(1)

Fid-9 ta’ Diċembru 2020, Pioneer Overseas Corporation, ibbażata fil-Belġju, ressqet applikazzjoni f’isem il-kumpanija Pioneer Hi-Bred International, Inc., ibbażata fl-Istati Uniti, lill-awtorità kompetenti nazzjonali tan-Netherlands (“l-applikazzjoni”) għat-tqegħid fis-suq ta’ ikel, ta’ ingredjenti tal-ikel u ta’ għalf li fihom il-qamħirrum modifikat ġenetikament DP4114 x MON89034 x MON87411 x DAS-40278-9, li jikkonsistu minnu, jew li huma prodotti minnu f’konformità mal-Artikoli 5 u 17 tar-Regolament (KE) Nru 1829/2003. L-applikazzjoni kienet tkopri wkoll it-tqegħid fis-suq ta’ prodotti li fihom jew li jikkonsistu mill-qamħirrum ġenetikament modifikat DP4114 x MON89034 x MON87411 x DAS-40278-9, għal użi għajr għall-ikel u għall-għalf, bl-eċċezzjoni tal-kultivazzjoni.

(2)

Barra minn hekk, l-applikazzjoni kienet tkopri t-tqegħid fis-suq ta’ prodotti li fihom 10 subkombinazzjonijiet ta’ eventi ta’ trasformazzjoni uniċi li jikkostitwixxu l-qamħirrum ġenetikament modifikat DP4114 x MON89034 x MON87411 x DAS-40278-9, li jikkonsistu minnhom jew li huma prodotti minnhom. Żewġ subkombinazzjonijiet inklużi fl-applikazzjoni, MON 89034 x MON 87411 u MON 89034 x DAS-40278-9, diġà ġew awtorizzati mid-Deċiżjonijiet ta’ Implimentazzjoni tal-Kummissjoni (UE) 2021/65 (2) u (UE) 2019/2086 (3) rispettivament.

(3)

Din id-Deċiżjoni tkopri l-qamħirrum DP4114 x MON89034 x MON87411 x DAS-40278-9 u s-subkombinazzjonijiet kollha mhux awtorizzati tal-avvenimenti uniċi ta’ trasformazzjoni li jikkostitwixxu dan il-qamħirrum: DAS-40278-9 x DP4114 x MON 87411, MON 89034 x DP4114 x MON 87411, MON 89034 x DAS-40278-9 x MON 87411, MON 89034 x DAS-40278-9 x DP4114, DP4114 x MON 87411, DAS-40278-9 x MON 87411, DAS-40278-9 x DP4114, MON 89034 x DP4114.

(4)

F’konformità mal-Artikolu 5(5) u l-Artikolu 17(5) tar-Regolament (KE) Nru 1829/2003, l-applikazzjoni kienet tinkludi l-informazzjoni u l-konklużjonijiet dwar il-valutazzjoni tar-riskju mwettqa f’konformità mal-prinċipji stabbiliti fl-Anness II tad-Direttiva 2001/18/KE tal-Parlament Ewropew u tal-Kunsill (4). Kienet tinkludi wkoll l-informazzjoni meħtieġa skont l-Annessi III u IV ta’ dik id-Direttiva u pjan ta’ monitoraġġ għall-effetti ambjentali f’konformità mal-Anness VII ta’ dik id-Direttiva.

(5)

Fid-9 ta’ Novembru 2022, l-Awtorità Ewropea dwar is-Sigurtà fl-Ikel (“l-Awtorità”) ħarġet opinjoni xjentifika favorevoli (5) f’konformità mal-Artikoli 6 u 18 tar-Regolament (KE) Nru 1829/2003. L-Awtorità kkonkludiet li l-qamħirrum ġenetikament modifikat DP4114 x MON89034 x MON87411 x DAS-40278-9 u s-subkombinazzjonijiet tiegħu, kif deskritt fl-applikazzjoni, huma sikuri daqs il-kontraparti konvenzjonali tagħhom u daqs il-varjetajiet ta’ referenza ta’ qamħirrum mhux modifikati ġenetikament li ġew ittestjati, f’dak li għandu x’jaqsam mal-effetti potenzjali fuq saħħet il-bniedem, saħħet l-annimali u l-ambjent. L-Awtorità kkonkludiet ukoll li l-konsum tal-qamħirrum ġenetikament modifikat DP4114 x MON89034 x MON87411 x DAS-40278-9 u s-subkombinazzjonijiet tiegħu ma jirrappreżenta l-ebda tħassib nutrizzjonali.

(6)

Fl-opinjoni tagħha, l-Awtorità qieset il-mistoqsijiet u l-preokkupazzjonijiet kollha mressqa mill-Istati Membri fil-kuntest tal-konsultazzjoni mal-awtoritajiet nazzjonali kompetenti kif previst fl-Artikolu 6(4) u fl-Artikolu 18(4) tar-Regolament (KE) Nru 1829/2003.

(7)

L-Awtorità kkonkludiet ukoll li l-pjan ta’ monitoraġġ għall-effetti ambjentali li ressaq l-applikant, li jikkonsisti minn pjan ta’ sorveljanza ġenerali, jaqbel mal-użi maħsuba tal-prodotti.

(8)

Filwaqt li jitqiesu dawk il-konklużjonijiet, jenħtieġ li jiġi awtorizzat it-tqegħid fis-suq għall-użi elenkati fl-applikazzjoni ta’ prodotti li fihom il-qamħirrum modifikat ġenetikament DP4114 x MON89034 x MON87411 x DAS-40278-9 u s-subkombinazzjonijiet DAS-40278-9 x DP4114 x MON 87411, MON 89034 x DP4114 x MON 87411, MON 89034 x DAS-40278-9 x MON 87411, MON 89034 x DAS-40278-9 x DP4114, DP4114 x MON 87411, DAS-40278-9 x MON 87411, DAS-40278-9 x DP4114, MON 89034 x DP4114, li jikkonsistu minnhom jew li huma prodotti minnhom.

(9)

Permezz ta’ ittra bid-data tal-24 ta’ Jannar 2022, Pioneer Hi-Bred International, Inc. talbet li l-Kummissjoni tittrasferixxi d-drittijiet u l-obbligi ta’ Pioneer Hi-Bred International, Inc. li jikkonċernaw l-applikazzjonijiet pendenti kollha għall-prodotti modifikati ġenetikament, lil Corteva Agriscience LLC, bbażata fl-Istati Uniti. Corteva Agriscience LLC ikkonfermat li kienet taqbel mal-bidla fid-detentur tal-awtorizzazzjoni proposta minn Pioneer Hi-Bred International, Inc.. Corteva Agriscience LLC hija rrappreżentata fl-Unjoni minn Agriscience Belgium B.V., ibbażata fil-Belġju.

(10)

Jenħtieġ li jiġi assenjat identifikatur uniku għall-qamħirrum modifikat ġenetikament DP4114 x MON89034 x MON87411 x DAS-40278-9 u lil kull waħda mis-subkombinazzjonijiet tiegħu DAS-40278-9 x DP4114 x MON 87411, MON 89034 x DP4114 x MON 87411, MON 89034 x DAS-40278-9 x MON 87411, MON 89034 x DAS-40278-9 x DP4114, DP4114 x MON 87411, DAS-40278-9 x MON 87411, DAS-40278-9 x DP4114, MON 89034 x DP4114, f’konformità mar-Regolament tal-Kummissjoni (KE) Nru 65/2004 (6).

(11)

Ma jidhirx li huma meħtieġa xi rekwiżiti speċifiċi għat-tikkettar tal-prodotti koperti b’din id-Deċiżjoni, għajr dawk previsti fl-Artikolu 13(1) u fl-Artikolu 25(2) tar-Regolament (KE) Nru 1829/2003 u fl-Artikolu 4(6) tar-Regolament (KE) Nru 1830/2003 tal-Parlament Ewropew u tal-Kunsill (7). Madankollu, sabiex jiġi żgurat li l-użu ta’ dawk il-prodotti jibqa’ fil-limiti tal-awtorizzazzjoni mogħtija b’din id-Deċiżjoni, jenħtieġ li t-tikkettar ta’ dawn il-prodotti, bl-eċċezzjoni ta’ dak tal-ikel u tal-ingredjenti tal-ikel, jindika b’mod ċar li mhumiex maħsuba għall-kultivazzjoni.

(12)

Jenħtieġ li d-detentur tal-awtorizzazzjoni jressaq rapporti annwali dwar l-implimentazzjoni u dwar ir-riżultati tal-attivitajiet stabbiliti fil-pjan ta’ monitoraġġ għall-effetti ambjentali. Jenħtieġ li dawk ir-riżultati jiġu ppreżentati f’konformità mar-rekwiżiti stabbiliti fid-Deċiżjoni tal-Kummissjoni 2009/770/KE (8).

(13)

L-opinjoni tal-Awtorità ma tiġġustifikax l-impożizzjoni ta’ kundizzjonijiet jew ta’ restrizzjonijiet speċifiċi oħra għat-tqegħid fis-suq, għall-użu u għall-immanipular jew għall-ħarsien ta’ ekosistemi/ambjent jew ta’ żoni ġeografiċi partikolari, kif previst fl-Artikolu 6(5)(e) u fl-Artikolu 18(5)(e) tar-Regolament (KE) Nru 1829/2003.

(14)

Jenħtieġ li l-informazzjoni rilevanti kollha dwar l-awtorizzazzjoni tal-prodotti koperti b’din id-Deċiżjoni tiddaħħal fir-reġistru Komunitarju tal-ikel u l-għalf modifikati ġenetikament imsemmi fl-Artikolu 28(1) tar-Regolament (KE) Nru 1829/2003.

(15)

Din id-Deċiżjoni trid tiġi nnotifikata permezz taċ-Ċentru ta’ Skambju ta’ Informazzjoni dwar il-Bijosikurezza lill-Partijiet tal-Protokoll ta’ Cartagena dwar il-Bijosigurtà lill-Konvenzjoni dwar id-Diversità Bioloġika, skont l-Artikolu 9(1) u l-Artikolu 15(2)(c) tar-Regolament (KE) Nru 1946/2003 tal-Parlament Ewropew u tal-Kunsill (9).

(16)

Il-Kumitat Permanenti dwar il-Pjanti, l-Annimali, l-Ikel u l-Għalf ma ħariġx l-opinjoni tiegħu fil-limitu taż-żmien stabbilit mill-President tiegħu. Tqies li dan l-att ta’ implimentazzjoni kien meħtieġ u l-President issottomettih lill-kumitat ta’ appell biex jitkomplew id-deliberazzjonijiet. Il-kumitat tal-appell ma tax opinjoni,

(a)

l-identifikatur uniku DP-ØØ4114-3 x MON-89Ø34-3 x MON-87411-9 x DAS-4Ø278-9 għall-qamħirrum ġenetikament modifikat DP4114 x MON89034 x MON87411 x DAS-40278-9;

(b)

l-identifikatur uniku DAS-4Ø278-9 x DP-ØØ4114-3 x MON-87411-9 għall-qamħirrum ġenetikament modifikat DAS-40278-9 x DP4114 x MON 87411;

(c)

l-identifikatur uniku MON-89Ø34-3 x DP-ØØ4114-3 x MON-87411-9 għall-qamħirrum ġenetikament modifikat MON 89034 x DP4114 x MON 87411;

(d)

l-identifikatur uniku MON-89Ø34-3 x DAS-4Ø278-9 x MON-87411-9 għall-qamħirrum ġenetikament modifikat MON 89034 x DAS-40278-9 x MON 87411;

(e)

l-identifikatur uniku MON-89Ø34-3 x DAS-4Ø278-9 x DP-ØØ4114-3 għall-qamħirrum ġenetikament modifikat MON 89034 x DAS-40278-9 x DP4114;

(f)

l-identifikatur uniku DP-ØØ4114-3 x MON-87411-9 għall-qamħirrum ġenetikament modifikat DP4114 × MON 87411;

(g)

l-identifikatur uniku DAS-4Ø278-9 x MON-87411-9 għall-qamħirrum ġenetikament modifikat DAS-40278-9 × MON 87411;

(h)

l-identifikatur uniku DAS-4Ø278-9 x DP-ØØ4114-3 għall-qamħirrum ġenetikament modifikat DAS-40278-9 x DP4114;

(i)

l-identifikatur uniku MON-89Ø34-3 x DP-ØØ4114-3 għall-qamħirrum ġenetikament modifikat MON 89034 x DP4114.

(a)

l-ikel u l-ingredjenti tal-ikel li fihom il-qamħirrum ġenetikament modifikat kif imsemmi fl-Artikolu 1, li jkunu jikkonsistu minnu jew li jkunu prodotti minnu u mis-subkombinazzjonijiet tiegħu;

(b)

l-għalf li fih il-qamħirrum ġenetikament modifikat kif imsemmi fl-Artikolu 1, li jkun jikkonsisti minnu jew li jkun prodott minnu u mis-subkombinazzjonijiet tiegħu;

(c)

il-prodotti li fihom il-qamħirrum ġenetikament modifikat jew li jikkonsistu minnu u mis-subkombinazzjonijiet tiegħu, kif imsemmi fl-Artikolu 1 għal użi għajr dawk previsti fil-punti (a) u (b), bl-eċċezzjoni tal-kultivazzjoni.