(1)

Ir-Regolament (KE) Nru 66/2010 jipprevedi li l-Ekotikketta tal-UE tista’ tiġi mgħotija lill-prodotti li jħallu l-anqas impatt ambjentali tul iċ-ċiklu kollu ta’ ħajjithom. Se jiġu stabbiliti kriterji speċifiċi tal-Ekotikketta tal-UE għal kull grupp ta’ prodotti.

(2)

Permezz tad-Deċiżjoni tal-Kummissjoni (UE) 2017/1214 (2), il-kriterji tal-Ekotikketta tal-UE ġew stabbiliti għall-grupp ta’ prodotti “deterġenti għall-ħasil tal-platti bl-idejn”. Il-validità ta’ dawk il-kriterji u r-rekwiżiti ta’ valutazzjoni u ta’ verifika relatati se tiskadi fis-26 ta’ Ġunju 2023.

(3)

Permezz tad-Deċiżjoni tal-Kummissjoni (UE) 2017/1215 (3), il-kriterji tal-Ekotikketta tal-UE ġew stabbiliti għall-grupp ta’ prodotti “deterġenti għall-magni tal-ħasil tal-platti industrijali u istituzzjonali”. Il-validità ta’ dawk il-kriterji u r-rekwiżiti ta’ valutazzjoni u ta’ verifika relatati se tiskadi fis-26 ta’ Ġunju 2023.

(4)

Permezz tad-Deċiżjoni tal-Kummissjoni (UE) 2017/1216 (4), il-kriterji tal-Ekotikketta tal-UE ġew stabbiliti għall-grupp ta’ prodotti “deterġenti għall-magni tal-ħasil tal-platti”. Il-validità ta’ dawk il-kriterji u r-rekwiżiti ta’ valutazzjoni u ta’ verifika relatati se tiskadi fis-26 ta’ Ġunju 2023.

(5)

Permezz tad-Deċiżjoni tal-Kummissjoni (UE) 2017/1217 (5), il-kriterji tal-Ekotikketta tal-UE ġew stabbiliti għall-grupp ta’ prodotti “prodotti tat-tindif għal uċuħ ebsin”. Il-validità ta’ dawk il-kriterji u r-rekwiżiti ta’ valutazzjoni u ta’ verifika relatati se tiskadi fis-26 ta’ Ġunju 2023.

(6)

Permezz tad-Deċiżjoni tal-Kummissjoni (UE) 2017/1218 (6), il-kriterji tal-Ekotikketta tal-UE ġew stabbiliti għall-grupp ta’ prodotti “deterġenti għall-ħasil tal-ħwejjeġ”. Il-validità ta’ dawk il-kriterji u r-rekwiżiti ta’ valutazzjoni u ta’ verifika relatati se tiskadi fis-26 ta’ Ġunju 2023.

(7)

Permezz tad-Deċiżjoni tal-Kummissjoni (UE) 2017/1219 (7), il-kriterji tal-Ekotikketta tal-UE ġew stabbiliti għall-grupp ta’ prodotti “deterġenti tal-ħasil tal-ħwejjeġ industrijali u istituzzjonali”. Il-validità ta’ dawk il-kriterji u r-rekwiżiti ta’ valutazzjoni u ta’ verifika relatati se tiskadi fis-26 ta’ Ġunju 2023.

(8)

Permezz tad-Deċiżjoni tal-Kummissjoni (UE) 2018/680 (8), il-kriterji tal-Ekotikketta tal-UE ġew stabbiliti għall-grupp ta’ prodotti “servizzi tat-tindif ta’ ġewwa”. Il-validità ta’ dawk il-kriterji u r-rekwiżiti ta’ valutazzjoni u ta’ verifika relatati se tiskadi fit-3 ta’ Mejju 2023.

(9)

F’konformità mal-konklużjonijiet tal-Kontroll tal-Idoneità tal-Ekotikketta tal-UE tat-30 ta’ Ġunju 2017 (9), il-Kummissjoni, bil-pariri u l-assistenza tal-Bord tal-Ekotikkettar tal-UE, ivvalutat u kkonfermat ir-rilevanza tal-kriterji tal-Ekotikketta tal-UE għall-gruppi ta’ prodotti msemmija hawn, filwaqt li implimentat soluzzjonijiet biex jittejbu s-sinerġiji bejn il-gruppi ta’ prodotti u biex tiżdied l-adozzjoni tal-Ekotikketta tal-UE. Dan jinkludi r-raggruppament ta’ gruppi ta’ prodotti li huma relatati mill-qrib, fejn ikun xieraq, u l-iżgurar li, matul il-proċess ta’ reviżjoni tal-kriterji tal-Ekotikketta tal-UE, il-Kummissjoni tagħti attenzjoni xierqa lill-koerenza bejn il-politiki, il-leġiżlazzjoni u l-evidenza xjentifika rilevanti tal-Unjoni.

(10)

Il-valutazzjoni msemmija hawn fuq żvelat li, għall-gruppi ta’ prodotti tad-deterġenti, meħtieġa reviżjoni sabiex tiġi żgurata l-koerenza ma’ politiki oħra tal-Unjoni. Dik ir-reviżjoni se tqis l-eżitu tar-reviżjoni li għaddejja tar-Regolament (KE) Nru 648/2004 tal-Parlament Ewropew u tal-Kunsill (10). Għas-servizzi tat-tindif ta’ ġewwa, il-kriterji tqiesu li għadhom aġġornati u x’aktarx li jkunu aġġornati fis-snin li ġejjin. Għalhekk, ir-reviżjoni tal-kriterji relatati tista’ tibda fi stadju aktar tard li tippermetti wkoll referenzi għall-kriterji riveduti dwar id-deterġenti.

(11)

Għalhekk, sabiex il-Kummissjoni twettaq ir-reviżjoni tal-kriterji relatati f’sinerġija mal-inizjattivi leġiżlattivi li jmiss u tirraggruppahom flimkien, jekk possibbli, huwa xieraq li l-validità tal-kriterji tal-Ekotikketta tal-UE stabbiliti fid-Deċiżjonijiet (UE) 2017/1214, (UE) 2017/1215, (UE) 2017/1216, (UE) 2017/1217, (UE) 2017/1218, (UE) 2017/1219 u (UE) 2018/680 tiġi estiża.

(12)

Sabiex ikun hemm biżżejjed żmien biex jiġu ffinalizzati l-proċessi ta’ reviżjoni u biex tiġi żgurata l-kontinwità tas-suq għad-detenturi tal-liċenzji bejn il-verżjonijiet attwali u dawk riveduti tal-kriterji, il-perjodu ta’ validità tal-kriterji attwali u tar-rekwiżiti ta’ valutazzjoni u ta’ verifika relatati jenħtieġ li jiġi estiż sal-31 ta’ Diċembru 2026 għad-deterġenti għall-ħasil tal-platti bl-idejn, għad-deterġenti għall-magni tal-ħasil tal-platti industrijali u istituzzjonali, għad-deterġenti għall-magni tal-ħasil tal-platti, għall-prodotti tat-tindif għal uċuħ ebsin, għad-deterġenti għall-ħasil tal-ħwejjeġ, għad-deterġenti tal-ħasil tal-ħwejjeġ industrijali u istituzzjonali. Għas-servizzi tat-tindif ta’ ġewwa, il-perjodu ta’ validità tal-kriterji attwali u tar-rekwiżiti ta’ valutazzjoni u ta’ verifika relatati jenħtieġ li jiġi estiż sal-31 ta’ Diċembru 2027.

(13)

Għalhekk, jenħtieġ li d-Deċiżjonijiet (UE) 2017/1214, (UE) 2017/1215, (UE) 2017/1216, (UE) 2017/1217, (UE) 2017/1218 u (UE) 2017/1219, (UE) 2018/680 jiġu emendati skont dan.

(14)

Il-miżuri previsti f’din id-Deċiżjoni huma f’konformità mal-opinjoni tal-Kumitat stabbilit bl-Artikolu 16 tar-Regolament (KE) Nru 66/2010,