti għall-istess rekwiżiti kif stabbiliti fl-Artikolu 7 għall-applikazzjonijiet inizjali.

1.   Malli jirċievi l-applikazzjoni konfermatorja, il-President tal-QEA għandu jikkonsulta mas-Servizz Legali u, skont is-suġġett tal-applikazzjoni, id-dipartiment ikkonċernat u, fejn applikabbli, mal-Uffiċjal għall-Protezzjoni tad-Data u/jew mal-Uffiċjal għas-Sigurtà tal-Informazzjoni.

2.   Fi żmien massimu ta’ xahar mir-reġistrazzjoni ta’ applikazzjoni konfermatorja, il-QEA għandha jew tagħti aċċess għad-dokument mitlub, kif deskritt fl-Artikolu 11, jew twieġeb bil-miktub, u tindika r-raġunijiet għar-rifjut totali jew parzjali.

3.   F’każ ta’ rifjut totali jew parzjali, il-QEA għandha tinforma lill-applikant bir-rimedji li huma disponibbli għalih jew għaliha, jiġifieri li jistitwixxi proċedimenti fil-qorti kontra l-QEA u/jew iressaq ilment quddiem l-Ombudsman, taħt l-Artikoli 263 u 228 tat-TFUE, rispettivament.

4.   F’każijiet eċċezzjonali, pereżempju, meta l-applikazzjoni tkun relatata ma’ dokument twil ħafna jew ma’ għadd kbir ħafna ta’ dokumenti, jew tirrikjedi konsultazzjonijiet interni jew il-konsultazzjoni ta’ partijiet terzi, il-limitu ta’ żmien indikat fil-paragrafu 2 jista’ jiġi estiż b’xahar, dment li l-applikant jiġi mgħarraf bil-quddiem u li jiġu mogħtija r-raġunijiet.

5.   In-nuqqas min-naħa tal-QEA li tagħti risposta fil-limitu taż-żmien preskritt hawn fuq għandu jiġi kkunsidrat bħala risposta negattiva u jagħti d-dritt lill-applikant sabiex jirrikorri għar-rimedji li hemm referenza għalihom fil-paragrafu 3.

1.   Id-dokumenti għandhom jiġu mogħtija f’verżjoni u f’format li diġà jeżistu (preferibbilment elettronikament bl-użu ta’ mezzi approvati mill-QEA biex tiġi ggarantita s-sigurtà tal-informazzjoni), b’kunsiderazzjoni għall-preferenza tal-applikant. Il-QEA mhijiex obbligata li toħloq dokument ġdid jew li tiġbor informazzjoni għall-applikant.

2.   Jekk id-dokumenti jkunu voluminużi jew diffiċli biex jiġu ttrattati, l-applikant jista’ jiġi mistieden jikkonsultahom fuq il-post f’data u f’ħin miftiehma mal-QEA.

3.   L-applikant jista’ jintalab iħallas il-kost involut biex isiru u jintbagħtu l-kopji, iżda dan ma għandux jeċċedi l-kostijiet li jkunu fil-fatt iġġarrbu. Konsultazzjoni fuq il-post, kopji ta’ inqas minn 20 paġna A4 u aċċess dirett f’forma elettronika għandhom ikunu bla ħlas.

4.   Jekk dokument ikun pubblikament aċċessibbli, il-QEA tista’ tissodisfa l-obbligazzjoni tagħha li tagħti l-aċċess billi tinforma lill-applikant dwar kif dan jista’ jiksbu.

1.   Dokumenti rilaxxati skont din id-Deċiżjoni ma jistgħux jiġu riprodotti jew użati għal fini kummerċjali mingħajr l-awtorizzazzjoni minn qabel u bil-miktub tal-QEA.

2.   Din id-Deċiżjoni ma għandha tippreġudika l-ebda regola dwar id-drittijiet tal-awtur li jistgħu jillimitaw id-dritt ta’ terza parti li tirripproduċi jew tisfrutta dokumenti rilaxxati, jew id-Deċiżjoni Nru 6-2019.

1.   Biex id-drittijiet taċ-ċittadini skont din id-Deċiżjoni jkunu effettivi, is-sit web tal-QEA jinkludi portal dwar it-trasparenza.

2.   Id-dokumenti li ssir referenza għalihom fil-portal dwar it-trasparenza, kull fejn ikun possibbli, għandhom ikunu aċċessibbli direttament permezz ta’ iperlinks.

1.   Id-Deċiżjoni Nru 12-2005 tal-Qorti tal-Awdituri tal-10 ta’ Marzu 2005 hija mħassra.

2.   Din id-Deċiżjoni għandha tiġi ppubblikata f’Il-Ġurnal Uffiċjali tal-Unjoni Ewropea.

3.   Hija għandha tidħol fis-seħħ fil-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea.