27.2.2023 |
MT |
Il-Ġurnal Uffiċjali tal-Unjoni Ewropea |
L 61/68 |
DEĊIŻJONI TA’ IMPLIMENTAZZJONI TAL-KUMMISSJONI (UE) 2023/424
tal-24 ta’ Frar 2023
li temenda d-Deċiżjoni ta’ Implimentazzjoni (UE) 2019/450 fir-rigward tal-pubblikazzjoni tar-referenzi tad-Dokumenti Ewropej ta’ Valutazzjoni għall-ħġieġ bil-folja speċjali miġbud u prodotti oħra għall-bini
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 305/2011 tal-Parlament Ewropew u tal-Kunsill tad-9 ta’ Marzu 2011 li jistabbilixxi kundizzjonijiet armonizzati għall-kummerċjalizzazzjoni tal-prodotti għall-bini u li jħassar id-Direttiva tal-Kunsill 89/106/KEE (1), u b’mod partikolari l-Artikolu 22 tiegħu,
Billi:
(1) |
F’konformità mar-Regolament (UE) Nru 305/2011, il-Korpi tal-Valutazzjoni Teknika għandhom jużaw il-metodi u l-kriterji provduti fid-Dokumenti Ewropej ta’ Valutazzjoni, li r-referenzi tagħhom ġew ippubblikati f’Il-Ġurnal Uffiċjali tal-Unjoni Ewropea, għall-valutazzjoni tal-prestazzjoni tal-prodotti għall-bini koperti minn dawk id-dokumenti b’rabta mal-karatteristiċi essenzjali tagħhom. |
(2) |
F’konformità mal-Artikolu 19 tar-Regolament (UE) Nru 305/2011, b’segwitu għal diversi talbiet mill-manifatturi għal Valutazzjonijiet Tekniċi Ewropej, l-organizzazzjoni tal-Korpi tal-Valutazzjoni Teknika fasslet u adottat 10 Dokumenti Ewropej ta’ Valutazzjoni. |
(3) |
Id-Dokumenti Ewropej ta’ Valutazzjoni li ġew imfassla u adottati mill-organizzazzjoni tal-Korpi tal-Valutazzjoni Teknika huma relatati mal-prodotti għall-bini li ġejjin:
|
(4) |
Id-Dokumenti Ewropej ta’ Valutazzjoni li ġew imfassla u adottati mill-organizzazzjoni tal-Korpi tal-Valutazzjoni Teknika jissodisfaw l-esiġenzi fir-rigward tar-rekwiżiti bażiċi għax-xogħlijiet ta’ bini stabbiliti fl-Anness I tar-Regolament (UE) Nru 305/2011. Għalhekk jixraq li r-referenzi għal dawk id-Dokumenti Ewropej ta’ Valutazzjoni jiġu ppubblikati f’Il-Ġurnal Uffiċjali tal-Unjoni Ewropea. |
(5) |
Il-lista tar-referenzi għad-Dokumenti Ewropej ta’ Valutazzjoni tal-prodotti għall-bini ġiet ippubblikata skont id-Deċiżjoni ta’ Implimentazzjoni tal-Kummissjoni (UE) 2019/450 (2). Għal raġunijiet ta’ ċarezza, jenħtieġ li r-referenzi għad-Dokumenti Ewropej ta’ Valutazzjoni l-ġodda jiżdiedu ma’ dik il-lista. |
(6) |
Għalhekk, jenħtieġ li d-Deċiżjoni ta’ Implimentazzjoni (UE) 2019/450 tiġi emendata skont dan. |
(7) |
Sabiex jiġi ffaċilitat l-użu tad-Dokumenti Ewropej ta’ Valutazzjoni minn kmieni kemm jista’ jkun, jenħtieġ li din id-Deċiżjoni tidħol fis-seħħ fil-jum tal-pubblikazzjoni tagħha, |
ADOTTAT DIN ID-DEĊIŻJONI:
Artikolu 1
L-Anness tad-Deċiżjoni ta’ Implimentazzjoni (UE) 2019/450 huwa emendat f’konformità mal-Anness ta’ din id-Deċiżjoni.
Artikolu 2
Din id-Deċiżjoni għandha tidħol fis-seħħ fil-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fi Brussell, l-24 ta’ Frar 2023.
Għall-Kummissjoni
Il-President
Ursula VON DER LEYEN
(2) Id-Deċiżjoni ta' Implimentazzjoni tal-Kummissjoni (UE) 2019/450 tad-19 ta' Marzu 2019 dwar il-pubblikazzjoni tad-Dokumenti Ewropej ta' Valutazzjoni (EADs) għall-prodotti tal-bini abbozzati b'appoġġ tar-Regolament (UE) Nru 305/2011 tal-Parlament Ewropew u tal-Kunsill (ĠU L 77, 20.3.2019, p. 78).
ANNESS
Fl-Anness tad-Deċiżjoni ta’ Implimentazzjoni (UE) 2019/450, ir-ringieli li ġejjin jiddaħħlu f’ordni sekwenzjali skont l-ordni tan-numri ta’ referenza:
“300010-00-0505 |
Drawn Sheet Glass Speċjali” |
“080013-00-0102 |
Geogrids rettangolari għall-istabbilizzazzjoni ta’ strati granulari mhux legati taħt tagħbija applikata” |
“210138-00-0504 |
Twavel magħmula minn kartun tax-xorb riċiklat għall-użu fil-kostruzzjoni” |
“160012-01-0301 |
Vireg tal-azzar headed reinforcement (tissostitwixxi l-ispeċifikazzjoni teknika “EAD 160012-00-0301”)” |
“350454-00-1104-v01 |
Siġilli ta’ penetrazzjoni kkombinati għal umidifikaturi tan-nar” |
“331668-00-0601 |
Rovings tal-ħġieġ, basalt, aramid, carbon, PBO u azzar għal fiber-reinforced anchor spikes” |
“040049-01-0502 |
Polyurethane (PU) foam mat jew polyester tal-fibra mat biex jintuża għal impact sound insulation (tissostitwixxi l-ispeċifikazzjoni teknika “EAD 040049-00-0502”)” |
“041125-00-1201 |
Prodotti ta’ iżolament termali u/jew akustiċi ffurmati fil-post magħmula minn materjal tat-tip loose fill li jifilħu għat-tagħbija magħmula minn fibri veġetali li jintużaw fil-kostruzzjoni tal-art” |
“330083-03-0601 |
Power-actuated fastener għal użu multiplu fil-konkos għal applikazzjonijiet mhux strutturali (tissostitwixxi l-ispeċifikazzjoni teknika “EAD 330083-02-0601”) |
“041559-00-1201 |
Iżolament termali u u tikħil tal-ħitan fuq ġewwa/tikħil tal-ħitan fuq barra li jassorbi l-ħsejjes”. |